Hujjat 18.12.2020 00 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Respublikaning seysmik faol hududlarida joylashgan suv omborlarida instrumental seysmologik kuzatuvlarni doimiy amalga oshirish tizimini joriy etish toʻgʻrisida
Oʻzbekiston Respublikasi Prezidentining “Oʻzbekiston Respublikasi aholisi va hududining seysmik xavfsizligini taʼminlash tizimini tubdan takomillashtirish chora-tadbirlari toʻgʻrisida” 2020-yil 30-iyuldagi PQ-4794-son qarori ijrosini taʼminlash hamda respublikaning seysmik faol hududlarida joylashgan suv omborlarida instrumental seysmologik kuzatuvlarni doimiy amalga oshirish tizimini joriy etish maqsadida Vazirlar Mahkamasi qaror qiladi:
1. Oʻzbekiston Respublikasi Favqulodda vaziyatlar vazirligi, Fanlar akademiyasi, Suv xoʻjaligi vazirligining respublikaning seysmik faol hududlarida joylashgan suv omborlarida instrumental seysmologik kuzatuvlarni doimiy amalga oshirish tizimini bosqichma-bosqich joriy etish toʻgʻrisidagi taklifi maʼqullansin.
2. Quyidagilar:
Respublikaning seysmik faol hududlarida joylashgan suv omborlarida instrumental seysmologik kuzatuvlarni doimiy amalga oshirish tartibi toʻgʻrisidagi nizom 1-ilovaga muvofiq;
Suv omborlarida instrumental seysmologik kuzatuvlarni amalga oshirish uchun sotib olinishi zarur boʻlgan asbob-uskunalar va ularning butlovchi qismlari roʻyxati 2-ilovaga muvofiq tasdiqlansin.
Keyingi tahrirga qarang.
3. Oʻzbekiston Respublikasi Suv xoʻjaligi vazirligi va “Oʻzbekgidroenergo” AJ:
a) Oʻzbekiston Respublikasi Fanlar akademiyasi va Favqulodda vaziyatlar vazirligi bilan birgalikda 2021-yil 1-martdan boshlab:
Keyingi tahrirga qarang.
respublikaning seysmik faol hududlarida joylashgan suv omborlarida seysmologik kuzatuvlarni doimiy amalga oshirish tizimini bosqichma-bosqich joriy etsin va takomillashtirib borsin;
suv omborlarida seysmologik kuzatuvlarni doimiy amalga oshirish tizimini bosqichma-bosqich joriy etish uchun zarur shart-sharoitlar yaratilishini, shuningdek, tadqiqotlar uchun zarur boʻladigan barcha maʼlumotlar belgilangan tartibda taqdim etilishini nazoratga olsin;
shartnoma asosida seysmologik kuzatuvlar tashkil etilishi, faoliyat yuritishi va takomillashtirilishiga amaliy yordam koʻrsatsin;
b) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda seysmologik kuzatuvlarni doimiy amalga oshirish tizimi joriy etilishini hisobga olgan holda, “Elektron hukumat” tizimini takomillashtirsin.
Keyingi tahrirga qarang.
4. Oʻzbekiston Respublikasi Suv xoʻjaligi vazirligi, “Oʻzbekgidroenergo” AJ, Fanlar akademiyasi va Favqulodda vaziyatlar vazirligi ikki oy muddatda respublikaning seysmik faol hududlarida joylashgan suv omborlarida seysmologik kuzatuvlarni doimiy amalga oshirish tizimini bosqichma-bosqich tashkil etish va takomillashtirish boʻyicha kompleks chora-tadbirlar dasturini ishlab chiqsin va tasdiqlasin.
5. Belgilansinki, Oʻzbekiston Respublikasi Vazirlar Mahkamasi huzuridagi Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi hisobidan 2-ilovada koʻrsatilgan asbob-uskunalar va ularning butlovchi qismlari xarid qilinadi.
Keyingi tahrirga qarang.
6. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi seysmologik kuzatuv olib boriladigan obyektlar oʻrtasida belgilangan tartibda himoyalangan axborot almashinuvi tarmogʻini tashkil etsin va uzluksiz ishlashini taʼminlasin.
Keyingi tahrirga qarang.
7. Oʻzbekiston Respublikasi Favqulodda vaziyatlar vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshligʻi O.M. Umarov, Oʻzbekiston Respublikasi Favqulodda vaziyatlar vazirining birinchi oʻrinbosari A.X. Qoʻldoshev va Oʻzbekiston Respublikasi Fanlar akademiyasi prezidenti B.S. Yuldashev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 17-dekabr,
792-son
Vazirlar Mahkamasining 2020-yil 17 dekabrdagi 792-son qaroriga
1-ILOVA
Keyingi tahrirga qarang.
Respublikaning seysmik faol hududlarida joylashgan suv omborlarida instrumental seysmologik kuzatuvlarni doimiy amalga oshirish tartibi toʻgʻrisida
NIZOM
1-bob. Umumiy qoidalar
1. Ushbu Nizom respublikaning seysmik faol hududlarida joylashgan suv omborlarida seysmologik kuzatuvlarni doimiy amalga oshirish tizimi (keyingi oʻrinlarda — seysmologik kuzatuv tizimi) tartibini belgilaydi.
2. Seysmologik kuzatuv tizimi suv omborlarining seysmik holatiga taʼsir koʻrsatuvchi omillar toʻgʻrisidagi axborotlarni tizimli ravishda toʻplab borish, qayta ishlash hamda tahlil qilish, suv omborlariga suvni yigʻish va chiqarish, shuningdek, suv omborlaridan foydalanish jarayonidagi seysmik rejim oʻzgarishini baholash va tegishli tavsiyalarni berishni oʻz ichiga oladi.
3. Seysmologik kuzatuv tizimi atrof tabiiy muhit davlat monitoringi kompleks tizimining tarkibiy qismi hisoblanadi.
2-bob. Seysmologik kuzatuv tizimining maqsadi va vazifalari
4. Respublikaning seysmik faol hududlarida joylashgan suv omborlari (keyingi oʻrinlarda — suv omborlari) seysmologik kuzatuv tizimining obyektlari hisoblanadi.
5. Suv omborlarida seysmologik kuzatuvlarni tizimli ravishda amalga oshirish, ularning toʻgʻonlari, qirgʻoq nishabliklari va boshqa alohida inshootlarining seysmik mustahkamligini doimiy nazorat qilish, suv omborlariga suvni yigʻish va chiqarish, shuningdek, suv omborlaridan foydalanish jarayonida yuzaga keladigan zilzilalarni monitoring qilish seysmologik kuzatuv tizimining asosiy maqsadi hisoblanadi.
6. Quyidagilar seysmologik kuzatuv tizimining vazifalari hisoblanadi:
suv omborlarida muntazam ravishda seysmologik kuzatuv ishlarini tashkil etish;
suv omborlarida maxsus seysmik tadqiqotlar olib borish, jumladan, suv omborlariga suvni yigʻish va chiqarish, shuningdek, suv omborlaridan foydalanish jarayonida yuzaga keladigan zilzilalarni monitoring qilish;
suv omborlari, ularning toʻgʻonlari, qirgʻoq nishabliklari (qiyaliklari) va boshqa alohida inshootlari, asos qismlari va suv oʻzanlarini turli jadallikdagi zilzilalar vaqtidagi holati toʻgʻrisida seysmologik kuzatuvlar boʻyicha maʼlumotlarni toʻplash;
seysmologik kuzatuv maʼlumotlari asosida suv omborlari toʻgʻonlarining dinamik xossalarini oʻrganish va kuchlanganlik-deformatsiyalanganlik holatini baholash;
suv omborlarida seysmologik kuzatuvlarni olib borish boʻyicha foydalanuvchi tashkilotlar rahbarlari va xodimlarining malakasini oshirishni tashkil qilish.
Keyingi tahrirga qarang.
3-bob. Seysmologik kuzatuv tizimi
7. Seysmologik kuzatuv tizimi suv omborida seysmologik kuzatuvlarni doimiy amalga oshirishni nazarda tutadi.
8. Seysmologik kuzatuv tizimi quyidagilardan iborat:
suv omborlarida doimiy seysmologik kuzatuv ishlarini tashkil etish;
suv omborlari va ularning hududida maxsus seysmologik tadqiqotlar olib borish va ularga suvni yigʻish hamda ulardan foydalanishda yuzaga keladigan zilzilalarni monitoring qilish;
suv omborlarida, ularning alohida inshootlarida turli jadallikdagi zilzilalar vaqtidagi holat toʻgʻrisida seysmologik kuzatuvlar boʻyicha maʼlumotlarni toʻplash;
suv omborlarining seysmologik va seysmik mustahkamlik holatini baholash hamda tegishli takliflarni berish.
9. Suv omborlarida seysmologik kuzatuvlar ularning toʻgʻonlari dinamik xossalarini oʻrganish va kuchlanganlik-deformatsiyalanganlik holatini baholash maqsadida amalga oshiriladi.
10. Suv omborlarini toʻldirish bilan bogʻliq zilzilalar monitoringi suv omborlarini toʻldirish va ulardan foydalanish jarayonida seysmik rejimning oʻzgarishini oʻrganish maqsadida amalga oshiriladi.
4-bob. Seysmologik kuzatuv tizimi faoliyatini tashkil etish va uning faoliyat olib borish tartibi
11. Seysmologik kuzatuv tizimi Vazirlar Mahkamasining “Oʻzbekiston Respublikasining yer qaʼri monitoringini olib borish tartibi toʻgʻrisidagi nizomni tasdiqlash haqida” 2014-yil 12-maydagi 119-son qarori hamda mazkur Nizom talablari asosida amalga oshiriladi.
12. Seysmologik kuzatuv tizimi suv omborlaridan foydalanish shart-sharoitlarini hisobga olgan holda, suv omborlarini ishga tushirish rejalariga va yer qaʼrining tegishli uchastkasidagi faoliyatni tartibga soluvchi normativ-huquqiy hujjatlarga muvofiq amalga oshiriladi.
13. Seysmologik kuzatuvlar ushbu Nizomga ilovadagi sxemaga muvofiq amalga oshiriladi.
14. Oʻzbekiston Respublikasi Suv xoʻjaligi vazirligi va “Oʻzbekgidroenergo” AJ, Favqulodda vaziyatlar vazirligi hamda Fanlar akademiyasi bilan suv omborlarida olib boriladigan doimiy seysmologik kuzatuv natijalari toʻgʻrisidagi maʼlumotlarni muntazam olish maqsadida har yili 10-yanvarga qadar shartnoma tuzadi.
Keyingi tahrirga qarang.
15. Oʻzbekiston Respublikasi Favqulodda vaziyatlar vazirligi Seysmoprognostik monitoring respublika markazi, Fanlar akademiyasi Seysmologiya instituti hamda Mexanika va inshootlar seysmik mustahkamligi instituti tomonidan suv omborlaridan foydalanuvchi tashkilotlar ishtirokida har oyning 25 sanasiga qadar seysmologik kuzatuvlar davomida olingan maʼlumotlar tahlil qilinadi, umumlashtiriladi va tegishli xulosalar ishlab chiqiladi.
Keyingi tahrirga qarang.
16. Kuzatuv natijalarini kompleks tahlil qilish, tegishli xulosalar asosida hisobotlar tayyorlash va Favqulodda vaziyatlar vazirligiga taqdim etish Oʻzbekiston Respublikasi Fanlar akademiyasi Seysmologiya instituti tomonidan har oydan keyingi oyning 5 sanasiga qadar amalga oshiriladi.
Keyingi tahrirga qarang.
17. Seysmologik kuzatuv tizimi faoliyati natijasida olingan axborot, ilmiy-tahliliy natijalar, xulosa va amaliy takliflar Oʻzbekiston Respublikasi Favqulodda vaziyatlar vazirligi tomonidan hisobot kelib tushgandan boshlab 10 kun muddatda gidrotexnika inshootlarining xavfsizligini nazorat qiladigan “Davsuvxoʻjaliknazorat” davlat inspeksiyasiga, Oʻzbekiston Respublikasi Suv xoʻjaligi vazirligiga va “Oʻzbekgidroenergo” AJga taqdim etiladi.
Keyingi tahrirga qarang.
18. Olingan axborot, ilmiy-tahliliy natijalar, xulosa va amaliy takliflar hisobot kelib tushgandan boshlab 3 kun muddatda Oʻzbekiston Respublikasi Suv xoʻjaligi vazirligi, “Davsuvxoʻjaliknazorat” davlat inspeksiyasi, “Oʻzbekgidroenergo” AJ tomonidan oʻrganib chiqiladi.
Keyingi tahrirga qarang.
19. Seysmik rejimning oʻzgarishi natijasida favqulodda vaziyatlarning kelib chiqishi aniqlangan holatlarda yoki kuchli zilzilalarning ehtimoli prognoz qilinganda hamda alohida xavfli vaziyatlar toʻgʻrisida axborot olinganda Oʻzbekiston Respublikasi Favqulodda vaziyatlar vazirligi, Suv xoʻjaligi vazirligi, “Davsuvxoʻjaliknazorat” davlat inspeksiyasi, “Oʻzbekgidroenergo” AJ hamda mahalliy davlat hokimiyati organlari tomonidan tezkorlik bilan tegishli chora-tadbirlar va harakatlar dasturi ishlab chiqilib, tasdiqlanadi.
Keyingi tahrirga qarang.
20. Oʻzbekiston Respublikasi Suv xoʻjaligi vazirligi, “Oʻzbekgidroenergo” AJ hamda mahalliy davlat hokimiyati organlari suv omborlarida seysmologik kuzatuv tizimini amalga oshirish uchun zarur shart-sharoitlar yaratilishini, seysmologik kuzatuv ishlari olib borilishini, shuningdek, tadqiqotlar uchun zarur boʻladigan barcha maʼlumotlar belgilangan tartibda taqdim etilishini hamda suv omboriga seysmologik kuzatuvlar uchun oʻrnatilgan asbob-uskunalarni xavfsiz saqlanishini taʼminlaydi.
21. Seysmologik kuzatuvlar natijalari asosida toʻgʻonda hosil boʻladigan jarayonlarni oʻrganish va solishtirish uchun kerak boʻlgan maʼlumotlar suv omborlariga masʼul boʻlgan tashkilotlar tomonidan Oʻzbekiston Respublikasi Favqulodda vaziyatlar vazirligi Seysmoprognostik monitoring respublika markazi, Fanlar akademiyasining Seysmologiya instituti hamda Mexanika va inshootlar seysmik mustahkamligi institutiga taqdim etiladi.
22. Suv omborlarida seysmologik kuzatuv tizimini amalga oshirish ishlari shartnomalar asosida suv omborlariga masʼul boʻlgan tashkilotlar hisobidan moliyalashtiriladi.
23. Oʻzbekiston Respublikasi Suv xoʻjaligi vazirligi va “Oʻzbekgidroenergo” AJ tomonidan belgilangan hududlarda doimiy seysmologik kuzatuv tizimi Favqulodda vaziyatlar vazirligi tizimidagi tashkilotlarning xodimlari va Fanlar akademiyasi tizimidagi ilmiy tadqiqot institutining ilmiy xodimlari tomonidan amalga oshiriladi.
Keyingi tahrirga qarang.
24. Oʻzbekiston Respublikasi Favqulodda vaziyatlar vazirligi Seysmoprognostik monitoring respublika markazi suv omborlarini toʻldirish bilan bogʻliq zilzilalarni monitoring qilish maqsadida doimiy seysmometrik kuzatuvlar olib boradi.
Keyingi tahrirga qarang.
25. Oʻzbekiston Respublikasi Fanlar akademiyasi Seysmologiya instituti suv omborlari toʻgʻonlarida seysmologik kuzatuvlar olib boradi. Suv ombori taʼsir hududida seysmik kuzatuv tizimini takomillashtirish boʻyicha ilmiy xulosalar beradi. Suv omborlarini suv bilan toʻldirish va suvdan foydalanish jarayonida seysmik rejimning oʻzgarishini baholaydi.
Keyingi tahrirga qarang.
26. Oʻzbekiston Respublikasi Fanlar akademiyasi Mexanika va inshootlar seysmik mustahkamligi instituti toʻgʻonlarning seysmik mustahkamligini doimiy nazorat qilish uslublarini ishlab chiqadi va instrumental kuzatuv maʼlumotlari asosida suv omborlari toʻgʻonlarining dinamik xossalarini oʻrganib, ularning kuchlanganlik-deformatsiyalanganlik holatini baholaydi.
Keyingi tahrirga qarang.
27. Seysmologik kuzatuvlar haqida berilgan axborotda seysmik rejimning oʻzgarishlarini hisobga olgan holda suv omborlari toʻgʻonlarining dinamik holati toʻgʻrisidagi maʼlumotlar hamda tegishli choralar koʻrish uchun xulosalar va tavsiyalar berib boriladi.
Keyingi tahrirga qarang.
Keyingi tahrirga qarang.
5-bob. Yakunlovchi qoidalar
28. Seysmologik kuzatuvlar bilan bogʻliq maʼlumotlarni Oʻzbekiston Respublikasi Favqulodda vaziyatlar vazirligi, Suv xoʻjaligi vazirligi, “Oʻzbekgidroenergo” AJ hamda mahalliy davlat hokimiyati organlariga taqdim etish taqiqlanmaydi, davlat sirlari bilan bogʻliq boʻlgan maʼlumotlar bundan mustasno.
Davlat sirlariga oid monitoring maʼlumotlarini umumlashtirish va berish tartibi hamda shartlari “Davlat sirlarini saqlash toʻgʻrisida”gi Oʻzbekiston Respublikasining Qonunida belgilangan tartibda amalga oshiriladi.
Keyingi tahrirga qarang.
29. Davlat organlari va tashkilotlarining rahbarlari, shuningdek, suv omborlaridan foydalanuvchi tashkilotlar monitoring natijalarining tahlili va ular bilan solishtirish uchun kerak boʻladigan suv omborlari ekspluatatsiyasi boʻyicha maʼlumotlarning toʻgʻriligi uchun qonun hujjatlariga muvofiq masʼuldirlar.
Keyingi tahrirga qarang.
30. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
Keyingi tahrirga qarang.
Respublikaning seysmik faol hududlarida joylashgan suv omborlarida instrumental seysmologik kuzatuvlarni doimiy amalga oshirish tizimi toʻgʻrisidagi nizomga
ILOVA
Respublikaning seysmik faol hududlarida joylashgan suv omborlarida instrumental seysmologik kuzatuvlarni amalga oshirish
SXEMASI

Bosqichlar

Masʼullar

Amalga oshirish mexanizmi

Muddati

1-bosqich

Suv xoʻjaligi vazirligi, “Oʻzbekgidroenergo” AJ

Favqulodda vaziyatlar vazirligi hamda Fanlar akademiyasi bilan suv omborlarida olib boriladigan doimiy seysmologik kuzatuv natijalari toʻgʻrisidagi maʼlumotlarni muntazam olish maqsadida shartnoma tuzish.

har yili 10-yanvarga qadar


2-bosqich

Seysmoprognostik monitoring respublika markazi, Seysmologiya instituti, Mexanika va inshootlar seysmik mustahkamligi instituti

Suv omborlaridan foydalanuvchi tashkilotlar ishtirokida seysmologik kuzatuvlar davomida olingan maʼlumotlarni tahlil qilish, umumlashtirish va tegishli xulosalar ishlab chiqish.

har oyning 25 sanasiga qadar


3-bosqich

Seysmologiya instituti

Kuzatuv natijalarini kompleks tahlil qilish, tegishli xulosalar asosida hisobotlar tayyorlash va Favqulodda vaziyatlar vazirligiga taqdim etish.

har oydan keyingi oyning 5 sanasiga qadar


4-bosqich

Favqulodda vaziyatlar vazirligi

Seysmologik kuzatuv tizimi faoliyati natijasida olingan axborot, ilmiy-tahliliy natijalar, xulosa va amaliy takliflarni “Davsuvxoʻjaliknazorat” davlat inspeksiyasiga, Suv xoʻjaligi vazirligiga va “Oʻzbekgidroenergo” AJga taqdim etish.

hisobot kelib tushgandan boshlab 10 kun muddatda


5-bosqich

Favqulodda vaziyatlar vazirligi, Suv xoʻjaligi vazirligi, “Davsuvxoʻjaliknazorat” davlat inspeksiyasi, “Oʻzbekgidroenergo” AJ hamda mahalliy davlat hokimiyati organlari

1. Olingan axborot, ilmiy-tahliliy natijalar, xulosa va amaliy takliflarni oʻrganib chiqish.

hisobot kelib tushgandan boshlab 3 kun muddatda

2. Seysmik rejimning oʻzgarishi natijasida favqulodda vaziyatlarning kelib chiqishi aniqlangan holatlarda yoki kuchli zilzilalarning ehtimoli prognoz qilinganda hamda alohida xavfli vaziyatlar toʻgʻrisida axborot olinganda tezkorlik bilan tegishli chora-tadbirlar va harakatlar dasturini ishlab chiqib, tasdiqlash.

doimiy

Keyingi tahrirga qarang.
Vazirlar Mahkamasining 2020-yil 17-dekabrdagi 792-son qaroriga
2-ILOVA
Suv omborlarida instrumental seysmologik kuzatuvlarni amalga oshirish uchun sotib olinishi zarur boʻlgan asbob-uskunalar va ularning butlovchi qismlari
ROʻYXATI

T/r

Muassasa nomi

Asbob-uskunaning nomi*

Oʻlchov birligi

shu jumladan, yillar boʻyicha:

Jami

2021-yil

2022-yil

2023-yil

2024-yil

1.

Favqulodda vaziyatlar vazirligi Seysmoprognostik monitoring respublika markazi

1. Raqamli seysmograf (toʻplamda: seysmometr, raqamli registrator, GPS-antenna)

toʻplam

18

18

18

18

72

2. Quyosh batareyasi (toʻplamda: 100 Vt li quyosh paneli, 100 A/Ch li geliy akkumulyator, 12/24 V, 10A quvvatlantiruvchi nazorat asbobi)

toʻplam

18

18

18

18

72

3. Raqamli seysmograf uchun kamera

dona

18

18

18

18

72

2.

Fanlar akademiyasi Seysmologiya instituti

1. Oʻlchov nuqta toʻplami (toʻplamda: raqamli seysmograf, 100 Vt li quyosh paneli, 100A/Ch li geliy akkumulyator, 12/24 V, 10A quvvatlantiruvchi nazorat asbobi, optik tolali ulagich)

toʻplam

22

23

21

25

91

2. Operator xonasidagi toʻplami (toʻplamda: kompyuter, Ethernet switch, Fibre-Ethernet modullari uchun REK shassi)

toʻplam

4

4

4

4

16

3. Optik kabel

m

12800

38900

33700

31500

116 900

4. Oʻlchov nuqta uchun kamera

dona

22

23

21

25

91

* Asbob-uskunalarning TIF TN boʻyicha uzil-kesil kodlari ularni bojxonada rasmiylashtirish vaqtida belgilanadi.
Asbob-uskunalarni xarid qilish boʻyicha shartnomalarni tuzish, qonun hujjatlarida belgilangan tartibda tegishliligiga qarab, Favqulodda vaziyatlar vazirligi va Fanlar akademiyasi tomonidan amalga oshiriladi.
Keyingi tahrirga qarang.
Keyingi tahrirga qarang.

(Qonun hujjatlari maʼlumotlari milliy bazasi, 18.12.2020-y., 09/20/792/1636-son; Qonunchilik maʼlumotlari milliy bazasi, 05.04.2022-y., 09/22/153/0266-son; 20.09.2023-y., 09/23/479/0714-son; 28.09.2023-y., 09/23/500/0732-son; 08.08.2025-y., 09/25/504/0707-son)