oʻn yettinchi xatboshidagi “Oʻzbekiston avtomobil va daryo transporti agentligi” soʻzlari “Oʻzbekiston Respublikasi Transport vazirligi” soʻzlari bilan almashtirilsin;

oʻn sakkizinchi xatboshiga “qatʼiy hisobda turadigan” soʻzlaridan keyin “va QR kodga ega boʻlgan” soʻzlari qoʻshilsin;

v) quyidagi mazmundagi 3¹ va 3²-bandlar qoʻshilsin:

“3¹. Imtiyozli yurish huquqiga ega boʻlgan yoʻlovchilar (pensionerlar, nogironligi boʻlgan shaxslar, talabalar va umumiy oʻrta taʼlim muassasalari, akademik litseylar, kasb-hunar maktablari, kollejlar hamda texnikumlar oʻquvchilari) tomonidan imtiyozli transport kartalari orqali toʻlovlar umumiy foydalaniladigan transportning (yoʻnalishli va yoʻnalishsiz taksidan tashqari) amaldagi tariflarning 50 foizlik imtiyozini hisobga olgan holda amalga oshiriladi.

3². Imtiyozli transport kartasidan foydalangan holda umumiy foydalaniladigan transportdan (yoʻnalishli va yoʻnalishsiz taksidan tashqari) bepul foydalanish huquqiga ega boʻlgan yoʻlovchilar sifatida “Shahar yoʻlovchilar transportidan bepul foydalanishni tartibga solish toʻgʻrisida”gi Oʻzbekiston Respublikasining Qonuni va Vazirlar Mahkamasining “Toshkent metropolitenida pensionerlarni bepul tashish toʻgʻrisida” 2017-yil 9-martdagi 128-son qarorida nazarda tutilgan shaxslar eʼtirof etiladi”;

g) 4 va 5-bandlar quyidagi tahrirda bayon qilinsin:

“4. Tashilgan yoʻlovchilar soni umumiy foydalaniladigan transportda (avtobus, elektrobus, trolleybus, yoʻnalishli va yoʻnalishsiz taksi, tramvay, metropolitenda) bajariladigan shaharda, shahar atrofida, shaharlararo, xalqaro tashuvlarning har bir turi hamda soatlar boʻyicha tashuvlar uchun alohida-alohida aniqlanadi.

5. Shahar yoʻnalishida umumiy foydalaniladigan transportda (avtobus, elektrobus, trolleybus, yoʻnalishli taksi, tramvay va metropolitenda) tashilgan yoʻlovchilar soni:

cheklangan tariflarni qoʻllagan holda — sotilgan bir martalik chiptalar soni boʻyicha yoki tushumni cheklangan tarifga taqsimlash yoʻli bilan aniqlanadi. Bunda, elektron toʻlov tizimi operatorlariga amaldagi cheklangan tariflarga nisbatan 10 foizgacha chegirma taqdim etilishi mumkin;

transport kartasidan foydalangan holda — transport kartasidan foydalangan yoʻlovchilarning, jumladan imtiyozli va bepul yurish huquqiga ega boʻlgan yoʻlovchilarning har bir transport turida amalga oshirilgan validatsiyalar soni boʻyicha aniqlanadi. Muayyan tashuvchi tomonidan tashilgan yoʻlovchilar hajmi hisobot davrida amalga oshirilgan validatsiyalarni umumlashtirish orqali aniqlanadi”.

d) 8-band quyidagi tahrirda bayon qilinsin:

“8. Shaharlararo va xalqaro yoʻnalishlarda tashilgan yoʻlovchilar soni sotilgan bir martalik chiptalar soni hamda transportning aniq bir turida amalga oshirilgan validatsiyalar soniga teng holda qabul qilinadi”;

e) 11 va 12-bandlar quyidagi tahrirda bayon qilinsin:

“11. Yoʻlovchilar aylanmasi umumiy foydalaniladigan transportda (avtobus, elektrobus, yoʻnalishli va yoʻnalishsiz taksi, tramvay, trolleybus va metropolitenda) bajariladigan shahar, shahar atrofi, shaharlararo, xalqaro yoʻnalishlarda tashuvlarning har qaysi turi hamda soatlar boʻyicha tashuvlar uchun alohida-alohida aniqlanadi.

12. Yoʻlovchilar aylanmasi shahar yoʻnalishlarida umumiy foydalaniladigan transportda (avtobus, elektrobus, yoʻnalishli taksi, tramvay, trolleybus va metropolitenda) tashishda tashilgan yoʻlovchilar sonini yoʻlovchilar oqimini tanlab tahlil qilish asosida hisoblab chiqiladigan ushbu yoʻnalish boʻyicha yoʻlovchi bosib oʻtadigan oʻrtacha masofaga koʻpaytirish yoʻli bilan aniqlanadi”;

j) ilova matni quyidagi tahrirda bayon qilinsin:

“Yoʻlovchilarning umumiy foydalaniladigan transportda shahar yoʻnalishlarida cheklangan tarif rejalariga chegirmalar va imtiyozlar qoʻllangan holda hisobga olinadigan

YURISHLARI SONI

T/r	Tarif rejalarining nomlanishi	Tarif rejalarining narxini hisoblash uchun transportda qatnovlar soni					Toʻliq qiymatdan chegirish miqdori (%)	Chegirishni hisobga olgan holda, tarif rejasi qiymatidan imtiyozlar (%)
T/r	Tarif rejalarining nomlanishi	5 kunga	10 kunga	15 kunga	20 kunga	30 kunga	Toʻliq qiymatdan chegirish miqdori (%)
1.	“AV” avtobus, tramvay, trolleybus, elektrobus — aholi uchun	22	44	66	88	130	23	—
2.	“N” avtobus, tramvay, trolleybus, elektrobus — pensionerlar va nogironligi boʻlgan shaxslar uchun	22	44	66	88	130		50
3.	“T” avtobus, tramvay, trolleybus, elektrobus — talabalar uchun	22	44	66	88	130		50
4.	“Oʼ” avtobus, tramvay, trolleybus, elektrobus — oʻquvchilar uchun	22	44	66	88	130		50
5.	“AVM” avtobus, tramvay, trolleybus, elektrobus, metro — aholi uchun	30	60	90	120	180	23	—
6.	“NM” avtobus, tramvay, trolleybus, elektrobus, metro — pensionerlar va nogironligi boʻlgan shaxslar uchun	30	60	90	120	180		50
7.	“TM” avtobus, tramvay, trolleybus, elektrobus, metro — talabalar uchun	30	60	90	120	180		50
8.	“OʼM” avtobus, tramvay, trolleybus, elektrobus, metro — oʻquvchilar uchun	30	60	90	120	180		50
9.	“B” bepul — Oʻzbekiston Respublikasining “Shahar yoʻlovchilar transportidan bepul foydalanishni tartibga solish toʻgʻrisida”gi Qonuniga muvofiq transportdan bepul foydalanish huquqiga ega boʻlgan shaxslar uchun	—	—	—	—	60	—	100