Ipak ishlab chiqarish majmuida korxonalarning iqtisodiy mustaqilligini kengaytirish va integratsiyalash jarayonlarini kuchaytirish asosida mahsulot sifatini oshirish va ularning raqobatga bardoshliligini taʼminlash maqsadida Vazirlar Mahkamasi qaror qiladi:

1. Margʻilon “Ipakchi” aksionerlik jamiyati, Namangan “Atlas” aksionerlik jamiyatining hamda Andijon, Namangan va Fargʻona viloyatlarining pilla yetishtirish, tayyorlash va sotishni amalga oshiruvchi korxona va tashkilotlari mehnat jamoalarining ular tomonidan “Kumush tola” va “Xonatlas” aksionerlik kompaniyalarini 1-ilovaga muvofiq tarkibda tashkil etish toʻgʻrisidagi takliflari qabul qilinsin.

2. Belgilab qoʻyilsinki, koʻrsatib oʻtilgan aksionerlik kompaniyalari:

ipak qurti urugʻini yetishtirish, tut daraxtlarini parvarish qilish, xom pilla tayyorlash, ularga dastlabki ishlov berish, ipak xomashyosidan va yigiruv chiqitlaridan kalava iplari va shoyi gazlamalar ishlab chiqarishni amalga oshiruvchi korxonalar va tashkilotlarning ixtiyoriy birlashmalari hisoblanadi;

ochiq turdagi aksionerlik birlashmalari shaklida tashkil etiladi;

“Oʻzbekyengilsanoat” uyushmasining yuridik shaxs huquqiga ega boʻlgan qatnashchilari hisoblanadilar, oʻz faoliyatini kompaniya ustaviga muvofiq amalga oshiradilar;

belgilangan tartibda davlat organlarida roʻyxatdan oʻtkaziladilar.

“Kumush tola” va “Xonatlas” kompaniyalari tarkibiga kirgan pillani dastlabki qayta ishlovchi korxonalar qishloq xoʻjaligi korxonasi maqomini saqlab qoladilar.

3. Aksionerlik kompaniyalarini boshqarish tuzilmasi 2 va 3-ilovalarga muvofiq maʼqullansin. Aksionerlik kompaniyalari boshqaruvlarining ijro etuvchi apparati funksiyasi “Ipakchi” va “Atlas” aksionerlik jamiyatlarining shoyi ishlab chiqaruvchi bosh korxonalariga yuklansin.

4. Oʻzbekiston Respublikasi Qishloq xoʻjaligi vazirligining tumanlardagi pilla quritish korxonalarini shirkatlarga aylantirish hamda ularning mulkdagi ulushlarini belgilangan tartibda pillakorlar (oilaviy zvenolar), pilla quritish va qishloq xoʻjaligi korxonalari oʻrtasida taqsimlash toʻgʻrisidagi taklifi qabul qilinsin.

Pillakorlar shirkatlari:

yuridik shaxs huquqlariga ega boʻlmagan xoʻjalik yurituvchi subyektlar hisoblanadilar;

pillani tayyorlash, quritish, quruq pillalarni pillakorlar nomidan isteʼmolchilarga joʻnatish funksiyalarini amalga oshiradilar;

pillakorlarga sifatli tut bargi yetkazib berish boʻyicha qishloq xoʻjaligi korxonalari bilan shartnomalar tuzadilar.

5. Joylarda pillakorlarning mustaqil shirkatlari tashkil etilishi munosabati bilan Oʻzbekiston Respublikasi Qishloq xoʻjaligi vazirligi huzuridagi “Ipak” Respublika ishlab chiqarish birlashmasining Qoraqalpogʻiston Respublika va viloyatlar birlashmalari belgilangan tartibda tugatilsin, viloyatlarda tumanlar shirkatlarining muvofiqlashtiruvchi kengashlari tuzilsin.

6. “Ipak” Respublika ishlab chiqarish birlashmasi korxonalari negizida Oʻzbekiston Respublikasi Qishloq xoʻjaligi vazirligi huzurida “Pilla” uyushmasi 4-ilovaga muvofiq tashkil etilsin.

Belgilab qoʻyilsinki, “Pilla” uyushmasi oʻziga berilgan vakolatlar va funksiyalar doirasida quyidagi vazifalarni hal qiladi:

bozor munosabatlarini chuqurlashtirish, ipak qurti urugʻi yetishtirishdagi, ipak qurtini boqishdagi, pillani quritishdagi zamonaviy texnologiyalarni yoyish va marketingni tashkil etish;

agrotexnika va ishlab chiqarish texnologiyasini takomillashtirishda respublika pillakorlar shirkatlariga metodik yordam berish;

shirkatlarga tashqi bozorni oʻrganishda va ularning eksport imkoniyatlarini kengaytirishda koʻmaklashish.

7. “Kumush tola” va “Xonatlas” aksionerlik kompaniyalari hamda “Pilla” uyushmasi tashkil etilishi munosabati bilan “Ipak” Respublika ishlab chiqarish birlashmasi belgilangan tartibda tugatilsin.

8. Belgilab qoʻyilsinki, “Pilla” uyushmasi:

yuridik shaxs hisoblanadi va pillakorlarning tuman shirkatlari hamda mulkchilikning barcha shakllaridagi boshqa ipakchilik korxonalari va tashkilotlari tomonidan tuziladi;

oʻz faoliyatini taʼsischilarning pay va boshqa badallari hamda ular tomonidan berilgan vakolat va funksiyalar asosida tashkil qiladi;

shartnomalar va majburiyatlar boʻyicha “Ipak” Respublika ishlab chiqarish birlashmasining huquqiy vorisi hisoblanadi.

9. “Pilla” uyushmasi ijro etuvchi apparatining tuzilmasi 5 va 5a-ilovalarga muvofiq va xodimlarining soni 22 nafar miqdorida maʼqullansin.

“Pilla” uyushmasiga raisning ikki nafar oʻrinbosari, shu jumladan, bir nafar birinchi oʻrinbosariga ega boʻlish tavsiya etilsin.

10. Oʻzbekiston Respublikasi Qishloq xoʻjaligi vazirligi Oʻzbekiston Respublikasi Adliya vazirligi bilan kelishgan holda, bir oy muddatda “Pilla” uyushmasi faoliyati Ustavini ishlab chiqsin va qabul qilsin.

11. Belgilab qoʻyilsinki, “Pilla” uyushmasi tuman pillakorlar shirkatlari, “Kumush tola”, “Xonatlas” aksionerlik kompaniyalari va tut bargi yetishtiruvchi xoʻjaliklar oʻrtasidagi oʻzaro iqtisodiy munosabatlar maxsus shartnomalar bilan tartibga solinadi.

“Oʻzbekyengilsanoat” davlat uyushmasi va Oʻzbekiston Respublikasi Qishloq xoʻjaligi vazirligi Adliya vazirligi bilan kelishilgan holda, bir oy muddatda xom pilla yetishtirish va xarid qilish, pillakorlarni tut bargi bilan taʼminlash boʻyicha namunaviy shartnoma loyihasini ishlab chiqsinlar va Vazirlar Mahkamasiga kiritsinlar.

12. Oʻzbekiston Respublikasi Markaziy banki “Oʻzbeklegkombank”ning viloyat filiallarini ochishga amaliy yordam bersin.

13. Oʻzbekiston Respublikasi Davlat mulki qoʻmitasi:

“Kumush tola” va “Xonatlas” aksionerlik kompaniyalari tarkibiga kiruvchi korxonalar aksiyalarining 20 foizgachasini tegishli yuridik va jismoniy shaxslarga — xom pilla yetishtiruvchilarga sotishni nazarda tutsin;

aksionerlik kompaniyalaridagi aksiyalarning davlat ulishini boshqarish huquqini shartnoma asosida “Oʻzbekyengilsanoat” davlat uyushmasiga bersin;

davlatga tegishli aksiyalar boʻyicha dividendlarni ikki yil mobaynida shartnoma asosida “Kumush tola” va “Xonatlas” kompaniyalarida ishlab chiqarishni rivojlantirish uchun “Oʻzbekyengilsanoat” davlat uyushmasiga bersin.

14. Qoraqalpogʻiston Respublikasi Vazirlar Kengashi, viloyatlar hokimlari Oʻzbekiston Respublikasi Qishloq xoʻjaligi vazirligi bilan birgalikda ijara shartnomalari asosida tut daraxtlari va tutzorlarni oilaviy zvenolarga va dehqon (fermer) xoʻjaliklariga biriktirib qoʻyishni taʼminlasinlar, tut daraxtlarini ularning roziligisiz kesib tashlashni taqiqlasinlar.

15. Oʻzbekiston Respublikasi Qishloq xoʻjaligi vazirligi:

ipak qurtining elita va superelita urugʻi, tut koʻchatlari yetishtirishni rivojlantirish, ipak qurtini boqish agrotexnikasini takomillashtirish yuzasidan yagona siyosat yuritilishini taʼminlasin;

Qoraqalpogʻiston Respublikasi Vazirlar Kengashi, viloyatlar va tumanlar hokimliklari bilan birgalikda ozuqa bazasini rivojlantirishda, yangi tutzorlar barpo etishda “Kumush tola”, “Xonatlas” kompaniyalari xoʻjaliklari va korxonalariga hamda pillakorlar shirkatlariga yordam koʻrsatsin, tutzorlarning saqlanishi ustidan nazorat oʻrnatsin.

16. Oʻzbekiston SSR Ministrlar Sovetining 1988-yil 15-sentabrdagi 327-son qarori oʻz kuchini yoʻqotgan deb hisoblansin.

17. Mazkur qarorning bajarilishini nazorat qilish Bosh vazirning birinchi oʻrinbosari I. H. Joʻrabekov zimmasiga yuklansin.

1. “Ipakchi” Margʻilon aksionerlik jamiyati

2. “Margʻilon xonatlasi” Margʻilon aksionerlik jamiyati

3. “Ipak yoʻli”Fargʻona aksionerlik jamiyati

4. Ipak qurti urugʻi zavodlari:

Qoʻqon ipak qurti zavodi

Fargʻona ipak qurti zavodi

Margʻilon ipak qurti zavodi

5. Pillaga dastlabki ishlov beruvchi tuman bazalari:

Oltiariq bazasi

Bogʻdod bazasi

Buvayda bazasi

Quva bazasi

Rishton bazasi

Toshloq bazasi

Oxunboboyev bazasi

Beshariq bazasi

Uchkoʻprik bazasi

Fargʻona bazasi

Yozyovon bazasi

Furqat bazasi

Oʻzbekiston bazasi

6. Fargʻona avtokorxonasi

7. Fargʻona xoʻjalik hisobidagi qurilish-taʼminlash boshqarmasi

1. “Atlas” Namangan aksionerlik jamiyati

3. Ipak qurti urugʻi zavodlari:

Namangan ipak qurti zavodi

4. Pillaga dastlabki ishlov beruvchi tuman bazalari:

Kosonsoy bazasi

Zadaryo bazasi

Namangan bazasi

Pop bazasi

Toʻraqoʻrgʻon bazasi

Uychi bazasi

Uchqoʻrgʻon bazasi

Chust bazasi

Yangiqoʻrgʻon bazasi

Chortoq bazasi

Norin bazasi

Oltinkoʻl bazasi

Andijon bazasi

Baliqchi bazasi

Jalolquduq bazasi

Komsomolobod bazasi

Qoʻrgʻontepa bazasi

Asaka bazasi

Marhamat bazasi

Shahrixon bazasi

Paxtaobod bazasi

Xoʻjaobod bazasi

Boʻz bazasi

Buloqboshi bazasi

Izboskan bazasi

5. Avtokorxonalar:

Namangan avtokorxonasi

Andijon avtokorxonasi

Toʻrtkoʻl pillakorlar shirkati

Ellikqalʼa pillakorlar shirkati

Chimboy pillakorlar shirkati

Beruniy pillakorlar shirkati

Kegeyli pillakorlar shirkati

Xoʻjayli pillakorlar shirkati

Mangʻit pillakorlar shirkati

Toʻrtkoʻl tut koʻchatxonasi

Avtogaraj, Nukus shahri

Andijon pillachilik stansiyasi

Xoʻjaobod ijara korxonasi

Buxoro ipak qurti urugʻi zavodi

Olot pillakorlar shirkati

Buxoro pillakorlar shirkati

Vobkent pillakorlar shirkati

Jondor pillakorlar shirkati

Gʻijduvon pillakorlar shirkati

Qogon pillakorlar shirkati

Qorakoʻl pillakorlar shirkati

Peshku pillakorlar shirkati

Romitan pillakorlar shirkati

Shofirkon pillakorlar shirkati

Buxoro pillachilik jamoa xoʻjaligi

Avtogaraj, Buxoro shahri

Baxmal pillakorlar shirkati

Gʻallaorol pillakorlar shirkati

Jizzax pillakorlar shirkati

Doʻstlik pillakorlar shirkati

Zomin pillakorlar shirkati

Zarbdor pillakorlar shirkati

Zafarobod pillakorlar shirkati

Mirzachoʻl pillakorlar shirkati

Paxtakor pillakorlar shirkati

Forish pillakorlar shirkati

Jizzax pillachilik jamoa xoʻjaligi

Shahrisabz ipak qurti urugʻi zavodi

Gʻuzor pillakorlar shirkati

Qarshi pillakorlar shirkati

Koson pillakorlar shirkati

Qamashi pillakorlar shirkati

Kitob pillakorlar shirkati

Nishon pillakorlar shirkati

U. Yusupov pillakorlar shirkati

Kasbi pillakorlar shirkati

Chiroqchi pillakorlar shirkati

Shahrisabz pillakorlar shirkati

Yakkabogʻ pillakorlar shirkati

Muborak pillakorlar shirkati

Avtogaraj, Shahrisabz shahri

Namangan pillachilik jamoa xoʻjaligi

Navoiy ipak qurti urugʻi zavodi

Qiziltepa pillakorlar shirkati

Navbahor pillakorlar shirkati

Navoiy pillakorlar shirkati

Xatirchi pillakorlar shirkati

Nurota pillakorlar shirkati

Kumushkon pillakorlar shirkati

Samarqand pilla qurti urugʻi zavodi

Kattaqoʻrgʻon pilla qurti urugʻi zavodi

Samarqand pillachilik stansiyasi

Oqdaryo pillakorlar shirkati

Jomboy pillakorlar shirkati

Ishtixon pillakorlar shirkati

Bulungʻur pillakorlar shirkati

Qoʻshrabod pillakorlar shirkati

Narpay pillakorlar shirkati

Payariq pillakorlar shirkati

Paxtachi pillakorlar shirkati

Juma pillakorlar shirkati

Urgut pillakorlar shirkati

Kattaqoʻrgʻon pillakorlar shirkati

Chelak pillakorlar shirkati

Toyloq pillakorlar shirkati

Nurobod pillakorlar shirkati

Samarqand pillakorlar shirkati

Avtogaraj, Kattaqoʻrgʻon shahri

Samarqand pillachilik ijara xoʻjaligi

Boyovut pillakorlar shirkati

Sayxunobod pillakorlar shirkati

Guliston pillakorlar shirkati

Sirdaryo pillakorlar shirkati

Xovos pillakorlar shirkati

Mirzaobod pillakorlar shirkati

Navroʻz tut koʻchatxonasi

Oltinsoy pillakorlar shirkati

Angor pillakorlar shirkati

Boysun pillakorlar shirkati

Jarqoʻrgʻon pillakorlar shirkati

Shoʻrchi pillakorlar shirkati

Denov pillakorlar shirkati

Sariosiyo pillakorlar shirkati

Sherobod pillakorlar shirkati

Qumqoʻrgʻon pillakorlar shirkati

Termiz pillakorlar shirkati

Bandixon pillakorlar shirkati

Uzun pillakorlar shirkati

Muzrobod pillakorlar shirkati

Qiziriq pillakorlar shirkati

Avtogaraj, Jarqoʻrgʻon shahri

Toshkent ipak qurti urugʻi zavodi

Oqqoʻrgʻon pillakorlar shirkati

Ohangaron pillakorlar shirkati

Bekobod pillakorlar shirkati

Boʻstonliq pillakorlar shirkati

Boʻka pillakorlar shirkati

Quyi Chirchiq pillakorlar shirkati

Yuqori Chirchiq pillakorlar shirkati

Qibray pillakorlar shirkati

Piskent pillakorlar shirkati

Oʻrta Chirchiq pillakorlar shirkati

Toshkent pillakorlar shirkati

Chinoz pillakorlar shirkati

Zangiota pillakorlar shirkati

Yangiyoʻl pillakorlar shirkati

Toshkent pillachilik jamoa xoʻjaligi

Fargʻona pillachilik stansiyasi

“Guliston” pillachilik jamoa xoʻjaligi

Fargʻona tut koʻchatxonasi

Urganch ipak qurti urugʻi zavodi

Bogʻot pillakorlar shirkati

Gurlan pillakorlar shirkati

Qoʻshkoʻprik pillakorlar shirkati

Urganch pillakorlar shirkati

Honqa pillakorlar shirkati

Xiva pillakorlar shirkati

Hozorasp pillakorlar shirkati

Shovot pillakorlar shirkati

Yangiariq pillakorlar shirkati

Yangibozor pillakorlar shirkati

Pillachilik shirkat xoʻjaligi

Avtogaraj, Urganch shahri