Oʻzbekiston Respublikasining Soliq kodeksi va Oʻzbekiston Respublikasi Prezidentining 2019-yil 27-iyundagi “Soliq va bojxona imtiyozlari berilishini yanada tartibga solish chora-tadbirlari toʻgʻrisida”gi PF-5755-son Farmoniga muvofiq:

1. Belgilansinki:

soliqlar toʻgʻrisidagi qonun hujjatlarida nazarda tutilgan soliqlar boʻyicha imtiyozlar, agar ularning oʻzida ushbu soliqdan ozod qilish toʻgʻridan-toʻgʻri koʻrsatilmagan boʻlsa, ijtimoiy soliqqa nisbatan tatbiq etilmaydi;

Oʻzbekiston Respublikasi norezidentlari boʻlgan yuridik shaxslardan sotib olinadigan ishlar (xizmatlar) uchun qoʻshilgan qiymat soligʻi boʻyicha berilgan imtiyozlar, Oʻzbekiston Respublikasida doimiy muassasalar orqali faoliyatini amalga oshirayotgan yuridik shaxslar — norezidentlar tomonidan amalga oshiriladigan ishlar (xizmatlar)ga tatbiq etilmaydi.

2. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.

3. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

4. Belgilab qoʻyilsinki:

ushbu Farmon 2020-yil 1-oktabrdan boshlab kuchga kiradi;

ushbu Farmonga 2-ilovaning 1, 6, 7 va 10-bandlari 2021-yil 1-yanvardan boshlab amalga kiritiladi;

ushbu Farmonga 1-ilovaning 4-bandi 2022-yil 1-yanvardan boshlab amalga kiritiladi.

5. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 2000-yil 28-apreldagi “Neft va gaz konlarini razvedka qilish hamda ularni qazib chiqarishga bevosita xorijiy sarmoyalarni jalb etish chora-tadbirlari toʻgʻrisida”gi PF-2598-son Farmonida:

4-band quyidagi tahrirda bayon etilsin:

“4. Neft va gaz konlarini qidirish va razvedka qilish ishlarini amalga oshiruvchi xorijiy kompaniyalar, shuningdek, ular tomonidan jalb etiladigan xorijiy pudrat va yordamchi pudrat tashkilotlari quyidagilarni toʻlashdan ozod qilinsin:

geologiya-razvedka ishlarini oʻtkazish davrida foyda soligʻi (tijorat banklarida joylashtirilgan mablagʻlardan olingan foizlardan tashqari), yuridik shaxslarning mol-mulk soligʻi, yuridik shaxslarning yer soligʻi, suv resurslaridan foydalanganlik uchun soliqni;

qidirish, razvedka qilish va boshqa tegishli ishlarni amalga oshirish uchun zarur boʻlgan mashina-uskunalarni, moddiy-texnika resurslari va xizmatlarni import qilish chogʻida bojxona toʻlovlarini (qoʻshilgan qiymat soligʻi va bojxona rasmiylashtiruvi yigʻimlaridan tashqari)”;

5 va 7-bandlar oʻz kuchini yoʻqotgan deb topilsin.

2. Oʻzbekiston Respublikasi Prezidentining 2005-yil 11-apreldagi “Toʻgʻridan-toʻgʻri xususiy xorijiy investitsiyalarni jalb etishni ragʻbatlantirish borasidagi qoʻshimcha chora-tadbirlar toʻgʻrisida”gi PF-3594-son Farmonida:

1 va 2-bandlar quyidagi tahrirda bayon etilsin:

“1. Toʻgʻridan-toʻgʻri xorijiy investitsiyalarni jalb etgan holda tashkil etilgan va ilovaga muvofiq roʻyxat boʻyicha iqtisodiyot tarmoqlarida mahsulotlarni ishlab chiqarishga (xizmatlar koʻrsatishga) ixtisoslashtirilgan korxonalarga quyidagi toʻgʻridan-toʻgʻri xususiy xorijiy investitsiya hajmlarida Oʻzbekiston Respublikasi Soliq kodeksida belgilangan tartibda alohida soliqlar boʻyicha imtiyozlarni qoʻllashning oʻziga xos xususiyatlari nazarda tutiladi:

300 ming AQSH dollaridan 3 million AQSH dollarigacha — 3 yil muddatga;

3 million AQSH dollaridan ortiq va 10 million AQSH dollarigacha — 5 yil muddatga;

10 million AQSH dollaridan ortiq boʻlganda — 7 yil muddatga.

2. Ushbu Farmonning 1-bandida koʻrsatilgan Oʻzbekiston Respublikasi Soliq kodeksida belgilangan alohida soliqlar boʻyicha imtiyozlar koʻrsatib oʻtilgan korxonalarni Toshkent shahri va Toshkent viloyatidan tashqari respublikaning barcha shaharlari va aholi yashash joylarida joylashtirishda qoʻllanilishi belgilab qoʻyilsin. Bunday hududiy cheklov turizm va chiqindilar bilan bogʻliq ishlarni amalga oshirish sohasida faoliyat koʻrsatuvchi korxonalarga tatbiq etilmaydi”;

4, 6, 7 va 8-bandlar oʻz kuchini yoʻqotgan deb topilsin.

3. Oʻzbekiston Respublikasi Prezidentining 2016-yil 26-oktabrdagi “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida”gi PF-4853-son Farmonida:

3-band quyidagi tahrirda bayon etilsin:

“3. Maxsus iqtisodiy zonalar ishtirokchilariga Oʻzbekiston Respublikasi Soliq kodeksi va Oʻzbekiston Respublikasining “Maxsus iqtisodiy zonalar toʻgʻrisida”gi Qonunida belgilangan tartibda alohida soliqlar, shuningdek, bojxona toʻlovlari boʻyicha imtiyozlarni qoʻllashning oʻziga xos xususiyatlari nazarda tutiladi”;

4-bandning beshinchi xatboshisi quyidagi tahrirda bayon etilsin:

“10 million AQSH dollari va undan yuqori — 10 yil muddatga beriladi”;

5-band oʻz kuchini yoʻqotgan deb topilsin.

4. Oʻzbekiston Respublikasi Prezidentining 2017-yil 5-iyundagi “Toshkent shahrining Yashnobod tumanida innovatsiya texnoparkini tashkil qilish toʻgʻrisida”gi PF-5068-son Farmoni 10-bandi quyidagi tahrirda bayon etilsin:

“10. “Yashnobod” texnoparki maʼmuriyati va rezidentlari amalga oshirilayotgan innovatsiya loyihalari boʻyicha “Yashnobod” texnoparkining butun faoliyat koʻrsatish davrida quyidagilardan:

yer soligʻi va yuridik shaxslarning mol-mulkiga solinadigan soliqdan;

belgilangan tartibda tasdiqlanadigan roʻyxatlarga muvofiq, innovatsiya loyihalarini amalga oshirish doirasida oʻz ishlab chiqarish ehtiyoji uchun olib kiriladigan, Oʻzbekiston Respublikasida ishlab chiqarilmaydigan asbob-uskuna, xom ashyo, materiallar, reaktivlar, butlovchi buyumlar hamda qurilish materiallari uchun bojxona toʻlovlaridan (qoʻshilgan qiymat soligʻi va bojxona yigʻimlaridan tashqari) ozod etilsin”.

5. Oʻzbekiston Respublikasi Prezidentining 2017-yil 14-dekabrdagi “Toʻqimachilik va tikuv-trikotaj sanoatini jadal rivojlantirish chora-tadbirlari toʻgʻrisida”gi PF-5285-son Farmonida:

a) 9-bandda:

birinchi xatboshidan “— “Oʻztoʻqimachiliksanoat” uyushmasi aʼzolari” soʻzlari chiqarib tashlansin;

ikkinchi xatboshi “bojxona toʻlovlari toʻlashdan (” soʻzlaridan keyin “qoʻshilgan qiymat soligʻi va” soʻzlari bilan toʻldirilsin;

b) 10-band oʻz kuchini yoʻqotgan deb topilsin.

6. Oʻzbekiston Respublikasi Prezidentining 2018-yil 3-fevraldagi “Oʻzbekiston Respublikasi turizm salohiyatini rivojlantirish uchun qulay sharoitlar yaratish boʻyicha qoʻshimcha tashkiliy chora-tadbirlar toʻgʻrisida”gi PF-5326-son Farmoni 8-bandining “v” kichik bandi quyidagi tahrirda bayon etilsin:

“v) tadbirkorlik faoliyati subyektlarini 2022-yilning 1-yanvariga qadar — Oʻzbekiston Respublikasi hududiga olib kirilayotgan:

ishlab chiqarilganiga 5 yildan ortiq boʻlmagan, yoʻlovchilarni tashishda foydalaniladigan va haydovchidan tashqari sakkiz va sakkiztadan ortiq oʻrindiqlarga ega boʻlgan transport vositalari;

dor (osma) yoʻllarni, togʻ-changʻi koʻtargichlar, funikulyorlar va boshqa oʻxshash obyektlar va inshootlarni qurish, qayta taʼmirlash va jihozlash uchun asbob-uskunalar, mexanizmlar va ehtiyot qismlar, shuningdek, aerostatlar (havo sharlari), motorli qayiq va kvadrotsikllar uchun belgilangan tartibda tasdiqlanadigan roʻyxatlarga koʻra bojxona toʻlovlarini toʻlashdan (qoʻshilgan qiymat soligʻi va bojxona rasmiylashtiruvi uchun yigʻimlardan tashqari) ozod etilsin”.

7. Oʻzbekiston Respublikasi Prezidentining 2019-yil 15-maydagi “Navoiy viloyatini innovatsion, yuqori texnologiyalarga asoslangan, eksportga yoʻnaltirilgan va import oʻrnini bosadigan ishlab chiqarishlar uchun erkin iqtisodiy zona sifatida belgilash chora-tadbirlari toʻgʻrisida”gi PF-5719-son Farmonida:

a) 7-band quyidagi tahrirda bayon etilsin:

“7. “Navoiy” EIZ ishtirokchisi maqomini olgan Navoiy viloyatidagi korxonalarga Oʻzbekiston Respublikasi Soliq kodeksi va Oʻzbekiston Respublikasining “Maxsus iqtisodiy zonalar toʻgʻrisida”gi Qonunida belgilangan tartibda alohida soliqlar, shuningdek, bojxona toʻlovlari boʻyicha imtiyozlarni qoʻllashning oʻziga xos xususiyatlari nazarda tutiladi”;

b) 8-bandda:

“a” kichik bandining beshinchi xatboshisi quyidagi tahrirda bayon etilsin:

“10 million AQSH dollari va undan yuqori hajmdagi investitsiyalar — 10 yil muddatga beriladi”;

“v” kichik bandi oʻz kuchini yoʻqotgan deb topilsin.

v) 10-band oʻz kuchini yoʻqotgan deb topilsin.

8. Oʻzbekiston Respublikasi Prezidentining 2008-yil 21-fevraldagi “Xorijiy investitsiyalar ishtirokida “Jeneral Motors Oʻzbekiston” korxonasini barpo etish toʻgʻrisida”gi PQ-800-son qarori 8-bandining oltinchi xatboshisi chiqarib tashlansin.

9. Oʻzbekiston Respublikasi Prezidentining 2008-yil 15-iyuldagi “Innovatsion loyihalar va texnologiyalarni ishlab chiqarishga tatbiq etishni ragʻbatlantirish borasidagi qoʻshimcha chora-tadbirlar toʻgʻrisida”gi PQ-916-son qarori 9-bandi quyidagi tahrirda bayon etilsin:

“9. Ilmiy-tadqiqot muassasalari va tashkilotlarini qayta jihozlash va qoʻshimcha jihozlash uchun belgilangan tartibda tasdiqlanadigan roʻyxatlar boʻyicha modernizatsiya qilish doirasida olib kelinadigan uskunalar bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod etilsin”.

10. Oʻzbekiston Respublikasi Prezidentining 2012-yil 26-martdagi “Eksport qiluvchi korxonalarni ragʻbatlantirishni kuchaytirish va raqobatbardosh mahsulotlarni eksportga yetkazib berishni kengaytirish borasida qoʻshimcha chora-tadbirlar toʻgʻrisida”gi PQ-1731-son qarorida:

1 va 7-bandlar hamda ilova oʻz kuchini yoʻqotgan deb topilsin;

5-bandning toʻrtinchi xatboshisi quyidagi tahrirda bayon etilsin:

“Belgilansinki, mazkur bandda koʻrsatilgan shartnomalar maʼlumotlarni Tashqi savdo operatsiyalarining yagona elektron axborot tizimiga kiritgan holda eksport shartnomalariga tenglashtiriladi”.

11. Oʻzbekiston Respublikasi Prezidentining 2015-yil 29-dekabrdagi “2016 — 2020-yillarda qishloq xoʻjaligini yanada isloh qilish va rivojlantirish chora-tadbirlari toʻgʻrisida”gi PQ-2460-son qarori 9-bandi quyidagi tahrirda bayon etilsin:

“9. 2021-yilning 1-yanvarigacha boʻlgan davrda:

nasldor chorvachilik subyektlari asosiy faoliyat turi boʻyicha foyda soligʻi (tijorat banklarida joylashtirilgan mablagʻlardan olingan foizlardan tashqari), mol-mulk soligʻi, yer soligʻi va suv resurslaridan foydalanganlik uchun soliqni toʻlashdan;

“Oʻzzoovettaʼminotxizmat” Respublika birlashmasi, nasldor chorvachilik subyektlari, parrandachilik va baliqchilik xoʻjaliklari, omuxta yem, ozuqa qoʻshimchalari, veterinariya vaksinalari va preparatlari ishlab chiqaruvchi xoʻjalik subyektlari belgilangan tartibda tasdiqlanadigan roʻyxatlar boʻyicha naslchilik materiallari, texnologik va yordamchi uskunalar, omuxta yem va ozuqa qoʻshimchalarini ishlab chiqarish uchun komponentlar, shuningdek, fermer xoʻjaliklari va boshqa tashkilotlar payvandtag, koʻchat va tomchilatib sugʻorish uskunalarini olib kirishda bojxona toʻlovlarini (qoʻshilgan qiymat soligʻi va bojxona rasmiylashtiruvi yigʻimlaridan tashqari) toʻlashdan ozod qilinsin”.

12. Oʻzbekiston Respublikasining 2017-yil 13-fevraldagi “2017 — 2021-yillarda elektrotexnika sanoatini boshqarishni yanada takomillashtirish, uni jadal rivojlantirish va diversifikatsiyalash chora-tadbirlari toʻgʻrisida”gi PQ-2772-son qarori 13-bandi quyidagi tahrirda bayon etilsin:

“13. Belgilangan tartibda tasdiqlanadigan roʻyxatlar boʻyicha 2017 — 2021-yillarda elektrotexnika sanoatini yanada rivojlantirish va diversifikatsiyalash boʻyicha chora-tadbirlar dasturiga kiritilgan loyihalarni amalga oshirish doirasida olib kelinadigan, respublikada ishlab chiqarilmaydigan uskunalar, materiallar va butlovchi buyumlar 2022-yil 1-yanvargacha bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod qilinsin”.

13. Oʻzbekiston Respublikasi Prezidentining 2017-yil 14-fevraldagi “Oʻzbekiston Respublikasi Avtomobil yoʻllari davlat qoʻmitasi va Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi faoliyatlarini tashkil etish toʻgʻrisida”gi PQ-2776-son qarorida:

6-bandning uchinchi xatboshisi quyidagi tahrirda bayon etilsin:

“belgilangan tartibda tasdiqlanadigan roʻyxatlar boʻyicha avtomobil yoʻllarini qurish, rekonstruksiya qilish, taʼmirlash va ekspluatatsiya qilish ishlari uchun olib kelinadigan uskunalar, xom ashyo va materiallar, ehtiyot qismlar, butlovchi buyumlar va uzellar uchun bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod qilinsin”;

7-bandning toʻrtinchi xatboshisi chiqarib tashlansin.

14. Oʻzbekiston Respublikasi Prezidentining 2017-yil 11-sentabrdagi “Avtomobil yoʻllarini koʻkalamzorlashtirish va arxitektura-landshaft jihatdan tuzish tizimini takomillashtirish chora-tadbirlari toʻgʻrisida”gi PQ-3262-son qarorida:

7-bandning toʻrtinchi xatboshisi chiqarib tashlansin;

17-band quyidagi tahrirda bayon etilsin:

““Oʻzyoʻlkoʻkalamzorlashtirish” UK va uning tarkibiy boʻlinmalari 2025-yilning 1-yanvariga qadar dekorativ oʻsimliklar yetishtirish uchun koʻchatxonalar band qilgan yer uchastkalari qismida yer soligʻi toʻlashdan, yuridik shaxslarning mol-mulk soligʻi toʻlashdan ozod qilinsin”.

15. Oʻzbekiston Respublikasi Prezidentining 2017-yil 16-oktabrdagi “Respublikamizda asalarichilik tarmogʻini yanada rivojlantirish chora-tadbirlari toʻgʻrisida”gi PQ-3327-son qarori 11-bandi quyidagi tahrirda bayon etilsin:

“11. 2023-yilning 1-yanvarigacha belgilangan tartibda tasdiqlangan roʻyxatlar boʻyicha tashkilotlar tomonidan olib kelinadigan naslli (mahsulot) materiallar, asalarichilik sohasida qoʻllaniladigan inventarlar va uskunalar, asalari uyalarini tashish uchun maxsus transport vositalari va tirkamalar, asalari kasalliklari va zararkunandalariga qarshi qoʻllaniladigan veterinariya dori vositalari va preparatlar, asalari uyalari ishlab chiqarish uchun yogʻoch va zarur materiallar, penopoliuretan, ularga yordamchi uskunalar, butlovchi buyumlar va ehtiyot qismlari, mumlar va mum mahsulotlari bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod etilsin”.

16. Oʻzbekiston Respublikasi Prezidentining 2017-yil 2-dekabrdagi “2018 — 2022-yillarda transport infratuzilmasini takomillashtirish va yuk tashishning tashqi savdo yoʻnalishlarini diversifikatsiyalash chora-tadbirlari toʻgʻrisida”gi PQ-3422-son qarori 4-bandining ikkinchi va uchinchi xatboshilari quyidagi tahrirda bayon etilsin:

“boʻshagan mablagʻlar oʻzining avtotransport vositalari parkini kengaytirishga, ishlab chiqarish quvvatlarini modernizatsiyalashga, zamonaviy omborxona terminallari barpo etishga va bank kreditlarini toʻlashga yoʻnaltirilishi sharti bilan mol-mulk soligʻi va yer soligʻi toʻlashdan ozod qilinsin;

Oʻzbekiston Respublikasida ishlab chiqarilmaydigan, transport-logistika xizmatlari koʻrsatishga moʻljallangan, belgilangan tartibda tasdiqlanadigan roʻyxatlar boʻyicha olib kiriladigan omborxona uskunalari, yuk ortish-tushirish texnikasi, agregatlar, ehtiyot qismlar va boshqa tovarlar uchun bojxona toʻlovlari (qoʻshilgan qiymat soligʻi va bojxona rasmiylashtiruvi yigʻimlaridan tashqari) toʻlashdan ozod qilinsin”.

17. Oʻzbekiston Respublikasi Prezidentining 2018-yil 28-fevraldagi “Vinochilik sohasini va alkogolli mahsulotlarni realizatsiya qilishni tubdan takomillashtirish chora-tadbirlari toʻgʻrisida”gi PQ-3573-son qarori 12-bandining uchinchi xatboshisi “bojxona toʻlovlarini (” soʻzlaridan keyin “qoʻshilgan qiymat soligʻi va” soʻzlari bilan toʻldirilsin.

18. Oʻzbekiston Respublikasi Prezidentining 2018-yil 3-maydagi “Charm-poyabzal va moʻynachilik sohalarini rivojlantirish va eksport salohiyatini oshirishni yanada ragʻbatlantirish chora-tadbirlari toʻgʻrisida”gi PQ-3693-son qarori 9-bandi quyidagi tahrirda bayon etilsin:

“9. Charm, moʻyna xom ashyosi va jun tayyorlash, saqlash va qayta ishlash, chorva mollarini avtomatlashtirilgan holda soʻyish, jun, qorakoʻl va sunʼiy charmdan buyumlar, charm-attorlik mahsulotlari, poyabzal ishlab chiqarish bilan shugʻullanuvchi tashkilotlarga 2023-yil 1-yanvarga qadar muddatda quyidagi koʻrinishdagi soliq va bojxona imtiyozlari hamda preferensiyalar berilsin:

foyda soligʻi va mol-mulk soligʻi, aylanmadan olinadigan soliqni toʻlashdan ozod qilish;

belgilangan tartibda tasdiqlanadigan roʻyxatlar boʻyicha import qilinadigan asbob-uskunalar, butlovchi buyumlar, respublikada ishlab chiqarilmaydigan xom ashyo, materiallar va furnitura uchun bojxona toʻlovlari (qoʻshilgan qiymat soligʻi va bojxona rasmiylashtiruvi uchun yigʻimlardan tashqari) toʻlashdan ozod etish;

yuqoridagi tasdiqlanadigan roʻyxatlarga kiritilmagan, oʻz ishlab chiqarishi uchun zarur boʻlgan asbob-uskunalar, butlovchi buyumlar, xom ashyo, materiallar va furnituralarni import qilishda bojxona toʻlovlarini (bojxona rasmiylashtiruvi uchun yigʻimlardan tashqari) toʻlash muddatini qonunchilikda belgilangan tartibda kechiktirish”.

19. Oʻzbekiston Respublikasi Prezidentining 2018-yil 6-noyabrdagi “Baliqchilik sohasini yanada rivojlantirishga doir qoʻshimcha chora-tadbirlar toʻgʻrisida”gi PQ-4005-son qarori 9-bandining uchinchi xatboshisi “bojxona toʻlovlaridan (” soʻzlaridan keyin “qoʻshilgan qiymat soligʻi va” soʻzlari bilan toʻldirilsin.

20. Oʻzbekiston Respublikasi Prezidentining 2018-yil 13-noyabrdagi “Parrandachilikni yanada rivojlantirish boʻyicha qoʻshimcha chora-tadbirlar toʻgʻrisida”gi PQ-4015-son qarori 16-bandining uchinchi xatboshisi “bojxona toʻlovlaridan (” soʻzlaridan keyin “qoʻshilgan qiymat soligʻi va” soʻzlari bilan toʻldirilsin.

21. Oʻzbekiston Respublikasi Prezidentining 2017-yil 12-dekabrdagi “Oʻzbekiston Respublikasi Prezidenti huzuridagi Loyiha boshqaruvi milliy agentligi faoliyatining tashkiliy masalalari toʻgʻrisida”gi F-5137-son farmoyishi rus tilidagi matni 5-bandining ikkinchi xatboshisi “za isklyucheniyem” soʻzlaridan keyin “naloga na dobavlennuyu stoimost i” soʻzlari bilan toʻldirilsin.

22. Oʻzbekiston Respublikasi Prezidentining 2018-yil 6-martdagi “Respublikada ishlab chiqarilmaydigan, agrosanoat loyihalarini amalga oshirish maqsadida olib kelinadigan, issiqxona va issiqxonaga oid qurilish konstruksiyalarini 2021-yil 1-yanvargacha bojxona toʻlovlaridan ozod qilish toʻgʻrisida”gi F-5230-son farmoyishi 2-bandi “bojxona toʻlovlaridan (” soʻzlaridan keyin “qoʻshilgan qiymat soligʻi va” soʻzlari bilan toʻldirilsin.

23. Vazirlar Mahkamasining 2015-yil 30-sentabrdagi “Toshkent shahrida xalqaro toifadagi mehmonxona qurilishini yakunlash chora-tadbirlari toʻgʻrisida”gi 279-son qarori rus tilidagi matnining 11-bandi quyidagi tahrirda bayon etilsin:

“11. Osvobodit, v poryadke isklyucheniya:

GUP “Poytaxt kurilish va xizmat”, AO “Tashgiprogor”, AO “Trest 12” i ix subpodryadnie organizatsii, na period proyektirovaniya, stroitelstva do zaversheniya garantiynogo sroka — ot uplati tamojennix platejey (za isklyucheniyem naloga na dobavlennuyu stoimost i tamojennix sborov) na zavozimie oborudovaniye, stroitelnuyu texniku, stroitelnie materiali i komplektuyushiye izdeliya, mebel, kompyuternuyu texniku i drugiye tovari dlya stroitelstva i osnasheniya gostinitsi v sootvetstvii so spetsifikatsiyami, predusmotrennimi proyektno-smetnoy dokumentatsiyey, razrabotannoy po standartam kompanii “Xayatt Interneshnl”, vklyuchaya komplekti ix zapasov v sootvetstvii s trebovaniyami kompanii “Xayatt Interneshnl”.

GUP “Poytaxt kurilish va xizmat” na period pogasheniya privlekayemogo kredita Fonda rekonstruksii i razvitiya Respubliki Uzbekistan — ot uplati naloga na pribil, naloga na imushestvo, zemelnogo naloga, naloga za polzovaniye vodnimi resursami v ramkax deyatelnosti gostinitsi;

kompanii “Xayatt Interneshnl”, “Xayatt Interneshnl (Yevropa, Afrika, Blijniy Vostok) Limited”, “Xayatt Cheyn Servisiz Limited”, “Xayatt Golden Pasport (trevel) LTD.”, “Interneshnl Rezerveyshnz LTD” i “Xayatt Interneshnl texnikal servisiz Ink.” v ramkax zaklyuchennix soglasheniy s GUP “Poytaxt kurilish va xizmat” — ot uplati naloga na pribil, vzimayemogo u istochnika viplati, na period pogasheniya privlekayemogo GUP “Poytaxt kurilish va xizmat” kredita Fonda rekonstruksii i razvitiya Respubliki Uzbekistan”.

1. Oʻzbekiston Respublikasi Prezidentining 2007-yil 18-maydagi “Yosh oilalarni moddiy va maʼnaviy qoʻllab-quvvatlashga doir qoʻshimcha chora-tadbirlar toʻgʻrisida”gi PF-3878-son Farmoni 4 va 5-bandlari.

2. Oʻzbekiston Respublikasi Prezidentining 2009-yil 27-fevraldagi “Oʻzbekiston Respublikasi Prezidentining ayrim farmonlariga oʻzgartirish va qoʻshimchalar kiritish toʻgʻrisida”gi PF-4087-son Farmoniga ilovaning 8-bandi.

3. Oʻzbekiston Respublikasi Prezidentining 2009-yil 17-iyundagi “Soliq imtiyozlari tartibga solinishi munosabati bilan Oʻzbekiston Respublikasi Prezidentining ayrim qarorlariga oʻzgartishlar kiritish hamda baʼzilarini oʻz kuchini yoʻqotgan deb hisoblash toʻgʻrisida”gi PF-4116-son Farmoniga 1-ilovaning 2-bandi “b” kichik bandi.

4. Oʻzbekiston Respublikasi Prezidentining 2012-yil 10-apreldagi “Toʻgʻridan-toʻgʻri xorijiy investitsiyalar jalb etilishini ragʻbatlantirishga oid qoʻshimcha chora-tadbirlar toʻgʻrisida”gi PF-4434-son Farmoni 1 va 4 bandlari hamda Farmonga 1-ilova.

5. Oʻzbekiston Respublikasi Prezidentining 2018-yil 4-apreldagi “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi PF-5398-son Farmoniga 1-ilovaning 2-bandi va 3-bandi “b” kichik bandi.

6. Oʻzbekiston Respublikasi Prezidentining 2009-yil 3-avgustdagi “Qishloq joylarda uy-joy qurilishi koʻlamini kengaytirishga oid qoʻshimcha chora-tadbirlar toʻgʻrisida”gi PQ-1167-son qarori 9-bandi.

7. Oʻzbekiston Respublikasi Prezidentining 2016-yil 22-noyabrdagi “2017 — 2020-yillarda shaharlarda arzon koʻp kvartirali uylarni qurish va rekonstruksiya qilish dasturini amalga oshirish chora-tadbirlari toʻgʻrisida”gi PQ-2660-son qarori 18-bandi.

8. Oʻzbekiston Respublikasi Prezidentining 2017-yil 30-martdagi “Sirdaryo viloyatining Yangiyer shahrida kichik sanoat zonasini barpo etish toʻgʻrisida”gi PQ-2860-son qarori 6-bandi.

9. Oʻzbekiston Respublikasi Prezidentining 2017-yil 4-sentabrdagi “Oʻzbekiston Respublikasida zamonaviy radio uskunalar ishlab chiqarishni tashkil etish toʻgʻrisida”gi PQ-3255-son qarori 8-bandi.

10. Oʻzbekiston Respublikasi Prezidentining 2018-yil 18-iyuldagi “2018-yilda qishloq joylarda yangilangan namunaviy loyihalar boʻyicha arzon uy-joylar va shaharlarda arzon koʻp kvartirali uylar qurish dasturlarini amalga oshirish mexanizmlarini takomillashtirishga doir qoʻshimcha chora-tadbirlar toʻgʻrisida”gi PQ-3863-son qaroriga ilovaning 2-bandi.