|
Hujjat kuchini yo‘qotgan " " 23.02.2026
|
Hujjat 25.03.2020 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Nodavlat sud-ekspertiza tashkilotlari faoliyatini tashkil etish boʻyicha nizomlarni tasdiqlash haqida
LexUZ sharhiMazkur qaror Oʻzbekistan Respublikasi Vazirlar Mahkamasining 2026-yil 20-fevraldagi 73-sonli “Nodavlat sud-ekspertiza sohasini tartibga soluvchi ayrim normativ-huquqiy hujjatlarni tasdiqlash toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Sud-ekspertlik faoliyatini yanada takomillashtirish chora-tadbirlari toʻgʻrisida” 2019-yil 17-yanvardagi PQ-4125-son qaroriga muvofiq Vazirlar Mahkamasi qaror qiladi:
1. Quyidagilar:
Nodavlat sud-ekspertiza tashkilotlari faoliyatini tashkil etish tartibi toʻgʻrisidagi nizom 1-ilovaga muvofiq;
Nodavlat sud-ekspertiza tashkilotlari sud ekspertlarini qayta tayyorlash, malakasi va huquqiy bilimini oshirish tartibi toʻgʻrisidagi nizom 2-ilovaga muvofiq;
Sud eksperti sifatida kasbiy layoqatni tasdiqlovchi sertifikat olgan shaxslarning yagona reyestrini yuritish tartibi toʻgʻrisidagi nizom 3-ilovaga muvofiq tasdiqlansin.
2. Oʻzbekiston Respublikasi Adliya vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi adliya vaziri R.Q. Davletov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 24-mart,
180-son
Vazirlar Mahkamasining 2020-yil 24-martdagi 180-son qaroriga
1-ILOVA
1-ILOVA
Nodavlat sud-ekspertiza tashkilotlari faoliyatini tashkil etish tartibi toʻgʻrisida
NIZOM
NIZOM
1-bob. Umumiy qoidalar
1. Ushbu Nizom nodavlat sud-ekspertiza tashkilotlari (keyingi oʻrinlarda nodavlat sud-ekspertiza tashkiloti deb yuritiladi) faoliyatini tashkil etish tartibini belgilaydi.
2. Nodavlat sud-ekspertiza tashkiloti fuqarolik, iqtisodiy, jinoyat va maʼmuriy sud ishlari boʻyicha sud ekspertizasini oʻtkazishga ixtisoslashtirilgan, shtatida sud eksperti sertifikatiga ega mutaxassislar (keyingi oʻrinlarda sud eksperti deb yuritiladi) boʻlgan tashkilot hisoblanadi.
3. Nodavlat sud-ekspertiza tashkiloti yuridik shaxs shaklida tashkil etiladi.
Nodavlat sud-ekspertiza tashkiloti rahbari sifatida faqat sud eksperti faoliyat olib borishi mumkin.
Sud eksperti faqat bitta nodavlat sud-ekspertiza tashkilotining muassisi (ishtirokchisi) boʻlishi mumkin.
4. Nodavlat sud-ekspertiza tashkiloti sud ekspertizasini oʻtkazishda davlat sud-ekspertiza muassasalari kabi funksiyalarni amalga oshiradi, ular kabi huquqqa ega boʻladi, majburiyatlarni bajaradi va javobgar hisoblanadi.
5. Nodavlat sud-ekspertiza tashkiloti faqat sud ekspertizasini amalga oshirish faoliyati bilan shugʻullanishga haqli.
Nodavlat sud-ekspertiza tashkilotining firma nomida uning nodavlat sud-ekspertiza tashkiloti ekanligi koʻrsatilishi shart.
2-bob. Nodavlat sud-ekspertiza tashkiloti tomonidan sud ekspertizasini amalga oshirish
6. Nodavlat sud-ekspertiza tashkilotlari Oʻzbekiston Respublikasi Prezidentining “Sud-ekspertlik faoliyatini yanada takomillashtirish chora-tadbirlari toʻgʻrisida” 2019-yil 17-yanvardagi PQ-4125-son qaroriga 1-ilovada koʻrsatilgan sud ekspertizalarini amalga oshirishga haqli.
Nodavlat sud-ekspertiza tashkiloti sud ekspertizasini oʻtkazishda Vazirlar Mahkamasining 2011-yil 5-yanvardagi 5-son qarori bilan tasdiqlangan Davlat sud-ekspertiza muassasasi yoki boshqa korxona, muassasa, tashkilot tomonidan sud ekspertizasini oʻtkazish tartibi toʻgʻrisidagi namunaviy nizomga amal qiladi.
Keyingi tahrirga qarang.
7. Nodavlat sud-ekspertiza tashkiloti yuridik va jismoniy shaxslarning murojaatlari asosida ruxsat etilgan sud ekspertizasi turlari boʻyicha shartnomaga muvofiq tadqiqotlar oʻtkazishi mumkin. Tadqiqot natijalari boʻyicha mutaxassis fikri beriladi.
8. Nodavlat sud-ekspertiza tashkiloti oʻzining mol-mulkka egalik qilish, undan foydalanish hamda uni tasarruf etish huquqi asosidagi binoga, tegishli sud ekspertizasini xavfsiz amalga oshirishga imkon beradigan va standartlar talablariga mos boʻlgan moddiy-texnik bazasiga ega boʻlishi lozim.
Nodavlat sud-ekspertiza tashkiloti tomonidan sud-ekspertlik faoliyatini turar joyda amalga oshirish taqiqlanadi.
9. Nodavlat sud-ekspertiza tashkilotida sud ekspertizasi shartnomaga muvofiq pullik asosda amalga oshiriladi.
Nodavlat sud-ekspertiza tashkiloti amalga oshiriladigan sud ekspertizasi narxlarini mustaqil belgilaydi.
10. Nodavlat sud-ekspertiza tashkiloti tomonidan sud ekspertizalari oʻtkazilganligi uchun toʻlov sud ekspertizasini tayinlagan organ (shaxs) tomonidan qonun hujjatlariga muvofiq amalga oshiriladi. Ekspertizani oʻtkazish boʻyicha shartnomaga koʻra toʻlov amalga oshirilmaganligi tekshirish obyektlari va ish materiallarini ekspertiza oʻtkazmasdan qaytarish uchun asos hisoblanadi.
Keyingi tahrirga qarang.
11. Sud ekspertizasini tayinlagan organ nodavlat sud-ekspertiza tashkiloti tomonidan oʻtkazilgan sud ekspertizasi xulosasiga qoʻshilmagan taqdirda qayta sud ekspertizasi faqat davlat sud-ekspertiza muassasasi tomonidan amalga oshiriladi.
12. Davlat sud-ekspertiza muassasalari tomonidan amalga oshirilgan sud ekspertizasi xulosasi boʻyicha qoʻshimcha va qayta sud ekspertizasi, shu jumladan, komissiyaviy va kompleks sud ekspertizalari nodavlat sud-ekspertiza tashkiloti tomonidan oʻtkazilishi mumkin.
13. Nodavlat sud-ekspertiza tashkiloti respublikaning barcha hududlaridan, shuningdek, xorijiy mamlakatlardan olingan buyurtmalar asosida sud ekspertizasini amalga oshirish huquqiga ega.
14. Nodavlat sud-ekspertiza tashkiloti sud ekspertizasini oʻtkazishda tegishli davlat sud-ekspertiza muassasalarining ilmiy kengashlari tomonidan maʼqullangan ilmiy-metodik qoʻllanmalarga, shuningdek, mustaqil tarzda ishlab chiqilgan va davlat sud-ekspertiza muassasalarida aprobatsiyadan oʻtgan metodikalarga rioya qilishi lozim.
15. Sud eksperti lavozimdan boʻshatilganda, vafot etganda yoki belgilangan tartibda qasddan jinoyat sodir etishda aybdor deb topilganda yoxud qonun hujjatlariga muvofiq sud ekspertizasini amalga oshirishga toʻsqinlik qiluvchi boshqa holatlar yuzaga kelganda uning yurituvida boʻlgan sud-ekspertiza ishi nodavlat sud-ekspertiza rahbari tomonidan boshqa malakali sud ekspertiga topshirilishi mumkin. Bu toʻgʻrisida sud ekspertizasini tayinlagan organga darhol xabar beriladi.
Keyingi tahrirga qarang.
Sud-ekspertiza ishini boshqa malakali sud ekspertiga topshirish imkoniyati boʻlmaganda nodavlat sud-ekspertiza tashkiloti rahbari uch kunlik muddatda tekshirish obyektlari va ish materiallarini sud ekspertizasini tayinlagan organga qaytaradi. Bunda, nodavlat sud-ekspertiza tashkiloti amalga oshirilgan toʻlovni shartnomaga muvofiq qaytaradi.
16. Nodavlat sud-ekspertiza tashkiloti tomonidan ekspertizani tayinlagan organ (shaxs) bilan kelishmasdan boshqa shaxslarni ekspertiza oʻtkazish uchun jalb qilishga yoʻl qoʻyilmaydi.
17. Sud-ekspertizasi oʻtkazish uchun tushgan ish boʻyicha tomonlarning birortasiga nisbatan affillangan shaxs boʻlgan nodavlat sud-ekspertiza tashkilotiga yoki nodavlat sud-ekspertiza tashkilotining sud ekspertiga bu ish boʻyicha sud ekspertizasini oʻtkazish taqiqlanadi.
Ish boʻyicha ishtirok etayotgan tomonlarning affillangan shaxsi deb quyidagilar tan olinadi:
nodavlat sud-ekspertiza tashkilotining mulkdori, muassisi, kuzatuv kengashi, ijro organi aʼzosi, kreditori, sugʻurtalovchisi;
ustav jamgʻarmasi (ustav kapitali)da nodavlat sud-ekspertiza tashkilotning yoki nodavlat sud-ekspertiza tashkiloti sud ekspertining ulushi boʻlgan yuridik shaxs;
mazkur moddada koʻrsatilgan shaxslar bilan yaqin qarindosh boʻlgan shaxslar.
3-bob. Nodavlat sud-ekspertiza tashkiloti sud ekspertlariga qoʻyiladigan talablar
18. Nodavlat sud-ekspertiza tashkiloti shtatida uning rahbaridan tashqari bir xil yoki turli xil sud ekspertizasi yoʻnalishi boʻyicha sud eksperti sertifikatiga ega kamida ikki nafar sud eksperti boʻlishi lozim.
19. Nodavlat sud-ekspertiza tashkilotida sud eksperti lavozimini oliy maʼlumotga, alohida hollarda esa oʻrta maxsus, kasb-hunar maʼlumotiga ega boʻlgan shaxslar egallashi mumkin.
Nodavlat sud-ekspertiza tashkilotining rahbari oliy maʼlumotli boʻlishi shart.
20. Belgilangan tartibda muomalaga layoqatsiz yoki muomala layoqati cheklangan deb topilgan, qasddan sodir etgan jinoyatlari uchun sudlanganlik holati tugallanmagan yoki sudlanganligi olib tashlanmagan shaxs sud eksperti sifatida jalb etilishi mumkin emas.
LexUZ sharhiQarang: Oʻzbekiston Respublikasi Fuqarolik protsessual kodeksining 31-bobi.
21. Nodavlat sud-ekspertiza tashkiloti rahbari va sud ekspertlari har ikki yilda malakasi va huquqiy bilimlarini oshirishlari lozim.
22. Nodavlat sud-ekspertiza tashkilotining sud eksperti tomonidan qonunchilikda belgilangan tartibda sud eksperti sertifikatini olmasdan turib yoki har ikki yilda malakasi va huquqiy bilimini oshirmasdan sud ekspertizasi oʻtkazilishiga yoʻl qoʻyilmaydi.
LexUZ sharhiQarang: Oʻzbekiston Respublikasi Prezidentining 2019-yil 17-yanvardagi PQ-4125-son “Sud-ekspertlik faoliyatini yanada takomillashtirish chora-tadbirlari toʻgʻrisida”gi qarori.
23. Nodavlat sud-ekspertiza tashkilotlari sud ekspertlarini qayta tayyorlash, malakasi va huquqiy bilimini oshirish ushbu Nizomning 1-ilovasiga muvofiq amalga oshiriladi.
24. Sud eksperti sertifikatini olgandan keyin uzluksiz ravishda besh yil davomida oʻz ixtisosligi boʻyicha sud-ekspertlik faoliyatini olib bormagan shaxs faqat qayta tayyorlash kurslaridan takroran muvaffaqiyatli oʻtgandan keyin sud ekspertizasini oʻtkazishga haqli.
4-bob. Nodavlat sud-ekspertiza tashkilotlarining reytingini yuritish
25. Oʻzbekiston Respublikasi Adliya vazirligi tomonidan uning rasmiy veb-saytida belgilangan tartibda joylashtiriladigan nodavlat sud-ekspertiza tashkilotlari reytingi yuritiladi.
26. Nodavlat sud-ekspertiza tashkilotlari reytingi quyidagi mezonlar asosida yuritiladi:
shtatdagi sud ekspertlarining ilmiy darajasi;
laboratoriyalarning “Tadqiqot va kalibrovka laboratoriyalarining vakolatliligiga qoʻyiladigan umumiy talablar (ISO/IEC 17025)”ga muvofiq akkreditatsiyadan oʻtkazilganligi;
oʻtkaziladigan sud ekspertizasining turlari;
qayta oʻtkazilgan sud ekspertizasida oʻz tasdigʻini topmagan ekspertiza xulosalari soni.
27. Nodavlat sud-ekspertiza tashkilotlari har yili yanvar oyi yakuniga qadar Oʻzbekiston Respublikasi Adliya vazirligiga shtatdagi sud ekspertlarining ilmiy darajasi, laboratoriyalarning “Tadqiqot va kalibrovka laboratoriyalarining vakolatliligiga qoʻyiladigan umumiy talablar (ISO/IEC 17025)”ga muvofiq akkreditatsiyadan oʻtkazilganligi, oʻtkaziladigan sud ekspertizasining turlari toʻgʻrisidagi maʼlumotlarni tasdiqlovchi hujjatlar bilan birga taqdim etadi.
28. Nodavlat sud-ekspertiza tashkilotlari tomonidan amalga oshirilgan va qayta sud ekspertizasida oʻz tasdigʻini topmagan ekspertiza xulosalari toʻgʻrisidagi maʼlumotlar davlat sud-ekspertiza muassasalari tomonidan uch kun ichida Oʻzbekiston Respublikasi Adliya vazirligiga taqdim qilinadi.
29. Nodavlat sud-ekspertiza tashkiloti sud eksperti tomonidan berilgan va qayta sud ekspertizasida oʻz tasdigʻini topmagan sud-ekspertiza xulosasi toʻgʻrisidagi maʼlumot Sud eksperti sifatida kasbiy layoqatni tasdiqlovchi sertifikat olgan shaxslarning yagona reyestriga kiritiladi va besh yil davomida saqlanadi.
30. Sud eksperti sifatida kasbiy layoqatni tasdiqlovchi sertifikat olgan shaxslarning yagona reyestrini yuritish ushbu Nizomning 2-ilovasiga muvofiq amalga oshiriladi.
Vazirlar Mahkamasining 2020-yil 24-martdagi 180-son qaroriga
2-ILOVA
2-ILOVA
Nodavlat sud-ekspertiza tashkilotlari sud ekspertlarini qayta tayyorlash, malakasi va huquqiy bilimini oshirish tartibi toʻgʻrisida
NIZOM
NIZOM
1-bob. Umumiy qoidalar
1. Ushbu Nizom nodavlat sud-ekspertiza tashkilotlarining sud ekspertlarini qayta tayyorlash, malakasi va huquqiy bilimini oshirish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
sud eksperti — nodavlat sud-ekspertiza tashkilotida oʻz xizmat vazifalarini bajarish tartibida sud ekspertizasini oʻtkazuvchi sud eksperti;
sud ekspertini qayta tayyorlash — oliy yoki oʻrta maxsus maʼlumotga ega boʻlgan shaxslarni nodavlat sud-ekspertiza tashkilotida sud eksperti sifatida faoliyat olib borishi uchun zarur bilim va malakaga ega boʻlishi uchun kasbga qayta tayyorlash;
sud ekspertining malakasini oshirish — nodavlat sud-ekspertiza tashkiloti sud ekspertining mazkur Nizomda belgilangan muddatlarda va tartibda amaliy bilimlari, koʻnikma va malakalarini kengaytirish va mustahkamlash maqsadida malaka oshirish kurslarida kasbiy bilim va koʻnikmalarini oshirishi;
sud ekspertining huquqiy bilimini oshirish — nodavlat sud-ekspertiza tashkilotida sud eksperti sifatida faoliyat olib borish uchun lozim boʻlgan huquqiy bilimlarni egallash va amaliyotda qoʻllay olish koʻnikmalarini shakllantirish.
3. Sud ekspertlarini qayta tayyorlash va malakasini oshirish Oʻzbekiston Respublikasi Adliya vazirligi huzuridagi X. Sulaymanova nomidagi Respublika sud ekspertizasi markazi, Oʻzbekiston Respublikasi Ichki ishlar vazirligi Akademiyasi, Fanlar akademiyasining Zoologiya instituti, Fanlar akademiyasining Botanika instituti hamda Oʻzbekiston Badiiy akademiyasi (keyingi oʻrinlarda davlat muassasalari deb ataladi) tomonidan Oʻzbekiston Respublikasi Prezidentining “Sud-ekspertlik faoliyatini yanada takomillashtirish chora-tadbirlari toʻgʻrisida” 2019-yil 17-yanvardagi PQ-4125-son qaroriga 2-ilovada belgilangan ekspertiza turlari boʻyicha amalga oshiriladi.
Keyingi tahrirga qarang.
Sud ekspertlarining huquqiy bilimini oshirish Oʻzbekiston Respublikasi Adliya vazirligi huzuridagi X. Sulaymanova nomidagi Respublika sud ekspertizasi markazining Sud ekspertlarining malakasini oshirish oʻquv markazida amalga oshiriladi.
Keyingi tahrirga qarang.
Keyingi tahrirga qarang.
Davlat muassasalari qayta tayyorlashdan va malaka oshirishdan oʻtgan shaxslar haqidagi maʼlumotlarni uch kun ichida yozma tarzda Oʻzbekiston Respublikasi Adliya vazirligiga taqdim qiladi. Taqdim qilingan maʼlumotda sud ekspertining familiyasi, ismi, otasining ismi, berilgan sertifikat raqami hamda sanasi koʻrsatiladi.
2-bob. Sud ekspertlarini qayta tayyorlash
4. Sud ekspertlarini qayta tayyorlashning maqsadi — sud ekspertizalarining muayyan turi boʻyicha nazariy bilim, amaliy koʻnikma va malakani shakllantirish, talabgorni nodavlat sud-ekspertiza tashkilotida sud eksperti sifatida faoliyat olib borishga tayyorlashdan iborat.
Sud ekspertlarini qayta tayyorlash sud ekspertlarini qayta tayyorlashga qoʻyiladigan talablar asosida tashkil qilinadi.
5. Quyidagilar sud ekspertlarini qayta tayyorlashning vazifalari hisoblanadi:
tinglovchilarni sud ekspertizasi boʻyicha mamlakatdagi va xorijiy davlatlardagi mavjud ilmiy axborot resurslari, ilmiy va oʻquv adabiyotlari bilan tanishtirish;
tinglovchilarda sud ekspertizalarining muayyan turi boʻyicha zamonaviy fan va texnologiyaga muvofiq boʻlgan, ilmiy asoslangan metodikalar amalda qoʻllanilishi koʻnikmalarini shakllantirish;
tinglovchilarni muayyan sud ekspertizasining shakllanish bosqichlari toʻgʻrisida, zamonaviy sud ekspertizasining soʻnggi yutuqlari va imkoniyatlari haqida dolzarb axborot bilan taʼminlash;
sud ekspertlik faoliyatida zarur boʻlgan koʻnikmalarni yetarlicha shakllantirish uchun lozim boʻlgan amaliy mashgʻulotlarni oʻtkazish;
tinglovchilarda mustaqil ravishda sud ekspertizasini oʻtkazish va sud ekspertiza xulosasini rasmiylashtirish uchun zarur boʻlgan malakani shakllantirish.
6. Sud ekspertlarini qayta tayyorlash ixtiyoriylik asosida sud ekspertizasining muayyan turi boʻyicha kasbiy faoliyat bilan shugʻullanish istagini bildirgan talabgorlar uchun tashkil etiladi.
Keyingi tahrirga qarang.
7. Sud ekspertini qayta tayyorlash shartnomaga muvofiq pullik asosda oʻtkaziladi.
8. Sud ekspertizasining muayyan turi boʻyicha uzluksiz ravishda 10 yil davomida sud-ekspertlik faoliyatini amalga oshirgan sud eksperti ushbu ixtisoslik boʻyicha qayta tayyorlash kurslarini oʻtmasdan yakuniy imtihon topshirishga haqli.
Keyingi tahrirga qarang.
Sud eksperti sertifikatini olgandan keyin uzluksiz ravishda besh yil davomida oʻz ixtisosligi boʻyicha sud-ekspertlik faoliyatini olib bormagan shaxs faqat qayta tayyorlash kurslaridan takroran muvaffaqiyatli oʻtgandan keyin sud ekspertizasini oʻtkazishga haqli.
9. Davlat muassasalarida sud ekspertlarini qayta tayyorlash oʻquv dasturlari va rejalari asosida amalga oshiriladi.
10. Nodavlat sud-ekspertiza tashkilotining rahbari sud ekspertlarining oʻz vaqtida malakasi va huquqiy bilimlarini oshirish uchun masʼul hisoblanadi.
3-bob. Sud ekspertlarini qayta tayyorlash oʻquv kurslariga qabul qilish
11. Qayta tayyorlash oʻquv kursiga qabul qilishni tashkil etish uchun har yili davlat muassasasi rahbarining buyrugʻi bilan toq sondan iborat qabul komissiyasi (keyingi oʻrinlarda qabul komissiya deb ataladi) tashkil etiladi. Ushbu qabul komissiyasi kalendar yil davomida faoliyat yuritadi.
12. Qabul komissiyasi tarkibiga davlat muassasasi rahbari, tegishli soha boʻyicha tajribali sud ekspertlari hamda davlat muassasasi buysunadigan vazirlik yoki idora vakili kiradi. Davlat muassasasi rahbari komissiya raisi hisoblanadi. Komissiya aʼzolari ichidan uning kotibi tayinlanadi.
Komissiya uning uchdan ikki qismi aʼzolari hozir boʻlganda vakolatli hisoblanadi. Komissiya majlislarida kotib tomonidan majlis bayonnomasi yuritiladi.
13. Sud ekspertlarini qayta tayyorlash oʻquv kurslari, qoida tariqasida, yiliga ikki marta sentabr va mart oylarida tashkil etiladi.
14. Qayta tayyorlash oʻquv kurslariga talabgorlardan hujjat qabul qilish oʻquv kursi boshlanishidan ikki oy oldin boshlanadi va oʻquv kursi boshlanishiga bir oy qolganda toʻxtatiladi.
15. Talabgorlarni oʻquv kursiga qabul qilish suhbat shaklida oʻtkaziladi va oʻquv kursi boshlanishidan bir oy oldin boshlanadi.
16. Qayta tayyorlash oʻquv kursi tashkil etilishi, oʻquv kurslarining tegishli sud-ekspertlik ixtisosliklari boʻyicha davomiyligi, toʻlov miqdori, hujjatlar qabul qilinadigan va suhbat oʻtkaziladigan joy toʻgʻrisida davlat muassasasining veb-saytida hamda ommaviy aborot vositalarida eʼlon beriladi.
17. Talabgor tegishli davlat muassasasiga quyidagi hujjatlarni topshiradi:
davlat muassasasi rahbari nomiga ariza (arizada talabgorning qaysi tilda taʼlim olishni hohlashi koʻrsatiladi);
pasport nusxasi (pasportning asl nusxasi hujjat topshirishda koʻrsatiladi;
maʼlumoti toʻgʻrisidagi diplom nusxasi;
3,5x4,5 hajmdagi ikki dona fotosurat;
nodavlat sud-ekspertiza tashkiloti nomidan tavsiyanoma.
Keyingi tahrirga qarang.
18. Qabul komissiyasi kotibi tomonidan har bir talabgor uchun hujjatlar yigʻmajildi shakllantiriladi va qabul komissiyasiga koʻrib chiqish uchun kiritiladi.
19. Suhbat talabgorning umumiy dunyoqarashi va kasbga qiziqishi, soha boʻyicha bilimlarini sinovdan oʻtkazish maqsadida qabul komissiyasi tomonidan oʻzbek yoki rus tilida oʻtkaziladi.
20. Suhbat natijasi boʻyicha oʻqishga tavsiya etilgan talabgorga ikki nusxada qayta tayyorlash oʻquv kursida oʻqish toʻgʻrisidagi shartnomani imzolash taklif etiladi.
21. Qayta tayyorlash toʻgʻrisidagi shartnomani imzolagan va toʻlovni amalga oshirgan talabgorlar qayta tayyorlash oʻquv kurslariga davlat muassasasi rahbarining buyrugʻi bilan qabul qilinadi.
4-bob. Sud ekspertlarini qayta tayyorlash oʻquv kurslarini tashkil qilish
22. Sud ekspertlarini qayta tayyorlash oʻquv kurslarida oʻquv mashgʻulotlari maʼruza, seminar, amaliy mashgʻulot, shuningdek interfaol oʻqitish shakllarida (amaliy, laboratoriya, keys-stadi, trening, debat) tashkil qilinadi.
Taʼlim jarayoni oʻzbek yoki rus tillarida olib boriladi.
Oʻquv jarayoni sud ekspertizasining muayyan turi boʻyicha shakllantirilgan guruh tarkibida yoki yakka tartibda (individual oʻqish) oʻtkaziladi.
Keyingi tahrirga qarang.
Keyingi tahrirga qarang.
23. Oʻquv jarayonining davomiyligi oʻquv rejasiga muvofiq belgilanadi. Oʻquv jarayoni haftasiga koʻpi bilan 36 akademik soat hajmida amalga oshiriladi. Oʻquv yuklamasining umumiy hajmi sud ekspertlarini qayta tayyorlashga qoʻyiladigan talablardan kelib chiqqan holda fanlar bloklari boʻyicha taqsimlanadi.
Maʼruza, seminar va amaliy mashgʻulotning oʻquv soatlari miqdori qayta tayyorlash kursining davomiyligidan kelib chiqib belgilanadi. Bunda maʼruza va seminar oʻquv yuklamasining 40 foizidan oshmasligi lozim.
24. Sud ekspertlarini qayta tayyorlash sud ekspertiza turlariga bogʻliq ravishda kamida olti oydan (24 hafta) kam boʻlmagan muddatda tashkil etiladi.
Sud ekspertlarining malakasini oshirish muddati uch hafta etib belgilanadi, bunda kamida bir hafta sud ekspertlarining huquqiy bilimlarini oshirishga ajratiladi.
Keyingi tahrirga qarang.
25. Oʻquv kursining barcha turdagi auditoriya mashgʻulotlarining davomiyligi — 80 minut (ikki akademik soat) etib belgilanadi. Oʻquv mashgʻulotlari orasida tanaffus eʼlon qilinadi.
26. Oʻquv kursining har bir mustaqil mavzusi boʻyicha tinglovchi tomonidan malaka ishi (referat) himoya qilinadi.
Keyingi tahrirga qarang.
27. Amaliy mashgʻulotlarda tinglovchilar tegishli sud-ekspertlik faoliyati boʻyicha tadqiqotlar va tekshiruvlarni mustaqil tarzda oʻtkazadi hamda ularning natijasi boʻyicha zarur hujjatlarni rasmiylashtirish koʻnikmalarini egallaydi.
28. Joriy va oraliq nazorat, amaliy mashgʻulotlar natijalarini qayd qilish, tinglovchilar davomatini yuritish uchun tegishli jurnal yuritiladi.
29. Tinglovchilar oʻquv jarayonidan quyidagi holatlarda davlat muassasasi rahbarining buyrugʻi bilan chetlashtiriladi:
davlat muassasasining ichki tartib-qoidalarini buzganlik uchun;
uzrli sabablarsiz 24 akademik soatdan koʻp oʻquv mashgʻulotlarini qoldirganlik uchun.
Keyingi tahrirga qarang.
5-bob. Tinglovchilar bilimini baholash
30. Oʻquv kursida tinglovchilarning bilimi va amaliy koʻnikmalari reyting tizimi asosida baholanadi.
Tinglovchilar tomonidan oʻquv dasturlarini oʻzlashtirish darajasi joriy, oraliq nazorat va yakuniy attestatsiya orqali aniqlanadi.
Yakuniy attestatsiya oʻqish davrida olingan nazariy bilimlar va amaliy koʻnikmalarni aniqlashga qaratilgan yozma va amaliy imtihon shaklida oʻtkaziladi.
Keyingi tahrirga qarang.
31. Yozma va amaliy imtihon savollari oʻquv jarayonida oʻzlashtirilgan nazariy bilimlar va amaliy koʻnikmalarni sinovdan oʻtkazish uchun oʻquv jarayonida oʻtilgan mavzular va materiallar asosida tuziladi.
32. Yakuniy attestatsiya qabul komissiyasi tomonidan oʻtkaziladi. Yakuniy imtihon natijalari komissiya aʼzolari tomonidan imzolanadigan qaydnoma varaqalariga kiritiladi.
Yakuniy attestatsiya va apellyatsiya shikoyatini koʻrib chiqish jarayoni videotasvirga olinadi. Videotasvir uch oy davomida muhrlangan holda davlat muassasasida saqlanadi.
Keyingi tahrirga qarang.
Keyingi tahrirga qarang.
33. Yakuniy attestatsiyadan oʻtolmagan tinglovchi uch kun ichida davlat muassasasi rahbari nomiga apellyatsiya shikoyati bilan murojaat qilishga haqli.
Apellyatsiya shikoyatini koʻrib chiqish uchun davlat muassasasi rahbari buyrugʻi bilan toq sondan iborat apellyatsiya komissiyasi tashkil etiladi. Qabul komissiyasi aʼzolarining koʻpi bilan yarmi apellyatsiya komissiyasi tarkibiga kirishi mumkin.
Shikoyat apellyatsiya komissiyasi tomonidan tinglovchi ishtirokida uch kun ichida koʻrib chiqiladi hamda tinglovchining attestatsiyadan oʻtganligi yoki oʻtmaganligi toʻgʻrisida qaror qabul qilinadi. Komissiya qarori uning barcha aʼzolari tomonidan imzolanadi.
6-bob. Sud ekspertlariga sertifikat berish yoki berishni rad etish, shuningdek, bekor qilish tartibi
34. Sud ekspertlarini qayta tayyorlash kursi boʻyicha yakuniy attestatsiyadan muvaffaqiyatli oʻtgan sud ekspertlariga ushbu Nizomga 1-ilovaga muvofiq namunadagi sud eksperti sifatida kasbiy layoqatni tasdiqlovchi sertifikat beriladi.
Keyingi tahrirga qarang.
Nodavlat sud-ekspertiza tashkilotlari sud ekspertlariga sud eksperti sifatida kasbiy layoqatni tasdiqlovchi sertifikat Nizomga 2-ilovaga muvofiq tartibda beriladi.
Yakuniy attestatsiyadan oʻta olmagan tinglovchilarga sud eksperti sifatida kasbiy layoqatni tasdiqlovchi sertifikat oʻrniga sud ekspertlarini qayta tayyorlash boʻyicha kurslarda tahsil olganligi haqida maʼlumotnoma beriladi.
Sud eksperti sifatida kasbiy layoqatni tasdiqlovchi sertifikat berishni rad etish asoslari sud ekspertiza turlari boʻyicha taʼlim dasturlarida belgilanadi.
Keyingi tahrirga qarang.
35. Yakuniy attestatsiyaga uzrli sabablar bilan qatnashmagan tinglovchiga bir oy ichida attestatsiyani topshirishga imkoniyat beriladi.
36. Sud eksperti sifatida kasbiy layoqatni tasdiqlovchi sertifikat sud eksperti tomonidan har ikki yilda malakasi va huquqiy bilimlarini oshirib borilganda muddatsiz amal qiladi.
37. Sud eksperti sifatida kasbiy layoqatni tasdiqlovchi sertifikat quyidagi holatlarda bekor qilinadi:
sud eksperti xulosasi ustidan tushgan shikoyat tasdigʻini topsa;
sud ekspertining faoliyati ushbu Nizom talablariga muvofiq emasligi aniqlansa;
sud ekspertizasini oʻtkazishda Vazirlar Mahkamasining 2011-yil 5-yanvardagi 5-son qarori bilan tasdiqlangan Davlat sud-ekspertiza muassasasi yoki boshqa korxona, muassasa, tashkilot tomonidan sud ekspertizasini oʻtkazish tartibi toʻgʻrisidagi namunaviy nizomga amal qilmaganligi aniqlansa;
Keyingi tahrirga qarang.
tegishli sud ekspertizasini xavfsiz amalga oshirishga imkon beradigan va standartlar talablariga mos boʻlgan moddiy-texnik bazasi mavjud boʻlmasa;
sud-ekspertlik faoliyati bilan shugʻullanish davrida belgilangan tartibda muomalaga layoqatsiz yoki muomala layoqati cheklangan deb topilganda;
qasddan sodir etgan jinoyatlari uchun sudlanganda;
belgilangan tartibda har ikki yilda malakasi va huquqiy bilimlarini oshirmasa.
38. Tushgan shikoyat yuzasidan nodavlat sud-ekspertiza tashkiloti faoliyatini oʻrganish tegishli tartibda Oʻzbekiston Respublikasi Adliya vazirligini xabardor qilgan holda davlat muassasasi tomonidan amalga oshiriladi.
39. Sud eksperti sifatida kasbiy layoqatni tasdiqlovchi sertifikat bekor qilingan sud eksperti umumiy asoslarda qayta sertifikat olishi mumkin.
40. Davlat muassasasi sud eksperti sifatida kasbiy layoqatni tasdiqlovchi sertifikat bekor qilingan sud eksperti toʻgʻrisidagi maʼlumotni oʻrganish yakunlanganidan soʻng uch kun ichida nodavlat sud-ekspertiza tashkilotlari reytingiga tegishli maʼlumotni kiritish uchun Oʻzbekiston Respublikasi Adliya vazirligiga taqdim qiladi.
7-bob. Nodavlat sud-ekspertiza tashkilotlari sud ekspertlarini qayta tayyorlash va malaka oshirishga qoʻyiladigan talablar
41. Nodavlat sud-ekspertiza tashkilotlari sud ekspertlarini qayta tayyorlash va malakasini oshirishga qoʻyiladigan talablar (keyingi oʻrinlarda Talablar deb ataladi) sud ekspertlarining qayta tayyorlash va malakasini oshirish boʻyicha oʻquv dasturlari, taʼlim sifatini baholash va nazorat qilish boʻyicha hujjatlarni ishlab chiqish uchun asos hisoblanadi.
Keyingi tahrirga qarang.
42. Quyidagilar sud ekspertlarini qayta tayyorlashga va malakasini oshirishga qoʻyiladigan asosiy talablar hisoblanadi:
Konstitutsiya va qonunlarda belgilangan asosiy prinsiplar va qoidalarni bilish, qonun hujjatlari normalarini toʻgʻri anglash va qoʻllash qobiliyati;
Keyingi tahrirga qarang.
sud-ekspertlik faoliyatini amalga oshirish qobiliyati;
ilmiy-tadqiqot faoliyati bilan shugʻullanish qobiliyati;
turli vaziyatlarga nisbatan ruhiy barqarorlik.
43. Konstitutsiya va qonunlarda belgilangan asosiy prinsiplar va qoidalarni bilish, qonun hujjatlari normalarini toʻgʻri anglash va qoʻllash qobiliyati quyidagilarni nazarda tutadi:
Konstitutsiya va qonunlarda belgilangan asosiy prinsiplar hamda qoidalarni, jumladan, protsessual normalarni bilish va ularning mohiyatini tushunish;
qonun hujjatlarida belgilangan fuqarolarning asosiy huquqlari, erkinliklari va majburiyatlarini bilish va ularning qonun bilan kafolatlanishini anglash;
davlat hokimiyati organlari tizimini va ularning tashkil etilishi asoslarini bilish;
sohaga oid qonun hujjatlarini bilish, tushunish va ularni amaliyotda qoʻllay olish.
Keyingi tahrirga qarang.
44. Sud-ekspertlik faoliyatini amalga oshirish qobiliyati quyidagilarni nazarda tutadi:
sud ekspertizasi sohasidagi bilimlarni qoʻllash koʻnikmalariga ega boʻlish;
mustaqil ijodiy fikrlash hamda sohaga oid huquqiy normalarni toʻgʻri, bir xilda tushunish va qoʻllash, ularning mazmunini aniqlay olish;
sud ekspertizalarining metodikalarini bilish, ularni tadqiqotlar oʻtkazishda mustaqil va toʻgʻri qoʻllay olish;
dastlabki, qayta, qoʻshimcha, komissiyaviy va kompleks ekspertizalar boʻyicha tadqiqotlarni oʻtkaza olish;
sud ekspertizasi sohasida zamonaviy axborot texnologiyalarini mustaqil qoʻllash, Internet jahon axborot tarmogʻidan foydalanishning amaliy koʻnikmalariga ega boʻlish;
sud ekspertizalarini tayinlash va oʻtkazishda mavjud xatolar aniqlay olish hamda ularni bartaraf etish yoʻllarini bilish;
oʻz faoliyatida huquqni muhofaza qiluvchi organlar bilan hamkorlik qilishning asoslarini bilish.
45. Ilmiy-tadqiqot faoliyati bilan shugʻullanish qobiliyati quyidagilarni nazarda tutadi:
sud-ekspertiza sohasida alohida mavzu yoki mavzuning bir qismi boʻyicha ilmiy izlanishlar hamda tajriba oʻtkaza olish va bunday faoliyatda ishtirok etish;
sud ekspertizalarining mavjud metodikalarini takomillashtirish yoki yangi metodikalar yaratish boʻyicha ilmiy-tadqiqot ishlari olib borish;
yangi turdagi sud ekspertizalarini joriy qilish boʻyicha tegishli ilmiy-tadqiqot faoliyatini olib borish.
46. Turli vaziyatlarga nisbatan ruhiy barqarorlik qobiliyati quyidagilarni nazarda tutadi:
faoliyatida uchrab turadigan ziddiyatli vaziyatlarni oldindan bilish va ularni baholay olish;
sud-ekspertlik faoliyatida yuzaga keladigan kolliziyalarni aniqlash va ularni bartaraf etish yoʻllarini bilish;
turli vaziyatlarda aniq va qonunga muvofiq harakat qilish.
47. Sud ekspertlarini qayta tayyorlash va malakasini oshirishga qoʻyiladigan umumiy talablar, sud ekspertlarini qayta tayyorlash va malakasini oshirish sifatini baholash hamda nazorat qilish tartibi tegishli oʻquv dasturlari bilan belgilanadi.
8-bob. Sud ekspertlarining malakasini va huquqiy bilimini oshirish
48. Malakasini va huquqiy bilimlarini oshirayotgan sud ekspertlariga oʻqishning butun davri mobaynida ish beruvchi bilan kelishilgan holda asosiy ish joyi boʻyicha egallab turgan lavozimi va oʻrtacha oylik ish haqi saqlab qolinishi mumkin.
49. Sud ekspertlarining malakasini va huquqiy bilimlarini oshirish kurslari, davlat muassasasi tomonidan tasdiqlangan grafik-taqsimot asosida tashkil etiladi.
50. Sud ekspertlarining malakasini va huquqiy bilimlarini oshirish shartnomaga muvofiq toʻlov asosida amalga oshiriladi.
51. Sud ekspertining navbatdagi malaka va huquqiy bilimini oshirish muddatidan kamida bir oy oldin nodavlat sud-ekspertiza tashkiloti rahbari tegishli davlat muassasasiga mazkur Nizomga 3-ilovaga muvofiq ariza bilan murojaat qiladi.
52. Nodavlat sud-ekspertiza tashkiloti tomonidan tegishli oʻquv kursi boshlanishidan kamida oʻn kun oldin shartnomaga muvofiq toʻlov amalga oshiriladi.
53. Sud ekspertlarining malakasini oshirish muddati ikki haftani, huquqiy bilimlarini oshirish muddati esa bir haftani tashkil qiladi.
Oʻquv jarayoni haftasiga koʻpi bilan 36 akademik soat hajmida amalga oshiriladi.
Keyingi tahrirga qarang.
9-bob. Sud ekspertlarining malakasini va huquqiy bilimini oshirish boʻyicha oʻquv jarayonini tashkil etish
54. Sud ekspertlarining malakasini va huquqiy bilimini oshirish alohida oʻquv dasturlari asosida amalga oshiriladi.
Keyingi tahrirga qarang.
55. Oʻquv jarayoni guruh tarkibida yoki yakka tartibda sud ekspertizalarining muayyan bir turi boʻyicha tashkil etiladi.
56. Davlat muassasalari:
multimedia va axborot-kommunikatsiya texnologiyalarini qoʻllagan holda oʻquv reja va dasturlarini ishlab chiqadi va tasdiqlaydi;
fanlarning sud ekspertiza amaliyoti bilan aloqasini taʼminlaydi, oʻquv jarayoniga sud ekspertizasi sohasidagi ilgʻor ilmiy tadqiqotlar natijalari, pedagogik texnologiyalar, mashgʻulotlar oʻtkazishning samarali shakl va usullarini joriy etadi;
sud ekspertlari tomonidan oʻz mutaxassisligi boʻyicha yangi nazariy bilimlar va zamonaviy tadqiqot usullari, ilgʻor amaliy tajribadan foydalanish koʻnikmalarini rivojlantirishni taʼminlaydi;
mamlakatimizda va xorijda ishlab chiqilgan sud ekspertizasi fanlariga taalluqli ilmiy, metodik va texnik yangiliklar, ilgʻor tajribani oʻrganadi hamda oʻquv jarayoniga joriy qiladi;
oʻquv jarayonining lozim darajada tashkil qilinishi va oʻtkazilishi uchun javob beradi.
57. Oʻquv jarayoni muayyan yoʻnalish boʻyicha uzlukiz mashgʻulotlar (kun davomida boshqa turdagi mashgʻulotlarga jalb etmasdan) tarzida amalga oshiriladi.
58. Sud ekspertlarining malakasini oshirish jarayonida malakaviy amaliyot oʻtkazilishi nazarda tutiladi.
59. Sud ekspertini malaka va huquqiy bilimni oshirish kursiga qabul qilish boʻyicha davlat muassasasi rahbarining buyrugʻi qabul qilinadi.
60. Sud ekspertlari quyidagi holatlarda oʻquv kursidan chetlashtiriladi:
davlat muassasasi ichki tartib-qoidalarini buzganlik uchun;
uzrli sabablarsiz 8 akademik soatdan koʻp oʻquv mashgʻulotlarini qoldirganlik uchun.
61. Sud eksperti oʻz arizasiga koʻra oʻquv jarayonidan chetlashtirilishi mumkin. Uzrli sabablarga koʻra oʻqishni davom ettira olmagan sud ekspertiga kelgusida tashkil etiladigan oʻquv kurslarida oʻqish imkoni beriladi.
62. Sud ekspertini oʻquv jarayonidan chetlashtirish davlat muassasasi rahbarining buyrugʻi bilan rasmiylashtiriladi va bu haqda tegishli nodavlat sud-ekspertizasi tashkilotiga xabar beriladi.
10-bob. Sud ekspertlarining bilimini baholash
63. Oʻquv jarayoniga jalb qilingan sud ekspertlari bilimlarini baholash yakuniy nazoratlar natijasiga koʻra amalga oshiriladi.
Malaka va huquqiy bilimlarni oshirish boʻyicha yakuniy nazorat test yoki yozma imtihon shaklida oʻtkaziladi.
Keyingi tahrirga qarang.
Keyingi tahrirga qarang.
64. Yakuniy nazoratni oʻtkazish uchun davlat muassasasi rahbarining buyrugʻi bilan komissiya tashkil etiladi. Komissiya tarkibiga davlat muassasasi buysunadigan vazirliklar va idoralar, shuningdek, oliy taʼlim muassasalari va boshqa tashkilotlarning vakillari ular bilan kelishgan holda kiritilishi mumkin.
Yakuniy nazorat natijalari komissiya aʼzolari tomonidan imzolanadigan qaydnoma varaqalariga kiritiladi.
65. Malaka oshirish oʻquv dasturini muvaffaqiyatli oʻzlashtirgan sud ekspertiga ushbu Nizomga 4-ilovaga muvofiq namunadagi sertifikat beriladi.
Huquqiy bilimini oshirish oʻquv dasturini muvaffaqiyatli oʻzlashtirgan sud ekspertiga ushbu Nizomga 5-ilovaga muvofiq namunadagi sertifikat beriladi.
66. Yakuniy nazoratlardan oʻta olmagan yoki uzrli sabablarga koʻra ularda ishtirok eta olmagan sud ekspertiga, uning arizasiga binoan, bir oy ichida yakuniy nazoratni qayta topshirish imkoni beriladi.
67. Belgilangan muddatlarda malakasini va huquqiy bilimlarini oshirmagan yoki yakuniy nazoratdan qayta oʻta olmagan sud eksperti malakasini va huquqiy bilimlarini oshirishdan oʻtmagan deb hisoblanadi.
68. Malakasini va huquqiy bilimlarni oshirishdan oʻtmagan sud eksperti ushbu Nizomda belgilangan tartibda malaka va huquqiy bilimini oshirish kursida takroran oʻqishi mumkin.
69. Nodavlat sud-ekspertiza tashkilotlari malakasini va huquqiy bilimlarini oshirishdan oʻtgan sud ekspertlari toʻgʻrisidagi maʼlumotni uch kun muddatda Oʻzbekiston Respublikasi Adliya vazirligiga taqdim qiladi.
70. Belgilangan muddatlarda sud ekspertlarining malakasi va huquqiy bilimlari oshirilishini taʼminlamagan nodavlat sud-ekspertiza tashkilotiga Oʻzbekiston Respublikasi Adliya vazirligi tomonidan ogohlantirish beriladi va uning rasmiy veb-saytida eʼlon qilinadi.
71. Malakasini va huquqiy bilimlarni oshirishdan oʻtgan sud ekspertlari toʻgʻrisidagi maʼlumot Sud eksperti sifatida kasbiy layoqatni tasdiqlovchi sertifikat olgan shaxslarning Yagona reyestriga kiritiladi.
Nodavlat sud-ekspertiza tashkilotlari sud ekspertlarini qayta tayyorlash, malakasini va huquqiy bilimini oshirish tartibi toʻgʻrisidagi nizomga
1-ILOVA
1-ILOVA
|
| ||||||||||||||||||||||||
|
_______________________________________________ | ||||||||||||||||||||||||
|
(Davlat muassasasining nomi) | ||||||||||||||||||||||||
|
| ||||||||||||||||||||||||
|
sud eksperti sifatida kasbiy layoqatni tasdiqlovchi | ||||||||||||||||||||||||
|
№ _____________ | ||||||||||||||||||||||||
| | | | | | | | | | | | | | | | | | | | | | | | | |
| | | 20____ yil “____” ____________________ | | | | | | | | _____________________ | ||||||||||||||
| | | | | | | | | | | | | | | | | | | |
(berilgan joyi) | |||||
| | | | | | | | | | | | | | | | | | | | | | | | | |
| ____________________________________________________________________________________________ | ||||||||||||||||||||||||
|
(sud ekspertining familiyasi, ismi, otasining ismi) | ||||||||||||||||||||||||
|
20____ yil “____” ________________ dan 20____ yil “____” _______________ gacha _______________soatli | ||||||||||||||||||||||||
| _________________________________________________________________________________________ ni | ||||||||||||||||||||||||
|
(qayta tayyorlash kursining nomi) | ||||||||||||||||||||||||
| muvaffaqiyatli tamomladi. | | | | | | | | | | | | | | | | |||||||||
| | | | | | | | | | | | | | | | | | | | | | | | | |
| Mazkur sertifikat sud ekspertining sud ekspertizasining ___________________________________________ turi boʻyicha kasbiy layoqatini tasdiqlaydi. | ||||||||||||||||||||||||
| | | | | | | | | | | | | | | | | | | | | | | | | |
| Komissiya raisi ___________________ | | | | | | | | | | _____________________ | ||||||||||||||
| | | | | | | | | | | | | | | | | | | | _____________________ | |||||
| | | | | | | | | | | | | | | | | | | | __________________ | |||||
|
(imzo) |
| | | | | | | | | |
(F.I.O.) | |||||||||||||
|
(M.Oʻ.) |
| | | | | | | | | | | | | | | | | | | | | | | |
Keyingi tahrirga qarang.
Nodavlat sud-ekspertiza tashkilotlari sud ekspertlarini qayta tayyorlash, malakasini va huquqiy bilimini oshirish tartibi toʻgʻrisidagi nizomga
2-ILOVA
2-ILOVA
Nodavlat sud-ekspertiza tashkilotlari sud ekspertlariga sud eksperti sifatida kasbiy layoqatni tasdiqlovchi sertifikat berish
SXEMASI
SXEMASI
|
Bosqichlar |
|
Subyektlar |
|
Chora-tadbirlar |
|
Muddatlar |
|
|
||||||
|
|
|
|||||
|
1 bosqich |
Davlat muassasasi |
Qayta tayyorlash oʻquv kursi tashkil etilishi toʻgʻrisida davlat muassasasining veb-saytida hamda ommaviy axborot vositalarida eʼlon berish. Qayta tayyorlash oʻquv kursiga qabul qilishni tashkil etish uchun qabul komissiyasi tashkil etish. |
Qoida tariqasida, yiliga ikki marta sentabr va mart oylarida | |||
|
|
||||||
|
|
||||||
|
2 bosqich |
Davlat muassasasi va talabgor |
Qayta tayyorlash kurslariga talabgorlardan tegishli hujjatlarni qabul qilish. |
Oʻquv kursi boshlanishidan 2 oy oldin, 30 kun davomida | |||
|
|
||||||
|
|
|
|||||
|
3 bosqich |
Davlat muassasasi va talabgor |
Talabgorni oʻquv kursiga qabul qilish uchun suhbat tashkil qilish. |
Oʻquv kurs boshlanishidan 1 oy oldin boshlanadi, | |||
|
|
||||||
|
|
||||||
|
4 bosqich |
Davlat muassasasi va tinglovchi |
Suhbat natijasi boʻyicha oʻqishga tavsiya etilgan talabgorga shartnoma imzolashni taklif etish. Talabgorlarni qayta tayyorlash oʻquv kurslariga qabul qilish. |
Suhbat yakunlanganidan soʻng 3 kunlik muddatda | |||
|
|
||||||
|
|
||||||
|
5 bosqich |
Davlat muassasasi va tinglovchi |
Sud ekspertizasining tegishli turi boʻyicha qayta tayyorlash kurslarini tashkil qilish (oʻquv jarayoni) |
6 oydan 1 yilgacha | |||
|
|
||||||
|
|
||||||
|
6 bosqich |
Davlat muassasasi va tinglovchi |
Qayta tayyorlash kurslari boʻyicha yakuniy nazoratdan muvaffaqiyatli oʻtgan tinglovchiga sertifikat berish |
Oʻquv jarayoni yakunlanganidan soʻng 3 kun muddatda | |||
|
|
Nodavlat sud-ekspertiza tashkilotlari sud ekspertlarini qayta tayyorlash, malakasini va huquqiy bilimini oshirish tartibi toʻgʻrisidagi nizomga
3-ILOVA
3-ILOVA
| | | | | | | | | | | | | | |
__________________________________ | ||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Sud ekspertlarining malakasini /huquqiy bilimini oshirish boʻyicha | ||||||||||||||||||||||||
| | | | | | | | | | | | | | | | | | | | | | | | | |
|
Sud ekspertlarining malaka/huquqiy bilimini oshirish kurslarida quyidagi xodim(lar)ni oʻqitish boʻyicha amaliy yordam koʻrsatishingizni soʻrayman: | ||||||||||||||||||||||||
| | | | | | | | | | | | | | | | | | | | | | | | | |
|
T.r. |
Xodim(lar)ning F.I.O. |
Xodim(lar)ning lavozimi |
Mutaxassislik nomi | |||||||||||||||||||||
|
1. |
|
|
| |||||||||||||||||||||
|
2. |
|
|
| |||||||||||||||||||||
|
3. |
| | | |||||||||||||||||||||
| | | | | | | | | | | | | | | | | | | | | | | | | |
| |
______________________________________ |
_________________ |
______________________ | |||||||||||||||||||||
Nodavlat sud-ekspertiza tashkilotlari sud ekspertlarini qayta tayyorlash, malakasini va huquqiy bilimini oshirish tartibi toʻgʻrisidagi nizomga
4-ILOVA
4-ILOVA
|
| ||||||||||||||||||||||||
|
_______________________________________________ | ||||||||||||||||||||||||
|
(Davlat muassasasining nomi) | ||||||||||||||||||||||||
|
| ||||||||||||||||||||||||
|
sud ekspertining malakasinioshirganligi toʻgʻrisida | ||||||||||||||||||||||||
|
№ _____________ | ||||||||||||||||||||||||
| | | | | | | | | | | | | | | | | | | | | | | | | |
| | | 20____ yil “____” ____________________ | | | | | | | | _____________________ | ||||||||||||||
| | | | | | | | | | | | | | | | | | | |
(berilgan joyi) | |||||
| | | | | | | | | | | | | | | | | | | | | | | | | |
| ____________________________________________________________________________________________ | ||||||||||||||||||||||||
|
(sud ekspertining familiyasi, ismi, otasining ismi) | ||||||||||||||||||||||||
|
20____ yil “____” ________________ dan 20____ yil “____” _______________ gacha _______________soatli | ||||||||||||||||||||||||
| _________________________________________________________________________________________ ni | ||||||||||||||||||||||||
|
(malaka ishirish kursining nomi) | ||||||||||||||||||||||||
| muvaffaqiyatli tamomladi. | | | | | | | | | | | | | | | | |||||||||
| | | | | | | | | | | | | | | | | | | | | | | | | |
| Mazkur sertifikat sud ekspertining sud ekspertizasining ___________________________________________ turi boʻyicha kasbiy layoqatini tasdiqlaydi. | ||||||||||||||||||||||||
| | | | | | | | | | | | | | | | | | | | | | | | | |
| Komissiya raisi ___________________ | | | | | | | | | | _____________________ | ||||||||||||||
| | | | | | | | | | | | | | | | | | | | _____________________ | |||||
| | | | | | | | | | | | | | | | | | | | __________________ | |||||
|
(imzo) |
| | | | | | | | | |
(F.I.O.) | |||||||||||||
|
(M.Oʻ.) |
| | | | | | | | | | |
|
| |||||||||||
Keyingi tahrirga qarang.
Nodavlat sud-ekspertiza tashkilotlari sud ekspertlarini qayta tayyorlash, malakasini va huquqiy bilimini oshirish tartibi toʻgʻrisidagi nizomga
5-ILOVA
5-ILOVA
|
| ||||||||||||||||||||||||
|
_______________________________________________ | ||||||||||||||||||||||||
|
(Davlat muassasasining nomi) | ||||||||||||||||||||||||
|
| ||||||||||||||||||||||||
|
sud ekspertining huquqiy bilimini oshirganligi toʻgʻrisida | ||||||||||||||||||||||||
|
№ _____________ | ||||||||||||||||||||||||
| | | | | | | | | | | | | | | | | | | | | | | | | |
| | | 20____ yil “____” ____________________ | | | | | | | | _____________________ | ||||||||||||||
| | | | | | | | | | | | | | | | | | | |
(berilgan joyi) | |||||
| | | | | | | | | | | | | | | | | | | | | | | | | |
| ____________________________________________________________________________________________ | ||||||||||||||||||||||||
|
(sud ekspertining familiyasi, ismi, otasining ismi) | ||||||||||||||||||||||||
|
20____ yil “____” ________________ dan 20____ yil “____” _______________ gacha _______________soatli | ||||||||||||||||||||||||
| _________________________________________________________________________________________ ni | ||||||||||||||||||||||||
|
(malaka oshirish kursining nomi) | ||||||||||||||||||||||||
| muvaffaqiyatli tamomladi. | | | | | | | | | | | | | | | | |||||||||
| | | | | | | | | | | | | | | | | | | | | | | | | |
| Mazkur sertifikat sud ekspertining sud ekspertizasining ___________________________________________ turi boʻyicha kasbiy layoqatini tasdiqlaydi. | ||||||||||||||||||||||||
| | | | | | | | | | | | | | | | | | | | | | | | | |
| Komissiya raisi ___________________ | | | | | | | | | | _____________________ | ||||||||||||||
| | | | | | | | | | | | | | | | | | | | _____________________ | |||||
| | | | | | | | | | | | | | | | | | | | __________________ | |||||
|
(imzo) |
| | | | | | | | | |
(F.I.O.) | |||||||||||||
|
(M.Oʻ.) |
| | | | | | | | | | | | | | | | | Amal qilish muddati 2 yil | ||||||
Keyingi tahrirga qarang.
Vazirlar Mahkamasining 2020-yil 24-martdagi 180-son qaroriga
3-ILOVA
3-ILOVA
Sud eksperti sifatida kasbiy layoqatni tasdiqlovchi sertifikat olgan shaxslarning yagona reyestrini yuritish tartibi toʻgʻrisida
NIZOM
NIZOM
1-bob. Umumiy qoidalar
1. Ushbu Nizom sud eksperti sifatida kasbiy layoqatni tasdiqlovchi sertifikat olgan shaxslarning yagona reyestrini yuritish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
sud eksperti sertifikati — muayyan sud ekspertizasi turi boʻyicha nodavlat sud-ekspertiza tashkiloti sud ekspertining kasbiy layoqatini tasdiqlovchi hujjat;
Yagona reyestr — sud eksperti sertifikatini olgan shaxslar toʻgʻrisidagi maʼlumotlar aks ettirilgan, doimiy yangilab turiladigan va Oʻzbekiston Respublikasi Adliya vazirligi tomonidan yuritiladigan yagona maʼlumotlar bazasi hisoblanadi.
Yagona reyestr Oʻzbekiston Respublikasi Adliya vazirligining Yuridik taʼlim va sud-ekspertiza faoliyatini muvofiqlashtirish boshqarmasi tomonidan yuritiladi.
Keyingi tahrirga qarang.
3. Yagona reyestrga nodavlat sud-ekspertiza tashkilotida mehnat shartnomasi asosida ishga qabul qilingan sud ekspertlari toʻgʻrisidagi maʼlumotlar kiritiladi.
4. Yagona reyestrga kiritilgan maʼlumot nodavlat sud-ekspertiza tashkiloti sud eksperti kasbiy layoqatining rasmiy tasdigʻi hisoblanadi.
5. Sud eksperti toʻgʻrisidagi maʼlumotni Yagona reyestrga kiritish uchun toʻlov undirilmaydi.
6. Yagona reyestr zaruratga qarab yangilanib boriladi.
2-bob. Yagona reyestrni shakllantirish
7. Manfaatdor shaxs Yagona reyestrga kiritish haqidagi ariza bilan Oʻzbekiston Respublikasi Adliya vazirligiga quyidagi hujjatlarni shaxsan yoki pochta orqali taqdim qiladi:
ariza;
pasport nusxasi;
Keyingi tahrirga qarang.
sud eksperti sertifikatining nusxasi;
nodavlat sud-ekspertiza tashkilotiga ishga qabul qilinganligi toʻgʻrisidagi buyruq nusxasi.
Arizada sud eksperti ishga qabul qilingan nodavlat sud-ekspertiza tashkilotining nomi, manzili va telefon raqamlari koʻrsatiladi.
8. Nodavlat sud-ekspertiza tashkiloti rahbari sud ekspertining Oʻzbekiston Respublikasi “Sud ekspertizasi toʻgʻrisida”gi Qonunining 10-moddasi talablariga muvofiqligi uchun masʼul hisoblanadi.
9. Hujjatlarda kamchiliklar aniqlanmagan taqdirda besh ish kuni ichida sud eksperti toʻgʻrisidagi maʼlumot Yagona reyestrga kiritiladi.
10. Yagona reyestrga maʼlumotlarni kiritish va chiqarish Oʻzbekiston Respublikasi adliya vazirining buyrugʻi bilan rasmiylashtiriladi.
Keyingi tahrirga qarang.
11. Hujjatlar tegishli ravishda rasmiylashtirilmagan holda taqdim etilganda yoki hujjatlar toʻliq taqdim etilmaganda sud eksperti toʻgʻrisidagi maʼlumotni Yagona reyestrga kiritish rad etiladi.
Nodavlat sud-ekspertiza tashkilotiga va ariza beruvchiga Yagona reyestrga maʼlumot kiritilganligi yoki maʼlumot kiritish rad etilganligi toʻgʻrisida yozma tarzda maʼlum qilinadi.
Yagona reyestrga kiritilgan sud eksperti bilan mehnat munosabatlari tugatilgan taqdirda nodavlat sud-ekspertiza tashkiloti bu haqda uch kun muddatda Oʻzbekiston Respublikasi Adliya vazirligiga yozma tarzda maʼlum qilishi shart.
Sud ekspertining nodavlat sud-ekspertiza tashkilotidan ishdan boʻshaganligi ushbu sud ekspertiga tegishli maʼlumotni Yagona reyestrdan chiqarishga asos boʻladi.
3-bob. Yagona reyestrni yuritish
12. Yagona reyestr ushbu Nizomga ilovaga muvofiq shaklda yuritiladi.
13. Yagona reyestrda sud ekspertlari toʻgʻrisidagi quyidagi maʼlumotlar koʻrsatiladi:
sud ekspertiga berilgan tartib raqami;
Yagona reyestrga kiritilgan sana;
sud ekspertining familiyasi, ismi, otasining ismi;
sud eksperti faoliyat yuritadigan nodavlat sud-ekspertiza tashkilotining nomi, manzili, telefon raqami;
sud ekspertining ixtisoslashgan sud-ekspertiza turi;
sud eksperti sertifikatining rekvizitlari;
Yagona reyestrdan chiqarilgan sana;
qoʻshimcha maʼlumotlar (malaka va huquqiy bilimni oshirganlik va boshqa).
14. Yagona reyestrdagi maʼlumotlar oʻzgargan hollarda sud eksperti uch ish kunida Oʻzbekiston Respublikasi Adliya vazirligiga ariza bilan murojaat qilishi kerak.
Arizaga maʼlumotlar oʻzgarganligini tasdiqlovchi hujjat nusxasi ilova qilinadi.
Sud eksperti boshqa nodavlat sud-ekspertiza tashkilotiga ishga oʻtgan taqdirda ushbu Nizomning 7-bandida koʻrsatilgan tartibda Oʻzbekiston Respublikasi Adliya vazirligiga murojaat qiladi.
Taqdim qilingan hujjatlar asosida Adliya vazirligi besh ish kunida Yagona reyestrga tegishli oʻzgartirishlarni kiritadi.
15. Quyidagi hollarda sud eksperti toʻgʻrisidagi maʼlumotlar Yagona reyestrdan chiqariladi:
Yagona reyestrdan chiqarish toʻgʻrisida ariza berilganda;
sud eksperti vafot etganda;
Oʻzbekiston Respublikasining “Sud ekspertizasi toʻgʻrisida”gi Qonuni 10-moddasida nazarda tutilgan holatlardan biri yuzaga kelganda.
4-bob. Yakunlovchi qoidalar
16. Yagona reyestr Oʻzbekiston Respublikasi Adliya vazirligining rasmiy veb-saytida eʼlon qilinadi.
17. Sud eksperti toʻgʻrisidagi maʼlumotlarni Yagona reyestrga kiritish rad etilganligi yoki chiqarilganganligi ustidan sudga shikoyat qilinishi mumkin.
18. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
Keyingi tahrirga qarang.
Sud eksperti sifatida kasbiy layoqatni tasdiqlovchi sertifikat olgan shaxslarning yagona reyestrini yuritish tartibi toʻgʻrisidagi nizomga
ILOVA
ILOVA
Sud eksperti sifatida kasbiy layoqatni tasdiqlovchi sertifikat olgan shaxslarning yagona reyestri
|
Sud ekspertiga berilgan tartib raqami |
Yagona reyestrga kiritilgan sana |
Sud ekspertining F.I.O. |
Nodavlat sud-ekspertiza tashkilotiga doir maʼlumot |
Sud eksperti ixtisoslashgan sud ekspertizasi turlari |
Sud eksperti sertifikati rekvizitlari |
Yagona reyestrdan chiqarilgan sana |
Qoʻshimcha maʼlumotlar |
|
1 |
2 |
3 |
4 |
5 |
6 |
7 |
8 |
|
|
|||||||
|
|
(Qonun hujjatlari maʼlumotlari milliy bazasi, 25.03.2020-y., 09/20/180/0356-son, 09.09.2020-y., 09/20/544/1265-son; Qonun hujjatlari maʼlumotlari milliy bazasi, 04.06.2021-y., 09/21/345/0522-son, 22.11.2021-y., 09/21/706/1080-son; 05.04.2022-y., 09/22/153/0266-son; Qonunchilik maʼlumotlari milliy bazasi, 14.12.2022-y., 09/22/705/1089-son; 19.03.2025-y., 09/25/171/0258-son)
