|
Hujjat 21.02.2020 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga jismoniy tarbiya fani oʻqituvchilarini munosib ragʻbatlantirishni tashkil etish, oliy taʼlim muassasalarida jismoniy tarbiya va sportni yanada rivojlantirishga qaratilgan oʻzgartirish va qoʻshimchalar kiritish toʻgʻrisida
Jismoniy tarbiya va ommaviy sportni rivojlantirish boʻyicha olib borilayotgan ishlar natijadorligini hamda yuqori mehnat samaradorligiga erishayotgan jismoniy tarbiya fani oʻqituvchilarini munosib ragʻbatlantirishni tashkil etish, oliy taʼlim muassasalarida jismoniy tarbiya va sportni yanada rivojlantirish, talabalarga jismoniy tarbiya va ommaviy sport bilan muntazam shugʻullanish uchun munosib shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vaziri oʻrinbosari — Oʻzbekiston Respublikasi Turizmni rivojlantirish davlat qoʻmitasi raisi A.A. Abduxakimov va Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi boshligʻi U.N. Tashkenbayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 20-fevral,
106-son
Vazirlar Mahkamasining 2020-yil 20-fevraldagi 106-son qaroriga
ILOVA
ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2019-yil 13-maydagi 392-son qarori bilan tasdiqlangan Maktabgacha, umumiy oʻrta, oʻrta maxsus, kasb-hunar va maktabdan tashqari davlat taʼlim muassasalari pedagog kadrlarini attestatsiyadan oʻtkazish tartibi toʻgʻrisidagi nizomda:
a) 16-bandning ikkinchi xatboshisidagi “(yozma, ijodiy ish)” soʻzlari “(yozma, ijodiy ish, jismoniy tarbiya fani oʻqituvchilari uchun nazariy va amaliy sinovlar)” soʻzlari bilan almashtirilsin;
b) quyidagi mazmundagi 591-band qoʻshilsin:
“591. Taʼlim muassasalarining quyidagi jismoniy tarbiya fani oʻqituvchilariga malaka toifasi (lavozim) toʻgʻridan toʻgʻri (attestatsiyadan oʻtkazilmasdan) beriladi:
tuman (shahar) miqyosidagi sport musobaqalarining birinchi oʻrin sovrindorlarini tayyorlagan taʼlim muassasalari jismoniy tarbiya fani oʻqituvchilariga – ikkinchi malaka toifasi (katta oʻqituvchi lavozimi);
viloyat miqyosidagi sport musobaqalarining birinchi oʻrin sovrindorlarini tayyorlagan taʼlim muassasalari jismoniy tarbiya fani oʻqituvchilariga — birinchi malaka toifasi (yetakchi oʻqituvchi lavozimi);
xalqaro hamda respublika miqyosidagi sport musobaqalarining birinchi, ikkinchi va uchinchi oʻrin sovrindorlarini tayyorlagan taʼlim muassasalari jismoniy tarbiya fani oʻqituvchilariga — oliy malaka toifasi (bosh oʻqituvchi lavozimi)”;
v) 60-bandning “v” kichik bandiga “yozma yoki ijodiy ish” soʻzlaridan keyin “(jismoniy tarbiya fani oʻqituvchilari uchun nazariy va amaliy sinovlar)” soʻzlari qoʻshilsin;
g) 63-bandga quyidagi mazmundagi xatboshi qoʻshilsin:
“Jismoniy tarbiya fani oʻqituvchilari uchun amaliy sinovlar normativlari tegishlicha Davlat inspeksiyasi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi hamda Jismoniy tarbiya va sport vazirligi tomonidan belgilanadi”;
d) 64-bandga “yozma va ijodiy ish” soʻzlaridan keyin “(jismoniy tarbiya fani oʻqituvchilari uchun nazariy va amaliy sinovlar)” soʻzlari qoʻshilsin.
Keyingi tahrirga qarang.
2. Vazirlar Mahkamasining 2019-yil 7-iyundagi 467-son qarori bilan tasdiqlangan Oliy taʼlim muassasalari reytingini aniqlash tartibi toʻgʻrisidagi nizomga 2-ilovada:
a) III boʻlim quyidagi tahrirda bayon etilsin:
|
“ |
III. Talabalar bilimi va bitiruvchilar sifati |
27 |
| |
|
15. |
Talabalarning bilim darajasi (nazorat ishlari natijalari asosida) |
8 |
||
|
16. |
Bitiruvchilarning ishga joylashish darajasi (bitirganidan soʻng 6 oy ichida) |
8 |
||
|
17. |
Oliy taʼlim muassasalari bitiruvchilari bilim va koʻnikmalari sifati haqida ish beruvchilarning bahosi (soʻrovnoma asosida aniqlanadi) |
8 |
||
|
18. |
Reyting yilida xalqaro va respublika olimpiadalarida, nufuzli tanlovlar va sport musobaqalarida sovrinli oʻrinlarni qoʻlga kiritgan hamda mukofot (diplom)larga sazovor boʻlgan talabalar salmogʻi, shu jumladan: |
3 |
||
|
a) xalqaro miqyosda |
2 |
|||
|
b) respublika miqyosida |
1 |
”; | ||
b) quyidagi mazmundagi IV boʻlim qoʻshilsin:
|
“ |
IV. Jismoniy tarbiya va sportni rivojlantirish boʻyicha faoliyati |
3 |
| |
|
19. |
Sport klubi va seksiyalariga aʼzo boʻlib,sport bilan muntazam shugʻullanuvchi hamda sport tasnifiga (razryadga) ega boʻlgan talabalar soni |
2 |
||
|
20. |
Jismoniy tarbiya va sportni rivojlantirish boʻyicha moddiy-texnik bazaning holati, sport infratuzilmasining mavjudligi va jihozlanish darajasi |
1 |
”. | |
(Qonun hujjatlari maʼlumotlari milliy bazasi, 21.02.2020-y., 09/20/106/199-son; Qonunchilik maʼlumotlari milliy bazasi, 17.09.2021-y., 09/21/572/0891-son)
