mazkur Farmonning 6-ilovasida koʻzda tutilgan professional futbol klublarining ustav fondidagi davlat ulushlari Davlat mulkini sotishda tender savdolarini oʻtkazish boʻyicha davlat komissiyasining qaroriga asosan belgilangan tartibda sotiladi.

Keyingi tahrirga qarang.

10. Professional futbol klublariga davlat korxonalari va davlat ulushi mavjud tashkilotlar tomonidan ajratilayotgan moliyaviy mablagʻlarning samarali foydalanilishi ustidan Oʻzbekiston futbol assotsiatsiyasi tomonidan monitoring oʻtkazish amaliyoti joriy qilinsin.

Oʻzbekiston futbol assotsiatsiyasi:

monitoring natijalari yuzasidan davlat korxonalari va tashkilotlariga, shuningdek, yuqori turuvchi organlarga taklif va tavsiyalar kiritib borsin;

professional futbol klublaridagi sportchi va boshqa mutaxassislarni ragʻbatlantirish tizimi shaffofligini taʼminlash maqsadida ikki oy muddatda yagona tartibni ishlab chiqsin va tasdiqlasin.

11. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hududiy futbol assotsiatsiyalari faoliyatini tegishli ravishda Qoraqalpogʻiston Respublikasi budjetining, viloyatlar va Toshkent shahar mahalliy budjetlarining qoʻshimcha daromadlari hisobidan moliyalashtirilishini taʼminlasin.

12. Oʻzbekiston Respublikasi Jismoniy tarbiya va sport vazirligi, Iqtisodiyot va sanoat vazirligi, Qurilish vazirligi, Sogʻliqni saqlash vazirligi, Oʻzbekiston Milliy Olimpiya qoʻmitasi, Toshkent viloyati hokimligi va Oʻzbekiston futbol assotsiatsiyasining 2020-2021-yillarda:

Toshkent viloyati, Yuqori Chirchiq tumani, Yangibozor qoʻrgʻoni hududida futbol boʻyicha milliy terma jamoalar uchun oʻquv-mashgʻulot markazini tashkil etish;

Oʻzbekiston futbol assotsiatsiyasi huzurida funksional diagnostika, sportchilarni sogʻlomlashtirish va reabilitatsiyasi uchun zamonaviy sport tibbiy markazini tashkil qilish va zarur tibbiy asbob-uskuna va jihozlar bilan taʼminlash toʻgʻrisidagi takliflari maʼqullansin.

Oʻzbekiston Respublikasi Iqtisodiyot va sanoat vazirligi Jismoniy tarbiya va sport vazirligi, Moliya vazirligi bilan birgalikda 2020-yilgi Oʻzbekiston Respublikasi Investitsiya dasturining markazlashgan kapital quyilmalar limitlari doirasida futbol boʻyicha milliy terma jamoalar uchun oʻquv-mashgʻulot markazini qurish ishlarining loyiha-smeta hujjatlarini ishlab chiqish uchun zarur mablagʻlar ajratilishini taʼminlasin.

13. Oʻzbekiston Respublikasi Kapital bozorini rivojlantirish agentligi Moliya vazirligi, Jismoniy tarbiya va sport vazirligi, Axborot texnologiyalari va kommunikatsiyalarini rivojlantirish vazirligi, Iqtisodiyot va sanoat vazirligi, Adliya vazirligi, Davlat soliq qoʻmitasi, Oʻzbekiston Milliy Olimpiya qoʻmitasi, Oʻzbekiston futbol assotsiatsiyasi bilan birgalikda 2020-yil 1-iyunga qadar bukmekerlik faoliyatini amalga oshirish bilan bogʻliq normativ-huquqiy hujjatlar loyihalarini Vazirlar Mahkamasiga kiritsin va ularda shu jumladan quyidagilarni:

bukmekerlik faoliyatini litsenziyalash Oʻzbekiston Respublikasi Kapital bozorini rivojlantirish agentligi tomonidan amalga oshirilishini;

bukmekerlik faoliyati bilan shugʻullanuvchi tadbirkorlik subyektlari tomonidan telekommunikatsiya tarmoqlarida, shu jumladan Internet tarmogʻi provayderlarida xizmatlar koʻrsatilishini tartibga solishni;

bukmekerlik faoliyati bilan shugʻullanuvchi tadbirkorlik subyektlari daromadlarining bir qismini sport turlari, shu jumladan futbolni rivojlantirish uchun yoʻnaltirishni;

bukmekerlik faoliyatini davlat tomonidan nazorat qilish mexanizmlari joriy etilishini nazarda tutsin.

Keyingi tahrirga qarang.

14. Oʻzbekiston Respublikasi Moliya vazirligi futbol mahorat maktablari faoliyati bilan bogʻliq xarajatlar, shuningdek, ularni futboli rivojlangan mamlakatlar tajribasidan kelib chiqib, zamonaviy asbob-uskunalar va jihozlar bilan taʼminlash xarajatlari uchun zarur mablagʻlarni 2020-yilda Davlat budjetining “Madaniyat va sport” sohasiga ajratiladigan mablagʻlar doirasida ajratsin va 2021-yildan boshlab Davlat budjeti parametrlarida nazarda tutsin.

15. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2020-yil 1-fevralga qadar tegishli hududlarda stadion va futbol maydonlarini xatlovdan oʻtkazsin va xatlov natijasi boʻyicha egasi nomaʼlum stadion va futbol maydonlarini qonunchilikda belgilangan tartibda joylardagi tuman (shahar) bolalar-oʻsmirlar sport maktablariga oʻtkazilishini taʼminlasin.

16. Oʻzbekiston Respublikasi Prezidentining ayrim qarorlariga 7-ilovaga muvofiq oʻzgartirish va qoʻshimchalar kiritilsin.

17. Oʻzbekiston Respublikasi Jismoniy tarbiya va sport vazirligi Adliya vazirligi, Oʻzbekiston futbol assotsiatsiyasi va boshqa manfaatdor idoralar bilan birgalikda ikki oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

18. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Davlat xavfsizlik xizmati raisi A.A. Azizov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 4-dekabr,

PF-5887-son

Oʻzbekiston Respublikasi Prezidentining 2019-yil 4-dekabrdagi PF-5887-son Farmoniga
1-ILOVA

Oʻzbekistonda professional futbolni rivojlantirish

SXEMASI

Tayyorgarlik darajalari	Bosqichlar	Subyektlar	Tadbirlar	Muddat	Yosh	Maqsad
Birinchi yoʻnalish: futbol mashgʻulotlariga bolalar va oʻsmirlarni jalb qilish. Futbol bilan shugʻullanishga qiziqishni tizimli oshirib borish	I-bosqich	Maktabgacha taʼlim muassasalari	1. Maktabgacha taʼlim muassasalarining tarbiyalanuvchilarini futbolga qiziqtirish uchun futbol boʻyicha oʻyin shaklida koʻrgazmali darslarni tashkil etish. 2. Maktabgacha taʼlim muassasalarining tarbiyalanuvchilari oʻrtasida doimiy tarzda futbol boʻyicha festivallar va qiziqarli koʻngilochar tadbirlar oʻtkazish.	Jadval asosida haftasiga kamida bir marotaba	3 — 6 yosh	Bolalar va oʻsmirlarning jismoniy tarbiya va sportga, shu jumladan futbolga boʻlgan qiziqishini uygʻotish.
	II-bosqich	Umumtaʼlim maktablari	1. Har bir tuman (shahar) umumtaʼlim maktablari oʻrtasida doimiy ravishda “Maktablar futbol ligasi” musobaqalarini oʻtkazib borish. 2. “Maktablar futbol ligasi” musobaqalarini tuman (shahar) hamda Qoraqalpogʻiston Respublikasi, viloyatlar va Toshkent shahar sport va ommaviy jismoniy tarbiya tadbirlarining kalendar rejalariga, shuningdek, Oʻzbekiston “Yoshlik” jismoniy tarbiya va sport jamiyatiga ajratilgan mablagʻlar doirasida moliyalashtirish. 3. “Maktablar futbol ligasi” musobaqalarini oʻtkazish natijalari boʻyicha iqtidorli oʻquvchilarni tuman (shahar) bolalar-oʻsmirlar sport maktablarining futbol boʻlinmalari hamda xususiy futbol maktablariga saralab olish (seleksiya).	Yiliga kamida ikki marotaba	7 — 17 yosh	Umumtaʼlim maktablari oʻquvchilarida sogʻlom turmush tarzini shakllantirish, jismoniy tarbiya va sport bilan, shu jumladan futbol bilan muntazam shugʻullanish. Futbol orqali insonning shaxsini shakllantirish va undan individual qobiliyatlarni roʻyobga chiqaruvchi ijtimoiy loyiha sifatida foydalanish.
Ikkinchi yoʻnalish: havaskor futbolni ommaviylashtirish	III-bosqich	Tuman (shahar) bolalar-oʻsmirlar sport maktablari futbol boʻlinmalari va xususiy futbol maktablari	1. Tuman (shahar) bolalar-oʻsmirlar sport maktablari futbol boʻlinmalari va xususiy futbol maktablari oʻrtasida yosh toifasidan kelib chiqib belgilangan meʼyorlar asosida “Sport maktablari futbol ligasi” musobaqalarini oʻtkazib borish. 2. “Sport maktablari futbol ligasi” musobaqalarini Qoraqalpogʻiston Respublikasi, viloyatlar va Toshkent shahar sport va ommaviy jismoniy tarbiya tadbirlarining kalendar rejalari doirasida moliyalashtirish. 3. “Sport maktablari futbol ligasi” musobaqalari oʻtkazish natijalari boʻyicha Oʻzbekiston Respublikasi Jismoniy tarbiya va sport vazirligi huzuridagi futbol mahorat maktablari (keyingi oʻrinlarda — futbol mahorat maktablari), xususiy professional futbol maktablari va professional futbol klublari huzuridagi futbol akademiyalariga futbolchilarni saralab olish (seleksiya).	Sport va ommaviy jismoniy tarbiya tadbirlarining kalendar rejalariga muvofiq	10 — 14 yosh	Futbol mahorat maktablari, xususiy professional futbol maktablari va professional futbol klublari huzuridagi futbol akademiyalarida iqtidorli va qobiliyatli futbolchilarning tarkibini shakllantirish.
Uchinchi yoʻnalish: havaskor futboldan boshlangʻich professional futbol bilan shugʻullanishga oʻtish	IV-bosqich	Futbol mahorat maktablari, xususiy professional futbol maktablari va professional futbol klublari huzuridagi futbol akademiyalari	1. Futbol mahorat maktablari, xususiy professional futbol maktablari va professional futbol klublari huzuridagi futbol akademiyalarida yosh toifasidan kelib chiqib, belgilangan meʼyorlar asosida “Professional futbol maktablari ligasi” musobaqalarini oʻtkazib borish. 2. “Professional futbol maktablari ligasi” musobaqalari oʻtkazish natijalari boʻyicha hududiy professional futbol klublariga futbolchilarni saralab olish (seleksiya). 3. “Professional futbol maktablari ligasi” musobaqalarini Qoraqalpogʻiston Respublikasi, viloyatlar va Toshkent shahar sport va ommaviy jismoniy tarbiya tadbirlarining kalendar rejalari doirasida moliyalashtirish. 4. Futbol mahorat maktablari, xususiy professional futbol maktablari va professional futbol klublari huzuridagi futbol akademiyalari futbolchilari tomonidan respublika hamda xalqaro miqyosidagi musobaqalarda ishtirok etish.	Sport va ommaviy jismoniy tarbiya tadbirlarining kalendar rejalariga muvofiq	11 — 17 yosh	Professional futbolchilarni professional futbol klublari uchun yagona dastur asosida tayyorlash.
Toʻrtinchi yoʻnalish: professional futbol bilan shugʻullanish	V-bosqich	Professional futbol klublari	Futbol boʻyicha professional faoliyatni olib borish.	Shartnoma asosida	16 yoshdan yuqori	Futbol boʻyicha sport mahoratini oshirish.
	VI-bosqich	Oʻzbekiston futbol assotsiatsiyasi huzuridagi Respublika bolalar va oʻsmirlar futbol akademiyasi	Futbol boʻyicha turli yosh toifasidagi terma jamoalar tarkibini shakllantirish.	Rejaga asosan	16 yoshdan yuqori	Futbol boʻyicha sport mahoratini oshirish.
	VII-bosqich	Xorijiy futbol klublari	Chet davlatlarda futbol faoliyati bilan shugʻullanish.	Shartnoma asosida	16 yoshdan yuqori	Xalqaro darajadagi futbol oʻyinlariga tayyorgarlik koʻrish. Oʻzbekiston terma jamoalari uchun sifatli zaxirani shakllantirish.

Keyingi tahrirga qarang.

Oʻzbekiston Respublikasi Prezidentining 2019-yil 4-dekabrdagi PF-5887-son Farmoniga
2-ILOVA

Oʻzbekistonda futbolni 2030-yilgacha rivojlantirishning yangi bosqichga olib chiqish

konsepsiyasi

1-bob. Umumiy qoidalar

Oʻzbekistonda futbolni 2030-yilgacha rivojlantirishning yangi bosqichga olib chiqish konsepsiyasi (keyingi oʻrinlarda — Konsepsiya) futbolni yanada ommaviylashtirish hamda mazkur sport turini tizimli rivojlantirish maqsadida ishlab chiqilgan kompleks chora-tadbirlarni oʻz ichiga oladi.

Konsepsiya Oʻzbekistonda futbol tizimini rivojlantirishning maqsadi, vazifasi, ustuvor yoʻnalishlari, oʻrta va uzoq muddatli istiqboldagi bosqichlarini belgilaydi hamda futbol sport turini rivojlantirishga yoʻnaltirilgan dasturlar va kompleks chora-tadbirlarni ishlab chiqish uchun asos boʻlib xizmat qiladi.

Futbol sohasida yillar davomida toʻplanib qolgan kamchiliklarni bartaraf etish boʻyicha keng koʻlamli ishlarni amalga oshirish doirasida yangilanayotgan Oʻzbekistonning sport hamjamiyatidagi nufuzini yanada oshirish, ayniqsa, yosh avlodni vatanparvarlik ruhida kamol toptirish va yoshlarning boʻsh vaqtlarini mazmunli oʻtkazishda “futbol omili”ni yanada rivojlantirish Konsepsiyaning tub mohiyatini belgilab beradi.

2-bob. Oʻzbekistonda futbolni rivojlantirish holati va sohadagi tizimli muammolar

Bugungi kunda Oʻzbekistonda futbolni rivojlantirishga yoʻnaltirilgan 255 ta sport taʼlim muassasalari faoliyat yuritadi, ulardan:

209 tasi bolalar-oʻsmirlar sport maktablari;

14 tasi bolalar va oʻsmirlar futbol akademiyalari;

15 tasi professional futbol klublari huzuridagi bolalar va oʻsmirlar futbol maktablari;

17 tasi xususiy futbol maktablari.

Respublika aholisi 33,6 million kishidan ziyod, shundan futbol bilan shugʻullanuvchilar soni 327 291 (ayollar — 11 884) nafarni tashkil etadi. Shundan 297 ta sport taʼlim muassasalarida futbol bilan 7 — 18 yoshdagi shugʻullanuvchilar soni 45 919 (shundan ayollar 610) nafar, professional futbolchilar 2 220 (ayollar 400) nafar. Aholining 0,14% muntazam ravishda futbol bilan shugʻullanib kelmoqda.

2019-yil davomida tashkil etilgan ommaviy va havaskor futbol turnirlarida 7 — 18 yoshgacha 161 000 dan ortiq yoshlar va oʻsmirlar ishtirok etdi, 18 yoshdan yuqori yoshlar oʻrtasida “Charm toʻp”, “Mustaqillik kubogi”, “Havaskorlar ligasi”, “Faxriylar chempionati” musobaqalarida 200 000 dan ziyod kishi futbol bahslarida ishtirok etdi.

Oʻzbekiston Professional futbol ligasida 37 ta professional futbol klublari ishtirokida uch toifadagi musobaqalar oʻtkazib kelinmoqda: Superliga, A Pro-liga, B Pro-liga.

Oʻzbekiston milliy va olimpiya terma jamoalari futbolchilarining jismoniy tayyorgarligi sinovdan oʻtkazilganda quyidagi natijalar qayd etilgan:

tezkor kuch qobiliyati milliy terma jamoada 47%, olimpiya terma jamoasida 53%;

start tezligi darajasi boʻyicha milliy terma jamoada 8%, olimpiya terma jamoasida 17%;

masofa tezligi darajasi milliy terma jamoada 61%, olimpiya terma jamoasida 68%;

tezlik-chidamkorlik darajasi milliy terma jamoada 65%, olimpiya terma jamoasida 70%.

Bugungi kunda Oʻzbekistonda futbol boʻyicha trenerlik faoliyati bilan shugʻullanuvchi shaxslar soni 1 750 nafarni tashkil etadi. Shundan Sirdaryo viloyatida 850 mingga yaqin aholi soniga nisbatan 78 ta (0,1%) trener, Qashqadaryo viloyatida 3,3 million aholi soniga nisbatan 77 ta (0,003%) trener, Samarqand viloyatida 3,8 million aholi soniga nisbatan 79 ta (0,002%) trener toʻgʻri kelmoqda.

Respublikada oʻquv-mashgʻulotlarni oʻtkazish uchun moʻljallangan 380 ta futbol maydoni, 1 830 ta mini-futbol (sunʼiy qoplamali) maydoni mavjud. 65 ta stadiondan 18 tasida xalqaro musobaqalarni oʻtkazish mumkin.

Bu borada Navoiy viloyatida 913 ming aholi soniga nisbatan bir futbol maydoniga kuniga 9 318 nafar kishi, Samarqand viloyatida 3,8 million aholi soniga nisbatan bir futbol maydoniga kuniga 14 047 nafar kishi toʻgʻri kelmoqda.

Xalqaro futbol tajribasiga murojaat qiladigan boʻlsak, Buyuk Britaniyada bolalar va oʻsmirlar futbol maktablari hamda akademiyalari soni 39 812 tani tashkil qiladi, jami 65 million aholidan 11,5 million (20,9%) nafari futbol bilan muntazam shugʻullanadi.

Germaniyada 27 336 ta futbol maktab va akademiyalari faoliyat yuritib, 81 million aholidan 16,3 million (20%) nafari futbol bilan muntazam shugʻullanadi. Rossiyada futbolga ixtisoslashtirilgan 2 245 ta maktab mavjud boʻlib, 146 million aholidan 5,8 million (4,1%) nafari futbol bilan muntazam shugʻullanib kelmoqda.

Oʻzbekiston milliy terma jamoasining 1994-yil Yaponiyaning Xirosima shahrida oʻtkazilgan Osiyo oʻyinlaridagi gʻalabasi xalqaro darajada erishilgan eng katta muvaffaqiyat boʻlib turibdi.

Futbolning bugungi rivojlanish tendensiyasi har bir mamlakatda yaratilgan futbol infratuzilmasini yuqori iqtidorga ega boʻlgan yosh futbolchilarni professional darajada tayyorlash hamda futbol sohasida yuqori malakali sport menejerlarini tayyorlash tizimiga moslashtirishni talab qilmoqda.

Mamlakatda futbolni rivojlantirishga quyidagi tizimli muammolar toʻsqinlik qilmoqda:

birinchidan, iqtidorli bolalar va oʻsmirlarni tanlash va saralab olish (seleksiya) tizimi zamon talablariga javob bermasligi, milliy terma jamoalarimizda sifatli sport zaxirasining mavjud emasligi;

ikkinchidan, futbolchilarning jismoniy tayyorgarlik holati past darajada boʻlganligi va xalqaro talablarga javob bermasligi. Masalan, maxsus chidamlilik va tiklanish tezligini baholash boʻyicha “YoYo” testidan milliy va olimpiya terma jamoasining birorta ham futbolchisi oʻta olmagan;

uchinchidan, futbolni rivojlantirish va boshqaruv tizimida marketing va zamonaviy boshqaruv mexanizmlaridan samarali foydalanish holati qoniqarsizligi;

toʻrtinchidan, malakali kadrlar bilan taʼminlash tizimida, zamonaviy futbol talablari asosida “futbol tahlilchisi”, “sport seleksioneri” (skaut), “sport menejeri”, “sport marketologi”, “sport shifokori”, “sport psixologi”, “sport farmakologi”, “sport diyetologi”, “sport huquqshunosi” kabi mutaxassislarga boʻlgan ehtiyojlarni qondirish uchun zarur shart-sharoitlar mavjud emasligi;

beshinchidan, hududlarda bolalar va oʻsmirlar futbol jamoalari oʻrtasida oʻquv-mashgʻulot jarayonlari va musobaqalar past saviyada tashkil etilayotganligi;

oltinchidan, bolalar va oʻsmirlar futbolidagi trenerlarning ijtimoiy mavqeyi va nufuzi pasayib ketganligi, ularning mehnatiga haq toʻlash va moddiy ragʻbatlantirish tizimining bugungi kun talablariga javob bermasligi;

yettinchidan, futbolni rivojlantirish, futbol boʻyicha tadbirlarni tashkillashtirish, yoshlarni futbolga jalb qilish, targʻibot-tashviqot tadbirlarini oʻtkazish borasida hududiy futbol assotsiatsiyalari faoliyati sustligi;

sakkizinchidan, futbol infratuzilmasining holati (futbol maydonlarining qoplamalari, yoritish tizimlari, multimedia anjomlari bilan taʼminlash darajasi, muxlislar uchun moʻljallangan tribunalar) bugungi kun talablariga javob bermasligi hamda oʻquv-mashgʻulot oʻtkazish uchun moʻljallangan sport inventarlari meʼyorlari eskirganligi;

toʻqqizinchidan, futbol boʻyicha milliy terma jamoalar uchun oʻquv-mashq jarayonini va musobaqalarni markazlashtirilgan holda oʻtkazish imkoniyatini beruvchi yagona oʻquv-mashgʻulot markazi mavjud emasligi;

oʻninchidan, futbolchilarning funksional diagnostikasi va reabilitatsiyasi markazlari, farmakologiya taʼminoti hamda ilmiy asoslantirilgan metodologiyasi tizimi mavjud emasligi;

oʻn birinchidan, futbol klublarining huquqiy maqomi hamda milliy chempionatimizdagi futbol uchrashuvlarining shaffofligini taʼminlovchi mexanizmning belgilanmaganligi, kelishilgan oʻyinlar oʻtkazish kabi holatlarning mavjudligi;

oʻn ikkinchidan, aksariyat professional futbol klublarining faoliyati Osiyo Futbol Konfederatsiyasi va boshqa xalqaro talablarga javob bermasligi;

oʻn uchinchidan, futbolni rivojlantirish uchun ajratilayotgan pul mablagʻlardan samarali foydalanilmasligi;

oʻn toʻrtinchidan, xalqaro va milliy darajadagi futbol musobaqalarida qatnashuvchi sportchilarning biologik yoshini sunʼiy kichraytirish kabi salbiy holatlarning mavjudligi;

oʻn beshinchidan, futbolda korrupsion sxemalar va kelishilgan oʻyinlar mavjudligi, faoliyat ustidan shaffof nazorat tizimi yoʻlga qoʻyilmaganligi.

Oʻzbekistonda futbolni aholining eng ommaviy sport turiga aylantirish, yuqori iqtidorga ega boʻlgan yosh futbolchilarni tanlash, saralab olish va ularni professional sportchilar sifatida tayyorlash tizimini yoʻlga qoʻyish, mamlakat futbolini rivojlangan mamlakatlar bilan raqobat qiladigan darajaga yetkazish, xalqaro talab va standartlar asosida futbol boʻyicha mutaxassislarni tayyorlash, futbol klublari faoliyatini rivojlantirish, terma jamoalar uchun oʻquv-mashq jarayonini samarali tashkil qilish, mamlakatimizda futbol boʻyicha yirik xalqaro musobaqalar, jumladan, oʻsmirlar, yoshlar va xotin-qizlar jamoalari oʻrtasida jahon va qitʼa birinchiliklarini tashkil etish asosiy vazifa hisoblanadi.

3-bob. Oʻzbekistonda futbolni rivojlantirishning asosiy maqsadlari va vazifalari

Zamonaviy futbolning bugungi rivojlanish tendensiyasi unga faqatgina ommalashgan sport turi sifatida emas, balki mamlakat aholisi, ayniqsa, yoshlarni sogʻlom turmush tarziga oʻrgatuvchi, ruhiy-maʼnaviy jihatdan ona Vatanga sadoqat tuygʻularini shakllantiruvchi noyob vosita, keng koʻlamli islohotlar davrida mamlakat iqtisodiyotining rivojlanish koʻrsatkichini belgilovchi muhim omil sifatida eʼtibor qaratishni taqozo etmoqda.

Futboli rivojlangan xorijiy davlatlar tajribasi tahlil qilinganda, aksariyat hollarda, yoshlarni professional futbolchi sifatida tayyorlash orqali futbol klublarining biznes tuzilma sifatida shakllanganligini koʻrishimiz mumkin.

Misol uchun, futbol rivojlanish istiqbollari jihatidan Oʻzbekistonga yaqin boʻlgan Xorvatiya soʻnggi oʻn yillikda futbol sohasida shiddatli oʻzgarishlarni amalga oshirib, Angliya, Fransiya, Italiya, Ispaniya, Germaniya kabi futboli yoʻlga qoʻyilgan mamlakatlar bilan raqobatlashish darajasiga chiqdi.

Xorvatiya futbol akademiyalarida tarbiyalangan mahoratli sportchilar aynan yuqorida nomlari keltirilgan futboli rivojlangan mamlakatlarning futbol klublari safini toʻldirdi. Bu esa Xorvatiya tomonidan futbol akademiyalarini tubdan rivojlantirish orqali mahoratli futbolchilarni tarbiyalab, mamlakat daromadlarini oshirishga hamda futbolchilar va ularning oila aʼzolari manfaatdorligi oshishiga xizmat qiladi.

Oʻzbekiston sharoitida salohiyati yuqori, muayyan tajriba va koʻnikmalarga ega boʻlgan futbolchilarni tayyorlash, ularni innovatsion yondashuvlar asosida ilmiy-uslubiy jihatdan taʼminlash, futbolni yangi bosqichga olib chiqish maqsadida quyidagi muhim yoʻnalishlarga eʼtibor qaratish maqsadga muvofiq hisoblanadi:

birinchidan, mamlakatimizda beshta muhim tashabbus hamda “Obod qishloq” va “Obod mahalla” dasturlari doirasida amalga oshirilayotgan keng koʻlamli islohotlar orqali yoshlarimizni jismoniy chiniqtirish va sportga faol jalb qilish, jumladan Oʻzbekistonda futbolni umummilliy sport turiga aylantirish;

ikkinchidan, yuqori iqtidorga ega boʻlgan yosh futbolchilarni tanlash va saralab olish (seleksiya) tizimini tubdan takomillashtirish;

uchinchidan, iqtidorli futbolchilarni saralab olish, ularni bosqichma-bosqich professional tayyorgarlikdan oʻtkazib borish orqali futboli rivojlanayotgan davlatlarning yetakchi klublariga “futbolchilar eksporti”ni amalga oshirish tizimini yoʻlga qoʻyish;

toʻrtinchidan, ayollar futboli, futzal (mini-futbol) va sohil futbolini ommaviylashtirish va rivojlantirish;

beshinchidan, futbol sohasiga xususiy investitsiyalarni keng jalb etish va ularni ragʻbatlantirish;

oltinchidan, futbol boʻyicha hakamlik faoliyatida erishgan muvaffaqiyatli tajribani ommalashtirish, uni yangi pogʻonaga koʻtarish orqali futbol sohasida Oʻzbekiston trenerlik va hakamlik maktabini takomillashtirish;

yettinchidan, salohiyati yuqori futbolchilarni professional darajada tayyorlash, ularni xorijiy davlatlarning nufuzli futbol klublarida professional faoliyat olib borishini taʼminlash, shuningdek, futbolchilarning huquq va manfaatlarini himoya qilish maqsadida “futbol boʻyicha agentlar” (vositachilar) professional faoliyatini yoʻlga qoʻyish;

sakkizinchidan, respublikaning har bir hududida faoliyat olib borayotgan futbol klublarini Osiyo Futbol Konfederatsiyasi talablari asosida faoliyat yuritishini taʼminlash, moliyalashtirish boʻyicha samaradorlikka erishish maqsadida futbol sohasida monetizatsiya tamoyillarini yoʻlga qoʻyish;

toʻqqizinchidan, professional futbol klublarining aksariyati davlat ulushi mavjud boʻlgan yirik korxona va tashkilotlar tomonidan moliyalashtirilishini qisqartirib borish va klublarda boqimondalik kayfiyatiga barham berish maqsadida futbol sohasini bozor mexanizmlari asosida boshqarish, futbol klublarini xususiy sektorga bosqichma bosqich oʻtkazish;

oʻninchidan, futbol musobaqalari tomoshabopligini oshirish hamda futbolni rivojlantirishning yangi tizimini samarali yoʻlga qoʻyish orqali “oʻzbek futboli” maktabini yaratish;

oʻn birinchidan, professional futbol klublarining zaxirasini tayyorlash va ularning samaradorligini oshirish maqsadida Oʻzbekiston Respublikasi Jismoniy tarbiya va sport vazirligi huzuridagi futbol mahorat maktablarini tegishlicha hududiy professional futbol klublariga biriktirish.

Keyingi tahrirga qarang.

Ushbu Konsepsiyaning maqsadi — Oʻzbekistonda futbolni 2030-yilgacha yanada ommalashtirish hamda mazkur sport turini tizimli rivojlantirish mexanizmlarini ishlab chiqish va amalga oshirish hisoblanadi:

birinchisi, ommaviy va professional futbolni har tomonlama rivojlantirish uchun sharoitlar yaratish;

ikkinchisi, istiqbolli va iqtidorli futbolchilarni tanlash va saralab olish (seleksiya), ularni professional darajada tayyorlash tizimini yoʻlga qoʻyish;

uchinchisi, futbol infratuzilmasini moddiy-texnik jihatdan yanada yaxshilash hamda xalqaro talablarga moslashtirish;

toʻrtinchisi, davlat taʼlim muassasalari, shu jumladan sport taʼlim muassasalarini futbol uchun zarur boʻlgan anjomlar va jihozlar bilan taʼminlash, sport anjomlari va jihozlari ishlab chiqarishni mahalliylashtirish;

beshinchisi, futbol sohasida faoliyat yurituvchi mutaxassislarni tayyorlash, qayta tayyorlash, malakasini oshirish, tanlab olish va rivojlantirishga ilgʻor ilmiy-metodik va innovatsion texnologiyalarni joriy etish;

oltinchisi, futbol sohasidagi meʼyoriy-huquqiy bazani yanada takomillashtirish;

yettinchisi, futbolni moliyalashtirish tizimini takomillashtirish va tijoratlashuv mexanizmlarini joriy etish;

sakkizinchisi, futbol boʻyicha terma jamoalar va ularning zaxirasini shakllantirishda zamonaviy yondashuvlar va qatʼiy reglament talablarini joriy etish.

§ 1. Ommaviy va professional futbolni har tomonlama rivojlantirish uchun sharoitlar yaratish

Ommaviy va professional futbolni har tomonlama rivojlantirish uchun sharoitlar yaratish borasida quyidagi chora-tadbirlarni amalga oshirish zarur:

mahalla yoshlari oʻrtasida “Mahallada futbol”, “Futbolimiz kelajagi”, “Charm toʻp” futbol musobaqalarini muntazam va yuqori saviyada oʻtkazish tizimini yoʻlga qoʻyish;

hududlar kesimida barcha korxona va tashkilotlar, davlat muassasalari xodimlari oʻrtasida futbol boʻyicha “Bosh vazir kubogi”, “Hokim kubogi”, “Rahbar kubogi” kabi tizim musobaqalarini keng qamrovda va muntazam tashkil etish;

Keyingi tahrirga qarang.

Qoraqalpogʻiston Respublikasi va viloyatlarda aholi sonidan kelib chiqib Oʻzbekiston Respublikasi Davlat budjeti mablagʻlari hisobidan moliyalashtiriladigan qoʻshimcha futbol mahorat maktablarini tashkil etish;

futbol mahorat maktablarining rahbar, trenerlari va boshqa xodimlariga olimpiya zaxiralari kollejlari uchun belgilangan mehnatga haq toʻlash va moddiy ragʻbatlantirish shartlarini qoʻllash;

Keyingi tahrirga qarang.

maktabgacha taʼlim muassasalarining tarbiyalanuvchilarini futbolga qiziqtirish uchun futbol boʻyicha oʻyin shaklida koʻrgazmali darslarni tashkil etish;

maktabgacha taʼlim muassasalarining tarbiyalanuvchilari oʻrtasida doimiy tarzda futbol boʻyicha festivallar va qiziqarli koʻngilochar tadbirlar oʻtkazish;

Keyingi tahrirga qarang.

umumtaʼlim maktablari oʻrtasida har bir tuman (shahar)da doimiy ravishda yiliga kamida ikki marotaba “Maktablar futbol ligasi” musobaqalarini oʻtkazib borish;

“Maktablar futbol ligasi” musobaqalarini tuman (shahar) hamda Qoraqalpogʻiston Respublikasi, viloyatlar va Toshkent shahar sport va ommaviy jismoniy tarbiya tadbirlarining kalendar rejalariga hamda Oʻzbekiston “Yoshlik” jismoniy tarbiya va sport jamiyatiga ajratilgan mablagʻlar doirasida moliyalashtirish;

tuman (shahar) bolalar-oʻsmirlar sport maktablari futbol boʻlinmalari va xususiy futbol maktablari oʻrtasida yosh toifasidan kelib chiqib, belgilangan meʼyorlar asosida “Sport maktablari futbol ligasi” musobaqalarini oʻtkazib borish;

Keyingi tahrirga qarang.

futbol mahorat maktablari, xususiy professional futbol maktablari va professional futbol klublari huzuridagi futbol akademiyalari oʻrtasida yosh toifasidan kelib chiqib, belgilangan meʼyorlar asosida “Professional futbol maktablari ligasi” musobaqalarini oʻtkazib borish;

“Sport maktablari futbol ligasi” va “Professional futbol maktablari ligasi” musobaqalarini Qoraqalpogʻiston Respublikasi, viloyatlar va Toshkent shahar sport va ommaviy jismoniy tarbiya tadbirlarining kalendar rejalariga ajratilgan mablagʻlar doirasida moliyalashtirish;

professional futbol bilan shugʻullanishni ragʻbatlantirish va futbol nufuzini yanada oshirish, iqtidorli bolalar va oʻsmirlar uchun professional futbolchilar boʻlishlari uchun qulay sharoitlar yaratish;

futbolga yetim bolalar, ota-onasining qaramogʻidan mahrum boʻlgan bolalar va ijtimoiy himoyaga muhtoj bolalarni jalb etish boʻyicha maqsadli dasturlarni qabul qilish va amalga oshirish;

xususiy futbol maktablari va xususiy professional futbol maktablari faoliyatini yanada rivojlantirish va ragʻbatlantirish, shu jumladan ularni taniqli futbolchilarning nomlari bilan atash;

har yili futbolni ommalashtirishga oid qisqa metrajli videoroliklar yaratish, hujjatli va badiiy filmlarni suratga olish hamda ularni ommaviy axborot vositalarida keng yoritish;

futbolni ommaviylashtirish va har tomonlama rivojlantirish maqsadida tuman (shahar) bolalar-oʻsmirlar sport maktablarida ayollar futboli, futzal (mini-futbol) va sohil futboli guruhlarini tashkil qilish, ular oʻrtasida muntazam ravishda musobaqalarni oʻtkazish;

Keyingi tahrirga qarang.

tuman (shahar), viloyat va respublika sport va ommaviy jismoniy tarbiya tadbirlarining kalendar rejasiga kiritilgan musobaqalarda qatnashuvchi barcha futbolchilarning yagona maʼlumotlar bazasini shakllantirish;

taniqli futbolchilar va trenerlarni jalb qilgan holda yosh futbolchilar uchun uchrashuv va master-klasslar oʻtkazib borish;

futbol trenerlarining mehnatiga haq toʻlash tizimini takomillashtirish. Bunda trenerlarga qoʻshimcha pul mukofoti (oylikdan tashqari) miqdorini tarbiyalangan bolalar va oʻsmirlarning milliy terma jamoasi va professional futbol klublariga aʼzoligidan kelib chiqib belgilash mexanizmlarini joriy qilish;

tuman (shahar)larni futbol sport turiga ixtisoslashtirish;

Oʻzbekiston milliy terma jamoasi ishtirokidagi oʻyinlarga barcha hududlardan fan-klub aʼzolarini markazlashgan holda jalb etish choralarini koʻrish hamda vatanparvarlik ruhidagi targʻibot-tashviqot tadbirlarini muntazam olib borish.

§ 2. Professional futbol klublari faoliyatini yanada rivojlantirish

Professional futbol klublari faoliyatini yanada rivojlantirish borasida quyidagi chora-tadbirlarni amalga oshirish zarur:

barcha professional futbol klublari tarkiblarini belgilangan jismoniy tayyorgarlik talablarini bajargan sportchilardan shakllantirish;

iqtidorli futbolchilarni tayyorlash orqali Markaziy Osiyo, Rossiya, Xitoy va boshqa futboli rivojlanayotgan davlatlarning yetakchi klublariga “futbolchilar eksporti”ni amalga oshirish, xorijiy futbol bozorlarini egallash;

professional futbol klublarini futboli rivojlanayotgan davlatlarning yetakchi klublariga “futbolchilar eksporti”ni amalga oshirish faoliyatini ragʻbatlantirish;

davlat korxonalari va tashkilotlari tomonidan professional futbol klublari faoliyatiga ajratilayotgan moliyaviy mablagʻlarning samarali foydalanilishi ustidan monitoring oʻtkazishni amalga oshirish;

professional futbol klublarida sportchi va boshqa mutaxassislarni ragʻbatlantiradigan tizimning shaffofligini taʼminlash;

professional futbol klublari huzurida innovatsion laboratoriyalar tashkil etish, shu jumladan, futbolchilarni jismoniy tayyorgarligini masofadan kuzatish qurilmalari va zamonaviy imitatsiya uskunalari bilan taʼminlash;

futbol klublarining huquqiy maqomini belgilash va ularga qoʻllanadigan soliq va bojxona imtiyozlaridan samarali foydalanish mexanizmini ishlab chiqish.

§ 3. Istiqbolli va iqtidorli futbolchilarni tanlash va saralab olish (seleksiya), ularni professional darajada tayyorlash tizimini yoʻlga qoʻyish

Oʻzbekistonda istiqbolli va iqtidorli futbolchilarni tanlash va saralab olish (seleksiya), ularni professional darajada tayyorlash tizimini yoʻlga qoʻyish tizimi oʻz ichiga kompleks chora-tadbirlarni qamrab oladi.

Tanlash va saralab olish (seleksiya) jarayonini shartli ravishda havaskor va professional darajalarga ajratish mumkin.

Havaskor darajadagi tanlash va saralab olish (seleksiya) asosan maktabdan tashqari taʼlim muassasalari va umumtaʼlim maktablari ommaviy ravishda futbol bilan mashgʻul boʻlish masalalarini hal qiladi, xolos. Mazkur darajadagi tanlash va saralab olish (seleksiya) usuli va futbol guruhlarini shakllantirishni ifodalaydi, ishtirokchilar orasidan kelgusida professionallarni tayyorlash maqsadida qobiliyatli yoshlarni futbolga jalb qilish vazifasini bajaradi.

Futbol boʻyicha professional darajadagi sportchilarni tanlash va saralab olish (seleksiya) toʻrt bosqichda amalga oshiriladi:

birinchi, “Maktablar futbol ligasi” musobaqalarini oʻtkazish natijalari boʻyicha iqtidorli oʻquvchilar tuman (shahar) bolalar-oʻsmirlar sport maktablarining futbol boʻlinmalari hamda xususiy futbol maktablariga saralab olinadi (seleksiya);

Keyingi tahrirga qarang.

ikkinchi, “Sport maktablari futbol ligasi” musobaqalarini oʻtkazish natijalari boʻyicha futbol mahorat maktablari, xususiy professional futbol maktablari va professional futbol klublari huzuridagi futbol akademiyalariga futbolchilar saralab olinadi (seleksiya);

uchinchi, “Professional futbol maktablari ligasi” musobaqalarini oʻtkazish natijalari boʻyicha hududiy professional futbol klublariga futbolchilar saralab olinadi (seleksiya);

toʻrtinchi, Oʻzbekiston futbol assotsiatsiyasi huzuridagi Respublika bolalar va oʻsmirlar futbol akademiyasida futbol boʻyicha turli yosh toifasidagi terma jamoalar tayyorgarlik koʻradilar.

§ 4. Futbol infratuzilmasini moddiy-texnik jihatdan yanada yaxshilash hamda xalqaro talablarga moslashtirish

Oʻzbekistonda futbol infratuzilmasini moddiy-texnik jihatdan yanada yaxshilash hamda xalqaro talablarga moslashtirish borasida quyidagi chora-tadbirlarni amalga oshirish zarur:

futbol mahorat maktablarining moddiy-texnik bazasini mustahkamlash, ularni sport anjomlari va jihozlari bilan taʼminlash, sport inshootlarini barpo etish;

Xalqaro Futbol Assotsiatsiyalari Federatsiyasi va Osiyo Futbol Konfederatsiyasi talablariga javob beradigan zamonaviy futbol maydonlarini barpo etish va mavjudlarini rekonstruksiya qilish;

futbolchilarni tayyorlash va yoshlarni futbolga jalb qilish maqsadida respublikada futbol maydonlarini barpo etish va mavjudlarini rekonstruksiya qilish. Bunda ushbu maydonlar qoplamalari tabiiy chimdan boʻlishini taʼminlash va tabiiy chimni ishlab chiqaradigan korxonalarni qoʻllab-quvvatlash;

futbol va mini-futbol maydonlarini barpo etish, shu jumladan davlat-xususiy sheriklik asosida qurilishini nazarda tutuvchi “Har bir mahallada futbol maydoni” dasturi ijrosini taʼminlash. Futbol maydonlari va mini-futbol maydonchalarini barpo etishda xalqaro moliya institutlari va xorijiy banklarning imtiyozli kredit liniyalarini Hukumat kafolati asosida jalb qilish;

hududlarda futzal (mini-futbol) boʻyicha musobaqalar oʻtkazishga moʻljallangan zamonaviy sport zallari tarmogʻini barpo etish yuzasidan chora-tadbirlarni belgilash;

har bir hududda sohil futboli bilan shugʻullanish uchun qumli maydonchalar barpo etilishini taʼminlash;

futbol infratuzilma obyektlarini sifatli va yetarli darajada sport inventarlari bilan taʼminlash;

professional futbol musobaqalariga zamonaviy axborot-kommunikatsiya texnologiyalari va innovatsion loyihalar, xususan VAR (Video Assistant Referee, video yordamchi hakam) tizimini joriy etish.

§ 5. Davlat taʼlim muassasalari, shu jumladan tuman (shahar) bolalar-oʻsmirlar sport maktablari futbol boʻlinmalarini futbol uchun zarur boʻlgan anjomlar va jihozlar bilan taʼminlash

Davlat taʼlim muassasalari, shu jumladan tuman (shahar) bolalar-oʻsmirlar sport maktablari futbol boʻlinmalarini futbol uchun zarur boʻlgan anjomlar va jihozlar bilan taʼminlash borasida quyidagilarni amalga oshirish zarur:

Keyingi tahrirga qarang.

davlat taʼlim muassasalari, shu jumladan tuman (shahar) bolalar-oʻsmirlar sport maktablari futbol boʻlinmalarining futbol uchun zarur boʻlgan anjom va jihozlar bilan taʼminlanganligini oʻrganish;

Keyingi tahrirga qarang.

umumtaʼlim maktablari va tuman (shahar) bolalar-oʻsmirlar sport maktablari futbol boʻlinmalarini futbol boʻyicha sport anjomlari hamda jihozlari bilan, shu jumladan futbol toʻplari bilan doimiy ravishda belgilangan meʼyorlar doirasida taʼminlash;

Keyingi tahrirga qarang.

futbol toʻplarini ishlab chiqaruvchi korxonalarni qoʻllab-quvvatlash, ularning muammo va kamchiliklarini bartaraf qilishga koʻmaklashish;

Oʻzbekiston Respublikasi Davlat budjeti parametrlarida sport anjomlari va jihozlari bilan belgilangan meʼyorlar doirasida muntazam ravishda taʼminlash boʻyicha xarajatlar moddasini alohida koʻrsatish.

§ 6. Futbol sohasida faoliyat yurituvchi mutaxassislarni tayyorlash, qayta tayyorlash, malakasini oshirish, tanlab olish va rivojlantirishga innovatsion yondashuv, ilgʻor ilmiy-metodik va axborot-kommunikatsiya texnologiyalarini joriy etish

Oʻzbekistonda futbol sohasida faoliyat yurituvchi mutaxassislarni tayyorlash, qayta tayyorlash, malakasini oshirish, tanlab olish va rivojlantirishda quyidagilarni amalga oshirish zarur:

futbol boʻyicha texnik direktor lavozimlariga mutaxassislarni tanlab olish mezonlarini ishlab chiqish va joriy etish, shuningdek, xorijiy mutaxassislarni jalb qilish;

Osiyo Futbol Konfederatsiyasi dasturlari boʻyicha (ayollar futboli, futzal (mini futbol), sohil futboli, darvozabonlar va jismoniy tayyorgarlik boʻyicha trenerlar) xalqaro instruktorlarni jalb qilgan holda xalqaro trenerlik kurslarini oʻtkazish;

Xalqaro Futbol Assotsiatsiyalari Federatsiyasi, Yevropa Futbol Assotsiatsiyalari Birlashmasi va Osiyo Futbol Konfederatsiyasi mutaxassislarini jalb qilgan holda trenerlik taʼlimi boʻyicha instruktorlarni tayyorlash yuzasidan ixtisoslashtirilgan kurslarni tashkil etish;

futbolning turli yoʻnalishlari — ayollar futboli, futzal (mini futbol), sohil futboli boʻyicha trenerlar, hakamlar va boshqa mutaxassislar uchun Xalqaro Futbol Assotsiatsiyalari Federatsiyasining ixtisoslashtirilgan seminarlarini tashkil etish va oʻtkazish;

futbol boʻyicha trenerlarning xorijiy mamlakatlarda malaka oshirishini (stajirovkasini) tashkil etish;

yuqori malakali trener va hakamlarni tayyorlash, qayta tayyorlash, malakasini oshirish maqsadida Oʻzbekiston futbol assotsiatsiyasi huzurida Futbol mutaxassislarini tayyorlash markazini tashkil etish va uning faoliyatini yoʻlga qoʻyish;

futbolchilar va boshqa mutaxassislarni tayyorlashning dolzarb masalalari yuzasidan yetakchi mahalliy va xorijiy mutaxassislarni jalb etgan holda futbol boʻyicha ilmiy-uslubiy va ilmiy-amaliy konferensiyalar oʻtkazib borish;

Xalqaro Futbol Assotsiatsiyalari Federatsiyasi, Yevropa Futbol Assotsiatsiyalari Birlashmasi va Osiyo Futbol Konfederatsiyasining trenerlar tayyorlash boʻyicha yetakchi xorijiy markazlarida Oʻzbekiston futbol assotsiatsiyasi vakillarining stajirovkasini tashkil etish;

futbol oʻyinlari davomida muxlislar bilan ishlash va lokal xavfsizlikni taʼminlash boʻyicha “styuard muxlis” tizimini tashkil etish, koʻngilli yoshlar va fan-klublar aʼzolari uchun ixtisoslashtirilgan seminarlarni tashkil etish;

Oʻzbekiston futbol mutaxassislarini xalqaro futbol tuzilmalarining boshqaruv boʻgʻinlarida faoliyat yuritishlarini taʼminlash boʻyicha zarur choralar koʻrish.

§ 7. Futbol musobaqalari televizion translyatsiyasi tizimini tubdan takomillashtirish

Futbol musobaqalari televizion translyatsiyasi tizimini tubdan takomillashtirishda quyidagilarni amalga oshirish zarur:

har bir hududdagi xalqaro musobaqalar oʻtkazishga moʻljallangan stadionlarni ND televizion studiyalar hamda zarur multimedia jihozlari bilan taʼminlash;

futbol musobaqalari televizion translyatsiyasi media huquqlarini oʻrta va uzoq muddatli shartlarda xususiy sektorga oʻtkazish;

futbol sohasini bosqichma-bosqich tijoratlashtirish orqali “sponsorship” (titul homiylik, reklama distribyutsiyasi, axborot hamkorlik va boshqalar) tizimini rivojlantirish hamda uchrashuvlarning televizion translyatsiyasini telekanallarga sotish mexanizmini yoʻlga qoʻyish;

stadionlardan futbol musobaqalarining toʻgʻridan-toʻgʻri translyatsiyasini tashkil etish uchun optik tolali aloqa liniyalarini oʻtkazish;

futbol stadionlaridan reportajlarni onlayn tarzda tayyorlash maqsadida yuqori tezlikdagi Internet tizimini tashkil etish.

§ 8. Futbol sohasidagi meʼyoriy-huquqiy bazani yanada takomillashtirish

Meʼyoriy-huquqiy bazani takomillashtirishda quyidagilarni amalga oshirish zarur:

professional futbol musobaqalari oʻtkazilishini tartibga soluvchi meʼyoriy hujjatlar bazasini xalqaro tajribaning ilgʻor jihatlarini oʻrganib chiqqan holda yangi tahrirda ishlab chiqish;

futbol sohasida ilgʻor xorijiy davlatlar tajribasini oʻrgangan holda samarali boshqaruv tizimi (sport menejment)ini joriy qilishga qaratilgan normativ-huquqiy hujjatlarni ishlab chiqish va tasdiqlash;

yosh futbolchilarni saralab olish, tanlash (seleksiya) va ularni professional darajada tayyorlash tizimini yoʻlga qoʻyish hamda professional futbol klublarida iqtidorli yoshlarning faoliyat yuritishini tizimli ravishda qoʻllab-quvvatlashga doir normativ-huquqiy hujjatlarni ishlab chiqish va tasdiqlash;

sport taʼlimi hamda futbolga ixtisoslashtirilgan taʼlim muassasalariga qabul qilish mezonlarini takomillashtirishga doir normativ-huquqiy hujjatlarni ishlab chiqish va tasdiqlash;

futbolga ixtisoslashtirilgan taʼlim muassasalarining huquqiy maqomini aniq belgilash va ularning faoliyatini rivojlantirish boʻyicha normativ-huquqiy hujjatlarni ishlab chiqish va tasdiqlash;

Oʻzbekiston Respublikasida futbol boʻyicha trenerlik taʼlimi va trenerlik faoliyati bilan shugʻullanish uchun attestatsiyadan oʻtish tartibi toʻgʻrisida normativ-huquqiy hujjatlarni ishlab chiqish va tasdiqlash;

Oʻzbekiston Respublikasida futbol boʻyicha (shu jumladan terma jamoalar uchun) trenerlarni tanlab olish mezonlarini ishlab chiqish va amaliyotga joriy etish;

hakamlarni tayyorlash tizimini takomillashtirish maqsadida tanlab olish mezonlarini ishlab chiqish va joriy qilish;

xalqaro standartlar asosida futbol sport turi boʻyicha agentlar (vositachilar)ning faoliyatini tartibga solish va ularni akkreditatsiyadan oʻtkazish tartibi toʻgʻrisidagi nizomni ishlab chiqish va tasdiqlash;

xalqaro tajribadan kelib chiqib, futbolni yanada rivojlantirish, investitsiyaviy jozibadorlikni oshirish, qoʻshimcha pul mablagʻlarini jalb qilish maqsadida Oʻzbekistonda bukmekerlik faoliyatini legallashtirish bilan bogʻliq normativ-huquqiy hujjatlarni qabul qilish;

Keyingi tahrirga qarang.

“sport shifokori”, “sport psixologi”, “sport farmakologi”, “sport diyetologi”, “sport seleksioneri”, “futbol tahlilchisi”, “sport huquqshunosi”, “texnik direktor” va “futbol hakami” kabi zamonaviy kasblarni qonunchilik doirasida belgilovchi va faoliyatini tartibga soluvchi normativ-huquqiy hujjatlarni ishlab chiqish va tasdiqlash.

futbol faoliyati bilan shugʻullanuvchi mutaxassislar tomonidan bukmekerlik faoliyati bilan shugʻullanish, totalizator oʻynash, oʻyinga yoki uning natijasiga taʼsir oʻtkazish maqsadida kelishilgan oʻyinlar oʻtkazish, ularda ishtirok etish yuzasidan javobgarlikni belgilash boʻyicha normativ-huquqiy hujjatlarni qabul qilish.

Keyingi tahrirga qarang.

§ 9. Futbolni moliyalashtirish tizimini rivojlantirish va tijoratlashuv mexanizmlarini joriy etish

Futbolni moliyalashtirish tizimini rivojlantirish va tijoratlashuv mexanizmlarini joriy etishda quyidagilarni amalga oshirish zarur:

professional futbol klublari boshqaruv tizimini tijoratlashtirish, jumladan 2020-yildan boshlab har bir klubning aniq biznes strategiyasi ishlab chiqilishini taʼminlash;

davlat ulushi mavjud boʻlgan yirik korxona va tashkilotlar tomonidan moliyalashtiriladigan futbol klublarini bosqichma-bosqich xususiy sektorga oʻtkazib borish;

stadionlarga futbol muxlislarini keng jalb qilish maqsadida zamonaviy chipta tizimi (shu jumladan abonement sotuvi)ni joriy qilish, qolaversa, stadionlar infratuzilmasidan samarali foydalanish maqsadida “xospitaliti xizmatlari” (xostel, ovqatlanish, fitnes, sport maktablari va boshqalar)ni tashkil etish, klublar va stadion muzeylari faoliyatini yoʻlga qoʻyish;

futbol sohasi subyektlari faoliyatini tijoratlashtirish maqsadida “futbol merchandayzingi” (klublar atributikasi, suvenir va ekipirovkalar majmuini yaratish, turistik sayohat marshrutlari va boshqalar)ni joriy qilish;

taniqli xorij klublari va futbolchilari ishtirokida sport festivallari hamda sport lotereyalari tashkil etish orqali stadionlarga muxlislarni jalb qilish mexanizmlarini yoʻlga qoʻyish.

bukmekerlik faoliyatidan kelib tushadigan pul mablagʻlarini shu jumladan futbolni rivojlantirish uchun yoʻnaltirish, futbolga ixtisoslashtirilgan sport taʼlim muassasalari faoliyatini qoʻllab-quvvatlash.

Keyingi tahrirga qarang.

§ 10. Futbol boʻyicha terma jamoalar va ularning zaxirasini shakllantirishda mutlaqo yangi yondashuvlarni joriy etish

Futbol boʻyicha terma jamoalar va ularning zaxirasini shakllantirishda quyidagilarni amalga oshirish zarur:

futbol boʻyicha milliy terma jamoalar uchun oʻquv-mashgʻulot markazini tashkil etish;

futbol boʻyicha terma jamoalarga iqtidorli futbolchilarni tanlash va saralab olish (seleksiya) mezonlarini ishlab chiqish va joriy etish;

barcha turdagi milliy va olimpia terma jamoalari tarkiblarini belgilangan jismoniy tayyorgarlik talablarini bajargan sportchilaridan shakllantirish;

terma jamoa futbolchilarini tiklanish vositalari bilan taʼminlash, ularning ovqatlanish va vitaminizatsiya tizimini xalqaro talablar asosida takomillashtirish;

professional futbol klublarining rasmiy muxlislar fan-klublari aʼzolari uchun milliy qadriyat va anʼanalar asosida “Muxlislik kodeksi” qoidalar majmuini ishlab chiqish va amaliyotga joriy etish;

futbol boʻyicha Oʻzbekistonning yagona madhiyasini yaratish.

4-bob. Konsepsiyani amalga oshirishdan kutilayotgan natijalar

Mazkur Konsepsiyada belgilab berilgan ustuvor vazifalarni izchil amalga oshirish orqali quyidagi natijalarga erishish nazarda tutilmoqda:

professional futbolchilarning jismoniy tayyorgarligi kuchayadi va natijada oʻyinlar sifati oshadi;

har bir professional futbol klubi “futbol tahlilchisi”, “sport shifokori”, “sport psixologi”, “sport farmakologi”, “sport seleksioneri”, “sport huquqshunosi”, “texnik direktor” kabi kasblar boʻyicha malakali kadrlar bilan toʻliq taʼminlanishiga erishiladi;

respublika boʻyicha futbol bilan muntazam shugʻullanayotgan barcha sportchilarning faoliyati va funksional diagnostika natijalarining yagona bazasi yaratiladi;

2030-yilga kelib respublikada futbolning ommaviyligini oshirish hisobiga futbol bilan muntazam shugʻullanuvchilar soni umumiy aholi soniga nisbatan 5%ga yetkaziladi;

futbol sohasiga korrupsion sxemalarning salbiy taʼsiri hamda faoliyat ustidan shaffof nazorat tizimi yoʻlga qoʻyiladi hamda futbol musobaqalarining adolat tamoyillari asosida oʻtkazilishiga erishiladi;

terma jamoalarni nufuzli xalqaro musobaqalarda ishtiroki etish imkoniyatlari yaratiladi, Oʻzbekiston futbol assotsiatsiyasining futbol ommaviyligini oshirish va professional rivojlantirish borasidagi faoliyati samaradorligi taʼminlanadi;

professional futbol klublarini xususiy sektorga oʻtkazish hisobiga oʻzaro raqobatbardoshligi ortadi, futbol oʻyinlari tomoshabopligi taʼminlanadi;

hududlarda futbol infratuzilmasining takomillashtirilishi natijasida xalqaro va mahalliy futbol tadbirlarini yuqori darajada oʻtkazish imkoniyati yaratiladi;

futbol klublarining moliyaviy barqarorligi ortishini inobatga olib, ijtimoiy yuklamalar vositasida joylarda bolalar futbolini rivojlantirish, zarur infratuzilma (sport maydonlari, inventarlari va boshqa zarur jihozlar) bilan taʼminlash imkoniyati yaratiladi;

iqtidorli futbolchilarni professional tayyorlab borish hamda xorijiy mamlakatlarning yetakchi klublariga transfer qilib borishning zamonaviy tizimi yaratiladi;

sport sohasida bukmekerlik faoliyati legallashtirilishi natijasida qoʻshimcha daromad mablagʻlari yoʻnaltirilishi taʼminlanadi;

Keyingi tahrirga qarang.

zamonaviy marketing uslublari vositasida futbol muxlislari auditoriyasini kengaytirish orqali yoshlarning boʻsh vaqtlarini mazmunli oʻtkazish hamda ularda vatanparvarlik tuygʻularini qaror toptirish imkoniyati paydo boʻladi.

5-bob. Yakunlovchi qoidalar

Oʻzbekistonda futbolni rivojlantirishni yangi bosqichga olib chiqish, oʻz navbatida ilgari surilgan vazifalarning toʻliq bajarilishiga hamda har bir mutasaddining oʻz masʼuliyatini anglash darajasiga bogʻliq.

Vatanimiz futbolining zamonaviy qiyofasi jahon futbolida oʻzining munosib oʻrnini egallash uchun yaratib beriladigan sharoitlarga, islohotlarga va albatta qanday natijalarga erishishimizga bogʻliq boʻladi.

Binobarin, ustuvor vazifalarning natijadorligini xalq, birinchi navbatda haqiqiy futbol ishqibozlari ulkan tajribasi bilan adolatli baholab beradi.

Oʻzbekiston Respublikasi Prezidentining 2019-yil 4-dekabrdagi PF-5887-son Farmoniga
3-ILOVA

Oʻzbekistonda futbolni 2030-yilgacha rivojlantirishning yangi bosqichga olib chiqish konsepsiyasini 2019-2020-yillarda amalga oshirish boʻyicha

“Yoʻl xarita”

T/r	Tadbirlar nomi	Amalga oshirish shakli	Amalga oshirish muddati	Masʼul ijrochilar
I. Ommaviy va professional futbolni har tomonlama rivojlantirish uchun sharoitlar yaratish
1.	Mahalla yoshlari oʻrtasida “Mahallada futbol”, “Futbolimiz kelajagi”, “Charm-toʻp” futbol musobaqalarini muntazam va yuqori saviyada oʻtkazish tizimini yoʻlga qoʻyish.	Vazirlar Mahkamasi qarori	2020-yil 1-may	Jismoniy tarbiya va sport vazirligi (D. Nabiyev), Moliya vazirligi (T. Ishmetov), Oʻzbekiston futbol assotsiatsiyasi (A. Azizov), Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi (Sh. Javlonov), OʻzbekistonYoshlar ittifoqi (A. Saʼdullayev)
2.	Hududlar kesimida barcha korxona va tashkilotlar, davlat muassasalari xodimlari oʻrtasida futbol boʻyicha “Bosh vazir kubogi”, “Hokim kubogi”, “Rahbar kubogi” kabi tizim musobaqalarini keng qamrovda va muntazam tashkil etish.	Vazirlar Mahkamasi qarori	2020-yil 1-may	Jismoniy tarbiya va sport vazirligi (D. Nabiyev), Moliya vazirligi (T. Ishmetov), Oʻzbekiston futbol assotsiatsiyasi (A. Azizov)
3.	Maktabgacha taʼlim muassasalarining tarbiyalanuvchilarini futbolga qiziqtirish uchun futbol boʻyicha oʻyin shaklida koʻrgazmali darslarni tashkil etish. Maktabgacha taʼlim muassasalarining tarbiyalanuvchilari oʻrtasida doimiy tarzda futbol boʻyicha festivallar va qiziqarli koʻngilochar tadbirlar oʻtkazish.	Tashkiliy tadbirlar	2020-yil 1-apreldan boshlab	Maktabgacha taʼlim vazirligi (A. Shin), Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov)
4.	Umumtaʼlim maktablari oʻrtasida har bir tuman (shahar)da doimiy ravishda yiliga kamida ikki marotaba “Maktablar futbol ligasi” musobaqalarini oʻtkazib borish. “Maktablar futbol ligasi” musobaqalarini oʻtkazish natijalari boʻyicha iqtidorli oʻquvchilarni tuman (shahar) bolalar-oʻsmirlar sport maktablarining futbol boʻlinmalari hamda xususiy futbol maktablariga saralab olish (seleksiya) tizimini yoʻlga qoʻyish.	Vazirlar Mahkamasi qarori	2020-yil 1-may	Jismoniy tarbiya va sport vazirligi (D. Nabiyev), Moliya vazirligi (T. Ishmetov), Xalq taʼlimi vazirligi (Sh. Shermatov), Oʻzbekiston futbol assotsiatsiyasi (A. Azizov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
5.	Tuman (shahar) bolalar-oʻsmirlar sport maktablari futbol boʻlinmalari va xususiy futbol maktablari oʻrtasida yosh toifasidan kelib chiqib belgilangan meʼyorlar asosida “Sport maktablari futbol ligasi” musobaqalarini oʻtkazib borish. “Sport maktablari futbol ligasi” musobaqalarini oʻtkazish natijalari boʻyicha Oʻzbekiston Respublikasi Jismoniy tarbiya va sport vazirligi huzuridagi futbol mahorat maktablari (keyingi oʻrinlarda — futbol mahorat maktablari), xususiy professional futbol maktablari va professional futbol klublari huzuridagi futbol akademiyalariga futbolchilarni saralab olish (seleksiya) tizimini yoʻlga qoʻyish.	Vazirlar Mahkamasi qarori	2020-yil 1-may	Jismoniy tarbiya va sport vazirligi (D. Nabiyev), Moliya vazirligi (T. Ishmetov), Oʻzbekiston futbol assotsiatsiyasi (A. Azizov)
6.	Futbol mahorat maktablari, xususiy professional futbol maktablari va professional futbol klublari huzuridagi futbol akademiyalari oʻrtasida yosh toifasidan kelib chiqib belgilangan meʼyorlar asosida “Professional futbol maktablari ligasi” musobaqalarini oʻtkazib borish. “Professional futbol maktablari ligasi” musobaqalarini oʻtkazish natijalari boʻyicha hududiy professional futbol klublariga futbolchilarni saralab olish (seleksiya) tizimini yoʻlga qoʻyish.	Vazirlar Mahkamasi qarori	2020-yil 1-may	Jismoniy tarbiya va sport vazirligi (D. Nabiyev), Moliya vazirligi (T. Ishmetov), Oʻzbekiston futbol assotsiatsiyasi (A. Azizov)
7.	Xususiy futbol maktablari va xususiy professional futbol maktablari faoliyatini tartibga solish va yanada rivojlantirish, shu jumladan ular toʻgʻrisida namunaviy nizomni tasdiqlash.	Vazirlar Mahkamasi qarori	2020-yil 1-oktabr	Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov), Moliya vazirligi (T. Ishmetov)
8.	Futbolni ommalashtirishga oid qisqa metrajli videoroliklar yaratish, hujjatli va badiiy filmlarni suratga olish hamda ularni ommaviy axborot vositalarida keng yoritish.	Tashkiliy tadbirlar	2020-yildan boshlab	Milliy teleradiokompaniya (A. Xadjayev), “Oʻzbekkino” MA (F. Abduxalikov), Oʻzbekiston futbol assotsiatsiyasi (A. Azizov)
9.	Futbolni ommaviylashtirish va har tomonlama rivojlantirish maqsadida tuman (shahar) bolalar-oʻsmirlar sport maktablarida ayollar futboli, futzal (mini-futbol) va sohil futboli guruhlarini tashkil qilish, ular oʻrtasida muntazam ravishda musobaqalarni oʻtkazish.	Tashkiliy tadbirlar	2020-yil 1-may	Jismoniy tarbiya va sport vazirligi (D. Nabiyev), Moliya vazirligi (T. Ishmetov), Oʻzbekiston futbol assotsiatsiyasi (A. Azizov)
10.	Taniqli futbolchilar va trenerlarni jalb qilgan holda yosh futbolchilar uchun uchrashuv va master-klasslar oʻtkazib borish.	Rejaga asosan	2019-2020-yillar davomida	Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov)
11.	Futbol trenerlarning mehnatiga haq toʻlash tizimini takomillashtirish. Bunda trenerlarga qoʻshimcha pul mukofoti (oylikdan tashqari) miqdorini tarbiyalangan bolalar va oʻsmirlarning milliy terma jamoasi va professional futbol klublariga aʼzoligidan kelib chiqib belgilash mexanizmlarini joriy qilish.	Vazirlar Mahkamasi qarori	2020-yil 1-sentabr	Jismoniy tarbiya va sport vazirligi (D. Nabiyev), Moliya vazirligi (T. Ishmetov), Oʻzbekiston futbol assotsiatsiyasi (A. Azizov)
12.	Oʻzbekiston milliy terma jamoasi ishtirokidagi oʻyinlarga barcha hududlardan fan-klublari aʼzolarini markazlashgan holda jalb etish choralarini koʻrish hamda vatanparvarlik ruhidagi targʻibot-tashviqot tadbirlarini muntazam olib borish.	Rejaga asosan	2019-2020-yillar davomida	Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov)
II. Professional futbol klublari faoliyatini yanada rivojlantirish
13.	Professional futbol klublari hamda terma jamoalar tarkiblarini jismoniy tayyorgarligi yaxshi futbolchilar orasidan shakllantirish maqsadida jismoniy tayyorgarlik talablarini qayta koʻrib chiqish. Bunda professional futbolchilarning jismoniy tayyorgarlik talablarini mazkur Farmon bi�an tasdiqlanayotgan jismoniy tayyorgarligi boʻyicha modellashtirilgan meʼyorlari doirasida amalga oshirish.	Oʻzbekiston futbol assotsiatsiyasi qarori	2020-yil 1-mart	Oʻzbekiston futbol assotsiatsiyasi (A. Azizov)
14.	Iqtidorli futbolchilarni tayyorlash orqali Markaziy Osiyo, Rossiya, Xitoy va boshqa futboli rivojlanayotgan davlatlarning yetakchi klublariga “futbolchilar eksporti”ni amalga oshirish, xorijiy futbol bozorlarini egallash.	Tashkiliy tadbirlar	2020-yildan boshlab	Oʻzbekiston futbol assotsiatsiyasi (A. Azizov)
15.	Professional futbol klublarini futboli rivojlanayotgan davlatlarning yetakchi klublariga “futbolchilar eksporti”ni amalga oshirish faoliyatini ragʻbatlantirish.	Qonun hujjatlariga oʻzgartirish va qoʻshimchalar kiritish	2020-yil 1-dekabr	Oʻzbekiston futbol assotsiatsiyasi (A. Azizov), Jismoniy tarbiya va sport vazirligi (D. Nabiyev), Moliya vazirligi (T. Ishmetov)
16.	Professional futbol klublari huzurida innovatsion laboratoriyalar tashkil etish, shu jumladan, futbolchilarni jismoniy tayyorgarligini masofadan kuzatish qurilmalari va zamonaviy imitatsiya uskunalari bilan taʼminlash.	Rejaga asosan	2019-2020-yillar davomida	Oʻzbekiston futbol assotsiatsiyasi (A. Azizov), Innovatsion rivojlanish vazirligi (I. Abduraxmonov)
17.	Futbol klublarining huquqiy maqomini belgilash va ularga qoʻllanadigan soliq va bojxona imtiyozlaridan samarali foydalanish mexanizmini ishlab chiqish.	Vazirlar Mahkamasi qarori	2020-yil 1-fevral	Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov)
III. Istiqbolli va iqtidorli futbolchilarni tanlash va saralab olish (seleksiya), ularni professional darajada tayyorlash tizimini yoʻlga qoʻyish
18.	Tuman (shahar), viloyat va respublika sport hamda ommaviy jismoniy tarbiya tadbirlarining kalendar rejasiga kiritilgan musobaqalarda qatnashuvchi barcha futbolchilarning yagona maʼlumotlar bazasini shakllantirish. Respublika boʻyicha futbol bilan muntazam shugʻullanayotgan barcha sportchilarning funksional diagnostika natijalarining yagona bazasini yaratish.	Tashkiliy tadbirlar	2020-yil 1-yanvar	Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov)
19.	Oʻzbekiston futbol assotsiatsiyasi huzuridagi Respublika bolalar va oʻsmirlar futbol akademiyasi faoliyatini tashkil etish.	Vazirlar Mahkamasi qarori	2019-2020-yillar davomida	Oʻzbekiston futbol assotsiatsiyasi (A. Azizov), Moliya vazirligi (T. Ishmetov)
IV. Futbol infratuzilmasini moddiy-texnik jihatdan yanada yaxshilash hamda xalqaro talablarga moslashtirish
20.	Xalqaro Futbol Assotsiatsiyalari Federatsiyasi va Osiyo Futbol Konfederatsiyasi talablariga javob beradigan zamonaviy futbol maydonlarini barpo etish va mavjudlarini rekonstruksiya qilish.	Vazirlar Mahkamasi farmoyishi	2020-yil 15-fevral	Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov), Qurilish vazirligi (B. Zokirov), manfaatdor vazirliklar va idoralar
21.	Futbolchilarni tayyorlash va yoshlarni futbolga jalb qilish maqsadida respublikada futbol maydonlarini barpo etish va mavjudlarini rekonstruksiya qilish.	Vazirlar Mahkamasi farmoyishi	2020-yil 15-fevral	Jismoniy tarbiya va sport vazirligi (D. Nabiyev), Investitsiyalar va tashqi savdo vazirligi (S. Umurzakov), Qurilish vazirligi (B. Zokirov), Oʻzbekiston futbol assotsiatsiyasi (A. Azizov), manfaatdor vazirliklar va idoralar
22.	Hududlarda futzal (mini-futbol) boʻyicha musobaqalar oʻtkazishga moʻljallangan zamonaviy sport zallari tarmogʻini barpo etish yuzasidan chora-tadbirlarni belgilash. Har bir hududda sohil futboli bilan shugʻullanish uchun qumli maydonchalar barpo etilishini taʼminlash.	Vazirlar Mahkamasi farmoyishi	2020-yil 1-avgust	Jismoniy tarbiya va sport vazirligi (D. Nabiyev), Investitsiyalar va tashqi savdo vazirligi (S. Umurzakov), Qurilish vazirligi (B. Zokirov), Oʻzbekiston futbol assotsiatsiyasi (A. Azizov), manfaatdor vazirliklar va idoralar
23.	Futbol maydonlari va mini-futbol maydonchalarini barpo etish, shu jumladan davlat-xususiy sheriklik asosida qurilishini nazarda tutuvchi “Har bir mahallada futbol maydoni” dasturini ishlab chiqish va ijrosini taʼminlash. Futbol maydonlari va mini-futbol maydonchalarini barpo etishda xalqaro moliya institutlari va xorijiy banklarning imtiyozli kredit liniyalarini Hukumat kafolati asosida jalb qilish.	Tashkiliy tadbirlar	2020-yildan boshlab	Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi (Sh. Javlonov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Qurilish vazirligi (B. Zokirov), Investitsiyalar va tashqi savdo vazirligi (S. Umurzakov), Moliya vazirligi (T. Ishmetov), Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov)
24.	Xalqaro tajribadan kelib chiqib, Xalqaro Futbol Assotsiatsiyalari Federatsiyasi, Osiyo Futbol Konfederatsiyasi talablariga muvofiq 2021-yilgi futbol mavsumidan boshlab Superliga jamoalari oʻrtasidagi uchrashuvlarda adolat va shaffoflikni taʼminlash maqsadida VAR (Video Assistant Referee, video yordamchi hakam) tizimini joriy etish.	Tashkiliy tadbirlar	2020-yil 1-dekabr	Oʻzbekiston futbol assotsiatsiyasi (A. Azizov), Milliy teleradiokompaniya (A. Xadjayev)
25.	VAR (Video Assistant Referee, video yordamchi hakam) tizimini 2020-yil avgust oyidan boshlab Superliga uchrashuvlarida tajribada qoʻllanishi (offlayn rejimi) amalga oshirilishi uchun har bir stadionda kamida 6 ta ND kamera oʻrnatilishini taʼminlash.	Tashkiliy tadbirlar	2020-yil 1-mart	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov), manfaatdor vazirliklar va idoralar
26.	Oʻzbekiston futbol assotsiatsiyasi huzuridagi Respublika bolalar va oʻsmirlar futbol akademiyasini joylashtirish.	Tashkiliy tadbirlar	2019-2020-yillar davomida	Oʻzbekiston futbol assotsiatsiyasi (A. Azizov), Jismoniy tarbiya va sport vazirligi (D. Nabiyev)
27.	Toshkent viloyati, Angren shahri, Krasnogorsk qoʻrgʻonida joylashgan Oʻzbekiston futbol assotsiatsiyasi huzuridagi Oʻquv-sogʻlomlashtirish bazasini Futbol boʻyicha oʻsmirlar va yoshlar terma jamoalarning qisqa muddatli oʻquv yigʻin mashgʻulotlarini oʻtkazish uchun rekonstruksiya qilish.	Vazirlar Mahkamasi farmoyishi	2020-yil 1-may	Jismoniy tarbiya va sport vazirligi (D. Nabiyev), Moliya vazirligi (T. Ishmetov), Investitsiyalar va tashqi savdo vazirligi (S. Umurzakov), Oʻzbekiston futbol assotsiatsiyasi (A. Azizov)
28.	Oʻzbekiston futbol assotsiatsiyasi huzuridagi Futbol boʻyicha respublika sport mahoratini oshirish oliy maktabi bino va inshootlarini 2020-yilda zamonaviy talablar asosida rekonstruksiya qilish.	Vazirlar Mahkamasi farmoyishi	2020-yil 15-fevral	Oʻzbekiston futbol assotsiatsiyasi (A. Azizov), Jismoniy tarbiya va sport vazirligi (D. Nabiyev), Moliya vazirligi (T. Ishmetov)
V. Davlat taʼlim muassasalari, shu jumladan sport maktablarini futbol uchun zarur boʻlgan anjomlar va jihozlar bilan taʼminlash
29.	Davlat taʼlim muassasalari, shu jumladan tuman (shahar) bolalar-oʻsmirlar sport maktablari futbol boʻlinmalarini futbol uchun zarur boʻlgan anjom va jihozlar bilan taʼminlanganligini oʻrganish.	Tashkiliy tadbirlar	2020-yil 1-yanvar	Jismoniy tarbiya va sport vazirligi (D. Nabiyev), Xalq taʼlimi vazirligi (Sh. Shermatov), Moliya vazirligi (T. Ishmetov), Oʻzbekiston futbol assotsiatsiyasi (A. Azizov)
30.	Umumtaʼlim maktablari va tuman (shahar) bolalar-oʻsmirlar sport maktablari futbol boʻlinmalarini futbol boʻyicha sport anjomlar hamda jihozlar bilan, shu jumladan futbol toʻplari doimiy ravishda belgilangan meʼyorlar doirasida taʼminlash.	Tashkiliy tadbirlar	2020-yildan boshlab	Xalq taʼlimi vazirligi (Sh. Shermatov), Jismoniy tarbiya va sport vazirligi (D. Nabiyev), Moliya vazirligi (T. Ishmetov), Oʻzbekiston futbol assotsiatsiyasi (A. Azizov)
VI. Futbol sohasida faoliyat yurituvchi mutaxassislarni tayyorlash, qayta tayyorlash, malakasini oshirish, tanlab olish va rivojlantirishga innovatsion yondashuv, ilgʻor ilmiy-metodik va axborot-kommunikatsiya texnologiyalarini joriy etish
31.	Futbol boʻyicha texnik direktor lavozimlariga mutaxassislarni tanlab olish mezonlarini ishlab chiqish va joriy etish.	Oʻzbekiston futbol assotsiatsiyasi qarori	2019-2020-yillar davomida	Oʻzbekiston futbol assotsiatsiyasi (A. Azizov)
32.	Xalqaro Futbol Assotsiatsiyalari Federatsiyasi va Osiyo Futbol Konfederatsiyasi instruktorlari rahbarligida hakamlar uchun nazariy va amaliy oʻquv seminarlarini tashkil etish.	Tashkiliy tadbirlar	2019-2020-yillar davomida	Oʻzbekiston futbol assotsiatsiyasi (A. Azizov)
33.	Quyidagi chora-tadbirlarni amalga oshirish:futbol mahorat maktablari trenerlari va mutaxassislarining professional darajasini oshirishga qaratilgan oʻquv kurslarini tashkil etish; Osiyo Futbol Konfederatsiyasi dasturlari boʻyicha (ayollar futboli, futzal (mini futbol), sohil futboli, darvozabonlar va jismoniy tayyorgarlik boʻyicha trenerlar) xalqaro instruktorlarni jalb qilgan holda xalqaro trenerlik kurslarini oʻtkazish; Xalqaro Futbol Assotsiatsiyalari Federatsiyasi, Yevropa Futbol Assotsiatsiyalari Birlashmasi va Osiyo Futbol Konfederatsiyasi mutaxassislarini jalb qilgan holda trenerlik taʼlimi boʻyicha instruktorlarni tayyorlash yuzasidan ixtisoslashtirilgan kurslarni tashkil etish; futbolning turli yoʻnalishlari — ayollar futboli, futzal (mini futbol), sohil futboli boʻyicha trenerlar, hakamlar va boshqa mutaxassislar uchun Xalqaro Futbol Assotsiatsiyalari Federatsiyasining ixtisoslashtirilgan seminarlarini tashkil etish va oʻtkazish; futbol boʻyicha trenerlarning xorijiy mamlakatlarda malaka oshirishini (stajirovkasini) tashkil etish; futbol seleksionerlari va tahlilchilari uchun oʻquv kurslarini joriy etish va muntazam ravishda oʻtkazish.	Rejaga asosan	2019-2020-yillar davomida	Oʻzbekiston futbol assotsiatsiyasi (A. Azizov), Jismoniy tarbiya va sport vazirligi (D. Nabiyev)
34.	Zamonaviy ilmiy yutuqlar va innovatsion texnologiyalaridan foydalanilgan holda trener, seleksioner (skaut), tahlilchi, hakam, marketolog va futbol menejeri yoʻnalishlari boʻyicha yuqori malakali futbol mutaxassislarini tayyorlash, qayta tayyorlash va malakasini oshirish maqsadida mahalliy hamda xorijiy mutaxassislarni keng jalb qilish orqali Oʻzbekiston futbol assotsiatsiyasi huzurida Futbol mutaxassislarini tayyorlash markazini tashkil etish. Oʻzbekiston Respublikasida futbol boʻyicha hakamlarni tayyorlash tizimini takomillashtirish maqsadida tanlab olish mezonlarini qayta qoʻrib chiqish.	Tashkiliy tadbirlar	2020-yil 1-fevral	Oʻzbekiston futbol assotsiatsiyasi (A. Azizov), Jismoniy tarbiya va sport vazirligi (D. Nabiyev), manfaatdor vazirliklar va idoralar
35.	Futbol oʻyinlari davomida muxlislar bilan ishlash va lokal xavfsizlikni taʼminlash boʻyicha “styuard muxlis” tizimini tashkil etish.	Tashkiliy tadbirlar	2020-yil 1-may	Jismoniy tarbiya va sport vazirligi (D. Nabiyev), Ichki ishlar vazirligi (P. Bobojonov), Oʻzbekiston futbol assotsiatsiyasi (A. Azizov)
36.	Oʻzbekiston futbol mutaxassislarini xalqaro futbol tuzilmalarining boshqaruv boʻgʻinlarida faoliyat yuritishlarini taʼminlash boʻyicha zarur choralar koʻrish.	Tashkiliy tadbirlar	2020-yildan boshlab	Jismoniy tarbiya va sport vazirligi (D. Nabiyev), Tashqi ishlar vazirligi (A. Kamilov), Oʻzbekiston futbol assotsiatsiyasi (A. Azizov)
37.	Hududlarda klublar, bolalar va oʻsmirlar, ommaviy futbolni rivojlantirish maqsadida chet ellik mutaxassislarini jalb etgan holda ularning ish tajribalaridan amaliy foydalanish.	Loyihalar doirasida	2019-2020-yillar davomida	Oʻzbekiston futbol assotsiatsiyasi (A. Azizov)
38.	Futbolda sharhlovchilik sohasini kuchaytirish, ushbu yoʻnalishda isteʼdodli kadrlarni tayyorlash, malaka oshirish tizimini yoʻlga qoʻyish.	Tashkiliy tadbirlar	2020-yildan boshlab	Milliy teleradiokompaniya (A. Xadjayev), Oʻzbekiston futbol assotsiatsiyasi (A. Azizov)
39.	Futbolni yorituvchi jurnalistlar, sharhlovchilar, texnik guruh, koʻchma televizion stansiyalari xodimlarining malaka oshirib borishlari uchun futbol mutaxassislari bilan seminar treninglar tashkil etish.	Tashkiliy tadbirlar	2020-yildan boshlab	Axborot va ommaviy kommunikatsiyalar agentligi (K. Allamjonov), Milliy teleradiokompaniya (A. Xadjayev), Oʻzbekiston futbol assotsiatsiyasi (A. Azizov)
40.	Futboli rivojlangan Yevropa mamlakatlarining (Angliya, Xorvatiya, Serbiya, Rossiya va boshq. ) bolalar futboli tizimi bilan tanishish maqsadida Oʻzbekiston futbol assotsiatsiyasi hamda Oʻzbekiston Respublikasi Jismoniy tarbiya va sport vazirligining mutaxassis xodimlariga xorij safarlarini tashkil qilish.	Tashkiliy tadbirlar	2019-2020-yillar davomida	Oʻzbekiston futbol assotsiatsiyasi (A. Azizov), Jismoniy tarbiya va sport vazirligi (D. Nabiyev)
VII. Futbol musobaqalari televizion translyatsiyasi tizimini tubdan takomillashtirish
41.	Xalqaro Futbol Assotsiatsiyalari Federatsiyasi va Osiyo Futbol Konfederatsiyasi talablariga muvofiq oʻtkaziladigan hamda Oʻzbekiston ichki musobaqalarini yoritish uchun 2ta koʻchma televizion stansiyalarni xarid qilish.	Vazirlar Mahkamasi farmoyishi	2020-yil 1-iyul	Moliya vazirligi (T. Ishmetov), Milliy teleradiokompaniya (A. Xadjayev), Oʻzbekiston futbol assotsiatsiyasi (A. Azizov)
42.	Futbol musobaqalari televizion translyatsiyasi media huquqlarini oʻrta va uzoq muddatli shartlarda xususiy sektorga oʻtkazish.	Tashkiliy tadbirlar	2020-yil davomida	Oʻzbekiston futbol assotsiatsiyasi (A. Azizov)
43.	Futbol stadionlardan futbol musobaqalarining toʻgʻridan-toʻgʻri translyatsiyasini tashkil etish uchun optik tolali aloqa liniyalarini oʻtkazish. Futbol stadionlardan reportajlarni onlayn tarzda tayyorlash maqsadida yuqori tezlikdagi Internet tizimini tashkil etish.	Tashkiliy tadbirlar	2020-yil davomida	Milliy teleradiokompaniya (A. Xadjayev), Axborot texnologiyalari va kommunikatsiyalarini rivojlantirish vazirligi (Sh. Sodiqov), Oʻzbekiston futbol assotsiatsiyasi (A. Azizov)
VIII. Futbol sohasidagi meʼyoriy-huquqiy bazani yanada takomillashtirish
44.	Oʻzbekiston Respublikasi Vazirlar Mahkamasining 2009-yil 3-dekabrdagi “Oʻzbekiston Respublikasida futbolni rivojlantirishni davlat tomonidan yanada qoʻllab-quvvatlash chora-tadbirlari toʻgʻrisida”gi 304-son qarorini yangi tahrirda qabul qilish va unda hududiy futbol assotsiatsiyalarining faoliyatini tartibga soluvchi mexanizmlarni nazarda tutish.	Vazirlar Mahkamasi qarori	2020-yil 1-fevral	Oʻzbekiston futbol assotsiatsiyasi (A. Azizov), Jismoniy tarbiya va sport vazirligi (D. Nabiyev)
45.	Futbol mahorat maktablariga futbolchilarni yagona tizimda qabul qilishni joriy qilish va oʻquv dasturlarini ishlab chiqish.	Vazirlar Mahkamasi qarori	2020-yil 1-may	Jismoniy tarbiya va sport vazirligi (D. Nabiyev), Xalq taʼlimi vazirligi (Sh. Shermatov), Oʻzbekiston futbol assotsiatsiyasi (A. Azizov)
46.	Xalqaro talablardan kelib chiqib, futbol sport turi boʻyicha (agentlar)ning vositachilar faoliyatini tartibga solish va ularni akkreditatsiyadan oʻtkazish tartibi toʻgʻrisidagi nizomni ishlab chiqish.	Vazirlar Mahkamasi qarori	2020-yil 15-fevral	Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov), Adliya vazirligi (R. Davletov)
47.	Bolalar-oʻsmirlar sport maktablari faoliyatini yanada takomillashtirish, shu jumladan mazkur maktablar trenerlarining mehnatiga haq toʻlash miqdorlarini bosqichma-bosqich oshirish, seleksioner lavozimi sonini koʻpaytirish. Umumtaʼlim maktablarning moddiy-texnika bazasidan kelib chiqib hamda oʻquvchilar qiziqishiga koʻra bolalar-oʻsmirlar sport maktablarining futbol boʻyicha tarmoq toʻgaraklarini tashkil etish.	Vazirlar Mahkamasi qarori	2020-yil 1-sentabr	Jismoniy tarbiya va sport vazirligi (D. Nabiyev), Xalq taʼlimi vazirligi (Sh. Shermatov), Moliya vazirligi (T. Ishmetov), Oʻzbekiston futbol assotsiatsiyasi (A. Azizov)
48.	“Sport shifokori”, “sport psixologi”, “sport farmakologi”, “sport diyetologi”, “sport seleksioneri”, “futbol tahlilchisi”, “sport huquqshunosi”, “texnik direktor” va “futbol hakami” kabi zamonaviy kasblarni qonunchilik doirasida belgilovchi va faoliyatini tartibga soluvchi normativ-huquqiy hujjatlarni ishlab chiqish va tasdiqlash.	Vazirlar Mahkamasi qarori	2020-yil 15-fevral	Jismoniy tarbiya va sport vazirligi (D. Nabiyev), Bandlik va mehnat munosabatlari vazirligi (N. Xusanov), Oʻzbekiston futbol assotsiatsiyasi (A. Azizov)
49.	Futbolda korrupsion sxemalar boʻyicha kompleks chora-tadbirlarni amalga oshirish.	Kompleks chora-tadbirlar rejasi	Rejani tasdiqlash — 2019-yil 1-dekabr Rejani amalga oshirish — rejaga asosan	Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov)
50.	Huquqshunoslik sohasida faoliyat olib borayotgan oliy taʼlim muassasalarida sport huquqi yoʻnalishini rivojlantirish.	Tashkiliy tadbirlar	2020/2021 oʻquv yilidan boshlab	Oliy va oʻrta maxsus taʼlim vazirligi (I. Madjidov), Adliya vazirligi (R. Davletov), Tashqi ishlar vazirligi (A. Kamilov), Jismoniy tarbiya va sport vazirligi (D. Nabiyev)
51.	Hududiy futbol assotsiatsiyalari infratuzilmasi va moddiy-texnik bazasini yanada mustahkamlash.	Vazirlar Mahkamasi qarori	2020-yil 1-mart	Oʻzbekiston futbol assotsiatsiyasi (A. Azizov), Jismoniy tarbiya va sport vazirligi (D. Nabiyev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
IX. Futbolni moliyalashtirish tizimini rivojlantirish va tijoratlashuv mexanizmlarini joriy etish
52.	Stadionlarga futbol muxlislarini keng jalb qilish maqsadida zamonaviy chipta tizimi (shu jumladan abonement sotuvi)ni joriy qilish, qolaversa, stadionlar infratuzilmasidan samarali foydalanish maqsadida “xospitaliti xizmatlari” (xostel, ovqatlanish, fitnes, sport maktablari va boshqalar)ni tashkil etish, klublar va stadion muzeylari faoliyatini yoʻlga qoʻyish.	Tashkiliy tadbirlar	2020-yildan boshlab	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov), manfaatdor vazirliklar va idoralar
53.	Professional futbol klublari boshqaruv tizimini tijoratlashtirish, jumladan 2020-yildan boshlab har bir klubning aniq yillik biznes-rejalarini ishlab chiqilishini va ularni Oʻzbekiston futbol assotsiatsiyasiga taqdim etishni taʼminlash.	Biznes-rejalar	Har yili 15-yanvarga qadar	Oʻzbekiston futbol assotsiatsiyasi (A. Azizov)
54.	Futbol sohasi subyektlari faoliyatini tijoratlashtirish maqsadida “futbol merchandayzingi” (klublar atributikasi, suvenir va ekipirovkalar majmuini yaratish, turistik sayohat marshrutlari va boshqalar)ni joriy qilish.	Tashkiliy tadbirlar	2019-2020-yillar davomida	Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov), Turizmni rivojlantirish davlat qoʻmitasi (A. Akkulov)
X. Futbol boʻyicha terma jamoalar va ularning zaxirasini shakllantirishda mutlaqo yangi yondashuvlarni joriy etish
55.	Futbol boʻyicha terma jamoalarga iqtidorli futbolchilarni tanlash va saralab olish (seleksiya) mezonlarini ishlab chiqish va joriy etish.	Oʻzbekiston futbol assotsiatsiyasi qarori	2020-yil 1-may	Oʻzbekiston futbol assotsiatsiyasi (A. Azizov)
56.	Terma jamoa tiklanish vositalari bilan taʼminlash, ularning ovqatlanish va vitaminizatsiya tizimini xalqaro talablar asosida takomillashtirish.	Vazirlar Mahkamasi qarori	2020-yil 1-iyul	Jismoniy tarbiya va sport vazirligi (D. Nabiyev), Moliya vazirligi (T. Ishmetov), Milliy olimpiya qoʻmitasi (R. Shaabduraxmanov), Oʻzbekiston futbol assotsiatsiyasi (A. Azizov), sport federatsiyalari va assotsiatsiyalari, manfaatdor vazirliklar va idoralar
57.	Futbol klublarining rasmiy muxlislar fan-klublari aʼzolari uchun milliy qadriyat va anʼanalari asosida “Muxlis kodeksi” qoidalar majmuini ishlab chiqish va amaliyotga joriy etish.	Qoʻshma qaror	2020-yil 1-avgust	Jismoniy tarbiya va sport vazirligi (D. Nabiyev), Oʻzbekiston futbol assotsiatsiyasi (A. Azizov)
58.	Futbol boʻyicha Oʻzbekistonning yagona madhiyasini yaratish.	Tashkiliy tadbirlar	2020-yil 1-sentabr	Oʻzbekiston futbol assotsiatsiyasi (A. Azizov)
59.	Oʻzbekiston futbol assotsiatsiyasi huzurida funksional diagnostika va sportchilarni sogʻlomlashtirish uchun zamonaviy sport tibbiy markazini tashkil qilish.	Tashkiliy tadbirlar	2019-2020-yillar davomida	Oʻzbekiston futbol assotsiatsiyasi (A. Azizov), Qurilish vazirligi (B. Zokirov)
60.	2020-yilning 14 — 31-oktabr kunlari mamlakatimizda boʻlib oʻtadigan 19 yoshgacha boʻlgan futbolchilar oʻrtasidagi Osiyo chempionati final bosqichini yuqori saviyada tashkil qilish.	Vazirlar Mahkamasi farmoyishi	2020-yil 1-mart	Jismoniy tarbiya va sport vazirligi (D. Nabiyev), Moliya vazirligi (T. Ishmetov), Oʻzbekiston futbol assotsiatsiyasi (A. Azizov), manfaatdor vazirliklar va idoralar

Izohlar:

1) normativ-huquqiy hujjatlar tegishli huquqiy munosabatlarni tartibga solish sohasi va predmetiga qarab qayta koʻrib chiqilishi yoki bir hujjatga birlashtirilishi mumkin;

2) Konsepsiya tegishli davrga moʻljallangan maqsadli parametrlar va asosiy yoʻnalishlardan kelib chiqib, har ikki yilda alohida Oʻzbekiston Respublikasi Vazirlar Mahkamasi tomonidan tasdiqlanadigan “Yoʻl xarita”si orqali bosqichma-bosqich amalga oshirib boriladi.

Keyingi tahrirga qarang.

Oʻzbekiston Respublikasi Prezidentining 2019-yil 4-dekabrdagi PF-5887-son Farmoniga
4-ILOVA

Oʻzbekistonda futbolni 2030-yilgacha rivojlantirishning

maqsadli koʻrsatkichlari

T/r	Koʻrsatkichlar	Oʻlchov birligi	Yillar kesimida						2030-yilgacha erishiladigan natija*	Masʼul ijrochilar
T/r	Koʻrsatkichlar	Oʻlchov birligi	2020	2021	2022	2023	2024	2025	2030-yilgacha erishiladigan natija*	Masʼul ijrochilar
I. Ommaviy futbolni rivojlantirish va turli musobaqalar oʻtkazish
1.	Maktabgacha taʼlim muassasalari tarbiyalanuvchilarini futbolga qiziqtirish uchun futbol boʻyicha oʻyin shaklida koʻrgazmali darslarni tashkil etilishini muntazam yoʻlga qoʻyish, festivallar va qiziqarli koʻngilochar tadbirlar oʻtkazish	Foizda (jami tarbiyalanuvchilar soniga nisbatan)	0,5	1	1,5	2	2,5	3	6	Maktabgacha taʼlim vazirligi, Jismoniy tarbiya va sport vazirligi, Oʻzbekiston futbol assotsiatsiyasi
2.	Mahalla yoshlari orasida “Mahallada futbol”, “Futbolimiz kelajagi”, “Charm toʻp” futbol musobaqalarini doimiy ravishda tashkil etib borish	Foizda (jami mahalla yoshlari soniga nisbatan)	5	10	15	20	25	30	50	Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi, Jismoniy tarbiya va sport vazirligi, Oʻzbekiston futbol assotsiatsiyasi
3.	Umumtaʼlim maktablari oʻquvchilari oʻrtasida “Maktablar futbol ligasi” futbol musobaqalarini doimiy ravishda tashkil etib borish	Foizda (jami umumtaʼlim maktablar oʻquvchilari soniga nisbatan)	5	9	13	17	21	24	35	Xalq taʼlimi vazirligi, Jismoniy tarbiya va sport vazirligi, Oʻzbekiston futbol assotsiatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
4.	Hududlarda barcha korxona va tashkilotlar, davlat muassasalari oʻrtasida futbol, mini-futbol (futzal), ayollar futboli, jumladan “Bosh vazir kubogi”, “Hokim kubogi” “Rahbar kubogi” �abi musobaqalarni keng qamrovda va muntazam tashkil etib etib borish	Foizda (jami xodimlar soniga nisbatan)	1	1,5	2	2,5	3	3,5	7	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Jismoniy tarbiya va sport vazirligi, Oʻzbekiston futbol assotsiatsiyasi
5.	Ayollar futboli, mini-futbol (futzal), sohil futboli musobaqalarini barcha hududlarda tizimli tashkil qilish	Foizda (jami hududlar soniga nisbatan)	1	2	3	4	5	6	11	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Jismoniy tarbiya va sport vazirligi, Oʻzbekiston futbol assotsiatsiyasi
6.	Mashhur mahalliy futbolchilar va trenerlarni jalb qilgan holda yosh futbolchilar uchun festivallar va “master-klasslar” oʻtkazish	Tadbir soni	14	14	28	28	28	28	42	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Jismoniy tarbiya va sport vazirligi, Oʻzbekiston futbol assotsiatsiyasi
7.	Bolalar-oʻsmirlarning futbol bilan muntazam shugʻullanishini taʼminlash maqsadida sport maktablari, Oʻzbekiston Respublikasi Jismoniy tarbiya va sport vazirligi huzuridagi futbol mahorat maktablari (keyingi oʻrinlarda — futbol mahorat maktablari), professional futbol klublari huzuridagi futbol akademiyalari, umumtaʼlim maktablarini yetarli darajada sifatli sport inventarlari bilan jihozlash	Foizda (jami muassasalar soniga nisbatan)	10	20	30	40	50	75	100	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Moliya vazirligi, Jismoniy tarbiya va sport vazirligi, Oʻzbekiston futbol assotsiatsiyasi
8.	Respublikada futbolning ommaviyligi umumiy aholiga nisbatan futbol bilan muntazam shugʻullanuvchilar sonini oshirish	Foizda	1	1,5	2	2,5	3	3,5	5	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Jismoniy tarbiya va sport vazirligi, Oʻzbekiston futbol assotsiatsiyasi
9.	Futbol boʻyicha trenerlik faoliyati bilan shugʻullanuvchi shaxslar soni	Soni	1 900	2 100	2 300	2 500	2 700	2 900	3 900	Jismoniy tarbiya va sport vazirligi, Oʻzbekiston futbol assotsiatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
II. Futbol infratuzilmasini mustahkamlash
10.	Xalqaro Futbol Assotsiatsiyalari Federatsiyasi va Osiyo Futbol Konfederatsiyasi talablariga javob beradigan zamonaviy futbol maydonlarini davlat-xususiy sherikchilik, toʻgʻridan toʻgʻri investitsiyalar, homiylar va boshqa manbalar hisobidan barpo etish hamda mavjudlarini rekonstruksiya qilish	Soni (yillar kesimida yangi qurilish/ rekonstruksiya qilinadigan)	0/1	1/1	0/1	1/1	0/1	1/1	5/9	Oʻzbekiston futbol assotsiatsiyasi, Jismoniy tarbiya va sport vazirligi, Qurilish vazirligi, Iqtisodiyot va sanoat vazirligi, Investitsiyalar va tashqi savdo vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar
11.	Futbolchilarni tayyorlash va yoshlarni futbolga jalb qilish maqsadida respublikada davlat-xususiy sherikchilik asosida futbol maydonlarini barpo etish va mavjudlarini rekonstruksiya qilish	Soni (yangi qurilish/ rekonstruksiya)	10/20	15/25	20/30	25/35	30/40	35/45	365/375	Oʻzbekiston futbol assotsiatsiyasi, Jismoniy tarbiya va sport vazirligi, Qurilish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar
III. Futbol sohasida kadrlarni tayyorlash samaradorligini oshirish
12.	Futbol mahorat maktablari trenerlari va mutaxassislarining professional arajasini oshirishga qaratilgan oʻquv kurslarini tashkil etish	Foizda (jami futbol trenerlari va mutaxassislari soniga nisbatan)	10	20	30	40	50	60	100	Jismoniy tarbiya va sport vazirligi, Oʻzbekiston futbol assotsiatsiyasi
13.	Futbol seleksionerlari uchun oʻquv kurslarini joriy etish	Foizda (jami futbol seleksionerlari soniga nisbatan)	10	20	30	40	50	60	100	Jismoniy tarbiya va sport vazirligi, Oʻzbekiston futbol assotsiatsiyasi
14.	Futbol mahorat maktablari trenerlarining xalqaro stajirovkalarini belgilangan tartibda tashkil etish	Soni	3	5	7	10	12	15	20	“El-yurt umidi” jamgʻarmasi, Jismoniy tarbiya va sport vazirligi, Oʻzbekiston futbol assotsiatsiyasi
15.	Xalqaro Futbol Assotsiatsiyalari Federatsiyasi va Osiyo Futbol Konfederatsiyasi instruktorlari rahbarligida hakamlar uchun nazariy va amaliy oʻquv seminarlarini tashkil etish	Soni	4	6	8	10	15	25	30	Oʻzbekiston futbol assotsiatsiyasi
IV. Futbolni yanada tijoratlashtirish
16.	Futbol stadionlarini tijoratbopligini oshirish maqsadida xospitaliti xizmatlari, merchandayzing, klub va stadion muzeylarini yaratish, stadionlarda pullik xizmatlarni koʻrsatish (ovqatlanish, fitnes va boshqalar) (reja-grafik asosida)	Foizda	10	20	30	40	50	75	100	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Moliya vazirligi, Jismoniy tarbiya va sport vazirligi, Madaniyat vazirligi, Oʻzbekiston futbol assotsiatsiyasi
17.	Futbol stadionlariga kirish uchun elektron chipta va abonementlar sotishning yagona tizimini joriy qilish (reja-grafik asosida)	Foizda (jami futbol stadionlari soniga nisbatan)	10	20	30	40	50	75	100	Jismoniy tarbiya va sport vazirligi, Oʻzbekiston futbol assotsiatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
18.	Superliga oʻyinlariga futbol yatadionlarini tomoshabinlar bilan toʻldirish (chipta sotish orqali)	Foizda	20	30	40	50	60	70	100	Jismoniy tarbiya va sport vazirligi, Oʻzbekiston futbol assotsiatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
V. Futbolni ilmiy-metodologik taʼminlash
19.	Futbolchilarni tayyorlashning zamonaviy ilmiy-uslubiy va tibbiy taʼminlash tizimini ishlab chiqish va joriy etish	Foizda	20	30	40	50	60	80	100	Jismoniy tarbiya va sport vazirligi, Oʻzbekiston futbol assotsiatsiyasi, manfaatdor vazirlik va idoralar
20.	Futbol mahorat maktablarida ilgʻor ilmiy-uslubiy, tibbiy va biologik ishlanmalarni ishlab chiqish va joriy etish	Foizda	10	20	40	60	80	100	100	Jismoniy tarbiya va sport vazirligi, Oʻzbekiston futbol assotsiatsiyasi, manfaatdor vazirlik va idoralar
VI. Futbol mahorat maktablari tarbiyalanuvchilarini xalqaro musobaqalarda ishtirokini taʼminlash
21.	Futbol mahorat maktablari tarbiyalanuvchilarining xalqaro musobaqalarda muntazam ravishda qatnashishini taʼminlash	Foizda (jami tarbiyalanuvchilari soniga nisbatan)	3	6	9	12	15	18	30	Jismoniy tarbiya va sport vazirligi, Oʻzbekiston futbol assotsiatsiyasi, manfaatdor vazirlik va idoralar
22.	Futbol mahorat maktablari trener va mutaxassislarini xalqaro tajriba almashishini belgilangan tartibda taʼminlash	Foizda (jami trener va mutaxassislari soniga nisbatan)	3	6	9	12	15	18	30	Jismoniy tarbiya va sport vazirligi, Oʻzbekiston futbol assotsiatsiyasi, “El-yurt umidi” jamgʻarmasi, manfaatdor vazirlik va idoralar
23.	Oʻzbekistonda Xalqaro Futbol Assotsiatsiyalari Federatsiyasi va Osiyo Futbol Konfederatsiyasi tasnifiga kiruvchi chempionatlar va rasmiy xalqaro turnirlarni tashkil qilish va oʻtkazish	Musobaqalar soni	1	2	3	4	5	6	12	Jismoniy tarbiya va sport vazirligi, Oʻzbekiston futbol assotsiatsiyasi, manfaatdor vazirlik va idoralar
24.	Xalqaro Futbol Assotsiatsiyalari Federatsiyasining Oʻzbekiston milliy terma jamoalar reytingidagi oʻrni	Oʻrin	81	78	75	72	69	66	50	Oʻzbekiston futbol assotsiatsiyasi, Jismoniy tarbiya va sport vazirligi
VII. Professional futbolchilarning jismoniy tayyorgarligi boʻyicha modellashtirilgan meʼyorlari
25.	30 myugurish	Sekund	4,25	4,24	4,23	4,22	4,21	4,20	4,18	Jismoniy tarbiya va sport vazirligi, Oʻzbekiston futbol assotsiatsiyasi
26.	“Mokisimon” yugurish 7×50 m	Sekund	64	63	62	61	60	59	58	Jismoniy tarbiya va sport vazirligi, Oʻzbekiston futbol assotsiatsiyasi
27.	Joydan sakrash	Santimetr	250	255	260	265	270	275	275	Jismoniy tarbiya va sport vazirligi, Oʻzbekiston futbol assotsiatsiyasi
28.	“YO-YO” test	Metr	1 300	1 350	1 400	1 450	1 500	1 550	1 800	Jismoniy tarbiya va sport vazirligi, Oʻzbekiston futbol assotsiatsiyasi
29.	Toʻpni olib qoʻyish (xatolar)	Foizda	55	50	45	42	40	35	30	Jismoniy tarbiya va sport vazirligi, Oʻzbekiston futbol assotsiatsiyasi
30.	Toʻpni uzatish (xatolar)	Foizda	45	40	35	30	25	20	20	Jismoniy tarbiya va sport vazirligi, Oʻzbekiston futbol assotsiatsiyasi
31.	Havodagi yakkakurash (xatolar)	Foizda	55	50	45	40	35	30	30	Jismoniy tarbiya va sport vazirligi, Oʻzbekiston futbol assotsiatsiyasi
32.	Aldamchi harakatlar (xatolar)	Foizda	65	60	55	50	45	40	35	Jismoniy tarbiya va sport vazirligi, Oʻzbekiston futbol assotsiatsiyasi

Izoh: maqsadli koʻrsatkich 2030-yilga qadar 100 foizni tashkil etgan taqdirda, ushbu koʻrsatkich keyingi yillarda saqlanib qoladi.

Keyingi tahrirga qarang.

Oʻzbekiston Respublikasi Prezidentining 2019-yil 4-dekabrdagi PF-5887-son Farmoniga
5-ILOVA

Keyingi tahrirga qarang.

2020 — 2025-yillarda Oʻzbekiston Respublikasi Jismoniy tarbiya va sport vazirligi huzuridagi futbol mahorat maktablarini tashkil etish, ularda qurilish va rekonstruksiya ishlarini amalga oshirish

JADVALI

T/r	Hududlar nomi	*Futbol mahorat maktablari, jami**	shundan		Yillar kesimida qurilish va rekonstruksiya qilish ishlari amalga oshiriladigan futbol mahorat maktablari soni
T/r	Hududlar nomi	*Futbol mahorat maktablari, jami**	mavjud futbol mahorat maktablari	qoʻshimcha tashkil etiladigan futbol mahorat maktablari**	2021***	2022	2023	2024	2025
1.	Qoraqalpogʻiston Respublikasi	2	1	1		1		1****
2.	Andijon viloyati	3	1	2	1		1		1****
3.	Buxoro viloyati	2	1	1	1		1
4.	Jizzax viloyati	1	1	0		1
5.	Qashqadaryo viloyati	2	1	1	1	1
6.	Navoiy viloyati	1	1	0		1
7.	Namangan viloyati	3	1	2	1			1	1****
8.	Samarqand viloyati	3	1	2	1		1	1****
9.	Surxondaryo viloyati	3	1	2		1	1	1****
10.	Sirdaryo viloyati	1	1	0		1
11.	Toshkent viloyati	2	1	1			1		1****
12.	Fargʻona viloyati	3	1	2	1			1	1****
13.	Xorazm viloyati	2	1	1			1		1****
14.	Toshkent shahri	1	1					1
15.	Oʻzbekiston futbol assotsiatsiyasi huzuridagi Respublika bolalar va oʻsmirlar futbol akademiyasi	1	1						1
Jami		30	15	15	6	6	6	6	6

Izohlar:

1) * futbol mahorat maktablari etib Oʻzbekiston Respublikasi Jismoniy tarbiya va sport vazirligi huzuridagi futbol mahorat maktablari tushuniladi;

Keyingi tahrirga qarang.

2) ** obyektlarda qurilish va rekonstruksiya qilish ishlari yakunlangandan soʻng futbol mahorat maktablari faoliyati tashkil etiladi;

3) *** professional futbol klublari huzuridagi Oʻzbekiston Respublikasi Davlat budjeti mablagʻlari hisobidan moliyalashtiriladigan bolalar-oʻsmirlar futbol maktablari negizida tashkil etiladi;

4) **** Oʻzbekiston Respublikasi Vazirlar Mahkamasi qarorlariga asosan futbol mahorat maktablari kasb-hunar kollejlarining bino va infratuzilmalari negizida tashkil etilishi mumkin.

Keyingi tahrirga qarang.

Oʻzbekiston Respublikasi Prezidentining 2019-yil 4-dekabrdagi PF-5887-son Farmoniga
6-ILOVA

Oʻzbekiston Respublikasi Davlat aktivlarini boshqarish agentligiga oʻtkaziladigan professional futbol klublari ustav fondidagi davlat va davlat ulushi boʻlgan xoʻjalik jamiyatlarining ulushlari

ROʻYXATI

T/r	Professional futbol klublari	Taʼsischilar	Ustav fondidagi ulushi (foizda)
1.	“Bunyodkor” PFK	“Oʻztransgaz” AJ	61,8
		“Neftgazmontaj” QK MChJ	30,2
		“Koʻkdumaloq GAZ” QK MChJ	3
		“Oʻzneftmahsulot” AJ	3
		“Gissarneftgaz” QK MChJ	2
2.	“Paxtakor” PFK	Toshkent shahar hokimligi	20
3.	“Nasaf” PFK	“Shoʻrtan gaz kimyo kompleksi” MChJ va uning korxonalari	99,1
4.	“Olmaliq” PFK	“Olmaliq KMK” AJ	100
5.	“Buxoro” PFK	“Buxoro neftni qayta ishlash zavodi” MChJ	80
5.	“Buxoro” PFK	Buxoro shahar hokimligi	20
6.	“Neftchi” PFK	“Oʻzbekneftgaz” AJ	97,5
		Fargʻona viloyati hokimligi	2
		Fargʻona viloyati madaniyat boshqarmasi	0,5
7.	“Lokomotiv” PFK	“Oʻzbekiston temir yoʻllari” AJ	20,9
		“Toshkent mexanika zavodi” AJ	58,2
		“Oʻztemiryoʻlovchi” AJ	20,9
8.	“Shoʻrtan” PFK	“Oʻzbekneftgaz” AJ	99,9
9.	“Dinamo plyus” PFK	Samarqand viloyati hokimligi	100
10.	“Metallurg” PFK	“Oʻzmetkombinat” AJ	100
11.	“Mashʼal” PFK	“Oʻzbekneftgaz” AJ (“Muborakneftgaz” MChJ)	48,8
11.	“Mashʼal” PFK	“Oʻzbekneftgaz” AJ (“Muborak gazni qayta ishlash zavodi” MChJ)	51,2
12.	“Navbahor Lochinlari” PFK	“Namangan viloyati hokimligi binolardan foydalanish direksiyasi” DUK	100
13.	“Surxon” PFK	Surxondaryo viloyati hokimligi	100

Oʻzbekiston Respublikasi Prezidentining 2019-yil 4-dekabrdagi PF-5887-son Farmoniga
7-ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2018-yil 16-martidagi “Futbolni yanada rivojlantirish chora-tadbirlari toʻgʻrisida”gi PQ-3610-son qarorida:

a) 6-band oʻz kuchini yoʻqotgan deb hisoblansin;

b) 10-band quyidagi mazmundagi xatboshi bilan toʻldirilsin:

“Belgilab qoʻyilsinki, imtiyozlar berilishi munosabati bilan boʻshaydigan mablagʻlar futbolni rivojlantirishga maqsadli yoʻnaltiriladi”;

v) 11-bandning uchinchi xatboshisi quyidagi tahrirda bayon etilsin:

“futbol boʻyicha mashgʻulot va yigʻinlarni oʻtkazish vaqtida futbolchilar va boshqa mutaxassislar (hakam, instruktor, trener, texnik direktor, sport direktori, shifokor va massajchi, seleksioner, video-operator va fotograf), shu jumladan xorijiy mutaxassislarning sport oziq-ovqatlari bilan ovqatlanishini, shuningdek, ularni mukofotlash (ragʻbatlantirish)ni tashkil etishga sarflanadigan mablagʻlar jismoniy shaxslarning daromadlari hisoblanmaydi”;

g) 12-band quyidagi tahrirda bayon etilsin:

“12. Oʻzbekiston Respublikasi Tashqi ishlar vazirligi Oʻzbekiston futbol assotsiatsiyasining talabnomalariga koʻra xorijdan jalb etiladigan mutaxassislar, Xalqaro Futbol Assotsiatsiyalari Federatsiyasi, Yevropa Futbol Assotsiatsiyalari Birlashmasi va Osiyo Futbol Konfederatsiyasi delegatsiyalari hamda xalqaro rasmiy va norasmiy uchrashuvlarga taklif etiluvchi hakamlarga kirish vizalarining konsullik va boshqa yigʻimlarni undirmasdan belgilangan tartibda rasmiylashtirishni taʼminlasin”;

d) 15-band oʻz kuchini yoʻqotgan deb hisoblansin.

2. Oʻzbekiston Respublikasi Prezidentining 2018-yil 27-sentabrdagi PQ-3953-son qarori bilan tasdiqlangan Davlat buyurtmachilari tomonidan toʻgʻridan-toʻgʻri shartnomalar boʻyicha xarid qilinadigan tovarlar (ishlar, xizmatlar) roʻyxati quyidagi mazmundagi 30²-band bilan toʻldirilsin:

“30². Oʻzbekiston Respublikasi Jismoniy tarbiya va sport vazirligi huzuridagi futbol mahorat maktablari uchun elektron hisoblash uskunalari, oʻyinlar va oʻquv-mashq yigʻinlarini tahlil qilish dasturiy taʼminot va uskunalar, Xalqaro Futbol Assotsiatsiyalari Federatsiyasi talablari boʻyicha futbol toʻplari, sport kiyimlari va ekipirovkalar hamda futbol uchun oyoq kiyimlar”.

(Qonun hujjatlari maʼlumotlari milliy bazasi, 05.12.2019-y., 06/19/5887/4116-son; 09.10.2020-y., 07/20/4857/1357-son, 31.10.2020-y., 06/20/6099/1450-son; 12.02.2021-y., 06/21/6167/0103-son, 17.03.2021-y., 06/21/6188/0216-son; Qonunchilik maʼlumotlari milliy bazasi, 15.01.2022-y., 06/22/52/0029-son, 07.04.2022-y., 06/22/98/0279-son; 13.06.2023-y., 06/23/92/0366-son; 29.12.2023-y., 06/23/214/0984-son; 27.04.2024-y., 06/24/67/0307-son; 29.05.2024-y., 06/24/83/0373-son)