|
Hujjat 14.03.2023 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
“Yagona milliy mehnat tizimi” idoralararo dasturiy-apparat kompleksi joriy qilinishini va uning ishlashini taʼminlashga doir tashkiliy chora-tadbirlar toʻgʻrisida
Oʻzbekiston Respublikasi Prezidentining “Yagona milliy mehnat tizimi” idoralararo dasturiy-apparat kompleksini joriy qilish chora-tadbirlari toʻgʻrisida” 2019-yil 31-oktabrdagi PQ-4502-son qarori ijrosini taʼminlash hamda mehnat munosabatlari va kadrlar bilan ish yuritishda zamonaviy axborot texnologiyalarini joriy etish maqsadida Vazirlar Mahkamasi qaror qiladi:
Oldingi tahrirga qarang.
1. Oʻzbekiston Respublikasi Kambagʻallikni qisqartirish va bandlik vazirligi:
(1-bandning birinchi xatboshisi Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
bir oy muddatda “UZINFOCOM” davlat axborot xizmatlarini yaratish va qoʻllab-quvvatlash boʻyicha yagona integrator” MCHJ bilan birgalikda “Yagona milliy mehnat tizimi” idoralararo dasturiy-apparat kompleksini (keyingi oʻrinlarda “YAMMT” IDAK deb ataladi), joylashtirish va uning ishlashi uchun mavjud resurslar server va kommutatsion qurilmalari bilan toʻldirilishini nazarda tutsin;
Oldingi tahrirga qarang.
ikki hafta muddatda Oʻzbekiston Respublikasi Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi bilan birgalikda “YAMMT” IDAKning server va kommutatsion qurilmalar va dasturiy taʼminotini axborot xavfsizligi standartlariga muvofiqlik va ruxsatsiz foydalanishdan himoyalanganlik boʻyicha ekspertizadan oʻtkazsin.
(1-bandning uchinchi xatboshisi Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Oldingi tahrirga qarang.
2. Oʻzbekiston Respublikasi Raqamli texnologiyalar vazirligi huzuridagi “Elektron hukumat loyihalarini boshqarish markazi” “YAMMT” IDAK belgilangan tartibda roʻyxatdan oʻtkazilishini hamda Davlat axborot resurslari va davlat organlarining axborot tizimlari reyestriga kiritilishini taʼminlasin, Oʻzbekiston Respublikasi Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi esa fuqarolarning shaxsga doir maʼlumotlaridan ruxsatsiz foydalanishga yoʻl qoʻymaslik maqsadida muntazam ravishda axborot xavfsizligi boʻyicha audit oʻtkazilishini taʼminlasin.
(2-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Keyingi tahrirga qarang.
3. “Yagona milliy mehnat tizimi” idoralararo dasturiy-apparat kompleksida mehnat shartnomalarini roʻyxatdan oʻtkazish elektron mehnat daftarchalarini shakllantirish va yuritish tartibi toʻgʻrisidagi nizom 1-ilovaga muvofiq tasdiqlansin.
Keyingi tahrirga qarang.
Oldingi tahrirga qarang.
4. Kambagʻallikni qisqartirish va bandlik vazirligi, Iqtisodiyot va moliya vazirligi huzuridagi Soliq qoʻmitasi, Oʻzbekiston Respublikasi Adliya vazirligi huzuridagi Personallashtirish agentligi, Oʻzbekiston Respublikasi Prezidenti huzuridagi Statistika agentligi, Oʻzbekiston Respublikasi Iqtisodiyot va moliya vazirligi huzuridagi Budjetdan tashqari pensiya jamgʻarmasi, AT Xalq banki “Shaxsga doir maʼlumotlar toʻgʻrisida”gi Oʻzbekiston Respublikasi Qonuni talablarini inobatga olgan holda, “Elektron hukumat” tizimining idoralararo integratsiyalashuv platformasi vositasida “YAMMT” IDAK bilan idoralararo maʼlumot almashish boʻyicha texnologik yoʻriqnomalarni ikki hafta muddatda ishlab chiqsinlar va tasdiqlasinlar.
(4-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Oldingi tahrirga qarang.
5. Oʻzbekiston Respublikasi Kambagʻallikni qisqartirish va bandlik vazirligi huzuridagi “YAMMT” IDAKni boshqarish direksiyasi (keyingi oʻrinlarda Direksiya deb ataladi) tuzilmasi 2-ilovaga muvofiq tasdiqlansin.
(5-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
6. Belgilansinki:
Oldingi tahrirga qarang.
Direksiyani saqlash xarajatlari Oʻzbekiston Respublikasi Kambagʻallikni qisqartirish va bandlik vazirligi huzuridagi Bandlikka koʻmaklashish davlat jamgʻarmasi mablagʻlari hisobiga moliyalashtiriladi;
(6-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
“YAMMT” IDAKni tumanlarda (shaxarlarda) ishlatish boʻyicha maslahatchi mutaxassislarning funksiyalari tumanlar (shaharlar) aholi bandligiga koʻmaklashish markazlaridagi hududiy bandlik dasturlarini shakllantirish va monitoring olib borish boʻyicha sektor mutaxassislari tomonidan amalga oshiriladi.
Keyingi tahrirga qarang.
Oldingi tahrirga qarang.
7. Oʻzbekiston Respublikasi Kambagʻallikni qisqartirish va bandlik vazirligi bir oy muddatda Direksiya negizida vazirliklar, idoralar va boshqa tashkilotlarning masʼul xodimlari uchun “YAMMT” IDAKdan foydalanish koʻnikmalarini oʻrgatish boʻyicha seminar-treninglar tashkil etsin.
(7-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Oldingi tahrirga qarang.
8. Direksiya Toshkent shahri, Mirzo Ulugʻbek tumani, Ya. Gʻulomov koʻchasi, 38-uy manzilida joylashgan Mirzo Ulugʻbek tumani Kambagʻallikni qisqartirish va bandlikka koʻmaklashish boʻlimi binosiga joylashtirilsin.
(8-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Oldingi tahrirga qarang.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi kambagʻallikni qisqartirish va bandlik vaziri B.A. Musayev zimmasiga yuklansin.
(9-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Oʻzbekiston Respublikasining Bosh vaziri A. ARIPOV
Toshkent sh.,
2019-yil 5-dekabr,
971-son
Vazirlar Mahkamasining 2019-yil 5-dekabrdagi 971-son qaroriga
1-ILOVA
1-ILOVA
“Yagona milliy mehnat tizimi” idoralararo dasturiy-apparat kompleksida mehnat shartnomalarini roʻyxatdan oʻtkazish, elektron mehnat daftarchalarini shakllantirish va yuritish tartibi toʻgʻrisida
NIZOM
Keyingi tahrirga qarang.
1-bob. Umumiy qoidalar
1. Ushbu Nizom xodimlar bilan ish beruvchilar oʻrtasida tuzilgan mehnat shartnomalarini roʻyxatga olish, “Yagona milliy mehnat tizimi” idoralararo dasturiy-apparat kompleksida elektron mehnat daftarchalarini shakllantirish va yuritish tartibini belgilaydi.
Keyingi tahrirga qarang.
2. Ushbu Nizomda quyidagi asosiy tushunchalardan foydalaniladi:
“Yagona milliy mehnat tizimi” idoralararo dasturiy-apparat kompleksi (keyingi oʻrinlarda “YAMMT” IDAK deb ataladi) — axborot resurslari, texnologiyalar va aloqa vositalarining tashkiliy tartibga solingan majmui boʻlib, u orqali roʻyxatga olingan mehnat shartnomalari va xodimlarning mehnat stajiga oid maʼlumotlarni yigʻish, saqlash va qayta ishlash amalga oshiriladi;
Keyingi tahrirga qarang.
“YAMMT” IDAK operatori (keyingi oʻrinlarda operator deb ataladi) — axborot tizimining ishlashini, undan foydalanishni, shuningdek, “YAMMT” IDAK ishlashining tashkiliy va texnik jihatlari bilan bogʻliq muntazam tartibga solish vakolatlari amalga oshirilishini taʼminlaydigan “Yagona milliy mehnat tizimi” idoralararo dasturiy-apparat kompleksini boshqarish direksiyasi.
Oldingi tahrirga qarang.
ish beruvchi — tashkilot, shu jumladan, uning alohida tarkibiy boʻlinmalari nomidan ularning rahbarlari, mulkdori ayni vaqtda uning rahbari hisoblanadigan xususiy korxonalar, qonunchilikda nazarda tutilgan hollarda oʻn sakkiz yoshga toʻlgan alohida shaxslar;
(2-bandning toʻrtinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
mehnat shartnomasini roʻyxatdan oʻtkazish — mehnat haqidagi qonunlar talablariga muvofiq ish beruvchi bilan xodim oʻrtasida tuzilgan mehnat shartnomasi toʻgʻrisidagi maʼlumotlarni “YAMMT” IDAKga kiritish jarayoni;
Keyingi tahrirga qarang.
Oldingi tahrirga qarang.
xodimning elektron mehnat daftarchasi — jismoniy shaxsning mehnat faoliyati toʻgʻrisidagi maʼlumotlar mavjud boʻlgan elektron hujjat, u mehnat shartnomasi ish beruvchi tomonidan roʻyxatdan oʻtkazilganligi, yakka tartibdagi tadbirkor sifatida roʻyxatdan oʻtganlik, oʻzini oʻzi band qilganligi, ishsiz va band boʻlmagan shaxslarning jamoat ishlariga jalb qilinganligi, vaqtinchalik mehnat faoliyatini amalga oshirish uchun chet elga ketayotgan fuqarolar tomonidan Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasiga toʻlangan sugʻurta badallari toʻgʻrisidagi maʼlumotlar asosida “YAMMT” IDAKda shakllantiriladi, shuningdek, unda xodim toʻgʻrisidagi maʼlumotlar (familiyasi, ismi, otasining ismi, tugʻilgan sanasi, maʼlumoti, kasbi, mutaxassisligi), ishga joylashish davrlari (ishga qabul qilish, boshqa ishga oʻtkazish), hisoblangan ish haqi, shuningdek, jismoniy shaxsning mehnatiga haq toʻlash tarzidagi daromadlardan toʻlangan soliqlar toʻgʻrisidagi maʼlumotlar mavjud boʻladi;
(2-bandning oltinchi xatboshisi Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Keyingi tahrirga qarang.
idoralararo oʻzaro axborot hamkorligi ishtirokchilari — “YAMMT” IDAK bilan maʼlumotlar ayirboshlanishiga jalb etilgan davlat organlari va boshqa tashkilotlar;
ish beruvchining shaxsiy kabineti — roʻyxatdan oʻtgan ish beruvchilarga xodimlar bilan mehnat shartnomalari tuzish, ularni bekor qilish, ularga oʻzgartirish va qoʻshimchalar kiritishni roʻyxatdan oʻtkazish, shuningdek, ish oʻrinlari, boʻsh ish oʻrinlari va xodimlar haqidagi maʼlumotlarni kiritish imkonini beruvchi “YAMMT” IDAKning yopiq boʻlimi;
Keyingi tahrirga qarang.
jismoniy shaxsning shaxsiy kabineti — roʻyxatdan oʻtgan jismoniy shaxslarga oʻzlarining elektron mehnat daftarchalariga kirish imkonini beruvchi “YAMMT” IDAKning yopiq boʻlimi.
Keyingi tahrirga qarang.
Oldingi tahrirga qarang.
Elektron raqamli imzo yordamida tasdiqlanadigan maʼlumotlar — “YAMMT” IDAKka ish beruvchining “Tashkilot kabineti” orqali kiritiladigan barcha maʼlumotlarning toʻgʻriligi va shaffofligiga ish beruvchi tomonidan elektron raqamli imzo (keyingi oʻrinlarda — ERI) yordamida qonunchilikda belgilangan tartibda tasdiqlanadigan elektron maʼlumotlar;
Keyingi tahrirga qarang.
xodimning avvalgi mehnat staji — faoliyat yuritayotgan ish beruvchida ishlayotgan xodimning avvalgi ish joyi toʻgʻrisidagi mehnat daftarchasidagi yozuvlar;
(2-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qaroriga asosan xatboshilar bilan toʻldirilgan — Qonunchilik maʼlumotlari milliy bazasi, 14.03.2023-y., 09/23/106/0145-son)
Keyingi tahrirga qarang.
Oldingi tahrirga qarang.
3. Mehnat munosabatlarini roʻyxatdan oʻtkazishda “YAMMT” IDAKdan foydalanish tashkiliy-huquqiy shakli va idoraviy boʻysunishidan qatʼi nazar, barcha ish beruvchilar uchun majburiydir, Oʻzbekiston Respublikasining davlat xavfsizligini taʼminlash sohasidagi, shuningdek, shtat jadvali maxfiy boʻlgan ish beruvchilar bundan mustasno;
Keyingi tahrirga qarang.
Tashkiliy-huquqiy shakli va idoraviy boʻysunishidan qatʼi nazar, faoliyat yuritayotgan barcha ish beruvchilar (Oʻzbekiston Respublikasining davlat xavfsizligini taʼminlash sohasidagi, shuningdek, shtat jadvali maxfiy boʻlgan ish beruvchilar bundan mustasno) oʻzlarida ishlayotgan xodimlarining avvalgi ish joyi toʻgʻrisida mehnat daftarchasidagi barcha yozuvlarni “YAMMT” IDAKka kiritishga va 2005-yil 1-yanvargacha mehnat staji toʻgʻrisida kiritilgan ushbu maʼlumotlarni mehnat daftarchasidagi yozuvlar asosida ERI bilan tasdiqlab berishga, 2005-yildan keyingi davr uchun mazkur maʼlumotlarning toʻgʻriligini tasdiqlash uchun xodim avval ishlagan ish beruvchilarning “Tashkilot kabineti”ga elektron shaklda soʻrov yuborilishiga masʼuldir.
Ish beruvchilar “YAMMT” IDAKdan kelib tushgan elektron soʻrovga koʻra ularda ilgari ishlagan sobiq xodimlarning barcha davrlar boʻyicha mehnat staji davri haqidagi maʼlumotlarni soʻrov kelib tushgandan soʻng oʻn kun muddatda ERI bilan tasdiqlaydilar hamda sobiq xodimlarining ish haqi toʻgʻrisidagi maʼlumotlarni ushbu muddat davomida belgilangan tartibda arxivlarga taqdim etilmagan hamda oʻzlarining idoraviy arxividagi mavjud hujjatlari asosida “YAMMT” IDAKka kiritadilar va ERI bilan tasdiqlaydilar.
Tasdiqlangan maʼlumotlarning haqqoniyligiga ish beruvchilar masʼul hisoblanadi.
Yopilgan, tugatilgan yoki boshqa sabablarga koʻra faoliyat koʻrsatmayotgan (arxivlar yoki idoraviy arxivlarda maʼlumotlari mavjud boʻlmagan) ish beruvchilarda muqaddam ishlagan sobiq xodimlarning qogʻoz shaklidagi mehnat daftarchalariga kiritilgan ish staji toʻgʻrisidagi yozuvlar xodimning oxirgi ish beruvchisi tomonidan “YAMMT” IDAKka kiritiladi va ERI bilan tasdiqlanadi.
(3-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
4. “YAMMT” IDAKdan foydalanish barcha yuridik va jismoniy shaxslar uchun bepuldir.
Keyingi tahrirga qarang.
5. “Yagona milliy mehnat tizimi” idoralararo dasturiy-apparat kompleksini boshqarish direksiyasi “YAMMT” IDAK operatori hisoblanadi.
6. “YAMMT” IDAKni ishlab chiqish, yuritish, saqlab turish va takomillashtirish Oʻzbekiston Respublikasi Bandlik va mehnat munosabatlari vazirligi huzuridagi Bandlikka koʻmaklashish davlat jamgʻarmasi mablagʻlari hisobiga amalga oshiriladi.
Keyingi tahrirga qarang.
7. Xususiy tashkilotlarga “YAMMT” IDAKga maʼlumotlarni kiritish boʻyicha shartnoma asosida xizmatlar koʻrsatishga yoʻl qoʻyiladi.
2-bob. Ish beruvchining shaxsiy kabinetiga kirish
8. Ish beruvchi yozma shaklda tegishli qarorni rasmiylashtirish yoʻli bilan “YAMMT” IDAKga kirish huquqiga ega boʻlgan masʼul shaxs va yoki bir nechta masʼul shaxslarni belgilashi shart, yakka tartibdagi tadbirkor bundan mustasno.
9. “YAMMT” IDAKda mehnat shartnomalarini roʻyxatga olish funksiyasi rahbar yoki u tomonidan belgilangan boshqa shaxsga yuklanishi mumkin.
Keyingi tahrirga qarang.
Oldingi tahrirga qarang.
10. Xodim va ish beruvchi oʻrtasida mehnat shartnomalarini tuzish, oʻzgartirish va bekor qilishni roʻyxatga olish tartibi ijrosini, shuningdek, “YAMMT” IDAKda elektron mehnat daftarchalarini shakllantirish va yuritishni taʼminlash, boʻsh ish oʻrinlari (vakant lavozimlar) mavjudligini koʻrsatish maqsadida ish beruvchi masʼul shaxsni (shaxslarni) belgilab, unga (ularga) ish beruvchining ERI kalitini taqdim etish orqali “YAMMT” IDAKka kirish imkonini berishi mumkin.
(10-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
11. “YAMMT” IDAKda roʻyxatdan oʻtish uchun ish beruvchi my.mehnat.uz elektron manziliga oʻtishi va “Elektron hukumat” tizimining foydalanuvchilarni identifikatsiyalashning yagona axborot tizimi orqali identifikatsiyadan oʻtishi lozim.
12. Identifikatsiyadan oʻtgandan soʻng “YAMMT” IDAK avtomatik ravishda taqdim etilgan maʼlumotlarni “Elektron hukumat” tizimining yuridik shaxslar maʼlumotlar bazasida mavjud maʼlumotlar bilan taqqoslaydi va xatolar aniqlanmagan taqdirda, idoralararo elektron hamkorlik tizimi yordamida ish beruvchi “YAMMT” IDAKda roʻyxatga oladi.
Oldingi tahrirga qarang.
13. Roʻyxatga olingandan soʻng avtomatik ravishda ish beruvchining shaxsiy kabineti shakllantiriladi. Ish beruvchining shaxsiy kabinetiga ish beruvchining ERI kaliti yordamida kiriladi.
(13-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Oldingi tahrirga qarang.
14. Ish beruvchiga tegishli soliq toʻlovchining identifikatsiya raqami (keyingi oʻrinlarda STIR deb ataladi) “YAMMT” IDAKda ish beruvchining identifikatori hisoblanadi.
(14-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Oldingi tahrirga qarang.
15. Ish beruvchida dasturiy yoki apparat vositalari boʻlmasa yoxud “YAMMT” IDAKda mustaqil ravishda roʻyxatdan oʻtishga toʻsqinlik qiladigan boshqa sabablar mavjud boʻlsa, roʻyxatdan oʻtish mehnat organlarida bepul amalga oshirilishi mumkin. Bunda maʼlumotlarni tasdiqlash ish beruvchining ERIdan foydalangan holda amalga oshiriladi.
(15-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
16. Istisno tariqasida, xodimlarning soni koʻpligi yoki boshqa sabablarga koʻra ish beruvchi tomonidan mehnat munosabatlarini rasmiylashtirish vakolati uning tarkibiy boʻlimlariga oʻtkazilgan hollarda ish beruvchining “YAMMT” IDAK operatoriga yoʻllagan soʻroviga koʻra, mehnat shartnomalarini tuzish, oʻzgartirish va bekor qilishni roʻyxatdan oʻtkazish, ish oʻrinlari, boʻsh ish oʻrinlari va tarkibiy boʻlinmalar xodimlari toʻgʻrisidagi maʼlumotlarni kiritish uchun alohida shtat tuzilmasi (jadvali) bazasi shakllantirilishiga yoʻl qoʻyiladi.
17. Ish beruvchi tugatilganda uning shaxsiy kabinetiga kiritilgan maʼlumotlar “YAMMT” IDAK maʼlumotlar arxiviga yuboriladi va u yerda cheklanmagan muddat davomida saqlanadi. Ish beruvchi tugatilgandan soʻng operator manfaatdor shaxslarning davlat pensiyasini tayinlash bilan bogʻliq boʻlgan asoslangan buyurtmanomalari boʻyicha ish beruvchining shaxsiy kabinetiga kirish huquqiga ega boʻladi.
18. Tashkilot mulkdori oʻzgarganda, qayta tashkil etilganda (birlashtirish, qoʻshib yuborish, boʻlinish, ajratish, oʻzgartirish) shaxsiy kabinet uning huquqiy vorisida saqlanib qoladi.
3-bob. Tashkilotning tuzilmasini shakllantirish
19. “YAMMT” IDAKda tashkilot tuzilmasini shakllantirish tashkilot shtat jadvaliga muvofiq (agar mavjud boʻlsa) boʻlinmalar va ish oʻrinlari haqidagi maʼlumotlarni kiritish yoʻli bilan amalga oshiriladi. Bunda har bir lavozim alohida yaratiladi.
Oldingi tahrirga qarang.
20. Tashkilotning tuzilmasida:
tashkilotning barcha boʻlinmalari toʻgʻrisidagi maʼlumotlar, yuridik shaxsning alohida STIRga ega boʻlgan va alohida yuridik shaxs boʻlganlaridan tashqari;
ish beruvchining (budjet tashkilotlari va budjetdan mablagʻ oluvchilarning) tasdiqlangan shtat jadvali, maxfiy shtat jadvali bundan mustasno;
ish beruvchining fuqarolik javobgarligi majburiy sugʻurta qilinganligi boʻyicha sugʻurta polisi sanasi va raqamlari;
maʼmuriy, ishlab chiqarish va texnik xodimlar bilan birgalikda tashkilotdagi barcha ish oʻrinlari, shu jumladan, boʻsh ish oʻrinlari, ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni ishga joylashtirish uchun belgilangan zaxiraga qoʻyilgan ish oʻrinlarining toifalari va soni (agar qonunchilik talablari tatbiq etilsa) haqidagi maʼlumotlar boʻlishi kerak.
(20-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
21. Boʻlinmalar haqidagi maʼlumotlarni kiritish boʻlinma nomi yozilgan maxsus shaklni toʻldirish orqali amalga oshiriladi.
22. Ish joyi haqidagi maʼlumotlarni kiritish Xizmatchilar asosiy lavozimlari va ishchi kasblari klassifikatoriga muvofiq lavozim nomi yozilgan maxsus shaklni toʻldirish yoʻli bilan va xodimlarning maoshi, stavka hajmi va ish oʻrniga qoʻyilgan talablar, shu jumladan, mehnat sharoitlari va lavozim vazifalarini koʻrsatgan holda amalga oshiriladi.
Keyingi tahrirga qarang.
Oldingi tahrirga qarang.
Ish beruvchilar tomonidan “YAMMT” IDAKdagi “Tashkilot kabineti”da yaratilgan ish oʻrniga noqulay va zararli mehnat sharoitlari boʻyicha lavozim va kasblar belgilanadi hamda ushbu lavozim va kasblarda ishlayotgan va ishlagan xodimlarning maʼlumotlari kiritilishi lozim.
Ish beruvchilar tomonidan “Tashkilot kabineti”da imtiyozli shartlarda pensiyaga chiqish huquqini beruvchi lavozim va kasblarda ishlayotgan hamda ishlagan sobiq xodimlarning ishlagan davri toʻgʻrisidagi maʼlumotlar kiritiladi. Bunda imtiyozli shartlarda pensiyaga chiqish huquqini beruvchi ishlab chiqarishlar, muassasalar, ishlar, kasblar, lavozimlar va koʻrsatkichlari boʻyicha 2-roʻyxatning 1-qismi va 3-roʻyxatning 1-qismida koʻzda tutilgan ishlar, kasblar va lavozimlar imtiyozli shartlarda yoshga doir pensiyaga chiqish huquqidan, agar ularning mehnat sharoitlari Roʻyxatlarda koʻrsatilgan shartlarga (koʻrsatkichlarga) mos boʻlsa foydalanadi. Ushbu moslik tashkilotlarda ish oʻrinlarining attestatsiyasi natijalari bilan qonunchilikda belgilangan tartibda tasdiqlanishi lozim.
Ish beruvchi “Tashkilot kabineti”da “Baxtsiz hodisalarni hisobga olish” boʻlimida baxtsiz hodisa turi, oqibatlari va sanasi, jabrlanuvchilar soni boʻyicha tuzilgan N-1 shakldagi dalolatnomaga asosan mehnatda mayib boʻlgan va kasb kasalligini olgan, shuningdek, mehnatga layoqatliligini qisman yoʻqotgan va tibbiy xulosaga koʻra oʻzining asosiy ishidan boshqasiga bir va undan ortiq ish kuniga oʻtkazilgan xodimlarning maʼlumotlarini kiritadi.
Ish beruvchilar ushbu maʼlumotlarni ERI bilan tasdiqlaydilar va ularning haqqoniyligi uchun masʼul hisoblanadilar.
(22-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qaroriga asosan xatboshilar bilan toʻldirilgan — Qonunchilik maʼlumotlari milliy bazasi, 14.03.2023-y., 09/23/106/0145-son)
23. Mehnat shartnomasi roʻyxatdan oʻtkazilgunigacha yangidan kiritilgan ish oʻrnining maqomi avtomatik ravishda boʻsh ish oʻrni deb belgilanadi.
Keyingi tahrirga qarang.
24. Ish oʻrni toʻgʻrisida maʼlumot kiritilganidan soʻng mehnat shartnomasini roʻyxatdan oʻtkazishga ruxsat beriladi.
Keyingi tahrirga qarang.
Keyingi tahrirga qarang.
4-bob. Mehnat shartnomasini roʻyxatdan oʻtkazish
Oldingi tahrirga qarang.
25. Ish beruvchi va xodim oʻrtasida tuzilgan mehnat shartnomasi ushbu Nizomga 1-ilovaga muvofiq sxema boʻyicha “YAMMT” IDAKka mehnat shartnomasi toʻgʻrisidagi maʼlumotlarni shartnoma tuzilgan kundan boshlab besh ish kuni mobaynida kiritish orqali roʻyxatdan oʻtkaziladi.
(25-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Keyingi tahrirga qarang.
Oldingi tahrirga qarang.
26. Ish beruvchi mehnat shartnomasi toʻgʻrisidagi maʼlumotlarni kiritadi va kiritilgan maʼlumotlarni ERI yordamida tasdiqlaydi. Mehnat shartnomasi toʻgʻrisidagi kiritilgan maʼlumotlar ish beruvchining ERIsi bilan tasdiqlanmagan taqdirda, mehnat shartnomasi roʻyxatdan oʻtkazilmagan deb hisoblanadi.
(26-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Keyingi tahrirga qarang.
27. Mehnat shartnomasini roʻyxatdan oʻtkazish paytida notoʻgʻri maʼlumotlar kiritilgan taqdirda ish beruvchi besh ish kuni mobaynida mehnat shartnomasining notoʻgʻri kiritilgan maʼlumotlarini tahrir qilishi mumkin. Koʻrsatib oʻtilgan muddat oʻtib ketgan taqdirda ish beruvchi oʻrnatilgan “YAMMT” IDAK aloqa kanallari orqali ERI identifikatsiyasi bilan operatorga murojaat qiladi. Barcha murojaatlar operator tomonidan besh ish kuni davomida ketma-ketlik tartibida koʻrib chiqiladi.
Keyingi tahrirga qarang.
28. “YAMMT” IDAKda roʻyxatga olingan har bir mehnat shartnomasiga keyinchalik xizmatda foydalanish maqsadida noyob raqam beriladi.
5-bob. Mehnat shartnomasiga qoʻshimcha bitimni roʻyxatdan oʻtkazish
Keyingi tahrirga qarang.
29. Tuzilgan mehnat shartnomasiga qoʻshimcha bitimni roʻyxatdan oʻtkazish “YAMMT” IDAKga mehnat shartnomasidagi qoʻshimchalar va oʻzgartirishlar haqidagi maʼlumotlarni kiritish orqali amalga oshiriladi.
Keyingi tahrirga qarang.
Oldingi tahrirga qarang.
30. Mehnat shartnomasiga qoʻshimcha bitim boʻyicha kiritilgan maʼlumotlar ish beruvchi tomonidan ERI yordamida tasdiqlanadi. Qoʻshimcha bitim ish beruvchining ERIsi bilan tasdiqlanmasdan roʻyxatdan oʻtkazilgan taqdirda, qoʻshimcha kelishuv roʻyxatdan oʻtkazilmagan hisoblanadi.
(30-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Keyingi tahrirga qarang.
31. Qoʻshimcha kelishuv maʼlumotlari notoʻgʻri kiritilgan hollarda ish beruvchi notoʻgʻri kiritilgan maʼlumotlarni besh ish kuni mobaynida tahrir qilishi mumkin. Belgilangan muddat oʻtib ketgan taqdirda, ish beruvchi operatorga murojaat qiladi.
32. Har bir roʻyxatdan oʻtkazilgan mehnat shartnomasiga qoʻshimcha bitimga keyinchalik xizmatda foydalanish uchun noyob raqam beriladi.
Keyingi tahrirga qarang.
6-bob. Xodimning ijtimoiy taʼtilga chiqishini roʻyxatdan oʻtkazish
33. Xodimning ijtimoiy taʼtilga chiqishini roʻyxatdan oʻtkazish “YAMMT” IDAKga ijtimoiy taʼtil davri toʻgʻrisidagi maʼlumotlarni kiritish yoʻli bilan amalga oshiriladi.
Oldingi tahrirga qarang.
34. Xodimning ijtimoiy taʼtilini roʻyxatga olish toʻgʻrisidagi kiritilgan maʼlumotlar ish beruvchi tomonidan ERI yordamida tasdiqlanadi. Xodimning ijtimoiy taʼtilga chiqishi ish beruvchining ERIsi bilan tasdiqlanmasdan roʻyxatga olingan taqdirda kiritilgan maʼlumotlar haqiqiy emas deb hisoblanadi.
(34-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
35. Xodimning ijtimoiy taʼtilga chiqishi boʻyicha notoʻgʻri maʼlumotlar kiritilgan taqdirda ish beruvchi besh ish kuni mobaynida notoʻgʻri kiritilgan maʼlumotlarni tahrir qilishi mumkin. Belgilangan muddatdan oshgan taqdirda ish beruvchi operatorga murojaat qiladi.
7-bob. Mehnat shartnomasining bekor qilinishini roʻyxatdan oʻtkazish
Oldingi tahrirga qarang.
36. Mehnat shartnomasining bekor qilinishi “YAMMT” IDAKka ish beruvchi va xodim oʻrtasidagi mehnat shartnomasining bekor qilinishi toʻgʻrisidagi maʼlumotlarni uch ish kuni mobaynida kiritish orqali roʻyxatdan oʻtkaziladi.
Mehnat shartnomasi texnologiyadagi, ishlab chiqarish va mehnatni tashkil etishdagi oʻzgarishlar, xodimlar soni (shtati) qisqarganligi yoxud korxonaning tugatilgani munosabati bilan bekor qilinganda, ushbu holat ish beruvchi tomonidan “YAMMT” IDAKda alohida qayd etiladi. Lekin elektron mehnat daftarchasida ushbu holat mehnat shartnomasining bekor qilinishi sababi sifatida koʻrsatilmaydi.
(36-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Oldingi tahrirga qarang.
37. Mehnat shartnomasining bekor qilinishini roʻyxatga olish toʻgʻrisida kiritilgan maʼlumotlar ish beruvchi tomonidan ERI yordamida tasdiqlanadi. Mehnat shartnomasining bekor qilinishi ish beruvchining ERIsi bilan tasdiqlanmasdan roʻyxatga olingan taqdirda, kiritilgan maʼlumotlar haqiqiy emas deb hisoblanadi.
(37-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
38. Mehnat shartnomasining bekor qilinishi boʻyicha notoʻgʻri maʼlumotlar kiritilgan taqdirda ish beruvchi besh ish kuni mobaynida notoʻgʻri kiritilgan maʼlumotlarni tahrir qilishi mumkin. Belgilangan muddat oʻtib ketgan taqdirda, ish beruvchi operatorga murojaat qiladi.
39. Mehnat shartnomasining bekor qilinishi roʻyxatdan oʻtkazilganidan soʻng mehnat shartnomasi toʻgʻrisidagi barcha yozuvlar avtomatik ravishda tashkilotning elektron arxiviga tushadi.
40. Tashkilotning elektron arxivi tashkilotning butun faoliyati davrida xodimlar bilan mehnat shartnomalari tuzilishi, oʻzgartirish va qoʻshimchalar kiritilishi, bekor qilinishi toʻgʻrisidagi maʼlumotlarni oʻz ichiga oladi va ish beruvchining shaxsiy kabineti orqali ular bilan tanishish mumkin boʻladi.
8-bob. Boʻsh ish oʻrinlari
41. Tashkilot tarkibida yaratilgan ish oʻrni agar ushbu ish oʻrniga mehnat shartnomasi roʻyxatdan oʻtkazilmagan boʻlsa, boʻsh hisoblanadi.
Keyingi tahrirga qarang.
42. Boʻsh ish oʻrinlari haqidagi maʼlumotlar tashkilotning umumiy tuzilmasida, shuningdek, ish beruvchi shaxsiy kabinetining alohida boʻlimida koʻrsatiladi.
Keyingi tahrirga qarang.
Oldingi tahrirga qarang.
Tashkilotning tasdiqlangan shtatlar jadvaliga nisbatan boʻsh ish oʻrinlarini ortiqcha va asossiz yaratish qonunchilikda belgilangan tartibda ish beruvchining (budjet tashkilotlari va budjetdan mablagʻ oluvchilarning) masʼuliyatiga qaratiladi.
(42-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 14.03.2023-y., 09/23/106/0145-son)
Oldingi tahrirga qarang.
43. Boʻsh ish oʻrni tashkil etilganidan yoki mehnat shartnomasining bekor qilinishi roʻyxatdan oʻtkazilgan kundan boshlab besh kalendar kun mobaynida boʻsh ish oʻrniga mehnat shartnomasi roʻyxatdan oʻtkazilmagan boʻlsa, bu boʻsh ish oʻrni haqidagi maʼlumot avtomatik ravishda Oʻzbekiston Respublikasi Kambagʻallikni qisqartirish va bandlik vazirligining boʻsh ish oʻrinlari milliy bazasiga uzatiladi va barcha uchun ochiq boʻladi.
(43-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Keyingi tahrirga qarang.
Oldingi tahrirga qarang.
44. Ish beruvchi Oʻzbekiston Respublikasi Kambagʻallikni qisqartirish va bandlik vazirligining boʻsh ish oʻrinlari milliy maʼlumotlar bazasiga bu haqida maʼlumot berishda boʻsh ish oʻrni haqidagi maʼlumotda lavozim maoshi koʻrsatilishini oʻchirib qoʻyish imkoniga ega.
(44-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Keyingi tahrirga qarang.
Oldingi tahrirga qarang.
45. Ish oʻrni mehnat shartnomasi tuzilganligi roʻyxatdan oʻtkazilganidan soʻng boʻsh hisoblanmaydi, bunda boʻsh ish oʻrni haqidagi maʼlumot Oʻzbekiston Respublikasi Kambagʻallikni qisqartirish va bandlik vazirligining boʻsh ish oʻrinlari milliy bazasida nofaol boʻladi.
(45-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Keyingi tahrirga qarang.
9-bob. Jismoniy shaxsning shaxsiy kabinetiga kirish
46. “YAMMT” IDAKda roʻyxatdan oʻtish uchun jismoniy shaxs my.mehnat.uz elektron manziliga oʻtishi va “Elektron hukumat” tizimining foydalanuvchilarni identifikatsiyalashning yagona axborot tizimi orqali jismoniy shaxsning ERI yordamida yoki kadrlar boʻyicha ish yurituvchi masʼul xodim yoki mehnat organining masʼul xodimi tomonidan verifikatsiya qilingan telefon raqamiga SMS xabar orqali yuborilgan kirish kodi yordamida identifikatsiyadan oʻtishi kerak.
47. Identifikatsiyadan oʻtgach “YAMMT” IDAK avtomatik ravishda taqdim yetilgan maʼlumotlarni “Elektron hukumat” tizimi jismoniy shaxslar maʼlumotlar bazasida mavjud maʼlumotlar bilan solishtiradi va xatolik aniqlanmagan hollarda idoralararo elektron hamkorlik tizimi yordamida jismoniy shaxsni “YAMMT” IDAKda roʻyxatga oladi.
48. Roʻyxatdan oʻtgandan soʻng avtomatik ravishda jismoniy shaxsning shaxsiy kabineti shakllantiriladi.
49. “YAMMT” IDAKda jismoniy shaxsga tegishli jismoniy shaxsning shaxsiy identifikatsiya raqami (keyingi oʻrinlarda JSHSHIR deb ataladi) jismoniy shaxsning identifikatori hisoblanadi.
50. Tashkilotda kadrlar bilan ish yurituvchi masʼul xodim yoki mehnat organining masʼul xodimi jismoniy shaxslarning yozma murojaati asosida ular bilan bogʻlanish maʼlumotlariga oʻzgartirishlar kiritish huquqiga ega.
51. Jismoniy shaxs Oʻzbekiston Respublikasidan tashqarida doimiy yashash uchun ketgan taqdirda yoki vafot etgan taqdirda shaxsiy kabinetdagi maʼlumotlar “YAMMT” IDAKda saqlanishda davom etadi va ishonchli shaxslarga yoki qonuniy vorislarga taqdim etilishi mumkin.
10-bob. Elektron mehnat daftarchasi
52. “YAMMT” IDAKdagi elektron mehnat daftarchasiga kirish:
mustaqil ravishda, jismoniy shaxsning ERIdan yoki kadrlar bilan ish yurituvchi masʼul xodim yoki mehnat organining masʼul xodimi tomonidan verifikatsiya qilingan telefon raqamiga SMS xabar orqali yuborilgan kirish kodidan foydalanib — xodim tomonidan;
xodim bilan tuzilgan mehnat shartnomasi roʻyxatdan oʻtkazilganidan soʻng — ish beruvchi tomonidan amalga oshirilishi mumkin.
Keyingi tahrirga qarang.
53. Elektron mehnat daftarchasidagi maʼlumotlar ushbu Nizomga 2-ilovaga muvofiq sxema boʻyicha shakllantiriladi.
Oldingi tahrirga qarang.
54. Jismoniy shaxslar oʻz tashabbusi bilan oʻzlarining oʻtgan davrlardagi ishga joylashish toʻgʻrisidagi maʼlumotlarni “YAMMT” IDAKga mustaqil kiritishlari mumkin. Shu bilan birga kiritilgan maʼlumotlar Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi organlari tomonidan yozuv kiritilgandan soʻng oʻn besh kun mobaynida verifikatsiya qilinishi (tasdiqlanishi) lozim.
(54-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qarori tahririda — Qonunchilik maʼlumotlari milliy bazasi, 14.03.2023-y., 09/23/106/0145-son)
Oldingi tahrirga qarang.
Ishlamaydigan fuqarolar oʻzlarining mehnat daftarchasidagi mehnat staji toʻgʻrisidagi maʼlumotlarini “YAMMT” IDAKka kiritish uchun Kambagʻallikni qisqartirish va bandlikka koʻmaklashish boʻlimlariga murojaat qilishlari mumkin. Bunda maʼlumotlar jismoniy shaxsning shaxsiy identifikatsiya raqami orqali kiritiladi.
(54-band Oʻzbekiston Respublikasi Vazirlar Mahkamasining 2023-yil 13-martdagi 106-sonli qaroriga asosan ikkinchi xatboshi bilan toʻldirilgan — Qonunchilik maʼlumotlari milliy bazasi, 14.03.2023-y., 09/23/106/0145-son)
11-bob. Oʻzini oʻzi band qilgan fuqarolar toʻgʻrisidagi maʼlumotlarni kiritish
55. Jismoniy shaxslarga oʻzini oʻzi band qilgan fuqarolar uchun vaqtinchalik mehnat guvohnomalarini berishda mehnat organlari guvohnoma berilgan kundan boshlab uch kundan kechiktirmay ular toʻgʻrisidagi maʼlumotlarni “YAMMT” IDAKga kiritadi.
56. “YAMMT” IDAKga oʻzini oʻzi band qilgan holda vaqtinchalik mehnat guvohnomasida koʻrsatilgan mehnat faoliyati olib borilgan davr kiritiladi. Bunda davrning birinchi kuni vaqtinchalik mehnat guvohnomasida koʻrsatilgan faoliyatning boshlanish sanasi va oxirgi kuni faoliyatning yakunlangan sanasi hisoblanadi.
57. Oʻzini oʻzi band qilgan holda mehnat faoliyati toʻgʻrisidagi “YAMMT” IDAKda saqlanadigan maʼlumotlar pensiya hisoblashda tegishli ish bilan bandlik davrini mehnat stajiga kiritish uchun asos boʻladi. Bunda vaqtinchalik mehnat guvohnomalarini taqdim etish orqali tasdiqlash talab qilinmaydi.
12-bob. Yakunlovchi qoidalar
58. Oʻzbekiston Respublikasi Bandlik va mehnat munosabatlari vazirligi va unga idoraviy mansub tashkilotlar “YAMMT” IDAKning ishlashi, axborot xavfsizligining taʼminlanishi, axborot tizimi tarkibidagi shaxsga doir maʼlumotlarga ruxsatsiz kirishning oldini olish uchun masʼul hisoblanadi.
Keyingi tahrirga qarang.
59. “YAMMT” IDAKdagi maʼlumotlarni saqlash va undagi shaxsga doir maʼlumotlarni muhofaza qilish “Shaxsga doir maʼlumotlar toʻgʻrisida”gi va “Elektron hujjat aylanishi toʻgʻrisida”gi Oʻzbekiston Respublikasi Qonunlariga muvofiq amalga oshiriladi.
60. Mehnat shartnomalarini roʻyxatga olish, xodimlarning elektron mehnat daftarchalarini shakllantirish va yuritish tartibining ijro etilishi boʻyicha javobgarlik ish beruvchilar va zimmasiga tegishli vazifalar yuklangan boshqa organlarga yuklanadi.
Oldingi tahrirga qarang.
61. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.
(61-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
“Yagona milliy mehnat tizimi” idoralararo dasturiy-apparat kompleksida mehnat shartnomalarini roʻyxatdan oʻtkazish, elektron mehnat daftarchalarini shakllantirish va yuritish tartibi toʻgʻrisidagi nizomga
1-ILOVA
1-ILOVA
Ish beruvchi bilan xodim oʻrtasida tuzilgan mehnat shartnomasini roʻyxatdan oʻtkazish
SXEMASI
|
Bosqichlar |
|
Subyektlar |
|
Harakatlar |
|
Muddatlar |
|
|
|
|
|
|
|
|
|
1-bosqich |
Ish beruvchi |
Oʻzbekiston Respublikasi foydalanuvchilarini identifikatsiya qilish yagona axborot tizimi orqali identifikatsiyadan oʻtish yoʻli bilan my.mehnat.uz manzili boʻyicha “YAMMT” IDAKda roʻyxatdan oʻtish. |
Qonunda belgilangan muddatda | |||
|
2-bosqich |
Ish beruvchi |
Ish beruvchining shaxsiy kabinetini shakllantirish. |
Roʻyxatdan oʻtgandan soʻng avtomatik tarzda | |||
|
3-bosqich |
Ish beruvchi |
Shtat jadvaliga muvofiq (agar mavjud boʻlsa) boʻlinmalar va ish oʻrinlari haqidagi maʼlumotlarni kiritish yoʻli bilan tashkilot tuzilmasini shakllantirish. |
Ish beruvchining shaxsiy kabineti shakllantirilganidan soʻng | |||
|
4-bosqich |
Ish beruvchi |
Mehnat shartnomasini roʻyxatdan oʻtkazish. 1. Xodim haqidagi maʼlumotlarni kiritish: pasport seriyasi va raqami, JSHSHIR. 2. Mehnat shartnomasi rekvizitlarini kiritish: mehnat shartnomasi raqami; mehnat shartnomasi tuzilgan sana. 3. Mehnat shartnomasi shartlarini kiritish: ishni boshlash sanasi; mehnat shartnomasining tugashi sanasi*; ish joyi; sinov muddati; faoliyat turi; ish vaqti va dam olish vaqti; yillik haq toʻlanadigan taʼtil; qoʻshimcha haq toʻlanadigan taʼtil; mehnatga haq toʻlash. |
Ish beruvchining shaxsiy kabinetidagi tashkilotning shakllantirilgan tuzilmasida ish oʻrni yaratilganidan soʻng | |||
* Mehnat shartnomasi nomuayyan muddatga yoki muayyan ishni bajarish vaqtiga tuzilgan taqdirda tegishli belgi qoʻyiladi.
“Yagona milliy mehnat tizimi” idoralararo dasturiy-apparat kompleksida mehnat shartnomalarini roʻyxatdan oʻtkazish, elektron mehnat daftarchalarini shakllantirish va yuritish tartibi toʻgʻrisidagi nizomga
2-ILOVA
2-ILOVA
Elektron mehnat daftarchalarida maʼlumotlarni shakllantirish
SXEMASI
|
Bosqichlar |
|
Subyektlar |
|
Harakatlar |
|
Muddatlar |
|
|
|
|
|
|
|
|
|
1-bosqich |
Jismoniy shaxs (xodim), ish beruvchi |
my.mehnat.uz elektron manzili boʻyicha “Elektron hukumat” tizimining foydalanuvchilarni identifikatsiyalashning yagona axborot tizimi orqali jismoniy shaxsning ERI yordamida yoki kadrlar boʻyicha ish yurituvchi masʼul xodim yoki mehnat organining masʼul xodimi tomonidan verifikatsiya qilingan telefon raqamiga SMS xabar orqali yuborilgan kirish kodi yordamida roʻyxatdan oʻtish. |
Mehnat shartnomasi tuzilganda | |||
|
2-bosqich |
Jismoniy shaxs (xodim) |
Jismoniy shaxsning shaxsiy kabineti shakllantirilishi. |
Roʻyxatdan oʻtgandan soʻng avtomatik tarzda | |||
|
3-bosqich |
Ish beruvchi |
Elektron mehnat daftarchasida mehnat shartnomasini tuzish, oʻzgartirish va tugatishni roʻyxatdan oʻtkazish haqidagi maʼlumotlarni avtomatik tarzda shakllantirish. |
Mehnat shartnomasi roʻyxatdan oʻtkazilgandan soʻng | |||
Izoh. Jismoniy shaxslar oʻz tashabbusi bilan oʻzlarining mehnat faoliyati davrlari toʻgʻrisida “YAMMT” IDAKga maʼlumotlarni mustaqil kiritishlari mumkin. Shu bilan birga elektron mehnat daftarchasidagi maʼlumotlar Oʻzbekiston Respublikasi Moliya vazirligida huzuridagi budjetdan tashqari Pensiya jamgʻarmasi organlari tomonidan belgilangan muddatda verifikatsiya qilinganidan (tasdiqlanganidan) soʻng shakllantiriladi.
Keyingi tahrirga qarang.
Vazirlar Mahkamasining 2019-yil 5-dekabrdagi 971-son qaroriga
2-ILOVA
2-ILOVA
Oʻzbekiston Respublikasi Bandlik va mehnat munosabatlari vazirligi huzuridagi “Yagona milliy mehnat tizimi” idoralararo dasturiy-apparat kompleksini boshqarish direksiyasining
TUZILMASI
Keyingi tahrirga qarang.
Boshqaruv xodimlarining umumiy soni — 8 birlik.
Xizmat koʻrsatuvchi va texnik xodimlar soni belgilangan normalarga muvofiq belgilanadi.
(Qonun hujjatlari maʼlumotlari milliy bazasi, 06.12.2019-y., 09/19/971/4114-son; 24.12.2020-y., 09/20/806/1662-son; Qonunchilik maʼlumotlari milliy bazasi, 05.04.2022-y., 09/22/153/0266-son; 14.03.2023-y., 09/23/106/0145-son; 29.12.2023-y., 09/23/688/0996-son; 04.01.2025-y., 09/25/891/0011-son; 04.12.2025-y., 09/25/763/1123-son; 25.12.2025-y., 09/25/821/1211-son; 05.02.2026-y., 09/26/40/0112-son)
