1.	Yunusov Mirziyod Miraxmadovich	—	“Oʻzeltexsanoat” uyushmasi raisi, Kengash raisi
2.	Sultanov Dilshod Shuhratovich	—	Oʻzbekiston Respublikasi moliya vazirining oʻrinbosari, Kengash raisi oʻrinbosari
3.	Abdinazarov Bobur Qalandarovich	—	Oʻzbekiston Respublikasi iqtisodiy taraqqiyot va kambagʻallikni qisqartirish vazirining oʻrinbosari
4.	Voitov Aziz Botirovich	—	Oʻzbekiston Respublikasi investitsiya va tashqi savdo vazirining birinchi oʻrinbosari
5.	Rahmonov Asror Ruziyevich	—	“Oʻzeltexsanoat” uyushmasi moliya boshqarmasining boshligʻi, Kengash kotibi

Izoh: Kengash aʼzolari boshqa ishga oʻtganda, uning tarkibiga ushbu lavozimga yangi tayinlangan yoki zimmasiga tegishli funksiyani bajarish yuklangan shaxslar kiritiladi.

(1-ilovaning matni Oʻzbekiston Respublikasi Vazirlar Mahkamasining 2021-yil 8-oktabrdagi 631-sonli qarori tahririda — Qonunchilik maʼlumotlari milliy bazasi, 09.10.2021-y., 09/21/631/0950-son)

Keyingi tahrirga qarang.

Vazirlar Mahkamasining 2019-yil 16-oktabrdagi 877-son qaroriga
2-ILOVA

“Oʻzeltexsanoat” uyushmasining Elektrotexnika sanoatini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisida

NIZOM

1-bob. Umumiy qoidalar

1. Ushbu Nizom “Oʻzeltexsanoat” uyushmasining Elektrotexnika sanoatini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish va ulardan foydalanish tartibini belgilaydi.

2. Jamgʻarma yuridik shaxs hisoblanmaydi va uning mablagʻlari xizmat koʻrsatuvchi bankdagi maxsus hisobraqamda jamlanadi.

2-bob. Jamgʻarma mablagʻlarini shakllantirish va ulardan foydalanish tartibi

3. Quyidagilar Jamgʻarma mablagʻlarini shakllantirish manbalari hisoblanadi:

Oʻzbekiston Respublikasi Davlat budjetidan, shu jumladan 2019-2020-yillarda jami 20 mlrd soʻm miqdorda ajratiladigan mablagʻlar;

Oldingi tahrirga qarang.

jamgʻarmaga respublika budjetining qoʻshimcha manbalari hisobidan 2021-yilning birinchi, ikkinchi va uchinchi choraklarida teng ulushlarda 75 milliard soʻm miqdorida ajratilgan mablagʻlar va keyingi yillarda budjet parametrlarida ushbu maqsadlar uchun nazarda tutilgan mablagʻlar;

(3-band Oʻzbekiston Respublikasi Vazirlar Mahkamasining 2021-yil 8-oktabrdagi 631-sonli qaroriga asosan uchinchi xatboshi bilan toʻldirilgan — Qonunchilik maʼlumotlari milliy bazasi, 09.10.2021-y., 09/21/631/0950-son)

xalqaro moliya institutlari va boshqa xorijiy donorlar grantlari;

qonun hujjatlarida taqiqlanmagan boshqa manbalar.

Keyingi tahrirga qarang.

Oldingi tahrirga qarang.

4. Jamgʻarma mablagʻlaridan quyidagi maqsadlarda foylalaniladi:

a) elektrotexnika va elektr maishiy mahsulotlar ishlab chiqaruvchi mahalliy tashkilotlarda xalqaro standartlarni joriy etish, mahsulotlarni chet el bozorlari talablariga muvofiq sertifikatlash tadbirlari bilan bogʻliq xarajatlarning 50 foizini, biroq bitta holat boʻyicha ekvivalenti 20 ming AQSh dollaridan koʻp boʻlmagan miqdorda qoplash;

b) ushbu Nizomga 1-ilovada keltirilgan yuqori qoʻshilgan qiymatli mis mahsulotlarini eksport qiluvchi tarmoq tashkilotlarining mahsulotlarni ishlab chiqarish va tashqi bozorlarga sotish bilan bogʻliq xarajatlarini mahsulot turlaridan kelib chiqib, eksport qiymatining 6 foizigacha qoplash;

Keyingi tahrirga qarang.

v) startap-loyihalarni moliyalashtirish, elektrotexnika sanoati tarmogʻida ishlab chiqarish va xizmat koʻrsatish tashkilotlarining ustav fondlarini (kapitallarini) shakllantirishda ishtirok etish, maxsus injiniring markazlari va tajriba-konstruktorlik byurolarini tashkil etish;

g) elektrotexnika va elektr maishiy mahsulotlar ishlab chiqarish boʻyicha investitsiya loyihalarini amalga oshirish uchun salohiyatli investorlarni jalb qilish maqsadida boʻsh turgan va foydalanilmayotgan bino-inshootlarni taʼmirlash, rekonstruksiya qilish va ulardagi tashqi muhandislik-kommunikatsiya tizimlarini yaxshilash, shuningdek, hududlarda elektrotexnika sanoatiga ixtisoslashtirilgan industrial texnoparklarni tashkil etish;

d) elektrotexnika va elektr maishiy mahsulotlar ishlab chiqaruvchi mahalliy tashkilotlarga tender savdolarida ishtirok etish uchun qisqa muddatga moliyaviy kafilliklar berish;

e) elektrotexnika sanoati tarmogʻi tashkilotlarining xalqaro koʻrgazmalar va yarmarkalarda ishtirok etishi bilan bogʻliq xarajatlarining 50 foizini, biroq bitta holat boʻyicha ekvivalenti 10 ming AQSh dollaridan koʻp boʻlmagan miqdorda qoplash;

j) elektrotexnika sanoati tarmogʻi tashkilotlarining tashqi bozorlarda mahsulotlarning ommabopligini oshirish boʻyicha marketing olib borishi, tarmoq loyihalarining loyihaoldi hujjatlarini (biznes-reja, texnik-iqtisodiy asoslar va boshqalar) ishlab chiqishi, shuningdek, jahon bozorini oʻrganish va marketing tahlillarini amalga oshirish uchun xalqaro maʼlumotlar bazalariga (axborot resurslariga) ulanishi bilan bogʻliq xarajatlarini 50 foizgacha qoplash;

Keyingi tahrirga qarang.

z) mahalliy elektrotexnika va elektr maishiy mahsulotlarni targʻib etish boʻyicha respublikada va xorijiy davlatlarda koʻrgazma va yarmarkalar tashkil etish, seminarlar oʻtkazish, taqdimot materiallari va koʻrgazma stendlarini tayyorlash;

i) “Oʻzeltexsanoat” uyushmasi ijro apparatiga xorijiy mutaxassis va ekspertlarni jalb qilish bilan bogʻliq xarajatlarni qisman yoki toʻliq moliyalashtirish;

Keyingi tahrirga qarang.

k) jamgʻarmaning vaqtincha boʻsh turgan mablagʻlari Oʻzbekiston Respublikasi tijorat banklaridagi depozitga belgilangan tartibda joylashtirilishidan olingan foiz mablagʻlar hisobidan “Oʻzeltexsanoat” uyushmasining moddiy-texnik bazasini mustahkamlash va uyushmaning ijro etuvchi apparati xodimlarini moddiy ragʻbatlantirish;

(4-band Oʻzbekiston Respublikasi Vazirlar Mahkamasining 2021-yil 8-oktabrdagi 631-sonli qarori tahririda — Qonunchilik maʼlumotlari milliy bazasi, 09.10.2021-y., 09/21/631/0950-son)

Keyingi tahrirga qarang.

Oldingi tahrirga qarang.

4¹. Zarur hollarda, Eksport va investitsiyalarni rivojlantirish masalalari boʻyicha Hukumat komissiyasi ushbu Nizomning 1-ilovasida keltirilgan roʻyxatga oʻzgartirish va qoʻshimchalar kiritish huquqiga ega.

(4¹-band Oʻzbekiston Respublikasi Vazirlar Mahkamasining 2021-yil 8-oktabrdagi 631-sonli qaroriga asosan kiritilgan — Qonunchilik maʼlumotlari milliy bazasi, 09.10.2021-y., 09/21/631/0950-son)

5. Jamgʻarmaning vaqtincha boʻsh turgan pul mablagʻlarini Oʻzbekiston Respublikasi tijorat banklariga depozitga oʻrnatilgan tartibda joylashtirilishi mumkin.

3-bob. Jamgʻarma mablagʻlarini boshqarish

6. Jamgʻarma mablagʻlari Kengash tomonidan boshqariladi va taqsimlanadi.

Kengashning shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadi.

Kengash majlisi unda aʼzolarining kamida uchdan ikki qismi qatnashsa, vakolatli hisoblanadi. Koʻrib chiqiladigan masalalar boʻyicha qarorlar oddiy koʻpchilik ovoz bilan qabul qilinadi. Qabul qilingan qaror bayonnoma shaklida rasmiylashtiriladi.

Kengash majlisi rejali tartibda har chorakda yoki zarur boʻlganda oʻtkaziladi.

7. Kengash:

har yili 1-oktabrgacha Jamgʻarmaning kelgusi yil uchun daromadlari va xarajatlari smetalarini tasdiqlaydi;

Jamgʻarma mablagʻlari hisobidan moliyalashtirish uchun ushbu Nizomning 4-bandida nazarda tutilgan tadbirlar roʻyxatini belgilaydi;

zarur hollarda, Jamgʻarmaning tasdiqlangan daromadlari va xarajatlari smetalariga oʻzgartirishlar kiritadi;

Jamgʻarma mablagʻlaridan maqsadli va samarali foydalanilishini nazorat qiladi;

Jamgʻarma ishchi organi tomonidan Jamgʻarma daromadlari va xarajatlari toʻgʻrisida kiritiladigan hisobotlarni koʻrib chiqadi va tasdiqlaydi;

Jamgʻarmaga xalqaro moliya institutlari va boshqa donor-davlatlar grantlari jalb etilishiga koʻmaklashadi;

Jamgʻarma mablagʻlarini shakllantirish va ulardan foydalanish bilan bogʻliq boshqa vakolatlarni ham amalga oshiradi.

Oldingi tahrirga qarang.

8. Kengash tomonidan tasdiqlanadigan va tarkibiga “Oʻzeltexsanoat” uyushmasi Boshqaruv raisining oʻrinbosarlari va mutaxassislari kiradigan ekspert guruhi Jamgʻarmaning ishchi organi hisoblanadi.

(8-band Oʻzbekiston Respublikasi Vazirlar Mahkamasining 2021-yil 8-oktabrdagi 631-sonli qarori tahririda — Qonunchilik maʼlumotlari milliy bazasi, 09.10.2021-y., 09/21/631/0950-son)

Oldingi tahrirga qarang.

(9-band Oʻzbekiston Respublikasi Vazirlar Mahkamasining 2021-yil 8-oktabrdagi 631-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 09.10.2021-y., 09/21/631/0950-son)

10. Ekspert guruhi:

Jamgʻarma mablagʻlaridan foydalanishning aniq yoʻnalishlari boʻyicha materiallarni qabul qiladi, tahlil qiladi va Kengash muhokamasiga kiritadi;

Jamgʻarmaning kelgusi yil uchun daromadlari va xarajatlari smetasini ishlab chiqadi hamda Kengashga koʻrib chiqish va tasdiqlash uchun kiritadi;

Jamgʻarmaga tushumlarni koʻpaytirish va uning mablagʻlaridan samarali foydalanishga doir takliflar kiritadi;

Jamgʻarma xarajatlari asosiy yoʻnalishlarining hisobini yuritadi;

Jamgʻarma mablagʻlaridan foydalanish va Jamgʻarma mablagʻlarini olgan tashkilotlar tomonidan bajarilgan ishlar toʻgʻrisidagi hisobotni qabul qiladi va umumlashtiriradi;

har chorakda Jamgʻarma mablagʻlaridan foydalanish boʻyicha xisobotlar tayyorladi va Kengashga taqdim etadi.

4-bob. Jamgʻarma mablagʻlaridan foydalanish tartibi

Oldingi tahrirga qarang.

11. Elektrotexnika sanoati tashkilotlariga Jamgʻarma mablagʻlari hisobidan moliyaviy yordam mazkur Nizomga 2-ilovaga muvofiq sxema boʻyicha koʻrsatiladi.

(11-band Oʻzbekiston Respublikasi Vazirlar Mahkamasining 2021-yil 8-oktabrdagi 631-sonli qarori tahririda — Qonunchilik maʼlumotlari milliy bazasi, 09.10.2021-y., 09/21/631/0950-son)

12. Tashkilot (elektrotexnika sanoati tashkiloti) Jamgʻarmadan mablagʻ olish uchun ““Oʻzeltexsanoat” uyushmasiga quyidagi hujjatlarni qogʻoz yoki elektron shaklda taqdim etadi:

mablagʻ ajratish toʻgʻrisida yuridik shaxsning nomi va tashkiliy-huquqiy shakli, joylashgan joyi (pochta manzili), bank boʻlinmasining nomi va bankdagi hisobraqami koʻrsatilgan ariza;

Jamgʻarmadan mablagʻlar ajratish zarurligini tegishli hujjatlar (mablagʻlardan foydalanish yoʻnalishiga qarab) bilan asoslash;

tashkilotning oxirgi hisobot davri uchun, jumladan barcha ilovalari bilan birgalikda buxgalteriya hisobotining nusxasi;

xizmat koʻrsatuvchi bankning barcha hisobraqamlar boʻyicha mablagʻlar aylanmasi, tashkilot bank hisobraqamining holati va 2-son kartoteka mavjud emasligi haqidagi maʼlumotlari.

Ushbu Nizomning 4-bandi “v” va “g” kichik bandlarida koʻrsatilgan maqsadlar uchun mablagʻlar ajratish toʻgʻrisida ariza taqdim etilgan taqdirda, quyidagi hujjatlar qoʻshimcha ravishda taqdim etiladi:

loyihani amalga oshirish uchun Jamgʻarmadan mablagʻlar olishga xoʻjalik birlashmalari boshqaruv organining roziligi;

loyihasining biznes-rejasi;

zarur boʻlganda, qurilish loyihalarining loyiha-smeta hujjatlari;

pudrat ishlarini bajarish uchun shartnomalar nusxalari.

Elektron shaklda taqdim etilgan hujjatlar elektron raqamli imzo bilan tasdiqlanadi.

Ariza beruvchi tashkilotlar mazkur Nizomning 4-bandida koʻrsatilgan tadbirlar amalga oshirilganini tasdiqlovchi hujjatlarni ham taqdim etishi shart.

Keyingi tahrirga qarang.

13. Jamgʻarmadan mablagʻ ajratish yoki ajratishni rad etish toʻgʻrisidagi qaror tashkilotning arizasi olingan kundan boshlab oʻn kundan oshmaydigan muddatda qabul qilinadi.

14. Tashkilotning Jamgʻarmadan mablagʻ olish uchun taqdim etilgan va mazkur Nizom talablariga mos keladigan hujjatlari ekspert guruhi tomonidan Kengashga koʻrib chiqish uchun kiritiladi.

Keyingi tahrirga qarang.

15. Kengash Jamgʻarma mablagʻlarini olish uchun tashkilot tomonidan taqdim etilgan hujjatlarni koʻrib chiqib, agar buyurtmanoma Jamgʻarma maqsad va vazifalariga mos kelmasa, mablagʻlardan maqsadsiz foydalanish tavakkalchiligi mavjud boʻlsa va loyihaning maqsadga muvofiqligi hamda iqtisodiy samaradorligi yetarlicha asoslanmagan boʻlsa, mablagʻlarni ajratish yoxud ajratishni rad etish toʻgʻrisida protokol qarorini qabul qiladi.

16. Ekspert guruhi tashkilotni qabul qilingan qaror haqida Kengash tomonidan tegishli qaror qabul qilingandan keyin bir kun ichida xabardor qiladi.

17. Kengashning Jamgʻarmadan mablagʻlar ajratish toʻgʻrisida qabul qilingan qarori asosida “Oʻzeltexsanoat” uyushmasi va tashkilot oʻrtasida mablagʻlar ajratish haqida 3 kun muddatda shartnoma tuziladi.

5-bob. Jamgʻarma mablagʻlarining hisobi, ulardan foydalanish yuzasidan hisobot va nazorat

18. Jamgʻarma mablagʻlarining hisobi va hisoboti “Oʻzeltexsanoat” uyushmasining boshqa mablagʻlaridan alohida yuritiladi.

19. Jamgʻarmaning daromadlari va xarajatlari smetasi qonun hujjatlarida belgilangan tartibda (choraklar, tushum manbalari va mablagʻlardan foydalanish yoʻnalishlari boʻyicha) tuziladi.

Keyingi tahrirga qarang.

20. Jamgʻarmadan mablagʻlar oluvchi tashkilotlar tuzilgan shartnomalar va qonun hujjatlariga qatʼiy muvofiq ravishda olingan mablagʻlarning maqsadli ishlatilishini taʼminlashi, ulardan foydalanish toʻgʻrisidagi hisobotni va tasdiqlovich hujjatlarni taqdim etishi shart.

Keyingi tahrirga qarang.

Bundan tashqari, Jamgʻarmadan mablagʻlar oluvchi tashkilotlar mablagʻlarni olgandan keyin bir oy ichida Jamgʻarma Kengashiga tegishli tasdiqlovchi hujjatlarni ilova qilgan holda, ulardan foydalanish natijalari toʻgʻrisidagi hisobotni taqdim etadi.

21. Jamgʻarmadan ajratilgan mablagʻlardan maqsadli va samarali foydalanish uchun javobgarlik Jamgʻarmadan mablagʻlar oluvchi hisoblangan rahbarlar zimmasiga yuklanadi.

22. Jamgʻarma har chorakda Oʻzbekiston Respublikasi Moliya vazirligiga mablagʻlardan foydalanish toʻgʻrisida hisobot taqdim etadi.

6-bob. Yakunlovchi qoidalar

23. Jamgʻarmaning joriy yilda sarflanmagan mablagʻlari keyingi yilga oʻtkaziladi va qaytarib olinmaydi.

24. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javobgar boʻladi.

Keyingi tahrirga qarang.

Oldingi tahrirga qarang.

“Oʻzeltexsanoat” uyushmasining Elektrotexnika sanoatini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomga
1-ILOVA

Mahsulotlar ishlab chiqarish va ularni tashqi bozorlarga sotish bilan bogʻliq xarajatlar mahsulot turlaridan kelib chiqib, eksport qiluvchi tarmoq tashkilotlari eksport qiymatining 6 foizigacha qoplanadigan yuqori qoʻshilgan qiymatli mis mahsulotlari

ROʻYXATI

T/r	TIF TN kodi	Mahsulot nomi	Qoplash miqdori *(mahsulot qiymatiga nisbatan %da)*
1.	7411 101000	Mis quvurlari va naychalari, tozalangan misdan	4,0%
2.	7411 109000	Qayta ishlangan mis quvurlari va naychalari hamda boshqalar	4,0%
3.	8544 111000	Loklangan yoki emallangan oʻrama mis simlar	4,0%
4.	8544 119000	Boshqa oʻramali mis simlar	4,0%
5.	8544 200000	Koaksial va b�shqa elektr oʻtkazgichli koaksial kabellar	6,0%
6.	8544 300001	Oʻt oldirish svechalari uchun va boshqa sim oʻtkazgich toʻplamlari, avtotransport vositalari, 8701-8705 gacha pozitsiyadagi avtotransport vositalarini sanoatda yigʻish va foydalanish uchun	6,0%
7.	8544 300002	Samolyotlarda ishlatiladigan aviatsiya dvigatellarini ishlab chiqarish uchun oʻt oldirish svechalari va boshqa sim oʻtkazgich toʻplamlari	6,0%
8.	8544 300007	Avtotransport vositalari uchun misdan izolatsiyalangan oʻtkazgichli simlar jamlanmasi	6,0%
9.	8544 300008	Avtotransport vositalari, samolyotlar yoki kemalarda ishlatiladigan oʻt oldirish svechalari uchun sim oʻtkazgich toʻplamlari	6,0%
10.	8544 421000	Telekommunikatsiyalarda ishlatiladigan, ulanish moslamalari bilan jihozlangan 1000 V dan yuqori boʻlmagan boshqa elektr oʻtkazgichlar	4,0%
11.	8544 429003	Fuqarolik havo kemalari yoki aviatsiya dvigatellari ishlab chiqarish uchun ulanish moslamalari bilan jihozlangan 80 V dan yuqori boʻlmagan kuchlanish uchun boshqa elektr oʻtkazgichlar	6,0%
12.	8544 429007	80 V dan yuqori boʻlmagan ulanish moslamalari bilan jixozlangan elektr oʻtkazgichlar	6,0%
13.	8544 429009	80 V dan yuqori boʻlmagan kuchlanish uchun ulanish moslamalari bilan jihozlangan, 1000 Vdan yuqori boʻlmagan kuchlanish uchun boshqa elektr oʻtkazgichlar	4,0%
14.	8544 492000	80 V dan yuqori boʻmagan kuchlanish uchun telekommunikatsiyalarda ishlatiladigan elektr oʻtkazgichlar	6,0%
15.	8544 499101	80 V dan yuqori boʻlmagan kuchlanish uchun diametri 0,51 mmdan yuqori boʻlgan izolatsiyalangan oʻtkazgichli simlar va kabellar	5,0%
16.	8544 499301	8701-8705 pozitsiyali avtotransport vositalarini sanoatda yigʻish uchun 80 V dan yuqori boʻlmagan kuchlanish uchun elektr oʻtkazgichlar, ularning tarkibiy qismlari va agregatlari.	4,0%
17.	8544 499302	Aviatsiya dvigatellarini ishlab chiqarish uchun 80 V dan yuqori boʻlmagan kuchlanish uchun elektr oʻtkazgichlar	4,0%
18.	8544 499309	80 V dan yuqori boʻlmagan kuchlanish uchun elektr oʻtkazgichlar va boshqalar (8701 — 8705 pozitsiyali avtotransport vositalarini sanoatda yigʻish uchun elektr oʻtkazgichlar, ularning tarkibiy qismlari va aviatsiya dvigatellari ishlab chiqarish uchun oʻtkazgichlar bundan mustasno)	4,0%
19.	8544 499500	80 V dan yuqori, ammo 1000 Vdan kam kuchlanishli elektr oʻtkazgichlar	4,0%
20.	8544 499900	1000 V dan yuqori kuchlanish uchun elektr oʻtkazgichlar	6,0%
21.	8544 601000	1000 V dan yuqori kuchlanishli elektr mis oʻtkazgichlar	4,0%
22.	8544 609001	1000 Vdan oshadigan kuchlanish uchun boshqa elektr oʻtkazgichlar, boshqa oʻtkazgichlar bilan 8701-8705 pozitsiyali avtotransport vositalarini sanoatda yigʻish uchun elektr oʻtkazgichlar, ularning tarkibiy qismlari va aviatsiya dvigatellari ishlab chiqarish uchun oʻtkazgichlar	4,0%
23.	8544 609009	1000 V dan yuqori kuchlanishli boshqa elektr oʻtkazgichlar, boshqa oʻtkazgichlar bilan	5,0%
24.	8544 700000	Optik tolali simlar	6,0%
25.	7408 19 100 0*	Maksimal oʻlchamdagi kattaligi 0,5 mmdan yuqori mis simlar	3,0%
26.	7408 19 900 0*	Maksimal oʻlchamdagi kattaligi 0,5 mmdan oshmaydigan mis simlar	3,0%
27.	7413 00 000*	Elektr izolatsiya qilinmagan misdan tayyorlangan simlar, kabel shnurlar, troslar va shunga oʻxshash simlar	3,0%
28.	7412 100000	Tozalangan misdan tayyorlangan quvurlar yoki naychalar uchun mis fitinglar (masalan, muftalar, tirsak va aylanma gardishlar)	4,0%
29.	7412 200000	Mis qotishmalarning quvurlari yoki naychalari uchun mis fitinglar (masalan, muftalar, tirsak va aylanma gardishlar)	4,0%
30.	8419 500000	Mis issiqlik almashinuvchilari	6,0%
31.	8516 80	Trubkali elektr isitgich (misdan)	6,0%

* Qoplash 2023-yil 1-yanvardan boshlab amalga oshiriladi.

(1-ilova Oʻzbekiston Respublikasi Vazirlar Mahkamasining 2021-yil 8-oktabrdagi 631-sonli qaroriga asosan kiritilgan — Qonunchilik maʼlumotlari milliy bazasi, 09.10.2021-y., 09/21/631/0950-son)

Keyingi tahrirga qarang.

“Oʻzeltexsanoat” uyushmasining Elektrotexnika sanoatini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomga
2-ILOVA

Elektrotexnika sanoati tashkilotlariga moliyaviy yordam koʻrsatish

SXEMASI

Bosqichlar	Masʼul ijrochilar	Tadbirlar	Ijro muddati

I-bosqich	Elektrotexnika sanoati tashkiloti	Ilmiy-tadqiqot ishlanmalarini moliyalashtirish, investitsiya va startap-loyihalarni amalga oshirish, xalqaro standartlarni oʻzlashtirish va koʻrgazmalar tashkil etish va xalqaro standartlarni joriy qilish bilan bogʻliq xarajatlarni qoplashga Jamgʻarmadan mablagʻlar olish uchun zarur hujjatlarni taqdim etish.	Zarur boʻlganda
I-bosqich	Elektrotexnika sanoati tashkiloti		Zarur boʻlganda

II-bosqich	Ekspert guruhi	Jamgʻarmadan mablagʻlar olish uchun elektrotexnika sanoati tomonidan taqdim etilgan hujjatlarni qabul qilish, tahlil etish va Kengashga koʻrib chiqish uchun taqdim etish.	Hujjatlar olingan kundan boshlab 10 kun ichida
II-bosqich	Ekspert guruhi		Hujjatlar olingan kundan boshlab 10 kun ichida

III-bosqich	Jamgʻarma Kengashi	Hujjatlarni koʻrib chiqish va moliyalashtirish (qoplash) yoki Jamgʻarmadan mablagʻlar ajratishni rad etish toʻgʻrisida qaror qabul qilish.	Hujjatlar olingan kundan boshlab 10 kun ichida
III-bosqich	Jamgʻarma Kengashi		Hujjatlar olingan kundan boshlab 10 kun ichida

IV-bosqich	Ekspert guruhi	Elektrotexnika sanoati tashkilotlariga qabul qilingan qaror toʻgʻrisida xabarnoma yuborish.	Kengash tegishli qaror qabul qilingandan soʻng 1 kun ichida
IV-bosqich	Ekspert guruhi		Kengash tegishli qaror qabul qilingandan soʻng 1 kun ichida

V-bosqich	“Oʻzeltexsanoat” uyushmasi, elektrotexnika sanoati tashkiloti	Jamgʻarmadan mablagʻlar ajratish toʻgʻrisida tegishli shartnoma tuzish.	Xabarnoma olingandan soʻng 3 kun ichida
V-bosqich			Xabarnoma olingandan soʻng 3 kun ichida

(Qonun hujjatlari maʼlumotlari milliy bazasi, 17.10.2019-y., 09/19/877/3928-son; Qonunchilik maʼlumotlari milliy bazasi, 09.10.2021-y., 09/21/631/0950-son; 05.04.2022-y., 09/22/153/0266-son; 10.02.2023-y., 06/23/21/0085-son; 11.05.2023-y., 09/23/194/0271-son; 13.01.2024-y., 07/24/15/0027-son)