|
Hujjat kuchini yo‘qotgan " " 22.02.2021
|
Oʻzbekiston Respublikasi Vazirlar Mahkamasining
qarori
XALQ XOʻJALIGIDA HISOB- KITOBLARNI NORMALLAShTIRISh, ULARNING OʻZ VAQTIDA AMALGA OShIRILIShI UChUN MASʼULIYATNI OShIRISh VA TOʻLOV INTIZOMINI MUSTAHKAMLASh ChORA- TADBIRLARI TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Xalq xoʻjaligida hisob-kitoblarni tezlashtirish va xoʻjalik yurituvchi subyektlarning toʻlov intizomi uchun masʼuliyatini oshirish maqsadida Vazirlar Mahkamasi qaror qiladi:
1. Shu yilning 1-fevralidan boshlab mulkchilikning barcha shakllaridagi xoʻjalik yurituvchi subyektlar oʻrtasidagi hisob-kitoblar qatʼiyan hisob-kitob, joriy, budjet va boshqa schyotlarda mavjud boʻlgan mablagʻlar doirasida, faqat toʻlov topshiriqlari, cheklar, akkreditivlar bilan amalga oshirilsin.
(1-bandning birinchi xatboshisi Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — OʻR QHT, 2012-y., 44-son, 507-modda)
Davlat budjeti, budjetdan tashqari fondlar bilan, gaz, issiqliq va elektr energiyasi, neft mahsulotlari, aloqa va avtotransport xizmatlari uchun hisob-kitoblar doimiy toʻlovlar tarzidagi toʻlov topshiriqlari vositasida amalga oshirilsin.
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan oʻz kuchini yoʻqotgan — OʻR QHT, 2012-y., 44-son, 507-modda)
3. Belgilab qoʻyilsinki, tovarlar, ishlar va xizmatlarning haqi sifatida toʻlovchilardan avans toʻlovlari tarzida pul mablagʻlari olgan korxonalar va tashkilotlar mablagʻlar oʻtkazilgan kundan boshlab bir oy mobaynida oʻz majburiyatlarini bajarishga yoki qonunchilikda va shartnomalarda boshqacha hol nazarda tutilmagan boʻlsa, olingan summani toʻlov topshiriqlari bilan qaytarishga majburdirlar.
4. Davlat va davlat-aksionerlik korxonalari hamda tashkilotlari rahbarlarining mehnatiga haq toʻlashni yetkazib berilgan mahsulot hamda koʻrsatilgan xizmatlar uchun hisob-kitoblar boʻyicha muddati oʻtkazib yuborilgan qarz miqdoriga bogʻliq qilib qoʻyish zarur deb hisoblansin.
Oʻzbekiston Respublikasi Mehnat vazirligi, Moliya vazirligi Markaziy bank va “Oʻzistiqbolstat” davlat qoʻmitasi bilan birgalikda Oʻzbekiston Respublikasi Adliya vazirligi bilan kelishgan holda bir oy muddatda mazkur masala yuzasidan tegishli takliflarni ishlab chiqsinlar va Vazirlar Mahkamasiga taqdim etsinlar.
5. Oʻzbekiston Respublikasi Adliya vazirligi manfaatdor vazirliklar va idoralar ishtirokida joriy yilning birinchi yarim yilligida xoʻjalik yurituvchi subyektlar tomonidan shartnoma majburiyatlari bajarilmaganligi va toʻlov intizomi buzilganligi uchun qatʼiy jarima sanksiyalarini nazarda tutuvchi “Mahsulot va tovarlarni yetkazib berish toʻgʻrisida”gi Qonun loyihasini ishlab chiqsin va keyinchalik Oliy Majlisga kiritish uchun Vazirlar Mahkamasiga taqdim etsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1995-yil 26-yanvar,
21-son
