“Umumiy harbiy majburiyat va harbiy xizmat toʻgʻrisida” Oʻzbekiston Respublikasi Qonuniga muvofiq Qurolli Kuchlarni texnik ixtisosliklarni egallagan harbiy xizmat yoshidagilar bilan butlash va harbiy-amaliy ahamiyatga ega boʻlgan ommaviy texnik kasblar kadrlari tayyorlash zarurligini hisobga olib Vazirlar Mahkamasi qaror qiladi:

1. Oʻzbekiston Respublikasi Mudofaa vazirligining 1995/96 oʻquv yilida Qurolli Kuchlar uchun Oʻzbekiston Respublikasi mudofaaga yordam beruvchi “Vatanparvar” tashkiloti maktablari va Oʻzbekiston Respublikasi Xalq taʼlimi vazirligining hunar-texnika oʻquv yurtlarida umumiy soni ilovaga* muvofiq 9610 kishi boʻlgan texnik mutaxassislarni tayyorlash toʻgʻrisidagi taklifi qabul qilinsin.

Shuningdek, sportning texnik va harbiy-amaliy turlari boʻyicha sportchilar tayyorlash Qurolli Kuchlar uchun texnik mutaxassislar tayyorlashning tarkibiy qismi deb hisoblansin.

2. Harbiy-amaliy ahamiyatga ega boʻlgan ommaviy texnik kasblar kadrlari (avtomobil haydovchilari, traktorchilar, buldozerchilar va boshqalar) tayyorlash “Oʻzistiqbolstat” davlat qoʻmitasi bilan kelishilgan holda Oʻzbekiston Respublikasi mudofaaga yordam beruvchi “Vatanparvar” tashkiloti maktablari va klublarida oʻzini oʻzi mablagʻ bilan taʼminlash shartlarida amalga oshirilsin.

3. Qoraqalpogʻiston Respublikasi Vazirlar Kengashi viloyatlar va Toshkent shahar hokimliklari, Oʻzbekiston Respublikasi mudofaaga yordam beruvchi “Vatanparvar” tashkilotlarini ularning fuqarolarni vatanparvarlik ruhida tarbiyalash Qurolli Kuchlar uchun texnik mutaxassislar, harbiy-amaliy ahamiyatga ega boʻlgan ommaviy texnik kasblar kadrlari tayyorlash sportning texnik va harbiy-amaliy turlarini rivojlantirish ishida doimiy ravishda qoʻllab-quvvatlasinlar hamda ularning oʻquv-moddiy bazasi zarur darajada rivojlantirilishini taʼminlasinlar.

4. “Oʻzistiqbolstat” davlat qoʻmitasi texnik mutaxassislar tayyorlash va sportning harbiy-amaliy turlarini rivojlantirish rejalariga muvofiq Oʻzbekiston Respublikasi mudofaaga yordam beruvchi “Vatanparvar” tashkiloti va Oʻzbekiston Respublikasi Xalq taʼlimi vazirligining buyurtmalarini taʼminlash uchun hukumatlararo bitimlarga binoan, Oʻzbekiston Respublikasiga yetkazib berilayotgan mahsulotlarga kvota ajratishni nazarda tutsin.

“Oʻzulgurjibirjasavdo” uyushmasi ajratilgan kvotalarga muvofiq moddiy-texnika resurslari yetkazib berilishini taʼminlasin va mahsulotlar toʻgʻridan toʻgʻri tijorat shartnomalari boʻyicha kontrakt asosida olinishiga koʻmaklashsin.

5. “Oʻzdavneftmahsulot” birlashmasi va respublikaning boshqa taʼminot tashkilotlari texnik mutaxassislar tayyorlash hamda sportning harbiy-amaliy turlarini rivojlantirish rejalariga muvofiq Mudofaaga yordam beruvchi “Vatanparvar” tashkiloti va Oʻzbekiston Respublikasi Xalq taʼlimi vazirligining buyurtmalari bajarilishini nazarda tutsinlar.

6. Oʻzbekiston Respublikasi Mudofaa vazirligi, Moliya vazirligi, “Oʻzistiqbolstat” davlat qoʻmitasi, “Oʻzdavneftmahsulot” birlashmasi, “Oʻzulgurjibirjasavdo” uyushmasi, Mudofaaga yordam beruvchi “Vatanparvar” tashkiloti, Qurolli Kuchlar uchun mutaxassislar tayyorlashni mablagʻ bilan taʼminlashni va moddiy-texnika taʼminotini bundan keyin Mudofaa vaziri bilan kelishilgan va uning tomonidan tasdiqlangan reja asosida amalga oshirsinlar.