1.13.00.00.00 Taʼlim. Fan. Madaniyat / 13.01.00.00 Taʼlim / 13.01.82.00 (Кучини йукотган) Taʼlim toʻgʻrisidagi hujjatlar;
2.13.00.00.00 Taʼlim. Fan. Madaniyat / 13.01.00.00 Taʼlim / 13.01.85.00 (Кучини йукотган) Fuqarolarni chet elga oʻqishga yuborilishi]
[TSZ:
1.Ijtimoiy-madaniy masalalar / Taʼlim]
Oʻzbekiston Respublikasi Vazirlar Mahkamasining
qarori
Xorijiy davlatlarda taʼlim olganlik toʻgʻrisidagi hujjatlarni tan olish tartibini takomillashtirish haqida
Oʻzbekiston Respublikasi Prezidentining “Taʼlim sifatini nazorat qilish tizimini takomillashtirish boʻyicha qoʻshimcha chora-tadbirlar toʻgʻrisida” 2019-yil 16-yanvardagi PQ-4119-son qaroriga muvofiq Vazirlar Mahkamasi qaror qiladi:
1. Xorijiy davlatlarda taʼlim olganlik toʻgʻrisidagi hujjatlarni tan olish tartibi haqidagi nizom 1-ilovaga muvofiq tasdiqlansin.
xorijiy davlatlarda oʻrta maxsus, kasb-hunar (professional), oliy, kadrlar malakasini oshirish va ularni qayta tayyorlash taʼlim muassasalarida taʼlim olganlik toʻgʻrisidagi hujjatlarni tan olish toʻgʻrisidagi arizalar faqat Davlat xizmatlari markazlari yoki Oʻzbekiston Respublikasining Yagona interaktiv davlat xizmatlari portali orqali qabul qilinadi;
(2-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 3 iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish toʻgʻrisidagi arizalar 2019-yil 1-sentabrdan boshlab faqat Davlat xizmatlari markazlari yoki Oʻzbekiston Respublikasining Yagona interaktiv davlat xizmatlari portali orqali qabul qilinadi.
Bunda 2022-yil 1-yanvardan keyin olingan xorijiy davlatlarda taʼlim olganlik toʻgʻrisidagi hujjatlar tan olish uchun topshirilganda, hujjatni bergan davlatning vakolatli organi tomonidan apostil qoʻyilgan boʻlishi talab etiladi.
(2-band Oʻzbekiston Respublikasi Vazirlar Mahkamasining 2021-yil 3-iyundagi 345-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 04.06.2021-y., 09/21/345/0522-son)
3. Oʻzbekiston Respublikasi Xalq taʼlimi vazirligi Adliya vazirligi huzuridagi Davlat xizmatlari agentligi bilan birgalikda uch oy muddatda Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasining Yagona interaktiv davlat xizmatlari portaliga ulanishini taʼminlash choralarini koʻrsin.
4. Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi:
a) Oʻzbekiston Respublikasi Adliya vazirligi huzuridagi Davlat xizmatlari agentligi bilan birgalikda:
ikki hafta muddatda xorijiy davlatlarda taʼlim olganlik toʻgʻrisidagi hujjatlarni tan olish boʻyicha davlat xizmatlari koʻrsatish uchun zarur boʻlgan elektron shakldagi hujjatlarning namunaviy shakllarini ishlab chiqsin va tasdiqlasin;
bir oy muddatda davlat xizmatlari markazlarining xodimlari uchun xorijiy davlatlarda taʼlim olganlik toʻgʻrisidagi hujjatlarni tan olish boʻyicha davlat xizmatlari koʻrsatishning mazmun-mohiyati va ahamiyatini tushuntirishga qaratilgan oʻquv-amaliy seminarlar oʻtkazilishini taʼminlasin;
b) Oʻzbekiston Respublikasi Oliy va oʻrta maxsus taʼlim vazirligi bilan birgalikda ikki oy muddatda taʼlim olganlik toʻgʻrisidagi hujjatlari toʻgʻridan-toʻgʻri (maxsus sinovlarsiz) tan olinmaydigan taʼlim yoʻnalishlari, mutaxassisliklar va kasblar roʻyxatini Oʻzbekiston Respublikasi Vazirlar Mahkamasiga kiritsin.
5. Oʻzbekiston Respublikasi Adliya vazirligi huzuridagi Davlat xizmatlari agentligi oʻz hududiy boʻlinmalarining Yagona interaktiv davlat xizmatlari portaliga ulanishi hamda samarali faoliyat koʻrsatishi ustidan nazorat oʻrnatsin.
[OKOZ:
1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.03.00.00 Oʻzbekiston Respublikasi Vazirlar Mahkamasining qarorlari]
6. Oʻzbekiston Respublikasi Hukumatining 2-ilovaga muvofiq baʼzi qarorlariga oʻzgartirishlar kiritilsin.
7. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.
8. Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiya manfaatdor vazirliklar va idoralar bilan birgalikda bir oy muddatda ular qabul qilgan normativ-huquqiy hujjatlarni ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov va Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi boshligʻi U.N. Tashkenbayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 24-iyul,
620-son
Vazirlar Mahkamasining 2019-yil 24-iyuldagi 620-son qaroriga 1-ILOVA
Xorijiy davlatlarda taʼlim olganlik toʻgʻrisidagi hujjatlarni tan olish tartibi haqida
1. Ushbu Nizom xorijiy davlatlarda umumiy oʻrta, oʻrta, oʻrta maxsus, kasb-hunar (professional), oliy taʼlim, kadrlarni qayta tayyorlash va malaka oshirish taʼlimi olganlik toʻgʻrisidagi 1992-yil 1-yanvardan soʻng berilgan hujjatlarni tan olish tartibini belgilaydi.
(1-band Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
2. Ushbu Nizomda quyidagi asosiy tushunchalardan foydalaniladi:
xorijiy davlatlarda taʼlim olganlik toʻgʻrisidagi hujjat — xorijiy davlatlarning milliy qonunchiligi asosida berilgan taʼlim olganlikni tasdiqlovchi rasmiy hujjat;
xorijiy davlatlarda taʼlim olganlik toʻgʻrisidagi hujjatlarni tan olish — xorijiy davlatlarda taʼlim olganlik toʻgʻrisidagi hujjat egasiga Oʻzbekiston Respublikasi hududida taʼlim olish va (yoki) kasbiy faoliyat yuritish uchun ruxsat berish maqsadida vakolatli davlat organlari tomonidan xorijiy davlatlarda olingan taʼlim malakasini rasman tasdiqlash.
3. Xorijiy davlatlarda taʼlim olganlik toʻgʻrisidagi hujjatlarni tan olish Oʻzbekiston Respublikasidagi vakolatli davlat organlariga xorijiy davlatlarda taʼlim olganlik toʻgʻrisidagi hujjatlarni tan olish haqida murojaat etgan Oʻzbekiston Respublikasi fuqarolari, xorijiy fuqarolar va fuqaroligi boʻlmagan shaxslarning, ular voyaga yetmagan boʻlsa ota-onalari yoki ularning oʻrnini bosuvchi shaxslarning (keyingi oʻrinlarda talabgorlar deb ataladi) murojaatlariga muvofiq amalga oshiriladi.
4. Xorijiy davlatlarda taʼlim olganlik toʻgʻrisidagi hujjatlarni tan olish ushbu Nizomga 1-ilovaga muvofiq sxema boʻyicha:
umumiy oʻrta va oʻrta taʼlim olganlik toʻgʻrisidagi hujjatlarni tan olish — Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi (keyingi oʻrinlarda hududiy boshqarmalar deb ataladi) tomonidan;
oʻrta maxsus, kasb-hunar (professional), oliy taʼlim, kadrlarni qayta tayyorlash va malaka oshirish taʼlimi olganlik toʻgʻrisidagi hujjatlarni tan olish — Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi (keyingi oʻrinlarda Davlat inspeksiyasi deb ataladi) tomonidan amalga oshiriladi.
(4-bandning uchinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
6. Xorijiy davlatlarda taʼlim olganlik toʻgʻrisidagi hujjatlarni tan olish boʻyicha davlat xizmatini koʻrsatganlik uchun quyidagi miqdorda yigʻim undiriladi:
(6-bandning birinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
oʻrta maxsus va kasb-hunar (professional) taʼlimi boʻyicha — bazaviy hisoblash miqdorining ikki baravari;
oliy taʼlim, kadrlarni qayta tayyorlash va malaka oshirish taʼlimi boʻyicha — bazaviy hisoblash miqdorining uch baravari;
(6-band Oʻzbekiston Respublikasi Vazirlar Mahkamasining 2021-yil 3-iyundagi 345-sonli qaroriga asosan ikkinchi va uchinchi xatboshilar bilan toʻldirilgan — Qonunchilik maʼlumotlari milliy bazasi, 04.06.2021-y., 09/21/345/0522-son)
Ijtimoiy himoya yagona reyestri” axborot tizimida roʻyxatga olingan shaxslarga, shuningdek, I va II guruh nogironligi boʻlgan shaxslarga mazkur bandning ikkinchi-uchinchi xatboshilarida belgilangan yigʻimning 50 foiz miqdorida chegirma qoʻllaniladi;
(6-band Oʻzbekiston Respublikasi Vazirlar Mahkamasining 2021-yil 27-dekabrdagi 774-sonli qaroriga asosan toʻrtinchi xatboshi bilan toʻldirilgan — Qonunchilik maʼlumotlari milliy bazasi, 27.12.2021-y., 09/21/774/1198-son)
Yagona interaktiv davlat xizmatlari portali orqali murojaat qilinganda yigʻim davlat xizmatini koʻrsatganlik uchun belgilangan yigʻimning 90 foizi miqdorida undiriladi.
Undirilgan yigʻim quyidagi tartibda taqsimlanadi:
a) davlat xizmatlari markazlariga talabgorlarning oʻzlari kelib murojaat qilganda undirilgan yigʻimning:
20 foizi — Oʻzbekiston Respublikasi Adliya vazirligi huzuridagi Davlat xizmatlari agentligi budjetdan tashqari jamgʻarmasining shaxsiy hisob raqamiga;
40 foizi — Oʻzbekiston Respublikasining Davlat budjetiga;
qolgan qismi — Davlat inspeksiyasining hisob raqamiga;
b) Yagona interaktiv davlat xizmatlari portali orqali murojaat qilinganda undirilgan yigʻimning:
10 foizi — Oʻzbekiston Respublikasi Adliya vazirligi huzuridagi Davlat xizmatlari agentligi budjetdan tashqari jamgʻarmasining shaxsiy hisob raqamiga;
11,25 foizi — “Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi” DUKning vakolatli bankdagi maxsus hisob raqamiga oʻtkaziladi;
50,625 foizi — Davlat inspeksiyasining hisob raqamiga oʻtkaziladi;
(6-band “b” kichik bandining uchinchi va toʻrtinchi xatboshilar Oʻzbekiston Respublikasi Vazirlar Mahkamasining 2020-yil 14-yanvardagi 24-sonli qarori tahririda — Qonun hujjatlari maʼlumotlari milliy bazasi, 15.01.2020-y., 09/20/24/0053-son)
qolgan qismi — Oʻzbekiston Respublikasining Davlat budjetiga oʻtkaziladi.
7. Xorijiy davlatlarda taʼlim olganlik toʻgʻrisidagi hujjatlarni tan olish quyidagi hollarda toʻgʻridan-toʻgʻri (sinovlarsiz) amalga oshiriladi:
xorijiy davlatlarda umumiy oʻrta, oʻrta, oʻrta maxsus, kasb-hunar va malaka oshirish taʼlimi olgan talabgorlarning xorijiy davlatlarda taʼlim olganlik toʻgʻrisidagi hujjatlari;
Oʻzbekiston Respublikasi hududida alohida boʻlinmalari (filiallari) va qoʻshma taʼlim muassasalari faoliyat yuritayotgan xorijiy taʼlim muassasalarida taʼlim olgan talabgorlarning hujjatlari;
Oʻzbekiston Respublikasi Oliy va oʻrta maxsus taʼlim vazirligi hamda Davlat inspeksiyasining qoʻshma qarori bilan roʻyxati har yili tasdiqlanadigan xalqaro eʼtirof etilgan tashkilotlarning (Quacquarelli Symonds World University Rankings, Times Nigher Education, Academic Ranking of World Universities) reytingida oliy taʼlim muassasalari orasida birinchi 1 000 oʻrinni egallagan xorijiy oliy taʼlim muassasalarida taʼlim olgan talabgorlarning hujjatlari;
tizimida oliy taʼlim muassasalari boʻlgan Oʻzbekiston Respublikasi vazirliklari va idoralarining yoʻllanmalari asosida mutaxassislarni maqsadli tayyorlash uchun xorijiy davlatlar tomonidan ajratilgan kvotalar (grantlar) hisobidan taʼlim olgan talabgorlarning hujjatlari;
1992-yil 1-yanvargacha xorijiy taʼlim muassasalariga oʻqishga kirgan talabgorlarning hujjatlari;
Oliy taʼlimda sifatni kafolatlash Yevropa assotsiatsiyasining (European Association for Quality Assurance in Nigher Education) toʻlaqonli aʼzolari — vakolatli tashkilotlar tomonidan akkreditatsiya qilingan taʼlim muassasalarida taʼlim olgan talabgorlarning hujjatlari, roʻyxati Oʻzbekiston Respublikasi Vazirlar Mahkamasi tomonidan belgilanadigan yoʻnalishlar, mutaxassisliklar va kasblar bundan mustasno;
Amerika Qoʻshma Shtatlari, Avstraliya Ittifoqi, Isroil Davlati, Kanada, Singapur Respublikasi, Koreya Respublikasi, Yaponiya davlatlarining ushbu davlatlar vakolatli tashkilotlari tomonidan akkreditatsiya qilingan taʼlim muassasalarida taʼlim olgan talabgorlarning hujjatlari, roʻyxati Oʻzbekiston Respublikasi Vazirlar Mahkamasi tomonidan belgilanadigan yoʻnalishlar, mutaxassisliklar va kasblar bundan mustasno;
xorijiy oliy taʼlim muassasalarida mutaxassislarni maqsadli tayyorlash uchun Oʻzbekiston Respublikasi vazirliklari va idoralari tomonidan ajratilgan mablagʻlar hisobiga taʼlim olgan talabgorlarning hujjatlari;
Oʻzbekiston Respublikasining xalqaro shartnomalari, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlarida nazarda tutilgan hollarda taʼlim olganlik toʻgʻrisidagi hujjatlar.
2-bob. Xorijiy davlatlarda taʼlim olganlik toʻgʻrisidagi hujjatlarni tan olish uchun qabul qilish
8. Xorijiy davlatlarda taʼlim olganlik toʻgʻrisidagi hujjatlarni tan olish uchun talabgorlar tomonidan bevosita davlat xizmatlari markazlari orqali yoki Yagona interaktiv davlat xizmatlari portalida roʻyxatdan oʻtgan holda murojaat qilinadi.
Davlat xizmatlari markazlariga murojaat qilinganda talabgor nomidan davlat xizmatlari markazi xodimi, Yagona interaktiv davlat xizmatlari portali orqali murojaat qilinganda esa talabgorning oʻzi mustaqil ravishda xorijiy davlatlarda taʼlim olganlik toʻgʻrisidagi hujjatlarni tan olish haqidagi soʻrovnomani (keyingi oʻrinlarda soʻrovnoma deb ataladi) toʻldiradi.
9. Davlat xizmatlari markazi xodimi yoki talabgor tomonidan soʻrovnomada talabgorning elektron manzili qayd etilishi xorijiy davlatlarda taʼlim olganlik toʻgʻrisidagi hujjatlarni tan olish boʻyicha hududiy boshqarmalar yoki Davlat inspeksiyasining qabul qilgan qarori haqida elektron shaklda maʼlumot olishga boʻlgan roziligi hisoblanadi.
xorijiy davlatlarda taʼlim olganlik toʻgʻrisidagi hujjat va unga ilovaning skaner qilinib, pdf formatida saqlangan nusxasi;
(10-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
xorijiy davlatlarda taʼlim olganlik toʻgʻrisidagi hujjat va unga ilovaning Oʻzbekiston Respublikasi davlat tiliga tarjima qilingan notarial tasdiqlangan hamda skaner qilinib, pdf formatida saqlangan nusxasi.
(10-bandning uchinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
Davlat xizmatlari markazlari orqali murojaat qilinganda talabgorning shaxsini tasdiqlovchi hujjat, xorijiy davlatlarda taʼlim olganlik toʻgʻrisidagi hujjat va unga ilovaning asl nusxasi Oʻzbekiston Respublikasi davlat tiliga tarjima qilingan notarial tasdiqlangan nusxasi bilan birga davlat xizmatlari markazi xodimiga taqdim etiladi.
Hujjatlar qabul qilingandan keyin talabgorning shaxsini tasdiqlovchi hujjat, xorijiy davlatlarda taʼlim olganlik toʻgʻrisidagi hujjat va unga ilova asl nusxasining notarial tasdiqlangan tarjimasi bilan birga talabgorga qaytariladi.
Talabgorlardan ushbu bandda koʻrsatilmagan hujjatlarni taqdim etishni talab qilish taqiqlanadi.
11. Soʻrovnoma davlat xizmatlari markazida yoki Yagona interaktiv davlat xizmatlari portali orqali zarur maʼlumotlar kiritilgandan soʻng talabgorning elektron raqamli imzosi bilan tasdiqlanadi.
Davlat xizmatlari markazlariga kelib murojaat qilgan talabgorning soʻrovnomani elektron raqamli imzo bilan tasdiqlash imkoniyati boʻlmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.
12. Notoʻgʻri yoki qalbaki maʼlumotlar taqdim etilganligi aniqlangan har qanday bosqichda xorijiy davlatlarda taʼlim olganlik toʻgʻrisidagi hujjatni tan olish jarayoni toʻxtatiladi, topshirilgan hujjatlar va toʻlangan yigʻim qaytarilmaydi.
Xorijiy davlatlarda taʼlim olganlik toʻgʻrisidagi hujjatning haqiqiy ekanligiga shubha tugʻilgan taqdirda, Davlat inspeksiyasi tomonidan Internet jahon axborot tarmogʻidagi rasmiy veb-saytlarda joylashtirilgan maʼlumotlar tekshirilishi yoki hujjatga oid maʼlumot taqdim etish haqida hujjatni bergan taʼlim muassasasi va boshqa tashkilotlarga soʻrovnomalar yuborilishi mumkin.
(12-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
Qalbaki hujjat aniqlangan taqdirda, mazkur hujjatlar hududiy boshqarmalar yoki Davlat inspeksiyasi tomonidan qonunchilik hujjatlariga muvofiq chora koʻrish uchun tegishli huquqni muhofaza qiluvchi organlarga taqdim etiladi.
(12-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
LexUZ sharhi
Qarang: Oʻzbekiston Respublikasi Jinoyat kodeksining 228-moddasi.
13. Quyidagi holatlarda davlat xizmatlari koʻrsatilishi rad etilishi mumkin:
talabgorlar tomonidan soʻrovnomaning elektron raqamli imzo yoki imzoni identifikatsiya qilishning boshqa vositalari bilan tasdiqlanmaganligi;
talabgorlar tomonidan notoʻgʻri yoki qalbaki maʼlumotlar taqdim etilgani maʼlum boʻlib qolganligi;
soʻrovnoma va unga ilova qilingan hujjatlarning toʻliq taqdim etilmaganligi;
xorijiy davlatlarda taʼlim olganlik toʻgʻrisidagi hujjatni tan olish boʻyicha davlat xizmati koʻrsatganlik uchun belgilangan yigʻimning toʻlanmaganligi (xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatni tan olish bundan mustasno).
Davlat xizmatlari koʻrsatishni mazkur bandda koʻrsatilgan asoslardan boshqa holatlar boʻyicha rad etishga yoʻl qoʻyilmaydi.
14. Talabgor davlat xizmatidan foydalanishdan uni koʻrsatishning har qanday bosqichida bosh tortishga haqli.
Talabgor davlat xizmatidan foydalanishdan bosh tortganda, uning murojaati koʻrilmasdan qoldiriladi va toʻlangan yigʻim qaytarilmaydi.
Talabgorga bogʻliq boʻlmagan holatlar (talabgorning vafot etishi, mehnatga layoqatsiz boʻlib qolishi va talabgorga bogʻliq boʻlmagan boshqa holatlar tufayli davlat xizmatidan foydalanish zarurati mavjud emasligi) sababli davlat xizmatidan foydalanilmagan taqdirda, toʻlangan yigʻim talabgorga yoki uning qonuniy vakiliga, qonuniy vakili boʻlmagan hollarda huquqiy vorisiga qaytariladi.
davlat xizmatlari markazlari orqali murojaat qilinganda soʻrovnoma qabul qilingan vaqtdan boshlab oʻn daqiqa ichida;
Yagona interaktiv davlat xizmatlari portali orqali murojaat qilinganda darhol yuboriladi.
16. Toʻliq taqdim etilmagan hujjatlar hududiy boshqarmalar yoki Davlat inspeksiyasi tomonidan koʻrib chiqilmaydi hamda hujjatlar topshirilgan paytdan boshlab bir ish kunida soʻrovnoma va unga ilova qilingan hujjatlar tegishliligi boʻyicha davlat xizmatlari markaziga yoki Yagona interaktiv davlat xizmatlari portali orqali kamchiliklari koʻrsatilgan holda talabgorga qaytarib yuboriladi.
3-bob. Xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish
17. Xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish uchun hududiy boshqarmalarda 3 — 5 kishidan iborat boʻlgan xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish uchun taqdim etiladigan hujjatlarni oʻrganish boʻyicha komissiyalar (keyingi oʻrinlarda hududiy boshqarmalar komissiyalari deb ataladi) tashkil etiladi.
Hududiy boshqarmalar komissiyalari tarkibi va ularning ish tartibi hududiy boshqarmalar rahbarlari tomonidan tasdiqlanadigan reglamentga muvofiq belgilanadi.
18. Hujjatlar davlat xizmatlari markazlari yoki Yagona interaktiv davlat xizmatlari portali orqali kelib tushgan paytdan boshlab hududiy boshqarmalar tomonidan bir ish kuni mobaynida soʻrovnoma va unga ilova qilingan hujjatlarning toʻliqligi tekshiriladi. Hujjatlar toʻliq boʻlgan taqdirda bir ish kunidan kechikmay hududiy boshqarmalar komissiyalariga yuboriladi.
19. Hududiy boshqarmalar komissiyalari tomonidan bir ish kunida hujjatlar oʻrganib chiqilib, xorijiy davlatdagi umumiy oʻrta taʼlim muddati 9 yildan kam boʻlmasa hamda oʻrta taʼlim muddati 11 yildan kam boʻlmasa, xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish haqida xulosa tayyorlanadi.
(19-bandning birinchi xatboshisi Oʻzbekiston Respublikasi Vazirlar Mahkamasining 2021-yil 27-dekabrdagi 774-sonli qarori tahririda — Qonunchilik maʼlumotlari milliy bazasi, 27.12.2021-y., 09/21/774/1198-son)
Xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlar tegishli ravishda Oʻzbekiston Respublikasidagi umumiy oʻrta yoki oʻrta taʼlim toʻgʻrisidagi hujjatlarga tenglashtirilgan holda tan olinadi.
20. Hududiy boshqarmalar komissiyalarining xulosalariga koʻra hududiy boshqarmalar rahbarlari tomonidan bir ish kunida xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish haqida buyruq chiqariladi.
Xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish haqidagi buyruq asosida hududiy boshqarmalar tomonidan ushbu Nizomga 2-ilovaga muvofiq shaklda maʼlumotnoma tayyorlanadi.
21. Maʼlumotnoma hududiy boshqarma masʼul xodimi tomonidan elektron raqamli imzo bilan tasdiqlanib, tegishliligiga koʻra davlat xizmatlari markazlariga yoki Yagona interaktiv davlat xizmatlari portali orqali talabgorga yuboriladi.
Maʼlumotnoma qabul qilingan paytdan boshlab bir soat ichida davlat xizmatlari markazi tomonidan talabgorga bu haqida xabarnoma yuboriladi.
Xorijiy davlatlarda umumiy oʻrta va oʻrta taʼlim olganlik toʻgʻrisidagi hujjat maʼlumotnoma bilan birgalikda taqdim etilganda Oʻzbekiston Respublikasi hududida qonuniy kuchga ega boʻladi.
22. Hududiy boshqarmalar komissiyalari butun yil davomida faoliyat koʻrsatadi va oʻz faoliyati haqida har chorakda Davlat inspeksiyasiga hisobot beradi.
4-bob. Xorijiy davlatlarda oʻrta maxsus, kasb-hunar (professional), oliy taʼlim, kadrlarni qayta tayyorlash va malaka oshirish taʼlimi olganlik toʻgʻrisidagi hujjatlarni tan olish
(4-bobning nomi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
23. Xorijiy davlatlarda oʻrta maxsus, kasb-hunar (professional), oliy taʼlim, kadrlarni qayta tayyorlash va malaka oshirish taʼlimi olganlik toʻgʻrisidagi hujjatlarni (keyingi oʻrinlarda xorijiy taʼlim toʻgʻrisidagi hujjatlar deb ataladi) tan olish uchun Davlat inspeksiyasida xorijiy taʼlim toʻgʻrisidagi hujjatlarni tan olish uchun taqdim etiladigan hujjatlarni oʻrganish boʻyicha ekspert komissiyalari (keyingi oʻrinlarda ekspert komissiyalari deb ataladi) tashkil etiladi.
(23-bandning birinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
Hujjatlar davlat xizmatlari markazlari yoki Yagona interaktiv davlat xizmatlari portali orqali kelib tushgan paytdan boshlab Davlat inspeksiyasi tomonidan bir ish kuni mobaynida soʻrovnoma va unga ilova qilingan hujjatlarning toʻliqligi tekshiriladi. Hujjatlar toʻliq boʻlgan taqdirda bir ish kunidan kechikmay ekspert komissiyalariga yuboriladi.
24. Ekspert komissiyalari Davlat inspeksiyasi boshligʻining buyrugʻi bilan tegishli taʼlim sohalari boʻyicha 5 — 21 kishidan iborat tarkibda tashkil etiladi. Ekspert komissiyalari tarkibiga Davlat inspeksiyasi xodimlari, Oliy va oʻrta maxsus taʼlim vazirligi, Xalq taʼlimi vazirligi, Adliya vazirligi hamda boshqa manfaatdor vazirliklar va idoralar tizimidagi tashkilotlar va muassasalarning yetakchi olimlari va mutaxassislari kiritiladi.
Ekspert komissiyalari raislari komissiya aʼzolari orasidan oddiy koʻpchilik ovoz berish yoʻli bilan saylanadi.
Ekspert komissiyalarining tarkibi va ularning ish tartibi Davlat inspeksiyasi boshligʻi tomonidan tasdiqlanadigan reglamentga muvofiq belgilanadi.
25. Xorijiy taʼlim toʻgʻrisidagi hujjatlar ekspert komissiyalari raislari tomonidan komissiya aʼzolari oʻrtasida individual tarzda koʻrib chiqish va xulosa berish uchun taqsimlanadi. Ekspert komissiyalari aʼzolari tomonidan har bir xorijiy taʼlim toʻgʻrisidagi hujjat boʻyicha alohida xulosa beriladi.
Ekspert komissiyalari aʼzolari oʻzlari bergan xulosalarning toʻgʻriligi va haqqoniyligi uchun javobgar hisoblanadi.
Xorijiy taʼlim toʻgʻrisidagi hujjatni ekspertiza qilish jarayonida ekspert komissiyasi aʼzosida hujjat yuzasidan tushunmovchilik va ikkilanish holatlari kelib chiqsa, ushbu hujjat komissiyaning boshqa aʼzolari tomonidan kollegial tarzda oʻrganilib, yakuniy xulosa chiqariladi.
Ekspert komissiyalari aʼzolari tomonidan berilgan xulosalar ekspert komissiyasi kotibi tomonidan umumlashtiriladi hamda ekspert komissiyasi raisi va xulosa bergan komissiya aʼzosi tomonidan imzolangan holda Davlat inspeksiyasiga taqdim etiladi.
26. Ekspert komissiyalarining xorijiy taʼlim toʻgʻrisidagi hujjatni tan olishni rad etish haqidagi xulosasi toʻgʻrisidagi xabarnoma bir ish kuni ichida Davlat inspeksiyasining masʼul xodimi tomonidan elektron raqamli imzo bilan tasdiqlanib, tegishliligi boʻyicha davlat xizmatlari markaziga yoki Yagona interaktiv davlat xizmatlari portali orqali talabgorga yuboriladi.
xorijiy taʼlim toʻgʻrisidagi hujjatlarni tan olishga qoʻyilgan talablar asosida talabgorlar tomonidan topshirilgan xorijiy taʼlim toʻgʻrisidagi hujjatlarni ekspertizadan oʻtkazish;
xorijiy taʼlim toʻgʻrisidagi hujjatlarning ekspertizasi asosida tegishli xulosa tayyorlash;
talabgorning xorijiy davlatda olingan bilim (tayyorgarlik) darajasini tekshirish boʻyicha sinov materiallarini ishlab chiqish va tasdiqlash;
xorijiy taʼlim toʻgʻrisidagi hujjatlar ekspertizasi yakunlari boʻyicha tayyorlangan xulosani ekspert komissiyasiga taqdim etish.
28. Ekspertiza davlat taʼlim standartlari, davlat taʼlim talablari, oʻquv dasturlari, taʼlim muassasalarining oʻzlari joylashgan davlatlarda tan olinganligi haqidagi hujjat yoki maʼlumot, xorijiy taʼlim toʻgʻrisidagi hujjatlar va ularga ilovalar nusxalari asosida amalga oshiriladi.
(28-band Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
29. Ekspertiza quyidagilarni hisobga olgan holda amalga oshiriladi:
oʻqitilgan taʼlim dasturlari yoki oʻquv rejalari hajmi va mazmuni;
oʻzlashtirilgan mutaxassislik (ixtisoslik) fanlari hajmi (fanlarning nomi va soatlar miqdori);
amaliyotning mavjudligi va uning davomiyligi.
Olingan bilimlar va malaka yakuniy tayyorgarlik nuqtai nazaridan taʼlim dasturlari, oʻquv rejalari va oʻzlashtirilgan bilimlar majmuidagi farqlarni hisobga olgan holda baholanadi.
30. Davlat inspeksiyasi tomonidan ekspert komissiyalarining soʻroviga koʻra xorijiy taʼlim toʻgʻrisidagi hujjatda koʻrsatilgan taʼlim muassasasining oʻsha davlatda tan olinganligi, xorijiy taʼlim toʻgʻrisidagi hujjat ushbu hujjatda koʻrsatilgan taʼlim muassasasi tomonidan berilganligi tekshirilishi, zarur hollarda tegishli taʼlim muassasasi, mahalliy va xorijiy tashkilotlardan aniqlashtiruvchi hujjatlar soʻrab olinishi mumkin.
31. Talabgorlar oʻz tayyorgarligi haqidagi boshqa hujjatlarni, jumladan, taʼlim olishning keyingi darajalari, kasbiy faoliyat bilan shugʻullanish mumkinligi, amaliy tajriba haqidagi hujjatlarni ham Oʻzbekiston Respublikasi davlat tiliga notarial tasdiqlangan tarjimalari bilan birga taqdim etishga haqlidirlar.
32. Ekspert komissiyalari xorijiy taʼlim toʻgʻrisidagi hujjatlarni tan olish boʻyicha hujjatlarni koʻpi bilan oʻn ish kuni ichida ekspertizadan oʻtkazadi va xorijiy taʼlim toʻgʻrisidagi hujjatlarni tan olishga qoʻyiladigan talablarga muvofiq yoki muvofiq emasligi toʻgʻrisida xulosa tayyorlaydi.
33. Ekspert komissiyalari aʼzolariga hamda ekspert komissiyalari faoliyatiga jalb etiladigan mutaxassislarga Davlat inspeksiyasi bilan tuziladigan fuqarolik-huquqiy shartnomalar asosida har bitta xorijiy taʼlim toʻgʻrisidagi hujjat ekspertizasi uchun bazaviy hisoblash miqdorining beshdan bir qismi miqdorida haq toʻlanadi.
5-bob. Xorijiy taʼlim toʻgʻrisidagi hujjatlarni tan olishga qoʻyiladigan talablar
34. Xorijiy taʼlim toʻgʻrisidagi hujjatlarni tan olish haqida ijobiy xulosa berish uchun quyidagilar asos hisoblanadi:
xorijiy taʼlim toʻgʻrisidagi hujjatni bergan taʼlim muassasasi va ushbu muassasa tomonidan berilgan hujjatning oʻsha davlat tomonidan tan olingan boʻlishi;
xorijiy taʼlim toʻgʻrisidagi hujjat berishga asos boʻlgan taʼlim standartlarining yoki taʼlim dasturlarining Oʻzbekiston Respublikasida amalda boʻlgan davlat taʼlim standartlari va taʼlim dasturlariga muvofiqligi;
Oʻzbekiston Respublikasi va xorijiy taʼlim toʻgʻrisida hujjatni bergan davlatning taʼlim tizimiga qoʻyilgan umumiy talablarning mosligi.
35. Xorijiy taʼlim toʻgʻrisidagi hujjatlarda koʻrsatib oʻtilgan tayyorgarlik sohasi Oʻzbekiston Respublikasida amalda boʻlgan taʼlim yoʻnalishlari, mutaxassisliklar va kurslarga muvofiq kelmasa yoki oʻqitish hamda tayyorlash Oʻzbekiston Respublikasida olib borilmaydigan taʼlim yoʻnalishlari, mutaxassisliklar va sohalarda amalga oshirilgan boʻlsa, ushbu hujjatlarni ekspertizadan oʻtkazish uchun Davlat inspeksiyasi tomonidan taʼlim sohasi eng yaqin boʻlgan ekspert komissiyalari faoliyatiga qoʻshimcha mutaxassislar jalb etilishi mumkin.
36. Xorijiy taʼlim toʻgʻrisidagi hujjatlarni tan olish quyidagi hollarda rad etiladi:
a) xorijiy davlatlarda kasbiy maʼlumot toʻgʻrisida hujjat beradigan taʼlimning umumiy meʼyoriy davri (toʻliq umumiy oʻrta yoki oʻrta maʼlumot olingandan keyin) Oʻzbekiston Respublikasi taʼlim standartlarida nazarda tutilgan davrdan ikki yildan kam boʻlsa;
b) xorijiy taʼlim toʻgʻrisidagi hujjat berilgan davlatda uning egasiga Oʻzbekiston Respublikasidagiga qaraganda taʼlim olish va (yoki) kasbiy faoliyat bilan shugʻullanish uchun kam huquqlar berilgan boʻlsa (hujjat egasi taʼlimning keyingi bosqichida oʻqishni davom ettirish, kasbiy faoliyat bilan shugʻullanish huquqiga ega boʻlmasa);
v) maʼlumot Oʻzbekiston Respublikasi qonunchiligida nazarda tutilmagan taʼlim shaklida olingan boʻlsa;
g) oliy taʼlim bosqichlarida:
bakalavriat boʻyicha oʻqish muddati uch yildan kam boʻlsa yoki Yevropa taʼlim tizimi asosida oʻqish davomida 240 dan kam kredit toʻplagan boʻlsa;
magistratura boʻyicha oʻqish muddati bir yildan kam boʻlsa;
bakalavriat taʼlim yoʻnalishlari va magistratura mutaxassisliklari qoʻshib oʻqitiladigan taʼlim dasturlari boʻyicha taʼlim olganda umumiy oʻqish davri uch yildan kam boʻlsa;
d) toʻgʻridan-toʻgʻri (sinovlarsiz) tan olinadigan xorijiy davlatlarda taʼlim olganlik toʻgʻrisidagi hujjatlar ushbu Nizomning 7-bandida koʻrsatilgan talablarga toʻgʻri kelmasa.
Xorijiy taʼlim toʻgʻrisidagi hujjatlarni tan olishni boshqa asoslar boʻyicha rad etish taqiqlanadi.
Xorijiy davlatlar taʼlim tizimi asosida toʻplangan kreditlar Yevropa taʼlim tizimi boʻyicha toʻplanishi lozim boʻlgan minimal kredit miqdoriga (240 kredit) qiyoslangan holda aniqlanadi.
37. Xorijiy davlatlarda oʻrta maxsus va kasb-hunar (professional) taʼlimi olganlik toʻgʻrisidagi hujjatlar tegishli ravishda Oʻzbekiston Respublikasidagi oʻrta maxsus yoki kasb-hunar (professional) taʼlimi toʻgʻrisidagi hujjatlarga tenglashtirilgan holda tan olinadi.
(37-bandning birinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
Xorijiy davlatlarda oliy taʼlim olganlik toʻgʻrisidagi hujjatlar xorijiy davlatda tamomlangan taʼlim bosqichi boʻyicha tan olinadi.
Xorijiy davlatlarda kadrlarni qayta tayyorlash va malaka oshirish boʻyicha taʼlim olganlik toʻgʻrisidagi hujjatlar xorijiy davlatda tamomlangan kadrlarni qayta tayyorlash va malaka oshirish kursi boʻyicha tan olinadi.
6-bob. Xorijiy taʼlim toʻgʻrisidagi hujjatlarni tan olishda test sinovlarini tashkil etish
38. Ekspert komissiyalari tomonidan ijobiy xulosa berilgan xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlari tan olish uchun topshirilgan talabgorlar uchun Davlat inspeksiyasi tomonidan test sinovlari tashkil etiladi (xorijiy davlatlarda taʼlim olganlik toʻgʻrisidagi hujjatlar toʻgʻridan-toʻgʻri (sinovlarsiz) tan olinadigan holatlar bundan mustasno).
Test sinovlarining oʻtkazilish vaqtlari haqidagi maʼlumot sinovlar boshlanishidan kamida oʻn kun oldin Davlat inspeksiyasining Internet jahon axborot tarmogʻidagi rasmiy veb-saytiga joylashtiriladi.
39. Xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlari boʻyicha ekspert komissiyalari tomonidan ijobiy xulosa berilgan talabgorlar test sinovlari oʻtkazilishi haqidagi maʼlumot Davlat inspeksiyasining Internet jahon axborot tarmogʻidagi rasmiy veb-saytiga joylashtirilgan paytdan boshlab koʻpi bilan olti oy davomida test sinovlarida ishtirok etmasa, test sinovlarini topshirish uchun soʻrovnoma toʻldirgan holda belgilangan tartibda qaytadan murojaat qiladi.
Test sinovlarini topshirish uchun qayta murojaat qilinganda, talabgorlarning xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlari ekspertizadan oʻtkazilmaydi.
40. Test sinovlari talabgorlarning taʼlim olgan taʼlim yoʻnalishlari va mutaxassisliklari boʻyicha mutaxassislik fanlaridan oʻtkaziladi.
Test sinovlari 50 ta savoldan iborat boʻlib, har bir test savoli uchun 2 daqiqadan, jami 100 daqiqa vaqt beriladi. Har bir toʻgʻri bajarilgan test savoli 2 ball bilan baholanadi.
41. Test sinovlari natijalariga koʻra 54 va undan kam ball toʻplagan talabgorlarning taʼlim toʻgʻrisidagi hujjatlari tan olinmaydi.
42. Test sinovlari natijalariga koʻra taʼlim toʻgʻrisidagi hujjatlari tan olinmagan talabgorlar davlat xizmatlari markazlari yoki Yagona interaktiv davlat xizmatlari portali orqali ushbu Nizomda belgilangan tartibda qaytadan murojaat qilishlari mumkin.
Talabgorlar test sinovlarini qayta topshirish uchun murojaat qilganda ularning xorijiy davlatlarda taʼlim olganlik toʻgʻrisidagi hujjatlari ekspert komissiyasi tomonidan qayta koʻrib chiqilmaydi.
Test sinovlarini qayta topshirish uchun talabgorlardan eng kam oylik ish haqining ikki baravari (2019-yil 1-sentabrdan boshlab bazaviy hisoblash miqdorining ikki baravari) miqdorida yigʻim undiriladi.
xorijiy davlatlarda taʼlim olganlik toʻgʻrisidagi hujjatlarni ekspertiza qilish bilan bogʻliq masalalar boʻyicha — ekspert komissiyasining xulosasini olgan kundan boshlab oʻn ish kuni ichida;
test sinovlarini tashkil etish va oʻtkazish bilan bogʻliq masalalar boʻyicha — sinovlar oʻtkazilgan kuni;
test sinovlari natijalaridan noroziligi boʻyicha — sinovlar natijalari eʼlon qilingan paytdan boshlab oʻn ish kuni ichida Davlat inspeksiyasiga shikoyat qilishlari mumkin.
Talabgorlardan tushgan shikoyatlar Davlat inspeksiyasi boshligʻining buyrugʻi bilan tashkil etiladigan apellyatsiya komissiyasi tomonidan ikki hafta ichida koʻrib chiqiladi va talabgorlarga yozma ravishda javob yuboriladi.
Xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlarni ekspertiza qilishda ishtirok etgan ekspert komissiyalari aʼzolari apellyatsiya komissiyalari tarkibiga kiritilishi mumkin emas.
Shikoyatni apellyatsiya komissiyalari tomonidan koʻrib chiqish jarayonida talabgor ham bevosita ishtirok etishga haqli.
7-bob. Xorijiy taʼlim toʻgʻrisidagi hujjatlarni tan olishni rasmiylashtirish
44. Ekspert komissiyalari tomonidan taʼlim toʻgʻrisidagi hujjatlarga ijobiy xulosa berilgan hamda test sinovlaridan muvaffaqiyatli oʻtgan talabgorlarga, shuningdek, xorijiy davlatlarda taʼlim olganlik toʻgʻrisidagi hujjatlari toʻgʻridan-toʻgʻri (sinovlarsiz) tan olingan talabgorlarga Davlat inspeksiyasi boshligʻi tomonidan:
xorijiy davlatda oʻrta maxsus va kasb-hunar (professional) taʼlimi olganlik toʻgʻrisidagi hujjatni tan olish haqida ushbu Nizomga 3-ilovaga muvofiq shakldagi guvohnoma;
(44-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
xorijiy davlatda oliy taʼlim olganlik toʻgʻrisidagi hujjatni tan olish haqida ushbu Nizomga 4-ilovaga muvofiq shakldagi guvohnoma;
xorijiy davlatda kadrlarni qayta tayyorlash taʼlimi olganlik toʻgʻrisidagi hujjatni tan olish haqida ushbu Nizomga 5-ilovaga muvofiq shakldagi guvohnoma;
xorijiy davlatda malaka oshirish taʼlimi olganlik toʻgʻrisidagi hujjatni tan olish haqida ushbu Nizomga 6-ilovaga muvofiq shakldagi guvohnoma berish boʻyicha buyruq qabul qilinadi.
45. Davlat inspeksiyasi boshligʻining xorijiy taʼlim toʻgʻrisidagi hujjatlarni tan olish haqidagi guvohnoma berish toʻgʻrisidagi buyrugʻiga asosan tegishli guvohnomalar tayyorlanadi hamda Davlat inspeksiyasi masʼul xodimi tomonidan elektron raqamli imzo bilan tasdiqlangan va QR-kod qoʻyilgan holda uch ish kuni ichida tegishliligiga koʻra davlat xizmatlari markazlariga yoki Yagona interaktiv davlat xizmatlari portali orqali talabgorlarga yuboriladi.
(45-bandning birinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
Guvohnoma qabul qilingan paytdan boshlab bir soat ichida davlat xizmatlari markazi tomonidan talabgorga bu haqida xabarnoma yuboriladi.
Xorijiy taʼlim toʻgʻrisidagi hujjat guvohnoma bilan birgalikda taqdim etilganda Oʻzbekiston Respublikasi hududida qonuniy kuchga ega boʻladi.
46. Xorijiy taʼlim toʻgʻrisidagi hujjat bergan taʼlim muassasasi, mahalliy va xorijiy tashkilotlardan aniqlashtiruvchi hujjatlarni olish talab etilgan hollarda Davlat inspeksiyasi tomonidan taʼlim muassasasiga oid maʼlumot taqdim etish haqida tegishli davlat yoki tashkilotlarga soʻrovnoma yuboriladi.
Xorijiy davlat yoki tashkilotdan xorijiy taʼlim muassasasiga oid maʼlumotlarni olish uchun talab etiladigan vaqt ushbu Nizomda belgilangan muddatlarga kirmaydi.
47. Xorijiy davlatlarda umumiy oʻrta, oʻrta va oʻrta maxsus taʼlim olganlik toʻgʻrisidagi hujjatni tan olish haqidagi maʼlumotnoma va guvohnoma shaxslarga Oʻzbekiston Respublikasidagi taʼlim muassasalarida taʼlimning navbatdagi bosqichlarida oʻqishni davom ettirish hamda kasb-hunar (professional), oliy taʼlim, kadrlarni qayta tayyorlash va malaka oshirish taʼlimi olganlik toʻgʻrisidagi hujjatni tan olish haqidagi guvohnoma Oʻzbekiston Respublikasidagi taʼlim muassasalarida taʼlimning navbatdagi bosqichlarida oʻqishni davom ettirish va kasbiy faoliyat bilan shugʻullanish huquqini beradi.
(47-band Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
48. Hududiy boshqarmalar va Davlat inspeksiyasi xorijiy davlatlar tomonidan tan olingan xorijiy taʼlim muassasalari toʻgʻrisidagi maʼlumotlarni tayyorlab qoʻyish choralarini koʻradilar.
Oʻzbekiston Respublikasi Tashqi ishlar vazirligi xorijiy davlatlarning umumiy oʻrta, oʻrta, oʻrta maxsus, kasb-hunar (professional), oliy taʼlim, kadrlarni qayta tayyorlash va malaka oshirish taʼlimi muassasalari toʻgʻrisidagi maʼlumotlarni olishda hududiy boshqarmalarga va Davlat inspeksiyasiga koʻmaklashadi.
(48-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
49. Xorijiy davlatlarda taʼlim olganlik toʻgʻrisidagi hujjatni tan olish haqidagi maʼlumotnoma va (yoki) guvohnoma egasining familiyasi, ismi yoki otasining ismi oʻzgargan taqdirda uning arizasiga binoan maʼlumotnoma va guvohnoma qayta rasmiylashtiriladi.
Xorijiy davlatlarda taʼlim olganlik toʻgʻrisidagi hujjatni tan olish haqidagi maʼlumotnoma va (yoki) guvohnomani qayta rasmiylashtirish tegishli hujjatlar ilova qilingan holda ariza olingan kundan boshlab vakolatli organ tomonidan oʻn besh ish kuni mobaynida amalga oshiriladi.
50. Elektron raqamli imzo bilan tasdiqlangan va QR-kod qoʻyilgan guvohnomalar joriy etilgunga qadar berilgan xorijiy davlatlarda taʼlim olganlik toʻgʻrisidagi hujjatni tan olish haqidagi maʼlumotnoma va (yoki) guvohnoma yoʻqotib qoʻyilgan yoki yaroqsiz holga kelgan taqdirda, hujjat egasining arizasiga koʻra dublikat beriladi.
Elektron raqamli imzo bilan tasdiqlangan va QR-kod qoʻyilgan holda taqdim etilgan guvohnomaning dublikati berilmaydi.
(50-band Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
51. Xorijiy davlatlarda taʼlim olganlik toʻgʻrisidagi hujjatni tan olish haqidagi maʼlumotnoma va (yoki) guvohnomaning qayta rasmiylashtirilganligi yoki dublikat berilganligi uchun yigʻim undirilmaydi.
52. Talabgorlar xorijiy davlatlarda taʼlim olganlik toʻgʻrisidagi hujjatni tan olish yoki uni rad etish haqidagi xulosa, shuningdek, Davlat inspeksiyasi xodimlari va ekspert komissiyalari aʼzolarining xatti-harakati (harakatsizligi) yuzasidan qonunchilik hujjatlarida belgilangan tartibda shikoyat qilish huquqiga ega.
Xorijiy davlatlarda taʼlim olganlik toʻgʻrisidagi hujjatlarni tan olish natijalari yuzasidan shikoyat va arizalar qonunchilikhujjatlarida belgilangan tartibda koʻrib chiqiladi.
(52-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
LexUZ sharhi
Qarang: Oʻzbekiston Respublikasi “Maʼmuriy tartib-taomillar toʻgʻrisida”gi Qonunining 63-moddasi.
53. Xorijiy davlatlarda taʼlim olganlik toʻgʻrisidagi hujjatlarni tan olish haqidagi guvohnomalar reyestri Davlat inspeksiyasining “Uzluksiz taʼlim” axborot tizimidagi “Guvohnoma” platformasida yuritiladi.
Xorijiy davlatlarda taʼlim olganlik toʻgʻrisidagi hujjatlarni tan olish haqidagi guvohnomalar reyestri Davlat inspeksiyasining rasmiy veb-saytiga joylashtiriladi va doimiy yangilab boriladi.
Guvohnomalar reyestrida talabgor toʻgʻrisidagi asosiy maʼlumotlar, xususan, talabgorning familiyasi, ismi, otasining ismi, taʼlim olgan davlat va taʼlim muassasasining nomi, taʼlim yoʻnalishi, mutaxassisligi va kursi nomi, guvohnoma seriyasi va raqami, guvohnomaning berilgan sanasi va tartib raqami koʻrsatiladi.
(53-band Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik maʼlumotlari milliy bazasi, 04.06.2021-y., 09/21/345/0522-son)
I. Xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish
1-bosqich
Xorijiy davlatlarda taʼlim olganlik toʻgʻrisidagi hujjatlarini tan olish haqida murojaat etgan shaxs
Davlat xizmatlari markazlari
1. Xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish uchun bevosita davlat xizmatlari markazlari orqali yoki Yagona interaktiv davlat xizmatlari portalida roʻyxatdan oʻtgan holda murojaat qilish hamda hujjatlarni topshirish.
2. Talabgorlar tomonidan topshirilgan hujjatlarni qabul qilib olish hamda tegishlicha Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari yoki Toshkent shahar xalq taʼlimi bosh boshqarmasiga yuborish.
Zaruratga koʻra
Hujjatlar topshirilgandan soʻng darhol
2-bosqich
Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari, Toshkent shahar xalq taʼlimi bosh boshqarmasi
Hujjatlarni ularning toʻliqligini tekshirgan holda:
a) taqdim etilgan hujjatlar toʻliq boʻlsa — ularni tegishlicha Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari yoki Toshkent shahar xalq taʼlimi bosh boshqarmasida tashkil etiladigan komissiyalarga taqdim etish;
b) taqdim etilgan hujjatlar belgilangan talablarga javob bermasa — ularni kamchiliklarini koʻrsatgan holda davlat xizmatlari markazlariga yoki Yagona interaktiv davlat xizmatlari portali orqali talabgorga qaytarib yuborish;
v) qalbaki hujjat aniqlangan taqdirda — taqdim etilgan hujjatlarni qonunchilik hujjatlariga muvofiq chora koʻrish uchun huquqni muhofaza qiluvchi organlarga joʻnatish.
Bir ish kunida
3-bosqich
Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari yoki Toshkent shahar xalq taʼlimi bosh boshqarmasida tashkil etiladigan komissiyalar
Xorijiy davlatda umumiy oʻrta va oʻrta taʼlim olganlik toʻgʻrisidagi hujjatlarni ekspertizadan oʻtkazish natijasida xorijiy davlatda umumiy oʻrta va oʻrta taʼlim olganlik toʻgʻrisidagi hujjatlarni tan olish yoxud tan olishni rad etish haqida xulosa tayyorlash hamda tegishlicha Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari yoki Toshkent shahar xalq taʼlimi bosh boshqarmasiga yuborish.
Bir ish kunida
4-bosqich
Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari yoki Toshkent shahar xalq taʼlimi bosh boshqarmasi
Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari yoki Toshkent shahar xalq taʼlimi bosh boshqarmasida tashkil etilgan komissiyalarning tegishli xulosasiga koʻra:
a) xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlari tan olishga tavsiya etilgan talabgorlarga maʼlumotnoma berish haqida Qoraqalpogʻiston Respublikasi xalq taʼlimi vaziri, Toshkent shahar xalq taʼlimi bosh boshqarmasi boshligʻi, viloyatlar xalq taʼlimi boshqarmalari boshliqlarining buyruqlarini qabul qilish hamda tegishli namunadagi maʼlumotnomani tayyorlash;
b) xorijiy davlatlarda umumiy oʻrta va oʻrta taʼlim olganlik toʻgʻrisidagi hujjat belgilangan talablarga javob bermasligi haqidagi tegishli xabarnomani tayyorlash;
v) tegishli maʼlumotnoma (xabarnoma)ni davlat xizmatlari markazlariga joʻnatish yoki Yagona interaktiv davlat xizmatlari portali orqali talabgorga yuborish.
Bir ish kunida
5-bosqich
Davlat xizmatlari markazlari
Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari, Toshkent shahar xalq taʼlimi bosh boshqarmasi masʼul xodimining elektron raqamli imzosi bilan tasdiqlangan ma�lumotnomalarni talabgorga yuborish.
Bir ish kunida
II. Xorijiy davlatlarda oʻrta maxsus va kasb-hunar taʼlimi olganlik toʻgʻrisidagi hujjatlarni tan olish
1-bosqich
Xorijiy davlatlarda taʼlim olganlik toʻgʻrisidagi hujjatlarini tan olish haqida murojaat etgan shaxs
Davlat xizmatlari markazlari
1. Xorijiy davlatlarda oʻrta maxsus va kasb-hunar taʼlimi olganlik toʻgʻrisidagi hujjatlarni tan olish uchun bevosita davlat xizmatlari markazlari orqali yoki Yagona interaktiv davlat xizmatlari portalida roʻyxatdan oʻtgan holda Vazirlar Mahkamasi huzuridagi Taʼlim sifatini nazorat qilish davlat inspeksiyasiga murojaat qilish hamda hujjatlarni topshirish.
2. Hujjatlarni qabul qilib olish hamda Vazirlar Mahkamasi huzuridagi Taʼlim sifatini nazorat qilish davlat inspeksiyasiga yuborish.
Zaruratga koʻra
Hujjatlar topshirilgandan soʻng darhol
2-bosqich
Vazirlar Mahkamasi huzuridagi Taʼlim sifatini nazorat qilish davlat inspeksiyasi
Hujjatlarni ularning toʻliqligini tekshirgan holda:
a) taqdim etilgan hujjatlar toʻliq boʻlsa — ularni Vazirlar Mahkamasi huzuridagi Taʼlim sifatini nazorat qilish davlat inspeksiyasida tashkil etiladigan ekspert komissiyalariga taqdim etish;
b) taqdim etilgan hujjatlar belgilangan talablarga javob bermasa — ularni kamchiliklarini koʻrsatgan holda davlat xizmatlari markazlariga yoki Yagona interaktiv davlat xizmatlari portali orqali talabgorga qaytarib yuborish;
v) qalbaki hujjat aniqlangan taqdirda — taqdim etilgan hujjatlarni qonunchilik hujjatlariga muvofiq chora koʻrish uchun huquqni muhofaza qiluvchi organlarga joʻnatish.
Bir ish kunida
3-bosqich
Vazirlar Mahkamasi huzuridagi Taʼlim sifatini nazorat qilish davlat inspeksiyasida tashkil etiladigan ekspert komissiyalari
Xorijiy davlatda oʻrta maxsus va kasb-hunar taʼlimi olganlik toʻgʻrisidagi hujjatlarni ekspertizadan oʻtkazish natijasida ushbu hujjatlarni tan olish yoxud tan olishni rad etish haqida xulosa tayyorlash hamda Vazirlar Mahkamasi huzuridagi Taʼlim sifatini nazorat qilish davlat inspeksiyasiga yuborish.
Oʻn ish kunida
4-bosqich
Vazirlar Mahkamasi huzuridagi Taʼlim sifatini nazorat qilish davlat inspeksiyasi
Vazirlar Mahkamasi huzuridagi Taʼlim sifatini nazorat qilish davlat inspeksiyasida tashkil etiladigan ekspert komissiyasining tegishli xulosasiga koʻra:
a) xorijiy davlatlarda oʻrta maxsus va kasb-hunar taʼlimi olganlik toʻgʻrisidagi hujjatlari tan olishga tavsiya etilgan talabgorlarga guvohnoma berish haqida Vazirlar Mahkamasi huzuridagi Taʼlim sifatini nazorat qilish davlat inspeksiyasi boshligʻining buyrugʻini qabul qilish hamda tegishli namunadagi guvohnomani tayyorlash;
b) xorijiy davlatlarda oʻrta maxsus va kasb-hunar taʼlimi olganlik toʻgʻrisidagi hujjat belgilangan talablarga javob bermasligi haqidagi tegishli xabarnoma tayyorlash;
v) tegishli guvohnoma (xabarnoma)ni davlat xizmatlari markazlariga joʻnatish yoki Yagona interaktiv davlat xizmatlari portali orqali talabgorga yuborish.
Uch ish kunida
5-bosqich
Davlat xizmatlari markazlari
Vazirlar Mahkamasi huzuridagi Taʼlim sifatini nazorat qilish davlat inspeksiyasi masʼul xodimining elektron raqamli imzosi bilan tasdiqlangan guvohnoma (xabarnoma)ni talabgorga yuborish.
Bir ish kunida
III. Xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlarni tan olish
1-bosqich
Xorijiy davlatlarda taʼlim olganlik toʻgʻrisidagi hujjatlarini tan olish haqida murojaat etgan shaxs
Davlat xizmatlari markazlari
1. Xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlarni tan olish uchun bevosita davlat xizmatlari markazlari orqali yoki Yagona interaktiv davlat xizmatlari portalida roʻyxatdan oʻtgan holda murojaat qilish hamda hujjatlarni topshirish.
2. Hujjatlarni qabul qilib olish hamda Vazirlar Mahkamasi huzuridagi Taʼlim sifatini nazorat qilish davlat inspeksiyasiga yuborish.
Zaruratga koʻra
Hujjatlar topshirilgan zahoti
2-bosqich
Vazirlar Mahkamasi huzuridagi Taʼlim sifatini nazorat qilish davlat inspeksiyasi
Hujjatlarni ularning toʻliqligini tekshirgan holda:
a) taqdim etilgan hujjatlar toʻliq boʻlsa — ularni Vazirlar Mahkamasi huzuridagi Taʼlim sifatini nazorat qilish davlat inspeksiyasida tashkil etiladigan ekspert komissiyalariga taqdim etish;
b) taqdim etilgan hujjatlar belgilangan talablarga javob bermasa — ularni kamchiliklarini koʻrsatgan holda davlat xizmatlari markazlariga yoki Yagona interaktiv davlat xizmatlari portali orqali talabgorga qaytarib yuborish;
v) qalbaki hujjat aniqlangan taqdirda — taqdim etilgan hujjatlarni qonunchilik hujjatlariga muvofiq chora koʻrish uchun huquqni muhofaza qiluvchi organlarga joʻnatish.
Bir ish kunida
3-bosqich
Vazirlar Mahkamasi huzuridagi Taʼlim sifatini nazorat qilish davlat inspeksiyasida tashkil etiladigan ekspert komissiyalari
Taqdim etilgan hujjatlar boʻyicha:
a) xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi toʻgʻridan-toʻgʻri (sinovlarsiz) tan olinadigan hujjatlarni ekspertizadan oʻtkazish va tan olish haqida xulosa tayyorlash hamda Vazirlar Mahkamasi huzuridagi Taʼlim sifatini nazorat qilish davlat inspeksiyasiga yuborish;
b) xorijiy davlatda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlarini ekspertizadan oʻtkazish natijasida talabgorni test sinovlariga tavsiya etish;
v) xorijiy davlatda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlarni tan olishni rad etish haqida xulosa tayyorlash hamda Vazirlar Mahkamasi huzuridagi Taʼlim sifatini nazorat qilish davlat inspeksiyasiga yuborish.
Oʻn ish kunida
4-bosqich
Vazirlar Mahkamasi huzuridagi Taʼlim sifatini nazorat qilish davlat inspeksiyasi
Vazirlar Mahkamasi huzuridagi Taʼlim sifatini nazorat qilish davlat inspeksiyasida tashkil etilgan ekspert komissiyasining xulosasi asosida:
a) xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi toʻgʻridan-toʻgʻri (sinovlarsiz) tan olinadigan hujjatlar boʻyicha — xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatni tan olish haqida buyruqni qabul qilish hamda tegishli namunadagi guvohnomani tayyorlash;
b) ekspert komissiyalari tomonidan ijobiy xulosa berilgan taqdirda — talabgorlarni test sinovlaridan oʻtkazish;
v) ekspert komissiyalari tomonidan salbiy xulosa berilgan taqdirda — xorijiy davlatda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlarni tan olishni rad etish haqida xabarnoma tayyorlash hamda davlat xizmatlari markazlariga yoki Yagona interaktiv davlat xizmatlari portali orqali talabgorlarga yuborish.
Bir ish kunida
Tasdiqlangan jadval
asosida
Bir ish kunida
5-bosqich
Vazirlar Mahkamasi huzuridagi Taʼlim sifatini nazorat qilish davlat inspeksiyasi
Test sinovlari natijalariga koʻra:
a) yetarli ball toʻplay olmagan talabgorlarga — xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatni tan olish rad etish va bu haqida davlat xizmatlari markazlariga yoki Yagona interaktiv davlat xizmatlari portali orqali talabgorlarga xabarnoma yuborish;
b) test sinovlaridan muvaffaqiyatli oʻtgan talabgorlarga — xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlarini tan olish toʻgʻrisida guvohnoma berish haqida buyruq qabul qilish hamda guvohnomani davlat xizmatlari markazlariga yoki Yagona interaktiv davlat xizmatlari portali orqali talabgorga yuborish.
Bir ish kunida
Uch ish kunida
6-bosqich
Davlat xizmatlari markazlari
Vazirlar Mahkamasi huzuridagi Taʼlim sifatini nazorat qilish davlat inspeksiyasi masʼul xodimining elektron raqamli imzosi bilan tasdiqlangan guvohnoma (xabarnoma)ni talabgorga yuborish.
Bir ish kunida
IV. Xorijiy davlatlarda malaka oshirish taʼlimi olganlik toʻgʻrisidagi hujjatlarni tan olish
1-bosqich
Talabgor
Davlat xizmatlari markazlari
1. Xorijiy davlatlarda malaka oshirish taʼlimi olganlik toʻgʻrisidagi hujjatlarni tan olish uchun bevosita davlat xizmatlari markazlari orqali yoki Yagona interaktiv davlat xizmatlari portalida roʻyxatdan oʻtgan holda Vazirlar Mahkamasi huzuridagi Taʼlim sifatini nazorat qilish davlat inspeksiyasiga murojaat qilish hamda hujjatlarni topshirish.
2. Hujjatlarni qabul qilib olish hamda Vazirlar Mahkamasi huzuridagi Taʼlim sifatini nazorat qilish davlat inspeksiyasiga yuborish.
Zaruratga koʻra
Hujjatlar topshirilgandan soʻng darhol
2-bosqich
Vazirlar Mahkamasi huzuridagi Taʼlim sifatini nazorat qilish davlat inspeksiyasi
Hujjatlarni ularning toʻliqligini tekshirgan holda:
a) taqdim etilgan hujjatlar toʻliq boʻlsa — ularni Vazirlar Mahkamasi huzuridagi Taʼlim sifatini nazorat qilish davlat inspeksiyasida tashkil etilgan ekspert komissiyalariga taqdim etish;
b) taqdim etilgan hujjatlar belgilangan talablarga javob bermasa — ularni kamchiliklarini koʻrsatgan holda davlat xizmatlari markazlariga yoki Yagona interaktiv davlat xizmatlari portali orqali talabgorga qaytarib yuborish;
v) qalbaki hujjat aniqlangan taqdirda — taqdim etilgan hujjatlarni qonunchilik hujjatlariga muvofiq chora koʻrish uchun huquqni muhofaza qiluvchi organlarga joʻnatish.
Bir ish kunida
3-bosqich
Vazirlar Mahkamasi huzuridagi Taʼlim sifatini nazorat qilish davlat inspeksiyasida tashkil etiladigan ekspert komissiyalari
Xorijiy davlatda malaka oshirish taʼlimi olganlik toʻgʻrisidagi hujjatlarni ekspertizadan oʻtkazish natijasida ushbu hujjatlarni tan olish yoxud tan olishni rad etish haqida xulosa tayyorlash hamda Vazirlar Mahkamasi huzuridagi Taʼlim sifatini nazorat qilish davlat inspeksiyasiga yuborish.
Oʻn ish kunida
4-bosqich
Vazirlar Mahkamasi huzuridagi Taʼlim sifatini nazorat qilish davlat inspeksiyasi
Vazirlar Mahkamasi huzuridagi Taʼlim sifatini nazorat qilish davlat inspeksiyasida tashkil etilgan ekspert komissiyasining tegishli xulosasiga koʻra:
a) xorijiy davlatlarda malaka oshirish taʼlimi olganlik toʻgʻrisidagi hujjatlari tan olishga tavsiya etilgan talabgorlarga guvohnoma berish haqida Vazirlar Mahkamasi huzuridagi Taʼlim sifatini nazorat qilish davlat inspeksiyasi boshligʻining buyrugʻini qabul qilish hamda tegishli namunadagi guvohnomani tayyorlash;
b) xorijiy davlatlarda malaka oshirish taʼlimi olganlik toʻgʻrisidagi hujjat belgilangan talablarga javob bermasligi haqidagi tegishli xabarnoma tayyorlash;
v) tegishli guvohnoma (xabarnoma)ni davlat xizmatlari markazlariga joʻnatish yoki Yagona interaktiv davlat xizmatlari portali orqali talabgorga yuborish.
Uch ish kunida
5-bosqich
Davlat xizmatlari markazlari
Vazirlar Mahkamasi huzuridagi Taʼlim sifatini nazorat qilish davlat inspeksiyasi masʼul xodimining elektron raqamli imzosi bilan tasdiqlangan guvohnoma (xabarnoma)ni talabgorga yuborish.
Uch ish kunida
(1-ilova Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
____________ yilda __________________________________________________________________________ berilgan
(hujjat berilgan yil)
(hujjat berilgan davlat nomi)
______________-seriyali _________________-raqamli maʼlumot toʻgʻrisidagi hujjat (guvohnoma, shahodatnoma) Oʻzbekiston Respublikasida tan olinadi va umumiy oʻrta maʼlumot (oʻrta maʼlumot) haqidagi guvohnomaga (shahodatnomaga) tenglashtiriladi.
Xalq taʼlimi boshqarmasi boshligʻi
______________
__________________________________________
(imzo)
(familiyasi, ismi va otasining ismi)
(muhr oʻrni)
Roʻyxatdan oʻtkazish raqami:
____________________________
Berilgan sanasi:
____________________________
(kun, oy, yil)
Xorijiy davlatlarda taʼlim olganlik toʻgʻrisidagi hujjatlarni tan olish tartibi haqidagi nizomga 3-ILOVA
OʻZBEKISTON RESPUBLIKASI VAZIRLAR MANKAMASI NUZURIDAGI TAʼLIM SIFATINI NAZORAT QILISN DAVLAT INSPEKSIYASI
XORIJIY DAVLATDA OʻRTA MAXSUS VA KASB-NUNAR TAʼLIMI OLGANLIK TOʻGʻRISIDAGI NUJJATNI TAN OLISN NAQIDAGI GUVONNOMA OʻMK № 000000
Ushbu maʼlumotnoma bilan fuqaro ____________________________________________________________________ ga
____________ yilda __________________________________________________________________________ berilgan
(hujjat berilgan yil)
(hujjat berilgan davlat nomi)
_____________-seriyali _____________________________-raqamli maʼlumot toʻgʻrisidagi hujjat Oʻzbekiston Respublikasida tan olinadi va ____________________________________________________________________ mutaxassisligi boʻyicha
(mutaxassislik nomi)
oʻrta maxsus (kasb-hunar) maʼlumoti darajasidagi diplomga tenglashtiriladi.
____________ yilda __________________________________________________________________________ berilgan
(hujjat berilgan yil)
(hujjat berilgan davlat nomi)
____________ seriyali _____________________________ raqamli maʼlumot toʻgʻrisidagi hujjat Oʻzbekiston Respublikasida _________________________________________________ taʼlim yoʻnalishi (mutaxassisligi) boʻyicha tan olinadi.
____________ yilda __________________________________________________________________________ berilgan
(hujjat berilgan yil)
(hujjat berilgan davlat nomi)
____________ seriyali _____________________________ raqamli maʼlumot toʻgʻrisidagi hujjat Oʻzbekiston Respublikasida _________________________________________________________________ qayta tayyorlash kursi boʻyicha tan olinadi.
_________________ yilda ______________________________________________________________________ berilgan
(hujjat berilgan yil)
(hujjat berilgan davlat nomi)
____________ seriyali _____________________________ raqamli maʼlumot toʻgʻrisidagi hujjat Oʻzbekiston Respublikasida __________________________________________________________________ malaka oshirish kursi boʻyicha tan olinadi.
Vazirlar Mahkamasining 2019-yil 24-iyuldagi 620-son qaroriga 2-ILOVA
Oʻzbekiston Respublikasi Hukumatining baʼzi qarorlariga kiritilayotgan oʻzgartirishlar
1. Vazirlar Mahkamasining “Rasmiy davlat hujjatlarini tayyorlash, hisobga olish, saqlash, topshirish hamda ulardan foydalanish tartibini takomillashtirish toʻgʻrisida” 2000-yil 25-iyuldagi 283-son qarorida (Oʻzbekiston Respublikasi QT, 2000-y., 7-son, 42-modda):
2. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi faoliyatini tashkil etish toʻgʻrisida” 2017-yil 18-iyuldagi 515-son qarorida (Oʻzbekiston Respublikasi qonun hujjatlari toʻplami, 2017-y., 29-son, 698-modda):
a) 2-bandning oltinchi xatboshidagi “tan olish va nostrifikatsiyalash (ekvivalentligini aniqlash)ni” soʻzlari “tan olishni” soʻzlari bilan almashtirilsin;
8-bandning oltinchi xatboshidagi “tan olish va nostrifikatsiyalash (ekvivalentligini aniqlash)ni” soʻzlari “tan olishni” soʻzlari bilan almashtirilsin;
yettinchi xatboshidagi “va nostrifikatsiyalash (ekvivalentligini qayd etish) amalga oshirilganda talabgorga davlat namunasidagi” soʻzlari “talabgorlarga” soʻzi bilan almashtirilsin.
v) 3-ilovaning 1-bandi oʻz kuchini yoʻqotgan deb hisoblansin.
Vazirlar Mahkamasining 2019-yil 24-iyuldagi 620-son qaroriga 3-ILOVA
Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari
ROʻYXATI
1. Vazirlar Mahkamasining “Xorijiy davlatlarda taʼlim olganlik toʻgʻrisidagi hujjatlarni tan olish va nostrifikatsiyalash (ekvivalentligini qayd etish) tartibi toʻgʻrisidagi nizomga oʻzgartirish va qoʻshimchalar kiritish haqida” 2017-yil 3-apreldagi 173-son qarori (Oʻzbekiston Respublikasi QHT, 2017-y., 14-son, 222-modda).
2. Vazirlar Mahkamasining “Xorijiy davlatlarda taʼlim olganlik toʻgʻrisidagi hujjatlarni tan olish va nostrifikatsiyalash (ekvivalentligini qayd etish) tartibi toʻgʻrisidagi nizomga oʻzgartirish kiritish haqida (Oʻzbekiston Respublikasi Prezidentining “Oʻzbekiston Respublikasining fuqaro aviatsiyasini tubdan takomillashtirish chora-tadbirlari toʻgʻrisida” 2018-yil 27-noyabrdagi PF-5584-son Farmoni)” 2019-yil 29-martdagi 261-son qarori.
(Qonun hujjatlari maʼlumotlari milliy bazasi, 26.07.2019-y., 09/19/620/3482-son; 15.01.2020-y., 09/20/24/0053-son; Qonunchilik maʼlumotlari milliy bazasi, 04.06.2021-y., 09/21/345/0522-son, 27.12.2021-y., 09/21/774/1198-son; 05.04.2022-y., 09/22/153/0266-son, 29.09.2022-y., 09/22/541/0859-son; 19.06.2025-y., 09/25/378/0518-son; 06.08.2025-y., 09/25/498/0698-son; 06.01.2026-y., 09/26/840/0012-son; 02.02.2026-y., 09/26/35/0101-son)
LexUZ sharhi