Hujjat kuchini yo‘qotgan " " 22.02.2021

Oʻzbekiston Respublikasi Vazirlar Mahkamasining

“OʻZBEKISTON YARMARKASI” XITOY—OʻZBEKISTON QOʻSHMA KORXONASI FAOLIYATINI KENGAYTIRISH CHORA-TADBIRLARI TOʻGʻRISIDA

LexUZ sharhi

Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.

“Oʻzbekiston yarmarkasi” Xitoy—Oʻzbekiston qoʻshma korxonasining tashqi savdo infratuzilmasini yanada rivojlantirish va Oʻzbekiston Respublikasida yarmarka savdosini faollashtirish maqsadida Vazirlar Mahkamasi qaror qiladi:

1. “Oʻzbekiston yarmarkasi” qoʻshma korxonasi (XXR, Shanxay shahri) Toshkent shahrida “Oʻzbekiston yarmarkasi” masʼuliyati cheklangan jamiyat shaklidagi xorijiy korxonani taʼsis etganligi maʼlumot uchun qabul qilinsin, uning asosiy vazifalari quyidagilardan iborat:

respublika mintaqalarida kichik va oʻrta biznes subyektlari tomonidan ishlab chiqariladigan mahsulotlar va noanʼanaviy eksport tovarlarini yarmarka savdolarida koʻrgazmaga qoʻyish va sotish uchun tanlab olish boʻyicha tijorat agentlari tarmogʻini tashkil etish;

kichik va oʻrta biznes, xususiy tadbirkorlik subyektlariga Oʻzbekiston Respublikasida tashkil etiladigan koʻrgazmalar va yarmarkalarda moddiy-texnika resurslari olish imkoniyatlarining taʼminlanishida koʻmaklashish va amaliy yordam koʻrsatish;

yarmarka savdolari ishtirokchilariga omborxonada saqlash, transportda tashish va tovarlarni deklaratsiya qilish boʻyicha xizmatlar, shuningdek dilerlik xizmatlarini koʻrsatish.

2. “Oʻzbekiston yarmarkasi” masʼuliyati cheklangan jamiyat tomonidan oʻtkaziladigan yarmarka savdolariga Oʻzbekiston Respublikasi Vazirlar Mahkamasining “Oʻzbekiston Respublikasida birja va yarmarka savdosini yanada takomillashtirish chora-tadbirlari toʻgʻrisida” 1999-yil 6-maydagi 223-son qaroriga 1-ilovaning amal qilishi joriy etilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.Q. Ismoilov zimmasiga yuklansin.

Oʻzbekiston Respublikasining Bosh vaziri Oʻ. SULTONOV

2002-yil 25-yanvar,