Hujjat 04.03.2019 00 sanasi holatiga
Amaldagi versiyaga o‘tish
Oʻzbekiston Respublikasi Prezidentining
Qarori
Oʻzbekiston Respublikasi Iqtisodiyot va sanoat vazirligi faoliyatini tashkil etish toʻgʻrisida
[Koʻchirma]
Oʻzbekiston Respublikasi Prezidentining “Iqtisodiy rivojlanish sohasida davlat siyosatini amalga oshirish tizimini tubdan takomillashtirish chora-tadbirlari toʻgʻrisida” 2019-yil 10-yanvardagi PF-5621-son va “Urbanizatsiya jarayonlarini tubdan takomillashtirish chora-tadbirlari toʻgʻrisida” 2019-yil 10-yanvardagi PF-5623-son Farmonlarining ijrosini taʼminlash maqsadida:
1. Quyidagilar:
Oʻzbekiston Respublikasi Iqtisodiyot va sanoat vazirligining tashkiliy tuzilmasi 1-ilovaga muvofiq;
Oʻzbekiston Respublikasi Iqtisodiyot va sanoat vazirligining markaziy apparati tuzilmasi 2-ilovaga muvofiq;
Oʻzbekiston Respublikasi Iqtisodiyot va sanoat vazirligi toʻgʻrisida nizom 3-ilovaga* muvofiq;
* 3-ilova rus tilidagi matnda berilgan.
Oʻzbekiston Respublikasi Iqtisodiyot va sanoat vazirligi huzuridagi boshqaruv xodimlarining cheklangan umumiy soni 30 birlikdan iborat boʻlgan Urbanizatsiya agentligi tuzilmasi 4-ilovaga muvofiq;
Oʻzbekiston Respublikasi Iqtisodiyot va sanoat vazirligi huzuridagi Prognozlashtirish va makroiqtisodiy tadqiqotlar institutining tuzilmasi 5-ilovaga muvofiq;
Qoraqalpogʻiston Respublikasi Iqtisodiyot va sanoat vazirligining tuzilmasi, viloyatlar iqtisodiyot va sanoat bosh boshqarmalarining namunaviy tuzilmasi 6 va 6a-ilovalarga muvofiq;
Qoraqalpogʻiston Respublikasi Iqtisodiyot va sanoat vazirligi, viloyatlar iqtisodiyot va sanoat bosh boshqarmalari, shuningdek tumanlar va shaharlar iqtisodiyot va sanoat boʻlimlari xodimlarining umumiy cheklangan soni 7 va 7a-ilovalarga muvofiq;
Oʻzbekiston Respublikasi Iqtisodiyot va sanoat vazirligi markaziy apparati, Qoraqalpogʻiston Respublikasi Iqtisodiyot va sanoat vazirligi, viloyatlar iqtisodiyot va sanoat bosh boshqarmalari, tumanlar va shaharlar iqtisodiyot va sanoat boʻlimlari xodimlari mehnatiga haq toʻlash razryadlari 8, 8a va 8b-ilovalarga muvofiq tasdiqlansin.
Keyingi tahrirga qarang.
2. Oʻzbekiston Respublikasi iqtisodiyot va sanoat vaziriga:
Keyingi tahrirga qarang.
Oʻzbekiston Respublikasi Iqtisodiyot va sanoat vazirligi markaziy apparati, Qoraqalpogʻiston Respublikasi iqtisodiyot va sanoat vazirligi, viloyatlar iqtisodiyot va sanoat bosh boshqarmalari, shuningdek idoraviy boʻysunuvidagi tashkilotlar tuzilmasiga belgilangan shtatlar soni doirasida oʻzgartirishlar kiritish;
Keyingi tahrirga qarang.
Keyingi tahrirga qarang.
davlat organlari va boshqa tashkilotlar, yetakchi loyiha institutlari, ilmiy va taʼlim muassasalari, xalqaro tashkilotlar va xorijiy kompaniyalarning yuqori malakali mutaxassislarini, shuningdek ekspertlarni konsultant sifatida jalb qilish;
malakali xorijiy mutaxassislarni ishga qabul qilish va ularga ish haqi miqdori hamda boshqa toʻlovlarni chet el valyutasida belgilash huquqi berilsin.
Keyingi tahrirga qarang.
4. Shunday tartib oʻrnatilsinki, unga muvofiq:
ustav fondida (kapitalida) davlat ulushi 50 foiz va undan ortiq boʻlgan yuridik shaxslar, shuningdek ustav fondining (kapitalining) 50 foizi va undan ortigʻi 50 foiz va undan ortiq miqdorda davlat ulushiga ega yuridik shaxsga tegishli boʻlgan yuridik shaxslar har yili 1-dekabrga qadar kelgusi yilda joriy xoʻjalik faoliyatini taʼminlash uchun moddiy-texnik resurslar roʻyxatini (keyingi oʻrinlarda — Roʻyxat) shakllantiradi va ularni kuzatuv kengashlari roziligi bilan davlat xaridlari saytida majburiy tartibda eʼlon qiladi;
2020-yil 1-yanvardan boshlab davlat xaridlari toʻgʻrisidagi qonun hujjatlari talablariga rioya qilish va tegishli tovarlarning narxlari muvofiqligi uchun javobgarlikni boshqaruv organlariga yuklagan holda Roʻyxat boʻyicha (kapital qoʻyilmalar bundan mustasno) tovarlar (ishlar, xizmatlar) davlat xaridlari boʻyicha texnik topshiriqlar, kontraktlar va import kontraktlari Oʻzbekiston Respublikasi Iqtisodiyot va sanoat vazirligi huzuridagi “Loyihalar va import kontraktlarini kompleks ekspertiza qilish markazi” DUKda (keyingi oʻrinlarda — Markaz) ekspertizadan oʻtkazilmaydi;
Keyingi tahrirga qarang.
2019-yil 1-fevraldan boshlab tovarlar (ishlar, xizmatlar) davlat xaridlari boʻyicha texnik topshiriqlar narx koʻrsatkichlarining oʻrtacha bozor darajasini oʻrganish natijalari boʻyicha dastlabki hisob-kitoblar asosida shakllantiriladigan ularning cheklangan qiymatini belgilagan holda ekspertizadan oʻtkazish uchun Markazga taqdim etiladi;
kontraktlar, import kontraktlari va ularga qoʻshimcha kelishuvlar Markazda majburiy ekspertiza va roʻyxatdan oʻtkazilmaydi;
Keyingi tahrirga qarang.
tuzilgan kontraktlar va import kontraktlarining texnik topshiriqlarga muvofiqligi, shuningdek ularning bajarilishi uchun davlat buyurtmachisi javobgar boʻladi;
davlat buyurtmachisi kontraktlarni, import kontraktlarini ixtiyoriy ravishda shartnoma asosida ekspertizadan oʻtkazish uchun Markazga taqdim etishi mumkin;
tovarlar (ish va xizmatlar) davlat xaridiga texnik topshiriqlarni kompleks ekspertizadan oʻtkazganlik uchun qoʻshilgan qiymat soligʻi hisobga olinmagan holda davlat buyurtmachisi tomonidan belgilangan cheklangan qiymatning 0,1 foizi, lekin eng kam ish haqining 100 barobaridan ortiq boʻlmagan miqdorda toʻlov undiriladi.
Keyingi tahrirga qarang.
5. Oʻzbekiston Respublikasi Iqtisodiyot va sanoat vazirligi 2019-yil 1-martga qadar:
Markaz tomonidan loyiha oldi, loyiha, tender hujjatlari va kontraktlarni ekspertizadan oʻtkazishning yangilangan tartibini;
“Davlat xaridlari toʻgʻrisida”gi Qonunga, shu jumladan Roʻyxatning davlat xaridlari ixtisoslashtirilgan saytlarida eʼlon qilinishi boʻyicha majburiy talablar va belgilangan talablarga rioya qilinishini nazorat qilishni nazarda tutadigan oʻzgartirishlar toʻgʻrisidagi takliflarni;
Oʻzbekiston Respublikasi Prezidenti huzuridagi Loyiha boshqaruvi milliy agentligiga “Elektron hukumat” tizimiga taqdim etilishi va kiritilishi lozim boʻlgan maʼlumotlar tarkibi boʻyicha takliflarni kiritsin hamda Loyiha boshqaruvining yagona milliy axborot tizimining belgilangan protokol boʻyicha platforma formatida majburiy qoʻllanilishini taʼminlasin.
6. Belgilansinki:
Oʻzbekiston Respublikasi Iqtisodiyot va sanoat vazirligi huzuridagi Urbanizatsiya agentligi direktorining oʻrinbosarlari, shu jumladan birinchi oʻrinbosari hamda Markaz direktori va direktor oʻrinbosarlari Oʻzbekiston Respublikasi iqtisodiyot va sanoat vaziri tomonidan;
Qoraqalpogʻiston Respublikasi iqtisodiyot va sanoat vaziri, uning oʻrinbosari — Qoraqalpogʻiston Respublikasi Joʻqorgʻi Kengesi tomonidan Oʻzbekiston Respublikasi iqtisodiyot va sanoat vaziri bilan kelishilgan holda;
viloyatlar iqtisodiyot va sanoat bosh boshqarmalari boshliqlari, ularning oʻrinbosarlari — viloyatlar hokimlari tomonidan Oʻzbekiston Respublikasi iqtisodiyot va sanoat vaziri bilan kelishilgan holda;
tumanlar va shaharlar iqtisodiyot va sanoat boʻlimlari boshliqlari — tegishli tumanlar (shaharlar) hokimlari tomonidan Qoraqalpogʻiston Respublikasi Iqtisodiyot va sanoat vaziri, viloyatlar iqtisodiyot va sanoat bosh boshqarmalari boshliqlari taqdimnomasiga koʻra hamda Oʻzbekiston Respublikasi iqtisodiyot va sanoat vaziri bilan kelishilgan holda lavozimga tayinlanadi va lavozimdan ozod etiladi.
Keyingi tahrirga qarang.
7. Quyidagilar:
Oʻzbekiston Respublikasi Iqtisodiyot va sanoat vazirligi huzuridagi Urbanizatsiya agentligi xodimlariga Vazirlik markaziy apparati xodimlari uchun belgilangan mehnatga haq toʻlash, moddiy ragʻbatlantirish va ijtimoiy himoya shartlari;
Keyingi tahrirga qarang.
Qoraqalpogʻiston Respublikasi Iqtisodiyot va sanoat vazirligi, viloyatlar iqtisodiyot va sanoat bosh boshqarmalari, shuningdek tumanlar hamda shaharlar iqtisodiyot va sanoat boʻlimlari xodimlariga Oʻzbekiston Respublikasi Prezidentining “Davlat boshqaruvi hududiy organlari faoliyatini yanada takomillashtirish va xodimlarini moddiy ragʻbatlantirishni kuchaytirish chora-tadbirlari toʻgʻrisida” 2017-yil 9-yanvardagi PQ-2722-son qarorining 1-bandida nazarda tutilgan mehnatga haq toʻlash shartlari tatbiq etilsin.
Keyingi tahrirga qarang.
8. Oʻzbekiston Respublikasi Iqtisodiyot va sanoat vazirligi (keyingi oʻrinlarda — Vazirlik) bir oy muddatda belgilangan tartibda Vazirlik markaziy apparati xodimlari va xizmat koʻrsatuvchi xodimlarining shtat jadvalini tasdiqlasin.
9. Vazirlik Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda kichik sanoat zonalarining faoliyatini quyidagilarni hisobga olgan holda taʼminlasin:
tabiiy va iqtisodiy resurslardan samarali foydalangan holda hududlarni ijtimoiy-iqtisodiy rivojlantirishning ustuvor yoʻnalishlari;
ichki isteʼmol bozorini yuqori sifatli va xaridorgir mahalliy ishlab chiqarish tovarlari bilan toʻldirish, boʻsh turgan obyektlarni va mavjud mahalliy mehnat resurslarini, ayniqsa yoshlarning mehnat kuchidan samarali foydalanish maqsadida loyihalarni maqbul joylashtirish;
yirik va kichik korxonalar oʻrtasida kooperatsiya aloqalarini mustahkamlash, shu jumladan mahalliylashtirish va import oʻrnini bosish boʻyicha loyihalarni tashkil etish orqali mintaqalarning sanoat salohiyatini oshirish va kichik sanoat zonalarida ishlab chiqariladigan mahsulotlar bozorini kengaytirish;
kichik sanoat zonalarida loyihalarni amalga oshirish va sanoat mahsulotlarini ishlab chiqarishning avtomatlashtirilgan monitoringi natijalari.
10. Qoraqalpogʻiston Respublikasi Vazirlar Kengashi va viloyatlar hokimliklari bir oy muddatda:
Oʻzbekiston Respublikasi Moliya vazirligining hududiy boʻlinmalari bilan birgalikda Qoraqalpogʻiston Respublikasi Iqtisodiyot va sanoat vazirligi, viloyatlar iqtisodiyot va sanoat bosh boshqarmalari xodimlarining shtatlar jadvalini va koʻp yillik xizmatlari uchun toʻlovlar miqdorini tasdiqlasinlar;
Vazirlikning hududiy boʻlinmalari zimmasiga yuklangan vazifalarni yuqori kasbiy darajada amalga oshirishga qodir, zarur bilim va koʻnikmalarga ega boʻlgan malakali mutaxassislar bilan toʻldirilishini taʼminlasinlar;
Vazirlik bilan kelishgan holda Qoraqalpogʻiston Respublikasi Iqtisodiyot va sanoat vazirligi toʻgʻrisidagi nizomni, viloyatlar iqtisodiyot va sanoat bosh boshqarmalari, shuningdek tumanlar (shaharlar) iqtisodiyot va sanoat boʻlimlari toʻgʻrisidagi namunaviy nizomlarni belgilangan tartibda tasdiqlasinlar.
11. Belgilansinki:
Qoraqalpogʻiston Respublikasi Iqtisodiyot va sanoat vazirligi, viloyatlar iqtisodiyot va sanoat bosh boshqarmalari, tumanlar (shaharlar) iqtisodiyot va sanoat boʻlimlarining joriy taʼminoti va ular faoliyatini, shuningdek xodimlariga koʻp yillik xizmatlari uchun toʻlovlarni moliyalashtirish Qoraqalpogʻiston Respublikasining respublika budjeti va viloyatlarning viloyat budjetlari hisobidan amalga oshiriladi;
Keyingi tahrirga qarang.
xodimlarining cheklangan umumiy soni 70 birlikdan iborat Vazirlikning Maʼmuriy binosidan foydalanish boshqarmasi budjet tashkilotiga tenglashtiriladi;
Keyingi tahrirga qarang.
Oʻzbekiston Respublikasi Iqtisodiyot va sanoat vazirligi huzuridagi Prognozlashtirish va makroiqtisodiy tadqiqotlar instituti (keyingi oʻrinlarda — Institut) direktori maqomi va mehnatga haq toʻlash shartlari, tibbiy va transport taʼminoti sharoitlari boʻyicha vazirning oʻrinbosariga tenglashtiriladi.
Keyingi tahrirga qarang.
12. Oʻzbekiston Respublikasi Investitsiyalar boʻyicha davlat qoʻmitasi Institut tomonidan ijtimoiy-iqtisodiy sohada tadqiqotlarni amalga oshirish uchun xalqaro moliya institutlari va xorijiy davlat moliya tashkilotlarining grantlari har yili jalb etilishini taʼminlasin.
Keyingi tahrirga qarang.
13. Institut:
qonunlar, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, boshqa normativ-huquqiy hujjatlar majburiy tarqatiladigan tashkilotlar roʻyxatiga;
Oʻzbekiston Respublikasi Moliya vazirligi, Innovatsion rivojlanish vazirligi, Tashqi savdo vazirligi, Bandlik va mehnat munosabatlari vazirligi, Davlat statistika qoʻmitasi, Investitsiyalar boʻyicha davlat qoʻmitasi, Davlat soliq qoʻmitasi, Davlat bojxona qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, boshqa vazirlik va idoralar statistik axborot byulletenlarini majburiy tarqatish roʻyxatiga kiritilsin.
Keyingi tahrirga qarang.
14. Oʻzbekiston Respublikasi Investitsiyalar boʻyicha davlat qoʻmitasi, Moliya vazirligi, Vazirlik, Vazirlar Mahkamasi huzuridagi Oʻzbekiston Respublikasining rivojlanish davlat dasturlarini moliyalashtirish jamgʻarmasi Oʻzbekiston Respublikasining 2020-yilgi Investitsiya dasturi doirasida markazlashtirilgan kapital qoʻyilmalar hisobidan, buyurtmachi etib “Toshkentqurilishinvest” injiniring kompaniyasini va bosh loyihachi etib “Toshgiproshahar” AJni belgilagan holda institutning muhandislik-kommunikatsiya tizimlarini modernizatsiyalashni va institut binosining texnik inshootlarini qayta taʼmirlashni amalga oshirilishini taʼminlasin.
Keyingi tahrirga qarang.
15. Vazirlik va uning huzuridagi Urbanizatsiya agentligi Toshkent shahri, Islom Karimov koʻchasi, 45a-uy manzilida joylashtirilsin.
16. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Toshkent shahar hokimi apparati bilan birgalikda Oʻzbekiston Respublikasi Vazirlar Mahkamasiga Markazni joylashtirish uchun bino ajratish boʻyicha taklif kiritsin hamda yangi joy aniqlanguniga qadar u egallab turgan Toshkent shahri, Islom Karimov koʻchasi, 1-uy manzilidagi joy oʻzida qoldirilsin.
17. Oʻzbekiston Respublikasi Prezidentining “Oʻzbekiston Respublikasi Iqtisodiyot vazirligi faoliyatini tubdan takomillashtirish chora-tadbirlari toʻgʻrisida” 2017-yil 28-apreldagi PQ-2934-son qarori oʻz kuchini yoʻqotgan deb topilsin.
18. Vazirlik boshqa manfaatdor idoralar bilan birgalikda bir oy muddatda:
Vazirlikning yangi tashkil etilgan boʻlinmalarini zimmasiga yuklangan vazifalarni bajarish uchun zarur boʻlgan nazariy bilim va amaliy koʻnikmalarga ega malakali mutaxassislar bilan toʻldirilishini taʼminlasin;
Oʻzbekiston Respublikasi Iqtisodiyot va sanoat vazirligi huzuridagi Urbanizatsiya agentligi toʻgʻrisidagi nizomni Vazirlar Mahkamasiga tasdiqlash uchun kiritsin;
qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga taklif kiritsin;
oʻzlari qabul qilgan normativ-huquqiy va boshqa hujjatlarni mazkur qarorga muvofiqlashtirsin.
19. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Bosh vaziri oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 10-yanvar,
PQ-4105-son
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
1-ILOVA
Oʻzbekiston Respublikasi Iqtisodiyot va sanoat vazirligining
tashkiliy tuzilmasi
Keyingi tahrirga qarang.
Keyingi tahrirga qarang.
Oldingi tahrirga qarang.
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
2-ILOVA
Keyingi tahrirga qarang.
Oʻzbekiston Respublikasi Iqtisodiyot va sanoat vazirligi markaziy apparati
TUZILMASI
Boshqaruv xodimlari umumiy cheklangan soni — 206 nafar
* Vazirlikning markaziy apparati umumiy shtat birliklariga kiritilmaydi.
(2-ilova Oʻzbekiston Respublikasi Prezidentining 2019-yil 4-martdagi PF-5679-sonli Farmoni tahririda)
Keyingi tahrirga qarang.
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
4-ILOVA
Oʻzbekiston Respublikasi Iqtisodiyot va sanoat vazirligi huzuridagi Urbanizatsiya agentligi
TUZILMASI
Izoh: boshqaruv xodimlarining umumiy cheklangan soni — 30 nafar.
Keyingi tahrirga qarang.
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
5-ILOVA
Oʻzbekiston Respublikasi Iqtisodiyot va sanoat vazirligi huzuridagi Prognozlashtirish va makroiqtisodiy tadqiqotlar instituti
TUZILMASI
Jami 92 ta shtat birligi, shu jumladan ilmiy xodimlar — 66 ta shtat birligi.
Yordamchi xodimlar soni belgilangan meʼyorlarga muvofiq aniqlanadi.
Keyingi tahrirga qarang.
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
6-ILOVA
Qoraqalpogʻiston Respublikasi Iqtisodiyot va sanoat vazirligi
TUZILMASI
Keyingi tahrirga qarang.
Boshqaruv xodimlarining umumiy cheklangan soni — 55 nafar.
Keyingi tahrirga qarang.
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
6a-ILOVA
Viloyatlar iqtisodiyot va sanoat bosh boshqarmalari
NAMUNAVIY TUZILMASI
Keyingi tahrirga qarang.
Boshqaruv xodimlarining umumiy cheklangan soni — 41 — 55 nafar.
(* hudud toifasidan kelib chiqqan xolda)
Keyingi tahrirga qarang.
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
7-ILOVA
Keyingi tahrirga qarang.
Qoraqalpogʻiston Respublikasi Iqtisodiyot va sanoat vazirligi, viloyatlar iqtisodiyot va sanoat bosh boshqarmalari xodimlarining umumiy
cheklangan soni
Oldingi tahrirga qarang.
Keyingi tahrirga qarang.

Toifalar boʻyicha hududlar nomi

Xodimlarning cheklangan soni
(birlikda)

I toifadagi hududlar

Qoraqalpogʻiston Respublikasi

55

Andijon viloyati

54

Qashqadaryo viloyati

54

Samarqand viloyati

55

Toshkent viloyati

55

Fargʻona viloyati

54

II toifadagi hududlar

Buxoro viloyati

47

Navoiy viloyati

47

Namangan viloyati

46

Surxondaryo viloyati

46

Xorazm viloyati

46

III toifadagi hududlar

Jizzax viloyati

41

Sirdaryo viloyati

41

(7-ilova Oʻzbekiston Respublikasi Prezidentining 2019-yil 4-martdagi PF-5679-sonli Farmoni tahririda)
Keyingi tahrirga qarang.
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
7a-ILOVA
Tumanlar va shaharlar iqtisodiyot va sanoat boʻlimlari xodimlarining umumiy
cheklangan soni

Lavozim

Cheklangan soni:

maʼmuriy markazlarda

viloyat boʻysunuvidagi shaharlarda

qishloq tumanlarida

Boʻlim boshligʻi

1

1

1

Bosh mutaxassis

2

1

0-1

Yetakchi mutaxassis

2

1

0-1

1-toifali mutaxassis

1

1

1

Jami

6

4

3-4

Keyingi tahrirga qarang.
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
8-ILOVA
Oʻzbekiston Respublikasi Iqtisodiyot va sanoat vazirligi markaziy apparati xodimlarining mehnatiga haq toʻlash
RAZRYADLARI

Lavozimi

YTS boʻyicha razryadlari

Vazir

19

Vazirning birinchi oʻrinbosari

18

Vazir oʻrinbosari

18

Departament boshligʻi, Agentlik direktorining birinchi oʻrinbosari

17

Departament boshligʻi oʻrinbosari, Agentlik direktori oʻrinbosari

17 (-3%)

Boshqarma boshligʻi

17 (-5%)

Boshqarma boshligʻi oʻrinbosari

16

Boʻlim boshligʻi

16

Boʻlim boshligʻi oʻrinbosari

15

Devonxona mudiri, xizmat boshligʻi, vazir yordamchisi

15

Bosh mutaxassis

13

Yetakchi mutaxassis

12

Keyingi tahrirga qarang.
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
8a-ILOVA
Qoraqalpogʻiston Respublikasi Iqtisodiyot va sanoat vazirligi, viloyatlar iqtisodiyot va sanoat bosh boshqarmalari xodimlarining mehnatiga haq toʻlash
RAZRYADLARI

YTS boʻyicha

Lavozim

I toifa

II toifa

III toifa

Qoraqalpogʻiston Respublikasi Iqtisodiyot va sanoat vaziri, Bosh boshqarma boshligʻi

16

15

14

Qoraqalpogʻiston Respublikasi Iqtisodiyot va sanoat vaziri oʻrinbosari, Bosh boshqarma boshligʻi oʻrinbosari

15

14

13

Boʻlim boshligʻi

14

13

12

Boʻlim boshligʻi oʻrinbosari

14 (-5%)

13 (-5%)

12 (-5%)

Bosh mutaxassis

13

12

11

Yetakchi mutaxassis

12

11

10

Keyingi tahrirga qarang.
Keyingi tahrirga qarang.
Oʻzbekiston Respublikasi Prezidentining 2019-yil 10-yanvardagi PQ-4105-son qaroriga
8b-ILOVA
Tumanlar va shaharlar iqtisodiyot va sanoat boʻlimlari xodimlarining mehnatiga haq toʻlash
RAZRYADLARI

Lavozim

YTS boʻyicha razryadlar:

maʼmuriy markazlarda

viloyat boʻysunuvidagi shaharlarda

qishloq tumanlarida

Boʻlim boshligʻi

14

13

12

Bosh mutaxassis

13

12

11

Yetakchi mutaxassis

12

11

10

1-toifali mutaxassis

11

10

9

Keyingi tahrirga qarang.

(Qonun hujjatlari maʼlumotlari milliy bazasi, 11.01.2019-y., 07/19/4105/2464-son, 15.05.2019-y., 06/19/5717/3132-son, 14.08.2019-y., 07/19/4417/3560-son, 06.09.2019-y., 06/19/5811/3691-son, 20.09.2019-y., 07/19/4461/3772-son, 14.12.2019-y., 06/19/5894/4161-son; 27.03.2020-y., 07/20/4653/0376-son; 16.04.2020-y., 07/20/4678/0440-son; 09.07.2020-y., 06/20/6021/1047-son; 28.09.2020-y., 06/20/6075/1330-son; 01.04.2022-y., 06/22/95/0267-son; Qonunchilik maʼlumotlari milliy bazasi, 01.03.2025-y., 06/25/27/0196-son; 22.04.2025-y., 07/25/147/0367-son)