Hududiy gaz taʼminoti boshqarmalari faoliyatiga amaliy rahbarlik qilishni va ularning moliyaviy barqarorligini taʼminlash maqsadida hamda Vazirlar Mahkamasining 1993-yil 22-iyuldagi 371-son qarori bilan tasdiqlangan hududiy kommunal-foydalanish birlashmasining namunaviy tuzilmasiga qisman oʻzgartirish kiritish yuzasidan Vazirlar Mahkamasi qapop qiladi:

1. Oʻzbekiston Respublikasi Kommunal xizmat koʻrsatish vazirligiga mavjud Gaz taʼminoti va gazlashtirish bosh boshqarmasi negizida tugallangan balansli, alohida hisob-kitob schyotiga va yuridik shaxs maqomiga ega boʻlgan Xoʻjalik hisobidagi gaz taʼminoti va gazlashtirish bosh boshqarmasi tashkil etishga ruxsat berilsin.

2. Belgilab qoʻyilsinki:

“Qoraqalpoqgaz” respublika boshqarmasi, viloyatlar va Toshkent shahar gaz xoʻjaligi boshqarmalari tugallanmagan balansli tashkilotlar hisoblanadi va bevosita Oʻzbekiston Respublikasi Kommunal xizmat koʻrsatish vazirligining Xoʻjalik hisobidagi gaz taʼminoti va gazlashtirish bosh boshqarmasiga va tegishli ravishda Qoraqalpogʻiston Respublikasi Kommunal xizmat koʻrsatish vazirligiga, hududiy kommunal-foydalanish birlashmalariga boʻysunadi;

Xoʻjalik hisobidagi gaz taʼminoti va gazlashtirish bosh boshqarmasi moliyaviy resurslarni qayta taqsimlash maqsadida ularning markazlashtirilishini taʼminlaydi, shuningdek soliqlar va boshqa toʻlovlar boʻyicha budjet bilan hisob-kitoblarni markazlashtirilgan tartibda amalga oshiradi.

3. Mazkur qarorning bajarilishini nazorat qilish Bosh vazirning oʻrinbosari R. R. Yunusov zimmasiga yuklansin