ushbu Nizomga 2-ilovaga muvofiq ishchi organning namunaviy tarkibiga asosan ishchi organ tarkibini tasdiqlaydi (keyingi oʻrinlarda ishchi organ deb ataladi);

Keyingi tahrirga qarang.

tanlov hujjatlarini tasdiqlaydi;

Operator bilan elektron tanlov oʻtkazish boʻyicha xizmat koʻrsatishga shartnoma tuzadi.

Keyingi tahrirga qarang.

8. Ishchi organ:

a) quyidagilarni oʻz ichiga oluvchi tanlov hujjatlarini tayyorlaydi:

hududlar roʻyxati (ikki va undan ortiq hudud mavjud boʻlganda);

ushbu Nizomga 3-ilovaga muvofiq shakl boʻyicha elektron tanlovga qoʻyilayotgan har bir hududning pasporti;

elektron tanlovlar gʻoliblarining chiqindi toʻplash shoxobchalarida va tutash hududda lozim darajadagi tozalikni taʼminlash, shuningdek, maishiy chiqindilarni mustaqil ravishda saralashni amalga oshirish, sanitariya jihatidan tozalash infratuzilmasini yaratish yoki yaxshilashni (chiqindi toʻplash shoxobchalarini taʼmirlash, rekonstruksiya qilish va qurish, konteynerlar bilan jihozlash) nazarda tutuvchi majburiyatlari.

b) hududlarni elektron tanlovga qoʻyish uchun buyurtmachi nomidan avtomatlashtirilgan axborot tizimi orqali operatorga elektron buyurtma yuboradi.

Ishchi organ qonun hujjatlariga muvofiq boshqa funksiyalarni ham bajaradi.

9. Buyurtmaga tanlov hujjatlari va elektron tanlovni oʻtkazish boʻyicha xizmatlar uchun pul toʻlanganligini tasdiqlovchi toʻlov hujjatining elektron (skaner qilingan) nusxasi ilova qilinadi.

Keyingi tahrirga qarang.

10. Elektron tanlov oʻtkazish boʻyicha xizmat koʻrsatish shartnomasiga bir vaqtning oʻzida bir nechta hududlar kiritilishi mumkin. Elektron tanlov bir nechta lot uchun oʻtkazilishi mumkin.

4-bob. Elektron tanlovni oʻtkazishni tashkil etish

11. Operator buyurtmachi bilan elektron tanlov oʻtkazish boʻyicha xizmat koʻrsatish toʻgʻrisida tuzilgan shartnomaga va ushbu Nizomga muvofiq elektron tanlovlarning tashkil etilishi va oʻtkazilishini taʼminlaydi.

12. Elektron tanlovni oʻtkazish boʻyicha xizmatlar uchun operator har bir lot boʻyicha eng kam oylik ish haqining ikki baravari miqdorida pul mukofoti oladi.

Keyingi tahrirga qarang.

13. Agar buyurtmaga ushbu Nizomning 9-bandida nazarda tutilgan barcha hujjatlar ilova qilinmagan yoxud ular zarur tarzda rasmiylashtirilmagan hollarda operator elektron buyurtmani olgan kundan keyingi ish kunidan kechikmay elektron xat bilan buyurtmachiga uning buyurtmasini qaytaradi. Bunda, bartaraf etilishi lozim boʻlgan kamchiliklar xatda koʻrsatiladi.

14. Buyurtmachi bir hafta muddatda operator tomonidan koʻrsatilgan barcha kamchiliklarni tuzatadi va elektron buyurtmani ushbu Nizomning 8 va 9-bandlari talablariga muvofiq qaytadan yuboradi.

15. Operator belgilangan talablarga javob beradigan buyurtma va unga ilova qilingan hujjatlarni olgan sanadan keyingi ish kunidan kechiktirmay elektron tanlovni oʻtkazish haqidagi bildirishnomani oʻzining veb-portaliga joylashtiradi.

Bir vaqtning oʻzida elektron tanlov oʻtkazilishi haqidagi maʼlumot buyurtmachining veb-saytiga joylashtiriladi.

16. Elektron tanlov oʻtkazish haqidagi bildirishnoma uni oʻtkazish kuniga kamida 30 kalendar kun qolganda operatorning veb-portaliga joylashtirilishi va veb-portalda elektron tanlov boshlangunga qadar turishi lozim.

Elektron tanlov yakunlanganidan keyin veb-portalda elektron tanlov yakunlanganligi va uning natijalari haqidagi maʼlumot avtomatik tarzda yangilanadi.

17. Bildirishnomada quyidagi maʼlumotlar boʻlishi zarur:

elektron tanlov oʻtkaziladigan sana va vaqt;

lot raqami va nomlanishi;

elektron tanlovda ishtirok etishga buyurtmanomalarni qabul qilishning oxirgi sanasi va vaqti;

ushbu Nizomning 4 va 5-bandlarida ariza beruvchilar uchun koʻrsatilgan majburiy talablar va cheklovlar;

ushbu Nizomga 3-ilovaga muvofiq elektron tanlovga qoʻyilayotgan hududning pasporti;

tanlov hujjatlariga muvofiq elektron tanlov gʻoliblarining majburiyatlari;

elektron tanlovda ishtirok etish uchun ushbu Nizomga 4-ilovaga muvofiq buyurtmanoma shakli;

ushbu Nizomga 5-ilovaga muvofiq tanlov taklifi shakli;

ariza beruvchilar tomonidan ushbu Nizomning 20-bandi talablariga muvofiq ilova qilinishi kerak boʻlgan hujjatlar roʻyxati;

elektron tanlovda ishtirok etish uchun zakalat pulining miqdori, zakalat puli oʻtkazilishi lozim boʻlgan operatorning bank rekvizitlari;

buyurtmachining nomi, manzili va telefon (faks) raqami.

18. Operatorning veb-portalida barcha xohlovchilarga bildirishnoma bilan erkin tanishish imkoniyati taʼminlanishi lozim. Shuningdek, operatorning veb-portalida, buyurtmachining veb-saytlarida elektron tanlov oʻtkazish qoidalari bilan tanishish imkoniyati yaratiladi.

Operator ommaviy axborot vositalari orqali, shuningdek, boshqa usullarda tadbirkorlik subyektlarini elektron tanlovda ishtirok etish tartibi haqida muntazam tanishtirib boradi.

5-bob. Elektron tanlovda ishtirok etish shartlari

19. Elektron tanlovda ishtirok etishga buyurtmanomalarni qabul qilish bildirishnoma joylashtirilgan kundan boshlab operatorning veb-portalida avtomatik tarzda amalga oshiriladi va elektron tanlovni oʻtkazish sanasidan ikki ish kuni oldin soat 13.00 da yakunlanadi.

Buyurtmanomalarni qabul qilish uchun belgilangan muddat oʻtgandan keyin tushgan buyurtmanomalar qabul qilinmaydi.

20. Elektron tanlovda ishtirok etish uchun buyurtmanoma elektron koʻrinishda, tanlov taklifini toʻldirgan holda beriladi.

Buyurtmanoma va tanlov taklifi elektron raqamli imzo bilan imzolanadi.

Buyurtmanomaga quyidagi hujjatlarning elektron (skaner qilingan) nusxalari ilova qilinadi:

yuklarni tashish faoliyatini amalga oshirish huquqi uchun amaldagi litsenziya va buyurtmanomada koʻrsatilgan har bir transport vositasiga litsenziya kartochkasi (Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlari bilan tashkil etilgan davlat unitar korxonalari va muassasalari bundan mustasno);

tanlov taklifida koʻrsatilgan har bir transport vositasiga transport vositasining roʻyxatdan oʻtkazilganligi toʻgʻrisidagi guvohnoma (texnik pasport, texnik talon) nusxasi;

Keyingi tahrirga qarang.

abonentlar hisobini yuritish boʻyicha avtomatlashtirilgan tizimining dasturiy taʼminotini joriy qilish va unga xizmat koʻrsatishga shartnoma nusxasi;

chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ni joriy qilish va unga xizmat koʻrsatishga shartnoma nusxasi;

ishlab chiqarish bazasi (avtopark, garaj)ning ijara shartnomasi nusxasi (agar xususiy ishlab chiqarish bazasi mavjud boʻlmasa);

qonun hujjatlari bilan belgilangan tartibda tasdiqlangan maishiy chiqindilarni toʻplash va olib chiqish boʻyicha xizmatlar uchun toʻlovlar tariflari (agar mavjud boʻlsa).

Zakalat puli ariza beruvchi tomonidan maʼlum bir (tanlangan) lot boʻyicha buyurtma berayotganida uning shaxsiy hisobvaragʻidan yechib olinadi.

Agar ariza beruvchining shaxsiy hisobvaragʻidagi mavjud pul mablagʻlari zakalat pulini toʻlashga yetarli boʻlmasa, elektron tanlovda ishtirok etish uchun buyurtma qabul qilinmaydi.

21. Elektron tanlovda ishtirok etish uchun zakalat puli eng kam oylik ish haqining ikki baravari miqdorida belgilanadi.

Keyingi tahrirga qarang.

22. Ariza beruvchi buyurtmanomani qabul qilishning oxirgi muddatidan kechiktirmasdan ushbu Nizomga 6-ilovaga muvofiq shakldagi va elektron raqamli imzo bilan imzolangan bildirishnomani operatorga yuborish orqali elektron tanlovda ishtirok etishga buyurtmanomani oʻzgartirish yoki chaqirib olishga haqli.

Elektron tanlovda ishtirok etishga buyurtmanoma chaqirib olingan hollarda operator toʻlangan zakalat pulini buyurtmanoma chaqirib olingan kundan boshlab uch ish kunidan kechiktirmay ishtirokchiga qaytaradi. Zakalat puli ariza beruvchining elektron tanlovda ishtirok etishga bergan buyurtmanomada koʻrsatilgan bank hisob raqamiga qaytariladi.

Ariza beruvchiga qaytarilgan zakalat puli u tomonidan bank hisobvaragʻi rekvizitlari notoʻgʻri koʻrsatilganligi sababli yoki boshqa sabablarga koʻra operatorning bank hisobvaragʻiga qayta tushgan taqdirda, operator bank rekvizitlari toʻgʻrisidagi aniq maʼlumotlar soʻrovnomasini yuborib, ariza beruvchini bu haqda xabardor qiladi. Ushbu holatda zakalat puli ariza beruvchi murojaat qilgan kundan boshlab keyingi ish kunidan kechiktirmay qaytariladi.

23. Ishtirok etish uchun ariza qabul qilingandan keyin u quyidagi talablarga rioya etilganligi yuzasidan tekshiriladi:

buyurtmanoma va tanlov taklifi belgilangan talablarga muvofiq toʻldirilganligi, shuningdek elektron raqamli imzoning ariza bergan shaxsga tegishliligi va asli ekanligi (shu jumladan, amal qilishi toʻxtatilishi, bekor qilinishi);

bildirishnomada koʻrsatilgan buyurtmanoma berish muddati tugaguniga qadar buyurtmanoma berish.

Buyurtmanoma dastur yordamida avtomatik tarzda tekshiriladi, tekshiruv natijasi va qabul qilingan qaror haqida ariza beruvchiga zudlik bilan xabar qilinadi.

24. Buyurtmanoma ushbu Nizomning 23-bandi ikkinchi va uchinchi xatboshilarida nazarda tutilgan talablarga muvofiq boʻlgan taqdirda, bir vaqtning oʻzida ariza beruvchi elektron tanlov ishtirokchisi maqomini olganligi haqida xabardor qilingan holda, u elektron tanlovda ishtirok etishga qoʻyiladi.

Elektron tanlov ishtirokchilariga ular elektron tanlovda ishtirok etishda foydalanish uchun shaxsiy tartib raqamlari beriladi.

25. Buyurtmanoma ushbu Nizomning 23-bandi ikkinchi va uchinchi xatboshilarida nazarda tutilgan talablarga muvofiq boʻlmagan taqdirda, elektron tanlovda ishtirok etishga buyurtmanoma zudlik bilan rad etiladi va bir vaqtning oʻzida bu haqda ariza beruvchiga aniq sabablarni koʻrsatgan holda bildirishnoma yuboriladi.

Bunda, ariza beruvchi bildirishnomada koʻrsatilgan arizani qabul qilish vaqti yakunlanguniga qadar elektron tanlovda ishtirok etishga buyurtmanomani undagi kamchiliklarni bartaraf qilgan holda takroran yuborishga haqli.

26. Operator buyurtmanomalarning saqlanishini, shuningdek, ular sir tutilishini taʼminlaydi.

Buyurtmanomalarni qabul qilish davrida, shuningdek, elektron tanlovni oʻtkazish davomida operatorning veb-portalida tanlov ishtirokchilari haqidagi maʼlumotlarni (yuridik shaxsning nomi va pochta manzili, soliq toʻlovchining identifikatsiya raqami, ishtirokchini aniqlash imkonini beradigan boshqa maʼlumotlarni) aks ettirishga yoʻl qoʻyilmaydi.

6-bob. Elektron tanlovni oʻtkazish tartibi

27. Elektron tanlov operatorning veb-portalida bildirishnomada koʻrsatilgan kun va vaqtda boshlanadi.

28. Tanlov takliflarini baholash va elektron tanlov gʻolibini aniqlash ushbu Nizomga 7-ilovaga muvofiq tanlov takliflarini baholash shakli boʻyicha balli tizimdan foydalangan holda dastur yordamida avtomatik tarzda amalga oshiriladi.

Tanlov takliflarini baholash yakuni boʻyicha eng yuqori ball toʻplagan ishtirokchi elektron tanlov gʻolibi deb eʼtirof etiladi.

Ikki va undan ortiq tanlov ishtirokchilari teng ball toʻplagan taqdirda buyurtmanomani oldinroq roʻyxatdan oʻtkazgan ishtirokchi gʻolib deb eʼtirof etiladi.

29. Elektron tanlov unda ishtirok etishga qoʻyilgan ikki yoki undan ortiq ishtirokchi mavjud boʻlgan taqdirda oʻtkaziladi.

30. Yagona elektron savdo maydonchasining ishlashida elektron tanlovni oʻtkazishga toʻsqinlik qiladigan texnik uzilish sodir boʻlgan hollarda, elektron tanlovni oʻtkazish sanasi va vaqti haqida elektron tanlov ishtirokchilarini majburiy xabardor qilgan holda elektron tanlov texnik uzilish bartaraf qilingan kundan keyingi kunda davom ettiriladi.

31. Elektron tanlov yakunlanganda operatorning veb-portalida avtomatik tarzda elektron tanlov gʻolibining nomi aks ettiriladi.

32. Elektron tanlov quyidagi hollarda oʻtkazilmagan deb eʼtirof etiladi:

bironta ariza beruvchi elektron tanlovda ishtirok etish uchun qoʻyilmagan boʻlsa, shu jumladan, unda ishtirok etish uchun bironta buyurtmanoma tushmagan boʻlsa;

elektron tanlovda ishtirok etish uchun faqat bitta ishtirokchi qoʻyilgan va u ushbu Nizomning 37-bandi uchinchi xatboshida nazarda tutilgan tartibda shartnoma tuzishni rad etsa;

ushbu Nizomning 38-bandida nazarda tutilgan tartibda hududda jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlar koʻrsatishga buyurtmachi bilan shartnoma tuzish taklif etilgan elektron tanlov gʻolibi va tanlovning ikkinchi ishtirokchisi ushbu taklifni rad etsa.

33. Elektron tanlov oʻtkazilmagan deb eʼtirof etilganda bu haqdagi maʼlumot oʻtkazilmagan deb eʼtirof etishning sabablari koʻrsatilgan holda operatorning veb-portalida aks ettiriladi.

Bir vaqtning oʻzida elektron tanlov oʻtkazilmagan deb eʼtirof etilganligi toʻgʻrisida buyurtmachiga maʼlumot yuboriladi.

34. Agar elektron tanlovda ishtirok etish uchun faqat bitta ishtirokchi qoʻyilgan boʻlsa, u elektron tanlov gʻolibi deb eʼtirof etiladi va ushbu Nizomning 35 va 36-bandlarida nazarda tutilgan tartibda elektron tanlov natijalari toʻgʻrisidagi bayonnoma rasmiylashtiriladi.

7-bob. Hisob-kitob qilish va elektron tanlov natijalari toʻgʻrisidagi bayonnomani rasmiylashtirish tartibi

35. Operator keyingi ish kunidan kechiktirmay:

elektron tanlovda ishtirok etish uchun elektron tanlov gʻolibi tomonidan toʻlangan zakalat pulini buyurtmachining buyurtmada koʻrsatilgan bank hisob raqamiga oʻtkazadi;

maxsus blankada elektron tanlov natijalari haqidagi bayonnomani (keyingi oʻrinlarda bayonnoma deb ataladi) rasmiylashtiradi, uni asosiy muhr bilan tasdiqlaydi va elektron nusxasini (skaner qilingan) elektron tanlov natijalari haqida xabardor qilgan holda belgilangan tartibda elektron tanlov gʻolibi hamda buyurtmachiga yuboradi.

Bayonnomaning asl nusxasi elektron tanlov gʻolibi (yoki uning ishonchnoma boʻyicha vakili)ga imzo qoʻydirilgan holda topshiriladi (yoki elektron tanlov gʻolibining roziligiga koʻra pochta joʻnatmasi bilan yuboriladi).

36. Elektron tanlov natijalari haqidagi bayonnomada:

elektron tanlov oʻtkazilgan sana;

elektron tanlov gʻolibi va elektron tanlovning boshqa ishtirokchilari;

hudud va u haqidagi maʼlumotlar tavsifi;

jismoniy va yuridik shaxslarga maishiy chiqindilarni toʻplash va olib chiqish xizmatlarini koʻrsatishga shartnoma tuzish hamda buyurtmachi tomonidan hududni elektron tanlov gʻolibiga biriktirish haqida qaror qabul qilish muddati toʻgʻrisidagi maʼlumotlar koʻrsatiladi.

Keyingi tahrirga qarang.

37. Elektron tanlov gʻolibi bayonnoma rasmiylashtirilgan kundan boshlab besh ish kuni mobaynida bayonnomani taqdim etgan holda jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlarni koʻrsatishga shartnoma tuzish hamda unga hududni biriktirish toʻgʻrisidagi tegishli qarorni rasmiylashtirish uchun buyurtmachiga murojaat qiladi.

Buyurtmachi hududni elektron tanlov gʻolibiga biriktirish toʻgʻrisidagi qabul qilingan qarorning elektron (skaner qilingan) nusxasini qaror qabul qilinganidan soʻng keyingi ish kunidan kechiktirmay operatorga yuborishi shart.

Agar elektron tanlov gʻolibi bayonnoma rasmiylashtirilgan kundan boshlab besh ish kuni mobaynida buyurtmachini jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlarni koʻrsatishga shartnoma tuzishni hamda hududni biriktirish toʻgʻrisidagi tegishli qarorni rasmiylashtirishni rad etish toʻgʻrisida xabardor qilsa (yozma) yoki murojaat qilmasa, u rad etgan deb hisoblanadi va buyurtmachi keyingi ish kunidan kechiktirmay bu haqida operatorga elektron tizim yordamida maʼlum qiladi.

38. Operator, oʻz navbatida, elektron tanlov gʻolibining shartnoma tuzishni rad etganligi toʻgʻrisidagi maʼlumotni olganidan soʻng keyingi ish kunidan kechiktirmay jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlarni koʻrsatishga buyurtmachi bilan shartnoma tuzish toʻgʻrisidagi taklif bilan tanlov ishtirokchilari orasida tanlov gʻolibidan keyin yuqori ball toʻplagan navbatdagi ishtirokchiga (agar ballar teng boʻlsa — arizani oldinroq berganga) (keyingi oʻrinlarda tanlovning ikkinchi ishtirokchisi deb yuritiladi) elektron xat yuboradi.

Bunda, agar tanlovning ikkinchi ishtirokchisi besh ish kuni mobaynida ushbu Nizomga 8-ilovaga muvofiq shakldagi va elektron raqamli imzo bilan imzolangan bildirishnomani operatorga yuborish orqali taklifni qabul qilganligini tasdiqlasa, u elektron tanlov gʻolibi deb eʼtirof etiladi va unga ushbu Nizomning 35 va 36-bandlarida nazarda tutilgan tartibda elektron tanlov natijalari toʻgʻrisidagi bayonnoma rasmiylashtiriladi.

Tanlovning ikkinchi ishtirokchisi bayonnoma rasmiylashtirilgan kundan boshlab besh ish kuni mobaynida bayonnomaning asl nusxasini taqdim etgan holda jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlarni koʻrsatishga shartnoma tuzish hamda unga hududni biriktirish toʻgʻrisidagi qarorni rasmiylashtirish uchun buyurtmachiga murojaat qiladi.

39. Buyurtmachi hududni elektron tanlov gʻolibiga biriktirish toʻgʻrisida qabul qilingan qarorning elektron (skaner qilingan) nusxasini qaror qabul qilinganidan soʻng keyingi ish kunidan kechiktirmay operatorga yuborishi shart.

Agar tanlovning ikkinchi ishtirokchisi taklif yuborilgan kundan boshlab besh ish kuni mobaynida buyurtmachini jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlar koʻrsatishga shartnoma tuzishni hamda hududni biriktirish toʻgʻrisidagi tegishli qarorni rasmiylashtirishni rad etish toʻgʻrisida xabardor qilsa (yozma) yoki murojaat qilmasa, u rad etgan deb hisoblanadi va buyurtmachi keyingi ish kunidan kechiktirmay bu haqida operatorga elektron tizim yordamida maʼlum qiladi. Bunda elektron tanlov oʻtkazilmagan deb eʼtirof etiladi.

8-bob. Zakalat pulini qaytarish tartibi va shartlari

40. Ushbu Nizomning 35 va 36-bandlarida nazarda tutilgan tartibda elektron tanlov natijalari toʻgʻrisida bayonnoma rasmiylashtirilgan tanlov ishtirokchilariga zakalat pullari qaytarilmaydi va mablagʻlarni elektron tanlovlarni oʻtkazish ishlarini tashkil etishga yoʻnaltirish uchun buyurtmachining bank hisob raqamiga oʻtkaziladi.

41. Elektron tanlov yakunlanganidan yoki oʻtkazilmagan deb eʼtirof etilganidan soʻng zakalat puli quyidagi tarzda qaytariladi, ushbu Nizomning 40-bandida nazarda tutilgan hollar bundan mustasno:

a) tanlovning ikkinchi ishtirokchisining hisobvaragʻiga:

ushbu Nizomning 37-bandi ikkinchi xatboshida nazarda tutilgan holatda buyurtmachining hududni elektron tanlov gʻolibiga biriktirish toʻgʻrisidagi qarorining elektron (skaner qilingan) nusxasi olingan kundan boshlab keyingi ish kunidan kechiktirmay;

Keyingi tahrirga qarang.

ushbu Nizomning 39-bandi ikkinchi xatboshida nazarda tutilgan holatda — tanlovning ikkinchi ishtirokchisi rad etgan deb eʼtirof etilgandan soʻng keyingi ish kunidan kechiktirmay;

b) boshqa ishtirokchilarning hisobvaragʻlariga elektron tanlov yakunlangan yoki uni oʻtkazilmagan deb eʼtirof etilgan kunda.

42. Ishtirokchining shaxsiy hisobvaragʻidagi pul mablagʻlari uning elektron tanlovda yoki boshqa savdolarda ishtirok etish istagi yoʻqligi va pul mablagʻlarini qaytarish toʻgʻrisidagi arizasiga asosan uning bank hisobvaragʻiga qaytariladi.

9-bob. Hududlarni biriktirish tartibi

Keyingi tahrirga qarang.

43. Buyurtmachi elektron tanlov gʻolibi murojaat qilganidan soʻng uch ish kuni mobaynida va bayonnomaga asosan u bilan ushbu Nizomga 9-ilovaga muvofiq shakl boʻyicha jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlar koʻrsatishga shartnoma tuzadi hamda shartnoma imzolangan kundan boshlab uch kun muddatda hududni elektron tanlov gʻolibiga 5 yilga biriktirish toʻgʻrisida qaror qabul qiladi.

44. Agar elektron tanlov ushbu Nizomning 32-bandida nazarda tutilgan hollarga asosan oʻtkazilmagan deb eʼtirof etilgan taqdirda, buyurtmachi hududni elektron tanlov oʻtkazmasdan tegishli ravishda Qoraqalpogʻiston Respublikasi va viloyatlar “Toza hudud” yoki Toshkent shahar “Maxsustrans” davlat unitar korxonalariga biriktirish toʻgʻrisida qaror qabul qilishga haqli.

45. Elektron tanlov gʻoliblari buyurtmachi tomonidan ularga hududni biriktirish toʻgʻrisidagi qaror qabul qilingan kundan boshlab besh ish kuni mobaynida qonun hujjatlarida belgilangan tartibda maishiy chiqindilarni toʻplash va olib chiqish boʻyicha xizmatlar koʻrsatishga kirishadilar.

Bunda, ariza beruvchining tanlov taklifida koʻrsatilgan maishiy chiqindilarni toʻplash va olib chiqish boʻyicha xizmatlar uchun toʻlov tariflarining miqdori qonun hujjatlarida belgilangan tartibda tasdiqlanishi shart.

10-bob. Maishiy chiqindilarni toʻplash va olib chiqish boʻyicha xizmatlar koʻrsatilishi ustidan davlat va jamoatchilik nazorati

46. Oʻzbekiston Respublikasi Ekologiya va atrof-muhitni muhofaza qilish davlat qoʻmitasining Chiqindilarning hosil boʻlishi, toʻplanishi, saqlanishi, tashilishi, utilizatsiya qilinishi, qayta ishlanishi, koʻmilishi va realizatsiyasini nazorat qilish inspeksiyasi va uning Qoraqalpogʻiston Respublikasi Ekologiya va atrof-muhitni muhofaza qilish qoʻmitasi, viloyatlar va Toshkent shahar ekologiya va atrof-muhitni muhofaza qilish boshqarmalari apparatlaridagi hududiy inspeksiyalari, shuningdek shaharlar va tumanlarga biriktirilgan davlat inspektorlari maishiy chiqindilarni toʻplash va olib chiqish boʻyicha faoliyatning amalga oshirilishi ustidan doimiy tarzda davlat nazoratini amalga oshiradilar.

Keyingi tahrirga qarang.

47. Fuqarolarning oʻzini oʻzi boshqarish organlari, nodavlat notijorat tashkilotlari va Oʻzbekiston Respublikasi fuqarolari qattiq maishiy chiqindilarni olib chiqish jadvalining bajarilishi, maxsus avtotransport vositasining belgilangan hududga oʻz vaqtida yetib kelishi va maishiy chiqindilarning olib ketilishi ustidan jamoatchilik nazoratini amalga oshiradilar.

Keyingi tahrirga qarang.

11-bob. Yakunlovchi qoida

48. Ushbu Nizom talablari buzilishida aybdor boʻlgan shaxslar belgilangan tartibda javob beradilar.

Maishiy chiqindilarni toʻplash va olib chiqish boʻyicha xizmatlar koʻrsatishni tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizomga
1-ILOVA

Elektron tanlovlarni tashkil etish va oʻtkazish, shuningdek, hududlarni biriktirish

sxemasi

Keyingi tahrirga qarang.

Bosqichlar	Subyektlar	Tadbirlar	Bajarish muddatlari
1-bosqich	Mahalliy davlat hokimiyati organlari (keyingi oʻrinlarda buyurtmachi deb ataladi)	1. Tanlov hujjatlarini tayyorlash. 2. Tanlov hujjatlarini tasdiqlash. 3. “Elektron onlayn-auksionlarni tashkil etish markazi” DUK (keyingi oʻrinlarda operator deb ataladi) bilan elektron tanlovlarni oʻtkazish boʻyicha xizmat koʻrsatishga shartnoma tuzish. 4. Elektron tanlovlarni oʻtkazish uchun toʻlovni oʻtkazish. 5. Hududlarni elektron tanlovga qoʻyish uchun operatorga elektron buyurtma berish. 6. Elektron tanlov oʻtkazilishi haqida veb-saytga maʼlumot joylashtirish.	1. Zaruratga koʻra yoki hududni biriktirish muddatining yakunlanishidan 2 oy oldin. 2-3. Elektron tanlovni eʼlon qilish sanasiga qadar. 4. Elektron buyurtma berish sanasiga qadar. 5. Elektron tanlovni eʼlon qilish sanasiga qadar. 6. Bildirishnoma operatorning veb-portaliga joylashtirilgan kunda.
1-bosqich

2-bosqich	“Elektron onlayn-auksionlarni tashkil etish markazi” DUK	1. Elektron tanlov oʻtkazilishi haqida veb-portalga bildirishnoma joylashtirish. 2. Ariza beruvchilardan elektron buyurtmanomalarni qabul qilish.	1. Buyurtmachining elektron buyurtmasi qabul qilib olingan kundan soʻng 1 ish kuni mobaynida va elektron tanlov oʻtkazish kunidan kamida 30 kalendar kun oldin. 2. Bildirishnoma joylashtirilgan kundan boshlab elektron tanlovni oʻtkazish sanasidan ikki kun oldin (soat 13.00 da) yakunlanadi.
2-bosqich	“Elektron onlayn-auksionlarni tashkil etish markazi” DUK

3-bosqich	Ariza beruvchi	1. Veb-portalda roʻyxatdan oʻtish. 2. Shaxsiy hisobvaraqni zakalat pulini oʻtkazishga talab etiladigan miqdordagi pul mablagʻlari bilan toʻldirish. 3. Ariza berish.	1-2. Elektron tanlovda ishtirok etish uchun ariza berish sanasiga qadar. 3. Bildirishnoma joylashtirilgan kundan boshlab va elektron tanlovni oʻtkazish sanasidan ikki kun oldin (soat 13.00 da) yakunlanadi.
3-bosqich	Ariza beruvchi

4-bosqich	“Elektron onlayn-auksionlarni tashkil etish markazi” DUK	1. Dastur yordamida avtomatik tarzda bildirishnomalarni tekshirish. 2. Ariza beruvchini tekshirish va qabul qilingan qaror toʻgʻrisida xabardor qilish. 3. Ariza beruvchilarning tanlov takliflarini baholash va elektron tanlov gʻolibini aniqlash. 4. Elektron tanlov natijalari toʻgʻrisidagi bayonnomani rasmiylashtirish, elektron tanlov gʻolibi va buyurtmachiga topshirish (yuborish). 5. Elektron tanlov gʻolibi tomonidan toʻlangan zakalat pulini buyurtmachining bank hisobvaragʻiga oʻtkazish.	1-2. Elektron tanlovda ishtirok etish uchun ariza qabul qilingan kunda, zudlik bilan. 3. Elektron tanlovni oʻtkazish uchun belgilangan kun va vaqtda. 4-5. Elektron tanlov yakunlanganidan soʻng keyingi ish kunidan kechiktirmay.
4-bosqich	“Elektron onlayn-auksionlarni tashkil etish markazi” DUK

5-bosqich	Elektron tanlov gʻolibi	Bayonnomani taqdim etgan holda jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlarni koʻrsatishga shartnoma tuzish hamda unga hududni biriktirish toʻgʻrisidagi tegishli qarorni rasmiylashtirish uchun buyurtmachiga murojaat qilish.	Bayonnoma rasmiylashtirilgan kundan boshlab 5 ish kuni mobaynida.
5-bosqich	Elektron tanlov gʻolibi

6-bosqich	Mahalliy davlat hokimiyati organi	1. Tanlov gʻolibi bilan jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlarni koʻrsatishga shartnoma tuzish; 2. Hududni elektron tanlov gʻolibiga biriktirish toʻgʻrisidagi tegishli qarorni qabul qilish.	1. Elektron tanlov gʻolibi murojaat qilgan kundan boshlab 3 ish kuni mobaynida. 2. Shartnoma tuzilgan kundan boshlab 3 ish kuni mobaynida.
6-bosqich	Mahalliy davlat hokimiyati organi

Keyingi tahrirga qarang.

Maishiy chiqindilarni toʻplash va olib chiqish boʻyicha xizmatlar koʻrsatishni tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizomga
2-ILOVA

Ishchi organning

namunaviy TARKIBI

lavozimi boʻyicha	—	tuman (shahar) hokimining sanoatni rivojlantirish, kapital qurilish, kommunikatsiyalar va kommunal xoʻjalik masalalari boʻyicha oʻrinbosari — ishchi organ raisi
lavozimi boʻyicha	—	tuman (shahar) ekologiya va atrof-muhitni muhofaza qilish davlat inspektori — ishchi organ raisi oʻrinbosari
lavozimi boʻyicha	—	tuman (shahar) moliya boʻlimi boshligʻi
lavozimi boʻyicha	—	tuman (shahar) sanitariya-epidemiologiya markazining bosh vrachi
lavozimi boʻyicha	—	tuman (shahar) uy-joy kommunal xizmat koʻrsatish boʻlimi boshligʻi
lavozimi boʻyicha	—	tuman (shahar) tadbirkorlikka koʻmaklashish markazi boshligʻi
lavozimi boʻyicha	—	tuman (shahar) hokimligining sanoatni rivojlantirish, kapital qurilish, kommunikatsiyalar va kommunal xoʻjalik masalalari boʻyicha masʼul xodim — ishchi organ kotibi

Izoh: ishchi organ aʼzolari boshqa ishga oʻtgan taqdirda uning tarkibiga ushbu lavozimlarga yangidan tayinlangan yoxud zimmasiga tegishli vazifalarni bajarish yuklangan shaxslar kiritiladi.

Maishiy chiqindilarni toʻplash va olib chiqish boʻyicha xizmatlar koʻrsatishni tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizomga
3-ILOVA

Keyingi tahrirga qarang.

I. Elektron tanlovga qoʻyilayotgan hudud pasporti

1. ________________________________________________________________________________________ viloyati
2. ______________________________________________________________________ tumani (qishloq va boshqalar)
3. Aholi soni — ____ ming kishi
shu jumladan:
— koʻp kvartirali uylarda — _________________ ming kishi
— yakka tartibdagi turar joy sektorida — _________________ ming kishi
4. Yuridik shaxslar soni: — _________________ ta
shundan:
— budjet tashkilotlari — _________________ ta
shu jumladan:
— maktabgacha taʼlim muassasalari (tarbiyalanuvchilar soni) — _______ta (______kishi)
— maktablar, kollejlar, oliy taʼlim muassasalari va boshqa oʻquv muassasalari — _______ta (______kishi)
— shifoxonalar, sanatoriylar, pansionatlar, boshqa davolash-profilaktika muassasalari va h.k. — ________ta (______yotoq oʻrni)
5. Qattiq maishiy chiqindilar (QMCH)ning sutkalik toʻplanish hajmi*_________________ kg, _________________ m³
6. Bir kunda hududga toʻliq xizmat koʻrsatishni taʼminlab berish uchun talab etiladigan chiqindi tashish mashinalarining yuk tashish quvvati **______________ m³

7. Hududni elektron tanlov gʻolibiga biriktirish muddati _________________ yil
8. Bazaviy tarif***:
— jismoniy shaxslarga QMCH toʻplash va olib chiqish xizmati koʻrsatishga ______ soʻm (bir oyda bir kishi uchun)
— yuridik shaxslarga xizmat koʻrsatishda ______ soʻm (1 m³QMCH olib chiqish uchun)

9. Elektron tanlovga qoʻyilayotgan hududga kiruvchi fuqarolar yigʻini, koʻchalar, mavzelar va uylar roʻyxati:

T/r

Nomi

Koʻp kvartirali va yakka tartibdagi turar uylar

Fuqarolar yigʻini__________________
_________________________________Koʻcha_____________________________
Mavze____________________________
….
….

a) koʻp kvartirali uylar:
— raqamlari — №___, №___, №___, …;
— aholi soni — ______ ming kishi;
b) chiqindi toʻplash shoxobchalari soni ____ ta
shu jumladan:
naʼmunaviy (qoʻriqlanadigan) ____ ta;
modulli (qoʻriqlanmaydigan) ____ ta;
v) konteynerlar soni ____ ta;
g) “signal” usulida xizmat koʻrsatiladigan yakka tartibdagi uylar:
— raqamlari — №___, №___, №___, …;
— aholi soni — ______ ming kishi.

…

10. Quyidagilar:
a) chiqindi toʻplash shoxobchalari boʻyicha:
— ____ ta chiqindi toʻplash shoxobchalarini taʼmirlash;
— ____ ta chiqindi toʻplash shoxobchalarini rekonstruksiya qilish;
— ____ ta chiqindi toʻplash shoxobchalarini qurish;
b) chiqindi toʻplash shoxobchalarini ____ ta konteynerlar bilan jihozlash talab etiladi.

II. Tanlov takliflarini baholash mezonlari

T/r

Mezonlar nomi

Ishlab chiqarish bazasining mavjudligi (avtopark, garaj)

Xizmat koʻrsatiladigan aholi sonidan kelib chiqqan holda chiqindi tashish mashinalarining yuk tashish quvvati

Chiqindi tashish mashinalarining ishlab chiqarilgan yiliga qarab ulardan necha yil foydalanilganligi

Abonentlar hisobini yuritish boʻyicha avtomatlashtirilgan tizimining mavjudligi

Chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ning mavjudligi

Jismoniy shaxslarga QMCH toʻplash va olib chiqish boʻyicha xizmatlar koʻrsatishga bazaviy tarifdan past tarif taklifi

Yuridik shaxslarga QMCH toʻplash va olib chiqish boʻyicha xizmatlar koʻrsatishga bazaviy tarifdan past tarif taklifi

Izoh:

* QMCHning sutkalik toʻplanish hajmi quyidagi formula yordamida hisoblanadi:

massa boʻyicha (M_sum, kg):

M_sum = N x N_m, bunda:

N — aholining umumiy soni, kishi;

N_m — yuridik shaxslardan hosil boʻladigan QMCHni hisobga olgan holda bir kishi uchun qabul qilingan oʻrtacha QMCHning toʻplanish meʼyori (N_m=1,17 kg/sutka);

hajm boʻyicha (V_sum, m³):

V_sum = M_sum / G, bunda:

G — QMCHning qabul qilingan oʻrtacha solishtirma ogʻirligi (G=445 kg/m³).

** Bir kunda hududga toʻliq xizmat koʻrsatishni taʼminlab berish uchun talab etiladigan chiqindi tashish mashinalarining yuk tashish quvvati quyidagi formula yordamida hisoblanadi (R_mex, m³):

R_mex=V_sum / K_isn/ 2, bunda:

V_sum — QMCHning sutkalik toʻplanish hajmi;

K_foy — parkdan foydalanish koeffitsiyenti (K_foy=0,75);

2 — chiqindi tashish mashinalarining bir kunlik oʻrtacha qatnov soni.

*** bazaviy tarif — chiqindilar bilan bogʻliq ishlarni amalga oshirish sohasida xizmat koʻrsatishga ixtisoslashgan davlat unitar korxonalari uchun mahalliy ijro etuvchi hokimiyat organlari tomonidan maishiy chiqindilarni toʻplash va olib chiqish boʻyicha tasdiqlangan xizmatlar narxi.

Maishiy chiqindilarni toʻplash va olib chiqish boʻyicha xizmatlar koʻrsatishni tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizomga
4-ILOVA

Elektron tanlovda ishtirok etish uchun BUYURTMANOMA 1. ______________________________________________________________________________________________ (yuridik shaxsning toʻliq nomi)
STIR __________________________________ Davlat roʻyxatidan oʻtkazish raqami: ___________________________________________________________________ Joylashgan joyi (pochta manzili): ____________________________________________________________________ Elektron pochta manzili: ___________________________________________________________________________ Telefon va faks raqami (agar mavjud boʻlsa): __________________________________________________________,
		(mamlakat va shahar kodini koʻrsatgan holda)
elektron tanlovni oʻtkazish haqidagi bildirishnomani va Maishiy chiqindilarni toʻplash va olib chiqish boʻyicha xizmatlar koʻrsatilishini tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizom (keyingi oʻrinlarda Nizom deb yuritiladi) bilan tanishib 20____ yil “___” _______da soat ______da __________ saytida boʻlib oʻtadigan elektron tanlovda qatnashish uchun ushbu buyurtmanomani qabul qilishingizni soʻraydi. Lot raqami: № ________________________ Lotning nomlanishi: _______________________________________________________________________________ 2. Ushbu bilan: a) ______________________________________________________________________________________________:
(yuridik shaxsning toʻliq nomi)
yuridik shaxs sifatida davlat roʻyxatidan oʻtkazilganligi toʻgʻrisidagi guvohnomaga ega ekanligini; tanlov hujjatlariga muvofiq hududga toʻliq xizmat koʻrsatish uchun yuk tashish quvvatini taʼminlab beradigan, talab etiladigan miqdordagi texnik soz chiqindi tashish mashinalariga ega ekanligini; yuklarni tashish faoliyatini amalga oshirish huquqi uchun amaldagi litsenziya va buyurtmanomada koʻrsatilgan har bir transport vositasi uchun litsenziya kartochkasiga ega ekanligini (Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasi qarorlari bilan tashkil etilgan davlat unitar korxonalari va muassasalari bundan mustasno); tugatish, bankrot deb topish, yoki faoliyatini toʻxtatish jarayonida emasligini tasdiqlayman; b) quyidagilar toʻgʻrisida ogohlantirildi: ushbu buyurtmanomada koʻrsatilgan maʼlumotlar ishonchsizligi hollarida elektron tanlov natijalari haqiqiy emas deb eʼtirof etilishi va jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlarni koʻrsatishga shartnomani bekor qilish hamda buyurtmachi tomonidan elektron tanlov natijalari boʻyicha hududni biriktirish toʻgʻrisida qabul qilingan qarorni bekor qilish yuzasidan qaror qabul qilishga asos boʻlishi mumkinligi; Shuningdek, elektron tanlov gʻolibi deb eʼtirof etilgan, shu jumladan, jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlarni koʻrsatishga shartnoma tuzishni rad etish yoki bosh tortish holatida oʻtkazilgan zakalat puli summasi qaytarilmaydi. 3. Elektron tanlovda qatnashishga ushbu buyurtmanomani taqdim qilib, Nizomdagi elektron tanlovni oʻtkazish shartlariga roziligimni tasdiqlayman. \ 4. Elektron tanlov gʻolibi deb eʼtirof etilgan taqdirda, buyurtmachining hududni elektron tanlov gʻolibiga biriktirish toʻgʻrisidagi qarori qabul qilingan kundan boshlab besh ish kunidan kechiktirmay maishiy chiqindilarni toʻplash va olib chiqish boʻyicha xizmatlar koʻrsatilishini oʻz zimmamga olaman. 5. “E-IJRO AUKSION” YAESM operatori tomonidan yuborilgan barcha xatlarni quyidagi elektron pochta manzili orqali olishni rasman maʼlum qilaman ________________________________________________________________________________________________
(elektron pochta manzili)
“E-IJRO AUKSION” YAESM operatori tomonidan mazkur elektron pochta manziliga yuborilgan xatlar ular yuborilgan vaqtida rasman qabul qilib olingan deb hisoblanishini va “E-IJRO AUKSION” YAESM mazkur xatlarning oʻz vaqtida oʻqilmaganligining oqibatlari uchun javob bermasligini tasdiqlayman. 6. Zakalat puli summasini qaytarish uchun _____________________________________________________________________________ning bank rekvizitlari
(yuridik shaxsning toʻliq nomi)
Bank nomi Bank MFOsi Bank hisobvaragʻi №	____________________________________________________________________________ ____________________________________________________________________________ ____________________________________________________________________________
7. Buyurtmanomaga quyidagi hujjatlar ilova qilinadi: yuklarni tashish faoliyatini amalga oshirish huquqi uchun litsenziya nusxasi va tanlov takliflarida koʻrsatilgan har bir transport vositasiga va maxsus texnikaga litsenziya kartochkalari (Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlari bilan tashkil etilgan davlat unitar korxonalari va muassasalari bundan mustasno); tanlov taklifida koʻrsatilgan har bir transport vositasi roʻyxatdan oʻtkazilganligi toʻgʻrisidagi guvohnoma (texnik pasport, texnik talon) nusxasi; abonentlar hisobini yuritish boʻyicha avtomatlashtirilgan tizimining dasturiy taʼminotini joriy qilish va unga xizmat koʻrsatishga shartnoma nusxasi; chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ni joriy qilish va unga xizmat koʻrsatishga shartnoma nusxasi; ishlab chiqarish bazasi (avtopark, garaj)ning ijara shartnomasi nusxasi (agar xususiy ishlab chiqarish bazasi mavjud boʻlmasa); qonun hujjatlari bilan belgilangan tartibda tasdiqlangan, maishiy chiqindilarni toʻplash va olib chiqish boʻyicha xizmatlar uchun toʻlovlar tariflari (agar mavjud boʻlsa). ________________________________________________________________________________________________ Toʻldirilgan sana _______________________________________ Ariza beruvchining ERI __________________________________

Keyingi tahrirga qarang.

Maishiy chiqindilarni toʻplash va olib chiqish boʻyicha xizmatlar koʻrsatishni tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizomga
5-ILOVA

Keyingi tahrirga qarang.

Tanlov taklifi

I. Ishlab chiqarish bazasining mavjudligi toʻgʻrisidagi maʼlumotlar

Ishlab chiqarish
obyektining nomi

Ishlab chiqarish
obyektining
joylashgan joyi

Egallagan hudud
maydoni

Ishlab chiqarish obyektining
mol-mulki

Avtopark (garaj)

II. Chiqindi tashish mashinalarining yuk tashish quvvati toʻgʻrisidagi maʼlumotlar

T/r

Rusumi

Yuk koʻtarish quvvati
(kg)

Parkdan foydalanish koeffitsiyenti hisobi bilan yuk koʻtarish quvvati
(kg)
(3-ustun x 0,75*)

Bir kunlik qatnovlar
soni

Yuk tashish quvvati
(m³)
(4-ustun x 5-ustun) / 445**

Aholiga xizmat koʻrsatish quvvati (kishi)
(4-ustun /1,17***x5-ustun)

ISUZU

3000

2250

3 846

MAN

6000

4500

7 692

…

Jami

11 538

III. Chiqindi tashish mashinalarining ishlab chiqarilgan yiliga qarab ulardan necha yil foydalanilganligi

T/r

Rusumi

Ishlab chiqarilgan yili

Davlat raqami

...

IV. Abonentlar hisobini yuritish boʻyicha avtomatlashtirilgan tizimning mavjudligi toʻgʻrisida maʼlumot

T/r

Dasturiy taʼminotning nomi

Dasturiy taʼminot joriy qilingan sana

Dasturiy taʼminotni joriy qilish va unga xizmat koʻrsatishga shartnoma

shartnoma raqami
va sanasi

shartnoma muddatining tugash sanasi

...

V. Chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ning mavjudligi toʻgʻrisida maʼlumot

T/r

Nazorat tizimining
nomi

Nazorat tizimi joriy qilingan sana

Chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ni joriy qilish va unga xizmat koʻrsatishga shartnoma

shartnoma raqami
va sanasi

shartnoma muddatining tugash sanasi

VI. Maishiy chiqindilarni toʻplash va olib chiqish boʻyicha taklif etilayotgan xizmatlar qiymati toʻgʻrisida
maʼlumot

T/r

Tarif

Tarif miqdori

Jismoniy shaxslarga qattiq maishiy chiqindilarni toʻplash va olib chiqish xizmati koʻrsatishga (bir oyda bir kishi uchun)

______________ soʻm.

Yuridik shaxslarga xizmat koʻrsatishda 1 m³ qattiq maishiy chiqindilarni

olib chiqish uchun

______________ soʻm.

Sana _______________________________________

Ariza beruvchining ERIsi _______________________________________

Izoh.

* 0,75 — parkdan foydalanish koeffitsiyenti (PFK);

** 445 — QMCHning qabul qilingan oʻrtacha solishtirma ogʻirligi (kg/m³);

*** 1,17 — yuridik shaxslardan hosil boʻladigan QMCHni hisobga olgan holda bir kishi uchun qabul qilingan oʻrtacha QMCHning toʻplanish meʼyori (kg/sutka);

jadvalda keltirilgan raqamlar misol tariqasida koʻrsatilgan;

tanlov taklifining barcha bandlari boʻyicha toʻliq va batafsil maʼlumotlar taqdim etilishi lozim.

Maishiy chiqindilarni toʻplash va olib chiqish boʻyicha xizmatlar koʻrsatishni tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizomga
6-ILOVA

Elektron tanlovda ishtirok etishga buyurtmanomani chaqirib olish haqida bildirishnoma

________________________________________________________________________________________________ (yuridik shaxsning toʻliq nomi)
STIR _____________________
Davlat roʻyxatidan oʻtkazish raqami: ________________________________________________
Joylashgan joyi (pochta manzili): ____________________________________________________________________
Elektron pochta manzili: ____________________________________________________________________________
Telefon va faks raqami (agar mavjud boʻlsa): ___________________________________________________________,
				(mamlakat va shahar kodini koʻrsatgan holda)
ushbu bildirishnoma bilan _____-son lot boʻyicha ____________ (elektron tanlov oʻtkazish sanasi) kuni oʻtkazish belgilangan elektron tanlovda ishtirok etishga bergan buyurtmanomani chaqirib oladi.

Sana___________________________________________
Ariza beruvchining ERIsi_______________________________________________________

Maishiy chiqindilarni toʻplash va olib chiqish boʻyicha xizmatlar koʻrsatishni tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizomga
7-ILOVA

Keyingi tahrirga qarang.

Tanlov takliflarini baholash mezonlari

T/r	Mezon nomi	Ballar
	Jami	100
	shu jumladan:
1.	Ishlab chiqarish bazasining mavjudligi (avtopark, garaj)*	20
2.	Xizmat koʻrsatiladigan aholi sonidan kelib chiqqan holda chiqindi tashish mashinalarining yuk tashish quvvati:	20
	5000 kishiga qadar	5
	5 001 kishidan 10 000 kishiga qadar	10
	10 001 kishidan 20 000 kishiga qadar	15
	20 000 kishidan ortiq	20
3.	Chiqindi tashish mashinalarining ishlab chiqarilgan yiliga bogʻliq ravishda ulardan necha yil foydalanilganligi**	30
	3 yilgacha (3 yil ham qoʻshilgan holda)	30
	3 yildan 5 yilgacha	25
	5 yildan 10 yilgacha	15
	10 yildan yuqori	10
4.	Abonentlar hisobini yuritish boʻyicha avtomatlashtirilgan tizimining mavjudligi	5
5.	Chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ning mavjudligi	5
6.	Jismoniy shaxslarga QMCH toʻplash va olib chiqish boʻyicha xizmatlar koʻrsatishga bazaviy tarifdan past tarif taklifi:	10
	5 % gacha (5% ham qoʻshilgan holda)	2
	5% dan 10 % gacha	4
	10% dan 15 % gacha	8
	15% dan yuqori	10
7.	Yuridik shaxslarga QMCH toʻplash va olib chiqish boʻyicha xizmatlar koʻrsatishga bazaviy tarifdan past tarif taklifi:	10
	5 % gacha (5% ham qoʻshilgan holda)	2
	5% dan 10 % gacha	4
	10% dan 15 % gacha	8
	15% dan yuqori	10

Izoh:

* Xususiy ishlab chiqarish bazasi mavjud boʻlmagan taqdirda ishlab chiqarish bazasining ijara shartnomasi nusxasi taqdim etiladi;

** Ishlab chiqarilgan yiliga bogʻliq ravishda har bir chiqindi tashish mashinasi boʻyicha aniqlangan ballar jamlanadi, soʻngra elektron tanlov ishtirokchisi tomonidan taklif etilgan chiqindi tashish mashinalari soniga boʻlinadi.

Maishiy chiqindilarni toʻplash va olib chiqish boʻyicha xizmatlar koʻrsatishni tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizomga
8-ILOVA

Keyingi tahrirga qarang.

Maishiy chiqindilarni toʻplash va olib chiqish boʻyicha xizmatlarni koʻrsatishga buyurtmachi bilan shartnoma tuzish haqidagi taklif qabul qilinganligini tasdiqlash toʻgʻrisida bildirishnoma

________________________________________________________________________________________________ (yuridik shaxsning toʻliq nomi)
STIR _____________________
Davlat roʻyxatidan oʻtkazish raqami: ________________________________________________
Joylashgan joyi (pochta manzili): ____________________________________________________________________
Elektron pochta manzili: ____________________________________________________________________________
Telefon va faks raqami (agar mavjud boʻlsa): ___________________________________________________________,
				(mamlakat va shahar kodini koʻrsatgan holda)
ushbu bildirishnoma bilan ____________ (elektron tanlov oʻtkazish sanasi) kuni oʻtkazilishi belgilangan elektron tanlovga qoʻyilgan, _____-son lot boʻyicha maishiy chiqindilarni toʻplash va olib chiqish boʻyicha xizmatlarni koʻrsatishga buyurtmachi bilan shartnoma tuzish haqidagi taklif qabul qilinganligini tasdiqlaydi.

Sana___________________________________________
Ariza beruvchining ERIsi_______________________________________________________

Keyingi tahrirga qarang.

Maishiy chiqindilarni toʻplash va olib chiqish boʻyicha xizmatlar koʻrsatishni tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizomga
9-ILOVA

Jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlarni koʻrsatishga namunaviy shartnoma

20__ yil”_____”_____________ ______ -son ________________________________________________________________________________________________,

(buyurtmachining nomi)

nomidan nizom asosida faoliyat yurituvchi _______________________________________________________ hokimi

(viloyat, tuman, shahar)

_________________________________________________________, bundan buyon matnda “Buyurtmachi”deb ataluvchi

(F.I.O.)

bir tomondan va __________________________________________________________________________________

(yuridik shaxs — elektron tanlov gʻolibining toʻliq nomi)

nomidan __________________________________________ asosida faoliyat yurituvchi tashkilot rahbari (direktori)

(ustav, nizom)

___________________________________________________________, bundan buyon matnda “Ijrochi” deb ataluvchi,

(F.I.O.)

ikkinchi tomondan, birgalikda “Tomonlar” deb ataluvchilar, ushbu shartnomani Oʻzbekiston Respublikasi Vazirlar Mahkamasining 20__ yil “___” __________dagi ______-son qarori bilan tasdiqlangan Maishiy chiqindilarni toʻplash va olib chiqish boʻyicha xizmatlar koʻrsatishni tashkil etish uchun hududlarni tadbirkorlik subyektlariga biriktirish tartibi toʻgʻrisidagi nizomga asosan quyidagilar toʻgʻrisida tuzdilar:

1. Shartnoma mavzusi

1.1. Buyurtmachi ushbu shartnomaning ajralmas qismi hisoblangan ilovaga muvofiq hududni (keyingi oʻrinlarda hudud deb ataladi) maishiy chiqindilarni toʻplash va olib chiqish boʻyicha xizmatlar koʻrsatish uchun Ijrochiga biriktirib beradi.
1.2. Ijrochi oʻziga biriktirib berilgan hududda qonunchilikda va ushbu shartnomada belgilangan tartibda jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlar koʻrsatish faoliyatini amalga oshirish majburiyatini oladi.

2. Tomonlarning huquq va majburiyatlari

2.1. Buyurtmachi quyidagilarga majbur:
ushbu shartnoma imzolangan kundan boshlab uch kun muddatda maishiy chiqindilarni toʻplash va olib chiqish boʻyicha xizmatlar koʻrsatish uchun hududni Ijrochiga biriktirish toʻgʻrisida qaror qabul qilish va Ijrochi (yoki uning ishonchnoma boʻyicha vakili)ga imzo qoʻydirgan holda topshirish (yoki Ijrochining roziligiga koʻra pochta joʻnatmasi bilan yuboriladi);
Ijrochiga biriktirilgan hududda maishiy chiqindilarni toʻplash va olib chiqish boʻyicha xizmatlarni koʻrsatish faoliyatini amalga oshirishiga toʻsqinlik qilmaslik.
2.2. Buyurtmachi quyidagi huquqlarga ega:
Ijrochiga biriktirilgan hududda maishiy chiqindilarni toʻplash va olib chiqish boʻyicha xizmatlarni koʻrsatish faoliyatini amalga oshirilishiga koʻmaklashish;
Ijrochi tomonidan ushbu shartnoma boʻyicha majburiyatlarning bajarilishi monitoringi olib borilishi;
Ijrochidan ushbu shartnoma boʻyicha majburiyatlarning bajarilishi bilan bogʻliq hujjatlar va materiallarni soʻrash.
2.3. Ijrochi quyidagilarga majbur:
Buyurtmachining tegishli qarori qabul qilingan kundan boshlab 5 ish kuni mobaynida qonun hujjatlarida va ushbu shartnomada belgilangan tartibda maishiy chiqindilarni toʻplash va olib chiqish boʻyicha xizmatlar koʻrsatishga kirishish;
sanitariya jihatidan tozalash infratuzilmasini yaxshilashni amalga oshirish, shu jumladan:

Tadbir nomi

Soni (ta)

Bajarish muddatlari

Mavjud chiqindi toʻplash shoxobchalarini taʼmirlash

Mavjud chiqindi toʻplash shoxobchalarini rekonstruksiya qilish

Yangi chiqindi toʻplash shoxobchalarini qurish

Chiqindi toʻplash shoxobchalarini konteynerlar bilan jihozlash

chiqindi toʻplash shoxobchalarida va tutash hududda lozim darajadagi tozalikni taʼminlash;
maishiy chiqindilarni mustaqil ravishda saralashni amalga oshirish;
Ijrochining shartnoma boʻyicha huquqiy munosabatlaridagi huquqiy holatga taʼsir qiladigan barcha oʻzgarishlar toʻgʻrisida oʻzgarishlar roʻy bergan kundan boshlab 10 kundan kechikmay Buyurtmachiga xabar berish;
ushbu shartnoma boʻyicha Ijrochi majburiyatlarining bajarilishi monitoringi olib borilishida Buyurtmachiga toʻsqinlik qilmaslik;
2.4. Ijrochi quyidagi huquqlarga ega:
qonun hujjatlarida va ushbu shartnomada belgilangan tartibda, shuningdek, qonun hujjatlarida taqiqlanmagan barcha usullarda maishiy chiqindilarni toʻplash va olib chiqish boʻyicha xizmatlar koʻrsatish faoliyatini amalga oshirish;
Buyurtmachidan ushbu shartnoma boʻyicha majburiyatlarning bajarilishi bilan bogʻliq qoʻshimcha maʼlumotlarni soʻrash.

3. Shartnomani oʻzgartirish va bekor qilish

3.1. Shartnomani oʻzgartirish va bekor qilish Tomonlarning roziligi boʻyicha amalga oshirilishi mumkin;
3.2. Buyurtmachi quyidagi hollarda shartnomani bekor qilish toʻgʻrisidagi talab bilan sudga murojaat qilishga haqli:
ushbu shartnomaning 2.3-bandi ikkinchi va uchinchi xatboshilarida nazarda tutilgan majburiyatlarning Ijrochi tomonidan muddatida bajarilmasligi;
jismoniy va yuridik shaxslardan, shuningdek, fuqarolarning oʻzini oʻzi boshqarish organlaridan muntazam ravishda xizmatlar koʻrsatilmayotganligi va (yoki) lozim darajadagi sifatda boʻlmagan xizmatlar koʻrsatilayotganligini tasdiqlovchi shikoyatlar tushishi. Bunda Oʻzbekiston Respublikasi Ekologiya va atrof-muhitni muhofaza qilish davlat qoʻmitasi hududiy organlarining Ijrochi tomonidan xizmatlar koʻrsatilmayotganligini va (yoki) lozim darajadagi sifatda boʻlmagan xizmatlar koʻrsatilayotganligini tasdiqlovchi tegishli materiallari talab etiladi.
elektron tanlov gʻolibining “E-IJRO AUKSION” yagona elektron savdo maydonchasi va Buyurtmachining veb-saytiga joylashtirilgan bildirishnomada koʻrsatilgan, majburiy talablar va cheklovlarga mos kelmasligi aniqlanganda;
qonun hujjatlariga muvofiq boshqa asoslar boʻyicha.
3.3. Ijrochi ushbu shartnomaning 2.1-bandida nazarda tutilgan majburiyatlar Buyurtmachi tomonidan bajarilmagan hollarda shartnomani bekor qilish toʻgʻrisidagi talab bilan sudga murojaat qilishga haqli.
3.4. Quyidagi hollarda shartnomani bajarishdan bir tomonlama bosh tortishga yoʻl qoʻyiladi:
Ijrochining faoliyati qonun hujjatlarida belgilangan tartibda toʻxtatilishi yoki toʻxtatib qoʻyilishi;
oʻz faoliyatini toʻxtatish niyati toʻgʻrisida faoliyatning toʻxtatilishi kutilayotgan sanadan 3 oy oldin Buyurtmachini xabardor qilgan holda Ijrochining tashabbusi bilan.
3.5. Ushbu shartnomani bekor qilish tashabbusi bilan chiqqan Tomon ikkinchi tomonga yozma bildirishnoma yuboradi.

4. Nizolarni hal qilish tartibi

4.1. Ushbu shartnoma doirasida kelib chiqadigan nizolar Tomonlarning oʻzaro kelishuvi boʻyicha hal etiladi.
Kelishuv bilan hal etilmagan nizolar qonun hujjatlarida belgilangan tartibda sud orqali hal etiladi.

5. Shartnomaning amal qilish muddati

5.1. Ushbu shartnoma imzolangan paytdan boshlab kuchga kiradi va 20___ yil “____”_________gacha amal qiladi.

6. Yakunlovchi qoidalar

6.1. Shartnomani oʻzgartirish va bekor qilish Tomonlarning ikki tomonlama yozma roziligi boʻyicha amalga oshiriladi. Kelishuvga erishilmagan taqdirda shartnomani oʻzgartirish yoki bekor qilish qonun hujjatlarida belgilangan tartibda amalga oshiriladi.
6.2. Ushbu shartnoma bir xil yuridik kuchga ega boʻlgan ikki asl nusxada tuzildi. Bir nusxasi Buyurtmachida, ikkinchisi — Ijrochida saqlanadi.

7. Tomonlarning manzili va rekvizitlari

“Buyurtmachi”
____________________________________________
(toʻliq nomi)
Joylashgan joyi::_____________________________
____________________________________________
Bank rekvizitlari:____________________________
____________________________________________
MFO: ______________________________________
STIR: ______________________________________
IFUT: ______________________________________
____________________________________________
(lavozimi, F.I.O.)
____________________________________________
(imzo, muhr)

“Ijrochi”
____________________________________________
(toʻliq nomi)
Joylashgan joyi::_____________________________
____________________________________________
Bank rekvizitlari:____________________________
____________________________________________
MFO: ______________________________________
STIR: ______________________________________
IFUT: ______________________________________
____________________________________________
(lavozimi, F.I.O.)
____________________________________________
(imzo, muhr)

Jismoniy va yuridik shaxslarga maishiy chiqindilarni toʻplash va olib chiqish boʻyicha xizmatlarni koʻrsatishga namunaviy shartnomaga
ILOVA

Ijrochiga biriktirilayotgan hudud pasporti

1. _______________________________________________________________________________________ viloyati

2. ______________________________________________________________________ tumani (qishloq va boshqalar)

3. Aholi soni — __________ ming kishi

shu jumladan:

- koʻp kvartirali uylarda — ____________________________ ming kishi

- yakka tartibdagi turar joy sektorida — ________________________________________ ming kishi

4. Yuridik shaxslar soni: — ______________________ ta

shundan:

— budjet tashkilotlari — _________________ ta

shu jumladan:

— maktabgacha taʼlim muassasalari (tarbiyalanuvchilar soni) — _____ta (____kishi)

— maktablar, kollejlar, oliy taʼlim muassasalari va boshqa oʻquv muassasalari — _______ta (______kishi)

— shifoxonalar, sanatoriylar, pansionatlar, boshqa davolash-profilaktika muassasalari va hokazolar — _______ta (______yotoq oʻrni).

5. Biriktirilgan hududga kiruvchi fuqarolar yigʻini, koʻchalar, mavzelar va uylar roʻyxati:

T/r

Nomi

Koʻp kvartirali va yakka tartibdagi uylar

Fuqarolar yigʻini _________________________________
Koʻcha_____________________________
Mavze ___________________________
….
….

Fuqarolar yigʻini _________________________________
Koʻcha ____________________________
Mavze ___________________________
….
….

…

Izoh: roʻyxatga biriktirilgan hududga xos va zarur boʻlgan qoʻshimcha maʼlumotlar kiritilishi mumkin.

Keyingi tahrirga qarang.

Vazirlar Mahkamasining 2018-yil 25-sentabrdagi 765-son qaroriga
2-ILOVA

Jismoniy shaxslarga maishiy chiqindilarni toʻplash va olib chiqish uchun xizmatlar koʻrsatish boʻyicha namunaviy ommaviy shartnoma ______-son shartnoma
20__ yil “___” _________________ _____-son Ushbu Ommaviy shartnoma (keyingi oʻrinlarda shartnoma deb ataladi) Oʻzbekiston Respublikasi Fuqarolik kodeksining 358-moddasi talablariga muvofiq tuzilgan va jismoniy shaxslarga qattiq va suyuq maishiy chiqindilarni toʻplash va olib chiqish boʻyicha xizmatlar koʻrsatish tartibini, shuningdek, _______________________________________________________________________________ , bundan buyon matnda
(tashkilot nomi)
“Ijrochi” deb ataluvchi nomidan ustav asosida faoliyat yurituvchi tashkilot rahbari (direktori) _______________________________________________________________________________ va ushbu shartnomani
(F.I.O.)
tuzish toʻgʻrisidagi ommaviy taklif (oferta)ni qabul qilgan (akseptlagan) turar joy mulkdori (ijaraga, arendaga oluvchi), bundan buyon matnda “Isteʼmolchi” deb ataluvchi (keyingi oʻrinlarda Tomonlar deb yuritiladi) oʻrtasidagi oʻzaro huquq va majburiyatlar hamda munosabatlar tartibini belgilaydi.
1. Mazkur shartnomada qoʻllanilgan asosiy tushunchalar:
qattiq maishiy chiqindilar — jismoniy shaxslarning hayoti va faoliyati hamda yuridik shaxslarning faoliyati natijasida hosil boʻluvchi organik va noorganik chiqindilar, shuningdek, ular hududida va obodonlashtirish obyektlaridagi tabiiy jarayonlar natijasida hosil boʻluvchi chiqindilar (oziq-ovqat va oʻsimlik chiqindilari, toʻqimachilik mahsulotlari, oʻrash-joylash (qadoqlash) materiallari, shisha, rezina, qogʻoz, plastmassa, yogʻoch chiqindilari, oʻzining foydalanish xususiyatlarini yoʻqotgan uy-roʻzgʻor buyumlari, supurindi, shuningdek, qattiq yoqilgʻida ishlovchi maishiy pechkalar va isitish bugʻ qozonlaridan foydalanish natijasida hosil boʻluvchi chiqindilar); suyuq maishiy chiqindilar — jismoniy shaxslarning hayoti va faoliyati hamda yuridik shaxslarning faoliyati natijasida hosil boʻluvchi chiqindilar (oqova suvlar, chiqindi toʻkiladigan oʻralar va septiklarda yigʻilgan turli xil suyuq chiqindilar, ishlab chiqarish jarayonida hosil boʻladigan yuvindi chiqindilari, markazlashtirilmagan kanalizatsiyaning najas chiqindilari); qurilish chiqindilari — uylar, maʼmuriy bino, koʻp kvartirali uy kvartiralarini qurishda, rekonstruksiya qilishda, taʼmirlashda va buzishda hosil boʻladigan chiqindilar; “signal” usuli — chiqindi tashish texnikasi bilan aholi yashash punktlarini aylanib chiqib, signal berish yoʻli bilan Isteʼmolchilarni xabardor qilish orqali yakka tartibdagi turar joy sektoridagi qattiq maishiy chiqindilarni toʻplash va olib chiqib ketish.
2. Shartnoma mavzusi
1. Quyidagilar shartnoma mavzusi hisoblanadi: a) Ijrochi tomonidan qattiq maishiy chiqindilarni toʻplash uchun maxsus ajratilgan maydonlar (chiqindi toʻplash shoxobchalari)dan va yakka tartibdagi turar joy sektoridan “signal” usulida qattiq maishiy chiqindilarni toʻplash va olib chiqish boʻyicha pullik xizmatlar koʻrsatish; b) Isteʼmolchi tomonidan qattiq maishiy chiqindilarni toʻplash va olib chiqish boʻyicha xizmatlar haqini toʻlanishi. 2. Yirik gabaritli maishiy chiqindilar va qurilish chiqindilari, chorvachilik, shuningdek, daraxt va butalarni kesish hamda agrotexnik ishlov berishdan hosil boʻladigan chiqindilar va suyuq maishiy chiqindilarni olib chiqish Isteʼmolchilarning buyurtmanomasi asosida alohida toʻlov evaziga amalga oshiriladi.
3. Isteʼmolchining huquq va majburiyatlari
3. Isteʼmolchi quyidagi huquqlarga ega: shartnomaga muvofiq zarur koʻlamda, belgilangan sifatda, uning hayoti va salomatligi uchun xavfsiz boʻlgan, mulkiga zarar yetkazmaydigan xizmatlardan foydalanish; Ijrochidan xizmat koʻrsatishning amaldagi tartibi, talablari, qoidalari va oʻzgarishlar toʻgʻrisidagi, shuningdek, qattiq va suyuq maishiy chiqindilarni toʻplash va olib chiqish boʻyicha xizmatlar tariflari toʻgʻrisida maʼlumot olish; Ijrochi tomonidan qattiq maishiy chiqindilarni olib chiqishning minimal davriyligiga rioya etilishini talab qilish: chiqindi toʻplash shoxobchalaridan — bir kunda bir marotaba va yakka tartibdagi turar joy sektoridan “signal” usulida — uch kunda bir marotaba; oʻn ikki oydan ortiq boʻlmagan davr uchun oldindan haq toʻlash, keyinchalik tegishli tariflar oshganda qaytadan hisob-kitob qilmaslik; Ijrochi tomonidan qattiq maishiy chiqindilarni olib chiqib ketish jadvaliga rioya qilinmagan hollarda Ijrochining operativ tartibda qattiq maishiy chiqindilarni olib chiqib ketish choralarini koʻrishi lozim boʻlgan dispetcherlik xizmatiga _______________ telefon raqami orqali buyurtmanoma berish; Ijrochi tomonidan shartnoma majburiyatlari sifatsiz bajarilgan hollarda Ijrochiga yozma, elektron yoki ogʻzaki shaklda shikoyat qilish va Ijrochidan xizmatlar toʻliq koʻrsatilmaganligi yoki tegishlicha boʻlmagan sifatdagi xizmatlar koʻrsatilganligi holatini tasdiqlovchi dalolatnomani tuzishni, shuningdek, aniqlangan kamchiliklarning belgilangan muddatlarda bartaraf etilishini talab qilish; xizmatlar koʻrsatilayotganda Ijrochi aybi bilan yuzaga kelgan kamchiliklarning bepul bartaraf etilishini va penya toʻlanishini talab qilish; doimiy yashash joyida vaqtincha boʻlmaganligining hujjatlar bilan tasdiqlangan davr yoki shartnomada belgilangan tartibda xizmatlar koʻrsatilmagan davr uchun qattiq va suyuq maishiy chiqindilarni toʻplash va olib chiqish boʻyicha xizmatlarga haq toʻlash majburiyatlaridan toʻliq ozod boʻlish; qattiq va suyuq maishiy chiqindilarni toʻplash va olib chiqish boʻyicha sifatsiz xizmat koʻrsatilganligi sababli, agar Ijrochi oʻz vaqtida shartnomani bajarishga kirishmasa yoki sifatsiz xizmat koʻrsatsa, zararlar undirilishini talab qilib sudga murojaat qilish. Isteʼmolchi qonun hujjatlariga muvofiq boshqa huquqlarga ham ega boʻlishi mumkin. 4. Isteʼmolchi quyidagilarga majbur: qattiq va suyuq maishiy chiqindilarni toʻplash va olib chiqish boʻyicha koʻrsatilgan xizmatlar uchun toʻlovlarni ushbu shartnomada belgilangan muddatlarda oʻz vaqtida va toʻliq miqdorda toʻlash; konteynerda toʻplash tizimida — chiqindi toʻplash shoxobchalarida chiqindilarni joylashtirishda chiqindilarni konteynerlarga tashlash; toʻplashning “signal” usulida — qattiq maishiy chiqindilarni oʻz uylarida saqlash va Ijrochining qattiq maishiy chiqindilarni olib chiqish jadvali boʻyicha yetib kelgan maxsus avtotransport vositasiga joylashtirish; qattiq va suyuq maishiy chiqindilarni ruxsat etilmagan joylarga va obyektlarga tashlamaslik hamda joylashtirmaslik (koʻchalarga, suv yoʻllariga, ariq va qattiq hamda suyuq maishiy chiqindilarni toʻplash va koʻmish uchun belgilanmagan boshqa joylarga, shu jumladan, avtotransport vositalaridan ularning toʻxtashi, toʻxtab turishi yoki harakatlanishi vaqtida); qattiq maishiy chiqindilarni ularni joylashtirish obyektlarida (idishlar, yer oʻralari va hokazolar), tashkilot hududida, dalalarda va aholi yashash punktlarida yoqmaslik; koʻp kvartirali uyning umumiy foydalanishdagi joylarida qattiq maishiy chiqindilarni toʻplash va saqlash joylari tashkil etilishiga yoʻl qoʻymaslik; qattiq va suyuq maishiy chiqindilarni maxsus avtotransport vositasiga ortish uchun Ijrochining ortish joyiga bemalol oʻtishini taʼminlash; chiqindi toʻplash konteynerlari, chiqindi toʻplash shoxobchalari, chiqindi toʻplash kameralari va boshqa uskunalarning nosozliklari aniqlanganda Ijrochini d?rhol xabardor ?ilish; oʻzlarining mulki boʻlgan koʻp kvartirali va yakka tartibdagi uylarda propiska qilingan (shu jumladan, vaqtincha propiska qilingan) yoki haqiqatda istiqomat qiluvchi shaxslar soni toʻgʻrisidagi maʼlumotlar oʻzgarganligi toʻgʻrisida Ijrochini oʻn ish kuni mobaynida xabardor qilish; yirik gabaritli maishiy chiqindilar va qurilish chiqindilari, chorvachilik, shuningdek daraxt va butalarni kesish hamda agrotexnik ishlov berishdan hosil boʻladigan chiqindilarni xususiy uy-joy mulkdorlari shirkatlari, fuqarolarning oʻzini oʻzi boshqarish organlari, professional boshqaruv tashkilotlari tomonidan belgilangan, vaqtinchalik maxsus ajratilgan joylarga joylashtirish va ular chiqindi toʻplash shoxobchalaridagi konteynerlarga tashlanishiga yoʻl qoʻymaslik; Isteʼmolchi qonun hujjatlariga muvofiq boshqa majburiyatlarga ham ega boʻlishi mumkin.
4. Ijrochining huquq va majburiyatlari
5. Ijrochi quyidagi huquqlarga ega: xizmatlar uchun toʻlovlarni Isteʼmolchidan oʻz vaqtida va toʻliq hajmda olish hamda toʻlovlarni toʻlash muddatlari buzilgan hollarda shartnomada nazarda tutilgan choralarni koʻrish; Isteʼmolchiga qarzdorlik toʻgʻrisida ogohlantirish xati yuborish (shaxsan, pochta aloqasi vositalari orqali); Isteʼmolchilardan va fuqarolarning oʻzini oʻzi boshqarish organlaridan, shuningdek, xususiy uy-joy mulkdorlari shirkatlaridan koʻp kvartirali va yakka tartibdagi uylarda propiska qilingan (shu jumladan, vaqtincha propiska qilingan) va haqiqatda istiqomat qilayotgan shaxslar toʻgʻrisidagi maʼlumotlarni soʻrash va olish; yirik gabaritli, qurilish chiqindilari va boshqa chiqindilarni alohida toʻlov evaziga olib chiqish boʻyicha qoʻshimcha xizmatlar koʻrsatish; daʼvo muddati doirasida Isteʼmolchilardan qattiq va suyuq maishiy chiqindilarni olib chiqish boʻyicha koʻrsatilgan xizmatlar uchun qarzdorliklarni undirish choralarini qoʻllash, shuningdek, qonun hujjatlarida belgilangan tartibda penya undirish; qattiq va suyuq maishiy chiqindilarni toʻplash va olib chiqish boʻyicha koʻrsatilgan xizmatlar uchun toʻlovlarni undirish boʻyicha sudga daʼvolar taqdim qilish. Ijrochi qonun hujjatlariga muvofiq boshqa huquqlarga ham ega boʻlishi mumkin. 6. Ijrochi quyidagilarga majbur: oʻziga biriktirilgan hududda fuqarolarning oʻzini oʻzi boshqarish organlari bilan kelishilgan jadvalga muvofiq belgilangan tartibda qattiq maishiy chiqindilar muntazam olib chiqib ketilishini amalga oshirish; qattiq maishiy chiqindilarni olib chiqishning minimal davriyligiga rioya etish: chiqindi toʻplash shoxobchalaridan — bir kunda bir marotaba va yakka tartibdagi turar joy sektoridan “signal” usulida — uch kunda bir marotaba; Isteʼmolchilarga qattiq va suyuq maishiy chiqindilarni olib chiqish boʻyicha qonun hujjatlari va ushbu shartnoma talablariga muvofiq zarur sifatdagi xizmatlarni koʻrsatish; Ijrochi tomonidan qattiq maishiy chiqindilarni olib chiqib ketish jadvaliga rioya qilinmagan hollarda Isteʼmolchilarning dispetcherlik xizmatiga tushgan buyurtmanomalarini operativ tartibda bajarish; qattiq va suyuq maishiy chiqindilarni toʻplash va olib chiqish boʻyicha xizmatlar uchun elektron toʻlov tizimini joriy etish; Isteʼmolchilarning maʼlumotlar bazasini yuritish va muntazam ravishda yangilab borish; qattiq va suyuq maishiy chiqindilarni toʻplash va olib chiqish boʻyicha xizmatlar koʻrsatishning rejimi va sifati boʻyicha Isteʼmolchilarning murojaatlari, shuningdek, ularning ijrosi hisobini olib borish; aholining toʻliq qamrab olinishini taʼminlovchi va qonun hujjatlari talablariga muvofiq zarur miqdordagi chiqindi toʻplash shoxobchalarining qurilishini amalga oshirish; chiqindi toʻplash shoxobchalarining holatini nazorat qilib borish va ularning tegishli holatda saqlanishini taʼminlash; chiqindi toʻplash shoxobchalarini qattiq maishiy chiqindilarni toʻplash uchun zarur miqdordagi konteynerlar bilan jihozlanishini taʼminlash; chiqindi toʻplash shoxobchalari va transport vositalarining zarur tarzdagi sanitariya holatini taʼminlash; chiqindi toʻplash shoxobchalarini joriy va kapital taʼmirlashni amalga oshirish; fuqarolarning hayoti va salomatligi, atrof muhit uchun xavfli boʻlgan bakteriyalarning va boshqa zararli moddalarning rivojlanishiga, chiqindilarning koʻplab toʻplanib qolishiga qarshi rejali ishlarni olib borish (konteyner va chiqindi toʻplash shoxobchalarini dezinfeksiyalash yoki yuvib turish yoʻli bilan va shu kabilar); qattiq va suyuq maishiy chiqindilarni toʻplash va olib chiqish boʻyicha xizmatlar koʻrsatishning tartibi va tariflarining oʻzgarganligi toʻgʻrisida ushbu tariflar kuchga kirishidan oʻn besh kun avval Ijrochining stendida, eʼlonlar taxtasida eʼlonlar osish yoʻli bilan, shuningdek, ommaviy axborot vositalari orqali Isteʼmolchini xabardor qilish; Isteʼmolchilarga ularning soʻroviga asosan qattiq va suyuq maishiy chiqindilarni toʻplash va olib chiqish boʻyicha xizmatlar koʻrsatishning amaldagi tartibi, talablari, qoidalari va xizmatlar koʻrsatish tartibining, shuningdek, tariflarining oʻzgarganligi toʻgʻrisida bepul maʼlum qilish, shuningdek, qattiq va suyuq maishiy chiqindilarni toʻplash va olib chiqish boʻyicha xizmatlar uchun toʻlovlar hisob-kitobining holati, koʻrsatilgan xizmatlar uchun toʻlovlar boʻyicha qarzdorlikning mavjud emasligi toʻgʻrisidagi maʼlumotlarni Isteʼmolchiga bepul taqdim etish; qattiq va suyuq maishiy chiqindilar bilan bogʻliq ishlarni amalga oshirishda buzilgan yer uchastkalarini qayta tiklash ishlarini amalga oshirish; Ijrochining stendida, eʼlonlar taxtasida koʻrsatilayotgan xizmatlar, ularning amaldagi tariflari, toʻlov shartlari, shuningdek, qattiq maishiy chiqindilarni olib chiqish jadvali, mazkur shartnoma, kvitansiyalar va boshqa toʻlov hujjatlarining namunalarini joylashtirish; Isteʼmolchiga koʻrsatilayotgan xizmatlar sifati boʻyicha aniqlangan kamchiliklarni bartaraf etish va yangi kamchiliklarning oldini olish choralarini koʻrish; maishiy chiqindilarni toʻplash va olib chiqish boʻyicha xizmatlar koʻrsatish bilan bogʻliq maʼlumotlar va buxgalteriya hujjatlari besh yil mobaynida but holatda saqlanishini taʼminlash. Ijrochi qonun hujjatlariga muvofiq boshqa majburiyatlarga ham ega boʻlishi mumkin.
5. Hisob-kitob qilish tartibi va shartlari
7. Qattiq va suyuq maishiy chiqindilarni toʻplash va olib chiqish boʻyicha xizmatlar uchun toʻlovlar majburiy hisoblanadi. 8. Qattiq va suyuq maishiy chiqindilarni toʻplash va olib chiqish boʻyicha koʻrsatilgan xizmatlar uchun toʻlovlar tasdiqlangan tariflarga asosan toʻlov amalga oshirilayotgan, xizmat koʻrsatilgan oydan keyingi oyning oʻninchi sanasidan kechikmay amalga oshiriladi. Bunda, yirik gabaritli maishiy chiqindilar va qurilish chiqindilari, suyuq maishiy chiqindilar, chorvachilik, shuningdek, daraxt va butalarni kesish hamda agrotexnik ishlov berishdan hosil boʻladigan chiqindilarni olib chiqish boʻyicha alohida xizmatlar uchun umumiy xizmat narxining 15 foizi miqdorida boʻnak toʻlovi undiriladi. Maishiy chiqindilarni toʻplash va olib chiqish boʻyicha koʻrsatilgan xizmatlar uchun toʻlov jismoniy shaxslarning ixtiyoriga koʻra cheklanmagan holda tijorat banklari va toʻlovlarni qabul qilish kassalari, elektron toʻlov tizimi, shuningdek, yollanma kassirlar (koʻchma kassalar) orqali naqd hamda naqdsiz shaklda amalga oshiriladi. 9. Toʻlovlarni hisoblash, maishiy chiqindilarni olib chiqish boʻyicha xizmatlar uchun toʻlovni amalga oshirish davrida amalda boʻlgan tarif boʻyicha koʻp kvartirali va yakka tartibdagi uylarda propiska qilingan (shu jumladan, vaqtincha propiska qilingan) yoki istiqomat qilayotgan shaxslar sonidan kelib chiqib amalga oshiriladi. Qattiq va suyuq maishiy chiqindilarni (yirik gabaritli maishiy chiqindilar va qurilish chiqindilari, chorvachilik, shuningdek, daraxt va butalarni kesish hamda agrotexnik ishlov berishdan hosil boʻladigan chiqindilar bundan mustasno) olib chiqish boʻyicha xizmatlar uchun toʻlov tariflari mahalliy davlat hokimiyati organlari tomonidan qonun hujjatlarida belgilangan tartibda tasdiqlanadi. 10. Isteʼmolchilar boʻnak tariqasida toʻlangan toʻlovlar uchun, ushbu davrda tegishli tariflar oshgan taqdirda, toʻlov amalga oshirilgan sanadan oʻn ikki oydan oshmaydigan davrga qayta hisob-kitob qilishdan ozod etiladilar. 11. Ijrochi qattiq va suyuq maishiy chiqindilarni olib chiqish boʻyicha xizmatlar uchun toʻlovlarning qayta hisob-kitobini quyidagi hollarda tasdiqlovchi hujjatlar mavjud boʻlganda amalga oshiradi: hisob-kitob qilish vaqtida arifmetik xatoga yoʻl qoʻyilganda; Isteʼmolchiga xizmat koʻrsatilmagan yoki tegishli sifatda boʻlmagan xizmatlar koʻrsatilganda; jismoniy shaxslar doimiy yashash joyida vaqtincha boʻlmaganda; propiska qilingan (shu jumladan, vaqtincha propiska qilingan) yoki istiqomat qiluvchi shaxslar toʻgʻrisida Ijrochi oʻz vaqtida xabardor qilinmagan shaxslar aniqlanganda. 12. Maishiy chiqindilarni toʻplash va olib chiqish boʻyicha tegishli boʻlmagan sifatdagi xizmatlar koʻrsatilganda yoki xizmat koʻrsatilmagan taqdirda Isteʼmolchi tegishli davr uchun toʻlovlardan ozod etiladi. 13. Maishiy chiqindilarni toʻplash va olib chiqish boʻyicha xizmatlar koʻrsatilmagan yoki tegishli boʻlmagan sifatdagi xizmatlar koʻrsatilganligi holati aniqlangan hollarda manfaatdor shaxslar tomonidan Isteʼmolchi, Ijrochining vakili, shuningdek, fuqarolarning oʻzini oʻzi boshqarish organlari yoki xususiy uy-joy mulkdorlari shirkati vakili tomonidan imzolanadigan, xizmatlar koʻrsatilmaganligi yoki tegishlicha boʻlmagan sifatdagi xizmatlar koʻrsatilganligi holatini tasdiqlovchi dalolatnoma tuziladi. Xizmatlar koʻrsatilmaganligi yoki tegishlicha boʻlmagan sifatdagi xizmatlar koʻrsatilganligi toʻgʻrisida tuzilgan dalolatnoma qattiq va suyuq maishiy chiqindilarni toʻplash va olib chiqish boʻyicha xizmatlar uchun toʻlovlar miqdorini qayta hisob-kitob qilish, shuningdek oʻz majburiyatlarini buzganligi uchun Ijrochining penya toʻlashi uchun asos hisoblanadi. Ijrochi tomonidan koʻrsatilayotgan xizmatlar bilan bogʻliq ravishda Isteʼmolchiga yoki uning mol-mulkiga zarar yetkazilgan taqdirda, Isteʼmolchi tomonidan qonunchilikda belgilangan tartibda yetkazilgan zarar holati qayd etilgan dalolatnoma tuziladi. Dalolatnoma Isteʼmolchining imzosi, Ijrochi, fuqarolarning oʻzini oʻzi boshqarish organlari yoki xususiy uy-joy mulkdorlari shirkati vakillarining imzolari boʻlgandagina haqiqiy hisoblanadi. Ijrochining vakili kelmagan taqdirda fuqarolarning oʻzini oʻzi boshqarish organlari yoki xususiy uy-joy mulkdorlari shirkati vakilining imzosi yetarli hisoblanadi. Ijrochining vakili dalolatnomani imzolashdan bosh tortgan taqdirda u ushbu dalolatnomaga imzo qoʻyishdan bosh tortganlik sabablarini yozma ravishda asoslashi shart. Aks holda Isteʼmolchi maishiy chiqindilarni toʻplash va olib chiqish boʻyicha xizmatlar uchun toʻlovlarni sud qarori qabul qilinguniga qadar toʻxtatishga haqlidir. Mulk egalari tomonidan Ijrochiga koʻp kvartirali va yakka tartibdagi uylarda haqiqatda istiqomat qilayotgan shaxslar yoʻqligini tasdiqlovchi hujjatlar taqdim etilgan taqdirda, qattiq maishiy chiqindilarni toʻplash va olib chiqish boʻyicha xizmatlar uchun toʻlov undirilmaydi.
6. Isteʼmolchining javobgarligi
14. Isteʼmolchi quyidagilar uchun javob beradi: shartnoma majburiyatlarini bajarmaslik yoki zarur darajada bajarmaslik; qattiq va suyuq maishiy chiqindilarni olib chiqish boʻyicha xizmatlar uchun toʻlovlarni oʻz vaqtida amalga oshirmaslik; oʻzlarining mulki boʻlgan koʻp kvartirali va yakka tartibdagi uylarda propiska qilingan (shu jumladan, vaqtincha propiska qilingan) yoki haqiqatda istiqomat qiluvchi shaxslar soni oʻzgarganligi toʻgʻrisidagi maʼlumotlarning notoʻgʻriligi va ularni oʻz vaqtida taqdim etmaslik. 15. Propiska qilingan (shu jumladan, vaqtincha propiska qilingan) yoki istiqomat qiluvchi shaxslar toʻgʻrisida Ijrochi oʻz vaqtida xabardor qilinmagan shaxslar aniqlanganda, tegishli hujjatlar bilan tasdiqlangan (fuqarolarning oʻzini oʻzi boshqarish organlari tomonidan yashash yoki vaqtincha turar joyi toʻgʻrisidagi maʼlumotnomalar hamda qonun hujjatlarida nazarda tutilgan boshqa hujjatlar), propiska qilingan (shu jumladan, vaqtincha propiska qilingan) yoki haqiqatda yashab kelayotgan davrdan boshlab amaldagi tariflar boʻyicha qattiq maishiy chiqindilarni toʻplash va olib chiqish boʻyicha xizmatlarning toʻliq hisob-kitobi amalga oshiriladi. Tasdiqlovchi hujjatlar mavjud boʻlmagan taqdirda — oʻtgan 3 oy uchun hisob-kitob qilinadi. 16. Mablagʻlar oʻz vaqtida oʻtkazilmagan taqdirda muddati oʻtkazib yuborilgan har bir kun uchun qarzdorlik summasining 0,1 foizi miqdorida, biroq qarzdorlik umumiy summasining 50 foizidan ortiq boʻlmagan miqdorda penya undiriladi.
7. Ijrochining javobgarligi
17. Ijrochi quyidagilar uchun javob beradi: shartnoma majburiyatlarini bajarmaslik yoki zarur tarzda bajarmaslik; maishiy chiqindilarni toʻplash va olib chiqish boʻyicha koʻrsatiladigan xizmatlar muddatining va ushbu xizmatlar koʻrsatilayotganda aniqlangan kamchiliklarni bartaraf etish muddatlarining buzilishi; xizmat koʻrsatmaslik yoki sifatsiz koʻrsatilgan xizmatlar natijasida Isteʼmolchining hayoti, salomatligi va mulkiga yetkazilgan zarar. 18. Isteʼmolchiga xizmat koʻrsatilmagan yoki tegishli sifatda boʻlmagan xizmatlar koʻrsatilgan taqdirda Ijrochi Isteʼmolchiga muddati oʻtkazib yuborilgan har bir kun uchun xizmat qiymatining 0,1 foizi miqdorida, biroq umumiy xizmat qiymatining 50 foizidan ortiq boʻlmagan miqdorda penya toʻlaydi.
8. Shartnomaning amal qilish muddati
19. Shartnoma ommaviy axborot vositalarida eʼlon qilingan kundan boshlab kuchga kiradi. 20. Shartnoma Isteʼmolchi tomonidan ommaviy taklif (oferta) qabul qilgan (akseptlagan) paytdan boshlab tuzilgan hisoblanadi. Isteʼmolchi tomonidan ushbu shartnomada koʻrsatilgan shartlarni bajarish yuzasidan qilingan harakatlar (chiqindi toʻplash shoxobchalarida chiqindilarni joylashtirishda, chiqindilarni konteynerlarga tashlash yoki Ijrochining maxsus avtotransport vositasiga joylashtirish, koʻrsatilgan xizmatlar uchun tegishli summani toʻlash va shu kabilar) aksept hisoblanadi. 21. Shartnoma nusxalari u kuchga kirgan sanadan boshlab bir kun mobaynida xizmat koʻrsatiladigan hududdagi fuqarolarning oʻzini oʻzi boshqarish organlari va xususiy uy-joy mulkdorlari shirkatlariga yuboriladi (shaxsan imzo qoʻydirilgan holda yoki taqdim etilganligi toʻgʻrisidagi bildirishnoma bilan pochta orqali). 22. Shartnoma nomuayyan muddatga tuziladi.
9. Nizolarni hal qilish
23. Tomonlar oʻrtasidagi kelishmovchiliklar boʻyicha nizolar qonun hujjatlarida belgilangan tartibda hal etiladi.
10. Ijrochining rekvizitlari:
Manzil: Telefon; Bank nomi: H/r MFO STIR IFUT		____________________________________ ____________________________________ ____________________________________ ____________________________________ ____________________________________ ____________________________________ ___________________________________

	___________________________ (imzo)		_______________________________________________ (rahbarning F.I.O.)
M.Oʻ.

Keyingi tahrirga qarang.

(Qonun hujjatlari maʼlumotlari milliy bazasi, 26.09.2018-y., 09/18/765/1963-son; 15.01.2019-y., 09/19/29/2475-son; 07.02.2019-y., 09/19/95/2583-son, 11.08.2019-y., 09/19/661/3571-son, 22.11.2019-y., 09/19/937/4054-son, 29.12.2019-y., 09/19/1046/4242-son; 22.02.2021-y., 09/21/88/0135-son; Qonunchilik maʼlumotlari milliy bazasi, 23.11.2021-y., 09/21/705/1082-son, 27.12.2021-y., 09/21/774/1198-son, 13.01.2022-y., 09/22/18/0019-son; 05.04.2022-y., 09/22/153/0266-son, 05.11.2022-y., 09/22/646/0995-son; 22.07.2023-y., 09/23/304/0510-son; 15.05.2024-y., 09/24/282/0347-son)