Hujjat 22.11.2000 00 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
TELEKOMMUNIKATSIYALAR VA POChTA ALOQASI SOHASIDAGI BOShQARUV TIZIMINI TAKOMILLAShTIRISh ChORA-TADBIRLARI TOʻGʻRISIDA
“Telekommunikatsiyalar toʻgʻrisida”, “Pochta aloqasi toʻgʻrisida” va “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi qonunlariga muvofiq, shuningdek telekommunikatsiyalar va pochta aloqasi sohasida davlat boshqaruvi tizimini takomillashtirish, ushbu sohaga xorijiy investorlarni jalb etish uchun zarur shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston pochta va telekommunikatsiyalar agentligi telekommunikatsiyalar va pochta aloqasi sohasida davlat boshqaruvi boʻyicha maxsus vakolatli organ etib belgilansin.
Oʻzbekiston pochta va telekommunikatsiyalar agentligiga, maxsus vakolatli organ sifatida, yuridik va jismoniy shaxslarning telekommunikatsiyalar sohasidagi faoliyatini litsenziyalashni amalga oshirish huquqi berilsin.
Keyingi tahrirga qarang.
2. Quyidagilar:
Oʻzbekiston pochta va telekommunikatsiyalar agentligi toʻgʻrisida Nizom 1-ilovaga muvofiq;
Keyingi tahrirga qarang.
Telekommunikatsiyalar sohasidagi faoliyatni litsenziyalash toʻgʻrisida Nizom 2-ilovaga muvofiq tasdiqlansin.
Keyingi tahrirga qarang.
3. Oʻzbekiston Respublikasi Hukumatining 3-ilovaga muvofiq qarorlariga oʻzgartirish va qoʻshimchalar kiritilsin.
4. Oʻzbekiston Respublikasi Hukumatining 4-ilovaga muvofiq qarorlari oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Isayev zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2000-yil 22-noyabr,
458-son
Vazirlar Mahkamasining 2000-yil 22-noyabrdagi 458-son qaroriga
1-ILOVA
Oʻzbekiston pochta va telekommunikatsiyalar agentligi toʻgʻrisida
NIZOM
I. Umumiy qoidalar
1. Oʻzbekiston pochta va telekommunikatsiyalar agentligi (keyingi oʻrinlarda Agentlik deb ataladi) pochta aloqasi va telekommunikatsiyalar sohasida davlat boshqaruvi va tartibga solib borishning maxsus vakolatli organi hisoblanadi.
2. Agentlik oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisi boshqa qarorlariga, Oʻzbekiston Respublikasi Prezidentining farmonlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga amal qiladi.
3. Agentlik Xalqaro elektr aloqasi ittifoqida, Jahon pochta ittifoqida hamda pochta va telekommunikatsiyalar sohasidagi boshqa xalqaro tashkilotlarda Oʻzbekiston Respublikasi nomidan vakillik qiluvchi vakolatli organ hisoblanadi.
4. Agentlik yuridik shaxs hisoblanadi, Oʻzbekiston Respublikasi Davlat gerbi tasvirlangan, oʻz nomi Oʻzbekiston Respublikasi davlat tilida yozilgan muhrga, hisob-kitob va valyuta hisob raqamlariga ega boʻladi.
II. Agentlikning asosiy vazifalari
5. Quyidagilar Agentlikning asosiy vazifalari hisoblanadi:
davlat hokimiyati va boshqaruv organlarining, korxonalar, tashkilotlar, muassasalar va aholining turli xizmatlarga boʻlgan ehtiyojlarini qondiruvchi pochta va telekommunikatsiyalarni takomillashtirish va yanada rivojlantirish uchun shart-sharoitlar yaratish boʻyicha davlat siyosatini amalga oshirish;
pochta va telekommunikatsiyalar sohasidagi faoliyatni oʻz vakolatlari doirasida tartibga solish va boshqarishni takomillashtirish, pochta va telekommunikatsiyalar sohasida marketing tadqiqotlarini va monitoringni tashkil etish;
telekommunikatsiya tizimlari va texnologiyalarini rivojlantirish va takomillashtirishga xorijiy investitsiyalarni jalb etish uchun sharoitlar yaratish;
telekommunikatsiya va pochta texnologiyalarini yaratish, joriy etish hamda ulardan foydalanish boʻyicha yagona shartlar va talablarni tasdiqlash;
isteʼmolchilar huquqlarini himoya qilish, pochta va telekommunikatsiyalar tarmogʻining axborot xavfsizligini, davlat hokimiyati va boshqaruvi, Oʻzbekiston Respublikasi mudofaasi va milliy xavfsizligi manfaatlari uchun hamda favqulodda vaziyatlar sharoitlarida ulardan ustuvorlik bilan foydalanishni taʼminlash chora-tadbirlarini amalga oshirish.
pochta aloqasi va telekommunikatsiyalar sohasida islohotlarni chuqurlashtirish, ushbu sohada raqobat muhitini rivojlantirish uchun shart-sharoitlar yaratish.
III. Agentlikning asosiy funksiyalari
6. Agentlik oʻziga yuklangan vazifalarga muvofiq quyidagi funksiyalarni bajaradi:
pochta va telekommunikatsiyalarni rivojlantirish milliy dasturlari va konsepsiyalarini ishlab chiqadi va ularni amalga oshirishni tashkil qiladi;
iqtisodiy va ijtimoiy rivojlantirishning uzoq va qisqa muddatli prognozlarini ishlab chiqishda qatnashadi;
pochta va telekommunikatsiyalar tizimlari sohasidagi faoliyat masalalariga oid qonunchilik va normativ hujjatlar loyihalarini ishlab chiqadi va belgilangan tartibda Oʻzbekiston Respublikasi Vazirlar Mahkamasiga kiritadi;
pochta va telekommunikatsiyalar sohasidagi standartlar, normalar, texnik shartlar va talablarni hamda ilgʻor texnologiyalarni yaratish, joriy etish va ulardan foydalanishga doir qoidalarni ishlab chiqadi, yuridik va jismoniy shaxslarning pochta va telekommunikatsiyalar sohasidagi oʻzaro munosabatlarini ular faoliyati uchun teng sharoitlar yaratish yoʻli bilan belgilaydi;
pochta toʻlovlari davlat belgilari namunalarini tasdiqlaydi va bu belgilarni nashr etish, joriy qilish va muomaladan chiqarish tartibini belgilaydi;
pochta indekslarini, yozma xat-xabarlarni olish chastotasi normativlarini, shuningdek pochta joʻnatmalari oʻtishining operatorlar va provayderlar uchun majburiy boʻlgan nazorat muddatlarini tasdiqlaydi;
telekommunikatsiyalar tarmoqlarini ulash, operatorlar tomonidan oʻzaro xizmatlar koʻrsatish va ular oʻrtasida oʻzaro hisob-kitoblarni amalga oshirish tartibi va shartlarini tasdiqlaydi;
telekommunikatsiyalar tizimlarini, texnologiyalar va xizmatlarni, tarmoq standartlari va texnik shartlarini rivojlantirish va takomillashtirish boʻyicha muammoli tadqiqotlar, marketing va monitoring ishlarini tashkil qiladi;
radiochastota funksiyasini amalga oshiradi, radioelektron vositalar va yuqori chastotali qurilmalardan foydalanishni nazorat qilish, shuningdek radionuqsonlarni, shu jumladan industrial nuqsonlarni yoʻqotish ishlarini tashkil qiladi;
xoʻjalik yurituvchi subyektlarning pochta va telekommunikatsiya tarmoqlarini tashkil qilish va ishlatish faoliyati ustidan davlat nazoratini yoʻlga qoʻyish va amalga oshirish qoidalari va tartibini belgilangan tartibda ishlab chiqadi va tasdiqlaydi;
pochta va telekommunikatsiyalarning texnik vositalari va xizmatlarini sertifikatsiyalash ishlarini tashkil qiladi;
telekommunikatsiyalar sohasidagi ayrim faoliyat turlarini litsenziyalashni amalga oshiradi;
telekommunikatsiyalar tarmoqlarini raqamlash rejasini va tizimini ishlab chiqadi va tasdiqlaydi, raqamlash resurslarini hisobga olish, turkumlash va ulardan foydalanishni nazorat qilishni amalga oshiradi;
pochta va telekommunikatsiyalar tarmoqlari va vositalari faoliyat koʻrsatishining axborot xavfsizligini taʼminlashga oid talablarni belgilaydi hamda operatorlar va provayderlarning ushbu masala boʻyicha faoliyatini muvofiqlashtirib boradi;
manfaatdor vazirliklar va idoralar bilan birgalikda, idoraviy mansubligidan qatʼi nazar, xoʻjalik yurituvchi subyektlarning texnikaviy kuchlaridan foydalangan holda mudofaa qobiliyati va milliy xavfsizlikni taʼminlash, tabiiy ofatlar oqibatlarini tugatish kompleks chora-tadbirlarini ishlab chiqadi va ularning bajarilishini tashkil qiladi;
pochta va telekommunikatsiyalar sohasidagi universal xizmatlar roʻyxatini hamda ularning sifatiga qoʻyiladigan talablarni qonunchilikda belgilangan tartibda belgilaydi;
foydalanuvchilar manfaatlarini hisobga olgan holda pochta va telekommunikatsiyalar xizmatlarining ayrim, shu jumladan universal turlariga, shuningdek telekommunikatsiyalarni tarmoqlararo ulashga tariflarni qonunchilikda belgilangan tartibda boshqarib boradi;
pochta va telekommunikatsiyalar xizmatlari bozorini shakllantirish va rivojlantirishga koʻmaklashadi;
foydalanuvchilar huquqlarini va qonuniy manfaatlarini himoya qiladi, operatorlar, provayderlar va foydalanuvchilar oʻrtasidagi oʻzaro munosabatlar masalalarini koʻrib chiqadi;
operatorlar va provayderlar faoliyati uchun teng sharoitlar yaratishga koʻmaklashadi;
Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi bilan birgalikda pochta va telekommunikatsiyalar sohasida raqobatni rivojlantirishga koʻmaklashadi, nohalol raqobatchilik hollarini bartaraf etish va monopolistik faoliyatni cheklash boʻyicha qonunchilikda belgilangan chora-tadbirlarni koʻradi;
davlat boshqaruvi organlari, operatorlar va provayderlarning pochta va telekommunikatsiyalar tarmoqlari va xizmatlarini rivojlantirish masalalari boʻyicha faoliyatini muvofiqlashtirib boradi;
texnologiyalar, telekommunikatsiyalar va pochta aloqasi sohasidagi xalqaro faoliyatda Oʻzbekiston Respublikasining vakolatli aloqa maʼmuriyati sifatida ish koʻradi. Xalqaro elektr aloqasi ittifoqi, Jahon pochta ittifoqi hamda pochta va telekommunikatsiyalar sohasidagi boshqa xalqaro tashkilotlarning kongresslarida, syezdlarida, konferensiyalarida Oʻzbekiston Respublikasi nomidan qatnashadi;
pochta va telekommunikatsiyalar tizimlari sohasidagi xalqaro, hukumatlararo bitimlar va shartnomalar loyihalarini tayyorlaydi;
investitsiya siyosatini ishlab chiqishda va amalga oshirishda qatnashadi, xorijiy investitsiyalarni pochta va telekommunikatsiyalar vositalari va tarmoqlarini rivojlantirishga, ijtimoiy ahamiyatga ega boʻlgan xizmatlarni, ilmiy tadqiqotlarni qoʻllab-quvvatlashga, mutaxassislarni tayyorlash va qayta tayyorlashga jalb etish chora-tadbirlarini amalga oshiradi;
moliya tashkilotlari, xorijiy mamlakatlar hukumatlarining pochta va telekommunikatsiyalar uchun ajratiladigan grantlaridan foydalanishning ustuvor yoʻnalishlarini belgilaydi va ularni taqsimlaydi;
investitsiyalarni, shu jumladan xorijiy investitsiyalarni pochta va telekommunikatsiyalarni rivojlantirishga jalb etish boʻyicha tenderlar, tanlovlar va savdolarni tashkil qilishda qatnashadi;
oʻz tasarrufidagi davlat tashkilotlari, korxonalar va muassasalar ishiga bevosita rahbarlik qiladi, ular faoliyatining asosiy yoʻnalishlarini belgilaydi, rahbarlarni belgilangan tartibda lavozimga tayinlaydi va lavozimdan ozod qiladi, ularni ragʻbatlantirish yoki jazolash toʻgʻrisida qaror qabul qiladi;
Oʻzbekiston Respublikasi qonunchiligiga muvofiq, pochta va telekommunikatsiyalar sohasi tuzilmasini takomillashtirish boʻyicha takliflarni belgilangan tartibda ishlab chiqadi va kiritadi;
Agentlik tizimining safarbarlik rejasini, davlat moddiy mablagʻlar zahirasidagi jamgʻarmalar tuzilmasi, tarkibi, normalari va rejasini ishlab chiqadi, harbiy qism kuch va vositalari bilan davlat hokimiyati va boshqaruvi organlarini aloqa bilan taʼminlash uchun avariya-tiklash ishlarini bajarishni, Agentlik tizimining alohida muhim obyektlarini qoʻriqlashni tashkil qiladi;
budjetdan mablagʻ bilan taʼminlanadigan oʻquv yurtlari, maxsus korxonalar, harbiy boʻlinmalar ehtiyojini umumlashtiradi va ularni budjetdan mablagʻ bilan taʼminlashni tashkil qiladi;
pochta va telekommunikatsiyalar sohasida statistik hisobotni takomillashtirish ishlarini tashkil qiladi, yigʻma statistik hisobotni amalga oshiradi, asosiy texnik-iqtisodiy koʻrsatkichlarni tahlil qiladi;
pochta va telekommunikatsiyalar sohasidagi oʻquv yurtlarining yuqori iqtidorli talabalari uchun Agentlik stipendiyalarini belgilaydi.
Agentlik qonunchilikda nazarda tutilgan boshqa funksiyalarni ham bajaradi.
IV. Agentlikning huquqlari
7. Agentlik quyidagi huquqlarga ega:
oʻz vakolati doirasida Oʻzbekiston Respublikasi qonunchiligiga muvofiq pochta aloqasi va telekommunikatsiyalar xizmatlari koʻrsatuvchi yoki ulardan foydalanuvchi, shuningdek, mulkchilik shakllaridan qatʼi nazar, pochta va telekommunikatsiyalar tizimlari hada inshootlarini loyihalash va qurishni amalga oshiruvchi yuridik va jismoniy shaxslar uchun majburiy boʻlgan normativ hujjatlar chiqarish;
telekommunikatsiyalar sohasidagi faoliyat turlariga litsenziyalar berish, berilgan litsenziyalar shartlarining bajarilishini tasarrufidagi organlar orqali nazorat qilish;
Oʻzbekiston Respublikasida aloqaning texnik vositalarini qoʻllashga belgilangan tartibda sertifikatlar va radioelektron vositalardan va yuqori chastotali qurilmalardan foydalanishga ruxsatnomalar berish;
Agentlik vakolatiga kiruvchi masalalarni davlat hokimiyati va boshqaruvi organlarida hal qilish, tegishli takliflarni Oʻzbekiston Respublikasi Vazirlar Mahkamasiga belgilangan tartibda kiritish;
favqulodda holatlarda (harbiy harakatlar, zilzila, suv toshqini, epidemiyalar va shu kabilarda) pochta va telekommunikatsiyalarning istalgan tarmoqlari va vositalaridan ustuvor ravishda foydalanish, shuningdek ularning ishlashini cheklash yoki toʻxtatib qoʻyish;
radioelektron vositalar va yuqori chastotali qurilmalar belgilangan standartlarga va texnik normalarga muvofiq boʻlmaganda, fuqarolar xavfsizligini, atrof muhitni muhofaza qilishni taʼminlamaganda, shuningdek boshqa alohida holatlarda ularni ishlatishni belgilangan tartibda taqiqlash;
oʻz vakolati doirasida zimmasiga yuklangan vazifalardan kelib chiquvchi boshqa huquqlar.
Agentlik pochta toʻlovi davlat belgilarini muomalaga kiritish va muomaladan chiqarish borasida mutlaq huquqqa egadir.
V. Agentlikning tashkiliy tuzilmasi
8. Agentlik tizimiga quyidagilar kiradi:
Pochta va telekommunikatsiyalar tarmoqlari va vositalarini rivojlantirish, texnika bilan qayta jihozlash va rekonstruksiya qilish sohasidagi ustuvor va ijtimoiy ahamiyatga ega boʻlgan loyihalarni hamda ilmiy-tadqiqot ishlarini mablagʻ bilan taʼminlash uchun telekommunikatsiyalar tizimlari korxonalari mablagʻlarining bir qismini, shuningdek boshqa moliyaviy mablagʻlarni jamlash boʻyicha — Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasi;
Pochta va telekommunikatsiyalar tizimlarining muammoli tadqiqotlar, marketing va monitoring, texnik vositalarni sertifikatsiyalash boʻyicha — Axborot tizimlarining ilmiy-texnika va marketing tadqiqotlari markazi;
Oʻzbekiston Respublikasida pochta va telekommunikatsiyalar xoʻjalik yurituvchi subyektlari faoliyatini davlat tomonidan nazorat qilish boʻyicha — Davlat aloqa inspeksiyasi;
Oʻzbekiston Respublikasi hududida chastotalarni davlat tomonidan tartibga solish va boshqarish boʻyicha — Oʻzbekiston Respublikasi radiochastotalar boʻyicha davlat komissiyasi;
Pochta va telekommunikatsiyalar sohasidagi xoʻjalik yurituvchi subyektlar uchun mutaxassislar tayyorlash boʻyicha — Toshkent aloqa elektrtexnika instituti, Toshkent aloqa kolleji;
Davlat hokimiyati va boshqaruvi yuqori organlari xat-xabarlarini va diplomatik xat-xabarlarni qabul qilish, yetkazib berish boʻyicha — Davlat choparlik xizmati;
Respublika muassasalari, tashkilotlari va korxonalarining maxsus xat-xabarlarini va joʻnatmalarini qabul qilish, yetkazib berish boʻyicha — Respublika maxsus aloqa uzeli;
telekommunikatsiyalar tarmoqlarining samarali faoliyat koʻrsatishini muvofiqlashtirish, telekommunikatsiyalar resurslaridan oqilona foydalanish va ularni rivojlantirish, telekommunikatsiyalar xizmatlariga boʻlgan ehtiyojlarni eng toʻliq qondirish, davlat hokimiyati va boshqaruvi organlari, Oʻzbekiston Respublikasi mudofaasi va milliy xavfsizligi manfaatlarini koʻzlab tarmoqlardan ustuvor foydalanish uchun turli operatorlar tarmoqlarini muvofiqlashtirgan holda boshqarish tizimini yaratish boʻyicha — Shaharlararo va xalqaro tarmoqlarni boshqarish markazi;
davlat va jamoatchilik organlari, fuqarolar, korxonalar, muassasalar va tashkilotlarning axborotlarga boʻlgan ehtiyojlarini qondirish uchun Maʼlumotlarni uzatish milliy tarmogʻi faoliyat koʻrsatishini va uni rivojlantirishni taʼminlash, texnika vositalarini joriy etish, respublika yagona axborot makonining kommunikatsiya asoslarini takomillashtirish va uning jahon axborot makoniga qoʻshilishi imkoniyatlarini kengaytirish boʻyicha — “UzPAK” maʼlumotlarni uzatish davlat tarmogʻi korxonasi;
teleradiodasturlarni Oʻzbekiston Respublikasi butun hududi boʻylab tarqatish va translatsiya qilish boʻyicha — Radioaloqa, radioeshittirish va televideniye korxonasi;
tashkilotlar, muassasalar, kompaniyalar, mahalliy, shaharlararo va xalqaro pochta va telekommunikatsiyalar tarmoqlarining, umumiy foydalanishdagi elektr va pochta aloqasi xizmati koʻrsatadigan radioaloqa, radioeshittirish va televideniye tarmoqlarining korxonalari, harbiy boʻlinma.
VI. Agentlik faoliyatini tashkil etish
9. Agentlik Oʻzbekiston Respublikasi Vazirlar Mahkamasiga boʻysunadi.
10. Agentlikni Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan bosh direktor boshqaradi.
11. Bosh direktorning Oʻzbekiston Respublikasi Vazirlar Mahkamasi tomonidan tayinlanadigan toʻrt nafar oʻrinbosari, shu jumladan bir nafar birinchi oʻrinbosari boʻladi.
12. Bosh direktor lavozimiga koʻra Oʻzbekiston Respublikasi vaziriga, birinchi oʻrinbosar va oʻrinbosarlar-tegishli ravishda vazirning birinchi oʻrinbosariga va oʻrinbosarlariga tenglashtiriladi.
13. Agentlikning Bosh direktori ayni vaqtda Oʻzbekiston Respublikasi radiochastotalar boʻyicha davlat komissiyasi raisi hisoblanadi.
14. Bosh direktor:
Agentlikka yuklangan vazifalarning bajarilishi uchun shaxsan javob beradi, oʻrinbosarlar oʻrtasida vazifalarni taqsimlaydi, oʻrinbosarlarning, tasarrufidagi tashkilotlar va korxonalar rahbarlarining javobgarlik darajasini belgilaydi;
pochta va telekommunikatsiyalar xizmatlarini ayirboshlashni tashkil etishda xorijiy davlatlarning bunga vakil qilingan mansabdor shaxslari bilan bitimlar va shartnomalarni Hukumat nomidan imzolashga belgilangan tartibda vakil qilingan;
Agentlik apparati ish haqi fondini, shtatlar jadvalini, apparatni mablagʻ bilan taʼminlash xarajatlari smetasini tasdiqlaydi, ragʻbatlantirish hamda ish haqi toʻlash miqdori va tizimini belgilaydi;
oʻziga yuklangan vazifalarni bajarish uchun buyruqlar va farmoyishlar chiqaradi;
tasdiqlangan nomenklaturaga muvofiq Agentlik apparati xodimlarini, tasarrufidagi davlat tashkilotlari, korxonalari, muassasalari rahbarlarini lavozimga tayinlaydi va lavozimdan ozod qiladi.
15. Agentlikda tarkibiga bosh direktor (hayʼat raisi), lavozimi boʻyicha bosh direktor oʻrinbosarlari, shuningdek Agentlik tizimining boshqa rahbar xodimlari kiruvchi 11 kishidan iborat hayʼat tuziladi. Hayʼatning shaxsiy tarkibi Vazirlar Mahkamasi tomonidan tasdiqlanadi.
Hayʼat oʻz majlislarida aloqa tarmogʻini rivojlantirish, fan-texnika yutuqlaridan keng koʻlamda foydalanish, idoralararo va davlatlararo aloqalarni rivojlantirish boʻyicha asosiy masalalarni hamda faoliyatning boshqa masalalarini koʻrib chiqadi, qonunchilik va normativ hujjatlar loyihalarini muhokama qiladi.
Hayʼat qarorlari, qoidaga koʻra, Agentlik buyruqlari bilan hayotga tatbiq etiladi. Bosh direktor va hayʼat oʻrtasida kelishmovchilik paydo boʻlgan taqdirda bosh direktor paydo boʻlgan kelishmovchilik toʻgʻrisida Vazirlar Mahkamasiga maʼlum qilgan holda, oʻz qarorini hayotga tatbiq etaveradi, hayʼat aʼzolari, oʻz navbatida, oʻz fikr-mulohazalarini Vazirlar Mahkamasiga maʼlum qilishlari mumkin.
16. Agentlik apparatini mablagʻ bilan taʼminlash Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasi, shuningdek qonunchilik bilan taqiqlanmagan boshqa manbalar mablagʻlari hisobidan amalga oshiriladi.
17. Agentlikni tugatish yoki qayta tashkil qilish Oʻzbekiston Respublikasi qonunchiligiga muvofiq amalga oshiriladi.
Keyingi tahrirga qarang.
Vazirlar Mahkamasining 2000-yil 22-noyabrdagi 458-son qaroriga
2-ILOVA
Telekommunikatsiyalar sohasidagi faoliyatni litsenziyalash toʻgʻrisida
NIZOM
I. Umumiy qoidalar
1. Mazkur Nizom “Aloqa toʻgʻrisida”, “Telekommunikatsiyalar toʻgʻrisida”, “Faoliyatning ayrim turlarini litsenziyalash toʻgʻrisida”gi qonunlarga muvofiq ishlab chiqilgan va telekommunikatsiyalar sohasida litsenziyalash tartibini, litsenziya talablari va shartlarini belgilab beradi.
2. Telekommunikatsiyalar sohasida yuridik va jismoniy shaxslar faoliyati turlarini litsenziyalashni Oʻzbekiston pochta va telekommunikatsiyalar agentligi (keyingi oʻrinlarda “litsenziyalovchi organ” deb yuritiladi) amalga oshiradi.
Keyingi tahrirga qarang.
3. Telekommunikatsiyalar quyidagi turlarining, yaʼni:
mahalliy tarmoqlar;
shaharlararo tarmoqlar;
xalqaro tarmoqlar;
koʻchma radiotelefon aloqa tarmoqlari;
shaxsiy radiochaqiruv tarmoqlari;
Keyingi tahrirga qarang.
maʼlumotlar uzatish tarmoqlari;
teleradioeshittirishlarni tarqatish (translatsiya qilish) tarmoqlari loyihalashtirilishi, qurilishi, ulardan foydalanish va ularning xizmatlar koʻrsatishi litsenziyalanishi shart.
Keyingi tahrirga qarang.
Keyingi tahrirga qarang.
4. Yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar (yakka tartibdagi tadbirkorlar)ning telekommunikatsiyalar sohasidagi faoliyatning litsenziyalanadigan turlarini amalga oshirishi taqiqlanadi, bundan quyidagilar mustasno:
quvvati 0,1 Vattgacha boʻlgan uzatgichlar bilan kabel tarmogʻi orqali teleradioeshittirishlarni tarqatish (translatsiya qilish) — teleradiodasturlarni retranslatsiya qilish xizmatlari koʻrsatish;
maʼlumotlarni uzatish tarmoqlari provayderi xizmatlari koʻrsatish, shu jumladan oʻz tarmogʻini tashkil etish huquqisiz maʼlumotlarni uzatish operatorlari tarmogʻi orqali “Internet” maʼlumotlarini uzatish xizmatlari koʻrsatish;
200 tagacha raqamga ega boʻlgan telekommunikatsiyalar tarmogʻi xizmatlaridan foydalanish va xizmatlar koʻrsatish.
5. Agar:
telekoʻrsatuvning kabel tarmogʻi va radioeshittirishning simli tarmogʻi bir muassasa, oʻquv yurti yoki sanoat korxonasi binosi va hududi bilan cheklangan yoxud abonentlarning umumiy soni 10 tadan ortiq boʻlmasa;
yuridik yoki jismoniy shaxs mahalliy, shaharlararo aloqa xizmatlari koʻrsatsa, shuningdek doʻkonchalar, lavkalar, doʻkonlar, barlar, restoranlar, dorixonalar, oʻyin komplekslari, sanatoriylarda, avtomobil bosh yoʻllari boʻyida mahalliy tarmoqlar operatorlari tomonidan ajratilgan telefon raqamlaridan xalqaro telefon soʻzlashuvlari xizmatlari koʻrsatsa (aloqaning taksofon xizmatlari) va faks boʻyicha axborotni joʻnatsa (va qabul qilsa);
Keyingi tahrirga qarang.
faoliyat aholining hayoti va sogʻligʻiga xavf soluvchi hamda qutqarish va avariya-tuzatish ishlarini talab etuvchi tabiiy ofatlar, epidemiyalar, yirik halokatlar oqibatlarini tugatish bilan, shuningdek faqat davlat boshqaruvi, mudofaa, xavfsizlik va huquq-tartibotni muhofaza qilish maqsadlarida foydalanish uchun moʻljallangan telekommunikatsiyalar tarmogʻini tashkil etish va ularning ishlashi bilan bogʻliq boʻlsa, litsenziya olish talab etilmaydi.
Keyingi tahrirga qarang.
Mahalliy tarmoqlar operatorlari tomonidan ajratilgan telefon raqamlaridan telekommunikatsiya xizmatlari koʻrsatuvchi jismoniy va yuridik shaxslar oʻz faoliyatini qonun hujjatlarida belgilangan tartibda, telekommunikatsiyalar operatorlari bilan tuzilgan shartnomalar asosida amalga oshiradilar.
Keyingi tahrirga qarang.
II. Litsenziyalar
6. Telekommunikatsiyalar sohasida faoliyatni amalga oshirishga litsenziyalar namunaviy (oddiy) yoki yakka tartibdagi litsenziyalar boʻlishi mumkin.
Namunaviy (oddiy) litsenziyalar jumlasiga telekommunikatsiyalar sohasida yagona shartlar va talablar asosida faoliyatni amalga oshirishga cheklanmagan doiradagi yuridik va jismoniy shaxslarga beriladigan litsenziyalar kiradi.
Keyingi tahrirga qarang.
Yakka tartibdagi litsenziyalar jumlasiga yuridik va jismoniy shaxslarga alohida talablar va shartlar asosida beriladigan, litsenziatlarga faoliyatning mazkur turini amalga oshirishda mutlaq huquqlar beruvchi, miqdoriy cheklangan litsenziyalar kiradi. Yakka tartibdagi litsenziyalar aniq sharoitlarga qarab miqdori, muddati, amal qilish hududi, faoliyat obyektiga koʻra cheklanadi.
Keyingi tahrirga qarang.
7. Yakka tartibdagi litsenziyalar mahalliy, shaharlararo, xalqaro tarmoqlar, koʻchma radiotelefon aloqa, shaxsiy radiochaqiruv, maʼlumotlar uzatish, teleradioeshittirishlarni tarqatish (translatsiya qilish) tarmoqlari loyihalashtirilishi, qurilishi, ulardan foydalanish va telekommunikatsiya xizmatlari koʻrsatish boʻyicha faoliyatni amalga oshirishga beriladi.
Keyingi tahrirga qarang.
Xalqaro tarmoqlar loyihalashtirilishi, qurilishi, ulardan foydalanish va telekommunikatsiyalar xizmatlari koʻrsatishga yakka tartibdagi litsenziya birinchi marta faqat bitta daʼvogarga beriladi, uning amal qilish muddati tamom boʻlgach faoliyatning mazkur turini amalga oshirishga yakka tartibdagi litsenziyalar boshqa daʼvogarlarga ham berilishi mumkin.
Telekommunikatsiyalar sohasida faoliyatning ayrim turlariga yakka tartibdagi litsenziyalar berish tanlov (tender) asosida amalga oshirilishi mumkin. Tanlovlar (tenderlar) oʻtkazish tartibi va shartlari Oʻzbekiston Respublikasi Vazirlar Mahkamasi tomonidan belgilanadi.
Tanlovlar (tenderlar) oʻtkazish shartlari, tender takliflarini koʻrib chiqish muddatlari, malaka talablari, litsenziya talablari loyihalari va litsenziya berish uchun daʼvogarlarni tanlash shartlari, mezonlari matbuotda eʼlon qilinadi.
8. Litsenziya har bir litsenziyalanadigan faoliyat turi uchun alohida beriladi. Litsenziya daʼvogarining arizasiga muvofiq litsenziya litsenziyalanayotgan faoliyat turining bir qismiga (qismlariga) berilishi mumkin.
9. Amalga oshirilishi uchun litsenziya olingan faoliyat turi faqat litsenziyani olgan yuridik yoki jismoniy shaxs tomonidan amalga oshirilishi mumkin. Litsenziyalarni yoki ularga doir huquqlarni boshqa shaxslarga berish taqiqlanadi.
Keyingi tahrirga qarang.
10. Amalga oshirilishi uchun litsenziya berilgan faoliyat, agar litsenziya talablari va shartlarida boshqacha qoida nazarda tutilmagan boʻlsa, Oʻzbekiston Respublikasining butun hududida amalga oshirilishi mumkin.
11. Mahalliy, shaharlararo, xalqaro tarmoqlar, koʻchma radiotelefon aloqa, shaxsiy radiochaqiruv tarmoqlar loyihalashtirilishi, qurilishi, ulardan foydalanish va kommunikatsiyalar xizmatlari koʻrsatishga litsenziyalar 15 yilgacha boʻlgan muddatga, biroq kamida 5 yil muddatga beriladi. Bunda xalqaro tarmoqlarini loyihalashtirilishi, qurilishi, ulardan foydalanish va telekommunikatsiyalar xizmatlari koʻrsatishga mazkur Nizomga muvofiq birinchi marta berilgan yakka tartibdagi litsenziyaning amal qilish muddati 5 yildan ortiq boʻlmaydi.
Keyingi tahrirga qarang.
12. Maʼlumotlarni uzatish tarmoqlari loyihalashtirilishi, qurilishi, ulardan foydalanish va ular xizmatlarini koʻrsatishga hamda teleradioeshittirishlarni tarqatish (translatsiya va retranslatsiya qilish)ga litsenziya 5 yil muddatga beriladi.
13. Litsenziya daʼvogarining arizasiga koʻra litsenziya 5 yildan kam boʻlgan muddatga berilishi mumkin.
Keyingi tahrirga qarang.
III. Litsenziyalar berish
14. Litsenziya olish uchun litsenziya daʼvogari litsenziyalovchi organga quyidagilarni taqdim etadi:
a) litsenziya berish toʻgʻrisida belgilangan shakl boʻyicha ariza, unda:
yuridik shaxs uchun — yuridik shaxsning nomi va tashkiliy-huquqiy shakli, joylashgan eri (pochta manzili), bank muassasasining nomi va bank muassasasidagi hisob raqami (1-ilova);
Keyingi tahrirga qarang.
jismoniy shaxs uchun — familiyasi, ismi va otasining ismi, fuqaroning shaxsini tasdiqlovchi hujjatning maʼlumotlari (2-ilova);
Keyingi tahrirga qarang.
yuridik yoki jismoniy shaxs amalga oshirishni moʻljallagan faoliyatning litsenziyalanayotgan turi (uning bir qismi) hamda faoliyatning mazkur turi amalga oshiriladigan muddat koʻrsatiladi;
Keyingi tahrirga qarang.
Keyingi tahrirga qarang.
b) yuridik shaxs uchun yuridik shaxs davlat roʻyxatidan oʻtkazilganligi toʻgʻrisidagi guvohnomaning notarial tasdiqlangan nusxasi, taʼsis hujjatlari (muassis (muassislar)ning ustavi (ustavlari)ning notarial tasdiqlangan nusxasi, muassis yoki muassislar tomonidan tasdiqlangan ustav (nizom), taʼsis shartnomasi nusxasi;
jismoniy shaxs uchun — yakka tartibdagi tadbirkor davlat roʻyxatidan oʻtkazilganligi toʻgʻrisidagi guvohnomaning notarial tasdiqlangan nusxasi;
v) litsenziyalovchi organ litsenziya daʼvogarining arizasini koʻrib chiqishi uchun litsenziya daʼvogari eng kam oylik ish haqining besh baravari miqdorida yigʻim toʻlaganligini tasdiqlovchi hujjat;
Keyingi tahrirga qarang.
g) yuridik shaxs televideniye, radioeshittirishlarni tarqatish (translatsiya qilish) va maʼlumotlar uzatish tarmoqlaridan foydalanishga va xizmatlar koʻrsatishga litsenziya olish uchun Davlat matbuot qoʻmitasida davlat roʻyxatidan oʻtganligi toʻgʻrisidagi guvohnomaning notarial tasdiqlangan nusxasi;
Keyingi tahrirga qarang.
d) telekommunikatsiyalar asosiy texnik vositalarining tavsifi, radiochastotalarning diapazonlari va nominallari (ulardan foydalanishda) koʻrsatilgan holda ularning roʻyxati;
Keyingi tahrirga qarang.
e) tarmoqni tashkil etish rejasi va rivojlantirish prognozi, belgilangan shakl boʻyicha bajariladigan ishlarga qarab boshqa zarur maʼlumotlar (abonentlar, shaharlararo portlar, xalqaro stansiyalar, maʼlumotlarni uzatish tizimlari va tarmoqlari, qoplash zonalari soni va telekommunikatsiyalarning aniq tarmoqlari yoki inshootlari uchun boshqa parametrlar);
j) litsenziya daʼvogari tomonidan telekommunikatsiyalar sohasidagi faoliyatning asosiy turlariga litsenziya olish uchun qoʻyiladigan talablar va shartlar bajarilishi mumkinligini tasdiqlovchi hujjatlar;
Keyingi tahrirga qarang.
telekommunikatsiyalar sohasida faoliyatni amalga oshirishning texnik-iqtisodiy asoslanishi;
Keyingi tahrirga qarang.
sanitariya, yongʻin normalari va obyektni qoʻriqlash talablariga muvofiqlik toʻgʻrisida tegishli organlarning xulosasi;
Oʻzbekiston Respublikasining radiochastotalaridan foydalanish va ularni nazorat qilish boʻyicha organlarning berilgan chastotalardan foydalanish imkoniyati, uzatuvchi qurilmalar quvvati toʻgʻrisidagi maʼlumotlar (tele-radioeshittirishlarni tarqatish toʻgʻrisidagi xulosasi (translatsiya qilish)ga va radio-telefon aloqasi xizmatlari koʻrsatishga litsenziyalar olishda);
Keyingi tahrirga qarang.
boshqa shaxsga tegishli asbob-uskunadan foydalanish moʻljallanayotgan taqdirda ushbu asbob-uskuna ijaraga olinganligi (foydalanilganligi)ni tasdiqlovchi hujjat taqdim etiladi. Tasdiqlash shartnoma yoki uning belgilangan tartibda tasdiqlangan nusxasini taqdim etish tarzida boʻlishi mumkin;
Keyingi tahrirga qarang.
Keyingi tahrirga qarang.
15. Oʻzbekiston Respublikasi hududidan uchinchi mamlakatlarga xorijiy tele va radio stansiyalarning dasturlarini retranslatsiya qilish uchun litsenziya berish toʻgʻrisida ariza berilganda xalqaro bitimlarning tegishli shartlariga muvofiq qoʻshimcha hujjatlar talab etiladi.
16. Hujjatlar litsenziya daʼvogari tomonidan litsenziyalovchi organga bevosita yoki pochta aloqasi vositalari orqali, ular olingani haqidagi tasdiqni olgan holda, yetkazib beriladi.
Keyingi tahrirga qarang.
17. Litsenziya olish uchun litsenziyalovchi organga yuborilgan hujjatlar roʻyxat boʻyicha qabul qilinadi, ularning nusxalari hujjatlar koʻrsatib oʻtilgan organ tomonidan qabul qilingan sana toʻgʻrisida belgi qoʻyilgan holda daʼvogarga yuboriladi (topshiriladi).
Keyingi tahrirga qarang.
18. Notoʻgʻri yoki buzib koʻrsatilgan maʼlumotlarni taqdim etganlik uchun litsenziya daʼvogari qonunga muvofiq javob beradi.
19. Litsenziyalovchi organ tomonidan litsenziya daʼvogarining arizasi koʻrib chiqilganligi uchun faoliyatning har bir turi boʻyicha Oʻzbekiston Respublikasida belgilangan eng kam oylik ish haqining besh baravari miqdorida yigʻim undiriladi.
Keyingi tahrirga qarang.
Litsenziya daʼvogarlarining arizalarini koʻrib chiqqanlik uchun yigʻim summalari litsenziyalovchi organ hisob raqamiga oʻtkaziladi.
Litsenziya daʼvogari bergan arizasidan voz kechgan yoki litsenziyalovchi organ tomonidan litsenziya berish rad etilgan taqdirda toʻlangan yigʻim summasi qaytarilmaydi.
Keyingi tahrirga qarang.
20. Litsenziya berish yoki uni berishni rad etish toʻgʻrisidagi qarorni litsenziyalovchi organ barcha zarur hujjatlar bilan birgalikda litsenziya daʼvogarining arizasi olingan kundan boshlab oʻttiz kundan kechikmay qabul qiladi.
Litsenziyalovchi organ zaruriyat boʻlganda tegishli xulosalar tayyorlash uchun ekspertlarni oʻz mablagʻlari hisobiga shartnoma asosida jalb etishga haqlidir.
21. Litsenziyalovchi organ litsenziya daʼvogarini qabul qilingan qaror toʻgʻrisida bank hisob raqami rekvizitlari va davlat boji toʻlash muddati koʻrsatilgan holda qaror qabul qilingandan keyin uch kun mobaynida yozma shaklda xabardor qiladi.
Keyingi tahrirga qarang.
22. Litsenziyalar daʼvogar tomonidan davlat boji toʻlangandan va litsenziya bitimi imzolangandan keyin beriladi.
Keyingi tahrirga qarang.
23. Agar litsenziat unga litsenziya berish toʻgʻrisidagi qaror qabul qilingani haqidagi xabarnoma yuborilgan (topshirilgan) paytdan eʼtiboran uch oy ichida litsenziyalovchi organga litsenziya berganlik uchun davlat boji toʻlanganligini tasdiqlovchi hujjatni taqdim etmagan yoki litsenziya shartnomasini imzolamagan boʻlsa, litsenziyalovchi organ mazkur litsenziyani bekor qilishga haqli.
24. Litsenziya litsenziatlarni telekommunikatsiyalar vositalari loyihalashtirilishi, qurilishi va ulardan foydalanish hamda xizmatlar koʻrsatish boʻyicha amaldagi qoidalarda nazarda tutilgan zarur guvohnomalar, sertifikatlar va boshqa hujjatlar olish majburiyatidan ozod etmaydi.
25. Litsenziya berish yoki litsenziyaning amal qilish muddati uzaytirilishi rad etilishining sabablari quyidagilar boʻlishi mumkin:
litsenziya daʼvogarining hujjatlarni lozim tarzda rasmiylashtirmay taqdim etishi;
litsenziya daʼvogari taqdim etgan hujjatlarda notoʻgʻri yoki buzib koʻrsatilgan maʼlumotlarning mavjudligi;
litsenziya daʼvogarining litsenziya talablari va shartlariga, shuningdek tanlov (tender) shartlariga nomuvofiqligi.
Boshqa asoslarga koʻra, shu jumladan litsenziya berish maqsadga muvofiq emas degan vaj bilan litsenziya berishni rad etishga yoʻl qoʻyilmaydi.
26. Litsenziya berishni rad etish haqidagi xabarnoma litsenziya daʼvogariga yozma shaklda, rad etishning sabablari va litsenziya daʼvogari koʻrsatilgan sabablarni bartaraf qilib, hujjatlarni koʻrib chiqish uchun takror taqdim etishi mumkin boʻlgan muddat koʻrsatilgan holda yuboriladi (topshiriladi).
Keyingi tahrirga qarang.
Litsenziya daʼvogari litsenziya berish rad etilishi uchun asos boʻlgan sabablarni bartaraf etgan taqdirda, litsenziya daʼvogarining arizasini barcha zarur hujjatlar bilan birga olgan kundan eʼtiboran oʻn kundan oshmagan muddat ichida litsenziyalovchi organ hujjatlarni qayta koʻrib chiqadi. Litsenziya daʼvogarlarining arizalarini qayta koʻrib chiqqanlik uchun yigʻim undirilmaydi. Litsenziya berishni rad etish haqidagi xabarnomada koʻrsatilgan muddat oʻtgach, berilgan ariza – yangidan berilgan deb hisoblanadi.
Keyingi tahrirga qarang.
Keyingi tahrirga qarang.
27. Litsenziya daʼvogari litsenziyalovchi organning litsenziya berishni rad etish toʻgʻrisidagi qarori ustidan, shuningdek litsenziyalovchi organ mansabdor shaxsining harakati (harakatsizligi) ustidan qonun hujjatlarida belgilangan tartibda shikoyat qilishga haqli.
28. Litsenziyalar tegishli blankalarda rasmiylashtiriladi. Litsenziyalarning blankalari qatʼiy hisobot hujjatlari hisoblanadi, ular hisobga olish seriyasiga, tartib raqamiga va himoyalanganlik darajasiga ega boʻlishi lozim (3-ilova).
Keyingi tahrirga qarang.
29. Amal qilish muddati tamom boʻlmagan yoʻqolgan yoki yaroqsiz holga kelgan litsenziya oʻrniga daʼvogarning arizasiga koʻra uning dublikati berilishi mumkin.
Bunda litsenziat yoʻqolgan yoki yaroqsiz holga kelgan litsenziyaning haqiqiy emasligi toʻgʻrisida ommaviy axborot vositalarida eʼlon berishi, shuningdek litsenziyalovchi organga ushbu eʼlonni taqdim etishi shart.
Litsenziya dublikati berilganligi uchun litsenziya berish toʻgʻrisida litsenziya daʼvogarining arizasi koʻrib chiqilganligi uchun toʻlanadigan summaning yarmi miqdorida yigʻim undiriladi.
30. Litsenziyalar, litsenziya bitimlari Oʻzbekiston pochta va telekommunikatsiyalar agentligining bosh direktori tomonidan imzolanadi.
Keyingi tahrirga qarang.
IV. Litsenziya talablari va shartlari
31. Faoliyatning tegishli turlariga litsenziya talablari va shartlarida ularning xususiyatiga bogʻliq ravishda yakka tartibdagi va namunaviy litsenziyalar uchun umumiy boʻlgan quyidagi asosiy maʼlumotlar, tavsiflar, talablar va shartlar boʻlishi kerak:
litsenziya doirasida amalga oshirishga ruxsat beriladigan telekommunikatsiyalar sohasidagi faoliyat turlari;
litsenziat tomonidan qonun hujjatlariga rioya etilishi;
litsenziyalanadigan faoliyatni amalga oshirishga ruxsat etiladigan hudud chegarasi;
asosiy asbob-uskuna va inshootlarning texnik tavsiflari;
radiochastotalarning ajratilgan nominallari yoki polosalari (televizion kanallarning nomerlari, koʻchma radio aloqa va simsiz foydalanish standartlarining nomi va boshqalar);
tarmoqlarni rivojlantirishni tashkil etish rejasi va prognozi;
Oʻzbekiston Respublikasi qonun hujjatlarida belgilangan tartibda telekommunikatsiyalarning texnik vositalarini sertifikatsiyalashni taʼminlash;
koʻrsatiladigan xizmatlarning belgilangan sifat meʼyorlarini taʼminlash;
foydalanuvchilarning manfaatlari va huquqlariga rioya qilish;
tarmoqlararo qoʻshilishlarni tashkil etish, boshqa operatorlar va provayderlarga oʻz tarmogʻidan foydalanish, shuningdek ular oʻrtasida oʻzaro-hisob-kitob shartlari va tartibi;
texnik protokollar va tarmoqlararo qoʻshilishlar spetsifikatsiyalarning nomi, tarmoqlarni nomerlash rejasi, telekommunikatsiyalar vositalaridan foydalanish tavsiflari;
davlat xavfsizligi va mudofaa qobiliyati, huquqni muhofaza qilish organlari manfaatlari yoʻlida va alohida muhim ijtimoiy-siyosiy tadbirlarni oʻtkazishda telekommunikatsiyalar vositalari ishlarini taʼminlash boʻyicha maxsus talablar;
berilgan nominallar yoki radiochastotalar polosalaridan foydalanish tartibi;
xizmatlar koʻrsatish shartlari, tariflar va axborot maʼlumotlarini mijozlarga yetkazish, shu jumladan, ommaviy axborot vositalari orqali yetkazish;
Keyingi tahrirga qarang.
telefon orqali gaplashishlar, telegraf va telekommunikatsiyalar tarmoqlari boʻyicha beriladigan boshqa xabarlarning maxfiyligini, axborot xavfsizligini, shu jumladan telekommunikatsiyalar obyektlari va inshootlari xavfsizligini taʼminlash;
favqulodda holatlarda, shuningdek operativ-qidiruv tadbirlarini oʻtkazish uchun asbob-uskunalarni oʻrnatish va ularning ishlashini taʼminlash boʻyicha telekommunikatsiyalar tarmoqlarini tayyorlab qoʻyish va ularni ishlatish;
umumdavlat vazifalarini hal etish uchun telekommunikatsiyalarni rivojlantirishning milliy dasturlarini amalga oshirishda litsenziatning ishtirok etishi;
atrof muhitni va inson salomatligini muhofaza qilish, xavfsizlik texnikasi va mehnatni muhofaza qilish, yongʻinga qarshi xavfsizlik va sanoat sanitariyasi;
telekommunikatsiyalar tarmoqlari, inshootlari va obyektlarini loyihalash va qurish;
faoliyatni boshlash va xizmatlar koʻrsatish shartlari va muddati;
operativ-texnik boshqaruv tizimi bilan oʻzaro hamkorlikni taʼminlash;
litsenziyalanadigan faoliyat toʻgʻrisidagi maʼlumotlarni litsenziyalovchi va nazorat qiluvchi organga berish;
Oʻzbekiston Respublikasi qonunchilik hujjatlariga muvofiq telekommunikatsiyalar xizmatlaridan foydalanishda imtiyozlar va afzalliklar berish;
telekoʻrsatuvlar, radioeshittirishlarni tarqatish (translatsiya qilish) va maʼlumotlarni uzatish tarmoqlaridan foydalanish va xizmatlar koʻrsatish uchun Oʻzbekiston Respublikasi Davlat matbuot qoʻmitasida davlat roʻyxatidan (qayta roʻyxatdan) oʻtish.
Keyingi tahrirga qarang.
Keyingi tahrirga qarang.
Yakka tartibdagi litsenziyalarda qoʻshimcha ravishda quyidagi majburiy talablar va shartlar boʻlishi kerak:
litsenziatlar tomonidan qishloq joylardagi, aholi siyrak va borish qiyin boʻlgan tumanlardagi foydalanuvchilar uchun majburiy ravishda koʻrsatiladigan xizmatlarning nomi;
belgilangan tariflar boʻyicha, shu jumladan qishloq joylarda, aholi siyrak va borish qiyin boʻlgan tumanlarda universal xizmatlar koʻrsatilishini taʼminlash;
umumiy foydalaniladigan telekommunikatsiyalar tarmoqlariga adolatlilik va kamsitmaslik asosida ruxsat berish;
umumiy foydalaniladigan telekommunikatsiya tarmogʻini rivojlantirish rejasi prognozi (belgilangan hududni qamrab olish, uzatuvchi apparat quvvatini va abonentlar sonini koʻpaytirish va boshqalar).
Litsenziya talablari va shartlari faoliyatning litsenziyalanayotgan turining xususiyatiga qarab boshqa maʼlumot, talab va shartlarni oʻz ichiga oladi.
V. Litsenziyalarning amal qilish muddatini uzaytirish va ularni qayta rasmiylashtirish
32. Litsenziyaning amal qilish muddati tugagach, u litsenziatning arizasiga binoan uzaytirilishi mumkin.
33. Litsenziyaning amal qilish muddatini uzaytirish toʻgʻrisidagi ariza litsenziyalovchi organga litsenziyaning amal qilish muddati tugashidan kamida ikki oy oldin berilishi lozim.
34. Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi va litsenziat yigʻimlar va davlat bojlarining belgilangan miqdorida tegishlicha haq toʻlaydi.
35. Litsenziyaning amal qilish muddatini uzaytirish ilgari berilgan litsenziya blankasiga maxsus belgi qoʻyish yoʻli bilan amalga oshiriladi. Bunda litsenziya shartnomasining amal qilish muddati oʻz-oʻzidan xuddi shu muddatga uzaytirilgan hisoblanadi.
Telekommunikatsiyalar sohasidagi faoliyatga berilgan litsenziyalarning amal qilish muddatini uzaytirish litsenziya talablari va shartlariga oʻzgartirish va qoʻshimchalar kiritishga olib kelmaydi.
Keyingi tahrirga qarang.
36. Litsenziat – yuridik shaxs qayta tashkil etilgan, uning nomi yoki joylashgan oʻrni (pochta manzili) oʻzgargan hollarda litsenziat yoki uning huquqiy vorisi qayta roʻyxatdan oʻtgandan soʻng bir hafta muddatda koʻrsatib oʻtilgan maʼlumotlarni tasdiqlovchi tegishli hujjatlarni ilova qilgan holda litsenziyani qayta rasmiylashtirish toʻgʻrisida litsenziyalovchi organga ariza berishi shart.
Keyingi tahrirga qarang.
Litsenziat — jismoniy shaxsning familiyasi, ismi, otasining ismi yoki turar joyi oʻzgargan hollarda, litsenziat qayta roʻyxatdan oʻtgandan keyin bir hafta muddatda litsenziyalovchi organga, koʻrsatib oʻtilgan maʼlumotlarni tasdiqlovchi tegishli hujjatlarni ilova qilgan holda, litsenziyani qayta rasmiylashtirish toʻgʻrisida ariza berishi shart.
Keyingi tahrirga qarang.
37. Hujjatlar litsenziat tomonidan litsenziyalovchi organga bevosita yoki pochta aloqasi vositalari orqali, ular olingani haqidagi tasdiqni olgan holda, yetkazib beriladi.
Keyingi tahrirga qarang.
38. Litsenziya qayta rasmiylashtirilgunga qadar litsenziat unda koʻrsatilgan faoliyatni amalga oshirishga haqli emas, litsenziyani qayta rasmiylashtirish muddati uchun ushbu faoliyat turini amalga oshirishga litsenziyalovchi organning ruxsatnomasi boʻlgan hollar bundan mustasno.
Keyingi tahrirga qarang.
39. Litsenziyani qayta rasmiylashtirish litsenziyalovchi organ tegishli hujjatlar ilova qilingan holda litsenziyani qayta rasmiylashtirish toʻgʻrisidagi arizani olgan kundan boshlab besh kun ichida amalga oshiriladi.
40. Litsenziya qayta rasmiylashtirilganda litsenziya daʼvogarining litsenziya berish toʻgʻrisidagi arizasini koʻrib chiqish uchun toʻlanadigan summaning yarmi miqdorida yigʻim undiriladi.
Yigʻim summasi litsenziyalovchi organ hisob raqamiga oʻtkaziladi.
VI. Davlat bojini toʻlash
41. Litsenziya berganlik va litsenziyaning amal qilish muddatini uzaytirganlik uchun davlat boji undiriladi.
Telekommunikatsiyalar sohasidagi davlat boji litsenziyani olish bilan bir vaqtda toʻlanadi, uning miqdori Oʻzbekiston Respublikasi Vazirlar Mahkamasi tomonidan belgilanadi.
Keyingi tahrirga qarang.
42. Telekommunikatsiyalar sohasidagi faoliyatni amalga oshirish huquqini beradigan litsenziyalarni berganlik uchun davlat boji litsenziyalovchi organning maxsus hisob-kitob raqamiga oʻtkaziladi va ular quyidagicha taqsimlanadi:
50 foizi – Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasiga yoʻnaltiriladi va ulardan qishloq joylarda telekommunikatsiyalarni rivojlantirish va universal xizmatlar koʻrsatishda koʻrilgan zararlarni qoplash uchun foydalaniladi;
Keyingi tahrirga qarang.
20 foizi – telekommunikatsiyalar sohasidagi nazorat organini mablagʻ bilan taʼminlashga yoʻnaltiriladi;
Keyingi tahrirga qarang.
30 foizi – davlat budjetiga yoʻnaltiriladi.
Keyingi tahrirga qarang.
VII. Litsenziya talablari va shartlariga rioya etilishini nazorat qilish
43. Litsenziatlar tomonidan litsenziya talablari va shartlariga rioya qilinishi ustidan nazorat qonun hujjatlariga muvofiq pochta va telekommunikatsiyalarning xoʻjalik yurituvchi subyektlari faoliyati ustidan davlat nazorati boʻyicha Davlat aloqa inspeksiyasi (keyingi oʻrinlarda — nazorat qiluvchi organ deb ataladi) tomonidan amalga oshiriladi.
Keyingi tahrirga qarang.
44. Nazorat qiluvchi organ oʻz vakolati doirasida quyidagi huquqlarga egadir:
litsenziatlar litsenziya talablari va shartlariga rioya etayotganligi ustidan qonun hujjatlarida belgilangan tartibda rejali tekshiruvlar oʻtkazish;
litsenziat tomonidan litsenziya talablari va shartlari buzilganligidan guvohlik beruvchi faktlar mavjud boʻlgan hollarda, litsenziat litsenziya talablari va shartlariga rioya etayotganligi ustidan qonun hujjatlarida belgilangan tartibda rejadan tashqari tekshiruvlar oʻtkazish;
litsenziya talablari va shartlariga rioya qilinishi ustidan tekshiruvlar oʻtkazilayotganda yuzaga keladigan masalalar boʻyicha litsenziatdan zarur maʼlumotlarni talab qilish va olish;
tekshiruvlar natijalari asosida litsenziat yoʻl qoʻygan litsenziya talablari va shartlarining aniq qoidabuzilishlarini koʻrsatgan holda dalolatnomalar (maʼlumotnomalar) tuzish;
Keyingi tahrirga qarang.
litsenziat zimmasiga aniqlangan qoidabuzarliklarni bartaraf etish majburiyatini yuklovchi qarorlar chiqarish, bunday qoidabuzarliklarni bartaraf etish muddatlarini belgilash;
Keyingi tahrirga qarang.
litsenziyaning amal qilishini toʻxtatib turish yoki tugatish toʻgʻrisidagi taklifni litsenziyalovchi organning koʻrib chiqishi uchun taqdim etish.
Nazorat qiluvchi va huquqni muhofaza qiluvchi organlar litsenziat tomonidan litsenziya talablari va shartlari buzilishlariga yoʻl qoʻyilganligini aniqlashgan taqdirda oʻz vakolatlari doirasida litsenziya bergan litsenziyalovchi organga aniqlangan qoidabuzarliklar haqida xabar qiladilar.
VIII. Litsenziyaning amal qilishini toʻxtatib turish
45. Litsenziyalovchi organ litsenziyaning amal qilishini quyidagi hollarda toʻxtatib turishi mumkin:
Keyingi tahrirga qarang.
litsenziat litsenziya shartnomasida nazarda tutilgan litsenziya talablari va shartlarini buzganligi aniqlanganda, shu jumladan, telekoʻrsatuv, radioeshittirishlarni tarqatish (translatsiya qilish) va maʼlumotlar uzatish tarmoqlaridan foydalanish va xizmatlar koʻrsatish uchun Oʻzbekiston Respublikasi Davlat matbuot qoʻmitasida davlat roʻyxatidan oʻtgan muddat tugaganda;
Keyingi tahrirga qarang.
nazorat qiluvchi organning litsenziat zimmasiga aniqlangan qoidabuzarliklarni bartaraf etish majburiyatini yuklovchi yozma koʻrsatmalari litsenziat tomonidan bajarilmaganda;
litsenziya belgilangan muddatda qayta rasmiylashtirilmaganda.
Keyingi tahrirga qarang.
Keyingi tahrirga qarang.
46. Litsenziyani toʻxtatib turish uchun asoslar aniqlanganda litsenziyalovchi yoki nazorat qiluvchi organ qoidabuzilishlarini bartaraf etish uchun litsenziatga yozma koʻrsatma beradi. Agar litsenziat yozma koʻrsatma olgandan soʻng belgilangan muddat mobaynida qoidabuzilishlarni bartaraf etmasa, litsenziyalovchi organ litsenziyaning amal qilishini toʻxtatib turish toʻgʻrisida qaror chiqaradi.
Keyingi tahrirga qarang.
47. Litsenziyaning amal qilishini toʻxtatib turish toʻgʻrisidagi qaror litsenziyalovchi organ tomonidan litsenziatga yozma shaklda, qaror qabul qilingan kundan boshlab uch kundan kechiktirmay asoslangan dalillar bilan yetkaziladi.
Keyingi tahrirga qarang.
Keyingi tahrirga qarang.
48. Litsenziyaning amal qilishi toʻxtatib turilishiga olib kelgan holatlarni litsenziat bartaraf etgan taqdirda, litsenziyaning amal qilishini toʻxtatib turgan litsenziyalovchi organ koʻrsatib oʻtilgan holatlar bartaraf etilganligi toʻgʻrisidagi tasdiqnomani olgan kundan boshlab uch kun muddatda litsenziyaning amal qilishini tiklash toʻgʻrisida qaror qabul qiladi.
Litsenziyalovchi organning litsenziyaning amal qilishini toʻxtatib turish toʻgʻrisidagi qarori ustidan sudga shikoyat qilinishi mumkin.
Litsenziyalovchi organing litsenziyaning amal qilishini toʻxtatib turish va tiklash toʻgʻrisidagi qarori ommaviy axborot vositalarida eʼlon qilinishi kerak.
IX. Litsenziyaning amal qilishini toʻxtatish
49. Litsenziyaning amal qilishi quyidagi hollarda toʻxtatiladi:
litsenziat litsenziyaning amal qilishini toʻxtatish toʻgʻrisida ariza bilan murojaat qilganda;
yuridik shaxs tugatilganda — tugatilgan vaqtdan boshlab yoki uning faoliyati qayta tashkil etish natijasida tugatilganda — qayta tashkil etilgan vaqtdan boshlab, uning oʻzgartirilishi bundan mustasno;
Keyingi tahrirga qarang.
yakka tartibdagi tadbirkor davlat roʻyxatidan oʻtganligi toʻgʻrisidagi guvohnomaning amal qilishi toʻxtatilganda;
yakka tartibdagi tadbirkorning muomalaga layoqatliligi belgilangan tartibda cheklanganda yoki muomalaga layoqatsiz deb topilganda;
litsenziat litsenziya talablarini va shartlarini muntazam ravishda yoki bir marotaba qoʻpol ravishda buzganda;
litsenziat litsenziyaning amal qilishini toʻxtatib turishga olib kelgan holatlarni litsenziyalovchi yoki nazorat qiluvchi organ belgilagan muddatda bartaraf etmaganda;
Keyingi tahrirga qarang.
litsenziyalovchi organning litsenziya berish toʻgʻrisidagi qarorining qonunga zidligi aniqlanganda;
litsenziya egasining litsenziyalangan faoliyatda halol raqobatda boʻlmaganligi aniqlanganda.
Keyingi tahrirga qarang.
Litsenziyaning amal qilishi sudning qaroriga koʻra ham toʻxtatilishi mumkin.
Keyingi tahrirga qarang.
Keyingi tahrirga qarang.
50. Litsenziyaning amal qilishini toʻxtatish toʻgʻrisidagi qaror litsenziyalovchi organ tomonidan litsenziatga yozma shaklda, qaror qabul qilingan kundan boshlab uch kundan kechiktirmay asoslangan dalillar bilan yetkaziladi va ommaviy axborot vositalarida eʼlon qilinadi.
Litsenziat litsenziyaning amal qilishini toʻxtatish toʻgʻrisidagi qarorni olgan kundan boshlab oʻn kun ichida litsenziya litsenziyalovchi organga qaytarilishi va yoʻq qilinishi kerak.
Litsenziyaning amal qilishi toʻxtatish toʻgʻrisida qaror qabul qilingan kundan boshlab toʻxtatiladi.
51. Litsenziyalovchi organning litsenziyaning amal qilishini toʻxtatish toʻgʻrisidagi qarori ustidan sudga shikoyat qilinishi mumkin.
X. Litsenziyani bekor qilish
Keyingi tahrirga qarang.
52. Litsenziya quyidagi hollarda litsenziyalovchi organ tomonidan bekor qilinishi mumkin:
ushbu Nizomning 23-bandida nazarda tutilgan holatda;
litsenziatning arizasi boʻyicha;
litsenziya soxta hujjatlardan foydalanilgan holda olinganligi fakti aniqlanganda.
Litsenziya sudning qaroriga binoan ham bekor qilinishi mumkin.
Litsenziyaning bekor qilinishi toʻgʻrisidagi qaror litsenziyalovchi tomonidan litsenziatga yozma shaklda qaror qabul qilingan kundan eʼtiboran uch kundan kechiktirmay, asoslangan dalillar bilan yetkaziladi. Litsenziyani bekor qilish toʻgʻrisidagi qarorni olgan kundan eʼtiboran oʻn kun ichida litsenziya lizensiyalovchi organga qaytarilishi va yoʻq qilinishi kerak.
Litsenziyalovchi organning litsenziyani bekor qilish toʻgʻrisidagi qarori ommaviy axborot vositalarida eʼlon qilinishi kerak.
53. Litsenziyalovchi organning bekor qilish toʻgʻrisidagi qarori ustidan sudga shikoyat qilinishi mumkin.
XI. Litsenziyalar reyestrini yuritish
54. Litsenziyalovchi organ faoliyatning har bir turi uchun alohida litsenziyalar reyestrini yuritadi.
55. Har bir reyestrda quyidagilar koʻrsatiladi:
litsenziat – yuridik shaxsning nomi va uning joylashgan oʻrni (pochta manzili); litsenziat — jismoniy shaxsning familiyasi, ismi, otasining ismi va manzili;
Keyingi tahrirga qarang.
telefon (faks) raqami;
bankdagi hisob raqami;
soliq toʻlovchining identifikatsiya raqami;
litsenziyalarning berilgan sanasi va tartib raqami;
litsenziyalarning amal qilish muddati;
litsenziyalarni qayta rasmiylashtirish, ularning amal qilishini toʻxtatib turish va qayta tiklash asoslari va sanalari;
litsenziyalarning amal qilishini toʻxtatish asoslari va sanalari;
litsenziyalarni bekor qilish asoslari va sanalari.
56. Litsenziyalar reyestrida mavjud boʻlgan axborot manfaatdor shaxslar tanishishi uchun ochiqdir va yozma soʻrov boʻyicha reyestrdan koʻchirma tariqasida taqdim etiladi.
Keyingi tahrirga qarang.
Keyingi tahrirga qarang.
57. Bitta litsenziatga nisbatan reyestrdan axborot berilganligi uchun eng kam ish haqining 50 foizi miqdorida toʻlov undiriladi.
Davlat hokimiyati va boshqaruvi organlariga axborot bepul beriladi.
58. Reyestrdan axborot berilganligi uchun toʻlov summasi litsenziyalovchi organning hisob raqamiga oʻtkaziladi.
Keyingi tahrirga qarang.
59. Reyestrdan axborot berish muddati tegishli ariza berilgan sanadan uch kundan ortiq boʻlishi mumkin emas (uning berilganligi uchun toʻlov amalga oshirilganligi toʻgʻrisidagi hujjatning taqdim etilishi sharti bilan).
Keyingi tahrirga qarang.
XII. Litsenziyalovchi va nazorat qiluvchi organning qarorlari ustidan shikoyat qilish
60. Litsenziyalovchi organning qarori ustidan belgilangan tartibda sudga shikoyat qilinishi mumkin.
Nazorat qiluvchi organning qarori ustidan litsenziyalovchi organga yoki sudga shikoyat qilinishi mumkin.
Telekommunikatsiyalar sohasidagi faoliyatni litsenziyalash toʻgʻrisida Nizomga
1-ILOVA
Keyingi tahrirga qarang.
Telekommunikatsiyalar sohasidagi faoliyatni litsenziyalash toʻgʻrisida Nizomga
2-ILOVA
Keyingi tahrirga qarang.
Telekommunikatsiyalar sohasidagi faoliyatni litsenziyalash toʻgʻrisida Nizomga
3-ILOVA
Keyingi tahrirga qarang.

O'ZBEKISTON RESPUBLIKASI

O'ZBEKISTON POCHTA VA TELEKOMMUNIKASIYALAR AGENTLIGI

LITSENZIYA
LITSENZIYA

RT №

RESPUBLIKA UZBEKISTAN

UZBEKSKOYE AGENTSTVO POChTI I TELEKOMMUNIKATSIY

Litsenziya turi ________________________________________________
Vid litsenzii
Berilgan sana ________________________________________________________________
Data vidachi
Litsenziyaning amal qilish muddati: ___________________ dan ____________________gacha
Srok deystviya litsenzii ________________s ___________ po ________________________
Litsenziyatning nomi ___________________________________________________________
Naimenovaniye Litsenziata


USHBU LITSENZIYA BILAN FAOLIAT KORSATISHGA RUXSAT ETILADI:

NASTOYAShEY LITSENZIYEY RAZREShENO OSUShESTVLYaT
DEYaTELNOST:

__________________________________________________________________
__________________________________________________________________
__________________________________________________________________


ILOVA QILINGAN LITSENZIYA TALABLARI VA SHARTLARIGA MUVOFIQ

V SOOTVETSTVII S PRILAGAYEMIMI LITSENZIONNIMI
TREBOVANIYAMI I USLOVIYAMI

M. O'. Rahbarning imzosi:
M. P. Podpis rukovoditelya
Litsenziyaning amal qilish muddati: ________________ dan ________________gacha uzaytirildi
Srok deystviya litsenzii prodlen: s _______________ po ____________________________

M. O'.
Rahbarning imzosi:
M. P. Podpis rukovoditelya
Litsenziyaning amal qilish muddati: __________________ dan ______________gacha uzaytirildi
Srok deystviya litsenzii prodlen: s ________________ po ___________________________
M. O'. Rahbarning imzosi:
M. P. Podpis rukovoditelya


(Ilova qilingan litsensya talablari va shartlari mazkur litsenzyaning ajralmas qismidir)

(Prilagayemie litsenzionnie trebovaniya i usloviya yavlyayutsya neotyemlemoy chastyu nastoyaщey litsenzii)

__________________

Keyingi tahrirga qarang.
Keyingi tahrirga qarang.
Vazirlar Mahkamasining 2000-yil 22-noyabrdagi 458-son qaroriga
3-ILOVA
Oʻzbekiston Respublikasi Hukumatining ayrim qarorlariga kiritilayotgan
oʻzgartirishlar va qoʻshimchalar
1. Vazirlar Mahkamasining “Transport va aloqa sohasida faoliyat koʻrsatish huquqi uchun davlat poshlinasi miqdorlarini tasdiqlash toʻgʻrisida” 1997-yil 19-fevraldagi 89-son qaroriga ilova eslatmasi birinchi xat boshining pochta va telekommunikatsiyalarga oid qismi (Oʻzbekiston Respublikasi QT, 1997y., 2-son, 6-modda) oʻz kuchini yoʻqotgan deb hisoblansin.
2. Vazirlar Mahkamasining “Oʻzbekiston pochta va telekommunikatsiyalar agentligi toʻgʻrisidagi hamda pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasi toʻgʻrisidagi nizomlarni tasdiqlash haqida” 1997-yil 28-avgustdagi 420-son qarori bilan tasdiqlangan Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasi toʻgʻrisidagi Nizomda (Oʻzbekiston Respublikasi QT, 1997y., 8-son, 30-modda; 1998y., 7-son, 26-modda):
a) 4-bandda:
toʻrtinchi xat boshidagi “magistral va xalqaro aloqa liniyalarini loyihalashtirish, qurish va ulardan foydalanish” soʻzlari “telekommunikatsiyalar sohasida” soʻzlari bilan almashtirilsin;
beshinchi xat boshidagi “Oʻzbekiston pochta va telekommunikatsiyalar agentligi tizimiga kirmaydigan” soʻzlari chiqarib tashlansin;
oxirgi xat boshidagi “pochta va telekommunikatsiyalar sohasidagi faoliyatni amalga oshiruvchi yuridik shaxslardan” soʻzlari “pochta va telekommunikatsiyalar sohasida faoliyat koʻrsatayotgan jismoniy, shuningdek yuridik shaxslardan” soʻzlari bilan almashtirilsin;
b) 5-band quyidagi mazmundagi xat boshi bilan toʻldirilsin:
“operatorlar va provayderlar tomonidan koʻrsatilayotgan telekommunikatsiyalar universal xizmatlarini rivojlantirishni mablagʻ bilan taʼminlash”.
Keyingi tahrirga qarang.
3. Vazirlar Mahkamasining “Chastota spektridan foydalanish, teleradiodasturlarni shakllantirish va tarqatish hamda maʼlumotlar uzatish samaradorligini oshirish yuzasidan qoʻshimcha chora-tadbirlar toʻgʻrisida” 1998-yil 10-iyuldagi 293-son qarori 7-bandining uchinchi xat boshi (Oʻzbekiston Respublikasi QT, 1998y., 7-son, 26-modda) quyidagi tahrirda bayon qilinsin:
“2001-yil 1-yanvardan boshlab teleradiodasturlarni tarqatish (translatsiya, retranslatsiya qilish) va maʼlumotlarni uzatish uchun litsenziyalar besh yil muddatga beriladi”.
Vazirlar Mahkamasining 2000-yil 22-noyabrdagi 458-son qaroriga
4-ILOVA
Oʻzbekiston Respublikasi Vazirlar Mahkamasining oʻz kuchini yoʻqotgan qarorlarining
roʻyxati
1. Oʻzbekiston Respublikasi Vazirlar Mahkamasining “Faoliyatning ayrim turlari bilan shugʻullanish uchun maxsus ruxsatnomalar (litsenziyalar) berish tartibini takomillashtirish toʻgʻrisida” 1994-yil 19-apreldagi 215-son qarori bilan tasdiqlangan “Korxonalar (tashkilotlar)ga faoliyatning ayrim turlari bilan shugʻullanish huquqini beradigan maxsus ruxsatnomalar (litsenziyalar) berish tartibi toʻgʻrisida Nizomning II boʻlimi (Oʻzbekiston Respublikasi QT, 1994y., 4-son, 23-modda).
2. Vazirlar Mahkamasining “Oʻzbekiston pochta va telekommunikatsiyalar agentligi toʻgʻrisidagi hamda Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasi toʻgʻrisidagi nizomlarni tasdiqlash haqida” 1997-yil 28-avgustdagi 420-son qaroriga 1-ilova (Oʻzbekiston Respublikasi QT, 1997y., 8-son, 30-modda).
3. Vazirlar Mahkamasining “Oʻzbekiston Respublikasi Vazirlar Mahkamasining 1997-yil 28-avgustdagi 420-son qarori bilan tasdiqlangan Oʻzbekiston pochta va telekommunikatsiyalar agentligi toʻgʻrisidagi Nizomga oʻzgartirishlar kiritish haqida” 1998-yil 19-avgustdagi 354-son qarori (Oʻzbekiston Respublikasi QT, 1998y., 8-son, 30-modda).
4. Vazirlar Mahkamasining “Maʼlumotlar uzatish milliy tarmogʻini tashkil etish va jahon axborot tarmoqlaridan foydalanishni tartibga solish toʻgʻrisida” 1999-yil 5-fevraldagi 52-son qaroriga ilova II boʻlimining 2-bandi.

(Oʻzbekiston Respublikasi qonun hujjatlari toʻplami, 2000-y., 9-10-son, 146-modda; 2002-y., 17-18-son, 139-modda; 2003-y., 17-18-son, 158-modda; 2004-y., 19-son, 220-modda; 2005-y., 27-son, 190-modda, 32-33-son, 255-modda; 2006-y., 46-47-son, 458-modda; 2009-y., 18-son, 223-modda; 2011-y., 49-son, 501-modda; 2012-y., 6-son, 57-modda, 44-son, 507-modda, 52-son, 587-modda; 2013-y., 34-son, 458-modda; 2014-y., 31-son, 380-modda; 2015-y., 26-son, 338-modda; 2016-y., 23-son, 269-modda; Qonun hujjatlari maʼlumotlari milliy bazasi, 30.10.2018-y., 09/18/884/2128-son; 04.06.2019-y., 09/19/457/3235-son, 11.08.2019-y., 09/19/661/3571-son; 29.12.2019-y., 09/19/1046/4242-son; 16.06.2020-y., 09/20/384/0770-son; Qonunchilik maʼlumotlari milliy bazasi, 22.02.2022-y., 09/22/80/0154-son)