1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.08.00 Tadbirkorlik faoliyati subyektlarining faoliyati kafolatlari;
2.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.09.00 Tadbirkorlarni davlat tomonidan qoʻllab-quvvatlash va huquqlarini himoya qilish]
[TSZ:
1.Fuqarolik qonunchiligi. Tadbirkorlik / Umumiy masalalar]
Oʻzbekiston Respublikasi Prezidentining
Farmoni
Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida
Mamlakatda tadbirkorlik faoliyatining toʻsqinliksiz amalga oshirilishini taʼminlash, biznes yuritish uchun qulay shart-sharoitlar yaratish va respublikaning investitsiyaviy jozibadorligini oshirishga qaratilgan keng koʻlamli islohotlar olib borilmoqda.
Ushbu maqsadda muqobil tekshiruvlar va rejadan tashqari tekshiruvlarning barcha turlari bekor qilindi, tadbirkorlik faoliyati sohasidagi bir qator litsenziyalanadigan faoliyat turlari va ruxsat berish tartib-taomillari qisqartirildi hamda soddalashtirildi. Mazkur chora-tadbirlar mamlakatda ishbilarmonlik muhitini rivojlantirishga va Oʻzbekiston Respublikasining xalqaro miqyosdagi reytingiga ijobiy taʼsir koʻrsatmoqda.
Shu bilan birga, tadbirkorlik faoliyati sohasida bir qator tizimli muammolar saqlanib qolmoqda, ularning hal etilishi biznesni rivojlantirish yoʻlidagi toʻsiqlarni bartaraf etish, mamlakatga xorijiy investitsiyalarni jalb qilish hamda tadbirkorlar huquqlari va qonuniy manfaatlarining kafolatli himoyasini taʼminlash imkonini beradi. Xususan:
birinchidan, nazorat qiluvchi organlar va insofli tadbirkorlik subyektlari oʻrtasida ishonchli hamkorlikni oʻrnatishga qaratilgan Oʻzbekiston Respublikasining soliq siyosatini takomillashtirish konsepsiyasining qabul qilinganligi amaldagi tekshiruvlar tizimini, davlat nazoratining boshqa turlarini, shuningdek, soliq va boshqa majburiy toʻlovlarni undirish tartibini tubdan qayta koʻrib chiqishni talab etadi;
ikkinchidan, qonun hujjatlarida zamon talablariga javob bermaydigan ayrim huquqiy mexanizmlarning mavjudligi sababli soliqlar, boshqa majburiy toʻlovlar, penyalar va moliyaviy jarimalar boʻyicha qarzdorliklar sunʼiy yoʻl bilan yigʻilib bormoqda;
uchinchidan, tadbirkorlik subyektlarining huquq va qonuniy manfaatlari buzilishiga olib kelayotgan davlat organlarining samarasiz va ortiqcha nazorat funksiyalari amal qilmoqda;
toʻrtinchidan, tadbirkorlik subyektlari faoliyatida oʻtkaziladigan tekshiruvlarning tashkiliy jihatlari va tartib-taomillarini kompleks tartibga solish hamda ularning qonuniyligi monitoringini olib borishning yagona yaxlit tizimi mavjud emasligi nazorat qiluvchi organlar faoliyatining shaffofligini taʼminlash va oʻtkaziladigan tekshiruvlarning asosliligini xolis baholash imkonini bermayapti;
beshinchidan, oʻtkaziladigan tekshiruvlarning ochiqligi, oshkoraligi va xolisligini taʼminlovchi nazorat qiluvchi organlar faoliyati ustidan mustaqil jamoatchilik nazorati tizimi joriy etilmagan;
oltinchidan, koʻchmas mulk obyektlarini buzib, davlat va jamiyat ehtiyojlari uchun yer uchastkalarining olib qoʻyilishi munosabati bilan jismoniy va yuridik shaxslarga yetkazilgan zararlarni qoplashning amaldagi mexanizmidagi kamchiliklar ularning huquq va qonuniy manfaatlari buzilishiga olib kelmoqda, tadbirkorlik subyektlarining davlatga boʻlgan ishonchiga putur yetkazmoqda, shuningdek, mamlakatning investitsiyaviy jozibadorligini pasaytirmoqda.
Biznesni rivojlantirishdagi byurokratik toʻsiqlarni bartaraf etish, tadbirkorlik subyektlarini himoya qilishning huquqiy mexanizmlarini yanada kuchaytirish, mamlakatda investitsiya va ishbilarmonlik muhitini yaxshilash maqsadida:
1. Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Oʻzbekiston Respublikasi Moliya vazirligi, Davlat soliq qoʻmitasi va Savdo-sanoat palatasining mazkur Farmon kuchga kirgan vaqtda mavjud boʻlgan qatʼiy belgilangan soliq va ushbu qarzdorlik uchun hisoblangan penyalar boʻyicha qarzdorlikni, shuningdek, moliyaviy jarimalar va sud xarajatlari (sud chiqimlari bundan mustasno) boʻyicha quyidagilarga hisoblangan qarzdorlikni hisobdan chiqarish haqidagi taklifi maʼqullansin:
2018-yil 1-aprelga qadar yakka tartibdagi tadbirkor maqomini yoʻqotgan jismoniy shaxslarga va 2018-yil 1-apreldan moliyaviy-xoʻjalik faoliyatini amalga oshirmayotgan (shu jumladan, faoliyatini vaqtincha toʻxtatgan) yakka tartibdagi tadbirkorlarga;
davlat roʻyxatidan oʻtmasdan tadbirkorlik faoliyati bilan shugʻullanganligi uchun bir yillik qatʼiy belgilangan soliq summasi hisoblangan jismoniy shaxslarga.
Ushbu bandning birinchi xatboshisida koʻrsatilgan qarzdorliklarni hisobdan chiqarish, mazkur bandning tegishli ravishda ikkinchi va uchinchi xatboshilarida nazarda tutilgan shaxslar 2019-yil 1-iyulga qadar muddatda tadbirkorlik faoliyatini tiklagan yoki qonun hujjatlarida belgilangan tartibda davlat roʻyxatidan oʻtgan hollarda amalga oshirilishi belgilansin.
(1-bandning toʻrtinchi xatboshisi Oʻzbekiston Respublikasi Prezidentining 2018-yil26-dekabrdagi PF-5607-sonli Farmoni tahririda — Qonun hujjatlari maʼlumotlari milliy bazasi, 28.12.2018-y., 06/18/5607/2385-son)
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Savdo-sanoat palatasining hududiy boshqarmalari bilan birgalikda ushbu bandda koʻrsatilgan shaxslarning tadbirkorlik va moliya-xoʻjalik faoliyatini tiklashda, shuningdek, ularning qonun hujjatlarida belgilangan tartibda davlat roʻyxatidan oʻtkazishda faol yordam bersin, bajarilgan ishlar natijalari toʻgʻrisidagi oylik hisobotlarni Oʻzbekiston Respublikasi Vazirlar Mahkamasiga kiritib borsin.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.03.00 Yakka tartibdagi tadbirkorlik;
2.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.09.00 Tadbirkorlarni davlat tomonidan qoʻllab-quvvatlash va huquqlarini himoya qilish]
2. Yakka tartibdagi tadbirkorlar sifatida davlat roʻyxatidan oʻtmasdan faoliyat olib borayotgan jismoniy shaxslardan tegishli faoliyat turi boʻyicha belgilangan stavkadan kelib chiqib hisoblangan bir yillik miqdordagi qatʼiy belgilangan soliqni bir yoʻla undirish tartibi bekor qilinsin.
3. Oʻzbekiston Respublikasi Davlat soliq qoʻmitasi:
a) Oʻzbekiston Respublikasi Bosh prokuraturasi huzuridagi Majburiy ijro byurosi va Iqtisodiy jinoyatlarga qarshi kurashish departamenti, Moliya vazirligi, Iqtisodiyot vazirligi va Oliy sud bilan birgalikda uch oy muddatda tadbirkorlik subyektlari — yuridik shaxslarga hisoblangan undirish umidsiz boʻlgan soliq va boshqa majburiy toʻlovlar, mazkur qarzdorlik uchun hisoblangan penyalar boʻyicha qarzdorlikni, shuningdek, moliyaviy jarimalar va sud xarajatlari (sud chiqimlari bundan mustasno) boʻyicha qarzdorlikni xatlovdan oʻtkazsin, keyinchalik koʻrsatilgan qarzdorliklarni belgilangan tartibda hisobdan chiqarish choralarini koʻrsin;
b) Oʻzbekiston Respublikasi Oliy sudi, Bosh prokuraturasi, Markaziy banki, Moliya vazirligi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda bir oy muddatda:
soliq va boshqa majburiy toʻlovlar boʻyicha qarzdorligi boʻlgan va ikki oy davomida tadbirkorlik faoliyatini amalga oshirmayotgan yakka tartibdagi tadbirkorlarning faoliyatini toʻxtatish tartibi;
moliya-xoʻjalik faoliyatni amalga oshirmayotgan korxonalarni tugatish tartibini soddalashtirish, shuningdek, faoliyat koʻrsatmayotgan tashkilotlar va muassislari uzoq muddat bedarak boʻlgan tashkilotlarning umidsiz qarzdorligini hisobdan chiqarish mexanizmlarini takomillashtirish boʻyicha Vazirlar Mahkamasiga takliflar kiritsin.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.02 Tadbirkorlik subyektlari faoliyati yuzasidan davlat nazoratini amalga oshirish tartibi]
4. 2018-yil 1-sentabrdan:
tadbirkorlik subyektlarining moliya-xoʻjalik faoliyati bilan bogʻliq boʻlmagan rejali tekshiruvlar;
tadbirkorlik subyektlari faoliyatida oʻtkaziladigan nazorat tartibidagi tekshiruvlar bekor qilinsin.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.01 Umumiy qoidalar. Tadbirkorlik subyektlari faoliyati yuzasidan davlat nazoratini olib boruvchi organlar;
2.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.02 Tadbirkorlik subyektlari faoliyati yuzasidan davlat nazoratini amalga oshirish tartibi]
5. Belgilab qoʻyilsinki, 2018-yil 1-sentabrdan:
Tadbirkorlik subyektlari faoliyatini tekshirish tashabbusi bilan chiqish tegishli tadbirkorlik subyektlari tomonidan qonunbuzarlik sodir etish xavfi darajasidan kelib chiqib, tekshiruvni tashabbus qilishni nazarda tutuvchi “xavfni tahlil etish” tizimi natijalari asosida amalga oshiriladi;
(5-bandning uchinchi xatboshisi Oʻzbekiston Respublikasi Prezidentining 2019-yil 15-martdagi PF-5690-sonli Farmoniga asosan chiqarilgan — Qonun hujjatlari maʼlumotlari milliy bazasi, 16.03.2019-y., 06/19/5690/2772-son)
nazorat qiluvchi organlar tomonidan tadbirkorlik subyektlari faoliyatida oʻtkaziladigan barcha tekshiruvlar Tekshiruvlarni elektron roʻyxatga olish yagona tizimida roʻyxatga olinishi shart;
Tekshiruvlarni elektron roʻyxatga olish yagona tizimida roʻyxatga olinmagan tadbirkorlik subyektlari faoliyatida oʻtkaziladigan tekshiruvlar noqonuniy hisoblanadi;
tadbirkorlik subyektlari faoliyatida oʻtkazilgan tekshiruvlarning natijalari nazorat qiluvchi organlar tomonidan tekshiruv tamomlangandan keyin uch kun davomida Tekshiruvlarni elektron roʻyxatga olish yagona tizimiga kiritiladi.
Belgilansinki, 2019-yil 1-apreldan boshlab tadbirkorlik subyektlari faoliyatida oʻtkaziladigan tekshiruvlarni muvofiqlashtirish va nazorat qiluvchi organlar tomonidan tekshiruvlar oʻtkazilishining qonuniyligi ustidan nazorat Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil (keyingi oʻrinlarda — vakolatli organ) tomonidan amalga oshiriladi.
(5-band Oʻzbekiston Respublikasi Prezidentining 2019-yil 15-martdagi PF-5690-sonli Farmoniga asosan xatboshi bilan toʻldirilgan — Qonun hujjatlari maʼlumotlari milliy bazasi, 16.03.2019-y., 06/19/5690/2772-son)
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.02 Tadbirkorlik subyektlari faoliyati yuzasidan davlat nazoratini amalga oshirish tartibi;
2.09.00.00.00 Tadbirkorlik va xoʻjalik faoliyati / 09.04.00.00 Auditorlik faoliyati / 09.04.03.00 Audit oʻtkazish tartibi]
51. Belgilansinki:
xoʻjalik yurituvchi subyektlarning faoliyati Prokuratura, Ichki ishlar vazirligi va Davlat xavfsizlik xizmati organlari tomonidan faqat qoʻzgʻatilgan jinoiy ish boʻyicha tergov tartibida tekshiriladi. Bunda mazkur subyektlarning faqat qoʻzgʻatilgan jinoiy ish bilan bogʻliq boʻlgan faoliyati tekshirilishi mumkin, bu haqda tekshirishni tayinlash toʻgʻrisidagi qarorda koʻrsatilishi lozim;
auditorlik tekshirishlarini oʻtkazish boʻyicha sarf-xarajatlar ana shu tekshirishlarni tayinlagan tashkilotlar hisobidan qoplanadi;
hududiy soliq organlari tomonidan boshqa tumanlar (shaharlar)da roʻyxatga olingan tadbirkorlik subyektlarining ishlab chiqarish binolari, savdo shoxobchalari qayerda joylashganidan va xizmatlar koʻrsatiladigan (ishlar bajariladigan) joydan qatʼiy nazar, ularning moliya-xoʻjalik faoliyatini tekshirish takrorlanishiga yoʻl qoʻyilmagan holda, tadbirkorlik subyekti roʻyxatga olingan joydagi tegishli soliq organlari bilan bir vaqtda amalga oshiriladi.
(51-band Oʻzbekiston Respublikasi Prezidentining 2021-yil 30-apreldagi PF-6218-sonli Farmoniga asosan kiritilgan — Qonunchilik maʼlumotlari milliy bazasi, 30.04.2021-y., 06/21/6218/0398-son)
6. Quyidagilar:
Vakolatli organ bilan kelishilgan holda tadbirkorlik subyektlari faoliyatida oʻtkaziladigan tekshiruvlar turlarining roʻyxati 1-ilovaga muvofiq;
Tekshiruvlarni elektron roʻyxatga olish yagona tizimida roʻyxatdan oʻtkazish orqali vakolatli organni xabardor etish tartibida oʻtkaziladigan tekshiruvlar roʻyxati 2-ilovaga muvofiq;
Nazorat qiluvchi organlardan boshqa tashkilotlarga oʻtkazilayotgan ayrim nazorat funksiyalari roʻyxati 3-ilovaga muvofiq tasdiqlansin va 2018-yil 1-sentabrdan amalga kiritilsin.
7. Nazorat qiluvchi organlar Oʻzbekiston Respublikasi Bosh prokuraturasi va Savdo-sanoat palatasi bilan kelishgan holda 2018-yil 1-sentabrga qadar muddatda oʻz faoliyatiga “xavfni tahlil etish” tizimini joriy etish tartibi toʻgʻrisidagi tegishli nizomlarni ishlab chiqsin va tasdiqlasin.
[OKOZ:
1.01.00.00.00 Konstitutsiyaviy tuzum / 01.10.00.00 Oʻzbekiston Respublikasi Prezidenti / 01.10.04.00 Milliy xavfsizlik kengashi. Oʻzbekiston Respublikasi Prezidenti huzuridagi boʻlinmalar hamda kengash va maslahat organlar]
Oʻzbekiston Respublikasi Prezidenti huzuridagi Loyiha boshqaruvi milliy agentligi nazorat qiluvchi organlarga “xavfni tahlil etish” tizimini oʻz faoliyatiga joriy etishda koʻmaklashsin.
8. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Bosh prokuratura bilan birgalikda 2018-yil 1-sentabrga qadar muddatda Tekshiruvlarni elektron roʻyxatga olish yagona tizimining boshlangʻich versiyasini ishlab chiqsin hamda 2019-yil 1-yanvardan uning quyidagilarga imkon beruvchi toʻliq versiyasini ishga tushirsin:
a) vakolatli organga:
nazorat qiluvchi organlar tomonidan tadbirkorlik subyektlarida tekshiruvlarni oʻtkazish yuzasidan qabul qilingan qarorlarning asosliligini oʻrganish va tekshiruvlarni oʻtkazishga noyob kod bilan ruxsat berish;
nazorat qiluvchi organlar tomonidan qonun hujjatlarida belgilangan tekshiruvlar oʻtkazish tartibiga rioya etilayotganligi ustidan nazoratni amalga oshirish;
b) nazorat qiluvchi organlarga oʻtkazilgan tekshiruvlar natijalarini kiritish;
v) tadbirkorlik subyektlariga oʻz soʻrovlariga koʻra oʻtkazilayotgan tekshiruv haqidagi axborotni qisqa xabar (SMS) koʻrinishida hamda real vaqt rejimida Internet tarmogʻi orqali olish.
9. Oʻzbekiston Respublikasi Bosh prokuraturasi:
Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil hamda Oʻzbekiston Respublikasi Vazirlar Mahkamasi bilan birgalikda 2018-yil 1-sentabrga qadar muddatda Oʻzbekiston Respublikasi Oliy Majlisi Qonunchilik palatasiga ushbu Farmon qoidalarini inobatga olgan holda “Tadbirkorlik subyektlari faoliyatini davlat tomonidan nazorat qilish toʻgʻrisida”gi Oʻzbekiston Respublikasi qonuni loyihasini oʻrnatilgan tartibda kiritsin;
bir oy muddatda “Tadbirkorlik subyektlari faoliyatini davlat tomonidan nazorat qilish toʻgʻrisida”gi Oʻzbekiston Respublikasi Qonuni kuchga kirgunga qadar amal qiladigan Nazorat qiluvchi organlar tomonidan tadbirkorlik subyektlari faoliyatida oʻtkaziladigan tekshiruvlarni kelishish va oʻtkazish tartibi haqidagi vaqtinchalik nizomni hamda Tekshiruvlarni elektron roʻyxatga olish yagona tizimini yuritish tartibi haqidagi nizomni tasdiqlasin.
10. Oʻzbekiston Respublikasi Prezidentining 2017-yil 19-iyundagi “Biznesning qonuniy manfaatlari davlat tomonidan muhofaza qilinishi va tadbirkorlik faoliyatini yanada rivojlantirish tizimini tubdan takomillashtirishga doir chora-tadbirlar toʻgʻrisida”gi PF-5087-son Farmoniga muvofiq Oʻzbekiston Respublikasi Savdo-sanoat palatasi tadbirkorlik subyektlari — Palata aʼzolarining faoliyatida oʻtkaziladigan tekshiruvlar monitoringini amalga oshirishi hamda tekshiruvlarda ishtirok etishi maʼlumot uchun qabul qilinsin.
11. Oʻzbekiston Respublikasi Savdo-sanoat palatasi va boshqa nodavlat notijorat tashkilotlarga tadbirkorlik subyektlari faoliyatida oʻtkaziladigan tekshiruvlar ustidan jamoatchilik nazoratini amalga oshirish hamda yakunlari yuzasidan har chorakda vakolatli organga axborot taqdim qilish tavsiya etilsin.
(11-band Oʻzbekiston Respublikasi Prezidentining 2019-yil 15-martdagi PF-5690-sonli Farmoni tahririda — Qonun hujjatlari maʼlumotlari milliy bazasi, 16.03.2019-y., 06/19/5690/2772-son)
12. Oʻzbekiston Respublikasi Vazirlar Mahkamasi bir oy muddatda Nazorat qiluvchi organlar mansabdor shaxslarini tadbirkorlik subyektlarida tekshiruvlar oʻtkazish huquqini berish yuzasidan attestatsiyadan oʻtkazish tartibi toʻgʻrisidagi nizomni tasdiqlasin.
13. Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Oʻzbekiston Respublikasi Savdo-sanoat palatasi va Markaziy bankining 2018-yil 1-sentabrdan boshlab yakka tartibdagi tadbirkorlarga Oʻzbekiston Respublikasida ishlab chiqarilgan yangi yengil avtomobillarni bank korporativ kartalari orqali sotib olish huquqini berish toʻgʻrisidagi takliflari maʼqullansin.
14. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi (keyingi oʻrinlarda “Davergeodezkadastr” qoʻmitasi deb yuritiladi) va Adliya vazirligining 2018-yil 1-oktabrdan koʻchmas mulkka (yer uchastkalari, bino va inshootlar, koʻp yillik dov-daraxtlarga) boʻlgan huquqni roʻyxatga olish toʻgʻrisidagi guvohnomani rasmiylashtirishni bekor qilish, tegishli yozuvni koʻchmas mulkka boʻlgan huquqlar va ular bilan tuzilgan bitimlar davlat reyestriga elektron shaklda kiritish tartibini joriy etish toʻgʻrisidagi taklifiga rozilik berilsin.
[OKOZ:
1.03.00.00.00 Fuqarolik qonunchiligi / 03.04.00.00 Fuqarolik qonunchiligi obyektlari / 03.04.03.00 Moddiy neʼmatlar / 03.04.03.02 Koʻchmas mulkka boʻlgan huquqlarni davlat roʻyxatiga olish;
2.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.08.00 Axborotni taqdim qilish. Axborot xizmatlari;
3.12.00.00.00 Axborot va axborotlashtirish / 12.07.00.00 Kadastr maʼlumoti]
15. 2018-yil 1-oktabrdan shunday tartib joriy etilsinki, unga koʻra:
koʻchmas mulkka boʻlgan egalik huquqi va boshqa ashyoviy huquqlar toʻgʻrisidagi, shu jumladan, ushbu huquqlarning vujudga kelishi, oʻtishi, cheklanishi va bekor qilinishi, shuningdek, ular bilan tuzilgan bitimlar haqidagi axborot mahalliy ijro etuvchi hokimiyat organlari, notariuslar, Oʻzbekiston Respublikasi Qurilish vazirligining hududiy tuzilmalari, shuningdek, boshqa vakolatli organlar tomonidan “Davergeodezkadastr” qoʻmitasining hududiy organlariga tegishli xatti-harakatlar sodir etilgan kundan boshlab bir kun muddatda axborot-kommunikatsiya tizimlaridan foydalangan holda taqdim etiladi;
(15-bandning ikkinchi xatboshisi Oʻzbekiston Respublikasi Prezidentining 2021-yil 9-martdagi PF-6184-son Farmoni tahririda — Qonun hujjatlari maʼlumotlari milliy bazasi, 09.03.2021-y., 06/21/6184/0192-son)
“Davergeodezkadastr” qoʻmitasining hududiy organlari ushbu bandning ikkinchi xatboshisida nazarda tutilgan axborotga asosan koʻchmas mulkka boʻlgan tegishli huquqlarni davlat roʻyxatidan oʻtkazishni amalga oshiradi;
jismoniy va yuridik shaxslar murojaat qilganda, davlat va boshqa tashkilotlar soʻrov yuborganda “Davergeodezkadastr” qoʻmitasining hududiy organlari koʻchmas mulkka boʻlgan huquqlar va ular bilan tuzilgan bitimlar davlat reyestridan tegishli huquqning davlat roʻyxatidan oʻtkazilganligini tasdiqlovchi elektron va (yoki) qogʻoz shakldagi koʻchirmani taqdim etadi.
Oʻzbekiston Respublikasi Vazirlar Mahkamasi ikki oy muddatda ushbu bandning talablaridan kelib chiqqan holda koʻchmas mulkka boʻlgan huquqlarni va ular bilan tuzilgan bitimlarni davlat roʻyxatidan oʻtkazish tartibini qayta koʻrib chiqsin.
16. Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining jamoat ehtiyojlari uchun yer uchastkalarining olib qoʻyilishi munosabati bilan jismoniy va yuridik shaxslarga yetkazilgan zararlarni qoplashning quyidagilarni nazarda tutuvchi yangi mexanizmini joriy etish toʻgʻrisidagi takliflari maʼqullansin:
(16-bandning birinchi xatboshisi Oʻzbekiston Respublikasi Prezidentining 2023-yil 30-yanvardagi PF-15-sonli Farmoni tahririda)
Oʻzbekiston Respublikasi Vazirlar Mahkamasi huzurida davlat va jamiyat ehtiyojlari uchun yer uchastkalarining olib qoʻyilishi munosabati bilan jismoniy va yuridik shaxslarga yetkazilgan zararlarni qoplash boʻyicha markazlashtirilgan jamgʻarmani (keyingi oʻrinlarda — Jamgʻarma) tashkil qilish;
Jamgʻarma mablagʻlarini shakllantirishning aniq manbalarini belgilash, ularda mahalliy budjetlarning daromad qismi mablagʻlari jalb qilinishini nazarda tutish;
jamoat ehtiyojlari uchun yer uchastkalarining olib qoʻyilishini Jamgʻarma bilan majburiy tarzda kelishish tartibini joriy etish.
(16-bandning toʻrtinchi xatboshisi Oʻzbekiston Respublikasi Prezidentining 2023-yil 30-yanvardagi PF-15-sonli Farmoni tahririda)
Oʻzbekiston Respublikasi Vazirlar Mahkamasi ikki oy muddatda Jamgʻarma mablagʻlarini shakllantirishning aniq manbalarini nazarda tutgan holda, Jamgʻarma faoliyatini tashkil etish toʻgʻrisidagi hukumat qarorini qabul qilsin.
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.12.00 Tadbirkorlik toʻgʻrisidagi qonunchilik hujjatlarini buzganlik uchun javobgarlik]
161. Vazirliklar, idoralarning rahbarlari, Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari qattiq ogohlantirib qoʻyilsinki, nazorat organlarining mansabdor shaxslari tadbirkorlik subyektlari ruxsatsiz tekshirilganligi va ularning xoʻjalik faoliyatiga noqonuniy aralashilganligi uchun yetkazilgan iqtisodiy zararning oʻrni qoplangan holda javobgarlikka, hatto jinoiy javobgarlikka ham tortiladilar.
(161-band Oʻzbekiston Respublikasi Prezidentining 2021-yil 30-apreldagi PF-6218-sonli Farmoniga asosan kiritilgan — Qonunchilik maʼlumotlari milliy bazasi, 30.04.2021-y., 06/21/6218/0398-son)
17. 2018-yil 1-sentabrdan Oʻzbekiston Respublikasi Prezidentining ayrim hujjatlari 4-ilovaga muvofiq oʻz kuchini yoʻqotgan deb hisoblansin.
18. Oʻzbekiston Respublikasi Davlat soliq qoʻmitasi manfaatdor vazirlik va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida takliflar kiritsin.
Vazirlik va idoralar oʻzlari qabul qilgan normativ-huquqiy hujjatlarni ushbu Farmonga muvofiqlashtirsin.
19. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasining Bosh prokurori O.B. Murodov, Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov hamda Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil D.S. Qosimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 27-iyul,
PF-5490-son
Oʻzbekiston Respublikasi Prezidentining 2018-yil 27-iyuldagi PF-5490-son Farmoniga 1-ILOVA
Vakolatli organ bilan kelishilgan holda tadbirkorlik subyektlari faoliyatida oʻtkaziladigan tekshiruvlar turlarining
Qonunchilik buzilishi holatlari boʻyicha jismoniy va yuridik shaxslarning murojaatlari asosida yoki nazorat qiluvchi organlar tashabbusi bilan tadbirkorlik subyektlari faoliyatining xavf-tahlili natijalari asosida oʻtkaziladigan tekshiruvlar (kameral va sayyor soliq tekshiruvi hamda soliq auditi bundan mustasno).
1 kundan
10 kungacha
Izoh:
Tadbirkorlik subyektlari faoliyatini tegishli tekshiruvdan oʻtkazishning mazkur Farmon bilan belgilangan eng uzoq muddati nazorat qiluvchi organlarning asoslantirilgan talabnomasi asosida faqat bir marta Oʻzbekiston Respublikasi Bosh prokuraturasi ruxsati bilan uzaytirilishi mumkin. Bunda tegishli tekshiruvning uzaytirilgan muddati asosiy muddatidan oshmasligi kerak.
Tadbirkorlik subyektlari faoliyatini tekshirishni vakolatli organ bilan kelishish Tekshiruvlarni elektron roʻyxatga olish yagona tizimida roʻyxatdan oʻtkazilgan holda amalga oshiriladi.
(1-ilova Oʻzbekiston Respublikasi Prezidentining 2020-yil 24-noyabrdagi PF-6118-son Farmoni tahririda — Qonun hujjatlari maʼlumotlari milliy bazasi, 25.11.2020-y., 06/20/6118/1562-son)
Oʻzbekiston Respublikasi Prezidentining 2018-yil 27-iyuldagi PF-5490-son Farmoniga 2-ILOVA
Tekshiruvlarni elektron roʻyxatga olish yagona tizimida roʻyxatdan oʻtkazish orqali vakolatli organni xabardor etish tartibida oʻtkaziladigan tekshiruvlar
Ishonchli axborotlar mavjud boʻlganida quyidagilarni qonunchilikda belgilangan tartibda olib quyish:
tegishli ruxsatnomalarsiz ishlab chiqilgan va sotilgan alkogol va tamaki mahsulotlar;
qalbaki aksiz markali yoki aksiz markasi mavjud boʻlmagan alkogol va tamaki mahsulotlar.
Taqiqlangan tovarlar (xizmatlar)ni ishlab chiqarish va sotish holatlarining hamda kuchli taʼsir qiluvchi moddalar noqonuniy aylanishining oldini olish boʻyicha tezkor tadbirlar oʻtkazish.
Oʻzbekiston Respublikasi davlat soliq qoʻmitasi
Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti Oʻzbekiston Respublikasi Ichki ishlar vazirligi Alkogol va tamaki bozorini tartibga solish hamda vinochilikni rivojlantirish agentligi
1 kun
2.
Sifatsiz va/yoki kontrafakt mahsulotlar sotilishini oldini olish maqsadida, faqatgina shunday mahsulotlarni ishlab chiqarish va sotish boʻyicha ishonchli axborotlar mavjud boʻlganda, ishlab chiqarilayotgan yoki sotilayotgan dori mahsulotlarini nazorat qilish.
Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi
1 kun
21.
Qalbakilashtirilgan, muvofiqlik sertifikati mavjud boʻlmagan va davlat roʻyxatidan oʻtkazilmagan mahsulotlar, retsept bilan beriladigan dori vositalari va tibbiy buyumlarni retseptsiz sotilishining oldini olish maqsadida, faqatgina shunday mahsulotlarni chakana realizatsiya qilish boʻyicha ishonchli axborotlar mavjud boʻlganda, dori vositalari va tibbiy buyumlarni chakana realizatsiya qilishni nazorat qilish.
Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, Oʻzbekiston Respublikasi Ichki ishlar vazirligi, Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi, Sogʻliqni saqlash vazirligi huzuridagi Farmatsevtika tarmogʻini rivojlantirish agentligining Qoraqalpogʻiston Respublikasi, viloyatlar va Toshkent shahar boʻlinmalari
1 kun
3.
Atmosfera havosi, tuproqlar, yer usti va yer osti suvlarini ifloslantiruvchi manbalar, shuningdek, vakolatli organ bilan kelishilgan obyektlarda noqonuniy ifloslantiruvchi moddalarni chiqarish va chiqindilar monitoringi.
Oʻzbekiston Respublikasi Ekologiya va atrof-muhitni
muhofaza qilish davlat qoʻmitasi,
Sogʻliqni saqlash vazirligi huzuridagi Respublika sanitariya-epidemiologiya nazorati markazi
1 kun
4.
Ruxsat beruvchi hujjatlar mavjudligi hamda shaharsozlik normalari va qoidalari talablariga rioya qilinganligini oʻrganish maqsadida barcha qurilish obyektlarida, shu jumladan yakka tartibdagi uy-joy qurish obyektlarida, moliyalashtirish manbalaridan qatʼiy nazar, qisqa muddatli inspektorlik tekshiruvlar oʻtkazish.
Oʻzbekiston Respublikasi Qurilish vazirligi huzuridagi Qurilish sohasida nazorat qilish
inspeksiyasi, tumanlar (shaharlar) bosh arxitektorlari
1 kun
41.
Yoʻl qurilishi, yoʻl-qurilish materiallari, buyumlari va konstruksiyalarini ishlab chiqarishda texnik jihatdan tartibga solish sohasidagi normativ hujjatlar talablariga yuridik va jismoniy shaxslar tomonidan rioya etilishini nazorat qilish.
Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasi
3 kundan oshmagan holda
5.
Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi vakolatiga kiruvchi masalalar boʻyicha tekshiruvlar.
Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi
30 kundan oshmagan holda
6.
Sanoat, radiatsiyaviy va yadro xavfsizlik talablariga rioya qilish holati ustidan, shuningdek vakolatli organ bilan kelishilgan obyektlarda uglevodorod xom ashyoli yer q?ʼridan foydalanish va muhofazasini nazorat qilish.
“Sanoatgeokontexnazorat” DI
10 kundan oshmagan holda
7.
“Oʻzbekenergo” AJ obyektlarida hamda 35 kV va undan yuqori kuchlanishdagi elektr tarmoqlarida ishlarni olib borishda xavfsizlikni nazorat qilish.
Oʻzbekiston Respublikasi Elektr energetika sohasida nazorat qilish davlat inspeksiyasi
5 kundan oshmagan holda
8.
Tabiiy, texnogen, terrorchilik-qoʻporuvchilik tusidagi favqulodda vaziyatlar yuzaga kelishining oldini olish va ulardan himoya qilish masalalari boʻyicha, shuningdek, normativ-huquqiy hujjatlar bilan belgilangan obyektlarda fuqaro muhofazasi talablariga rioya qilish ustidan nazorat olib borish.
Oʻzbekiston Respublikasi Favqulodda vaziyatlar
vazirligi
10 kundan oshmagan holda
9.
Barcha tashkilotlarda Moliya vazirligi huzuridagi budjetdan tashqari Pensiya jamgʻarmasi mablagʻlaridan maqsadli foydalanishni tekshirish.
Bunda koʻrsatilgan tekshiruvlar Oʻzbekiston Respublikasi moliya vazirining buyruqlariga muvofiq amalga oshiriladi.
Oʻzbekiston Respublikasi Moliya vazirligi Davlat moliya nazorati bosh boshqarmasi
10 kundan oshmagan holda
10.
Oʻzbekiston Respublikasi Sanitariya-epidemiologik osoyishtalik va jamoat salomatligi xizmati vakolatiga kiradigan masalalar boʻyicha:
uch oyda koʻpi bilan bir marotaba — umumiy ovqatlanish sohasida faoliyatni amalga oshiruvchi, shu jumladan oziq-ovqat xom ashyosi, oziq-ovqat mahsulotlarini ishlab chiqarish, tashish, saqlash va sotish boʻyicha faoliyatni amalga oshiruvchi hamda isteʼmolchilarni vodoprovod suvi bilan taʼminlaydigan, oqova suvlarni chiqarib tashlaydigan;
olti oyda koʻpi bilan bir marotaba — qonun hujjatlariga koʻra xodimlari tibbiy koʻrikdan oʻtishi lozim boʻlgan savdo va aholiga xizmat koʻrsatish bilan shugʻullanadigan, shu jumladan sartaroshxona va kosmetologiya xizmatlarini koʻrsatuvchi;
bir yilda koʻpi bilan bir marotaba — aholiga diagnostika, davolash-profilaktika xizmatlarini koʻrsatish boʻyicha faoliyatni amalga oshiruvchi tadbirkorlik subyektlarida tekshiruvlar oʻtkazish.
Oʻzbekiston Respublikasi Sanitariya-epidemiologik osoyishtalik va jamoat salomatligi xizmati
10 kundan oshmagan holda
101.
Nodavlat tibbiy tashkilotlarda litsenziya talablari va shartlariga rioya qilinishi ustidan ikki yarim yilda koʻpi bilan bir marotaba (qonun hujjatlari buzilishi holatlari boʻyicha jismoniy va yuridik shaxslarning murojaatlari va ijtimoiy tarmoqlardagi asoslangan maʼlumotlar boʻlgan holatlarda cheklanmagan miqdorda) tekshiruvlar oʻtkazish.
Oʻzbekiston Respublikasi Sogʻliqni saqlash vazirligi
5 kundan oshmagan holda
11.
Davlat zaxiralari joylashtirilgan tadbirkorlik subyektlarida nazorat funksiyalarini amalga oshirish.
Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasi
10 kundan oshmagan holda
12.
Oʻsimlik va qishloq xoʻjaligi mahsulotlarini ishlab chiqarish, tayyorlash, tashish, saqlash, qayta ishlash, sotish va ulardan foydalanish qoidalariga rioya qilish hamda oʻsimliklar karantini boʻyicha tadbirlar oʻtkazilishi ustidan nazorat qilish.
Oʻzbekiston Respublikasi Oʻsimliklar karantini va himoyasi agentligi
1 kun
13.
Tadbirkorlik subyektlari — yuridik shaxslar tomonidan yerlardan maqsadli foydalanilishi, ijara shartnomasi boʻyicha majburiyatlarga muvofiq, ular tomonidan qishloq xoʻjaligi ekinlarini (gʻoʻza, don va boshqalar) ekish boʻyicha oʻrnatilgan talablarga rioya etilishini nazorat qilish.
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi
5 kundan oshmagan holda
14.
Tadbirkorlik subyektlari tomonidan belgilanmagan joylarda amalga oshirilayotgan, shuningdek kelib chiqishini isbotlovchi tegishli hujjatsiz goʻsht va sut mahsulotlari savdosi ustidan nazorat.
Oʻzbekiston Respublikasi Veterinariya va chorvachilikni rivojlantirish davlat qoʻmitasi
1 kun
15.
Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan kelishilgan roʻyxatga muvofiq, avtomobillarga siqilgan va suyultirilgan gaz quyish bilan bogʻliq faoliyatni amalga oshiruvchi tadbirkorlik subyektlarida texnologik jarayon talablari, sanoat va yongʻin xavfsizligi qoidalariga rioya etilishi ustidan bir yilda bir martadan koʻp boʻlmagan nazorat tadbirlari.
Sanoat xavfsizligi davlat qoʻmitasi Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi va Favqulodda vaziyatlar vazirligi bilan birga
1 kun
16.
Daryolar oʻzanlarini tozalash va qirgʻoqlarini mustahkamlash boʻyicha ishlarni amalga oshirish ustidan nazorat oʻtkazishda tizimli tekshirishlar.
Oʻzbekiston Respublikasi Ekologiya va atrof-muhitni
muhofaza qilish davlat qoʻmitasi Suv xoʻjaligi vazirligi,
Davlat geologiya va mineral resurslari qoʻmitasi huzuridagi Kon-geologiya faoliyatini nazorat qilish inspeksiyasi,
Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari bilan birgalikda
5 kundan oshmagan holda
17.
Elektr, gaz quvurlar va gaz taqsimoti tarmoqlariga, noqonuniy ulanish, shuningdek, hisoblash moslamalariga qasddan shikast yetkazganlik, hisoblash moslamalari koʻrsatkichlarini oʻzgartirish maqsadida ularga tashqaridan aralashish holatlarini tekshirish.
Suv taʼminoti va suv chiqarish tizimlariga noqonuniy ulanish, hisoblash moslamalariga qasddan shikast yetkazganlik, hisoblash moslamalari koʻrsatkichlarini oʻzgartirish maqsadida ularga tashqaridan aralashish holatlarini, shuningdek, ichimlik suvi taʼminoti va kanalizatsiya korxonalari tomonidan suv taʼminoti va kanalizatsiya sohasida xizmat koʻrsatish qoidalariga amal qilinishi holatlarini tekshirish.
Oʻzbekiston Respublikasi Uy-joy kommunal xizmat koʻrsatish vazirligi huzuridagi Ichimlik suvidan foydalanishni nazorat qilish inspeksiyasi
1 kun
172
Asosli maʼlumotlar boʻlganda koʻp kvartirali uylardagi joylarning oʻzboshimchalik bilan qayta qurilishi va (yoki) qayta rejalashtirilishi holatlarini tekshirish hamda boshqarish organlari tomonidan koʻp kvartirali uylarda yuzaga kelgan avariya vaziyatlarini bartaraf etish boʻyicha choralar koʻrilganligi ustidan nazorat qilish.
Oʻzbekiston Respublikasi Uy-joy kommunal xizmat koʻrsatish vazirligi huzuridagi Koʻp kvartirali uy-joy fondidan foydalanish sohasini nazorat qilish inspeksiyasi
1 kundan oshmagan holda
18.
Oʻzbekiston Respublikasi Hisob palatasi vakolatiga kiradigan masalalarga doir tekshirishlar.
Oʻzbekiston Respublikasi Hisob palatasi
30 kundan oshmagan holda
19.
Ijtimoiy ahamiyatga ega oziq-ovqat tovarlari, paxta shroti va sheluxasiga boʻlgan narxlarni asossiz va sunʼiy ravishda oshirish, ularni xarid qilish, yetkazib berish va sotishda suiisteʼmol qilinishlar va korrupsiya holatlarini aniqlash boʻyicha tezkor-qidiruv tadbirlarini oʻtkazish.
Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi
kurashish departamenti
1 kun
20.
Oʻzbekiston Respublikasining “Oʻzbekiston Respublikasi Markaziy banki toʻgʻrisida”gi qonuniga muvofiq kredit tashkilotlari faoliyati ustidan nazorat qilish.
Oʻzbekiston Respublikasi Markaziy banki
30 kundan oshmagan holda
21.
Quyidagi holatlarni aniqlash va oldini olishda tezkor nazorat choralarini koʻrish:
yonuvchan moddalar va qurilish materiallarini joylashtirish yoki ochiq alangalatishda atmosfera havosini muhofaza qilish talablariga rioya etmaslik;
maxsus texnik qurilmalarni qoʻllamagan holda bitumni eritish, dalalar va aholi punktlarida angʻiz, toʻqilgan xazon va daraxtlar novdalarini yoxud boshqa oʻsimlik qoldiqlarini yoqish;
oqova suvlarni joy relyefiga yoki ochiq suv obyektlariga, shuningdek kommunal kanalizatsiya tizimiga meʼyoridan ortiq yoki ruxsatsiz tashlash;
suvni tabiiy suv obyektlaridan suvdan maxsus foydalanish yoki maxsus isteʼmoli uchun ruxsatnomasiz olish;
daraxtlarni noqonuniy kesish, yovvoyi holda oʻsuvchi oʻsimliklarni noqonuniy terish va tayyorlash yoki yoʻq qilish, noqonuniy bilan yovvoyi hayvonlarni (shu jumladan baliqlarni) noqonuniy ovlash;
chiqindilar bilan bogʻliq ishlarni amalga oshirish sohasidagi qonun hujjatlari talablariga rioya etmaslik;
daryolar, soylar, kichik daryo va koʻllarning oʻzanlari va suvni muhofaza qilish zonalarini tozalash, shuningdek, ularning qirgʻoqlarini mustahkamlash ishlarini amalga oshirishda qonun hujjatlari talablariga rioya etmaslik.
Oʻzbekiston Respublikasi Ekologiya va atrof-muhitni
Oʻzbekiston Respublikasining Soliq kodeksida belgilangan muddatlardan oshmagan holda
23.
Quyidagilarni nazorat qilish:
yuk va yoʻlovchi tashishni tashkil etuvchi xoʻjaliklarda texnik vositalarning ishchi holatida tutish, ekspluatatsiya qilish va taʼminlash;
idoraviy temir yoʻllariga ega boʻlgan xoʻjalik yurituvchi subyektlarida lokomotivlar, vagonlar, aloqa vositalari va signalizatsiya, elektr taʼminotining ishchi holatida tutilishini taʼminlash.
“Oʻzdavtemiryoʻlnazorat” davlat inspeksiyasi
10 kundan oshmagan holda
24.
Parvozlar xavfsizligi masalalari boʻyicha oʻtkazilayotgan tekshiruvlar.
“Davavianazorat” davlat inspeksiyasi
1 kun
25.
Yuridik shaxs tugatilishi munosabati bilan oʻtkazilayotgan tekshiruvlar
Oʻzbekiston Respublikasi davlat soliq qoʻmitasi
30 kundan oshmagan holda
26.
Etil spirti, alkogol va tamaki mahsulotlari ishlab chiqaruvchilarni hamda alkogolli mahsulotlar bilan savdo qiluvchi ulgurji korxonalarni quyidagi maqsadlarda tekshirish;
oʻlchov jihozlari, plombalar va boshqa monitoring vositalarning butligi;
etil spirti va alkogol mahsulotlari qoldiqlari;
litsenziya olishda taqdim etilmagan isteʼmol va texnik etil spirti hamda alkogol mahsulotlarini ishlab chiqarish boʻyicha qoʻshimcha quvvatlar mavjud emasligi;
uzum va mevadan tayyorlangan vino mahsulotlari sifatining amaldagi texnik talablarga mosligi.
Alkogol va tamaki bozorini tartibga solish hamda vinochilikni rivojlantirish agentligi
3 kundan oshmagan holda
27.
Yuridik shaxslar tomonidan yer qaʼrini geologik oʻrganish, foydali qazilmalarni qazib olish, mineral xom-ashyoni qayta ishlash, shuningdek, kon ishlarining geologik-marksheyderlik taʼminoti sohasida qonunchilik va normativ hujjatlar talablariga rioya etishi ustidan tekshiruvlar.
Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi
10 kundan oshmagan holda
28.
Yer qaʼri foydalanuvchilari tomonidan foydali qazilmalarni qazib olish (chiqarish)ning haqiqiy hajmlarining marksheyderlik oʻlchov xulosalariga muvofiqligi ustidan yiliga ikki martadan koʻp boʻlmagan monitoring oʻtkazish.
Oʻzbekiston Respublikasi Davlat geologiya va mineral resurslar qoʻmitasi huzuridagi
Kon-geologiya faoliyatini nazorat qilish inspeksiyasi Oʻzbekiston Respublikasi davlat soliq qoʻmitasi bilan birgalikda
5 kundan oshmagan holda
29.
Yer qaʼri boyliklari va texnogen mineral hosilalardan oʻzboshimchalik bilan foydalanish, shuningdek, yer qaʼridan foydalanish uchun ruxsat hujjatlarini olmay turib, oʻzboshimchalik bilan foydali qazilmalarni qazib olishga yoʻl qoʻymaslik boʻyicha nazorat tadbirlarini oʻtkazish.
Oʻzbekiston Respublikasi Davlat geologiya va mineral resurslar qoʻmitasi huzuridagi
Kon-geologiya faoliyatini nazorat qilish inspeksiyasi
1 kun
30.
Oʻzbekiston Respublikasi Monopoliyaga qarshi kurashish qoʻmitasining vakolatiga kiruvchi masalalar boʻyicha tekshiruvlar.
Oʻzbekiston Respublikasi Monopoliyaga qarshi kurashish qoʻmitasi
10 kundan oshmagan holda
31.
Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligining vakolatiga kiruvchi masalalar boʻyicha tekshiruvlar.
Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi
1 kun
32.
Davlat yongʻin nazorati organlari tomonidan yongʻin xavfliligiga koʻra obyektlar boʻyicha quyidagi muddatlarda:
birinchi guruhga kiradigan obyektlarda — bir yilda koʻpi bilan bir marta;
ikkinchi guruhga kiradigan obyektlarda — ikki yilda koʻpi bilan bir marta;
uchinchi guruhga kiradigan obyektlarda — uch yilda koʻpi bilan bir marta yongʻin xavfsizligi talablariga rioya qilinishi yuzasidan tekshiruvlar oʻtkazish.
Oʻzbekiston Respublikasi Favqulodda vaziyatlar vazirligi
10 kundan
oshmagan
holda
33.
Oʻzbekiston Respublikasi Investitsiyalar va tashqi savdo vazirligi huzuridagi Texnik jihatdan tartibga solish agentligi va uning Davlat nazorati departamenti vakolatiga kiruvchi masalalar boʻyicha tekshiruvlar.
Oʻzbekiston Respublikasi Investitsiyalar va tashqi savdo vazirligi huzuridagi Texnik jihatdan tartibga solish agentligi
10 kundan oshmagan holda
34.
Oʻzbekiston Respublikasining “Xususiy bandlik agentliklari toʻgʻrisida”gi Qonuniga muvofiq xususiy bandlik agentliklari tomonidan qonunchilik hujjatlari talablariga rioya etilishi ustidan nazoratni amalga oshirish.
Oʻzbekiston Respublikasi Bandlik va mehnat munosabatlari vazirligi
10 kundan oshmagan holda
35.
Pul mablagʻlari yoki boshqa mol-mulk bilan bogʻliq operatsiyalarni amalga oshiruvchi tashkilotlar tomonidan jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasidagi qonunchilik hujjatlari talablariga rioya etilishi ustidan nazoratni amalga oshirish.
Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, ichki nazorat qoidalarini tasdiqlovchi davlat organlari va nazorat yuklatilgan organlar
30 kundan oshmagan holda
36.
Nodavlat taʼlim tashkilotlarida, ishonchli axborotlar mavjud boʻlganda, tegishli litsenziya va tasdiqnomasiz, shuningdek litsenziya va tasdiqnomada nazarda tutilmagan yoʻnalishlarda taʼlim berish holatlarini tekshirish.
Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi
10 kundan oshmagan holda
Izoh.
Quyidagilar ushbu ilovada koʻrsatilgan nazorat funksiyalari nazorat organlarining tegishli hududiy tuzilmalari tomonidan amalga oshirilishi mumkin;
4, 10, 14, 16, 17, 19, 31 va 32-bandlarda koʻrsatilgan nazorat funksiyalari yakka tartibdagi tadbirkorlarga nisbatan ham amalga oshiriladi;
5-bandida koʻrsatilgan nazorat funksiyalari 2018-yil 1-avgustdan Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi tomonidan amalga oshiriladi.
Tadbirkorlik subyektlari faoliyatida tegishli tekshirishni oʻtkazishning qonunchilikda belgilangan maksimal muddati nazorat organlarining asoslantirilgan buyurtmanomalari asosida Oʻzbekiston Respublikasi Bosh prokuraturasi ruxsati bilan faqat bir marta uzaytirilishi mumkin. Bunda tegishli tekshiruvning uzaytirilgan muddati tekshiruvning asosiy muddatidan oshmasligi lozim.
* Davlat soliq xizmati organlari 2022-yil 1-yanvarga qadar boʻlgan davrda Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilni soliq auditi tayinlanganligi toʻgʻrisida qonun hujjatlarida belgilangan tartibda xabardor qiladi.
35-pozitsiyada koʻrsatilgan nazoratni amalga oshirish tartibi Vazirlar Mahkamasi tomonidan belgilanadi.
(2-ilova Oʻzbekiston Respublikasi Prezidentining 2022-yil 4-avgustdagi PF-182-sonli Farmoni tahririda — Qonunchilik maʼlumotlari milliy bazasi, 04.08.2022-y., 06/22/182/0710-son)
(3-ilova Oʻzbekiston Respublikasi Prezidentining 2019-yil 10-dekabrdagi PF-5892-sonli Farmoni tahririda — Qonun hujjatlari maʼlumotlari milliy bazasi, 11.12.2019-y., 06/19/5892/4134-son)
(1-band Oʻzbekiston Respublikasi Prezidentining 2020-yil 27-sentabrdagi PF-6075-sonli Farmoniga asosan oʻz kuchini yoʻqotgan — Qonun hujjatlari maʼlumotlari milliy bazasi, 28.09.2020-y., 06/20/6075/1330-son)
2. Oʻzbekiston Respublikasi Prezidentining 1998-yil 8-iyundagi “Nazorat organlari faoliyatini muvofiqlashtirish boʻyicha Respublika kengashining yangilangan tarkibini tasdiqlash toʻgʻrisida”gi PF-2008-son Farmoni.
4. Oʻzbekiston Respublikasi Prezidentining 2000-yil 3-avgustdagi “Nazorat organlari faoliyatini muvofiqlashtirish boʻyicha Respublika kengashi tarkibiga oʻzgartirishlar kiritish toʻgʻrisida”gi PF-2678-son Farmoni.
5. Oʻzbekiston Respublikasi Prezidentining 2005-yil 5-oktabrdagi “Tadbirkorlik subyektlarini tekshirishni yanada qisqartirish va uning tizimini takomillashtirish chora-tadbirlari toʻgʻrisida”gi PF-3665-son Farmonining 1-bandi ikkinchi — beshinchi xatboshilari, 3, 4 va 6-bandlari.
6. Oʻzbekiston Respublikasi Prezidentining 2005-yil 28-noyabrdagi “Oʻzbekiston Respublikasi Prezidentining “Xoʻjalik yurituvchi subyektlarni tekshirishni tashkil qilishni tartibga solish toʻgʻrisida” 1998-yil 19-noyabrdagi PF-2114-sonli Farmoniga oʻzgartish va qoʻshimchalar kiritish toʻgʻrisida”gi PF-3694-son Farmoni.
7. Oʻzbekiston Respublikasi Prezidentining 2009-yil 27-fevraldagi “Oʻzbekiston Respublikasi Prezidentining ayrim farmonlariga oʻzgartish va qoʻshimchalar kiritish toʻgʻrisida”gi PF-4087-son Farmoni ilovasining 3-bandi.
8. Oʻzbekiston Respublikasi Prezidentining 2011-yil 4-apreldagi “Tadbirkorlik subyektlarini tekshirishlarni yanada qisqartirish va ular faoliyatini nazorat qilishni tashkil etish tizimini takomillashtirish borasidagi qoʻshimcha chora-tadbirlar toʻgʻrisida”gi PF-4296-son Farmonining 1-bandi ikkinchi va uchinchi xatboshilari.
9. Oʻzbekiston Respublikasi Prezidentining 2013-yil 26-martdagi “Oʻzbekiston Respublikasining “Xususiy bank va moliya institutlari hamda ular faoliyatining kafolatlari toʻgʻrisida”gi qonuni qabul qilinishi munosabati bilan Oʻzbekiston Respublikasi Prezidentining ayrim farmonlariga qoʻshimcha va oʻzgartishlar kiritish haqida”gi PF-4522-son Farmoni.
10. Oʻzbekiston Respublikasi Prezidentining 2015-yil 15-maydagi “Xususiy mulk, kichik biznes va xususiy tadbirkorlikni ishonchli himoya qilishni taʼminlash, ularni jadal rivojlantirish yoʻlidagi toʻsiqlarni bartaraf etish chora-tadbirlari toʻgʻrisida”gi PF-4725-son Farmonining 2-bandi ikkinchi — toʻrtinchi va yettinchi xatboshilari.
11. Oʻzbekiston Respublikasi Prezidentining 2017-yil 25-apreldagi “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish toʻgʻrisida”gi (Oʻzbekiston Respublikasi Prezidentining “Tadbirkorlik faoliyatining jadal rivojlanishini taʼminlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qoʻshimcha chora-tadbirlar toʻgʻrisida” 2016-yil 5-oktabrdagi PF-4848-sonli Farmoni hamda Oʻzbekiston Respublikasi Prezidentining “Pul muomalasini yanada takomillashtirish va bank plastik kartochkalaridan foydalangan holda hisob-kitoblarni rivojlantirish chora-tadbirlari toʻgʻrisida” 2017-yil 15-fevraldagi PQ-2777-sonli qarori) PF-5027-son Farmoni ilovasining 1, 2, 4— 8-bandlari.
12. Oʻzbekiston Respublikasi Prezidentining 2017-yil 4-iyuldagi “Oʻzbekiston Respublikasi Prezidentining “Tadbirkorlik subyektlarini tekshirishni yanada qisqartirish va uning tizimini takomillashtirish chora-tadbirlari toʻgʻrisida” 2005-yil 5-oktabrdagi PF-3665-son Farmoniga oʻzgartirish kiritish toʻgʻrisida”gi PF-5102-son Farmoni.
13. Oʻzbekiston Respublikasi Prezidentining 2017-yil 15-fevraldagi “Pul muomalasini yanada takomillashtirish va bank plastik kartochkalaridan foydalangan holda hisob-kitoblarni rivojlantirish chora-tadbirlari toʻgʻrisida”gi PQ-2777-son qarorining 2-bandi uchinchi xatboshi.
14. Oʻzbekiston Respublikasi Prezidentining 2017-yil 29-dekabrdagi “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida”gi PQ-3454-son qarori 11-ilovasi izohining 3-bandi.
LexUZ sharhi