Hujjat 16.07.2018 00 sanasi holatiga
Amaldagi versiyaga o‘tish
Oʻzbekiston Respublikasi Prezidentining
qarori
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish samaradorligini oshirish chora-tadbirlari toʻgʻrisida
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish samaradorligini yanada oshirish maqsadida:
1. Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish tartibi toʻgʻrisidagi nizom ilovaga muvofiq tasdiqlansin.
Keyingi tahrirga qarang.
2. Belgilab qoʻyilsinki:
moliyaviy bitimlar, qayta kreditlash toʻgʻrisidagi bitimlar, loyiha bitimlari, subsidiar bitimlar, huquq va talablarni oʻtkazish toʻgʻrisidagi bitimlar, xat-bitimlar va boshqa bitimlarni (keyingi oʻrinlarda loyihalar boʻyicha bitimlar deb yuritiladi) imzolagan vazirliklar va idoralar rahbarlari Oʻzbekiston Respublikasi yoki Oʻzbekiston Respublikasi Hukumati nomidan ushbu qarorda belgilangan tartibda loyiha boʻyicha bitimlarga oʻzgartishlar, qoʻshimchalar va tuzatishlarni imzolash vakolatiga ega;
kuchga kirishi uchun yuridik xulosalar berilishi shart boʻlgan loyihalar yuzasidan imzolangan bitimlar, shuningdek, davlat kafolatlari boʻyicha yuridik xulosalar Oʻzbekiston Respublikasi Adliya vazirligiga bitimlar va kafolatlar kiritilgandan keyin bir hafta muddatda xalqaro moliya institutlari va xorijiy hukumat moliya tashkilotlari (keyingi oʻrinlarda XMI/XHMT deb yuritiladi) uchun maqbul shaklda Adliya vazirligi tomonidan beriladi;
XMI/XHMT ishtirokidagi loyihalarni amalga oshirish doirasida yer uchastkalari olib qoʻyilganda, uylar, boshqa imoratlar, inshootlar buzilganda yoki daraxtlar kesilganda tovon toʻlash, agar bu loyihalar boʻyicha bitimlarda nazarda tutilgan boʻlsa, XMI/XHMT talablariga muvofiq vakolatli organlar tomonidan amalga oshiriladi;
XMI/XHMT ishtirokidagi loyihalarni amalga oshirish doirasida xarid qilinadigan tovar (ish, xizmat)lar va transport vositalari bojxona toʻlovlari (bojxona yigʻimlari bundan mustasno), qoʻshilgan qiymat soligʻi, davlat maqsadli jamgʻarmalariga yigʻimlar toʻlashdan, Oʻzbekiston Respublikasi rezidentlari boʻlmagan yuridik shaxslar yuridik shaxslardan olinadigan foyda soligʻi, Oʻzbekiston Respublikasi rezidentlari boʻlmagan jismoniy shaxslar jismoniy shaxslardan olinadigan foyda soligʻi toʻlashdan 2021-yil 1-iyulgacha boʻlgan muddatga ozod etiladi;
Keyingi tahrirga qarang.
XMI tomonidan pulli konsultativ xizmatlar koʻrsatilgan xollarda, ushbu moliya institutlari mazkur xizmatlarni yagona yetkazib beruvchilar hisoblanadi va ular bilan maxsus axborot portalida roʻyxatdan oʻtkazilishi lozim boʻlgan toʻgʻridan-toʻgʻri shartnomalar tuziladi.
3. Belgilansinki:
XMI/XHMT ishtirokidagi loyihalarni amalga oshirishda ishtirok etadigan xorijlik mutaxassislarga kirish vizalarini rasmiylashtirish loyihalar tashabbuskorlari yoki ijro etuvchi agentliklar talabnomalariga binoan Oʻzbekiston Respublikasi Tashqi ishlar vazirligi tomonidan konsullik va boshqa yigʻimlar undirilmagan holda amalga oshiriladi;
XMI/XHMT ishtirokidagi loyihalarni amalga oshirishda ishtirok etadigan xorijlik mutaxassislarga koʻp martalik vizalar berish, yashash joyi boʻyicha vaqtinchalik propiskani rasmiylashtirish va ularni uzaytirish loyihalar tashabbuskorlari yoki ijro etuvchi agentliklar talabnomalariga binoan Oʻzbekiston Respublikasi Ichki ishlar vazirligi tomonidan davlat boji undirilmagan holda amalga oshiriladi.
Keyingi tahrirga qarang.
4. Yangi tahrirdagi Oʻzbekiston Respublikasining Soliq kodeksi loyihasini ishlab chiqishni muvofiqlashtirish va samarasiz soliq va bojxona imtiyozlari hamda preferensiyalarini bekor qilish boʻyicha ishchi komissiya (B. Mavlonov) quyidagilarni nazarda tutsin:
a) XMI/XHMT ishtirokidagi loyihalarni amalga oshirish davrida va kafolat muddatida:
XMI/XHMT mablagʻlari hisobiga xarid qilinadigan tovar (ish, xizmat)lar va transport vositalarini bojxona toʻlovlari (bojxona yigʻimlari bundan mustasno), qoʻshilgan qiymat soligʻi, shuningdek, davlat maqsadli jamgʻarmalariga yigʻimlar toʻlashdan;
Oʻzbekiston Respublikasi rezidentlari boʻlmagan yuridik shaxslarni yuridik shaxslardan olinadigan foyda soligʻi toʻlashdan;
Oʻzbekiston Respublikasi rezidentlari boʻlmagan jismoniy shaxslarni jismoniy shaxslardan olinadigan daromad soligʻi toʻlashdan ozod etishni;
b) ushbu bandning “a” kichik bandida nazarda tutilgan imtiyozlarni XMI/XHMT ishtirokidagi loyihalarni amalga oshirish doirasida Oʻzbekiston Respublikasi Davlat budjetining mablagʻlari, loyihalar tashabbuskorlari yoki ijro etuvchi agentliklarning oʻz mablagʻlari hisobiga xarid qilinadigan tovar (ish, xizmat)lar va transport vositalariga tatbiq etishni.
Imtiyozlar berish natijasida boʻshab qoladigan mablagʻlar summasi Oʻzbekiston Respublikasining XMI/XHMT ishtirokidagi loyihalarni amalga oshirishga qoʻshgan hissasi ekanligi belgilansin.
5. Oʻzbekiston Respublikasi Investitsiyalar boʻyicha davlat qoʻmitasi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmurodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 16-iyul,
PQ-3857-son
Oʻzbekiston Respublikasi Prezidentining 2018-yil 16-iyuldagi PQ-3857-son qaroriga
ILOVA
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish tartibi toʻgʻrisidagi
NIZOM
1-bob. Umumiy qoidalar
1. Mazkur Nizom Oʻzbekiston Respublikasi nomidan (Oʻzbekiston Respublikasi Hukumati) nomidan yoki Oʻzbekiston Respublikasi kafilligi ostida jalb etilayotgan xalqaro moliya institutlari va xorijiy hukumat moliya tashkilotlari (keyingi oʻrinlarda ― XMI/XHMT deb yuritiladi) tomonidan toʻliq yoki qisman qarz (kreditlar) hisobidan loyihalarni tayyorlash va amalga oshirishning tartibga soladi.
2. Mazkur Nizom Oʻzbekiston Respublikasi Prezidentining alohida qarorlari bilan tayyorlash va amalga oshirishning oʻzgacha tartibi belgilangan XMI/XHMT ishtirokidagi loyihalarga tatbiq etilmaydi.
3. Mazkur Nizomda quyidagi asosiy tushunchalar ishlatiladi:
avans qarz mablagʻlari ― loyihani amalga oshirish uchun jalb etiladigan keyinchalik maʼqullangan qarz (kredit) summasiga qoʻshiladigan loyiha boʻyicha moliyaviy kelishuvni imzolashdan oldin amalga oshiriladigan loyihani yoki loyihadagi chora-tadbirlarni moliyalashtirish uchun XMI/XHMT tomonidan taqdim etilayotgan qarz (kredit) mablagʻlari;
loyihani amalga oshirish (muvofiqlashtirish) guruhi (LAOG) ― qonunda belgilangan tartibda loyihani amalga oshirishni qoʻllab-quvvatlash maqsadida loyiha tashabbuskori tomonidan tuziladigan boʻlinma (tashkilot);
dastlabki baholash hujjati ― XMI/XHMT uslubiyotiga muvofiq tayyorlangan va XMI/XHMT baholash hujjatini tayyorlashda tayanch boʻlib xizmat qiladigan, amalga oshirilishi rejalashtirilayotgan loyihaning asosiy parametrlarini belgilaydigan loyiha oldi hujjati;
qarz muzokaralari ― Oʻzbekiston Respublikasining vakolatli vakillari va XMI/XHMT oʻrtasida muhokama etilayotgan va kelishilayotgan moliyaviy bitim loyihasi hamda XMI/XHMT tomonidan qarz (kredit) ajratish shartlari va loyiha mazmuniga doir muzokaralar;
qarz (kredit) mablagʻlari yoki moliyalashtirish ― loyiha tashabbuskoriga moliyaviy bitim asosida muayyan maqsadlar va aniq muddatga beriladigan XMI/XHMT qarz (kredit)lari va pul mablagʻlari;
xarid tartib-taomillari ― XMI/XHMT ishtirokidagi loyihalar doirasida tovar (ishlar va xizmatlar)ni xarid qilish boʻyicha, shu jumladan “tayyor holda topshirish” shartlari asosidagi, harakatlar majmui. Xarid tartib-taomillari xarid rejasini kelishib olish sanasidan to tuzilgan kontraktlarni roʻyxatga olish sanasiga qadar boʻlgan davrni oʻz ichiga oladi;
loyiha tashabbuskori (buyurtmachi) ― XMI/XHMT ishtirokida loyihani amalga oshirish boʻyicha tashabbus bilan chiqqan davlat organlari, budjet tashkilotlari va boshqa yuridik shaxslar;
xorijiy hukumat moliya tashkilotlari (XHMT) ― Oʻzbekiston Respublikasida loyihalarni moliyalashtirish yoki birgalikda moliyalashtirishni, amalga oshirayotgan xorijiy hukumat moliya tashkilotlari, shu jumladan Oʻzbekiston Respublikasi (Oʻzbekiston Respublikasi Hukumati) nomidan yoki Oʻzbekiston Respublikasi kafilligi ostida qarzlari (kreditlari) jalb etilayotgan davlat banklari va taraqqiyot jamgʻarmalari, Eksimbanklar;
ijro agentligi ― loyihani amalga oshirish uchun masʼul tashkilot (tashkilotlar);
xalqaro moliya institutlari (XMI) ― davlatlararo bitimlar asosida tuzilgan, Oʻzbekiston Respublikasi aʼzo boʻlgan moliyaviy va iqtisodiy tashkilotlar;
loyihani amalga oshirish monitoringi ― qarorni qabul qilish jarayonini yaxshilash hamda loyiha boshqaruvi samaradorligini taʼminlash maqsadida loyihani amalga oshirilish doir maʼlumotlarni tizimli toʻplash, ishlov berish va tahlil qilish;
tarmoq ilmiy-texnik kengashi (TITK) ― tarmoq vazirliklari va idoralari huzurida tashkil etilayotgan, loyihalarni amalga oshirish maqsadga muvofiqligi va imkoniyatlarni oʻrganuvchi kollegial organ. TITK yoʻqligida, uning funksiyalarini ushbu Nizomga muvofiq loyiha tashabbuskori tomonidan tuzilgan kollegial organ bajaradi;
xaridlar rejasi ― mazkur Nizomda belgilangan, zaruriyat boʻlganida, yangilanishi va oʻzgartirilishi mumkin boʻlgan, XMI/XHMT bilan kelishilgan hamda loyihaning TIA qismi va loyiha oldi hujjati hisoblangan, loyiha boʻyicha xaridlarning rejalashtirilgan uslub, tamoyil va asosiy parametrlari roʻyxatini oʻz ichiga olgan hujjat;
imzo qoʻyuvchi ― XMI/XHMT bilan moliyaviy bitimni imzolashga vakolatli vazirlik, idora, tashkilot rahbari yoki uning oʻrinbosari;
loyiha oldi hujjatlari ― baholash hujjati, xaridlar rejasi, loyihaning TIA va xarid hujjatlarini qamrab olgan hamda taklif etilgan parametrlarda loyihani amalga oshirishning imkoniyati va muvofiqligini asoslab beruvchi hujjatlar;
loyiha hujjatlari ― loyihaning tasdiqlangan TIA asosida ishlab chiqilayotgan hamda qurilishning smeta qiymati, arxitektura-shaharsozlik va texnik yechimlarini qamrab olgan hujjatlar;
loyiha ofisi ― XMI/XHMT ishtirokida loyihalarni amalga oshirish sohasida LAOG va ijro agentliklari faoliyatini muvofiqlashtirish hamda nazorat qilishni taʼminlovchi Oʻzbekiston Respublikasi investitsiyalar boʻyicha davlat qoʻmitasi (keyingi oʻrinlarda ― Investitsiyalar boʻyicha davlat qoʻmitasi) funksiyasi;
Keyingi tahrirga qarang.
loyiha bitimi ― loyiha tashabbuskori yoki loyiha ijro agentligi bilan bilan XMI/XHMT oʻrtasidagi bitim;
XMI/XHMT xaridlar boʻyicha rahbarligi ― XMI/XHMT tomonidan tasdiqlangan, XMI/XHMT loyiha boʻyicha tovarlar (ishlar va xizmatlar) xaridini tashkil etish va oʻtkazish boʻyicha talablarni nazarda tutgan hujjatlar;
qayta kreditlash toʻgʻrisida bitim ― loyiha doirasida jalb etilgan qarz (kredit) mablagʻlaridan foydalanish, hisobga olish va qaytarish maqsadlarida tuzish zarurati tugʻilgan qayta kreditlash toʻgʻrisida bitim, agentlik bitimi, huquq va talablarni boshqacha topshirish bitimi, subsidiar bitim, subkredit yoki subqarz bitim yoki boshqa bitimlar;
Oʻzbekiston Respublikaning XMI/XHMT bilan hamkorlik strategiyasi (dasturi) ― XMI/XHMT hisobidan moliyalashtirish taklif etilayotgan loyihalar roʻyxatini qamrab olgan, Oʻzbekiston Respublikasining XMI/XHMT bilan maʼlum vaqtga moʻljallangan hamkorligining asosiy yoʻnalishlarini belgilab beruvchi hujjat;
texnik koʻmaklashish ― natural va/yoki pul shaklida tajriba-konstruktorlik ishlarini olib borish, ilmiy yoki boshqa tadqiqotlar, taʼlim, xodimlar malakasini oshirish va qayta tayyorlash, konsultatsion xizmatlar koʻrsatish, asbob-uskuna va texnologiyalarni xarid qilish va qonunchilikka muvofiq boshqa maqsadlarda XMI/XHMT tomonidan ajratilayotgan maqsadli mablagʻlar;
loyihaning texnik-iqtisodiy asoslanuvi (loyihaning TIA) ― XMI/XHMT ishtirokida, MFI/IPFO uslubiyotini ham hisobga olib tayyorlangan va loyihaning prognoz parametrlarini belgilab beruvchi loyiha oldi hujjati;
moliyaviy bitim ― loyihalarni amalga oshirish uchun moliyalashtirishni nazarda tutgan Oʻzbekiston Respublikasi yoki Oʻzbekiston Respublikasi Hukumati tomonidan XMI/XHMT bilan imzolanayotgan, shuningdek, Oʻzbekiston Respublikasi Davlat kafolati ostida loyiha tashabbuskorlari tomonidan imzolanayotgan qarz bitimi, moliyalashtirish toʻgʻrisidagi bitim, Istisnaa bitimi yoki va boshqa moliyaviy bitimlar;
Keyingi tahrirga qarang.
2-bob. XMI/XHMT bilan hamkorlik qilish strategiyalarini (dasturlarni) tayyorlash va yangi loyihalarni ishlab chiqish tartibi
4. Mazkur Nizomning 1-ilovasida koʻrsatilgan shakl boʻyicha loyihalarning nizomlari va moliyalashtirishning taxminiy manbalariga oid maʼlumotlarni ilova qilib, loyiha tashabbuskori har yili 1-martga qadar Investitsiyalar boʻyicha davlat qoʻmitasiga keyingi uch yilda amalga oshirish uchun taklif etilayotgan va istiqbolli loyihalar roʻyxatini taqdim etadi.
Keyingi tahrirga qarang.
Keyingi tahrirga qarang.
5. Mazkur Nizomning 4-bandida koʻrsatilgan amalga oshirish uchun taklif etilayotgan va istiqbolli loyihalar roʻyxatiga quyidagi hujjatlar ilova qilinadi:
loyiha tashabbuskori rahbari tomonidan imzolangan xat;
loyiha ustavi ingliz tilida;
Investitsiyalar boʻyicha davlat qoʻmitasi XMI/XHMTga taqdim qilish uchun loyiha boʻyicha qoʻshimcha maʼlumotlarni soʻrab olishi mumkin.
Keyingi tahrirga qarang.
6. Investitsiyalar boʻyicha davlat qoʻmitasi har yili 1-aprelga qadar amalga oshirish uchun taklif etilayotgan va istiqbolli loyihalarning jamlanma roʻyxatini shakllantiradi hamda uni loyihalar tashabbuskorlariga, Oʻzbekiston Respublikasi Moliya vazirligi va Iqtisodiyot vazirligiga kelishish uchun kiritadi.
Amalga oshirish uchun taklif etilayotgan va istiqbolli loyihalarning jamlanma roʻyxati taqdim etilgan kundan boshlab bir hafta davomida koʻrib chiqiladi.
7. Amalga oshirish uchun taklif etilayotgan va istiqbolli loyihalarning jamlanma roʻyxati hamda unga boʻlgan oʻzgartirishlar va qoʻshimchalar Oʻzbekiston Respublikasi Bosh vazirining oʻrinbosari ― Investitsiyalar boʻyicha davlat qoʻmitasi raisi tomonidan tasdiqlanadi.
Keyingi tahrirga qarang.
8. XMI/XHMT bilan hamkorlik strategiyalari (dasturlari) hamda XMI/XHMT tomonidan moliyalashtirish uchun taklif etilayotgan loyihalar roʻyxati va moliyalashtirish shartlarining maqbulligini loyihalar tashabbuskorlari bilan kelishgan holda, XMI/XHMT tomonidan Oʻzbekiston Respublikasiga ajratilayotgan qarz (kredit) mablagʻlari limitlari doirasida amalga oshirish uchun taklif etilayotgan va istiqbolli loyihalarning jamlanma roʻyxatidan kelib chiqqan holda shakllantiriladi. Qarz (kredit) summasini Davlat budjeti mablagʻlari hisobidan soʻndirish nazarda tutilgan holatlarda, XMI/XHMT bilan hamkorlik qilish strategiyalari (dasturlari) Oʻzbekiston Respublikasi moliya vazirligi bilan ham kelishiladi.
XMI/XHMT bilan hamkorlik qilish boʻyicha shakllantirilgan strategiyalar (dasturlar) Oʻzbekiston Respublikasi Prezidenti bilan kelishiladi.
9. XMI/XHMT bilan hamkorlik qilish strategiyalari (dasturlari)ga kiritilgan loyihalar, ekspertiza va boshqa qoʻshimcha tartib-taomillar oʻtkazilmasdan majburiy tarzda Oʻzbekiston Respublikasini rivojlantirish Davlat dasturiga kiritiladi.
Keyingi tahrirga qarang.
10. XMI/XHMT bilan hamkorlik qilish strategiyalari (dasturlari)ga kiritilmagan loyihalarni amalga oshirish boʻyicha qarorlar Investitsiyalar boʻyicha davlat qoʻmitasi tomonidan Oʻzbekiston Respublikasi Prezidenti bilan kelishilgan holda amalga oshiriladi.
XMI/XHMTdan loyihaning tayyorlanishini boshlash uchun Investitsiyalar boʻyicha davlat qoʻmitasi tomonidan XMI/XHMTga soʻrovnoma yuboriladi.
Keyingi tahrirga qarang.
11. Tashabbuskor tomonidan XMI/XHMT ishtirokida yangi loyihalarni ishlab chiqish faqat Investitsiyalar boʻyicha davlat qoʻmitasi orqali amalga oshiriladi.
Loyihalar tashabbuskorlari XMI/XHMT ishtirokida yangi loyihalarni tayyorlashga oid bildirishlarni Investitsiyalar boʻyicha davlat qoʻmitasiga oʻz vaqtida taqdim etish yuzasidan javob beradilar.
3-bob. Loyiha oldi hujjatlarini tayyorlash va koʻrib chiqish tartibi
12. Loyihani tayyorlash boʻyicha tadbirlarni moliyalashtirish XMI/XHMT texnik koʻmaklashish mablagʻlari (grant mablagʻlari), avans qarz mablagʻlari, qarz (kredit) mablagʻlari, loyiha tashabbuskorining shaxsiy mablagʻlari, shuningdek ushbu loyiha tashabbuskori uchun moʻljallangan Oʻzbekiston Respublikasi Davlat budjeti mablagʻlari hisobidan yoxud Oʻzbekiston Respublikasi qonunchiligida taqiqlanmagan boshqa manbalar hisobidan amalga oshiriladi.
Agarda XMI/XHMT tomonidan loyihani tayyorlash uchun texnik koʻmak koʻrsatish mablagʻi ajratilganida, loyiha tashabbuskori XMI/XHMT qoidalari va tartib-taomillari bilan nazarda tutilgan texnik koʻmak koʻrsatish yoki boshqa shunday hujjatni imzolaydi.
13. Agarda XMI/XHMT talabi boʻyicha qarz (kredit) mablagʻlarini jalb qilish masalasini oʻrganish uchun loyihaning dastlabki hisob-kitobi zarur boʻlganida, loyiha tashabbuskori ingliz tilida tuzilgan loyiha nizomini Investitsiyalar boʻyicha davlat qoʻmitasiga yuboradi, unga keyinchalik XMI/XHMTga berish uchun zarur boʻlgan hisob-kitoblarni ilova qiladi.
Keyingi tahrirga qarang.
14. Loyiha tashabbuskori XMI/XHMT ishtirokida loyihani sifatli tayyorlash uchun javob beradi va XMI/XHMT bilan birgalikda loyihani baholashni tashkil qiladi, zaruriyat tugʻilganida, manfaatdor vazirlik va idoralar, loyiha va tadqiqot institutlari mutaxassislarini jalb qiladi.
Keyingi tahrirga qarang.
XMI/XHMT soʻrovnomasi boʻyicha loyiha tashabbuskori XMI/XHMT qoidalari va tartib-taomillariga muvofiq, XMI/XHMTga maʼlumotlar taqdim etilishini taʼminlaydi. Agarda soʻralgan maʼlumotlar maxfiy xarakterga ega boʻlsa, loyiha tashabbuskori XMI/XHMT bilan sir saqlash boʻyicha bitimni imzolaydi hamda zarur boʻlgan ichki tartib-taomillarni amalga oshiradi.
15. Loyihani baholash natijalariga koʻra, XMI/XHMT tomonidan loyihaning tashabbuskori bilan birgalikda, loyiha tashabbuskorining tarmoq ilmiy-texnik kengashi tomonidan maʼqullanishi nazarda tutilgan loyihaning dastlabki baholash hujjati tayyorlanadi.
Loyihaning dastlabki baholash hujjati XMI/XHMT uslubiyotiga muvofiq (XMI/XHMTning shunday uslubiyoti mavjud boʻlganida) tayyorlanadi hamda oʻz ichiga quyidagilarni qamrab oladi:
loyihaning maqsad va vazifalarini koʻrsatgan holda, loyihaning qisqacha tavsifi;
loyiha xarajatlari hisob-kitobining toifalari hamda komponentlari kesimida tuzilgan loyiha qiymatining hisob-kitobi.
Loyiha qiymatining hisob-kitobi qurilish, tovar (ishlar va xizmatlarni) xarid qilish, shuningdek loyihani tayyorlash va realizatsiya qilish bilan bogʻliq boshqa xarajatlardan kelib chiqib shakllanadi, shu jumladan jismoniy (va) yoki narx xarajatlarini qoplash uchun zaxirani yaratish nazarda tutiladi.
Jismoniy (va) yoki narx xarajatlarini qoplash uchun zaxira yaratish, tovarlar (ishlar va xizmatlar)ning haqiqiy narxi, xarid qilinayotgan tovarlar soni hamda qurilish ishlarining hajmi oʻzgarishi mumkinligi bilan bogʻliq xarajatlarni qoplash uchun nazarda tutilgan hamda XMI/XHMT tomonidan ushbu maqsadlar uchun qoʻllanilayotgan uslubiyotiga muvofiq shakllantiriladi.
Tarmoq ilmiy-texnik kengashi raisi loyihaning toʻgʻri baholanishi va uning texnik-texnologik parametrlari uchun shaxsan javob beradi.
Zaruriyat tugʻilganida loyihani dastlabki baholash hujjatini oʻrganish va maʼqullash vaqtida loyiha tashabbuskori Investitsiyalar boʻyicha davlat qoʻmitasi bilan birgalikda XMI/XHMTning qoida va tartib-taomillarida nazarda tutilgan, XMI/XHMT bilan memorandum yoki boshqa hujjatni imzolaydi.
Keyingi tahrirga qarang.
16. Loyihani dastlabki baholash hujjati asosida loyiha tashabbuskori XMI/XHMTning qoida va tartib-taomillariga muvofiq hamda XMI/XHMT bilan birgalikda XMI/XHMT tomonidan qabul qilingan uslubiyotga muvofiq loyihaning TIAsini ishlab chiqadi.
Keyingi tahrirga qarang.
17. XMI/XHMT talabiga binoan qarz (kredit) mablagʻlarini jalb qilish maqsadida loyihaning dastlabki hisob-kitobini yuborish talab etilganida, loyihaning TIAsi mazkur Nizomning 2-ilovasiga muvofiq yoki XMI/XHMT bilan kelishilgan loyiha pasporti asosida ishlab chiqiladi.
Loyihaning TIAsi tarmoq ilmiy-texnik kengashi tomonidan koʻrib chiqilishi va maʼqullanishi talab etiladi.
Loyihaning TIAsi bilan birgalikda, loyiha tashabbuskori grant mablagʻlari, avans qarz mablagʻlari, loyiha tashabbuskorining shaxsiy mablagʻlari, ushbu maqsadlarda loyiha tashabbuskori uchun koʻzda tutilgan Davlat budjeti mablagʻlari yoki qonunchilikda taqiqlanmagan boshqa manbalar hisobidan loyiha-smeta hujjatlarini ishlab chiqishi mumkin.
18. Loyihaning TIA ekspertizasi Oʻzbekiston Respublikasi Investitsiyalar boʻyicha davlat qoʻmitasi va Moliya vazirligi tomonidan oʻz vakolati doirasida bir vaqtning oʻzida taqdim etilgan paytdan boshlab ikki hafta muddat ichida amalga oshiriladi.
Keyingi tahrirga qarang.
19. Loyihaning TIA ekspertizasi va xulosalarni tayyorlash ikki hafta muddat ichida amalga oshiriladi (kanselyariya tomonidan kirish hujjatini roʻyxatga olish sanasidan eʼtiboran):
a) Investitsiyalar boʻyicha davlat qoʻmitasi tomonidan ― loyihani amalga oshirishning umumiy iqtisodiy maqsadga muvofiqligi boʻyicha, uning XMI/XHMT baholash hujjatiga, XMI/XHMT bilan hamkorlik strategiyasi (dasturiga) va investitsion dasturning ustuvorliklariga muvofiqligi boʻyicha;
Keyingi tahrirga qarang.
b) Moliya vazirligi tomonidan ― qarz (kredit)larning toʻlovi boʻyicha mablagʻlarning manbalarini aniqlash hamda rejalashtirilayotgan budjet oʻtkazmalarining miqdori va ularning muvofiqligi, qoʻshimcha soliq va bojxona imtiyozlarini taqdim qilish;
Loyihaning TIA XMI/XHMT ishtirokidagi loyihalar doirasida tovarlar (ishlar va xizmatlar) narxlarining parametrlarini belgilash, ushbu maqsadlarda XMI/XHMT tomonidan joriy etilgan uslubiyot va dastlabki hisob-kitoblar asosida amalga oshiriladi.
Loyiha tashabbuskori XMI/XHMT ishtirokidagi loyihalar doirasida tovarlar (ishlar va xizmatlar)ga narxlar parametrlarini inobatga olib, loyihaning TIA va dastlabki hisob-kitoblari hamda dastlabki baholash hujjatini ekspertizadan oʻtkazish maqsadida mustaqil ravishda yoki loyiha ofisi talabi boʻyicha XMI/XHMTga maʼqul boʻlgan konsalting kompaniyalarini jalb qilishga haqli.
20. Loyiha tashabbuskori, ekspertiza sohasida vakolatli organlarning ijobiy xulosasini olganidan keyin va XMI/XHMT tomonidan loyihani moliyalashtirish maʼqullanganida, ikki kun muddatda quyidagilarni tasdiqlashni nazarda tutgan loyihani amalga oshirish toʻgʻrisida hukumat qarori loyihasini Oʻzbekiston Respublikasi Vazirlar Mahkamasiga kiritish:
mazkur Nizomning 3-ilovasiga muvofiq shaklda loyihaning asosiy texnik-iqtisodiy parametrlari;
XMI/XHMT qarz (kredit)larini soʻndirish prognoz jadvallari;
loyiha natijalari monitoringi matritsalari;
moliyaviy bitimni imzolash vakolatlari.
Hukumat qarori loyihasi mazkur Nizomning 19-bandida koʻrsatilgan ekspertiza sohasida vakolatli organlarning xulosasi hamda loyiha TIAsi ilova qilib, uch nusxada kiritiladi.
21. Oʻzbekiston Respublikasi Tiklanish va taraqqiyot jamgʻarmasi mablagʻlarini jalb qilish, budjet mablagʻlarini ajratish, qoʻshimcha soliq va bojxona imtiyozlari hamda boshqa preferensiyalar taqdim etishni koʻzda tutgan loyihalar boʻyicha loyiha tashabbuskori Oʻzbekiston Respublikasi Prezidenti qarori loyihasini tayyorlaydi va uni belgilangan tartibda kiritadi.
22. Agarda loyihaning TIAsi budjet ajratmalari hisobidan jalb etilayotgan qarz (kredit)ni soʻndirish uchun mablagʻlar yetishmovchiligini qoplash koʻzda tutilgan boʻlsa, loyihaning tasdiqlangan TIA bir nusxasi Oʻzbekiston Respublikasi Moliya vazirligiga beriladi.
Loyihaning tasdiqlangan TIAsi har bir betida TIA tasdiqlangan aktning rekvizitlari va shtempel bilan majburiy belgi quyiladi.
23. Loyiha doirasida 80 foizdan koʻproq qarz (kredit) mablagʻlari tijorat banklari va boshqa moliya tashkilotlari orqali qayta moliyalashtiriladigan kredit liniyalarini taqdim qilish hamda institutsional rivojlanish loyihalari (budjet yordami va boshqalar) uchun loyihaning TIA ishlab chiqilishi talab etilmaydi.
Subloyihalar boʻyicha loyiha oldi hujjatlarini (shu jumladan biznes-rejalar va boshqalar)ishlab chiqish, tijorat banklari va boshqa moliya tashkilotlari talablari boʻyicha benefitsiar tanlash tegishli tijorat banki yoki moliya tashkiloti talablariga muvofiq amalga oshiriladi.
24. Loyihalarning tasdiqlangan TIAsiga quyidagi zarur holatlarda tuzatish va qoʻshimchalar kiritiladi:
qoʻshimcha moliyalashtirishni (qarz yoki kreditlar) va boshqa moliyaviy mablagʻlarni (tijorat banklari orqali qarz (kredit)larni jalb qilish uchun kredit liniyalarini taqdim qilishdan tashqari) jalb qilish;
loyihani amalga oshirish uchun jalb etilgan qarz (kreditlar) va boshqa moliyaviy mablagʻlarga xizmat koʻrsatishda Oʻzbekiston Respublikasi Davlat budjetining koʻmaklashish parametrlari oʻzgartirilishi;
loyihani moliyalashtirish manbalarining oʻzgartirilishi;
loyihaning asosiy parametrlari yoki boshqa muhim texnik-texnologik yechimlarining oʻzgartirilishi;
loyiha qiymatining tasdiqlangan loyiha parametrlariga nisbatan 20 foizdan koʻproq oshirilishi;
Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi ayrim qarorlari bilan nazarda tutilgan loyihaning tuzatish qilingan TIAsiga va boshqa oʻzgartirishlar kiritish.
Loyihalarning TIAsiga quyidagi hollarda oʻzgartirishlar (tuzatishlar) kiritish yoʻl quyilmaydi:
loyihalarni amalga oshirish natijalari boʻyicha;
loyiha nomlanishini oʻzgartirish maqsadida;
loyiha qiymati kamayganida;
agar loyihaning qiymati 20 foizdan koʻproq oshgani, qarz (kredit) mablagʻlarini berish shartlari oʻzgartirilgani yoki loyihani amalga oshirish muddati uzaytirilgani sababli moliyaviy sarf-xarajatlar summasi oshganida;
loyihaning umumiy qiymati oʻzgarmasdan, loyiha komponentining qiymati, xarajatlar toifasi va moliyaviy komponentlarning ulushi hamda manbalari oʻzgarganida, loyiha boʻyicha tejalgan mablagʻlar sarflanganida hamda loyiha komponentlari yoki xarajatlar toifalari mablagʻlari qayta taqsimlanganda.
25. Loyihaning tasdiqlangan TIAsiga oʻzgartirish va qoʻshimchalar (tuzatishlar) kiritish loyihaning tuzatish qilingan TIAsini ishlab chiqish orqali amalga oshiriladi.
26. Tuzatish qilingan loyiha TIAsining ekspertizasi mazkur Nizomda koʻzda tutilgan loyihaning TIA ekspertizasi tartibi asosida amalga oshiriladi.
27. Vakolatli ekspertiza organlari tomonidan xulosalar olinganidan keyin, tuzatish qilingan loyiha TIAsini tasdiqlash mazkur Nizomning 20-bandida koʻrsatilgan tartib asosida amalga oshiriladi.
28. Loyihaning TIAsi, loyihani dastlabki baholash hujjatida qayd qilingan texnik-texnologik yechimlar va qiymat parametrlari boʻyicha loyiha tashabbuskori va loyihani ishlab chiqishda qatnashayotgan loyiha instituti javobgar hisoblanadi.
4-bob. Loyiha boʻyicha qarz muzokaralarini olib borish va moliyaviy bitimni imzolash tartibi
29. Loyiha boʻyicha qarz muzokaralari yoki loyihaning mazmuni va xaridlar rejasini oʻz ichiga olgan moliyaviy shartlar boʻyicha muzokaralar olib borish uchun XMI/XHMT takliflari olganidan keyin, Investitsiyalar boʻyicha davlat qoʻmitasi Oʻzbekiston Respublikasi delegatsiyasini shakllantiradi hamda qarz boʻyicha muzokaralar olib borish muddati, delegatsiya tarkibi va vakolatlari toʻgʻrisida Oʻzbekiston Respublikasi (Oʻzbekiston Respublikasi Hukumati) nomidan XMI/XHMT nomiga tegishli xat yuboradi.
Keyingi tahrirga qarang.
Loyiha tashabbuskori rahbari yoki uning oʻrinbosari qarz muzokaralarini olib borish uchun delegatsiya rahbari sifatida tayinlanadi.
Delegatsiya rahbari muzokaralar bayonini imzolash, moliyaviy bitimlar, loyiha bitimlari (zarurat tugʻilganida), xaridlar rejasi va XMI/XHMT tartib-taomillariga muvofiq (keyingi oʻrinlarda ― loyiha boʻyicha hujjatlar) tasdiqlanishi kerak boʻlgan boshqa hujjatlarni dastlabki tarzda imzolash vakolatiga ega.
Oʻzbekiston delegatsiyasi tarkibi mazkur Nizomning 4-ilovasiga muvofiq vazirlik va idoralar vakillaridan shakllantiriladi.
Agar XMI/XHMT tartib-taomillariga muvofiq bayonnomani Oʻzbekiston Respublikasi moliya vazirligi vakili imzolashi kerak boʻlganida, vazirlik vakili delegatsiya rahbarining oʻrinbosari etib tayinlanadi hamda unga delegatsiya rahbari bilan birgalikda bayonnomani imzolash va loyiha boʻyicha hujjatlarni tasdiqlashga vakolat beriladi.
Loyiha tashabbuskori qarz muzokaralari bayonnomasini imzolashidan oldin vakolatli ekspertiza organlari bilan loyihaning TIAsi kelishib olinishini taʼminlaydi.
Agar XMI/XHMT qoidalari va tartib-taomillariga muvofiq qarz muzokaralarini olib borish uchun XMI/XHMT tomonidan qarz (kredit) ajratish uchun moliyaviy shartlar va boshqa hujjatlarning maqbullik shaklini yuborish kerak boʻlganida, Oʻzbekiston Respublikasi Moliya vazirligi uch kun muddatda XMI/XHMT tomonidan tegishli shakllarini olganidan soʻng, shartlar maqbulligi toʻgʻrisida xulosa yuboradi yoki qarzdor nomidan tegishli shaklni imzolaydi.
30. XMI/XHMT qoidalari va tartib-taomillarida koʻrsatilgan hollarda, loyiha tashabbuskori xaridlar rejasini tayyorlaydi hamda qarz muzokaralaridan oldin yoki qarz muzokaralari vaqtida xaridlar rejasini muhokama qiladi.
Agar XMI/XHMT qoidalari va tartib-taomillarida qarz muzokaralarini oʻtkazish nazarda tutilmagan boʻlsa, loyiha tashabbuskori Investitsiyalar boʻyicha davlat qoʻmitasi va XMI/XHMT bilan kelishiladigan xaridlar rejasini tayyorlaydi.
Keyingi tahrirga qarang.
Xaridlar rejasi XMI/XHMT moliyalashtirish manbalari va hajmlari mavjudligi tasdiqlanganidan keyin (muhokamalarning imzolangan memorandumi yoki bayonnomalari, xorijiy sarmoyadorlar (tashkilotlar) bilan moliyaviy bitimlar, xorijiy qarz (kreditlar) ajratilgani toʻgʻrisida xabarnomalar, XMI/XHMT bilan ishlab chiqilgan dastlabki loyihalar mavjudligi yoki moliyalashtirish manbalari va hajmlari toʻgʻrisida guvohlik beruvchi boshqa maʼlumotlar va hujjatlarning mavjudligi) xaridning tartib-taomillarini boshlashdan oldin loyiha tashabbuskori va XMI/XHMT tomonidan (agarda XMI/XHMT qoidalari va tartib-taomillarida xaridlar rejasini tasdiqlash nazarda tutilgan boʻlsa) xaridlar rejasi kelishiladi va tasdiqlanadi.
31. Xaridlar rejasi quyidagilarni oʻz ichiga oladi:
XMI/XHMT tomonidan moliyalashtirilayotgan loyiha komponentlarining nomi;
bajarilgan va rejalashtirilgan harakatlar (kontraktlar)ning qisqacha tavsifi;
joriy etilayotgan xarid tartib-taomillarining turlari va uslublari;
komponentlar kesimida loyihaning hisoblangan qiymati;
jalb qilish va oʻzlashtirish uchun rejalashtirilgan mablagʻlar miqdori;
xarid hujjatlarini tayyorlashdan boshlab, kontraktlarni amalga oshirish, ishlar va xizmatlarni bajarish hamda tovarlar yetkazishga qadar xaridlar muddatlari va ularning asosiy bosqichlari;
amalga oshirilayotgan loyihaning xususiyatlarini inobatga olib, xaridlar toʻgʻrisidagi boshqa maʼlumotlar.
32. Moliyaviy bitimni imzolash Oʻzbekiston Respublikasi Prezidenti, Oʻzbekiston Respublikasi Vazirlar Mahkamasi qarori yoki imzo qoʻyuvchi shaxsga berilgan vakolatlar toʻgʻrisidagi guvohnoma asosida amalga oshiriladi.
33. Moliyaviy bitim XMI/XHMT tartib-taomillariga muvofiq imzolanadi.
34. Agar XMI/XHMT qoidalari va tartib-taomillarida qarz muzokaralari va moliyaviy bitimni imzolashdan oldin uni tasdiqlash nazarda tutilmagan boʻlsa, Investitsiyalar boʻyicha davlat qoʻmitasi Oʻzbekiston Respublikasi Moliya vazirligi va boshqa manfaatdor vazirlik hamda idoralarga moliyaviy bitim loyihasini koʻrib chiqish uchun kiritadi. Oʻzbekiston Respublikasi Moliya vazirligi va boshqa manfaatdor vazirliklar va idoralar besh ish kuni davomida moliyaviy bitim loyihasini koʻrib chiqadi va xulosalarini Investitsiyalar boʻyicha davlat qoʻmitasiga taqdim qiladi.
Keyingi tahrirga qarang.
Keyingi tahrirga qarang.
Agar Moliya vazirligi hamda boshqa manfaatdor vazirlik va idoralar tomonidan XMI/XHMTga maʼqul keladigan ijobiy xulosa va fikrlar bildirilgan boʻlsa, moliyaviy bitimning oxirgi versiyasini Oʻzbekiston Respublikasi Vazirlar Mahkamasi bilan kelishish talab etilmaydi.
Oʻzbekiston Respublikasi Moliya vazirligi, Investitsiyalar boʻyicha davlat qoʻmitasi hamda boshqa manfaatdor vazirlik va idoralarning fikrlari oʻrtasida farq boʻlgan taqdirda, moliyaviy bitim loyihasi Oʻzbekiston Respublikasi Vazirlar Mahkamasiga kelishish uchun kiritiladi.
Keyingi tahrirga qarang.
35. Loyiha tashabbuskori oʻzining nomidan loyiha bitimi hamda boshqa bitimlar va hujjatlarning oʻz vaqtida imzolanishi uchun javobgardir. Bitimlarni imzolash masalasi yoki bitimlar matnini Oʻzbekiston Respublikasi Vazirlar Mahkamasi yoki manfaatdor vazirlik va idoralar bilan kelishish talab etilmaydi.
Loyiha tashabbuskori imzolangan bitimlar doirasida barcha majburiyatlarni zimmasiga qabul qiladi hamda ularni oʻz vaqtida va sifatli bajarish uchun javobgardir.
5-bob. Moliyalashtirishni ochish, loyihani amalga oshirishni boshlash
36. Loyiha tashabbuskori hamda moliyaviy bitimni imzolagan vazirlik, idora yoki tashkilot rahbari uning kuchga kirishi uchun kerak boʻlgan barcha shartlar bajarilishini taʼminlaydi.
Moliya bitimi, qayta kreditlash toʻgʻrisidagi bitim, loyiha bitimi, subsidiar bitim, huquq va talablarni oʻzgacha oʻtkazish bitimi, xat-bitimlar hamda kuchga kirish sharti hisoblangan yuridik xulosa berilishi zarur boʻlgan boshqa bitimlar boʻyicha yuridik xulosa hamda davlat kafolatlari boʻyicha yuridik xulosalar Oʻzbekiston Respublikasi Adliya vazirligi tomonidan imzo qoʻyuvchining soʻrovnomasi hamda XMI/XHMTga maqbul boʻlgan shaklda, qonunchilik talablariga muvofiq beriladi.
37. Agar Investitsiyalar boʻyicha davlat qoʻmitasi moliyaviy bitimning imzo qoʻyuvchisi boʻlmasa, imzo qoʻyuvchi uni imzolaganidan keyin ikki kun muddatda Investitsiyalar boʻyicha davlat qoʻmitasiga mazkur moliyaviy bitimning nusxasini taqdim qiladi.
Keyingi tahrirga qarang.
38. XMI/XHMT hisob raqamidan qarz (kredit) mablagʻlarini yechishni amalga oshirish maqsadida (shu jumladan XMI/XHMT qarz (kredit) mablagʻi hisobidan maxsus hisob raqamni toʻlash va toʻldirish) loyiha tashabbuskori XMI/XHMT hisob raqamidan qarz (kredit) mablagʻlarini yechish uchun vakolatli shaxslarning imzo namunalarini imzo qoʻyuvchiga kiritadi.
39. Agar loyihada qayta kreditlash toʻgʻrisidagi bitimni imzolash koʻzda tutilgan boʻlsa, loyiha tashabbuskori moliyaviy bitimni imzolash oldidan uni, zaruriyat tugʻilganida, XMI/XHMT bilan kelishish hamda tayyorlanishini taʼminlaydi.
Qayta kreditlash toʻgʻrisidagi bitim moliyaviy bitim imzolanganidan sandan boshlab bir hafta muddatda imzolanadi. Mazkur bitim tomonlarining qayta kreditlash toʻgʻrisidagi bitimni imzolash jarayonini asossiz choʻzib yuborishiga yoʻl quyilmaydi.
40. XMI/XHMT hisob raqamidan mablagʻ yechish uchun buyurtmanomalar imzo qoʻyuvchi tomonidan qarz (kredit) mablagʻlarini yechishga tegishli buyurtmanomalarni imzolash vakolati berilgan shaxslar tomonidan imzolanadi.
6-bob. LAOG tashkil qilish, LAOG huquqlari va majburiyatlari
41. Loyihani oʻz vaqtida va samarali amalga oshirishni taʼminlash maqsadida loyiha tashabbuskori hukumat qaroriga asosan LAOG tuzishi mumkin.
Retroaktiv asosda XMI/XHMT mablagʻlari hamda moliyaviy bitimni imzolash oldidan XMI/XHMT qoidalari va tartib-taomillariga muvofiq, avans qarz mablagʻlari hisobidan moliyalashtirilayotgan loyiha tadbirlarini boshlashga yoʻl quyiladi (shu jumladan LAOG tashkil qilish hamda faoliyati bilan bogʻliq xarajatlarni tegishli toʻlovi bilan).
42. Bir xil tipdagi (maqsadi, vazifalari, subyektlar tarkibi, moliyalashtirish manbalari bir biriga oʻxshash) loyihalarni amalga oshirishda birlashtirilgan LAOG tuzilishi mumkin yoki loyihani amalga oshirishni muvofiqlashtirish funksiyalari faoliyat koʻrsatayotgan LAOG zimmasiga yuklatilishi mumkin.
Birlashtirilgan LAOG alohida loyiha uchun tashkil etilgan LAOG bilan teng huquqlarga va xuddi shunday majburiyatlarga ega hisoblanadi.
Alohida loyihalar doirasida kreditlardan maqsadli foydalanish ustidan samarali monitoring olib borilishini taʼminlash uchun LAOGga har bir loyiha uchun alohida bank hisob raqamini ochish va ular orqali ish haqini toʻlash huquqi beriladi.
Loyihalarni moliyalashtirish uchun ochilgan hisob raqamlaridan LAOGning boshqa loyihalari boʻyicha majburiyatlarni soʻndirish uchun mablagʻlarni hisobdan chiqarishga yoʻl qoʻyilmaydi.
43. LAOG faoliyati Oʻzbekiston Respublikasi qonunchiligiga muvofiq amalga oshiriladi.
44. LAOG asosiy vazifalariga quyidagilar kiradi:
loyiha tashabbuskori bilan birga vakolatli organlarda loyiha oldi va loyiha hujjatlarini ishlab chiqish va ekspertizadan oʻtkazishni tashkil qilish, shuningdek, loyihaning xarid hujjatlarini rasmiylashtirish;
loyihani amalga oshirish, shuningdek, loyihani amalga oshirishning barcha bosqichlarida qarorlar oʻz vaqtida qabul qilinishini taʼminlash;
loyihani amalga oshirish, imzolangan kontraktlarni bajarish, moliyaviy va boshqa resurslardan maqsadli va samarali foydalanishni monitoring va nazorat qilishni taʼminlash;
oʻzining vakolati doirasida XMI/XHMT ishtirokida amalga oshirilayotgan loyihalar boʻyicha XMI/XHMT bilan hamkorlik qilish;
xarid tartib-taomillarini amalga oshirishda xarid komissiyasining ishchi organi sifatida ishtirok etish.
45. Yuklatilgan asosiy vazifalarga muvofiq LAOG quyidagi huquqlarga ega:
konsultantlar sifatida yuqori malakali mutaxassislarni jalb qilish;
loyihani amalga oshirish masalalari boʻyicha belgilangan tartibda davlat boshqaruvi organlari, mahalliy davlat hokimiyati organlari va boshqa tashkilotlardan maʼlumot olish;
davlat boshqaruvi organlari, mahalliy davlat hokimiyati organlari va boshqa tashkilotlarning vakillari bilan uchrashuvlar tashkil qilish va oʻtkazish, XMI/XHMT va boshqa LAOG vakillari bilan loyihalarni amalga oshirishda muammoli masalalarni aniqlash va ularni bartaraf etish boʻyicha chora-tadbirlar ishlab chiqish.
LAOG qonunchilikda, shu jumladan XMI/XHMT qoidalari va tartib-taomillarida nazarda tutilgan boshqa huquqlarga ham ega boʻlishi mumkin.
46. LAOG majburiyatlari:
Oʻzbekiston Respublikasi qonunchiligi, moliyaviy bitimlar talablari hamda XMI/XHMT qoidalari va tartib-taomillariga amal qilish;
loyiha tashabbuskori va loyiha ofisining farmoyishlari, buyruqlari, qarorlari va topshiriqlarini bajarish;
loyiha tashabbuskori bilan loyihaning tasdiqlangan parametrlari doirasida va belgilangan muddatlarda loyihani amalga oshirish va yakunlash;
jalb etilgan konsultantlar va yuqori malakali mutaxassislarga koʻmaklashish va ishini muvofiqlashtirish;
loyihani amalga oshirishga taalluqli axborotlarning maxfiyligiga amal qilish;
ish yuritishni belgilangan tartibda olib borish, loyihani amalga oshirish va yakunlash boʻyicha hujjatlarni saqlash, loyiha yakunlangandan keyin esa ― loyiha tashabbuskoriga hujjatlarni saqlash uchun belgilangan tartibda topshirish.
LAOG qonunchilikda hamda XMI/XHMT qoidalari va tartib-taomillarida belgilangan boshqa majburiyatlarga ham ega boʻlishi mumkin.
47. LAOG quyidagilar uchun javobgar hisoblanadi:
zimmasiga yuklangan vazifalarni oʻz vaqtida va sifatli bajarish;
loyihani amalga oshirish masalalariga taalluqli oʻzi tayyorlagan hujjatlar va boshqa maʼlumotlarning ishonchliligi va sifati uchun.
48. LAOGni loyiha rahbari boshqaradi, loyiha rahbari loyiha ofisi tomonidan va loyiha tashabbuskori hamda zaruriyat tugʻilganida XMI/XHMT bilan kelishib lavozimga tayinlanadi va ozod etiladi.
Keyingi tahrirga qarang.
49. LAOG rahbari loyihani amalga oshirish, taqdim etilgan hujjatlar va loyihani amalga oshirish bilan bogʻliq boshqa maʼlumotlarning ishonchliligi uchun shaxsan javobgar hisoblanadi.
50. LAOG xodimlari oʻzining vakolatlari doirasida qabul qilingan qarorlar va ish faoliyati natijalari uchun, ichki tartib qoidalari va mehnat intizomiga rioya qilish, shuningdek, LAOG tasarrufida boʻlgan mulkka ehtiyotkorona munosabatda boʻlish yuzasidan javobgar boʻladi.
51. LAOG, agar boshqa davriylik belgilanmagan boʻlsa, har oyda loyiha tashabbuskori va loyiha ofisiga XMI/XHMTga maʼqul boʻlgan shaklda hisobot va boshqa zarur maʼlumotlarni hamda loyihani amalga oshirish bilan bogʻliq, shu jumladan olib borilayotgan ishlarning batafsil ahvoli va loyihani amalga oshirishga toʻsqinlik qilayotgan muammoli masalalar toʻgʻrisida axborot va ularni hal etish boʻyicha takliflar beradi.
52. Loyiha ofisi loyihani ishlab chiqishda loyiha tashabbuskori va ijro agentligi bilan hamkorlik qiladi.
53. Loyiha tashabbuskori loyiha nizomini ishlab chiqish, loyihani tayyorlash, loyihani oʻz vaqtida va sifatli bajarish, shuningdek, LAOGning samarali ish faoliyatini taʼminlash yuzasidan javobgar hisoblanadi.
7-bob. XMI/XHMT ishtirokida loyihalar amalga oshirilishini monitoring qilish tartibi
54. Loyihalar amalga oshirilishini monitoring qilish loyiha ofisi tomonidan taʼminlanadi.
Monitoring oʻtkazish uchun loyiha ofisi vazirlik, idora, xalqaro tashkilotlar va konsalting kompaniyalaridan mutaxassislarni jalb qilish huquqiga ega.
55. Monitoring quyidagi maqsadlarda amalga oshiriladi:
loyihani oʻz vaqtida va samarali amalga oshirishni taʼminlash;
davlat boshqaruvi organlari, investitsiya jarayoni boshqa ishtirokchilari faoliyatini muvofiqlashtirish, loyihani amalga oshirish bilan bogʻliq masalalar oʻz vaqtida hal etilishi uchun ularning javobgarligini oshirish;
loyihani amalga oshirishning barcha bosqichlarida toʻsqinlik qilayotgan faktorlarni aniqlash va oʻrganish, ularni bartaraf etish boʻyicha tezkor choralar koʻrish;
tasdiqlangan muddatlar va hajmlarga qatʼiy muvofiq ravishda loyihalarni oʻz vaqtida moliyalashtirishni taʼminlash ustidan nazorat oʻrnatish;
XMI/XHMT oldida loyihalar boʻyicha olingan majburiyatlar bajarilishini taʼminlashga koʻmaklashish.
56. Ishlab chiqilayotgan, amalga oshirilayotgan va bajarilgan loyihalar monitoring obyektlari hisoblanadi.
57. Monitoring loyiha ofisi tomonidan quyidagilarni umumlashtirish va tahlil qilish yoʻli bilan amalga oshiriladi:
tasdiqlangan va yangilangan xaridlar rejasi, tarmoq rejalari, natijalarning matritsalari va boshqa loyiha hujjatlarining ijrosi toʻgʻrisidagi maʼlumotlarni;
loyihalar tashabbuskori va LAOG tomonidan taqdim etilayotgan tezkor axborotlarni;
markazlashtirilgan manbalar hisobidan amalga oshirilayotgan loyihalarni oʻz vaqtida moliyalashtirishni taʼminlash masalalari boʻyicha maʼlumotlarni.
58. LAOG tomonidan loyihalarni amalga oshirish va erishilgan natijalar boʻyicha maʼlumotlarni har oyda loyiha ofisiga taqdim qiladi, shu jumladan loyiha tashabbuskori tomonidan tasdiqlangan loyihani amalga oshirishning barcha bosqichlari toʻgʻrisida hamda loyiha ofisi tomonidan soʻralgan shakllar boʻyicha fizik hajmlar ijrosi yuzasidan maʼlumotlarni oʻz ichiga oladi. LAOG tomonidan har yili 1-martga qadar Investitsiyalar boʻyicha davlat qoʻmitasi va XMI/XHMT bilan kelishish va keyinchalik monitoring oʻtkazish uchun xaridlarning yangilangan rejasini taqdim etadi, unda oʻtgan yilda bajarilgan ishlar hajmi hisobga olinadi.
Keyingi tahrirga qarang.
59. Loyihalar tashabbuskorlari hamda LAOG rahbarlari taqdim etilayotgan maʼlumotlar ishonchliligiga shaxsan javobgar hisoblanadilar.
Keyingi tahrirga qarang.
60. Loyiha boʻyicha amalga oshirilayotgan tadbirlarning monitoringini oʻtkazish maqsadida, loyiha tashabbuskori XMI/XHMT bilan hamkorlikda loyihaning TIAsiga majburiy kiritilayotgan monitoring natijalarining matritsasini ishlab chiqadi.
TIA ishlab chiqilgan va tasdiqlangan loyihalar boʻyicha loyiha tashabbuskorlari XMI/XHMT bilan kelishilgan holda natijalar matritsasini ishlab chiqadi va tasdiqlash uchun Oʻzbekiston Respublikasi Vazirlar Mahkamasiga kiritadi.
61. Loyihalarni amalga oshirish jamlanma tahlili asosida, shuningdek, qoʻshimcha tahliliy maʼlumotlar asosida loyiha ofisi:
Keyingi tahrirga qarang.
yoʻnalishlarni oʻrganadi, loyihalarni amalga oshirishda byurokratik toʻsiqlarni aniqlaydi, imtiyozlar va preferensiyalar tizimi samaradorligini tahlil qiladi;
investitsion faoliyatning normativ-huquqiy bazasini takomillashtirish boʻyicha taklif va tavsiyalar ishlab chiqadi;
investitsion jarayoni samaradorligini oshirish uchun zarur boʻlgan hukumat qarorlarini tayyorlash boʻyicha ishlarni tashkil qiladi;
loyihalarni tayyorlash va amalga oshirishda vazirlik, idora, tashkilot va mahalliy davlat hokimiyati organlari bilan hamkorlikda muammoli masalalarni hal etish boʻyicha takliflar tayyorlaydi;
loyihani oʻz vaqtida va sifatli tayyorlash hamda amalga oshirish uchun boshqa tadbirlarni tashkil qiladi;
XMI/XHMT bilan birgalikda doimiy asosda amalga oshirilayotgan loyihalarning joriy rivojlanishi, shu jumladan ularni amalga oshirishdagi muammolarni muhokama qiladi.
62. Monitoring natijalari loyiha ofisi tomonidan har chorakda Oʻzbekiston Respublikasi Vazirlar Mahkamasiga kiritiladi.
8-bob. Xaridlar tartib-taomillari jarayonini tashkil qilish
63. Oʻzbekiston Respublikasi (Oʻzbekiston Respublikasi Hukumati) nomidan yoki Oʻzbekiston Respublikasi Davlat kafolati ostida jalb qilingan, XMI/XHMT mablagʻlari hisobidan moliyalashtirilayotgan loyihalar doirasida, xaridlar tartib-taomillarini tashkil qilish sohasida huquqiy munosabatlar, XMI/XHMTga maʼqul kelgan xaridlar boʻyicha yoʻriqnomalar bilan, ular yoʻqligida ― moliyaviy bitimlarning shartlari hamda xaridlar rejasi bilan tartibga solinadi.
64. Mahalliy korxonalar toʻgʻridan-toʻgʻri toʻlovlarni amalga oshirish nazarda tutilgan, XMI/XHMT ishtirokidagi loyihalar doirasida tuzilgan kontraktlar boʻyicha xorijiy valyutani olish huquqiga ega.
65. XMI/XHMTning moliyalashtirish miqdori va manbalari mavjudligi haqida tasdiqnomalar boʻlganida xaridlar oʻsha hajmgagina eʼlon qilinishi mumkin (muzokaralarning imzolangan memorandumlari yoki bayonnomalari, xorijiy kreditorlar bilan kredit bitimlari, xorijiy qarzlar (kreditlar) ajratilayotgani yoki XMI/XHMT bilan loyiha dastlabki tartibda ishlab chiqilgani toʻgʻrisida xabarnomalar va boshqalar).
Agarda XMI/XHMT tartib-taomillarida moliyaviy bitimni imzolashdan oldin xaridlar tartib-taomillarini tashkil qilish nazarda tutilgan boʻlsa, loyiha tashabbuskori mazkur Nizomda belgilangan tartib asosida Investitsiyalar boʻyicha davlat qoʻmitasi bilan kelishilgan hamda xaridlar rejasi tasdiqlangandan keyin loyiha tashabbuskori xarid tartib-taomillarini boshlashi mumkin.
Keyingi tahrirga qarang.
66. Xaridlar tartib-taomillariga rioya etilishini taʼminlash, xaridlar qatnashchilarining buyurtmalari (takliflarini) tartibga solish va xolis baholashda belgilangan mezonlarga muvofiq, loyiha tashabbuskori rahbari (ijro agentligi) loyiha ofisi rahbari bilan kelishilgan holda xarid tartib-taomillarini amalga oshiruvchi doimiy ishchi organi hisoblanayotgan hamda aʼzolar soni toq sondan iborat (kamida 7 nafar) xarid komissiyasi tasdiqlanadi.
Xarid komissiyasi tarkibiga Investitsiyalar boʻyicha davlat qoʻmitasi hamda Oʻzbekiston Respublikasi Vazirlar Mahkamasi huzurida “Oʻzinjiniring” Respublika loyiha instituti vakillari bilan birga:
Keyingi tahrirga qarang.
loyiha tashabbuskori (ijro agentligi);
Keyingi tahrirga qarang.
TITK;
Oʻzbekiston Respublikasi Prezidenti huzuridagi Loyiha boshqaruvi milliy agentligi;
Oʻzbekiston Respublikasi Qurilish vazirligi;
Keyingi tahrirga qarang.
Keyingi tahrirga qarang.
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi vakillari kiritiladi.
Agarda xaridlar tartib-taomillari doirasida qurilish ishlarini olib borish nazarda tutilmagan boʻlsa, xarid komissiyasi tarkibida Oʻzbekiston Respublikasi Qurilish vazirligi vakilining ishtiroki talab etilmaydi.
Loyiha tashabbuskori (ijro agentligi) vakillari soni xarid komissiyaning umumiy tarkibida 30 foizdan oshmasligi lozim.
Xarid komissiyasi loyiha tashabbuskori (ijro agentligi) rahbari tomonidan boshqariladi.
Xarid komissiyasi aʼzolari, loyiha tashabbuskorlari, LAOG xodimlari va vakolatli organlar bilan bir qatorda amalga oshirilayotgan xarid tartib-taomillarining sifati va xolisligi uchun shaxsan javob beradilar.
67. Xarid komissiyasi:
XMI/XHMT roziligi olinganidan keyin (agarda moliya bitimi shartlari, qoʻllanmalar va talablarda shunday rozilik olish koʻrsatilgan boʻlsa) besh ish kunidan oshmagan muddatga xarid hujjatlari, shu jumladan xarid tartib-taomillarida ishtirok etish uchun taklifnoma yoki xaridlar toʻgʻrisida eʼlon matnlarini kelishib oladi;
XMI/XHMT xaridlar boʻyicha qoʻllanmalarga muvofiq, xaridlar qatnashchilarining buyurtmalar (takliflar) berish va rasmiylashtirish talablarini belgilaydi;
LAOG tomonidan amalga oshirilgan dastlabki malakaviy tanlab olish (agarda xarid hujjatlari shartlarida ushbu koʻrsatilgan boʻlsa) natijalarini tasdiqlaydi;
XMI/XHMT xaridlar boʻyicha qoʻllanmalar (tartib-taomillari va/yoki shartlariga) muvofiq hamda xarid hujjatlarida ularni koʻrsatib, konvertlarni ochish, koʻrib chiqish va baholash tartib-taomillari hamda maxfiylikka rioya qilgan holda ularni saqlash tartibini belgilaydi;
savdolar qatnashchilarining buyurtmalari (takliflari) qabul qilish va koʻrib chiqish muddatlarini belgilaydi;
buyurtma (takliflarni)ni qabul qilish va muddatlarini uzaytirish boʻyicha qaror qabul qiladi;
xarid tartib-taomillari amalga oshirilgan yoki amalga oshirilmagan deb topish haqida yoki obyektiv sabablar asosida besh ish kunidan oshmagan muddatda yangi tender (retender) eʼlon qilish toʻgʻrisida qarorlar qabul qiladi;
xarid tartib-taomillari talablariga muvofiq XMI/XHMT amalga oshirilgan deb topilganida kontraktlarni tuzish muddatlarini belgilaydi.
68. Xarid tartib-taomillarini tashkil qilish maqsadida loyiha tashabbuskori (ijro agentligi):
XMI/XHMT bilan kelishilgan xaridlar rejasini amalga oshirish boʻyicha kerakli qarorlar va tashkiliy chora-tadbirlar qabul qilinishini taʼminlaydi;
tender takliflarini baholash, texnik vazifalar, spetsifikatsiyalar va zarur xarid hujjatlari toʻplamini tayyorlash uchun jalb etilayotgan ekspertlar va konsultantlar bilan shartnomalar tuzadi;
tovarlar (ishlar, xizmatlar)ni xarid qilishga tayyorgarlik koʻrish va amalga oshirish bilan bogʻliq xarajatlarni sarflaydi;
xarid komissiyasiga buyurtmalar (takliflarni) taqdim qilish muddatlarini uzaytirish boʻyicha takliflar kiritadi.
Loyiha tashabbuskori (ijro agentligi) boshqa funksiyalarni ham amalga oshirish, shuningdek qonunchilikka muvofiq hamda imzolangan shartnomalar asosida majburiyatlarga ega boʻlishi mumkin.
69. LAOG xarid tartib-taomillarini tashkil qilish uchun masʼul organ hisoblanadi (keyingi oʻrinlarda ― ishchi organ). Agarda loyihani amalga oshirish doirasida LAOG tuzish nazarda tutilmagan boʻlsa, unda loyiha tashabbuskori tomonidan tayinlangan konsalting kompaniyasi yoki u tomonidan tashkil etilgan masʼul guruh ishchi organ vazifasini bajaradi.
Keyingi tahrirga qarang.
70. Ishchi organ loyiha tashabbuskori (ijro agentligi) bilan kelishib:
xarid hujjatlarini ishlab chiqadi, rasmiylashtiradi va kelishib oladi, dastlabki malakaviy tanlab olishni tashkil qiladi hamda XMI/XHMT qoidalari va tartib-taomillariga muvofiq kelib tushayotgan buyurtmalar (takliflarning) ekspert bahosini amalga oshiradi;
xaridlar sanasini eʼlon qilishdan yoki ishtirok etish toʻgʻrisida taklifnomani yuborishdan yetti kun oldin xarid komissiyasi koʻrib chiqishi uchun xarid hujjatlarini yuboradi;
xarid komissiyasi aʼzolariga xarid tartib-taomillari bilan bogʻliq maxfiy hujjatlar yuborilishini taʼminlaydi;
xarid komissiyasi bayonnomasi (qarori) tasdiqlangani va XMI/XHMT tomonidan maʼqullanganidan keyin xarid tartib-taomillari gʻoliblari bilan muzokaralar oʻtkazadi;
ommaviy axborot vositalarida eʼlonlar joylashtiradi va/yoki taklifnomalar yuborilishini amalga oshiradi;
jalb etilayotgan ekspertlar va konsultantlar faoliyatini muvofiqlashtiradi;
agar xarid tender hujjatlarida koʻrsatilgan boʻlsa, tender oldidan uchrashuvlar tashkil qiladi;
belgilangan tartibda xarid ishtirokchisining maqbul taklifini shakllantiradi hamda xarid shartlarini tushuntirish maqsadida yozishmalar olib boradi;
oʻtkazilgan xarid tartib-taomillarining natijalariga koʻra xarid qatnashchilaridan kelib tushayotgan eʼtirozlar va shikoyatlarga javob qaytaradi;
daʼvogarlarni xarid (tender) hujjatlari bilan tanishtiradi;
xarid tartib-taomillari ishtirokchilaridan arizalar va buyurtmalar (takliflar) qabul qiladi, ularning hisobga olinishi, saqlanishi va maxfiyligini taʼminlaydi;
xarid komissiyasi yigʻilishlari bayonnomalarini rasmiylashtiradi;
xarid tartib-taomillari amalga oshgan yoki amalga oshmagan deb eʼtirof etish yoki yangi tender (retenderni) eʼlon qilish toʻgʻrisidagi qarorni xarid komissiyasiga tasdiqlash hamda XMI/XHMTga maʼqullash uchun kiritadi;
xarid qatnashchilaridan buyurtmalar (takliflarni) oʻrganish, baholash hamda solishtirish uchun taqdim etilgan buyurtmalar (takliflar) boʻyicha soʻrovnomalar yuboradi va yozma ravishda qoʻshimcha axborot hamda tushuntirishlar oladi.
71. Xarid tartib-taomillari boshlangan sanasi etib maxsus portallarda hamda ommaviy axborot vositalarida eʼlonning rasman chop etilgan yoki XMI/XHMT tartib-taomillariga muvofiq xarid qatnashchisiga pochta orqali, telefaks yoki boshqa shaklda rasman xabar (taklifnoma) yuborilgan sana hisoblanadi.
72. Ishchi organ kelib tushgan buyurtmalar/takliflar asosida ishtirokchilarni dastlabki malakaviy tanlab olish uchun materiallarni yigʻadi va tizimlashtiradi.
73. Xarid komissiyasi va\yoki XMI/XHMT xarid jarayonida ishtirok etishni rad qilish toʻgʻrisidagi qarorni qabul qiladi, ushbu qaror haqida ishchi organ xarid qatnashchilarini yozma ravishda xabardor qiladi.
74. Barcha hujjatlar ularni qabul qilish sanasi va vaqti qabul qiluvchi va topshiruvchining imzolari bilan roʻyxatga olish daftarida qayd qilinadi. Roʻyxatga olish daftari tikilgan, raqamlangan va ishchi organ muhri bilan tasdiqlangan boʻlishi lozim.
75. Roʻyxatga olish daftari quyidagilarni oʻz ichiga olishi lozim:
tartib raqami;
roʻyxatga olinayotgan hujjat nomi va uning asosiy maʼlumotlari bilan;
taqdim etilgan hujjatlar soni (muhrlangan paketlar);
hujjatlarni topshirish-qabul qilish sanasi va vaqti;
hujjatni imzo bilan topshiruvchi vakolatli shaxs toʻgʻrisida maʼlumotlar, shu jumladan uning lavozimi yoki hujjatni yetkazib beruvchi kuryerlik xizmati nomlanishi va roʻyxat raqami;
hujjatni imzo bilan qabul qiluvchi vakolatli shaxs toʻgʻrisida maʼlumotlar, shu jumladan uning lavozimi yoki hujjat kanselyariyada qabul qilingan roʻyxat raqami.
76. Investitsiyalar boʻyicha davlat qoʻmitasi va/yoki Oʻzbekiston Respublikasi Vazirlar Mahkamasi huzuridagi “Oʻzinjiniring” Respublika loyiha instituti vakillari ishtirok etishi sharti bilan XMI/XHMT tartib-taomillariga muvofiq hamda xarid hujjatlarida belgilangan muddatlarda buyurtmalar (takliflarni) ochishda, xarid komissiyasi yigʻilishini oʻtkazish uchun kvorum boʻlishi talab etilmaydi.
Keyingi tahrirga qarang.
77. Xarid komissiyasi tomonidan barcha kelib tushgan takliflar rad etilganida, ishchi organ rad etish sabablarini tahlil qiladi va takroriy xarid takroriy tartib-taomillari oldidan xarid hujjatlariga tegishli tuzatishlar kiritadi.
78. Xaridlarda ishtirok etish toʻgʻrisida taklif belgilangan tartibda eʼlon qilinganida hamda malakaviy mezonlar sababsiz cheklanmagan holda, xaridlar tartib-taomillarining natijalari boʻyicha bitta taklif kelib tushganida, ular XMI/XHMT tartib-taomillariga muvofiq haqiqiy deb topilishi mumkin.
79. Xaridlarning natijasi va baholanishi hisobotlari XMI/XHMT uchun maqbul shaklda tuziladi va xarid komissiyasi qarori bilan tasdiqlanadi.
80. Baholash natijalari rasman eʼlon qilinmagunga qadar, buyurtmalar (takliflarni) koʻrib chiqish va baholash toʻgʻrisidagi maʼlumotlar baholash tartib-taomillariga rasman aloqasi boʻlmagan shaxslar hamda xaridlar ishtirokchilariga maʼlum qilinmaydi.
Xarid komissiyasi aʼzolari va jalb etilgan ekspertlar, loyiha tashabbuskori (ijro agentligi), LAOG maʼlumotlar oshkor etilmasligi uchun javobgar hisoblanadilar.
81. Xarid komissiyasi yigʻilishlari va qabul qilgan qarorlari bayonnomalar bilan rasmiylashtiriladi, bayonnomalar xarid komissiyasining hozir boʻlgan aʼzolari tomonidan imzolanadi hamda xarid komissiyasi raisi tomonidan yigʻilish oʻtkazilgan sanadan boshlab oʻn kundan kechiktirmasdan tasdiqlanadi.
Bayonnomani imzolashdan oldin baholash natijalari boʻyicha hisobot XMI/XHMT tomonidan maʼqullangan boʻlishi kerak.
Ishchi organ bayonnoma tasdiqlangan sanadan boshlab uch ish kunidan kechiktirmasdan XMI/XHMT qoidalari va tartib-taomillariga muvofiq, bayonnoma nusxasini maʼqullash yoki maʼlumot uchun XMI/XHMTga yuboradi.
82. XMI/XHMT va xarid komissiyasi bilan kelishilganida, buyurtmalar (takliflarni) baholash natijalari kontrakt tuzilganidan keyin uch kun ichida ishchi organ tomonidan maxsus portallarda hamda ommaviy axborot vositalarida eʼlon qilinadi.
83. Oʻtkazilgan xaridlar tartib-taomillari natijalari boʻyicha tuzilgan kontraktlar, shuningdek, ularga tuzatishlar va qoʻshimchalar imzolangan kundan boshlab yoki kontraktlarda koʻrsatilgan boshqa shartlar bajarilganida, jumladan ekspertizani oʻtkazmasdan, keyinchalik monitoring qilish maqsadida Investitsiyalar boʻyicha davlat qoʻmitasida hisobga olinadigan XMI/XHMT talablariga zid boʻlmaganida kuchga kiradi.
Keyingi tahrirga qarang.
84. Tuzilgan kontraktlarni hisobga olish maqsadida loyiha tashabbuskori (ijro agentligi) kontrakt tuzilgan sanadan boshlab ikki hafta muddat ichida Investitsiyalar boʻyicha davlat qoʻmitasiga quyidagi hujjatlarni taqdim qiladi:
Keyingi tahrirga qarang.
mazkur Nizomning 5-ilovasida koʻrsatilgan shaklda ariza;
tuzilgan kontraktning asl nusxasi;
tuzilgan kontraktning nusxasi (belgilangan tartibda raqamlangan va tikilgan);
Oʻzbekiston Respublikasi qonunchiligiga muvofiqligi nuqtai nazaridan loyiha tashabbuskori yuridik xizmatining kontrakt boʻyicha huquqiy xulosasi;
agar bu XMI/XHMT tartib-taomillarida nazarda tutilgan boʻlsa, XMI/XHMT tomonidan baholash natijalari boʻyicha hisobotning maʼqullanganligi;
tomonlarning kontrakt tuzishga vakolatini tasdiqlovchi hujjat nusxasi (ustav, ishonchnoma va boshqalar);
xarid komissiyasi aʼzolari tomonidan imzolangan va xarid komissiyasi raisi tomonidan tasdiqlangan baholash natijalari boʻyicha bayonnomaning nusxasi;
amalga oshirilayotgan loyihaning xususiyatlarini inobatga olib, Investitsiyalar boʻyicha davlat qoʻmitasi soʻrovnomasiga muvofiq boshqa har qanday hujjat yoki maʼlumotlar.
Keyingi tahrirga qarang.
Tuzilgan kontrakt bir necha tilda rasmiylashtirilganida, Investitsiyalar boʻyicha davlat qoʻmitasiga barcha tillarda rasmiylashtirilgan kontraktlarning asl nusxalari va boshqa nusxalari taqdim etiladi.
Keyingi tahrirga qarang.
85. Kontraktlarga qoʻshimcha bitimlar qoʻshimcha xarid tartib-taomillarini amalga oshirmasdan, Investitsiyalar boʻyicha davlat qoʻmitasi bilan kelishilgan holda hamda XMI/XHMT roziligi bilan quyidagi hollarda tuziladi:
Keyingi tahrirga qarang.
kontrakt shartlarida nazarda tutilgan oʻzgartirishlar kiritish;
ishlar hajmi va/yoki kontrakt qiymati tuzilgan kontrakt umumiy hajmi va/yoki umumiy qiymatining 15 foizidan oshmagan miqdorda oʻzgarganda.
Shuningdek, qoʻshimcha bitim ham kelgusida ekspertizadan oʻtkazmasdan monitoring oʻtkazish maqsadlarida Investitsiyalar boʻyicha davlat qoʻmitasida hisobga olinadi.
Keyingi tahrirga qarang.
86. Tuzilgan qoʻshimcha bitimni hisobga olish uchun loyiha tashabbuskori (ijro agentligi) qoʻshimcha bitim imzolangan sanadan boshlab ikki hafta muddat ichida, Investitsiyalar boʻyicha davlat qoʻmitasiga quyidagi hujjatlarni taqdim etadi:
Keyingi tahrirga qarang.
mazkur Nizomning 6-ilovasida koʻrsatilgan shaklda ariza;
tuzilgan qoʻshimcha bitimning asl nusxasi;
tuzilgan qoʻshimcha bitimning nusxasi (belgilangan tartibda raqamlangan va tikilgan);
qoʻshimcha bitim boʻyicha Oʻzbekiston Respublikasi qonunchiligiga muvofiqligi nuqtai nazaridan loyiha tashabbuskori yuridik xizmatining huquqiy xulosasi;
agar bu XMI/XHMT tartib-taomillarida nazarda tutilgan boʻlsa, XMI/XHMT tomonidan qoʻshimcha bitim tuzilishining maʼqullanganligi;
tomonlarning qoʻshimcha bitim tuzishga vakolatini tasdiqlovchi hujjat nusxasi (ustav, ishonchnoma va boshqalar);
Keyingi tahrirga qarang.
Investitsiyalar boʻyicha davlat qoʻmitasi bilan qoʻshimcha bitim imzolashni kelishilganligi;
amalga oshirilayotgan loyihaning xususiyatlarini inobatga olib, Investitsiyalar boʻyicha davlat qoʻmitasi soʻrovnomasiga muvofiq boshqa har qanday hujjat yoki maʼlumotlarni.
Tuzilgan qoʻshimcha bitim bir necha tilda rasmiylashtirilganida, Investitsiyalar boʻyicha davlat qoʻmitasiga barcha tillarda rasmiylashtirilgan qoʻshimcha bitimning asl va boshqa nusxalari taqdim etiladi.
87. Mazkur Nizom bilan nazarda tutilgan xarid tartib-taomillari XMI/XHMT grant mablagʻlari ishtirokida amalga oshirilayotgan loyihalar doirasidagi xaridlarga nisbatan joriy etiladi.
Mazkur Nizom bilan nazarda tutilgan xaridlar tartib-taomillari XMI/XHMT mablagʻlarini qayta moliyalashtirayotgan tijorat banklari va boshqa moliyaviy tashkilotlar tomonidan benefitsiar tanlaydigan loyihalar doirasidagi xaridlarga qoʻllanilmaydi.
9-bob. Loyihalarni amalga oshirish umumiy masalalari
88. XMI/XHMT missiyalari va vakillarini kutib olish ishchi jadvallari Investitsiyalar boʻyicha davlat qoʻmitasi tomonidan koʻrib chiqiladi va ularning natijalariga koʻra Investitsiyalar boʻyicha davlat qoʻmitasi vazirlik, idora va tashkilotlarga ular bilan rejalashtirilgan uchrashuvlar toʻgʻrisida xabar beradi. Mazkur xabarnomalar vazirlik, idora va tashkilotlar tomonidan ijro etilishi majburiydir.
Keyingi tahrirga qarang.
Agar XMI/XHMT missiyalari va vakillari tashriflarini tashkil qilish Oʻzbekiston Respublikasi uchun xarajatlar keltirib chiqarsa, uchrashuv va qabullar jadvali Oʻzbekiston Respublikasi Vazirlar Mahkamasiga tasdiqlash uchun kiritiladi.
89. Loyihalarni amalga oshirish muddatlarini uzaytirish (qarz yoki kreditlarni soʻndirish), xarajatlarni toifalar va loyiha komponentlari oʻrtasida qayta taqsimlash, loyiha boʻyicha tejalgan mablagʻlardan foydalanish, foydalanilmagan qarz (kredit) mablagʻlarini bekor qilish, loyiha hujjatlari va moliyaviy bitimlarga oʻzgartirish kiritish masalalari quyidagi tartibda hal etiladi:
Keyingi tahrirga qarang.
loyiha tashabbuskori (ijro agentligi) Investitsiyalar boʻyicha davlat qoʻmitasiga ilova xati bilan birga, qiymati va xarajatlarini koʻrsatib, batafsil maʼlumot kiritadi, shuningdek, Moliya vazirligiga ― loyihani amalga oshirish muddati uzaytirilganida, jalb qilinadigan XMI/XHMT qarz (kredit) mablagʻlariga xizmat koʻrsatish boʻyicha toʻlanadigan mablagʻ summasiga keyinchalik taʼsir qilishi mumkin boʻlgan oʻzgartirish va qoʻshimchalar kiritilganida;
Investitsiyalar boʻyicha davlat qoʻmitasi taklifni koʻrib chiqadi va,agar loyiha tashabbuskoridan soʻrovnoma kelib tushgan sanadan boshlab besh ish kuni mobaynida yozma shakldagi xulosa koʻrinishida taqdim etilgan Moliya vazirligi yoki loyiha tashabbuskorining pozitsiyasi Investitsiyalar boʻyicha davlat qoʻmitasi fikriga mos kelsa, Oʻzbekiston Respublikasi (Oʻzbekiston Respublikasi Hukumati) nomidan XMI/XHMTiga tegishli soʻrovnoma yuboriladi. Agar XMI/XHMTga qoidalari va tartib-taomillarida imzo qoʻyuvchi tomonidan tegishli soʻrovnomani yuborish nazarda tutilgan boʻlsa, Investitsiyalar boʻyicha davlat qoʻmitasi Moliya vazirligidan ijobiy xulosa kelib tushgan sanadan boshlab ikki kun muddat ichida imzo qoʻyuvchiga xabarnoma yuboradi. Imzo qoʻyuvchi Investitsiyalar boʻyicha davlat qoʻmitasidan xabarnoma olgan kunidan boshlab ikki kun mobaynida XMI/XHMTga tegishli soʻrovnomani yuboradi. Zaruriyat tugʻilganda, imzo qoʻyuvchi oʻzgartirish va qoʻshimchalar loyihalarini olgan sanadan besh ish kuni ichida kelib tushgan ushbu moliyaviy bitim va loyiha boʻyicha boshqa bitimlarga oʻzgartirish va qoʻshimchalarni rasmiylashtiradi;
Investitsiyalar boʻyicha davlat qoʻmitasi va Moliya vazirligining fikrlari bir-biriga toʻgʻri kelmaganida, loyiha tashabbuskori mazkur masalani Oʻzbekiston Respublikasi Vazirlar Mahkamasiga koʻrib chiqish uchun kiritadi;
Oʻzbekiston Respublikasi Vazirlar Mahkamasi loyiha tashabbuskori (ijro agentligi) takliflari maʼqul boʻlganida, ularni koʻrib chiqadi va soʻrovnoma kelib tushgan sanadan boshlab besh ish kuni mobaynida roziligi toʻgʻrisida tegishli rezolyutsiyani taqdim qiladi va zaruriyat tugʻilganida imzo qoʻyuvchi va Investitsiyalar boʻyicha davlat qoʻmitasiga (XMI/XHMT talablaridan kelib chiqib) XMI/XHMTga tegishli soʻrovnoma yuborish toʻgʻrisida topshiriq beradi.
90. Loyiha tashabbuskori (ijro agentligi) yer uchastkalari olib qoʻyilganda kompensatsiya toʻlashda, uy-joylar, boshqa inshootlar va ekinlarni buzishda, korrupsiyaga qarshi kurashish hamda moliyaviy bitimlarda havolalar mavjud boshqa masalalar boʻyicha moliyaviy bitim hamda XMI/XHMT qoida va tartib-taomillari bajarilishini taʼminlaydi.
10-bob. Loyihani yakunlash
91. Loyiha tashabbuskori (ijro agentligi) loyiha yakunlangan sanadan boshlab uch oy muddat ichida loyiha yakunlangani toʻgʻrisida hisobot tayyorlaydi. Agarda XMI/XHMT bilan tuzilgan moliyaviy bitimning shartlari boʻyicha mazkur hisobotni ishlab chiqish va taqdim qilish talab etilganida, loyiha tashabbuskori (ijro agentligi) XMI/XHMTga maʼqul boʻlgan shakl va muddatlarda hisobot tayyorlaydi. Loyiha tashabbuskori loyiha yakunlangani toʻgʻrisidagi hisobotini XMI/XHMTga va Investitsiyalar boʻyicha davlat qoʻmitasiga yuboradi.
Keyingi tahrirga qarang.
92. Investitsiyalar boʻyicha davlat qoʻmitasi loyiha boʻyicha bajarilgan chora-tadbirlarni oʻrganish uchun, shu jumladan boshqa vazirlik, idora va loyiha institutlaridan jalb etilgan mutaxassislarni yuboradi va oʻrganish natijalari boʻyicha loyiha tashabbuskori (ijro agentligiga) loyiha yakunlangani toʻgʻrisidagi hisobotga xulosa beradi hamda natijalari boʻyicha Oʻzbekiston Respublikasi Vazirlar Mahkamasiga axborot taqdim etadi.
Keyingi tahrirga qarang.
93. Loyiha ijrosini monitoring qilish loyiha yakunlangan sanadan boshlab besh yil davomida har yili oʻtkaziladi.
Keyingi tahrirga qarang.
94. XMI/XHMT tomonidan amalga oshirilgan loyiha natijalarini mustaqil baholashda, Investitsiyalar boʻyicha davlat qoʻmitasi va loyiha tashabbuskori (ijro agentligi) xodimlari mustaqil baholashda missiyani kuzatishni taʼminlaydi hamda uning ish faoliyatida bevosita ishtirok etadi.
Keyingi tahrirga qarang.
11-bob. Yakunlovchi qoidalar
95. Investitsiyalar boʻyicha davlat qoʻmitasi vakolatli organlar va tashkilotlarning kira olishini taʼminlovchi, xaridlar tartib-taomillari natijalari, shuningdek, loyiha, loyiha oldi va xarid hujjatlarini majburiy eʼlon qilishni nazarda tutuvchi XMI/XHMT ishtirokidagi loyihalarni tayyorlash va amalga oshirishni monitoring qilish elektron tizimining ishlashini taʼminlaydi.
96. Mazkur Nizom talablarini buzishda aybdor shaxslar qonunchilikda belgilangan tartibda javobgarlikka tortiladilar.
Ilova norasmiy tarjima.
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish tartibi toʻgʻrisidagi nizomga
1-ILOVA
XMI/XHMT ishtirokida istiqbolli va amalga oshirish uchun taklif etilayotgan loyihalar
ROʻYXATI

T/r

Loyiha nomlanishi

Taxminiy qarzlar summasi

Moliyalashtirish taxminiy

manbalari / tovarlar xizmatlarni afzal yetkazib beruvchilar

Ustuvorlik

(yuqori, oʻrta, past)



1-ilova norasmiy tarjima.
Keyingi tahrirga qarang.
Keyingi tahrirga qarang.
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish tartibi toʻgʻrisidagi nizomga
2-ILOVA
Loyihaning TIA tarkibi
I. Loyiha tavsifi
1.1. Loyihaning maqsad va vazifalari
1.2. Loyihaning benefitsiarlari
II. Loyihaning asosiy parametrlari
2.1. Loyihaning asosiy texnik-iqtisodiy parametrlari
2.2. Loyiha komponentlari va loyiha boʻyicha xarajatlar toifalari
2.3. Loyihani moliyalashtirish sxemasi va loyihani amalga oshirish mexanizmi
2.4. Natijalar monitoringi va baholash
2.5. Xaridlar rejasi
2.6. Loyihani amalga oshirish jadvali
2.7. Loyiha konsultantlari uchun dastlabki texnik topshiriqlar
III. Loyihaning tahlil qilish va baholash
3.1. Texnik baholash
3.2. Loyihaning moliyaviy va iqtisodiy samaradorligi tahlili
3.3. Tashabbuskorning moliyaviy tahlili (agarda qarz (kreditni) qaytarish loyiha tashabbuskori hisobidan toʻliq yoki qisman amalga oshirilishi nazarda tutilganida kiritiladi).
3.4. XMI/XHMTning jalb etilgan qarzi (kreditiga) xizmat koʻrsatish
3.5. Loyiha boʻyicha xavf-xatarlar tahlili
IV. Ijtimoiy va ekologik jihatlar
V. Xulosalar
I-boʻlimda loyihani amalga oshirish zarurati, sektor tavsifi va sektordagi holat, loyihaning asosiy maqsad va vazifalari, mamlakatda amalga oshirilayotgan dasturlarga loyihaning muvofiqligi, loyihani tayyorlash uchun asos, loyiha ishtirokchilari va h.k.ning qisqacha tavsifi koʻrsatiladi.
II-boʻlimda qisqacha tavsifi koʻrsatiladi, loyihaning mazmuni, loyiha qiymatini komponentlari boʻyicha, moliyalashtirish manbalari boʻyicha, yillar boʻyicha, shuningdek, loyihaning xarajatlar toifalari boʻyicha taqsimlanishi taqdim etiladi.
III-boʻlimda loyihaning moliyaviy va iqtisodiy tahlili natijalari kiritiladi (FNPV, FIRR, ENPV va EIRR hisobi), umumiy investitsion xarajatlarning hisobi, loyiha bosqichlari va moliyalashtirish manbalari boʻyicha moliyalashtirishga boʻlgan ehtiyojlarni taqsimlash, ishlab chiqarish xarajatlari hisobi (ekspluatatsiya xarajatlari), loyihaning boshqa xarajatlari hisobi, shu jumladan xodimlarni oʻqitish, mahsulotning tannarxi, tariflar, mahsulot (xizmatning) chakana narxi va savdodan tushgan daromadlarni hisoblash, taqsimlanmagan foyda hamda sof foydani hisoblash, pul mablagʻlari oqimining jamlanma hisobi, moliyaviy baholashning oddiy usullari orqali loyihani tahlil qilish, shu jumladan oʻzini qoplash muddatini hisoblash, daromadning oddiy normasi, qarzdorlikni soʻndirish koeffitsiyenti, asosiy parametrlar boʻyicha sezuvchanlik tahlili (sotish hajmi va narxi, toʻgʻridan-toʻgʻri xarajatlar), soliq inspeksiyasi tomonidan tasdiqlangan, oxirgi ikki yil davomida kredit va budjet mablagʻlari oluvchilar, loyiha ishtirokchilarining buxgalterlik hisobotlari shakllari, kredit yoki budjet mablagʻlari oluvchilar hisoblanadigan loyiha ishtirokchilarining joriy moliyaviy ahvoli, shu jumladan:
korxonaning likvidligini baholash;
korxonaning avtonomligini baholash;
shaxsiy kapitalning daromadliligini baholash;
majburiyatlarni hisobga olgan holda kiritilgan mablagʻlarning daromadliligini baholash;
oʻzgarishlarning taxminiy xarakteri va doirasi, xavf-xatarning asosiy faktorlarini belgilovchi moliyaviy xavf-xatarlarni baholash, xavf-xatarlarni kamaytirishga moʻljallangan chora-tadbirlar.
IV-boʻlim loyihaning ijtimoiy va ekologik jihatlarini hamda benefitsiarlar boʻyicha loyihani amalga oshirishdan foydani koʻrsatib beradi.
Xulosalar loyihaning asosiy afzalliklari va kamchiliklarini, loyiha boʻyicha asosiy xavf-xatarlar va boshqa xulosalarni koʻrsatib beradi.
TIA mazmuni va tarkibining biron bir talablari uning xarakteriga koʻra loyihalarga toʻgʻri kelmaganida, TIAga ushbu talablar yoki hisoblar asosli ravishda kiritilmaydi.
2-ilova norasmiy tarjima.
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish tartibi toʻgʻrisidagi nizomga
3-ILOVA
Loyihaning asosiy texnik-iqtisodiy parametrlari

T/r

Komponentning nomlanishi

Oʻlchov birligi

Jami

Moliyalashtirishning taxminiy manbalari

XMI/XHMT

Davlat budjeti mablagʻlari

Oʻz mablagʻlari





3-ilova norasmiy tarjima.
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish tartibi toʻgʻrisidagi nizomga
4-ILOVA
XMI/XHMT bilan qarz muzokaralarida ishtirok etayotgan Oʻzbekiston delegatsiyasining
TARKIBI
1. Loyiha tashabbuskorining rahbari yoki oʻrinbosari ― delegatsiya rahbari.
2. Oʻzbekiston Respublikasi Investitsiyalar boʻyicha davlat qoʻmitasi vakili (Oʻzbekiston Respublikasi Moliya vazirligi vakili) ― delegatsiya rahbarining oʻrinbosari.
3. Oʻzbekiston Respublikasi Iqtisodiyot vazirligi vakili.
4. Oʻzbekiston Respublikasi Adliya vazirligi vakili.
5. Loyihani amalga oshirishga aloqador, muzokaralarda koʻtarilishi mumkin boʻlgan masalalar boʻyicha ishtirok etishi zarur vazirliklar, idoralar va tashkilotlarning vakillari.
Qarz muzokaralari oʻtkazilishi Oʻzbekiston Respublikasi hududidan tashqarida rejalashtirilayotganda, Oʻzbekiston delegatsiyasi tarkibi Oʻzbekiston Respublikasi Vazirlar Mahkamasi bilan kelishilgan holda belgilangan tartibda oʻzgartirilishi mumkin.
4-ilova norasmiy tarjima.
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish tartibi toʻgʻrisidagi nizomga
5-ILOVA
5-ilova norasmiy tarjima.
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish tartibi toʻgʻrisidagi nizomga
6-ILOVA
6-ilova norasmiy tarjima.
Keyingi tahrirga qarang.

(Qonun hujjatlari maʼlumotlari milliy bazasi, 18.07.2018-y., 07/18/3857/1514-son; 15.05.2019-y., 06/19/5717/3132-son; 27.01.2021-y., 06/21/6146/0065-son; Qonunchilik maʼlumotlari milliy bazasi, 21.12.2021-y., 06/21/36/1175-son; 07.07.2023-y., 06/23/108/0460-son; 13.01.2024-y., 07/24/15/0027-son; 12.02.2025-y., 07/25/51/0129-son)