4. “Oʻzavtotrans” agentligi oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek, mazkur Nizomga va boshqa qonun hujjatlariga amal qiladi.

5. “Oʻzavtotrans” agentligining oʻz vakolati doirasida qabul qilingan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy.

6. “Oʻzavtotrans” agentligi yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va davlat tilidagi oʻz nomi yozilgan blankaga, muhrga, mustaqil balansga, Oʻzbekiston Respublikasi Moliya vazirligi Gʻaznachiligida gʻaznachilik, bank, shu jumladan, xorijiy valyutadagi hisob raqamlariga ega.

7. “Oʻzavtotrans” agentligining rasmiy nomi:

a) davlat tilida:

toʻliq — Oʻzbekiston avtomobil transporti agentligi, qisqartirilgani — “Oʻzavtotrans” agentligi;

b) ingliz tilida:

toʻliq — The Uzbek Agency for road transport, qisqartirilgani — “Uzroadtrans” agency;

v) rus tilida:

toʻliq — Uzbekskoye agentstvo avtomobilnogo transporta, qisqartirilgani — agentstvo “Uzavtotrans”.

8. “Oʻzavtotrans” agentligining joylashgan joyi va pochta manzili: 100128, Toshkent shahri, Zulfiyaxonim koʻchasi, 3-uy.

9. “Oʻzavtotrans” agentligi xodimlari xizmat vazifalarini bajarishda belgilangan namunadagi tanish belgilari boʻlgan idoraviy formali kiyim-bosh kiyadilar. Idoraviy formali kiyim-bosh berish qoidalari, normalari va kiyish muddatlari “Oʻzavtotrans” agentligi tomonidan belgilanadi.

2-bob. “Oʻzavtotrans” agentligi tuzilmasi

10. “Oʻzavtotrans” agentligi tizimiga:

a) markaziy apparat;

b) Qoraqalpogʻiston Respublikasi, viloyatlar va Toshkent shahridagi hududiy boshqarmalar;

v) “Oʻzavtotranstexnika” ilmiy-ishlab chiqarish markazi” davlat korxonasi;

g) “Avtomobil transporti kadrlari malakasini oshirish va ularni qayta tayyorlash instituti” davlat korxonasi;

d) kasb-hunar taʼlim muassasalari — Nukus avtomobil yoʻllari hoʻjaligi va xizmatlar koʻrsatish kolleji, Andijon transport va xizmatlar koʻrsatish kolleji, Samarqand avtomobil yoʻllari kolleji kiradi.

3-bob. “Oʻzavtotrans” agentligi va uning Qoraqalpogʻiston Respublikasi, viloyatlar va Toshkent shahridagi hududiy boshqarmalarining vazifalari va funksiyalari

1-§. “Oʻzavtotrans” agentligining vazifalari va funksiyalari

11. Quyidagilar “Oʻzavtotrans” agentligining asosiy vazifalari hisoblanadi:

avtomobil transporti sohasida yagona texnik siyosatni amalga oshirish;

avtomobil tashishlarini amalga oshirishning normativ-huquqiy va metodik bazalarini, shuningdek yoʻlovchilar va avtomobil transporti obyektlari xavfsizligini tashkil etishni takomillashtirish;

iqtisodiyot tarmoqlari va aholining, eng avvalo, respublikaning chekka hududlarida tashishlarga boʻlgan ehtiyojlarini hisobga olgan holda, avtomobil transportini rivojlantirishning kompleks dasturlarini, shuningdek, avtomobil transporti xavfsizligini taʼminlash chora-tadbirlarini ishlab chiqish va amalga oshirish;

avtovokzallar va avtostansiyalar faoliyatini markazlashtirilgan boshqarish va muvofiqlashtirish tizimini tashkil etish;

avtovokzallar va avtostansiyalar, shuningdek joylardagi mahalliy ijro etuvchi hokimiyat organlari tasarrufida boʻlgan umumiy foydalanish yoʻlovchilar yoʻnalishlaridagi toʻxtash bekatlarini loyihalash, qurish, rekonstruksiya qilish va taʼmirlashni tashkil etish;

tashish jarayoni, harakatlanish sxemalari, rejalari, jadvallariga rioya etilishi yuzasidan markazlashtirilgan dispetcherlik nazorati va boshqaruvi tizimini joriy etish, aniq vaqt rejimida keng axborot xizmatlari koʻrsatish;

yoʻlovchilarni yoʻnalishlarda tashishda tender mexanizmlari joriy etilishini amalga oshirish, yoʻlovchilarni sifatli va xavfsiz tashish, tender tashkilotchilari ishini muvofiqlashtirish yoʻli bilan avtomobil transporti xizmatlari bozorida bozor munosabatlarini va raqobat muhitini rivojlantirish uchun qulay shart-sharoitlarni taʼminlash;

avtomobil transporti sohasida xalqaro hamkorlikni rivojlantirish;

avtomobil transportida yuk va yoʻlovchilar tashishni litsenziyalashni amalga oshirish, avtomobil transportida yoʻlovchilar va yuklarni tashishni amalga oshiruvchi avtotransport vositalarida litsenziya varaqalarining mavjudligini nazorat qilish;

Oʻzbekiston Respublikasi hududida Oʻzbekiston Respublikasining xalqaro shartnomalarida nazarda tutilgan xalqaro avtomobilda tashuvlarni amalga oshirish shartlariga rioya etilishini nazorat qilish (Oʻzbekiston Respublikasi Davlat chegaralari orqali oʻtkazish punktlari bundan mustasno);

avtomobil transportida kadrlarni oʻqitish va ularning malakasini oshirishni, shu jumladan, transport xavfsizligini taʼminlash masalalari boʻyicha tashkil etish;

safarbarlik vaziyatida va favqulodda vaziyatlarda avtomobil transporti safarbarlik tayyorgarligini taʼminlashda ishtirok etish.

12. “Oʻzavtotrans” agentligi oʻziga yuklangan vazifalarga muvofiq quyidagi funksiyalarni amalga oshiradi:

a) yagona texnik siyosatni amalga oshirish sohasida:

xalqaro normalarni hisobga olgan holda, avtomobil tashishlari faoliyatini tartibga solish standartlari, qoidalari, shakllari va usullari boʻyicha yagona maʼlumotlar bazasini shakllantiradi, avtomobil tashishlari xavfsizligini taʼminlash, avtomobil transportining takomillashtirilishi va ishlashi, ilgʻor axborot texnologiyalari va intellektual transport tizimlaridan foydalangan holda, boshqaruvning yangi tizimlarini ishlab chiqish masalalari boʻyicha ilmiy-tekshirish, loyiha-konstruktorlik, texnologik ishlarni amalga oshiradi;

avtomobil transporti xizmatlari hamda transport-ekspeditorlik xizmatlari sohasida standartlash, metrologiya, va sertifikatlash boʻyicha ishlarni tashkil etadi;

avtomobil transportida ekologik xavfsizlik va yoqilgʻi-energetika resurslarini tejashni taʼminlash boʻyicha ishlarni tashkil etadi;

avtomobil transportida xavfli yuklar, qurol-yarogʻ, harbiy texnika, harbiy mol-mulk, portlovchi moddalar va vositalar, shuningdek, harbiy boʻlinmalarni tranzit tashishni amalga oshirishda xulosalar beradi;

b) avtomobil tashishlarini amalga oshirishning normativ-huquqiy va metodik bazalarini, shuningdek, yoʻlovchilar va avtomobil transporti obyektlari xavfsizligini tashkil etishni takomillashtirish sohasida:

avtomobil transporti obyektlarining avtomobil tashishlari xavfsizligini tashkil etish va taʼminlash yuzasidan normativ-huquqiy hujjatlarni ishlab chiqadi va tasdiqlaydi, boshqaruv organlari va xoʻjalik subyektlari tomonidan ularga rioya etilishi yuzasidan nazoratni amalga oshiradi;

avtomobil transportidan foydalanish sohasida xalqaro shartnomalarni ishlab chiqishda Oʻzbekiston Respublikasi nomidan ishtirok etadi;

avtomobil transporti, shu jumladan, avtomobil tashishlari xavfsizligini taʼminlash faoliyatining normativ bazasini takomillashtirish, amaldagi xalqaro avtomobil yoʻlaklaridan samarali foydalanish va ularning yangilarini barpo etish boʻyicha takliflarni koʻrib chiqish uchun davlat organlariga kiritadi;

vazirliklar va idoralarning normativ-huquqiy hujjatlari, dasturlar, shuningdek, tarmoqlarni rivojlantirish boʻyicha boshqa hujjatlar loyihalarining “Oʻzavtotrans” agentligi faoliyatiga oid qismini ekspert baholaydi va ularga rozilik beradi;

v) iqtisodiyot tarmoqlari va aholining, birinchi navbatda, respublikaning chekka hududlarida tashishlarga boʻlgan ehtiyojlarini hisobga olgan holda, avtomobil transportini rivojlantirishning kompleks dasturlarini, shuningdek, avtomobil transporti xavfsizligini taʼminlash chora-tadbirlarini ishlab chiqish va amalga oshirish sohasida:

avtomobil transportini rivojlantirishning kompleks dasturlarini, shuningdek, avtomobil transporti xavfsizligini taʼminlash chora-tadbirlarini ishlab chiqish va amalga oshirishni tashkillashtiradi;

tashish jarayonlari, harakatlar tartibiga, jadvaliga va grafigiga rioya etilishi, yoʻllarda harakatlanish tezligi monitoringi, harakat yoʻnalishlari sxemasiga rioya etilishi va aholiga keng miqyosdagi maʼlumotlar xizmatlari onlayn tarzda real vaqtda taqdim etilishi yuzasidan markazlashgan dispetcherlik nazorati va boshqaruvi tizimini joriy etadi;

jamoat avtomobil transporti faoliyatini muvofiqlashtirishni amalga oshiradi;

zamonaviy axborot-kommunikatsiya texnologiyalarini joriy etish yoʻli bilan yoʻlovchilarga xizmat koʻrsatish boʻyicha xizmatlarning keng turlarini koʻrsatish maqsadida avtovokzallar va avtostansiyalar faoliyatini markazlashgan holda boshqarish va muvofiqlashtirish tizimini tashkillashtiradi;

Oʻzbekiston Respublikasi Ichki ishlar vazirligi bilan birgalikda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari takliflari asosida ishlab chiqilgan yoʻlovchilar avtomobil tashishlarining shahar, shahar atrofi, shaharlararo va xalqaro yoʻnalishlarini tasdiqlaydi;

g) avtovokzallar, avtostansiyalar faoliyatini markazlashtirilgan tartibda boshqarish va muvofiqlashtirish tizimini tashkil etish sohasida avtovokzallar, avtostansiyalar faoliyatini boshqarish va muvofiqlashtirish boʻyicha dasturiy taʼminotning joriy etilishini taʼminlaydi, tashuv jarayoni yuzasidan markazlashtirilgan tartibdagi dispetcherlik nazorati va boshqaruvini yagona tizimga integratsiya qiladi;

d) avtovokzallar, avtostansiyalarni, shuningdek, mahalliy ijro etuvchi organlar tasarrufidagi umumiy foydalaniladigan yoʻlovchilar tashish yoʻnalishlarida toʻxtash punktlarini loyihalash, qurish, rekonstruksiya qilish va taʼmirlashni tashkil etish sohasida Avtomobil transportini rivojlantirish jamgʻarmasidan moliyalashtirishning jalb etilishi, ajratilgan mablagʻlardan maqsadli foydalanilishi masalalarini nazorat qiladi;

e) tashuv jarayoni yuzasidan markazlashtirilgan tartibdagi nazorat va boshqaruvi tizimini joriy etish, harakatlanish sxemalari, rejimlari, roʻyxati va jadvallariga rioya etish, real vaqt rejimida aholiga axborot xizmatlari koʻrsatishning keng turlarini taqdim etish sohasida:

on-layn rejimida tashuv jarayoni yuzasidan nazorat va boshqaruv boʻyicha dasturiy taʼminotni ishlab chiqish va joriy etishni, uni shoshilinch xizmatlar koʻrsatish tizimlari bilan integratsiyalashni tashkil etadi;

“on-line” real vaqt rejimida yoʻlovchi tashish avtomobil transporti faoliyat koʻrsatishi monitoringini amalga oshiradi;

aholiga ilgʻor axborot-kommunikatsiya texnologiyalarini qoʻllash orqali yoʻlovchilar tashish avtomobil transporti ishlari toʻgʻrisida axborotlar berilishini taʼminlaydi;

j) yoʻlovchilarni yoʻnalishlarda tashishda tender mexanizmlari joriy etilishini amalga oshirish, yoʻlovchilarni sifatli va xavfsiz tashish, tender tashkilotchilari ishini muvofiqlashtirish yoʻli bilan avtomobil transporti xizmatlari bozorida bozor munosabatlarini va raqobat muhitini rivojlantirish uchun qulay shart-sharoitlarni taʼminlash sohasida:

tashishlar yoʻnalishlarini tender boʻyicha amalga oshirish mexanizmlarini joriy etadi, yoʻlovchilarni sifatli va xavfsiz tashish uchun maqbul shart-sharoitlarni nazarda tutuvchi shahar, shahar atrofi, shaharlararo va xalqaro yoʻlovchilar yoʻnalishlarida xizmat koʻrsatish huquqini beruvchi namunaviy kontraktlarni ishlab chiqadi va tasdiqlaydi, tender tashkilotchilari faoliyatini muvofiqlashtiradi;

yoʻlovchilar tashish boʻyicha shahar, shahar atrofi, shaharlararo va xalqaro yoʻnalishlarni joylashtirish yuzasidan ochiq tenderlarni tashkil etadi va oʻtkazadi;

Oʻzbekiston Respublikasida avtomobil transportida yoʻlovchilar va bagaj tashish qoidalariga hamda Avtobuslarda yoʻlovchilar tashish xavfsizligini taʼminlashga doir talablarga rioya etilishi, yoʻlovchilar tashish yoʻnalishlariga xizmat koʻrsatish huquqini beruvchi tender kontraktlari shartlari bajarilishini tizimli nazorat qilishni tashkil etadi;

Oʻzbekiston Respublikasi Moliya vazirligi bilan birgalikda avtomobil transporti xizmatlari uchun tarif siyosatini shakllantiradi;

haydovchilarning mehnat va dam olish tartibiga, avtomobil transportida yoʻlovchilar va yuklarni tashish qoidalariga, ogʻirlik va gabarit koʻrsatkichlari boʻyicha avtomobil tashishlari xavfsizligini taʼminlash talablariga rioya etilishini nazorat qiladi;

shahar yoʻlovchi, avtomobil transporti sohasida tashuvchilarning yoʻlovchilar hayoti, sogʻligʻi va (yoki) mol-mulkiga zarar yetkazganlik uchun qonunda belgilangan oʻz fuqarolik javobgarligini majburiy sugʻurta qilish boʻyicha majburiyatlari bajarilishini nazorat qilishni amalga oshiradi;

mavjud vakolatlari doirasida avtomobil tashishlari sohasida maʼmuriy huquqbuzarliklar toʻgʻrisida bayonnomalar tuzadi;

z) avtomobil transporti sohasida xalqaro hamkorlikni rivojlantirish sohasida:

xorijiy davlatlar va xalqaro tashkilotlar bilan hamkorlik qiladi;

xalqaro avtomobil tashishlari borasidagi xalqaro shartnomalar boʻyicha majburiyatlar bajarilishini taʼminlaydi;

xalqaro yuk tashishlarini amalga oshirish uchun ruxsatnoma blankalarini ayirboshlashni amalga oshiradi:

Oʻzbekiston Respublikasi nomidan idoralararo xalqaro shartnomalar tuzadi;

xorijiy davlatlarning vakolatli organlari bilan kelishib muntazam va nomuntazam xalqaro yoʻlovchilar avtobus yoʻnalishlarini Oʻzbekiston Respublikasi fuqarolarining borishlari zarurligini hisobga olgan holda ochadi;

i) avtomobil transportida yoʻlovchilar va yuklar tashishni litsenziyalashni amalga oshirish sohasida:

qonun hujjatlarida belgilangan tartibda litsenziyalar va litsenziya varaqalarini beradi;

litsenziya talablari va shartlariga rioya etilishini nazorat qiladi;

litsenziya reyestrini yuritadi;

avtomobil transportida yoʻlovchilar va yuklar tashishni amalga oshiruvchi avtotransport vositalarida litsenziya varaqalarining mavjudligi yuzasidan nazoratni amalga oshiradi;

k) Oʻzbekiston Respublikasining xalqaro shartnomalarida nazarda tutilgan Oʻzbekiston Respublikasi hududida xalqaro avtomobil tashuvlarini amalga oshirish shartlariga rioya etish yuzasidan nazoratni taʼminlash sohasida (Oʻzbekiston Respublikasi Davlat chegarasi orqali oʻtkazish punktlari bundan mustasno) xalqaro avtomobil tashuvlarini amalga oshirishda qonun hujjatlariga va ruxsat berish tizimi talablariga rioya etilishi yuzasidan nazorat qilishda davlat bojxona xizmati organlari vakillari bilan oʻzaro hamkorlik qilishni taʼminlaydi;

l) kadrlar malakasini oshirish va ularni qayta tayyorlashni tashkil etish, avtomobil transporti sohasida amaliy kadrlar zaxirasini shakllantirish sohasida:

ommaviy kasblar kadrlarini, shuningdek, haydovchilarni qayta tayyorlash va sohada kadrlar malakasini oshirish, shu jumladan, transport xavfsizligini taʼminlash masalalari boʻyicha tayanch oʻquv dasturlarini ishlab chiqadi va tasdiqlaydi;

taʼlimning ishlab chiqarish bilan samarali hamkorligini, kadrlar malakasini oshirish va qayta tayyorlash jarayoniga masofadan oʻqitishni, sayyor darslarning joriy etilishini, avtotransport vositalarini, ularni kelgusida ilmiy tadqiqotlar natijalarini amalda joriy etgan holda tashkil etish, rivojlantirish va foydalanish masalalari boʻyicha ilmiy-tadqiqot faoliyatini amalga oshirishni taʼminlaydi;

butunjahon internet maʼlumotlari tarmogʻidan foydalangan holda, kurslar tinglovchilarining tahliliy va ijodiy tafakkurini ragʻbatlantirishga yoʻnaltirilgan axborot-kommunikatsiya texnologiyalarini joriy etadi;

ilgʻor mahalliy, xalqaro va xorijiy oʻquv tashkilotlari bilan hamkorlikni amalga oshiradi;

m) mahalliy davlat hokimiyati va boshqaruvi organlariga, Oʻzbekiston Respublikasi Mudofaa vazirligiga va Favqulodda vaziyatlar vazirligiga safarbarlik vaziyatida hamda favqulodda vaziyatlarda avtomobil transporti maxsus boʻlinmalari faoliyatini muvofiqlashtirishda koʻmaklashadi.

2-§. “Oʻzavtotrans” agentligi markaziy apparatining vazifalari va funksiyalari

13. “Oʻzavtotrans” agentligi markaziy apparatining asosiy vazifasi “Oʻzavtotrans” agentligi hududiy boshqarmalari va idoraviy mansub tashkilotlari bilan hamkorlikda “Oʻzavtotrans” agentligiga yuklangan vazifa va funksiyalarning samarali bajarilishini taʼminlashdan iboratdir.

14. “Oʻzavtotrans” agentligi markaziy apparati oʻziga yuklangan asosiy vazifalarga muvofiq quyidagi funksiyalarni amalga oshiradi:

a) “Oʻzavtotrans” agentligi va uning rahbariyati faoliyatining tashkiliy va axborot-tahliliy taʼminlanishini amalga oshiradi;

b) “Oʻzavtotrans” agentligining hududiy boshqarmalari va idoraviy mansub tashkilotlari tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari bajarilishini muntazam nazorat qiladi;

v) “Oʻzavtotrans” agentligi tomonidan Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Devoniga kiritiladigan hujjatlarning sifatli va oʻz vaqtida tayyorlanishini tashkil etadi;

g) “Oʻzavtotrans” agentligining hududiy boshqarmalari va idoraviy mansub tashkilotlari faoliyatiga rahbarlikni, muvofiqlashtirishni va nazorat qilishni amalga oshiradi;

d) litsenziyalash jarayonlarini takomillashtirishni taʼminlaydi, xalqaro yoʻlovchilar va yuklarni tashishni amalga oshirishga litsenziyalar beradi;

e) shaharlararo-viloyatlararo va xalqaro yoʻlovchi yoʻnalishlarini joylashtirishga ochiq tenderlarni tashkil etadi va oʻtkazadi;

j) “Oʻzavtotrans” agentligi faoliyatini, shu jumladan, normativ-huquqiy hujjatlarni ishlab chiqish sohasini huquqiy taʼminlaydi;

z) avtomobil transporti sohasida axborot-kommunikatsiya texnologiyalarini joriy etadi;

i) “Oʻzavtotrans” agentligi vakolatiga tegishli tezkor, tashkiliy, kadrlarga oid, moliyaviy, xoʻjalik-ishlab chiqarish va boshqa masalalarni hal etadi.

3-§. “Oʻzavtotrans” agentligi hududiy boshqarmalarining vazifalari va funksiyalari

15. Quyidagilar “Oʻzavtotrans” agentligining Qoraqalpogʻiston Respublikasi, viloyatlar va Toshkent shahridagi hududiy boshqarmalarining asosiy vazifalari va funksiyalari hisoblanadi:

a) “Oʻzavtotrans” agentligiga yuklangan vazifalar va funksiyalarni samarali bajarish;

b) Qoraqalpogʻiston Respublikasi Joqargʻi Kengesi Raisi, viloyatlar va Toshkent shahar, tumanlar (shaharlar) hokimlari, hududiy davlat organlari rahbarlari tomonidan rahbarlik qilinayotgan ijtimoiy-iqtisodiy kompleks rivojlantirish sektorlari (keyingi oʻrinlarda ijtimoiy-iqtisodiy rivojlantirish sektorlari deb ataladi) bilan hamkorlik qilish.

16. “Oʻzavtotrans” agentligining Qoraqalpogʻiston Respublikasi, viloyatlar va Toshkent shahridagi hududiy boshqarmalari quyidagi funksiyalarni amalga oshiradi:

a) avtomobil tashishlari, avtomobil transporti obyektlari xavfsizligini tashkil etish va taʼminlash boʻyicha normativ-huquqiy hujjatlarni ishlab chiqish yuzasidan takliflar kiritadi, boshqaruv organlari va hoʻjalik subyektlari tomonidan ularga rioya etilishini nazorat qiladi;

b) mavjud xalqaro avtomobil yoʻlaklaridan samarali foydalanish va yangilarini ochish boʻyicha takliflar kiritadi;

v) avtomobil transportini rivojlantirishning kompleks dasturlari va konsepsiyalarini, shuningdek, avtomobil transporti xavfsizligini taʼminlash chora-tadbirlarini ishlab chiqish va amalga oshirishda ishtirok etadi;

g) shahar, shahar atrofi, shaharlararo-viloyatlar ichidagi yoʻlovchilar yoʻnalishlarini joylashtirishga ochiq tenderlarni tashkil etadi va oʻtkazadi, yoʻnalish hujjatlarini tayyorlaydi;

d) tashish jarayonlari, avtovokzallar, avtostansiyalar ishi, harakat tartibi, jadvali va grafigiga rioya etilishi, yoʻllarda harakatlanish tezligi monitoringi, harakat yoʻnalishi sxemasiga, tashish tariflariga, haydovchilarning mehnat va dam olish tartibiga rioya etilishi yuzasidan dispetcherlik boshqaruvi va nazoratini tashkil etadi;

e) mahalliy ijro etuvchi hokimiyat organlari va aholidan shahar, shahar atrofi, shaharlararo va xalqaro yoʻnalishlarga tegishli takliflarni yigʻishni tashkil etadi, ularni umumiylashtiradi va “Oʻzavtotrans” agentligi markaziy apparatiga taqdim etadi, yoʻnalish hujjatlari tayyorlanishini taʼminlaydi;

j) mahalliy ijro etuvchi hokimiyat organlari tasarrufida boʻlgan umumiy foydalanish yoʻlovchilar yoʻnalishlaridagi toʻxtash bekatlarini xatlovdan oʻtkazadi, “Oʻzavtotrans” agentligining markaziy apparatiga toʻxtash punktlarini qurish, rekonstruksiya qilish va taʼmirlash boʻyicha takliflar kiritadi;

z) avtomobil transportida yuk va yoʻlovchilarni shahar, shahar atrofi, shaharlararo yoʻnalishlarda tashishlarni litsenziyalashni amalga oshiradi, litsenziyalar/litsenziya varaqalari reyestrini yuritadi;

i) quyidagilar yuzasidan nazoratni amalga oshiradi:

tashuvchilar tomonidan yoʻlovchi transporti sohasida tashuvchilarning yoʻlovchilar hayoti, sogʻligʻi va (yoki) mol-mulkiga zarar yetkazganlik uchun qonunda belgilangan oʻz fuqarolik javobgarligini majburiy sugʻurta qilish boʻyicha majburiyati bajarilishi;

litsenziya talablari va shartlari bajarilishi;

avtomobil transportida yoʻlovchilar va yuklarni tashishni amalga oshiruvchi avtotransport vositalarida litsenziya varaqalarining mavjudligi;

avtotransport vositalarining reysoldi texnik koʻrikdan va haydovchilarning tibbiy koʻrikdan oʻtkazilishi;

Oʻzbekiston avtomobil transporti agentligining avtomobil transportini rivojlantirish jamgʻarmasi tomonidan yoʻlovchi avtovokzallari, avtostansiyalarini, shuningdek, mahalliy ijro etuvchi hokimiyat organlari tasarrufida boʻlgan umumiy foydalanish yoʻlovchilar yoʻnalishlaridagi toʻxtash bekatlarini qurish, rekonstruksiya qilish va taʼmirlash boʻyicha ajratilgan mablagʻlaridan maqsadli foydalanilganligi;

xalqaro avtomobil tashishlarini amalga oshirishda ruxsat berish tizimi talablariga rioya etilishi;

avtotransport vositalarining ogʻirlik va gabarit koʻrsatkichlariga rioya etilishi.

4-bob. “Oʻzavtotrans” agentligi va uning hududiy boshqarmalarining huquqlari va majburiyatlari

1-§. “Oʻzavtotrans” agentligining huquqlari va majburiyatlari

17. “Oʻzavtotrans” agentligi oʻziga yuklangan vazifalar va funksiyalarni amalga oshirish uchun quyidagi huquqlarga ega:

a) Oʻzbekiston Respublikasi Vazirlar Mahkamasi yoki Oʻzbekiston Respublikasi Prezidenti Devoniga belgilangan tartibda normativ-huquqiy hujjatlar loyihalarini hamda “Oʻzavtotrans” agentligiga yuklangan vazifalar va funksiyalar bajarilishi bilan bogʻliq boshqa hujjatlarni kiritish;

b) “Oʻzavtotrans” agentligi vakolatiga kiruvchi masalalarda davlat va xoʻjalik boshqaruvi organlari, mahalliy ijro etuvchi hokimiyat organlari faoliyatini belgilangan tartibda muvofiqlashtirish;

v) unitar korxonalar shaklidagi mustaqil, yoʻlovchilar va/yoki yuklar tashishlari, transport logistika faoliyati, toʻxtash punktlarini qurish, rekonstruksiya qilish va taʼmirlash hamda boshqa faoliyat turlari bilan shugʻullanuvchi, yuridik shaxs huquqlariga ega maxsus korxonalarni tashkil etish, shuningdek, “Oʻzavtotrans” agentligi tuzilmasidagi tashkilotlarni birlashtirish va tugatish;

g) Avtomobil transportini rivojlantirish jamgʻarmasi mablagʻlarini tasarruf etish;

d) davlat organlariga avtotransport vositalaridan foydalanish qoidalari buzilishida aybdor boʻlgan shaxslarni qonunchilikda nazarda tutilgan javobgarlikka tortish haqida takliflar kiritish;

e) sud organlariga tashuvchilar tomonidan yoʻlovchi transporti sohasida tashuvchilarning yoʻlovchilar hayoti, sogʻligʻi va (yoki) mol-mulkiga zarar yetkazganlik uchun qonunda belgilangan oʻz fuqarolik javobgarligini majburiy sugʻurta qilish boʻyicha majburiyati bajarilmaganligi uchun aybdor shaxslarni qonunchilikda nazarda tutilgan javobgarlikka tortish haqida taqdimnomalar kiritish;

j) davlat va xoʻjalik boshqaruvi organlaridan, joylardagi mahalliy ijro etuvchi hokimiyat organlaridan belgilangan tartibda “Oʻzavtotrans” agentligi vakolatiga kiruvchi masalalarni hal etish uchun bepul asosda maʼlumotlarni soʻrash va olish;

z) yoʻlovchilar tashishlarini tashkil etish boʻyicha hududiy komissiyalardan yoʻlovchilar yoʻnalishlari faoliyati masalalari boʻyicha maʼlumotlarni soʻrash va olish;

i) Oʻzbekiston Respublikasi Ichki ishlar vazirligi, Davlat soliq qoʻmitasi, Davlat bojxona qoʻmitasi organlari, sud organlari va Bosh prokuraturasi huzuridagi Majburiy ijro byurosidan yozma va/yoki elektron shaklda Oʻzbekiston Respublikasida avtomobil yoʻllarida va transport infratuzilmasi obyektlarida avtomobil tashishlari xavfsizligini taʼminlash yuzasidan nazoratni amalga oshirish uchun zarur maʼlumotlarni soʻrash va tekin olish, oʻz vakolatlari doirasida, belgilangan tartibda, yuqorida qayd etilgan idoralarning elektron maʼlumotlar bazasidan foydalanish;

k) “Oʻzavtotrans” agentligi vakolatiga kiruvchi masalalar boʻyicha davlat statistika organlaridan zarur statistik maʼlumotlarni tekin olish;

l) litsenziatlar tomonidan litsenziya talablari va shartlariga rioya etilishi yuzasidan qonunchilikda belgilangan tartibda rejali va qisqa muddatli tekshiruvlarni amalga oshirish;

m) oʻzining tashkiliy tuzilmasi doirasida “Oʻzavtotrans” agentligining davlat mulkini belgilangan tartibda, bir boshqarmadan (oʻziga qarashli korxonadan) boshqasiga bepul asosda oʻtkazish;

n) “Oʻzavtotrans” agentligi va idoraviy mansub tashkilotlari xodimlarini, ular tomonidan faoliyatining tegishli sohasida asosiy koʻrsatkichlar boʻyicha parametrlarning bajarilishini hisobga olgan holda, Oʻzbekiston Respublikasi Moliya vazirligi bilan kelishilgan “Oʻzavtotrans” agentligi xodimlarini moddiy ragʻbatlantirish toʻgʻrisidagi Nizomga muvofiq moddiy ragʻbatlantirish tartibi, miqdori va shartlarini belgilash;

o) Oʻzbekiston Respublikasi Vazirlar Mahkamasiga, davlat va xoʻjalik boshqaruvi organlariga, mahalliy ijro etuvchi hokimiyat organlariga “Oʻzavtotrans” agentligi vakolatiga tegishli masalalar boʻyicha takliflar kiritish;

p) “Oʻzavtotrans” agentligi vakolatiga kiruvchi masalalar boʻyicha idoralararo xususiyatli xalqaro shartnomalarni belgilangan tartibda tuzish;

r) Oʻzbekiston Respublikasi manfaatlarini “Oʻzavtotrans” agentligi vakolatiga kiruvchi masalalar boʻyicha belgilangan tartibda, xalqaro darajada ifodalash.

18. “Oʻzavtotrans” agentligi qonunchilikka muvofiq boshqa huquqlarga ham ega boʻlishi mumkin.

19. “Oʻzavtotrans” agentligi quyidagilar uchun javob beradi:

a) “Oʻzavtotrans” agentligiga yuklangan vazifa va funksiyalarning samarali bajarish hamda avtomobil transporti sohasida davlat siyosatini amalda samarali ijro etish;

b) “Oʻzavtotrans” agentligi faoliyati bilan bogʻliq prognoz koʻrsatkichlarga erishishni soʻzsiz taʼminlash;

v) Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti devoniga kiritilayotgan normativ-huquqiy va boshqa hujjatlar loyihalarining, shuningdek, “Oʻzavtotrans” agentligi tomonidan qabul qilinayotgan qarorlarni amalga oshirishning sifati, yakuniy natijalari va oqibatlari;

g) avtomobil transportini rivojlantirish hamda ijtimoiy-iqtisodiy rivojlantirish va avtomobil transporti sohasida hududlarning muammoli masalalarini hal etish boʻyicha dasturlar, chora-tadbirlar rejalari, “yoʻl xaritalari”ni samarali amalga oshirish;

d) fuqarolar va tadbirkorlik subyektlarining huquqlari va qonuniy manfaatlarini himoya qilish va ularga rioya etilishini taʼminlash.

2-§. “Oʻzavtotrans” agentligi markaziy apparatining huquqlari va javobgarligi

20. “Oʻzavtotrans” agentligining markaziy apparati oʻziga yuklangan vazifa va funksiyalarni amalga oshirishda quyidagi huquqlarga ega:

a) “Oʻzavtotrans” agentligining hududiy boshqarmalari va idoraviy mansub tashkilotlaridan “Oʻzavtotrans” agentligi markaziy apparatida muhokama etilayotgan masalalarni hamda normativ-huquqiy va boshqa hujjatlar loyihalarini tahlil qilish va ishlab chiqish uchun materiallar va maʼlumotlarni soʻrash va olish;

b) zarur hollarda, belgilangan tartibda, “Oʻzavtotrans” agentligida muhokama etilayotgan masalalarni ishlab chiqish, maʼlumot va tahliliy materiallarni, shuningdek, normativ-huquqiy hujjatlar va boshqa hujjatlarni tayyorlash uchun hududiy boshqarmalar hamda idoraviy mansub tashkilotlar rahbarlari va vakillarini jalb qilish, ushbu maqsadlar uchun ekspert va ishchi guruhlar tuzish;

v) “Oʻzavtotrans” agentligining hududiy boshqarmalari va idoraviy mansub tashkilotlaridan, ular tomonidan kiritilgan normativ-huquqiy hujjatlar va boshqa hujjatlarni toʻldirish va oxiriga yetkazishni talab qilish, zarur boʻlganda, qayta koʻrib chiqib puxtalashtirish uchun qaytarish;

g) “Oʻzavtotrans” agentligining hududiy boshqarmalari, idoraviy mansub tashkilotlari, manfaatdor vazirliklar va idoralar rahbarlari va vakillari ishtirokida avtotransport sohasini takomillashtirish masalalari boʻyicha yigʻilishlar oʻtkazish;

d) “Oʻzavtotrans” agentligining hududiy boshqarmalari va idoraviy mansub tashkilotlari rahbarlariga belgilangan tartibda, Agentlikka yuklangan vazifalar va funksiyalar bilan bogʻliq va tezkor hal etilishi talab qilinayotgan masalalar boʻyicha topshiriqlar berish;

e) “Oʻzavtotrans” agentligining hududiy boshqarmalari va idoraviy mansub tashkilotlari faoliyatini qabul qilingan qonunchilik va boshqa normativ-huquqiy hujjatlar, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi topshiriqlari hamda Agentlik va uning rahbariyati hujjatlari va topshiriqlarining bajarilishi boʻyicha oʻrganish va tekshirish.

21. “Oʻzavtotrans” agentligining markaziy apparati qonunchilikka muvofiq boshqa huquqlarga ham ega boʻlishi mumkin.

22. “Oʻzavtotrans” agentligining markaziy apparati quyidagilar uchun javob beradi:

a) hududiy boshqarmalar va idoraviy mansub tashkilotlar bilan hamkorlikda “Oʻzavtotrans” agentligiga yuklangan vazifa va funksiyalarning sifatli va oʻz vaqtida bajarilishini taʼminlash;

b) “Oʻzavtotrans” agentligi faoliyati bilan bogʻliq prognoz koʻrsatkichlarga erishishni taʼminlash yuzasidan “Oʻzavtotrans” agentligi markaziy apparati boʻlinmalarining ishini tashkil etish;

v) Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti devoniga koʻrib chiqish uchun kiritilayotgan normativ-huquqiy va boshqa hujjatlar loyihalarining, shuningdek, “Oʻzavtotrans” agentligi tomonidan qabul qilinayotgan qarorlarning tayyorlanishi sifati va ekspertizadan oʻtkazilishi;

3-§. “Oʻzavtotrans” agentligi hududiy boshqarmalarining huquqlari va javobgarligi

23. “Oʻzavtotrans” agentligining Qoraqalpogʻiston Respublikasi, viloyatlar va Toshkent shahridagi hududiy boshqarmalari oʻzlariga yuklangan vazifa va funksiyalarni amalga oshirish uchun quyidagi huquqlarga ega:

a) oʻz vakolatiga kiruvchi masalalarni hal etishda zarur boʻlgan maʼlumotlarni davlat va xoʻjalik boshqaruvi organlarining hududiy boʻlinmalaridan, mahalliy ijro etuvchi hokimiyat organlaridan belgilangan tartibda soʻrash va olish;

b) avtomobil transporti sohasida muhim muammolarni ishlab chiqish va muhokama etish boʻyicha hududiy darajadagi idoralararo komissiya va kengashlarni tashkil etish;

v) avtomobil transportida yoʻlovchilar va yuklarni tashish yuzasidan xizmatlar roʻyxatini kengaytirish va sifatini takomillashtirish masalalari boʻyicha tashuvchilar bilan hamkorlik qilish;

g) davlat va xoʻjalik boshqaruvi organlari, mahalliy ijro etuvchi hokimiyat organlariga avtomobil transportini rivojlantirish masalalari boʻyicha takliflarni koʻrib chiqish uchun kiritish;

d) birinchi navbatda, qutqarish tuzilmalari, kuchlari va favqulodda vaziyatlar va harbiy boʻlinmalar davlat tizimining vositalarini, favqulodda vaziyatlarni bartaraf etish va evakuatsiya tadbirlarini amalga oshirish uchun zarur boʻlgan yuklarni tashishni taʼminlash;

e) yoʻnalishlarda tekshirishlar oʻtkazish vaqtida:

transport vositalarining parametrlari va asbob-uskunalarini aniqlovchi texnik vositalardan, ovoz va video yozish, kino, fotosuratga olish, nusxa olishni amalga oshiruvchi apparatlardan, hujjatlarni skanerlash (elektron tashuvchilardan maʼlumotlarni oʻqish) vositasidan foydalanish, qonunchilikka rioya etilishi hamda qonun buzilganligi holatlarini tasdiqlovchi dalillarni yigʻish va qayd etilishini nazorat qilishni taʼminlash uchun yashirin tasvirlar identifikatorlaridan foydalanish;

haydovchidan qoʻl ishorasi ovozni kuchaytirgich vositasida transportni toʻxtatishni talab qilish;

litsenziya varaqalari, yoʻl varaqalari, “Tender gʻolibi” guvohnomalari, yoʻnalish sxemasi va boshqa hujjatlarning qalbakilashtirilgani yoki soxtalashtirilganining asoslangan gumoni mavjud boʻlgan taqdirda hujjatlarni olib qoʻyish va ularni tekshirish materiallariga qoʻshish;

Oʻzbekiston Respublikasi Maʼmuriy javobgarlik toʻgʻrisidagi Kodeksining 146¹, 165, 176³-moddalari va 176⁴-moddasi birinchi qismida nazarda tutilgan qonunbuzarlikka yoʻl qoʻygan haydovchilarning avtotransport vositalarini jarima maydonchasiga yuborish.

“Oʻzavtotrans” agentligining hududiy boshqarmalari qonunchilikka muvofiq boshqa huquqlarga ham ega boʻlishi mumkin.

24. “Oʻzavtotrans” agentligining hududiy boshqarmalari quyidagilar uchun javob beradi:

a) “Oʻzavtotrans” agentligiga yuklangan vazifa va funksiyalarning sifatli va oʻz vaqtida bajarilishi;

b) “Oʻzavtotrans” agentligining hududiy boshqarmalari faoliyati bilan bogʻliq prognoz koʻrsatkichlarga erishishni taʼminlash;

v) “Oʻzavtotrans” agentligiga kiritilayotgan hujjatlar loyihalari va takliflar, shuningdek, “Oʻzavtotrans” agentligining hududiy boshqarmalari tomonidan qabul qilinayotgan qarorlarni amalga oshirishning sifati, yakuniy natijalari va oqibatlari;

g) avtomobil transportini Qoraqalpogʻiston Respublikasi, viloyatlar va Toshkent shahri, tumanlarda (shaharlarda) aniqlangan muammolarni har tomonlama va chuqur tahlil qilish va umumlashtirish asosida rivojlantirish boʻyicha takliflarni tayyorlash;

d) Qoraqalpogʻiston Respublikasi, viloyatlar va Toshkent shahrida avtomobil transportini rivojlantirish, muammoli masalalarini hal etish boʻyicha dasturlar, tadbirlar rejalari, “yoʻl xaritalari” va boshqa hujjatlarni samarali amalga oshirish;

e) fuqarolar va tadbirkorlik subyektlarining huquqlari va qonuniy manfaatlarini himoya qilish va ularga rioya etilishini taʼminlash.

5-bob. “Oʻzavtotrans” agentligi faoliyatini tashkil etish

1-§. “Oʻzavtotrans” agentligi rahbariyati

25. “Oʻzavtotrans” agentligiga Oʻzbekiston Respublikasining Bosh vaziri tomonidan tavsiya etiladigan va Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan boshliq rahbarlik qiladi.

26. Boshliqning, belgilangan tartibda, Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod etiladigan uch nafar oʻrinbosari, shu jumladan bir nafar birinchi oʻrinbosari boʻladi.

27. “Oʻzavtotrans” agentligi boshligʻi maqomiga koʻra vazirga, boshliqning birinchi oʻrinbosari va oʻrinbosari tegishli ravishda vazirning birinchi oʻrinbosari va vazir oʻrinbosariga tenglashtiriladi.

28. “Oʻzavtotrans” agentligi boshligʻi boʻlmagan davrda uning vakolatlari oʻrinbosarlaridan biri tomonidan, vazifalar taqsimotiga muvofiq amalga oshiriladi.

29. “Oʻzavtotrans” agentligining markaziy apparati, hududiy boshqarmalari xodimlari va agentlik tizimiga kiruvchi idoraviy mansub tashkilotlar rahbarlari belgilangan tartibda Agentlik boshligʻi tomonidan lavozimga tayinlanadi va lavozimdan ozod etiladi.

Hududiy boshqarmalar boshliqlari Qoraqalpogʻiston Respublikasi Joqargʻi Kengesi Raisi, viloyatlar va Toshkent shahri hokimlari taqdimnomasiga muvofiq “Oʻzavtotrans” agentligi boshligʻi tomonidan lavozimga tayinlanadi va lavozimdan ozod etiladi.

30. Hududiy boshqarmalar va idoraviy mansub tashkilotlar oʻz faoliyatini “Oʻzavtotrans” agentligi tomonidan tasdiqlanadigan nizomlar va ustavlar asosida amalga oshiradi.

31. “Oʻzavtotrans” agentligi boshligʻi Oʻzbekiston Respublikasi Moliya vazirligi bilan kelishilgan xodimlarning tasdiqlangan cheklangan soni va taʼminot xarajatlari smetasi doirasida markaziy apparat va hududiy boshqarmalar tuzilmasiga oʻzgartirishlar kiritishga haqlidir.

2-§. “Oʻzavtotrans” agentligi rahbarlarining asosiy funksional vazifalari

32. Quyidagilar “Oʻzavtotrans” agentligi boshligʻining asosiy funksional vazifalari hisoblanadi:

a) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

b) “Oʻzavtotrans” agentligi faoliyatiga umumiy rahbarlikni amalga oshirish, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi qarorlari va boshqa qonun hujjatlari bilan “Oʻzavtotrans” agentligiga yuklangan vazifalar va funksiyalar bajarilishini tashkil etish;

v) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari bilan tasdiqlangan “Oʻzavtotrans” agentligi faoliyatini yanada takomillashtirish boʻyicha konsepsiyalar, kompleks dasturlar va kompleks chora-tadbirlar bajarilishining tanqidiy va puxta tahlilini amalga oshirish;

g) “Oʻzavtotrans” agentligi, uning hududiy boshqarmalari va idoraviy mansub tashkilotlari faoliyati bilan bogʻliq avtomobil transporti sohasidagi prognoz koʻrsatkichlarga soʻzsiz erishishni taʼminlash boʻyicha amaliy chora-tadbirlarni ishlab chiqish va qabul qilish;

d) Oʻzbekiston Respublikasi Prezidenti devoni xizmatlari, Oʻzbekiston Respublikasi Vazirlar Mahkamasi komplekslari hamda tegishli vazirliklar va idoralar bilan avtomobil transportini rivojlantirish masalalari boʻyicha hamkorlik qilish, Oʻzbekiston Respublikasi Vazirlar Mahkamasi va uning Rayosati yigʻilishlarida masalalarni koʻrib chiqishda ishtirok etish;

e) Oʻzbekiston Respublikasi Prezidenti, Oʻzbekiston Respublikasi Bosh vaziri va uning oʻrinbosarlarining topshiriqlarini bajarish;

j) oʻz oʻrinbosarlarining vakolatlarini aniqlash, ular oʻrtasida vazifalarni taqsimlash, “Oʻzavtotrans” agentligi boshqa mansabdor shaxslarining vakolatlarini belgilash, oʻz oʻrinbosarlari va “Oʻzavtotrans” agentligining alohida qismlariga rahbarlik uchun boshqa mansabdorlarning shaxsiy javobgarligi darajasini belgilash;

z) “Oʻzavtotrans” agentligi faoliyatini rejalashtirishni tashkil etish, “Oʻzavtotrans” agentligi va oʻz oʻrinbosarlarining har choraklik ish rejalarini tasdiqlash, ularning bajarilishi boʻyicha nazoratni taʼminlash;

i) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari va topshiriqlari bajarilishining tashkil etilishi va monitoringining amaliy tizimini yaratish, “Oʻzavtotrans” agentligi faoliyatida ijro intizomini mustahkamlash boʻyicha amaliy kompleks chora-tadbirlarni amalga oshirish, shuningdek, tuzilmalar va hududiy boshqarmalar, idoraviy mansub tashkilotlar rahbarlarining Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun shaxsiy javobgarligini oshirish boʻyicha choralar koʻrish;

k) “Oʻzavtotrans” agentligi xodimlarini tizimli qayta tayyorlash va ularning malakasini oshirishni tashkil etish;

l) “Oʻzavtotrans” agentligi tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlarni yaratish, “Oʻzavtotrans” agentligining kadrlar zaxirasini shakllantirish;

m) boʻsh lavozimlarga tavsiya etilayotgan Oʻzbekiston Respublikasi Prezidenti devoni va Oʻzbekiston Respublikasi Vazirlar Mahkamasi, Oʻzbekiston Respublikasi Prezidenti nomenklaturasiga kiruvchi kadrlarning hamda “Oʻzavtotrans” agentligiga qabul qilinayotgan boshqa kadrlarning professionalligi, bilimdonligi, amaliy tajribasi, ish va maʼnaviy-axloqiy sifatlarining yuqoriligi kafolatlanishini taʼminlash;

n) faoliyat sohasi masalalari boʻyicha normativ-huquqiy hujjatlar loyihalari sifatli ishlab chiqilishini, ularning Oʻzbekiston Respublikasining “Normativ-huquqiy hujjatlar toʻgʻrisida”gi, “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi qonunlar talablariga, Vazirlar Mahkamasining 2005-yil 14-fevraldagi 62-son qarori bilan tasdiqlangan Oʻzbekiston Respublikasi Vazirlar Mahkamasi Reglamenti (keyingi oʻrinlarda Vazirlar Mahkamasi Reglamenti deb ataladi) va Oʻzbekiston Respublikasi Prezidentining 2017-yil 28-iyuldagi PQ-3161-son qarori bilan tasdiqlangan Oʻzbekiston Respublikasi Prezidenti devoni Reglamentiga (keyingi oʻrinlarda Oʻzbekiston Respublikasi Prezidenti devoni Reglamenti deb ataladi) muvofiq qatʼiy ravishda, oʻz vaqtida Oʻzbekiston Respublikasi Vazirlar Mahkamasiga kiritilishini tashkil etish, ularning Vazirlar Mahkamasida qayta ishlab chiqilishida, Oʻzbekiston Respublikasi Vazirlar Mahkamasi rahbariyati huzurida himoya qilinishida va Oʻzbekiston Respublikasi Prezidenti devonida muhokama etilishida ishtirok etish;

o) davlat boshqaruvi organi vakolatiga kiruvchi masalalar boʻyicha idoraviy normativ-huquqiy hujjatlarni, zarur boʻlgan hollarda, boshqa vazirlik va idoralar bilan hamkorlikda tegishli qarorlar qabul qilish;

p) Oʻzbekiston Respublikasining “Normativ-huquqiy hujjatlar toʻgʻrisida”gi, “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi qonunlari va Oʻzbekiston Respublikasi Vazirlar Mahkamasining 2016-yil 17-oktabrdagi 345-son qarori bilan tasdiqlangan davlat va hoʻjalik boshqaruvi organlari, mahalliy ijro etuvchi hokimiyat organlarining qonun loyihalarini tayyorlashga doir faoliyatining Namunaviy reglamentiga muvofiq “Oʻzavtotrans” agentligining qonun loyihalarini tayyorlash faoliyatini tashkil etish;

r) “Oʻzavtotrans” agentligiga taqdim etilgan takliflar va normativ-huquqiy hujjatlar loyihalarining toʻlaqonli va har tomonlama muhokama etilishini taʼminlash, ularning huquqiy, moliyaviy, iqtisodiy va boshqa ekspertizalardan puxta oʻtkazilishi hamda ularni Oʻzbekiston Respublikasi Prezidenti va Vazirlar Mahkamasi reglamentlari bilan belgilangan muddatlarda kelishish (imzolash);

s) Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son, “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq “Oʻzavtotrans” agentligi rahbarlari va xodimlarining xizmat safarlarini tashkil etish va bajarish, xizmat safarlarining asoslanganligi, samaradorligi va natijadorligini, xizmat safarlari uchun ajratilayotgan mablagʻlardan maqsadli va oqilona foydalanilishini taʼminlash;

t) nazoratdagi tarkibiy tuzilmalar rahbarlari va xodimlari faoliyatining samaradorligi va natijadorligini taʼminlash, ular tomonidan ularga ishonib topshirilgan avtomobillar, mulklar va boshqa qimmatli buyumlardan oqilona foydalanish, ularning shaxsiy hisobotlarini “Oʻzavtotrans” agentligi Hayʼat yigʻilishlarida eshitish, yakunlari boʻyicha tegishli qarorlar qabul qilish;

u) “Oʻzavtotrans” agentligi xodimlarini ragʻbatlantirish va intizomiy chora koʻrish masalalarini hal etish, oʻz oʻrinbosarlarini ragʻbatlantirish va ularga nisbatan intizomiy chora koʻrish, shu jumladan, ularning egallab turgan lavozimlarida kelgusida qolishi maqsadga muvofiqligi masalalarini muhokama etish haqida takliflar kiritish, ularning shaxsiy javobgarligini oshirish boʻyicha tizimli choralarni amalga oshirish;

f) Agentlik xodimlarining odob-axloq qoidalari talablariga Agentlik xodimlari tomonidan rioya etilishini taʼminlash;

x) Oʻzbekiston Respublikasining “Korrupsiyaga qarshi kurash toʻgʻrisida”gi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, qonun va qonunchilikni qoʻllash amaliyotini takomillashtirish boʻyicha choralarni ishlab chiqish va amalga oshirish yoʻli bilan ularning yuzaga kelishiga sharoit yaratuvchi sabablar va shartlarni aniqlash, tahlil qilish va bartaraf etish;

s) “Oʻzavtotrans” agentligi va uning tarkibiy tuzilmalari, hududiy boshqarmalari faoliyatini tashkil etishning zamonaviy shakllari joriy etilishini taʼminlash, markaziy apparat, markaziy apparat tarkibiy tuzilmalari va hududiy boshqarmalar toʻgʻrisidagi nizomlarni, “Oʻzavtotrans” agentligiga qarashli tashkilotlar ustavlarini tasdiqlash;

ch) davlat xizmatlari koʻrsatish, shu jumladan aholi va tadbirkorlik subyektlari bilan hamkorlikni amalga oshirganda “yagona darcha” prinsipini joriy etish yoʻli bilan samaradorligini, sifatini va hammabopligini oshirish va Oʻzbekiston Respublikasining “Elektron hukumat toʻgʻrisida”gi Qonunini amalga oshirish doirasida axborot-kommunikatsiya texnologiyalaridan foydalanish;

sh) jismoniy va yuridik shaxslarning murojaatlarini koʻrib chiqish boʻyicha ishlarni samarali tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslar va yuridik shaxslarning vakillarining shaxsiy qabullarini, shu jumladan sayyor qabullarni belgilangan tartibda va muddatlarda muntazam oʻtkazish hamda Oʻzbekiston Respublikasi Prezidentining Xalq qabulxonalari bilan hamkorlikda samarali ishlashni tashkil etish, “Oʻzavtotrans” agentligi rahbarlari va xodimlarining ular faoliyatida faol ishtiroki, Oʻzbekiston Respublikasi Prezidentining Virtual qabulxonasidan kelib tushayotgan jismoniy va yuridik shaxslarning murojaatlarini oʻz vaqtida va toʻlaqonli koʻrib chiqish;

e) davlat siri maqomidagi va maxfiy maʼlumotlar bilan ishlashda qonunchilik talablariga rioya etish;

yu) “Oʻzavtotrans” agentligi markaziy apparati va hududiy boshqarmalari, shuningdek, “Oʻzavtotrans” agentligi tarkibiga kiruvchi idoraviy mansub tashkilotlar xodimlarini lavozimga tayinlash va lavozimdan ozod etish;

ya) “Oʻzavtotrans” agentligi, hududiy boshqarmalar, idoraviy mansub tashkilotlar xodimlari tomonidan bajarilishi majburiy boʻlgan buyruqlar chiqarish va koʻrsatmalar berish hamda ularning bajarilishini belgilangan tartibda nazorat qilish;

oʻ) “Oʻzavtotrans” agentligining markaziy apparati, hududiy boshqarmalarining shtat jadvalini tasdiqlash.

33. Quyidagilar “Oʻzavtotrans” agentligi boshligʻi oʻrinbosarlarining asosiy funksional vazifalari hisoblanadi:

a) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

b) “Oʻzavtotrans” agentligi boshligʻi tegishli buyruq asosida vaqtincha boʻlmaganda uning vazifalarini bajarish;

v) “Oʻzavtotrans” agentligining mutasaddilik qilinadigan tarkibiy tuzilmalari faoliyatini muvofiqlashtirish, nazorat qilish va unga bevosita rahbarlik qilish, ular xodimlari oʻrtasida vazifalarni taqsimlash;

g) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari bilan tasdiqlangan “Oʻzavtotrans” agentligi faoliyatini yanada takomillashtirish boʻyicha konsepsiya, kompleks dasturlar va kompleks chora-tadbirlar bajarilishini tanqidiy va puxta tahlil qilish;

d) mutasaddilik qilinadigan tarkibiy tuzilmalar tomonidan prognoz koʻrsatkichlarga soʻzsiz erishishni taʼminlash choralarini koʻrish, tuzilmalari rahbarlarining hisobotlarini muntazam eshitish va qayd etilgan koʻrsatkichlarga erishish uchun ularning shaxsiy javobgarligini oshirish;

e) mutasaddilik qilinadigan tarkibiy tuzilmalar rahbarlarining har choraklik rejalarini tasdiqlash, ularning bajarilishi yuzasidan nazoratni taʼminlash;

j) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari va topshiriqlari bajarilishini taʼminlash, “Oʻzavtotrans” agentligining mutasaddilik qilinadigan tarkibiy tuzilmalarida ijro intizomini mustahkamlash boʻyicha amaliy kompleks chora-tadbirlarni amalga oshirish, shuningdek, tuzilmalar rahbarlarining Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun shaxsiy javobgarligini oshirish boʻyicha choralar koʻrish;

z) “Oʻzavtotrans” agentligi hayʼati yigʻilishi qarorlari, “Oʻzavtotrans” agentligi boshligʻi buyruqlari va topshiriqlarining oʻz vaqtida va sifatli bajarilishini taʼminlash;

i) mutasaddilik qilinadigan tarkibiy tuzilmalarda kadrlarni tanlash va joy-joyiga qoʻyish boʻyicha “Oʻzavtotrans” agentligi boshligʻiga tavsiyalar taqdim etish, ularning professionalligi, bilimdonligi, amaliy tajribasi, ish va maʼnaviy-axloqiy sifatlarining yuqoriligi kafolatlanishini taʼminlash, ularning kasbiy malakasini oshirish boʻyicha choralar koʻrish, mutasaddilik qilinadigan tarkibiy tuzilmalarda kadrlar zaxirasini shakllantirish;

k) mutasaddilik qilinadigan tarkibiy tuzilmalar tomonidan normativ-huquqiy hujjatlarning sifatli ishlab chiqilishini tashkil etish, mutasaddilik qilinadigan tarkibiy tuzilmalarda tayyorlangan hujjatlar loyihalarini kelgusida “Oʻzavtotrans” agentligi boshligʻi tomonidan muhokama etish, imzolash uchun koʻrib chiqish va vizalash, ularni Oʻzbekiston Respublikasi Prezidenti devoni va Vazirlar Mahkamasi Reglamentlari talablariga muvofiq qatʼiy ravishda va oʻz vaqtida Oʻzbekiston Respublikasi Vazirlar Mahkamasiga kiritilishini taʼminlash, shuningdek, “Oʻzavtotrans” agentligi boshligʻining topshirigʻiga binoan normativ-huquqiy hujjatlarning Oʻzbekiston Respublikasi Vazirlar Mahkamasi apparatida qayta koʻrib chiqilib tayyorlanishida ishtirok etish;

l) “Oʻzavtotrans” agentligiga taqdim etilgan takliflar va normativ-huquqiy hujjatlar loyihalarini toʻlaqonli va har tomonlama muhokama etish;

m) Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son, “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq, xizmat safarlarini bajarish, xizmat safarlarining asoslanganligi, samaradorligi va natijadorligini, xizmat safarlari uchun ajratilayotgan mablagʻlardan maqsadli va oqilona foydalanilishini taʼminlash;

n) mutasaddilik qilinadigan tarkibiy tuzilmalar rahbarlari va xodimlari faoliyatining samaradorligi va natijadorligi taʼminlanishini nazorat qilish, ular tomonidan ularga ishonib topshirilgan avtomobillar, mulklar va boshqa qimmatbaho buyumlardan oqilona foydalanish, ularning shaxsiy hisobotlarini “Oʻzavtotrans” agentligi hayʼati yigʻilishlarida eshitish, yakunlari boʻyicha tegishli qarorlar qabul qilish;

o) “Oʻzavtotrans” agentligining avtomobil transportiga tegishli masalalari boʻyicha faoliyatini takomillashtirish yuzasidan amaliy choralar koʻrish, qonunchilikni takomillashtirish boʻyicha takliflar ishlab chiqish va “Oʻzavtotrans” agentligi boshligʻiga taqdim etish;

p) “Oʻzavtotrans” agentligi boshligʻiga mutasaddilik qilinadigan tarkibiy tuzilmalar rahbarlari va xodimlarini ragʻbatlantirish va ularga nisbatan intizomiy chora koʻrish masalalarini hal etish, shu jumladan, ularning egallab turgan lavozimlarida kelgusida qolishi maqsadga muvofiqligi masalalarini muhokama etish haqida takliflar kiritish, ularning shaxsiy javobgarligini oshirish boʻyicha tizimli choralarni amalga oshirish;

r) “Oʻzavtotrans” agentligi xodimlarining odob-axloq qoidalari talablariga rioya etishini nazorat qilish, qayd etilgan qoidalarga mutasaddilik qilinadigan tarkibiy tuzilmalar rahbarlari va xodimlari tomonidan rioya etilishini taʼminlash;

s) Oʻzbekiston Respublikasining “Korrupsiyaga qarshi kurash toʻgʻrisida”gi Qonuni talablariga muvofiq, “Oʻzavtotrans” agentligi tizimida korrupsiya va boshqa huquqbuzarliklarning oldini olish choralarini koʻrish, shuningdek, qonun va qonunchilikni qoʻllash amaliyotini takomillashtirish boʻyicha choralarni ishlab chiqish va amalga oshirish yoʻli bilan ularning yuzaga kelishiga sharoit yaratuvchi sabablar va shartlarni aniqlash, tahlil qilish va bartaraf etish;

t) “Oʻzavtotrans” agentligi boshligʻiga davlat xizmatlari koʻrsatish samaradorligini, sifatini va hammabopligini oshirish boʻyicha takliflar kiritish;

u) jismoniy va yuridik shaxslarning murojaatlarini koʻrib chiqish boʻyicha ishlarni samarali tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslar va yuridik shaxslarning vakillari bilan shaxsiy qabullarni, shu jumladan sayyor qabullarni Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonunida belgilangan tartibda va muddatlarda muntazam oʻtkazish hamda Oʻzbekiston Respublikasi Prezidentining Xalq qabulxonalari bilan hamkorlikda samarali ishlashni tashkil etish, “Oʻzavtotrans” agentligi rahbarlari va xodimlarining ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushayotgan jismoniy va yuridik shaxslarning murojaatlarini oʻz vaqtida va toʻlaqonli koʻrib chiqish;

f) davlat siri maqomidagi va maxfiy maʼlumotlar bilan ishlashda qonunchilik talablariga rioya etish;

x) “Oʻzavtotrans” agentligi boshligʻi tomonidan oʻzlariga yuklangan boshqa vazifalarni amalga oshirish.

34. Quyidagilar “Oʻzavtotrans” agentligining markaziy apparati tarkibiy tuzilmalari rahbarlarining asosiy funksional vazifalari hisoblanadi:

a) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

b) tarkibiy tuzilma xodimlari faoliyatiga bevosita rahbarlik qilish, mazkur tuzilmaga yuklangan vazifalar va funksiyalar bajarilishini tashkil etish;

v) oʻz vakolatlari doirasida “Oʻzavtotrans” agentligining hududiy boshqarmalari va idoraviy mansub tashkilotlari faoliyatini muvofiqlashtirish;

g) prognoz koʻrsatkichlarning bajarilishini doimiy tahlil qilish va “Oʻzavtotrans” agentligi boshligʻining mutasaddilik qiluvchi oʻrinbosarlariga tarkibiy tuzilmalar va hududiy boshqarmalar tomonidan qayd etilgan koʻrsatkichlarga soʻzsiz erishishni taʼminlashga qaratilgan qoʻshimcha choralar koʻrish boʻyicha takliflar kiritish;

d) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari va topshiriqlari bajarilishini taʼminlash, “Oʻzavtotrans” agentligining tarkibiy tuzilmalarida xodimlarning ijro intizomini mustahkamlash boʻyicha amaliy kompleks chora-tadbirlarni amalga oshirish, shuningdek, tuzilmalar rahbarlarining Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun shaxsiy javobgarligini oshirish boʻyicha choralar koʻrish;

e) “Oʻzavtotrans” agentligi hayʼati yigʻilishi qarorlari, buyruqlari hamda “Oʻzavtotrans” agentligi boshligʻi va uning oʻrinbosarlari topshiriqlari oʻz vaqtida va sifatli bajarilishini taʼminlash;

j) tarkibiy tuzilmalarning har choraklik ish rejalari ishlab chiqilishini taʼminlash, ularni tasdiqlash uchun kiritish, ularda qayd etilgan vazifa va tadbirlarning oʻz vaqtida va sifatli bajarilishini taʼminlash;

z) tarkibiy tuzilmalarga yuklangan vazifalar bajarilishini nazorat qilish va muvofiqlashtirish, “Oʻzavtotrans” agentligining hududiy boshqarmalari va idoraviy mansub tashkilotlari faoliyatiga amaliy va uslubiy yordam koʻrsatish;

i) tarkibiy tuzilmalar faoliyati masalalari boʻyicha qonunchilikni takomillashtirish yuzasidan takliflar ishlab chiqish va ularni “Oʻzavtotrans” agentligi rahbariyatiga koʻrib chiqish uchun kiritish;

k) mutasaddilik qilinadigan tarkibiy tuzilmalarda kadrlarni tanlash va joy-joyiga qoʻyish boʻyicha “Oʻzavtotrans” agentligi boshligʻiga tavsiyalar taqdim etish, ularning professionalligi, bilimdonligi, amaliy tajribasi, ish va maʼnaviy-axloqiy sifatlarining yuqoriligi kafolatlanishini taʼminlash, ularning kasbiy malakasini oshirish boʻyicha choralar koʻrish, mutasaddilik qilinadigan tarkibiy tuzilmalarda kadrlar zaxirasini shakllantirish;

l) mutasaddilik qilinadigan tarkibiy tuzilmalar tomonidan normativ-huquqiy hujjatlarning sifatli ishlab chiqilishini tashkil etish, ularda tayyorlangan hujjatlar loyihalarini kelgusida “Oʻzavtotrans” agentligi rahbariyati tomonidan imzolash uchun koʻrib chiqish va vizalash, “Oʻzavtotrans” agentligi rahbarlarining topshirigʻiga binoan normativ-huquqiy hujjatlar loyihalarining Oʻzbekiston Respublikasi Vazirlar Mahkamasida koʻrib chiqilishida ishtirok etish;

m) “Oʻzavtotrans” agentligiga taqdim etilgan takliflar va normativ-huquqiy hujjatlar loyihalarini toʻlaqonli va har tomonlama muhokama etish;

n) Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son, “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq xizmat safarlarini bajarish, xizmat safarlarining asoslanganligi, samaradorligi va natijadorligini, xizmat safarlari uchun ajratilayotgan mablagʻlardan maqsadli va oqilona foydalanilishini taʼminlash;

o) tarkibiy tuzilmalar xodimlari faoliyati samaradorligi va natijadorligini doimiy tanqidiy tahlil qilish, yigʻilishlarda ularning shaxsiy hisobotlarini eshitish, yakuni boʻyicha zarur choralar koʻrish;

p) “Oʻzavtotrans” agentligi xodimlarining odob-axloq qoidalari talablariga rioya etilishini nazorat qilish, koʻrsatilgan qoidalarga tarkibiy boʻlinmalar xodimlari tomonidan rioya etilishini taʼminlash;

r) Oʻzbekiston Respublikasining “Korrupsiyaga qarshi kurash toʻgʻrisida”gi Qonuni talablariga muvofiq “Oʻzavtotrans” tarkibiy tuzilmalarida korrupsiya va boshqa huquqbuzarliklarning oldini olish choralarini koʻrish, shuningdek, qonun va qonunchilikni qoʻllash amaliyotini takomillashtirish boʻyicha choralar ishlab chiqish va amalga oshirish yoʻli bilan ularning yuzaga kelishiga sharoit yaratuvchi sabablar va shartlarni aniqlash, tahlil qilish va bartaraf etish;

s) “Oʻzavtotrans” agentligi rahbariyatiga davlat xizmatlari koʻrsatish samaradorligini, sifatini va hammabopligini oshirish boʻyicha takliflar kiritish;

t) jismoniy va yuridik shaxslarning murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslar va yuridik shaxslarning vakillari bilan shaxsiy qabullarni, shu jumladan, sayyor qabullarni Oʻzbekiston Respublikasining “Jismoniy va yuridik shaxslar murojaatlari toʻgʻrisida”gi Qonunida belgilangan tartibda va muddatlarda muntazam oʻtkazish hamda Oʻzbekiston Respublikasi Prezidentining Xalq qabulxonalari bilan hamkorlikda samarali ishlashni tashkil etish, ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushayotgan jismoniy va yuridik shaxslarning murojaatlarini oʻz vaqtida va toʻlaqonli koʻrib chiqish;

u) davlat siri maqomidagi va maxfiy maʼlumotlar bilan ishlashda qonunchilik talablariga rioya etish.

35. Quyidagilar “Oʻzavtotrans” agentligining hududiy boshqarmalari boshliqlarining asosiy funksional vazifalari hisoblanadi:

a) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

b) “Oʻzavtotrans” agentligining hududiy boshqarmalari faoliyatiga bevosita rahbarlik qilish, Oʻzbekiston Respublikasi Prezidenti va Vazirlar Mahkamasining tegishli qarorlari va boshqa qonun hujjatlari hamda “Oʻzavtotrans” agentligi buyruqlari bilan mazkur boshqarmalarga yuklangan vazifa va funksiyalarning bajarilishini tashkil etish;

v) hududiy boshqarmalar faoliyati bilan bogʻliq prognoz koʻrsatkichlariga erishishni soʻzsiz taʼminlash boʻyicha amaliy choralarni ishlab chiqish va qabul qilish;

g) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari va topshiriqlari bajarilishini taʼminlash, hududiy boshqarmalarda xodimlarning ijro intizomini mustahkamlash boʻyicha amaliy kompleks chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qarorlariga muvofiq topshiriqlarning oʻz vaqtida va sifatli bajarilishi uchun shaxsiy javobgarligini oshirish boʻyicha choralar koʻrish;

d) “Oʻzavtotrans” agentligi hayʼati yigʻilishi qarorlari, buyruqlari hamda “Oʻzavtotrans” agentligi boshligʻi va uning oʻrinbosarlari topshiriqlarining oʻz vaqtida va sifatli bajarilishini taʼminlash;

e) “Oʻzavtotrans” agentligi faoliyatiga tegishli masalalar boʻyicha mahalliy ijro etuvchi hokimiyat organlari va ijtimoiy-iqtisodiy kompleks rivojlantirish sektorlari bilan hamkorlik qilish;

j) hududiy boshqarmalarning boshliq oʻrinbosarlari va boshqa mansabdor shaxslarning vakolatlarini belgilash, boshliq oʻrinbosarlari va boshqa mansabdor shaxslarning “Oʻzavtotrans” agentligining hududiy boshqarmalari faoliyatidagi alohida uchastkalariga rahbarlik qilish uchun shaxsiy javobgarlik darajasini belgilash;

z) “Oʻzavtotrans” agentligining hududiy boshqarmalari faoliyatini rejalashtirishni tashkil etish, “Oʻzavtotrans” agentligi hududiy boshqarmalarining har choraklik ish rejalarini tasdiqlash va ularning bajarilishi yuzasidan nazoratni taʼminlash;

i) kadrlarni tanlash va ularni lavozimga tayinlash uchun “Oʻzavtotrans” agentligi rahbariyatiga tavsiya etish, ularning samarali faoliyat yuritishlari uchun zarur shart-sharoitlar yaratish, hududiy boshqarmalarda kadrlar zaxirasini shakllantirish;

k) “Oʻzavtotrans” agentligi nomenklaturasiga kiruvchi boʻsh oʻrinlarga tavsiya etilayotgan, shuningdek, hududiy boshqarmalarga ishga qabul qilinayotgan boshqa kadrlarning professionalligi, bilimdonligi, amaliy tajribasi, ish va maʼnaviy-axloqiy sifatlarining yuqoriligi kafolatlanishini taʼminlash;

l) “Oʻzavtotrans” agentligining hududiy boshqarmalari xodimlarini ragʻbatlantirish va ularga intizomiy chora koʻrish, shu jumladan, oʻzlarining oʻrinbosarlarini ragʻbatlantirish va intizomiy chora koʻrish haqida, shu jumladan, ularning egallab turgan lavozimlarida kelgusida qolishi maqsadga muvofiqligini muhokama etish boʻyicha masalalarni hal etish, hududiy boshqarmalar xodimlarining shaxsiy javobgarligini oshirish boʻyicha tizimli choralarni amalga oshirish;

m) hududiy boshqarmalar xodimlari tomonidan “Oʻzavtotrans” agentligi xodimlarining odob-axloq qoidalari talablariga rioya etilishini taʼminlash;

n) Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq “Oʻzavtotrans” agentligi tizimida korrupsiyaning va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonunchilikni takomillashtirish choralarini ishlab chiqish va amalga oshirish yoʻli bilan ularning sodir etilishiga koʻmaklashuvchi sabablarni aniqlash, tahlil qilish va ularni bartaraf etish;

o) prognoz koʻrsatkichlarining bajarilishini tizimli tahlil qilish va hududiy boshqarmalar tomonidan mazkur koʻrsatkichlarga soʻzsiz erishishni taʼminlashga yoʻnaltirilgan qoʻshimcha chora-tadbirlar boʻyicha “Oʻzavtotrans” agentligining mutasaddilik qiluvchi oʻrinbosarlariga takliflar kiritish;

p) hududiy boshqarmalar xodimlari faoliyatining samaradorligi va natijadorligini muntazam ravishda tanqidiy tahlil qilish, yigʻilishlarda ularning shaxsiy hisobotlarini eshitish yakunlari boʻyicha zarur choralar koʻrish;

r) hududiy boshqarmalar faoliyati masalalari yuzasidan qonunchilikni takomillashtirish hamda avtomobil transporti sohasida davlat xizmatlarining samaradorligini, xizmat koʻrsatish sifatini va hammabopligini oshirish boʻyicha takliflarni ishlab chiqish va ularni “Oʻzavtotrans” agentligi boshligʻiga koʻrib chiqish uchun kiritish;

s) jismoniy va yuridik shaxslarning murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslar va yuridik shaxslarning vakillari bilan shaxsiy qabullarni, shu jumladan sayyor qabullarni Oʻzbekiston Respublikasining “Jismoniy va yuridik shaxslar murojaatlari toʻgʻrisida”gi Qonunida belgilangan tartibda va muddatlarda muntazam oʻtkazish hamda Oʻzbekiston Respublikasi Prezidentining Xalq qabulxonalari bilan hamkorlikda samarali ishlashni tashkil etish, ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushayotgan jismoniy va yuridik shaxslarning murojaatlarini oʻz vaqtida va toʻlaqonli koʻrib chiqish;

t) hududiy boshqarmalar xodimlariga mukofot puli toʻlash, lavozim maoshiga ustama, moddiy yordam, mukofotlash, ragʻbatlantirish va intizomiy chora koʻrish haqida qarorlar qabul qilish, davlat mukofoti va idoraviy mukofotlar bilan taqdirlash haqida “Oʻzavtotrans” agentligiga takliflar kiritish;

u) davlat siri yoki boshqa qonun bilan himoyalanadigan maʼlumotlar bilan ishlashda qonunchilik talablariga rioya etish.

3-§. “Oʻzavtotrans” agentligi va idoraviy mansub tashkilotlar rahbarlarining javobgarligi

36. “Oʻzavtotrans” agentligi boshligʻi quyidagilar uchun shaxsan javob beradi:

a) “Oʻzavtotrans” agentligiga yuklangan vazifa va funksiyalarning bajarilishi;

b) mazkur Nizomning 19-bandida nazarda tutilgan “Oʻzavtotrans” agentligining javobgarlik sohalari boʻyicha;

v) mazkur Nizomning 32-bandida koʻrsatilgan oʻz funksional vazifalarining sifatli bajarilishi.

37. “Oʻzavtotrans” agentligi boshligʻi oʻrinbosarlari quyidagilar uchun shaxsan javob beradilar:

a) “Oʻzavtotrans” agentligining mutasaddilik qilinadigan tarkibiy boʻlinmalarida “Oʻzavtotrans” agentligiga yuklangan vazifa va funksiyalarning bajarilishi;

b) mazkur Nizomning 19-bandida nazarda tutilgan “Oʻzavtotrans” agentligining sohalar boʻyicha nazorat masalalari qismi yuzasidan;

v) mazkur Nizomning 33-bandida belgilangan oʻz funksional vazifalarining sifatli bajarilishi.

38. “Oʻzavtotrans” agentligining markaziy apparati tarkibiy tuzilmalari rahbarlariga quyidagilar uchun shaxsiy javobgarlik yuklanadi:

a) tegishli tarkibiy boʻlinmalarga yuklangan vazifalar va funksiyalarning bajarilishi;

b) mazkur Nizomning 19-bandida nazarda tutilgan “Oʻzavtotrans” agentligining markaziy apparatiga sohalar boʻyicha;

v) mazkur Nizomning 34-bandida belgilangan oʻz funksional vazifalarining sifatli bajarilishi.

39. “Oʻzavtotrans” agentligining Qoraqalpogʻiston Respublikasi, viloyatlar va Toshkent shahridagi hududiy boshqarmalari boshliqlariga quyidagilar uchun shaxsiy javobgarlik yuklanadi:

a) hududiy boshqarmalarga yuklangan vazifalar va funksiyalarning bajarilishi uchun;

b) mazkur Nizomning 24-bandida nazarda tutilgan “Oʻzavtotrans” agentligining hududiy boshqarmalarining javobgarlik sohalari boʻyicha;

v) mazkur Nizomning 35-bandida belgilangan oʻz funksional vazifalarining sifatli bajarilishi uchun.

40. “Oʻzavtotrans” agentligi tarkibiga kiruvchi hamda “Oʻzavtotrans” agentligi tomonidan tuziladigan tashkilotlar rahbarlariga, tashkilotlarning ustavlarida nazarda tutilgan vazifalar va funksiyalarning bajarilishi, asosiy mablagʻlarni, mol-mulkni, pul mablagʻlarini va boshqa qimmatbaho buyumlardan maqsadli foydalanilishi uchun shaxsiy javobgarlik yuklanadi.

4-§. “Oʻzavtotrans” agentligi markaziy apparati tarkibiy tuzilmalari, uning hududiy boshqarmalari bilan hamkorlik qilish tartibi

41. “Oʻzavtotrans” agentligi markaziy apparati tarkibiy tuzilmalari, uning hududiy boshqarmalari va idoraviy mansub tashkilotlar bilan hamkorlikni markaziy apparat tarkibiy boʻlinmalari boshliqlari tomonidan taʼminlanadi.

42. “Oʻzavtotrans” agentligi markaziy apparati tarkibiy boʻlinmalari “Oʻzavtotrans” agentligining hududiy boshqarmalari va idoraviy mansub tashkilotlari bilan oʻz faoliyati yoʻnalishi boʻyicha hamkorlik qilishda:

a) hududiy boshqarmalar va idoraviy mansub tashkilotlarga topshiriqlarni yetkazadi va ularning bajarilishini nazorat qiladi;

b) “Oʻzavtotrans” agentligi hududiy boshqarmalari va idoraviy mansub tashkilotlariga tarkibiy boʻlinmalarining bevosita faoliyati boʻyicha rasmiy soʻrovlar yuboradi va uning bajarilishini nazorat qiladi;

v) “Oʻzavtotrans” agentligi hududiy boshqarmalari va idoraviy mansub tashkilotlari faoliyatini oʻrganadi va tekshiruvlar oʻtkazadi, amaliyotni umumlashtiradi, uni takomillashtirishga yoʻnaltirilgan choralar ishlab chiqadi va tegishli choralar koʻradi;

d) “Oʻzavtotrans” agentligi hududiy boshqarmalari va idoraviy mansub tashkilotlarining faoliyatini tashkil etishni va ish natijasi boʻyicha tahliliy materiallar, statistik va boshqa hisobot maʼlumotlarini oʻrganishni tashkil etadi;

e) “Oʻzavtotrans” agentligi hududiy boshqarmalari va idoraviy mansub tashkilotlarining ish rejalarini tahlil qiladi, ular faoliyatini rejalashtirishni takomillashtirish boʻyicha choralar koʻradi;

j) “Oʻzavtotrans” agentligi hududiy boshqarmalari va idoraviy mansub tashkilotlaridan tushgan takliflarni koʻrib chiqadi;

z) “Oʻzavtotrans” agentligi hududiy boshqarmalari va idoraviy mansub tashkilotlarining normativ-huquqiy hujjatlar loyihalarini tayyorlashdagi ishtirokini tashkil qiladi, qonun hujjatlarini takomillashtirish boʻyicha ulardan kelgan takliflarni koʻrib chiqadi.

43. “Oʻzavtotrans” agentligi hududiy boshqarmalari va idoraviy mansub tashkilotlari “Oʻzavtotrans” agentligining markaziy apparati tarkibiy boʻlinmalari bilan oʻzaro hamkorlik qiladi, jumladan:

a) “Oʻzavtotrans” agentligi rahbariyatining topshiriqlarining bajarilishi boʻyicha axborot beradilar;

b) belgilangan faoliyat sohasida qonunlarning amalga oshirilishi natijasi boʻyicha axborotlarni markaziy apparatga taqdim etadilar;

v) ularning faoliyatini oʻrganish va tekshirish natijasida aniqlangan ishdagi kamchilik va nuqsonlarning bartaraf etilganligi boʻyicha axborot beradilar;

g) oʻz ish natijalari boʻyicha hisobotlarni belgilangan tartibda va muddatda “Oʻzavtotrans” agentligi markaziy apparatiga taqdim etadilar;

d) hududlarni ijtimoiy-iqtisodiy rivojlantirish, shu jumladan aholining eng muhim muammolarini hal etish boʻyicha takliflarni “Oʻzavtotrans” agentligining markaziy apparatiga yuboradilar;

e) ijtimoiy-iqtisodiy rivojlantirish sektorlari bilan hamkorlikda rivojlanishining natijalari boʻyicha axborot beradilar;

j) vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida xabardor qiladilar.

44. “Oʻzavtotrans” agentligi markaziy apparati tarkibiy boʻlinmalari, uning hududiy boshqarmalari va idoraviy mansub tashkilotlari bilan hamkorligi jarayonida vujudga kelgan kelishmovchiliklar “Oʻzavtotrans” agentligi boshligʻining topshirigʻiga asosan, uning tegishli oʻrinbosarlari tomonidan koʻrib chiqiladi. Kelishmovchiliklar koʻrib chiqilgandan soʻng ham tartibga solinmasa, ular boʻyicha qaror bevosita “Oʻzavtotrans” agentligi boshligʻi tomonidan qabul qilinadi.

5-§. “Oʻzavtotrans” agentligining boshqa davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar bilan oʻzaro hamkorligi

45. “Oʻzavtotrans” agentligi vakolatiga kiradigan vazifalar va funksiyalarning bajarilishini boshqa davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar bilan oʻzaro hamkorlikda amalga oshiradi.

46. “Oʻzavtotrans” agentligining hududiy boshqarmalari oʻz vakolatlari doirasida boshqa hududiy davlat va xoʻjlik organlari, mahalliy ijro etuvchi hokimiyat organlari va boshqa tashkilotlar bilan oʻzaro hamkorlik qiladilar.

“Oʻzavtotrans” agentligining hududiy boshqarmalari iqtisodiy-ijtimoiy rivojlantirish kompleksi sektorlari bilan tegishli hududlarni iqtisodiy-ijtimoiy rivojlantirish “yoʻl xaritalari”ni ishlab chiqishda va amalga oshirishda oʻzaro yaqin hamkorlik qiladilar.

47. “Oʻzavtotrans” agentligi faoliyati Oʻzbekiston Respublikasi Vazirlar Mahkamasining Hududlarni kompleks rivojlantirish va kommunal soha, ekologiya, atrof muhitni muhofaza qilish, transport, kapital qurilish va qurilish industriyasi masalalari kompleksining rahbari hamda Kommunal soha, ekologiya, atrof muhitni muhofaza qilish, transport, kapital qurilish va qurilish industriyasi masalalari axborot-tahlil departamenti tomonidan nazorat qilinadi.

6-§. “Oʻzavtotrans” agentligi hayʼati

48. “Oʻzavtotrans” agentligida boshliq (hayʼat raisi), uning oʻrinbosarlari (lavozimiga koʻra), shuningdek, “Oʻzavtotrans” agentligi faoliyatining asosiy yoʻnalishlarini muvofiqlashtiruvchi tarkibiy boʻlinmalari rahbarlaridan iborat tarkibda hayʼat tashkil etiladi.

Hayʼat aʼzolari soni va shaxsiy tarkibi “Oʻzavtotrans” agentligi boshligʻining taqdimnomasiga binoan Oʻzbekiston Respublikasi Vazirlar Mahkamasi tomonidan tasdiqlanadi.

49.Hayʼatga quyidagi vazifalar yuklanadi:

a) tarkibiy va institutsional qayta oʻzgartirish masalalarini hal etishni davom ettirish, xizmatlar bozori shakllanishi va rivojlanishiga hamda avtomobil transportida yuk va yoʻlovchilar tashish xavfsizligiga koʻmaklashish, iqtisodiyot tarmoqlari hamda aholining yuk va yoʻlovchilar tashishga ehtiyojlarini hisobga olgan holda avtomobil transportini rivojlantirish dasturlarini ishlab chiqish va amalga oshirish, jamoat avtomobil transporti faoliyatini muvofiqlashtirish faoliyati boʻyicha ushbu Nizomda belgilangan asosiy yoʻnalishlar yuzasidan takliflarni tayyorlash va amalga oshirish;

b) avtobuslarda yoʻlovchilarni, shu jumladan xalqaro yoʻnalishlarda yuklarni avtomobil transportida tashishlarni amalga oshirish, transport-logistik faoliyatni, toʻxtash joylarini qurish, rekonstruksiya qilish va taʼmirlash ishlarini hamda faoliyatning boshqa turlarini amalga oshirish uchun ixtisoslashtirilgan tashkilotlar tashkil etish;

v) ixtisoslashtirilgan tashkilotlarga moddiy-texnik taʼminot boʻyicha masalalarni hal etishda, avtotransport vositalari bilan taʼminlashda ishlab chiqarayotgan zavodlar yoki ularning rasmiy dillerlari bilan toʻgʻridan-toʻgʻri shartnomalar, zayom bitimini, kontraktlarni tuzish, on-layn rejimida avtobuslar va mikroavtobuslarning ishini masofadan nazorat qilish, dasturlash, mahsulot va jihozlar, mexanizm, materiallar, ehtiyot qismlar olish va yoʻlovchi transportida elektron toʻlovlar tizimlari boʻyicha ishlarni amalga oshirishda koʻmaklashish;

g) markaziy apparat tarkibiy boʻlinmalari, hududiy boshqarmalar va idoraviy mansub tashkilotlar rahbarlarining hisobotlarini, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi qarorlari, farmoyishlari, topshiriqlari va qonun hujjatlarida nazarda tutilgan vazifalarni oʻz vaqtida va sifatli amalga oshirish uchun “Oʻzavtotrans” agentligi rahbarlari va xodimlarining shaxsiy javobgarligini oshirish, ijro intizomini mustahkamlash boʻyicha choralar koʻrilgan holda, tizimli ravishda eshitishni tashkil etish;

d) “Oʻzavtotrans” agentligi faoliyati sohasida hududiy va tarmoq dasturlari bajarilishi samaradorligini har chorakda va tizimli koʻrib chiqish;

e) “Oʻzavtotrans” agentligi faoliyati sohasidagi dolzarb masalalarning joylarda muhokama etilishini taʼminlagan holda, kengaytirilgan sayyor hayʼat majlislari oʻtkazish, shuningdek yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

j) “Oʻzavtotrans” agentligi markaziy apparati va uning tizimi shtat tuzilmasiga kiruvchi lavozimlar nomenklaturasini koʻrib chiqish va tasdiqlash;

z) xodimlarni “Oʻzavtotrans” agentligi nomenklaturasiga kiritilgan lavozimlarga tanlash va joy-joyiga qoʻyish masalalarini koʻrib chiqish;

i) Oʻzbekiston Respublikasi Prezidenti hujjatlari va topshiriqlarida, Oʻzbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish boʻyicha ijro intizomini mustahkamlash, ularning oʻz vaqtida va sifatli amalga oshirilishini taʼminlash uchun “Oʻzavtotrans” agentligi rahbarlari va xodimlarining shaxsiy javobgarligini oshirish.

Hayʼat “Oʻzavtotrans” agentligi vakolatiga taalluqli boshqa masalalarni ham koʻrib chiqish huquqiga ega.

50. Hayʼat majlisiga “Oʻzavtotrans” agentligi vakolatiga tegishli masalalar boʻyicha boshqa davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar rahbarlari taklif etilishi mumkin.

51. Hayʼat uning majlisida tarkibining yarmidan koʻpi qatnashgan taqdirda vakolatli hisoblanadi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

Hayʼat qarorlari boshliqning buyruqlari bilan amalga oshiriladi.

52. Boshliq va hayʼat aʼzolari oʻrtasida kelishmovchiliklar paydo boʻlgan taqdirda, boshliq paydo boʻlgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda, mustaqil ravishda qaror qabul qiladi. Hayʼat aʼzolari ham oʻz fikr-mulohazalarini Oʻzbekiston Respublikasi Vazirlar Mahkamasiga xabar qilishlari mumkin.

53. Hayʼat faoliyati tartibi uning hayʼat tomonidan tasdiqlanadigan reglamentida belgilanadi.

6-bob. “Oʻzavtotrans” agentligi samaradorligi va natijadorligini baholash mezonlari va ishchi indikatorlari

54. “Oʻzavtotrans” agentligi faoliyati samaradorligi muntazam ravishda baholab boriladi.

55. “Oʻzavtotrans” agentligi faoliyati samaradorligi va natijadorligini baholash Oʻzbekiston Respublikasi Vazirlar Mahkamasining Hududlarni kompleks rivojlantirish va kommunal soha, ekologiya, atrof-muhitni muhofaza qilish, transport, kapital qurilish va qurilish industriyasi masalalari kompleksi tomonidan tasdiqlanadigan “Oʻzavtotrans” agentligi samaradorligi va natijadorligini baholash mezonlari va ishchi indikatorlariga asoslanadi.

56. “Oʻzavtotrans” agentligi faoliyatining samaradorligi va natijadorligini baholash yakunlari boʻyicha quyidagi choralar koʻriladi:

a) “Oʻzavtotrans” agentligi rahbariyati va xodimlarini ragʻbatlantirish (mukofotlash) yoki ularga nisbatan intizomiy javobgarlik;

b) “Oʻzavtotrans” agentligi faoliyatida aniqlangan kamchiliklarni bartaraf etish va uning faoliyatini yanada takomillashtirish.

57. “Oʻzavtotrans” agentligi faoliyatining samaradorligi va natijadorligini baholash tartibi va uslubi qonun hujjatlariga muvofiq belgilanadi.

7-bob. “Oʻzavtotrans” agentligi faoliyatini moliyalashtirish va moddiy-texnik taʼminlash, uning xodimlari mehnatiga haq toʻlash va ularni moddiy ragʻbatlantirish

58. “Oʻzavtotrans” agentligi va uning hududiy boshqarmalarini moliyalashtirish va moddiy-texnik taʼminlash Avtomobil transportini rivojlantirish jamgʻarmasi mablagʻlari, avtomobilda yoʻlovchi va yuk tashish huquqiga litsenziya olish uchun berilgan arizani koʻrib chiqish uchun yigʻimlar, xalqaro avtomobil tashuvlarini amalga oshirishga berilgan ruxsatnoma blankalari uchun toʻlovlar va qonun hujjatlarida taqiqlanmagan boshqa manbalar hisobiga, Oʻzbekiston Respublikasi Moliya vazirligi bilan kelishilgan smeta doirasida amalga oshiriladi.

59. “Oʻzavtotrans” agentligi xodimlarining ish haqi qonun hujjatlarida nazarda tutilgan lavozim maoshi, mukofotlar, qoʻshimcha toʻlovlar, ustamalar va boshqa toʻlovlardan iborat boʻladi.

“Oʻzavtotrans” agentligi xodimlarini oylik lavozim maoshlariga ustama va qoʻshimcha toʻlovlar orqali ragʻbatlantirish “Oʻzavtotrans” agentligi boshligʻi tomonidan tasdiqlanadigan nizomlarga muvofiq amalga oshiriladi.

8-bob. “Oʻzavtotrans” agentligining Oʻzbekiston Respublikasi Vazirlar Mahkamasi oldidagi hisoboti

60. “Oʻzavtotrans” agentligi boshligʻi “Oʻzavtotrans” agentligi faoliyati toʻgʻrisida Oʻzbekiston Respublikasi Vazirlar Mahkamasi oldida muntazam ravishda hisobot beradi.

61. Oʻzbekiston Respublikasi Vazirlar Mahkamasining Hududlarni kompleks rivojlantirish va kommunal soha, ekologiya, atrof-muhitni muhofaza qilish, transport, kapital qurilish va qurilish industriyasi masalalari kompleksi rahbari “Oʻzavtotrans” agentligiga yuklangan vazifalarning samarali bajarilishi boʻyicha agentlik rahbarlarning faoliyatini doimiy monitoring qilib boradi, “Oʻzavtotrans” agentligi faoliyatining samaradorligiga obyektiv baho beradi.

62. Faoliyat monitoringi va baholash yakunlari boʻyicha alohida namuna koʻrsatgan “Oʻzavtotrans” agentligi rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklari uchun belgilangan tartibda, egallab turgan lavozimidan ozod etishgacha boʻlgan javobgarlikka tortiladi.

9-bob. Yakunlovchi qoida

63. “Oʻzavtotrans” agentligini qayta tashkil etish va tugatish qonun hujjatlarida belgilangan tartibda amalga oshiriladi.

Keyingi tahrirga qarang.

Vazirlar Mahkamasining 2018-yil 9-iyundagi 434-son qaroriga
4-ILOVA

Kemachilik registri boʻlimini Oʻzbekiston avtomobil transporti agentligidan Oʻzbekiston Respublikasi Favqulodda vaziyatlar vazirligiga topshirish-qabul qilish komissiyasi

TARKIBI

I. Mahkamov	—	Oʻzbekiston Respublikasi Vazirlar Mahkamasining Kommunal soha, ekologiya, atrof-muhitni muhofaza qilish, transport, kapital qurilish va qurilish industriyasi masalalari axborot-tahlil departamenti mudiri, komissiya raisi
D. Dexkanov	—	Oʻzbekiston avtomobil transporti agentligi boshligʻi, komissiya raisining oʻrinbosari
A. Moʻminov	—	Favqulodda vaziyatlar vazirining oʻrinbosari, komissiya raisining oʻrinbosari
D. Sattarov	—	Moliya vazirining oʻrinbosari
B. Niyozmatov	—	Iqtisodiyot vazirining oʻrinbosari
N. Sharipov	—	Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisining birinchi oʻrinbosari
A. Fayziboyev	—	Davlat soliq qoʻmitasi raisining oʻrinbosari
D. Usmonov	—	Favqulodda vaziyatlar vazirligining moliya-iqtisodiyot boshqarmasi boshligʻi
lavozimi boʻyicha	—	Favqulodda vaziyatlar vazirligining kichik kemalar boʻyicha inspeksiyasi boshligʻi
A. Axnazarov	—	Oʻzbekiston avtomobil transporti agentligining moliya va buxgalteriya hisobi boshqarmasi boshligʻining oʻrinbosari, komissiya kotibi

Izoh. Komissiya aʼzolari boshqa ishga oʻtgan taqdirda, uning tarkibiga ushbu lavozimga yangi tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi.

Vazirlar Mahkamasining 2018-yil 9-iyundagi 434-son qaroriga
5-ILOVA

Nukus avtomobil-yoʻl xoʻjaligi va xizmat sohalari kasb-hunar kolleji, Andijon transport va xizmat kasb-hunar kolleji, Samarqand avtomobil-yoʻl kasb-hunar kollejini Oʻzbekiston Respublikasi Oliy va oʻrta maxsus taʼlim vazirligidan “Oʻzavtotrans” agentligiga topshirish-qabul qilish komissiyasi

TARKIBI

Sh. Shavahobov	—	Oʻzbekiston avtomobil transporti agentligi boshligʻining oʻrinbosari, komissiya raisi
F. Rizayev	—	Oliy va oʻrta maxsus taʼlim vazirligining Kasb-hunar taʼlimi markazi direktorining birinchi oʻrinbosari, komissiya hamraisi
J. Mirqosimov	—	Oʻzbekiston avtomobil transporti agentligining ijro intizomini nazorat qilish, ish yuritish va jismoniy va yuridik shaxslar murojaatlari bilan ishlash boshqarmasi boshligʻi
A. Nazarov	—	Oʻzbekiston avtomobil transporti agentligining kadrlar boʻlimi boshligʻi
M. Baymanov	—	Kasb-hunar taʼlimi markazi bosh buxgalteri
A. Ergashev	—	Kasb-hunar taʼlimi markazining rekonstruksiya, kapital taʼmirlash va jihozlash boshqarmasi boshligʻi
P. Seidmuradov	—	Kasb-hunar taʼlimi markazining Qoraqalpogʻiston hududiy boshqarmasi boshligʻi
F. Buzrukov	—	Kasb-hunar taʼlimi markazining Andijon hududiy boshqarmasi boshligʻi
A. Nasimov	—	Kasb-hunar taʼlimi markazining Samarqand hududiy boshqarmasi boshligʻi
T. Doshchekenov	—	Nukus avtomobil-yoʻl xoʻjaligi kasb-hunar kolleji direktori
I. Dabulova	—	Nukus avtomobil-yoʻl xoʻjaligi kasb-hunar kolleji bosh buxgalteri
U. Rahmonov	—	Andijon transport va xizmat kasb-hunar kolleji direktori
D. Yuldasheva	—	Andijon transport va xizmat kasb-hunar kolleji bosh buxgalteri
F. Nazarov	—	Samarqand avtomobil-yoʻl kasb-hunar kolleji direktori
A. Nazarov	—	Samarqand avtomobil-yoʻl kasb-hunar kolleji bosh buxgalteri
A. Axnazarov	—	Oʻzbekiston avtomobil transporti agentligining moliya va buxgalterlik hisobi boshqarmasi boshligʻining oʻrinbosari, komissiya kotibi

Izoh. Komissiya aʼzolari boshqa ishga oʻtgan taqdirda, uning tarkibiga ushbu lavozimga yangi tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi.

Vazirlar Mahkamasining 2018-yil 9-iyundagi 434-son qaroriga
6-ILOVA

Oʻzbekiston Respublikasi Hukumatining ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining “Shahar yoʻlovchilar transportida ochiq tenderlar tashkil etish va ularni oʻtkazish masalalari toʻgʻrisida” 1998-yil 17-avgustdagi 350-son qarorida:

a) 2-ilovada:

4-bandda:

quyidagi mazmundagi toʻrtinchi xatboshi qoʻshilsin:

“Oʻzbekiston avtomobil transporti agentligining axborot-maʼlumotlar banki maʼlumotlariga koʻra bir yil davomida yoʻnalishga xizmat koʻrsatishda majburiyatlarni bajarish borasida 5 va undan ortiq bartaraf etilmagan huquqbuzarliklar sodir etgan talabgorning tender taklifini rad etish”;

toʻrtinchi — oltinchi xatboshilar tegishli ravishda beshinchi — yettinchi xatboshilar deb hisoblansin;

6-bandning ikkinchi xatboshi quyidagi tahrirda bayon etilsin:

“Oʻzbekiston avtomobil transporti agentligi boshligʻining oʻrinbosarlaridan biri Komissiya raisi hisoblanadi”;

7-bandning uchinchi xatboshidagi “Oʻzavtotrans” davlat korporatsiyasining avtomobil transporti viloyat birlashmalari (konsernlari)” soʻzlari “Oʻzbekiston avtomobil transporti agentligi” soʻzlari bilan almashtirilsin;

b) 4-ilovada:

14-banddagi “hokimligining” soʻzi “Oʻzbekiston avtomobil transporti agentligining” soʻzlari bilan almashtirilsin;

23-bandda:

quyidagi mazmundagi oltinchi — sakkizinchi xatboshilar qoʻshilsin:

“avtotransport vositalarining ishlash tartibi;

yoʻnalishlarda qatnovlar soni;

yoʻnalishlarda ishlaganda harakat xavfsizligini taʼminlash tadbirlari rejasi”;

oltinchi xatboshi toʻqqizinchi xatboshi deb hisoblansin;

25-band quyidagi tahrirda bayon etilsin:

“25. Tender takliflari quyidagi koʻrsatkichlar boʻyicha koʻrib chiqiladi va baholanadi:

tenderga qoʻyilgan yoʻnalishlarda ishtirokchi tomonidan taklif etilayotgan yoʻlkira uchun tariflar darajasi — besh balli tizim boʻyicha;

transport vositasining rusumi (klassi), ishlab chiqarilgan yili — 5a-ilovaga muvofiq tabaqalashtirilgan ballar boʻyicha. Bunda agar transport vositasi tender qatnashchisining mulki boʻlsa transport vositasi rusumi uchun olingan ballarga 1,15 miqdorda oshiruvchi koeffitsiyent qoʻllaniladi;

tashish uchun taklif etilayotgan avtotransport vositalarining umumiy sigʻimi — 5b-ilovaga muvofiq tabaqalashtirilgan ballar boʻyicha;

tigʻiz paytlar orasidagi vaqtda yoʻnalishdagi harakat oraligʻining taklif etilayotgan darajasi — besh balli tizim boʻyicha;

avtotransport vositalari ishlash tartibining taklif etilayotgan varianti — besh balli tizim boʻyicha;

yoʻnalishda taklif etilayotgan qatnovlar soni — besh balli tizim boʻyicha;

yoʻnalishlarda ishlayotgan vaqtda harakat xavfsizligini taʼminlash boʻyicha tadbirlar rejasi — besh balli tizim boʻyicha. Bunda tashuvchi transport vositalari kundalik qatnovoldi texnik nazoratidan va haydovchilar tibbiy koʻrikdan oʻtkazilganligi, haydovchilar Harakat xavfsizligi qoidalarining 30 soatlik dasturi boʻyicha oʻqitilganligi taʼminlanganda besh ball oladi.

Yoʻnalishda ishlash uchun talab etiladigan avtomobillar rusumi va ular boʻyicha tabaqalashtirilgan ballar Komissiya tomonidan mustaqil belgilanadi”;

27-bandning birinchi xatboshi chiqarib tashlansin;

32-bandning beshinchi xatboshi quyidagi tahrirda bayon etilsin:

“Tashuvchi tomonidan kontrakt boʻyicha barcha shartlarga rioya etilgan taqdirda, u tender oʻtkazilmagan holda yana bir yil muddatga uzaytirilishi mumkin. Kontraktni qayta uzaytirishga yoʻl qoʻyilmaydi”;

5v-ilova oʻz kuchini yoʻqotgan deb hisoblansin;

6-ilovada:

muqaddimadagi “199__” raqami “20__” raqami bilan almashtirilsin;

1-modda quyidagi tahrirda bayon etilsin:

“1-modda. Kontraktning mavzusi

1.1. Buyurtmachi Tashuvchiga ushbu kontraktda kelishib olingan shartlarda yoʻlovchilarni tashishni quyidagi _________________________-son yoʻnalish boʻyicha tashkil etish va amalga oshirish boʻyicha mutlaq huquqni beradi.

1.2. Tashuvchi yoʻnalishda yoʻlovchilarni tashish uchun chap tomondan boshqariladigan va yoʻlovchilarning qulay chiqishi va tushishini taʼminlaydigan, yoʻlovchilar eshigi oʻng tomonda joylashgan _____ ta avtobuslar/ mikroavtobuslardan foydalanadi:

T/r	Avtobus/ mikroavtobus rusumi	Davlat raqami	Oʻrindiqlar boʻyicha sigʻimi	Umumiy sigʻimi
1.
2.
3.
va h.k.
				;

2-moddaning 2.1-bandida:

oʻn oltinchi xatboshi quyidagi tahrirda bayon etilsin:

“- Oʻzbekiston Respublikasi Vazirlar Mahkamasining 2012-yil 4-iyuldagi 191-son qarori bilan tasdiqlangan Avtotransport vositalari konstruksiyasining foydalanish shartlari boʻyicha xavfsizligi toʻgʻrisida umumiy texnik reglamentning belgilangan talablariga, davlat standartlari, shuningdek, texnik tartibga solish sohasida avtomobilda tashishga taalluqli boshqa normativ hujjatlarga muvofiq yoʻlovchilarni tashish uchun vositalar, qurilmalar, sxemalar, jadvallar va yoʻnalishlar koʻrsatkichlari bilan jihozlangan harakatdagi tarkibdan foydalanishga”;

quyidagi mazmundagi xatboshilar qoʻshilsin:

“- “onlayn” (GPS) rejimida masofadan kuzatish tizimi yoki boshqa masofadan kuzatish innovatsion vositalarni tatbiq etish taʼminlansin;

zarur uskunalar bilan jihozlangan yoʻnalishlarda naqd pulsiz toʻlov shartlariga amal qilinsin;

kontraktning toʻliq amal qilish davri mobaynida baholanishi lozim boʻlgan barcha mezonlar boʻyicha tender talablariga mos keladigan avtotransport vositalaridan foydalanish taʼminlansin: a) avtotransport vositasining rusumi (klassi), ishlab chiqarilgan yili boʻyicha; b) yoʻlovchilarning umumiy sigʻimi boʻyicha; v) avtotransport vositalarining ishlash tartibi boʻyicha (soat); g) yoʻnalishda harakatlanish oraligʻidagi daraja boʻyicha (daqiqa); d) yoʻnalishdagi qatnovlar soni boʻyicha Tender kontraktida nazarda tutilgan avtotransport vositalari faqat ushbu darajadagi yoki bundan yuqori darajadagi avtotransport vositalariga almashtirilishi mumkin;

haydovchi bilan tuzilgan mehnat shartnomalarida haydovchiga nisbatan tender kontraktining shartlarini bajarmaslik yoki lozim darajada bajarmaslikning har bir muayyan holati uchun haydovchilarni egallab turgan lavozimidan ozod etishgacha boʻlgan taʼsir choralari qoʻllanilishi nazarda tutilishi lozim”;

3-moddaning 3.1-bandiga quyidagi mazmundagi xatboshi qoʻshilsin:

“- Buyurtmachi bilan kelishgan holda avtotransport vositasini tender taklifida eʼlon qilingan avtotransport vositasiga teng yoki tegishli litsenziyali kartochka bilan taʼminlangan undan yaxshiroq variantga almashtirish”;

5-moddaning 5.2-bandiga quyidagi mazmundagi jumla qoʻshilsin:

“Kontraktni takroran uzaytirishga yoʻl qoʻyilmaydi”.

Keyingi tahrirga qarang.

2. Vazirlar Mahkamasining “Shahar atrofi, shaharlararo va xalqaro yoʻlovchilar tashish avtomobil transportida ochiq tenderlar tashkil etish va oʻtkazish masalalari toʻgʻrisida” 1999-yil 29-iyuldagi 368-son qarorida (Oʻzbekiston Respublikasi QT, 1999-y., 7-son, 44-modda):

a) qarorning 1, 4, 5, 6-bandlari birinchi xatboshidagi “va daryo” soʻzlari chiqarib tashlansin;

b) 2-bandning ikkinchi xatboshi quyidagi tahrirda bayon etilsin:

“shahar atrofi va shaharlararo-viloyatlar ichidagi yoʻnalishlarda va Qoraqalpogʻiston Respublikasi doirasidagi yoʻnalishlarda — Oʻzbekiston avtomobil transporti agentligi boshligʻining oʻrinbosarlaridan biri rahbarlik qiladigan shahar atrofi va shaharlararo-viloyatlar ichidagi yoʻnalishlarda yoʻlovchi tashishni tashkil etish boʻyicha hududiy komissiyalar”;

v) 2-ilovada:

3-bandning ikkinchi xatboshi quyidagi tahrirda bayon etilsin:

10-bandda “viloyat hokimligining (Oʻzbekiston avtomobil va daryo transporti agentligining)” soʻzlari “Oʻzbekiston avtomobil transporti agentligining” soʻzlari bilan almashtirilsin;

16-banddagi “va daryo” soʻzlari chiqarib tashlansin;

19-bandning ikkinchi xatboshi quyidagi tahrirda bayon etilsin:

“Tender gʻolibiga tender boʻyicha yutib olingan ushbu yoʻnalishda (yoʻnalishlar paketida, yoʻnalishning alohida jadvalida) ishlash huquqini tasdiqlaydigan guvohnoma beriladi. Guvohnoma Komissiya raisi tomonidan imzolanadi va Oʻzbekiston avtomobil transporti agentligining (uning hududiy boshqarmasining) muhri bilan tasdiqlanadi”;

20-bandning uchinchi xatboshi quyidagi tahrirda bayon etilsin:

“Oʻzbekiston avtomobil transporti agentligi tender gʻolibi bilan yoʻnalishlarda yoʻlovchi tashish transporti bilan xizmatlar koʻrsatish boʻyicha 1 yildan kam boʻlmagan muddatga kontrakt tuzadi”;

g) 3-ilovada:

4-band quyidagi tahrirda bayon etilsin:

“4. Komissiya Oʻzbekiston avtomobil transporti agentligi, Oʻzbekiston Respublikasi Ichki ishlar vazirligi, Davlat soliq qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi va boshqa manfaatdor organlar vakillaridan iborat tarkibda tuziladi.

Oʻzbekiston avtomobil transporti agentligi boshligʻining oʻrinbosarlaridan biri Komissiya raisi hisoblanadi”;

5-bandga quyidagi mazmundagi uchinchi xatboshi qoʻshilsin;

uchinchi — beshinchi xatboshilar tegishli ravishda toʻrtinchi — oltinchi xatboshilar deb hisoblansin;

beshinchi xatboshidagi “va daryo” soʻzlari chiqarib tashlansin;

8-banddagi “Qoraqalpogʻiston Respublikasi Vazirlar Kengashi va viloyatlar hokimliklari tomonidan” soʻzlari “Oʻzbekiston avtomobil transporti agentligi tomonidan” soʻzlari bilan almashtirilsin;

d) 5-ilovada:

4 va 8-bandlardagi “va daryo” soʻzlari chiqarib tashlansin;

5-bandda:

quyidagi mazmundagi uchinchi xatboshi qoʻshilsin:

uchinchi-toʻrtinchi xatboshilar tegishli ravishda toʻrtinchi-beshinchi xatboshilar deb hisoblansin.

Keyingi tahrirga qarang.

3. Vazirlar Mahkamasining “Oʻzbekiston Respublikasi orqali oʻtadigan maxsus yuklar va harbiy tarkiblarning tranzitini davlat tomonidan tartibga solish va nazorat qilish toʻgʻrisida” 2002-yil 21-fevraldagi 62-son qarorida (Oʻzbekiston Respublikasi QHT, 2002-y., 3-4-son, 34-modda):

a) 4 va 5-bandlarning ikkinchi xatboshidagi “va daryo” soʻzlari chiqarib tashlansin;

b) 3-ilovada:

5-bandda:

beshinchi xatboshi quyidagi mazmunda bayon etilsin:

“Oʻzbekiston avtomobil transporti agentligi — avtomobil transportida tranzitni amalga oshirishda”;

quyidagi mazmundagi yettinchi xatboshi qoʻshilsin:

“Favqulodda vaziyatlar vazirligi — daryo transportida tranzit amalga oshirilganda”;

yettinchi xatboshi sakkizinchi xatboshi deb hisoblansin;

31-banddagi “va daryo” soʻzlari chiqarib tashlansin.

4. Vazirlar Mahkamasining 2002-yil 28-iyundagi 236-son qarori (Oʻzbekiston Respublikasi QT, 2002-y., 6-son, 36-modda) bilan tasdiqlangan Faoliyatning ayrim turlarini litsenziyalovchi organlar roʻyxatida:

a) “Oʻzbekiston avtomobil va daryo transporti agentligi” boʻlimidagi “va daryo” soʻzlari chiqarib tashlansin;

b) “Toshkent shahar hokimligining Yoʻlovchilar tashish transportining barcha turlari harakatini litsenziyalash va muvofiqlashtirish departamenti” va “Toshkent viloyati hokimligining Yoʻlovchilar tashish transportining barcha turlari harakatini litsenziyalash va muvofiqlashtirish departamenti” boʻlimlari chiqarib tashlansin.

Keyingi tahrirga qarang.

5. Vazirlar Mahkamasining “Transport sohasidagi faoliyatning ayrim turlarini litsenziyalash toʻgʻrisidagi nizomlarni tasdiqlash haqida” 2003-yil 21-avgustdagi 360-son qarorida (Oʻzbekiston Respublikasi QHT, 2003-y., 15-16-son, 131-modda):

3-bandda:

toʻrtinchi xatboshidagi “va daryo” soʻzlari chiqarib tashlansin;

beshinchi xatboshidagi:

“va daryo” soʻzlari chiqarib tashlansin;

“boʻlinmalari tomonidan” soʻzlari “boshqarmalari tomonidan” soʻzlari bilan almashtirilsin;

oltinchi xatboshisi chiqarib tashlansin.

6. Vazirlar Mahkamasining “Oʻzbekiston Respublikasida avtomobil transportida yoʻlovchilar va bagaj tashish qoidalarini hamda Avtobuslarda yoʻlovchilar tashish xavfsizligini taʼminlashga doir talablarni tasdiqlash haqida” 2003-yil 4-noyabrdagi 482-son qarorida (Oʻzbekiston Respublikasi QHT, 2003-y., 21-son, 204-modda):

a) 1-ilovada:

5, 87, 88-bandlardagi “va daryo” soʻzlari chiqarib tashlansin;

8-9-bandlar quyidagi tahrirda bayon etilsin:

“8. Yoʻnalishli avtobuslar va yoʻnalish taksilari harakati:

a) shahar yoʻnalishlarida — shaharlar hokimliklari yoki Oʻzbekiston avtomobil transporti agentligining hududiy boshqarmalari tomonidan;

b) shahar atrofi va shaharlararo-viloyatlar ichidagi yoʻnalishlarda — viloyatlar hokimliklari yoki Oʻzbekiston avtomobil transporti agentligining hududiy boshqarmalari tomonidan;

v) viloyatlararo-shaharlararo va xalqaro yoʻnalishlarda — Oʻzbekiston avtomobil transporti agentligi tomonidan tuziladigan jadvallar boʻyicha tashkil etiladi.

9. Yangi yoʻnalishlarni tashkil etish (ochish) qonun hujjatlarida belgilangan tartibda:

a) shaharlarda — shaharlar hokimliklari yoki Oʻzbekiston avtomobil transporti agentligining hududiy boshqarmalari tomonidan yoʻnalish sxemalarini Toshkent shahar IIBB, Qoraqalpogʻiston Respublikasi IIV va viloyatlar IIB yoʻl harakati xavfsizligi hududiy boshqarmalari bilan kelishgan holda;

b) shahar atrofi va viloyatlar ichidagi yoʻnalishlarda — Qoraqalpogʻiston Respublikasi Vazirlar Kengashi va viloyatlar hokimliklari, Toshkent shahri yoki Oʻzbekiston avtomobil transporti agentligining hududiy boshqarmalari Toshkent shahri IIBB, Qoraqalpogʻiston Respublikasi IIV va viloyatlar IIB yoʻl harakati xavfsizligi hududiy boshqarmalari bilan birgalikda;

v) viloyatlararo, shaharlararo va xalqaro yoʻnalishlarda — Oʻzbekiston Respublikasi Ichki ishlar vazirligi Yoʻl harakati xavfsizligi bosh boshqarmasi bilan yoʻnalishlar sxemalarini kelishgan holda Oʻzbekiston avtomobil transporti agentligi tomonidan amalga oshiriladi”;

100-bandning birinchi xatboshiga “yoxud internet orqali elektron toʻlov vositasi yordamida” soʻzlari qoʻshilsin:

b) 2-ilovada:

2-bandning oʻninchi xatboshi, 5-bandining birinchi xatboshi, 19-band, 27-bandning toʻrtinchi xatboshi, 61, 65-bandlar, 75-bandning birinchi va ikkinchi xatboshilaridagi “va daryo” soʻzlari chiqarib tashlansin;

2-bandning oʻninchi xatboshi, 5-bandning birinchi xatboshi, 27-bandning toʻrtinchi xatboshi va 65, 75-bandlardagi “boʻlinmalari” soʻzlari tegishli kelishikda “boshqarmalari” soʻzlari bilan almashtirilsin;

5-bandda:

quyidagi mazmundagi beshinchi xatboshi qoʻshilsin:

“haydovchilarning mehnat va dam olish tartibiga, avtomobil transportida yoʻlovchilar va yuklarni tashish qoidalariga, ogʻir va hajmi katta oʻlchamdagi avtomobil tashuvlari xavfsizligini taʼminlash boʻyicha talablarga rioya etishlari ustidan nazorat”;

beshinchi xatboshi oltinchi xatboshi deb hisoblansin;

19-banddagi “, yakka tartibdagi tadbirkorlar” soʻzlari chiqarib tashlansin;

72-banddagi “yoʻlovchi transportini boshqarish boʻyicha ular tomonidan maxsus vakolatli organlar” soʻzlari “Oʻzbekiston avtomobil transporti agentligining hududiy boshqarmalari” soʻzlari bilan almashtirilsin.

7. Vazirlar Mahkamasining 2006-yil 14-iyul 138-son qarori (Oʻzbekiston Respublikasi QT, 2006-y., 7-son, 51-modda) bilan tasdiqlangan Avtomobil transportida yoʻlovchilarni va yuklarni shaharda, shahar atrofida, shaharlararo va xalqaro yoʻnalishlar boʻyicha tashish faoliyatini litsenziyalash toʻgʻrisidagi nizomda:

a) 3-band quyidagi tahrirda bayon etilsin:

“3. Litsenziya berish, shuningdek, qonun hujjatlarida belgilangan hollarda litsenziyaning amal qilishini toʻxtatib turish yoki toʻxtatish, shuningdek, uni bekor qilish va qayta rasmiylashtirish toʻgʻrisidagi qarorlar litsenziyalovchi organlar tomonidan:

Oʻzbekiston avtomobil transporti agentligi tomonidan (keyingi oʻrinlarda Agentlik deb ataladi) — Oʻzbekiston Respublikasida yoʻlovchi va yuklarni xalqaro tashish boʻyicha;

Agentlikning hududiy boshqarmalari tomonidan — shahar, shahar atrofi, shaharlararo yoʻlovchi va yuklarni tashish boʻyicha”;

b) 5-bandga quyidagi mazmundagi oʻn toʻqqizinchi xatboshi qoʻshilsin:

“Xalqaro yoʻnalishlarda yuklarni tashishni amalga oshirish huquqiga litsenziyaga ega boʻlgan avtomobilda milliy yuk tashuvchilar unga muvofiq shaharlararo yoʻnalishlarda yuk tashishni amalga oshirish huquqiga ham egadirlar”;

v) 6-band quyidagi tahrirda bayon qilinsin:

“6. Litsenziya amal qilish muddati cheklanmasdan beriladi”;

g) 9-bandning “j” kichik bandidagi “shu jumladan Toshkent shahri boʻyicha va Toshkent viloyati chegarasi doirasida — tegishli Departament tomonidan” soʻzlari chiqarib tashlansin;

d) 13-banddagi “tegishli ravishda” va “yoki Departamentning” soʻzlari chiqarib tashlansin;

e) 15-banddagi “tegishli ravishda” va “va Departament tomonidan” soʻzlari chiqarib tashlansin;

j) 16-banddagi “oʻn besh” soʻzi “oʻn ish kuni” soʻzlari bilan almashtirilsin;

z) quyidagi mazmundagi 16¹-band qoʻshilsin:

“16¹. Agar Agentlik litsenziya berish toʻgʻrisidagi arizani koʻrib chiqish muddati mobaynida litsenziya berish yoki uni berishni rad etish toʻgʻrisida qaror qilmasa, u holda koʻrsatib oʻtilgan muddat tamom boʻlgandan keyin litsenziya talabgori oʻzi ariza bergan faoliyatni, bu haqda Agentlikni yozma ravishda xabardor qilib, amalga oshirish huquqiga ega.

Ushbu bandning birinchi xatboshida nazarda tutilgan holatda Agentlik litsenziya talabgorining yozma bildirishnomasi olingandan keyin besh ish kuni mobaynida unga litsenziyani berishga majbur”;

i) 33-bandning uchinchi xatboshi quyidagi tahrirda bayon etilsin:

“Litsenziyalar berilganligi uchun undiriladigan davlat boji mablagʻlari Oʻzbekiston avtomobil transporti agentligining Avtomobil transportini rivojlantirish jamgʻarmasining maxsus gʻaznachilik hisobvaragʻiga oʻtkaziladi va ilmiy-tadqiqot ishlari, yoʻlovchilar avtovokzallari va avtostansiyalari, shuningdek, mahalliy ijro etuvchi hokimiyat organlariga qarashli boʻlgan umumiy foydalanishdagi yoʻlovchi yoʻnalishlari toʻxtash punktlarini qurish, rekonstruksiya qilish va taʼmirlash boʻyicha ilmiy-tadqiqot ishlarini, dasturlarni moliyalashtirishda, shuningdek, avtotransport vositalarini xarid qilish va avtomobil transportini boshqarish tizimiga axborot-kommunikatsiya texnologiyalarini joriy etish, “Oʻzavtotrans” agentligini saqlash uchun foydalaniladi”.

8. Vazirlar Mahkamasining 2010-yil 2-apreldagi 62-son qaroriga (Oʻzbekiston Respublikasi QHT, 2010-y., 14-15-son, 106-modda) 1-ilovaning 23-pozitsiyasi quyidagi tahrirda bayon etilsin:

“	23.	Oʻzbekiston avtomobil transporti agentligining Avtomobil transportini rivojlantirish jamgʻarmasi	Avtomobilʼ transportida shaharda, shahar atrofida, shaharlararo va xalqaro yoʻlovchilar va amal qilish muddati uzaytirilganligi uchun davlat boji	100
	23.		Avtomobillarda tashuvlar sohasida maʼmuriy huquqbuzarliklar uchun jarimalar summasi	84	”.

Keyingi tahrirga qarang.

9. Vazirlar Mahkamasining 2011-yil 16-fevraldagi 35-son qarori (Oʻzbekiston Respublikasi QHT, 2003-y., 21-son, 204-modda) bilan tasdiqlangan Oʻzbekiston Respublikasida xavfli yuklarni avtomobil transportida tashish qoidalari 2-bandining oʻn uchinchi xatboshidagi va 54-bandining “g” kichik bandidagi “va daryo” soʻzlari chiqarib tashlansin.

10. Vazirlar Mahkamasining 2011-yil 18-maydagi 139-son qaroriga (Oʻzbekiston Respublikasi QT, 2011-y., 5-son, 36-modda) 1-ilovada:

a) 12-band quyidagi tahrirda bayon etilsin:

“12. Oʻzbekiston avtomobil transporti agentligi ushbu Nizomning quyidagi qismi talablariga rioya etilishi ustidan nazoratni amalga oshiradi”;

b) 15-banddagi “va daryo” soʻzi chiqarib tashlansin.

11. Vazirlar Mahkamasining 2011-yil 26-maydagi 153-son qaroriga 2-ilovaning 18-pozitsiyasi quyidagi tahrirda bayon etilsin:

“	18.	Oʻzbekiston avtomobil transporti agentligi	38	84	22	5	57
		Markaziy apparat	4	7	4	1	2
		Viloyat boʻgʻinlari	14	62	16		44
		Idoraviy mansub tashkilotlar	20	15	2	2	11	”.

Keyingi tahrirga qarang.

12. Vazirlar Mahkamasining “Avtomobilda xalqaro yuk tashiydigan avtotransport vositalariga raqamli nazorat qurilmalarini joriy etish toʻgʻrisida” 2011-yil 22-dekabrdagi 340-son qarorining (Oʻzbekiston Respublikasi QT, 2011-y., 51-son, 546-modda) 2-bandidagi va 3-bandining birinchi xatboshidagi “va daryo” soʻzlari chiqarib tashlansin.

13. Vazirlar Mahkamasining 2012-yil 18-oktabrdagi 297-son qarori bilan tasdiqlangan Oʻrindoshlik asosida hamda bir necha kasbda va lavozimda ishlash tartibi toʻgʻrisidagi Nizomning 4-bandiga quyidagi mazmundagi toʻrtinchi xatboshi qoʻshilsin:

“avtomobil tashuvlari xavfsizligini taʼminlash xizmatining ishchisi (mutaxassisi) sifatida”;

toʻrtinchi — yettinchi xatboshilar tegishli ravishda beshinchi — sakkizinchi xatboshilar deb hisoblansin.

14. Vazirlar Mahkamasining 2013-yil 15-avgustdagi 225-son qarori (Oʻzbekiston Respublikasi QHT, 2013-y., 33-son, 442-modda) bilan tasdiqlangan Tadbirkorlik faoliyati sohasidagi ruxsat etish xususiyatiga ega hujjatlar roʻyxatida:

a) 6 va 69-bandlardagi “va daryo” soʻzlari chiqarib tashlansin;

b) 44-banddagi “va daryo” soʻzlari chiqarib tashlansin.

Keyingi tahrirga qarang.

15. Vazirlar Mahkamasining “Avtovokzal (avtostansiya) pasportini berish tartibi toʻgʻrisidagi nizomni tasdiqlash haqida” 2013-yil 5-dekabrdagi 320-son qarorida (Oʻzbekiston Respublikasi QHT, 2013-y., 50-son, 648-modda):

a) 2-banddagi “va daryo” soʻzlari chiqarib tashlansin;

b) ilovada:

3-band quyidagi tahrirda bayon etilsin:

“3. Pasport tadbirkorlik subyektiga Oʻzbekiston avtomobil transporti agentligining hududiy boshqarmalari tomonidan (keyingi oʻrinlarda “Agentlik” deb ataladi) ushbu Nizomga 1-ilovaga muvofiq shakl boʻyicha beriladi”;

8-bandda:

birinchi xatboshidagi “Agentlik” soʻzi “Agentlikning hududiy boshqarmasi” soʻzlari bilan almashtirilsin;

uchinchi xatboshi chiqarib tashlansin;

10-banddagi “Agentlik” soʻzi “Agentlikning hududiy boshqarmasi” soʻzlari bilan almashtirilsin;

11-banddagi “Agentlik” va “Agentlik tomonidan” soʻzlari tegishli ravishda “Agentlikning hududiy boshqarmasi” va “Agentlikning hududiy boshqarmasi tomonidan” soʻzlari bilan almashtirilsin;

12-band quyidagi tahrirda bayon etilsin:

“12. Agentlikning hududiy boshqarmasi tadbirkorlik subyektining arizasini koʻrib chiqadi, ushbu Nizomning 8-bandida nazarda tutilgan hujjatlar qabul qilib olingan sanadan boshlab oʻn ish kunidan oshmaydigan muddatda pasportni beradi yoki uni berishni rad etadi.

Tadbirkorlik subyektining pasport berish toʻgʻrisidagi arizasi Agentlikning hududiy boshqarmalari tomonidan koʻrib chiqilganligi uchun qonun hujjatlarida belgilangan eng kam oylik ish haqining yarmi miqdorida yigʻim undiriladi. Yigʻim summasi Agentlikning hisobvaragʻiga oʻtkaziladi. Tadbirkorlik subyekti pasport berish toʻgʻrisida taqdim etilgan arizani rad etgan taqdirda yigʻim qaytarib berilmaydi.

Agar Agentlikning hududiy boshqarmasi tadbirkorlik subyektining pasport berish toʻgʻrisidagi arizasi koʻrib chiqilishi muddati mobaynida pasportni bermasa yoki pasport berishni rad etmasa, u holda hujjatlar qabul qilingan sanadan boshlab oʻn ish kuni oʻtgach, tadbirkorlik subyekti amalga oshirish uchun pasport olishni moʻljallagan avtovokzal (avtostansiya) faoliyatini boshlash huquqiga ega boʻladi va bu haqda Agentlik hududiy boshqarmasiga yozma ravishda xabar beradi.

Ushbu bandning uchinchi xatboshida nazarda tutilgan holatda Agentlikning hududiy boshqarmasi tadbirkorlik subyektining yozma bildirishnomasi olingan kundan boshlab besh ish kuni mobaynida unga pasport beradi. Pasport olingungacha qabul qilib olingan sana toʻgʻrisida belgi qoʻyilgan taqdim etilgan hujjatlar roʻyxati hamda tadbirkorlik subyekti tomonidan Agentlik hududiy boshqarmasiga yuborilgan yozma bildirishnoma pasportga tenglashtiriladi va avtovokzal (avtostansiya)ning faoliyatini amalga oshirish uchun asos hisoblanadi”;

13-banddagi “Agentlik” va “Agentlikning” soʻzlari tegishli ravishda “Agentlikning hududiy boshqarmasi” va “Agentlik hududiy boshqarmasining” soʻzlari bilan almashtirilsin;

14-bandning birinchi xatboshidagi “Agentlik” soʻzi “Agentlikning hududiy boshqarmasi” soʻzlari bilan almashtirilsin;

15-bandga “Agentlik rahbari” soʻzlaridan keyin “Agentlikning hududiy boshqarmalari boshliqlari” soʻzlari qoʻshilsin;

18 — 24 bandlardagi, 28-bandning ikkinchi xatboshidagi “Agentlik” soʻzi tegishli kelishikda “Agentlikning hududiy boshqarmasi” soʻzlari bilan almashtirilsin;

25-band quyidagi tahrirda bayon etilsin:

“25. Pasportni qayta rasmiylashtirganlik uchun yigʻim tadbirkorlik subyektining pasport berish toʻgʻrisidagi arizasi Agentlikning hududiy boshqarmasi tomonidan koʻrib chiqilganligi uchun toʻlanadigan yigʻim summasining yarmi miqdorida undiriladi. Yigʻim summasi Agentlik hisobvaragʻiga oʻtkaziladi”;

26-band quyidagi tahrirda bayon etilsin:

“26. Pasport yoʻqolganda yoki yaroqsiz holga kelganda tadbirkorlik subyektining arizasiga koʻra uning dublikati beriladi.

Agentlikning hududiy boshqarmasi pasport dublikatini tadbirkorlik subyektining arizasi, shuningdek, pasport yaroqsiz holga kelganda — pasportning asl nusxasi hamda pasportning dublikatini berish uchun yigʻimning tadbirkorlik subyekti tomonidan toʻlanganini tasdiqlovchi hujjat olingan kundan boshlab besh ish kunidan koʻp boʻlmagan muddatda berishi (yuborishi) shart.

Pasport dublikati berilganligi uchun yigʻim tadbirkorlik subyektining pasport berish toʻgʻrisidagi arizasi Agentlikning hududiy boshqarmasi tomonidan koʻrib chiqilganligi uchun toʻlanadigan yigʻimning yarmi miqdorida undiriladi”;

28-bandning ikkinchi xatboshidagi “Agentlik tomonidan” soʻzlari “Agentlikning hududiy boshqarmasi tomonidan” soʻzlari bilan almashtirilsin;

Avtovokzal (avtostansiya) pasportini berish tartibi toʻgʻrisidagi nizomga 1-ilovadagi “O`zbekiston avtomobil va daryo transporti agentligi boshlig`i o`rinbosari” soʻzlari “O`zbekiston avtomobil transporti agentligining __________ hududiy boshqarmasi boshligʼi” soʻzlari bilan almashtirilsin”;

2-ilovaning barcha matnlari boʻyicha “Agentlik”, “Agentlikning” va “Agentlik tomonidan” soʻzlari tegishli ravishda “Agentlikning hududiy boshqarmasi”, “Agentlik hududiy boshqarmasining” va “Agentlik hududiy boshqarmasi tomonidan” soʻzlari bilan almashtirilsin;

Avtovokzal (avtostansiya) pasportini berish toʻgʻrisidagi nizomga 3-ilova quyidagi tahrirda bayon etilsin:

“Nizomga
3-ILOVA

	Oʻzbekiston avtomobil transporti agentligining hududiy boshqarmasi boshligʻi _______________________________ga

	Avtovokzal (avtostansiya) pasportini berish toʻgʻrisida ARIZA
Sizdan___________________________________________________________________________________________
(joylashgan joyi, shuningdek, talabgorning pochta manzili, agar farqi boʻlsa)
___________________________________________________________________________manzili boʻyicha joylashgan
________________________________________________________________________________________________
(toifasi, darajasi) (pasport talabgorining nomi va tashkiliy-huquqiy shakli)
________________________________________________________________________________________________

_______________________________________________________________________________toifa (darajasi)dagi
avtovokzal (avtostansiya) pasportini berishingizni soʻraymiz.
Arizaga maʼmuriy bino, xizmat va ishlab chiqarish xonalari, inshootlar va yer uchastkalari joylashishi sxemasi bilan birgalikda avtovokzal (avtostansiya)ning kadastr plani nusxasi ilova qilinadi.

	Rahbar:________________________________________
	(F.I.O.)
	____________________________
	(imzo)

	M.Oʻ.
Sana: 20___ y. “____” _________________”.

Keyingi tahrirga qarang.

16. Vazirlar Mahkamasining “Shahar yoʻlovchi tashish transporti tizimini yanada takomillashtirishga doir tashkiliy chora-tadbirlar toʻgʻrisida” 2013-yil 13-noyabrdagi 308-son qarorida (Oʻzbekiston Respublikasi QT, 2013-y., 11-son, 82-modda):

2-bandning ikkinchi xatboshidagi “Toshkent shahar hokimligining Barcha turdagi yoʻlovchi tashish transporti harakatini litsenziyalash va muvofiqlashtirish departamentiga” soʻzlari “Oʻzbekiston avtomobil transporti agentligining Toshkent shahar boshqarmasiga” soʻzlari bilan almashtirilsin;

11-bandga quyidagi mazmundagi toʻrtinchi xatboshi qoʻshilsin:

“Toshshahartransxizmat” AJ boshqaruvi raisi maqomi boʻyicha Toshkent shahar hokimining oʻrinbosariga tenglashtiriladi”;

5-ilovada:

2-bandning uchinchi xatboshidagi “Toshkent shahar hokimligining barcha turdagi yoʻlovchi transporti harakatini litsenziyalash va muvofiqlashtirish Departamenti (keyingi oʻrinlarda Departament deb ataladi) soʻzlari “Oʻzbekiston avtomobil transporti agentligining Toshkent shahar boshqarmasi” soʻzlari bilan almashtirilsin;

3-bandda:

birinchi xatboshidagi “Departament tomonidan” soʻzlari “Toshkent shahar hokimligi yoki Oʻzbekiston avtomobil transporti agentligining Toshkent shahar boshqarmasi tomonidan” soʻzlari bilan almashtirilsin;

ikkinchi-uchinchi xatboshilaridagi “Departament tomonidan” soʻzlari “Oʻzbekiston avtomobil transporti agentligining Toshkent shahar boshqarmasi” soʻzlari bilan almashtirilsin.

17. Vazirlar Mahkamasining 2015-yil 15-sentabrdagi 266-son qarori (Oʻzbekiston Respublikasi QHT, 2015-y., 37-son, 487-modda) bilan tasdiqlangan Tashuvchining fuqarolik javobgarligini majburiy sugʻurta qilish qoidalarida:

66-bandning toʻrtinchi xatboshi quyidagi tahrirda bayon etilsin:

“shahar yoʻlovchilar, avtomobil transporti sohasida — tashuvchilar tomonidan litsenziya talablari va shartlariga rioya etilishini qonun hujjatlarida belgilangan tartibda tekshirishda, avtomobil va daryo transporti sohasidagi axborotni tashuvchilardan soʻrashda va olishda hamda jamoat avtomobil va daryo transporti faoliyatini muvofiqlashtirishga doir boshqa vakolatlarni amalga oshirishda Oʻzbekiston avtomobil transporti agentligi tomonidan”;

beshinchi va oltinchi xatboshilar chiqarib tashlansin.

18. Vazirlar Mahkamasining 2017-yil 25-apreldagi 237-son qarori (Oʻzbekiston Respublikasi QHT, 2017-y., 17-son, 299-modda) bilan tasdiqlangan Muomalaga chiqarilayotgan gʻildirakli transport vositalarining xavfsizligi toʻgʻrisidagi umumiy texnik reglamentning 22-bandi quyidagi tahrirda bayon etilsin:

“22. Oʻzbekiston Respublikasiga olib kirilayotgan transport vositasi (shassi)ning turini tasdiqlash yoki sertifikatlashda faqat Oʻzbekiston Respublikasi rezidenti — ishlab chiqaruvchi yoki tashuvchining vakili ariza beruvchi boʻlishi mumkin.

Ishlab chiqaruvchining vakili transport vositasi (shassi)ning Texnik reglament talablariga muvofiq xavfsizligini taʼminlashda ishlab chiqaruvchi bilan solidar (birgalikda) javobgardir”.

19. Vazirlar Mahkamasining “Aholiga transport xizmati koʻrsatish hamda shaharlar va qishloqlarda avtobuslarda yoʻlovchilar tashish tizimini yanada takomillashtirish chora-tadbirlarini amalga oshirish toʻgʻrisida” 2017-yil 25-apreldagi 238-son qarorida (Oʻzbekiston Respublikasi QHT, 2017-y., 17-son, 300-modda):

a) 3-bandning ikkinchi, toʻrtinchi va oltinchi xatboshilaridagi, 4-5 bandlardagi “va daryo” soʻzlari chiqarib tashlansin;

b) 1 va 2-bandlar, 1 — 3-ilovalar oʻz kuchini yoʻqotgan deb hisoblansin;

v) 6-bandda:

ikkinchi xatboshidagi “toʻgʻrisidagi kodeksining” soʻzlaridan keyin “144-moddaning toʻrtinchi va beshinchi qismlari (transportda chiptasiz yurish), 145-moddaning ikkinchi qismi bilan (yoʻlovchilarni chiptasiz tashish),” soʻzlari qoʻshilsin;

uchinchi xatboshi quyidagi tahrirda bayon qilinsin:

“undiriladigan jarimalar summasining 84 foizi Oʻzbekiston avtomobil transporti agentligining Avtomobil transportini rivojlantirish jamgʻarmasining maxsus gʻaznachilik hisobvaragʻiga oʻtkaziladi”.

Vazirlar Mahkamasining 2018-yil 9-iyundagi 434-son qaroriga
7-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

ROʻYXATI

1. Vazirlar Mahkamasining “Oʻzbekiston avtomobil va daryo transporti agentligi faoliyatini yanada takomillashtirish chora-tadbirlari toʻgʻrisida” 2004-yil 10-martdagi 118-son qarori (Oʻzbekiston Respublikasi QT, 2004-y., 3-son, 27-modda).

2. Vazirlar Mahkamasining “Toshkent shahrida yoʻlovchi transporti tizimini yanada takomillashtirish chora-tadbirlari toʻgʻrisida” 2006-yil 31-yanvardagi 11-son qarorining 1 va 2-bandlari (Oʻzbekiston Respublikasi QT, 2006-y., 1-son, 6-modda) va qarorga 1 va 3-ilovalar.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” (Oʻzbekiston Respublikasi Prezidentining “Tadbirkorlik faoliyati yuritish uchun ruxsatnoma turlarini qisqartirish va ularni berish tartib-qoidalarini soddalashtirish toʻgʻrisida” 2005-yil 21-sentabrdagi PQ-186-son qarori) 2006-yil 22-maydagi 92-son qaroriga ilovaning 46-bandi (Oʻzbekiston Respublikasi QT, 2006-y., 5-son, 33-modda).

4. Vazirlar Mahkamasining “Toshkent viloyati hokimligining yoʻlovchi transportining barcha turlari harakatini litsenziyalash va muvofiqlashtirish departamentini tashkil etish toʻgʻrisida” 2007-yil 1-noyabrdagi 229-son qarori (Oʻzbekiston Respublikasi QT, 2007-y., 11-son, 62-modda).

5. Vazirlar Mahkamasining “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida” 2010-yil 5-iyundagi 108-son qaroriga ilovaning 35-bandi (Oʻzbekiston Respublikasi QT, 2010-y., 6-son, 28-modda).

6. Vazirlar Mahkamasining “Oʻzbekiston Respublikasi Vazirlar Mahkamasining “Oʻzbekiston avtomobil va daryo transporti agentligi faoliyatini yanada takomillashtirish chora-tadbirlari toʻgʻrisida” 2004-yil 10-martdagi 118-son qaroriga oʻzgartirish va qoʻshimchalar kiritish haqida (Oʻzbekiston Respublikasi Prezidentining 2011-yil 8-sentabrdagi PQ-1615-son qarori)” 2011-yil 6-dekabrdagi 318-son qarori (Oʻzbekiston Respublikasi QT, 2011-y., 49-son, 93-modda).

7. Vazirlar Mahkamasining “Umumiy foydalaniladigan transportda yoʻlovchi tashuvchilar faoliyatini hamda ularni moliyalashtirish tartibini takomillashtirish toʻgʻrisida” 2012-yil 17-sentabrdagi 273-son qarorining 2-bandi (Oʻzbekiston Respublikasi QT, 2012-y., 9-son, 68-modda).

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2013-yil 9-sentabrdagi 244-son qaroriga 1-ilovaning 51 va 57-bandlari (Oʻzbekiston Respublikasi QT, 2013-y., 9-son, 64-modda).

9. Vazirlar Mahkamasining “Tashuvchining fuqarolik javobgarligini majburiy sugʻurta qilish toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2015-yil 15-sentabrdagi 266-son qaroriga 2-ilovaning 4 va 5-bandlari (Oʻzbekiston Respublikasi QT, 2015-y., 9-son, 82-modda).

10. Vazirlar Mahkamasining “Aholiga transport xizmati koʻrsatish hamda shaharlar va qishloqlarda avtobuslarda yoʻlovchilar tashish tizimini yanada takomillashtirish chora-tadbirlarini amalga oshirish toʻgʻrisida” 2017-yil 25-apreldagi 238-son qarorining 1-bandi (Oʻzbekiston Respublikasi QHT, 2017-y., 17-son, 300-modda) va unga 1 — 3 ilovalar, shuningdek, 4-ilovaning 3-bandi.

11. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasini tashkil etish toʻgʻrisida” 2017-yil 18-apreldagi PF-5016-sonli Farmoni)” 2017-yil 16-avgustdagi 638-son qaroriga 1-ilovaning 37 va 40-bandlari (Oʻzbekiston Respublikasi QHT, 2017-y., 33-son, 863-modda).

(Qonun hujjatlari maʼlumotlari milliy bazasi, 11.06.2018-y., 09/18/434/1339-son; 08.05.2020-y., 09/20/271/0565-son; Qonunchilik maʼlumotlari milliy bazasi, 30.04.2021-y., 09/21/258/0400-son, 06.12.2021-y., 09/21/738/1133-son; 26.02.2022-y., 09/22/88/0165-son; 22.05.2025-y., 09/25/325/0460-son)