Hujjat 15.07.2021 00 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Sugʻoriladigan yerlarni shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlari barpo etish va rekonstruksiya qilish chora-tadbirlari toʻgʻrisida
Oʻzbekiston Respublikasi Prezidentining “2018-2019-yillarda irrigatsiyani rivojlantirish va sugʻoriladigan yerlarning meliorativ holatini yaxshilash Davlat dasturi toʻgʻrisida” 2017-yil 27-noyabrdagi PQ-3405-son qarori ijrosini taʼminlash hamda sugʻoriladigan yerlarning shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlarini barpo etish va rekonstruksiya qilish dasturlarini sifatli shakllantirish va oʻz vaqtida amalga oshirishni taʼminlash maqsadida Vazirlar Mahkamasi qaror qiladi:
1. Sugʻoriladigan yerlarni shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlari barpo etish va ularni rekonstruksiya qilish tartibi toʻgʻrisidagi Nizom ilovaga muvofiq tasdiqlansin.
Keyingi tahrirga qarang.
2. Oʻzbekiston Respublikasi Oʻrmon xoʻjaligi davlat qoʻmitasi ikki oy muddatda “Oʻrmonqurilish” davlat unitar korxonasini (keyingi oʻrinlarda “Oʻrmonqurilish” DUK deb ataladi) tashkil etsin va uning tashkiliy tuzilmasini, shtatlari roʻyxatini va ustavini belgilangan tartibda tasdiqlasin.
 LexUZ sharhi
Qarang: Vazirlar Mahkamasining 2022-yil 28-sentabrdagi 542-sonli “Tadbirkorlik subyektlari boʻlmagan ayrim yuridik shaxslarni tashkil etish va tugatishga doir normativ-huquqiy hujjatlarni tasdiqlash toʻgʻrisida”gi qarori.
3. Quyidagilar “Oʻrmonqurilish” DUKning asosiy vazifalari etib belgilansin:
Oldingi tahrirga qarang.
(3-bandning ikkinchi — toʻrtinchi xatboshilari Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qaroriga asosan chiqarilgan — Qonunchilik maʼlumotlari milliy bazasi, 15.07.2021-y., 09/21/442/0672-son)
shahar va qishloq joylarda koʻkalamzorlashtirish va landshaft dizayni bilan bogʻliq ishlarni amalga oshirish;
oʻrmon kardonlari, yoʻllari va boshqa oʻrmon xoʻjaligi obyektlarini qurish;
oʻrmon xoʻjaligini rivojlantirish boʻyicha qonunchilikka zid boʻlmagan boshqa faoliyatni amalga oshirish.
Quyidagilar “Oʻrmonqurilish” DUK faoliyatini moliyalashtirish manbalari hisoblanadi:
Oldingi tahrirga qarang.
xoʻjalik faoliyatidan tushadigan mablagʻlar;
(3-bandning oltinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
Oʻrmon xoʻjaligini rivojlantirish jamgʻarmasi mablagʻlari;
grantlar va qonunchilikda taqiqlanmagan boshqa manbalar.
4. Ihota daraxtzorlarini barpo etish va rekonstruksiya qilish loyihasi doirasida:
Oldingi tahrirga qarang.
sugʻoriladigan yerlarning shamol eroziyasiga qarshi ihota daraxtzorlarini barpo etish va rekonstruksiya qilish boʻyicha loyiha tashabbuskori etib — Oʻzbekiston Respublikasi Qishloq xoʻjaligi vazirligi, suv xoʻjaligi obyektlarini qum bosishiga qarshi ihota daraxtzorlarini barpo etish va rekonstruksiya qilish boʻyicha — Oʻzbekiston Respublikasi Suv xoʻjaligi vazirligi;
(4-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
Oldingi tahrirga qarang.
Oʻzbekiston Respublikasi Oʻrmon xoʻjaligi davlat qoʻmitasi — buyurtmachi etib;
(4-bandning uchinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
bosh loyiha va pudrat tashkiloti — tanlov savdolari yakunlari boʻyicha belgilangan tartibda;
Oldingi tahrirga qarang.
respublika budjeti mablagʻlari va qonunchilik hujjatlarida taqiqlanmagan boshqa manbalar — moliyalashtirish manbalari etib belgilansin.
(4-bandning beshinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
Keyingi tahrirga qarang.
5. Oʻzbekiston Respublikasi Oʻrmon xoʻjaligi davlat qoʻmitasi “Oʻrmonqurilish” davlat unitar korxonasini zarur transport vositalari va anjomlar bilan taʼminlasin hamda uni Oʻzbekiston Respublikasi Oʻrmon xoʻjaligi davlat qoʻmitasi binosiga bepul foydalanish huquqi bilan joylashtirsin.
Oldingi tahrirga qarang.
6. Qoraqalpogʻiston Respublikasi Vazirlar Kengashi va viloyatlar hokimliklari, Oʻzbekiston Respublikasi Qishloq xoʻjaligi vazirligi ihota daraxtzorlarini barpo etish va kelgusida yerdan foydalanuvchilarga belgilangan tartibda topshirish uchun zarur boʻlgan yerlarning oʻz vaqtida ajratilishini taʼminlasinlar.
(6-band Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
7. Oʻzbekiston Respublikasi Oʻrmon xoʻjaligi davlat qoʻmitasi:
ihota daraxtzorlarini barpo etish va rekonstruksiya qilish yuzasidan rejalashtirilgan ish hajmlarini bajarish uchun zarur boʻlgan koʻchatlar miqdori va turlarini mavjud koʻchatxonalarda oʻrmonchilik talablari asosida yetishtirishni rejalashtirsin;
ihota daraxtzorlarini barpo etish va rekonstruksiya qilish uchun iqlim sharoitiga moslashgan koʻchat turlarini tanlashni amalga oshirsin;
pudratchi tashkilotlarni ihota daraxtzorlarini barpo etish va rekonstruksiya qilish uchun zarur boʻlgan turdagi va miqdordagi koʻchatlar bilan shartnomalar asosida taʼminlasin;
Ihota daraxtzorlarini loyihalash va barpo etish boʻyicha yoʻriqnomani ikki oy muddatda ishlab chiqsin, tegishli vazirliklar va idoralar bilan kelishsin va tasdiqlasin.
8. Oʻzbekiston Respublikasi Oʻrmon xoʻjaligi davlat qoʻmitasi, Qishloq xoʻjaligi vazirligi, Suv xoʻjaligi vazirligi, Oʻzbekiston Respublikasi Fanlar akademiyasi sugʻoriladigan yerlarning shamol eroziyasiga qarshi kurashish hamda suv xoʻjaligi obyektlarini qum bosishiga qarshi ihota daraxtzorlarini barpo etish va rekonstruksiya qilish boʻyicha ilmiy tadqiqotlar oʻtkazilishini faollashtirsin.
9. Oʻzbekiston milliy teleradiokompaniyasi, Oʻzbekiston matbuot va axborot agentligi ommaviy axborot vositalarida sugʻoriladigan yerlarning shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlarini barpo etish ishlari boʻyicha ilm-fan yutuqlarini, ilgʻor tashkilotlar tajribasini keng yoritsinlar.
10. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev va Oʻzbekiston Respublikasi Oʻrmon xoʻjaligi davlat qoʻmitasining raisi N.J. Bakirov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 5-iyun,
422-son
Vazirlar Mahkamasining 2018-yil 5-iyundagi 422-son qaroriga
ILOVA
Sugʻoriladigan yerlarning shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlarini barpo etish va rekonstruksiya qilish tartibi toʻgʻrisida
NIZOM
1-bob. Umumiy qoidalar
Oldingi tahrirga qarang.
1. Ushbu Nizom respublika budjeti mablagʻlari hamda qonunchilikda taqiqlanmagan boshqa manbalar hisobidan moliyalashtiriladigan Sugʻoriladigan yerlarni shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlarini barpo etish va rekonstruksiya qilish boʻyicha loyihalarni shakllantirish, ishlab chiqish, ekspertizadan oʻtkazish, tasdiqlash va amalga oshirish tartibini belgilaydi.
(1-band Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
2. Sugʻoriladigan yerlarni shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlarini barpo etish va rekonstruksiya qilish Irrigatsiyani rivojlantirish va sugʻoriladigan yerlarning meliorativ holatini yaxshilash Davlat dasturi (keyingi oʻrinlarda Davlat dasturi deb ataladi) asosida amalga oshiriladi.
3.Ushbu Nizomda quyidagi asosiy tushunchalar qoʻllaniladi:
yerlarning shamol eroziyasi — sugʻoriladigan yerlar unumdor tuproq qatlamining shamol taʼsirida toʻliq yoki qisman yoʻqolishi;
deflyatsiya jarayonlari — tuproq namligining shamol taʼsirida yoʻqolish jarayonlari boʻlib, ular natijasida tuproqning unumdor qatlamiga zarar yetkaziladi;
garmsel — kuchli, quruq va juda issiq (43 daraja va undan yuqori) boʻlgan havo oqimi;
ihota daraxtzorlari — sugʻoriladigan ekin maydonlari, suv xoʻjaligi obyektlari va yoʻl tarmoqlari boʻylab joylashgan sunʼiy oʻrmon daraxtzorlari;
ihota daraxtzorlari tizimi — belgilangan hududni bir-biridan bir xil masofada joylashgan ihota daraxtzorlari qatori bilan qoplash, unda tizimdagi bir qatorning shamolga qarshilik koʻrsatish kuchi ikkinchi qator bilan kuchaytiriladi;
ihota daraxtzorlarini barpo etish — ihota daraxtzorlarini barpo etish yoʻli bilan sugʻoriladigan yerlarni shamol eroziyasidan va garmseldan himoya qilish, ularning ekinlarga salbiy taʼsirini kamaytirish, suv xoʻjaligi obyektlarini qum bosishining oldini olish, hududlardagi mikroiqlimni yaxshilash;
ihota daraxtzorlarini rekonstruksiya qilish — mavjud ihota daraxtzorlarini joylashtirish sxemasini, tarkibini, oʻlchamlarini tubdan oʻzgartirgan holda rekonstruksiya qilish;
sugʻoriladigan yerlarni himoya qilish ihota daraxtzorlari — sugʻoriladigan yerlarni shamol eroziyasidan va garmseldan himoya qilish, ularning ekinlarga salbiy taʼsirini kamaytirish maqsadida barpo etiladigan va qayta tiklanadigan ihota daraxtzorlari;
suv xoʻjaligi obyektlarini himoya qilish ihota daraxtzorlari — suv xoʻjaligi obyektlari boʻylab chiziqli joylashgan bir necha qator daraxt yoki butalardan iborat sunʼiy ravishda barpo etilgan ihota daraxtzorlari;
suv xoʻjaligi obyektlari — suv resurslarini boshqarish, toʻplash, transportirovka qilish, ulardan foydalanish va ularni himoya qilish maqsadida barpo etilgan obyektlar.
2-bob. Dala va suv ihota daraxtzorlarini barpo etish va rekonstruksiya qilishning asosiy prinsipial qoidalari
4. Ihota daraxtzorlarini barpo etish va rekonstruksiya qilish quyidagi qoidalar asosida amalga oshiriladi:
shamolning faolligi kuchli boʻlganligi sababli deflyatsiya jarayoniga uchragan hududlarda;
qishloq xoʻjaligi yerlarini shamol eroziyasi va garmsel taʼsiridan himoya qilish maqsadida;
qishloq xoʻjaligi ekinlarining oʻsishi va rivojlanishi, hosildorlikning va mahsulot sifati oshishiga yordam beradigan sugʻoriladigan yerlar va ularga yaqin hududlarning mikroiqlimini yaxshilash uchun;
ihota daraxtzorlari tizimi tarzida. Yuqori darajada samaraga erishish maqsadida asosiy himoya qatorlari eng kuchli shamol yoʻnalishiga perpendikulyar ravishda, yordamchi qatorlar esa — asosiy qatorlarga perpendikulyar holatda joylashtiriladi. Asosiy ihota daraxtzorlari qatorlari orasidagi masofa hududda shamol harakatlariga, shuningdek, tuproqning mexanik tarkibiga bogʻliq boʻladi.
Ihota daraxtzorlari imkon darajasida kam maydonni egallashi talab etilib, tez oʻsadigan daraxt turlari tanlanadi, ularning balandligi himoya taʼsiri doirasini kengaytiradi.
5. Sugʻoriladigan yerlarda barpo etilgan ihota daraxtzorlari taʼsirini taʼminlash uchun ularni vegetatsiya davrida sugʻorish, parvarishlash, hayvonlardan himoya qilish va boshqa salbiy taʼsirlardan asrash talab etiladi.
Barpo etilgan ihota daraxtzorlarining shamol taʼsirini zaiflashtirishni doimiy taʼminlash maqsadida qurib qolgan koʻchatlar oʻrniga ikkinchi yilda yangi koʻchatlar oʻtqaziladi.
6. Sugʻoriladigan yerlarni himoya qilish ihota daraxtzorlari, shamol taʼsirini kompleks baholagan holda, ekiladigan yerlarning deflyatsiyaga moyilligini, meliorativ sharoitini, suv bilan taʼminlanganligini, hosildorligi va yetishtiriladigan hosil sifatini hisobga olgan holda barpo etiladi va qayta tiklanadi.
7. Yengil mexanik tuproqli choʻl hududlarida joylashgan suv xoʻjaligi obyektlari kuchsiz shamol taʼsirida qum va boshqa shamol eroziyasi materiallari bilan toʻlib qolib, ularning suv oʻtkazish darajasi kamayishi mumkin.
Suv xoʻjaligi obyektlarini qum bosishiga qarshi barpo etiladigan va qayta tiklanadigan ihota daraxtzorlari quyidagi prinsiplar asosida amalga oshiriladi:
suv xoʻjaligi obyektlariga shamol taʼsirini kamaytirish va ularni qum va boshqa shamol eroziyasi materiallari bosishining oldini olish maqsadida suv xoʻjaligi obyektlarini himoya qilish ihota daraxtzorlari barpo etiladi va qayta tiklanadi;
suv xoʻjaligi obyektlarini himoya qilish ihota daraxtzorlari suv xoʻjaligi obyektlari boʻylab barpo etiladi, qoidaga koʻra, koʻp qatorli boʻladi;
suv xoʻjaligi obyektlarini himoya qilish ihota daraxtzorlari koʻchatlar turi hamda hajmi suv xoʻjaligi obyektlari himoya zonasining parametrlaridan, tuproq-iqlim sharoitlaridan kelib chiqqan holda barpo etiladi yoki qayta tiklanadi.
8. Ihota daraxtzorlarini barpo etish va rekonstruksiya qilish loyihalarini amalga oshirish quyidagi omillarni hisobga olgan holda amalga oshiriladi:
tuproqning deflyatsiya darajasi, sugʻoriladigan yerlarning suv bilan taʼminlanganlik va meliorativ holati, shamol eroziyasining qishloq xoʻjaligi ekinlariga salbiy taʼsiri, hosildorlik va yetkaziladigan mahsulot sifati;
suv xoʻjaliklari obyektlarini himoya qilish ihota daraxtzorlari suv obyektlarini qum bosishiga va suv oʻtkazuvchanligining pasayishiga koʻra barpo etiladi va qayta tiklanadi.
3-bob. Ihota va suvni himoya qilish daraxtzorlarini barpo etish va rekonstruksiya qilish hududiy manzilli dasturlarini shakllantirish
9. Hududlarda haqiqiy holatni oʻrgangan holda ihota va suvni himoya qilish daraxtzorlarini barpo etish va rekonstruksiya qilish manzilli dasturini shakllantirish maqsadida Qoraqalpogʻiston Respublikasi Vazirlar Kengashi va viloyatlar hokimliklari tomonidan har yili 1-martgacha boʻlgan muddatda hududiy ishchi guruhlar (keyingi oʻrinlarda ishchi guruh deb ataladi) tuziladi.
Oldingi tahrirga qarang.
Ishchi guruh tarkibiga Oʻzbekiston Respublikasi Oʻrmon xoʻjaligi davlat qoʻmitasi, Oʻzbekiston Respublikasi Ekologiya va atrof muhitni muhofaza qilish davlat qoʻmitasi, Qishloq xoʻjaligi vazirligi, Suv xoʻjaligi vazirligi, Oʻzbekiston Respublikasi Gidrometeorologiya xizmati markazi hamda loyiha va ilmiy-tadqiqot institutlari mutaxassislari kiradi.
(9-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
Qoraqalpogʻiston Respublikasi Vazirlar Kengashi Raisining va tegishli viloyatlar hokimlarining qishloq va suv xoʻjaligi masalalari boʻyicha oʻrinbosarlari ishchi guruh raislari hisoblanadilar.
Oldingi tahrirga qarang.
10. Ishchi guruhga oʻrganib chiqish uchun quyidagi materiallar taqdim etiladi:
Oʻzbekiston Respublikasi Qishloq xoʻjaligi vazirligining hududiy organi tomonidan — shamol va garmsel salbiy taʼsir koʻrsatgan sugʻoriladigan yerlarning fermer xoʻjaliklari, suv isteʼmolchilari uyushmalari va boshqalar boʻyicha masshtabli xaritalar, tuproq xaritasi, bonitet ballari, shamol eroziyasining sugʻoriladigan yerlarga va qishloq xoʻjaligi ekinlariga taʼsiri toʻgʻrisidagi maʼlumotlar hamda ihota daraxtzorlarini barpo etish va rekonstruksiya qilish lozim boʻlgan uchastkalar toʻgʻrisidagi takliflar, qishloq xoʻjaligi ekinlarining joylashishi va ularning hosildorligiga shamol va garmselning salbiy taʼsiri toʻgʻrisidagi maʼlumotlar (Nizomga ilova);
Oʻzbekiston Respublikasi Suv xoʻjaligi vazirligi hududiy organi tomonidan — suv obyektlarini qum va boshqa eroziya materiallari bosishi boʻyicha maʼlumotlarni va suv obyektlarini himoya qilish ihota daraxtzorlarini barpo etish va rekonstruksiya qilish zarur boʻlgan uchastkalar toʻgʻrisidagi maʼlumotlar;
Oʻzbekiston Respublikasi Gidrometeorologiya xizmati markazi hududiy organi tomonidan — shamolning kuchi va yoʻnalishi, takrorlanishi, yogʻingarchilik boʻyicha meteorologik maʼlumotlar.
(10-band Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
11. Ishchi guruh:
taqdim etilgan maʼlumotlarni tahlil qiladi hamda sugʻoriladigan yerlarning shamol eroziyasiga uchrashi va suv obyektlarini qum bosishining asosiy sabablarini aniqlaydi;
sugʻoriladigan yerlarning shamol eroziyasiga va suv obyektlarini qum bosishiga qarshi kurashish uchun ihota daraxtzorlarini barpo etish va rekonstruksiya qilish uchastkalari boʻyicha takliflarni oʻrganib chiqadi;
tumanning manfaatdor tashkilotlari vakillari va suv isteʼmolchilari uyushmasi, fermer xoʻjaliklari rahbarlari bilan birgalikda sugʻoriladigan yerlarning shamol eroziyasiga uchragan va qum va boshqa eroziya materiallari bosgan suv obyektlari uchastkalarini oʻrganib chiqadi;
oʻrganish yakunlariga koʻra sugʻoriladigan yerlarning shamol eroziyasiga hamda suv obyektlarini qum va boshqa eroziya materiallari bosishiga qarshi ihota daraxtzorlarini barpo etish va rekonstruksiya qilish boʻyicha asosli takliflarni ishlab chiqadi.
Kelgusi yilda barpo etilishi va rekonstruksiya qilinishi rejalashtirilgan obyektlarni oʻrganish ishchi guruh tomonidan har yili aprel oyida oʻtkaziladi.
12. Ishchi guruh sugʻoriladigan yerlarni va suv obyektlarini oʻrganish tugaganidan keyin:
barcha materiallarni kompleks tahlil qiladi, sugʻoriladigan yerlarning qoniqarsiz holatga tushishi sabablarini aniqlashtiradi, shamolning asosiy yoʻnalishlari va kuchini, tuproqning xususiyatlarini, unumdorligini, meliorativ holatini, issiq shamol esadigan kunlar sonini tahlil qiladi;
kelgusi yilda ihota daraxtzorlari barpo etish loyihalari boʻyicha takliflar ishlab chiqib, har bir loyihani asoslaydi;
har bir loyiha boʻyicha pasport (asosiy koʻrsatkichlar) va annotatsiyalar tayyorlaydi;
har bir tuman va viloyat boʻyicha ihota daraxtzorlarini barpo etish va rekonstruksiya qilish ishlarini bajarish bosqichlari koʻrsatilgan xaritalarni (sxemani) ishlab chiqadi.
oʻrganish natijalari boʻyicha navbatdagi yilda barpo etiladigan va rekonstruksiya qilinadigan har bir obyekt boʻyicha takliflar ishlab chiqadi.
13. Obyektlar boʻyicha takliflarda:
sugʻoriladigan yerlarni shamol eroziyasidan himoya qilish ihota daraxtzorlarini barpo etish va rekonstruksiya qilish lozim boʻlgan fermer xoʻjaliklari, yerdan foydalanuvchilar roʻyxati;
suv obyektlarini qum va boshqa eroziya materiallari bosishiga qarshi ihota daraxtzorlarini barpo etish va rekonstruksiya qilish lozim boʻlgan suv xoʻjaligi obyektlari roʻyxati;
ilmiy-izlanish va ilmiy-tadqiqot ishlari roʻyxati koʻrsatiladi.
14. Ishchi guruh tomonidan sugʻoriladigan yerlarni shamol eroziyasidan va suv obyektlarini qum bosishidan himoya qilish ihota daraxtzorlarini barpo etish va rekonstruksiya qilish boʻyicha kelgusi yil uchun ishlab chiqilgan takliflar har yili 15-maygacha tegishli tuman hokimliklari yigʻilishida tegishli tashkilotlar rahbarlari, loyiha va ilmiy-tadqiqot institutlari, suv isteʼmolchilari uyushmasi vakillari, fermer xoʻjaligi rahbarlari ishtirokida muhokama qilinadi.
Kelgusi yil uchun dala va suv ihota daraxtzorlarini barpo etish va rekonstruksiya qilish boʻyicha ishchi guruh takliflari kelishiladi.
15. Ishchi guruh Qoraqalpogʻiston Respublikasi Vazirlar Kengashi, tegishli viloyatlar va tumanlar hokimliklari hamda boshqa manfaatdor tashkilotlar rahbarlari ishtirokida oʻtkaziladigan kengaytirilgan yigʻilishda ishlab chiqilgan ihota daraxtzorlarini barpo etish va rekonstruksiya qilishning hududiy manzilli dasturi loyihasi taqdimotini oʻtkazadi.
Shu bilan birga, Qoraqalpogʻiston Respublikasi Vazirlar Kengashi Raisi, tegishli viloyatlar va tumanlar hokimlari, fermer, dehqon va tomorqa yer egalari kengashi raislari tomonidan loyihalarga obyektiv baho beriladi, loyihalar har tomonlama oʻrganib chiqiladi.
Barcha majlislar yakunlari Qoraqalpogʻiston Respublikasi Vazirlar Kengashi, tegishli viloyatlar va tumanlar hokimliklarining yigʻilish bayonnomalari bilan rasmiylashtiriladi.
Dala va suv ihota daraxtzorlarini barpo etish va rekonstruksiya qilish hududiy manzilli dasturlari Qoraqalpogʻiston Respublikasi Vazirlar Kengashi Raisi va tegishli viloyatlar hokimlari tomonidan tasdiqlanadi.
Oldingi tahrirga qarang.
16. Ishlab chiqilgan ihota daraxtzorlarini barpo etish va rekonstruksiya qilish hududiy manzilli dasturi ilovalar bilan birgalikda ishchi guruh tomonidan Oʻzbekiston Respublikasi Oʻrmon xoʻjaligi davlat qoʻmitasiga koʻrib chiqish uchun belgilangan tartibda yuboriladi.
(16-band Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
Oldingi tahrirga qarang.
17. Oʻzbekiston Respublikasi Oʻrmon xoʻjaligi davlat qoʻmitasiga quyidagi hujjatlar taqdim etiladi:
(17-bandning birinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
ihota daraxtzorlarini barpo etish va rekonstruksiya qilishning keyingi yil uchun tumanlar boʻyicha hududiy manzilli dasturlari;
hududiy manzilli dasturlar muhokama qilingan yigʻilishlarning tasdiqlangan bayonnomalari;
ihota daraxtzorlarining har bir tuman boʻyicha alohida joylashtirish xaritalari;
har bir loyihaning dastlabki texnik-iqtisodiy koʻrsatkichlari, sugʻoriladigan yerlar va suv obyektlarining holati boʻyicha tahliliy maʼlumotlar va kutiladigan natijalar.
Oldingi tahrirga qarang.
18. Ihota daraxtzorlarini barpo etish va rekonstruksiya qilishning hududiy manzilli dasturlari Oʻzbekiston Respublikasi Oʻrmon xoʻjaligi davlat qoʻmitasining Sohaviy ilmiy-texnika kengashida Qishloq xoʻjaligi vazirligi, Suv xoʻjaligi vazirligi, Ekologiya va atrof muhitni muhofaza qilish davlat qoʻmitasi, Oʻzbekiston Respublikasi Gidrometeorologiya xizmati markazi, loyiha va ilmiy-tadqiqot institutlari mutaxassislari majlislarida muhokama qilinadi.
(18-bandning birinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
Majlislar yakunlari boʻyicha tegishli bayonnoma qarorlar qabul qilinadi.
Oldingi tahrirga qarang.
19. Oʻzbekiston Respublikasi Oʻrmon xoʻjaligi davlat qoʻmitasi har yili 1-iyungacha boʻlgan muddatda Sohaviy ilmiy-texnika kengashi tomonidan koʻrsatilgan kamchiliklarni bartaraf etib va takliflarni inobatga olingan holda qayta ishlab dala va suv ihota daraxtzorlarini barpo etish va rekonstruksiya qilishning hududiy manzilli dasturlarini umumlashtiradi.
(19-band Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
Oldingi tahrirga qarang.
20. Oʻzbekiston Respublikasi Oʻrmon xoʻjaligi davlat qoʻmitasi kelgusi yilning umumlashtirilgan manzilli dasturlarini Oʻzbekiston Respublikasi Qishloq xoʻjaligi vazirligi, Suv xoʻjaligi vazirligi, Iqtisodiy taraqqiyot va kambagʻallikni qisqartirish vazirligi bilan kelishgan holda Moliya vazirligiga har yili 1-iyulgacha boʻlgan muddatda kiritadi.
(20-band Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
Oldingi tahrirga qarang.
21. Ihota daraxtzorlarini barpo etish va rekonstruksiya qilishning kelgusi yil uchun umumlashtirilgan manzilli dasturi har yili Oʻzbekiston Respublikasi Vazirlar Mahkamasi tomonidan muhokama qilinadi va tasdiqlanadi.
(21-band Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
Oldingi tahrirga qarang.
22. Qishloq xoʻjaligi ekinlari ekiladigan yerlarda ihota daraxtzorlarini barpo etish va rekonstruksiya qilish uchun yer ajratish toʻgʻrisidagi hujjatlar Oʻzbekiston Respublikasi Qishloq xoʻjaligi vazirligining hududiy boʻlimlari tomonidan tayyorlanib, Qoraqalpogʻiston Respublikasi Vazirlar Kengashi va viloyatlar hokimliklariga qaror qabul qilish uchun belgilangan tartibda taqdim etiladi.
(22-band Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
4-bob. Dala va suv ihota daraxtzorlarini barpo etish va rekonstruksiya qilish ishlari loyiha-smeta hujjatlarini ishlab chiqish, kelishish, ekspertizadan oʻtkazish hamda moliyalashtirish
Oldingi tahrirga qarang.
23. Dala va suv ihota daraxtzorlarini barpo etish va rekonstruksiya qilish ishchi loyihasini ishlab chiqish topshiriqnomasi Oʻzbekiston Respublikasi Oʻrmon xoʻjaligi davlat qoʻmitasi tomonidan, Oʻzbekiston Respublikasi Qurilish vazirligi va Oʻrmon xoʻjaligi davlat qoʻmitasi hamda boshqa vakolatli organlar bilan kelishgan holda tasdiqlanadi.
(23-band Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
24. Dala va suv ihota daraxtzorlarini barpo etish va rekonstruksiya qilish ishchi loyihasining ekspertizasi Oʻzbekiston Respublikasi Qurilish vazirligi organlari tomonidan, belgilangan tartibda amalga oshiriladi.
Oldingi tahrirga qarang.
25. Oʻzbekiston Respublikasi Oʻrmon xoʻjaligi davlat qoʻmitasi:
(25-bandning birinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
dala va suv ihota daraxtzorlarini barpo etish va rekonstruksiya qilish, ikki yil davomida parvarishlash hamda boshqa eroziyaga qarshi ishlarni bajarish uchun tanlov (tender) savdolarini oʻtkazadi, tanlov (tender) savdolari natijalariga koʻra bosh pudratchilar bilan shartnoma tuzadi, pudrat tashkilotlari tomonidan ihota daraxtzorlarini barpo etish va rekonstruksiya qilish ishlarini olib borish jarayonida texnik nazorat olib boradi;
har oyda bosh pudratchilar tomonidan bajarilgan ishlarni qabul qilib oladi va ishlab chiqilgan loyiha-smeta hujjatlari koʻrsatkichlariga amal qilinishi yuzasidan monitoring olib boradi.
26. Loyihani amalga oshirish davrida bosh pudratchi tashkilot ihota daraxtzorlarini barpo etish va rekonstruksiya qilish ishlari, qurigan koʻchatlari oʻrnini toʻldirish, parvarishlash, qoʻriqlash va boshqa bajarilgan ishlar sifati uchun javob beradi.
Oldingi tahrirga qarang.
Oʻzbekiston Respublikasi Oʻrmon xoʻjaligi davlat qoʻmitasi hisobot davridan keyingi oyning 10-kunigacha pudrat tashkiloti tomonidan bajarilgan ishlar hajmini belgilangan tartibda moliyalashtiradi.
(26-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
27. Dala va suv ihota daraxtzorlarini barpo etish va rekonstruksiya qilish ishlarini bajarish, loyiha hujjatlarini ishlab chiqish uchun mablagʻlar belgilangan tartibda tasdiqlangan smeta xarajatlari va manzilli roʻyxatlar asosida sarflanadi.
28. Pudrat ishlarini moliyalashtirish buyurtmachi va bosh pudratchi oʻrtasida tuzilgan shartnomalar asosida va har bir obyekt boʻyicha quyidagi tartibda amalga oshiriladi:
ihota daraxtzorlarini barpo etish va rekonstruksiya qilish ishlarini bajarishning birinchi oyida moliyalashtirish jadvaliga koʻra tanlov (tender) savdolari natijasida aniqlangan ishlar qiymatining 30 foizi miqdorida avans;
Oldingi tahrirga qarang.
(28-bandning uchinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qaroriga asosan chiqarilgan — Qonunchilik maʼlumotlari milliy bazasi, 15.07.2021-y., 09/21/442/0672-son)
Oldingi tahrirga qarang.
Keyingi tahrirga qarang.
loyiha qiymatining qolgan 70 foizi koʻchatlarning koʻkarishi 80 foiz va undan yuqori boʻlganda ishlar hajmi qabul qilingandan soʻng amalga oshiriladi.
(28-bandning uchinchi xatboshisi Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
5-bob. Dala va suv ihota daraxtzorlarini barpo etish va rekonstruksiya qilish boʻyicha tugallangan loyihalarni foydalanishga qabul qilish
29. Barpo etilgan va rekonstruksiya qilingan ihota daraxtzorlarini qabul qilish komissiyalar tomonidan, belgilangan tartibda amalga oshiriladi.
30. Barpo etilgan va rekonstruksiya qilingan ihota daraxtzorlarini qabul qilish komissiyalari (keyingi oʻrinlarda komissiya deb ataladi) tarkibi Qoraqalpogʻiston Respublikasi Vazirlar Kengashi Raisi va viloyatlar hokimlari tomonidan tasdiqlanadi.
Dala va suv ihota daraxtzorlarini barpo etish va rekonstruksiya qilish boʻyicha komissiya tarkibiga buyurtmachi, bosh pudratchi tashkilot, manfaatdor vazirliklar, idoralarning hududiy organlari, loyiha tashkilotlari hamda yerdan foydalanuvchilar vakillari kiritiladi.
31. Ihota daraxtzorlari komissiya tomonidan, loyiha tugallangandan soʻng ikkinchi yil oxirida quyidagi mezonlar asosida baholanadi:
koʻchatlarning koʻkarishi 25 foizdan kam — nobud boʻlgan hisoblanib, pudratchining mablagʻlari hisobidan tiklanadi;
koʻchatlarning koʻkarishi 26 — 80 foiz — pudratchining mablagʻlari hisobidan tiklanadi;
koʻchatlarning koʻkarishi 80 foiz va undan yuqori — ishlar toʻliq qabul qilinib, belgilangan tartibda yerdan foydalanuvchilar balansiga topshiriladi.
Davlat yer zaxirasi hamda davlat oʻrmon fondi hududida barpo etilgan ihota daraxtzorlari Oʻzbekiston Respublikasi Oʻrmon xoʻjaligi davlat qoʻmitasining hududiy oʻrmon xoʻjaliklari balansiga foydalanish uchun belgilangan tartibda toʻliq topshiriladi.
32. Suv obyektlarini himoya qilish ihota daraxtzorlari komissiya tomonidan loyiha tugallangandan soʻng ikkinchi yil oxirida quyidagi mezonlar asosida baholanadi:
koʻchatlarning koʻkarishi 25 foizdan kam — nobud boʻlgan hisoblanib, pudrat tashkilotining mablagʻlari hisobidan tiklanadi;
koʻchatlarning koʻkarishi 26 — 50 foiz — pudrat tashkilotining mablagʻlari hisobidan tiklanadi;
koʻchatlarning koʻkarishi 50 foiz va undan yuqori — foydalanishga qabul qilinib, belgilangan tartibda foydalanuvchilar balansiga toʻliq topshiriladi.
33. Yerdan foydalanuvchi ihota daraxtzorlarining kelgusidagi parvarishi, saqlanishi, oʻz funksiyasi bajarilishini taʼminlash uchun javob beradi.
6-bob. Yakunlovchi qoida
34. Mazkur Nizom talablari buzilishida aybdor boʻlgan shaxslar qonun hujjatlarida belgilangan tartibda javob berishadi.
Keyingi tahrirga qarang.
Nizomga
ILOVA
Sugʻoriladigan yerlarning shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlarini barpo etish va rekonstruksiya qilish loyihalarini shakllantirish, ishlab chiqish, ekspertizadan oʻtkazish, tasdiqlash va amalga oshirish
SXEMASI
1. Sugʻoriladigan yerlarning shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlarini barpo etish va rekonstruksiya qilish yuzasidan zarur boʻlgan maʼlumot va takliflarni qabul qilish hamda ularni oʻrganish va tahlil qilish.
2. Har yilning aprel oyida shamol eroziyasiga uchragan sugʻoriladigan yerlar hamda qum va boshqa shamol eroziyasi materiallari bosgan suv xoʻjaligi obyektlarini oʻrganib chiqish. Yigʻilgan maʼlumotlarni kompleks tahlil etish, ihota daraxtzorlarini barpo etish va rekonstruksiya qilish zarur boʻlgan obyektlar roʻyxati boʻyicha asosli takliflar ishlab chiqish.
3. Har yili 15-maygacha boʻlgan muddatda ihota daraxtzorlarini barpo etish va rekonstruksiya qilish zarur boʻlgan obyektlar roʻyxatini tegishli tuman hokimlari bilan kelishish va bayonnoma bilan rasmiylashtirish.
4. Ihota daraxtzorlarini barpo etish va rekonstruksiya qilish boʻyicha hududiy manzilli dasturlar loyihasini Qoraqalpogʻiston Respublikasi Vazirlar Kengashi va viloyatlar hokimliklarida har tomonlama muhokama qilish va taqdimotidan oʻtkazish, Qoraqalpogʻiston Respublikasi Vazirlar Kengashi Raisi va tegishli viloyatlar hokimlari tomonidan tasdiqlash.
5. Ihota daraxtzorlarini barpo etish va rekonstruksiya qilish boʻyicha hududiy manzilli dasturlar loyihasini zarur boʻlgan maʼlumotlarni ilova qilgan holda belgilangan tartibda koʻrib chiqish uchun Oʻzbekiston Respublikasi Oʻrmon xoʻjaligi davlat qoʻmitasiga taqdim etish.
6. Ihota daraxtzorlarini barpo etish va rekonstruksiya qilish boʻyicha hududiy manzilli dasturlar loyihasini Oʻzbekiston Respublikasi Oʻrmon xoʻjaligi davlat qoʻmitasining Sohaviy ilmiy-texnika kengashida Qishloq xoʻjaligi vazirligi, Suv xoʻjaligi vazirligi, Ekologiya va atrof muhitni muhofaza qilish davlat qoʻmitasi, Gidrometeorologiya xizmati markazi, loyiha va ilmiy-ishlab chiqarish korxonalari mutaxassislari ishtirokida muhokama qilish hamda tegishli bayonnoma bilan rasmiylashtirish.
Oʻzbekiston Respublikasi Oʻrmon xoʻjaligi davlat qoʻmitasining Sohaviy ilmiy-texnika kengashi tomonidan berilgan tavsiyalar hamda takliflarni har yili 1-iyungacha umumlashtirish.
7. Ihota daraxtzorlarini barpo etish va rekonstruksiya qilish boʻyicha umumlashtirilgan manzilli dasturlarni kelishish.
8. Har yili 1-iyulgacha boʻlgan muddatda ihota daraxtzorlarini barpo etish va rekonstruksiya qilish boʻyicha umumlashtirilgan manzilli dasturlarni Oʻzbekiston Respublikasi Vazirlar Mahkamasiga muhokama qilish va tasdiqlash uchun kiritish.
9. Belgilangan tartibda tasdiqlangan manzilli dasturga kiritilgan loyihalarni amalga oshirish.
(ilova matni Oʻzbekiston Respublikasi Vazirlar Mahkamasining 2021-yil 14-iyuldagi 442-sonli qarori tahririda — Qonunchilik maʼlumotlari milliy bazasi, 15.07.2021-y., 09/21/442/0672-son)
Sugʻoriladigan yerlarning shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlarini barpo etish va rekonstruksiya qilish loyihalarini shakllantirish, ishlab chiqish, ekspertizadan oʻtkazish, tasdiqlash va amalga oshirish
SXEMASI
Oldingi tahrirga qarang.
1. Sugʻoriladigan yerlarning shamol eroziyasiga hamda suv xoʻjaligi obyektlarini qum bosishiga qarshi ihota daraxtzorlarini barpo etish va rekonstruksiya qilish yuzasidan zarur boʻlgan maʼlumot va takliflarni qabul qilish hamda ularni oʻrganish va tahlil qilish.
2. Har yilning aprel oyida shamol eroziyasiga uchragan sugʻoriladigan yerlar hamda qum va boshqa shamol eroziyasi materiallari bosgan suv xoʻjaligi obyektlarini oʻrganib chiqish. Yigʻilgan maʼlumotlarni kompleks tahlil etish, ihota daraxtzorlarini barpo etish va rekonstruksiya qilish zarur boʻlgan obyektlar roʻyxati boʻyicha asosli takliflar ishlab chiqish.
3. Har yili 15-maygacha boʻlgan muddatda ihota daraxtzorlarini barpo etish va rekonstruksiya qilish zarur boʻlgan obyektlar roʻyxatini tegishli tuman hokimlari bilan kelishish va bayonnoma bilan rasmiylashtirish.
4. Ihota daraxtzorlarini barpo etish va rekonstruksiya qilish boʻyicha hududiy manzilli dasturlar loyihasini Qoraqalpogʻiston Respublikasi Vazirlar Kengashi va viloyatlar hokimliklarida har tomonlama muhokama qilish va prezentatsiyadan oʻtkazish, Qoraqalpogʻiston Respublikasi Vazirlar Kengashi Raisi va tegishli viloyatlar hokimlari tomonidan tasdiqlash.
5. Ihota daraxtzorlarini barpo etish va rekonstruksiya qilish boʻyicha hududiy manzilli dasturlar loyihasini zarur boʻlgan maʼlumotlarni ilova qilgan holda belgilangan tartibda koʻrib chiqish uchun “Oʻrmonqurilish” DUK ga taqdim etish.
6. Ihota daraxtzorlarini barpo etish va rekonstruksiya qilish boʻyicha hududiy manzilli dasturlar loyihasini Oʻzbekiston Respublikasi Oʻrmon xoʻjaligi davlat qoʻmitasining Sohaviy ilmiy-texnika kengashida Qishloq xoʻjaligi vazirligi, Suv xoʻjaligi vazirligi, Yer resurslari, geodeziya, kartografiya va davlat kadastri davlat qoʻmitasi, Ekologiya va atrof muhitni muhofaza qilish davlat qoʻmitasi, Gidrometeorologiya xizmati markazi, loyiha va ilmiy-ishlab chiqarish korxonalari mutaxassislari ishtirokida muhokama qilish hamda tegishli bayonnoma bilan rasmiylashtirish.
Oʻzbekiston Respublikasi Oʻrmon xoʻjaligi davlat qoʻmitasining Sohaviy ilmiy-texnika kengashi tomonidan berilgan tavsiyalar hamda takliflarni har yili 1-iyungacha umumlashtirish.
7. Ihota daraxtzorlarini barpo etish va rekonstruksiya qilish boʻyicha umumlashtirilgan manzilli dasturlarni kelishish.
8. Har yili 1-iyulgacha boʻlgan muddatda ihota daraxtzorlarini barpo etish va rekonstruksiya qilish boʻyicha umumlashtirilgan manzilli dasturlarni Jamgʻarma kengashiga muhokama qilish va tasdiqlash uchun kiritish.
9. Belgilangan tartibda tasdiqlangan manzilli dasturga kiritilgan loyihalarni amalga oshirish.
(ilova Oʻzbekiston Respublikasi Vazirlar Mahkamasining 2021-yil 10-apreldagi 200-sonli qarori tahririda — Qonun hujjatlari maʼlumotlari milliy bazasi, 12.04.2021-y., 09/21/200/0318-son)
Keyingi tahrirga qarang.

(Qonun hujjatlari maʼlumotlari milliy bazasi, 07.06.2018-y., 09/18/422/1323-son, 24.08.2019-y., 07/19/4424/3631-son; 14.12.2020-y., 09/20/777/1620-son; 12.04.2021-y., 09/21/200/0318-son; Qonunchilik maʼlumotlari milliy bazasi, 15.07.2021-y., 09/21/442/0672-son; 05.04.2022-y., 09/22/153/0266-son; 13.10.2022-y., 09/22/588/0912-son; 29.12.2023-y., 07/23/422/0994-son)