Hujjat 07.04.2010 00 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Elektr energiyasidan foydalanganlik uchun hisob-kitob qilish mexanizmini tubdan takomillashtirish chora-tadbirlari toʻgʻrisida
[Koʻchirma]
Oldingi tahrirga qarang.
Oʻzbekiston Respublikasi Prezidentining 2004-yil 29-sentabrdagi F-2047-son farmoyishiga muvofiq maxsus komissiya isteʼmolchilarning isteʼmol qilingan elektr energiyasi uchun toʻlovlarining hamda hududiy elektr tarmoqlari korxonalari bilan hisob-kitoblarining ahvolini tanqidiy oʻrganib chiqdi. “Oʻzbekenergo” davlat-aksiyadorlik kompaniyasi tomonidan koʻrilgan chora-tadbirlarga qaramay hisob-kitoblar intizomining buzilishi hollari davom etmoqda, yetkazib berilgan elektr energiyasi uchun toʻlovni oʻz vaqtida toʻlamagan isteʼmolchilarga elektr energiyasi yetkazib berishni toʻxtatishga doir talablar bajarilmayapti, toʻlov muddati oʻtgan debitorlik qarzlar koʻpaymoqda. Berilayotgan va isteʼmol qilinayotgan elektr energiyasini hisobga olishning maqbul tizimi mavjud emas. Amaldagi oʻzaro hisob-kitoblar mexanizmi eskirgan, u isteʼmol qilingan energiya uchun mablagʻlarning toʻliq va oʻz vaqtida tushishini, shartnomaviy majburiyatlarning bajarilishi uchun zarur darajadagi javobgarlikni taʼminlamaydi.
Yetkazib berilgan elektr energiyasi uchun hisob-kitob qilish sohasidagi ahvolni tubdan yaxshilash, toʻlovlarning toʻliq va oʻz vaqtida amalga oshirilishini taʼminlash hamda berilgan elektr energiyasi uchun isteʼmolchilar qarzlarining koʻpayishiga yoʻl qoʻymaslik, ham elektr energiyasi yetkazib beruvchilarning, ham isteʼmolchilarning shartnomaviy majburiyatlarga rioya etilishi uchun javobgarligini oshirish maqsadida Vazirlar Mahkamasi qaror qiladi:
(muqaddima Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
1. 2005-yil 1-yanvardan boshlab soliqlar va budjetga majburiy toʻlovlar oʻz vaqtida toʻlanmaganligi uchun javobgarlikka tortishning belgilangan tartibi isteʼmol qilingan elektr energiyasi uchun muddati oʻtkazib yuborilgan toʻlovlarga yoʻl qoʻygan yuridik shaxslarga tatbiq etilsin.
Oʻzbekiston Respublikasi Davlat soliq qoʻmitasiga toʻlov muddati oʻtgan qarzlarni yigʻish va yuridik shaxslar tomonidan isteʼmol qilingan elektr energiyasi uchun mablagʻlarning toʻliq tushishini nazorat qilish funksiyasi yuklansin.
Keyingi tahrirga qarang.
Belgilab qoʻyilsinki, yuridik shaxslar tomonidan isteʼmol qilingan elektr energiyasi uchun muddati oʻtkazib yuborilgan qarzlar “Oʻzbekenergo” davlat-aksiyadorlik kompaniyasi boʻlinmalari tomonidan har oyda taqdim etiladigan toʻlov talabnomalari toʻgʻrisidagi reyestrlar boʻyicha yuridik shaxs roʻyxatdan oʻtkazilgan joydagi davlat soliq xizmati organlari tomonidan soʻzsiz tartibda undirib olinadi.
Keyingi tahrirga qarang.
Oʻzbekiston Respublikasi Davlat soliq qoʻmitasi “Oʻzbekenergo” davlat-aksiyadorlik kompaniyasi bilan birgalikda bir oy muddatda “Energiya bilan taʼminlovchi tashkilotlar tomonidan davlat soliq xizmati organlariga undirib olish chora-tadbirlarini koʻrish uchun muddati oʻtkazib yuborilgan debitorlik qarzlar toʻgʻrisida axborot taqdim etish tartibi toʻgʻrisida”gi nizomni ishlab chiqsin va belgilangan tartibda tasdiqlasin.
Keyingi tahrirga qarang.
Oldingi tahrirga qarang.
2. Belgilab qoʻyilsinki:
barcha yuridik shaxslar — elektr energiyasi isteʼmolchilari isteʼmol qilingan elektr energiyasi (quvvati) uchun qonun hujjatlarida belgilangan tartibda, elektr taʼminoti shartnomasiga muvofiq har oyda toʻliq hisob-kitob qilishlari shart;
Keyingi tahrirga qarang.
hisob-kitob oyidan keyingi kalendar oy tugagach qarz toʻlov muddati oʻtgan hisoblanadi va toʻlov muddati oʻtgan har bir kun uchun toʻlov muddati oʻtgan summaning 0,1 foizi miqdorida, 1-ilovaga muvofiq elektr energiyasi yetkazib berishning maxsus tartibiga ega boʻlgan korxonalar uchun esa — 0,2 foiz miqdorida penya hisoblab yoziladi;
uy-joylar hamda turarjoy va turarjoy boʻlmagan fond xonalarining oldi-sotdi shartnomalarini roʻyxatdan oʻtkazish faqat energiya, tabiiy gaz va boshqa kommunal xizmatlar uchun qarzlar toʻliq toʻlangan taqdirda amalga oshiriladi.
Keyingi tahrirga qarang.
(2-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Oldingi tahrirga qarang.
3. Quyidagilarga:
elektr taʼminoti shartnomalarini tuzmagan va shartnomada nazarda tutilgan elektr energiyasi hajmi qiymatining kamida 30 foizi miqdoridagi haqni oldindan toʻlamagan;
Keyingi tahrirga qarang.
Elektr energiyasi isteʼmolini hisobga olish va nazorat qilishning avtomatlashtirilgan tizimiga mos boʻlgan hisobga olish hisob-kitob elektron priborlarini oʻrnatmagan;
isteʼmol qilingan elektr energiyasi uchun elektr taʼminoti shartnomasida belgilangan muddatlarda toʻlanmagan qarzi boʻlgan;
Keyingi tahrirga qarang.
elektr energiyasini elektr taʼminoti shartnomasida nazarda tutilgan hajmlardan ortiqcha isteʼmol qilgan yuridik shaxslarga elektr energiyasi yetkazib berish toʻxtatib qoʻyilsin.
(3-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Oldingi tahrirga qarang.
4. Qarzi mavjud boʻlgan isteʼmolchilarga elektr energiyasi yetkazib berishni toʻxtatib turish boʻyicha talablarga rioya etilishi yuzasidan shaxsiy javobgarlik hududiy elektr tarmoqlari korxonalari rahbarlari zimmasiga yuklansin
30 kundan ortiq qarzdorlik mavjud boʻlganda hududiy elektr tarmoqlari korxonalari xodimlariga isteʼmolchilar uzib qoʻyilmaganligi va ularga elektr energiyasi berilganligi uchun — oʻrtacha oylik ish haqining ellik foizi miqdorida jarima jazolari belgilanadigan, ushbu holat takrorlanganda esa — ular egallab turgan lavozimidan ozod etiladigan hamda qonun hujjatlarida belgilangan tartibda maʼmuriy va jinoiy javobgarlikka tortiladigan tartib belgilansin.
“Oʻzbekenergo” davlat-aksiyadorlik kompaniyasi 2004-yil 31-dekabrgacha tegishli mansabdor shaxslar bilan mehnat shartnomalarida ishlab chiqariladigan va beriladigan elektr energiyasining saqlanishi, uni uzatishdagi texnologik sarflar parametrlariga rioya etilishi uchun moddiy javobgarlikni nazarda tutsin.
(4-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Oldingi tahrirga qarang.
5. Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizom 2-ilovaga muvofiq tasdiqlansin va u 2005-yil 1-yanvardan boshlab amalga kiritilsin.
(5-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Oldingi tahrirga qarang.
6. Belgilab qoʻyilsinki, aholi isteʼmol qilingan elektr va issiqlik energiyasi, tabiiy gaz va boshqa kommunal xizmatlar uchun toʻlovni oʻz tanloviga koʻra, cheklanmagan holda, tijorat banklari muassasalari, toʻlovlarni qabul qilish kassalari, tashkilotlari va punktlarida amalga oshiradilar.
(6-bandning birinchi xatboshi Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
“Oʻzbekenergo” davlat-aksiyadorlik kompaniyasi, “Oʻzkommunxizmat” agentligi, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari, aholiga kommunal xizmatlar koʻrsatuvchi tuzilmalar, tijorat banklari isteʼmol qilingan elektr va issiqlik energiyasi, tabiiy gaz hamda kommunal xizmatlar uchun aholidan toʻlovlarni qabul qilish boʻyicha barcha mavjud cheklashlarni olib tashlasinlar.
Aholiga mumkin qadar qulayliklar yaratish maqsadida tijorat banklariga elektr va issiqlik energiyasi, tabiiy gaz hamda kommunal xizmatlar uchun toʻlovlarni qabul qilish boʻyicha mini-banklar va tijorat banklari filiallarining maxsus kassalarini ochish va ularning normal faoliyat koʻrsatishini taʼminlash tavsiya etilsin.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tijorat banklariga aholidan kommunal toʻlovlarini qabul qilish boʻyicha mini-banklar va maxsus kassalar ochishda yordam koʻrsatsinlar hamda koʻrilgan chora-tadbirlar toʻgʻrisida Vazirlar Mahkamasiga 2005-yil 1-iyulgacha axborot bersinlar.
7. “Oʻzbekenergo” davlat-aksiyadorlik kompaniyasi, “Oʻzkommunxizmat” agentligi, Aloqa va axborotlashtirish agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari uch oy muddatda elektr va issiqlik energiyasi, tabiiy gaz, boshqa kommunal xizmatlar, shuningdek aloqa xizmatlari uchun toʻlovlarni qabul qilish boʻyicha aholiga xizmat koʻrsatish maqsadida tijorat banklari bilan shartnomalar tuzsinlar.
10. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda:
qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;
idoraviy normativ hujjatlar mazkur qarorga muvofiqlashtirilishini taʼminlasin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Azimov va Oʻ.T. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2004-yil 1-noyabr,
511-son
Vazirlar Mahkamasining
2004-yil 1-noyabrdagi 511-son qaroriga
1-ILOVA
Oldingi tahrirga qarang.
Elektr energiyasi maxsus tartibga koʻra yetkazib beriladigan isteʼmolchi korxonalar roʻyxati
(1-ilovaning nomi Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
1. “Navoiyazot” ochiq aksiyadorlik jamiyati
2. “Elektrkimyosanoat” ochiq aksiyadorlik jamiyati (Chirchiq shahri)
3. “Azot” ishlab chiqarish birlashmasi (Fargʻona shahri)
4. “Ammofos” ochiq aksiyadorlik jamiyati
5. Navoiy kon-metallurgiya kombinati
6. “Olmaliq kon-metallurgiya kombinati” ochiq aksiyadorlik jamiyati
7. “Oʻzmetkombinat” birlashmasi
8. “Oʻzkommunxizmat” agentligining mintaqaviy suv quvurlari boshqarmalari
9. “Toshissiqlikenergo” ishlab chiqarish birlashmasi
10. Mudofaa vazirligi, Ichki ishlar vazirligi, Milliy xavfsizlik xizmati, Davlat chegaralarini himoya qiluvchi qoʻmita, Favqulodda vaziyatlar vazirligi boʻlinmalari
Keyingi tahrirga qarang.
Vazirlar Mahkamasining
2004-yil 1-noyabrdagi 511-son qaroriga
2-ILOVA
Oldingi tahrirga qarang.
Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisida
Nizom
(2-ilovaning nomi Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
I. Umumiy qoidalar
Oldingi tahrirga qarang.
1. Ushbu Nizom isteʼmol qilingan elektr energiyasi uchun oʻzaro hisob-kitoblarni amalga oshirishda hududiy elektr tarmoqlari korxonalari bilan elektr energiyasi isteʼmolchilari oʻrtasidagi oʻzaro munosabatlarni tartibga soladi, shuningdek tuman, shahar doirasida isteʼmolchilardan elektr energiyasi uchun pul mablagʻlarini yigʻish boʻyicha funksiyalarni bajaruvchi xususiy operatorlarga tatbiq etiladi.
Ushbu Nizomning amal qilishi maishiy isteʼmolchilar (aholi) tomonidan elektr energiyasi isteʼmol qilinishiga tatbiq etilmaydi.
(1-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Oldingi tahrirga qarang.
2. Elektr energiyasini uni ishlab chiqarish va isteʼmol qilishning aynan bir vaqtda amalga oshirilishini xarakterlovchi alohida tovar turi sifatida yetkazib berish Oʻzbekiston Respublikasi Vazirlar Mahkamasining 2009-yil 22-avgustdagi 245-son qarori bilan tasdiqlangan Elektr energiyasidan foydalanish qoidalariga muvofiq, hududiy elektr tarmoqlari korxonasi bilan elektr qurilmasi bevosita hududiy elektr tarmoqlari korxonasining elektr tarmoqlariga ulangan isteʼmolchilar oʻrtasida tuzilgan elektr taʼminoti shartnomasi asosida amalga oshiriladi.
Keyingi tahrirga qarang.
Subisteʼmolchilarning isteʼmolchi hamda hududiy elektr tarmoqlari korxonasi bilan elektr energiyasini yetkazib berish va isteʼmol qilingan elektr energiyasi uchun oʻzaro hisob-kitob qilishdagi oʻzaro munosabatlari yuqorida koʻrsatib oʻtilgan Qoidalar hamda ushbu Nizom bilan tartibga solinadi.
(2-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
3. Elektr energiyasi uchun hisob-kitoblar barcha isteʼmolchilar tomonidan “Oʻzbekenergo” davlat-aksiyadorlik kompaniyasi bilan kelishilgan va Oʻzbekiston Respublikasi Moliya vazirligi tomonidan tasdiqlangan tariflar boʻyicha amalga oshiriladi.
Keyingi tahrirga qarang.
Oldingi tahrirga qarang.
4. Isteʼmolchida turli tarif guruhlariga mansub boʻlgan elektr qurilmalari mavjud boʻlgan taqdirda hisob-kitoblar ularga oʻtkazilgan liniyalarda oʻrnatilgan hisobga olish priborlarining koʻrsatkichlari asosida, har qaysi tarif guruhi boʻyicha alohida amalga oshiriladi. Yakuniy hisob-kitob qilish hisobga olish priborlarining koʻrsatkichlari boʻyicha, tasdiqlangan tariflarga muvofiq, elektr taʼminoti shartnomasida koʻrsatilgan tartibda va muddatlarda amalga oshiriladi.
(4-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Oldingi tahrirga qarang.
5. Elektr va issiqlik energiyasi isteʼmolchilarining tarif guruhlari toʻgʻrisidagi nizom buzilgan holda isteʼmolchi hududiy elektr tarmoqlari korxonasi tomonidan boshqa tarif guruhiga notoʻgʻri oʻtkazilgan taqdirda aybdor shaxslar qonun hujjatlariga muvofiq javob beradilar.
(5-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
II. Oʻzaro hisob-kitoblar tartibi
Oldingi tahrirga qarang.
6. Elektr energiyasini har oyda barcha toifalardagi isteʼmolchilarga yetkazib berish ular tomonidan elektr taʼminoti shartnomasiga binoan tegishli oy uchun yetkazib berilishi nazarda tutilgan elektr energiyasi hajmi qiymatining kamida 30 foizi miqdorida avans toʻlovi toʻlangandan keyin amalga oshiriladi.
Isteʼmolchining elektr energiyasi uchun qarzi mavjud boʻlgan taqdirda uning avans toʻlovi hisobiga oʻtkazilgan mablagʻlari qarzni toʻlashga yoʻnaltiriladi va avans toʻlovi sifatida hisobga olinmaydi.
Isteʼmolchining aybi bilan elektr energiyasi elektr taʼminoti shartnomasida koʻrsatilgan hajmga nisbatan kam isteʼmol qilingan taqdirda avans sifatida toʻlangan mablagʻlar qaytarib berilmaydi va elektr energiyasi uchun keyingi hisob-kitoblarda hisobga olinadi.
(6-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Oldingi tahrirga qarang.
7. Elektr energiyasi (quvvati)ning haqiqiy sarfini aniqlash uchun hududiy elektr tarmoqlari korxonasi isteʼmolchi bilan birgalikda har oyda hisobga olish priborlari koʻrsatkichlarini yozib oladi. Shu bilan birga, belgilangan shakl (ushbu Nizomga 3a-ilova) boʻyicha tegishli dalolatnoma tuziladi.
Keyingi tahrirga qarang.
Hisobga olish priborlaridan yozib olingan koʻrsatkichlar hududiy elektr tarmoqlari korxonasi tomonidan isteʼmolchi elektr energiyasi uchun toʻlashi kerak boʻlgan summalarni hisoblashda hisobga olinadi.
Elektr energiyasi va quvvati sarfi toʻgʻrisidagi hisobot (ushbu Nizomga 3-ilova) hamda elektr energiyasi (quvvati) yetkazib berish dalolatnomasi asosida hududiy elektr tarmoqlari korxonasi hisoblashni amalga oshiradi va isteʼmolchiga schyot-faktura va toʻlovni toʻlash uchun schyot yozib beradi.
Keyingi tahrirga qarang.
Isteʼmolchida turli tarif guruhlariga mansub boʻlgan bir nechta obyekt mavjud boʻlgan taqdirda har qaysi tarif guruhini koʻrsatgan holda umumiy schyot-faktura yoziladi.
Hisobga olish hisob-kitob priborlari koʻrsatkichlari yozib olinmagan taqdirda hududiy elektr tarmoqlari korxonasi hisob-kitobni elektr energiyasi isteʼmolining shartnomadagi miqdori boʻyicha amalga oshiradi, keyinchalik hududiy elektr tarmoqlari korxonasi tomonidan isteʼmolchi bilan birgalikda aniqlangan elektr energiyasining haqiqiy isteʼmol qilingan hajmi uchun qayta hisob-kitob qilinadi. Shu bilan birga, hududiy elektr tarmoqlari korxonasi schyot-faktura yozib beradi va xizmat koʻrsatuvchi bank orqali belgilangan tartibda toʻlov talabnomasini taqdim etadi”;
Keyingi tahrirga qarang.
Oldingi tahrirga qarang.
8. Hududiy elektr tarmoqlari korxonasi va elektr energiyasi isteʼmolchisi oʻrtasidagi oʻzaro hisob-kitoblar isteʼmolchi tomonidan hududiy elektr tarmoqlari korxonasining bankdagi hisob raqamiga pul mablagʻlari oʻtkazish yoʻli bilan amalga oshiriladi, toʻlovlarni maqsadli moliyalashtirish sxemalari boʻyicha amalga oshirish, belgilangan tartibda maxsus hisob raqamlari orqali hisob-kitob qilish ham shu jumlaga kiradi (mazkur Nizomga 1-ilova).
(8-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Oldingi tahrirga qarang.
9. Mahalliy davlat hokimiyati organlari ixtiyoridagi elektr energiyasi isteʼmolchilari boʻlgan suv bilan taʼminlovchi korxonalar isteʼmol qilingan elektr energiyasi uchun hududiy elektr tarmoqlari korxonasi bilan hisob-kitoblarni har oyda oʻz mablagʻlari hisobiga amalga oshiradilar.
(9-bandning birinchi xatboshi Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Qishloq xoʻjaligi isteʼmolchilari (shirkat xoʻjaliklari, dehqon, fermer xoʻjaliklari va boshqalar) va “Oʻzkimyosanoat” davlat-aksiyadorlik kompaniyasi korxonalari olingan elektr energiyasi uchun oʻz mablagʻlari bilan, shuningdek Oʻzbekiston Respublikasi Moliya vazirligi huzuridagi Davlat ehtiyojlari uchun xarid qilinadigan qishloq xoʻjaligi mahsulotlarining hisob-kitob jamgʻarmasi tomonidan birinchi navbatda ajratiladigan maxsus hisob raqamlari boʻyicha maqsadli moliyalashtirish mablagʻlari (transhlar) hisobiga hisob-kitob qiladi (mazkur Nizomga 2-ilova).
Isteʼmolchida valyuta mablagʻlari va qarzlar mavjud boʻlganda toʻlov valyuta mablagʻlarini qonun hujjatlarida belgilangan tartibda sotish hisobiga amalga oshirilishi mumkin.
Keyingi tahrirga qarang.
Oldingi tahrirga qarang.
10. Isteʼmolchilar isteʼmol qilingan elektr energiyasi (quvvati) uchun toʻliq hisob-kitobni har oyda, elektr taʼminoti shartnomasiga muvofiq, hududiy elektr tarmoqlari korxonasi yoki isteʼmolchining oʻzi yozadigan toʻlov hujjatlari boʻyicha amalga oshiradilar.
Isteʼmol qilingan elektr energiyasi (quvvati) uchun toʻlov elektr taʼminoti shartnomasida belgilangan miqdorlarda va muddatlarda amalga oshirilmagan taqdirda hududiy elektr tarmoqlari korxonasi isteʼmolchilarga elektr energiyasi yetkazib berishni toʻxtatadi, ushbu Nizomning 18-bandida koʻrsatilgan isteʼmolchilar bundan mustasno.
(10-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Oldingi tahrirga qarang.
11. Hisob-kitob oyidan keyingi kalendar oy tugagach qarz toʻlov muddati oʻtgan hisoblanadi va toʻlov muddati oʻtgan har bir kun uchun toʻlov muddati oʻtgan summaning 0,1 foizi miqdorida, 1-ilovaga muvofiq elektr energiyasi yetkazib berishning maxsus tartibiga ega boʻlgan korxonalar uchun esa — 0,2 foiz miqdorida penya hisoblab yoziladi.
(11-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Oldingi tahrirga qarang.
12. Elektr taʼminoti shartnomalarida (maishiy isteʼmolchilardan tashqari) hisob-kitob qilish davrida elektr taʼminoti shartnomasida koʻrsatilganidan 5 foizdan ortiq miqdorda isteʼmol qilingan elektr energiyasi uchun hududiy elektr tarmoqlari korxonalari foydasiga hisob-kitob davri uchun elektr taʼminoti shartnomasida koʻrsatilgan miqdordan ortiqcha jami hajm uchun elektr energiyasi uchun belgilangan tarifning 50 foizi miqdorida jarima sanksiyalari toʻlash nazarda tutiladi.
Agar isteʼmolchining amaldagi yuklamasi yagona elektr energetikasi tizimining eng yuqori yuklamali soatlarida elektr taʼminoti shartnomasida nazarda tutilganidan 5 foizdan ortiq oshib ketsa hisob-kitob davri oxirida amaldagi yuklamaning ortib ketgan jami qismi uchun qayta hisob-kitob qilinadi va belgilangan tarifning 50 foizi miqdorida qoʻshimcha toʻlov undiriladi”;
Keyingi tahrirga qarang.
(12-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Oldingi tahrirga qarang.
13. Elektr taʼminoti shartnomasida koʻrsatilgan elektr energiyasining tegishli hajmi uchun oldindan haq toʻlangan taqdirda nazarda tutilayotgan oʻzgarishlargacha (joriy oy tugagungacha) 10 kundan kech boʻlmagan muddatda isteʼmolchining taklifiga koʻra elektr energiyasining shartnomadagi hajmlariga oʻzgartirishlar kiritilgan taqdirda elektr energiyasi kam yoki ortiqcha olingan deb hisoblanmaydi.
Elektr energiyasining shartnomadagi hajmlarini kamayish tomonga oʻzgartirishlar, oldindan haq toʻlanishidan qatʼi nazar, amalga oshiriladi.
(13-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Oldingi tahrirga qarang.
(14-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qaroriga muvofiq oʻz kuchini yoʻqotgan— OʻR QHT, 2010-y., 14-15-son, 108-modda)
Oldingi tahrirga qarang.
15. Hisoblangan davr uchun elektr energiyasi (quvvati)ning ortiqcha olingan hajmi hisobga olish priborlarining belgilangan shakldagi dalolatnoma yoki solishtirish dalolatnomasi bilan tasdiqlangan koʻrsatkichlari boʻyicha aniqlanadi, u jarima miqdorini hisoblash uchun asos hisoblanadi.
(15-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Oldingi tahrirga qarang.
16. Hududiy elektr tarmoqlari korxonasi jarima sanksiyalari boʻyicha alohida hisobni yuritadi, ularni hisobotlarda alohida ustunda aks ettiradi, ular boʻyicha alohida toʻlov talabnomalarini rasmiylashtiradi va taqdim etadi.
(16-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
17. Elektr energiyasining sifati, shuningdek isteʼmolchilar tomonidan reaktiv energiya isteʼmoli va generatsiyasi uchun tarifi boʻyicha chegirishlar va ustamalar Elektr energiyasidan foydalanish qoidalariga muvofiq hisoblanadi.
Keyingi tahrirga qarang.
Oldingi tahrirga qarang.
18. Alohida xavfli hamda elektr energiyasining uzib qoʻyilishi texnogen va avariyali oqibatlarga olib kelishi mumkin boʻlgan, uzluksiz texnologik jarayonga ega boʻlgan sanoat korxonalarida qarzdorlik vujudga kelgan taqdirda haq toʻlanmaganligi uchun elektr energiyasi yetkazib berilishini cheklash belgilangan tartibda elektr taʼminotining avariya bronigacha, toʻliq uzib qoʻyish esa — faqat sud qaroriga koʻra amalga oshirilishi mumkin.
Hududiy elektr tarmoqlari korxonasi hamda elektr energiyasi isteʼmolchisi tomonidan imzolangan texnologiya va avariya broni dalolatnomalari shartnomaning uzviy qismi hisoblanadi.
(18-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
III. Sotiladigan elektr energiyasi boʻyicha hisobga olish va hisobot
Oldingi tahrirga qarang.
19. Quyidagilar hududiy elektr tarmoqlari korxonasining isteʼmolchilar bilan oʻzaro hisob-kitob qilish sohasidagi asosiy vazifalari hisoblanadi:
belgilangan tartibda aktiv va reaktiv energiya (quvvat)ni hisobga olish priborlari koʻrsatkichlariga muvofiq elektr energiyasi hisobini yuritish;
Keyingi tahrirga qarang.
schyot-fakturalarni rasmiylashtirish;
toʻlov talabnomalarini tayyorlash, rasmiylashtirish hamda ularni yetkazib berilgan elektr energiyasi (quvvati) qiymatini va elektr energiyasi ortiqcha olinganligi uchun jarima sanksiyalarini (penyalarni) toʻlash uchun bankka taqdim etish;
Keyingi tahrirga qarang.
aylanma vedomostni yuritish;
tovar mahsulotlar va asosiy faoliyat boʻyicha boshqa daromadlar balansini tuzish.
(19-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Oldingi tahrirga qarang.
20. Qoʻyilgan vazifalarni hal etish uchun hududiy elektr tarmoqlari korxonasi quyidagi funksiyalarni amalga oshiradi:
a) isteʼmolchi tomonidan isteʼmol qilingan elektr energiyasi (quvvati)ning haqiqiy hajmini aniqlash va hisobga olish priborlari tartib raqamlarini hamda haqiqiy isteʼmol qilingan elektr energiyasi (quvvati) toʻgʻrisidagi maʼlumotlarni (ushbu Nizomga 3a-ilova) koʻrsatgan holda elektr energiyasi (quvvati) yetkazib berish dalolatnomasini tuzish uchun isteʼmolchi bilan birgalikda har oyda hisobga olish priborlaridan koʻrsatkichlarni yozib oladi;
Keyingi tahrirga qarang.
b) belgilangan shakl (ushbu Nizomga 4-ilova) boʻyicha isteʼmol qilingan elektr energiyasi (quvvati) uchun hisob-kitobni amalga oshiradi;
Keyingi tahrirga qarang.
v) hisob-kitob qilish davrida yetkazib berilgan elektr energiyasi (quvvati) uchun toʻlovni, solingan jarima sanksiyalarini, penyalarni, hujjatlar paketini qonun hujjatlarida belgilangan tartibda xizmat koʻrsatuvchi bankka taqdim etadi;
Keyingi tahrirga qarang.
g) isteʼmolchining hisob-kitob qilish davri mobaynida isteʼmol qilingan elektr energiyasi (quvvati) toʻgʻrisidagi maʼlumotlari va isteʼmol qilingan elektr energiyasi (quvvati) uchun hisob-kitob qilish asosida aylanma vedomostni (ushbu Nizomga 5-ilova) toʻldiradi. Aylanma vedomostni qoʻlda toʻldirishda ushbu Nizomga 5-ilovaga muvofiq shakldan foydalanish lozim. Isteʼmolchining elektr energiyasi uchun toʻlov summasi mablagʻlarning hududiy elektr tarmoqlari korxonasi hisob raqamiga tushishiga koʻra aylanma vedomostga yozib boriladi;
Keyingi tahrirga qarang.
d) aylanmalarni (taqdim etish va toʻlash) va har qaysi hisob-kitob oyi uchun saldo qoldiqlarini aks ettirish uchun shaxsiy kartochka boʻyicha hisobni yuritadi.
(20-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Oldingi tahrirga qarang.
21. Yuqorida koʻrsatib oʻtilgan dastlabki hujjatlar va aylanma vedomost asosida hududiy elektr tarmoqlari korxonasi har oyda asosiy faoliyat boʻyicha (ushbu Nizomga 6-ilova), ortib boruvchi yakun bilan (chorak, yarim yil va yil uchun) “Oʻzbekenergo” davlat-aksiyadorlik kompaniyasi belgilagan muddatlarda tovar mahsulotlar va boshqa daromadlar balansini tuzadi. Asosiy faoliyat boʻyicha tovar mahsulotlar va boshqa daromadlar balansida har oyning boshi va oxiridagi aylanmalar (koʻrsatish va toʻlash) hamda saldo qoldiqlari aks ettiriladi. Balanslarning haqqoniyligi debitorlik va kreditorlik qarzlari boʻlgan barcha isteʼmolchilar tomonidan solishtirish dalolatnomalari bilan tasdiqlanadi.
(21-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Oldingi tahrirga qarang.
22. Har oyda, aylanma vedomost va tovar mahsulotlar hamda asosiy faoliyat boʻyicha boshqa daromadlar balansi asosida hududiy elektr tarmoqlari korxonasi isteʼmolchilar boʻyicha debitorlik va kreditorlik qarzlar toʻgʻrisidagi maʼlumotnomani (ushbu Nizomga 7-ilova) tuzadi, u hisob-kitob qilish davri uchun korxona moliya-xoʻjalik faoliyati balansining uzviy qismi hisoblanadi;
(22-band Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Keyingi tahrirga qarang.
Oldingi tahrirga qarang.
23. Hisobga olish va yetkazib berilgan elektr energiyasi hajmi boʻyicha hisobotlarning ishonchliligi, shuningdek yuqorida koʻrsatib oʻtilgan hujjatlarning toʻgʻri rasmiylashtirilishi uchun javobgarlik hududiy elektr tarmoqlari korxonalarining va ularning elektr bilan taʼminlovchi korxonalari rahbarlari, bosh buxgalterlari hamda boshqa mansabdor va moddiy javobgar shaxslari zimmasiga yuklanadi.
(23-band Oʻzbekiston Respublikasi Vazirlar Mahkamasining 2010-yil 17-fevraldagi 23-son qarori tahririda — OʻR QHT, 2010-y., 6-7-son, 53-modda)
Keyingi tahrirga qarang.
Oldingi tahrirga qarang.
Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomga
1-ILOVA
(1-ilova Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Isteʼmol qilingan energiya uchun oʻzaro hisob-kitoblarni tijorat banklarining qisqa muddatli kreditlari asosida amalga oshirish namunaviy sxemasi
*Izoh. “Oʻzbekenergo” DAK korxonalari hamda energiya isteʼmolchilari oʻrtasida debitorlik va kreditorlik qarzlar paydo boʻlgan hollarda ikki-uch kun muddatda tijorat banklari kreditlari asosida amalga oshiriladigan sxemalar boʻyicha oʻzaro hisob-kitoblar amalga oshiriladi.
Keyingi tahrirga qarang.
Oldingi tahrirga qarang.
Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomga
2-ILOVA
(2-ilova Oʻzbekiston Respublikasi Vazirlar Mahkamasining 2010-yil 7-apreldagi 66-sonli qarori tahririda — OʻR QHT, 2010-y., 14-15-son, 108-modda)
Qishloq xoʻjaligi korxonalari va kimyo sanoati korxonalari tomonidan isteʼmol qilingan elektr energiyasi uchun mablagʻlarning transhlar boʻyicha oʻtishi namunaviy sxemasi
*Izoh. Paxta, don va sholi yetishtiruvchi xoʻjaliklarga, shuningdek qishloq xoʻjaligiga xizmat koʻrsatuvchi korxonalar va tashkilotlarga yetkazib beriladigan elektr energiyasi uchun “Oʻzbekenergo” DAK korxonalari bilan hisob-kitoblar transhlar asosida, Oʻzbekiston Respublikasi Moliya vazirligi huzuridagi Davlat ehtiyojlari uchun xarid qilinadigan qishloq xoʻjaligi mahsulotlarining hisob-kitob jamgʻarmasi sxemalari boʻyicha amalga oshiriladi.
Oldingi tahrirga qarang.
Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi Nizomga
3-ILOVA
Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi Nizomga
3a-ilova

Vazirlik, idora:

XXTUT:

Isteʼmolchining nomi:

Manzil:

Bank, h/r, bankning FPM, STIR:

Telefon (faks)

20 __ yil ______________ oyidagi elektr energiyasi va quvvati (aktiv, reaktiv) yetkazib berish
DALOLATNOMASI

Koʻrsatkich yozib olingan sana — 20__yil “______” ________________

Hisobga olish pribori (hisoblagich)ning zavod raqami va turi Hisoblash koeffitsiyenti Aktiv energiya koʻrsatkichi Aktiv energiya koʻrsatkichidagi tafovut Sarfi, kVt. soat Amaldagi eng yuqori quvvati kVt Reaktiv energiya koʻrsatkichi Reaktiv energiya koʻrsatkichidagi tafovut Sarfi kVar. soat Amaldagi eng yuqori quvvati, kVAr Izoh
tok transformatori boʻyicha (TT) kuchlanish transformatori boʻyicha (TN) umumiy boshlangʻich oxirgi boshlangʻich oxirgi
1 2 3 4=2x3 5 6 7=6-5 8=4x7 9 10 11 12=11-10 13=4x12 14 15
Jami
Toʻldirish tartibi:

1-ustun — hisoblagichning (zavod) raqami va turi;

2,3,4-ustunlar — tok transformatori va kuchlanish transformatori parametrlari asosida belgilanadigan hisoblash koeffitsiyenti;

5,6-ustunlar— (aktiv) elektr energiyasi hisoblagichining boshlangʻich va oxirgi (koʻrsatkich yozib olingan vaqtda) koʻrsatkichi;

7,8-ustunlar— koʻrsatkichdagi tafovutni hisoblash va har bir hisoblagich boʻyicha (aktiv) elektr energiyasi sarfi;

9 - ustun — eng koʻp energiya talab qilinadigan vaqtda hisobga qabul qilingan amaldagi aktiv quvvati (yuklamasi);

10,11- ustunlar— (reaktiv) elektr energiyasi hisoblagichining boshlangʻich va oxirgi (koʻrsatkich yozib olingan vaqtda) koʻrsatkichi;

12,13- ustunlar — koʻrsatkichdagi tafovutni hisoblash va har bir hisoblagich boʻyicha (reaktiv) elektr energiyasi sarfi;

14- ustun— hisobga olingan amaldagi reaktiv quvvati (yuklamasi);

15- ustun— izoh.

1. Korxona rahbari __________________

2. Hududiy elektr tarmoqlari
korxonasi vakili ___________________________
(F.I.O., imzo)

(F.I.O., imzo)
M.Oʻ.
Korxonaning elektr xoʻjaligi uchun masʼul shaxsi

____________________________________

(F.I.O., imzo)
Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi Nizomga
4-ILOVA

Isteʼmol qilingan elektr energiyasi (quvvati) uchun hisob-kitob

20__yil ___________oyi _________ hisobi

Isteʼmolchi__________________________________________________________

(nomi)

___________dagi ______________raqamli shartnoma_______________________
Manzili ____________________________________________________________
____________________________________________________________________
Hisob raqami___________________ STIR _______________________________
Bank __________________________ bank kodi ____________________________
Oluvchi: _____________________________________________________________

(nomi)

Oluvchining hisob raqami ____________________STIR____________________
Oluvchining banki _____________________ bank kodi _____________________
Nomi Oʻlchov birligi Sarfi Tarifi Summasi
Koʻrsatilgan quvvat kVt
Amaldagi quvvat kVt
Reaktiv quvvat kVar
Hisoblagich raqami kVt.soat (kVar. soat)
…………… kVt.soat (kVar. soat)
Isteʼmolchining elektr uzatish liniyasidagi yoʻqotish %
Transformatorlardagi yoʻqotish %
Isteʼmolchining jami yoʻqotishlari kVt. soat
Tariflar boʻyicha jami kVt. soat
…………… kVt. soat
Amaldagi isteʼmol kVt. soat
Shartnomadagi miqdor kVt. soat
Jarimalar (belgilanganidan ortiqcha olish, penyalar) kVt. soat
shu jumladan energiyani belgilanganidan ortiqcha olish boʻyicha
shu jumladan quvvatni belgilanganidan ortiqcha olish boʻyicha
shu jumladan penyalar boʻyicha
jarimalar boʻyicha toʻlov uchun jami Soʻm
Jami koʻrsatilgan kVar. soat
Iqtisodiy miqdori kVar. soat
Ustama (chegirish) kVar. soat
Toʻlov uchun jami Soʻm
QQS bilan summasi Soʻm
shu jumladan QQS Soʻm
_____________uchun oldindan toʻlov Soʻm
(oy)
Toʻlov uchun hammasi Soʻm
Hududiy elektr tarmoqlari korxonasi buxgalteri _________________________
(F.I.O. ,imzo)
Yuridik shaxslar bilan ishlash boʻyicha muhandis _________________________
(F.I.O.,imzo)
Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi Nizomga
5-ILOVA
ELEKTR ENERGIYASI UCHUN HISOB-KITOBLAR BOʻYICHA YIGʻMA AYLANMA VEDOMOST
Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi Nizomga
5a-ILOVA
ELEKTR ENERGIYASI BOʻYICHA AYLANMA VEDOMOST
Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi Nizomga
6-ILOVA
Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi Nizomga
7-ILOVA
(3, 4, 5, 5a, 6, 7 va 8-ilovalar Oʻzbekiston Respublikasi Vazirlar Mahkamasining 2010-yil 7-apreldagi 66-sonli qaroriga asosan 3, 3a, 4, 5, 5a, 6 va 7-ilovalar bilan almashtirilgan — OʻR QHT, 2010-y., 14-15-son, 108-modda)
Keyingi tahrirga qarang.

(Oʻzbekiston Respublikasi qonun hujjatlari toʻplami, 2004-y., 44-son, 460-modda; 2009-y., 52-son, 560-modda; 2010-y., 6-7-son, 53-modda, 14-15-son, 108-modda; 2013-y., 45-son, 589-modda; 2015-y., 1-son, 9-modda; 2016-y., 34-son, 405-modda; 2017-y., 9-son, 131-modda, 22-son, 425-modda, 33-son, 864-modda, 29.12.2017-y., 09/18/1034/0502-son; Qonun hujjatlari maʼlumotlari milliy bazasi, 01.06.2018-y., 09/18/396/1287-son, 21.09.2018-y., 09/18/748/2024-son; 04.06.2020-y., 09/20/348/0716-son; Qonunchilik maʼlumotlari milliy bazasi, 18.10.2021-y., 06/21/6325/0972-son; 05.04.2022-y., 09/22/153/0266-son; 15.08.2023-y., 09/23/382/0612-son; 25.10.2023-y., 09/23/560/0796-son; 23.12.2024-y., 09/24/859/1047-son; 16.12.2025-y., 09/25/791/1167-son)