Hujjat kuchini yo‘qotgan " " 16.12.2025
Oʻzbekiston Respublikasi Vazirlar Mahkamasining
qarori
Aholiga kundalik hayotda isteʼmol qilish uchun sotiladigan suyultirilgan gazning respublika boʻyicha yagona chakana narxini bosqichma-bosqich joriy etish toʻgʻrisida
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2025-yil 15-dekabrdagi 791-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Valyuta bozorini liberallashtirish sharoitida iqtisodiyotning bazaviy tarmoqlarini davlat tomonidan qoʻllab-quvvatlashda birinchi navbatdagi chora-tadbirlar toʻgʻrisida” 2017-yil 4-sentabrdagi PQ-3253-son qarori ijrosini taʼminlash, shuningdek, aholiga suyultirilgan gaz sotish va yetkazib berishda oʻgʻirlik va suiisteʼmollikning oldini olish maqsadida Vazirlar Mahkamasi qaror qiladi:
Oldingi tahrirga qarang.
(1-band Oʻzbekiston Respublikasi Vazirlar Mahkamasining 2018-yil 1-noyabrdagi 897-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 02.11.2018-y., 09/18/897/2149-son)
2. Aholiga kundalik hayotda isteʼmol qilish uchun 1 kilogramm suyultirilgan gazning chakana narxi Oʻzbekiston Respublikasi aholisiga sotiladigan tabiiy gaz narxining oʻzgarishiga mutanosib ravishda oʻzgarishi belgilab qoʻyilsin.
3. Oʻzbekiston Respublikasi Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasi hamda Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi mazkur qaror bilan belgilangan yagona chakana narx, shuningdek aholiga kundalik hayotda isteʼmol qilish uchun “Oʻztransgaz” AJ va/yoki uning gaz taʼminoti boʻyicha hududiy filiallari orqali sotiladigan suyultirilgan gazning ajratilgan hajmlar doirasida yetkazib berilishi va taqsimlanishining tizimli nazoratini taʼminlasin.
4. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruvi raisi A.S. Sultanov va “Oʻztransgaz” AJ boshqaruvi raisi A.S. Mustafayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 29-dekabr,
1033-son
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2018-yil 1-noyabrdagi 897-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 02.11.2018-y., 09/18/897/2149-son)
Oldingi tahrirga qarang.
(2-ilova Oʻzbekiston Respublikasi Vazirlar Mahkamasining 2018-yil 1-noyabrdagi 897-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 02.11.2018-y., 09/18/897/2149-son)
(Qonun hujjatlari maʼlumotlari milliy bazasi, 29.12.2017-y., 09/18/1033/0501-son, 02.11.2018-y., 09/18/897/2149-son)