Hujjat kuchini yo‘qotgan " " 01.01.2017

Hujjat 05.08.2000 00 sanasi holatiga
Amaldagi versiyaga o‘tish

Oʻzbekiston Respublikasi Vazirlar Mahkamasining

IChKI BOZORNI DORI-DARMON VOSITALARI VA TIBBIYoT BUYuMLARI BILAN TAʼMINLAShGA DOIR QOʻShIMChA ChORA-TADBIRLAR TOʻGʻRISIDA

LexUZ sharhi

Mazkur qaror Oʻzbekiston Respublikasi Prezidentining 2016-yil 31-oktabrdagi PQ-2647-sonli “Aholini dori-darmon vositalari va tibbiyot buyumlari bilan taʼminlashni yanada yaxshilashga doir chora-tadbirlar toʻgʻrisida”gi qaroriga asosan 2017-yilning 1-yanvaridan oʻz kuchini yoʻqotadi.

Ichki bozorni dori-darmon vositalari va tibbiyot buyumlari bilan toʻldirish, narxlarning asossiz ravishda oʻsib ketishi hollariga barham berish va aholini ijtimoiy himoya qilishni taʼminlash maqsadida Vazirlar Mahkamasi qaror qiladi:

1. Belgilansinki:

Oʻzbekiston Respublikasi Markaziy bankining litsenziyalariga ega boʻlgan korxonalar tomonidan import boʻyicha keltiriladigan dori-darmon vositalari va tibbiyot buyumlari, tovar yetkazib berishda qatnashuvchi vositachilarning sonidan qatʼiy nazar, sotib olish qiymatining 20 foizidan koʻp boʻlmagan miqdorda ulgurji-chakana savdo ustamasi qoʻllangan holda sotiladi;

Keyingi tahrirga qarang.

ulgurji va chakana dorixona muassasalarining Pensiya jamgʻarmasi va Respublika yoʻl jamgʻarmasiga ajratmalari amaldagi stavkalar boʻyicha yalpi daromaddan amalga oshiriladi.

Keyingi tahrirga qarang.

2. 2000-yil 1-avgustdan boshlab import boʻyicha olib kelinayotgan dori-darmon vositalari va tibbiyot buyumlari qoʻshilgan qiymat soligʻi toʻlashdan ozod qilinsin.

Keyingi tahrirga qarang.

3. Tijorat banklariga Markaziy bankning litsenziyalariga ega boʻlgan, dori-darmon vositalari va tibbiyot buyumlarini import qiluvchi ulgurji va chakana dorixona muassasalariga xizmat koʻrsatishda xorijiy valyutani sotishda vositachilik haqi stavkasini sotilgan valyutaning 0,5 foizidan ortiq boʻlmagan miqdorda qoʻllash tavsiya etilsin.

Keyingi tahrirga qarang.

4. Oʻzbekiston Respublikasi Sogʻliqni saqlash vazirligi Moliya vazirligi bilan birgalikda:

Dori-darmon vositalari va tibbiyot buyumlari sotishda ulgurji va chakana tashkilotlar tomonidan savdo ustamalarining qoʻllanilishi tartibiga bir hafta muddatda tegishli oʻzgartirishlar kiritsin;

dori-darmon vositalari ishlab chiqaruvchi yetakchi chet el kompaniyalarining tovar kreditlarini jalb qilish masalasini bir oy muddatda ishlab chiqsin va hal etsin.

5. Pul-kredit siyosati boʻyicha respublika komissiyasi Markaziy bankning litsenziyalariga ega boʻlgan, dori-darmon vositalari va tibbiyot buyumlarini import qiluvchi korxonalar tomonidan valyutani faqat Oʻzbekiston Respublikasi Sogʻliqni saqlash vazirligi bilan kelishilgan tibbiyot preparatlari roʻyxati boʻyicha konvertatsiya qilish tartibini bir hafta muddatda ishlab chiqsin va tasdiqlasin.

6. Oʻzbekiston Respublikasi Adliya vazirligi qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida bir hafta muddatda Vazirlar Mahkamasiga taklif kiritsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Azimov va H.S. Karomatovlar zimmasiga yuklansin.

Vazirlar Mahkamasining Raisi I. KARIMOV

2000-yil 5-avgust,