|
Hujjat kuchini yo‘qotgan " " 10.06.2022
|
Hujjat 31.12.2020 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Oldingi tahrirga qarang.
Qimmatbaho metallar va qimmatbaho toshlardan yasalgan, davlat daromadiga oʻtkazilgan va berilgan boyliklarni Oʻzbekiston Respublikasi Markaziy banki tomonidan “Fonon” davlat ilmiy-ishlab chiqarish korxonasiga sotish tartibi toʻgʻrisidagi nizomni tasdiqlash haqida
(qaror nomi Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
LexUZ sharhiMazkur qaror Oʻzbekiston Respublikasi Prezidentining 2022-yil 9-iyundagi PF-152-sonli “Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga qoʻshimcha va oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi Farmoniga asosan oʻz kuchini yoʻqotgan.
Oʻzbekiston Respublikasi Prezidentining “Zargarlik sanoatini davlat tomonidan koʻllab-quvvatlash chora-tadbirlari toʻgʻrisida” 2017-yil 10-avgustdagi PQ-3199-son qaroriga muvofiq, shuningdek, davlat daromadiga oʻtkazilgan va berilgan boyliklarni sotish tartibini yanada takomillashtirish va ulardan samarali foydalanishni taʼminlash maqsadida Vazirlar Mahkamasi qaror qiladi:
Oldingi tahrirga qarang.
1. Qimmatbaho metallar va qimmatbaho toshlardan yasalgan, davlat daromadiga oʻtkazilgan va berilgan boyliklarni Oʻzbekiston Respublikasi Markaziy banki tomonidan “Fonon” davlat ilmiy-ishlab chiqarish korxonasiga sotish tartibi toʻgʻrisidagi nizom ilovaga muvofiq tasdiqlansin.
(1-band Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
Oldingi tahrirga qarang.
2. Oʻzbekiston Respublikasi Markaziy bankiga moddiy-texnik bazani taʼminlash, shuningdek, boyliklarni saqlash, tashish, sotish va Oʻzbekiston Respublikasi Madaniyat vazirligidan ekspertlarni jalb qilish bilan bogʻliq xarajatlarni qoplash maqsadida sotilgan boyliklar qiymatining 2 foizini alohida hisobvaragʻiga yoʻnaltirishga ruxsat berilsin.
(2-band Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
3. Oʻzbekiston Respublikasi Vazirlar Mahkamasining “Olib qoʻyilgan va davlat daromadiga oʻtkazilgan boyliklardan samarali foydalanilishini taʼminlash chora-tadbirlari toʻgʻrisida” 2013-yil 5-iyundagi 156-son qarorining 1- va 2-bandlari oʻz kuchini yoʻqotgan deb hisoblansin (Oʻzbekiston Respublikasi QHT, 2013-y., 23-son, 304-modda).
Oldingi tahrirga qarang.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
(4-band Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
Oʻzbekiston Respublikasining Bosh vaziri A. ARIPOV
Toshkent sh.,
2017-yil 20-noyabr,
926-son
Vazirlar Mahkamasining 2017-yil 20-noyabrdagi 926-son qaroriga
ILOVA
ILOVA
Oldingi tahrirga qarang.
Qimmatbaho metallar va qimmatbaho toshlardan yasalgan, davlat daromadiga oʻtkazilgan va berilgan boyliklarni Oʻzbekiston Respublikasi Markaziy banki tomonidan “Fonon” davlat ilmiy-ishlab chiqarish korxonasiga sotish tartibi toʻgʻrisida
nizom
(ilova nomi Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
1-bob. Umumiy qoidalar
Oldingi tahrirga qarang.
1. Ushbu Nizom Oʻzbekiston Respublikasi Prezidentining “Zargarlik sanoatini davlat tomonidan qoʻllab-quvvatlash chora-tadbirlari toʻgʻrisida” 2017-yil 10-avgustdagi PQ-3199-son qaroriga muvofiq davlat foydasiga oʻtkazilgan qimmatbaho metallar parchalari va ulardan yasalgan buyumlar shaklidagi boyliklarni, yarim qimmatbaho va qimmatbaho toshlar va marvaridlar, egasiz boyliklar, topilma boyliklar hamda mulk egalari tomonidan davlat foydasiga begʻaraz berilgan boyliklarni (arxeologik va muzey buyumlari yoki muzey kolleksiyalari hamda boshqa madaniy qiymatga ega boʻlgan boyliklar bundan mustasno) Oʻzbekiston Respublikasi Markaziy banki (keyingi oʻrinlarda — Markaziy bank) tomonidan “Fonon” davlat ilmiy-ishlab chiqarish korxonasiga (keyingi oʻrinlarda “Fonon” DIIChK deb ataladi) sotish tartibini belgilaydi.
(1-band Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
2. Ushbu Nizomda quyidagi asosiy tushunchalar qoʻllaniladi:
qimmatbaho metallar — oltin, kumush, platina hamda har qanday tur va holatdagi, shu jumladan xomashyo, qotishmalar, zargarlik buyumlari va boshqa buyumlardagi, ishlab chiqarish parchalari va chiqindilaridagi platina guruhiga oid (palladiy, iridiy, rodiy, ruteniy, osmiy) metallar;
qimmatbaho toshlar — tabiiy olmoslar, brilliantlar, laʼllar, zumradlar, sapfirlar va aleksandritlar;
yarim qimmatbaho toshlar — sirkoniy, fianit, oniks (aqiqning taram-taram turi), korall (marjon), akvamarin, yashma, sunʼiy yoqut, opal, qahrabo, yoqut, turmalin, ametist, berillar guruhi, malaxit, topaz, nefrit, tanzanit, agat, feruza, gematit, kon billuri, kvars, lojuvard, xrizopraz;
boyliklar — qimmatbaho metallar, qimmatbaho va yarim qimmatbaho toshlar xamda tabiiy marvaridlar;
Oldingi tahrirga qarang.
olib qoʻyilgan va davlat daromadiga oʻtkazilgan boyliklar — vakolatli organlar (Oʻzbekiston Respublikasi Davlat xavfsizlik xizmati, Ichki ishlar vazirligi, Davlat bojxona qoʻmitasi, Davlat soliq qoʻmitasi, Oʻzbekiston Respublikasi Bosh prokuraturasi huzuridagi Soliq va valyutaga oid jinoyatlarga hamda jinoiy daromadlarni legallashtirishga qarshi kurashish departamenti (keyingi oʻrinlarda Bosh prokuratura huzuridagi Departament deb ataladi) tomonidan olib qoʻyilgan buyumlar va jinoyat qurollari shaklidagi, shuningdek, ashyoviy dalillar va sud qarorlari va ushbu organlarning kuchga kirgan hal qiluv qarorlari asosida davlat daromadiga oʻtkazilgan boyliklar;
(2-bandning oltinchi xatboshisi Oʻzbekiston Respublikasi Vazirlar Mahkamasining 2018-yil 29-maydagi 396-sonli qarori tahririda — Qonun hujjatlari maʼlumotlari milliy bazasi, 01.06.2018-y., 09/18/396/1287-son)
Keyingi tahrirga qarang.
davlat daromadiga berilgan boyliklar — egasiz boyliklar, topilma boyliklar va mulk egalari tomonidan ixtiyoriy ravishda davlat daromadiga begʻaraz berilgan, shu jumladan, davlat foydasi uchun rad etilgan bojxona rejimi ostiga joylashtirilgan boyliklar.
2-bob. Boyliklarni taqsimlash tartibi
3. Boyliklarni (arxeologik va muzey buyumlari yoki muzey kolleksiyalari hamda boshqa madaniy qiymatga ega boʻlgan boyliklardan tashqari) “Fonon” DIIChKga sotish ushbu Nizomga ilovaga muvofiq sxema boʻyicha shartnoma asosida, toʻlovni toʻliq oldindan toʻlash shartlarida milliy valyuta (soʻm)da quyidagi tartibda amalga oshiriladi:
qimmatbaho metallar uchun — London qimmatbaho metallar birjasining ertalabki fiksing narxi va Markaziy bankning toʻlov hisob raqami yozilgan sanadagi kursi boʻyicha (qimmatbaho metallarning sof ogʻirligi boʻyicha);
yarim qimmatbaho, qimmatbaho toshlar va marvaridlar uchun — “Fonon” DIIChKning tegishli xarajatlari qoplangan holda baholovchi tashkilotlar tomonidan belgilangan tartibda oʻtkazilgan baholashlar asosida.
4. Yarim qimmatbaho, qimmatbaho toshlar va marvaridlarni baholash zargarlik buyumlarining ichki va tashqi bozorlar konyunkturasi boʻyicha mavjud maʼlumotlar asosida baholash kunida amal qilgan narxlar boʻyicha baholovchi tashkilot tomonidan baholanadi.
Oldingi tahrirga qarang.
5. Baholovchi tashkilot baholash ishlari yakunlanganidan soʻng baholash toʻgʻrisidagi hisobotni taqdim etadi, ushbu hisobot boyliklarni sotishga Markaziy bank va “Fonon” DIIChK oʻrtasida tuziladigan shartnomaning ajralmas qismi hisoblanadi.
(5-band Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
Oldingi tahrirga qarang.
6. Boyliklarni sotishdan tushadigan pul mablagʻlari Markaziy bankning alohida hisobvaragʻiga tushishiga qarab uch bank ish kuni mobaynida quyidagi tartibda taqsimlanadi:
(6-bandning birinchi xatboshisi Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
1) 2009-yil 15-iyulgacha olib qoʻyilgan va davlat daromadiga oʻtkazilgan boyliklar boʻyicha — 100 foiz miqdorida rekvizitlari Oʻzbekiston Respublikasi Moliya vazirligi tomonidan taqdim etilgan Oʻzbekiston Respublikasining respublika budjeti maxsus hisobvaragʻiga;
2) 2009-yil 15-iyuldan keyin olib qoʻyilgan va davlat daromadiga oʻtkazilgan boyliklar boʻyicha:
98 foizi — pul mablagʻlarini keyinchalik qonun hujjatlarida belgilangan tartibda taqsimlash uchun Oʻzbekiston Respublikasi Bosh prokuraturasi huzuridagi Majburiy ijro byurosining maxsus hisobvaragʻiga;
Keyingi tahrirga qarang.
Oldingi tahrirga qarang.
2 foizi — Markaziy bankning alohida hisobvaragʻiga;
(6-band 2 kichik bandining uchinchi xatboshisi Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
3) davlat daromadiga oʻtkazilgan boyliklar boʻyicha:
98 foizi — Oʻzbekiston Respublikasining respublika budjetiga;
Oldingi tahrirga qarang.
2 foizi — Markaziy bankning alohida hisobvaragʻiga;
(6-band 3 kichik bandining uchinchi xatboshisi Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
4) davlat foydasi uchun rad etilgan, bojxona rejimi ostiga joylashtirilgan boyliklar boʻyicha:
50 foizi — Oʻzbekiston Respublikasining respublika budjetiga;
50 foizi — davlat mulkini boshqarish boʻyicha ushbu vakolatli organning davlat foydasi uchun rad etilgan, bojxona rejimi ostiga joylashtirilgan boyliklarni baholash, saqlash va sotish hamda boshqaruv va maʼmuriy funksiyalarni amalga oshirish bilan bogʻliq xarajatlarini qoplash uchun yoʻnaltiriladigan davlat mulkini boshqarish vakolatiga ega boʻlgan organning budjetdan tashqari maxsus hisob varaqlariga (yoki Oʻzbekiston Respublikasi Moliya vazirligi Gʻaznachiligining tegishli boʻlinmalarida ochilgan shaxsiy hisobvaraqlariga).
Oldingi tahrirga qarang.
7. Markaziy bank pul mablagʻlarini Oʻzbekiston Respublikasi Bosh prokuraturasi huzuridagi Majburiy ijro byurosining maxsus hisobvaragʻiga oʻtkazishda hujjatlarni har bir ijro varagʻi boʻyicha alohida ushbu boyliklarni olib qoʻygan organni koʻrsatgan holda taqdim etadi.
(7-band Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
3-bob. Yakunlovchi qoidalar
8. Oʻzbekiston Respublikasi Madaniyat vazirligining eksperti arxeologik va muzey buyumlari yoki muzey kolleksiyalari, shuningdek, boshqa madaniy qiymatga ega boʻlgan buyumlar toʻgʻrisida berilgan xulosalarning ishonchliligi uchun qonun hujjatlarida belgilangan tartibda toʻliq javob beradi.
Keyingi tahrirga qarang.
9. Baholovchi tashkilot baholash toʻgʻrisidagi hisobotda taqdim etilgan maʼlumotlarning ishonchliligi uchun qonun hujjatlarida belgilangan tartibda toʻliq javob beradi.
Keyingi tahrirga qarang.
Oldingi tahrirga qarang.
10. Markaziy bankning mutaxassislari boyliklarni sotishdan tushgan pul mablagʻlari oʻz vaqtida oʻtkazilishini taʼminlash uchun qonun hujjatlarida belgilangan tartibda toʻliq javob beradilar.
(10-band Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
Keyingi tahrirga qarang.
Qimmatbaho metallar va qimmatbaho toshlardan yasalgan, davlat daromadiga oʻtkazilgan va berilgan boyliklarni Oʻzbekiston Respublikasi Markaziy banki huzuridagi Qimmatbaho metallar agentligi tomonidan “Fonon” davlat ilmiy-ishlab chiqarish korxonasiga sotish tartibi toʻgʻrisidagi nizomga
ILOVA
ILOVA
Oldingi tahrirga qarang.
Qimmatbaho metallar va qimmatbaho toshlardan yasalgan, davlat daromadiga oʻtkazilgan va berilgan boyliklarni Oʻzbekiston Respublikasi Markaziy banki tomonidan “Fonon” davlat ilmiy-ishlab chiqarish korxonasiga sotish
sxemasi
(ilova nomi Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
Oldingi tahrirga qarang.
|
Bosqichlar |
|
Subyektlar |
|
Tadbirlar |
|
Bajarish muddatlari |
|
1-bosqich |
Vakolatli organlar (DXX, IIV, DBQ, DSQ, Bosh prokuratura huzuridagi Departa�ent) sud ijrochilari va boyliklar egalari |
Boyliklarni Markaziy bankka muhrlangan holda ilova qilinadigan hujjatlar (xat, sud organining qarori yoki vakolatli organning hal qiluv qarori, boyliklar roʻyxati, ekspert tashkilotining xulosasi, baholovchi tashkilotning xulosasi) bilan birgalikda beradi. |
Bir ish kuni mobaynida | |||
|
|
||||||
|
|
Markaziy bank |
1. Qabul qilingan boyliklarni roʻyxatdan oʻtkazadi. 2. Boyliklarni sarxillaydi, hisobga olish hujjatlarini rasmiylashtiradi. |
1. Bir ish kuni mobaynida 2. Bir oy mobaynida | |||
|
|
||||||
|
|
Markaziy bank va “Fonon” davlat-ilmiy ishlab chiqarish korxonasi |
1. Boyliklarni birgalikda (komission) ajratib oladi va ularni sotish toʻgʻrisidagi shartnomani tuzadi. 2. Yarim qimmatbaho va qimmatbaho toshlar, shuningdek buyumlardagi yarim qimmatbaho va qimmatbaho toshlar mavjud boʻlganda yarim qimmatbaho va qimmatbaho toshlarni baholash uchun baholovchi tashkilot taklif qilinadi. |
1. Uch ish kuni mobaynida 2. Shartnomada koʻrsatilgan muddat mobaynida | |||
|
|
||||||
|
|
|
1. Ushbu Nizomga muvofiq boyliklardagi metall qiymati hisob-kitobini amalga oshiradi. 2. Metall boʻyicha amalga oshirilgan hisob-kitoblarga hamda qimmatbaho va yarim qimmatbaho toshlar boʻyicha baholovchi tashkilotning xulosasiga muvofiq toʻlov toʻlashga hisobraqamlarini yozadi. |
1. Uch ish kuni mobaynida 2. Bir ish kuni mobaynida | |||
|
|
||||||
|
|
|
1. Shartnoma boʻyicha boyliklarning ajratib olingan turkumi uchun yuz foiz oldindan toʻlov toʻlaydi hamda yozilgan hisob hakamlariga muvofiq xizmatlarga haq toʻlaydi. 2. Baholovchi tashkilot bilan tuzilgan alohida shartnoma boʻyicha yarim qimmatbaho va qimmatbaho toshlar baholanganligi uchun haq toʻlaydi. |
1. Hisob raqami yozilgan kundan boshlab uch ish kuni mobaynida 2. Shartnomada koʻrsatilgan muddat mobaynida | |||
|
|
||||||
|
|
Markaziy bank |
1. Shartnomaga muvofiq boyliklar turkumini “Fonon” DIIChKga topshiradi. 2. Ushbu Nizomga muvofiq sotishdan tushgan pul mablagʻlarini taqsimlash boʻyicha hisob-kitoblarni amalga oshiradi va ularni oʻtkazadi. |
1. Bir ish kuni mobaynida 2. Maxsus hisobvaragʻiga tushgan kundan boshlab uch ish kuni mobaynida |
(ilova Oʻzbekiston Respublikasi Vazirlar Mahkamasining 2020-yil 31-dekabrdagi 834-sonli qarori tahririda — Qonun hujjatlari maʼlumotlari milliy bazasi, 31.12.2020-y., 09/20/834/1700-son)
(Qonun hujjatlari maʼlumotlari milliy bazasi, 23.11.2017-y., 09/17/926/0300-son; 01.06.2018-y., 09/18/396/1287-son, 03.07.2018-y., 09/18/499/1439-son; 31.12.2020-y., 09/20/834/1700-son; Qonunchilik maʼlumotlari milliy bazasi, 30.06.2021-y., 09/21/402/0618-son; 05.04.2022-y., 09/22/153/0266-son)
