|
Hujjat 12.10.2017 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida” 2017-yil 2-sentabrdagi PF-5177-son Farmoni)
Oʻzbekiston Respublikasi Prezidentining “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida” 2017-yil 2-sentabrdagi PF-5177-son Farmoniga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.
2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.
3. Oʻzbekiston Respublikasi Moliya vazirligi Oʻzbekiston Respublikasi Markaziy banki va boshqa manfaatdor vazirliklar va idoralar bilan birgalikda Vazirlar Mahkamasining “Xorijiy valyutadagi davlat bojlari, yigʻimlar hamda soliq boʻlmagan boshqa toʻlovlar stavkalari toʻgʻrisida” 1993-yil 19-avgustdagi 423-son qarorini qayta koʻrib chiqish boʻyicha takliflarni ikki hafta muddatda Vazirlar Mahkamasiga kiritsin.
4. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov, Oʻzbekiston Respublikasi moliya vaziri B.A. Xoʻjayev va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 9-oktabr,
810-son
Vazirlar Mahkamasining 2017-yil 9-oktabrdagi 810-son qaroriga
1-ILOVA
1-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 1994-yil 3-noyabrdagi 533-son qarori (Oʻzbekiston Respublikasi QT, 1994-y., 11-son, 49-modda) bilan tasdiqlangan Davlat boji stavkalarida:
a) 4-bandning “b1” kichik bandi uchinchi xatboshidagi “shartnoma tuzilgan sanadagi Oʻzbekiston Respublikasi Markaziy banki kursi boʻyicha qiymati 150 ming AQSH dollaridan” soʻzlari “600 mln. soʻmdan” soʻzlari bilan almashtirilsin;
b) 8-bandning ikkinchi xatboshidagi “eng kam oylik ish haqining oʻn baravari va 50 AQSH dollari” soʻzlari “eng kam oylik ish haqining 12,5 baravari” soʻzlari bilan almashtirilsin;
v) 9-bandning ikkinchi xatboshidagi “eng kam oylik ish haqining besh baravari va 500 AQSH dollari” soʻzlari “eng kam oylik ish haqining oʻttiz ikki baravari” soʻzlari bilan almashtirilsin.
Keyingi tahrirga qarang.
2. Vazirlar Mahkamasining “Avtomobilda xorijiy yuk tashuvchilarning Oʻzbekiston Respublikasi hududiga kirishlari, boʻlishlari, yuk olib oʻtishlari va undan chiqib ketishlari tartibi toʻgʻrisida” 1995-yil 11-yanvardagi 11-son qarorida:
a) 5-bandda:
ikkinchi xatboshi quyidagi tahrirda bayon qilinsin:
“Yigʻimlarni undirish milliy valyuta “soʻm”da bevosita bojxona postlarida tijorat banklari tomonidan toʻlov kunidagi Oʻzbekiston Respublikasi Markaziy bankining kursi boʻyicha amalga oshirilib, olingan mablagʻlar Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasining hisob raqamlariga jamgʻarma daromadlarining tranzit hisob raqamlari orqali qonun hujjatlarida belgilangan tartibda oʻtkaziladi”;
toʻrtinchi xatboshi chiqarib tashlansin;
b) 6-ilovaga quyidagi mazmundagi 9-band qoʻshilsin:
“9. Mazkur Nizomda nazarda tutilgan toʻlovlarni undirish milliy valyuta “soʻm”da bevosita bojxona postlarida tijorat banklari tomonidan toʻlov kunidagi Oʻzbekiston Respublikasi Markaziy bankining kursi boʻyicha amalga oshiriladi”.
3. Vazirlar Mahkamasining “Investitsiya va xususiylashtirish investitsiya fondlari faoliyatini takomillashtirish chora-tadbirlari toʻgʻrisida” 1998-yil 25-sentabrdagi 410-son qarorida:
a) 2-ilovaning 13-bandidagi “Oʻzbekiston Respublikasi Markaziy banki kursi boʻyicha ekvivalentda 400 ming AQSH dollarini” soʻzlari “1 600 mln soʻmni” soʻzlari bilan almashtirilsin;
b) 3-ilovaning 11-bandidagi “Oʻzbekiston Respublikasi Markaziy banki kursi boʻyicha ekvivalentda 400 ming AQSH dollarini” soʻzlari “1 600 mln soʻmga” soʻzlari bilan almashtirilsin.
Keyingi tahrirga qarang.
4. Vazirlar Mahkamasining “Oʻzbekiston Respublikasining tashqi siyosiy va tashqi iqtisodiy xizmatlari uchun kadrlar tayyorlashni takomillashtirish chora-tadbirlari toʻgʻrisida” 1998-yil 2-oktabrdagi 417-son qarori 2-bandining ikkinchi xatboshidagi “5000 AQSH dollari” soʻzlari “eng kam oylik ish haqining 260 baravari” soʻzlari bilan almashtirilsin.
Keyingi tahrirga qarang.
5. Vazirlar Mahkamasining “Turkmanistonning avtotransport vositalari Oʻzbekiston Respublikasi hududiga kirganligi va tranzit harakatlanganligi uchun yoʻl yigʻimlari joriy etish toʻgʻrisida” 1999-yil 28-sentabrdagi 447-son qarorining (Oʻzbekiston Respublikasi QT, 1999-y., 9-son, 59-modda) 2-bandi quyidagi tahrirda bayon qilinsin:
“2. Belgilab qoʻyilsinki, Turkmanistonning avtotransport vositalaridan yigʻim undirish toʻlov kunidagi Oʻzbekiston Respublikasi Markaziy bankining kursi boʻyicha milliy valyuta “soʻm”da bevosita bojxona postlarida amalga oshirilib, olingan mablagʻlar Oʻzbekiston Respublikasi tijorat banklarining boʻlimlari orqali Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasining hisob raqamiga oʻtkaziladi”.
Keyingi tahrirga qarang.
6. Vazirlar Mahkamasining “Chegaradosh davlatlarning yuk avtotransport vositalari Oʻzbekiston Respublikasining bojxona hududi orqali oʻtishi uchun yagona yigʻimlar belgilash toʻgʻrisida” 1999-yil 31-dekabrdagi 552-son qarori (Oʻzbekiston Respublikasi QT, 1999-y., 12-son, 72-modda) 3-bandi quyidagi tahrirda bayon qilinsin:
“3. Qirgʻiziston Respublikasi bitta yuk avtotransporti vositasi va avtobusining Oʻzbekiston Respublikasi bojxona hududi orqali kirib kelishi va oʻtishi uchun toʻlov bevosita bojxona postlarida milliy valyuta “soʻm”da undirilishi belgilab qoʻyilsin”.
Keyingi tahrirga qarang.
7. Vazirlar Mahkamasining “Xorijiy avtotransport vositalarining Oʻzbekiston Respublikasi bojxona hududida boʻlishining qoʻshimcha shartlari toʻgʻrisida” 2000-yil 12-yanvardagi 11-son qarorida (Oʻzbekiston Respublikasi QT, 2000-y., 1-son, 3-modda):
a) 1-ilovaning matni quyidagi tahrirda bayon qilinsin:
“Transport vositalari egalarining uchinchi shaxslar oldidagi fuqarolik javobgarligini sugʻurtalash shartnomalari boʻyicha bir oygacha muddatga Oʻzbekiston Respublikasi hududiga kiradigan bitta avtotransport vositasidan undiriladigan sugʻurta mukofotlari stavkalari
|
T/r |
Transport turlari |
Sugʻurta javobgarligi miqdoridan sugʻurta mukofotlari stavkalari (foizlarda) | |
|
EKOIH |
EKOIH | ||
|
1. |
Yuk avtomobillari |
1,0 |
2,5 |
|
2. |
Avtobuslar |
0,8 |
2,0 |
|
3. |
Yengil avtomobillar |
0,5 |
1,5 |
|
4. |
Traktorlar, kombaynlar va boshqa oʻziyurar mashinalar va mexanizmlar |
0,4 |
1,0 |
|
5. |
Mototransport |
0,2 |
0,7 |
|
Sugʻurta summasi miqdori: |
|||
|
Qozogʻiston Respublikasi avtotransporti uchun |
mol-mulkka yetkazilgan zararni qoplash uchun –EKOIH 20 baravari; | ||
|
oʻlim holatiga olib kelgan zararni qoplash uchun — EKOIH 30 baravari; | |||
|
Turkmaniston avtotransporti uchun |
mol-mulkka yetkazilgan zararni qoplash uchun — EKOIH 50 baravari; | ||
|
oʻlim holatiga olib kelgan zararni qoplash uchun — EKOIH 100 baravari. | |||
Izoh.
Yigʻimlar tijorat banklari tomonidan bojxona postlarida milliy valyuta “soʻm”da undirilib, mablagʻlar shartnoma asosida sugʻurta tashkilotlarining hisob raqamlariga oʻtkaziladi”;
b) 2-ilovaning 8.3-bandi birinchi xatboshidagi “bevosita bojxona postlarida erkin almashtiriladigan valyutada” soʻzlari “milliy valyuta “soʻm”da” soʻzlari bilan almashtirilsin;
v) 3-ilovaning matni quyidagi tahrirda bayon qilinsin:
“Turkmaniston avtotransport vositalaridan undiriladigan
MUQOBIL YIGʻIMLAR
MUQOBIL YIGʻIMLAR
|
(1 kilometr uchun EKOIH miqdorining % da) | ||
|
benzin |
dizel yoqilgʻisi | |
|
a) yuk avtotransport vositalari — yuk koʻtarish imkoniyati: | ||
|
10 tonnagacha |
0,64 |
0,48 |
|
10 tonnadan 20 tonnagacha |
- |
0,7 |
|
20 tonnadan ortiq |
- |
0,86 |
|
b) avtobuslar — oʻrindiqlar soni: |
||
|
12 tadan kam |
0,3 |
0,2 |
|
13 tadan 30 tagacha |
0,64 |
0,48 |
|
30 tadan ortiq |
0,86 |
0,86 |
|
v) yengil avtomobillar |
0,3 |
0,2 |
|
g) mototsikllar |
0,2 |
- |
Izoh.
Yigʻimlar bevosita bojxona postlarida joylashgan tijorat banklari tomonidan milliy valyuta “soʻm”da undirilib, mablagʻlar bojxona xizmati organlari shaxsiy gʻazna hisobvaraqlari orqali Oʻzbekiston Respublikasi respublika budjetiga yoʻnaltiriladi.”.
Keyingi tahrirga qarang.
8. Vazirlar Mahkamasining “Tojikiston Respublikasi va Qirgʻiziston Respublikasi avtotransport vositalari haydovchilarining uchinchi shaxslar oldida Oʻzbekiston Respublikasida fuqarolik javobgarligi toʻgʻrisida” 2000-yil 18-fevraldagi 59-son qarorida (Oʻzbekiston Respublikasi QT, 2000-y., 2-son, 9-modda):
a) 3-band quyidagi tahrirda bayon qilinsin:
“3. Belgilab qoʻyilsinki, sugʻurta mukofotlari bojxona postlarida joylashgan tijorat banklari tomonidan milliy valyuta “soʻm”da undirilib, mablagʻlar shartnoma asosida sugʻurta tashkilotlari hisob raqamiga oʻtkaziladi.”;
b) ilovaning matni quyidagi tahrirda bayon qilinsin:
|
“ |
T/r |
Transport turlari |
Sugʻurta javobgarligi hajmiga nisbatan sugʻurta mukofotlari stavkalari (foizlari) |
|
|
EKOIHning 162 baravari (Tojikiston Respublikasi va Qirgʻiziston Respublikasi) | ||
|
1. |
Yuk avtomobili |
2,5 | |
|
2. |
Avtobuslar |
2,0 | |
|
3. |
Mikroavtobuslar |
1,8 | |
|
4. |
Mikroavtobuslar |
1,5 | |
|
5. |
Traktorlar, kombaynlar va boshqa oʻziyurar mashinalar va mexanizmlar |
1,0 | |
|
6. |
Mototransport |
0,7 |
Tojikiston Respublikasi va Qirgʻiziston Respublikasi avtotransporti uchun sugʻurta summalari miqdorlari:
EKOIHning 54 baravari — mol-mulkka yetkazilgan zararni qoplash uchun;
EKOIHning 108 baravari — oʻlimga olib kelgan zararni qoplash uchun.
Izoh. Yigʻim miqdorini hisoblash uchun toʻlov kunida belgilangan EKOIH (eng kam oylik ish haqi)ning baravari qoʻllaniladi”.
Keyingi tahrirga qarang.
9. Vazirlar Mahkamasining “Tojikiston Respublikasi yuk transport vositalari va avtobuslarining Oʻzbekiston Respublikasi bojxona hududi orqali oʻtganligi uchun yigʻimlarni birxillashtirish toʻgʻrisida”gi 2002-yil 8-yanvardagi 11-son qarorida (Oʻzbekiston Respublikasi QT, 2002-y., 1-son, 3-modda):
a) 1-bandda:
toʻrtinchi xatboshidagi “erkin muomaladagi valyutada” soʻzlari “milliy valyuta “soʻm”da” soʻzlari bilan almashtirilsin.
quyidagi mazmundagi xatboshi qoʻshilsin:
“Bunda yigʻim undirish bojxona postlarida joylashgan tijorat banklari tomonidan toʻlov kunidagi Oʻzbekiston Respublikasi Markaziy bankining kursi boʻyicha milliy valyuta “soʻm”da amalga oshiriladi”;
b) 2-band quyidagi tahrirda bayon qilinsin:
“2. Belgilab qoʻyilsinki, Tojikistonning avtotransport vositalaridan yigʻim undirish bojxona postlarida joylashgan tijorat banklari tomonidan toʻlov kunidagi Oʻzbekiston Respublikasi Markaziy bankining kursi boʻyicha milliy valyuta “soʻm”da amalga oshirilib, olingan mablagʻlar Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasining hisob raqamiga oʻtkaziladi”.
Keyingi tahrirga qarang.
10. Vazirlar Mahkamasining “Afgʻoniston hududiga tijorat yuklarini transportda tashishni tashkil etish chora-tadbirlari toʻgʻrisida” 2002-yil 31-yanvardagi 41-son qarori (Oʻzbekiston Respublikasi QT, 2002-y., 1-son, 6-modda) 4-bandining ikkinchi xatboshi quyidagi tahrirda bayon qilinsin:
“Afgʻonistonga borayotgan avtotransport vositalaridan Oʻzbekiston Respublikasi hududiga kirish va tranzit uchun toʻlov undirilishi bojxona postlarida joylashgan tijorat banklari tomonidan toʻlov kunidagi Oʻzbekiston Respublikasi Markaziy bankining kursi boʻyicha milliy valyuta “soʻm”da mablagʻlarni belgilangan tartibda Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi hisob raqamiga oʻtkazgan holda amalga oshiriladi”.
11. Vazirlar Mahkamasining 2004-yil 30-martdagi 153-son qarori (Oʻzbekiston Respublikasi QHT, 2004-y., 13-son, 153-modda) bilan tasdiqlangan Osiyo taraqqiyot banki hamda Xalqaro tiklanish va taraqqiyot banki loyihalarida qatnashuvchi qishloq xoʻjaligi korxonalari tomonidan ichki xoʻjalik drenajlari va irrigatsiya tizimlarini tiklash hamda meliorativ qurilish texnikasi yetkazib berish uchun investitsiya xarajatlarini qoplash mexanizmi toʻgʻrisida vaqtinchalik nizomda:
a) ilovaning 1.2-bandi quyidagi tahrirda bayon qilinsin:
| “1.2. Taʼmirlash-tiklash ishlarining (yetkazib beriladigan texnikaning) umumiy qiymati ________________________________________________________ soʻmni tashkil qiladi | |||||||||
| | | | |
(summa soʻz bilan)”; | |||||
b) 2-ilovaning uchinchi xatboshidan va 3-ilovaning ikkinchi va toʻrtinchi xatboshilardan “ming AQSH dollari” soʻzlari chiqarib tashlansin.
12. Vazirlar Mahkamasining 2004-yil 8-iyundagi 264-son qarori (Oʻzbekiston Respublikasi QT, 2004-y., 6-son, 53-modda) bilan tasdiqlangan Respublika ixtisoslashtirilgan tibbiyot markazlari tomonidan tashxis qoʻyish va davolash sifati standartlariga rioya qilgan holda aholiga pulli asosda yuqori malakali ixtisoslashtirilgan tibbiy yordam koʻrsatish qoidalarining 20-bandidan “yoki toʻlov kunida Oʻzbekiston Respublikasi Markaziy bankining kursi boʻyicha erkin muomaladagi valyutada” soʻzlari chiqarib tashlansin;
13. Vazirlar Mahkamasining “Patent bojlari va toʻlovlari toʻgʻrisidagi nizomni hamda Patent bojlari va toʻlovlari stavkalarini tasdiqlash haqida” 2006-yil 20-apreldagi 65-son qarorida (Oʻzbekiston Respublikasi QT, 2006-y., 4-son, 26-modda):
a) 2-band quyidagi tahrirda bayon qilinsin:
“2. Belgilansinki, Oʻzbekiston Respublikasi Intellektual mulk agentligining hisob raqamlariga tushadigan patent bojlari va toʻlovlari mablagʻlari quyidagi tartibda taqsimlanadi:
a) Oʻzbekiston Respublikasi norezidentlari boʻlgan yuridik va jismoniy shaxslardan kelib tushadigan mablagʻlarning:
90 foizi — Fan va texnologiyalar boʻyicha Davlat komissiyasi huzuridagi Ilmiy-texnik faoliyatni qoʻllab-quvvatlash va rivojlantirish jamgʻarmasi hisob raqamiga;
2 foizi — Oʻzbekiston Respublikasi Davlat budjetining tegishli hisob raqamiga;
8 foizi — Agentlikning moddiy-texnika bazasini mustahkamlashda hamda sanoat va intellektual mulkning boshqa turlarini huquqiy muhofaza qilish (mablagʻlarning kamida 50 foizi) sohasida xalqaro tashkilotlarda qatnashishda, shuningdek xodimlarni moddiy ragʻbatlantirishda foydalanish uchun Oʻzbekiston Respublikasi Intellektual mulk agentligining budjetdan tashqari hisob raqamiga;
b) Oʻzbekiston Respublikasi rezidentlari boʻlgan yuridik va jismoniy shaxslardan kelib tushadigan mablagʻlarning:
20 foizi — Oʻzbekiston Respublikasi Davlat budjeti daromadiga;
80 foizi — Agentlikning moddiy-texnika bazasini mustahkamlashda hamda sanoat va intellektual mulkning boshqa turlarini huquqiy muhofaza qilish (mablagʻlarning kamida 50 foizi) sohasida xalqaro tashkilotlarda qatnashishda, shuningdek xodimlarni moddiy ragʻbatlantirishda foydalanish uchun Oʻzbekiston Respublikasi Intellektual mulk agentligining budjetdan tashqari hisob raqamiga oʻtkaziladi”;
b) 1-ilovaning 11-bandi quyidagi tahrirda bayon qilinsin:
“11. Oʻzbekiston Respublikasi rezidentlari boʻlgan yuridik va jismoniy shaxslar patent bojlarini yoki toʻlovlarini milliy valyutada toʻlaydilar. Oʻzbekiston Respublikasining norezidentlari boʻlgan yuridik va jismoniy shaxslar bojni yoki toʻlovni, agar Oʻzbekiston Respublikasining xalqaro bitimlarida boshqacha tartib nazarda tutilmagan boʻlsa, toʻlov kunidagi Oʻzbekiston Respublikasi Markaziy bankining kursi boʻyicha milliy valyuta “soʻm”da toʻlaydilar”.
Keyingi tahrirga qarang.
14. Vazirlar Mahkamasining “Madrid Bitimiga doir Bayonnomaga (Madrid, 1989-yil 27-iyun) muvofiq belgilarni xalqaro roʻyxatdan oʻtkazishda undiriladigan yakka tartibdagi bojlarning stavkalarini belgilash toʻgʻrisida” 2006-yil 21-dekabrdagi 263-son qarorida (Oʻzbekiston Respublikasi QHT, 2006-y., 51-52-son, 515-modda):
a) 2-bandning birinchi xatboshidan “valyuta” soʻzi chiqarib tashlansin;
b) ilova quyidagi mazmundagi izoh bilan toʻldirilsin:
“Izoh.
Yakka tartibdagi bojlar toʻlov kunidagi Oʻzbekiston Respublikasi Markaziy bankining kursi boʻyicha milliy valyuta “soʻm”da undiriladi.”.
15. Vazirlar Mahkamasining “Transport vositalari egalarining fuqarolik javobgarligini majburiy sugʻurta qilish toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2008-yil 24-iyundagi 141-son qarorida (Oʻzbekiston Respublikasi QHT, 2008-y., 26-27-son, 251-modda):
a) 1-banddagi “3 ming AQSH dollari ekvivalentiga teng” soʻzlari “12 mln soʻm” soʻzlari bilan almashtirilsin;
b) 4-ilovaning 26-bandidan “va Oʻzbekiston Respublikasi Markaziy bankining majburiy sugʻurta shartnomasi tuzilgan kundagi kursi boʻyicha belgilanadi” soʻzlari chiqarib tashlansin.
16. Vazirlar Mahkamasining “Xorijiy avtotransport vositalari kirishi, chiqishi va tranzit oʻtishini nazorat qilishni yanada takomillashtirish toʻgʻrisida” 2008-yil 17-dekabrdagi 274-son qarori (Oʻzbekiston Respublikasi QHT, 2008-y., 51-son, 502-modda) 2-bandi quyidagi tahrirda bayon qilinsin:
“2. Belgilansinki, kirganligi va tranzit oʻtishi uchun har bir xorijiy avtotransport vositasidan olinadigan qoʻshimcha yigʻimni toʻlash Oʻzbekiston Respublikasining Tojikiston Respublikasi bilan Davlat chegarasi orqali oʻtkazish punktlarida bojxona postlaridagi tijorat banklari tomonidan toʻlov kunidagi Oʻzbekiston Respublikasi Markaziy bankining kursi boʻyicha milliy valyuta “soʻm”da amalga oshirilib, olingan mablagʻlar Oʻzbekiston Respublikasi tijorat banklari boʻlimlari orqali Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasining hisob raqamiga oʻtkaziladi”.
Keyingi tahrirga qarang.
17. Vazirlar Mahkamasining “Qimmatli qogʻozlar bozori toʻgʻrisida” Oʻzbekiston Respublikasi Qonunini amalga oshirish chora-tadbirlari haqida” 2008-yil 29-dekabrdagi 284-son qaroriga (Oʻzbekiston Respublikasi QHT, 2008-y., 52-son, 523-modda) 1-ilovaning matni quyidagi tahrirda bayon qilinsin:
“Qimmatli qogʻozlar bozori professional qatnashchilari oʻz mablagʻlarining eng kam miqdori*
|
|
(mln soʻm) |
|
Qimmatli qogʻozlar bozori professional ishtirokchilari |
Oʻz mablagʻlarining eng kam miqdori |
|
Investitsiya maslahatchilari |
50 |
|
Transfer-agentlar |
100 |
|
Investitsiya aktivlarining ishonchli boshqaruvchilari |
250 |
|
Investitsiya vositachilari |
250 |
|
Qimmatli qogʻozlarning birjadan tashqari savdolari tashkilotchilari |
1 000 |
* Investitsiya fondlari oʻz mablagʻlarining eng kam miqdori belgilanmaydi.”.
18. Vazirlar Mahkamasining 2009-yil 25-iyundagi 178-son qarori (Oʻzbekiston Respublikasi QT, 2009-y., 6-son, 52-modda) bilan tasdiqlangan Mahsulot taqsimotiga oid bitimlar va geologiya-qidiruv ishlari olib borish toʻgʻrisidagi bitimlar doirasida tovarlar, ishlar va xizmatlarni xarid qilishda tanlovlar oʻtkazish tartibi toʻgʻrisida nizomda:
a) 10-banddagi “yigirma besh ming AQSH dollari ekvivalentidan kam boʻlgan” soʻzlari “100 mln soʻmdan koʻp boʻlmagan” soʻzlari bilan almashtirilsin;
b) 11-bandining birinchi xatboshidagi “yigirma besh ming AQSH dollaridan ortiq boʻlgan, biroq yuz ming AQSH dollaridan” soʻzlari “100 mln soʻmdan ortiq boʻlgan, lekin 400 mln soʻmdan koʻp boʻlmagan” soʻzlari bilan almashtirilsin;
v) 16-banddagi “yuz ming AQSH dollaridan” soʻzlari “400 mln soʻmdan” soʻzlari bilan almashtirilsin;
g) 67-bandda:
“a” kichik banddagi “yuz ming AQSH dollaridan koʻp boʻlgan, lekin oʻn besh million AQSH dollaridan” soʻzlari “60 mlrd soʻmdan” soʻzlari bilan almashtirilsin;
“b” kichik banddagi “oʻn besh million AQSH dollaridan” soʻzlari “60 mlrd soʻmdan “ soʻzlari bilan almashtirilsin;
d) 74-banddagi “oʻn besh million AQSH dollaridan” soʻzlari “60 mlrd soʻmdan” soʻzlari bilan almashtirilsin;
e) 81-bandda:
“a” kichik banddagi “yuz ming AQSH dollaridan” soʻzlari “400 mln soʻmdan” soʻzlari bilan almashtirilsin;
“b” kichik banddagi “yuz ming AQSH dollaridan” soʻzlari “400 mln soʻmdan” soʻzlari bilan almashtirilsin;
j) 82-bandda:
“a” kichik banddagi “yuz ming AQSH dollaridan” soʻzlari “400 mln soʻmdan” soʻzlari bilan almashtirilsin;
“b” kichik banddagi “yuz ming AQSH dollaridan oshsa, lekin bir million AQSH dollaridan” soʻzlari “400 mln soʻmdan oshsa, lekin 4 mlrd soʻmdan” soʻzlari bilan almashtirilsin;
z) 83-banddagi “bir million AQSH dollaridan” soʻzlari “4 mlrd soʻmdan” soʻzlari bilan almashtirilsin.
19. Vazirlar Mahkamasining 2012-yil 16-fevraldagi 41-son qarori (Oʻzbekiston Respublikasi QT, 2012-y., 5-son, 32-modda) bilan tasdiqlangan Chet el fuqarolari hamda fuqaroligi boʻlmagan shaxslarni Toshkent shahri va Toshkent viloyatida doimiy va vaqtincha propiska qilish tartibi toʻgʻrisida nizom 124-bandining uchinchi xatboshi quyidagi tahrirda bayon qilinsin:
“Toshkent shahri va Toshkent viloyatiga boshqa davlatlardan kelgan va yashash guvohnomasiga ega boʻlgan chet el fuqarolari va fuqaroligi boʻlmagan shaxslar tomonidan Toshkent shahri va Toshkent viloyatida qiymati 600 mln. soʻmdan kam boʻlmagan yangi qurilgan koʻchmas mol-mulkni hisob-kitobni bank hisobvaraqlari orqali amalga oshirib sotib olganda ham amalga oshiriladi”.
Keyingi tahrirga qarang.
20. Vazirlar Mahkamasining 2012-yil 12-iyundagi 169-son qarori (Oʻzbekiston Respublikasi QT, 2012-y., 6-son, 41-modda) bilan tasdiqlangan Xorijiy kinokompaniyalar tomonidan Oʻzbekiston Respublikasi hududida badiiy filmlarni kino va video tasvirga olish tartibi toʻgʻrisida nizomning 20-bandidagi “200 AQSH dollariga teng summada (toʻlov kunida Oʻzbekiston Respublikasi Markaziy bankining kursi boʻyicha)” soʻzlari “800 ming soʻm miqdorida” soʻzlari bilan almashtirilsin.
21. Vazirlar Mahkamasining 2012-yil 14-iyundagi 173-son qarori (Oʻzbekiston Respublikasi QT, 2012-y., 6-son, 44-modda) bilan tasdiqlangan Sport va ommaviy jismoniy tarbiya tadbirlarining kalendar rejasini shakllantirish tartibi toʻgʻrisida nizomda:
a) 1-ilovaning “Xalqaro sport musobaqalari va oʻquv-trenirovka yigʻinlari” ustunidan “AQSH doll.” kichik ustuni chiqarib tashlansin;
b) 2-ilovaning matni quyidagi tahrirda bayon qilinsin:
|
|
“ 20__ yil uchun _____________________________ boʻyicha (sport turining nomi) sport va ommaviy jismoniy tarbiya tadbirlari kalendar rejasiga kiritish uchun takliflar (buyurtmanomalar) |
|||||||||||
|
T/r |
Tadbirning nomi |
Sport turi, sport turlari guruhi |
Oʻtkazish muddatlari |
Oʻtkazish muddatlari |
Jami qatnashchilar soni |
shu jumladan: |
Moliyalashtirishga jami ehtiyoj, mln soʻm (11 guruh + 13 guruh) |
shu jumladan: |
||||
|
sportchilar |
trenerlar |
bosh-qalar |
budjet mablagʻlari (mln soʻm) |
sport federatsiyalari, homiylar mablagʻlari va boshqa mablagʻlar hisobiga (mln soʻm) |
||||||||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
” |
22. Vazirlar Mahkamasining 2012-yil 14-iyuldagi 217-son qarori (Oʻzbekiston Respublikasi QT, 2012-y., 7-son, 55-modda) bilan tasdiqlangan Qishloq xoʻjaligi texnikasini xarid qilish uchun har yillik shartnoma kampaniyasini oʻtkazish tartibi toʻgʻrisidagi nizomning 3-bandi oʻz kuchini yoʻqotgan deb hisoblansin.
23. Vazirlar Mahkamasining 2012-yil 25-sentabrdagi 274-son qarori (Oʻzbekiston Respublikasi QHT, 2012-y., 39-son, 450-modda) bilan tasdiqlangan Korxonalar va tashkilotlarning yagona davlat registri toʻgʻrisida nizomga ilovaning “Muassislarning ustav jamgʻarmasidagi ulushi” ustunidan “ming AQSH dollari” kichik ustuni chiqarib tashlansin.
Keyingi tahrirga qarang.
24. Vazirlar Mahkamasining 2013-yil 20-avgustdagi 230-son qarori (Oʻzbekiston Respublikasi QT, 2013-y., 8-son, 60-modda) bilan tasdiqlangan Xoʻjalik yurituvchi subyektlarning ustav fondidagi (ustav kapitalidagi) aksiyalarni (ulushlarni) va boshqa mulkiy huquqlarni olishga doir bitimlarni koʻrib chiqish hamda bunday bitimlarni tuzish uchun oldindan rozilik olish tartibi toʻgʻrisida nizomga ilovaning matni quyidagi tahrirda bayon qilinsin:
“Ustav fondidagi (ustav kapitalidagi) aksiyalar (ulushlar) yoki boshqa mulkiy huquqlarni olishga bitimlarni tuzish nazorat qilinadigan moliya tashkilotlarining moliya bozoridagi aktivlarining jami balans qiymatlari
MIQDORLARI
MIQDORLARI
1 800 mlrd. soʻm — banklarga nisbatan;
100 mlrd. soʻm — sugʻurta kompaniyalariga nisbatan;
12 mlrd. soʻm — lizing kompaniyalariga nisbatan;
1,6 mlrd. soʻm — nobank kredit tashkilotlariga va qimmatli qogʻozlar bozorining professional qatnashchilariga nisbatan”.
Keyingi tahrirga qarang.
25. Vazirlar Mahkamasining 2013-yil 27-dekabrdagi 344-son qarori (Oʻzbekiston Respublikasi QT, 2013-y., 12-son, 96-modda) bilan tasdiqlangan Xoʻjalik yurituvchi subyektlar birlashmalarini tashkil etishga, xoʻjalik yurituvchi subyektlarni qoʻshib yuborishga va qoʻshib olishga oldindan rozilik berish tartibi toʻgʻrisida nizomning 4-bandi uchinchi xatboshidagi “450 mln. AQSH dollari”, “25 mln. AQSH dollari”, “3 mln. AQSH dollari” va “400 ming AQSH dollari” soʻzlari tegishli ravishda “1 800 mlrd. soʻm”, “100 mlrd. soʻm “, “12 mlrd. soʻm” va “1,6 mlrd. soʻm” soʻzlari bilan almashtirilsin.
Keyingi tahrirga qarang.
26. Vazirlar Mahkamasining “Oʻzbekiston Respublikasi Prezidentining “Fuqarolik jamiyati institutlarini rivojlantirishga koʻmaklashish borasidagi qoʻshimcha chora-tadbirlar toʻgʻrisida” 2013-yil 12-dekabrdagi PQ-2085-son qarorini amalga oshirish chora-tadbirlari haqida” 2014-yil 10-martdagi 57-son qarorida (Oʻzbekiston Respublikasi QT, 2014-y., 3-son, 25-modda):
a) 1-ilovaning 6-bandi ikkinchi xatboshidagi “eng kam oylik ish haqining oʻn baravari, shuningdek 50 AQSH dollari” soʻzlari “eng kam oylik ish haqining 12,5 baravari” soʻzlari bilan almashtirilsin;
b) 2-ilovaning 7-bandi ikkinchi xatboshidagi “eng kam oylik ish haqining ikki baravari, shuningdek 25 AQSH dollari miqdorida” soʻzlar “eng kam oylik ish haqining uch baravari” soʻzlari bilan almashtirilsin;
v) 3-ilovaning 3-bandidagi “100 AQSH dollari” soʻzlari “eng kam oylik ish haqining besh baravari” soʻzlari bilan almashtirilsin.
27. Vazirlar Mahkamasining “Sanoat korxonalari va qurilish tashkilotlarining barqaror faoliyatini va ularning quvvatlaridan yuqori darajada foydalanishni taʼminlashga doir qoʻshimcha chora-tadbirlar toʻgʻrisida” 2015-yil 26-yanvardagi 11-son qarorida (Oʻzbekiston Respublikasi QT, 2015-y., 1-son, 3-modda):
a) 1-ilovaning 12-bandidan “ ___________ AQSH dollari” qatori chiqarib tashlansin;
b) 2-ilovaning 9-bandidan “ ___________ AQSH dollari” qatori chiqarib tashlansin.
Keyingi tahrirga qarang.
28. Vazirlar Mahkamasining “Tashuvchining fuqarolik javobgarligini majburiy sugʻurta qilish toʻgʻrisida” Oʻzbekiston Respublikasi Qonunini amalga oshirish chora-tadbirlari haqida” 2015-yil 15-sentabrdagi 266-son qarorida (Oʻzbekiston Respublikasi QT, 2015-y., 9-son, 82-modda):
a) 1-bandda:
birinchi xatboshidagi “11 ming AQSH dollari ekvivalentiga teng” soʻzlari “44 mln. soʻm” soʻzlari bilan almashtirilsin;
ikkinchi xatboshidagi “10 ming AQSH dollari” soʻzlari “40 mln. soʻmi” soʻzlari bilan almashtirilsin;
uchinchi xatboshidagi “1 ming AQSH dollari” degan soʻzlar “4 mln. soʻmi” degan soʻzlar bilan almashtirilsin;
b) 1-ilovada:
42-bandning beshinchi xatboshi quyidagi tahrirda bayon qilinsin:
“yoʻlovchining yoʻqolgan, kam chiqqan yoki shikast yetkazilgan (buzilgan) mol-mulki qiymatini aniqlash imkoniyati boʻlmagan taqdirda — yoʻqolgan, kam chiqqan yoki shikast yetkazilgan (buzilgan) mol-mulk vaznining har bir kilogrami uchun 100 ming soʻm miqdorida”;
Tashuvchining fuqarolik javobgarligini majburiy sugʻurta qilish shartnomasiga ilovadan “1 AQSH dollari kursi = _________ soʻm” qatori chiqarib tashlansin.
29. Vazirlar Mahkamasining 2015-yil 12-noyabrdagi 330-son qarori (Oʻzbekiston Respublikasi QT, 2015-y., 11-son, 100-modda) bilan tasdiqlangan Giyohvandlik vositalari, psixotrop moddalar va prekursorlarni Oʻzbekiston Respublikasi hududi orqali tranzit tarzida oʻtkazishga ruxsatnoma olish uchun ruxsat berish tartib-taomillaridan oʻtish tartibi toʻgʻrisidagi nizomning 14-bandi birinchi xatboshisining rus tilidagi matnida “v svobodno konvertiruyemoy valyute v razmere, ekvivalentnom pyatikratnoy summe” soʻzlari “v pyatikratnom razmere” soʻzlari bilan almashtirilsin.
30. Vazirlar Mahkamasining 2016-yil 1-martdagi 61-son qarori (Oʻzbekiston Respublikasi QT, 2016-y., 3-son, 15-modda) bilan tasdiqlangan Mahsulot taqsimotiga oid bitimlar doirasida sotib olingan yoki yangi tashkil etilgan mol-mulkni xorijiy investorga berish tartibi toʻgʻrisida nizomning 11-bandi birinchi xatboshidagi “500 ming AQSH dollaridan” soʻzlari “2 mlrd. soʻmdan” soʻzlari bilan almashtirilsin.
31. Vazirlar Mahkamasining “Paxta tolasini sotish va hisob-kitoblar mexanizmini takomillashtirish toʻgʻrisida” 2016-yil 30-avgustdagi 286-son qarorida (Oʻzbekiston Respublikasi QT, 2016-y., 8-son, 82-modda):
a ) 1-bandning ikkinchi xatboshi quyidagi tahrirda bayon qilinsin:
“Oʻzpaxtaeksport” AJ paxta tolasini eksportga erkin ayirboshlanadigan valyutada va paxta tolasini qayta ishlaydigan respublika korxonalariga milliy valyutada sotishni har yili tasdiqlanadigan paxta tolasini ishlab chiqarish va yetkazib berish balansining parametrlariga muvofiq toʻgʻridan-toʻgʻri kontraktlar boʻyicha hamda Oʻzbekiston respublika tovar xom-ashyo birjasi orqali amalga oshiradi”;
b) 1-ilovada:
2-bandning ikkinchi xatboshi chiqarib tashlansin;
12-bandning birinchi xatboshidagi “erkin konvertatsiya qilinadigan valyutada” soʻzlari “milliy valyutada” soʻzlari bilan almashtirilsin;
24-banddan “erkin konvertatsiya qilinadigan valyuta hisobiga” soʻzlari chiqarib tashlansin;
v) 2-ilovada:
1-banddagi “valyuta maydoni” soʻzlari “savdo maydonlari” soʻzlari bilan almashtirilsin;
3-band quyidagi tahrirda bayon qilinsin:
“3. Paxta tolasini respublika korxonalariga sotish milliy valyutada, xorijiy xaridorlarga sotish esa erkin konvertatsiya qilinadigan valyutada amalga oshiriladi. OʻzRTXBning birja savdolarida savdo maydonlari orqali respublika korxonalariga, xorijiy xaridorlarga “Oʻzpaxtaeksport” AJ va “Oʻzpaxtasanoat” AJning hududiy filiallari tomonidan sotiladigan paxta tolasi uchun hisob-kitoblar ushbu nizomga ilovaga muvofiq sxema boʻyicha amalga oshiriladi”;
18-bandning ikkinchi xatboshidagi “erkin konvertatsiya qilinadigan valyutada belgilanadi” soʻzlari “eksport uchun erkin konvertatsiya qilinadigan valyutada, respublika korxonalariga uchun esa milliy valyutada belgilanadi” soʻzlari bilan almashtirilsin;
ilovaning nomida “valyuta maydoni” soʻzlari “savdo maydonlari” soʻzlari bilan almashtirilsin;
g) 3-ilovaning 33-bandidagi “Oʻzbekiston Respublikasi Markaziy bankining toʻlov sanasidagi kursi boʻyicha milliy valyutada” soʻzlari “qonunchilikda oʻrnatilgan tartibda” soʻzlari bilan almashtirilsin.
Keyingi tahrirga qarang.
32. Vazirlar Mahkamasining 2017-yil 9-fevraldagi 66-son qarori (Oʻzbekiston Respublikasi QT, 2017-y., 2-son, 5-modda) bilan tasdiqlangan Tadbirkorlik subyektlarini davlat roʻyxatidan oʻtkazish tartibi toʻgʻrisida nizomda:
a) 2-ilovaning “Davlat roʻyxatidan oʻtkazilganda bojlar va yigʻimlar miqdorlari*” ustunining 21-bandidagi “Eng kam oylik ish haqining 5 baravari va 500 AQSH dollari miqdorida” va “Eng kam oylik ish haqining 2,5 baravari va 250 AQSH dollari miqdorida” soʻzlari tegishli ravishda “eng kam oylik ish haqining 32 barovari” va “eng kam oylik ish haqining 16 barovari” soʻzlari bilan almashtirilsin;
b) 11-ilovaning “Ustav fondining eng kam miqdori” ustunida:
1-bandda “400 000 AQSH dollari**” soʻzlari “1 600 mln. soʻm” soʻzlari bilan almashtirilsin;
14-bandda “150 000 AQSH dollari**” soʻzlari “600 mln. soʻm” soʻzlari bilan almashtirilsin;
33. Vazirlar Mahkamasining 2017-yil 15-martdagi 137-son qarori (Oʻzbekiston Respublikasi QT, 2017-y., 3-son, 27-modda) bilan tasdiqlangan Oʻzbekiston Respublikasi hududida turistik (mehmonxona) yigʻimni undirish tartibi toʻgʻrisida nizomda:
a) 2-bandning uchinchi xatboshi quyidagi tahrirda bayon qilinsin:
“turistik (mehmonxona) yigʻim — joylashtirish vositalari tomonidan xorijiy fuqarolar va Oʻzbekiston Respublikasida doimiy turar joyiga ega boʻlmagan, fuqaroligi boʻlmagan shaxslardan eng kam oylik ish haqining oʻn foizi miqdorida ularning joylashtirish vositalarida yashagan har bir kuni uchun undiriladigan yigʻim. Toʻliq boʻlmagan yashash kuni uchun turistik (mehmonxona) yigʻim toʻliq yashalgan kun miqdorida undiriladi”;
b) 3-band oʻz kuchini yoʻqotgan deb hisoblansin;
v) 4-band quyidagi tahrirda bayon qilinsin:
“4. Joylashtirish vositalari:
faqat turistik (mehmonxona) yigʻimni undirishdan tushadigan tushumni jamlash va uni keyinchalik Jamgʻarmaning maxsus hisob raqamiga oʻtkazish uchun foydalaniladigan, milliy valyutadagi maxsus hisob raqamlarni tijorat banklarida ochishga;
mehmonxona xizmatlarini koʻrsatish uchun turoperatorlik va boshqa tashkilotlar bilan shartnomalar tuzish chogʻida tijorat banklarida ochilgan va undiriladigan turistik (mehmonxona) yigʻimdan tushadigan tushumlar oʻtkaziladigan milliy valyutadagi maxsus hisob raqamni shartnoma rekvizitlarida alohida koʻrsatishga;
mehmonxona xizmatlarini koʻrsatishda yuridik va jismoniy shaxslarga toʻlov uchun hisob (invoys, kvitansiya, hisob-faktura) hamda mehmonxona xizmatlari qiymati va yashagan kunlari uchun undirilgan turistik (mehmonxona) yigʻimning umumiy miqdorini koʻrsatgan holda mehmonxona xizmatlari koʻrsatilganligini tasdiqlovchi hujjatlar (hisob-faktura, bajarilgan ishlar va/yoki koʻrsatilgan xizmatlar dalolatnomasi) berishga;
turistik (mehmonxona) yigʻim undirilishi lozim boʻlgan, joylashtirish vositalarida yashovchi jismoniy shaxslarning sonini, ularning yashash kunlari sonini hamda Jamgʻarmaning maxsus hisob raqamiga oʻtkazilishi lozim boʻlgan milliy valyutadagi miqdori hisobini yuritishga;
joylashtirish vositalarida yashovchilarning hisobini yuritish maxsus elektron avtomatlashtirilgan dasturini qoʻllagan holda turistik (mehmonxona) yigʻim undirilishi lozim boʻlgan, amalda yashayotgan jismoniy shaxslar toʻgʻrisidagi maʼlumotlarni Qoʻmitaga oʻz vaqtida taqdim qilishga;
Qoʻmitaga taqdim qilingan maʼlumotlarga muvofiq, oʻtgan oy mobaynida ularga tushgan turistik (mehmonxona) yigʻim miqdorini, shu jumladan vaqtincha yashash muddatlari keyingi oyga oʻtadigan jismoniy shaxslar boʻyicha oʻtgan oydagi amaldagi yashash kunlari uchun toʻliq hajmda Jamgʻarmaning maxsus hisob raqamiga har joriy oyning 5-sanasigacha oʻtkazilishini taʼminlashga majburdirlar. Bunda koʻrsatilgan muddatga joylashtirish vositalari shaxsiy mablagʻlari hisobidan turistik (mehmonxona) yigʻim miqdorini jismoniy shaxslardan toʻliq boʻlmagan hajmda (notoʻgʻri) undirish natijasida shakllangan qarzdorlikni toʻlab beradi.
Nizomning mazkur bandida koʻrsatilgan majburiyatlarni toʻliq va oʻz vaqtida bajarilishi uchun masʼuliyat joylashtirish vositalarining rahbarlari va bosh buxgalterlari zimmasiga yuklanadi”;
g) 6-band quyidagi tahrirda bayon qilinsin:
“6. Turistik (mehmonxona) yigʻim miqdori Jamgʻarma maxsus hisob raqamiga oʻz vaqtida yoki toʻliq oʻtkazilmaganligi uchun joylashtirish vositalari kechiktirilgan har bir kun uchun turistik (mehmonxona) yigʻim oʻtkazilmagan miqdorining 0,05 foizi, biroq qarzdorlik umumiy miqdorining 50 foizidan koʻp boʻlmagan miqdorda penya toʻlaydilar”;
Keyingi tahrirga qarang.
34. Vazirlar Mahkamasining 2017-yil 26-apreldagi 243-son qarori (Oʻzbekiston Respublikasi QT, 2017-y., 4-son, 53-modda) bilan tasdiqlangan Qishloq joylarda yangilangan namunaviy loyihalar boʻyicha arzon uy-joylar qurish uchun pudrat tashkilotlarini hamda qurilish materiallari va asbob-uskunalarni yetkazib beruvchilarni aniqlash yuzasidan tanlov savdolari oʻtkazish tartibi toʻgʻrisida nizomning 52-bandida:
a) birinchi xatboshidagi “100 ming AQSH dollariga” soʻzlari “400 mln.soʻmga” soʻzlari bilan almashtirilsin;
b) ikkinchi xatboshidagi “300 AQSH dollaridan 100 ming AQSH dollariga” soʻzlari “4 mln. soʻmdan 400 mln. soʻmga” soʻzlari bilan almashtirilsin.
35. Vazirlar Mahkamasining 2017-yil 15-iyundagi 375-son qarori (Oʻzbekiston Respublikasi QT, 2017-y., 6-son, 100-modda) bilan tasdiqlangan Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 3-bandi sakkizinchi xatboshidan “chet el valyutasi yoki Oʻzbekiston Respublikasi Markaziy bankining toʻlov kunidagi kursi boʻyicha milliy valyutada” soʻzlari chiqarib tashlansin.
36. Vazirlar Mahkamasining 2017-yil 19-iyundagi 391-son qarori (Oʻzbekiston Respublikasi QT, 2017-y., 6-son, 106-modda) bilan tasdiqlangan Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi mablagʻlarini shakllantirish, taqsimlash va ulardan foydalanish tartibi toʻgʻrisidagi nizomda:
a) 5-bandning ikkinchi xatboshi chiqarib tashlansin;
b) 12-bandda:
uchinchi va toʻrtinchi xatboshilar chiqarib tashlansin;
beshinchi va oltinchi xatboshilar tegishli ravishda uchinchi va toʻrtinchi xatboshilar deb hisoblansin.
Keyingi tahrirga qarang.
37. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzi qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Yoʻl xoʻjaligini boshqarish tizimini yanada takomillashtirish chora-tadbirlari toʻgʻrisida” 2017-yil 14-fevraldagi PF-4954-son Farmoni)” 2017-yil 7-iyuldagi 472-son qaroriga 1-ilovaning 1-bandi “b” kichik bandi oʻz kuchini yoʻqotgan deb hisoblansin (Oʻzbekiston Respublikasi QXT, 2017-y., 28-son, 649-modda).
38. Vazirlar Mahkamasining 2017-yil 12-iyuldagi 489-son qarori (Oʻzbekiston Respublikasi QXT, 2017-y., 28-son, 660-modda) bilan tasdiqlangan Xalqaro yoʻllarda tashish daftarchasidan foydalanish uchun ruxsatnoma berish tartibi toʻgʻrisida nizomning 7-bandi toʻrtinchi xatboshidagi “Kafolot birlashmasiga murojaat qilgan kunda Oʻzbekiston Respublikasi Markaziy bankining kursi boʻyicha hisoblaganda yigirma ming AQSH dollaridan” soʻzlari “80 mln. soʻmdan” soʻzlari bilan almashtirilsin.
Keyingi tahrirga qarang.
39. Vazirlar Mahkamasining 2017-yil 25-iyuldagi 541-son qarori (Oʻzbekiston Respublikasi QXT, 2017-y., 30-son, 740-modda) bilan tasdiqlangan Ichki isteʼmol bozorida narx-navoni barqarorlashtirishga koʻmaklashish jamgʻarmasi mablagʻlaridan foydalanish toʻgʻrisida Vaqtinchalik izomning 14-bandidagi “ekvivalenti 100 mln. AQSH dollari” soʻzlari “400 mlrd. sum” soʻzlari bilan almashtirilsin.
Keyingi tahrirga qarang.
Vazirlar Mahkamasining 2017-yil 9-oktabrdagi 810-son qaroriga
2-ILOVA
2-ILOVA
Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari
ROʻYXATI
1. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2002-yil 28-iyundagi, 235-son qarorining 2-bandi (Oʻzbekiston Respublikasi QT, 2002-y., 6-son, 35-modda).
Keyingi tahrirga qarang.
2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2003-yil 8-yanvardagi 7-son qarori ilovasining 2-bandi (Oʻzbekiston Respublikasi QT, 2003-y., 1-son, 2-modda).
3. Vazirlar Mahkamasining “Aviatashuv xizmatlarini amalga oshirishni tartibga solish chora-tadbirlari toʻgʻrisida” 2011-yil 1-avgustdagi 224-son qarori (Oʻzbekiston Respublikasi QT, 2011-y., 8-son, 68-modda).
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Statistik, soliq va moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari toʻgʻrisida” 2012-yil 16-iyuldagi PF-4453-son Farmoni)” 2012-yil 1-noyabrdagi 313-son qarori 1-ilovasining 113-bandi (Oʻzbekiston Respublikasi QT, 2012-y., 11-son, 79-modda).
5. Vazirlar Mahkamasining “Oʻzbekiston Respublikasi Vazirlar Mahkamasining “Aviatashuv xizmatlarini amalga oshirishni tartibga solish chora-tadbirlari toʻgʻrisida” 2011-yil 1-avgustdagi 224-son qaroriga oʻzgartirish va qoʻshimchalar kiritish haqida” 2012-yil 19-dekabrdagi 357-son qarori (Oʻzbekiston Respublikasi QT, 2012-y., 12-son, 88-modda).
6. Vazirlar Mahkamasining “Vazirlar Mahkamasining “Aviatashuv xizmatlarini amalga oshirishni tartibga solish chora-tadbirlari toʻgʻrisida” 2011-yil 1-avgustdagi 224-son qaroriga qoʻshimchalar kiritish toʻgʻrisida” 2013-yil 10-apreldagi 102-son qarori (Oʻzbekiston Respublikasi QT, 2013-y., 4-son, 25-modda).
7. Vazirlar Mahkamasining “Xalqaro aviatashuv xizmatlari koʻrsatilishini yanada tartibga solish chora-tadbirlari toʻgʻrisida” 2013-yil 28-iyundagi 189-son qarori (Oʻzbekiston Respublikasi qonun hujjatlari toʻplami, 2013-y., 28-son, 358-modda).
8. Vazirlar Mahkamasining “Aviatashuv xizmatlarini amalga oshirish tartibga solinishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida”gi 2014-yil 20-martdagi 67-son qarori (Oʻzbekiston Respublikasi QT, 2014-y., 3-son, 27-modda).
9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Oʻzbekiston Respublikasining Budjet kodeksini tasdiqlash toʻgʻrisida” 2013-yil 26-dekabrdagi OʻRQ-360-son hamda “Soliq va budjet siyosatining 2016-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining Soliq kodeksiga oʻzgartish va qoʻshimchalar kiritish toʻgʻrisida” 2015-yil 31-dekabrdagi OʻRQ-398-son qonunlari)” 2016-yil 26-apreldagi 122-son qarori 1-ilovasining 109-bandi (Oʻzbekiston Respublikasi QT, 2016-y., 4-son, 28-modda).
(Qonun hujjatlari maʼlumotlari milliy bazasi, 12.10.2017-y., 09/17/810/0095-son; 14.02.2018-y., 09/18/106/0696-son, 04.05.2018-y., 06/18/5428/1158-son, 17.12.2018-y., 09/18/1013/2322-son; 15.05.2019-y., 09/19/404/3135-son, 30.12.2019-y., 09/10/1049/4245-son; 15.04.2020-y., 09/20/217/0426-son; 29.05.2020-y., 09/20/338/0700-son; 16.06.2020-y., 09/20/384/0770-son; Qonunchilik maʼlumotlari milliy bazasi, 03.12.2021-y., 09/21/727/1123-son, 21.05.2022-y., 09/22/278/0439-son; 29.09.2022-y., 09/22/539/0863-son; 07.05.2024-y., 09/24/266/0329-son; 22.10.2025-y., 09/25/662/0964-son)
