Hujjat 11.10.2017 00 sanasi holatiga
Amaldagi versiyaga o‘tish
Oʻzbekiston Respublikasi Prezidentining
Qarori
Fermer, dehqon xoʻjaliklari va tomorqa yer egalari faoliyatini yanada rivojlantirish boʻyicha tashkiliy chora-tadbirlar toʻgʻrisida
Oʻzbekiston Respublikasi Prezidentining “Fermer, dehqon xoʻjaliklari va tomorqa yer egalarining huquqlari va qonuniy manfaatlarini himoya qilish, qishloq xoʻjaligi ekin maydonlaridan samarali foydalanish tizimini tubdan takomillashtirish chora-tadbirlari toʻgʻrisida”gi 2017-yil 9-oktabrdagi PF-5199-son Farmoni ijrosini taʼminlash maqsadida:
1. Oʻzbekiston fermer, dehqon xoʻjaliklari va tomorqa yer egalari kengashining asosiy vazifalari va faoliyat yoʻnalishlari etib quyidagilar belgilanganligi maʼlumot uchun qabul qilinsin:
fermer, dehqon xoʻjaliklari va tomorqa yer egalarining huquqlari va qonuniy manfaatlarini, shu jumladan davlat va xoʻjalik boshqaruvi organlari, mahalliy davlat hokimiyati organlari, tayyorlov, taʼminot va xizmat koʻrsatish tashkilotlari bilan munosabatlarda, nazorat qiluvchi organlar tomonidan tekshirishlar oʻtkazish jarayonida hamda sudlarda ishlarni koʻrib chiqishda himoya qilish;
fermer, dehqon xoʻjaliklari va tomorqa yer egalariga qishloq xoʻjaligi mahsulotlarini yetishtirish, qayta ishlash, saqlash va sotish ishlarida, shu jumladan agrotexnik tadbirlarni amalga oshirishda hamda shartnomalar tuzishda, mahsulotlarni tashqi bozorlarga eksport qilishda har tomonlama koʻmaklashish;
qishloq xoʻjaligida shartnoma intizomini mustahkamlash, fermer, dehqon xoʻjaliklari rahbarlari va tomorqa yer egalarining huquqiy savodxonligi va madaniyatini oshirish, agrar sohada mehnat munosabatlarini takomillashtirish boʻyicha kompleks chora-tadbirlarni amalga oshirish;
fuqarolarning oʻzini oʻzi boshqarish organlari bilan birgalikda samarali faoliyat yuritayotgan fermer, dehqon xoʻjaliklari va tomorqa yer egalarini ragʻbatlantirish, faoliyatida kamchiliklarga yoʻl qoʻyayotgan yer egalariga nisbatan jamoatchilik yoʻli bilan taʼsir choralarini koʻrish;
sohada zamonaviy resurstejovchi ilgʻor agrotexnologiyalarni, muqobil energiya vositalarini, shuningdek innovatsiya va axborot-kommunikatsiya texnologiyalarini keng joriy etishga koʻmaklashish;
koʻp tarmoqli fermer xoʻjaliklarini rivojlantirishga va har tomonlama qoʻllab-quvvatlashga koʻmaklashish, ular uchun qulay ishbilarmonlik muhitini yaratishda bevosita ishtirok etish;
Keyingi tahrirga qarang.
Keyingi tahrirga qarang.
chorvachilik, parrandachilik, baliqchilik, asalarichilik va boshqa sohalarga ixtisoslashgan fermer xoʻjaliklarini rivojlantirish yuzasidan amaliy choralar koʻrish, mazkur yoʻnalishlarda faoliyat yuritayotgan namunaviy fermer xoʻjaliklarining tajribalarini keng ommalashtirish;
qishloq xoʻjaligida huquqiy, iqtisodiy, moliyaviy, agrotexnik hamda boshqa masalalar boʻyicha konsalting xizmatini, shuningdek mahsulotni ishlab chiqarish, xarid qilish, qayta ishlash, sotish, taʼminot va xizmat koʻrsatish boʻyicha fermer, dehqon xoʻjaliklari va tomorqa yer egalarining boshqa tashkilotlar bilan kooperatsiyasining turli shakllarini tashkil etish va kengaytirish, bu sohada ilgʻor xorijiy tajribalarni joriy etish;
qishloq joylarda aholining dehqonchilik madaniyatini yuksaltirish, ularning ekin maydonlaridan samarali foydalanish, shaxsiy manfaatdorligi va masʼuliyatini oshirish yuzasidan keng qamrovli targʻibot ishlarini olib borish;
Keyingi tahrirga qarang.
Keyingi tahrirga qarang.
Keyingi tahrirga qarang.
2. Quyidagilar:
Oʻzbekiston fermer, dehqon xoʻjaliklari va tomorqa yer egalari kengashining tashkiliy tuzilmasi 1-ilovaga muvofiq;
Oʻzbekiston fermer, dehqon xoʻjaliklari va tomorqa yer egalari kengashi ijro apparatining tuzilmasi 2-ilovaga muvofiq;
Qoraqalpogʻiston Respublikasi, viloyatlar va tumanlar fermer, dehqon xoʻjaliklari va tomorqa yer egalari kengashlari ijro apparatlarining namunaviy tuzilmalari 3 va 4-ilovalarga muvofiq;
Qoraqalpogʻiston Respublikasi, viloyatlar va tumanlar fermer, dehqon xoʻjaliklari va tomorqa yer egalari kengashlari ijro apparatlari xodimlarining cheklangan soniga nisbatan toifalangan hududlar va tumanlar roʻyxatlari 5 va 6-ilovalarga muvofiq maʼqullansin;
Keyingi tahrirga qarang.
Keyingi tahrirga qarang.
3. Fermer, dehqon xoʻjaliklari va tomorqa yer egalari kengashlariga quyidagi huquqlar berilsin:
Keyingi tahrirga qarang.
xalq deputatlari tuman Kengashlari, fuqarolarning oʻzini oʻzi boshqarish organlari yigʻilishlarida fermer, dehqon xoʻjaliklari va tomorqa yer egalarining ekin maydonlaridan foydalanish samaradorligini muhokama qilishda ishtirok etish va oʻz xulosasini taqdim etish;
Keyingi tahrirga qarang.
fermer xoʻjaligini tashkil etish istagini bildirgan talabgorlarni tanlash, ularning zaxirasini shakllantirish, malakasini oshirib borish va ular orasidan munosib nomzodlarni yer uchastkalarini berish (realizatsiya qilish) masalalarini koʻrib chiqish boʻyicha tuman komissiyasiga tavsiya qilish;
Keyingi tahrirga qarang.
Oʻzbekiston yoshlar ittifoqi bilan birgalikda yoshlarga fermer va dehqon xoʻjaligi yuritish uchun yer uchastkalari ajratish haqida yer uchastkalarini berish (realizatsiya qilish) masalalarini koʻrib chiqish boʻyicha tuman komissiyasiga tavsiyalar berish;
Keyingi tahrirga qarang.
fermer va dehqon xoʻjaliklarini yuritish uchun yer uchastkalarini ajratish yuzasidan yer uchastkalarini berish (realizatsiya qilish) masalalarini koʻrib chiqish boʻyicha tuman komissiyasiga xulosalar kiritish;
Keyingi tahrirga qarang.
fermer, dehqon xoʻjaliklari va tomorqa yer egalari manfaatlarini koʻzlab sudga davlat boji toʻlamasdan daʼvo arizalari, davlat va xoʻjalik boshqaruvi organlari, mahalliy davlat hokimiyati organlarining qarorlari, ularning mansabdor shaxslari xatti-harakatlari (harakatsizligi) ustidan shikoyatlar taqdim etish;
Keyingi tahrirga qarang.
fermer, dehqon xoʻjaliklari va tomorqa yer egalarining huquqlari va qonuniy manfaatlarini himoya qilish maqsadida davlat va xoʻjalik boshqaruvi organlari, mahalliy davlat hokimiyati organlari, fuqarolarning oʻzini oʻzi boshqarish organlari, boshqa tashkilotlardan qonun hujjatlarida belgilangan tartibda zarur maʼlumotlar, hujjatlar va materiallarni soʻrab olish.
Keyingi tahrirga qarang.
Keyingi tahrirga qarang.
4. Belgilansinki:
fermer, dehqon xoʻjaliklari va tomorqa yer egalarining huquqlari va qonuniy manfaatlariga taalluqli normativ-huquqiy hujjatlar loyihalari majburiy ravishda Oʻzbekiston fermer, dehqon xoʻjaliklari va tomorqa yer egalari kengashi (keyingi oʻrinlarda Kengash deb yuritiladi) bilan kelishilishi shart;
Keyingi tahrirga qarang.
Kengash raisi lavozimi boʻyicha “Agrobank” aksiyadorlik tijorat banki kengashining tarkibiga kiritiladi;
Keyingi tahrirga qarang.
Qoraqalpogʻiston Respublikasi, viloyatlar va tumanlar fermer, dehqon xoʻjaliklari va tomorqa yer egalari kengashlari raislari tegishliligi boʻyicha Qoraqalpogʻiston Respublikasi Vazirlar Kengashi raisi, viloyat va tuman hokimlarining fermer, dehqon xoʻjaliklari va tomorqa yer egalari faoliyatini rivojlantirish masalalari boʻyicha maslahatchisi hisoblanadi hamda maqomi boʻyicha ularning oʻrinbosarlariga tenglashtiriladi.
Keyingi tahrirga qarang.
5. Tuman fermer, dehqon xoʻjaliklari va tomorqa yer egalari kengashlari huzurida fermer, dehqon xoʻjaliklari va tomorqa yer egalariga kompleks xizmat koʻrsatish markazlari tashkil etilsin.
Markazlarning asosiy vazifalari etib quyidagilar belgilansin:
qishloq xoʻjaligi mahsulotlari ishlab chiqaruvchilarga konsalting xizmatlarini koʻrsatish, shu jumladan huquqiy, iqtisodiy, texnologik sohalarda maslahatlar berish, biznes-rejalar tuzishda koʻmaklashish;
ishlab chiqarilgan qishloq xoʻjaligi mahsulotlarini ichki va tashqi bozorlarda realizatsiya qilishda vositachilik xizmatlarini koʻrsatish;
fermer, dehqon xoʻjaliklari va tomorqa yer egalariga shartnoma asosida zarur moddiy resurslar, urugʻ va koʻchatlar, taralar, texnika va boshqa vositalarni yetkazib berish;
bank kreditlari, xalqaro va xorijiy moliyaviy tashkilotlarning kredit va grantlarini jalb qilish boʻyicha maslahat xizmatlari koʻrsatish;
qishloq xoʻjaligi sohalari boʻyicha belgilangan tartibda qayta tayyorlash, malaka oshirish oʻquv va amaliy kurslarini tashkil etish;
fermer, dehqon xoʻjaliklari va tomorqa yer uchastkalarida qishloq xoʻjaligi mahsulotlarini yetishtirish, tayyorlash, saqlash, qayta ishlash, eksport qilish va xizmat koʻrsatishda kooperatsiya munosabatlarini tashkil qilish boʻyicha xizmatlar koʻrsatish.
Keyingi tahrirga qarang.
6. Belgilab qoʻyilsinki:
barcha fermer, dehqon xoʻjaliklari va tomorqa yer egalarining ekin maydonlarida ularning takliflarini inobatga olgan holda qishloq xoʻjaligi mahsulotlarini yetishtirish boʻyicha prognoz hajmlar belgilanadi;
har yili 1-fevralgacha fuqarolarning oʻzini oʻzi boshqarish organlari raislari ichki ishlar organlarining profilaktika inspektorlari bilan birgalikda uyma-uy yurib, hududdagi dehqon xoʻjaliklari va tomorqa yer egalarining ekin maydonlarini xatlovdan oʻtkazadi, ularda yil davomida ekiladigan ekin turlari va yetishtiriladigan mahsulot hajmlarini oila ehtiyoji va sotish uchun moʻljallangan qismlarga ajratgan holda aniqlaydi, mahsulot yetkazib berish boʻyicha shartnomalar tuzilishi, ekinlarning toʻliq va sifatli ekilishi, agrotexnik tadbirlarning oʻz vaqtida amalga oshirilishi yuzasidan jamoatchilik nazoratini tashkil etadi;
Keyingi tahrirga qarang.
yakka tartibda uy-joy qurish va uy-joyni obodonlashtirish uchun berilgan yer uchastkalarining tomorqa qismida asossiz ravishda qishloq xoʻjaligi ekinlari ekmagan yoki uni obodonlashtirmagan yer egalariga nisbatan belgilangan yer soligʻi stavkasining uch barobar oshirilgan miqdori qoʻllaniladi;
dehqon xoʻjaligi yuritish uchun uy-joy qurish huquqisiz berilgan yer uchastkalarida qishloq xoʻjaligi ekinlari ekmagan yer egalarining yer uchastkasiga boʻlgan huquqi qonun hujjatlarida belgilangan tartibda bekor qilinadi.
7. Fermer, dehqon xoʻjaliklari va tomorqa yer egalari faoliyatini yanada rivojlantirish, ularning ekin maydonlaridan samarali foydalanishni tashkil etish boʻyicha chora-tadbirlar dasturi 7-ilovaga muvofiq tasdiqlansin.
Dasturda nazarda tutilgan tadbirlarning oʻz vaqtida va sifatli bajarilishi yuzasidan vazirlik va idoralar rahbarlari zimmasiga shaxsiy javobgarlik yuklansin.
8. Qoraqalpogʻiston Respublikasi Vazirlar Kengashi, viloyat va tuman hokimliklari fuqarolarning oʻzini oʻzi boshqarish organlari bilan birgalikda:
Keyingi tahrirga qarang.
har yili keyingi yil hosili uchun ekin ekishdan bir oy oldin fermer xoʻjaliklari kesimida, konturlar va ekin turlari boʻyicha, tuproq, iqlim, suv sharoitidan kelib chiqib, kamida ikki marta hosil olinishini hisobga olgan holda qishloq xoʻjaligi ekinlari joylashtirilishini taʼminlasin;
har yili 15-fevralgacha barcha dehqon xoʻjaliklari va tomorqa yer uchastkalari kesimida yetishtiriladigan mahsulotlarning prognoz hajmlarini fuqarolarning oʻzini oʻzi boshqarish organlari qarorlari asosida tasdiqlanishini tashkil etsin.
Keyingi tahrirga qarang.
9. Oʻzbekiston Respublikasi Qishloq va suv xoʻjaligi vazirligi, Adliya vazirligi, Yer resurslari, geodeziya, kartografiya va davlat kadastri davlat qoʻmitasi, Davlat soliq qoʻmitasi Kengash, Qoraqalpogʻiston Respublikasi Vazirlar Kengashi, viloyat va tuman hokimliklari, fuqarolarning oʻzini oʻzi boshqarish organlari bilan birgalikda:
Keyingi tahrirga qarang.
fermer, dehqon xoʻjaliklari va tomorqa yer egalarining ulgurji isteʼmolchilar, shu jumladan tayyorlov, qayta ishlash va eksport qiluvchi tashkilotlar, agrofirmalar, savdo xarid korxonalari bilan mahsulot yetkazib berish toʻgʻrisida, bozor maʼmuriyati bilan esa yetishtirilgan mahsulotni bevosita bozorda chakana sotish toʻgʻrisida shartnomalar tuzilishini tizimli ravishda tashkil etsin;
Keyingi tahrirga qarang.
qishloq xoʻjaligi ekinlarining toʻliq va sifatli ekilishini, agrotexnik tadbirlarning oʻz vaqtida amalga oshirilishini zamonaviy oʻlchov vositalari, shu jumladan uchuvchisiz uchish apparatlaridan (dronlardan) foydalangan holda doimiy monitoring qilib borsin;
yer maydonlaridan samarasiz foydalangan, qishloq xoʻjaligi ekinlarini toʻliq ekmagan, agrotexnik tadbirlarni oʻz vaqtida amalga oshirmagan fermer, dehqon xoʻjaliklari va tomorqa yer egalariga nisbatan qonun hujjatlarida belgilangan javobgarlik choralari koʻrilishini taʼminlasin.
10. Oʻzbekiston Respublikasi Adliya vazirligi fermer, dehqon xoʻjaliklari va tomorqa yer egalari bilan ulgurji isteʼmolchilar, shu jumladan tayyorlov, qayta ishlash va eksport qiluvchi tashkilotlar, agrofirmalar, savdo xarid korxonalari oʻrtasida shartnomalar tuzish va bajarishda qonunchilikka rioya qilinishi, shartnoma intizomini buzganligi uchun taraflarning javobgarlikka tortilishi ustidan tizimli nazorat olib borsin.
Keyingi tahrirga qarang.
11. Oʻzbekiston Respublikasi Moliya vazirligi:
2017-yilning 1-noyabridan boshlab fermer xoʻjaliklari tomonidan Kengashga aʼzolik badallari toʻlash uchun har yili paxta xom ashyosi xarid narxini oʻrnatishda 0,8 foiz miqdordagi mablagʻlarni nazarda tutsin;
Oʻzbekiston Respublikasi Vazirlar Mahkamasi huzuridagi Qishloq xoʻjaligi mahsulotlarining davlat xaridi va qishloq xoʻjaligini texnika bilan jihozlashni maqsadli moliyalashtirish jamgʻarmasi bilan birgalikda Jamgʻarmaning har yilda shakllanadigan balansida alohida bandda mazkur mablagʻlarni oyma-oy aks ettirsin;
Keyingi tahrirga qarang.
Markaziy bank, Kengash, boshqa manfaatdor vazirlik va idoralar bilan birgalikda ikki oy muddatda fermer xoʻjaliklarining aʼzolik badalini Kengashga oʻtkazish va tasdiqlanadigan smeta asosida xarajat qilish tartibini ishlab chiqsin va belgilangan tartibda tasdiqlasin.
Keyingi tahrirga qarang.
12. Oʻzbekiston Respublikasi moliya vazirining agrosanoat kompleksiga masʼul boʻlgan oʻrinbosariga qishloq xoʻjaligida toʻlov intizomini mustahkamlash, fermer xoʻjaliklarining moliyaviy barqarorligini taʼminlash yuzasidan aniq choralar koʻrish vazifasi yuklatilsin.
13. Kengash Toshkent shahar, Yakkasaroy tumani, Bobur koʻchasi, 4-uy manzilidagi binoga tekin foydalanish huquqi bilan joylashtirilsin.
Keyingi tahrirga qarang.
Oʻzbekiston Respublikasi Moliya vazirligi bir oy muddatda Kengashga ajratilgan binoni taʼmirlash va jihozlash manbalari yuzasidan Vazirlar Mahkamasiga taklif kiritsin.
Keyingi tahrirga qarang.
Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda ikki oy muddatda fermer, dehqon xoʻjaliklari va tomorqa yer egalari kengashlarini zarur binolar bilan taʼminlasin.
14. Oʻzbekiston Respublikasi Qishloq va suv xoʻjaligi vazirligi Adliya vazirligi, boshqa manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.
15. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari — qishloq va suv xoʻjaligi vaziri Z.T. Mirzayev va Oʻzbekiston Respublikasi adliya vaziri R.Q. Davletov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 10-oktabr,
PQ-3318-son
Oʻzbekiston Respublikasi Prezidentining 2017-yil 10-oktabrdagi PQ-3318-son qaroriga
1-ILOVA
Oʻzbekiston fermer, dehqon xoʻjaliklari va tomorqa yer egalari kengashining
TASHKILIY TUZILMASI
Keyingi tahrirga qarang.
Oʻzbekiston Respublikasi Prezidentining 2017-yil 10-oktabrdagi PQ-3318-son qaroriga
2-ILOVA
Oʻzbekiston fermer, dehqon xoʻjaliklari va tomorqa yer egalari kengashi ijro apparatining
TUZILMASI
Boshqaruv xodimlarining cheklangan soni — 33 nafar.
Keyingi tahrirga qarang.
Oʻzbekiston Respublikasi Prezidentining 2017-yil 10-oktabrdagi PQ-3318-son qaroriga
3-ILOVA
Qoraqalpogʻiston Respublikasi va viloyatlar fermer, dehqon xoʻjaliklari va tomorqa yer egalari kengashlari ijro apparatining
NAMUNAVIY TUZILMASI
Hududiy kengashlar ijro apparati xodimlarining cheklangan soni — 6 — 10 nafar, jami 110 nafar.
Keyingi tahrirga qarang.
Oʻzbekiston Respublikasi Prezidentining 2017-yil 10-oktabrdagi PQ-3318-son qaroriga
4-ILOVA
Tuman fermer, dehqon xoʻjaliklari va tomorqa yer egalari kengashlari ijro apparatining
NAMUNAVIY TUZILMASI
Tuman kengashlari ijro apparati xodimlarining cheklangan soni — 5 — 9 nafar, jami 1149 nafar.
Keyingi tahrirga qarang.
Oʻzbekiston Respublikasi Prezidentining 2017-yil 10-oktabrdagi PQ-3318-son qaroriga
5-ILOVA
Qoraqalpogʻiston Respublikasi va viloyatlar fermer, dehqon xoʻjaliklari va tomorqa yer egalari kengashlari ijro apparatlari xodimlarining cheklangan soniga nisbatan toifalangan hududlar
ROʻYXATI

Hududlar

1-toifa

2-toifa

3-toifa

Andijon viloyati

Qoraqalpogʻiston Respublikasi

Jizzax viloyati

Qashqadaryo viloyati

Buxoro viloyati

Navoiy viloyati

Namangan viloyati

Surxondaryo viloyati

Sirdaryo viloyati

Samarqand viloyati

Xorazm viloyati

Toshkent viloyati

Fargʻona viloyati

6

4

3

1-toifa — ijro apparati uchun 10 ta shtat birliklariga qadar miqdor belgilanadi (hududiy kengash raisi — 1, boʻlim boshligʻi — 2, bosh mutaxassis — 5, yetakchi mutaxassis — 1, hisobchi — 1);
2-toifa — ijro apparati uchun 8 ta shtat birliklariga qadar miqdor belgilanadi (hududiy kengash raisi — 1, boʻlim boshligʻi — 2, bosh mutaxassis — 4, hisobchi — 1);
3-toifa — ijro apparati uchun 6 ta shtat birliklariga qadar miqdor belgilanadi (hududiy kengash raisi — 1, bosh mutaxassis — 4, hisobchi — 1).
Keyingi tahrirga qarang.
Keyingi tahrirga qarang.
Oʻzbekiston Respublikasi Prezidentining 2017-yil 10-oktabrdagi PQ-3318-son qaroriga
6-ILOVA
Tuman fermer, dehqon xoʻjaliklari va tomorqa yer egalari kengashlari ijro apparatlari xodimlarining cheklangan soniga nisbatan toifalangan tumanlar
ROʻYXATI

T/r

Hududlar

1-toifa

2-toifa

3-toifa

1.

Qoraqalpogʻiston Respublikasi

Amudaryo

Beruniy

Qoʻngʻirot

Toʻrtkoʻl

Xoʻjayli

Chimboy

Ellikqalʼa

Qoraoʻzak

Kegeyli

Qonlikoʻl

Muynoq

Nukus

Taxtakoʻpir

Shumanay

2.

Andijon viloyati

Andijon

Asaka

Baliqchi

Jalaquduq

Izboskan

Marhamat

Shahrixon

Oltinkoʻl

Paxtaobod

Qoʻrgʻontepa

Buloqboshi

Xoʻjaobod

Boʻz

Ulugʻnor

3.

Buxoro viloyati

Jondor

Shofirkon

Gʻijduvon

Buxoro

Vobkent

Qorakoʻl

Olot

Peshku

Romitan

Kogon

Qorovulbozor

4.

Jizzax viloyati

Sh. Rashidov

Gʻallaorol

Zomin

Baxmal

Arnasoy

Doʻstlik

Zarbdor

Zafarobod

Mirzachoʻl

Paxtakor

Forish

Yangiobod

5.

Qashqadaryo viloyati

Qarshi

Koson

Qamashi

Kitob

Chiroqchi

Shahrisabz

Yakkabogʻ

Gʻuzor

Mirishkor

Nishon

Kasbi

Muborak

Dehqonobod

6.

Navoiy viloyati

Karmana

Qiziltepa

Navbahor

Xatirchi

Konimex

Nurota

7.

Namangan viloyati

Kosonsoy

Namangan

Pop

Toʻraqoʻrgʻon

Uychi

Uchqoʻrgʻon

Chust

Yangiqoʻrgʻon

Mingbuloq

Norin

Chortoq

8.

Samarqand viloyati

Ishtixon

Kattaqoʻrgʻon

Narpay

Pastdargʻom

Payariq

Tayloq

Samarqand

Bulungʻur

Urgut

Jomboy

Oqdaryo

Paxtachi

Qoʻshrabot

Nurobod

9.

Surxondaryo viloyati

Denov

Jarqoʻrgʻon

Qumqoʻrgʻon

Angor

Muzrabot

Oltinsoy

Sariosiyo

Termiz

Uzun

Sherobod

Shoʻrchi

Qiziriq

Boysun

10.

Sirdaryo viloyati

Boyovut

Sirdaryo

Oqoltin

Sayxunobod

Guliston

Mirzaobod

Sardoba

Xovos

11.

Toshkent viloyati

Qibray

Yangiyoʻl

Zangiota

Toshkent

Oqqoʻrgʻon

Ohangaron

Bekobod

Boʻstonliq

Boʻka

Quyichirchiq

Parkent

Piskent

Oʻrtachirchiq

Chinoz

Yuqorichirchiq

12.

Fargʻona viloyati

Beshariq

Bagʻdod

Buvayda

Dangʻara

Quva

Oltiariq

Qoʻshtepa

Rishton

Toshloq

Oʻzbekiston

Uchkoʻprik

Fargʻona

Yozyovon

Furqat

Soʻx

Quvasoy

13.

Xorazm viloyati

Bogʻot

Gurlan

Qoʻshkoʻpir

Urganch

Xazorasp

Xonqa

Xiva

Shovot

Yangiariq

Yangibozor

Jami

57

68

32

1-toifa — ijro apparati uchun 9 ta shtat birliklariga qadar miqdor belgilanadi (kengash raisi — 1, bosh mutaxassis — 4, yetakchi mutaxassis — 4);
2-toifa — ijro apparati uchun 7 ta shtat birliklariga qadar miqdor belgilanadi (kengash raisi — 1, bosh mutaxassis — 4, yetakchi mutaxassis — 2);
3-toifa — ijro apparati uchun 5 ta shtat birliklariga qadar miqdor belgilanadi (kengash raisi — 1, bosh mutaxassis — 4).
Keyingi tahrirga qarang.
Keyingi tahrirga qarang.
Oʻzbekiston Respublikasi Prezidentining 2017-yil 10-oktabrdagi PQ-3318-son qaroriga
7-ILOVA
Fermer, dehqon xoʻjaliklari va tomorqa yer egalari faoliyatini yanada rivojlantirish, ularning ekin maydonlaridan samarali foydalanishni tashkil etish boʻyicha chora-tadbirlar
DASTURI

T/r

Chora-tadbir nomi

Hujjat turi

Ijro muddati

Masʼul ijrochilar

I. Fermer, dehqon xoʻjaliklari va tomorqa yer egalari faoliyatining huquqiy asoslarini, ularning huquqlari va qonuniy manfaatlarini taʼminlashga qaratilgan normativ-huquqiy bazani yanada takomillashtirish

1.

Fermer xoʻjaliklari faoliyatini yanada takomillashtirish, ularning yer maydonlaridan samarali foydalanish, shu jumladan koʻp tarmoqli fermer xoʻjaliklarining huquqiy maqomini belgilash boʻyicha tegishli qonun hujjatlariga oʻzgartirish va qoʻshimchalar kiritish.

Qonun

loyihasi

2017-yil

dekabr

Qishloq va suv xoʻjaligi vazirligi
(T. Safarov),
Adliya vazirligi
(N. Joʻrayev),
Moliya vazirligi
(B. Xodjayev),
Iqtisodiyot vazirligi
(S. Bekenov),

Davlat soliq qoʻmitasi
(E. Gadoyev),
Kengash (B. Yusupov)

2.

Dehqon xoʻjaliklari va tomorqa yer uchastkalarining oʻzaro farqli xususiyatlarini belgilash, dehqon xoʻjaliklari va tomorqa yer egalarining ekin maydonlaridan samarali foydalanish borasidagi masʼuliyatini oshirish, bu borada fuqarolarning oʻzini oʻzi boshqarish organlari tomonidan jamoatchilik nazorati tizimini kuchaytirish yuzasidan tegishli qonun hujjatlariga oʻzgartirish va qoʻshimchalar kiritish.

Qonun

loyihasi

2018-yil

mart

Adliya vazirligi
(A. Tashkulov),
Qishloq va suv xoʻjaligi vazirligi
(T. Safarov),
Iqtisodiyot vazirligi
(S. Bekenov),
Davlat soliq qoʻmitasi
(E. Gadoyev),

Kengash (B. Yusupov),

“Mahalla” fondi (Sh. Javlonov)

3.

Ekin maydonlaridan samarali foydalanishda yuqori natijalarga erishgan tomorqa yer egalariga soliq imtiyozlari berish va aksincha ekin maydonlaridan samarali foydalanmaganlarga nisbatan yer soligʻining uch barobar oshirilgan stavkasini qoʻllash boʻyicha tegishli qonun hujjatlariga oʻzgartirish va qoʻshimchalar kiritish.

Qonun

loyihasi

2017-yil

dekabr

Moliya vazirligi
(B. Xodjayev),
Davlat soliq qoʻmitasi
(E. Gadoyev),
Qishloq va suv xoʻjaligi vazirligi
(T. Safarov),
Adliya vazirligi
(N. Joʻrayev),
Kengash (B. Yusupov)

4.

Fermer, dehqon xoʻjaliklari va tomorqa yer egalari tomonidan qishloq xoʻjaligi mahsulotlarini ishlab chiqarish, saqlash, qayta ishlash va xizmat koʻrsatish sohalarida oʻzaro kooperatsiya munosabatlarini joriy etishning huquqiy asoslarini yaratish.

“Qishloq xoʻjaligida kooperatsiya toʻgʻrisida”gi

Qonun loyihasi

2018-yil

aprel

Qishloq va suv xoʻjaligi vazirligi
(T. Safarov),
Iqtisodiyot vazirligi
(S. Bekenov),
Adliya vazirligi
(N. Joʻrayev),
Moliya vazirligi
(B. Xodjayev),
Kengash (B. Yusupov)

5.

2018 — 2021-yillarda fermer xoʻjaliklarini bosqichma-bosqich koʻp tarmoqli fermer xoʻjaliklariga aylantirish boʻyicha hududiy dasturlarni fermer xoʻjaliklari kesimida ishlab chiqish va tasdiqlash.

Hududiy dasturlar asosida ishlab chiqilgan respublika miqyosidagi dasturlarni koʻrib chiqish va maʼqullash uchun Senatga kiritish.

Qoraqalpogʻiston Respublikasi Joʻqorgʻi Kengesi, xalq deputatlari viloyat Kengashlari va Senat qarori loyihalari

Har yili

Vazirlar Mahkamasi
(Z. Mirzayev, J. Qoʻchqorov), Qoraqalpogʻiston Respublikasi Vazirlar Kengashi, viloyat hokimliklari

6.

“Ilgʻor fermer”, “Mehnatkash dehqon” va “Namunali tomorqachi” koʻkrak nishonlari taʼsis etilishi munosabati bilan tegishli nizomlar loyihalarini ishlab chiqish.

Vazirlar Mahkamasi

qarori loyihasi

2017-yil

noyabr

Qishloq va suv xoʻjaligi vazirligi
(T. Safarov),

Kengash (B. Yusupov)

7.

Chorvachilik, parrandachilik, baliqchilik, meva-sabzavotchilik, asalarichilik va qishloq xoʻjaligining boshqa muhim yoʻnalishlarini yanada rivojlantirish, fermer xoʻjaliklarining bu boradagi faoliyatini muvofiqlashtirish va samaradorligini oshirishga qaratilgan takliflar ishlab chiqish.

Fermer xoʻjaliklarining ixtisoslashuvidan kelib chiqib ular bilan tuman hokimligi oʻrtasida tuziladigan yer ijarasi shartnomasining namunaviy loyihalarini ishlab chiqish.

Oʻzbekiston Respublikasi Prezidentining qarorlari loyihalari (har bir yoʻnalish boʻyicha alohida), Namunaviy shartnoma loyihalari

2017-yil

noyabr

Qishloq va suv xoʻjaligi vazirligi
(A. Vaxobov),
Adliya vazirligi (A. Tashkulov),
Kengash (B. Yusupov)

8.

Fermer xoʻjaliklarining ekin maydonlaridan foydalanish samaradorligi ustidan vakillik nazoratini oʻrnatishga qaratilgan qonun hujjatlariga tegishli oʻzgartirish va qoʻshimchalar kiritish.

Qonun loyihasi

2017-yil

dekabr

Adliya vazirligi
(A. Tashkulov),

Kengash (B. Yusupov),
“Davergeodezkadastr” qoʻmitasi
(M. Roʻzmetov)

9.

Fermer xoʻjaliklariga ijaraga berilgan yer maydonlaridan noqonuniy va maqsadsiz foydalanganlik uchun javobgarlikni kuchaytirish boʻyicha takliflar kiritish.

Qonun loyihasi

2017-yil

dekabr

Bosh prokuratura
(U. Sunnatov),

Adliya vazirligi
(N. Joʻrayev),

“Davergeodezkadastr” qoʻmitasi
(M. Roʻzmetov)

II. Fermer, dehqon xoʻjaliklari va tomorqa yer egalarining moliyaviy-iqtisodiy barqarorligini taʼminlash, ularning tayyorlov, qayta ishlash, taʼminot va xizmat koʻrsatuvchi tashkilotlar bilan munosabatlarida zamonaviy bozor mexanizmlarini joriy etish

10.

Dehqon xoʻjaliklari va tomorqa yer egalarining soni va ular ixtiyoridagi yer maydonlarini xatlovdan oʻtkazib, maʼlumotlarning yagona reyestrini shakllantirish.

Chora-tadbirlar dasturi

2018-yil

oktabr

“Davergeodezkadastr” qoʻmitasi
(A. Abdullayev),
Axborot texnologiyalari va kommunikatsiyalarini rivojlantirish vazirligi (O. Umarov),
Moliya vazirligi
(B. Xodjayev),
Davlat statistika qoʻmitasi
(B. Mirusmanov),
Kengash (B. Yusupov),
Qoraqalpogʻiston Respublikasi Vazirlar Kengashi, viloyat hokimliklari

11.

Davlat ehtiyojlari uchun paxta xom ashyosi va boshoqli don yetkazib berishda fermer xoʻjaliklarining balansidagi nasoslar orqali sugʻorishga sarflanadigan elektr energiya xarajatlarini Nasos stansiyalari, aloqa va energetika boshqarmalari orqali toʻlash mexanizmini ishlab chiqish.

Vazirlar Mahkamasi qarori loyihasi

2018-yil

mart

Qishloq va suv xoʻjaligi vazirligi
(T. Safarov),
Moliya vazirligi
(B. Xodjayev),
Iqtisodiyot vazirligi
(S. Bekenov),
“Oʻzbekenergo” AJ
(U. Mustafoyev)

12.

Fermer, dehqon xoʻjaliklari va tomorqa yer uchastkalarini sugʻorish uchun doimiy ravishda yetarli miqdorlardagi suv bilan taʼminlash, shu jumladan fermer xoʻjaliklari va tomorqa yer egalari oʻrtasida suv yetkazib berishga oid shartnomaviy munosabatlarni takomillashtirish, mahallalar atrofidagi kollektorlarni tozalash boʻyicha kompleks chora-tadbirlarni amalga oshirish.

Kompleks
chora-tadbirlar dasturi

Har yili

Qishloq va suv xoʻjaligi vazirligi
(Sh. Xamroyev),
Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi (Sh. Javlonov), Qoraqalpogʻiston Respublikasi Vazirlar Kengashi,

viloyat va tuman hokimliklari,
Kengash (B. Yusupov)

13.

2017-yilda Jizzax viloyatida amalga oshiriladigan tajriba natijalaridan kelib chiqqan holda 2018-yil hosilidan boshlab respublika boʻyicha paxta yigʻim-terimida ishtirok etuvchi ishchilarning ish haqi fondiga nisbatan hisoblanadigan yagona ijtimoiy toʻlovni bekor qilish.

Normativ-huquqiy hujjat loyihasi

2018-yil

may

Qishloq va suv xoʻjaligi vazirligi
(T. Safarov),
Moliya vazirligi
(B. Xodjayev),
Iqtisodiyot vazirligi
(S. Bekenov)

14.

Bogʻdorchilik, uzumchilik, sabzavot-polizchilik, chorvachilik yoʻnalishlarida faoliyat yurituvchi fermer, dehqon xoʻjaliklari va tomorqa yer egalari uchun zarur texnika vositalari (minitexnikalar) ishlab chiqarish turlari va hajmlarini oshirish hamda ularni imtiyozli shartlarda lizing asosida yetkazib berish tizimini takomillashtirish.

Kompleks

chora-tadbirlar

dasturi

2017-yil

noyabr

“Oʻzagrotexsanoatxolding” AJ
(M. Shermatov),
Qishloq va suv xoʻjaligi vazirligi
(A. Vaxabov),
Iqtisodiyot vazirligi
(S. Bekenov),
Markaziy bank
(T. Ishmetov)

15.

Fermer, dehqon xoʻjaliklari va tomorqa yer egalariga yonilgʻi-moylash materiallari, mineral oʻgʻitlar, oʻsimliklarni himoya qilish vositalari, urugʻlik va koʻchatlarni yetkazib berish tizimini yanada takomillashtirish.

Kompleks

chora-tadbirlar

dasturi

2017-yil

dekabr

Qishloq va suv xoʻjaligi

vazirligi (A. Vaxabov),
Iqtisodiyot vazirligi
(S. Bekenov),
“Oʻzkimyosanoat” AJ (A. Abdullayev),

“Oʻzagrokimyohimoya” AJ
(U. Axunov),
“Oʻzneftmahsulot” AK
(M. Fayziyev),

“Oʻzbekoziqovqatxolding” XK
(T. Jalilov),
Kengash (B. Yusupov)

16.

Barcha qishloq tumanlarida fermer, dehqon xoʻjaliklari va tomorqa yer egalari tomonidan yetishtirilgan qishloq xoʻjaligi mahsulotlarini xarid qilish tizimini takomillashtirish.

Oʻzbekiston Respublikasi Prezidentining qarori loyihasi

2017-yil

noyabr

“Oʻzbekoziqovqatzahira” uyushmasi
(Z. Fayziyev),
“Oʻzbekoziqovqatxolding” XK
(T. Jalilov),
“Oʻzvinsanoat-xolding” XK
(Sh. Raximov)

17.

Qishloq xoʻjaligi ekinlari, ayniqsa, paxta va boshoqli don joylashtiriladigan yer maydonlari boʻyicha maʼlumotlarning yagona elektron bazasini shakllantirish va yangilab borish.

Maʼlumotlar bazasi

2018-yil

may

“Davergeodezkadastr” qoʻmitasi
(T. Abdullayev),
Axborot texnologiyalari va kommunikatsiyalarini rivojlantirish vazirligi (O. Umarov),
Qishloq va suv xoʻjaligi vazirligi
(A. Vaxabov),

Qoraqalpogʻiston Respublikasi Vazirlar Kengashi, viloyat
va tuman hokimliklari

18.

Davlat ehtiyojlari uchun paxta xom ashyosi va boshoqli don sotish boʻyicha shartnomaviy reja surunkali bajarilmagan hududlarda rejaning bajarilmaslik sabablarini tahlil qilish va iqtisodiy samara beradigan ekin turlarini joylashtirish boʻyicha takliflar tayyorlash.

Kompleks
chora-tadbirlar dasturi

2017-yil

dekabr

Qishloq va suv xoʻjaligi vazirligi
(A. Vaxabov),
“Davergeodezkadastr” qoʻmitasi
(T. Abdullayev),
Kengash (B. Yusupov),
Qoraqalpogʻiston Respublikasi Vazirlar Kengashi, viloyat va tuman hokimliklari

19.

Fermer, dehqon xoʻjaliklari va tomorqa yer egalarining takliflari asosida qishloq xoʻjaligi mahsulotlarini yetishtirish va sotishning prognoz hajmlarini belgilash, ular bilan tayyorlov, qayta ishlash va eksport qiluvchi tashkilotlar, agrofirmalar, savdo xarid korxonalari va bozor maʼmuriyati oʻrtasida shartnoma tuzish ishlarini tashkil etish va tuzilgan shartnomalarning bajarilishini monitoring va nazorat qilish tartibi toʻgʻrisida nizom loyihasini ishlab chiqish.

Vazirlar Mahkamasining qarori loyihasi

2017-yil

dekabr

Adliya vazirligi
(A. Tashkulov),
Qishloq va suv xoʻjaligi vazirligi
(T. Safarov),
“Davergeodezkadastr” qoʻmitasi
(T. Abdullayev),
“Oʻzbekoziqovqatzahira” uyushmasi
(Z. Fayziyev),
“Oʻzbekoziqovqatxolding” XK
(T. Jalilov),
“Oʻzvinsanoat-xolding” XK
(Sh. Raximov),
Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi (Sh. Javlonov),
Kengash (B. Yusupov)

20.

Agrofirmalarning fermer, dehqon xoʻjaliklari va tomorqa yer egalari bilan oʻzaro munosabatlarini yanada rivojlantirish, agrofirmalarning faoliyatini tubdan yaxshilash boʻyicha kompleks chora-tadbirlar ishlab chiqish.

Kompleks
chora-tadbirlar dasturi

2017-yil

dekabr

Qishloq va suv xoʻjaligi vazirligi
(T. Safarov),
“Oʻzbekoziqovqatxolding” XK
(T. Jalilov),
“Oʻzvinsanoat-xolding” XK
(Sh. Raximov),
Kengash (B. Yusupov),
Qoraqalpogʻiston Respublikasi Vazirlar Kengashi, viloyat va tuman hokimliklari

21.

Tayyorlov tashkilotlarining qabul qilish maskanlaridagi laboratoriyalarida mavjud bir tomonlama yondashish bilan bogʻliq muammolarni bartaraf etish, bunda fermer xoʻjaliklari manfaatlarini himoya qilish mexanizmini takomillashtirishga qaratilgan takliflar ishlab chiqish.

Vazirlar Mahkamasining qarori loyihasi

2018-yil

fevral

Qishloq va suv xoʻjaligi vazirligi
(T. Safarov),
Oʻzdavdoninspeksiya
(Z. Abidov),
“Oʻzstandart”agentligi
(A. Karimov),
“Sifat” markazi
(X. Umarxoʻjayev),
Kengash (B. Yusupov)

22.

Fermer, dehqon xoʻjaliklari va tomorqa yer egalariga qishloq xoʻjaligi mahsulotlarini yetishtirish va qayta ishlash boʻyicha innovatsion loyihalarni amaliyotga tatbiq etish va ulardan samarali foydalanishni tashkil etishda, zamonaviy bank xizmatlarini koʻrsatishda fermer, dehqon xoʻjaliklari va tomorqa yer egalari kengashlari bilan hamkorlik qilish.

Chora-tadbirlar

Muntazam ravishda

“Agrobank” ATB (S. Xadjayev),
Kengash (B. Yusupov)

23.

Internet tarmogʻida qishloq xoʻjaligi ishlab chiqaruvchilariga oʻz mahsulotlarini sotish, xizmatlar koʻrsatish va axborotlar olishda elektron tijoratni amalga oshirish imkoniyatini beradigan maxsus dasturiy taʼminotni yaratish.

Dasturiy taʼminot

2018-yil

aprel

Axborot texnologiyalari
va kommunikatsiyalarini rivojlantirish vazirligi
(O. Umarov),
Qishloq va suv xoʻjaligi vazirligi
(T. Safarov),

Kengash (B. Yusupov)

III. Fermer, dehqon xoʻjaliklari va tomorqa yer egalarining huquq va qonuniy manfaatlarini himoya qilish, ularning yer maydonlaridan samarali foydalanishda vakillik va jamoatchilik nazoratini amalga oshirish tizimini yanada rivojlantirish

24.

Fermer xoʻjaliklarining ixtisoslashuvidan kelib chiqib, ularga ajratilgan yer uchastkalaridan foydalanish samaradorligini har chorakda xalq deputatlari tuman Kengashlarida muhokama qilib borish va tegishli choralar koʻrish.

Xalq deputatlari tuman Kengashlarining qarorlari

Har chorak yakunidan keyingi oyning
5 sanasigacha

Qoraqalpogʻiston Respublikasi Joʻqorgʻi Kengesi,
xalq deputatlari viloyat
va tuman Kengashlari,
Kengash (B. Yusupov)

25.

Dehqon xoʻjaliklari va tomorqa yer egalarining ekin maydonlaridan foydalanish samaradorligini har oyda fuqarolarning oʻzini oʻzi boshqarish organlarida muhokama qilib borish va tegishli choralar koʻrish.

Fuqarolarning oʻzini oʻzi boshqarish organlarining qarorlari

Har oy yakunidan keyingi oyning
5 sanasigacha

Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi (Sh. Javlonov), Qoraqalpogʻiston Respublikasi Vazirlar Kengashi, viloyat va tuman hokimliklari,
Kengash (B. Yusupov)

26.

Tuman fermer, dehqon xoʻjaliklari va tomorqa yer egalari kengashlari huzurida fermer, dehqon xoʻjaliklari va tomorqa yer egalariga kompleks xizmat koʻrsatish markazlari faoliyatini yoʻlga qoʻyish.

Kompleks

chora-tadbirlar

dasturi

2017-yil

dekabr

Kengash (B. Yusupov),
Qishloq va suv xoʻjaligi vazirligi
(T. Safarov),

Markaziy bank
(T. Ishmetov),
Qoraqalpogʻiston Respublikasi Vazirlar Kengashi va viloyat hokimliklari

27.

Fermer xoʻjaligi yuritish uchun yer uchastkalari ajratishda qishloq xoʻjaligi va fermerlik sohasi boʻyicha mutaxassislikka ega boʻlgan yoshlarga imtiyozlar joriy etish boʻyicha normativ-huquqiy hujjatlarga tegishli oʻzgartish va qoʻshimchalar kiritish.

Normativ-huquqiy hujjat loyihasi

2018-yil

yanvar

Qishloq va suv xoʻjaligi vazirligi
(T. Safarov),
Kengash (B. Yusupov),
Oʻzbekiston yoshlar ittifoqi
(O. Tadjiyev),

Iqtisodiyot vazirligi
(S. Bekenov),
Adliya vazirligi
(A. Tashkulov)

28.

Fermer, dehqon xoʻjaliklari va tomorqa yer egalari kengashlari tomonidan Oʻzbekiston yoshlar ittifoqi bilan birgalikda yoshlarga fermer va dehqon xoʻjaligi yuritish uchun yer uchastkalari ajratish haqida yer uchastkalarini berish (realizatsiya qilish) masalalarini koʻrib chiqish boʻyicha tuman komissiyasiga tavsiyalar berish mexanizmini belgilash.

Normativ-huquqiy hujjat loyihasi

2017-yil

noyabr

Kengash (B. Yusupov),

Oʻzbekiston yoshlar ittifoqi
(O. Tadjiyev),

Adliya vazirligi
(A.Tashkulov)

29.

Fermer, dehqon xoʻjaliklari rahbarlari va tomorqa yer egalarining malakasini oshirish va qayta tayyorlash yuzasidan qishloq xoʻjaligiga ixtisoslashgan oliy va oʻrta maxsus taʼlim muassasalari qoshida qisqa muddatli oʻquv kurslarini tashkil etish. Ushbu muassasalarda zamonaviy agrotexnologiyalarni qoʻllash boʻyicha tajriba yer uchastkalarini tashkil etish.

Chora-tadbirlar

dasturi

2017-yil
noyabr

Oliy va oʻrta maxsus taʼlim vazirligi (M. Xolmuxamedov),

Qishloq va suv xoʻjaligi vazirligi
(A. Vaxabov),
Kengash (B. Yusupov)

IV. “Tomorqa — qoʻshimcha daromad manbai !” shiorini qishloq aholisi orasida keng targʻib qilish

30.

Farmon mazmun-mohiyatini ommaviy axborot vositalarida keng targʻib qilish maqsadida turkum telekoʻrsatuvlar, radio eshittirishlar va bosma matbuotda chiqishlar tashkil etish.

Qoʻshma dastur

Muntazam
ravishda

MTRK (A. Xodjayev),
OʻzA (M. Xazratqulov),
Matbuot va axborot agentligi
(L. Tangriyev),
EOAVMA (F. Abduxalikov),

Kengash (B. Yusupov)

31.

Qishloq xoʻjaligi sohasida fuqarolarning bilim va koʻnikmalarini oshirishga qaratilgan telekoʻrsatuvlarni namoyish etadigan ixtisoslashgan telekanal tashkil etish boʻyicha taklif kiritish.

Taklif

2017-yil

dekabr

MTRK (A. Xodjayev),

Qishloq va suv xoʻjaligi vazirligi
(A. Vaxabov),
Kengash (B. Yusupov)

32.

Fermer, dehqon xoʻjaliklari va tomorqa yer egalari tomonidan ekin maydonlaridan samarali foydalanish, dehqonchilik madaniyatini yuksaltirishga qaratilgan konferensiyalar, davra suhbatlari va seminar-treninglar tashkil etish.

Qoʻshma dastur

Muntazam
ravishda

Kengash (B. Yusupov),
Qishloq va suv xoʻjaligi vazirligi
(A. Vaxabov),
“Davgeodezkadastr” qoʻmitasi
(M. Roʻzmetov),
Adliya vazirligi
(A. Tashkulov),
Qoraqalpogʻiston Respublikasi Vazirlar Kengashi
va viloyat hokimliklari

33.

Qishloq tumanlarida fermer, dehqon xoʻjaliklari va tomorqa yer egalari ishtirokida Kengashning maqsad va vazifalarini tushuntirish ishlarini amalga oshirish yuzasidan targʻibot tadbirlarini oʻtkazish.

Qoʻshma dastur

2017-2018-yillar

Kengash (B. Yusupov),
Qishloq va suv xoʻjaligi vazirligi
(A. Vaxabov),
Adliya vazirligi
(N. Joʻrayev),
“Davgeodezkadastr” qoʻmitasi
(M. Roʻzmetov),
Qoraqalpogʻiston Respublikasi Vazirlar Kengashi va viloyat hokimliklari

34.

Internet tarm�gʻi, xus�san ijtimoiy tarmoqlarda qishloq xoʻjaligi sohasida aholining bilim va koʻnikmalarini oshirish, ekin maydonlaridan samarali foydalanish, dehqonchilik madaniyatini yuksaltirish va sohada innovatsion texnologiyalarni qoʻllashga qaratilgan ilmiy materiallar, mobil ilovalar va roliklar joylashtirish.

Chora-tadbirlar dasturi

2017-2018-yillar

Kengash (B. Yusupov),
Axborot texnologiyalari va kommunikatsiyalarini rivojlantirish vazirligi (O. Umarov),
“Davgeodezkadastr” qoʻmitasi
(M. Roʻzmetov),
“Mahalla” fondi
(Sh. Javlonov),
Qoraqalpogʻiston Respublikasi Vazirlar Kengashi va viloyat hokimliklari

Keyingi tahrirga qarang.

(Qonun hujjatlari maʼlumotlari milliy bazasi, 11.10.2017-y., 07/17/3318/0094-son; 19.01.2018-y., 06/18/5304/0591-son; 27.04.2018-y., 07/18/3680/1110-son; 04.05.2018-y., 06/18/5428/1158-son; 03.07.2018-y., 07/18/3824/1427-son, 01.08.2018-y., 06/18/5497/1604-son; 23.02.2019-y., 06/19/5668/2652-son; 24.05.2019-y., 06/19/5728/3180-son, 11.12.2019-y., 06/19/5892/4134-son; 17.03.2021-y., 06/21/6188/0216-son; Qonunchilik maʼlumotlari milliy bazasi, 01.05.2021-y., 06/21/6217/0409-son, 08.10.2021-y., 06/21/6320/0940-son; 18.02.2025-y., 06/25/22/0156-son)