Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalash tartibi toʻgʻrisidagi Nizomni tasdiqlash haqida
LexUZ sharhi
Mazkur qaror Oʻzbekistan Respublikasi Vazirlar Mahkamasining 2022-yil 25-fevraldagi 88-sonli “Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizomni tasdiqlash haqida”gi qaroriga asosan 2022-yil 1-martdan oʻz kuchini yoʻqotadi.
Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalash tartibi toʻgʻrisidagi nizom 1-ilovaga muvofiq;
Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalanadigan ishlar turlari roʻyxati 2-ilovaga muvofiq;
Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalashda idoralararo oʻzaro elektron hamkorlik sxemasi 3-ilovaga muvofiq tasdiqlansin.
a) 2017-yil 1-oktabrdan yuridik shaxslar va yakka tartibdagi tadbirkorlar qimmatbaho metallar va qimmatbaho toshlardan zargarlik hamda boshqa buyumlarni (keyingi oʻrinlarda zargarlik buyumlari deb ataladi) qatʼiy ravishda Oʻzbekiston Respublikasi Markaziy banki huzuridagi Qimmatbaho metallar agentligi tomonidan beriladigan litsenziyaga asosan ishlab chiqaradi;
b) 2018-yil 1-yanvardan Oʻzbekiston Respublikasi Markaziy banki huzuridagi Qimmatbaho metallar agentligining Davlat asillik darajasini belgilash palatasi tomonidan:
yuridik shaxslarga — zargarlik buyumlarini ishlab chiqarish;
yakka tartibdagi tadbirkorlarga — alohida buyurtma boʻyicha zargarlik buyumlari tayyorlash, shuningdek zargarlik buyumlarini taʼmirlash uchun avval berilgan qimmatbaho metallar va qimmatbaho toshlar bilan ishlashga roʻyxatdan oʻtkazish guvohnomalari bekor qilinsin;
v) zargarlik buyumlari ishlab chiqish huquqini beruvchi litsenziyalar faqat tadbirkorlik subyektlariga “yagona darcha” tamoyili asosida davlat xizmatlarini koʻrsatish boʻyicha yagona markazlar yoki Oʻzbekiston Respublikasining Interaktiv davlat xizmatlari yagona portali orqali beriladi.
3. Oʻzbekiston Respublikasi Markaziy banki huzuridagi “Toshkent zarbxonasi” davlat unitar korxonasi 2017-yilning 1-oktabridan zargarlik buyumlari ishlab chiqarish uchun litsenziyani rasmiylashtirgan yuridik shaxslar va yakka tartibdagi tadbirkorlarning murojaatlari boʻyicha shaxsiy tamgʻalarni tayyorlashni taʼminlasin.
4. Oʻzbekiston Respublikasi Hukumatining ayrim qarorlariga 4-ilovaga muvofiq oʻzgartirish va qoʻshimchalar kiritilsin.
5. Oʻzbekiston Respublikasi Markaziy banki huzuridagi Qimmatbaho metallar agentligi:
2017-yil 1-oktabrdan zargarlik buyumlarini ishlab chiqarish uchun litsenziyalar mazkur qarorga muvofiq berilishini taʼminlasin;
manfaatdor vazirlik va idoralar bilan birgalikda ular qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 30-sentabr,
777-son
Vazirlar Mahkamasining 2017-yil 30-sentabrdagi 777-son qaroriga 1-ILOVA
Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalash tartibi toʻgʻrisida
Nizom
1-bob. Umumiy qoidalar
1. Ushbu Nizom qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalash (keyingi oʻrinlarda zargarlik buyumlarini ishlab chiqarishni litsenziyalash deb ataladi) tartibini belgilaydi.
2. Zargarlik buyumlarini ishlab chiqarishni litsenziyalash Oʻzbekiston Respublikasi Markaziy banki huzuridagi Qimmatbaho metallar agentligi (keyingi oʻrinlarda litsenziyalash organi deb ataladi) tomonidan Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalanadigan ishlar turlari roʻyxatiga muvofiq amalga oshiriladi.
3. Zargarlik buyumlarini ishlab chiqarishni litsenziyalash faqat tadbirkorlik subyektlariga “yagona darcha” (keyingi oʻrinlarda “Yagona darcha” markazi deb ataladi) tamoyili asosida davlat xizmatlarini koʻrsatish boʻyicha yagona markazlar yoki Oʻzbekiston Respublikasining Interaktiv davlat xizmatlari yagona portali (keyingi oʻrinlarda Yagona portal deb ataladi) orqali ushbu Nizomga 1-ilovaga muvofiq sxema boʻyicha amalga oshiriladi.
5. Ushbu Nizomda quyidagi asosiy tushunchalar qoʻllaniladi:
litsenziya — yuridik shaxslar va yuridik shaxsni tashkil etmasdan yakka tartibdagi tadbirkorlarga (keyingi oʻrinlarda yakka tartibdagi tadbirkor deb ataladi) beriladigan, tegishli axborot tizimi reyestriga roʻyxatga olish maʼlumotlari kiritilganini tasdiqlaydigan zargarlik buyumlarini ishlab chiqarish (huquqi) uchun matritsali shtrix kodga ega (keyingi oʻrinlarda QR kodi deb ataladi) ruxsatnoma;
daʼvogar — yuridik shaxs yoki yakka tartibdagi tadbirkor yoxud ularning litsenziya olish uchun tegishli ariza bilan belgilangan tartibda “yagona darcha” markazlariga yoki Yagona davlat portali orqali murojaat qiladigan vakolatli shaxsi.
ishlab chiqaruvchining shaxsiy tamgʻasi (keyingi oʻrinlarda shaxsiy tamgʻa deb ataladi) — lotin alifbosi uchta bosh harfining ishlab chiqaruvchilar toʻgʻrisida shifrlangan koʻrinishdagi axborotni oʻz ichiga olgan kombinatsiyasi boʻlib, zargarlik buyumlari ishlab chiqaruvchiga beriladi.
6. Litsenziya litsenziatlarga oʻzlari ishlab chiqargan zargarlik buyumlarini sotish huquqini beradi.
7. Quyidagilar litsenziyalanadigan ishlar turlari roʻyxatiga muvofiq zargarlik buyumlarini ishlab chiqarish faoliyatini amalga oshirish boʻyicha litsenziyalangan talablar va shartlar hisoblanadi:
qimmatbaho metallar va qimmatbaho toshlar toʻgʻrisida, qimmatbaho metallardan tayyorlangan buyumlar namunalari va ularni tamgʻalash haqidagi qonun hujjatlariga, shuningdek qimmatbaho metalllar va qimmatbaho toshlardan zargarlik buyumlari ishlab chiqarish faoliyatini texnik tartibga solish sohasidagi normativ hujjatlar talablariga soʻzsiz rioya etish;
zargarlik buyumlarini ishlab chiqarish boʻyicha litsenziyalanadigan ishlar turlarini amalga oshirish talablariga mos mulkka egalik qilish huquqi yoki boshqa mol-mulk huquqi asosida tegishli boʻlgan binolar, inshootlar, ishlab chiqarish maydonlari va sharoitlarning mavjudligi;
zargarlik buyumlarini ishlab chiqarish uchun zarur boʻlgan moddiy-texnika bazasi, uskunalar va boshqa texnika vositalarining mavjudligi.
8. Quyidagilar zargarlik buyumlarini ishlab chiqarishda qoʻshimcha litsenziyalash talablari va shartlari hisoblanadi:
a) Oʻzbekiston Respublikasi Davlat budjeti hisobidan moliyalashtiriladigan va/yoki nizom jamgʻarmasida kamida 50 foiz davlat ulushiga ega boʻlgan yuridik shaxslar uchun;
faoliyat koʻrsatadigan joyda yongʻin xavfsizligi chora-tadbirlari, sanitariya qoidalari, normalari va gigiyena normativlari, texnik mustahkamlik yoʻriqnomalari, materiallar, xomashyo va tayyor buyumlarni saqlash qoidalariga belgilangan talablarga muvofiq rioya etilishini taʼminlash;
qimmatbaho metallar va qimmatbaho toshlar bilan ishlash boʻyicha talablarni tartibga soluvchi texnik va normativ hujjatlarning mavjudligi (qimmatbaho metallarni sarflash, hisobga olish va saqlash boʻyicha obyekt ichidagi yoʻriqnomalar, texnik qaydlar, marshrut texnologiyalari xaritasi, bichish xaritalari, barcha operatsiyalar uchun operatsiyalar boʻyicha normativlar, qimmatbaho metallarni sarflashning batafsil operatsiya normalari va jamlangan normalari);
zargarlik buyumlarini ishlab chiqarish uchun malakali xodimlarning mavjudligi;
daʼvogarning qimmatbaho metallarni olish, sarflash, hisobga olish, saqlash tartibi, qimmatbaho metallarni tayyorlash, qadoqlash, transportirovka qilish, ularning parchalari va chiqindilarini qayta ishlash korxonalariga topshirish tartibiga rioya qilish boʻyicha talablarni soʻzsiz bajarishi;
qimmatbaho metallarning kelib tushishi, sarflanishi va xomashyoda, yarim tayyor mahsulotlar, tugallanmagan ishlab chiqarishda va tarkibida qimmatbaho metallar boʻlgan buyumlarda ularning qoldiqlarini, shuningdek ushbu boyliklar chiqindilari va yoʻqotishlarning qatʼiy hisobini yuritish;
xomashyoda, yarim tayyor mahsulotlar, tugallanmagan ishlab chiqarishda va tarkibida qimmatbaho metallar boʻlgan buyumlarda, barcha saqlash joylari hamda bevosita ishlab chiqarishda ularning qoldiqlarini belgilangan muddatlarda inventarizatsiyadan oʻtkazish;
qimmatbaho metallar hosil boʻladigan joylar va manbalarda ularning barcha turdagi parchalari va chiqindilarining toʻliq toʻplash, hisobga olish hamda saqlashni taʼminlash;
daʼvogarning litsenziya beruvchi organ tomonidan belgilanadigan shakllar boʻyicha va muddatlarda qimmatbaho metallar hamda qimmatbaho toshlar harakati toʻgʻrisida hisobotlarni albatta taqdim etishi;
b) Oʻzbekiston Respublikasi Davlat budjeti hisobidan moliyalashtirilmaydigan va/yoki nizom jamgʻarmasida kamida 50 foiz davlat ulushiga ega boʻlmagan yuridik shaxslar uchun;
faoliyat koʻrsatadigan joyda yongʻin xavfsizligi chora-tadbirlari, sanitariya qoidalari, normalari va gigiyena normativlari, texnik mustahkamlik yoʻriqnomalari, materiallar, xomashyo va tayyor buyumlarni saqlash qoidalariga belgilangan talablarga muvofiq rioya etilishini taʼminlash;
qimmatbaho metallar va qimmatbaho toshlar bilan ishlashni amalga oshirish uchun texnik va normativ hujjatlarning mavjudligi;
litsenziat tomonidan litsenziya beruvchi organga har chorakda qimmatbaho metallar va qimmatbaho toshlar harakati toʻgʻrisida (qimmatbaho metall sotib olingan chorakdan keyingi oyning 10-sanasiga qadar) erkin shaklda, qogʻoz shaklda, rahbar tomonidan tasdiqlanib, muhrlangan, qimmatbaho metall sotib olingan sana va hujjatlar rekvizitlari, xarid qilingan qimmatbaho metall nomi, ligatur ogʻirligi, probasi, metallning har bir probasi va turi boʻyicha tayyorlangan buyumlar soni, buyumlarning ligatur ogʻirligi, oʻrnatilgan toshlar ogʻirligi, Oʻzbekiston Respublikasi Markaziy banki huzuridagi Qimmatbaho metallar agentligining Davlat asillik darajasini belgilash palatasi tomonidan sinab koʻrish va tamgʻalashdan keyingi probasi, ligatur ogʻirlikdagi qimmatbaho metallarning sof ogʻirligi, qoldiqlari xarid qilingan qimmatbaho metallning ligatur ogʻirligi, probasi va sof ogʻirligi koʻrsatilgan hisobotlarni taqdim etishi;
9. Daʼvogar qimmatbaho buyumlar ishlab chiqarish boʻyicha litsenziya olish uchun qonun hujjatlarida belgilangan tartib va uslubda “Yagona darcha” markaziga kelib yoki Yagona portal orqali elektron raqamli imzo bilan tasdiqlangan elektron shakldagi (keyingi oʻrinlarda ERI deb ataladi) ushbu Nizomga 2-ilovaga muvofiq shaklda litsenziya berish toʻgʻrisida quyidagilar koʻrsatilgan arizani taqdim etadi:
yuridik shaxsning nomi va tashkiliy-huquqiy shakli, soliq toʻlovchining identifikatsiya raqami (STIR), joylashgan manzili (pochta manzili), faoliyat koʻrsatadigan joyi (manzili), bank boʻlimining nomi va hisob-raqami, telefon raqami va mavjud boʻlsa, elektron pochtasi hamda veb-sayti;
yakka tartibdagi tadbirkorning ismi, familiyasi va otasining ismi (mavjud boʻlsa), soliq toʻlovchining identifikatsiya raqami (STIR), joylashgan manzili, faoliyat koʻrsatadigan joyi (manzili), bogʻlanish uchun axborot (telefon, elektron pochta);
daʼvogar amalga oshirish niyatida boʻlgan faoliyat turlari (yoki ularning qismlari);
tarozi va toshlar tekshirilgani haqida maʼlumotlar;
zargarlik buyumlarini ishlab chiqarish taxmin qilinayotgan obyektning yongʻin xavfsizligi talablariga mos kelishi haqida maʼlumotlar;
Oʻzbekiston Respublikasi Markaziy banki zaxirasidan ajratilgan qimmatbaho metallar va qimmatbaho toshlardan foydalanish moʻljallanayotgan obyektlar uchun (yuridik shaxslar uchun) — obyektning texnik jihatdan mustahkamligi va Oʻzbekiston Respublikasi ichki ishlar organlari qoʻriqlash boʻlimlarining texnik qoʻriqlash markaziga (punktiga) ulangani haqida maʼlumot;
arizani koʻrib chiqish uchun yigʻimlar va litsenziya olish uchun davlat boji toʻlanganini tasdiqlovchi maʼlumotlar.
Daʼvogar litsenziya olish ariza taqdim etish huquqiga ega boʻlib, bunda 1 va 2 guruhdagi yoki har qanday guruhdagi barcha faoliyat turini koʻrsatadi.
Daʼvogarning litsenziya berish toʻgʻrisidagi arizasida elektron manzilining koʻrsatilishi uning Yagona portal orqali elektron shakldagi arizasi boʻyicha qaror qabul qilingani toʻgʻrisidagi xabarni olishga roziligini anglatadi.
10. Daʼvogarning ushbu Nizomning 9-moddasida nazarda tutilmagan maʼlumotlarni taqdim etishni talab qilishiga yoʻl qoʻyilmaydi.
11. Daʼvogar “yagona darcha” markaziga kelib murojaat qilgan taqdirda, markaz xodimi arizaning litsenziya beruvchi davlat organi tomonidan belgilangan tartibda tasdiqlangan davlat xizmatlari pasportiga muvofiq arizaning toʻgʻri toʻldirilganini tekshiradi.
“Yagona darcha” markazining xodimi arizani roʻyxatdan oʻtkazgandan soʻng daʼvogarga arizani qabul qilib olgani haqida tilxat beradi yoki ariza nusxasiga uning roʻyxat raqami koʻrsatilgan tegishli qaydni kiritadi.
12. “Yagona darcha” xodimi arizani belgilangan tartibda qabul qilib olgan kunda undagi maʼlumotlarni Yagona portal orqali litsenziya beruvchi organga yuboriladigan maxsus shaklga kiritadi.
13. Daʼvogar oʻzi yashamaydigan joydagi “Yagona darcha” markaziga kelib murojaat qilgan holatda, ariza markaz tomonidan litsenziya beruvchi organga Yagona portal orqali yuboriladi.
14. Daʼvogar arizani “Yagona darcha” markaziga elektron shaklda taqdim qilgan holatda, markaz xodimi zarur boʻlganda unga arizani markazning oʻz-oʻziga xizmat koʻrsatish uchun ajratilgan binosida joylashgan Yagona portal orqali yuborishga koʻmaklashadi.
Qogʻozda rasmiylashtirilgan “PDF” formatidagi (hujjatlarning platformalar oʻrtasidagi formati) nusxalar koʻrinishida skanerlangan hujjatlar ilova qilingan maʼlumotlarni yuborishga ruxsat etiladi. Har bir hujjat asl nusxaga mos keladigan barcha belgilar saqlanishi taʼminlaydigan alohida fayl koʻrinishida boʻlishi lozim (bir dyuymda kamida 200 nuqta). Bitta faylning hajmi 10 Mb dan oshmasligi kerak.
15. Daʼvogar arizani Yagona portal orqali taqdim etishi uchun foydalanuvchining shaxsiy kabineti yoki “Tadbirkorlik subyektining kabineti” shaxsiy kabinetdan foydalanishga ruxsat olishi, “Zargarlik buyumlarini ishlab chiqarishni litsenziyalash” xizmatini tanlashi va xizmatlar pasportiga muvofiq arizani belgilangan shakli boʻyicha xizmatlar koʻrsatish uchun soʻrovnomani shakllantirishi zarur.
16. Yagona portal orqali joʻnatilgan ariza avtomatik ravishda roʻyxatga olinadi va unga oʻziga xos roʻyxatga olish raqami beriladi.
17. Ariza litsenziyalovchi organning masʼul xodimi tomonidan qabul qilinadi va uni olganligi haqida maʼlum qiladi.
4-bob. Arizani koʻrib chiqish va litsenziya berish yoki litsenziya berishni rad etish toʻgʻrisida qaror qabul qilish
18. Litsenziya berish haqidagi arizalarni koʻrib chiqish va ular yuzasidan xulosalar tayyorlash uchun litsenziyalovchi organda zargarlik buyumlarini ishlab chiqarishni litsenziyalash boʻyicha Oʻzbekiston Respublikasi Markaziy banki tomonidan tasdiqlanadigan komissiya tashkil etiladi (keyingi oʻrinlarda komissiya deb ataladi).
20. Oʻzbekiston Respublikasi Markaziy banki huzuridagi Qimmatbaho metallar agentligining Davlat asillik darajasini belgilash palatasi komissiyaning ishchi organi (keyingi oʻrinlarda ishchi organi deb ataladi) hisoblanadi.
21. Ishchi organ litsenziya berish uchun boshqa vakolatli organlarda mavjud zarur maʼlumotlarni belgilangan tartibda idoralararo elektron hamkorlik sxemasiga muvofiq oladi.
22. Komissiya ishchi organi bilan birgalikda qonun hujjatlarida belgilangan tartib va uslubda olingan arizani koʻrib chiqadi hamda arizani taqdim etish uslubidan qatʼi nazar, quyidagilar uchun ariza qabul qilingan muddatdan oshmaydigan muddatda litsenziya beradi yoki berishni rad etadi:
litsenziya berish toʻgʻrisidagi arizani bevosita daʼvogardan pochta aloqasi vositasi orqali yoki elektron shaklda qabul qilish;
“yagona darcha” markaziga murojaat qilgan daʼvogarlarni ularning litsenziya berish haqidagi arizalarini koʻrib chiqish jarayonida taklif etish taqiqlanadi.
23. Daʼvogardan litsenziya berish toʻgʻrisidagi arizani koʻrib chiqish uchun ariza taqdim etilgan kundagi eng kam ish haqining bir baravari miqdorida toʻlov undiriladi:
Toʻlov Internet axborot tarmogʻi orqali real vaqt rejimida bank kartalari va “SMS-xabardor qilish” xizmati yordamida naqdsiz, Oʻzbekiston Respublikasi banklarining kassalari orqali naqd toʻlanishi mumkin.
24. “Yagona darcha” markazi orqali murojaat qilingan taqdirda arizani koʻrib chiqish uchun toʻlanadigan mablagʻning 10 foiz miqdori Oʻzbekiston Respublikasi Adliya vazirligining maxsus hisob-raqamiga belgilangan tartibda oʻtkaziladi.
Daʼvogar Yagona portal orqali litsenziya berish toʻgʻrisida murojaat qilgan boʻlsa, arizani koʻrib chiqish uchun toʻlanadigan mablagʻning 10 foiz miqdori Yagona interaktiv davlat xizmatlari portalini yanada rivojlantirishni moliyalashtirish hamda vazirlik xodimlarini qoʻshimcha ragʻbatlantirish manbai sifatida Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining vakolatli bankdagi maxsus hisob-raqamiga oʻtkaziladi.
Litsenziya berish toʻgʻrisidagi arizani koʻrib chiqish uchun toʻlovning qolgan qismi ishchi organning hisobiga oʻtkaziladi va keyinchalik tushadigan mablagʻlar ishchi organni saqlash, uning moddiy-texnika bazasini mustahkamlash, xodimlari mehnatiga haq toʻlash va ragʻbatlantirishi uchun yoʻnaltiriladi.
Daʼvogar taqdim etgan arizasidan voz kechgan taqdirda toʻlangan toʻlov qaytarib berilmaydi.
25. Ishchi organ ushbu Nizomning 22-bandida nazarda tutilgan qaror qabul qilish muddati tugashigacha 3 ish soatdan kechiktirmasdan, qonun hujjatlarida belgilangan tartib va uslubda “Yagona darcha” markaziga yoki daʼvogarning Yagona portaldagi shaxsiy kabinetiga taqdim etilgan arizaga va ushbu Nizomning 3-ilovasiga muvofiq shaklda rasmiylashtirilgan litsenziyani yoxud ushbu Nizomning 4-ilovasiga muvofiq shaklda litsenziya berish rad etilgani haqidagi xabarni yuboradi.
26. Arizani koʻrib chiqish natijasi boʻyicha kelgan hujjat “Yagona darcha” markazi tomonidan qogʻozda chop etilgandan soʻng unga markaz muhri qoʻyiladi va ushbu hujjat litsenziyalovchi organ bergan litsenziyaga tenglashtiriladi.
27. Agar ishchi organ qonun hujjatlarida belgilangan tartib va uslubda taqdim etilgan lizensiya berish toʻgʻrisidagi arizani koʻrib chiqish uchun belgilangan muddatda daʼvogarga ushbu Nizomning 3-ilovasiga muvofiq shaklda rasmiylashtirilgan litsenziyani yubormasa yoki uni arizada qayd etilgan shaklda xabardor qilmasa, ushbu Nizomning 22-bandida nazarda tutilgan muddat tugagandan soʻng daʼvogar “Yagona darcha” markazi yoxud Yagona portal orqali tegishli xabarnoma taqdim etgan holda zargarlik buyumlari tayyorlash ishlarini bajarish huquqiga ega.
28. 27-bandda nazarda tutilgan holatda, ishchi organ daʼvogardan tegishli xabarnomani olgandan soʻng 3 ish kuni davomida ushbu Nizomning 3-ilovasiga muvofiq shaklda rasmiylashtirilgan litsenziyani yuborishi shart.
29. Litsenziya olingunga qadar, oʻziga xos roʻyxat raqamiga ega xabarnomani olganlik toʻgʻrisidagi tilxat yoki “Yagona darcha” markazining qabul qilingani haqida belgi qoʻyilgan hamda oʻziga xos roʻyxat raqamiga ega xabarnoma nusxasi litsenziyaga tenglashtiriladi va zargarlik buyumlari ishlab chiqarish uchun asos boʻlib xizmat qiladi.
30. Ishchi organ litsenziyalovchi organdan daʼvogarning arizasini olgan kundan:
uch ish kuni mobaynida “Yagona darcha” markazini yoki daʼvogarni Yagona portal orqali ishchi organi vakolatli vakilining daʼvogar joylashgan joyga uning litsenziya talablari va shartlariga ushbu Nizomga 5-ilovaga muvofiq shaklda mos kelishi yoki kelmasligini oʻrganish uchun boradigan vaqti va muddati, uning familiyasi hamda otasining ismi haqida maʼlum qiladi. Bunda “Yagona darcha” markazi xodimi daʼvogarga oʻrganish oʻtkaziladigan vaqt va muddat, shuningdek, ishchi organi vakolatli vakili haqida zudlik maʼlum qiladi;
uch ish kuni davomida taqdim etilgan axborotni koʻrib chiqadi va daʼvogarga xizmat guvohnomasini koʻrsatib, litsenziya talablari va shartlariga muvofiqlik boʻyicha oʻrganishni amalga oshirish tartibini tushuntiradigan vakolatli vakilning daʼvogar joylashgan joyga oʻz vaqtida borishini taʼminlaydi. Vakolatli vakil oʻrganish ishlarini bir ish kuni davomida nihoyasiga yetkazishi va ushbu Nizomga 5-ilovaga muvofiq shaklda ikki nusxada xulosa tayyorlashi lozim. Xulosaning bir nusxasi daʼvogarda qoladi, ikkinchi nusxasi komissiyaga taqdim etiladi;
ikki ish kuni davomida komissiyaga ushbu Nizomning 7 va 8-bandlarida nazarda tutilgan litsenziya talablari va shartlariga daʼvogarning mos kelishi yoki mos kelmasligini oʻrganish haqidagi xulosani, shuningdek komissiya majlisi protokolining loyihasini taqdim etadi.
Tegishli sohadagi yuqori malakali mutaxassislargina vakolatli vakillar sifatida jalb qilinishi kerak.
Komissiya ishchi organning ushbu bandda nazarda tutilgan muddatga rioya etishini taʼminlaydi.
31. Komissiya ishchi organining xulosasini koʻrib chiqadi va xulosa taqdim etilgandan soʻng ikki ish kunida imzolangan protokolni litsenziyalovchi organga kiritadi.
32. Litsenziyalovchi organ komissiya protokolni imzolagandan soʻng bir kun muddatda uni tasdiqlaydi va unda litsenziyani berish yoki litsenziya berishni rad etish toʻgʻrisidagi qarorni koʻrsatadi.
Litsenziyalovchi organ tomonidan tasdiqlangan va ishchi organga beriladigan protokol litsenziyalovchi organning litsenziyani berish yoki litsenziya berishni rad etish toʻgʻrisidagi qarorini oʻz ichiga oladi.
33. Ishchi organ litseziyalovchi organ litsenziya berish yoki litsenziya berishni rad etish toʻgʻrisidagi qaror qabul qilgan kundan boshlab ikki ish kuni mobaynida Yagona portal orqali qonun hujjatlarida belgilangan tartib va uslubda quyidagilar haqida xabarnoma yuboradi:
ushbu Nizomga 6-ilovaga muvofiq shaklda litsenziya berish toʻgʻrisida qaror qabul qilingani haqida, unda protokol raqami hamda qaror qabul qilingan sana koʻrsatiladi;
ushbu Nizomga 4-ilovaga muvofiq shaklda litsenziya berishni rad etish toʻgʻrisida, unda rad etish sabablari, qonun hujjatlarining aniq normalari va daʼvogar qayd etilgan sabablarni bartaraf etib, takroriy koʻrib chiqish uchun hujjatlar taqdim etishi mumkin boʻlgan muddat koʻrsatiladi.
34. Litsenziya berish quyidagilarga asosan rad etilishi mumkin:
daʼvogar litsenziya olish uchun zarur boʻlgan maʼlumotlarni toʻliq taqdim etmasa;
daʼvogar qayd etgan maʼlumotlar ishonchsiz yoki notoʻgʻri koʻrsatilsa;
daʼvogar ushbu Nizomning 7 va 8-bandlarida koʻzda tutilgan talablar va shartlarga mos kelmasa;
ushbu Nizomning 30-bandiga binoan oʻtkazilgan soʻrov natijalari boʻyicha asosli salbiy xulosa berilsa;
litsenziyani boshqa sabablarga koʻra, jumladan, maqsadga muvofiq emasligi tufayli berish rad etilsa.
35. Daʼvogar rad qilish sabablarini bartaraf etishi va qayta koʻrib chiqish uchun hujjatlarni taqdim etish muddati rad etish sabablarini bartaraf etish uchun zarur boʻlgan vaqtga mutanosib boʻlishi, lekin kamida 10 ish kunidan oshmasligi kerak.
36. Agar litsenziya berishni rad etish toʻgʻrisida qaror qabul qilinsa, shuningdek daʼvogar taqdim etgan arizasidan voz kechsa, litsenziya berish uchun toʻlangan davlat boji miqdori qaytarib beriladi.
37. Daʼvogar litsenziya berishni rad etish uchun asos boʻlgan sabablarni belgilangan muddatda bartaraf etsa, litsenziyalovchi organ daʼvogardan ariza va rad etish sabablari bartaraf etilganini tasdiqlovchi tegishli maʼlumotlar qabul qilib olingan kundan eʼtiboran 7 ish kunidan oshmaydigan muddatda uning arizasini, litsenziya berish yoki berishni rad etishni qayta koʻrib chiqadi. Daʼvogarning arizasini qayta koʻrib chiqishda toʻlov undirilmaydi.
38. Daʼvogarning litsenziya berishni rad etish sabablarini bartaraf etgani haqida arizasi va rad etish sabablari bartaraf etilganini tasdiqlovchi tegishli maʼlumotlar ushbu Nizomning 3-bobida nazarda tutilgan tartibda taqdim etiladi.
39. Arizani qayta koʻrib chiqishda avvalgi rad etish xabarnomasida koʻrsatilmagan boshqa sabablar tufayli litsenziya berishni rad etishga yoʻl qoʻyilmaydi, avval qayd etilgan sabablar bartaraf etilganini taqiqlovchi maʼlumotlar bilan bogʻliq rad etish sabablarini keltirish bundan mustasno.
40. Daʼvogar litsenziya berishni rad etish toʻgʻrisida yozma xabarnomada koʻrsatilgan muddat tugaganidan keyin taqdim etgan arizasi qayta taqdim etilgan deb hisoblanadi va ushbu Nizomning 9-bandida nazarda tutilgan muddatlarda koʻrib chiqiladi.
41. Litsenziya ishchi organ tomonidan elektron hujjat shaklida rasmiylashtiriladi, litsenziyalovchi organ rahbarining, u boʻlmaganda oʻrinbosarining ERI bilan imzolanadi va qonun hujjatlarida belgilangan tartibda “Yagona darcha” markaziga yoki daʼvogarning Yagona portaldagi shaxsiy kabinetiga taqdim etilgan arizaga muvofiq yuboriladi.
42. Litsenziya ushbu Nizomga 3-ilovaga muvofiq shaklda rasmiylashtiriladi va tegishli dasturiy-apparat vositasining daʼvogar haqida uni identifikatsiyalash imkonini beradigan asosiy axborotni (roʻyxatga olinganini tasdiqlovchi maʼlumotlar), shuningdek Internet tarmogʻida tegishli elektron axborot resursida shaxsiy tamgʻa berilgani toʻgʻrisida maʼlumotlar qayd etilganidan dalolat beruvchi manzilni oʻqish imkonini beradigan QR-kodini oʻz ichiga oladi.
43. Daʼvogar arizaning XVI-boʻlimida ushbu Nizomga 2-ilovaga muvofiq shaklda barcha belgilarni qoʻyish orqali litsenziya talablari va shartlariga rioya etilgani haqidagi maʼlumotlarni tasdiqlagan holatda, litsenziyani alohida imzolash talab etilmaydi va bu litsenziya shartnomasi imzolashga tenglashtiriladi.
44. Ishchi organ tegishli axborot tizimlariga litsenziya rasmiylashtirilgani haqida zarur axborotni kiritadi va qogʻoz manbada shakllantiriladigan reyestrda qayd etiladi.
46. Daʼvogar litsenziya berish haqidagi arizani quyidagilar orqali taqdim etganda:
“Yagona darcha” markazi orqali — arizani koʻrib chiqish uchun toʻlanadigan davlat bojining 10 foiz miqdoridagi mablagʻlar Oʻzbekiston Respublikasi Adliya vazirligining maxsus hisob-raqamiga “Yagona darcha” markazlari faoliyatini moliyalashtirish manbai sifatida foydalanish uchun oʻtkaziladi va keyinchalik kelib tushadigan mablagʻlarni markazlarni saqlash, ularning moddiy-texnika bazasini mustahkamlash, xodimlari mehnatiga haq toʻlash va ragʻbatlantirishi uchun yoʻnaltiriladi;
Yagona portal orqali — arizani koʻrib chiqish uchun toʻlanadigan davlat bojining 10 foiz miqdoridagi mablagʻlar Yagona interaktiv davlat xizmatlari portalini yanada rivojlantirishni moliyalashtirish hamda vazirlik xodimlarini qoʻshimcha ragʻbatlantirish manbai sifatida Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining vakolatli bankdagi maxsus hisob raqamiga oʻtkaziladi.
Litsenziya berish uchun davlat bojining qolgan qismi Oʻzbekiston Respublikasi Davlat budjetiga oʻtkaziladi.
47. Ishchi organ rahbari tegishli axborot resurslarida berilgan, uzaytirilgan, qayta rasmiylashtirilgan, toʻxtatilgan, qayta tiklangan, shuningdek amal qilish bekor qilingan litsenziyalar haqidagi axborotning ishonchliligi va oʻz vaqtida kiritilishi uchun shaxsan javob beradi.
48. Daʼvogar litsenziyalovchi organning litsenziya berishni rad etish toʻgʻrisidagi qarori, shuningdek litsenziyalovchi organ mansabdor shaxsining harakatlari (harakatsizligi) ustidan qonun hujjatlarida belgilangan tartibda shikoyat qilish huquqiga ega.
5-bob. Shaxsiy tamgʻani berish, uni roʻyxatdan oʻtkazish va foydalanish tartibi
49. Litsenziya berish toʻgʻrisida qaror qabul qilingan taqdirda daʼvogarga ishchi organ tomonidan ishlab chiqilgan ishlab chiqaruvchi shaxsiy tamgʻasi (harfli belgilar) beriladi.
50. Shaxsiy tamgʻani ishlab chiqishda avval ishlatilgan harflar kombinatsiyasini boshqa daʼvogarga takroran berish holatlariga yoʻl qoʻyilmasligi kerak.
51. Shaxsiy tamgʻa ishchi organi tomonidan daʼvogarni ushbu Nizomning 55-bandida nazarda tutilgan tartibda roʻyxatdan oʻtkazish sharti bilan letsenziatga litsenziyalanadigan faoliyatni amalga oshirishning butun davri uchun beriladi.
52. Shaxsiy tamgʻadagi muhr litsenziat tomonidan tayyorlangan buyumlarga ularni boshqa ishlab chiqaruvchi tayyorlagan zargarlik buyumlaridan ajratish imkoniyatiga ega boʻlish uchun qoʻyiladi.
53. Ishchi organ litsenziatni ushbu Nizomga 6-ilovaga muvofiq shaklda shaxsiy tamgʻadagi muhrni roʻyxatdan oʻtkazish qoidalari haqida xabardor qiladi.
Shaxsiy tamgʻa shifrlarini daʼvogar litsenziya rasmiylashtirilgan paytdan uch oy davomida saqlaydi.
54. Litsenziat oʻz arizasida qayd etgan shakldagi xabarnomani olganidan shaxsiy tamgʻani tayyorlab berish uchun ixtisoslashtirilgan korxonalarga mustaqil murojaat qiladi.
55. Shaxsiy tamgʻa ishchi organ tomonidan litsenziat ishchi organ belgilagan hajmdagi jez plastinada tamgʻa muhrlarini (mayda, oʻrtacha, chuqur) taqdim etganidan soʻng roʻyxatdan oʻtkaziladi.
Ishchi organ taqdim etilgan muhrlarni tekshiruvdan oʻtkazgach, shaxsiy tamgʻadagi muhrni roʻyxatdan oʻtkazish yoki oʻtkazishni rad etish haqida qaror qabul qiladi.
Ushbu Nizomga 7-ilovaga muvofiq shaklda roʻyxatga olish haqidagi tegishli xabarnoma yoki Ushbu Nizomga 8-ilovaga muvofiq shaklda roʻyxatga olish rad etilgani haqidagi xabarnoma ariza beruvchiga elektron pochta orqali yoki litsenziatning Yagona portaldagi shaxsiy kabinetiga uning arizada koʻrsatgan shaklda yuboriladi hamda unda roʻyxatdan oʻtkazish rad etilganining aniq sabablari va muddatlari koʻrsatiladi. Litsenziat ushbu muddat davomida qayd etilgan sabablarni bartaraf etib, shaxsiy tamgʻadagi muhrlarni takroran koʻrib chiqish uchun taqdim etishi mumkin.
56. Ishchi organning tegishli boʻlinmasi litsenziatlarga shaxsiy tamgʻadagi muhrlari oʻz vaqtida berilishini nazorat qiladi.
Agar litsenziat ushbu Nizomga 6-ilovaga muvofiq shakl boʻyicha xabarnoma olingan kundan qirq besh kun mobaynida shaxsiy tamgʻadagi muhrni ishchi organga yubormasa, litsenziyalovchi organ ishchi organ taqdimi boʻyicha zargarlik buyumlarini ishlab chiqarish uchun litsenziyaga amal qilishni toʻxtatadi.
57. Litsenziyalovchi organning litsenziyaga amal qilishni toʻxtatish haqida qaror qabul qilsa, ushbu Nizomga 9-ilovaga muvofiq shakldagi toʻxtatish haqida tegishli xabarnoma ariza beruvchiga elektron pochta orqali yoki litsenziatning Yagona portaldagi shaxsiy kabinetiga uning arizada koʻrsatgan shaklda yuboriladi hamda unda roʻyxatdan oʻtkazish rad etilganining aniq sabablari va muddatlari koʻrsatiladi. Litsenziat ushbu muddat davomida qayd etilgan sabablarni bartaraf etib, shaxsiy tamgʻadagi muhrlarni takroran koʻrib chiqish uchun taqdim etishi mumkin.
Litsenziatga toʻxtatish sabablarini bartaraf qilish imkonini beradigan muddat ularni bartaraf etish uchun zarur vaqtga mutanosib boʻlishi, ammo litsenziyaga amal qilish toʻxtalishi haqida xabar olingan paytdan oʻttiz kalendar kunidan oshmasligi kerak.
58. Ishchi organ litsenziya toʻxtatilgani haqida tegishli axborot tizimlariga zarur axborotni kiritadi va qogʻoz manbada shakllantiriladigan reyestrda qayd etiladi.
59. Litsenziat litsenziyaga amal qilishni toʻxtatish uchun asos boʻlgan sabablarni belgilangan muddatda bartaraf etgan taqdirda, litsenziyalovchi organ litsenziyaga amal qilish muddatini qayta tiklash yoki qayta tiklashni rad etish toʻgʻrisidagi arizani qonun hujjatlarida belgilangan tartibda taqdim etilgan sabablarni bartaraf etilgani toʻgʻrisidagi arizani hamda toʻxtatish sabablari bartaraf etilganini tasdiqlovchi tegishli maʼlumotlar olingan kundan oʻn ish kunidan oshmaydigan muddatda qayta koʻrib chiqadi.
60. Litsenziyalovchi organ toʻxtatilgan litsenziyani qayta tiklash toʻgʻrisida qaror qabul qilsa, ushbu Nizomga 10-ilovaga muvofiq shakldagi tegishli xabarnoma ariza beruvchiga uning arizasida koʻrsatilgan shaklda yuboriladi va tegishli axborot tizimlariga zarur axborot kiritiladi.
61. Litsenziat litsenziya rasmiylashtirilgan kundan uch oy mobaynida ish organda unga berilgan shaxsiy tamgʻamdagi muhrni belgilangan tartibda roʻyxatdan oʻtkazmasa, litsenziyalovchi organ ishchi organga axborot taqdim etish asosida berilgan litsenziyaga amal qilishni toʻxtatish haqida qaror qabul qiladi, litsenziatning pochta manzili yoki Yagona portaldagi shaxsiy kabinetiga ushbu Nizomga 11-ilovaga muvofiq shaklda tegishli xabarnoma yuboradi hamda berilgan litsenziyaga amal qilish toʻxtatilgani haqida tegishli axborot tizimlariga maʼlumot kiritadi.
62. Firma nomi, tashkiliy-huquqiy shakl oʻzgartirilsa, taʼsis hujjatlariga boshqa oʻzgartirishlar kiritilib, qayta tashkil etilsa (birlashtirish, qoʻshilish, qayta tashkil etish, ajratish) yoki litsenziyada qayd etilgan faoliyat joyini oʻzgartirish haqida qaror qabul qilinsa, yuridik shaxs (uning vorisi) qayta rasmiylashtirishdan oʻtgandan soʻng besh kun ichida ushbu Nizomga 2-ilovaga muvofiq shaklda litsenziyani qayta rasmiylashtirish haqida Nizomning 9-bandida nazarda tutilgan tartibda ariza taqdim etadi.
Davlat roʻyxatidan oʻtish sanasida zargarlik buyumlari ishlab chiqarish uchun litsenziyasi boʻlgan yangi tashkil etilgan yuridik shaxsga ega yuridik shaxslar birlashgan holatda, litsenziyani ushbu bandda nazarda tutilgan tartibda qayta rasmiylashtirishga ruxsat etiladi.
Yakka tartibdagi tadbirkorning roʻyxatga olish maʼlumotlari oʻzgartirilganda (qoʻshimchalar kiritilganda), shu jumladan litsenziyada qayd etilgan faoliyat joyi oʻzgartirilganda yakka tartibdagi tadbirkor qayta rasmiylashtirishdan oʻtgandan soʻng besh kun ichida ushbu Nizomga 2-ilovaga muvofiq shaklda litsenziyani qayta rasmiylashtirish haqida Nizomning 9-bandida nazarda tutilgan tartibda ariza taqdim etadi.
63. Ariza “Yagona darcha” markaziga qonun hujjatlarida belgilangan tartib va uslubda pochta aloqasi vositalaridan foydalangan holda yoki Yagona portal orqali ariza beruvchining ERI bilan tasdiqlangan elektron shaklda markazga kelib taqdim etiladi va unda:
zargarlik buyumlari tayyorlash ishlari amalga oshirish taxmin qilinayotgan obyektning (litsenziyada qayd etilgan faoliyat koʻrsatish joyi oʻzgartirilgan taqdirda) yongʻin xavfsizligi talablariga mos kelishi haqidagi maʼlumotlar;
obyektning texnik jihatdan mustahkamligi va Oʻzbekiston Respublikasi ichki ishlar organlari qoʻriqlash boʻlimlarining texnik qoʻriqlash markaziga (punktiga) ulangani haqida maʼlumot — litsenziyada koʻrsatilgan faoliyat yuritish joyi oʻzgarganda, Oʻzbekiston Respublikasi Markaziy banki zaxirasidan ajratilgan qimmatbaho metallar va qimmatbaho toshlardan foydalanish moʻljallanayotgan obyektlar uchun (yuridik shaxslar uchun);
65. Ishchi organ litsenziyalovchi organdan arizani qabul qilib olgach, qayd etilgan maʼlumotlarni tasdiqlovchi tegishli hujjatlarni qonun hujjatlariga muvofiq tadbirkorlik subyektlarini davlat roʻyxatidan oʻtkazish va hisobga qoʻyish boʻyicha avtomatlashtirilgan tizim orqali soʻraydi.
66. Litsenziat litsenziya qayta rasmiylashtirilguniga qadar unda qayd etilgan faoliyatni avval berilgan litsenziya asosida (litsenziyada koʻrsatilgan faoliyat yuritish joyi oʻzgartirilgan holatlar bundan mustasno) amalga oshiradi.
Oʻziga xos roʻyxat raqamiga ega litsenziyani qayta rasmiylashtirish toʻgʻrisidagi arizani yoki uning “Yagona darcha” markazi tomonidan qabul qilingani va oʻziga xos roʻyxat raqamiga ega nusxasini olganlik toʻgʻrisidagi tilxat faoliyatni davom ettirish uchun asos hisoblanadi.
Daʼvogar litsenziya berish haqidagi arizani quyidagilar orqali taqdim etganda:
“Yagona darcha” markazi orqali — litsenziyani qayta rasmiylashtirish uchun toʻlanadigan mablagʻning 10 foiz miqdori Oʻzbekiston Respublikasi Adliya vazirligining maxsus hisob raqamiga belgilangan tartibda oʻtkaziladi.
Yagona portal orqali — litsenziyani qayta rasmiylashtirish uchun toʻlanadigan mablagʻning 10 foiz miqdori Yagona interaktiv davlat xizmatlari portalini yanada rivojlantirishni moliyalashtirish hamda vazirlik xodimlarini qoʻshimcha ragʻbatlantirish manbai sifatida Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining vakolatli bankdagi maxsus hisob-raqamiga oʻtkaziladi.
Litsenziyani qayta rasmiylashtirish uchun toʻlovlarning qolgan qismi ishchi organning hisobiga oʻtkaziladi va keyinchalik tushadigan mablagʻlar ishchi organni saqlash, uning moddiy-texnika bazasini mustahkamlash, xodimlari mehnatiga haq toʻlash va ragʻbatlantirishi uchun yoʻnaltiriladi.
68. Litsenziya “Yagona darcha” markazidan litsenziyani qayta rasmiylashtirish haqidagi ariza yoki Yagona portal orqali litsenziat tomonidan litsenziyalovchi organga tegishli ariza taqdim etilgani toʻgʻrisidagi xabarnoma olingan kundan boshlab, faoliyat yuritish joyi, joylashgan joy (pochta manzili) oʻzgarganda yetti ish kunida, firma nomi, uning tashkiliy-huquqiy shakli va taʼsis hujjatlarining boshqa oʻzgartirishlari (qoʻshimchalari) bilan bogʻliq oʻzgartirishlar boʻlgan taqdirda besh ish kunida qayta rasmiylashtiriladi.
69. Ishchi organ litsenziyani qayta rasmiylashtirish uchun taqdim etilgan arizani koʻrib chiqib, litsenziyani ushbu Nizomning 25 va 30-bandlarida nazarda tutilgan tartibda (litsenziat faoliyat yuritish joyini oʻzgartirganda) rasmiylashtiradi.
Ishchi organ litsenziyani qayta rasmiylashtirish jarayonida qogʻoz manbada shakllantiriladigan reyestrga tegishli oʻzgartirishlar, shuningdek tegishli axborot tizimlariga elektron shaklda rasmiylashtiriladigan reyestrda litsenziyani qayta rasmiylashtirish haqida axborotni kiritadi. Ushbu Nizomga 12-ilovaga muvofiq shakldagi tegishli xabarnoma uning arizasida koʻrsatilgan shaklda yuboriladi.
Litsenziyani qayta rasmiylashtirishda avval berilgan litsenziyaning amal qilish muddati oʻzgarmaydi.
70. Litsenziyaning amal qilish muddati litsenziatning unda qayd etilgan muddat tuguniga qadar taqdim etilgan arizasiga binoan uzaytirilishi mumkin. Litsenziyaning amal qilish muddati ushbu Nizomning 2, 3 va 4-boblarida nazarda tutilgan tartibda uzaytiriladi.
Litsenziyaning amal qilish muddatini uzaytirish haqidagi ariza (Nizomning 9-bandi) litsenziya muddati tugaguniga qadar bir oyda kechiktirilmasdan taqdim etilishi shart. Litsenziyaning amal qilish muddati litsenziya berish uchun nazarda tutilgan tartibda uzaytiriladi.
Litsenziyaning amal qilish muddatini uzaytirish boʻyicha ijobiy qaror qabul qilinsa, ishchi organ qogʻoz manbada shakllantiriladigan reyestrga tegishli oʻzgartirishlarni, shuningdek tegishli axborot tizimlariga elektron shaklda rasmiylashtiriladigan reyestrda litsenziyani qayta rasmiylashtirish haqida axborotni kiritadi. Ushbu Nizomga 13-ilovaga muvofiq shakldagi tegishli xabarnoma uning arizasida koʻrsatilgan shaklda yuboriladi.
7-bob. Litsenziya talablariga rioya etilishini nazorat qilish
71. Litsenziatning litsenziya talablari va shartlariga rioya etishini ishchi organ nazorat qiladi.
72. Ishchi organ nazoratni amalga oshirishda oʻz vakolati doirasida quyidagi huquqlarga ega boʻladi:
qonun hujjatlarida belgilangan tartibda litsenziatning litsenziya talablariga rioya etishi, Oʻzbekiston Respublikasi Markaziy banki zaxirasidan xomashyo sifatida sotib olingan qimmatbaho metallar va qimmatbaho toshlardan maqsadli foydalanishini rejali va qisqa muddatli tekshirish;
litsenziatdan tekshiruvni oʻtkazish chogʻida yuzaga keladigan masalalar boʻyicha zarur axborotni soʻrab olish;
tekshiruv natijalari litsenziat tomonidan yoʻl qoʻyilgan aniq buzilishlar koʻrsatilgan dalolatnomalar (maʼlumotnomalar) tuzish;
litsenziatga aniqlangan kamchiliklarni bartaraf etish majburiyatini yuklaydigan qarorlar chiqarish, bunday buzilishlarni bartaraf etish muddatlarini belgilash;
qonun hujjatlarida belgilangan tartibda litsenziyalarning amal qilishini bekor qilish haqida qaror chiqarish yoki sudga murojaat qilish;
qonun hujjatlari buzilishi, jumladan, litsenziya talablari va shartlarining bir marta boʻlsa ham qoʻpol buzilishi va/yoki Oʻzbekiston Respublikasi Markaziy banki zaxirasidan xomashyo sifatida sotib olingan qimmatbaho metallar va qimmatbaho toshlardan maqsadsiz foydalanish oqibatida, shuningdek ishchi organi tomonidan litsenziya talablariga rioya etish boʻyicha belgilangan tartibda oʻtkaziladigan tekshiruvlardan boʻyin tovlaganlik uchun litsenziyaning amal qilishini bekor qilish haqida belgilangan tartibda qaror chiqarish.
73. Litsenziya talablari va shartlariga rioya etilishini tekshirish natijalariga koʻra ikki nusxada dalolatnoma tuziladi va uning bir nusxasi litsenziatga beriladi, ikkinchisi ishchi organda qoladi.
8-bob. Litsenziyaning amal qilishini toʻxtatish, qayta tiklash va bekor qilish
74. Litsenziyaning amal qilishi ishchi organ tomonidan “Faoliyatning ayrim turlarini litsenziyalash toʻgʻrisida” Oʻzbekiston Respublikasi Qonunining 22 va 23-moddalarida nazarda tutilgan holatlarda va tartibda toʻxtatiladi va bekor qilinadi.
Ishchi organ amal qilish muddati toʻxtatilgan yoki bekor qilingan litsenziyalar haqidagi maʼlumotlarni tegishli axborot tizimlariga kiritadi.
75. Quyidagilar litsenziyaning amal qilishini belgilangan tartibda bekor qilishga sabab boʻladigan litsenziya talablari va shartlarini bir marta qoʻpol buzish hisoblanadi:
Oʻzbekiston Respublikasi Markaziy banki zaxirasidan xomashyo sifatida sotib olingan qimmatbaho metallar va qimmatbaho toshlardan maqsadsiz foydalanish;
ishchi organi tomonidan litsenziya talablariga rioya etish boʻyicha belgilangan tartibda oʻtkaziladigan tekshiruvlardan boʻyin tovlash;
litsenziya berilgan faoliyat natijasida davlat xavfsizligiga tahdid qilish, fuqarolar hayoti va salomatligiga, shaxslar va/yoki yakka tartibdagi tadbirkorlar mol-mulkiga zarar yetkazish yoxud bunday zararni yetkazadigan real xavfni yuzaga keltirish litsenziyaning amal qilishini belgilangan tartibda bekor qilishga sabab boʻladigan litsenziya talablari va shartlarini bir marta qoʻpol buzish hisoblanadi.
76. Quyidagilar litsenziyaning amal qilishini belgilangan tartibda bekor qilishga sabab boʻladigan litsenziya talablari va shartlarini muntazam (bir kalendar yilida ikki marta) boʻzish hisoblanadi:
qimmatbaho metallarni olish, sarflash, hisobga olish, saqlash tartibi, qimmatbaho metallarni tayyorlash, qadoqlash, transportirovka qilish, ularning parchalari va chiqindilarini qayta ishlash korxonalariga topshirish tartibiga rioya qilish talablarini buzish (Oʻzbekiston Respublikasi Davlat budjetidan moliyalashtiriladigan va/yoki ustav jamgʻarmasida kamida 50 foiz davlat ulushiga yuridik shaxslar uchun);
qimmatbaho metallar va qimmatbaho toshlar harakati toʻgʻrisidagi hisobotlarni litsenziyalovchi organ tomonidan belgilanadigan shakllar va muddatlar boʻyicha oʻz vaqtida taqdim etmaslik.
Litsenziyalovchi organ litsenziyaning amal qilishini toʻxtatish yoki bekor qilish boʻyicha qaror qabul qilgan holatda toʻxtashi haqidagi xabarnoma ushbu Nizomga 9-ilovaga muvofiq shaklda yoki bekor qilish toʻgʻrisidagi xabarnoma 11-ilovaga muvofiq shaklda litsenziatning (daʼvogarning) elektron pochta manziliga yoxud Yagona portaldagi shaxsiy kabinetiga uning arizasida koʻrsatilgan shaklda toʻxtatish yoki bekor qilish sabablari koʻrsatilgan holda yuboriladi.
77. Yuridik shaxs taʼsischilari (ishtirokchilari) yakka tartibdagi tadbirkor ushbu turdagi faoliyatni ixtiyoriy tugatgani yoki toʻxtatgani haqida qaror qabul qilsa, litsenziat ushbu Nizomga 5-ilovaga muvofiq shaklda litsenziyaning amal qilishini ixtiyoriy toʻxtatish haqida quyidagilar koʻrsatilgan arizani “Yagona darcha” markaziga qonun hujjatlarida belgilangan tartib va uslubda yoki Yagona portalga ERI bilan tasdiqlangan elektron shaklda taqdim etadi:
ariza beruvchining nomi va tashkiliy-huquqiy shakli, joylashgan joyi (pochta manzili), soliq toʻlovchining identifikatsiya raqami (STIR),) bank boʻlimining nomi va hisob raqami, telefon raqami va mavjud boʻlsa, elektron pochtasi hamda veb-sayti;
yakka tartibdagi tadbirkorning ismi, familiyasi va otasining ismi (mavjud boʻlsa), soliq toʻlovchining identifikatsiya raqami (STIR), joylashgan manzili (pochta manzili), faoliyat koʻrsatadigan joyi (manzili), bogʻlanish uchun axborot (telefon, elektron pochta);
litsenziya raqami, berilgan sanasi va amal qilish muddati tugagan sana.
78. Litsenziyaning amal qilishini ixtiyoriy toʻxtatish haqidagi ariza Yagona portal orqali taqdim etilgan holatda, ishchi organ ushbu Nizomning 22-bandida nazarda tutilgan qaror qabul qilish muddati tugashigacha 3 ish soatdan kechiktirmasdan, litsenziatni uning arizada koʻrsatgan shaklda qabul qilingan qaror haqida xabardor qiladi, tegishli axborot tizimlariga litsenziyaning amal qilishi toʻxtatilgani va shaxsiy tamgʻa haqida elektron shakldagi axborotni kiritadi.
79. Litsenziyaning amal qilishi litsenziatga qabul qilingan qaror toʻgʻrisida ushbu Nizomga 14-ilovaga muvofiq shakl boʻyicha hamda arizada koʻrsatilgan tartib va uslubda maʼlum qilingan sanadan ixtiyoriy toʻxtatilgan hisoblanadi.
80. Litsenziya huquqini boshqa shaxslarga oʻtkazish man etiladi.
81. Litsenziyalovchi organning litsenziyaning amal qilishini toʻxtatish yoki bekor qilish haqidagi qarori yuzasidan sudda murojaat qilish mumkin. Sud litsenziyaning amal qilishini toʻxtatish asossiz deb topgan hollarda litsenziyalovchi organ litsenziat oldida unga yetkazilgan zarar miqdorda javobgar boʻladi.
9-bob. Litsenziyalar va shaxsiy tamgʻalar reyestri
82. Ishchi organ “Litsenziya” axborot tizimlari kompleksi orqali litsenziyalar reyestrini shakllantiradi.
z) litsenziyaning amal qilishini bekor qilish uchun asos va muddat.
84. Litsenziyalar reyestridagi axborot litsenziyalovchi organning rasmiy veb-sayti, “Litsenziya” axborot tizimlari kompleksida joylashtiriladi hamda tanishish uchun ochiq hisoblanadi.
10-bob. Yakuniy qoidalar
85. Ushbu Nizom talablarini buzishda aybdor shaxslar qonun hujjatlariga muvofiq javob beradi.
Qimmatbaho metallar va qimmatbaho toshlardan zaragarlik va boshqa buyumlarni ishlab chiqarishni litsenziyalash tartibi toʻgʻrisidagi nizomga 1-ILOVA
Zaragrlik buyumlarini ishlab chiqarishni litsenziyalash
SXEMASI
Qimmatbaho metallar va qimmatbaho toshlardan zaragarlik va boshqa buyumlarni ishlab chiqarishni litsenziyalash tartibi toʻgʻrisidagi nizomga 2-ILOVA
Qimmatbaho metallar va qimmatbaho toshlardan zargarlik va boshqa buyumlarni ishlab chiqarishni litsenziyalash tartibi toʻgʻrisidagi nizomga 3-ILOVA
Seriya KMA № 0005000
seriya
blanka
OʻZBEKISTON RESPUBLIKASI MARKAZIY BANKI QIMMATBAHO METALLAR AGENTLIGI LITSENZIYA qimmatbaho metallar va qimmatbaho toshlardan zargarlik va boshqa buyumlarni ishlab chiqarishga
(yuridik shaxsning toʻliq firma nomi, tashkilish-huquqiy shakli koʻrsatilgan holda, yakka tartibdagi tadbirkorning F.I.Sh,)
Joylashgan manzili (pochta manzili):__________________________________________________________________ Litsenziyalangan faoliyatni amalga oshirish bilan bogʻliq boʻlgan joyi (manzili):_______________________________ ________________________________________________________________________________________________
Soliq toʻlovchining identifikatsiya raqami (STIR):
QR-kod, Masʼul shaxsning elektron raqamli imzosidan iborat
* Elektron raqamli imzo va QR-kod generatsiyalovchi dasturiy-texnika vositalari mavjud boʻlganda vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
(yuridik shaxsning toʻliq nomi (jismoniy shaxsning familiyasi, ismi-sharifi))
Oʻzbekiston Respublikasi Markaziy banki huzuridagi Qimmatbaho metallar agentligi Sizning 20__ yil “____”___ dagi
son bilan roʻyxatdan oʻtgan arizangizni, qonunchilikda oʻrnatilgan
tartib va muddatlar asosida koʻrib chiqib litsenziya berishni rad etganligini maʼlum qiladi.
Litsenziya berishni rad etish asoslari quyidagilardan iborat: _________________________________________________________________________________________________________________________________________
(asoslangan rad etish sabablari qonun hujjatlarining aniq normalari koʻrsatilgan holda qisqacha yoziladi)
Qoʻshimcha ravishda maʼlum qilamiz, litsenziya berishda rad etishga asos boʻlgan sabablar 20___ yil “__” ________ gacha (ushbu kun ham kiradi) bartaraf etilsa, arizani qayta koʻrib chiqish, rad etish sabablarining bartaraf etilganligi haqidagi ariza va rad etish sabablarining bartaraf etilganligini tasdiqlovchi tegishli maʼlumotlar olingandan soʻng 10 (oʻn) ish kunidan oshmagan muddatda amalga oshiriladi Ariza beruvchining arizasini qayta koʻrib chiqish uchun yigʻim olinmaydi
QR-kod Masʼul shaxsning elektron raqamli imzosidan iborat
* Elektron raqamli imzo va QR-kod generatsiyalovchi dasturiy-texnika vositalari mavjud boʻlganda vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
(yuridik shaxsning toʻliq nomi (jismoniy shaxsning familiyasi, ismi, sharifi))
Oʻzbekiston Respublikasi Markaziy banki huzuridagi Qimmatbaho metallar agentligi zargarlik buyumlarini ishlab chiqarishni litsenziyalash komissiya bayonnomasi (20__ yil “___”_______dagi ____-sonli)ga asosan Sizga zargarlik buyumlarini ishlab chiqarishga litsenziya berish boʻyicha ijobiy qaror qabul qilganligini maʼlum qiladi, berilgan
roʻyxatga olingan raqami
va ishlab chiqaruvchining shaxsiy tamgʻasi berilganini maʼlum
qiladi
1. Shaxsiy tamgʻani roʻyxatdan oʻtkazish tartibi: a) Shaxsiy tamgʻa tayyorlangandan soʻng litsenziya egasi ishchi organga shaxsiy tamgʻa izlari (sust, oʻrtacha, kuchli) tushirilgan 20x20mm oʻlchamdagi mis plastinani taqdim qilishi shart. b) Shaxsiy tamgʻa izi sifatini texnik tekshiruvidan oʻtkazilganidan soʻng, ishchi organ shaxsiy tamgʻani roʻyxatga olish toʻgʻrisida qarorni kiritadi va litsenziya egasiga arizada koʻrsatilgan shaklda xabar beradi. v) Ishchi organ tomonidan shaxsiy tamgʻa roʻyxatga olinganidan soʻng, litsenziya egasi amaldagi Nizomga asosan zargarlik buyumlariga shaxsiy tamgʻa izini tushirish sharti bilan ishlab chiqarish huquqiga ega boʻladi. g) Shaxsiy tamgʻa texnik tavsifga muvofiq emasligi haqida salbiy xulosa chiqarilgan holda, litsenziya egasi ushbu Nizomga asosan oʻrnatilgan tartibda va arizada koʻrsatilgan muddatlarda shaxsiy tamgʻani qaytadan roʻyxatdan oʻtkazishi haqida xabardor qilinadi. 2. Shaxsiy tamgʻadan foydalanish tartibi: a) Shaxsiy tamgʻa izi faqat litsenziya egasi tomonidan yasalgan zargarlik buyumlariga zarb berish usulida tushiriladi. b) Ishchi organida litsenziya egasi tomonidan ishlab chiqarilgan zargarlik buyumlarining asillik darajasi tekshirilishi va davlat tamgʻasi bilan tamgʻalanishi shart; v) Shaxsiy tamgʻani ishlatish uchun boshqa litsenziya egalariga berish taqiqlanadi.
QR-kod masʼul shaxsning elektron raqamli imzosidan iborat
* Elektron raqamli imzo va QR-kod yaratadigan dasturiy-texnika vositalari mavjud boʻlganda vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
Qimmatbaho metallar va qimmatbaho toshlardan zargarlik va boshqa buyumlarni ishlab chiqarishni litsenziyalash tartibi toʻgʻrisidagi nizomga 7-ILOVA
(Oʻzbekiston Respublikasi Markaziy banki huzuridagi Qimmatbaho metallar agentligi Davlat asillik darajasini belgilash palatasining rasmiy blankasida)** XABARNOMA
(yuridik shaxsning toʻliq nomi (jismoniy shaxsning familiyasi, ismi, sharifi))
Oʻzbekiston Respublikasi Markaziy banki huzuridagi Qimmatbaho metallar agentligi Davlat asillik darajasini belgilash palatasi ishchi organining shaxsiy tamgʻa izi sifatini texnik tekshirish boʻyicha xulosasini koʻrib chiqib,
ishlab chiqaruvchining shaxsiy tamgʻasini roʻyxatdan oʻtkazish toʻgʻrisida maʼlum qiladi
QR-kod masʼul shaxsning elektron raqamli imzosidan iborat
* Elektron raqamli imzo va QR-kod yaratadigan dasturiy-texnika vositalari mavjud boʻlganda vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
Qimmatbaho metallar va qimmatbaho toshlardan zargarlik va boshqa buyumlarni ishlab chiqarishni litsenziyalash tartibi toʻgʻrisidagi nizomga 8-ILOVA
(Oʻzbekiston Respublikasi Markaziy banki huzuridagi Qimmatbaho metallar agentligi Davlat asillik darajasini belgilash palatasining rasmiy blankasida)** XABARNOMA
(yuridik shaxsning toʻliq nomi (jismoniy shaxsning familiyasi, ismi, sharifi))
Oʻzbekiston Respublikasi Markaziy banki huzuridagi Qimmatbaho metallar agentligi Davlat asillik darajasini belgilash palatasi ishchi organning shaxsiy tamgʻa izi sifatini texnik tekshirish boʻyicha xulosasini koʻrib chiqib,
ishlab chiqaruvchining shaxsiy tamgʻasini roʻyxatga olish rad etilgani toʻgʻrisida maʼlum qiladi
Ishlab chiqaruvchining shaxsiy tamgʻasini roʻyxatga olishni rad etishga quyidagilar asos boʻladi: _________________________________________________________________________________________________________________________________________
(rad qilinishiga asos boʻluvchi sabablar qonun hujjatlarining aniq meʼyorlari koʻrsatilgan holda qisqacha yoziladi)
1. ________________________________________________________________________________________________ 2. _______________________________________________________________________________________________ Qoʻshimcha ravishda maʼlum qilamiz, ishlab chiqaruvchining shaxsiy tamgʻasini roʻyxatga olish rad etilishiga asos boʻlgan sabablar 20___y “____” _________. gacha (ushbu kuni ham kiradi) bartaraf etilgan taqdirda, rad qilishga asos boʻlgan sabablar bartaraf etilgani toʻgʻrisida asosli maʼlumotlar va rad qilishga asos boʻlgan sabablar bartaraf etilganlik toʻgʻrisidagi ariza qabul qilingan kundan boshlab 10 (oʻn) ish kuni muddatidan oshmagan holda ariza qaytadan koʻrib chiqiladi.
QR-kod Masʼul shaxsning elektron raqamli imzosidan iborat
* Elektron raqamli imzo va QR-kod yaratadigan dasturiy-texnika vositalari mavjud boʻlganda vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
(yuridik shaxsning toʻliq nomi (jismoniy shaxsning familiyasi, ismi, sharifi))
Oʻzbekiston Respublikasi Markaziy banki huzuridagi Qimmatbaho metallar agentligi ishchi organning murojaatini koʻrib chiqib, litsenziyaning amal qilinishi toʻxtatilganligini maʼlum qiladi:
seriya
raqamli
Litsenziya berilgan sana:
20 ___y “____” _________ (yil, sana, oy)
Litsenziyaning amal qilish muddati:
20 ___y “____” ________ gacha (yil, sana, oy)
Litsenziyaning amal qilinishi toʻxtatilishiga quyidagilar asos boʻladi: _________________________________________________________________________________________________________________________________________
(toʻxtatilishiga asos boʻ�uvchi sabablar Nizomning aniq bandlari koʻrsatilgan holda qisqacha yoziladi)
1. ________________________________________________________________________________________________ 2. _______________________________________________________________________________________________ 3. ________________________________________________________________________________________________ Qoʻshimcha ravishda maʼlum qilamiz, litsenziyaning amal qilinishi toʻxtatilishiga asos boʻlgan sabablar 20___y “____” __________. gacha (ushbu kuni ham kiradi) bartaraf etilgan taqdirda, amal qilinishi toʻxtatilishiga asos boʻlgan sabablar bartaraf etilganligi haqida asosli maʼlumotlar va amal qilinishi toʻxtatilishiga asos boʻlgan sabablar bartaraf etilganligi toʻgʻrisidagi ariza qabul qilingan kundan boshlab 10 (oʻn) ish kuni muddatidan oshmagan holda ariza qayta koʻrib chiqiladi. Litsenziyaning amal qilinishining qayta tiklanishi toʻgʻrisidagi arizani koʻrib chiqish uchun yigʻim undirilmaydi.
QR-kod masʼul shaxsning elektron raqamli imzosidan iborat
* Elektron raqamli imzo va QR-kod yaratadigan dasturiy-texnika vositalari mavjud boʻlganda vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
(yuridik shaxsning toʻliq nomi (jismoniy shaxsning familiyasi, ismi, otasining ismi))
Oʻzbekiston Respublikasi Markaziy banki huzuridagi Qimmatbaho metallar agentligi ishchi organning murojaatini koʻrib chiqib, litsenziyaning amal qilinishi qayta tiklanganligini maʼlum qiladi.
QR-kod masʼul shaxsning elektron raqamli imzosidan iborat
* Elektron raqamli imzo va QR-kod yaratadigan dasturiy-texnika vositalari mavjud boʻlganda vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
(yuridik shaxsning toʻliq nomi (jismoniy shaxsning familiyasi, ismi, sharifi))
Oʻzbekiston Respublikasi Markaziy banki huzuridagi Qimmatbaho metallar agentligi ishchi organning xulosasiga asosan ishlab chiqaruvchi litsenziyasining amal qilinishi va shaxsiy tamgʻasi bekor qilinganligini maʼlum qiladi.
Litsenziyaning amal qilinishining bekor qilinishiga quyidagilar asos boʻladi: 1.¨Shaxsiy tamgʻa izlari taqdim qilinmadi 2.¨Litsenziyaning amal qilish muddati tugagan 3.¨Tekshirishlar natijasida Oʻzbekiston Respublikasi Markaziy banki zaxirasidan ajratilgan qimmatbaho metallardan maqsadli foydalanilmaganligi aniqlangan. 4. ¨Boshqa sabablar: _________________________________________________________________________________________________________________________________________
(rad etilish sabablari qonunchilikning aniq meʼyorlari koʻrsatilgan holda qisqacha yoziladi) __________________________________________________________________________________________________ __________________________________________________________________________________________________
QR-kod masʼul shaxsning elektron raqamli imzosidan iborat
* Elektron raqamli imzo va QR-kod yaratadigan dasturiy-texnika vositalari mavjud boʻlganda vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
QR-kod masʼul shaxsning elektron raqamli imzosidan iborat
* Elektron raqamli imzo va QR-kod yaratadigan dasturiy-texnika vositalari mavjud boʻlganda vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
(yuridik shaxsning toʻliq nomi (jismoniy shaxsning familiyasi, ismi, otasining ismi))
Oʻzbekiston Respublikasi Markaziy banki huzuridagi Qimmatbaho metallar agentligi zargarlik buyumlarini ishlab chiqarishni litsenziyalash komissiyasining 20__ yil “____”_________dagi _____-son bayonnomasiga asosan Sizga zargarlik buyumlarini ishlab chiqarish boʻyicha litsenziyaning amal qilish muddati uzaytirilgani haqida ijobiy qaror
qabul qilganligini maʼlum qiladi, topshirilgan arizaga binoan, roʻyxatga olingan
QR-kod masʼul shaxsning elektron raqamli imzosidan iborat
* Elektron raqamli imzo va QR-kod yaratadigan dasturiy-texnika vositalari mavjud boʻlganda, vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
(yuridik shaxsning toʻliq nomi (jismoniy shaxsning familiyasi, ismi, sharifi))
Oʻzbekiston Respublikasi Markaziy banki huzuridagi Qimmatbaho metallar agentligi qonunchilikda oʻrnatilgan
tartibda va muddatda Sizning 20__ yil “____”________dagi
son bilan qayd etilgan,
oʻz ixtiyoringizga koʻra litsenziyaning amal qilinishini bekor qilish haqidagi arizangizni oʻrganib chiqib, ishlab chiqaruvchining shaxsiy tamgʻasi va litsenziyaning amal qilinishi bekor qilinganligini maʼlum qiladi.
QR-kod masʼul shaxsning elektron raqamli imzosidan iborat
* Elektron raqamli imzo va QR-kod yaratadigan dasturiy-texnika vositalari mavjud boʻlganda vakolatli organ masʼul shaxsining lavozimi, imzosi, ism-shariflari va muhri koʻrsatilmaydi.
Vazirlar Mahkamasining 2017-yil 30-sentabrdagi 777-son qaroriga 2-ILOVA
Qimmatbaho metallar va qimmatbaho toshlardan zargarlik va boshqa buyumlarni ishlab chiqarish boʻyicha litsenziya beriladigan faoliyat turlari
ROʻYXATI
Guruh
t/r
Guruhlardagi faoliyat turlarining nomlari
Zargarlik buyumlarini ishlab chiqarish:
1.
Oʻzbekiston Respublikasi Markaziy banki zaxirasidan ajratilgan qimmatbaho metallardan foydalangan holda zargarlik buyumlarni ishlab chiqarish. Shaxsiy ishlab chiqarishdan hosil boʻlgan chiqindilarni mexanik, kimyoviy va metallurgiya jarayonlarini qoʻllash yordamida qayta ishlash va ularning tarkibidan qimmatbaho metallarni ajratib olish. (aholi buyurtmasiga asosan zargarlik buyumlari yasashda hosil boʻlgan chiqindilarni qayta ishlash huquqiga ega emas).
2.
Shaxsiy buyurtma asosida aholi tomonidan taqdim etilgan materiallardan zargarlik buyumlarini ishlab chiqarish va qimmatbaho metallardan yasalgan zargarlik buyumlarni taʼmirlash. Shaxsiy ishlab chiqarishdan hosil boʻlgan chiqindilarni mexanik, kimyoviy va metallurgiya jarayonlarini qoʻllash yordamida qayta ishlash va ularning tarkibidan qimmatbaho metallarni ajratib olish. (aholi buyurtmasiga asosan zargarlik buyumlari yasashda hosil boʻlgan chiqindilarni qayta ishlash huquqiga ega emas).
Vazirlar Mahkamasining 2017-yil 30-sentabrdagi 777-son qaroriga 3-ILOVA
Qimmatbaho metallar va qimmatbaho toshlardan yasalgan zargarlik va boshqa buyumlarni ishlab chiqarishni litsenziyalashda idoralararo elektron hamkorlik
SXEMASI
T/r
Litsenziyalovchi organga taqdim etiladigan maʼlumotlar nomi
Maʼlumot taqdim qilish uchun masʼul organ
1.
Litsenziya daʼvogari yuridik shaxsga nisbatan — yuridik shaxsning tashkiliy-huquqiy shakli va nomi, uning joylashish manzili (pochta manzili), soliq toʻlovchining identifikatsiya raqami(STIR)
Roʻyxatga oluvchi organ (tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari)
2.
Litsenziya daʼvogari yakka tartibdagi tadbirkorga nisbatan — yakka tartibdagi tadbirkorning familiyasi, ismi, sharifi (mavjud boʻlganda), soliq toʻlovchining identifikatsiya raqami (STIR), uning joylashish manzili (pochta manzili), faoliyat yuritish joyi (manzili)
Roʻyxatga oluvchi organ (tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari)
3.
Litsenziya daʼvogari faoliyati xususiyatiga muvofiq oʻlchovlar doirasida tarozilar, (turli ogʻirlikdagi) toshlarning tekshirilgani toʻgʻrisida sertifikatga nisbatan — tarozilar, (turli ogʻirlikdagi) toshlarning tekshirilgani toʻgʻrisida sertifikat haqida maʼlumot.
“Oʻzstandart” agentligi organlari
4.
Qimmatbaho metallar va qimmatbaho toshlardan zargarlik buyumlarni ishlab chiqarish moʻljallanayotgan obyektning yongʻin xavfsizligi talablariga muvofiqligi toʻgʻrisida xulosasiga nisbatan — obyektning yongʻin xavfsizligi talablariga muvofiqligi haqida maʼlumot;
Oʻzbekiston Respublikasi Ichki ishlar vazirligi (Yongʻin xavfsizligi bosh boshqarmasi)
5.
Obyektning texnik musta�kamligi hamda uning texnik qoʻriqlash markazi (punkti)ga ulanganligi haqidagi tekshirish dalolatnomasiga nisbatan — Oʻzbekiston Respublikasi Markaziy banki zaxirasidan ajratilgan (yuridik shaxslar uchun) qimmatbaho metallar va qimmatbaho toshlardan foydalanishda, Oʻzbekiston Respublikasi Ichki ishlar organlarining qoʻriqlash boʻlinmalariga obyektning texnik mustahkamligi hamda uning texnik qoʻriqlash markazi (punkti)ga ulanganligi haqida maʼlumot
Oʻzbekiston Respublikasi Ichki ishlar vazirligi (Ichki ishlar organlarining qoʻriqlash boʻlinmalari)
6.
Litsenziya daʼvogari binosi (xonasi)ga nisbatan — binoning litsenziya daʼvogariga tegishliligi, uni ishlatish huquqi va litsenziyalangan faoliyat turini amalga oshirish uchun moʻljallangan inshootlardan foydalanish haqida zaruriy maʼlumotlar.
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi
7.
Litsenziya daʼvogariga nisbatan — zargarlik buyumlarini ishlab chiqarishga litsenziya berish uchun arizani koʻrib chiqish haqida toʻlangan toʻlovlar toʻgʻrisida maʼlumot.
Koʻrsatil�an davlat xizmatlari uchun toʻlangan davlat bojlari va yigʻimlar miqdorlarini hisobga olish yagona billing tizimi tashkiloti — operator
Vazirlar Mahkamasining 2017-yil 30-sentabrdagi 777-son qaroriga 4-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimchalar
1. Vazirlar Mahkamasining “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2002-yil 28-iyundagi 236-son qaroriga (Oʻzbekiston Respublikasi QT, 2002-y., 6-son, 36-modda) 1-ilovada “Oʻzbekiston Respublikasi Intellektual mulk agentligi” boʻlimidan soʻng quyidagi mazmundagi boʻlim qoʻshilsin:
“Oʻzbekiston Respublikasi Markaziy banki huzuridagi Qimmatbaho metallar agentligi.
Qimmatbaho metallar va qimmatbaho toshlardan zargarlik buyumlari ishlab chiqarish”.
2. Vazirlar Mahkamasining 2014-yil 12-iyundagi 156-son qarori (Oʻzbekiston Respublikasi QT, 2014-y., 6-son, 62-modda) bilan tasdiqlangan Qimmatbaho metallar va qimmatbaho toshlar bilan ishlashga roʻyxatdan oʻtkazish guvohnomasini berish tartibi toʻgʻrisidagi nizomda:
ikkinchi xatboshidagi “va yuridik shaxs boʻlmagan yakka tartibdagi tadbirkorlarga (keyingi oʻrinlarda yakka tartibdagi tadbirkor deb ataladi)” soʻzlari chiqarib tashlansin;
uchinchi xatboshidagi “yoki yakka tartibdagi tadbirkor” soʻzlari chiqarib tashlansin;
“18. Roʻyxatdan oʻtkazish guvohnomasini qimmatbaho metallar va qimmatbaho toshlar bilan ishlashga yoki qimmatbaho metallar va qimmatbaho toshlardan tayyorlangan zargarlik buyumlari bilan chakana savdo qilishga berganlik uchun — yuridik shaxsdan eng kam oylik ish haqining bir baravari miqdorida yigʻim undiriladi.
Undirilgan yigʻim summasi Asillik darajasini belgilash palatasi hisob raqamiga oʻtkaziladi. Asillik darajasini belgilash palatasi tomonidan roʻyxatdan oʻtkazish guvohnomasini berish rad etilganda, shuningdek ariza bergan berilgan arizasini rad etgan taqdirda toʻlangan yigʻim summasi qaytarib beriladi.”;
“31. Roʻyxatdan oʻtkazish guvohnomasining amal qilish muddatini qimmatbaho metallar va qimmatbaho toshlar bilan ishlashga yoki qimmatbaho metallar va qimmatbaho toshlardan tayyorlangan zargarlik buyumlari bilan chakana savdo qilishga uzaytirganlik uchun — yuridik shaxsdan eng kam oylik ish haqining 50 foizi miqdorida yigʻim undiriladi;
Yigʻim summasi Asillik darajasini belgilash palatasining hisob raqamiga oʻtkaziladi.”;
r) 33-bandning ikkinchi xatboshidagi “yoki yakka tartibdagi tadbirkorga” va “va yakka tartibdagi tadbirkor” soʻzlari chiqarib tashlansin;
s) 35-banddagi “yoki yakka tartibdagi tadbirkor” soʻzlari chiqarib tashlansin;
t) 40-bandning birinchi va ikkinchi xatboshilaridagi “va yakka tartibdagi tadbirkorlar” va “(yakka tartibdagi tadbirkorlar uchun — familiyasi, ismi, otasining ismi, pasporti maʼlumotlari, pochta manzili va faoliyat koʻrsatadigan joyining manzili, telefoni)” soʻzlari chiqarib tashlansin;
u) 41 -banddagi “va yakka tartibdagi tadbirkor” soʻzlari chiqarib tashlansin;
x) 3-ilovadagi “(yakka tartibdagi tadbirkor uchun — F.I.Sh.)”, “(yakka tartibdagi tadbirkor uchun — uy manzili)”, “yoki yakka tartibdagi tadbirkorning” soʻzlari chiqarib tashlansin;
ts) 5-ilova oʻz kuchini yoʻqotgan deb hisoblansin;
3. Vazirlar Mahkamasining “Tadbirkorlik subyektlariga davlat xizmatlari koʻrsatish tartibini yanada takomillashtirish chora-tadbirlari toʻgʻrisida” 2014-yil 31-dekabrdagi 377-son qaroriga (Oʻzbekiston Respublikasi QHT, 2015., 1-son, 9-modda) ilovaning 51-bandidagi “v” kichik bandi chiqarib tashlansin.
LexUZ sharhi