Jismoniy shaxslar tomonidan ijtimoiy ahamiyatga ega boʻlgan isteʼmol tovarlarining ayrim turlarini olib kelishni tartibga solish va ular bilan ichki bozorni toʻldirish maqsadida Oʻzbekiston Respublikasi Vazirlar Mahkamasi qaror qiladi;

1. Belgilansinki, jismoniy shaxslar tomonidan respublika hududiga tijorat faoliyati uchun un, oʻsimlik moyi va mol yogʻi olib kelishda jismoniy shaxslar (oʻzlari qatnab olib keladigan shaxslar) tomonidan olib kelinadigan tovarlardan yigʻim bojsiz olib kelishning belgilangan cheklangan normalari qoʻllangan holda amaldagi stavka boʻyicha ular bojxona qiymatining 50 foizi miqdorida undiriladi

2. Oʻzbekiston Respublikasi Davlat bojxona qoʻmitasi tijorat faoliyati bilan shugʻullanuvchi jismoniy shaxslardan bojxona toʻlovlari va yigʻimlari undirishning belgilangan tartibiga qatʼiy rioya qilinishini taʼminlasin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari B.S. Hamidov zimmasiga yuklansin.