1. Mazkur Nizom “Arxivlar toʻgʻrisida”gi Oʻzbekiston Respublikasi Qonuniga muvofiq Oʻzbekiston hududida mavjud boʻlgan barcha arxiv hujjatlarining toʻliq qamrab olinishini taʼminlashga, Oʻzbekiston Respublikasi Milliy arxiv fondining yaxlitligini saqlab qolishga va fuqarolar, jamiyat va davlatning ijtimoiy, madaniy, ilmiy va boshqa ehtiyojlarini qondirish maqsadida arxiv hujjatlarini butlash, hisobga olish, ekspertiza qilish, roʻyxatdan oʻtkazish hamda ulardan foydalanishning yagona tartibini belgilashga qaratilgandir.

Oʻzbekiston Respublikasi Milliy arxiv fondi — Oʻzbekiston Respublikasi xalqlari tarixiy-madaniy merosining ajralmas qismi hisoblanadigan, tarixiy, ilmiy, ijtimoiy, iqtisodiy, siyosiy va madaniy ahamiyatga ega boʻlgan, Oʻzbekiston hududida yashagan va yashayotgan xalqlarning moddiy va maʼnaviy hayotini aks ettiruvchi, yaratilgan joyi, vaqti, manba turi va mulkchilik shaklidan qatʼi nazar, tarixan paydo boʻlgan, doimo toʻldirib boriladigan va doimiy saqlanishi kerak boʻlgan arxiv hujjatlarining majmuidir.

Oʻzbekiston Respublikasi Milliy arxiv fondi davlat va nodavlat arxiv fondlaridan tashkil topadi.

Keyingi tahrirga qarang.

DAVLAT ARXIV FONDI

Keyingi tahrirga qarang.

2. Davlat arxiv fondini quyidagilar tashkil etadi:

Keyingi tahrirga qarang.

2.1 Oʻzbekiston Respublikasi tarkibiga kiruvchi hududdagi mavjud va oʻzining barcha tarixi davomida mavjud boʻlgan davlat yuridik shaxslari:

— davlat hokimiyati va boshqaruvining oliy, respublika va mahalliy, fuqarolarning oʻzini oʻzi boshqarish organlari, prokuraturalar, sudlar, banklarning;

— sanoat, transport, aloqa, kapital qurilish, qishloq xoʻjaligi va xalq xoʻjaligining boshqa tarmoqlari, fan, xalq taʼlimi, madaniyat sohasidagi davlat korxonalari, muassasalari, tashkilotlar va birlashmalarning;

— ustav kapitalida davlat mulki boʻlgan aralash mulkchilik shakllaridagi korxonalar, tashkilotlar va birlashmalarning;

— vatanimizning chet elda boʻlgan va (yoki) chet eldagi davlat korxonalari, muassasalari, tashkilotlari va birlashmalarining faoliyatida paydo boʻlgan arxiv hujjatlari;

2.2. Kasaba uyushmalari, siyosiy tashkilotlar, ijodiy va boshqa jamoat tashkilotlari, birlashmalarning Oʻzbekiston Respublikasi qonun hujjatlariga muvofiq roʻyxatdan oʻtgunga qadar oʻz faoliyatlarida paydo boʻlgan hujjatlari, din davlatdan ajratilgungacha boʻlgan davrga tegishli diniy muassasalarning arxiv hujjatlari;

Keyingi tahrirga qarang.

2.3 Oʻzbekiston Respublikasi hududida harakatda boʻlgan barcha darajadagi harbiy qismlar boshqarmalari va shtablari, qoʻshilmalar va birlashmalar, oʻquv muassasalari va boshqa milliy muhofaza qilish va xavfsizlik muassasalari, tashkilotlari, armiya, chegara va ichki qoʻshinlarning arxiv hujjatlari;

2.4. Qonuniy asosda davlat mulkiga, shu jumladan, chet ellardan kelib tushgan yuridik va jismoniy shaxslarning arxiv hujjatlari;

Keyingi tahrirga qarang.

2.5. Arxiv hujjatlarining asl nusxasi, shuningdek, davlat mulkiga chet ellardan qonuniy asosda kelib tushgan arxiv hujjatlari nusxalari.

3. Davlat arxiv fondi tarkibiga qonun hujjatlari, boshqarish, loyihalash, konstruktorlik, texnologiya, kartografiya, telemetrik va boshqa maxsus hujjatlar, dasturlar, algoritmlar va mashina usuli bilan aniqlash (mexanografik) hujjatlari, kinofotofono hujjatlar, videofonogrammalar, ilmiy, adabiy, badiiy, musiqiy va boshqa qoʻlyozmalar, rasmlar, kundaliklar, memuarlar, yozishmalar va arxiv ahamiyatiga ega boʻlgan boshqa toifadagi hujjatlar kiradi.

Keyingi tahrirga qarang.

4. Hujjatlari Oʻzbekiston Respublikasi Milliy arxiv fondi tarkibiga kiritilishi kerak boʻlgan davlat korxonalari, muassasalar, tashkilotlar va birlashmalar hamda bunday hujjatlarning turlari Oʻzbekiston Respublikasi Vazirlar Mahkamasi huzuridagi Bosh arxiv boshqarmasi, Qoraqalpogʻiston Respublikasi Vazirlar Kengashi huzuridagi Arxiv boshqarmasi, viloyatlar va Toshkent shahar hokimliklari arxiv boʻlimlari tomonidan, shuningdek, ularga qarashli davlat arxivlari tomonidan belgilanadi. Bunda Oʻzbekiston Respublikasi Vazirlar Mahkamasi huzuridagi Bosh arxiv boshqarmasi davlat tomonidan saqlanishi kerak boʻlgan, shu jumladan, saqlash muddati koʻrsatilgan holdagi hujjatlarning namunaviy roʻyxatlarini tasdiqlaydi.

Davlat hokimiyati va boshqaruvi respublika organlari Respublikasi Vazirlar Mahkamasi huzuridagi Bosh arxiv boshqarmasi bilan kelishgan holda davlat tomonidan saqlashga berilishi kerak boʻlgan hujjatlarning idoraviy roʻyxatini ishlab chiqadi va tasdiqlaydi.

Keyingi tahrirga qarang.

5. Quyidagilar Davlat arxiv fondi hujjatlarini doimiy saqlaydilar:

Keyingi tahrirga qarang.

5.1 Oʻzbekiston Respublikasining davlat arxivlari — tegishli yoʻnalishdagi hujjatlar bilan ishlash boʻyicha respublika ilmiy-uslubiy markazlar, jumladan: Oʻzbekiston Respublikasi Markaziy davlat arxivi, Oʻzbekiston Respublikasi ilmiy-texnikaviy va tibbiyot hujjatlari Markaziy davlat arxivi va Oʻzbekiston Respublikasi kinofotofono hujjatlar Markaziy davlat arxivi — davlat hokimiyati va boshqaruvi respublika organlari, Oʻzbekiston Respublikasi Prokuraturasi, sudlari, Markaziy banki va respublikaning boshqa banklari, korxonalari, muassasalari, tashkilotlari va birlashmalarining hujjatlari, shuningdek, saqlash uchun ilgari qabul qilingan arxiv fondlari va arxiv hujjatlari;

Keyingi tahrirga qarang.

5.2 Qoraqalpogʻiston Respublikasi, viloyatlar davlat arxivlari (ularning filiallari) va Toshkent shahar davlat arxivlari — mahalliy davlat hokimiyati va boshqaruvi organlari, Qoraqalpogʻiston Respublikasi, viloyatlar, shaharlar, tumanlar prokuraturalari va sudlari, ularning hududlaridagi korxonalar, muassasalar, tashkilotlar va birlashmalarning arxiv hujjatlari, shuningdek, saqlash uchun ilgari qabul qilingan arxiv fondlari va arxiv hujjatlari;

Keyingi tahrirga qarang.

5.3. Hujjatlarni doimiy saqlash huquqi berilgan vazirliklar, idoralar, tarmoq davlat fondlari va tashkilotlar arxivlari (ilovaga muvofiq) — tegishli ixtisosdagi arxiv fondlari va arxiv hujjatlari;

Keyingi tahrirga qarang.

5.4. Davlat muzeylari va kutubxonalari — qonuniy asosda davlat mulkiga kiruvchi yuridik va jismoniy shaxslarning arxiv hujjatlari, shuningdek davlat tomonidan saqlash uchun ilgari qabul qilingan arxiv fondlari va arxiv hujjatlari.

6. Oʻzbekiston Respublikasi va Qoraqalpogʻiston Respublikasi davlat arxivlari (ularning filiallari) tegishli ravishda Oʻzbekiston Respublikasi Vazirlar Mahkamasi va Qoraqalpogʻiston Respublikasi Vazirlar Kengashi tomonidan tuziladi.

Viloyatlar davlat arxivlari (ularning filiallari) va Toshkent shahar davlat arxivi tegishli viloyat va Toshkent shahar hokimlarining qarori bilan tuziladi.

Keyingi tahrirga qarang.

7. Oʻzbekiston Respublikasi va Qoraqalpogʻiston Respublikasi davlat arxivlari (ularning filiallari) toʻgʻrisidagi nizomlar tegishli ravishda Oʻzbekiston Respublikasi Vazirlar Mahkamasi huzuridagi Bosh arxiv boshqarmasi va Qoraqalpogʻiston Respublikasi Vazirlar Kengashi huzuridagi Arxiv boshqarmasi tomonidan tasdiqlanadi.

Viloyatlar davlat arxivlari (ularning filiallari) va Toshkent shahar davlat arxivi toʻgʻrisidagi nizomlar viloyatlar va Toshkent shahar hokimliklarining arxiv boʻlimlari tomonidan tasdiqlanadi.

Davlat arxiv fondi hujjatlarini doimo saqlashni amalga oshiruvchi vazirliklar, idoralar, tarmoq davlat fondlari va tashkilotlar arxivlari toʻgʻrisidagi nizomlar Oʻzbekiston Respublikasi Vazirlar Mahkamasi tomonidan tasdiqlangan Namunaviy nizomga asosan ishlab chiqiladi va Oʻzbekiston Respublikasi Vazirlar Mahkamasi huzuridagi Bosh arxiv boshqarmasi bilan kelishilgan holda ularning rahbarlari tomonidan tasdiqlanadi.

Keyingi tahrirga qarang.

8. Davlat arxiv fondi hujjatlarini vaqtincha saqlashni davlat hokimiyati va boshqaruvi organlari, fuqarolarning oʻzini oʻzi boshqarish organlari, qoʻshma (davlat ishtirokidagi) korxonalar, davlat korxonalari, muassasalari, tashkilotlari va birlashmalari, ular tomonidan tashkil etiladigan idoraviy, birlashgan idoraviy, idoralararo arxivlar quyidagi muddatlarda amalga oshiradilar:

— Oʻzbekiston Respublikasi davlat hokimiyati va boshqaruvi organlari, Prokuraturasi, sudlari, banklari, respublikaga boʻysunuvchi davlat korxonalari, muassasalari, tashkilotlari va birlashmalari arxiv hujjatlari — 15 yil mobaynida;

— Qoraqalpogʻiston Respublikasi, viloyatlar, shaharlar va tumanlar davlat hokimiyati va boshqaruvi organlari, prokuraturalari, sudlari, banklari, viloyatga boʻysunuvchi davlat korxonalari, muassasalari, tashkilotlari va birlashmalari arxiv hujjatlari — 10 yil mobaynida;

— fuqarolarning oʻzini oʻzi boshqarish organlari, shahar va tumanga boʻysunuvchi davlat korxonalari, muassasalari, tashkilotlari va birlashmalari, qishloq xoʻjaligi korxonalari arxiv hujjatlari — 5 yil mobaynida;

— fuqarolik holati hujjatlari yozuvlari, shaxsiy tarkib boʻyicha hujjatlar, notarial harakatlari, sud ishlari, xoʻjalik daftarlari yozuvlari — 75 yil mobaynida;

— qoʻshma (davlat ishtirokidagi) korxonalar, tashkilotlar va mulkchilikning aralash shakllaridagi birlashmalar faoliyatini amalga oshirishda paydo boʻlgan arxiv hujjatlari — 10 yil mobaynida;

— ilmiy, texnologiya va patent hujjatlari — 10 yil mobaynida;

— konstruktorlik hujjatlari — 15 yil mobaynida;

— kapital qurilish boʻyicha loyiha hujjatlari — 25 yil mobaynida;

— telemetrik hujjatlar — 5 yil mobaynida;

— kinosuratovozli hujjatlar va videofonogrammalar tayyorlangan vaqtdan boshlab — koʻpi bilan 3 yil;

— mashina omili asosidagi hujjatlar — 5 yil mobaynida;

— maxfiy hujjatlar — 30 yil mobaynida.

Boshqaruv hujjati tarkibiga kiruvchi fotosuratlar, ovoz yozilgan lentalar ushbu hujjatlarni saqlash uchun nazarda tutilgan muddatlar mobaynida saqlanadi.

Ilmiy-texnika hujjatlari tarkibiga kiradigan kino va suratovozli hujjatlar, ovozli va video yozuvlar, mashina omilidagi hujjatlar ilmiy-texnika hujjatlarini saqlash uchun nazarda tutilgan muddatlar mobaynida saqlanadi.

Zarur boʻlgan hollarda koʻrsatib oʻtilgan hujjatlarning vaqtincha saqlanish muddatlari Oʻzbekiston Respublikasi Vazirlar Mahkamasi huzuridagi Bosh arxiv boshqarmasi tomonidan oʻzgartirilishi mumkin.

Keyingi tahrirga qarang.

Fuqarolar va jamiyat (davlat) oʻrtasida xizmat, mehnat va ijtimoiy-huquqiy munosabatlar toʻgʻrisidagi shaxsiy tarkib boʻyicha hujjatlar saqlanishini taʼminlash maqsadida respublika shaharlari va tumanlari hokimliklari tomonidan shaxsiy tarkib boʻyicha idoralararo arxivlar tuziladi.

Idoraviy arxivlarda vaqtincha saqlanayotgan Oʻzbekiston Respublikasi Milliy arxiv fondi hujjatlarini roʻyxatdan oʻtkazishni Oʻzbekiston Respublikasi Vazirlar Mahkamasi tomonidan tasdiqlangan tartibga muvofiq davlat arxivlari amalga oshiradilar.

Keyingi tahrirga qarang.

9. Davlat arxiv fondini doimiy saqlash huquqi berilgan vazirliklar, idoralar, tarmoq davlat fondlari va tashkilotlar (ilovaga muvofiq) Oʻzbekiston Respublikasi Milliy arxiv fondi hujjatlarini Oʻzbekiston Respublikasi Vazirlar Mahkamasi huzuridagi Bosh arxiv boshqarmasida roʻyxatdan oʻtkazadilar, Oʻzbekiston Respublikasi Vazirlar Mahkamasi huzuridagi Bosh arxiv boshqarmasi bilan kelishib olingan idoraviy meʼyoriy hujjatlar asosida arxiv hujjatlarini shakllantirish, saqlash, hisobga olish va ulardan foydalanishni amalga oshiradilar.

Keyingi tahrirga qarang.

10. Oʻzbekiston Respublikasi, Qoraqalpogʻiston Respublikasi, viloyatlar, shaharlar, tumanlar davlat hokimiyati va boshqaruvi, prokuraturalar, sudlar, banklar, fuqarolarning oʻzini oʻzi boshqarish organlari, davlat, qoʻshma (davlat ishtirokidagi) korxonalar, muassasalar, tashkilotlar va birlashmalar Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organlari va muassasalari qoidalari va yoʻriqnomalariga muvofiq doimiy saqlashga berish uchun arxiv fondi hujjatlari shakllanishini, saqlanishini, hisobini, tanlashni va tayyorlashni taʼminlaydilar, Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organlari va muassasalari bilan kelishgan holda ish yuritish xizmatlari va idoraviy arxivlar ishini belgilovchi meʼyoriy-uslubiy hujjatlarni ishlab chiqadilar va tasdiqlaydilar; arxiv hujjatlari saqlanishi uchun javob beradilar.

Keyingi tahrirga qarang.

11. Vaqtinchalik saqlashning oxirgi muddatlari tugashi bilan davlat arxiv fondi hujjatlari tartibga solingan va ishlov berilgan holda tegishli ilmiy-maʼlumot apparati va alohida qimmatli va noyob hujjatlarga sugʻurta nusxalari bilan doimiy saqlash uchun tegishli davlat arxivlariga beriladi.

Keyingi tahrirga qarang.

Hujjatlarni tayyorlash va doimiy saqlashga berish, shuningdek, sugʻurta nusxalarini tayyorlash, hujjatlarga ishlov berish va joʻnatish bilan bogʻliq barcha ishlar hujjatlarni topshiruvchi va Oʻzbekiston Respublikasi, Qoraqalpogʻiston Respublikasi, viloyatlar, shaharlar va tumanlar davlat hokimiyati va boshqaruvi, prokuraturalar, sudlar, banklar, fuqarolarning oʻzini oʻzi boshqarish organlari, davlat, qoʻshma (davlat ishtirokidagi) korxonalar, muassasalar, tashkilotlar va birlashmalar mablagʻlari hisobiga bajariladi.

Tegishli davlat arxiv organi yoki muassasasi tomonidan doimiy saqlanadigan yigʻmajildlar uchun roʻyxatlar tasdiqlangandan va shaxsiy tarkib boʻyicha yigʻmajildlar uchun roʻyxatlar kelishib olingandan soʻng saqlash muddati tugagan hujjatlar Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organlari va muassasalari tomonidan belgilanadigan tartibda yoʻq qilinadi.

Keyingi tahrirga qarang.

12. Oʻzbekiston Respublikasi, Qoraqalpogʻiston Respublikasi, viloyatlar, shaharlar va tumanlar davlat hokimiyati va boshqaruvi, prokuraturalar, sudlar, banklar, fuqarolarning oʻzini oʻzi boshqarish organlari, davlat, qoʻshma (davlat ishtirokidagi) korxonalar, muassasalar, tashkilotlar va birlashmalarni tugatishda yoki qayta tashkil etishda, shuningdek, ushbu korxonalar, muassasalar, tashkilotlar va birlashmalarni mulkchilik shakllari oʻzgargan hollarda, ular oʻz faoliyatlarini amalga oshirishda paydo boʻlgan arxiv hujjatlari tartibga keltirilgan, koʻrsatilgan hujjatlarga davlat mulk egaligi saqlangan holda vorislarga beriladi, voris boʻlmagan taqdirda tegishli davlat arxivlariga topshiriladi.

Hujjatlarning saqlanishini taʼminlash maqsadida va ularning bundan buyon saqlash joyi toʻgʻrisidagi masalani hal etish uchun yigʻmajildlar va mulklarni berish uchun tuzilgan komissiyalar tarkibiga Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organlari va muassasalarining vakillari kiritiladi.

Keyingi tahrirga qarang.

13. Davlat arxiv fondi hujjatlari davlat tasarrufidan chiqarish, xususiylashtirish, oldi-sotdi qilish yoki boshqa xil bitishuvlar tuzish obyekti boʻlolmaydi.

Keyingi tahrirga qarang.

14. Davlat arxiv fondi hujjatlari, saqlanish joyi, manba turi, axborotni mustahkamlash texnikasi va usulidan qatʼi nazar, davlat hisobida turishi shart. Ushbu hujjatlarni davlat hisobiga olish tartibi Oʻzbekiston Respublikasi Vazirlar Mahkamasi huzuridagi Bosh arxiv boshqarmasi tomonidan belgilanadi.

Oʻzbekiston Respublikasi, Qoraqalpogʻiston Respublikasi, viloyatlar, shaharlar va tumanlar davlat hokimiyati va boshqaruvi, prokuraturalar, sudlar, banklar, fuqarolarning oʻzini oʻzi boshqarish organlari, davlat, qoʻshma (davlat ishtirokidagi) korxonalar, muassasalar, tashkilotlar va birlashmalar Oʻzbekiston Respublikasi Milliy arxiv fondi hujjatlarining toʻliqligi, ishonchliligi va hisob boʻyicha maʼlumotlarni taqdim etish muddatlariga rioya qilinishi uchun belgilangan tartibda javob beradilar.

Keyingi tahrirga qarang.

15. Davlat arxiv fondi hujjatlari Oʻzbekiston Respublikasi Vazirlar Mahkamasi huzuridagi Bosh arxiv boshqarmasi muassasalarida, davlat muzeylarida, kutubxonalarida, idoraviy arxivlarda fondlar, kolleksiyalar, saqlash birliklari (yigʻmajildlar) boʻyicha saqlanadi va hisobga olinadi.

Keyingi tahrirga qarang.

16. Davlat arxiv fondi hujjatlari foydalanish uchun barcha yuridik va jismoniy shaxslarga beriladi.

Keyingi tahrirga qarang.

Davlat va idoraviy arxivlar yuridik va jismoniy shaxslarga quyidagi xizmat turlarini koʻrsatadilar: saqlanayotgan arxiv fondlari va arxiv hujjatlari toʻgʻrisida axborot berish, arxivlar oʻquv zallarida ishlayotgan tadqiqotchilarga xizmat koʻrsatish, hujjatlardan belgilangan tartibda tasdiqlangan nusxalar va koʻchirmalar tayyorlash, ijtimoiy-huquqiy tusdagi maʼlumotnomalarni belgilangan tartibda berish, koʻrgazmalar, ekskursiyalar tashkil etish, hujjatlarning roʻyxatini tuzish, arxiv yigʻmajildlarni vaqtinchalik foydalanish uchun yuridik shaxslarga berish.

Xizmatlar koʻrsatish yuridik yoki jismoniy shaxslarning yozma soʻrovlari asosida amalga oshiriladi va ish yuritish yoʻriqnomasiga muvofiq jurnallarda roʻyxatdan oʻtkaziladi.

Arxiv yigʻmajildlari va hujjatlar faqat arxiv rahbarining yozma ruxsatnomasiga asosan koʻrsatiladi. Yoshi 16 ga yetmagan, sud tomonidan muomalaga layoqatsiz deb topilgan shaxslarning arxiv hujjatlaridan foydalanishiga ruxsat etilmaydi.

Keyingi tahrirga qarang.

Arxivlar tomonidan pulli xizmatlar ham koʻrsatiladi. Pulli xizmatlar nomenklaturasi “Oʻzbosharxiv” boshqarmasi tomonidan belgilangan tartibda tuziladi va tasdiqlanadi.

Keyingi tahrirga qarang.

Pulli xizmatlar shartnomalarga muvofiq koʻrsatiladi, ularda xizmatlarning hajmi va turi, bajarish muddati va toʻlov tartibi kelishib olinadi.

Xizmatlar preyskurantlari belgilangan tartibda tegishli vazirliklar va idoralar bilan kelishilgan holda “Oʻzbosharxiv” boshqarmasi tomonidan ishlab chiqiladi va tasdiqlanadi.

Keyingi tahrirga qarang.

17. Davlat siri va qonun bilan muhofaza qilinadigan boshqa sirlarni, shuningdek, fuqarolarning huquqlari va qonuniy manfaatlarini himoya qilish bilan bogʻliq davlat arxiv fondi hujjatlaridan foydalanishni cheklash Oʻzbekiston Respublikasining amaldagi qonun hujjatlari bilan belgilanadi.

Alohida qimmatli va noyob hujjatlardan, shuningdek, jismoniy holati qoniqarsiz boʻlgan hujjatlardan foydalanishni cheklashga yoʻl qoʻyiladi. Bunday hollarda Oʻzbekiston Respublikasi Vazirlar Mahkamasi huzuridagi Bosh arxiv boshqarmasi muassasalari, davlat muzeylari va kutubxonalari, idoraviy arxivlar koʻrsatib oʻtilgan hujjatlardan foydalanish fondini tuzadilar.

Keyingi tahrirga qarang.

18. Sir saqlash muddati tugashi munosabati bilan yoki Oʻzbekiston Respublikasining qonun hujjatlariga muvofiq sirli xususiyatini yoʻqotgan davlat arxiv fondi hujjatlarini oshkor qilish Oʻzbekiston Respublikasi Vazirlar Mahkamasi huzuridagi Bosh arxiv boshqarmasi muassasalari, davlat muzeylari va kutubxonalari, idoraviy arxivlar tomonidan fond tashkil etuvchi muassasalar mutaxassislari yoki ularning merosxoʻrlari bilan birgalikda amalga oshiriladi.

Keyingi tahrirga qarang.

NODAVLAT ARXIV FONDI

Keyingi tahrirga qarang.

19. Nodavlat arxiv fondi:

Keyingi tahrirga qarang.

Oʻzbekiston Respublikasining jamoat tashkilotlari toʻgʻrisidagi qonun hujjatlariga muvofiq roʻyxatdan oʻtkazilgan paytdan boshlab jamoat birlashmalari va tashkilotlaridagi yuridik va jismoniy shaxslarning, shu jumladan, kasaba uyushmalari, xayriya jamgʻarmalari va boshqa jamgʻarmalar, siyosiy partiyalar va harakatlar, diniy birlashmalar va tashkilotlarning;

Keyingi tahrirga qarang.

nodavlat birlashmalari (kompaniyalar, korporatsiyalar, konsernlar, uyushmalar, aksiyadorlik jamiyatlari)dagi sanoat korxonalari, muassasalari va tashkilotlari, qishloq xoʻjaligi va iqtisodiyotning boshqa tarmoqlari, fan, madaniyat, taʼlim, ijtimoiy soha, ommaviy axborot vositalarining;

jismoniy shaxslardagi (shaxsiy hujjatlar, oilaviy arxivlar, hujjatlar kolleksiyasi va boshqalar) nodavlat yuridik va jismoniy shaxslarning arxiv fondlari va arxiv hujjatlaridan tashkil topadi.

20. Hujjatlarni Oʻzbekiston Respublikasi Milliy arxiv fondi tarkibiga oʻtkazish yoki hujjatlarni undan chiqarish Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organlari va muassasalari tomonidan nodavlat yuridik va jismoniy shaxslar bilan birgalikda ularning hujjatlari qimmati ekspertiza qilingandan soʻng amalga oshiriladi.

Ekspert-tekshirish komissiyasining hujjatlarni Oʻzbekiston Respublikasi Milliy arxiv fondiga oʻtkazish toʻgʻrisidagi qarori tasdiqlangandan soʻng koʻrsatilgan qarorni tasdiqlagan Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organi yoki muassasasi Oʻzbekiston Respublikasi Milliy arxiv fondi hujjatlarini davlat roʻyxatidan oʻtkazish toʻgʻrisidagi tartibga muvofiq roʻyxatdan oʻtkazish guvohnomasini rasmiylashtiradi.

Keyingi tahrirga qarang.

21. Oʻzbekiston Respublikasi Milliy arxiv fondi hujjatlarini saqlovchi nodavlat yuridik va jismoniy shaxslar Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organlari va muassasalari soʻrovlariga koʻra ularni davlat hisobiga qoʻyish maqsadida oʻzlarining arxiv fondlari va arxiv hujjatlari toʻgʻrisidagi maʼlumotlarni taqdim etadilar.

Nodavlat arxiv fondi hujjatlari egalari va (yoki) saqlash joyi almashganda nodavlat yuridik va jismoniy shaxslar Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organi va muassasasini ushbu hujjatlarning yangi egasi va ularning bundan keyingi saqlanish joyi toʻgʻrisida xabardor qiladilar.

Keyingi tahrirga qarang.

22. Nodavlat yuridik va jismoniy shaxslar nodavlat arxiv fondi hujjatlarini saqlash maqsadida tashkil etilgan arxivlarda yoki korxonalar, muassasalar, tashkilotlar va birlashmalarning tarkibiy boʻlinmalarida doimiy saqlashni taʼminlaydilar. Doimiy muddatda saqlanadigan hujjatlar va shaxsiy tarkib boʻyicha hujjatlar (mehnat staji, mehnat haqi, oʻqish, mukofotlash va boshqalar toʻgʻrisidagi hujjatlar) Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organlari va muassasalari roziligini olmasdan nodavlat yuridik va jismoniy shaxslar tomonidan yoʻq qilinishi mumkin emas.

Keyingi tahrirga qarang.

23. Nodavlat yuridik va jismoniy shaxslar oʻz hujjatlarini davlat mulki qilib-davlat arxivlari, muzeylar va kutubxonalarda saqlashga berishlari mumkin. Bunday ishlar bitim (shartnoma) bilan, zarur hollarda hujjatlarni saqlash va ulardan foydalanish shartlari aniqlangan holda, rasmiylashtiriladi.

Nodavlat korxonalar, muassasalar, tashkilotlar va birlashmalar tugatilganda yoki shaxsiy arxiv egasi vafot etganda, vorislar va qonuniy merosxoʻrlar boʻlmaganda ularning hujjatlari davlat mulkiga oʻtkazilib, doimiy saqlash uchun davlat arxivlariga topshiriladi.

Keyingi tahrirga qarang.

Nodavlat yuridik shaxslarni davlat roʻyxatidan oʻtkazuvchi organlar qonun hujjatlariga muvofiq talab qilinadigan boshqa hujjatlarga qoʻshimcha ravishda ularning arxiv fondi Oʻzbekiston Respublikasi Vazirlar Mahkamasi huzuridagi Bosh arxiv boshqarmasi muassasalariga oʻtkazilganligini tasdiqlovchi hujjat mavjud boʻlgan taqdirda ularni davlat roʻyxatidan chiqarish toʻgʻrisida qaror qabul qiladilar.

Keyingi tahrirga qarang.

24. Nodavlat yuridik va jismoniy shaxslar nodavlat arxiv fondi hujjatlarini vaqtinchalik, shu jumladan, depozitar saqlashga davlat arxivlariga, muzeylarga va kutubxonalarga berishlari mumkin.

Nodavlat arxiv fondi hujjatlarini vaqtincha, shu jumladan, depozitar saqlashga berish shartlari va tartibi hujjat egalari bilan davlat arxivlari, muzeylar va kutubxonalar oʻrtasida tuzilgan bitimlar (shartnomalar)da belgilanadi.

Keyingi tahrirga qarang.

25. Nodavlat arxiv fondi hujjatlari sotiladigan hollarda davlat ularni sotib olish uchun imtiyozli huquqqa ega boʻladi. Hujjat egalari, kimoshdi savdosi tashkilotchilari, savdo-vositachilik tashkilotlari boʻlajak sotishgacha kechi bilan bir oy oldin u toʻgʻrisida aniq sotish vaqti va joyi koʻrsatilgan holda Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organlari va muassasalariga xabar berishlari zarur.

Keyingi tahrirga qarang.

26. Oʻzbekiston Respublikasi Vazirlar Mahkamasi huzuridagi Bosh arxiv boshqarmasi organlari va muassasalari nodavlat yuridik va jismoniy shaxslarning iltimosiga koʻra ularning arxivlarini butlashda, saqlashda va ulardan foydalanishda uslubiy yordam koʻrsatadilar. Nodavlat yuridik va jismoniy shaxslar bilan kelishilganiga koʻra Oʻzbekiston Respublikasi Vazirlar Mahkamasi huzuridagi Bosh arxiv boshqarmasi muassasalari ularning arxivlariga hujjatlarni ilmiy-texnik ishlov berish, ish yuritish boʻyicha meʼyoriy hujjatlarni ishlab chiqish, yigʻmajildlarni taʼmirlash va muqovalash, arxiv hujjatlaridan foydalanish yuzasidan pulli xizmatlar koʻrsatishlari, shuningdek, nodavlat arxivlariga boshqacha koʻmaklashishlari mumkin.

Keyingi tahrirga qarang.

27. Oʻzbekiston Respublikasi Milliy arxiv fondi toʻgʻrisida Nizom talablarini buzgan nodavlat yuridik va jismoniy shaxslar qonun hujjatlarida belgilangan tartibda javob beradilar.

LexUZ sharhi

Qarang: Oʻzbekiston Respublikasi Maʼmuriy javobgarlik toʻgʻrisidagi kodeksining 215⁴-moddasi.

Oʻzbekiston Respublikasi Milliy arxiv
fondi toʻgʻrisidagi Nizomga
ILOVA

Oʻzbekiston Respublikasi Milliy arxiv fondi hujjatlarini doimiy saqlovchi vazirliklar, idoralar, tarmoq davlat fondlari va tashkilotlari

ROʻYXATI

Keyingi tahrirga qarang.

Oʻzbekiston Respublikasi Mudofaa vazirligi

Oʻzbekiston Respublikasi Favqulodda vaziyatlar vazirligi

Oʻzbekiston Respublikasi Ichki ishlar vazirligi

Oʻzbekiston Respublikasi Tashqi ishlar vazirligi

Keyingi tahrirga qarang.

Oʻzbekiston Respublikasi Tashqi iqtisodiy aloqalar vazirligi

Keyingi tahrirga qarang.

Oʻzbekiston Respublikasi Milliy xavfsizlik xizmati

Keyingi tahrirga qarang.

Oʻzbekiston Respublikasi Davlat bojxona qoʻmitasi

Oʻzbekiston Respublikasi Geologiya va mineral resurslar davlat qoʻmitasining Davlat geologiya fondi

Oʻzbekiston Respublikasi Vazirlar Mahkamasi huzuridagi Gidrometeorologiya bosh boshqarmasi

Oʻzbekiston Respublikasi Vazirlar Mahkamasi huzuridagi Oʻzbekiston davlat standartlash, metrologiya va sertifikatsiya markazining davlat standartlari tarmoq fondi

Oʻzbekiston Respublikasi Vazirlar Mahkamasi huzuridagi Geodeziya, kartografiya va davlat kadastri bosh boshqarmasining kartografiya-geodeziya fondi

Oʻzbekiston Respublikasi Fanlar akademiyasi

Oʻzbekiston Respublikasi Madaniyat ishlari vazirligi muzeylari va kutubxonalari

Keyingi tahrirga qarang.

Vazirlar Mahkamasining 1999-yil
30-oktabrdagi 482-son qaroriga
2-ILOVA

Oʻzbekiston Respublikasi Milliy arxiv fondi hujjatlarini davlat roʻyxatidan oʻtkazish

TARTIBI

UMUMIY QOIDALAR

1. Oʻzbekiston Respublikasi Milliy arxiv fondi hujjatlarini davlat roʻyxatidan oʻtkazish ularni davlat tomonidan hisobga olish va saqlashni nazorat qilishni taʼminlash maqsadida amalga oshiriladi.

2. Oʻzbekiston Respublikasi Milliy arxiv fondiga belgilangan tartibda oʻtkazilgan barcha hujjatlar, ular saqlanish joyi va mulkchilik shakllaridan qatʼi nazar, davlat roʻyxatidan oʻtkazilishi kerak.

3. Oʻzbekiston Respublikasi Milliy arxiv fondi hujjatlarini davlat roʻyxatidan oʻtkazishni Oʻzbekiston Respublikasi Vazirlar Mahkamasi huzuridagi Bosh arxiv boshqarmasi (keyingi oʻrinlarda — “Oʻzbosharxiv” deb ataladi) va u vakolat bergan arxiv muassasalari amalga oshiradi.

Keyingi tahrirga qarang.

4. Oʻzbekiston Respublikasi Milliy arxiv fondi hujjatlari egasiga (keyingi oʻrinlarda — egasiga deyiladi) hujjatlar davlat roʻyxatidan oʻtkazilgandan soʻng yagona namunadagi Oʻzbekiston Respublikasi Milliy arxiv fondi hujjatlarini davlat roʻyxatidan oʻtkazish guvohnomasi beriladi (1-ilova). Roʻyxatdan oʻtkazish guvohnomalari blanklarini hisobga olish, saqlash va ulardan foydalanganlik toʻgʻrisida hisobot berish tartibi “Oʻzbosharxiv” tomonidan belgilanadi.

Roʻyxatdan oʻtkazish guvohnomasi ham alohida hujjatga, ham hujjatlar majmuiga (saqlash birligiga (yigʻmajild), kolleksiya, fond, fondlar guruhi, arxiv va boshqalar)ga rasmiylashtirilishi mumkin.

Roʻyxatdan oʻtkazish guvohnomasi berilganligi toʻgʻrisida Oʻzbekiston Respublikasi Milliy arxiv fondi hujjatlarini davlat roʻyxatidan oʻtkazish daftariga yozib qoʻyiladi (2-ilova). Ushbu daftarni yuritish tartibi “Oʻzbosharxiv” tomonidan belgilanadi.

Keyingi tahrirga qarang.

5. Quyidagilar roʻyxatdan oʻtkazish guvohnomasi berish uchun asos hisoblanadi:

— “Arxivlar toʻgʻrisida”gi Oʻzbekiston Respublikasi Qonuni amalga kiritilishi vaqtida hujjatlarning Oʻzbekiston Respublikasi Vazirlar Mahkamasi huzuridagi Bosh arxiv boshqarmasi Respublika fond katalogida davlat hisobida turishi;

Keyingi tahrirga qarang.

— “Arxivlar toʻgʻrisida”gi Oʻzbekiston Respublikasi Qonuni 4-moddasiga muvofiq tashkil etilgan ekspert-tekshirish komissiyasi qarori;

Keyingi tahrirga qarang.

— hujjatlarni idoraviy saqlashni tashkil etish toʻgʻrisidagi roʻyxatdan oʻtkazish yilining 1-yanvarigacha boʻlgan statistika hisobotining mavjudligi;

— hujjatlarga mulkka egalik huquqining boshqa shaxslarga oʻtkazilishida ularning sobiq egasida roʻyxatdan oʻtkazish guvohnomasi mavjudligi.

6. Quyidagi hollarda roʻyxatdan oʻtkazish guvohnomasi bekor qilinadi yoki qayta rasmiylashtiriladi:

— roʻyxatdan oʻtkazilgan hujjatlarning egasi ularga berilgan mulkka egalik huquqini boshqa shaxsga bersa yoki sud qaroriga koʻra ushbu hujjatlarga mulkka egalik huquqidan mahrum etilsa;

— “Oʻzbosharxiv” organlari va muassasalari ekspert-tekshirish komissiyalari qaroriga koʻra fuqaroning mulki hisoblanadigan hujjatlar yoki roʻyxatdan oʻtkazilgan hujjatlarning bir qismi Oʻzbekiston Respublikasi Milliy arxiv fondidan chiqarilsa va davlat hisobidan olib tashlansa.

Keyingi tahrirga qarang.

DAVLAT HISOBIDA TURGAN HUJJATLARNI DAVLAT ROʻYXATIDAN OʻTKAZISH

7. “Arxivlar toʻgʻrisida”gi Oʻzbekiston Respublikasi Qonuni amalga kiritilishi vaqtida Oʻzbekiston Respublikasi Milliy arxiv fondining hujjatlari davlat hisobida va arxiv hujjatlarini doimiy saqlash huquqi berilgan respublika davlat arxivlarida, vazirliklar, idoralar, tarmoq davlat fondlari va tashkilotlar boshqa davlat saqlash joylarida boʻlgan boʻlsa, ularni davlat roʻyxatidan oʻtkazish har bir arxiv boʻyicha Respublika fond katalogi davlat hisobi maʼlumotlari asosida “Oʻzbosharxiv” tomonidan amalga oshiriladi. Bunda roʻyxatdan oʻtkazish guvohnomasida davlatga tegishli hujjatlarning umumiy soni koʻrsatib qoʻyiladi.

Keyingi tahrirga qarang.

8. Oʻzbekiston Respublikasi, Qoraqalpogʻiston Respublikasi, viloyatlar, shaharlar, tumanlarning ishlab turgan davlat hokimiyati va boshqaruvi, fuqarolarning oʻzini oʻzi boshqarish organlari, korxonalar, muassasalar, tashkilotlarning arxiv hujjatlari “Arxivlar toʻgʻrisida”gi Oʻzbekiston Respublikasi Qonuni amalga kiritilishi vaqtida davlat hisobida turgan boʻlsa, ularni davlat roʻyxatidan oʻtkazish, ushbu hujjatlar saqlanayotgan har bir arxiv (arxiv filiallari) boʻyicha umumiy belgilangan hisobga olish maʼlumotlari (idoraviy saqlashni tashkil etish toʻgʻrisidagi statistika hisobotlari) asosida “Oʻzbosharxiv” organlari va muassasalari tomonidan amalga oshiriladi.

Keyingi tahrirga qarang.

9. Agar “Arxivlar toʻgʻrisida”gi Oʻzbekiston Respublikasi Qonuni amalga kiritilishi vaqtida davlatga tegishli boʻlmagan hujjatlar davlat hisobida turgan boʻlsa, ularga roʻyxatdan oʻtkazish guvohnomasi, hujjatlarning turgan joyidan qatʼi nazar, ushbu hujjatlar egasiga yoki uning qonuniy vakiliga beriladi.

Keyingi tahrirga qarang.

10. Arxiv muassasalarida saqlanayotgan hujjatlarga rasmiylashtirilgan roʻyxatdan oʻtkazish guvohnomasi (hujjatlarni saqlashga rejali ravishda har yili kelib tushishi, hujjatlar qimmatini ekspertiza qilish xulosasi asosida Oʻzbekiston Respublikasi Milliy arxiv fondidan hujjatlarning bir qismi chiqarib tashlanishi, ular yigʻmajildlarining bir qismi boshqa arxiv muassasalariga berilishi natijasida) koʻrsatib oʻtilgan hujjatlar soni oʻzgarganda qayta rasmiylashtirilmaydi. Roʻyxatdan oʻtkazish guvohnomasining amalda boʻlishi arxiv muassasasida saqlanayotgan va davlat hisobida turgan barcha hujjatlarga joriy etiladi.

OʻZBEKISTON RESPUBLIKASI MILLIY ARXIV FONDIGA KIRITILISHI KERAK BOʻLGAN HUJJATLARNI DAVLAT ROʻYXATIDAN OʻTKAZISH

11. Ekspert-tekshirish komissiyasining hujjatlarni Oʻzbekiston Respublikasi Milliy arxiv fondiga oʻtkazish toʻgʻrisidagi qarori tasdiqlangandan soʻng “Oʻzbosharxiv”ning koʻrsatib oʻtilgan qarorni tasdiqlagan organi yoki muassasasi ushbu hujjatlarga roʻyxatdan oʻtkazish guvohnomasini rasmiylashtiradi. Guvohnoma hujjat egasiga yoki uning qonuniy vakiliga doimiy saqlanadigan tasdiqlangan hujjatlar roʻyxatining nusxasi bilan birga beriladi.

Oʻzbekiston Respublikasi Vazirlar Mahkamasida oʻz hujjatlarini doimiy saqlash huquqini olgan vazirliklar, idoralar, tarmoq davlat fondlari va tashkilotlar Oʻzbekiston Respublikasi Milliy arxiv fondi hujjatlarini “Oʻzbosharxiv”da roʻyxatdan oʻtkazish bilan bir vaqtda “Oʻzbosharxiv” respublika fondi katalogiga fond kartochkalarini va hujjatlarni idoraviy saqlashni tashkil etish toʻgʻrisidagi roʻyxatdan oʻtkazish yilining 1-yanvarigacha boʻlgan statistika hisobotini taqdim etadilar.

Keyingi tahrirga qarang.

12. Roʻyxatdan oʻtkazib boʻlingan hujjatlarni saqlayotgan davlat arxiviga, muzeyga, kutubxonaga saqlash uchun tushayotgan Oʻzbekiston Respublikasi Milliy arxiv fondi hujjatlariga takroriy guvohnoma berilmaydi. Bunday hollarda ularga hujjatlar davlat hisobiga qabul qilingan paytdan boshlab ilgari berilgan roʻyxatdan oʻtkazish guvohnomasining amal qilishi tatbiq etiladi.

ROʻYXATDAN OʻTKAZISH GUVOHNOMASIGA OʻZGARTIRISHLAR KIRITISH

13. Oʻzbekiston Respublikasi Milliy arxiv fondiga kiruvchi hujjatlarning egasi roʻyxatdan oʻtkazish guvohnomasini ushbu guvohnomani rasmiylashtirgan arxiv muassasasiga:

— hujjatlarga egalik huquqining boshqa shaxslarga oʻtkazilishida yoki egalik huquqidan mahrum qilinganda;

— hujjatlarni saqlash joyi va sharoitlari oʻzgarganda;

— hujjatlar noyob hujjat yodgorliklariga oʻtkazilganda;

— foydalanish fondi nusxalari tayyorlanganda, hujjatlardan foydalanishga cheklashlar belgilanganda va hujjatlardan foydalanish shartlariga boshqacha oʻzgartirishlar boʻlganda;

— takomillashtirilgan va ularga ilmiy-maʼlumotnoma apparati yaratilganda;

— roʻyxatdan oʻtkazilgan hujjatlarning nusxalari xorijga olib chiqilganda;

— oʻz mulkidagi hujjatlar Oʻzbekiston Respublikasi Milliy arxiv fondidan chiqarib tashlanganda;

— guvohnomalarni rasmiylashtirishda xatolar aniqlanganda yoki ular foydalanish uchun yaroqsiz boʻlib qolgan hollarda taqdim etishi kerak.

14. Roʻyxatdan oʻtkazilgan guvohnomalar:

— yoʻqotib qoʻyilganda;

— unga qoʻshimcha yozuvlar, tuzatishlar kiritilganda yoki yaroqsiz boʻlib qolganda haqiqiy emas deb hisoblanadi.

15. Arxiv muassasasi egasi murojaat qilganda murojaat qilingan kunda, maʼlumotlarni tekshirish yoki aniqlash zarur boʻlganda esa — uch kun muddatda roʻyxatdan oʻtkazish guvohnomasiga oʻzgartirish kiritilishi, qayta rasmiylashtirilishi yoki u bekor qilinishi kerak.

Zarurat boʻlganda arxiv muassasasi hujjat egasidan uning shaxsini yoki vakilning vakolatini tasdiqlovchi hujjatlarni, shuningdek, roʻyxatdan oʻtkazish guvohnomasiga oʻzgartirishlar kiritish uchun asos boʻlib hisoblanadigan boshqa hujjatlarni talab qilishga haqlidir.

16. Roʻyxatdan oʻtkazish guvohnomasi yoʻqotib qoʻyilgan yoki u tuzatib boʻlmaydigan darajada yaroqsiz boʻlib qolgan hollarda tegishli arxiv muassasasi uning egasi arizasiga koʻra yoki oʻz tashabbusi bilan mazkur qoidaga muvofiq takroriy guvohnoma (dublikat) beradi.

17. Oʻzbekiston Respublikasi Milliy arxiv fondi hujjatlarini davlat roʻyxatidan oʻtkazish masalalariga doir arxiv muassasalari va hujjatlar egalari orasidagi nizolar “Oʻzbosharxiv” tomonidan koʻrib chiqiladi. “Oʻzbosharxiv”ning ushbu masalalar boʻyicha qarori ustidan sudga arz qilinishi mumkin.

Keyingi tahrirga qarang.

Oʻzbekiston Respublikasi Milliy
arxiv fondi hujjatlarini davlat
roʻyxatidan oʻtkazish Tartibiga
1-ILOVA

Oʻzbekiston Respublikasi Milliy arxiv fondi hujjatlarini davlat roʻyxatidan oʻtkazish

GUVOHNOMASI

_________________________________________________________________

^{(yuridik shaxsning nomi yoki fuqaroning familiyasi)}

mulkidagi hujjatlar______________________________________________

^{(roʻyxatga olinadigan hujjatlar nomi va}

_________________________________________________________________

^{hujjatdagi varaqlar soni yoki davlat hisobiga olingan roʻyxatdan}

_________________________________________________________________

^{oʻtkaziladigan hujjatning nomi (doimiy saqlanadigan yigʻma jildlar}

_________________________________________________________________

^{roʻyxati, hujjatlarni idoraviy saqlashni tashkil etish toʻgʻrisidagi}

__________________________________________________________________

^{statistika hisoboti va boshqalar)}

Oʻzbekiston Respublikasi Milliy arxiv fondining tarkibiy qismi hisoblanadi, bu haqda Oʻzbekiston Respublikasi Milliy arxiv fondi hujjatlarini davlat roʻyxatidan oʻtkazish daftariga _______ yil ________ da __________ tartib raqami bilan yozib qoʻyildi.

Hujjatlar_____________________________________________saqlanmoqda

^{(saqlanish manzili, saqlanish sharoiti)}

Roʻyxatdan oʻtkazilgan joy __________________________________________

^{(arxiv muassasasining nomi va joylashgan oʻrni)}

Berilgan sana ____________________ yil “________” __________________

M.Oʻ.

imzo

_____________________________

^{(Arxiv muassasasi rahbari}

^{imzosi va yoyilmasi)}

seriyasi ________________

raqami ________________

Oʻzbekiston Respublikasi Milliy
arxiv fondi hujjatlarini davlat
roʻyxatidan oʻtkazish Tartibiga
2-ILOVA

Oʻzbekiston Respublikasi Milliy arxiv fondi hujjatlarini davlat roʻyxatidan oʻtkazish

DAFTARI

Roʻyxatdan oʻtkazish tartib raqami	Roʻyxatdan oʻtkazish sanasi	Hujjat, roʻyxat, statistika hisoboti va boshqalar boʻyicha roʻyxatdan oʻtkaziladigan hujjat nomi	Hujjatlar soni, saqlash birligi, hisobga olish birligi	Varaqalar soni*	Hujjatlarning egasi (yuridik yoki jismoniy shaxs)	Saqlanish joyi (manzili)	Saqlanish sharoiti	Foydalanish sharti	Roʻyxatdan oʻtkazish guvohnomasi seriyasi va raqami	Guvohnomani olganlik haqidagi imzo va lavozim	izoh
1	2	3	4	5	6	7	8	9	10	11	12

* agar alohida hujjat roʻyxatdan oʻtkazilayotgan boʻlsa.

Vazirlar Mahkamasining 1999-yil
30-oktabrdagi 482-son qaroriga
3-ILOVA

Oʻzbekiston Respublikasi Vazirlar Mahkamasi huzuridagi Bosh arxiv boshqarmasi toʻgʻrisida

NIZOM

1. Oʻzbekiston Respublikasi Vazirlar Mahkamasi huzuridagi Bosh arxiv boshqarmasi (“Oʻzbosharxiv”) respublikada arxiv ishini boshqarishning vakolatli davlat organi hisoblanadi va bevosita Oʻzbekiston Respublikasi Vazirlar Mahkamasiga boʻysunadi.

“Oʻzbosharxiv” respublikadagi arxiv ishining ahvoli, uni yanada rivojlantirish va takomillashtirish uchun javob beradi.

2. “Oʻzbosharxiv” oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisining qarorlariga, Oʻzbekiston Respublikasi Prezidentining farmonlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek, boshqa qonun hujjatlariga hamda mazkur Nizomga amal qiladi.

3. “Oʻzbosharxiv” tizimiga arxiv ishini boshqarish mahalliy vakolatli davlat organlari — Qoraqalpogʻiston Respublikasi Vazirlar Kengashi huzuridagi Arxiv boshqarmasi, viloyatlar va Toshkent shahar hokimliklarining arxiv boʻlimlari, shuningdek, arxiv muassasalari — Oʻzbekiston Respublikasi va Qoraqalpogʻiston Respublikasi Davlat arxivlari (ularning filiallari), viloyatlar va Toshkent shahar davlat arxivlari (ularning filiallari) kiradi.

4. “Oʻzbosharxiv” Oʻzbekiston Respublikasi Milliy arxiv fondi hujjatlarini boshqaradi, jamiyat va fuqarolar manfaatlari yoʻlida Oʻzbekiston Respublikasi Milliy arxiv fondi — respublika xalqlarining tarixiy oʻtmishi toʻgʻrisidagi hujjatli yodgorliklarni butlash, hisobga olish, saqlash va ulardan foydalanish davlat vazifasi yuklangan respublika arxiv muassasalari faoliyatiga rahbarlik qiladi va uni muvofiqlashtiradi. U arxiv ishini rivojlantirish va ushbu sohadagi ilmiy-texnika taraqqiyotining davlat tomonidan boshqarilishini taʼminlaydi, davlat va idoraviy arxivlarning faoliyatini tarmoqlararo muvofiqlashtiradi, arxiv ishi boʻyicha respublika qonun hujjatlariga rioya qilinishini nazorat qiladi.

5. Quyidagilar “Oʻzbosharxiv”ning asosiy vazifalari hisoblanadi:

Oʻzbekiston Respublikasi Milliy arxiv fondi hujjatlarini shakllantirish, saqlanishini taʼminlash, davlat hisobini olib borish va ulardan foydalanish;

arxiv ishi va ish yuritish sohasida yagona davlat siyosatini oʻtkazish;

arxiv ishi ahvolini tahlil qilish, uning rivojlanish tendensiyalari va qonuniyatlarini oʻrganish, konsepsiyalari va strategiyasini belgilash;

arxivshunoslik, hujjatshunoslik, arxeografiya sohasidagi ilmiy va uslubiy ishlarni tashkil etish va muvofiqlashtirib borish, ilmiy tadqiqotlar va fan-texnika yutuqlari natijalarini respublika arxiv muassasalari ish amaliyotiga joriy etish;

respublika davlat arxivlarini boshqarish, ularning faoliyat koʻrsatishlarini taʼminlash;

arxiv ishi sohasidagi respublika qonun hujjatlariga rioya qilinishini nazorat etish;

arxiv ishi sohasida vatanimiz va chet el ilgʻor ish tajribasini yoyish va respublika arxiv ishini yanada rivojlantirish hamda takomillashtirish yuzasidan takliflar ishlab chiqish.

6. “Oʻzbosharxiv” oʻziga yuklangan vazifalarga muvofiq quyidagilarni amalga oshiradi:

Oʻzbekiston Respublikasi Milliy arxiv fondi hujjatlarining davlat arxivlarida butlanishi va saqlanishini tashkil etadi, hujjatlarning koʻrsatib oʻtilgan arxivlarga topshirishning belgilangan tartibiga rioya qilinishini nazorat qiladi;

Oʻzbekiston Respublikasi Milliy arxiv fondi hujjatlarining respublika davlat arxivlarida roʻyxatdan oʻtkazilishini tashkil etadi va Oʻzbekiston Respublikasi Milliy arxiv fondi hujjatlarini doimo saqlovchi arxiv muassasalariga guvohnomalar beradi;

Oʻzbekiston Respublikasi Milliy arxiv fondi hujjatlarining markazlashtirilgan holda davlat hisobini yuritadi; ushbu hujjatlarning saqlanishini va ulardan foydalanilishini nazorat qilishni amalga oshiradi;

davlat arxivlari tarmoqlarini rivojlantirish va tuzilishini mukammallashtirish ishini belgilangan tartibda tashkil etadi va uni olib boradi;

hujjatlarni respublika va mahalliy ahamiyatga ega boʻlgan arxiv fondlari tarkibiga oʻtkazish toʻgʻrisidagi masalalarni hal qiladi, respublika ahamiyatiga ega boʻlgan fondlarni Oʻzbekiston Respublikasi Davlat arxivlariga toʻplash boʻyicha, shuningdek, Oʻzbekiston Respublikasi, Qoraqalpogʻiston Respublikasi, Toshkent shahar davlat arxivlaridan olingan Oʻzbekiston doirasidagi hujjatlarni viloyatlar davlat arxivlariga va aksincha, bir viloyat davlat arxivlaridan olingan hujjatlarni boshqa viloyat davlat arxivlariga topshirish toʻgʻrisidagi tadbirlarni amalga oshiradi;

hujjatlarning ilmiy va amaliy qimmatini ekspertiza qilishni va ularni davlat arxivlarida doimiy saqlash uchun tanlashni tashkil etadi;

hujjatlari Oʻzbekiston Respublikasi Milliy arxiv fondi tarkibiga kiritilishi kerak boʻlgan davlat korxonalari, muassasalari va tashkilotlarining toifasini belgilaydi; davlat saqloviga topshirilishi kerak boʻlgan, shu jumladan, saqlash muddatlari koʻrsatilgan hujjatlarning namunaviy roʻyxatini ishlab chiqadi va tasdiqlaydi, respublika boshqaruv organlari tomonidan ishlab chiqilgan hujjatlarning idoraviy roʻyxatini kelishib oladi;

nodavlat arxiv fondi hujjatlarini sotib olish uchun davlatning ustuvor huquqini amalga oshiradi, bunda “Oʻzbosharxiv” tizimi organlari va muassasalariga koʻmaklashadi;

arxiv xizmatlari va idoraviy arxivlarning ishiga tarmoqlararo tashkiliy-uslubiy rahbarlik va nazorat qilishni, respublika davlat hokimiyati va boshqaruvi organlari ish yuritishidagi hujjatlarni tashkil etishni amalga oshiradi; idoraviy arxivlar tarmoqlarini rivojlantirish va ularning ishini tashkil etish tadbirlarida qatnashadi;

Oʻzbekiston Respublikasi Milliy arxiv fondi hujjatlarini butlash, saqlash va ulardan foydalanish masalalari boʻyicha qonunga oid va boshqa meʼyoriy hujjatlar loyihasi tayyorlanishini taʼminlaydi;

arxiv ishini rivojlantirish davlat dasturlarini tayyorlaydi va ularni amalga oshirishni taʼminlaydi, respublikada arxiv ishini rivojlantirishning asosiy yoʻnalishlarini, yigʻma yillik rejalarni ishlab chiqadi va ularning bajarilishini nazorat qilishni amalga oshiradi; respublika davlat arxivlari faoliyatining yigʻma statistik hisobini yuritadi; vaqt va ishlab chiqarishning namunaviy normalarini ishlab chiqadi;

yuridik va jismoniy shaxslarga arxiv muassasalari tomonidan koʻrsatiladigan pulli xizmatlar turlari nomenklaturasini belgilaydi va tasdiqlaydi; respublika davlat arxivlari tomonidan amalga oshiriladigan ishlar va xizmatlar uchun preyskurantlarni tasdiqlaydi;

arxiv ishida avtomatlashtirilgan axborot tizimlarini ishlab chiqish, joriy etish va ulardan foydalanish sohasida texnik siyosatni belgilaydi; axborot tarmoqlarini va maʼlumotlar bazalarini, shuningdek, Oʻzbekiston Respublikasi Milliy arxiv fondi tarkibi va uni mazmuni toʻgʻrisidagi axborotlarni qidirib topishni taʼminlash uchun arxiv maʼlumotnomalarining anʼanaviy turlarini yaratishni tashkil etadi;

davlat arxivlarining arxivshunoslik, hujjatshunoslik, arxeografiya sohasida, ilmiy tadqiqotlar natijalarini arxiv ishi amaliyotiga joriy etishda ilmiy-uslubiy ishlarini muvofiqlashtiradi va yoʻnaltiradi; arxiv ishi va ish yuritishda hujjatlarni tashkil etish boʻyicha qoida, yoʻriqnoma va boshqa meʼyoriy uslubiy hujjatlarni tasdiqlaydi;

davlat arxivlaridagi hujjatlardan foydalanish tartibini belgilaydi, idoraviy arxivlardagi hujjatlardan foydalanish tartibini kelishib oladi;

arxiv hujjatlarini, Oʻzbekiston Respublikasi Milliy arxiv fondi hujjatlari tarkibi va mazmuni toʻgʻrisidagi maʼlumotnoma-axborot adabiyotlarini nashr etishni tashkil qiladi, retrospektiv axborotga va hujjatlardan foydalanish samaradorligiga boʻlgan jamoatchilik ehtiyojlarini oʻrganish ishlarini muvofiqlashtiradi;

qaysi idoraga boʻysunishlaridan qatʼi nazar, korxonalar, muassasalar va tashkilotlar tomonidan arxiv ishi sohasi boʻyicha qonun hujjatlari, arxiv fondlarini shakllantirish, saqlash va ulardan foydalanishni taʼminlash hamda ish yuritishda hujjatlar tashkil etish talablari bajarilishini tekshiradi;

nodavlat arxivlari mulkdorlariga ushbu arxivlarning hujjatlarini butlash, saqlash va ulardan foydalanishda yordam koʻrsatadi;

belgilangan tartibda yuridik va jismoniy shaxslarga Oʻzbekiston hududida qadimgi hujjatli yodgorliklarni toʻplash uchun maxsus ruxsatnomalar beradi;

loyiha-smeta hujjatlarini rasmiylashtiradi, bevosita boʻysunuvchi arxiv muassasalari obyektlari qurilishini moliyalashni amalga oshiradi;

“Oʻzbosharxiv”ga bevosita boʻysunuvchi arxiv muassasalarini saqlash uchun xarajatlar toʻgʻrisida respublika budjeti loyihasiga takliflar ishlab chiqadi, ularni moliyalashni va sarf-xarajatlarni nazorat qilishni taʼminlaydi;

Oʻzbekiston Respublikasi Davlat arxivlari faoliyatiga rahbarlik qiladi, ular toʻgʻrisidagi nizomlarni tasdiqlaydi;

arxiv ishi boshqaruvini hujjat bilan taʼminlash sohasidagi vatanimiz va chet el ilgʻor tajribasini oʻrganish va yoyish, arxiv muassasalari ish tajribasiga mehnatni tashkil etish va boshqaruvning ilgʻor shakllarini, xoʻjalik yuritishning yangi shartlarini joriy qilish va respublika arxiv muassasalari xodimlarining ish faoliyatini ragʻbatlantirish ishlarini tashkil etadi; xalqaro tashkilotlarning arxiv ishi va ish yuritish boʻyicha ishida qatnashadi;

belgilangan tartibda yuridik va jismoniy shaxslarga Oʻzbekiston Respublikasi Milliy arxiv fondi hujjatlarini respublika tashqarisiga vaqtincha olib chiqib ketishga ruxsatnomalar beradi;

respublika tashqarisida boʻlgan arxiv hujjatlarini qaytarish toʻgʻrisidagi takliflarni belgilangan tartibda koʻrib chiqadi va kiritadi, chet ellardagi Oʻzbekiston tarixiga oid arxiv hujjatlarini yoki ularning nusxalarini aniqlashni va ularni sotib olishni tashkil etadi;

respublika arxivlari ish amaliyotiga hujjatlarni saqlash, taʼmirlash, konservatsiyalash, profilaktika ishlarini olib borish, ulardan nusxa olish, foydalanishning eng oqilona tizimlari va usullarini joriy etishni tashkil qiladi;

arxiv muassasalari, idoraviy arxivlar va respublika korxonalari, muassasalari va tashkilotlari ish yuritish xizmatlari xodimlari malakasini oshirishni tashkil qiladi;

“Oʻzbosharxiv” tizimi arxiv muassasalari xodimlarining ish sharoitlarini, ularning ijtimoiy himoyasini yaxshilash masalalari hal etilishiga koʻmaklashadi;

fuqarolarning takliflari, arizalari va shikoyatlarining oʻz vaqtida va puxta koʻrib chiqilishini tashkil etadi, ularda koʻtarilgan masalalarning toʻgʻri hal etilishiga erishadi; oʻzlariga qarashli muassasalar faoliyatidagi kamchiliklarni bartaraf etish choralarini koʻradi; konsullik soʻrovlar ijrosini taʼminlaydi.

7. “Oʻzbosharxiv” quyidagi huquqlarga egadir:

respublika davlat hokimiyati va boshqaruvi organlaridan, qaysi idoraga boʻysunishlaridan qatʼi nazar, korxonalar, muassasalar va tashkilotlardan arxiv ishlari va ish yuritishda hujjatlarni tashkil etish toʻgʻrisidagi zarur materiallarni olish;

tarmoq davlat fondlari, muzeylar va kutubxonalarning qoʻlyozma boʻlimlari hamda vazirliklar, idoralar va respublika davlat hokimiyati va boshqaruvi boshqa organlari, korxonalar, muassasalar, tashkilotlar va birlashmalar ish yuritish xizmatlari vakillari axborotini eshitish; belgilangan tartibda ulardan arxiv ishi va ish yuritish boʻyicha hujjatlarni tashkil etish ishlari masalalari boʻyicha zarur axborotlarni soʻrab olish; tashkilotlarga arxiv ishi va ish yuritishga oid hujjatlarni tashkil etish boʻyicha bajarilishi majburiy boʻlgan koʻrsatmalar berish;

respublika davlat arxivlaridan, tarmoq davlat fondlaridan, vazirliklar, davlat qoʻmitalari, idoralar, korxonalar, muassasalar va tashkilotlardan, kutubxonalar va muzeylarning qoʻlyozmalar boʻlimlaridan, siyosiy, jamoat, diniy tashkilotlardan va birlashmalar, qoʻshma korxonalar va boshqa yuridik shaxslardan, shuningdek, Oʻzbekiston Respublikasi Milliy arxiv fondi hujjatlarini doimo saqlovchi fuqarolardan “Oʻzbosharxiv” respublika fondi katalogi uchun tegishli maʼlumotlar olish;

Oʻzbekiston Respublikasi Milliy arxiv fondi hujjatlarining oʻgʻirlanishiga, shikastlanishiga, ularni yashirishga yoki qonunga zid ravishda yoʻq qilishga sharoit yaratishga yoʻl qoʻygan mansabdor shaxslar va fuqarolar toʻgʻrisida tergov organlarini xabardor qilib turish;

arxiv ishi va ish yuritishda hujjatlarni tashkil etish masalalarini koʻrib chiqish uchun doimiy va vaqtinchalik idoralararo komissiyalar tashkil etish;

respublika vazirliklari va idoralari tomonidan ishlab chiqiladigan arxiv ishi va ish yuritishdagi hujjatlarni tashkil etish masalalari boʻyicha qoida, nizom, yoʻriqnoma, oʻquv dasturlari va boshqa meʼyoriy hujjatlarni kelishib olish;

xalqaro tashkilotlar, mansabdor va xususiy shaxslar, shuningdek, chet davlatlar bilan oʻz vakolati doirasida aloqalarni amalga oshirish;

arxivshunoslik, hujjatshunoslik va arxeografiya sohasidagi ishlarni bajarish uchun tanlovlar eʼlon qilish.

“Oʻzbosharxiv”ning masʼul xodimlari oʻz xizmat vazifalarini bajarishlari uchun belgilangan tartibda davlat hokimiyati va boshqaruvi organlari, shuningdek, respublika korxonalari, muassasalari, tashkilotlari va birlashmalari arxivlari va ish yuritish xizmatlariga borish huquqiga egadir.

8. “Oʻzbosharxiv”ga boshliq boshchilik qiladi. “Oʻzbosharxiv” boshligʻi va uning oʻrinbosari Oʻzbekiston Respublikasi Vazirlar Mahkamasi tomonidan tayinlanadilar va ozod etiladilar.

“Oʻzbosharxiv” boshligʻi:

“Oʻzbosharxiv” faoliyatiga rahbarlik qiladi va “Oʻzbosharxiv” zimmasiga yuklangan vazifalarning bajarilishi uchun shaxsan javob beradi;

boshqarma boshligʻi va oʻrinbosari oʻrtasida vazifalarni taqsimlaydi;

belgilangan xodimlar soni va ish haqi toʻlash fondi doirasida shtat jadvali, lavozim okladlari va ularga qoʻshimchalarni, “Oʻzbosharxiv” markaziy apparat xodimlarini mukofotlash toʻgʻrisidagi nizomni, shuningdek, tegishli davr uchun tasdiqlangan mablagʻlar doirasida uni saqlash uchun xarajatlar smetasini tasdiqlaydi;

“Oʻzbosharxiv” markaziy apparati xodimlarini, Oʻzbekiston Respublikasi Davlat arxivlari direktorlari va ularning oʻrinbosarlarini belgilangan tartibda lavozimga tayinlaydi va lavozimdan ozod etadi;

“Oʻzbosharxiv” tizimi organlari va muassasalari bajarishi majburiy boʻlgan oʻz vakolati doirasida buyruqlar chiqaradi, koʻrsatmalar beradi va ularning bajarilishini tekshiradi;

zarur hollarda respublika vazirliklari, davlat qoʻmitalari va idoralari rahbarlari bilan birgalikda arxiv ishi va ish yuritishda hujjatlarni tashkil etish masalalari yuzasidan buyruqlar, koʻrsatmalar, yoʻriqnomalar va boshqa meʼyoriy hujjatlar chiqaradi;

Oʻzbekiston Respublikasi Vazirlar Mahkamasi majlislarida arxiv ishi boʻyicha masalalarni koʻrib chiqishda ishtirok etadi;

boshqaruv apparati tarkibiy boʻlinmalari va “Oʻzbosharxiv”ga bevosita boʻysunuvchi Oʻzbekiston Respublikasi Davlat arxivlari toʻgʻrisidagi nizomlarni tasdiqlaydi.

9. Qoraqalpogʻiston Respublikasi Vazirlar Kengashi huzuridagi Arxiv boshqarmasi boshligʻi, viloyatlar va Toshkent shahar hokimliklari arxiv boʻlimlari mudirlari tegishli ravishda “Oʻzbosharxiv” rahbariyati bilan kelishgan holda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining qaroriga muvofiq lavozimga tayinlanadilar va lavozimdan ozod etiladilar.

10. “Oʻzbosharxiv” markaziy apparati tuzilmasi va uning xodimlari soni Oʻzbekiston Respublikasi Vazirlar Mahkamasi tomonidan tasdiqlanadi.

11. “Oʻzbosharxiv” tarkibida boshqarma boshligʻi (rais), lavozimi boʻyicha uning oʻrinbosari va “Oʻzbosharxiv” tizimi boshqa rahbar xodimlaridan iborat aʼzolari boʻlgan hayʼatga ega boʻladi.

Hayʼat tarkibi va uning aʼzolari soni Oʻzbekiston Respublikasi Vazirlar Mahkamasi tomonidan tasdiqlanadi.

“Oʻzbosharxiv”ning maslahat organi hisoblanadigan hayʼati respublikada arxiv ishini rivojlantirish, davlat arxivlarini tashkil etish va uning faoliyati, hokimiyat va boshqaruv respublika organlari, ularga boʻysunuvchi korxonalar, muassasalar va tashkilotlar arxivlari ahvoli, ijroni tekshirish,kadrlarni tanlash va joy-joyiga qoʻyish masalalarini, eng muhim qoidalar va yoʻriqnomalar loyihalarini koʻrib chiqadi, respublika arxiv muassasalari va “Oʻzbosharxiv” tarkibiy boʻlinmalari rahbarlarining, shuningdek, vazirliklar, davlat qoʻmitalari va idoralari, respublika tarmoq fondlari rahbarlarining arxivlar va ish yuritishning ahvoli masalalari boʻyicha axborotlarini eshitadi, zarur qarorlar qabul qiladi.

12. “Oʻzbosharxiv” huzurida:

— respublikada arxiv ishi boʻyicha ilmiy muammolarni koʻrib chiquvchi ilmiy kengash;

— Oʻzbekiston Respublikasi Milliy arxiv fondi hujjatlari tarkibini belgilash va hujjatlar qimmatini ekspertiza qilish bilan bogʻliq masalalarni koʻrib chiqish uchun markaziy ekspert-tekshirish komissiyasi faoliyat koʻrsatadi.

Koʻrsatib oʻtilgan kengashlar va komissiyalar toʻgʻrisidagi nizomlar, shuningdek, ularning tarkibi “Oʻzbosharxiv” boshligʻi tomonidan tasdiqlanadi.

13. “Oʻzbosharxiv” yuridik shaxs hisoblanadi, respublika budjeti hisobidan mablagʻ bilan taʼminlanadi, mustaqil balansga, banklarda schyotlarga ega boʻladi, uning tarkibiga kiruvchi Oʻzbekiston Respublikasi Davlat arxivlarining balanslarini hisobga olgan holda yigʻma balanslar tuzadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, shuningdek, firma blanklariga ega boʻladi.

Keyingi tahrirga qarang.

Vazirlar Mahkamasining 1999-yil
30-oktabrdagi 482-son qaroriga
4-ILOVA

Oʻzbekiston Respublikasi davlat hokimiyati va boshqaruvi organlari, korxonalar, muassasalar va tashkilotlardagi idoraviy arxiv toʻgʻrisida

NAMUNAVIY NIZOM

UMUMIY QOIDALAR

1. “Arxivlar toʻgʻrisida”gi Oʻzbekiston Respublikasi Qonuniga muvofiq hujjatlar saqlanishini taʼminlash, hisobini olish, ulardan ilmiy va amaliy maqsadlarda foydalanish uchun respublika davlat hokimiyati va boshqaruvi organlari, korxonalar, muassasalar va tashkilotlarda* idoraviy arxivlar tuziladi.

* keyingi oʻrinlarda “davlat hokimiyati va boshqaruvi organlari, korxonalar, muassasalar va tashkilotlar” soʻzlari oʻrniga “tashkilot” soʻzi ishlatiladi.

Keyingi tahrirga qarang.

2. Idoraviy arxiv yetakchi (bosh) boʻlgan tashkilot qoshida mustaqil muassasa yoki tarkibiy boʻlinma sifatida tashkil etiladi, u tashkilot rahbari yoki tashkilot toʻgʻrisidagi nizomga muvofiq hujjatlar bilan ishlashni yoʻlga qoʻyish uchun javobgar boʻlgan tarkibiy boʻlinma rahbariga boʻysunadi.

Keyingi tahrirga qarang.

3. Idoraviy arxiv oʻz faoliyatida Oʻzbekiston Respublikasi Konstitutsiyasiga, qonunlariga, Oʻzbekiston Respublikasi Oliy Majlisining qarorlariga, Oʻzbekiston Respublikasi Prezidentining farmonlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, yetakchi (bosh) va oʻz tashkilotining buyruqlari va koʻrsatmalariga, Oʻzbekiston Respublikasi Vazirlar Mahkamasi huzuridagi Bosh arxiv boshqarmasining qoidalari va yoʻriqnomalariga va mazkur Namunaviy nizomga amal qiladi.

Keyingi tahrirga qarang.

4. Idoraviy arxiv mudiri (yoki arxiv uchun javobgar shaxs) va arxivning shtatdagi boshqa xodimlari tashkilot rahbari tomonidan ishga tayinlanadi va ishdan boʻshatiladi.

5. Idoraviy arxiv tashkilot rahbariyati tomonidan tasdiqlanadigan rejaga muvofiq ishlaydi va oʻz faoliyati haqida unga hisobot berib turadi.

6. Arxiv xodimlarining xizmat doirasidagi vazifalari tashkilot rahbarlari tomonidan tasdiqlanadigan lavozim yoʻriqnomasi bilan belgilanadi.

7. Ushbu Namunaviy nizomga muvofiq tashkilot oʻzining idoraviy arxivi toʻgʻrisidagi nizomini ishlab chiqadi va u Oʻzbekiston Respublikasi Vazirlar Mahkamasi huzuridagi Bosh arxiv boshqarmasining tegishli organi yoki muassasasi bilan kelishgan holda tashkilot rahbari tomonidan tasdiqlanadi.

Keyingi tahrirga qarang.

IDORAVIY ARXIV HUJJATLARINING TARKIBI