Oʻzbekiston Respublikasi Prezidentining 2017-yil 24-iyuldagi “Oʻzbekiston Respublikasida loyiha boshqaruvi tizimini joriy etish chora-tadbirlari toʻgʻrisida”gi PF–5120-son Farmoniga muvofiq:

1. Quyidagilar:

Oʻzbekiston Respublikasi Prezidenti huzuridagi Loyiha boshqaruvi milliy agentligi boshqaruv xodimlarining cheklangan soni 164 nafar boʻlgan tuzilmasi 1-ilovaga muvofiq;

Oʻzbekiston Respublikasi Prezidenti huzuridagi Loyiha boshqaruvi milliy agentligi toʻgʻrisidagi nizom 2-ilovaga muvofiq tasdiqlansin.

2. Oʻzbekiston Respublikasi Prezidenti huzuridagi Loyiha boshqaruvi milliy agentligi (keyingi oʻrinlarda Agentlik deb yuritiladi) direktoriga:

zarurat boʻlganda, Agentlik tuzilmasiga oʻzgartirishlar kiritish;

Agentlikka yuklatilgan vazifalarni bajarish doirasida davlat organlari, xoʻjalik boshqaruvi organlari, davlat korxonalari va tashkilotlari (keyingi oʻrinlarda davlat organlari va boshqa tashkilotlar deb yuritiladi), nodavlat notijorat tashkilotlar, yetakchi loyiha institutlari, ilmiy-taʼlim muassasalari, shuningdek, xalqaro tashkilotlar, chet el kompaniyalarining yuqori malakali xodimlarini va mutaxassislarni maslahatchilar sifatida jalb etish huquqi berilsin.

3. Belgilab qoʻyilsinki:

Agentlik yuridik shaxs huquqiga ega davlat muassasasi hisoblanadi va oʻz faoliyatida Oʻzbekiston Respublikasi Prezidentiga hisobdordir;

Agentlikni saqlab turish Oʻzbekiston Respublikasining Davlat budjeti mablagʻlari va qonun hujjatlarida taqiqlanmagan boshqa mablagʻlar hisobidan amalga oshiriladi.

4. Agentlik direktori ikki oy muddatda:

Agentlikning zarur nazariy bilim va amaliy tajribaga ega boʻlgan, Agentlikka yuklatilgan vazifalarni professional darajada amalga oshirishni taʼminlaydigan yuqori malakali mutaxassislar bilan toʻldirilishini;

Agentlikning tarkibiy tuzilmalari toʻgʻrisidagi nizomlar tasdiqlanishini taʼminlasin.

5. Belgilab qoʻyilsinki:

Agentlikning faoliyat sohasi davlat organlari va boshqa tashkilotlar, davlat ulushi 50 foizdan ortiq boʻlgan xoʻjalik jamiyatlari, shuningdek, Oʻzbekiston Respublikasi Vazirlar Mahkamasi mutasaddilik qiladigan xoʻjalik subyektlariga nisbatan tatbiq etiladi;

islohotlarni amalga oshirish natijalarini tizimli oʻrganish asosida Agentlik Oʻzbekiston Respublikasi Loyiha boshqaruvining yagona milliy axborot tizimidan foydalangan holda davlat va hududiy dasturlar, investitsiya loyihalari bilan oʻzaro bogʻliqlikda Oʻzbekiston Respublikasi investitsiya dasturlari shakllantirilishi va amalga oshirilishining nazorati hamda monitoringini amalga oshiradi;

Agentlik zimmasiga yuklatilgan vazifalarni bajarishda davlat organlari va boshqa tashkilotlar, nodavlat notijorat tashkilotlar, yetakchi loyiha institutlari, ilmiy-taʼlim muassasalari, tadbirkorlik subyektlari, shuningdek, xalqaro tashkilotlar, chet el kompaniyalari hamda mutaxassislari bilan oʻzaro hamkorlik qiladi;

Agentlik loyiha ishlari va davlat xaridlarini takomillashtirish, Oʻzbekiston Respublikasining investitsiya muhitini yaxshilash masalalari boʻyicha davlat organlari va boshqa tashkilotlar, shuningdek, biznes-hamjamiyatning ekspert ishchi guruhlari ishini tashkil etadi va muvofiqlashtiradi;

Agentlikning faoliyat sohasiga kiruvchi masalalar boʻyicha normativ-huquqiy hujjatlar loyihalari Agentlik bilan majburiy tartibda kelishilishi shart.

6. Agentlik hamda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi boshqa manfaatdor vazirlik va idoralar bilan birgalikda ilgʻor xorijiy tajribani inobatga olgan holda:

bir oy muddatda Oʻzbekiston Respublikasi Loyiha boshqaruvining yagona milliy axborot tizimini tashkil qilish va joriy etish konsepsiyasini;

bir oy muddatda Oʻzbekiston Respublikasi Loyiha boshqaruvining yagona milliy axborot tizimi doirasida loyiha va texnik hujjatlar, dasturiy mahsulotlar ishlab chiqish, apparat-dasturiy komplekslar oʻrnatish va joriy etishni amalga oshiruvchi Davlat axborot tizimlarini yaratish va qoʻllab-quvvatlash boʻyicha yagona integratorni tashkil etish haqidagi normativ-huquqiy hujjat loyihasini;

ikki oy muddatda Oʻzbekiston Respublikasi Loyiha boshqaruvining yagona milliy axborot tizimini tashkil qilish va joriy etish boʻyicha loyiha hamda texnik hujjatlarni;

ikki oy muddatda davlat axborot tizimlarini tashkil qilish, ishlab chiqish va joriy etish qiymatini baholash tartibini ishlab chiqsin va belgilangan tartibda kiritsin;

respublika ijtimoiy-iqtisodiy rivojlanishining tizimli tahlili va prognozini amalga oshirish imkonini beruvchi, davlat va boshqa axborot tizimlari bilan integratsiya qilingan Oʻzbekiston Respublikasi Loyiha boshqaruvining yagona milliy axborot tizimini 2019-yil 1-yanvarga qadar muddatda ishga tushirilishini taʼminlasin.

7. Quyidagilar:

chet el investorlarining mablagʻlari bilan birga markazlashgan kapital qoʻyilmalar, shuningdek, xalqaro va xorijiy moliya institutlarining kreditlari, zayomlari, grantlari — Oʻzbekiston Respublikasi Loyiha boshqaruvining yagona milliy axborot tizimini tashkil qilish, joriy etish va texnik qoʻllab-quvvatlashni;

davlat organlari va boshqa tashkilotlarning oʻz mablagʻlari — davlat organlari va boshqa tashkilotlarning axborot tizimlarini Oʻzbekiston Respublikasi Loyiha boshqaruvining yagona milliy axborot tizimiga integratsiya qilish va moslashtirishni moliyalashtirishning manbalari etib belgilansin.

8. Belgilab qoʻyilsinki:

2018-yil 1-yanvardan boshlab Agentlik Oʻzbekiston Respublikasi Davlat budjeti, davlat maqsadli jamgʻarmalari, Oʻzbekiston Respublikasi tomonidan jalb etiladigan xorijiy kreditlar, zayom va grantlar mablagʻlari hisobidan amalga oshiriladigan davlat va hududiy dasturlar, investitsiya loyihalari bilan oʻzaro bogʻliqlikda Oʻzbekiston Respublikasi investitsiya dasturlari boʻyicha xulosalar beradi;

2019-yil 1-yanvardan boshlab Oʻzbekiston Respublikasi investitsiya dasturlari, davlat va hududiy dasturlar, investitsiya loyihalari shakllantirilishi va amalga oshirilishini nazorat hamda monitoring qilish Agentlik tomonidan Oʻzbekiston Respublikasi Loyiha boshqaruvining yagona milliy axborot tizimidan foydalangan holda amalga oshiriladi.

9. Agentlik hamda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Iqtisodiyot vazirligi, Moliya vazirligi, Adliya vazirligi, Davlat arxitektura va qurilish qoʻmitasi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Hisob palatasi, “OʻzInjiniring” Respublika loyiha instituti bilan birgalikda ilgʻor xorijiy tajribani inobatga olgan holda:

uch oy muddatda loyiha oldi hujjatlarni ishlab chiqishdan boshlab loyihalar amalga oshirilishini yakunlashgacha boʻlgan loyiha boshqaruvi jarayonining barcha bosqichlarini tartibga solishni nazarda tutuvchi Oʻzbekiston Respublikasi Prezidenti qarori loyihasini;

ikki oy muddatda Oʻzbekiston Respublikasi investitsiya dasturlari, davlat va hududiy dasturlar, investitsiya loyihalarini ishlab chiqish va tasdiqlashning amaldagi tizimini tanqidiy oʻrganish yakuni boʻyicha ularni shakllantirish tartibini takomillashtirish boʻyicha normativ-huquqiy hujjat loyihasini ishlab chiqsin hamda belgilangan tartibda kiritsin.

10. Oʻzbekiston Respublikasi Loyiha boshqaruvining yagona milliy axborot tizimini tashkil qilish, joriy etish va samarali ekspluatatsiya qilish yuzasidan tadbirlarning oʻz vaqtida va sifatli bajarilishi boʻyicha Agentlik direktori hamda Oʻzbekiston Respublikasi axborot texnologiyalari va kommunikatsiyalarini rivojlantirish vaziri zimmasiga shaxsiy javobgarlik yuklansin.

11. Oʻzbekiston Respublikasi Moliya vazirligi Agentlik faoliyatini, shu jumladan, Oʻzbekiston Respublikasi Loyiha boshqaruvining yagona milliy axborot tizimini ekspluatatsiya qilishni moliyalashtirishga mablagʻlarni asoslantirilgan hisob-kitoblar boʻyicha 2017-yil 1-avgustdan boshlab ajratsin hamda har yili Oʻzbekiston Respublikasining Davlat budjeti xarajatlarida nazarda tutsin.

12. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Toshkent shahar hokimligi ikki hafta muddatda Agentlikni unga yuklatilgan vazifalarni bajarish uchun zarur boʻlgan bino bilan taʼminlasin.

13. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Agentlikni belgilangan tartibda zarur aloqa vositalari, shu jumladan, hukumat aloqasi bilan taʼminlasin.

14. Oʻzbekiston Milliy teleradiokompaniyasi va Milliy axborot agentligi Oʻzbekiston Respublikasi Loyiha boshqaruvining yagona milliy axborot tizimini joriy etish boʻyicha amalga oshirilayotgan ishlarning ommaviy axborot vositalarida keng yoritilishini tashkil qilsin.

15. Agentlik va Oʻzbekiston Respublikasi Adliya vazirligi boshqa manfaatdor vazirlik va idoralar bilan birgalikda 2017-yil 1-sentabrga qadar muddatda:

qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin;

idoraviy normativ-huquqiy hujjatlar mazkur qarorga muvofiqlashtirilishini taʼminlasin.

16. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasining Bosh prokurori I.B. Abdullayev zimmasiga yuklansin.

1. Ushbu Nizom Oʻzbekiston Respublikasi Prezidenti huzuridagi Loyiha boshqaruvi milliy agentligining (keyingi oʻrinlarda Agentlik deb yuritiladi) maqomi, asosiy vazifalari, funksiyalari, huquq va majburiyatlari, faoliyatining tashkiliy asoslarini belgilaydi.

2. Agentlik oʻz faoliyatida Oʻzbekiston Respublikasi Prezidentiga hisobdordir.

3. Agentlik yuridik shaxs huquqiga ega davlat muassasasi hisoblanadi, Oʻzbekiston Respublikasi Davlat gerbi tasvirlangan va oʻz nomi yozilgan muhr va blankaga, Oʻzbekiston Respublikasi Moliya vazirligining Gʻaznachiligida gʻazna hisob raqamlariga ega boʻladi.

4. Agentlik oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, ushbu Nizom va boshqa qonun hujjatlariga amal qiladi.

5. Agentlik zimmasiga yuklatilgan vazifalarni bajarishda davlat organlari, xoʻjalik boshqaruvi organlari, davlat korxonalari va tashkilotlari (keyingi oʻrinlarda davlat organlari va boshqa tashkilotlar deb yuritiladi), nodavlat notijorat tashkilotlar, yetakchi loyiha institutlari, ilmiy-taʼlim muassasalari, tadbirkorlik subyektlari, shuningdek, xalqaro tashkilotlar, chet el kompaniyalari va mutaxassislari bilan oʻzaro hamkorlik qiladi.

6. Agentlikning oʻz vakolatlari doirasida qabul qilgan qarorlari mulkchilik shakli va idoraviy boʻysunishidan qatʼi nazar, davlat organlari va boshqa tashkilotlar, xoʻjalik yurituvchi subyektlar, jismoniy shaxslar tomonidan bajarilishi majburiy hisoblanadi.

7. Quyidagilar Agentlikning asosiy vazifalari hisoblanadi:

Oʻzbekiston Respublikasi Loyiha boshqaruvining yagona milliy axborot tizimini (keyingi oʻrinlarda Yagona milliy axborot tizimi deb yuritiladi) yaratish, joriy etish va ekspluatatsiya qilish;

Oʻzbekiston Respublikasi Davlat budjeti, davlat maqsadli jamgʻarmalari, Oʻzbekiston Respublikasi tomonidan jalb etiladigan xorijiy kreditlar, zayom va grantlar mablagʻlari hisobidan moliyalashtiriladigan davlat va hududiy dasturlar, investitsiya loyihalari ishlab chiqilishi hamda amalga oshirilishining samaradorligi va shaffofligini oshirish;

resurslarning haqiqiy bozor qiymatini shakllantirish hamda notoʻgʻri texnik topshiriq va smetalarni yuritishga yoʻl qoʻymaslik imkonini beradigan resurslar yagona milliy maʼlumotnomasini yuritish;

davlat xaridlarini amalga oshirish uchun yagona axborot maydonini yaratish;

Oʻzbekiston Respublikasi Davlat budjeti, davlat maqsadli jamgʻarmalari, Oʻzbekiston Respublikasi tomonidan jalb etiladigan xorijiy kreditlar, zayom va grantlar mablagʻlari hisobidan moliyalashtiriladigan loyihalarni sifatli va oʻz vaqtida amalga oshirishga koʻmaklashishni taʼminlash, norentabelli va samaradorligi past loyihalarni aniqlash;

budjet tizimi budjetlari mablagʻlarining tushumi va sarflanishini tahlil qilish;

davlat organlari va boshqa tashkilotlarda zamonaviy texnologiyalarni joriy etish konsepsiyalari ishlab chiqilishi va har tomonlama tahlil qilinishini taʼminlash;

loyihalarni, shu jumladan, amalga oshirilayotgan loyihalarni korrupsiya va boshqa suiisteʼmolchiliklar alomatlari mavjudligi yuzasidan kompleks texnik-iqtisodiy tahlil qilish;

Yagona milliy axborot tizimi ishlashini taʼminlovchi zamonaviy axborot-kommunikatsiya texnologiyalarini davlat organlari va boshqa tashkilotlarda joriy etish;

loyiha boshqaruvi sohasida kadrlarni oʻqitish va ularning malakasini oshirishga koʻmaklashish.

7¹. 2018 — 2020-yillarda ustav fondida davlat ulushi ustuvor boʻlgan davlat korxonalari va boshqa yuridik shaxslarni transformatsiya qilish dasturini (keyingi oʻrinlarda Dastur deb yuritiladi) amalga oshirish doirasida Agentlikka Dasturda ishtirok etuvchi ustav fondida davlat ulushi ustuvor boʻlgan davlat korxonalari va boshqa yuridik shaxslarga (keyingi oʻrinlarda davlat kompaniyalari deb yuritiladi) nisbatan quyidagi vazifalar yuklatiladi:

investitsiya aktivlarining ishonchli boshqaruvchilari va davlatning ishonchli vakillarining davlat mulkini samarali boshqarish boʻyicha faoliyatining natijadorligi monitoringini olib borish;

davlat kompaniyalarining davlat paketlari (ulushlari) boʻyicha, shu jumladan, ularni davlatning ishonchli vakillariga, boshqaruvchi kompaniyalarga va xoʻjalik boshqaruvi organlariga ishonchli boshqaruvga berish yoʻli bilan aksiyador (qatnashchi)ning huquqlarini roʻyobga chiqarish;

davlat kompaniyalari faoliyati samaradorligini, birinchi navbatda, ishlab chiqarishni modernizatsiyalash va texnik jihatdan qayta jihozlash, mahsulot tannarxini pasaytirish, mehnat unumdorligini oshirish, sifatni boshqarishning zamonaviy tizimlarini joriy etish hisobiga oshirish yuzasidan chora-tadbirlar kompleksini ishlab chiqish va ularni amalga oshirishda qatnashish;

davlat kompaniyalari tomonidan dividendlarning Oʻzbekiston Respublikasi Davlat budjetiga oʻz vaqtida va toʻliq hajmda toʻlanishini taʼminlashga koʻmaklashish.

8. Agentlik oʻziga yuklatilgan vazifalarga muvofiq quyidagi funksiyalarni amalga oshiradi:

davlat organlari va boshqa tashkilotlarda foydalaniladigan axborot tizimlari, axborot resurslari va maʼlumotlar bazalariga integratsiya qilishni nazarda tutuvchi Yagona milliy axborot tizimini yagona texnologik yondashuv asosida shakllantiradi;

Yagona milliy axborot tizimini yuritish tartibini belgilaydi;

Yagona milliy axborot tizimiga funksional talablarni belgilaydi, texnik topshiriqlarni ishlab chiqadi, loyiha faoliyati ishtirokchilarini tizim bilan ishlashida funksional boshqarish va oʻqitishni amalga oshiradi;

Yagona milliy axborot tizimining ishlab chiqilishi, joriy etilishi, ekspluatatsiya qilinishi va uzluksiz ishlashini taʼminlaydi;

Yagona milliy axborot tizimining xavfsizligini taʼminlash choralarini koʻradi;

Yagona milliy axborot tizimi — Yagona elektron hujjat aylanishi, Elektron hukumat, Davlat xaridlari yagona portali, Geoaxborot tizimi va boshqalarning blokiga talablarni belgilaydi;

axborot texnologiyalarini joriy etish va rivojlantirish holatini baholaydi, shu jumladan, loyiha boshqaruvi jarayonida axborot tizimlari va resurslarini joriy etish samaradorligini oʻrganadi;

Yagona milliy axborot tizimini samarali joriy etish va ekspluatatsiya qilish uchun normativ-huquqiy bazani tizimli tahlil qiladi hamda uni takomillashtirish boʻyicha takliflar tayyorlaydi;

Yagona milliy axborot tizimini, shu jumladan, xorijiy davlatlarning ilgʻor tajribasini oʻrganish asosida rivojlantirish va takomillashtirish yoʻnalishlarini ishlab chiqadi;

davlat organlari va boshqa tashkilotlarning loyiha boshqaruvi boʻyicha faoliyatni tartibga soluvchi normativ-huquqiy va boshqa hujjatlari loyihalarini kelishadi;

loyiha boshqaruvini amalga oshirishni muvofiqlashtiradi, nazorat qiladi va uning samaradorligini baholaydi hamda mazkur jarayonlarni uslubiy jihatdan qoʻllab-quvvatlaydi;

loyiha boshqaruvi sohasida milliy standartlarni ishlab chiqadi va tasdiqlaydi;

loyiha boshqaruvi boʻyicha tadbirlarni uslubiy jihatdan qoʻllab-quvvatlashni amalga oshiradi hamda davlat organlari va boshqa tashkilotlarning loyiha boshqaruvi tizimlarini rivojlantirish choralarini koʻradi;

loyiha boshqaruvi guruhlarini shakllantirish boʻyicha talablarni belgilaydi va ularning maqsadini kelishadi;

davlat xaridlari va loyiha boshqaruvi sohasida qayta aloqa, shikoyat va takliflarning tahlilini amalga oshiradi;

navbatdagi yil uchun Investitsiya dasturlari loyihalari boʻyicha xulosalar beradi;

davlat va hududiy dasturlar, investitsiya loyihalarining amalga oshirilishini monitoring va tahlil qiladi, ularning samaradorligini baholaydi;

ilgʻor xalqaro tajribani inobatga olib, islohotlarni amalga oshirishning muammolari va yakunlarini tizimli oʻrganish asosida, shu jumladan, Yagona milliy axborot tizimidan foydalangan holda davlat va hududiy dasturlar, investitsiya loyihalari ishlab chiqilishi, joriy etilishi, amalga oshirilishini tashkil qiladi hamda muvofiqlashtiradi, ularning nazorati va monitoringini amalga oshiradi;

resurslar yagona milliy maʼlumotnomasiga talablarni belgilaydi, resurslarning (tovarlar, ishlar va xizmatlarning) haqiqiy bozor qiymatini shakllantirish maqsadida uning samarali ishlashini taʼminlaydi;

tovarlar, ishlar va xizmatlar klassifikatorini shakllantirgan holda har bir resurs (tovar, ish va xizmat)ni ishlab chiqaruvchilar va yetkazib beruvchilar bilan maʼlumotlarni avtomatik toʻplash tartib-taomillarini tashkil etadi;

tovarlar, ishlar va xizmatlar, shu jumladan, chet elda ishlab chiqarilganlari haqidagi maʼlumotlar va axborotlarning resurslar yagona milliy maʼlumotnomasida doimiy yangilanishini taʼminlaydi;

resurslar yagona milliy maʼlumotnomasidan foydalangan holda davlat organlari va boshqa tashkilotlar bilan oʻzaro hamkorlikni tashkil etadi;

davlat xaridlari yagona axborot portalini yaratish boʻyicha ishlarni muvofiqlashtiradi va boshqaradi, davlat xaridlarini amalga oshirishga talablarni belgilaydi;

resurslar yagona milliy maʼlumotnomasining davlat xaridlari yagona axborot portali bilan integratsiya qilinishini taʼminlaydi;

davlat xaridlari jarayonlarini muvofiqlashtiradi, nazorat qiladi, uslubiy jihatdan qoʻllab-quvvatlaydi va baholaydi, davlat xaridlarini samarali tashkil etishga toʻsqinlik qiluvchi sabab va shart-sharoitlarni aniqlash boʻyicha tahlillar oʻtkazadi, ularni bartaraf etish choralarini koʻradi;

davlat xaridlarini amalga oshirish tartibini takomillashtirish boʻyicha takliflar tayyorlaydi, ularning amalga oshirilishini taʼminlaydi;

insofsiz tovar, ish va xizmatlar yetkazib beruvchilar reyestrini shakllantirishni tashkil etadi, ularning davlat xaridlari yagona axborot portaliga kirishini cheklaydi;

davlat organlari va boshqa tashkilotlarda loyiha boshqaruvini yuritishga oid talablarni belgilaydi;

investitsiya loyihalarini ishlab chiqish, ekspertizadan oʻtkazish va hujjatlarini tasdiqlash tartibiga muvofiq tegishli ekspertiza organlari tomonidan oʻz vakolatlari doirasida amalga oshiriladigan investitsiya loyihalari DTIA/TIA, DTIH/TIHni samarali, sifatli va oʻz vaqtida ekspertiza qilish ishlarini muvofiqlashtiradi;

Oʻzbekiston Respublikasini rivojlantirish davlat dasturiga kiritiladigan loyihalarni kompleks ekspertizadan oʻtkazadi, ularning amalga oshirilishini monitoring va tahlil qiladi;

Oʻzbekiston Respublikasini rivojlantirish davlat dasturini amalga oshirish doirasida, shuningdek davlat xaridlarini amalga oshirishda ishlab chiqiladigan loyihaoldi, loyiha va tender hujjatlari, texnik vazifalarni kompleks ekspertizadan oʻtkazadi;

Oʻzbekiston Respublikasini rivojlantirish davlat dasturini amalga oshirish doirasida, shuningdek davlat xaridlarini amalga oshirishda tuziladigan import kontraktlarini ekspertizadan oʻtkazadi va roʻyxatga oladi;

davlat organlari va boshqa tashkilotlarda loyiha faoliyatining rejalashtirilishi, joriy etilishi va rivojlanishiga koʻmaklashadi;

Oʻzbekiston Respublikasi Hisob palatasi bilan birgalikda Oʻzbekiston Respublikasining Davlat budjeti mablagʻlari, rivojlanish davlat dasturi doirasida markazlashgan kapital qoʻyilmalarga yoʻnaltirilgan, shu jumladan, Oʻzbekiston Respublikasi tomonidan jalb etiladigan davlat maqsadli jamgʻarmalari, xorijiy kreditlar, zayom va grantlar mablagʻlaridan samarali foydalanilishi ustidan tizimli nazoratni amalga oshiradi;

loyihalarni roʻyobga chiqarish jarayonining tizimli tahlili asosida xulosalar tayyorlaydi va ularning kamchiliklarni bartaraf etish uchun loyiha boshqaruv guruhlariga yuboradi;

Oʻzbekiston Respublikasi Davlat budjeti, davlat maqsadli jamgʻarmalari, Oʻzbekiston Respublikasi tomonidan jalb etiladigan xorijiy kreditlar, zayom va grantlar mablagʻlari hisobidan amalga oshiriladigan davlat va hududiy dasturlar tadbirlari moliyalashtirilishini ochish uchun xulosa beradi;

loyiha boshqaruv guruhlari rahbarlari va ijrochilari ishlarining sifatini baholaydi hamda ularning egallab turgan lavozimiga munosibligi masalasini koʻrib chiqish haqida takliflar kiritadi;

d¹) budjet tizimi budjetlari mablagʻlarining tushumi va sarflanishini tahlil qilish sohasida:

budjet, soliq va bojxona qonunchiligini, shu jumladan, ularning xalqaro normalar va standartlarga muvofiqligi nuqtai nazaridan tahlil qilish;

taqdim qilingan soliq va bojxona imtiyozlari hamda preferensiyalarining qoʻllanilishini oʻrganish;

soliq va bojxona toʻlovlari yigʻilishi, shuningdek, ularning tadbirkorlik faolligiga taʼsirini oʻrganish;

davlat mulkidan daromadlarni, shu jumladan, aksiyadorlik jamiyatlari va masʼuliyati cheklangan jamiyatlardagi davlat ulushlari boʻyicha dividendlar toʻlanishini tahlil qilish;

budjet, soliq va bojxona qonunchiligi va maʼmuriyatchiligini takomillashtirish, shu jumladan, soliq va boshqa majburiy toʻlovlar stavkalarini oʻzgartirish, soliq va bojxona imtiyozlari hamda preferensiyalarini taqdim qilish yoki bekor qilish boʻyicha loyihalarni tayyorlash va belgilangan tartibda kiritish.

ilgʻor xorijiy tajribani oʻrganish asosida davlat organlari va boshqa tashkilotlarda zamonaviy texnologiyalarni joriy etish konsepsiyasi ishlab chiqilishi hamda har tomonlama tahlil etilishini taʼminlaydi;

loyiha faoliyatini amalga oshirishda loyiha boshqaruvining ilgʻor uslublarini va tegishli axborot texnologiyalarini joriy etish masalalarini koʻrib chiqadi;

texnik reglamentlarni va narx (smeta)larni shakllantirishning amaldagi standartlarini tahlil qiladi hamda ularni takomillashtirish boʻyicha takliflar tayyorlaydi;

taklif etilayotgan asbob-uskunalar va texnologiyalarning texnik hamda texnologik koʻrsatkichlariga mos ravishda investitsiya loyihalarining qiymati va iqtisodiy jihatdan maqsadga muvofiqligini baholaydi;

investitsiya loyihalarini amalga oshirish doirasida texnik va texnologik qarorlar boʻyicha optimallashtirishda ishtirok etadi;

oʻz vakolati doirasida aniqlangan qonun hujjatlari talablari buzilishini bartaraf etishga qaratilgan choralarni koʻradi, shuningdek, aybdor shaxslarni javobgarlikka tortish boʻyicha takliflar kiritadi;

Yagona milliy axborot tizimi bilan integratsiya qilish maqsadida davlat organlari va boshqa tashkilotlar tomonidan sotib olinadigan axborot tizimlari va asbob-uskunalar xususiyatlarini ishlab chiqishga texnik topshiriqlarni kelishadi;

davlat organlari va boshqa tashkilotlar faoliyatida axborot-kommunikatsiya texnologiyalarini joriy etish va ulardan foydalanish holati oʻrganilishini tashkil etadi hamda muvofiqlashtiradi;

axborot tizimlari foydalanuvchilarini texnik jihatdan qoʻllab-quvvatlaydi va ularga maslahatlar beradi, axborot tizimlarini ishlab chiqish va joriy etish jarayonining samaradorligini oshirish, foydalanuvchilarning ish joylarida axborot tizimlarini joylashtirish, ishlab chiqilayotgan axborot tizimlarining sifatini taʼminlash choralarini koʻradi;

server taʼminotining apparat qismini sozlaydi, ekspluatatsiyaga kiritadi va ishlab turishini taʼminlaydi, serverning funksional vazifasidan qatʼi nazar, operativ tizim darajasida serverlarni, shuningdek, muayyan server xizmatlari va funksional vazifalari boʻyicha unga ilovalarni boshqaradi;

davlat organlari va boshqa tashkilotlarda loyiha boshqaruv tizimining joriy etilishi va ishlash darajasini monitoring qiladi;

loyiha boshqaruvi boʻyicha oʻquv-uslubiy materiallarni shakllantiradi va dolzarbligini taʼminlaydi, ularning davlat organlari va boshqa tashkilotlarga yetkazilishini taʼminlaydi;

davlat organlari va boshqa tashkilotlarning oʻziga xos xususiyatlarini hisobga oluvchi loyiha boshqaruvi modellarini ishlab chiqadi;

loyiha faoliyati ishtirokchilari — loyiha boshqaruvi guruhlari uchun loyiha vakolatlari tizimini ishlab chiqadi;

loyiha boshqaruvi masalalari boʻyicha davlat organlari va boshqa tashkilotlar mansabdor shaxslari hamda xodimlari oʻqishini tashkil etadi;

loyiha boshqaruvi sohasida davlat organlari va boshqa tashkilotlar xodimlari tajriba toʻplashi va kasbiy tayyorgarlik darajasini oshirish, shuningdek, tegishli kadrlar zaxirasini shakllantirish boʻyicha ishlarni muvofiqlashtiradi;

kadrlar tayyorlash va qayta tayyorlash, tinglovchilar oʻrtasida loyiha boshqaruv konsepsiyasini ommalashtirish yuzasidan qoʻshma tadbirlarni tashkil etish masalalari, yosh professionallarni uzoq muddatli qoʻllab-quvvatlashni taʼminlash mexanizmlarini hamda oʻrta va oliy kasbiy taʼlim tizimini takomillashtirishga oid tavsiyalar ishlab chiqish boʻyicha taʼlim muassasalari bilan oʻzaro hamkorlik qiladi;

xodimlarning kasbiy attestatsiya tizimi rivojlanishiga koʻmaklashadi, loyiha boshqaruvi guruhlari xodimlarining kasbiy attestatsiyasini oʻtkazadi;

loyiha boshqaruvi sohasida normativ-huquqiy hujjatlarni va texnik hujjatlarni eʼlon qiladi.

k) investitsiya aktivlarining ishonchli boshqaruvchilari va davlatning ishonchli vakillarining davlat mulkini samarali boshqarish boʻyicha faoliyatining natijadorligi monitoringini olib borish sohasida:

muassislar (aksiyadorlar, qatnashchilar) va ishonchli boshqaruvchilar tomonidan taqdim etiladigan hisobotlar va axborot, shu jumladan idoralararo elektron hujjat aylanishi vositasida olinadigan hisobotlar asosida davlat kompaniyalarining moliya-xoʻjalik faoliyatini tahlil qiladi, davlat kompaniyalarining biznes-rejasi parametrlari muntazam ravishda bajarilmagan taqdirda esa, ijro etuvchi organi tarkibini almashtirish tashabbusi bilan chiqadi;

auditorlik tashkilotlari tomonidan taqdim etilgan hujjatlarni koʻrib chiqish yakunlari boʻyicha davlat kompaniyalarida tashqi auditni oʻtkazish uchun auditorlik tashkilotlari tanlovini amalga oshiradi va tasdiqlaydi;

davlat kompaniyasi moliya-xoʻjalik faoliyatini auditorlik tekshirish yoki ular faoliyatining maxsus masalasi boʻyicha auditorlik tekshirishini oʻtkazish tashabbusi bilan chiqadi;

davlat kompaniyalari ijro etuvchi organi va kuzatuv kengashi rahbarlarining korporativ boshqarishning sifatli tizimini joriy etish boʻyicha hisobotlarini Agentlikda vaqti-vaqti bilan eshitishni tashkil etadi;

har chorakda davlat kompaniyalari, shuningdek ishonchli boshqaruvchilar faolitini samaradorligi haqida tahliliy materialllar tayyorlaydi;

l) davlat kompaniyalarining davlat paketlari (ulushlari) boʻyicha, shu jumladan, ularni davlatning ishonchli vakillariga, boshqaruvchi kompaniyalarga va xoʻjalik boshqaruvi organlariga ishonchli boshqaruvga berish yoʻli bilan aksiyador (qatnashchi)ning huquqlarini roʻyobga chiqarish sohasida:

qonun hujjatlariga muvofiq Oʻzbekiston Respublikasi nomidan aksiyalarning davlat paketi (ulushlari) boʻyicha davlat kompaniyalarining aksiyadori (qatnashchisi) huquqini amalga oshiradi, shuningdek ushbu huquqlarni ishonchli boshqaruvchilarga beradi;

davlat kompaniyalari, shu jumladan, chet eldagi joylashganlari, boshqaruv organlarida oʻziga egalik qilish va foydalanish uchun berilgan aksiyalarning davlat paketlari (ulushlar) boʻyicha aksiyador (qatnashchi) sifatida davlat manfaatlarini ifodalaydi;

tanlov asosida aksiyalarning davlat paketlarini (ulushlarini) ishonchli boshqaruvga beradi, ularni davlatning ishonchli vakillariga, davlat va xoʻjalik boshqaruvi organlariga berish hollari bundan mustasno;

davlat kompaniyalaridagi davlat ulushini boshqarish boʻyicha ishonchli boshqaruvchilar bilan, qonun hujjatlarida nazarda tutilgan hollarda esa, boshqa yuridik shaxslar bilan shartnomalar tuzadi;

davlat kompaniyalari aksiyadorlari (qatnashchilari) umumiy majlisida ishtirok etish uchun ishonchli boshqaruvchilarga, davlat vakillariga va Agentlik xodimlariga ishonchnomalar beradi;

davlat kompaniyalari boshqaruv organlari majlislari kun tartibi masalalari yuzasidan ovoz berish siyosati boʻyicha ishonchli boshqaruvchilarga va davlat vakillariga koʻrsatmalar beradi;

m) davlat kompaniyalari faoliyati samaradorligini, birinchi navbatda, ishlab chiqarishni modernizatsiyalash va texnik jihatdan qayta jihozlash, mahsulot tannarxini pasaytirish, mehnat unumdorligini oshirish, sifatni boshqarishning zamonaviy tizimlarini joriy etish hisobiga oshirish yuzasidan chora-tadbirlar kompleksini ishlab chiqish va ularni amalga oshirishda qatnashish sohasida:

davlat mulkini boshqarish masalalari boʻyicha qonun hujjatlarida belgilangan tartibda davlat organlari bilan oʻzaro hamkorlik qiladi;

davlat kompaniyalari moliya-xoʻjalik faoliyatini tahlil qiladi, shuningdek ularni moliyaviy sogʻlomlashtirish choralarini koʻradi;

davlat kompaniyalarining samarali biznes-rejalari ishlab chiqilishiga koʻmaklashadi va ularning parametrlari bajarilishi monitoringini olib boradi;

aksiyadorlik jamiyatlarini boshqarishda aksiyadorlar va kuzatuvchi kengashlarning rolini tubdan oshirishga, minoritar aksiyadorlarning huquqlarini himoya qilishni taʼminlashga, davlat kompaniyalarining moliya-xoʻjalik faoliyati natijalari yuzasidan ijro etuvchi organlarning aksiyadorlar oldidagi javobgarligini kuchaytirishga yoʻnaltirilgan korporativ boshqarish tizimini yanada takomillashtirish chora-tadbirlarini koʻradi;

davlat kompaniyalarini samarali boshqarishni taʼminlash uchun ularni korporativ boshqarishning eng yaxshi ilgʻor tajribasini joriy etish ishlarini olib boradi;

davlat kompaniyalari faoliyatining iqtisodiy samaradorligini, shu jumladan, ularning moliyaviy natijalarini oshirish choralarini koʻradi;

ishlab chiqarishni modernizatsiyalash, texnologik qayta jihozlash va kengaytirish jarayonlariga zarur investitsiyalarni jalb etish uchun davlat kompaniyalarining qimmatli qogʻozlarini chiqarish tashabbusi bilan chiqish orqali fond bozorining rivojlanishiga koʻmaklashadi;

davlat aktivlarini boshqarish samaradorligini oshirish, korporativ boshqarishni rivojlantirish sohasida konsalting xizmatlari koʻrsatadi;

soliqlar va boshqa majburiy toʻlovlar boʻyicha Oʻzbekiston Respublikasining Davlat budjeti, davlat maqsadli jamgʻarmalariga, ish haqi va dividendlar boʻyicha muddati oʻtgan qarzdorlik vujudga kelganda, shuningdek biznes-reja boʻyicha asosiy parametrlar ketma-ket ikki chorak davomida bajarilmagan hollarda davlat kompaniyasining kuzatuv kengashiga davlat kengashining ijro etuvchi organi bilan mehnat munosabatlarini davom ettirish maqsadga muvofiqligi toʻgʻrisidagi masalani kiritadi;

mahalliy davlat hokimiyati organlari bilan birgalikda rivojlangan mamlakatlarning ilgʻor tajribalarini joriy etish, davlat kompaniyalari, davlatning ishonchli vakillari, investitsiya aktivlarini ishonchli boshqaruvchilarning bilim darajasi va boshqaruv qobiliyatini oshirish yoʻli bilan korporativ boshqaruv va davlat aktivlarini samarali boshqarishni rivojlantirish bilan bogʻliq kurslar, seminarlar, “davra suhbatlari” va boshqa tadbirlar tashkil etadi;

korporativ boshqaruv tizimini takomillashtirish va davlat kompaniyalarini boshqarish samaradorligini oshirishga yoʻnaltirilgan tadbirlar boʻyicha takliflar tayyorlaydi;

davlat aktivlarini samarali boshqarish, korporativ boshqaruvning zamonaviy metodlarini joriy etish, menejment sifatini oshirish boʻyicha, shuningdek davlat kompaniyalaridagi davlat vakillarining faoliyatini tartibga soluvchi normativ-huquqiy hujjatlar loyihalarini tayyorlashda ishtirok etadi;

davlat kompaniyalariga ularning rivojlanishida koʻmaklashadi.

9. Agentlik, shuningdek, quyidagi funksiyalarni amalga oshiradi:

amaldagi qonun hujjatlari hamda huquqni qoʻllash amaliyotini huquqiy kolliziyalar, takrorlovchi va korrupsiyaga oid normalarni chiqarib tashlash yuzasidan tanqidiy tahlil qiladi, ularni bartaraf etish boʻyicha takliflar kiritadi;

loyiha boshqaruvi sohasida normativ-huquqiy hujjatlarning ijrosi ustidan monitoring va nazoratni taʼminlaydi;

strategik milliy tashabbuslarni shakllantirish orqali investitsiya iqlimini yaxshilash choralarini koʻradi;

ekspert biznes hamjamiyati bilan birgalikda ishchanlik muhiti va investitsiya iqlimini yaxshilashga qaratilgan qonun hujjatlarini takomillashtirish boʻyicha takliflar tayyorlaydi hamda Oʻzbekiston Respublikasi Prezidentiga koʻrib chiqish uchun kiritadi.

10. Agentlik quyidagi huquqlarga ega:

davlat organlari va boshqa tashkilotlardan Agentlik zimmasiga yuklatilgan vazifalarni bajarish uchun zarur boʻlgan material va maʼlumotlarni belgilangan tartibda soʻrab olish;

davlat organlari va boshqa tashkilotlar faoliyatida davlat va hududiy dasturlar, investitsiya loyihalari amalga oshirilishi masalalari boʻyicha tekshirishlar oʻtkazish;

ustav fondi (kapitali)da davlat ulushi boʻlgan aksiyadorlik jamiyatlari va masʼuliyati cheklangan jamiyatlar faoliyatini davlat ulushi boʻyicha dividendlar toʻlanishi masalalari boʻyicha tahlil qilish;

Agentlik zimmasiga yuklatilgan vazifalarni bajarish doirasida davlat organlari va boshqa tashkilotlar, nodavlat notijorat tashkilotlar, yetakchi loyiha institutlari, ilmiy-taʼlim muassasalari, shuningdek, xalqaro tashkilotlar, chet el kompaniyalarining yuqori malakali xodimlarini va mutaxassislarni jalb qilish;

investitsiya loyihalarining DTIA/TIA, DTIH/TIHlari sifatli ishlab chiqilishi va ekspertizadan oʻtkazilishi, shuningdek, oʻz vaqtida oldinga yuritilishini taʼminlash masalalarini koʻrib chiqish uchun vakolatli ekspertiza organlari va boshqa tashkilotlarning xodimlarini taklif etish;

belgilangan tartibda noshirlik faoliyatini amalga oshirish, axborot materiallari, davriy nashrlar va boshqa bosma mahsulotlarni chiqarish hamda tarqatish.

Agentlik qonun hujjatlariga muvofiq boshqa huquqlarga ham ega boʻlishi mumkin.

10¹. Dasturni amalga oshirish doirasida Agentlikka davlat kompaniyalariga nisbatan quyidagi huquqlar beriladi:

Dasturga muvofiq davlat kompaniyalarining tashabbuslarini ishlab chiqish va joriy etish;

zarur hollarda davlat organlari, jumladan huquqni muhofaza qilish organlari, boshqa davlat tashkilotlari va davlat kompaniyalaridan Agentlikka yuklatilgan vazifa va funksiyalarni bajarish uchun zarur boʻlgan axborot va materiallarni, shu jumladan, tijorat, bank, soliq sirlarini va boshqa cheklangan axborotlarni oʻz ichiga oluvchi maʼlumotlarni soʻrash va olish;

qoʻyilgan vazifalarni tezkor hal qilish uchun ilmiy-tadqiqot, auditorlik, advokatlik, konsalting va boshqa tashkilotlarni, korporativ boshqaruv, menejment, moliya va qimmatli qogʻozlar sohasida ish tajribasiga ega boʻlgan mustaqil ekspertlar va mutaxassislarni belgilangan tartibda jalb qilish;

davlat kompaniyalari faoliyatini, jumladan muvaffaqiyatli oʻtgan milliy va xalqaro tajriba asosida davlat ularning tashabbuslarining amalga oshirilishi nuqtai nazaridan doimiy tahlil qilib borish;

korporativ boshqaruvning samarali tizimini, jumladan biznes-jarayonlarni takomillashtirish, asosiy ishlab chiqarish, maʼmuriy va operativ jarayonlarni optimallashtirish, zamonaviy menejment va resurslarni boshqarishni joriy etish orqali yoʻlga qoʻyish;

davlat mulkini, zarur holda joyiga chiqqan holda, xatlovdan oʻtkazish va undan foydalanish samaradorligini monitoring qilish;

davlat organlari va tashkilotlari orasidan davlat kompaniyalarining kuzatuv kengashlariga nomzodlarni tanlash;

oʻz vakolatlari doirasida davlat kompaniyalarining ustav fondidagi davlat aksiyalari paketini (ulushini) oʻzgartirish boʻyicha buyruqlar chiqarish;

ishonchli boshqaruvchilarga davlatning aksiyador (ishtirokchi) sifatidagi huquqlari buzilishini va (yoki) uning oqibatlarini bartaraf etish toʻgʻrisida, dastlabki holatni tiklash toʻgʻrisida bajarilishi majburiy boʻlgan koʻrsatmalar berish, shuningdek ularning ijrosini nazorat qilish;

davlat kompaniyalarining ustav fondidagi davlat ishtirokini optimallashtirish boʻyicha takliflar kiritish.

11. Agentlik oʻziga yuklangan vazifalar va funksiyalarning samarali bajarilishi uchun javob beradi.

12. Agentlik har oyda loyiha boshqaruvi doirasida quyidagilarni aks ettiradigan monitoring natijalarini Oʻzbekiston Respublikasi Prezidentiga koʻrib chiqish uchun kiritadi:

investitsiya loyihalarini amalga oshirishda aniqlangan kamchilik va nuqsonlar hamda ularni bartaraf etish boʻyicha koʻrilgan chora-tadbirlar;

investitsiya sohasidagi qonun hujjatlarini takomillashtirish orqali investitsiya iqlimini yaxshilash boʻyicha aniq takliflar;

Investitsiya dasturi doirasida taqdim etilgan imtiyoz va preferensiyalardan maqsadsiz hamda samarasiz foydalanganlik boʻyicha aniqlangan holatlar;

davlat xaridlari boʻyicha narxlar oshishining oldini olish yuzasidan qilingan ishlar natijalari.

13. Agentlikka Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan direktor rahbarlik qiladi.

14. Agentlik direktorining oʻrinbosarlari Oʻzbekiston Respublikasi Prezidenti bilan kelishilgan holda Agentlik direktori tomonidan lavozimga tayinlanadi va lavozimdan ozod etiladi.

15. Agentlik direktori maqomi, tibbiy va transport taʼminoti shartlari boʻyicha Oʻzbekiston Respublikasi Prezidentining Davlat maslahatchisiga, direktor oʻrinbosarlari esa Oʻzbekiston Respublikasi Prezidentining Davlat maslahatchisi oʻrinbosariga tenglashtiriladi.

Agentlik direktori va xodimlari mehnatiga haq toʻlash shartlari Oʻzbekiston Respublikasi Loyiha boshqaruvining yagona milliy axborot tizimini joriy etish boʻyicha Muvofiqlashtiruvchi kengash tomonidan belgilanadi.

16. Agentlik faoliyati Oʻzbekiston Respublikasining Davlat budjeti mablagʻlari va qonun hujjatlarida taqiqlanmagan boshqa mablagʻlar hisobidan moliyalashtiriladi.

17. Agentlik direktori:

Agentlik faoliyatiga umumiy rahbarlikni amalga oshiradi hamda Agentlikka yuklatilgan vazifa va funksiyalarning bajarilishi boʻyicha shaxsan javob beradi;

zarurat boʻlganda, Agentlik tuzilmasiga oʻzgartirishlar kiritish.

Agentlikning shtatlar jadvali va xarajatlar smetasini tasdiqlaydi;

Agentlikning tarkibiy tuzilmalari toʻgʻrisidagi nizomlarni tasdiqlaydi;

Agentlik xodimlarining lavozim vazifalarini tasdiqlaydi;

Agentlik xodimlarini belgilangan tartibda lavozimga tayinlaydi va lavozimdan ozod qiladi;

oʻz vakolati doirasida Agentlik xodimlari tomonidan bajarilishi majburiy boʻlgan buyruqlar va farmoyishlar chiqaradi hamda koʻrsatmalar beradi.

Direktor qonun hujjatlariga muvofiq boshqa vakolatlarni ham amalga oshiradi.