|
Hujjat kuchini yo‘qotgan " " 22.02.2021
|
Oʻzbekiston Respublikasi Vazirlar Mahkamasining
qarori
ELEKTR ENERGIYASI UChUN OLDINDAN HAQ TOʻLASh TIZIMIGA EGA BOʻLGAN ELEKTR ENERGIYASI ELEKTRON HISOBLAGIChLAR IShLAB ChIQARIShNI TAShKIL ETISh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Elektr energiyasi uchun hisob-kitoblarni yaxshilash, elektron elektr hisoblagichlarni respublikada ishlab chiqarishni tashkil etish, elektr energiyasi uchun oldindan haq toʻlash tizimini joriy etish, shuningdek, respublikaning eksport salohiyatini oshirish maqsadida Vazirlar Mahkamasi qaror qiladi:
1. Quyidagilarga:
“Oʻzeltexsanoat” uyushmasining Isroilning “MRK Family LTD”, “NISCO” va “Balshin” kompaniyalari bilan elektr energiyasi uchun oldindan haq toʻlash tizimiga ega boʻlgan elektron elektr hisoblagichlar ishlab chiqarish, montaj qilish va xizmat koʻrsatish boʻyicha qoʻshma korxona tashkil etish toʻgʻrisidagi;
Oʻzbekiston Respublikasi Energetika va elektrlashtirish vazirligi hamda “Oʻzeltexsanoat” uyushmasining Toshkent shahrida elektr energiyasi uchun oldindan haq toʻlash tizimiga ega boʻlgan 100 ta elektron elektr hisoblagichlarni oʻrnatish va foydalanish boʻyicha eksperiment oʻtkazish toʻgʻrisidagi taklifiga rozilik berilsin.
2. “Oʻzeltexsanoat” uyushmasi va Oʻzbekiston Respublikasi Energetika va elektrlashtirish vazirligi elektr energiyasi uchun oldindan haq toʻlash tizimiga ega boʻlgan elektron elektr hisoblagichlar va ularga dastur tuzuvchi qurilmalar ishlab chiqarishni tashkil etish loyihasining texnika-iqtisodiy asoslarini ishlab chiqarishni mahalliylashtirishni va valyuta bilan oʻz xarajatini oʻzi taʼminlashni nazarda tutgan holda ikki oy muddatda ishlab chiqsin va belgilangan tartibda ekspertizaga taqdim etsin.
3. Tashkil etilayotgan Oʻzbekiston — Isroil qoʻshma korxonasi dastlabki ustav jamgʻarmasining miqdori 2 mln AQSh dollarini tashkil etishi va quyidagi tartibda taqsimlanishi maʼlumot uchun qabul qilinsin:
uning 70 foizini yoki 1,4 mln AQSh dollarini Isroil “MRK Family LTD”, “NISCO” va “Balshin” kompaniyalarining pul mablagʻlari, elektron elektr hisoblagichlar, dastur tuzuvchi qurilmalar, nazorat-sinash uskunasi va 100 ta elektron elektr hisoblagichlar tarzidagi badali tashkil etadi;
uning 30 foizini yoki 0,6 mln AQSh dollarini “Oʻzeltexsanoat” uyushmasining asosiy va aylanma mablagʻlar tarzidagi badali tashkil etadi.
4. Oʻzbekiston Respublikasi Energetika va elektrlashtirish vazirligi Toshkent shahar hokimligi hamda “Oʻzeltexsanoat” uyushmasi bilan birgalikda Toshkent shahrida yilning yoz va qish davri sharoitlarida elektron elektr hisoblagichlar va elektr energiyasi uchun oldindan haq toʻlash tizimidan foydalanish boʻyicha eksperiment oʻtkazilishini taʼminlasin.
5. “Oʻzeltexsanoat” uyushmasi Oʻzbekiston Respublikasi Makroiqtisodiyot va statistika vazirligi bilan kelishgan holda texnika-iqtisodiy asoslar loyihasi tasdiqlangandan soʻng uch oy muddatda 2001—2005-yillarda respublika korxonalarida butlovchi qismlarning kamida 60 foizini ishlab chiqarishni mahalliylashtirishning mukammal dasturini ishlab chiqsin va tasdiqlasin.
Oldingi tahrirga qarang.
(6-band Oʻzbekiston Respublikasi Vazirlar Mahkamasining 2013-yil 12-martdagi 71-sonli qaroriga asosan oʻz kuchini yoʻqotgan — OʻR QHT, 2013-y., 11-son, 143-modda)
Oldingi tahrirga qarang.
7. “Oʻzstandart” agentligi “MRK Family LTD” “NISCO” va “Balshin” kompaniyalari tomonidan keltiriladigan asbob-uskunalar va butlovchi qismlar belgilangan tartibda sertifikatsiyalanishni taʼminlasin.
(7-band Oʻzbekiston Respublikasi Vazirlar Mahkamasining 2003-yil 13-yanvardagi 14-son qarori tahririda — OʻR QHT, 2003-y., 1-2-son, 9-modda)
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.Y. Atayev zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2000-yil 29-iyun,
248-son
