Hujjat kuchini yo‘qotgan " " 05.07.2022
Hujjat 10.07.2017 00 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Oʻzbekiston Respublikasi ichki ishlar organlarida xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga bir martalik nafaqa tayinlash tartibi toʻgʻrisidagi nizomni tasdiqlash haqida
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2022-yil 4-iyuldagi 354-sonli “Oʻzbekiston Respublikasi ichki ishlar organlari va Milliy gvardiyasining shaxsiy tarkibi hamda ularning oila aʼzolarini ijtimoiy himoya qilish tizimini tartibga solish toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasining “Ichki ishlar organlari toʻgʻrisida”gi Qonuniga muvofiq ichki ishlar organlari xodimlariga va ularning oila aʼzolariga ijtimoiy yordam koʻrsatish maqsadida Vazirlar Mahkamasi qaror qiladi:
1. Oʻzbekiston Respublikasi ichki ishlar organlarida xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga bir martalik nafaqa tayinlash tartibi toʻgʻrisidagi nizom ilovaga muvofiq tasdiqlansin.
2. Manfaatdor vazirliklar va idoralar bir oy muddatda oʻz normativ-huquqiy hujjatlarini ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 1-iyul,
452-son
Vazirlar Mahkamasining 2017-yil 1-iyuldagi 452-son qaroriga
ILOVA
Oʻzbekiston Respublikasi ichki ishlar organlarida xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga bir martalik nafaqa tayinlash tartibi toʻgʻrisida
NIZOM
1-bob. Umumiy qoidalar
Ushbu Nizom Oʻzbekiston Respublikasi ichki ishlar organlarida xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga bir martalik nafaqalar (keyingi oʻrinlarda nafaqa deb yuritiladi) miqdori va tartibini belgilaydi.
1. Ushbu Nizom:
ichki ishlar organlari xodimlariga;
Oʻzbekiston Respublikasi Ichki ishlar vazirligi (keyingi oʻrinlarda Vazirlik deb yuritiladi) harbiy xizmatchilariga;
Vazirlik tizimiga kiruvchi taʼlim muassasalarida tahsil olayotgan kursant va tinglovchilarga;
xizmat majburiyatlarini bajarish chogʻida halok boʻlgan xodimlarning oila aʼzolariga nisbatan tatbiq etiladi.
2. Ichki ishlar organlari xodimi, harbiy xizmatchisi va Vazirlik tizimiga kiruvchi taʼlim muassasalarida tahsil olayotgan kursant va tinglovchilar (keyingi oʻrinlarda xodim deb yuritiladi) xizmat majburiyatlarini bajarayotgan vaqtda halok boʻlganda uning oila aʼzolariga marhumning oylik maoshining 100 baravarigacha boʻlgan miqdorda nafaqa tayinlanadi.
3. Xizmat majburiyatlarini bajarish chogʻida tan jarohati yetkazilgan xodimga:
ogʻir tan jarohati yetkazilganda oylik maoshining 50 baravarigacha boʻlgan miqdorda;
oʻrtacha ogʻir tan jarohati yetkazilganda oylik maoshining 20 baravarigacha boʻlgan miqdorda nafaqa tayinlanadi.
4. Ichki ishlar organlarida xizmat majburiyatlarini bajarish chogʻida tan jarohati yetkazilgan xodimlarga yoki halok boʻlganlarning oila aʼzolariga bir martalik nafaqa toʻlanishi ushbu Nizomga 1 va 2-ilovalarga muvofiq amalga oshiriladi.
5. Yengil tan jarohati yetkazilgan xodimga nisbatan nafaqa tayinlanmaydi.
6. Vazirlik tizimiga kiruvchi taʼlim muassasalarida tahsil olayotgan kursant va tinglovchilar xizmat majburiyatlarini bajarish chogʻida tan jarohati yetkazilganda yoki halok boʻlganda ushbu Nizomning 2 va 3-bandlarida koʻrsatib oʻtilgan miqdorlarda stipendiya va ega boʻlgan maxsus (harbiy) unvon maoshi yigʻindisi miqdoridan kelib chiqib nafaqa hisoblanadi.
7. Vazirlikning Maxsus vazifalarni bajaruvchi safarbarlik otryadlari faoliyatini muvofiqlashtirish boʻlimi va joylardagi ushbu otryadlarning xodimlari hamda Portlatish qurilmalari va portlash xavfi boʻlgan predmetlarni aniqlash, zararsizlantirish va yoʻq qilish boʻyicha maxsus otryadi xodimlari xizmat majburiyatlarini bajarayotgan vaqtda halok boʻlganda oila aʼzolariga yoki ogʻir, oʻrtacha ogʻir tan jarohati yetkazilganda ularga nafaqa miqdorlari qonun hujjatlariga muvofiq belgilanadi.
Keyingi tahrirga qarang.
8. Nafaqa tayinlashga nisbatan daʼvo muddati talablarining qoʻllanilishi Oʻzbekiston Respublikasining Fuqarolik kodeksiga muvofiq amalga oshiriladi.
2-bob. Nafaqani rasmiylashtirish
9. Xodim xizmat majburiyatlarini bajarish chogʻida tan jarohati yetkazilgan holat yuz berganda bevosita uning rahbari yoki oʻrinbosari tashabbusi bilan xolislar ishtirokida ushbu Nizomga 3-ilovaga muvofiq yetkazilgan tan jarohati boʻyicha darhol dalolatnoma (keyingi oʻrinlarda dalolatnoma deb yuritiladi) rasmiylashtiriladi.
10. Dalolatnomani rasmiylashtirishda voqea tafsilotlari aniq va xolisona bayon etilishiga, shuningdek tan jarohatining xizmat majburiyatlarini bajarish bilan bogʻliq holda yuz berganligiga alohida eʼtibor qaratiladi.
11. Dalolatnoma tan jarohati yetkazilgan xodim, rahbari yoxud rahbarning oʻrinbosari, voqea guvohi boʻlgan xodimlar yoki fuqarolar, voqea sodir boʻlgan hududdagi ichki ishlar organi rahbari, harbiy qism komandiri, Vazirlik tizimiga kiruvchi taʼlim muassasasi rahbari tomonidan imzolanadi hamda gerbli muhr bilan tasdiqlanadi.
12. Voqea sodir boʻlgan hududdagi ichki ishlar organi rahbari tomonidan yuqori turuvchi ichki ishlar organiga yoki harbiy qism komandiri yoxud Vazirlik tizimiga kiruvchi taʼlim muassasasi rahbari tomonidan Vazirlik rahbariyatiga yuz bergan holat yuzasidan zudlik bilan dastlabki axborot beriladi.
13. Xodimning halok boʻlishi yoxud tan jarohati yetkazilishining holati va sabablarini surishtirish uchun tegishli ichki ishlar organi rahbari yoki harbiy qism komandiri yoki Vazirlik tizimiga kiruvchi taʼlim muassasasi rahbarining yozma koʻrsatmasiga asosan xizmat tekshiruvi tayinlanadi.
14. Xizmat tekshiruvi belgilangan tartibda tegishli ichki ishlar organi yoki sohaviy xizmat mansabdor shaxslari, harbiy qismning boʻlim va boʻlinma boshliqlari yoxud Vazirlik tizimiga kiruvchi taʼlim muassasasining masʼul xodimlari tomonidan oʻtkaziladi. Bunda xizmat tekshiruvini oʻtkazayotgan masʼul xodimlar xodimning halok boʻlishi yoxud tan jarohati yetkazilishi uning xizmat majburiyatlarini bajarishi bilan bogʻliqligiga, xizmat intizomi va qonun talablari buzilmaganligiga alohida eʼtibor qaratishlari shart.
15. Xizmat tekshiruvi davomida surishtiruv yoki tergov harakatlarini olib borayotgan mansabdor shaxs yoxud harbiy qism komandiri tomonidan xodimga yetkazilgan tan jarohatining darajasini aniqlash uchun sud-tibbiy ekspertizasini tayinlash hamda harbiy-tibbiy komissiyaning xulosasini olish haqida qaror qabul qilinadi. Ekspert oldiga qoʻyiladigan savollar qatorida, xodimdan olinadigan qon namunasi tarkibida spirtli ichimliklar, giyohvandlik yoki psixotrop moddalar mavjudligini tekshirishga alohida eʼtibor qaratilishi lozim.
Keyingi tahrirga qarang.
16. Xizmat majburiyatlarini bajarish chogʻida tan jarohati yetkazilgan yoki halok boʻlgan xodimlarning xatti-harakatlarida huquqbuzarlik, xizmat intizomini buzish holatlari yoki xodimdan olinadigan qon namunasi tarkibida spirtli ichimliklar, giyohvandlik yoki psixotrop moddalar mavjudligi aniqlangan taqdirda, nafaqa tayinlashni rad etish masalasi koʻrib chiqiladi.
17. Har bir holat boʻyicha sud-tibbiy ekspertiza muassasasining tegishli xulosasi olinadi va barcha hujjatlar umumlashtirilgan holda xizmat tekshiruvini oʻtkazgan masʼul xodimlar tomonidan xizmat tekshiruvi natijasiga doir xulosa tuziladi. Mazkur xulosa xizmat tekshiruvini tayinlagan tegishli ichki ishlar organi rahbari yoki harbiy qism komandiri yoxud Vazirlik tizimiga kiruvchi taʼlim muassasasi rahbari tomonidan tasdiqlanadi.
18. Xodimning halok boʻlishi yoxud unga tan jarohati yetkazilishi:
lavozim majburiyatlarini bajarish va jangovar harakatlarda ishtirok etganda;
xizmatni (jangovar xizmatni) oʻtash vaqtida;
xizmat safarida yoki davolanishda boʻlganida;
kun tartibida belgilangan xizmat vaqti davomida yoki xizmat zarurati tufayli ichki ishlar organlari (harbiy qism) hududida boʻlganida;
xizmat, davolanish joyiga borish yoki ulardan qaytish vaqtida;
yigʻinlarda (harbiy yigʻinlarda) ishtirok etganda;
asirlikda boʻlish (oʻz ixtiyori bilan asirga tushish hollari bundan mustasno), garovga olingan yoki ushlab qurolsizlantirilgan holatda boʻlganida;
bedarak ketish — xodim qonunda belgilangan tartibda bedarak yoʻqolgan deb topilguniga yoki vafot etgan deb eʼlon qilinguniga qadar sodir boʻlganida;
shaxsning hayoti, sogʻligʻi, shaʼni va qadr-qimmatini himoya qilishga doir harakatlar vaqtida sodir boʻlganda;
qonuniylikni va huquq-tartibotni taʼminlashda boshqa shaxslarga yoki huquqni muhofaza qiluvchi organlarga yordam koʻrsatish vaqtida;
sud tomonidan xodimning shaxs, jamiyat va davlat manfaatlarini koʻzlab sodir etilgan deb topilgan boshqa harakatlarni bajarayotganda sodir boʻlgan boʻlsa xizmat majburiyatlarini bajarish bilan bogʻliq deb hisoblanadi.
3-bob. Nafaqani toʻlash shartlari
19. Xizmat tekshiruvi natijasiga doir xulosaga asosan xodimga tan jarohati yetkazilishi xizmat majburiyatlarini bajarish bilan bogʻliq deb topilsa, tegishli ichki ishlar organi rahbari yoki harbiy qism komandiri yoxud Vazirlik tizimiga kiruvchi taʼlim muassasasi rahbari belgilagan masʼul xodim tomonidan sodir etilgan voqea yuzasidan quyidagi hujjatlar toʻplanadi:
a) xodim va uning yaqin qarindoshlari toʻgʻrisida maʼlumot;
b) tan jarohat yetkazilganligi toʻgʻrisida dalolatnoma;
v) harbiy-tibbiy komissiya tomonidan berilgan maʼlumotnoma;
g) xizmat tekshiruvi natijasiga doir xulosa nusxasi;
d) sud-tibbiy ekspertiza muassasasining xulosasi nusxasi.
Agar yuz bergan holat boʻyicha vakolatli organning Oʻzbekiston Respublikasi Jinoyat-protsessual kodeksining 83-moddasiga muvofiq jinoyat ishini tugatish toʻgʻrisidagi qarori mavjud boʻlsa, masʼul xodim tomonidan ushbu qaror nusxasi ham tegishli hujjatlarga ilova qilinadi.
20. Xodim xizmat majburiyatlarini bajarish chogʻida halok boʻlgan boʻlsa, tegishli ichki ishlar organi rahbari yoki harbiy qism komandiri yoxud Vazirlik tizimiga kiruvchi taʼlim muassasasi rahbari belgilagan masʼul xodim tomonidan mazkur Nizomning 19-bandida nazarda tutilgan hujjatlarga qoʻshimcha ravishda quyidagi hujjatlar ham toʻplanadi:
a) xodimning oʻlimi haqidagi guvohnoma nusxasi;
b) merosxoʻrning shaxsini tasdiqlovchi hujjat hamda uning meros olish huquqi toʻgʻrisida notarial tasdiqlangan maʼlumotnoma nusxasi;
v) ichki ishlar organi rahbari yoki harbiy qism komandiri yoxud Vazirlik tizimiga kiruvchi taʼlim muassasasi rahbarining xodimni shaxsiy tarkib roʻyxatidan oʻchirish toʻgʻrisidagi buyrugʻidan koʻchirma.
21. Nafaqani tayinlash uchun toʻplangan barcha hujjatlar oʻn kun muddatda tuman, shahar va tarmoq ichki ishlar boʻlimi yoki boshqarmalari tomonidan tegishliligiga koʻra Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi yoki viloyat ichki ishlar boshqarmalarining Kadrlar boshqarmalariga yuboriladi. Mazkur hujjatlar ushbu organlarning Kadrlar boshqarmalari tomonidan toʻliq oʻrganilib, oʻn kun muddatda Vazirlikning Kadrlar bosh boshqarmasiga yuboriladi.
22. Qoraqalpogʻiston Respublikasi Ichki ishlar vazirligi yoki Toshkent shahar ichki ishlar bosh boshqarmasi yoxud viloyat ichki ishlar boshqarmalarining xodimlari xizmat majburiyatlarini bajarish chogʻida halok boʻlganda yoki tan jarohati yetkazilganda, tegishli sohaviy xizmatlar tomonidan xizmat tekshiruvi oʻtkaziladi va barcha hujjatlar xizmat tekshiruvi natijasiga doir xulosaga ilova qilingan holda besh kun muddatda Kadrlar boshqarmalariga taqdim etiladi. Ushbu hujjatlar tegishli Kadrlar boshqarmalari tomonidan toʻliq oʻrganib chiqilib, oʻn kun muddatda Vazirlikning Kadrlar bosh boshqarmasiga yuboriladi.
23. Harbiy qismlar tomonidan nafaqa tayinlash uchun toʻplangan barcha hujjatlar oʻn kun muddatda Vazirlikning Qorovul qoʻshinlari bosh boshqarmasiga, Ichki vazifalar qoʻshinlari Korpusiga yuboriladi va ushbu Bosh boshqarma hamda Korpus boshqarmasi tomonidan barcha hujjatlar oʻn kun muddatda oʻrganilgach, vazirlikning Kadrlar bosh boshqarmasiga taqdim etiladi.
Keyingi tahrirga qarang.
24. Vazirlik tizimiga kiruvchi taʼlim muassasalari tomonidan nafaqa tayinlash uchun toʻplangan barcha hujjatlar oʻn kun muddatda toʻgʻridan toʻgʻri Vazirlikning Kadrlar bosh boshqarmasiga yuboriladi.
25. Vazirlik Markaziy apparati xodimlari xizmat majburiyatlarini bajarish chogʻida halok boʻlganda yoki tan jarohati yetkazilganda, tegishli sohaviy xizmatlar tomonidan xizmat tekshiruvi oʻtkaziladi va barcha hujjatlar xizmat tekshiruvi natijasiga doir xulosaga ilova qilingan holda uch kun muddatda Vazirlikning Kadrlar bosh boshqarmasiga taqdim etiladi.
26. Agar yuz bergan holat yuzasidan jinoyat ishi qoʻzgʻatilgan boʻlsa, ushbu jinoyat ishi yakuni boʻyicha chiqarilgan hukm, ajrim va qarorlar qonuniy kuchga kirgan kundan boshlab toʻplangan hujjatlar belgilangan tartibda Vazirlikning Kadrlar bosh boshqarmasiga yuboriladi.
27. Nafaqani rasmiylashtirish uchun yuborilgan hujjatlar Vazirlikning Kadrlar bosh boshqarmasi tomonidan bir oy muddatda oʻrganib chiqiladi va nafaqa miqdorini aniq belgilab berish uchun Oʻzbekiston Respublikasi Ichki ishlar vaziriga ushbu Nizomga 4-ilovaga muvofiq shaklda bir martalik toʻlanadigan nafaqa boʻyicha taqdimnoma (keyingi oʻrinlarda taqdimnoma deb yuritiladi) kiritiladi.
28. Taqdimnomaning asl nusxasi Oʻzbekiston Respublikasi ichki ishlar vaziri tomonidan nafaqa miqdori aniq belgilangan holda tasdiqlanganidan soʻng Vazirlikning Kadrlar bosh boshqarmasi tomonidan ijro uchun xodimning soʻnggi xizmat yoki oʻqish joyiga, taqdimnomaning nusxalari esa maʼlumot va ijro uchun Vazirlikning Moliya va moddiy-texnika taʼminoti bosh boshqarmasiga va Tibbiyot boshqarmalariga yuboriladi.
29. Ushbu Nizomda nazarda tutilgan xarajatlar:
a) Oʻzbekiston Respublikasi Davlat budjeti mablagʻlaridan saqlanadigan ichki ishlar organlarida — budjet mablagʻlari hisobidan;
b) oʻz hisobidan moliyalashtiriladigan ichki ishlar organlarida — oʻz mablagʻlari hisobidan amalga oshiriladi.
30. Xizmat majburiyatlarini bajarish chogʻida xodim ogʻir yoki oʻrtacha ogʻir tan jarohati yetkazilganligi tufayli xizmatdan boʻshatilgandan soʻng, yetkazilgan tan jarohati tufayli bir yil ichida vafot etgan boʻlsa, uning oila aʼzolariga Oʻzbekiston Respublikasi Ichki ishlar vaziri tomonidan belgilangan miqdorda avvalgi toʻlangan nafaqa bilan xizmat majburiyatlarini bajarish chogʻida halok boʻlganda beriladigan nafaqa miqdori orasidagi farq toʻlanadi.
31. Bunday holat yuzasidan xizmat tekshiruvi oʻtkazilib, qoʻshimcha ravishda ushbu Nizomning 20-bandida nazarda tutilgan hujjatlar umumlashtirilib, 21 va 25-bandlarda belgilangan tartibda Vazirlikning Kadrlar bosh boshqarmasiga yuboriladi.
32. Muddatli harbiy xizmatchilarga xizmat majburiyatlarini bajarish chogʻida yetkazilgan tan jarohati uchun nafaqa ular muddatli harbiy xizmatdan boʻshatilgandan soʻng beriladi.
33. Nafaqa xodimning soʻnggi xizmat (oʻqish) joyidagi moliya xizmatlari tomonidan toʻlanadi.
34. Merosxoʻr voyaga yetmagan boʻlsa, nafaqa puli uning vasiy yoki homiysiga beriladi.
4-bob. Nafaqani rasmiylashtirish boʻyicha ishlarni nazorat qilish
35. Xodim — xizmat majburiyatlarini bajarish chogʻida tan jarohati yetkazilganda, shuningdek halok boʻlganda unga yoki uning oila aʼzolariga toʻlanadigan nafaqani rasmiylashtirish uchun toʻplangan barcha hujjatlar tegishli hududiy ichki ishlar organlarining Kadrlar boshqarmalari, harbiy qismlar va Vazirlik tizimiga kiruvchi taʼlim muassasalarining kadrlar boʻlimi va boʻlinmalari tomonidan xodimning shaxsiy hujjatlari yigʻma jildiga biriktiriladi.
36. Xizmat majburiyatlarini bajarish chogʻida tan jarohati yetkazilgan yoki halok boʻlgan xodimlar boʻyicha rasmiylashtirilgan hujjatlar hisoboti mazkur Nizomga 5-ilovaga muvofiq shaklda hududiy ichki ishlar organlarining Kadrlar boshqarmalari, harbiy qismlar va Vazirlik tizimiga kiruvchi taʼlim muassasalarining kadrlar boʻlimi va boʻlinmalari tomonidan moliya xizmatlari bilan kelishilgan holda tayyorlanadi va har chorak yakuni boʻyicha belgilangan tartibda Vazirlikning Kadrlar bosh boshqarmasiga yuboriladi.
37. Yuborilgan hisobotlar Vazirlikning Kadrlar bosh boshqarmasi tomonidan umumlashtiriladi va ushbu Nizomga 6 va 7-ilovalarga muvofiq shaklda bir martalik toʻlangan nafaqalar toʻgʻrisida hududlar va muassasalar boʻyicha hisobotlar tayyorlanadi.
5-bob. Yakunlovchi qoida
38. Ushbu Nizom talablarini buzganlikda aybdor boʻlgan shaxslar qonun hujjatlarida belgilangan tartibda javob beradi.
Keyingi tahrirga qarang.
Xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga nafaqa tayinlash tartibi toʻgʻrisidagi nizomga
1-ILOVA
Ichki ishlar organlarida xizmat majburiyatlarini bajarish chogʻida tan jarohati yetkazilgan xodimlarga bir martalik nafaqa tayinlash tartibi
SXEMASI
Keyingi tahrirga qarang.
Xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga nafaqa tayinlash tartibi toʻgʻrisidagi nizomga
2-ILOVA
Ichki ishlar organlarida xizmat majburiyatlarini bajarish chogʻida halok boʻlgan xodimlarning oila aʼzolariga bir martalik nafaqa tayinlash tartibi
SXEMASI
Keyingi tahrirga qarang.
Xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga nafaqa tayinlash tartibi toʻgʻrisidagi nizomga
3-ILOVA

“TASDIQLAYMAN” _____________________________________________
(ichki ishlar organi boshligʻi, harbiy qism komandiri yoki Vazirlik tizimiga kiruvchi taʼlim muassasasi rahbari)
_____________________________________________
(lavozimi, unvoni, F.I.O.) _____________________________________________
(imzosi gerbi muhr bilan tasdiqlanadi)

Etkazilgan tan jarohati boʻyicha _________-son

DALOLATNOMA

1. __________________________________________________________________________________________

(tan jarohati yetkazilgan xodimning lavozimi, unvoni, F.I.O., tugʻilgan yili)

____________________________________________________________________________________________
2. Tan jarohati yetkazilgan joy _________________________________________________________________
____________________________________________________________________________________________
3. Jarohatlangan (yaralanish, kontuziya, mayib boʻlgan) vaqt ___________________________________________
___________________________________________________________________________________________

(yil, kun, soat va minut)

4. Voqea tafsilotlari: ________________________________________________________________________
____________________________________________________________________________________________
____________________________________________________________________________________________
____________________________________________________________________________________________
____________________________________________________________________________________________
____________________________________________________________________________________________
5. Tan jarohati olishning sabablari: _____________________________________________________________
____________________________________________________________________________________________
____________________________________________________________________________________________
____________________________________________________________________________________________
6. Tan jarohati olishning sabablari va holatlari boʻyicha xulosa:_______________________________________
____________________________________________________________________________________________
____________________________________________________________________________________________
____________________________________________________________________________________________

Dalolatnomani tuzgan shaxslar:

1. __________________________________________________________________________________________
(fuqaroning aniq yashash manzili F.I.O., imzo)
2. __________________________________________________________________________________________
(egallab turgan lavozimi, unvoni, F.I.O., imzo)
3. __________________________________________________________________________________________
(egallab turgan lavozimi, unvoni, F.I.O., imzo)

Xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga nafaqa tayinlash tartibi toʻgʻrisidagi nizomga
4-ILOVA

Bir martalik toʻlanadigan nafaqa boʻyicha
TAQDIMNOMA

1. __________________________________________________________________________________________

(halok boʻlgan yoki tan jarohati yetkazilgan xodimning lavozimi, unvoni, F.I.O.)

2. __________________________________________________________________________________________
(holat yuz bergan vaqt va uning tafsilotlari)
____________________________________________________________________________________________
____________________________________________________________________________________________

3. __________________________________________________________________________________________

(Oʻzbekiston Respublikasi Sogʻliqni saqlash vazirligining sud-tibbiy ekspertiza muassasasi xulosasining qisqacha mazmuni)
____________________________________________________________________________________________
____________________________________________________________________________________________

4. __________________________________________________________________________________________
(xodimga yoki uning merosxoʻriga toʻlanishi tavsiya etilayotgan nafaqa miqdori)

Vazirlik Kadrlar bosh boshqarmasi boshligʻi oʻrinbosari (maxsus unvoni)


imzo


____________________________________

(F.I.O.)

R O Z I M A N

Vazirlik Tibbiyot boshqarmasi
boshligʻi (maxsus unvoni)


imzo
____________________________________

(F.I.O.)

Vazirlik Yuridik taʼminlash boshqarmasi boshligʻi (maxsus unvoni)


imzo
____________________________________

(F.I.O.)

Vazirlik Nazorat-taftish inspeksiyasi boshligʻi (maxsus unvoni)


imzo
____________________________________

(F.I.O.)

Vazirlik Moliya-iqtisod boshqarmasi boshligʻi (maxsus unvoni)


imzo
____________________________________

(F.I.O.)

Vazirlik Oʻz xavfsizligi boshqarmasi boshligʻi (maxsus unvoni)


imzo
____________________________________

(F.I.O.)

Q Oʻ Sh I L A M A N

Ichki ishlar vazirining
oʻrinbosari (maxsus unvoni)


imzo
____________________________________

(F.I.O.)

5. __________________________________________________________________________________________

(xodim yoki uning merosxoʻriga toʻlanishi Oʻzbekiston Respublikasi ichki ishlar vaziri tomonidan koʻrsatilgan nafaqa miqdori)

Oʻzbekiston Respublikasi ichki ishlar vaziri (maxsus unvoni)


imzo
____________________________________

(F.I.O.)

Xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga nafaqa tayinlash tartibi toʻgʻrisidagi nizomga
5-ILOVA
Bir martalik toʻlangan nafaqalar boʻyicha
HISOBOT

T/r

Xodim/harbiy xizmatchining maxsus/harbiy unvoni, F.I.O., oxirgi xizmat yoki oʻqish joyi va lavozimi


Xodim/harbiy xizmatchining halok boʻlishi, tan jarohati olishining aniq vaqti va qisqacha tafsiloti

Oʻzbekiston Respublikasi Sogʻliqni saqlash vazirligining sud-tibbiy ekspertiza muassasasi xulosasi, sanasi va raqami

Ichki ishlar organi rahbari /harbiy qism komandirining xodim/harbiy xizmatchini shaxsiy tarkib roʻyxatidan oʻchirish toʻgʻrisidagi buyrugʻining raqami va sanasi

Nafaqani olish huquqi berilgan xodim/harbiy xizmatchining merosxoʻri F.I.O., yashash joyi, pasportiga oid maʼlumotlar

Nafaqa toʻlangan sana va uning miqdori (aniq qoʻrsatiladi)

1.

2.

3.

4.

5.


Kadrlar boshqarmasi rahbari ______________________________________________________________


______________


________________

(maxsus unvoni, F.I.O.)

(imzo)

(sana)

Moliya-iqtisod boshqarmasi

(boʻlimi, boʻlinmasi) rahbari ______________________________________________________________


_____________


________________

(maxsus unvoni, F.I.O.)

(imzo)

(sana)

Xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga nafaqa tayinlash tartibi toʻgʻrisidagi nizomga
6-ILOVA
Bir martalik toʻlangan nafaqa toʻgʻrisida hududlar va muassasalar boʻyicha
HISOBOT

T/r

IIV-IIBB-IIB,

taʼlim muassasalari hamda QQBB, IVQK

Jami kelib tushgan hujjatlar

ShULARDAN

Toʻlangan nafaqa miqdori

(soʻm)

kamchiliklarni bartaraf etish uchun qaytarilgan hujjatlar

Ijro etilgan hujjatlar

halok boʻlgan

ogʻir tan jarohati olgan

oʻrtacha ogʻir tan jarohati olgan

jami

1.

Vazirlik markaziy apparati

2.

Qoraqalpogʻiston IIV

3.

Andijon viloyati IIB

4.

Buxoro viloyati IIB

5.

Jizzax viloyati IIB

6.

Kashqadaryo viloyati IIB

7.

Navoiy viloyati IIB

8.

Namangan viloyati IIB

9.

Samarqand viloyati IIB

10.

Sirdaryo viloyati IIB

11.

Surxondaryo viloyati IIB

12.

Toshkent shahar IIBB

13.

Toshkent viloyati IIB

14.

Fargʻona viloyati IIB

15.

Xorazm viloyati IIB

16.

Akademiya

17.

Harbiy-texnika instituti

18.

Yongʻin xavfsizligi texnika instituti

19.

Qorovul qoʻshinlari bosh boshqarmasi

20.

Ichki vazifalar qoʻshinlari Korpusi

JAMI:



Vazirlik Kadrlar bosh boshqarmasi

Keyingi tahrirga qarang.
Xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga nafaqa tayinlash tartibi toʻgʻrisidagi nizomga
7-ILOVA
Bir martalik toʻlangan nafaqa toʻgʻrisida hududlar va muassasalar boʻyicha
HISOBOT

T/r

IIV-IIBB-IIB,

taʼlim muassasalari hamda QQBB, IVQK

Ijro etilgan hujjatlar

Shundan

JQBB

Tergov departamenti

HPBB

YHXBB

PPXvaJTSBB

YoXBB

Qoʻriqlash bosh boshqarmasi

MvaFRBB

Oʻz xavfsizligi boshqarmasi

Kadrlar bosh boshqarmasi

EKBM

MIB

TIvaATBB

Maxsus otryad

AVBSOFMB

Taʼlim

muassasasi

JIEBB

Boshqa xizmatlar

1.

Vazirlik markaziy apparati

2.

Qoraqalpogʻiston IIV

3.

Andijon viloyati IIB

4.

Buxoro viloyati IIB

5.

Jizzax viloyati IIB

6.

Kashqadaryo viloyati IIB

7.

Navoiy viloyati IIB

8.

Namangan viloyati IIB

9.

Samarqand viloyati IIB

10.

Sirdaryo viloyati IIB

11.

Surxondaryo viloyati IIB

12.

Toshkent shahar IIBB

13.

Toshkent viloyati IIB

14.

Fargʻona viloyati IIB

15.

Xorazm viloyati IIB

16.

Akademiya

17.

Harbiy-texnika instituti

18.

Yongʻin xavfsizligi texnika instituti

19.

Qorovul qoʻshinlari bosh boshqarmasi

20.

Ichki vazifalar qoʻshinlari Korpusi

JAMI



Vazirlik Kadrlar bosh boshqarmasi

Keyingi tahrirga qarang.

(Oʻzbekiston Respublikasi qonun hujjatlari toʻplami, 2017-y., 27-son, 617-modda; Qonun hujjatlari maʼlumotlari milliy bazasi, 04.12.2017-y., 09/17/960/0355-son, 21.09.2018-y., 09/18/748/2024-son; Qonunchilik maʼlumotlari milliy bazasi, 05.04.2022-y., 09/22/153/0266-son)