|
Hujjat 18.04.2018 00 sanasi holatiga
Amaldagi versiyaga o‘tish |
Oʻzbekiston Respublikasi Prezidentining
Qarori
Oʻzbekiston Respublikasi Fanlar akademiyasi huzurida Oʻzbekistonning eng yangi tarixi boʻyicha Jamoatchilik kengashi faoliyatini tashkil etish toʻgʻrisida
Oʻzbekiston milliy davlatchiligining vujudga kelishi va taraqqiy topishining eng yangi tarixini tadqiq etish va oʻqitish, ilmiy, ilmiy-ommabop, oʻquv-metodik, maʼrifiy adabiyotlarni tayyorlash va chop etish, ilm-fanning taʼlim va boshqa ijtimoiy sohalar bilan integratsiyasi mexanizmlarini mustahkamlash va rivojlantirish borasida ilmiy, madaniy, taʼlim, jamoat muassasalari va tashkilotlari faoliyatini muvofiqlashtirish ishlarining samaradorligini oshirish, yoshlarda, avvalambor, umumtaʼlim maktablari, kasb-hunar kollejlari, akademik litseylar oʻquvchilarida, oliy taʼlim muassasalari talabalarida mamlakat tarixi haqidagi chuqur bilimlarni shakllantirish maqsadida:
1. Oʻzbekiston Respublikasi Prezidentining 2017-yil 17-fevraldagi “Fanlar akademiyasi faoliyati, ilmiy-tadqiqot ishlarini tashkil etish, boshqarish va moliyalashtirishni yanada takomillashtirish chora-tadbirlari toʻgʻrisida”gi PQ-2789-sonli qaroriga muvofiq, Oliy va oʻrta maxsus taʼlim vazirligi huzuridagi Oʻzbekistonning eng yangi tarixi boʻyicha Jamoatchilik kengashi Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi boʻyicha Jamoatchilik kengashiga (keyingi oʻrinlarda — Jamoatchilik kengashi) aylantirilganligi maʼlumot uchun qabul qilinsin.
Belgilansinki, Jamoatchilik kengashi Oʻzbekistonning eng yangi tarixini tadqiq etish va oʻqitish samaradorligini, mazkur sohada ilmiy, oʻquv-metodik adabiyotlar, maʼnaviy-maʼrifiy ishlar sifatini oshirishga koʻmaklashish maqsadida tashkil etilgan, jamoatchilik asosida faoliyat yurituvchi idoralararo ilmiy-muvofiqlashtirish va maslahat organi hisoblanadi.
2. Quyidagilar:
Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi boʻyicha Jamoatchilik kengashi tarkibi 1-ilovaga muvofiq;
Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi boʻyicha Jamoatchilik kengashi toʻgʻrisidagi Nizom 2-ilovaga muvofiq tasdiqlansin.
3. Quyidagilar Jamoatchilik kengashining asosiy vazifalari etib belgilansin:
Oʻzbekistonning eng yangi tarixini zamonaviy nazariy-metodologik, fanlararo yondashuvlarga, tarixiylik va xolislik tamoyillariga asoslangan holda tizimli oʻrganishni tashkil etish, Oʻzbekistonning eng yangi tarixi boʻyicha dolzarb muammolarni ishlab chiqish, shuningdek, buyuk tarixiy-madaniy merosga ega boʻlgan va jahon sivilizatsiyasining rivojiga ulkan hissa qoʻshgan oʻzbek xalqining tarixiy oʻtmishi va bugungi kuniga baho berishda bir yoqlama yondashuvlarga, aqidaparastlikka yoʻl qoʻymaslik ishlarini muvofiqlashtirish;
demokratik huquqiy davlat va fuqarolik jamiyatini shakllantirishning “oʻzbek modeli” mohiyati va mazmunini, jamiyatda barqarorlikni, millatlararo totuvlik va diniy bagʻrikenglikni saqlash boʻyicha keng koʻlamli ishlarni, hozirgi dunyoda Oʻzbekistonning roli va oʻrnini chuqur oʻrganish va yaqqol ochib berish;
ilmiy, oʻquv, oʻquv-metodik adabiyotlarning yangi avlodini tayyorlash va chop etish ishlarini muvofiqlashtirish, ularda Oʻzbekistonning eng yangi tarixini umumjahon va mintaqaviy jarayonlar bilan, shuningdek, hozirgi Oʻzbekiston hududida shakllangan xalqlar va davlatlar sivilizatsiyasining tarixiy-madaniy merosi bilan uzviy bogʻliq holda koʻrib chiqishni taʼminlash;
Oʻzbekistonning eng yangi tarixi boʻyicha ilmiy, oʻquv va oʻquv-metodik adabiyotlar, oʻquv dasturlari monitoringini olib borish, ushbu sohada ilmiy-tadqiqot, oʻquv-metodik ishlarning sifatini yaxshilash boʻyicha takliflarni ishlab chiqish va joriy etish;
fuqarolarda tarixiy xotira, milliy oʻzlikni anglash, yuksak maʼnaviyat, xalqning tarixiy anʼanalari, madaniy merosiga hurmat, mamlakatimiz mustaqillikka erishganligining buyuk tarixiy ahamiyatini anglash kabi fazilatlarni shakllantirishga yoʻnaltirilgan maʼnaviy-maʼrifiy ishlar samaradorligini, shu jumladan, ommaviy axborot vositalari orqali oshirib borishga koʻmaklashish;
Oʻzbekiston tarixi boʻyicha zamonaviy chet el ilmiy va oʻquv adabiyotlarini oʻrganishga yoʻnaltirilgan tizimli chora-tadbirlarni amalga oshirish, hozirgi Oʻzbekistonning tarixiy oʻtmishi, sotsial-iqtisodiy va ijtimoiy-siyosiy rivojlanishi, mamlakatda olib borilayotgan demokratik islohotlar toʻgʻrisidagi xolis axborotni keng xalqaro jamoatchilikka yetkazish.
4. Belgilansinki:
a) Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi masalalari boʻyicha Muvofiqlashtiruvchi-metodik markaz (keyingi oʻrinlarda — Markaz) Jamoatchilik kengashining ishchi organi hisoblanadi, unga quyidagi asosiy vazifalar yuklanadi:
Jamoatchilik kengashi faoliyatini ilmiy-metodik taʼminlash;
Oʻzbekistonning eng yangi tarixini oʻrganish boʻyicha dolzarb masalalarni ishlab chiqishni tashkillashtirish, ilmiy-tadqiqot, oʻquv-metodik ishlarning sifatini yaxshilash chora-tadbirlari tizimini tayyorlash va amalga oshirish, oʻquv, ilmiy-metodik adabiyotlarni tayyorlash va chop etish, shuningdek, Jamoatchilik kengashiga yuklangan boshqa vazifalarni bajarish;
Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi bilan birgalikda Oʻzbekistonning eng yangi tarixi boʻyicha oʻquv, oʻquv-metodik adabiyotlar yaratish yuzasidan tanlovlar oʻtkazishda ishtirok etish;
Oldingi tahrirga qarang.
davlat ilmiy-texnika dasturlari doirasida Oʻzbekistonning eng yangi tarixi tadqiqotlari boʻyicha ilmiy-texnika loyihalari tanlovlarini vazifalari roʻyxatiga kiritish uchun takliflar ishlab chiqish hamda ularni koʻrib chiqish uchun Oʻzbekiston Respublikasi Innovatsion rivojlanish vazirligiga kiritish;
(4-bandning “a” kichik bandi beshinchi xatboshisi Oʻzbekiston Respublikasi Prezidentining 2018-yil 5-apreldagi PF-5399-sonli Farmoni tahririda — Qonun hujjatlari maʼlumotlari milliy bazasi, 06.04.2018-y., 06/18/5399/1018-son)
Oʻzbekistonning eng yangi tarixini oʻrganishning nazariy-metodologik asoslarini takomillashtirish yuzasidan tadqiqotlar olib borish;
har yili ushbu sohada tadqiqotlar va taʼlim berish darajasini oshirishga, zamonaviy Oʻzbekiston, uning tarixiy oʻtmishi toʻgʻrisidagi ishonchli axborotni xalqaro jamoatchilikka yetkazishga yoʻnaltirilgan Oʻzbekiston eng yangi tarixining dolzarb masalalari boʻyicha oʻtkaziladigan xalqaro va respublika konferensiya va seminarlari roʻyxatini belgilangan tartibda ishlab chiqish;
b) Markaz Oʻzbekiston Respublikasi Vazirlar Mahkamasi bilan kelishilgan holda Oʻzbekiston Respublikasi Fanlar akademiyasi prezidenti tomonidan tayinlanadigan va ozod qilinadigan direktor boshqaradigan davlat muassasasi hisoblanadi;
v) Markaz faoliyatini moliyalashtirish Oʻzbekiston Respublikasi Davlat budjeti mablagʻlari, shuningdek, qonun hujjatlarida taqiqlanmagan boshqa manbalar hisobidan amalga oshiriladi;
g) Markaz oʻz faoliyati doirasida xorijiy mamlakatlarning ilmiy-tadqiqot tashkilotlari va xalqaro jamgʻarmalar bilan hamkorlik qiladi;
d) Markaz muassislar hisobidan moliyalashtiriladigan “Oʻzbekistonning eng yangi tarixining dolzarb masalalari” jurnalini nashr etadi.
5. Oʻzbekistonning eng yangi tarixi masalalari boʻyicha Muvofiqlashtiruvchi-metodik markazning tuzilmasi, shtat jadvali va xodimlar mehnatiga haq toʻlash razryadlari 3 — 5-ilovalarga muvofiq tasdiqlansin.
6. Oʻzbekiston Respublikasi Fanlar akademiyasi bir oy muddatda Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi masalalari boʻyicha Muvofiqlashtiruvchi-metodik markaz ustavini tasdiqlasin.
7. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Markazni belgilangan tartibda zarur aloqa turlari va vositalari, shu jumladan, Hukumat aloqasi bilan, shuningdek, keng koʻlamli umumjahon Internet axborot tarmogʻiga ulanishini taʼminlasin.
8. Oʻzbekiston Respublikasi Moliya vazirligi:
mazkur qarordan kelib chiqqan holda, Oʻzbekiston Respublikasi Davlat budjetining 2017-yil uchun tasdiqlangan xarajatlari roʻyxatiga tegishli oʻzgartirishlar kiritsin;
Oʻzbekiston Respublikasi Davlat budjeti xarajatlari parametrlarida “Ilm-fan” sohasi boʻyicha ajratiladigan mablagʻlar doirasida Markazga, uning taʼminoti bilan bogʻliq va zimmasiga yuklangan vazifalarni bajarishi uchun zarur budjet mablagʻlari ajratilishini nazarda tutsin;
bitta alohida yengil avtomobil vositasi taʼminotiga limit ajratsin.
9. “Oʻzarxiv” agentligi, Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi, boshqa manfaatdor vazirlik va idoralar, ilmiy-tadqiqot muassasalari Markazning soʻroviga muvofiq, arxiv, axborot-tahlil va unga yuklangan vazifalarni bajarish uchun zarur boʻlgan boshqa materiallarni bepul asosda taqdim etsin.
10. Oʻzbekistonning eng yangi tarixi boʻyicha maʼlumotlarning axborot bazasini shakllantirish va toʻldirib borish uchun Markaz quyidagi majburiy joʻnatmalar reyestriga kiritilsin:
Oʻzbekiston Respublikasi Davlat statistika qoʻmitasining statistik maʼlumotlari;
Oldingi tahrirga qarang.
Oʻzbekiston Matbuot va axborot agentligining Ommaviy kommunikatsiyalar sohasidagi monitoring markazi byulletenlari va kundalik maʼlumotlari toʻplami.
(10-bandining uchinchi xatboshisi Oʻzbekiston Respublikasi Prezidentining 2018-yil 17-apreldagi PF-5420-sonli Farmoni tahririda — Qonun hujjatlari maʼlumotlari milliy bazasi, 18.04.2018-y., 06/18/5420/1081-son)
11. Oʻzbekiston Matbuot va axborot agentligi:
“Oʻzbekistonning eng yangi tarixi masalalari” jurnalini “Oʻzbekistonning eng yangi tarixining dolzarb masalalari” nomi bilan belgilangan tartibda qayta roʻyxatdan oʻtkazilishini taʼminlasin;
Markazni bosma va kitob mahsulotlari (tarixiy, huquqiy, ijtimoiy-siyosiy, iqtisodiy va maʼnaviy-maʼrifiy nashrlar) nazorat nusxalarini (1 nusxa) bepul oladigan tashkilotlar roʻyxatiga kiritsin.
12. Oʻzbekiston Respublikasi Fanlar akademiyasi, Oʻzbekiston Respublikasi Oliy va oʻrta maxsus taʼlim vazirligi hamda Oʻzbekiston Respublikasi Xalq taʼlimi vazirligi “Oʻzbekistonning eng yangi tarixining dolzarb masalalari” jurnali muassislari etib belgilansin.
13. Oʻzbekiston Respublikasi Prezidentining 2012-yil 27-yanvardagi “Oʻzbekiston Respublikasi Oliy va oʻrta maxsus taʼlim vazirligi huzurida Oʻzbekistonning eng yangi tarixi boʻyicha Jamoatchilik kengashini tashkil etish toʻgʻrisida”gi PQ-1694-sonli qarori oʻz kuchini yoʻqotgan deb hisoblansin.
14. Oʻzbekiston Respublikasi Fanlar akademiyasi Oʻzbekiston Respublikasi Oliy va oʻrta maxsus taʼlim vazirligi, Adliya vazirligi va boshqa manfaatdor vazirlik va idoralar bilan birgalikda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga bir oy muddatda takliflar kiritsin.
15. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi A.N. Yunusxodjayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 30-iyun,
PQ-3105-son
Oʻzbekiston Respublikasi Prezidentining 2017-yil 30-iyundagi PQ-3105-son qaroriga
1-ILOVA
1-ILOVA
Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi boʻyicha Jamoatchilik kengashi
TARKIBI
|
1. |
X.M. Sultonov |
— |
Oʻzbekiston Respublikasi Prezidentining maslahatchisi — Spichrayteri, Kengashi raisi |
|
2. |
B.A. Abduhalimov |
— |
Oʻzbekiston Respublikasi Fanlar akademiyasining ijtimoiy-gumanitar fanlar boʻyicha vitse-prezidenti vazifasini vaqtincha bajaruvchi, Kengash raisining oʻrinbosari |
|
3. |
A.X.Saidov |
— |
Oʻzbekiston Respublikasi Inson huquqlari milliy markazi direktori |
|
4. |
M.A Raximov |
— |
Oʻzbekiston Respublikasi Fanlar akademiyasi boʻlinma rahbari — ijtimoiy-gumanitar fanlar boʻyicha ilmiy kotibi |
|
5. |
A.A. Mavrulov |
— |
Milliy gʻoya va mafkura ilmiy-amaliy markazi rahbari |
|
6. |
Sh.M. Raxmatullayev |
— |
Oʻzbekiston Tarixchilar jamiyati raisi oʻrinbosari |
|
7. |
S.R. Davletov |
— |
Urganch davlat universiteti prorektori |
|
8. |
Sh.Yu. Mahmudov |
— |
Fargʻona politexnika instituti prorektori |
|
9. |
R.M. Abdullayev |
— |
Oʻzbekiston Respublikasi Fanlar akademiyasi Tarix instituti direktori |
|
10. |
A.V. Mahkamov |
— |
Toshkent shahar arxiv ishlari boʻyicha hududiy boshqarma boshligʻi |
|
11. |
M.A. Karlibayev |
— |
Oʻzbekiston Respublikasi Fanlar akademiyasi Qoraqalpogʻiston boʻlimi Gumanitar fanlar ilmiy-tadqiqot instituti direktorining oʻrinbosari |
|
12. |
Ya.A. Abdullayeva |
— |
Nukus davlat pedagogika instituti tarix fakulteti dekani |
|
13. |
M.M. Haydarov |
— |
Oʻzbekiston Milliy universiteti tarix fakulteti dekani |
|
14. |
D.A. Alimova |
— |
Oʻzbekiston Respublikasi Fanlar akademiyasi Tarix institutining istoriyagrafiya, manbashunoslik va tarixiy tadqiqotlar metodologiyasi hamda ularni oʻquv jarayonida realizatsiya qilish boʻlimi mudiri |
|
15. |
E.V. Rtveladze |
— |
Oʻzbekiston Respublikasi Fanlar akademiyasi sanʼatshunoslik institutining sanʼat tarixi boʻlimi mudiri |
|
16. |
S.N. Tursunov |
— |
Termiz davlat universiteti professori |
|
17. |
X.E. Yunusova |
— |
Oʻzbekiston Milliy universiteti Oʻzbekiston tarixi kafedrasi mudiri |
|
18. |
X.X. Toʻrayev |
— |
Buxoro davlat universiteti kafedrasi professori |
|
19. |
I.M. Saidov |
— |
Samarqand davlat universiteti professori |
|
20. |
N.U. Musayev |
— |
Toshkent davlat agrar universiteti professori |
|
21. |
S.S. Agzamxodjayev |
— |
Toshkent islom universiteti professori |
|
22. |
R.F. Farmonov |
— |
Jahon iqtisodiyoti va diplomatiya universiteti professori |
|
23. |
A.S. Saʼdullayev |
— |
Oʻzbekiston Milliy universiteti professori |
|
24. |
Z.R. Ishanxodjayeva |
— |
Oʻzbekiston Milliy universiteti professori |
|
25. |
O.P. Kobzeva |
— |
Oʻzbekiston Milliy universiteti professori |
|
26. |
I.Ergashev |
— |
Oʻzbekiston Milliy universiteti professori |
|
27. |
K.K. Rajabov |
— |
Oʻzbekiston Respublikasi Fanlar akademiyasi Tarix institutining yetakchi ilmiy xodimi |
|
28. |
O.K. Komilov |
— |
Andijon davlat universiteti dotsenti |
|
29. |
R.R. Nazarov |
— |
Oʻzbekiston Respublikasi Fanlar akademiyasi Tarix institutining katta ilmiy xodimi |
|
30. |
S.M. Odilxodjayeva |
— |
Toshkent davlat yuridik universiteti professori |
|
31. |
J.N. Abduraxmanova |
— |
Oʻzbekiston Milliy universiteti huzuridagi 2-akademik litseyning tarix fani oʻqituvchisi |
|
32. |
Z.A. Saidboboyev |
— |
Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi masalalari boʻyicha Muvofiqlashtiruvchi-uslubiy markaz direktori, Kengash kotibi |
Izoh: Kengash aʼzolari boshqa ishga oʻtganida uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklangan shaxslar kiritiladi.
LexUZ sharhi1-ilova norasmiy tarjima.
Oʻzbekiston Respublikasi Prezidentining 2017-yil 30-iyundagi PQ-3105-son qaroriga
2-ILOVA
2-ILOVA
Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi boʻyicha Jamoatchilik kengashi toʻgʻrisida
NIZOM
1-bob. Umumiy qoidalar
1. Mazkur Nizom Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi boʻyicha Jamoatchilik kengashi (keyingi oʻrinlarda — Kengash) faoliyatining asosiy vazifalari, funksiyalari va uni tashkil etish tartibini belgilab beradi.
2. Kengash Oʻzbekistonning eng yangi tarixi tadqiq etish va oʻqitish samaradorligini, ilmiy, oʻquv-metodik adabiyotlar sifatini, ushbu sohadagi maʼnaviy-maʼrifiy ishlar sifatini oshirishga koʻmaklashish maqsadida tashkil etilgan jamoatchilik asosida faoliyat yurituvchi idoralararo ilmiy-muvofiqlashtirish, maslahat organi hisoblanadi.
3. Kengash oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga va boshqa qonun hujjatlariga amal qiladi.
2-bob. Kengashning asosiy vazifalari va funksiyalari
4. Jamoatchilik kengashining asosiy vazifalari quyidagilardan iborat:
Oʻzbekistonning eng yangi tarixini zamonaviy nazariy-metodologik, fanlararo yondashuvlarga, tarixiylik va xolislik tamoyillariga asoslangan holda tizimli oʻrganishni tashkil etish, Oʻzbekistonning eng yangi tarixi boʻyicha dolzarb muammolarni ishlab chiqish, shuningdek, buyuk tarixiy-madaniy merosga ega boʻlgan va jahon sivilizatsiyasining rivojiga ulkan hissa qoʻshgan oʻzbek xalqining tarixiy oʻtmishi va bugungi kuniga baho berishda bir yoqlama, aqidaparastlikka yoʻl qoʻymaslik ishlarini muvofiqlashtirish;
demokratik huquqiy davlat va fuqarolik jamiyatini shakllantirishning “oʻzbek modeli” mohiyati va mazmunini, jamiyatda barqarorlikni, millatlararo totuvlik va diniy bagʻrikenglikni saqlash boʻyicha keng koʻlamli ishlarni, hozirgi dunyoda Oʻzbekistonning roli va oʻrnini chuqur oʻrganish va yaqqol ochib berish;
ilmiy, oʻquv, oʻquv-metodik adabiyotlarning yangi avlodini tayyorlash va chop etish ishlarini muvofiqlashtirish, ularda Oʻzbekistonning eng yangi tarixini umumjahon va mintaqaviy jarayonlar bilan, shuningdek, hozirgi Oʻzbekiston hududida shakllangan xalqlar va davlatlar sivilizatsiyasining tarixiy-madaniy merosi bilan uzviy bogʻliq holda koʻrib chiqishni taʼminlash;
Oʻzbekistonning eng yangi tarixi boʻyicha ilmiy, oʻquv va oʻquv-metodik adabiyotlar, oʻquv dasturlari monitoringini olib borish, ushbu sohada ilmiy-tadqiqot, oʻquv-metodik ishlarning sifatini yaxshilash boʻyicha takliflarni ishlab chiqish va joriy etish;
fuqarolarda tarixiy xotira, milliy oʻzlikni anglash, yuksak maʼnaviyat, xalqning tarixiy anʼanalari, madaniy merosiga hurmat, mamlakatimiz mustaqillikka erishganligining buyuk tarixiy ahamiyatini anglash kabi fazilatlarni shakllantirishga yoʻnaltirilgan maʼnaviy-maʼrifiy ishlar samaradorligini, shu jumladan, ommaviy axborot vositalari orqali oshirib borishga koʻmaklashish;
Oʻzbekistonning tarixi boʻyicha zamonaviy chet el ilmiy va oʻquv adabiyotlarini oʻrganishga yoʻnaltirilgan tizimli chora-tadbirlarni amalga oshirish, hozirgi Oʻzbekistonning tarixiy oʻtmishi, sotsial-iqtisodiy va ijtimoiy-siyosiy rivojlanishi, mamlakatda olib borilayotgan demokratik islohotlar toʻgʻrisidagi xolis axborotni keng xalqaro jamoatchilikka yetkazish.
5. Kengash oʻz zimmasiga yuklangan vazifalarni bajarish maqsadida quyidagi funksiyalarni amalga oshiradi:
Oʻzbekistonning eng yangi tarixini oʻrganishning nazariy-metodologik asoslarini shakllantiradi va rivojlantiradi;
Oʻzbekistonning davlat mustaqilligiga erishish tarixiy asoslarini oʻrganishni tashkillashtiradi;
umumjahon va mintaqaviy jarayonlar bilan uzviy bogʻliq holda Oʻzbekistonning eng yangi tarixini tizimli ravishda oʻrganadi;
Oʻzbekistonning eng yangi tarixi masalalari boʻyicha faktlarga asoslangan keng koʻlamdagi axborotni muntazam yigʻish va tahlil qilish ishlarini tashkil etadi;
Oʻzbekistonning eng yangi tarixi boʻyicha ilmiy, oʻquv va oʻquv-metodik adabiyotlar monitoringini olib boradi;
Oʻzbekistonning eng yangi tarixi boʻyicha yangi oʻquv va oʻquv-metodik adabiyotlarni yaratish hamda takomillashtirish yuzasidan takliflar ishlab chiqadi;
Oʻzbekistonning eng yangi tarixi boʻyicha oliy, oʻrta maxsus, kasb-hunar va umumiy oʻrta taʼlim muassasalari uchun yangi darsliklar va oʻquv- metodik qoʻllanmalarining ilmiy-metodologik ekspertizasini oʻtkazish ishlarini tashkil etadi;
Keyingi tahrirga qarang.
Oʻzbekistonning eng yangi tarixini oʻrganish hamda unga oid darsliklar va oʻquv-metodik adabiyotlarning yangi avlodini tayyorlash sohasida ilmiy-tadqiqot va taʼlim muassasalari faoliyatini, shuningdek, yetakchi tarixchi-mutaxassislarning ishini muvofiqlashtiradi;
Oʻzbekistonning eng yangi tarixi boʻyicha oʻquv, oʻquv-metodik va ilmiy adabiyotlarni yozish tanlovlari reglamentini yaratish va ularni muntazam eʼlon qilib turish ishlarini amalga oshiradi;
bakalavriyatning “Tarix” va magistraturaning tegishli mutaxassisliklari yoʻnalishi boʻyicha malaka talablarini ishlab chiqishda qatnashadi;
tarix darslarini, shu jumladan zamonaviy va ilgʻor multimedia, masofaviy va axborot texnologiyalaridan foydalangan holda oʻqitish sohasida ilgʻor milliy va jahon tajribasi yutuqlarini oliy, oʻrta maxsus, kasb-hunar va oʻrta maxsus taʼlim tizimiga tatbiq etish boʻyicha takliflarni ishlab chiqadi va kiritadi;
Keyingi tahrirga qarang.
Oʻzbekistonning eng yangi tarixi va demokratik islohotlari toʻgʻrisidagi axborotni ommaviy axborot vositalarida, shu jumladan butunjahon Internet axborot tarmogʻida keng tarqatish boʻyicha ishlarni tashkillashtiradi;
eng yangi tarix materiallaridan (yoshlar anjumanlari, eng yangi tarixni bilish tanlovlari va hokazolardan) foydalangan holda yoshlar oʻrtasida tarbiyaviy va maʼnaviy-maʼrifiy tadbirlarni oʻtkazish yuzasidan metodik tavsiyalarni ishlab chiqadi;
Oʻzbekistonning eng yangi tarixini oʻrganish va oʻqitish masalalariga bagʻishlangan xalqaro, respublika ilmiy-nazariy va ilmiy-amaliy konferensiyalar, davra suhbatlari, seminarlarni amaliy jihatdan tayyorlash va oʻtkazishni muvofiqlashtiradi.
3-bob. Kengashning huquqlari
6. Kengash oʻz zimmasiga yuklangan vazifa va funksiyalarni bajarish uchun quyidagi huquqlarga ega:
davlat va xoʻjalik boshqaruv organlaridan hamda boshqa tashkilotlardan zarur axborot va materiallarni belgilangan tartibda olish;
Oʻzbekiston eng yangi tarixining gʻoyat muhim yoʻnalishlarini oʻrganish boʻyicha Oʻzbekiston Respublikasi Fanlar akademiyasining, vazirliklar va idoralar, ilmiy va oliy taʼlim muassasalarining yetakchi olimlari hamda yuqori malakali mutaxassislaridan iborat ekspert guruhlarini tuzish;
eng yangi tarixni oʻrganishga ixtisoslashayotgan yetakchi xorijiy tadqiqot muassasalari bilan hamkorlikni amalga oshirish;
Kengash vakolatiga kiruvchi masalalar boʻyicha ixtisoslashtirilgan byulletenlar chop etish.
4-bob. Kengash faoliyatini tashkil etish
7. Kengash rais, rais oʻrinbosaridan, Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi masalalari boʻyicha Muvofiqlashtiruvchi metodik markaz (keyingi oʻrinlarda — Markaz) direktoridan hamda Kengash aʼzolaridan iborat tarkibda tashkil etiladi.
8. Kengashga uning raisi rahbarlik qiladi.
Quyidagilar raisning vakolatiga kiradi:
Kengash majlislarining kun tartibi va uni chaqirish muddatini belgilash;
Kengash tomonidan qabul qilingan qarorlar bajarilishi ustidan nazoratni tashkil etish;
Kengash zimmasiga yuklangan vazifalarni bajarish boʻyicha Kengash aʼzolarining ishini muvofiqlashtirish;
Kengash faoliyatini nazorat qilib, unga rahbarlikni amalga oshirish;
Kengashning samarali faoliyatini taʼminlash boʻyicha boshqa ishlarni bajarish.
9. Kengash faoliyati qarorlarni qabul qilishda teng huquqlilik va kollegiallik tamoyillariga asoslanadi.
10. Kengash oʻz faoliyatini Kengash raisi tomonidan tasdiqlangan rejaga muvofiq amalga oshiradi va oʻz majlislarini zaruratga qarab, biroq har chorakda kamida ikki marta oʻtkazadi.
Kengash aʼzosining tashabbusiga koʻra navbatdan tashqari majlis oʻtkazilishi mumkin. Kengashning navbatdan tashqari majlisini oʻtkazish toʻgʻrisidagi asosli talab yozma ravishda Markazga yuboriladi.
11. Kengash majlisiga uning raisi rahbarlik qiladi, u boʻlmaganida esa rais oʻrinbosari olib boradi. Kengash majlisida uning aʼzolaridan kamida uchdan ikki qismi ishtirok etgan taqdirda u huquqiy vakolatga ega hisoblanadi.
12. Koʻrib chiqilayotgan masalalarning xarakteriga qarab Kengash majlislariga taʼlim va ilmiy tadqiqot muassasalari, shuningdek, boshqa tashkilotlarning rahbarlari va mutaxassislari taklif etilishi mumkin.
13. Kengash oʻz faoliyatining asosiy yoʻnalishlari boʻyicha Kengash aʼzolaridan iborat ishchi va ekspert guruhlarini shakllantirish, shuningdek, ekspertlarni, amaliyotchi mutaxassislar va boshqa shaxslarni jalb etishga haqlidir. Faoliyat yoʻnalishlari hamda ishchi va ekspert guruhlarining tarkibi Kengash qarori bilan tasdiqlanadi.
Kengash tomonidan tashkil etiladigan ishchi va ekspert guruhlari oʻz faoliyatini jamoatchilik asosida amalga oshiradi.
5-bob. Kengashning ishchi organi
14. Markaz Kengash ichki organining funksiyalarini bajaradi. Markaz davlat muassasasi boʻlib, bank hisobvaraqlariga, shuningdek, Oʻzbekiston Respublikasining davlat gerbi tasvirlangan va davlat tilida oʻz nomi yozilgan muhrga egadir.
Markaz direktori Oʻzbekiston Respublikasi Fanlar akademiyasining prezidenti tomonidan Oʻzbekiston Respublikasi Vazirlar Mahkamasi bilan kelishgan holda lavozimga tayinlanadi va undan ozod qilinadi.
Oʻzbekiston Respublikasi Fanlar akademiyasining idoraviy muassasalari xodimlari mehnatiga haq toʻlash shartlari Markaz xodimlariga tatbiq etiladi.
15. Markaz oʻz faoliyatining Oʻzbekiston Respublikasi Fanlar akademiyasi tomonidan tasdiqlanadigan Ustav asosida amalga oshiradi.
16. Markaz Kengashning ishchi organi sifatida zimmasiga yuklangan funksiyalarga muvofiq quyidagi vazifalarni bajaradi:
Kengash faoliyatining tashkiliy-texnik taʼminoti masalalarini hal etadi;
Kengashning navbatdagi davrga moʻljallangan ish rejasi loyihasini tayyorlaydi, uning ijrosini nazorat qiladi, tasdiqlangan rejaga muvofiq Kengashning joriy ishlarini tashkil etadi;
Kengashning navbatdagi majlisiga barcha zarur materiallar oʻz vaqtida tayyorlanishini taʼminlaydi, uning oʻtkazilishini tashkillashtiradi;
ilmiy, ilmiy metodologik hamda boshqa materiallarni tayyorlaydi;
Kengashning koʻrib chiqishi uchun axborot, tahliliy hamda Kengash qaroriga muvofiq boshqa materiallarni taqdim etadi;
Kengash tomonidan qabul qilingan qarorlarning ijrosi ustidan nazorat va monitoringni taʼminlaydi;
“Oʻzbekistonning eng yangi tarixiga oid dolzarb masalalar” jurnalini chop etadi;
kelib tushayotgan yozishmalarni koʻrib chiqadi va Kengash vakolatiga kiruvchi masalalarni hal etish boʻyicha takliflar tayyorlaydi;
Kengash qarorlari hisobini yuritadi va ularni saqlaydi.
6-bob. Kengash majlisiga materiallar tayyorlash tartibi
17. Markaz Kengash majlisida koʻrib chiqish uchun Kengash aʼzolari tomonidan taqdim etilgan materiallarni rasmiylashtiradi, majlisning kun tartibini tayyorlaydi va hujjatlar toʻplamini taqdim etadi.
18. Kengash majlisining kun tartibidagi har bir masala boʻyicha hujjatlar toʻplami qaror qabul qilish uchun zarur materiallar (tahliliy maʼlumotnomalar, jadvallar va hokazolar) hamda Kengash qarori loyihasini oʻz ichiga olgan boʻlishi kerak.
19. Markaz direktori taqdim etilgan materiallarni Kengash raisiga maʼlum qiladi, rais kun tartibini va taqdim etilgan materiallarni maqullagan taqdirda, majlisni oʻtkazish vaqti va sanasini, shuningdek, zarurat boʻlganda, taklif etiladigan shaxslarni belgilaydi.
20. Markaz direktori Kengash majlisi oʻtkazilishidan kamida besh kun oldin Kengash aʼzolariga, shuningdek, majlisga taklif etilgan boshqa shaxslarga majlis materiallari va bayonnoma loyihasi tarqatilishni taʼminlaydi.
Kun tartibi oʻzgartirilgan taqdirda Markaz direktori Kengash aʼzolarini va majlisga taklif etilgan shaxslarni majlis oʻtkazilishidan kamida uch kun oldin bu haqda xabardor qiladi.
7-bob. Kengash tomonidan qarorlar qabul qilish va ularning bajarilishini tashkil etish
21. Kengash qarorlari uning majlisida Kengash aʼzolari tomonidan oddiy koʻpchilik ovoz bilan qabul qilinadi va Kengash raisi tomonidan tasdiqlangandan soʻng kuchga kiradi. Ovozlar teng boʻlib qolganida Kengash raisining ovozi hal qiluvchi ovoz hisoblanadi.
Kengashning har bir aʼzosi qabul qilinayotgan qarorlar boʻyicha oʻzining alohida fikrini yozma ravishda izhor etishga haqlidir.
22. Kengash raisi qarorlarni tezkorlik bilan qabul qilish maqsadida Kengash aʼzolari bilan soʻrov orqali kelishilgan ayrim masalalar boʻyicha Kengashning qarorlarini tasdiqlashi mumkin.
23. Kengash qarorlari Kengash majlisining bayonnomasi bilan rasmiylashtiriladi. Kengash majlisining bayonnomasi Kengash raisi tomonidan tasdiqlanadi.
Kengash bayonnomasining asl nusxasi va uning materiallari Markazda saqlanadi.
24. Markaz Kengash qarorlari bajarilishining nazorati va monitoringini yuritadi hamda, zarur hollarda, Kengash raisiga tegishli takliflar kiritadi.
25. Kengash oʻz vakolati doirasida qabul qilgan qarorlar tavsiyanoma tusida boʻlib, amalga oshirish uchun ilmiy va taʼlim muassasalariga yuboriladi.
26. Markaz Kengash qarorlarini bajarish natijalari toʻgʻrisida har oy Kengashga va Oʻzbekiston Respublikasi Fanlar akademiyasining prezidentiga tegishli tahliliy maʼlumotnomani zarur materiallar ilova qilingan holda taqdim etadi.
27. Kengash oʻz majlislarida qabul qilingan qarorlar ijrosi holatini muntazam ravishda koʻrib chiqadi.
8-bob. Yakunlovchi qoida
28. Kengashni qayta tashkil etish va tugatish qonunchilikda oʻrnatilgan tartibda amalga oshiriladi.
LexUZ sharhi2-ilova norasmiy tarjima.
Oʻzbekiston Respublikasi Prezidentining 2017-yil 30-iyundagi PQ-3105-son qaroriga
3-ILOVA
3-ILOVA
Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi masalalari boʻyicha Muvofiqlashtiruvchi-metodik markaz
TUZILMASI
Jami: 15 nafar, shu jumladan 1 nafar yordamchi xodim.
LexUZ sharhi3-ilova norasmiy tarjima.
Oʻzbekiston Respublikasi Prezidentining 2017-yil 30-iyundagi PQ-3105-son qaroriga
4-ILOVA
4-ILOVA
Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi masalalari boʻyicha Muvofiqlashtiruvchi-metodik markazning
LAVOZIMLAR JADVALI
|
T/r |
Lavozimlar nomi |
Soni |
|
1. |
Direktor |
1 |
|
2. |
Direktor oʻrinbosari |
1 |
|
3. |
Bosh yuriskonsult |
1 |
|
4. |
Bosh buxgalter |
1 |
|
5. |
Kadrlar boʻyicha bosh mutaxassis |
1 |
|
Tarix boʻyicha maʼnaviy-maʼrifiy va oʻquv-metodik adabiyotlar ekspertizasi boʻlimi: |
3 | |
|
6. |
Boʻlim mudiri |
1 |
|
7. |
Katta ilmiy xodim |
1 |
|
8. |
Kichik ilmiy xodim |
1 |
|
Ilmiy tadqiqotlarni tashkil etish va oʻquv, ilmiy-metodik adabiyotlarni tayyorlash boʻlimi: |
4 | |
|
9. |
Boʻlim mudiri |
1 |
|
10. |
Katta ilmiy xodim |
1 |
|
11. |
Kichik ilmiy xodim |
2 |
|
Oʻzbekistonning eng yangi tarixi masalalari boʻyicha xorijiy tadqiqotlarni monitoring va tahlil qilish boʻlimi: |
2 | |
|
12. |
Boʻlim mudiri |
1 |
|
13. |
Katta ilmiy xodim |
1 |
|
Yordamchi xodim: |
1 | |
|
14. |
Haydovchi |
1 |
|
Jami: |
15 | |
LexUZ sharhi4-ilova norasmiy tarjima.
Oʻzbekiston Respublikasi Prezidentining 2017-yil 30-iyundagi PQ-3105-son qaroriga
5-ILOVA
5-ILOVA
Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi masalalari boʻyicha Muvofiqlashtiruvchi-metodik markaz xodimlari mehnatiga haq toʻlash
RAZRYADLARI
|
T/r |
Lavozimlar nomi |
Tarif razryadlari |
|
1. |
Direktor | |
|
professor |
21 | |
|
fan doktori |
20 | |
|
fan nomzodi |
19 | |
|
2. |
Direktor oʻrinbosari | |
|
professor |
20 | |
|
fan doktori |
19 | |
|
fan nomzodi |
18 | |
|
3. |
Bosh yuriskonsult |
14 |
|
4. |
Bosh buxgalter |
13 |
|
5. |
Kadrlar boʻyicha bosh mutaxassis |
11 |
|
6. |
Boʻlim mudiri | |
|
fan doktori yoki professor |
19 | |
|
katta ilmiy xodim yoki dotsent ilmiy unvoniga ega boʻlgan fan nomzodi |
18 | |
|
ilmiy unvonga ega boʻlmagan fan nomzodi |
17 | |
|
7. |
katta ilmiy xodim | |
|
ilmiy unvonga ega boʻlgan fan nomzodi |
16 | |
|
ilmiy unvonga ega boʻlmagan fan nomzodi |
15 | |
|
ilmiy darajaga ega boʻlmagan |
14 | |
|
8. |
Kichik ilmiy xodim | |
|
fan nomzodi |
14 | |
|
ilmiy darajaga ega boʻlmagan (2 yildan koʻproq ilmiy faoliyat tajribasiga ega) |
13 | |
|
ilmiy darajaga ega boʻlmagan (2 yilgacha ilmiy faoliyat tajribasiga ega) |
12 | |
|
9. |
Haydovchi |
1 |
LexUZ sharhi5-ilova norasmiy tarjima.
(Oʻzbekiston Respublikasi qonun hujjatlari toʻplami, 2017-y., 26-son, 583-modda; Qonun hujjatlari maʼlumotlari milliy bazasi, 06.04.2018-y., 06/18/5399/1018-son; 18.04.2018-y., 06/18/5420/1081-son; Qonunchilik maʼlumotlari milliy bazasi, 09.11.2021-y., 06/21/3/1037-son)
