|
Hujjat 03.07.2017 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Yer osti suvlaridan foydalanish sohasidagi faoliyatni yanada tartibga solish chora-tadbirlari toʻgʻrisida
Oʻzbekiston Respublikasi Prezidentining “2017 — 2021-yillarda yer osti suvlari zaxiralaridan samarali foydalanilishini nazorat qilish va ularni hisobga olishni tartibga solish chora-tadbirlari toʻgʻrisida” 2017-yil 4-maydagi PQ-2954-son qarorini bajarish yuzasidan Vazirlar Mahkamasi qaror qiladi:
1. Quyidagilar tasdiqlansin va 2017-yil 1-iyuldan boshlab amalga kiritilsin:
Yer osti suvlariga quduqlarni burgʻulash uchun ruxsatnoma berish tartibi toʻgʻrisidagi Nizom 1-ilovaga muvofiq;
Keyingi tahrirga qarang.
Yer osti suvlarining davlat monitoringi toʻgʻrisidagi Nizom 2-ilovaga muvofiq.
2. Oʻzbekiston Respublikasi Davlat geologiya va mineral resurslar qoʻmitasi hamda Oʻzbekiston Respublikasi Ekologiya va atrof muhitni muhofaza qilish davlat qoʻmitasi Qoraqalpogʻiston Respublikasi Vazirlar Kengashi, viloyatlar va Toshkent shahri, tumanlar (shaharlar) hokimliklari bilan birgalikda ushbu qaror bilan belgilangan tartibga muvofiq 2018-yil 31-dekabrgacha boʻlgan muddatda quyidagilarni taʼminlasinlar:
ruxsatnoma olinmay, biroq texnik talablarga rioya qilgan holda burgʻulangan foydalanish quduqlarini belgilangan tartibda suvdan maxsus foydalanishga ruxsatnomani rasmiylashtirgan holda hisobga olish;
ruxsatnoma olinmay hamda texnik talablarga rioya qilinmay burgʻulangan foydalanish quduqlarini, keyinchalik Oʻzbekiston Respublikasi Uy-joy kommunal xizmat koʻrsatish vazirligiga muqobil suv manbalariga suvdan foydalanuvchilarni ulash boʻyicha takliflar kiritgan holda tugatish.
3. Oʻzbekiston Respublikasi Davlat geologiya va mineral resurslar qoʻmitasini, mulkchilik shakllaridan qatʼi nazar, yakka va guruhli tartibda suv olish inshootlarini gidrogeologik tekshirishlarni amalga oshirish uchun va yer osti suvlaridan belgilangan tartibda samarali foydalanishni nazorat qilish va hisobga olish boʻyicha vakolatli organ etib belgilansin.
Keyingi tahrirga qarang.
4. Vazirlar Mahkamasining “Suvga quduqlarni burgʻulash uchun ruxsatnoma berish tartibi toʻgʻrisidagi Nizomni tasdiqlash haqida” 2014-yil 4-avgustdagi 214-son qarori (Oʻzbekiston Respublikasi QT, 2014-y., 8-son, 78-modda) oʻz kuchini yoʻqotgan deb hisoblansin.
5. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.
6. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 27-iyun,
430-son
Vazirlar Mahkamasining 2017-yil 27-iyundagi 430-son qaroriga
1-ILOVA
1-ILOVA
Yer osti suvlariga quduqlarni burgʻulash uchun ruxsatnoma berish tartibi toʻgʻrisida
NIZOM
1-bob. Umumiy qoidalar
1. Ushbu Nizom gidrogeologik xulosa berish, ruxsatnomalarning talab va shartlari, yer osti suvlariga quduqlarni burgʻulash uchun ruxsatnoma (keyingi oʻrinlarda ruxsatnoma deb ataladi) berish tartibini belgilaydi hamda yer osti suvlariga burgʻulangan foydalanish quduqlarini hisobga qoʻyish yoki ruxsatnomasiz burgʻulangan quduqlarni tugatish tartibini belgilaydi.
2. Yer osti suvlariga quduqlarni burgʻulash faoliyatini tartibga solish, suvga burgʻulash ishlarining amalga oshirilishini hisobga olish va ularni nazorat qilishni tartibga solish hamda yer osti suv qatlamlarini saqlash, birinchi oʻrinda chuchuk yer osti suvlaridan noqonuniy foydalanishga yoʻl qoʻymaslik ruxsatnoma berishning asosiy maqsadi hisoblanadi.
3. Ruxsatnoma Oʻzbekiston Respublikasi Davlat geologiya va mineral resurslar qoʻmitasi (keyingi oʻrinlarda Davlat geologiya qoʻmitasi deb ataladi) va unga qarashli gidrogeologiya tashkilotlari tomonidan Oʻzbekiston Respublikasi Ekologiya va atrof muhitni muhofaza qilish davlat qoʻmitasi davlat ekologiya ekspertizasining ijobiy xulosasi mavjud boʻlganda beriladi.
Suvga quduqlarni burgʻulash ishlarini asoslash uchun zarur boʻlgan gidrogeologik xulosa faqat Davlat geologiya qoʻmitasiga qarashli gidrogeologiya tashkilotlari tomonidan beriladi.
4. Ruxsatnoma suvga quduqlarni burgʻulash faoliyati bilan shugʻullanuvchi yuridik shaxslarga, texnik imkoniyatlari va zarur boʻlgan soha kadrlari mavjud boʻlganda, har bir quduq uchun alohida beriladi.
Agar guruhli tartibda suv olish inshootlarining qurilishi bitta hududda moʻljallangan taqdirda, ruxsatnomani guruhli quduqlarni burgʻulash uchun berishga yoʻl qoʻyiladi.
Keyingi tahrirga qarang.
5. Ruxsatnoma olish quyidagilar uchun talab qilinmaydi:
jismoniy shaxslar uchun chuqurligi kamida 25 metrgacha boʻlgan quduqlarni burgʻulash uchun va sutkasiga koʻpi bilan 5 metr kub hajmdagi yer osti suvlarini shaxsiy ehtiyojlar uchun individual olishga qaratilganda;
Davlat geologiya qoʻmitasiga qarashli gidrogeologiya tashkilotlari uchun yer osti suvlariga quduqlarni burgʻulash har yilgi mineral-xomashyo bazasini rivojlantirish va qayta toʻldirish davlat dasturi doirasida amalga oshirilganda.
6. Ruxsatnomaning amal qilish muddati burgʻulash ishlarini bajarish davri uchun, lekin bir yildan oshmaydigan davr uchun belgilanadi.
2-bob. Ruxsatnoma berish talablari va shartlari
7. Quyidagilar ruxsatnoma berishning asosiy talablari va shartlari hisoblanadi:
zarur boʻlgan uskunalarning mavjudligi (burgʻulash uskunasi, karotaj stansiyasi va kompressor);
davlat ekologiya ekspertizasi xulosasi shartlarini soʻzsiz bajarish;
yer osti suvlariga quduqlarni burgʻulashda mehnat xavfsizligining taʼminlanishi boʻyicha qonunchilik talablariga rioya qilish;
gidrogeologik xulosa asosida tayyorlangan yer osti suvlariga quduqlarni burgʻulash loyiha parametrlariga rioya qilish;
yer osti suvlari sathi barqaror oʻrnatilmagunga qadar ularni chiqarishni davom ettirish;
suv chiqarish tugallangandan soʻng talab etiladigan sifatga muvofiqligini aniqlash uchun quduq suvining kimyoviy tahlilini oʻtkazish;
quduq atrofi 1-poyasining sanitariya-himoya zonasini jihozlash;
yer osti suvlariga burgʻulash va quduqlarni qurish yakunlangandan soʻng, Davlat geologiya qoʻmitasining hududiy gidrogeologiya stansiyalariga (keyingi oʻrinlarda gidrogeologiya stansiyalari deb ataladi) yer osti suvlari haqida maʼlumot, quduqning konstruksiyasi va qirqimning geologiya-gidrogeologiya tavsifini yoritib beruvchi texnik pasport taqdim etilishi shart.
8. Ushbu Nizomning 7-bandida koʻrsatilgan ruxsat berish talablari va shartlari suvdan foydalanuvchilar va suv isteʼmolchilariga ularning majburiyatlari tarzida rasmiylashtiriladi va ruxsatnomaga ilova qilinadi.
3-bob. Gidrogeologik xulosani berish tartibi
9. Gidrogeologik xulosa axborot hujjati boʻlib, yer osti suvlariga quduqlarni burgʻulash loyihalarini tuzish uchun asos hisoblanadi.
10. Gidrogeologik xulosa Davlat geologiya qoʻmitasiga qarashli quyidagi gidrogeologiya tashkilotlari tomonidan beriladi:
“Gidromineral resurslar geologiyasi” IICHM DK;
“Orolboʻyi gidrogeologiya ekspeditsiyasi” DK;
“Gʻarbiy Oʻzbekiston gidrogeologiya ekspeditsiyasi” DK;
“Fargʻona gidrogeologiya ekspeditsiyasi” DK;
“Gidrogeologiya va muhandislik geologiyasi instituti” DK.
Keyingi tahrirga qarang.
11. Gidrogeologik xulosani olish uchun qonunda belgilangan eng kam oylik ish haqining 10 baravari miqdorida yigʻim undiriladi. Talabnomalarni koʻrib chiqish uchun yigʻimlar Davlat geologiya qoʻmitasiga qarashli tegishli gidrogeologiya tashkilotlarining bankdagi hisob raqamiga oʻtkaziladi.
12. Gidrogeologik xulosani olish uchun yuridik va jismoniy shaxslar mazkur Nizomning 10-bandida koʻrsatilgan Davlat geologiya qoʻmitasiga qarashli gidrogeologiya tashkilotlariga talab etilayotgan yer osti suvlarining taxminiy miqdori va olish maqsadini (texnik, xoʻjalik-ichimlik, sugʻorish va boshqalarni) izohlagan holda yozma ravishda murojaat qiladilar.
13. Davlat geologiya qoʻmitasiga qarashli gidrogeologiya tashkiloti ariza kelib tushgan kundan boshlab bir hafta muddatda gidrogeologik xulosani tayyorlaydi va taqdim etadi.
Gidrogeologik xulosada quyidagilar aks ettirilishi zarur:
moʻljallangan quduqlarni burgʻulash uchun maydonning geologiya-gidrogeologiya tuzilishi haqida maʼlumot;
suvli qatlamning tavsifi, gidrokimyoviy va gidrodinamik xossalari;
loyihalashtirilayotgan quduqlarning konstruksiyasiga tavsiyalar.
14. Gidrogeologik xulosa bosh gidrogeolog tomonidan imzolanadi va Davlat geologiya qoʻmitasiga qarashli gidrogeologiya tashkiloti rahbari tomonidan tasdiqlanadi.
15. Gidrogeologik xulosani tuzishda fond materiallari yetishmagan taqdirda qoʻshimcha gidrogeologik tadqiqotlar shartnoma asosida oʻtkaziladi.
16. Davlat geologiya qoʻmitasiga qarashli gidrogeologiya tashkilotlari berilayotgan gidrogeologik xulosalar hisobini belgilangan tartibda maxsus jurnalda olib boradilar.
4-bob. Ruxsatnoma berish tartibi
17. Ruxsatnomani berish tartibi mazkur Nizomning 1-ilovasida keltirilgan sxema boʻyicha amalga oshiriladi.
Arizani koʻrib chiqish uchun va ruxsatnomani berish uchun yigʻim undirilmaydi.
18. Ruxsatnomani olish uchun arizachilar joylashga joyi (pochta manzili), aloqa bogʻlash raqamlari Davlat geologiya qoʻmitasining rasmiy veb-saytida joylashtirilgan, tegishli hududiy gidrogeologiya stansiyasiga arizani taqdim etadilar.
Arizada quyidagilar mavjud boʻlishi kerak:
arizachining toʻliq rasmiy nomi koʻrsatilgan ruxsatnoma olish uchun ariza;
yer osti suvlariga quduqlarni burgʻulash uchun buyurtmachi va arizachi oʻrtasida tuzilgan shartnoma nusxasi;
yer osti suvlariga quduqlarni burgʻulash uchun moʻljallangan yer maydoniga buyurtmachining huquqini tasdiqlovchi hujjat nusxasi;
yer osti suvlariga quduqlarni burgʻulash uchun loyiha hujjatlari;
davlat ekologiya ekspertizasining ijobiy xulosasi;
arizachining texnik imkoniyatlari haqida maʼlumot, mavjud uskunalarning texnik pasportlari nusxalari;
arizachining tegishli mutaxassislari haqidagi maʼlumotlar, ularning diplom nusxalari.
Arizachidan ushbu bandda koʻrsatilmagan hujjatlarni talab qilishga yoʻl qoʻyilmaydi.
19. Arizani qabul qilishning rad etilishi mumkin boʻlgan holatlar:
ushbu Nizomning 18-bandida koʻrsatilgan hujjatlar toʻliq boʻlmaganda;
hujjatlarda notoʻgʻri yoki ishonchsiz maʼlumotlar mavjudligi.
Hujjatlarning boshqa sabablar bilan qabul qilinmasligiga yoʻl qoʻyilmaydi.
20. Gidrogeologiya stansiyalari taqdim etilgan hujjatlarni, tanlangan yer maydonida taklif etilgan quduq konstruksiyasiga koʻra, yer osti suvlariga quduqni burgʻulashning maqsadga muvofiqligini uch kun muddatda oʻrganib chiqadilar.
Keyingi tahrirga qarang.
Taqdim etilgan hujjatlarni oʻrganish natijasida gidrogeologiya stansiyalari tegishli xulosalar bilan maʼlumotlar tayyorlaydilar va elektron aloqa vositasi orqali ularni Davlat geologiya qoʻmitasiga qarashli gidrogeologiya tashkilotlariga kelib tushgan ariza bilan birga yuboradilar.
21. Davlat geologiya qoʻmitasiga qarashli gidrogeologiya tashkilotlari uch kun muddatda arizani hamda gidrogeologiya stansiyasi maʼlumotlarini oʻrganib chiqadilar va natijasi boʻyicha quyidagilarni baholagan holda xulosa tayyorlaydilar:
Keyingi tahrirga qarang.
arizachining yer osti suvlariga quduqlarni burgʻulash uchun texnik imkoniyatlari;
tegishli mutaxassislar bilan taʼminlanganligi;
gidrogeologik xulosa va davlat ekologiya ekspertizasi xulosasining yer osti suvlariga quduqlarni burgʻulashdagi loyiha hujjatlariga muvofiqligi;
tanlangan yer maydonining yer osti suvlariga quduqlarni burgʻulash maqsadiga muvofiqligi.
Xulosada ruxsatnoma berilishi maqsadga muvofiqligini koʻrsatuvchi fikrlar aks ettirilishi lozim.
Xulosa masʼul mutaxassis tomonidan imzolanadi va Davlat geologiya qoʻmitasiga qarashli gidrogeologiya tashkilotining bosh gidrogeologi tomonidan tasdiqlanadi.
Kelib tushgan arizalar gidrogeologiya tashkiloti tomonidan tegishli xulosalari bilan birgalikda Davlat geologiya qoʻmitasiga elektron aloqa vositasi orqali yuboriladi.
22. Davlat geologiya qoʻmitasi uch kun muddatda arizani gidrogeologiya tashkiloti xulosasi asosida ruxsatnoma berishning maqsadga muvofiqligini koʻrib chiqadi.
Davlat geologiya qoʻmitasi koʻrib chiqish natijasiga koʻra quyidagilar yuzasidan qaror qabul qiladi:
guruhli tartibda suv olish inshooti qurilishiga moʻljallangan yer osti suvlariga quduqlarni burgʻulash uchun ruxsatnoma berish yoki berishni rad etish;
yakka tartibda suv olish inshooti qurilishiga moʻljallangan yer osti suvlariga quduqlarni burgʻulash uchun ruxsatnoma berish.
Yer osti suvlariga quduqlarni burgʻulash uchun ruxsatnoma berilishi yoki berishning rad etilishi toʻgʻrisidagi qaror bir kun muddatda arizachiga tegishli gidrogeologiyasi stansiya orqali yetkaziladi.
23. Yer osti suvlariga quduqlarni burgʻulash uchun ruxsatnoma berish va arizalarni koʻrib chiqish holati toʻgʻrisidagi maʼlumot Davlat geologiya qoʻmitasining veb-saytiga joylashtiriladi va har kuni yangilanadi.
24. Ruxsatnoma bir kun muddatda:
Davlat geologiya qoʻmitasi tomonidan — guruhli tartibda suv olish inshooti qurilishiga moʻljallangan yer osti suvlariga quduqlarni burgʻulash uchun;
Davlat geologiya qoʻmitasiga qarashli gidrogeologiya tashkiloti tomonidan — yakka tartibda suv olish inshooti qurilishiga moʻljallangan yer osti suvlariga quduqlarni burgʻulash uchun beriladi.
25. Ruxsatnoma ushbu Nizomning 2-ilovasiga muvofiq maxsus blankada rasmiylashtiriladi va berilgan ruxsatnomalar maxsus reyestrga kiritiladi.
Ruxsatnoma Davlat geologiya qoʻmitasi tomonidan yoki tegishli ravishda gidrogeologiya tashkiloti direktori tomonidan imzolanadi.
Keyingi tahrirga qarang.
Ruxsatnomaga uning ajralmas qismi hisoblanadigan quyidagi hujjatlar ilova qilinadi:
ruxsatnomaning talab va shartlariga amal qilinishi haqidagi arizachining majburiyatlari;
yer osti suvlariga quduqlarni burgʻulash loyihasi.
Ruxsatnomani rasmiylashtirish yakunlangandan soʻng uning nusxasi tegishli gidrogeologiya stansiyasiga taqdim etiladi.
26. Yer osti suvlariga quduqlarni burgʻulash uchun ruxsatnoma berilishi rad etilgan taqdirda bir kun muddatda tegishli bildirishnoma bilan arizachiga rad etish sabablari va muddati koʻrsatilgan holda yozma shaklda yoʻllanadi. Arizachi koʻrsatilgan muddat davomida keltirilgan sabablarni bartaraf etib, hujjatlarni qayta koʻrib chiqish uchun taqdim etishi mumkin.
27. Arizachi ruxsatnoma berish rad etilishiga asos boʻlgan kamchiliklarni bartaraf qilganda, hujjatlarni qayta koʻrib chiqish kamchiliklar bartaraf etilganligi haqidagi ariza olingan kunidan boshlab bir hafta muddatda koʻrib chiqiladi.
28. Ruxsatnoma yoʻqolgan yoki buzilgan taqdirda uning dublikati ariza olingan kundan boshlab besh ish kunida beriladi.
Ruxsatnomaning dublikatini berish uchun yigʻim undirilmaydi.
29. Davlat geologiya qoʻmitasi berilgan ruxsatnomalar reyestrini yuritadi. Reyestrda quyidagi maʼlumotlar koʻrsatiladi:
arizachining nomi, tashkiliy-huquqiy shakli va arizachining joylashgan joyi (pochta manzili);
ruxsatnomaning seriyasi va nomeri, berilgan vaqti va amal qilish muddati;
quduqlarning maqsadi va chuqurligi.
Ruxsatnoma reyestrini tashkil etuvchi maʼlumotlar davlat vakolatli organlarining soʻroviga asosan bepul taqdim etilishi mumkin.
5-bob. Ruxsatnoma berish talab va shartlarini bajarish
30. Yer osti suvlariga quduqlarni burgʻulash uchun ruxsatnoma olgan arizachilar ruxsat berish talab va shartlariga rioya qilishi shart.
31. Yer osti suvlariga quduqlarni burgʻulash ishlari yakunlanganidan soʻng, ruxsatnoma olgan arizachilar bir oy muddatda mazkur Nizomning 3-ilovasida keltirilgan shakl boʻyicha texnik pasportni tayyorlaydi va uni tegishli gidrogeologiya stansiyasiga taqdim etadi.
Keyingi tahrirga qarang.
32. Gidrogeologiya stansiyasi taqdim etilgan texnik pasportni bir kun muddatda koʻrib chiqadi. Koʻrib chiqish natijalari boʻyicha quduqqa tartib raqami beriladi va hisobga olinadi.
Keyingi tahrirga qarang.
Texnik pasport gidrogeologiya stansiyasiga topshirilgandan soʻng ruxsat berish shartlari bajarilgan hisoblanadi va bu holat suvdan maxsus foydalanishga ruxsat olish uchun asos hisoblanadi.
Keyingi tahrirga qarang.
Quduqning tartib raqami berilgan texnik pasporti nusxasi keyinchalik burgʻulash ishlari buyurtmachisiga topshirish uchun qaytarib beriladi.
33. Gidrogeologiya stansiyalari tomonidan har chorakda “Gidromineral resurslar geologiyasi” IICHMning Yer osti suvlarini monitoring qilish va kadastri markaziga umumlashtirish va hisobga olish uchun burgʻulangan quduqlar toʻgʻrisida axborot berib boriladi.
Keyingi tahrirga qarang.
34. Belgilangan shaklga mos kelmaydigan texnik pasportning qabul qilinishiga yoʻl qoʻyilmaydi.
Agar ruxsatnoma olgan arizachi tomonidan texnik pasport mazkur Nizomning 31-bandida belgilangan muddatda topshirilmasa, tegishli gidrogeologiya stansiyasi bir kun muddatda Davlat geologiya qoʻmitasiga ruxsatnoma berish talab va shartlarining bajarilmaganligini maʼlum qiladi.
35. Texnik pasportning tegishli gidrogeologiya stansiyasiga topshirilmaganligi yer osti suvlari ifloslanishini oldini olish uchun burgʻulangan quduqning tugatilishiga yoki yopilishiga (tamponajlashga) asos boʻladi.
Keyingi tahrirga qarang.
Bunda burgʻulangan quduqni tugatish yoki tamponajlash ruxsatnoma olgan arizachi mablagʻlari hisobiga amalga oshiriladi.
6-bob. Yer osti suvlari uchun quduqlarni qabul qilish-topshirish tartibi
36. Burgʻulangan va jihozlangan quduq, shuningdek texnik pasport nusxasi arizachi tomonidan imzolangan shartnomaga muvofiq dalolatnomaga asosan quduqlarni burgʻulash buyurtmachisiga topshiriladi.
Qabul qilish-topshirish dalolatnomasi buyurtmachining quduqqa egalik qilish huquqini tasdiqlaydi va suvdan maxsus foydalanishga ruxsatnoma berishda hisobga olinadi.
37. Quduqni belgilangan tartibda boshqa tashkilotlarga berishda quduqning tartib raqami koʻrsatilgan tegishli dalolatnoma rasmiylashtiriladi va mulkdorlar bir hafta muddatda tegishli gidrogeologiya stansiyasiga dalolatnoma nusxasini taqdim etishlari shart.
7-bob. Yer osti suvlariga quduqlarni burgʻulash uchun ruxsatnomani qayta rasmiylashtirish, amal qilishini toʻxtatib turish yoki toʻxtatish yoki uni bekor qilish
38. Ruxsatnoma oluvchi — yuridik shaxs qayta tashkil qilinganda, uning nomi yoki joylashgan manzili (pochta manzili) oʻzgarganda ruxsatnoma oluvchi yoki uning vorisi qayta roʻyxatdan oʻtganidan soʻng yetti ish kuni mobaynida ruxsatnomani qayta rasmiylashtirish toʻgʻrisida, ushbu maʼlumotlarni tasdiqlovchi hujjatlarni ilova qilgan holda, tegishli gidrogeologiya stansiyasiga ariza topshirishi shart.
Keyingi tahrirga qarang.
Qayta rasmiylashtirish uchun yigʻim undirilmaydi.
39. Ruxsatnomani qayta rasmiylashtirish ariza olingan kundan boshlab besh ish kunidan ortiq boʻlmagan muddatda quyidagilar tomonidan amalga oshiriladi:
Davlat geologiya qoʻmitasi tomonidan — guruhli tartibda suv olish inshootlarini qurishga moʻljallangan yer osti suvlariga quduqlarni burgʻulash uchun;
Gidrogeologiya tashkilotlari tomonidan — yakka tartibda suv olish inshootlarini qurishga moʻljallangan yer osti suvlariga quduqlarni burgʻulash uchun.
40. Ruxsatnoma qayta rasmiylashtirilganda berilgan ruxsatnoma reyestriga tegishli oʻzgartirishlar kiritiladi.
41. Ruxsatnomaning amal qilishini toʻxtatib turish va toʻxtatish, shuningdek uni bekor qilish Oʻzbekiston Respublikasi “Tadbirkorlik faoliyati sohasidagi ruxsat berish tartib-taomillari toʻgʻrisida”gi Qonunining 22, 23 va 25-moddalarida nazarda tutilgan hollarda va tartibda amalga oshiriladi.
8-bob. Ruxsatnoma olinmay burgʻulangan foydalanish quduqlarini hisobga olish yoki tugatish tartibi
42. Ruxsatnoma olinmay burgʻulangan foydalanish quduqlarini hisobga olish yoki tugatishning maqsadga muvofiqligi mazkur Nizomning 10-bandida keltirilgan Davlat geologiya qoʻmitasiga qarashli gidrogeologiya tashkilotlari tomonidan quduqlar konstruksiyasi va geologik-geofizik kesimlarini aniqlashtirishga oid qoʻshimcha tadqiqotlar oʻtkazish asosida belgilanadi.
Olib boriladigan qoʻshimcha tadqiqotlar quduq egasi mablagʻlari hisobiga moliyalashtiriladi. Agar quduq egasiz boʻlsa, qoʻshimcha tadqiqotlarni moliyalashtirish hududiy “Suvoqova” DUK bilan kelishilgan holda belgilanadi.
43. Ruxsatnoma olinmay, biroq texnik talablarni hisobga olib burgʻulangan foydalanish quduqlarini hisobga olishning maqsadga muvofiqligini aniqlashda mazkur Nizomning 31, 32 va 33-bandlarida keltirilgan ishlar amalga oshiriladi.
Foydalanish quduqlarini hisobga olish belgilangan tartibda suvdan maxsus foydalanish va suvni ishlatishga ruxsat olish uchun asoslardan biri hisoblanadi.
44. Ruxsatnoma olinmay hamda texnik talablarga rioya qilinmay burgʻulangan foydalanish quduqlarini tugatishning maqsadga muvofiqligi aniqlanganda, ular tabiat muhofazasi chora-tadbirlariga rioya qilgan holda mulkdorlarning mablagʻlari hisobiga belgilangan tartibda tugatiladi.
Texnik talablarga rioya qilinmay burgʻulangan egasiz foydalanish quduqlarini tugatish Davlat geologiya qoʻmitasi tomonidan Oʻzbekiston Respublikasi Davlat budjeti mablagʻlari hisobiga amalga oshiriladi.
9-bob. Yakunlovchi qoidalar
45. Ariza beruvchilar ular tomonidan ruxsatnoma olish uchun tayyorlab taqdim etilgan hujjatlarning ishonchliligi va qonunchilikka mosligi uchun javob beradilar.
46. Ushbu Nizom talablari buzilishida aybdor boʻlgan shaxslar qonunchilikka muvofiq javob beradilar.
Yer osti suvlariga quduqlarni burgʻulash uchun ruxsatnoma berish tartibi toʻgʻrisidagi nizomga
1-ILOVA
1-ILOVA
Yer osti suvlariga quduqlarni burgʻulash uchun ruxsatnoma berish
SXEMASI
Keyingi tahrirga qarang.
Yer osti suvlariga quduqlarni burgʻulash uchun ruxsatnoma berish tartibi toʻgʻrisidagi nizomga
2-ILOVA
2-ILOVA
|
Oʻzbekiston Respublikasi Davlat gerbining tasviri | |||||||||||||||||||||||||||||
| | | | | | | | | | | | | | | | | | | | | | | | | | | | | | |
| |
seriya |
|
raqam |
| |||||||||||||||||||||||||
| 1. Ushbu ruxsatnoma berildi __________________________________________________________________ ga | |||||||||||||||||||||||||||||
| | | | | | | | |
(yuridik shaxsning nomi) | |||||||||||||||||||||
| maqsadlarda suvga quduq burgʻulash ______________________________________________________________, | |||||||||||||||||||||||||||||
| | | | | | | | | |
(suvdan foydalanish maqsadlari) | ||||||||||||||||||||
| joylashgan __________________________________________________________________________________ | |||||||||||||||||||||||||||||
| | | |
(loyiha qudugʻining joylashishi, viloyat, tuman/shahar, qishloq/ovul/koʻcha) | ||||||||||||||||||||||||||
| ___________________________________________________________________________________________. | |||||||||||||||||||||||||||||
| 2. Suv chiqarish qurilmasi _____ quduqlardan tuzilgan. 3. Quduqni loyihadagi parametrlari: a) boshlangʻich diametri ______________ mm; b) boshqa diametrga oʻtish chuqurligi _________ m; v) yakunlovchi diametr ___________ mm; g) chuqurligi ____ m. dan _____ m. gacha. 4. Yer osti suvlarini olish _________________ m3/sut. hajmlarda moʻljallangan. 5. Davlat ekologiya ekspertizasining xulosasi ______________________________________________________ ____________________________________________________________________________________________ | |||||||||||||||||||||||||||||
|
(raqami, berilish vaqti va xulosa bergan tashkilotning nomi) | |||||||||||||||||||||||||||||
| Quyidagilar ruxsatnomaning ajralmas tarkibiy qismi hisoblanadigan talablar va shartlar hisoblanadi: _______________________________________________________; | |||||||||||||||||||||||||||||
|
(ilovalar raqami, varaqlar soni) |
| | | | | | | | | | | | |||||||||||||||||
| Yer osti suvlariga quduq burgʻulashga loyiha ____________________________________. | |||||||||||||||||||||||||||||
|
(ilovalar raqami, varaqlar soni) |
| | | | | | | | | | | | | | | | | | | ||||||||||
| 6. Ushbu ruxsatnomaning amal qilish muddati 20___ yil “___” __________ gacha. | |||||||||||||||||||||||||||||
| |
_________________________________ |
| | | _______________________________________ F.I.O. | ||||||||||||||||||||||||
| |
(vakolatli shaxsning lavozimi) |
| | | M.Oʻ. | | |
(imzo) |
| | | | | | | | |||||||||||||
| | 20___ yil “____” __________ | | | | | | | | | | | | | | | | | | | ||||||||||
Yer osti suvlariga quduqlarni burgʻulash uchun ruxsatnoma berish tartibi toʻgʻrisidagi nizomga
3-ILOVA
3-ILOVA
|
____________________________________________________________________________________________ | |||||||||
____________________________________________________________________________________________ ____________________________________________________________________________________________ _______________________________________ hududidagi suvga ____-son quduqni burgʻulash natijalari haqida | |||||||||
|
| |||||||||
| | | | | | | | | | |
|
Rahbar |
|
_________________ |
|
_____________________________________________ | |||||
| | |
(imzo) |
|
(F.I.O.) | |||||
|
M.Oʻ. |
| | | | | | | | |
| | | | | | | | | | |
|
Tuzuvchi |
|
_________________ |
|
_____________________________________________ | |||||
| | |
(imzo) |
|
(F.I.O.) | |||||
| | | | |
|
| | | | |
|
1. Umumiy maʼlumotlar | |||||||||
| 1.1. Quduqlar joylashgan joy ____________________________________________________________________ ____________________________________________________________________________________________ 1.2. Quduqlarni joylashishining geografik koordinatlari (daraja, min., sek.) ____________________________ SHK: ____________________________________ SHU: ________________________________________________ 1.3. Burgʻulash buyurtmachisining nomi ____________________________________________________________ ____________________________________________________________________________________________ 1.4. Suvdan foydalanuvchining nomi ______________________________________________________________ ____________________________________________________________________________________________ 1.5. Quduqdan moʻljallangan maqsad _______________________________________________________________ 1.6. Loyihani ishlab chiquvchi ____________________________________________________________________ 1.7. Ruxsatnomaning raqami va berilgan vaqti: maxsus suvdan foydalanishga va suvni ishlatishga ___________________________________________________ quduq burgʻulashga _____________________________________________________________________________ 1.8. Suvga boʻlgan talab-ehtiyoj, m3/sut _____________________________________________________________ 1.9. Burgʻulash tashkilotining nomi _______________________________________________________________ ____________________________________________________________________________________________ 1.10. Burgʻulash turi va burgʻulash uskunasining turi ____________________________________________________________________________________________ ____________________________________________________________________________________________ 1.11. Burgʻulash ishlarini oʻtkazish sanasi ____________________________________________________ | |||||||||
|
2. Burgʻulash ishlarining natijalari | |||||||||
| 2.1. Quduq kesimining litologik tuzilishi haqidagi qisqacha maʼlumotlar: ____________________________________________________________________________________________ ____________________________________________________________________________________________ ____________________________________________________________________________________________ ____________________________________________________________________________________________ | |||||||||
| 2.2. Quduq burgʻulandi: | d ______ mm, ______________ m oraliqlarda d ______ mm, ______________ m oraliqlarda d ______ mm, _________________ m. | ||||||||
| 2.3. Quduq obsadka quvurlari bilan mahkamlandi: | d _____ mm, _____ m oraliqlarda d _____ mm, _____ m oraliqlarda d _____ mm, _____ m oraliqlarda | ||||||||
| 2.4. Filtr ______________ turda, d ______ mm ____________ m oraliqda oʻrnatilgan 2.5. Sementatsiyalash oraligʻi _________________ m. | |||||||||
|
3. Suvni chiqarib olish sinovi haqidagi maʼlumotlar | |||||||||
| 3.1. Kompressor yoki nasos turi __________________________________________________________________ 3.2. Suv koʻtaruvchi quvurning diametri va tushirish chuqurligi (agar chuqurdagi nasos boʻlsa — turini koʻrsatish, yuklanish chuqurliklari ________________________________________ 3.3. Quduqdagi suvning statistik sathlari: — chiqarilgungacha _______________m; — chiqarilgandan keyin _______________ m. 3.4. Chiqarish natijalari: — suv sarflanishi Q _____ l/s, oʻzi oqib chiqishida uni chiqarilgandan keyingi sarflanishini koʻrsatish _______________________ l/s; — pasayishi , S ______________ m; | |||||||||
|
— solishtirma debit, |
Q __________l/s; S |
| | | | | | ||
| | | | | | | ||||
| — chiqarishni oʻtkazish sanasi va chiqarishning davomiyligi: ___________________________________ 3.5. Quduqqa suv koʻtaruvchi uskunani oʻrnatish boʻyicha tavsiyalar (nasos turi, markasi va yuklanish chuqurliklari) _________________________________________________________________ 3.6. Quduqning buyurtmachiga va / yoki suvdan foydalanuvchiga topshirishdagi holati ____________________________________________________________________________________________ ____________________________________________________________________________________________ | |||||||||
|
4. Suvning sifati haqida maʼlumot | |||||||||
| 4.1. Suvning tahlilini oʻtkazuvchi laboratoriya ______________________________________________________ ____________________________________________________________________________________________ 4.2. Tahlil turlari va oʻtkazish sanasi _____________________________________________________________ ____________________________________________________________________________________________ | |||||||||
| 4.3. Tahlilning asosiy natijalari: | Minerallashuvi ____________ mg/l; Umumiy qattiqligi _______ mg ekv/l; rN _________ tuzli tarkib formulasi ____________ | ||||||||
|
5. Ilova | |||||||||
| 5.1. Quyidagi maʼlumot tarkibidagi, quduqning geologik-texnik kesimlari, quduqning kesimi (chizma): — karotajga oid diagramma; — litologik kesim; — suvning tarkibli gorizonti parametrlari; — quduq konstruksiyasi; — quduqlarning joylashish sxemasi (abris); — sinov suv chiqarish maʼlumotlari; — kimyoviy tahlillar natijalarining toʻliq maʼlumotlari. | |||||||||
Keyingi tahrirga qarang.
Vazirlar Mahkamasining 2017-yil 27-iyundagi 430-son qaroriga
2-ILOVA
2-ILOVA
Yer osti suvlari davlat monitoringi toʻgʻrisida
NIZOM
1-bob. Umumiy qoidalar
1. Ushbu Nizom Oʻzbekiston Respublikasi hududida yer osti suvlari davlat monitoringining maqsadi, asosiy vazifalari, obyektlari va yuritish tartibini belgilaydi.
2. Yer osti suvlari davlat monitoringi (keyingi oʻrinlarda davlat monitoringi deb ataladi) tabiiy muhit va yer qaʼri monitoringining tarkibiy qismi hisoblanadi.
3. Yer osti suvlari ularning maqsadi va foydalanish xarakteri va sifatidan qatʼi nazar, Davlat monitoringi obyektlari hisoblanadi.
4. Davlat monitoringi yer osti suvlari, shu jumladan mineral, termal va ishlab chiqarishdagi suvlar holatini doimiy kuzatish tizimidan iborat boʻladi.
Keyingi tahrirga qarang.
Davlat monitoringi maʼlumotlaridan davlat hisobotlari va rasmiy nashrlarda, belgilangan tartibda idoralararo va xalqaro darajada maʼlumot almashish hamda obyektlarni qurish va loyihalashtirish, yer osti suvlari muhofazasi va foydalanish hisobi va davlat suv kadastrini yuritishda foydalaniladi.
5. Davlat monitoringini yuritish Oʻzbekiston Respublikasida tabiiy muhit monitoringi Dasturi va har yilgi respublika mineral-xom ashyo bazasini rivojlantirish va qayta toʻldirish davlat dasturlari doirasida amalga oshiriladi.
Yer osti monitoringi muayyan vazifalaridan kelib chiqilgan holda davlat va ishlab chiqarish darajasida amalga oshiriladi.
2-bob. Davlat monitoringining maqsadi va asosiy vazifalari
6. Davlat monitoringining asosiy maqsadi yer osti suvlari holati miqdori va sifat oʻzgarishini oʻz vaqtida aniqlash, ularni baholash va prognoz qilish, salbiy hodisalar va ular oqibatining oldini olish uchun takliflar ishlab chiqish va ogohlantirishdan iborat.
7. Quyidagilar Davlat monitoringining asosiy vazifalari hisoblanadi:
yer osti suvlari holatini doimiy kuzatishni amalga oshirish va tashkillashtirish;
olingan maʼlumotlarni yigʻish, qayta ishlash, saqlash va tahlil qilish;
yer osti suvlaridan foydalanishning davlat hisobini yuritish;
Keyingi tahrirga qarang.
yer osti suvlari zaxirasi va resurslariga texnogen taʼsir darajasi va xususiyatlarini aniqlash;
yer osti suvlarining kamayib ketishi va ifloslanish darajasini baholash;
yer osti suvlarining gidrokimyoviy va gidrodinamik tarkibi oʻzgarishini baholash;
qisqa va uzoq muddatli davrlar uchun yer osti suvlari holati oʻzgarishini baholashni ishlab chiqish;
davlat idora va tashkilotlarini yer osti suvlarining holati toʻgʻrisidagi maʼlumotlar bilan taʼminlash.
8. Davlat monitoringi yer osti suvlari holati, sifat va miqdor koʻrsatkichlari va prognozi oʻzgarishini baholash uchun belgilangan boʻlib, shu jumladan yer osti suvlari konlaridan foydalanilayotgan, yer osti suvlari zaxirasi va resurslari prognozi hamda ulardan foydalanilishini hisobga olish, davlat suv kadastrining yer osti suvi boʻlimiga qoʻshish uchun maʼlumotlarni tayyorlashga moʻljallangan.
3-bob. Davlat monitoringi obyektlari
9. Davlat monitoringi obyektlari quyidagilarga boʻlinadi:
chuchuk va kam shoʻrlangan suvlar;
mineral, termal va sanoat ishlab chiqarishi yer osti suvlari;
yerning gidrodeformatsion maydoni.
10. Chuchuk va kam shoʻrlangan yer osti suvlari davlat monitoringi gidrodinamik va gidrokimyoviy tarkibning oʻzgarishi va holatini kuzatish axborot-oʻlchash tizimidan iborat.
Keyingi tahrirga qarang.
11. Yer osti suvlarining mineral, termal va sanoat ishlab chiqarishidagi davlat monitoringi gidrodinamik va gidrokimyoviy tarkibning oʻzgarishi va holatini kuzatish axborot-oʻlchash tizimi bilan birga ishlab chiqarishda va birga uchraydigan nodir komponentlarni ajratib olish mumkinligini baholashdan iborat.
12. Yerning gidrodeformatsion maydoni davlat monitoringi yer osti suvlarining gidrodinamik tartibi oʻzgarishi va holatini kuzatish axborot-oʻlchash tizimi, yaʼni yer qobigʻidagi chuqurlikdagi seysmotektonik aktivliklarni kuzatishdan iborat.
4-bob. Davlat monitoringini olib borish tartibi
13. Davlat monitoringi respublika (respublikaning butun hududini qamrab oladi) va mahalliy darajalarda (fizik-geografik, maʼmuriy va boshqalar bilan cheklangan hududni qamrab oladi) olib boriladi.
Davlat monitoringi Oʻzbekiston Respublikasi Davlat budjeti hisobiga Oʻzbekiston Respublikasi Davlat geologiya va mineral resurslar qoʻmitasining (keyingi oʻrinlarda Davlat geologiya qoʻmitasi deb ataladi) hududiy gidrgeologiya stansiyalari tomonidan amalga oshiriladi.
14. Ishlab chiqarish (mahalliy) monitoringi yer osti suvlariga texnogen taʼsir koʻrsatuvchi alohida uchastkalar hududida joylashgan bir qancha quduqlarni yoki yakka quduqlarni oʻz ichiga oladi.
Ishlab chiqarish (mahalliy) yer osti suvlari monitoringi yuridik va jismoniy shaxslarning oʻz mablagʻlari hisobidan amalga oshiriladi.
15. Davlat monitoringi mazkur Nizomning 1-ilovasidagi sxemaga muvofiq amalga oshiriladi.
Davlat monitoringi kuzatuv punktlarida yer osti suvlari holatini doimiy oʻlchash yoʻli bilan amalga oshiriladi.
Keyingi tahrirga qarang.
16. Davlat monitoringi kuzatuv punktlari tarmoqlari gidrometrik postlar, quduqlar, buloqlar, yakka va guruhli burgʻulangan quduqlardan tashkil topgan boʻlib, ularda yer osti suvlarining gidrodinamik va gidrokimyoviy koʻrsatkichlarining oʻzgarishi yuzasidan tizimli kuzatuv olib boriladi.
Kuzatuv punktlarini joylashtirish va tanlash mezonlari yer osti suvlari monitoringini yuritish metodikasi asosida Davlat geologiya qoʻmitasi tomonidan belgilanadi.
Barcha kuzatuv punktlari balandlik va plandagi joylashishiga koʻra topografik oʻlchovlar natijasida bogʻlangan boʻlishi kerak.
17. Kuzatuv quduqlarini barpo etish uchun Davlat geologiya qoʻmitasining soʻroviga binoan mahalliy davlat hokimiyati organlari tomonidan ularni sozlash va taʼmirlash uchun katta gabaritli texnikalar kirishini inobatga olgan holda tegishli yer uchastkalari ajratiladi.
Keyingi tahrirga qarang.
Keyingi tahrirga qarang.
18. Davlat monitoringi obyektlaridan olingan birlamchi maʼlumotlar hududiy gidrogeologiya stansiyalari tomonidan qayta ishlanishi, izohlanishi va tahlil qilinishi lozim.
Ishlab chiqarish monitoringidan olingan birlamchi maʼlumotlar hududiy gidrogeologiya stansiyalariga qayta ishlash, izohlash va tahlil qilish uchun taqdim etilishi lozim.
Keyingi tahrirga qarang.
“Gidromineral resurslar geologiyasi” IICHM DKdagi yer osti suvlari kadastri va monitoringi markaziga har chorakda tegishli hududlar boʻyicha yer osti suvlari monitoringi toʻgʻrisida maʼlumotlar taqdim etiladi.
Keyingi tahrirga qarang.
19. Hududiy gidrogeologiya stansiyalari tomonidan “Gidromineral resurslar geologiyasi” IICHM DKdagi yer osti suvlari kadastri va monitoringi markaziga taqdim etilgan maʼlumotlar:
Keyingi tahrirga qarang.
respublika boʻyicha yer osti suvlarining gidrokimyoviy va gidrodinamik oʻzgarishi holati boʻyicha axborot hujjatlari tayyorlanadi va umumlashtiriladi;
davlat kadastri maʼlumot bazasiga kiritiladi va belgilangan tartibda davlat kadastrlarining yagona tizimiga kiritish uchun Yergeodezkadstr davlat qoʻmitasiga, davlat suv kadastri uchun — Gidrometeorologik xizmat markaziga, muhofazalanadigan tabiiy hududlar davlat kadastri uchun — Davlat ekologiya qoʻmitasiga hamda Davlat geologiya qoʻmitasi tomonidan Oʻzbekiston Respublikasi Vazirlar Mahkamasiga, Favqulodda vaziyatlar vazirligiga va mahalliy davlat hokimiyati organlariga taqdim etish uchun beriladi.
Keyingi tahrirga qarang.
20. Yer osti suvlari holati boʻyicha olingan maʼlumotlarda ruxsat etilgan tarkiblar oʻzgarishi va oʻta xavfliligi aniqlanganda, zudlik bilan Davlat geologiya qoʻmitasi, Davlat ekologiya qoʻmitasi va Favqulodda vaziyatlar vazirligiga tegishli choralar koʻrish uchun taqdim etiladi.
5-bob. Davlat monitoringini olib borishni tashkil etish
21. Davlat monitoringini olib borish Davlat geologiya qoʻmitasi tomonidan tasdiqlanadigan hududiy gidrogeologiya stansiyalari loyihalari doirasida amalga oshiriladi.
Davlat monitoringini olib borish boʻyicha kerakli hujjatlar, tegishli hududiy gidrogeologiya stansiyalari tomonidan belgilangan tartibda hisobga olinishi va saqlanishi lozim.
22. Hududiy gidrogeologiya stansiyasi boshligʻi yer osti suvlari monitoringi davlat inspektori hisoblanadi, Davlat geologiya qoʻmitasi raisi tomonidan lavozimga tayinlanadi va lavozimdan ozod etiladi.
Keyingi tahrirga qarang.
23. Davlat inspektori kuzatuv punktlaridagi, shu jumladan yuridik va jismoniy shaxslar rahbarligidagi ishlab chiqarish (mahalliy) monitoringi punktlaridagi yer osti suvlari holatini doimiy kuzatish huquqiga egadir.
Shu bilan birga, yuridik va jismoniy shaxslar rahbarligidagi ishlab chiqarish (mahalliy) monitoringi kuzatuv punktlarida yer osti suvlari holatini kuzatish uchun oldindan tegishli asoslar bilan ularni xabardor qilishi lozim.
24. Yuridik va jismoniy shaxslar yer osti suvlari holati boʻyicha moʻljallanayotgan kuzatish toʻgʻrisida xabarnoma olganlaridan soʻng, ishlab chiqarish monitoringini olib borish boʻyicha maʼlumot bilan birga yer osti suvlaridan foydalanish yuzasidan tegishli hisobotlar nusxasini taqdim etgan holda kuzatuv punktlarini oʻrganishga toʻsqinlik koʻrsatmasliklari talab etiladi.
25. Yer osti suvlaridan foydalanish va ishlab chiqarish monitoringi yuridik va jismoniy shaxslar tomonidan yuritilishi buzilganligi aniqlangan taqdirda davlat inspektorlari tomonidan kamchiliklarni bartaraf etish boʻyicha koʻrsatma beriladi, kerakli choralarni amalga oshirish va ularni bajarish muddatlari koʻrsatiladi.
Keyingi tahrirga qarang.
Davlat inspektorlari tomonidan koʻrsatma nusxasi Davlat geologiya qoʻmitasiga hisobga olish va nazorat qilish uchun taqdim etiladi.
Mazkur Nizomning 2-ilovasida koʻrsatma blankasi keltirilgan. Koʻrsatma blankasi tartib raqamiga ega boʻlib, ular maxsus daftarda roʻyxatga olib boriladi.
26. Koʻrsatmalarning belgilangan muddatlarda bajarilmasligi, yer osti suvlaridan foydalanish shartlari buzilganligi toʻgʻrisidagi hujjatlar bilan birga huquqni muhofaza qilish organlariga taqdim etish hamda yuridik va jismoniy shaxslarni qonun doirasida javobgarlikka tortish uchun asos boʻladi.
Keyingi tahrirga qarang.
27. Davlat inspektorlari oʻz faoliyati doirasida Davlat geologiya qoʻmitasiga javob beradilar, ularning bajarayotgan ishlari hisoboti tizimli ravishda Davlat geologiya qoʻmitasi hayʼatining kengaytirilgan yigʻilishida koʻrib chiqiladi.
Keyingi tahrirga qarang.
6-bob. Yakunlovchi qoidalar
28. Davlat monitoringi davomida olingan maʼlumotlar maxfiy hisoblanadi va ularni oshkor qilish yoki begona shaxslarga berish taqiqlanadi. Qonun hujjatlarida nazarda tutilgan holatlar bundan mustasno.
Keyingi tahrirga qarang.
29. Davlat inspektorlari va yer osti suvlaridan foydalanuvchi yuridik va jismoniy shaxslar davlat va ishlab chiqarish monitoringi natijalari boʻyicha taqdim etilayotgan maʼlumotlarning haqqoniyligi yuzasidan qonunchilik doirasida javob beradilar.
Yer osti suvlari davlat monitoringi toʻgʻrisidagi nizomga
1-ILOVA
1-ILOVA
Yer osti suvlari davlat monitoringini amalga oshirish
SXEMASI
Keyingi tahrirga qarang.
Keyingi tahrirga qarang.
Yer osti suvlari davlat monitoringi toʻgʻrisidagi nizomga
2-ILOVA
2-ILOVA
|
Oʻzbekiston Respublikasi Davlat gerbi tasviri | |||||||
| | | Kimga berilgan: ______________________________________________________ | |||||
| | | |
(Suvdan foydalanuvchi/ishlatuvchining nomi, lavozimi, F.I.O.) | ||||
| Manzili: ___________________________________________________________________________________ ____________________________________________________________________________________________ ____________________________________________________________________________________________ Kamchilik turi: _____________________________________________________________________________ ____________________________________________________________________________________________ ____________________________________________________________________________________________ ____________________________________________________________________________________________ ____________________________________________________________________________________________ ____________________________________________________________________________________________Xavf solishi: _______________________________________________________________________________ ____________________________________________________________________________________________ Belgilandi: _________________________________________________________________________________ ____________________________________________________________________________________________ ____________________________________________________________________________________________ ____________________________________________________________________________________________ | |||||||
| Berilgan: Yer osti suvlari monitoringi boʻyicha davlat inspektori |
| | |||||
|
______________________________ |
__________ |
| | | | ||
| |
(F.I.O.) |
|
(imzo) |
| | | |
|
____________________________________________________________________________________________ | |||||||
| Ijroga qabul qildi: | | | | | | ||
|
_________________________________________________________ |
______________ |
| |||||
|
(Kimga (idoraviy mansubligi) lavozimi, F.I.O.) |
(imzo) |
| |||||
| Maʼlumot uchun: ___________________________________________________________ | |||||||
| ________________________________________________ | tel. _____________________________ | ||||||
Vazirlar Mahkamasining 2017-yil 27-iyundagi 430-son qaroriga
3-ILOVA
3-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2003-yil 3-iyuldagi 302-son qarori bilan tasdiqlangan Oʻzbekiston Respublikasi hududida kapital qurilishda tanlov savdolari toʻgʻrisidagi nizomning 271-bandiga (Oʻzbekiston Respublikasi QT, 2003-y., 7-son, 57-modda) “obyektlarni” soʻzidan keyin “(suvga quduqlarni burgʻulash bilan bogʻliq obyektlardan tashqari)” soʻzlari qoʻshilsin.
Keyingi tahrirga qarang.
2. Vazirlar Mahkamasining 2011-yil 28-iyuldagi 220-son qarori bilan tasdiqlangan Yer qaʼrini geologik jihatdan oʻrganish, undan foydalanish va uni muhofaza qilish ustidan davlat nazorati toʻgʻrisidagi nizomning (Oʻzbekiston Respublikasi QT, 2011-y., 7-son, 68-modda) 11-bandi toʻrtinchi xatboshidagi “ekspluatatsiya quduqlarini” soʻzlari “quduqlarni” soʻzi bilan almashtirilsin.
Keyingi tahrirga qarang.
3. Vazirlar Mahkamasining 2012-yil 4-iyuldagi 192-son qarori bilan tasdiqlangan Texnik jihatdan foydalanishda temir yoʻl transporti xavfsizligi toʻgʻrisidagi umumiy texnik reglamentning 170-bandi “a” kichik bandidan (Oʻzbekiston Respublikasi QHT, 2012-y., 28-son, 311-modda) “suvga quduqlarni burgʻulash” soʻzlari chiqarib tashlansin.
4. Vazirlar Mahkamasining 2013-yil 14-iyundagi 171-son qarori bilan tasdiqlangan Suvdan maxsus foydalanish yoki suvni maxsus isteʼmol qilish uchun ruxsatnoma berish tartibi toʻgʻrisidagi nizomda (Oʻzbekiston Respublikasi QT, 2013-y., 6-son, 40-modda):
a) quyidagi mazmundagi 31-band qoʻshilsin:
“31. Quyidagilardan:
belgilangan tartibda hisobga olinmagan suvdagi quduqlardan;
guruhli suv olish uchun (ikki va undan ortiq quduqlardan) belgilangan tartibda tasdiqlanmagan yer osti suvlari ekspluatatsiya zaxiralaridan suvdan maxsus foydalanishga yoki suvni maxsus isteʼmol qilishga yoʻl qoʻyilmaydi)”;
b) 20-bandga quyidagi mazmundagi xatboshi qoʻshilsin:
“Yer osti suvlaridan foydalanish boʻyicha suvdan maxsus foydalanish va suvni maxsus isteʼmol qilish uchun ruxsatnomaga suvdan foydalanuvchi va suv isteʼmolchisining suv resurslaridan oqilona foydalanish, suv hajmining zarur tarzdagi hisobi yuritilishi, suv bulgʻanishi va kamayib ketishining oldini olish, shuningdek vakolatli davlat organlariga belgilangan tartibda muntazam ravishda hisobot taqdim etish boʻyicha majburiyatlari ilova qilinadi”;
v) quyidagi mazmundagi 231 va 232-bandlar qoʻshilsin:
“231. Yer osti suvlaridan foydalanish boʻyicha suvdan maxsus foydalanish va suvni maxsus isteʼmol qilishga ruxsatnomaning amal qilish muddati mobaynida ruxsatnoma olgan yuridik va jismoniy shaxslar tomonidan:
har kuni maxsus jurnalda olinadigan yer osti suvlari hajmining hisobi yuritiladi;
har yili 10-yanvardan kechikmay Davlat geologiya qoʻmitasining hududiy gidrogeologiya stansiyalariga Davlat geologiya qoʻmitasi tomonidan tasdiqlanadigan shakl boʻyicha yer osti suvlaridan foydalanish toʻgʻrisidagi hisobot taqdim etiladi.
232. Yer osti suvlaridan foydalanish boʻyicha suvdan maxsus foydalanish va suvni maxsus isteʼmol qilishga ruxsatnoma olgan yuridik va jismoniy shaxslar uning amal qilishi muddati davrida Davlat ekologiya qoʻmitasining hududiy boshqarmalari, Davlat geologiya qoʻmitasining hududiy gidrogeologiya stansiyalari va “Sanoatgeokontexnazorat” davlat inspeksiyasining inspeksiyalari vakillari ishtirokida tegishli dalolatnomalar bilan rasmiylashtiriladigan ekspluatatsiya quduqlarini konservatsiya qilish va konservatsiya qilishdan chiqarish huquqiga egadirlar”;
g) 24-banddagi “uch yilga” soʻzlari “bir yildan ortiq boʻlmagan” soʻzlari bilan almashtirilsin;
d) 25-bandning toʻrtinchi xatboshiga “va yer osti suvlaridan oqilona foydalanish boʻyicha suvdan foydalanish va suvni isteʼmol qilish majburiyatlarini zarur tarzda bajarish” soʻzlari qoʻshilsin.
5. Vazirlar Mahkamasining 2013-yil 15-avgustdagi 225-son qarori bilan tasdiqlangan Tadbirkorlik faoliyati sohasidagi ruxsat etish xususiyatiga ega hujjatlar roʻyxatida (Oʻzbekiston Respublikasi QT, 2013-yil, 8-son, 55-modda):
110-pozitsiya chiqarib tashlansin;
111-pozitsiyadagi “Tabiatni muhofaza qilish davlat qoʻmitasi” soʻzlari “Davlat geologiya va mineral resurslar qoʻmitasi” soʻzlari bilan almashtirilsin.
Keyingi tahrirga qarang.
6. Vazirlar Mahkamasining 2015-yil 3-fevraldagi 19-son qarori (Oʻzbekiston Respublikasi QT, 2015-yil, 2-son, 6-modda) bilan tasdiqlangan Aholi punktlarida davlat kapital qoʻyilmalari hisobiga moliyalashtiriladigan ichimlik suv taʼminoti va oqova suv xizmati obyektlarini qurish va rekonstruksiya qilishni tashkil etish tartibi toʻgʻrisidagi nizomning 5-bandi oltinchi xatboshi quyidagi tahrirda bayon qilinsin:
“suvda quduqlarni burgʻulashga ruxsatnoma — Oʻzbekiston Respublikasi Davlat geologiya va mineral resurslar qoʻmitasi tomonidan belgilangan tartibda beriladigan ruxsat berish xususiyatiga ega hujjat”.
(Oʻzbekiston Respublikasi qonun hujjatlari toʻplami, 2017-y., 26-son, 592-modda; Qonun hujjatlari maʼlumotlari milliy bazasi, 01.04.2018-y., 09/18/255/1034-son, 30.10.2018-y., 09/18/884/2128-son, 05.12.2018-y., 09/18/983/2271-son; 11.02.2019-y., 09/19/111/2596-son, 15.08.2019-y., 09/19/672/3568-son; Qonunchilik maʼlumotlari milliy bazasi, 30.12.2021-y., 07/21/73/1227-son; 26.02.2022-y., 09/22/88/0165-son; 16.12.2025-y., 09/25/791/1167-son)
