|
Hujjat 15.12.2014 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
BUDJET TASHKILOTLARINI MABLAGʻ BILAN TAʼMINLASH TARTIBINI TAKOMILLASHTIRISH TOʻGʻRISIDA
Davlat budjeti hisobiga mablagʻ bilan taʼminlanadigan tarmoqlarda iqtisodiy islohotlarni chuqurlashtirish, budjet tashkilotlarini mablagʻ bilan taʼminlash mexanizmini takomillashtirish, budjet mablagʻlaridan samarali va aniq foydalanish maqsadida Vazirlar Mahkamasi qaror qiladi:
Keyingi tahrirga qarang.
1. Oʻzbekiston Respublikasi Moliya vazirligining 2000-yil 1-yanvardan boshlab budjet tashkilotlari xarajatlarini mablagʻ bilan taʼminlashning yangi tartibini joriy etish toʻgʻrisidagi taklifiga rozilik berilsin. U quyidagilarni nazarda tutadi:
budjet mablagʻlaridan tejab, samarali va aniq foydalanish hamda budjet intizomini mustahkamlash uchun budjet tashkilotlari rahbarlarining mustaqilligini kengaytirish va masʼuliyatini oshirish;
Keyingi tahrirga qarang.
budjetdan mablagʻ oluvchi tashkilotlarni mablagʻ bilan taʼminlash mexanizmini soddalashtirish va budjet mablagʻlaridan foydalanishda yuqori natijalarga erishish maqsadida mavjud mablagʻlarni oqilona taqsimlash uchun shart-sharoitlar yaratish;
Keyingi tahrirga qarang.
budjet tashkilotlari xodimlari mehnatini ragʻbatlantirish, ular faoliyati samaradorligini oshirish va kadrlarning oʻrnashib qolishi uchun shart-sharoitlar yaratish.
Keyingi tahrirga qarang.
2. Belgilansinki, yangi tartibga muvofiq budjet tashkilotlarini mablagʻ bilan taʼminlash normativlar boʻyicha (faoliyat turiga koʻra) xarajatlarning quyidagi guruhlarini bir satrda mablagʻ bilan taʼminlash usulida amalga oshiriladi:
Keyingi tahrirga qarang.
I. Ish haqi va unga tenglashtirilgan toʻlovlar (bolali oilalarga nafaqalar va kam taʼminlangan oilalarga moddiy yordam, stipendiyalar va boshqalar);
II. Ish haqiga qoʻshimchalar;
III. Kapital qoʻyilmalar (Davlat investitsiya dasturida nazarda tutilgan aniq roʻyxatlarga muvofiq);
IV. Boshqa xarajatlar.
Oldingi tahrirga qarang.
Gʻazna ijrosiga oʻtgan budjet mablagʻlari oluvchilarning xarajatlari Moliya vazirligining Gʻaznachiligi va uning hududiy boʻlinmalari tomonidan yagona gʻazna hisob raqamidan, shuningdek yuqorida koʻrsatilgan xarajatlar guruhlarining har bir moddasi boʻyicha hududiy gʻaznachilik hisob raqamidan amalga oshiriladi.
(2-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori asosida oltinchi xatboshi bilan toʻldirilgan— OʻR QHT, 2007-y., 29-30-son, 306-modda)
Oldingi tahrirga qarang.
Budjet tashkilotlarini xarajatlarini moliyalashtirish (toʻlash) tartibi ilovaga muvofiq tasdiqlansin.
(2-bandning yettinchi xatboshisi Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahrirda — OʻR QHT, 2007-y., 29-30-son, 306-modda)
Keyingi tahrirga qarang.
3. Yuridik shaxs maqomiga ega boʻlgan budjet tashkilotlarini mablagʻ bilan taʼminlash manbalarini:
faoliyat turi boʻyicha tovarlar (ishlar, xizmatlar) ishlab chiqarish va sotishdan;
budjet tashkilotlari tomonidan vaqtincha foydalanilmayotgan binolarni va davlatning boshqa mol-mulkini boshqa tashkilotlarga ijaraga berishdan;
yuridik va jismoniy shaxslar tomonidan budjet tashkilotlariga homiylik (begʻaraz) yordami berilishidan qoʻshimcha daromadlar olish hisobiga kengaytirish maqsadga muvofiq deb hisoblansin.
Oldingi tahrirga qarang.
4. Mazkur qarorning 3-bandida koʻrsatib oʻtilgan manbalardan qoʻshimcha daromad olayotgan budjet tashkilotlari 2000-yil 1-yanvardan boshlab 2018-yil 1-yanvargacha Davlat budjetiga undiriladigan soliqlar va yigʻimlarning barcha turlaridan ozod qilinsin, boʻshab qolgan mablagʻlar moddiy-texnika va ijtimoiy bazani mustahkamlashga, shuningdek ularning xodimlarini moddiy ragʻbatlantirishga maqsadli yoʻnaltirilsin.
Keyingi tahrirga qarang.
Ushbu imtiyoz maqsadli davlat jamgʻarmalariga ajratmalar toʻlashga ham joriy etilishi maʼlumot uchun qabul qilinsin.
(4-band Oʻzbekiston Respublikasi Prezidentining 2014-yil 4-dekabrdagi PQ-2270-sonli qarori tahririda — OʻR QHT, 2014-y., 50-son, 590-modda)
Keyingi tahrirga qarang.
Keyingi tahrirga qarang.
5. Yuridik shaxs maqomiga ega boʻlgan budjet tashkilotlariga Budjet tashkilotini rivojlantirish jamgʻarmasini shakllantirish huquqi berilsin, jamgʻarma:
Oldingi tahrirga qarang.
gʻazna ijrosiga oʻtmagan budjet tashkilotlari boʻyicha — rejaga muvofiq budjetdan mablagʻ bilan taʼminlash hisobiga tushgan va hisobot choragining oxirgi ish kuni oxirida budjet tashkilotlari hisob raqamlarida qolgan tejab qolingan mablagʻlar (kapital qoʻyilmalarni moliyalashtirish uchun nazarda tutilgan mablagʻlar bundan mustasno);
(5-bandning ikkinchi xatboshi Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Oldingi tahrirga qarang.
gʻazna ijrosiga oʻtgan budjet tashkilotlari boʻyicha — budjet tashkilotlarining Moliya vazirligining Gʻaznachiligi va uning hududiy boʻlinmalarida ochilgan hisob raqamlarida hisobot choragining oxirgi ish kuni oxirida qolgan tejab qolingan mablagʻlar (kapital qoʻyilmalar xarajatlariga haq toʻlash uchun nazarda tutilgan mablagʻlar bundan mustasno);
(5-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori asosida uchinchi xatboshi bilan toʻldirilgan — OʻR QHT, 2007-y., 29-30-son, 306-modda)
budjet tashkilotlari faoliyati turiga muvofiq tovarlar (ishlar, xizmatlar) ishlab chiqarish va sotishdan olingan daromadlar;
Oldingi tahrirga qarang.
budjet tashkiloti balansida boʻlgan davlat mulkini ijaraga berishdan qonun hujjatlariga muvofiq olingan mablagʻlarning bir qismi;
(5-bandning beshinchi xatboshi Oʻzbekiston Respublikasi Vazirlar Mahkamasining 2009-yil 5-iyundagi 153-sonli qarori tahririda — OʻR QHT, 2009-y., 24-son, 270-modda)
yuridik va jismoniy shaxslar tomonidan budjet tashkilotlariga berilayotgan homiylik yordami (begʻaraz yordam) hisobiga shakllantiriladi.
Keyingi tahrirga qarang.
6. Belgilansinki, Budjet tashkilotini rivojlantirish jamgʻarmasi mablagʻlari:
Oldingi tahrirga qarang.
avvalo vaqtincha mehnatga layoqatsizlik boʻyicha nafaqalarni va mavjud kreditorlik qarzlarni toʻlashga;
(6-bandning ikkinchi xatboshisi Oʻzbekiston Respublikasi Prezidentining 2006-yil 18-dekabrdagi PQ-532-sonli qarori tahririda — OʻR QHT, 2006-y., 51-52-son, 507-modda)
budjet tashkilotining moddiy-texnika bazasini mustahkamlash tadbirlariga;
ijtimoiy rivojlantirish va xodimlarni moddiy ragʻbatlantirish tadbirlariga sarflanadi.
Keyingi tahrirga qarang.
Keyingi tahrirga qarang.
Oldingi tahrirga qarang.
61. Yilning yanvar oyi moliya yiliga qoʻshimcha vaqt davri etib belgilansin, ushbu davr mobaynida Davlat budjetining oʻtgan yilgi gʻazna ijrosi amalga oshiriladi.
Qoʻshimcha vaqt davrida moliya organlari, Moliya vazirligining Gʻaznachiligi va uning hududiy boʻlinmalari, shuningdek budjet tashkilotlari tomonidan hisobot yili Davlat budjetini ijro etish operatsiyalari amalga oshiriladi, shu jumladan:
budjetlararo oʻzaro hisob-kitoblar tartibga solinadi;
budjetdan mablagʻ oluvchilarning oʻtgan yilgi kreditorlik qarzlari toʻlanadi;
tejab qolingan mablagʻlar Budjet tashkilotini rivojlantirish jamgʻarmalariga oʻtkaziladi;
Davlat budjetini ijro etish yuzasidan boshqa operatsiyalar amalga oshiriladi.
(61-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori bilan kiritilgan — OʻR QHT, 2007-y., 29-30-son, 306-modda)
Keyingi tahrirga qarang.
7. Oʻzbekiston Respublikasi Moliya vazirligi tegishli vazirliklar va idoralar bilan birgalikda:
tijorat banklarida joriy hisobvaraqlar ochgan holda yuridik shaxs maqomi beriladigan budjet tashkilotlari roʻyxatini 1999-yil 1-oktabrgacha belgilasin;
budjet tashkilotlari faoliyati turini hisobga olgan holda budjetdan mablagʻ bilan taʼminlash normativlarini 1999-yil 1-noyabrgacha ishlab chiqsin va belgilangan tartibda tasdiqlasin;
budjet tashkilotlarini 2000-yil 1-yanvardan boshlab mablagʻ bilan taʼminlashning yangi shartlariga oʻtkazishga tayyorlash boʻyicha zarur tadbirlarni amalga oshirsin.
8. Oʻzbekiston Respublikasi Moliya vazirligi bir oy muddatda:
Oʻzbekiston Respublikasi Davlat mulki qoʻmitasi bilan birgalikda — Budjet tashkilotlari tomonidan vaqtincha foydalanilmayotgan davlat mol-mulkini boshqa korxonalar va tashkilotlarga ijaraga berish tartibni ishlab chiqsin va belgilangan tartibda tasdiqlasin.
9. Oʻzbekiston Respublikasi Moliya vazirligi budjet intizomiga rioya qilinishi ustidan qattiq nazoratni taʼminlasin, bunda:
Keyingi tahrirga qarang.
budjet mablagʻlaridan, shu jumladan Budjet tashkilotlarini rivojlantirish jamgʻarmasi mablagʻlaridan nooʻrin foydalanilishi;
Oldingi tahrirga qarang.
budjetdan ajratiladigan mablagʻlarning xarajatlar guruhlari va moddalari boʻyicha tasdiqlangan limitlardan oshib ketishi;
(9-bandning uchinchi xatboshisi Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
shtat-smeta intizomi buzilishi;
Keyingi tahrirga qarang.
xarajatlarni mablagʻ bilan taʼminlashning belgilangan navbatiga, ularni toʻlash muddatlari va toʻliqligiga rioya qilmaslik hollarining oldini olsin.
Moliya organlari, budjet tashkilotlari rahbarlari budjet intizomiga rioya qilinishi uchun mehnat, maʼmuriy va jinoyat qonunchiligida nazarda tutilgan tartibda shaxsan javob berishlari toʻgʻrisida ogohlantirilsin. Bunda budjet tashkilotlarining qoʻshimcha daromadlar olish boʻyicha faoliyati budjet mablagʻlari hisobiga bajarilayotgan ishlar, koʻrsatilayotgan xizmatlar hajmi va sifatiga zarar yetkazmasligi kerak.
Keyingi tahrirga qarang.
Keyingi tahrirga qarang.
10. Oʻzbekiston Respublikasi Adliya vazirligi qonun hujjatlariga mazkur qarordan kelib chiquvchi oʻzgartirish va qoʻshimchalar kiritish toʻgʻrisidagi takliflarni ikki hafta muddatda kiritsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1999-yil 3-sentabr,
414-son
Oldingi tahrirga qarang.
Budjet tashkilotlarini xarajatlarini moliyalashtirish (toʻlash)
TARTIBI
(ilova nomi Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
TARTIBI
I. UMUMIY QOIDALAR
1. Mazkur Tartib Davlat budjetidan mablagʻ bilan taʼminlanadigan tashkilotlarga tatbiq etiladi. Mustaqil ravishda xoʻjalik hisobi faoliyatini yurituvchi, maxsus kelishib olingan tadbirlar uchun budjetdan dotatsiya va mablagʻlar oluvchi vazirliklar, idoralar, korxonalar va tashkilotlarga nisbatan mazkur Tartibni qoʻllash xususiyatlari Oʻzbekiston Respublikasi Moliya vazirligi tomonidan belgilanadi.
Keyingi tahrirga qarang.
Oldingi tahrirga qarang.
2. Budjet tashkilotlari xarajatlarini moliyalashtirish (toʻlash)ning mazkur tartibi quyidagilarni nazarda tutadi:
budjet mablagʻlaridan tejab, samarali va aniq foydalanish hamda budjet intizomini mustahkamlash uchun budjet tashkilotlari rahbarlarining mustaqilligini kengaytirish va masʼuliyatini oshirish;
Keyingi tahrirga qarang.
budjet tashkilotlari xarajatlarini moliyalashtirish (toʻlash) mexanizmini soddalashtirish va ushbu mablagʻlardan foydalanishda yuqori natijalarga erishish maqsadida mavjud mablagʻlarni oqilona taqsimlash uchun imkoniyatlar yaratish;
ish haqi va unga tenglashtirilgan toʻlovlarni, ish haqiga qoʻshimchalar, kapital qoʻyilmalar va boshqa xarajatlarni guruhlagan holda bir satrda mablagʻ bilan taʼminlash usulida budjet tashkilotlarini normativlar boʻyicha (faoliyat turiga koʻra) budjet tashkilotlari xarajatlarini moliyalashtirish (toʻlash)ning yangi tartibini joriy etish, gʻazna ijrosiga oʻtgan, xarajatlari moddalar boʻyicha amalga oshiriladigan budjet tashkilotlari bundan mustasno;
Keyingi tahrirga qarang.
Davlat budjetidan mablagʻ oluvchilarning mablagʻlarni sarflashlari ustidan dastlabki va joriy nazoratni taʼminlash;
budjet tashkilotlari xarajatlarini moliyalashtirish (toʻlash)ni ularning faoliyat turi boʻyicha tovarlar (ishlar, xizmatlar) ishlab chiqarish va sotish faoliyatini kengaytirish bilan birga qoʻshib olib borish;
Keyingi tahrirga qarang.
budjet tashkilotlari xodimlari mehnatini ragʻbatlantirish, ular faoliyati samaradorligini oshirish va kadrlarning oʻrnashib qolishi uchun shart-sharoitlar yaratish.
(2-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Oldingi tahrirga qarang.
3. Davlat mudofaa qobiliyatini, xavfsizligini taʼminlash, mamlakatda ichki tartibni saqlash va boshqalar bilan bogʻliq xarajatlarni moliyalashtirish (toʻlash) Oʻzbekiston Respublikasi Moliya vazirligi tomonidan belgilanadigan tartibda amalga oshiriladi.
(3-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
II. XARAJATLARNI DAVLAT BUDJETIDAN MABLAGʻ BILAN TAʼMINLASH
4. Xarajatlarning quyidagi guruhlari Davlat budjetidan mablagʻ bilan taʼminlanadi:
I. Ish haqi va unga tenglashtirilgan toʻlovlar (bolali oilalarga nafaqalar va kam taʼminlangan oilalarga moddiy yordam, stipendiyalar va boshqalar);
II. Ish haqiga qoʻshimchalar;
III. Kapital qoʻyilmalar (Davlat investitsiya dasturida nazarda tutilgan aniq roʻyxatlarga muvofiq);
IV. Boshqa xarajatlar.
Oldingi tahrirga qarang.
Gʻazna ijrosiga oʻtgan budjet tashkilotlarining xarajatlari Moliya vazirligining Gʻaznachiligi va uning hududiy boʻlinmalari tomonidan yagona gʻazna hisob raqamidan, shuningdek yuqorida koʻrsatilgan xarajatlar guruhlarining har bir moddasi boʻyicha hududiy gʻaznachilik hisob raqamidan amalga oshiriladi.
(4-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori asosida xatboshi bilan toʻldirilgan — OʻR QHT, 2007-y., 29-30-son, 306-modda)
Keyingi tahrirga qarang.
Oldingi tahrirga qarang.
5. Xarajatlarini moliyalashtirish (toʻlash) budjet ijrosi jarayonida xarajatlar roʻyxati va smetasiga kiritiladigan oʻzgartirishlarni hisobga olgan holda tegishli yil uchun tasdiqlangan budjet parametrlariga hamda budjet tashkilotlarining xarajatlar smetalariga muvofiq tuzilgan budjet xarajatlarining choraklar boʻyicha taqsimlangan yillik roʻyxatiga binoan amalga oshiriladi.
(5-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
6. Budjet tashkilotlari Oʻzbekiston Respublikasi Moliya vazirligi tomonidan tasdiqlangan budjetdan mablagʻ bilan taʼminlash normativlari asosida smeta va shtatlar jadvalini qonun hujjatlarida belgilangan tartibda mustaqil ravishda ishlab chiqadilar va tasdiqlaydilar.
Smetalar Oʻzbekiston Respublikasi Moliya vazirligi tomonidan tasdiqlangan Davlat budjeti daromadlari va xarajatlarining amaldagi tasnifnomasiga muvofiq xarajatlarning toʻliq yoyilmasi ilova qilingan holda xarajatlarning toʻrt guruhi boʻyicha tuziladi.
Ilova smetaning ajralmas qismi hisoblanadi, smetaning prognoz hisob-kitoblarini asoslash uchun xizmat qiladi va hisobot maqsadlari uchun foydalaniladi.
Oldingi tahrirga qarang.
Xalq taʼlimi muassasalari boʻyicha xarajatlar smetasi va shtatlar jadvali hududiy moliya organlari bilan birgalikda tuziladi.
(6-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori asosida xatboshi bilan toʻldirilgan — OʻR QHT, 2007-y., 29-30-son, 306-modda)
Keyingi tahrirga qarang.
Oldingi tahrirga qarang.
7. Budjet tashkilotlari tasdiqlangan smeta va shtatlar jadvalini roʻyxatdan oʻtkazish uchun qonun hujjatlarida belgilangan tartibda Oʻzbekiston Respublikasi Moliya vazirligiga yoki uning hududiy moliya organlariga moliyaviy yilning 10-martidan kechikmay taqdim etadilar.
(7-band Oʻzbekiston Respublikasi Prezidentining 2012-yil 25-dekabrdagi PQ-1887-sonli qarori tahririda — OʻR QHT, 2012-y., 52-son, 587-modda)
Keyingi tahrirga qarang.
8. Tasdiqlangan smeta va shtatlar jadvalini roʻyxatdan oʻtkazish, ilovalarni kelishish taqdim etilgan hujjatlarning tasdiqlangan budjet xarajatlari limitlariga va normativlariga hamda budjet parametrlariga muvofiqligi tahlili asosida tegishli moliya organlarida qonun hujjatlarida nazarda tutilgan tartibda amalga oshiriladi.
Keyingi tahrirga qarang.
Oldingi tahrirga qarang.
9. Budjet tashkilotlarining tasdiqlangan smetalari va shtat jadvallarini roʻyxatdan oʻtkazish tegishli moliya organlari tomonidan moliyaviy yilning 1-apreligacha amalga oshiriladi.
(9-band Oʻzbekiston Respublikasi Prezidentining 2012-yil 25-dekabrdagi PQ-1887-sonli qarori tahririda — OʻR QHT, 2012-y., 52-son, 587-modda)
10. Budjet tashkilotlarining tasdiqlangan xarajatlar smetasi va shtatlar jadvalini, shuningdek amaldagi smeta va shtatlar jadvaliga kiritiladigan oʻzgartirishlar ular Oʻzbekiston Respublikasi Moliya vazirligida yoki hududiy moliya organlarida roʻyxatdan oʻtkazilgandan soʻng amalga kiritiladi.
Oldingi tahrirga qarang.
Xarajatlar smetasi va shtatlar jadvaliga kiritiladigan oʻzgartirishlar Oʻzbekiston Respublikasi Moliya vazirligi tomonidan belgilanadigan tartibda albatta Moliya vazirligining Gʻaznachiligi va uning hududiy boʻlinmalari bilan kelishiladi.
(10-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori asosida xatboshi bilan toʻldirilgan — OʻR QHT, 2007-y., 29-30-son, 306-modda)
Keyingi tahrirga qarang.
Oldingi tahrirga qarang.
Oldingi tahrirga qarang.
11. Xarajatlarning I va II guruhlariga kiritilgan budjet tashkilotlari birinchi navbatda xarajatlarini moliyalashtiradi (toʻlaydi). Bunda II xarajatlarning guruhiga tegishli mablagʻ oʻtkazmasdan I guruh xarajatlarini amalga oshirish taqiqlanadi (ish haqi uchun olingan avanslardan tashqari).
(11-bandning birinchi xatboshisi Oʻzbekiston Respublikasi Prezidentining 2009-yil 22-dekabrdagi PQ-1245-sonli qarori tahririda — OʻR QHT, 2009-y., 52-son, 560-modda)
Yagona gʻazna hisob raqamida, shuningdek hududiy gʻaznachilik hisob raqamida birinchi va ikkinchi guruhlar boʻyicha toʻlanmagan xarajatlar summasidan ortiq mablagʻlar mavjud boʻlganda ortiqcha summa miqdorida uchinchi va toʻrtinchi guruhlar boʻyicha xarajat qilishga ruxsat etiladi.
(11-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
12. Kapital qoʻyilmalarga ajratmalar joriy budjet yili uchun tasdiqlangan Respublika investitsiya dasturiga muvofiq qurilishlarning aniq roʻyxatlariga va amaldagi qonun hujjatlariga muvofiq ajratiladi.
Oldingi tahrirga qarang.
Gʻaznachilik tomonidan xizmat koʻrsatiladigan buyurtmachilar obyektlari qurilishiga Davlat budjetida nazarda tutilgan xarajatlar Gʻaznachilik va uning hududiy boʻlinmalari tomonidan Oʻzbekiston Respublikasining joriy yilga tasdiqlangan Investitsiya dasturiga hamda qurilishlarning aniq roʻyxatiga muvofiq, buyurtmachilarning Moliya vazirligining Gʻaznachiligida va uning hududiy boʻlinmalarida roʻyxatdan oʻtkazilgan shartnomalarga asosan toʻlanadi.
(12-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori asosida xatboshi bilan toʻldirilgan — OʻR QHT, 2007-y., 29-30-son, 306-modda)
Keyingi tahrirga qarang.
Oldingi tahrirga qarang.
13. Xarajatlarning I va II guruhlarini respublika va mahalliy budjetlardan xarajatlarini moliyalashtirish (toʻlash) smetalarga va budjet xarajatlari roʻyxatlariga, ularga kiritilgan oʻzgartirishlarni hisobga olgan holda, shuningdek oldingi hisobot davri uchun belgilangan baholash koʻrsatkichlarining bajarilishiga muvofiq har oyda amalga oshiriladi.
Kapital qoʻyilmalarni va boshqa xarajatlarni xarajatlarini moliyalashtirish (toʻlash) budjetga mablagʻlar tushishiga qarab har oyda amalga oshiriladi.
(13-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
Oldingi tahrirga qarang.
14. Budjet tashkilotlari xarajatlarini:
respublika budjetidan mablagʻ bilan taʼminlash (toʻlash) — Oʻzbekiston Respublikasi Moliya vazirligida belgilangan shakldagi maqsadli sertifikat (unda budjet tasnifnomasi paragraflari va xarajatlar guruhlarini koʻrsatgan holda) va xarajatlarning har bir guruhi boʻyicha bir satrda mablagʻ oʻtkazish uchun toʻlov qogʻozi bilan rasmiylashtiriladi;
mahalliy budjetlardan mablagʻ bilan taʼminlash (toʻlash) — tegishli moliya organlarida belgilangan shakldagi tayinlash sertifikati va xarajatlarning har bir guruhi boʻyicha bir satrda mablagʻ oʻtkazish uchun toʻlov qogʻozi bilan rasmiylashtiriladi.
Gʻazna ijrosiga oʻtgan budjet mablagʻi oluvchilar boʻyicha xarajatlarni toʻlash:
respublika budjetidan — Oʻzbekiston Respublikasi Moliya vazirligining Gʻaznachiligi va uning tegishli hududiy boʻlinmalari tomonidan roʻyxatdan oʻtkazilgan shartnomalar yoki budjet mablagʻlarini yuridik va jismoniy shaxslarning hisob raqamlariga oʻtkazish majburiyatini yuklaydigan boshqa hujjatlar asosida amalga oshiriladi;
Qoraqalpogʻiston Respublikasi va mahalliy budjetlardan — Moliya vazirligi Gʻaznachiligining tegishli hududiy boʻlinmalari tomonidan roʻyxatdan oʻtkazilgan shartnomalar yoki budjet mablagʻlarini yuridik va jismoniy shaxslarning hisob raqamlariga oʻtkazish majburiyatini yuklaydigan boshqa hujjatlar asosida amalga oshiriladi.
(14-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
Oldingi tahrirga qarang.
15. Budjet tashkilotlarining xarajatlarini moliyalashtirishda (toʻlashda) yangi budjet yilida mablagʻ ajratish rejasi budjet tashkilotlarining hisobot yilidan keyingi yilning 1-yanvaridagi holatiga koʻra tovar-moddiy boyliklarning normativdan ortiq qoldigʻi summasiga kamaytiriladi.
Oʻtgan yillardagi debitorlik qarzlarning qaytarilgan summalari tegishli budjetlar daromadlariga oʻtkaziladi (budjet tashkilotlarining budjetdan tashqari mablagʻlari hisobiga paydo boʻlganlari bundan mustasno)”;
Budjet tashkilotlarining asosiy vositalarini sotishdan tushadigan mablagʻlarni taqsimlash tartibi qonun hujjatlariga muvofiq belgilanadi.
Tovar-moddiy boyliklarni sotishdan olingan mablagʻlar budjet tashkilotlarining budjetdan tashqari mablagʻlar boʻyicha talab qilib olinadigan depozit hisob raqamlarida (yoki Gʻaznachilik boʻlinmalarida ochilgan shaxsiy hisob raqamlarida) jamlanadi va budjet tashkilotlari tomonidan quyidagi tartibda taqsimlanadi:
50 foizi - tegishli budjet daromadiga;
50-foizi - budjet tashkilotlarining budjetdan tashqari mablagʻlar boʻyicha talab qilib olinadigan depozit hisob raqamlarida (yoki Gʻaznachilik boʻlinmalarida ochilgan shaxsiy hisob raqamlarida) qoladi.
Tovar-moddiy boyliklarni sotishdan olingan budjet tashkilotlari ixtiyorida qoldiriladigan mablagʻlar ular tomonidan faoliyat sohasiga muvofiq moddiy-texnik bazani mustahkamlashga yoʻnaltiriladi.
(15-bandning ikkinchi xatboshisi Oʻzbekiston Respublikasi Vazirlar Mahkamasining 2009-yil 31-dekabrdagi 343-sonli qarori tahririda)
Keyingi tahrirga qarang.
III. BUDJET TASHKILOTLARI TOMONIDAN DAVLAT BUDJETIDAN OLINGAN MABLAGʻLARNING SARFLANISHI
Oldingi tahrirga qarang.
16. Budjet mablagʻlari budjet tashkilotlari tomonidan mustaqil ravishda, budjet ijrosi jarayonida belgilangan tartibda ularga kiritilgan oʻzgartirishlarni hisobga olgan holda tasdiqlangan xarajatlar smetasi doirasida sarflanadi. Bunda xarajatlarning I va II guruhlari birinchi navbatda xarajatlarini moliyalashtiradi (toʻlaydi).
(16-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
Oldingi tahrirga qarang.
17. Xarajatlarning III guruhi budjet tashkilotlari tomonidan Respublika investitsiya dasturida joriy moliya yili uchun belgilangan limitlar doirasida xarajatlarini moliyalashtiradi (toʻlaydi).
(17-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
18. “Boshqa xarajatlar” IV guruhi boʻyicha mablagʻlar belgilangan limitlar doirasida quyidagi navbatga rioya qilgan holda sarflanadi:
ovqatlantirish;
dori-darmonlar;
kommunal xizmatlar;
boshqa xarajatlar.
Keyingi tahrirga qarang.
19. Budjet tashkilotlari Oʻzbekiston Respublikasi Moliya vazirligi yoki uning hududiy moliya organlari bilan kelishgan holda mavsumiy yoki shoshilinch tadbirlar (birinchi sinf oʻquvchilari uchun maktab anjomlari, kam taʼminlangan oilalar bolalari uchun qishki kiyimlar xarid qilish, epidemiyaga qarshi, yuqumli kasalliklarga qarshi tadbirlar va boshqa tadbirlar)ni mablagʻ bilan taʼminlash uchun mablagʻlarni IV guruh mablagʻlari hisobiga tezkorlik bilan xarajat qilishlari mumkin.
Keyingi tahrirga qarang.
Oldingi tahrirga qarang.
20. IV guruh hisobiga avtomobillar va boshqa avtotransport vositalarini (maxsus avtotransport bundan mustasno), uyali telefonlar va zeb-ziynat buyumlari (import ofis mebeli, audio-video texnika (oʻquv, ilmiy va tibbiy jarayonlarda foydalaniladiganlardan tashqari) ofislar uchun gilamlar va boshqalar) xarid qilishga faqat Oʻzbekiston Respublikasi Moliya vazirligi bilan kelishgan holda yoʻl qoʻyiladi, koʻrsatib oʻtilgan moddiy aktivlarni sotib olishga mablagʻlar iqtisodiy tasnifnomaning tegishli moddasi boʻyicha budjet tashkilotining xarajatlar smetasida nazarda tutilgan hollar bundan mustasno.
(20-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
21. Xarajatlarning u yoki bu guruhida paydo boʻlgan kreditorlik qarzlar joriy moliya yiliga belgilangan limitlar doirasida ularning paydo boʻlishi navbatiga koʻra har qaysi guruh boʻyicha toʻlanadi.
Keyingi tahrirga qarang.
Oldingi tahrirga qarang.
22. Hisobot choragining oxirgi ish kuni oxirida budjet tashkilotlarining hisob raqamlarida qolgan tejab qolingan budjet mablagʻlari (kapital qoʻyilmalarni mablagʻ bilan taʼminlash uchun nazarda tutilgan mablagʻlar bundan mustasno) olib qoʻyilmaydi, Budjet tashkilotini rivojlantirish jamgʻarmasiga oʻtkaziladi va mazkur Tartib talablariga muvofiq sarflanadi.
Gʻazna ijrosiga oʻtgan budjet tashkilotlari boʻyicha hisobot choragining oxirgi ish kuni oxirida budjet tashkilotlarining Moliya vazirligi Gʻaznachiligida va uning hududiy boʻlinmalarida ochilgan hisob raqamlarida qolgan tejab qolingan mablagʻlar (kapital qoʻyilmalar boʻyicha xarajatlarni toʻlash uchun nazarda tutilgan mablagʻlar bundan mustasno) olib qoʻyilmaydi, Budjet tashkilotini rivojlantirish jamgʻarmasiga oʻtkaziladi va undan mazkur Tartib talablariga muvofiq foydalaniladi.
Tejab qolingan budjet mablagʻlarini oʻtkazish budjet tashkilotlari tomonidan yuridik va moliyaviy majburiyatlar olinmagan budjetdan ajratiladigan mablagʻlar doirasida hisobot choragidan keyingi oy mobaynida amalga oshiriladi.
(22-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
Oldingi tahrirga qarang.
23. Budjet tashkilotlarini kelgusi chorakda mablagʻ bilan taʼminlash hajmi hisobot choragida tejab qolingan budjet mablagʻlari summasiga kamaytirilmaydi.
(23-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
IV. BUDJET TASHKILOTINI RIVOJLANTIRISH JAMGʻARMASINI SHAKLLANTIRISH VA UNING MABLAGʻLARIDAN FOYDALANISH TARTIBI
24. Yuridik shaxs maqomiga ega boʻlgan budjet tashkilotlarining qoʻshimcha daromadlari mablagʻ bilan taʼminlashning quyidagi manbalari:
faoliyat turi boʻyicha tovarlar (ishlar, xizmatlar) ishlab chiqarish va sotish;
budjet tashkilotlari tomonidan vaqtincha foydalanilmayotgan binolarni va davlatning boshqa mol-mulkini boshqa tashkilotlarga ijaraga berish;
yuridik va jismoniy shaxslar tomonidan budjet tashkilotlariga koʻrsatiladigan homiylik (begʻaraz) yordami hisobiga olinishi mumkin.
Keyingi tahrirga qarang.
Oldingi tahrirga qarang.
25. Budjet tashkilotini rivojlantirish jamgʻarmasi:
gʻazna ijrosiga oʻtmagan budjet tashkilotlari boʻyicha — rejaga muvofiq budjetdan mablagʻ bilan taʼminlash hisobiga tushgan va hisobot choragining oxirgi ish kuni oxirida budjet tashkilotlari hisob raqamlarida qolgan tejab qolingan mablagʻlar (kapital qoʻyilmalarni mablagʻ bilan taʼminlash uchun nazarda tutilgan mablagʻlar bundan mustasno);
gʻazna ijrosiga oʻtgan budjet tashkilotlari boʻyicha — hisobot choragining oxirgi ish kuni oxirida budjet tashkilotlarining Moliya vazirligi Gʻaznachiligida va uning hududiy boʻlinmalarida ochilgan hisob raqamlarida qolgan tejab qolingan mablagʻlar (kapital qoʻyilmalar boʻyicha xarajatlarni toʻlash uchun nazarda tutilgan mablagʻlar bundan mustasno);
budjet tashkilotlari faoliyati turiga muvofiq tovarlar (ishlar, xizmatlar) ishlab chiqarish va sotishdan olingan daromadlar;
vaqtincha foydalanilmayotgan binolarni va davlatning boshqa mol-mulkini boshqa tashkilotlarga ijaraga berishdan olingan mablagʻlarning 50 foizi. Mablagʻlarning qolgan 50 foizini budjet tashkilotlari mahalliy budjetlar daromadiga oʻtkazadilar;
yuridik va jismoniy shaxslar tomonidan budjet tashkilotlariga berilayotgan homiylik yordami (begʻaraz yordam) hisobiga shakllantiriladi.
(25-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
26. Budjet tashkilotini rivojlantirish jamgʻarmasi mablagʻlari faqat:
Oldingi tahrirga qarang.
avvalo vaqtincha mehnatga layoqatsizlik boʻyicha nafaqalarni va mavjud kreditorlik qarzlarni toʻlashga;
(26-bandning ikkinchi xatboshisi Oʻzbekiston Respublikasi Prezidentining 2006-yil 18-dekabrdagi PQ-532-sonli qarori tahririda — OʻR QHT, 2006-y., 51-52-son, 507-modda)
budjet tashkilotining moddiy-texnika bazasini mustahkamlash tadbirlariga;
ijtimoiy rivojlantirish va budjet tashkilotlarining xodimlarini moddiy ragʻbatlantirish tadbirlariga sarflanadi.
Keyingi tahrirga qarang.
Oldingi tahrirga qarang.
27. Budjet tashkilotida vaqtincha mehnatga layoqatsizlik boʻyicha toʻlanmagan nafaqalar muddati oʻtkazib yuborilgan kreditorlik qarz mavjud boʻlsa, Budjet tashkilotini rivojlantirish jamgʻarmasi mablagʻlari tejab qolingan budjet mablagʻlari doirasida ushbu qarzlarni toʻlashga (ishlar, xizmatlar tovarlar ishlab chiqarish va sotish boʻyicha jami xarajatlar oʻrni qoplangandan soʻng) sarflanadi.
(27-bandning birinchi xatboshisi Oʻzbekiston Respublikasi Prezidentining 2006-yil 18-dekabrdagi PQ-532-sonli qarori tahririda — OʻR QHT, 2006-y., 51-52-son, 507-modda)
Agar kreditorlik qarzi budjet tashkilotining xarajatlari vaqtincha yetarli miqdorda mablagʻ bilan taʼminlanmaganligi munosabati bilan paydo boʻlgan taqdirda, kreditorlik qarzning Budjet tashkilotini rivojlantirish jamgʻarmasi hisobiga toʻlangan miqdori joriy moliya yiliga belgilangan xarajatlar limiti doirasida budjetdan qoplanadi.
28. Agar kreditorlik qarzi budjet tashkilotlarining xarajatlar smetasiga ilovada nazarda tutilgan tegishli xarajatlar toʻlanmaganligi va (yoki) xarajatlarning har qaysi guruhi boʻyicha belgilangan limitlarning oshib ketganligi munosabati bilan paydo boʻlgan boʻlsa, toʻliq hajmda budjetdan mablagʻ bilan taʼminlangan taqdirda, Budjet tashkilotini rivojlantirish jamgʻarmasi mablagʻlari (ishlar, xizmatlar, tovarlar ishlab chiqarish va sotish boʻyicha jami xarajatlar oʻrni toʻldirilgandan soʻng) avvalo xarajatlarning toʻlanmagan qismi va belgilangan limitlarning ortib ketgan miqdori doirasida kreditorlik qarzlarni uzishga yoʻnaltiriladi.
Keyingi tahrirga qarang.
Oldingi tahrirga qarang.
29. Budjet tashkilotida vaqtincha mehnatga layoqatsizlik boʻyicha toʻlanmagan nafaqalar va kreditorlik qarz mavjud boʻlmasa yoxud ushbu qarzlar mazkur Tartibda belgilangan doirada va shartlarda toʻlangan taqdirda tovarlar (ishlar, xizmatlar)ni ishlab chiqarish va sotish boʻyicha jami xarajatlarning oʻrni toʻldirilgandan keyin Budjet tashkilotini rivojlantirish jamgʻarmasining qolgan mablagʻlari (homiylik yordami, begʻaraz yordam miqdori bundan mustasno):
(29-bandning birinchi xatboshi Oʻzbekiston Respublikasi Prezidentining 2009-yil 22-dekabrdagi PQ-1245-sonli qarori tahririda — OʻR QHT, 2009-y., 52-son, 560-modda)
Oldingi tahrirga qarang.
tushgan barcha mablagʻlarning kamida 75 foizi (sogʻliqni saqlash budjet tashkilotlarida kamida 50 foizi) moddiy-texnika bazani mustahkamlashga;
koʻpi bilan 25 foizi (sogʻliqni saqlash budjet tashkilotlarida kamida 50 foizdan ortiq boʻlmagan miqdorda) budjet tashkilotlari xodimlarini ijtimoiy himoya qilish va moddiy ragʻbatlantirish tadbirlariga sarflanadi.
(29-bandning ikkinchi va uchinchi xatboshi Oʻzbekiston Respublikasi Prezidentining 2009-yil 22-dekabrdagi PQ-1245-sonli qarori tahririda — OʻR QHT, 2009-y., 52-son, 560-modda)
Keyingi tahrirga qarang.
Keyingi tahrirga qarang.
Yuridik va jismoniy shaxslar tomonidan budjet tashkilotiga koʻrsatilgan homiylik (begʻaraz) yordamidan olingan mablagʻlarning barcha summasi, agar homiy bilan maxsus oʻzgacha hol kelishilmagan boʻlsa, moddiy-texnika bazani mustahkamlashga sarflanadi.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
V. BUDJETDAN AJRATILADIGAN MABLAGʻLARNI VA BUDJETDAN TASHQARI MABLAGʻLARNI HISOBGA OLISH TARTIBI
30. Moliya organlari va budjet tashkilotlarida buxgalteriya hisobi va hisoboti “Buxgalteriya hisobi toʻgʻrisida”gi Qonunga, Davlat budjetidan mablagʻ bilan taʼminlanadigan muassasalar va tashkilotlarda buxgalteriya hisobi boʻyicha yoʻriqnomaga, Davlat budjeti daromadlari va xarajatlarining amaldagi tasnifnomasiga va Oʻzbekiston Respublikasi Moliya vazirligining boshqa meʼyoriy hujjatlariga muvofiq yuritiladi.
Keyingi tahrirga qarang.
31. Faoliyat turiga koʻra tovarlar (ishlar, xizmatlar) ishlab chiqarish va sotishdan olingan daromadlar Budjet tashkilotini rivojlantirish jamgʻarmasiga tushadi hamda amaldagi qonun hujjatlariga muvofiq hisobga olinadi.
Budjet tashkilotini rivojlantirish jamgʻarmasi mablagʻlarini shakllantirish va ulardan foydalanish munosabati bilan budjet tashkilotlari tomonidan buxgalteriya hisobining umumiy qoidalarini qoʻllash xususiyatlari tarmoq xususiyatini hisobga olgan holda ishlab chiqilgan Budjet tashkilotlari daromadlari va xarajatlari buxgalteriya hisobi toʻgʻrisidagi nizomda qayd etiladi.
Keyingi tahrirga qarang.
Oldingi tahrirga qarang.
32. Yuridik shaxs maqomini olgan budjet tashkilotlari belgilangan tartibda hisobga turadilar va bunda qonun hujjatlarida belgilangan tartibda tegishli davlat organlariga moliya va statistika hisoboti taqdim etadilar.
(32-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
Keyingi tahrirga qarang.
VI. BUDJET TASHKILOTLARI XARAJATLARI IJROSINI NAZORAT QILISH
Oldingi tahrirga qarang.
33. Budjet mablagʻlaridan foydalanilishini nazorat qilish budjetdan mablagʻ oluvchilarning xarajatlarini toʻlash boshlangungacha budjet mablagʻlari boʻyicha (dastlabki nazorat), xarajatlarni budjetdan moliyalashtirish (toʻlash) jarayonida (joriy nazorat) va budjet tashkiloti tegishli xarajatlarni qilgandan keyin (keyinchalik nazorat qilish) amalga oshiriladi).
Keyingi tahrirga qarang.
(33-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
34. Budjet mablagʻlaridan foydalanilishini nazorat qilish budjetdan mablagʻ bilan taʼminlashning belgilangan normativlari va limitlari, davlat budjeti daromadlari va xarajatlarining amaldagi tasnifnomasi, tegishli budjetlarning tasdiqlangan parametrlari, tasdiqlangan shtat jadvallari va belgilangan tartibda roʻyxatdan oʻtkazilgan budjet tashkilotlari xarajatlari smetasi, mazkur Tartibning qoidalari va boshqa qonun hujjatlari asosida amalga oshiriladi.
Keyingi tahrirga qarang.
35. Budjet tashkilotlari tomonidan mablagʻlarning sarflanishini, shu jumladan Budjet tashkilotini rivojlantirish jamgʻarmasi mablagʻlaridan maqsadli foydalanilishini nazorat qilish Oʻzbekiston Respublikasi Moliya vazirligining Nazorat-taftish bosh boshqarmasi, uning hududiy organlari va joylardagi moliya organlari tomonidan qonun hujjatlari bilan berilgan vakolatlarga muvofiq amalga oshiriladi.
Keyingi tahrirga qarang.
Oldingi tahrirga qarang.
Moliya vazirligi Gʻaznachiligi va uning hududiy boʻlinmalari budjet tashkilotlarining xarajatlar smetalarida nazarda tutilgan mablagʻlardan maqsadli va oqilona foydalanish ustidan dastlabki va joriy nazoratni amalga oshiradi.
(35-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori asosida xatboshi bilan toʻldirilgan — OʻR QHT, 2007-y., 29-30-son, 306-modda)
36. Oʻzbekiston Respublikasi Moliya vazirligi va tegishli hududiy moliya organlari quyidagi huquqlarga ega:
budjetdan mablagʻ bilan taʼminlanadigan tashkilotlardan budjetni rejalashtirish, mablagʻ bilan taʼminlash, tegishli tashkilot tomonidan budjet intizomiga rioya etilishini nazorat qilish uchun zarur boʻlgan hisobot maʼlumotlarini soʻrash;
kredit muassasalaridan ularning ustavlariga muvofiq budjet tashkilotlarining operatsiyalari va hisobvaraqlari toʻgʻrisidagi maʼlumotlarni olish;
Oldingi tahrirga qarang.
tashkilotlar tomonidan mablagʻlar gʻayriqonuniy sarflanganda, budjet intizomi buzilishi hollari aniqlangan taqdirda, shuningdek ilgari ajratilgan mablagʻlardan foydalanish toʻgʻrisidagi hisobotlar va boshqa belgilangan hisobot taqdim etilmaganda, bu haqda tegishli vazirliklar (idoralar), hokimliklar rahbarlarini xabardor qilgan holda tashkilotlarni budjetdan xarajatlarini moliyalashtirishni (toʻlashni) cheklash va zarur hollarda toʻxtatib qoʻyish;
(36-bandning toʻrtinchi xatboshi Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori tahririda — OʻR QHT, 2007-y., 29-30-son, 306-modda)
budjet tashkilotlarining moliyaviy faoliyatini taftish qilish va tekshirish;
aniqlangan qonunbuzishlarni bartaraf etish boʻyicha chora-tadbirlar bajarilishini tekshirish;
amaldagi qonun hujjatlari buzilgan taqdirda tekshirish materiallarini huquqni muhofaza qilish organlariga berish.
Keyingi tahrirga qarang.
VII. BUDJET TASHKILOTLARI RAHBARLARI VA MOLIYA ORGANLARI VAKOLATLI XODIMLARINING JAVOBGARLIGI
Budjet tashkilotlarining shtat jadvallari va xarajatlar smetasini tuzish va roʻyxatdan oʻtkazishning toʻgʻriligi va asoslanganligi uchun javobgarlik
37. Budjet tashkilotlarining smetalari va shtat jadvallarini tuzish hamda tasdiqlangan smetalar va shtat jadvallarini roʻyxatdan oʻtkazish tartibiga rioya etilishi, ularning tasdiqlangan tasnifnomaga, xarajatlar normativlari va limitlariga muvofiqligi uchun amaldagi qonun hujjatlariga muvofiq:
budjet tashkilotlarining rahbarlari va bosh buxgalterlari — budjet tashkilotlarining ishlab chiqilgan va roʻyxatdan oʻtkazish uchun kiritiladigan tasdiqlangan smetalari va shtat jadvallari toʻgʻriligi va asoslanganligi uchun;
Oʻzbekiston Respublikasi Moliya vazirligi tizimining vakolatli xodimlari, shu jumladan Moliya vazirligi rahbarlari va markaziy apparati xodimlari — budjet tashkilotlarining roʻyxatdan oʻtkazilgan shtat jadvallari va yigʻma smetalari toʻgʻriligi va asoslanganligi uchun shaxsan javob beradilar.
Keyingi tahrirga qarang.
Budjet intizomiga rioya etilishi uchun javobgarlik
38. Ham budjet mablagʻlari hisobiga, ham mazkur Tartibda nazarda tutilgan boshqa manbalar hisobiga mablagʻ bilan taʼminlanadigan tashkilotlarning rahbarlari amaldagi mehnat, maʼmuriy, jinoyat qonunchiligiga muvofiq budjet intizomi buzilishi uchun, shu jumladan:
budjet mablagʻlaridan va boshqa pul mablagʻlaridan nooʻrin foydalanilishi;
muddati oʻtkazib yuborilgan debitorlik va kreditorlik qarzlar paydo boʻlishi;
xarajatlar guruhlari boʻyicha tasdiqlangan budjetdan ajratiladigan mablagʻlar limitlari oshirib yuborilishi;
shtat-smeta intizomi buzilishi;
xarajatlar smetasi ijrosi toʻgʻrisidagi hisobot oʻz vaqtida taqdim etilmaganligi uchun shaxsan javob beradilar.
Oldingi tahrirga qarang.
Budjet tashkilotini rivojlantirish jamgʻarmasiga oʻtkazilishi kerak boʻlgan tejab qolingan budjet mablagʻlari summasini notoʻgʻri aniqlash.
(38-band Oʻzbekiston Respublikasi Vazirlar Mahkamasining 2007-yil 19-iyuldagi 148-sonli qarori asosida xatboshi bilan toʻldirilgan — OʻR QHT, 2007-y., 29-30-son, 306-modda)
Keyingi tahrirga qarang.
Oldingi tahrirga qarang.
381. Oʻz boʻlinmalari uchun markazlashtirilgan xaridni amalga oshiradigan budjet tashkilotlari rahbarlari davlat xaridlarini tashkil etish va samarali amalga oshirish uchun qonun hujjatlarida belgilangan tartibda shaxsan javob beradilar.
(381-band Oʻzbekiston Respublikasi Vazirlar Mahkamasining 2011-yil 1-apreldagi 100-sonli qaroriga asosan kiritilgan — OʻR QHT, 2011-y., 14-son, 137-modda)
Keyingi tahrirga qarang.
39. Moliya organlari rahbarlari budjet intizomiga rioya qilinishi uchun mehnat, maʼmuriy va jinoyat qonunchiligida nazarda tutilgan tartibda shaxsan javob beradilar.
Keyingi tahrirga qarang.
Keyingi tahrirga qarang.
(Oʻzbekiston Respublikasi Hukumatining qarorlari toʻplami, 1999-y., 9-son, 51-modda; Oʻzbekiston Respublikasi qonun hujjatlari toʻplami, 2001-y., 22-24-son, 159-modda; 2002-y., 24-son, 200-modda; 2004-y., 52-son, 523-modda; 2005-y., 51-son, 380-modda; 2006-y., 51-52-son, 507-modda; 2007-y., 29-30-son, 306-modda, 52-son, 534-modda; 2009-y., 24-son, 270-modda, 52-son, 560-modda; 2011-y., 7-8-son, 63-modda, 14-son, 137-modda; 2012-y., 6-son, 60-modda, 52-son, 587-modda; 2014-y., 50-son, 590-modda; 2015-y., 52-son, 646-modda; 2016-y., 17-son, 176-modda; Qonun hujjatlari maʼlumotlari milliy bazasi, 24.05.2018-y., 09/18/384/1266-son, 09.10.2018-y., 09/18/805/2013-son; 02.02.2019-y., 09/19/79/2560-son, 23.04.2019-y., 09/19/344/3005-son; 24.12.2019-y., 09/19/1030/4191-son; 16.01.2020-y., 09/20/26/0056-son, 27.05.2020-y., 07/20/4730/0670-son, 13.08.2020-y., 09/20/481/1169-son, 31.10.2020-y., 09/20/677/1443-son; 28.04.2021-y., 09/21/243/0388-son; Qonunchilik maʼlumotlari milliy bazasi, 28.08.2021-y., 06/21/6300/0834-son, 17.12.2021-y., 09/21/756/1171-son, 12.01.2022-y., 09/22/19/0013-son, 03.02.2022-y., 07/22/112/0099-son, 08.02.2022-y., 09/22/62/0111-son, 05.04.2022-y., 09/22/153/0266-son; 06.08.2022-y., 09/22/431/0716-son, 01.01.2023-y., 07/23/471/0001-son; 18.12.2023-y., 09/23/665/0942-son; 29.12.2023-y., 07/23/422/0994-son; 31.01.2024-y., 09/24/56/0075-son; 24.07.2024-y., 09/24/439/0543-son; 25.11.2024-y., 09/24/783/0965-son; 03.03.2025-y., 09/25/135/0208-son; 10.04.2025-y., 09/25/211/0323-son; 08.05.2025-y., 09/25/298/0418-son; 22.05.2025-y., 09/25/325/0460-son)
