|
Hujjat kuchini yo‘qotgan " " 07.12.2017
|
Hujjat 27.02.2017 00 sanasi holatiga
Amaldagi versiyaga o‘tish |
Oʻzbekiston Respublikasi Mehnat vazirining
buyrugʻi
Kasb-hunarga oʻqitish markazlariga oʻqitishga qabul qilish tartibi toʻgʻrisidagi nizomni tasdiqlash haqida
[Oʻzbekiston Respublikasi Adliya vazirligi tomonidan 2017-yil 22-fevralda roʻyxatdan oʻtkazildi, roʻyxat raqami 2860]
LexUZ sharhiMazkur buyruq Oʻzbekiston Respublikasi bandlik va mehnat munosabatlari vazirining 2017-yil 30-noyabrdagi 43-B-sonli “Kasb-hunarga oʻqitish markazlariga oʻqitishga qabul qilish tartibi toʻgʻrisidagi nizomni tasdiqlash haqida”gi buyruqni oʻz kuchini yoʻqotgan deb topish toʻgʻrisida”gi buyrugʻiga (roʻyxat raqami 2860-1 07.12.2017-y.) asosan oʻz kuchini yoʻqotgan.
Oʻzbekiston Respublikasi Vazirlar Mahkamasining 2012-yil 13-sentabrdagi 270-son “Toshkent shahridagi Kasb-hunarga oʻqitish markazi faoliyatini taʼminlashga doir qoʻshimcha chora-tadbirlar toʻgʻrisida”gi hamda 2015-yil 15-maydagi 122-son “Koreya Respublikasi Hukumatining grantini jalb etgan holda Samarqand shahrida Kasb-hunarga oʻqitish markazini tashkil etish chora-tadbirlari toʻgʻrisida”gi qarorlariga muvofiq buyuraman:
1. Kasb-hunarga oʻqitish markazlariga oʻqitishga qabul qilish tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi mehnat va aholini ijtimoiy muhofaza qilish vazirining 2012-yil 29-noyabrdagi 74-son “Toshkent shahridagi Kasb-hunarga oʻqitish markaziga oʻquvchilarni 1 yilgacha muddatga bepul oʻqitishga qabul qilish va ularni qayta tayyorlash hamda kirish malaka imtihonlari (testlari)ni oʻtkazish tartibi toʻgʻrisidagi nizomni tasdiqlash haqida”gi buyrugʻi (roʻyxat raqami 2408, 2012-yil 25-dekabr) (Oʻzbekiston Respublikasi qonun hujjatlari toʻplami, 2012-y., 52-son, 597-modda) oʻz kuchini yoʻqotgan deb hisoblansin.
3. Mazkur buyruq rasmiy eʼlon qilingan kundan eʼtiboran kuchga kiradi.
Vazir A. ABDUXAKIMOV
Toshkent sh.,
2017-yil 27-yanvar,
3-B-son
Oʻzbekiston Respublikasi mehnat vazirining 2017-yil 27-yanvardagi 3-B-son buyrugʻiga
ILOVA
ILOVA
Kasb-hunarga oʻqitish markazlariga oʻqitishga qabul qilish tartibi toʻgʻrisidagi
NIZOM
Mazkur Nizom Oʻzbekiston Respublikasi Vazirlar Mahkamasining 2012-yil 13-sentabrdagi 270-son “Toshkent shahridagi Kasb-hunarga oʻqitish markazi faoliyatini taʼminlashga doir qoʻshimcha chora-tadbirlar toʻgʻrisida”gi hamda 2015-yil 15-maydagi 122-son “Koreya Respublikasi Hukumatining grantini jalb etgan holda Samarqand shahrida Kasb-hunarga oʻqitish markazini tashkil etish chora-tadbirlari toʻgʻrisida”gi qarorlariga muvofiq Kasb-hunarga oʻqitish markazlariga (bundan buyon matnda Markaz deb yuritiladi) oʻquvchilarni 1 yilgacha muddatga bepul oʻqitishga qabul qilish hamda kirish va yakuniy malaka imtihonlarini oʻtkazish tartibini belgilaydi.
1-bob. Umumiy qoidalar
1. Mazkur Nizom talablari Markaz tomonidan toʻlov asosida tashkil etiladigan qisqa muddatli oʻqitish kurslariga nisbatan tatbiq etilmaydi.
2. Markazga ishga joylashtirishni kafolatlovchi uch tomonlama (ish beruvchi, tuman (shahar) Bandlikka koʻmaklashish markazi, jismoniy shaxs) shartnoma va mazkur Nizomning 1-ilovasiga muvofiq shakldagi tuman (shahar) Bandlikka koʻmaklashish markazi yoʻllanmalari mavjud boʻlgan ishsizlar va vaqtincha band boʻlmagan aholi, shu jumladan kasb-hunar kollejlarini va akademik litseylarni bitirgan doimiy ishga ega boʻlmagan shaxslar tanlov asosida oʻqishga qabul qilinadi.
2-bob. Markazga oʻqishga qabul qilish
3. Oʻqishga qabul qilishni tashkil etish uchun oʻqitishning navbatdagi bosqichi boshlanishidan kamida oltmish kun oldin Markaz direktori tomonidan Oʻzbekiston Respublikasi Mehnat vazirligi bilan kelishgan holda qabul rejasi tasdiqlanadi.
4. Qabul rejasida oʻqishga hujjatlarni qabul qilish boshlanadigan kun, yoʻnalishlar boʻyicha qabul kvotasi koʻrsatiladi.
5. Tasdiqlangan qabul rejasi asosida Markaz tomonidan:
oʻqishga qabul qilish uchun hujjatlar qabul qilinadigan vaqt;
tayyorlash va qayta tayyorlash yoʻnalishlari va mutaxassisliklari roʻyxati;
Markazning manzili va murojaat uchun telefon raqamlari koʻrsatilgan xabar oʻqitishning navbatdagi bosqichi boshlanishidan kamida ellik besh kun oldin ommaviy axborot vositalarida, shuningdek Oʻzbekiston Respublikasi Mehnat vazirligi hamda Markazning rasmiy veb-saytida eʼlon qilinadi.
6. Oʻqishga qabul qilishni tashkil etish uchun Markaz direktorining buyrugʻi bilan kamida besh kishidan iborat tarkibda ishchi guruh tuziladi. Bunda Markazning Marketing va ishga joylashtirish monitoringi shuʼbasi boshligʻi ishchi guruh rahbari hisoblanadi.
7. Quyidagilar ishchi guruhning vazifalari hisoblanadi:
nomzodlarning hujjatlarini qabul qilish;
kirish imtihonlarini oʻtkazish jadvallarini tuzish va tasdiqlash;
kirish imtihonlarini oʻtkazish bilan bogʻliq ishlarni tashkillashtirish.
8. Oʻqishga kirish uchun hujjatlarni qabul qilish oʻqitishning navbatdagi bosqichi boshlanishidan ellik kun oldin boshlanadi va oʻttiz kun davom etadi.
9. Oʻqishga kirish uchun nomzodlar tomonidan quyidagi hujjatlar taqdim etiladi:
mazkur Nizomning 2-ilovasiga muvofiq shaklda ariza;
pasport nusxasi (hujjatlarni topshirish vaqtida pasportning asl nusxasi koʻrsatiladi);
ishga joylashtirishni kafolatlovchi uch tomonlama (ish beruvchi, tuman (shahar) Bandlikka koʻmaklashish markazi, jismoniy shaxs) shartnoma nusxasi;
tuman (shahar) Bandlikka koʻmaklashish markazi tomonidan berilgan yoʻllanma;
3,5 x 4,5 sm oʻlchamdagi 4 dona rangli fotosurat.
Nomzodlardan mazkur bandda koʻrsatilmagan boshqa hujjatlarni talab qilish taqiqlanadi.
10. Hujjatlarni topshirgan shaxsga ularning qabul qilib olinganligi haqida tilxat beriladi.
11. Nomzodlarning hujjatlari saqlanishi uchun ishchi guruh rahbari masʼul hisoblanadi.
3-bob. Kirish imtihonlarini oʻtkazish
12. Kirish imtihonlarini oʻtkazish uchun Oʻzbekiston Respublikasi Mehnat vazirligi bilan kelishilgan holda Markaz direktorining buyrugʻi bilan kamida 9 kishidan iborat quyidagi tarkibda komissiya tuziladi:
komissiya raisi — tegishli Mehnat bosh boshqarmasi boshligʻi (u boʻlmaganda, uning vazifasini bajaruvchi shaxs);
komissiya raisi oʻrinbosari — Markaz direktori;
komissiya kotibi — Markaz direktorining oʻquv ishlari boʻyicha oʻrinbosari;
komissiya aʼzolari — Markazning masʼul xodimlari hamda kelishuv asosida turdosh kasb-hunar kollejlarining ishlab chiqarish taʼlimi ustalari.
13. Kirish imtihonlari oʻqitishning navbatdagi bosqichi boshlanishidan oʻn besh kun oldin boshlanadi va har bir yoʻnalish boʻyicha alohida kunda oʻtkaziladi.
Kirish imtihonlari boʻlib oʻtadigan kunlar haqidagi maʼlumotlar eʼlonlar taxtasiga osib qoʻyiladi va bir vaqtning oʻzida Markazning rasmiy veb-saytida eʼlon qilinadi.
14. Kirish imtihonlari test shaklida oʻtkaziladi.
15. Test savollari matematika, fizika, informatika va axborot texnologiyalari fanlari hamda tegishli tayyorlash va qayta tayyorlash yoʻnalishiga oid mutaxassislik boʻyicha tuziladi.
16. Test savollari komissiya majlisi bayoni bilan tasdiqlanadi.
17. Test savollari va ularning javoblari komissiya kotibida saqlanadi va u ularning oshkor qilinmasligi uchun masʼul hisoblanadi.
18. Imtihon oʻtkazish uchun Markaz tomonidan alohida auditoriyalar ajratiladi va har bir auditoriyaga Markaz xodimlari orasidan auditoriya rahbari tayinlanadi.
19. Kirish imtihonlari komissiya tomonidan belgilangan kunda soat 9:30 da boshlanadi. Nomzodlar soat 9:00 dan 9:20 gacha imtihon oʻtkaziladigan auditoriyaga kiritiladi.
Kirish imtihoniga kelmagan (soat 9:20 dan keyin imtihon oʻtkaziladigan auditoriyada boʻlmagan) nomzodlar uchun qoʻshimcha imtihon oʻtkazilmaydi.
20. Kirish imtihoni oʻtkazilayotgan auditoriyaga mikrokalkulyator, jadval, kitob, uyali telefon, kompyuter, telekommunikatsiya vositalari va shpargalkalar olib kirish taqiqlanadi.
21. Nomzodga test topshiriqlarini bajarish uchun 50 ta test savoli beriladi.
Test savollari 4 ta blokdan iborat boʻlib, matematika, fizika hamda informatika va axborot texnologiyalari fanlari boʻyicha — 15 tadan hamda tegishli tayyorlash va qayta tayyorlash yoʻnalishiga oid mutaxassislik boʻyicha — 5 ta test savoli boʻladi.
22. Test savollarini yechish uchun 2 soat vaqt beriladi.
23. Nomzodlarga beriladigan test savollari kitob shaklida boʻladi va uning titul varagʻida nomzodning F.I.O., tegishli tayyorlash va qayta tayyorlash yoʻnalishi nomi, kirish imtihoni oʻtkazilgan kun va auditoriya raqami, auditoriya rahbarining F.I.O., test savollariga berilgan javoblarni tekshirish natijalari va tekshirgan shaxsning (shaxslarning) F.I.O. va imzosi koʻrsatiladi.
24. Har bir test savolida 4 tadan javob varianti beriladi. Nomzodlar test savollarini yechishda faqat bitta toʻgʻri javobni belgilashi lozim.
Toʻgʻri javob test savoli kitobidagi test savolining oʻzida belgilanadi. Bunda test savolida berilgan variantlardan (A, B, C, D) biri havorang pastali sharikli ruchkadan foydalanilgan holda doiraga olish orqali belgilanadi.
Test savolida faqat bitta toʻgʻri javob belgilanishi lozim.
Javoblarni belgilashda oʻchirish va tuzatishlarga hamda bir nechta javobni belgilashga yoʻl qoʻyilmaydi.
Javoblar toʻgʻri belgilanishi uchun nomzod shaxsan javobgardir. Javoblarni notoʻgʻri belgilagan nomzodlarning eʼtirozi koʻrib chiqilmaydi.
25. Kirish imtihonini topshirish vaqtida nomzodning auditoriyadan chiqishi taqiqlanadi, nomzodning sogʻligʻi yomonlashgan holatlar bundan mustasno.
26. Nomzodga kirish imtihonini qayta topshirishga ruxsat berilmaydi.
27. Test sinovlarini oʻtkazish vaqtida test sinovlari oʻtkazilayotgan auditoriyada nomzodlar, auditoriya rahbari va komissiya aʼzolaridan tashqari boshqa shaxslarning boʻlishi taqiqlanadi.
28. Test sinovlarini oʻtkazishni boshlashdan avval auditoriya rahbari nomzodlarga kirish imtihonlarini oʻtkazish tartibini tushuntirishi shart.
29. Test topshiriqlarini belgilangan muddatdan oldin bajargan yoki test topshiriqlarini bajarish uchun ajratilgan vaqt tugagach, nomzodlar test materiallarini auditoriya rahbariga topshiradi.
30. Komissiya aʼzolari imtihon oʻtkazilgan kundan boshlab ikki kun ichida test savollariga berilgan javoblarni tekshirib, natijalarni (toʻgʻri va notoʻgʻri javoblar soni) tegishlicha har bir nomzodning test kitobi titul varagʻiga yozib qoʻyishi shart.
31. Nomzodning test savollariga bergan toʻgʻri javoblari komissiya tomonidan quyidagicha baholanadi:
matematika fani boʻyicha berilgan har bir toʻgʻri javob uchun — 4,1 ball;
fizika fani boʻyicha berilgan har bir toʻgʻri javob uchun — 3,1 ball;
axborot texnologiyalari va informatika fani boʻyicha berilgan har bir toʻgʻri javob uchun — 2,1 ball;
tegishli tayyorlash va qayta tayyorlash yoʻnalishiga oid mutaxassislik boʻyicha berilgan har bir toʻgʻri javob uchun — 1,1 ball qoʻyiladi.
32. Markazga nomzodlarni oʻqishga qabul qilish test sinovlari natijalariga koʻra toʻplangan ballarning reyting tizimi boʻyicha amalga oshiriladi.
Test sinovlari natijalariga koʻra eng yuqori ball toʻplagan nomzodlar tegishli kvota doirasida oʻqishga qabul qilinadi.
33. Kirish imtihoni natijalari komissiya tomonidan test savollariga berilgan javoblar natijalarini barcha nomzodlarning test kitobi titul varagʻiga yozilgandan keyin bir kun ichida eʼlon qilinadi. Test sinovlari natijalari Markazning eʼlonlar taxtasiga osib qoʻyiladi va bir vaqtning oʻzida Markazning rasmiy veb-saytiga joylashtiriladi.
34. Test sinovlari natijalariga koʻra eng yuqori ball toʻplagan (tegishli kvota doirasida) nomzodlarning roʻyxati komissiya majlisi bayoni bilan tasdiqlanadi.
35. Komissiya majlisining bayoni asosida Markaz direktori tomonidan nomzodlarni oʻqishga qabul qilish toʻgʻrisida buyruq chiqariladi.
Markazda oʻqitish boshlangan kundan boshlab 10 kun ichida oʻz xohishiga koʻra oʻqish istagi boʻlmagan oʻquvchi ariza bilan murojaat qilganda, uning oʻrniga qabul kvotasi doirasida toʻplangan ballarning reytingi boʻyicha oʻqishga qabul qilinadigan nomzodlar chizigʻining pastki qismida eng yuqori ball toʻplagan nomzod oʻqishga qabul qilinadi.
36. Oʻqishga qabul qilingan oʻquvchilar haqidagi maʼlumot buyruq chiqarilgan kundan boshlab uch kun ichida Markaz tomonidan yoʻllanma bergan tegishli tuman (shahar) Bandlikka koʻmaklashish markaziga yuboriladi.
37. Kirish imtihoni natijalaridan norozi boʻlgan nomzod Markaz direktorining buyrugʻi bilan tuziladigan apellatsiya komissiyasiga apellatsiya berish huquqiga ega.
38. Apellatsiya komissiyasi tarkibiga komissiya faoliyatida ishtirok etmagan Markaz xodimlari orasidan komissiya raisi va kamida toʻrt nafar, qoida tariqasida, xar bir yoʻnalish boʻyicha bittadan aʼzo kiritiladi.
Nomzod kirish imtihoni natijasidan norozi boʻlgan taqdirda, kirish imtihoni natijasi eʼlon qilingan vaqtdan boshlab 24 soat davomida apellatsiya berishi mumkin. Nomzod tomonidan berilgan appelatsiya apellatsiya komissiyasi tomonidan 24 soat ichida koʻrib chiqilishi lozim.
4-bob. Markazda oʻquvchilarni oʻqitish
39. Oʻqitish kunduzgi oʻqish shaklida amalga oshiriladi.
40. Oʻqitish Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi bilan kelishgan holda Markaz direktori tomonidan tasdiqlangan oʻquv dasturiga (bundan buyon matnda oʻquv dasturi deb yuritiladi) muvofiq amalga oshiriladi.
41. Oʻqitish jarayoni 6 oygacha Markazda nazariy va amaliy darslarni hamda 4 oygacha ishlab chiqarish amaliyotini oʻz ichiga oladi.
42. Oʻquvchilarning oʻquv dasturini oʻzlashtirish darajasini aniqlash uchun Markazda joriy, oraliq va yakuniy nazorat turlari oʻtkaziladi.
43. Oʻquvchining oʻqitish (qayta tayyorlash) mobaynidagi har bir fan boʻyicha oʻzlashtirishi “5” ballik tizim asosida butun sonlar bilan baholanadi.
44. Markazning ichki tartib va odob-axloq qoidalarini muntazam ravishda buzgan yoki oʻquv dasturini oʻz vaqtida oʻzlashtirmagan yoxud uzrsiz sabablarga koʻra 36 soatdan ortiq dars qoldirgan oʻquvchilar oʻquvchilar safidan chiqariladi.
5-bob. Yakuniy malaka imtihonlarini oʻtkazish
45. Oʻquvchilarning oʻqitish jarayonida egallagan bilimini va oʻquv dasturini oʻzlashtirish darajasini belgilash uchun Markazda yakuniy malaka imtihonlari oʻtkaziladi.
46. Yakuniy malaka imtihonlari oʻquvchilarning ishlab chiqarish amaliyoti tugagandan soʻng oʻn besh kun ichida oʻtkaziladi.
47. Oʻquv dasturini oʻzlashtirgan oʻquvchilar Markaz direktorining buyrugʻiga asosan yakuniy malaka imtihoniga qoʻyiladi.
48. Yakuniy malaka imtihonlari nazariy savol va kasbiy amaliy topshiriq shaklida oʻtkaziladi. Bunda imtihon biletida 1 ta nazariy savol va 2 ta kasbiy amaliy topshiriq beriladi.
Imtihon savollari va kasbiy amaliy topshiriqlar oʻquv dasturida oʻrin olgan fanlar boʻyicha tuziladi.
Imtihon savollari va kasbiy amaliy topshiriqlar yakuniy malaka imtihonlari boshlanishidan ikki oy oldin Markazning rasmiy veb-saytiga joylashtirish orqali oʻquvchilar eʼtiboriga yetkaziladi.
49. Yakuniy malaka imtihonlarini oʻtkazish jadvali yakuniy malaka imtihonlari boshlanishidan kamida oʻn besh kun oldin Markaz direktori tomonidan tasdiqlanadi va eʼlonlar taxtasiga osib qoʻyish orqali oʻquvchilar eʼtiboriga yetkaziladi.
50. Yakuniy malaka imtihonlarini oʻtkazish boʻyicha Markaz direktorining buyrugʻi asosida malaka komissiyasi (bundan buyon matnda Malaka komissiyasi deb yuritiladi) tuziladi.
51. Malaka komissiyasiga Markaz joylashgan hududdagi tegishli Mehnat bosh boshqarmasi boshligʻi (u boʻlmaganda, uning vazifasini bajaruvchi shaxs) raislik qiladi. Markaz direktori Malaka komissiyasi raisi oʻrinbosari hisoblanadi.
52. Malaka komissiyasiga har bir yoʻnalish boʻyicha (4 ta yoʻnalish boʻyicha) Markazning oʻqituvchi va ustalari hamda boshqa korxona, tashkilot va muassasalarning (kelishuv asosida) soha mutaxassislari orasidan 4 tadan aʼzo kiritiladi.
53. Oʻquvchilar nazariy savollarga bergan javoblariga qarab quyidagi mezonlar asosida “5” ballik tizimda baholanadi:
oʻquvchi toʻgʻri xulosa va qaror qabul qiladi, ijodiy fikrlay oladi, mustaqil mushohada yuritadi, amalda qoʻllay oladi, mohiyatini toʻliq tushunadi, biladi va aytib beradi deb topilganda — “5” ball;
oʻquvchi mushohada yuritadi, amalda qoʻllay oladi, mohiyatini tushunadi, biladi, aytib beradi va tasavvurga ega deb topilganda — “4” ball;
oʻquvchi mohiyatini qisman tushunadi, biladi, aytib beradi va tasavvurga ega deb topilganda — “3” ball;
oʻquvchi bilmaydi, aytib bera olmaydi va tasavvurga ega emas deb topilganda — “2” ball.
54. Oʻquvchilar kasbiy amaliy topshiriqni bajarishi quyidagi mezonlar asosida “5” ballik tizimda baholanadi:
oʻquvchi topshiriqni toʻgʻri va toʻliq, mustaqil hamda amaliy metodik qoʻllanmalardan foydalanmasdan bajardi deb topilganda — “5” ball;
oʻquvchi topshiriqni toʻgʻri va toʻliq, mustaqil bajardi, biroq tegishli amaliy metodik qoʻllanmalardan foydalandi deb topilganda — “4” ball;
oʻquvchi topshiriqni toʻgʻri va toʻliq bajardi, biroq tegishli metodik qoʻllanmalardan hamda ustaning ogʻzaki maslahatidan foydalandi deb topilganda — “3” ball;
oʻquvchi tegishli metodik qoʻllanmalardan hamda ustaning ogʻzaki maslahatidan foydalangan holda topshiriqni toʻgʻri va toʻliq bajara olmagan deb topilganda — “2” ball.
55. Oʻquvchi tomonidan nazariy savolga javob berilgandan hamda kasbiy amaliy topshiriq bajarilgandan soʻng, tegishli yoʻnalish boʻyicha Malaka komissiyasining har bir aʼzosi nomzodga oʻzining bahosini qoʻyadi. Komissiya aʼzolari tomonidan qoʻyilgan baholar muhokama qilinib, oʻquvchiga oʻrtacha arifmetik ball qoʻyiladi.
56. Yakuniy malaka imtihoni natijalari imtihon yakunlangandan soʻng oʻquvchilarga eʼlon qilinadi.
57. Oʻrtacha arifmetik balli “3” balldan kam boʻlgan oʻquvchi yakuniy malaka imtihonidan oʻtmagan hisoblanadi.
58. Yakuniy malaka imtihonidan muvaffaqiyatli oʻtgan (oʻrtacha arifmetik balli “3” va undan yuqori boʻlgan) oʻquvchilarga Malaka komissiyasi qaroriga asosan tegishli namunadagi diplom beriladi.
59. Yakuniy malaka imtihonidan oʻtmagan oʻquvchilarga Malaka komissiyasi qaroriga asosan imtihonni bir marta qayta topshirish imkoniyati beriladi.
Yakuniy malaka imtihonini qayta topshirishi lozim boʻlgan oʻquvchilar roʻyxati, qayta topshirish kuni va vaqti Malaka komissiyasi qarorida koʻrsatiladi.
60. Yakuniy malaka imtihoniga uzrli sabablarga koʻra kelmagan oʻquvchilar Malaka komissiyasi qaroriga asosan 1 yil davomida oʻtkaziladigan navbatdagi yakuniy malaka imtihoniga kelish va uni topshirish huquqiga ega.
61. Yakuniy malaka imtihonlari natijasidan norozi boʻlgan oʻquvchilar Markaz direktorining buyrugʻi bilan tuziladigan apellatsiya komissiyasiga apellatsiya berish huquqiga ega.
62. Apellatsiya komissiyasi tarkibiga komissiya faoliyatida ishtirok etmagan Markaz xodimlari orasidan komissiya raisi va kamida toʻrt nafar, qoida tariqasida, har bir yoʻnalish boʻyicha bittadan aʼzo kiritiladi.
Oʻquvchi yakuniy malaka imtihonlari natijasidan norozi boʻlgan taqdirda, yakuniy malaka imtihonlari natijasi eʼlon qilingan vaqtdan boshlab 24 soat davomida apellatsiya berishi mumkin. Oʻquvchi tomonidan berilgan appellatsiya apellatsiya komissiyasi tomonidan 24 soat ichida koʻrib chiqilishi lozim.
6-bob. Yakuniy qoida
.63. Mazkur Nizom Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi bilan kelishilgan.
Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi direktori U. SALIMOV
2016-yil
Kasb-hunarga oʻqitish markazlariga oʻqitishga qabul qilish tartibi toʻgʻrisidagi nizomga
1-ILOVA
1-ILOVA
| | | | |
_______________________tuman (shahar) Bandlikka koʻmaklashish markazi | |||
|
Kasb-hunarga oʻqitish markaziga oʻqishga kirish uchun | |||||||
| 20___ yil “___” ____________ | | | |
_________-son | |||
| Mazkur yoʻllanma ________________________________________________________ga, | |||||||
| | |
(F.I.O.) |
| ||||
| _______________________ Kasb-hunarga oʻqitish markaziga oʻqishga kirish uchun berildi. | |||||||
|
(Markaz joylashgan hudud) |
| | | | | ||
| Tugʻilgan vaqti va joyi: ______yil ________ ________, __________________________ | |||||||
| | |
(yil) |
(kun) |
(oy) |
(tugʻilgan joyi) | ||
| Doimiy turar joyi: _______________________________________________________ | |||||||
| | |
(pasport boʻyicha doimiy turar joyi (respublika, viloyat, shahar, tuman, qishloq, ovul, koʻcha, uy va xonadon raqami) toʻliq koʻrsatiladi) | |||||
| ________________________________________________________________________ | |||||||
| Pasport maʼlumotlari: ________ _____________, ______________________________ | |||||||
| | |
(seriya) |
(raqam) |
|
(kim tomonidan va qachon berilgan) | ||
| Markaz boshligʻi ________________________________________ |
_________________ | ||||||
| | |
(F.I.O.) |
(Imzo) | ||||
| | | | | | | M.Oʻ. | |
Kasb-hunarga oʻqitish markazlariga oʻqitishga qabul qilish tartibi toʻgʻrisidagi nizomga
2-ILOVA
2-ILOVA
| | | | | |
__________________ Kasb-hunarga oʻqitish markazi direktori __________________ga ___________________________________(yashash manzili) | ||||
| | | | | | ___________________________ da yashovchi ________________________________ dan | ||||
| | | | | |
(ariza beruvchi shaxsning F.I.O.) | ||||
|
A R I Z A | |||||||||
| Menga __________________________________________________________ yoʻnalishi | |||||||||
| |
(tayyorlash va qayta tayyorlash yoʻnalishi nomi) |
| |||||||
| boʻyicha ________________________ Kasb-hunarga oʻqitish markaziga oʻqishga kirish uchun | |||||||||
| | (Markaz joylashgan hudud) | | | | | | |||
| oʻtkaziladigan kirish imtihonida qatnashishga ruxsat berishingizni soʻrayman. | |||||||||
| Maʼlumotim ______________________, ______________________________________ | |||||||||
| |
(yoʻq, oʻrta, oʻrta maxsus, oliy) |
(tugatgan taʼlim muassasasi nomi (agar oʻqigan boʻlsa) | |||||||
| ________________________________________________ ni ______ yilda tugatganman. | |||||||||
| Tugʻilgan vaqtim va joy: _______ yil ______ ____________, ______________________. | |||||||||
| | | |
(yil) |
(kun) |
(oy) |
(tugʻilgan joyi) | |||
| Doimiy turar joyim ______________________________________________________ | |||||||||
| | |
(pasport boʻyicha doimiy turar joyi (respublika, viloyat, shahar, tuman, qishloq, ovul, koʻcha, uy va xonadon raqami) toʻliq koʻrsatiladi) | |||||||
| ________________________________________________________________________. | |||||||||
| Pasport maʼlumotlarim: ________ _____________, _____________________________. | |||||||||
| | | | (seriya) |
(raqam) |
(kim tomonidan va qachon berilgan) | ||||
| Bogʻlanish uchun telefon: ____________________________________________________. | |||||||||
| _____________________________ ______________ _____________________________ | |||||||||
| (ariza beruvchi shaxsning F.I.O.) |
(imzo) |
(ariza topshirilgan sana) | |||||||
(Oʻzbekiston Respublikasi qonun hujjatlari toʻplami, 2017-y., 8-son, 124-modda)
