Oʻzbekiston Respublikasi Prezidentining “Respublika oziq-ovqat sanoatini boshqarishni tashkil etishni yanada takomillashtirish chora-tadbirlari toʻgʻrisida” 2016-yil 18-fevraldagi PQ-2492-sonli qaroriga muvofiq:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartishlar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Vazirliklar va idoralar oʻzlari qabul qilgan meʼyoriy-huquqiy hujjatlarini bir oy muddatda mazkur Farmonga muvofiqlashtirsin.

4. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari — qishloq va suv xoʻjaligi vaziri Z. Mirzayev zimmasiga yuklansin.

1. Oʻzbekiston Respublikasi Prezidentining “Respublika charm-poyabzal tarmogʻini boshqarish tizimini takomillashtirish toʻgʻrisida” 2000-yil 23-fevraldagi PF-2552-sonli Farmoni 3-bandining beshinchi xatboshidagi “Oziq-ovqat sanoati korxonalari uyushmasi” soʻzlari “Oʻzbekoziqovqatxolding” xolding kompaniyasi” soʻzlari bilan almashtirilsin.

2. Oʻzbekiston Respublikasi Prezidentining “Oʻzbekistonda fermerlik faoliyatini tashkil qilishni yanada takomillashtirish va uni rivojlantirish chora-tadbirlari toʻgʻrisida” 2012-yil 22-oktabrdagi PF-4478-sonli Farmoni 1-ilovasidagi “Masʼul ijrochilar” grafasi 12-bandida “Oʻzpaxtasanoat” uyushmasi” va “Oziq-ovqat sanoati korxonalari uyushmasi” soʻzlari mos ravishda “Oʻzpaxtasanoateksport” XK” va “Oʻzbekoziqovqatxolding” XK” soʻzlari bilan almashtirilsin.

3. Oʻzbekiston Respublikasi Prezidentining “Chigit yetkazib berish mexanizmini hamda oʻsimlik yogʻi va yogʻ-moy mahsulotlari sotishni tartibga solish toʻgʻrisida” 2006-yil 31-maydagi PQ-360-sonli qarorida:

a) 1-bandining birinchi xatboshi quyidagi tahrirda bayon etilsin:

“1. Oʻzpaxtasanoateksport” xolding kompaniyasi oʻzining tarkibiga kiruvchi korxonalar hamda Oʻzbekiston “Sifat” markazi bilan birgalikda:”;

b) 6-bandining birinchi xatboshi quyidagi tahrirda bayon etilsin:

“6. “Oʻzpaxtasanoateksport” xolding kompaniyasi, yogʻ-moy va paxta tozalash sanoati korxonalari rahbarlari zimmasiga tegishli tarzda”;

v) 9-bandining uchinchi xatboshidagi “Oziq-ovqat sanoati korxonalari uyushmasi” soʻzlari “Oʻzpaxtasanoateksport” xolding kompaniyasi” soʻzlari bilan almashtirilsin.

4. Oʻzbekiston Respublikasi Prezidentining “Respublikaning yogʻ-moy tarmogʻini boshqarish tizimini yanada takomillashtirish chora-tadbirlari toʻgʻrisida” 2010-yil 7-sentabrdagi PQ-1401-sonli qarorida:

a) 1, 5, 6-bandlari va 1,2-ilovalari oʻz kuchini yoʻqotgan deb hisoblansin;

b) 2-bandi quyidagi tahrirda bayon etilsin:

“2. Shunday tartib oʻrnatilsinki, unga muvofiq chigit Oʻzbekiston Respublikasi Prezidentining “Oʻzpaxtasanoateksport” xolding kompaniyasi faoliyatini tashkil etish chora-tadbirlari toʻgʻrisida” 2015-yil 28-oktabrdagi PQ-2422-sonli qarori 5a-ilovasida koʻrsatilgan yogʻ-moy tarmogʻi korxonalari tomonidangina qayta ishlanadi”;

v) 3-bandida “mazkur qarorning 1-ilovasida” soʻzlari “Oʻzbekiston Respublikasi Prezidentining “Oʻzpaxtasanoateksport” xolding kompaniyasi faoliyatini tashkil etish chora-tadbirlari toʻgʻrisida” 2015-yil 28-oktabrdagi PQ-2422-sonli qarori 5a-ilovasida” soʻzlari bilan almashtirilsin;

g) 4-bandi quyidagi tahrirda bayon etilsin:

“4. Belgilab qoʻyilsinki, Oʻzbekiston Respublikasi Prezidentining “Oʻzpaxtasanoateksport” xolding kompaniyasi faoliyatini tashkil etish chora-tadbirlari toʻgʻrisida” 2015-yil 28-oktabrdagi PQ-2422-sonli qarori 5a-ilovasiga kiritilmagan korxonalarda, shuningdek maishiy sharoitda chigitni qayta ishlash va paxta yogʻi ishlab chiqarish amaldagi qonun hujjatlarini buzish hisoblanadi. Chigitni qayta ishlash va paxta yogʻi ishlab chiqarish bilan noqonuniy shugʻullanayotgan shaxslarga nisbatan belgilangan tartibda javobgarlik, hatto jinoiy javobgarlikkacha boʻlgan choralar koʻriladi”;

d) 7-bandida:

birinchi xatboshidagi “Oziq-ovqat sanoati korxonalari uyushmasi” soʻzlari “Oʻzpaxtasanoateksport” xolding kompaniyasi” soʻzlari bilan almashtirilsin;

ikkinchi xatboshidagi “Oʻzpaxtasanoat” uyushmasi” soʻzlari chiqarib tashlansin.

5. Oʻzbekiston Respublikasi Prezidentining “2013 — 2015-yillar davrida respublikada uzumchilikni yanada rivojlantirish chora-tadbirlari toʻgʻrisida” 2013-yil 13-martdagi PQ-1937-sonli qarori 1-ilovasining “Masʼul ijrochilar” grafasida 4.6, 5.1 va 5.2 pozitsiyalaridagi “Oziq-ovqat sanoati korxonalari uyushmasi” soʻzlari “Oʻzbekoziqovqatxolding” XK” soʻzlari bilan almashtirilsin.

6. Oʻzbekiston Respublikasi Prezidentining “Iqtisodiyotda xususiy mulkning ulushi va ahamiyatini oshirish chora-tadbirlari toʻgʻrisida” 2015-yil 28-apreldagi PQ-2340-sonli qarorida:

a) 1-ilovada:

I boʻlimdan “Oziq-ovqat sanoati korxonalari uyushmasi” satri va 36-pozitsiyasi chiqarib tashlansin.

II boʻlimidagi “Oziq-ovqat sanoati korxonalari uyushmasi” satri “Oʻzpaxtasanoateksport” XK” satri bilan almashtirilsin.

b) 2-ilovaning I boʻlimida:

“Oziq-ovqat sanoati korxonalari uyushmasi” satri “Oʻzbekoziqovqatxolding” XK” satri bilan almashtirilsin.

30-pozitsiya chiqarib tashlansin.

7. Oʻzbekiston Respublikasi Prezidentining “Oʻzbekiston Respublikasi Prezidenti I.A. Karimovning Koreya Respublikasiga davlat tashrifi davomida erishilgan ahdlashuvlarni amalga oshirish va ikki tomonlama hamkorlikni yanada kengaytirish chora-tadbirlari toʻgʻrisida” 2015-yil 9-iyundagi PQ-2351-sonli qarorida:

a) 1-ilovasida:

“Masʼul bajaruvchilar” grafasining 18-pozitsiyasidagi “Oʻzoziqovqatsanoat” uyushmasi” soʻzlari “Oʻzbekoziqovqatxolding” XK”, “Oʻzpaxtasanoateksport” XK” soʻzlari bilan almashtirilsin;

“Masʼul bajaruvchilar” grafasining 64 va 65-pozitsiyalarida “Oziq-ovqat sanoati korxonalari uyushmasi” soʻzlari “Oʻzbekoziqovqatxolding” XK” soʻzlari bilan almashtirilsin;

“Masʼul bajaruvchilar” grafasining 66-pozitsiyasidagi “Oziq-ovqat sanoati korxonalari uyushmasi” soʻzlari “Oʻzpaxtasanoateksport” XK” soʻzlari bilan almashtirilsin;

b) 2-ilovasida “A.X. Salimov — Oziq-ovqat sanoati korxonalari uyushmasi raisi” soʻzlari “O.B. Rustamov — “Oʻzbekoziqovqatxolding” XK boshqaruvi raisi” soʻzlari bilan almashtirilsin.

8. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini tasdiqlash toʻgʻrisida” 2015-yil 23-iyuldagi PQ-2374-sonli qarori 5-ilovasida “Oziq-ovqat sanoati korxonalari uyushmasi” soʻzlari “Oʻzbekoziqovqatxolding” XK” soʻzlari bilan almashtirilsin.

9. Oʻzbekiston Respublikasi Prezidentining “Respublika oziq-ovqat sanoatini boshqarishni tashkil etishni yanada takomillashtirish chora- tadbirlari toʻgʻrisida” 2016-yil 18-fevraldagi PQ-2492-sonli qarori 3-ilovasi II boʻlimining 38-bandidagi “*” belgisi chiqarib tashlansin.

10. Oʻzbekiston Respublikasi Prezidentining “Toshkent shahrida oʻtkazilgan Xalqaro investitsiya forumida erishilgan kelishuvlarni amalga oshirishga oid qoʻshimcha chora-tadbirlar toʻgʻrisida” 2016-yil 10-fevraldagi F-4613-sonli farmoyishi 2-ilovasidan 34-pozitsiya chiqarib tashlansin.

1. Oʻzbekiston Respublikasi Prezidentining “Oʻzbekiston Respublikasi Prezidentining ayrim qarorlariga oʻzgartishlar kiritish toʻgʻrisida” 2010-yil 3-noyabrdagi PQ-1427-sonli qarorining 2-bandi hamda qaror ilovasi.

2. Oʻzbekiston Respublikasi Prezidentining “2012 — 2015-yillarda respublika oziq-ovqat sanoatini boshqarishni tashkil etishni yanada takomillashtirish va rivojlantirish chora-tadbirlari toʻgʻrisida” 2011-yil 31-oktabrdagi PQ-1633-sonli qarorining 1 — 7, 10 va 12-bandlari hamda uning 1 — 4-ilovalari.