Hujjat kuchini yo‘qotgan " " 16.12.2025

Hujjat 30.05.2016 00 sanasi holatiga
Amaldagi versiyaga o‘tish

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Vazirlar Mahkamasining “Markazlashtirilgan investitsiyalar hisobiga moliyalashtiriladigan investitsiya loyihalarini loyihalashtirish ishlarini va ekspertizadan oʻtkazishni takomillashtirishga doir qoʻshimcha chora-tadbirlar toʻgʻrisida” 2016-yil 22-yanvardagi 15-son qarori)

LexUZ sharhi

Mazkur qaror Oʻzbekistan Respublikasi Vazirlar Mahkamasining 2025-yil 15-dekabrdagi 791-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.

Oʻzbekiston Respublikasi Vazirlar Mahkamasining “Markazlashtirilgan investitsiyalar hisobiga moliyalashtiriladigan investitsiya loyihalarini loyihalashtirish ishlarini va ekspertizadan oʻtkazishni takomillashtirishga doir qoʻshimcha chora-tadbirlar toʻgʻrisida” 2016-yil 22-yanvardagi 15-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2016-yil 23-may,

166-son

Vazirlar Mahkamasining 2016-yil 23-maydagi 166-son qaroriga
ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirishlar

1. Vazirlar Mahkamasining “Oʻzbekiston Respublikasi Davlat arxitektura va qurilish qoʻmitasi faoliyatini takomillashtirish chora-tadbirlari toʻgʻrisida” 2003-yil 2-dekabrdagi 538-son qaroriga (Oʻzbekiston Respublikasi QT, 2003-y., 12-son, 128-modda) 1-ilovada “Ustav fondida davlat ulushi kamida 51 foiz boʻlgan yetakchi loyiha-qidiruv tashkilotlari” boʻlimi quyidagi tahrirda bayon qilinsin:

“Ustav fondida davlat ulushi kamida 51 foiz boʻlgan yetakchi loyiha-qidiruv tashkilotlari:

1. “ToshkentboshplanLITI” DUK;

2. “OʻzshaharsozlikLITI” DUK;

3. “OʻzGASHKLITI” DUK;

4. “OʻzGEORANGMETLITI” DUK;

5. “Toshgiprogor” AJ;

6. “ToshuyjoyLITI” AJ;

7. “Oʻzogʻirsanoatloyiha” AJ;

8. “Qishloqqurilishloyiha” MCHJ;

9. “SuvsanoatfuqaroLI” MCHJ;

10. “OʻzGIP” MCHJ”.

Keyingi tahrirga qarang.

2. Vazirlar Mahkamasining 2009-yil 30-apreldagi 126-son qarori (Oʻzbekiston Respublikasi QT, 2009-y., 4-son, 33-modda) bilan tasdiqlangan “Arxitektura-shaharsozlik hujjatlarini yaratish faoliyatini litsenziyalash toʻgʻrisidagi nizomda:

a) 3-bandning uchinchi xatboshi quyidagi tahrirda bayon qilinsin:

“Namunaviy litsenziyalar litsenziya talabgorining arizasiga binoan umuman loyihalash faoliyati turiga yoki ushbu nizomga 1-ilovaga binoan Arxitektura-shaharsozlik hujjatlari klassifikatoriga va Oʻzbekiston Respublikasi Vazirlar Mahkamasi tomonidan tasdiqlangan Loyiha-qidiruv va qurilish-montaj ishlari boʻyicha obyektlar murakkabligi toifalari klassifikatoriga muvofiq loyihalashtirishning bir yoki bir nechta turlarini (boʻlimlarini) ishlab chiqishga beriladi”;

b) 5-bandda:

birinchi xatboshidagi “I-II toifalaridan” soʻzlari “I toifasidan” soʻzlari bilan almashtirilsin;

ikkinchi xatboshidagi “5 yildan kam boʻlmagan muddatda murakkablikning yanada yuqori toifasidagi obyektlarni loyihalash tajribasiga ega boʻlgan hamda” va “bosh muhandislar va arxitektorlar, bosh va yetakchi mutaxassislar” soʻzlari “mutaxassislar” soʻzi bilan almashtirilsin;

v) 6-banddagi “Obyektlarni loyihalash va qurishning murakkablik klassifikatoriga (2-ilova)” soʻzlari “Oʻzbekiston Respublikasi Vazirlar Mahkamasi tomonidan tasdiqlangan Loyiha-qidiruv va qurilish-montaj ishlari boʻyicha obyektlarning murakkabligi toifalariga” soʻzlari bilan almashtirilsin;

g) 7-bandning “b” kichik bandi quyidagi tahrirda bayon qilinsin:

“b) yuridik shaxsning shtatida doimiy ravishda ishlaydigan (vaqtinchalik jalb qilinganlarni hisobga olmasdan) ushbu Nizomga 3-ilovada nazarda tutilgan talablarga javob beradigan mutaxassislarning majburiy tartibda mavjud boʻlishi:

toʻliq kompleksda loyihalashtirish boʻyicha faoliyat turlari uchun (loyihalashtirishning barcha bosqichlarida arxitektura-shaharsozlik hujjatlarini, shu jumladan loyihalarning dastlabki texnik-iqtisodiy asoslanishi, texnik-iqtisodiy asoslanishi va dastlabki texnik-iqtisodiy hisob-kitoblari, texnik-iqtisodiy hisob-kitoblari), murakkablikning I toifasidagi obyektlar uchun — kamida 10 nafar mutaxassis, murakkablikning II toifasidagi obyektlar uchun — kamida 20 nafar mutaxassis, murakkablikning III toifasidagi obyektlar uchun — kamida 25 nafar mutaxassis;

arxitektura-shaharsozlik hujjatlarining ayrim boʻlimlarini ishlab chiqish boʻyicha faoliyat turlari uchun — kamida 10 nafar mutaxassis;”;

d) 2-ilova oʻz kuchini yoʻqotgan deb hisoblansin;

e) 3-ilova quyidagi tahrirda bayon qilinsin:

“Arxitektura-shaharsozlik hujjatlarini yaratish boʻyicha litsenziyalanadigan faoliyatini amalga oshirish uchun asosiy mutaxassislar bilan majburiy taʼminlanganlik
JADVALI

Murakkablik toifalari	Loyihalarning bosh muhandislari			Loyihalarning bosh arxitektorlari			Bosh mutaxassislar	Yetakchi muhandislar		Muhandislar	Oʻrta maxsus kasb-hunar maʼlumotga ega boʻlgan mutaxassislar
	talab qilinadigan ish staji
	10 yildan ortiq	5-10 yil	3 yildan 5 yilgacha	10 yildan ortiq	5-10 yil	3 yildan 5 yilgacha	5 yildan 10 yilgacha	3 yildan 5 yilgacha	Kamida 5 yil	ish stajiga talab yoʻq
A guruhi
1			+			+	+		+	+	+
2		+			+		+		+	+	+
3	+			+			+		+	+	+
B guruhi
1		+					+		+	+	+
2	+						+		+	+	+
3	+						+		+	+	+

Izoh.

1. “+” belgisi xodimlarning majburiy mavjud boʻlishini koʻrsatadi. Litsenziya talabgori tomonidan hujjatlar taqdim etilganda “+” belgisi oʻrniga shtatdagi xodimlarning amaldagi soni koʻrsatiladi.

2. Tashkilot tarkibida loyihalar bosh arxitektorlarining mavjud boʻlishi bajariladigan ishlarning xususiyati bilan belgilanadi.

j) 4-ilova quyidagi tahrirda bayon qilinsin:

“Arxitektura-shaharsozlik hujjatlarini yaratish sohasidagi litsenziya talabgorlarining majburiy jihozlanganlik
TABELI

Murakkablik toifalari	Texnologik loyihalash va loyihalarni boshqarishning zamonaviy dasturiy-texnik komplekslari	Muhandislik tarmoqlari boʻyicha amaliy dasturlar	Smetalarni hisoblab chiqishda qoʻllash uchun tavsiya qilingan dasturiy komplekslar	Maxsus asbob-uskuna*			Binolar			Tashkiliy texnika (kompyuter, printer, plotter, muqovalash uskunasi va nusxa koʻpaytirish texnikasi)
Murakkablik toifalari				Burgʻulash texni-kasi va asbob-uskuna	Tuproq kimyoviy laboratoriyasi	Maxsus laboratoriyalar va asboblar	Arxiv	1 xodim hisobiga kamida 4 kv.metr maydoni boʻlgan ofis	Texnika adabiyotlari kutubxonasi
A guruhi
1		+	+	+	+	+	+	+	+	+
2		+	+	+	+	+	+	+	+	+
3	+	+	+	+	+	+	+	+	+	+
B guruhi
1		+	+	-	-	+	+	+	+	+
2		+	+	-	-	+	+	+	+	+
3		+	+	-	-	+	+	+	+	+

* “Maxsus asbob-uskunalar” ustuni “Qurilish obyektlari uchun muhandislik-texnik tadqiqotlarni (muhandislik-geodeziya tadqiqotlari faoliyatidan tashqari) amalga oshirish” hamda “Binolar va inshootlarning texnik holatini tekshirish” faoliyat turlariga litsenziya olishda toʻldiriladi.

Keyingi tahrirga qarang.

3. Vazirlar Mahkamasining 2009-yil 22-oktabrdagi 277-son qarori (Oʻzbekiston Respublikasi qonun hujjatlari toʻplami, 2009-y., 43-son, 458-modda) bilan tasdiqlangan Oʻzbekiston milliy avtomagistrali boʻylab yoʻl infratuzilmasi va servisi obyektlari qurish uchun yer uchastkalari ajratish boʻyicha Nizomning 15⁴-bandining ikkinchi xatboshidagi “IV va V murakkab (xavfli) toifali obyektlar” soʻzlari “II va III murakkab (xavfli) toifali obyektlar” soʻzlari bilan almashtirilsin.

Keyingi tahrirga qarang.

4. Vazirlar Mahkamasining “Shaharsozlik faoliyatini amalga oshirish hamda qishloq xoʻjaligiga oid boʻlmagan ehtiyojlar uchun yer uchastkalari berish, shuningdek obyektlarni qurishga ruxsatnomalar berish tartibini tubdan soddalashtirish chora-tadbirlari toʻgʻrisida” 2013-yil 25-fevraldagi 54-son qarorida (Oʻzbekiston Respublikasi QT, 2013-y., 2-son, 13-modda):

a) Shaharsozlik faoliyatini amalga oshirish uchun aholi punktlarida yer uchastkalari berish, qurilish obyektlarini loyihalashtirish va roʻyxatdan oʻtkazish, shuningdek obyektlarni foydalanishga qabul qilish tartibi toʻgʻrisidagi nizomda:

14⁴-banddagi “Vazirlar Mahkamasining “Qurilish sohasida ruxsat beruvchi tusdagi hujjatlarni berish tartibotlarini amalga oshirish muddatlari va qiymatini belgilashda tabaqalashtirilgan yondashuv tartibi toʻgʻrisidagi nizomni tasdiqlash haqida” 2013-yil 30-maydagi 150-son qarorida koʻrsatilgan murakkablikning (xavflining) IV va V toifalaridagi” soʻzlari “Oʻzbekiston Respublikasi Vazirlar Mahkamasi tomonidan tasdiqlangan Loyiha-qidiruv va qurilish montaj ishlari boʻyicha obyektlarning murakkabligi toifalari klassifikatoriga muvofiq murakkablikning II va III toifalari” soʻzlari bilan almashtirilsin;

b) 51-bandda:

birinchi xatboshidagi “I — III toifali” soʻzlari “I toifali” soʻzlari bilan almashtirilsin;

ikkinchi xatboshidagi “IV va V toifali obyektlar boʻyicha” soʻzlari “II va III toifali obyektlar boʻyicha” soʻzlari bilan almashtirilsin.

v) Qishloq xoʻjaligiga oid boʻlmagan ehtiyojlar, shuningdek ikki va undan ortiq tumanlar (shaharlar) yoki viloyatlar hududida joylashtiriladigan obyektlar qurilishi uchun aholi punktlari tashqarisidan yer uchastkalari berish tartibi toʻgʻrisidagi nizomning 13²-bandi birinchi xatboshidagi “Vazirlar Mahkamasining “Qurilish sohasida ruxsat beruvchi tusdagi hujjatlarni berish tartibotlarini amalga oshirish muddatlari va qiymatini belgilashda tabaqalashtirilgan yondashuv tartibi toʻgʻrisidagi nizomni tasdiqlash haqida” 2013-yil 30-maydagi 150-son qarorida koʻrsatilgan murakkablikning (xavflilikning “IV va V toifali” soʻzlari “Oʻzbekiston Respublikasi Vazirlar Mahkamasi tomonidan tasdiqlangan Loyiha-qidiruv va qurilish montaj ishlari boʻyicha obyektlarning murakkabligi toifalari klassifikatoriga muvofiq murakkablikning II va III toifalari” soʻzlari bilan almashtirilsin.

Keyingi tahrirga qarang.

5. Vazirlar Mahkamasining 2013-yil 30-maydagi 150-son qarori (Oʻzbekiston Respublikasi QT, 2013-y., 5-son, 33-modda) bilan tasdiqlangan Qurilish sohasida ruxsat beruvchi tusdagi hujjatlarni berish tartibotlarini amalga oshirish muddatlari va qiymatini belgilashda tabaqalashtirilgan yondashuv tartibi toʻgʻrisidagi nizomda:

a) 2-band quyidagi tahrirda bayon qilinsin:

“2. Obyektlarni murakkablik toifalariga koʻra klassifikatsiyalash Oʻzbekiston Respublikasi Vazirlar Mahkamasi tomonidan tasdiqlangan Loyiha-qidiruv va qurilish-montaj ishlari boʻyicha obyektlarning murakkabligi toifalari klassifikatoriga muvofiq amalga oshiriladi”;

b) 9-bandda:

“a)” kichik bandning ikkinchi xatboshidagi “V” raqami “III” raqami bilan almashtirilsin;

“b” kichik bandda:

birinchi xatboshidagi “IV” raqami “II” raqami bilan almashtirilsin;

ikkinchi xatboshidagi “V” raqami “III” raqami bilan almashtirilsin;

v) 14-bandning “b” kichik bandining uchinchi va toʻrtinchi xatboshilari quyidagi tahrirda bayon qilinsin:

“0,02% — murakkablikning II toifasidagi obyektlar boʻyicha;

0,03% — murakkablikning III toifasidagi obyektlar boʻyicha”;

g) 1-ilova oʻz kuchini yoʻqotgan deb hisoblansin;

d) 6-ilova quyidagi tahrirda bayon qilinsin:

“Oʻzbekiston Respublikasi Investitsiya dasturiga kiritilgan, shuningdek qurilishi markazlashtirilgan va moliyalashtirishning boshqa manbalari hisobiga amalga oshiriladigan Investitsiya dasturiga kiritilmagan obyektlarning loyihaoldi va shaharsozlik hujjatlarini ekspertizadan oʻtkazish
QIYMATI

Reperlarning t/r	LQIni ishlab chiqish qiymati, mln soʻm	Ekspert ishlari qiymatini aniqlash uchun koeffitsiyentlar, LQI qiymatiga nisbatan foizlarda (%)
		Murakkablik toifasi
		I	II	III
0	0,7 gacha	27,00	-	-
1	1,4	21,60	-	-
2	4,2	12,15	13,48	-
3	7,0	10,13	11,24	-
4	12,6	7,57	8,40	9,32
5	18,2	6,22	6,90	7,65
6	23,8	5,41	6,00	6,66
7	29,4	4,47	4,96	5,50
8	35,0	4,34	4,81	5,33
9	40,6	3,94	4,37	4,85
10	57,4	3,26	3,61	4,00
11	70,0	2,99	3,28	3,64
12	105,0	2,31	2,56	2,94
13	140,0	1,96	2,17	2,40
14	210,0	1,58	1,75	1,94
15	280,0	1,38	1,53	1,69
16	420,0	1,10	1,22	1,35
17	630,0	0,94	1,04	1,15
18	840,0	0,82	0,91	1,01
19	1064,0	0,71	0,78	0,86
20	1260,0	0,62	0,68	0,75
21	1540,0	0,57	0,63	0,69
22	1820,0	0,53	0,58	0,64
23	2100,0	0,49	0,54	0,59
24	2380,0	0,47	0,52	0,57
25	2700,0 va undan yuqori	0,46	0,51	0,56

Izohlar:

1) loyihaoldi va shaharsozlik hujjatlarini davlat ekspertizasidan oʻtkazishning oraliq koʻrsatkichlarga ega boʻlgan qiymati interpolyatsiya yoʻli bilan aniqlanadi;

2) yangidan ishlab chiqilayotgan namunaviy (bazaviy) loyihalarni ekspertizadan oʻtkazganlik uchun toʻlov miqdori 1,2 koeffitsiyentini qoʻllagan holda aniqlanadi;

3) alohida masalalar (ishlarning alohida turlari kalkulyatsiyasi, mashina va mexanizmlarga xarajatlar, pudrat tashkilotining boshqa xarajatlari va shu kabilar boʻyicha ekspertiza qiymatining hisob-kitobi (ekspertizaning haqiqiy mehnat talab qiluvchanligini va ekspert tashkilotning amaldagi xarajatlarini hisobga olgan holda) bevosita mehnat sarflarini hisoblab chiqish usuli bilan amalga oshiriladi”.

Keyingi tahrirga qarang.

6. Vazirlar Mahkamasining 2013-yil 4-iyundagi 154-son qarori (Oʻzbekiston Respublikasi QT, 2013-y., 6-son, 35-modda) bilan tasdiqlangan Yer uchastkalarini tanlash boʻyicha materiallarni vakolatli tashkilotlar bilan kelishish, shuningdek qurilish sohasida ruxsatnomalar berish tartibotlarini amalga oshirishda axborot tizimining faoliyati tartibi toʻgʻrisidagi nizomning 7-bandidagi “IV va V toifasidagi obyektlarni” soʻzlari “II va III toifasidagi obyektlarni” soʻzlari bilan almashtirilsin.

Keyingi tahrirga qarang.

7. Vazirlar Mahkamasining 2015-yil 7-oktabrdagi 285-son qarori (Oʻzbekiston Respublikasi QT, 2015-y., 10-son, 89-modda) bilan tasdiqlangan Yuridik va jismoniy shaxslarga tadbirkorlik faoliyatini amalga oshirish uchun doimiy foydalanishga tanlov asosida yer uchastkalari berish tartibi toʻgʻrisidagi nizomning 19-bandi oʻn birinchi xatboshidagi “IV va V toifalaridagi obyektlar” soʻzlari “II va III toifalaridagi obyektlar” soʻzlari bilan almashtirilsin.

Keyingi tahrirga qarang.

8. Vazirlar Mahkamasining “Shaharsozlik faoliyati va qishloq xoʻjaligidan boshqa ehtiyojlar uchun yer uchastkalari berishning, bino va inshootlarning tashqi koʻrinishini oʻzgartirishni (fasadini taʼmirlashni) kelishishning, shuningdek obyektni qayta ixtisoslashtirish va rekonstruksiya qilishga, turar joyni noturar joy toifasiga oʻtkazishga ruxsatnomalar berishning umumiy belgilangan tartibini yanada soddalashtirish chora-tadbirlari toʻgʻrisida” 2016-yil 9-martdagi 70-son qaroriga (Oʻzbekiston Respublikasi qonun hujjatlari toʻplami, 2016-y., 10-son, 98-modda) 4-ilovaning 2-bandi “a” kichik bandining ikkinchi — oltinchi xatboshilari chiqarib tashlansin.

(Oʻzbekiston Respublikasi qonun hujjatlari toʻplami, 2016-y., 21-son, 233-modda; 2017-y., 31-son, 781-modda; Qonun hujjatlari maʼlumotlari milliy bazasi, 03.07.2018-y., 09/18/493/1426-son; 08.07.2020-y., 09/20/429/1039-son; Qonunchilik maʼlumotlari milliy bazasi, 18.09.2021-y., 09/21/579/0886-son)