|
Hujjat 20.11.2021 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Umumiy oʻrta va oʻrta maxsus, kasb-hunar taʼlimi muassasalarida sogʻlom ovqatlanishni tashkil etishni yanada takomillashtirish chora-tadbirlari toʻgʻrisida
“Aholining sanitariya-epidemiologik osoyishtaligi toʻgʻrisida”gi Oʻzbekiston Respublikasi Qonuni hamda Oʻzbekiston Respublikasi Vazirlar Mahkamasining “2015 — 2020-yillar davrida Oʻzbekiston Respublikasi aholisining sogʻlom ovqatlanishini taʼminlash Konsepsiyasini va chora-tadbirlar kompleksini tasdiqlash toʻgʻrisida” 2015-yil 29-avgustdagi 251-son qarori ijrosini taʼminlash, umumiy oʻrta va oʻrta maxsus, kasb-hunar taʼlimi muassasalarining oshxona va bufetlarida (keyingi oʻrinlarda oshxonalar deb ataladi)oʻquvchilarning sogʻlom ovqatlanishini tashkil etishni yanada takomillashtirish, sanitariya qoidalari, normalari va gigiyena normativlari talablariga mos sharoitlar yaratish, oziq-ovqat mahsulotlari va taomlar sifatini nazorat qilishni kuchaytirish, oshxonalarni ijaraga oluvchi tadbirkorlik subyektlariga qulay shart-sharoitlar tashkil etish maqsadida Vazirlar Mahkamasi qaror qiladi:
1. Quyidagilar:
Umumiy oʻrta va oʻrta maxsus, kasb-hunar taʼlimi muassasalarida sogʻlom ovqatlanishni tashkil etish tartibi toʻgʻrisidagi Nizom 1-ilovaga muvofiq;
Keyingi tahrirga qarang.
2016 — 2020-yillarda umumiy oʻrta va oʻrta maxsus, kasb-hunar taʼlimi muassasalarida sogʻlom ovqatlanishni tashkil etishni yanada takomillashtirish boʻyicha chora-tadbirlar rejasi 2-ilovaga muvofiq;
2017 — 2020-yillarda ovqatlanish tizimi mavjud boʻlmagan umumiy oʻrta taʼlim muassasalarida oshxonalarni tashkil etish va jihozlash koʻrsatkichlari 2a-ilovaga muvofiq;
2017 — 2020-yillarda umumiy oʻrta taʼlim muassasalarida ishlamayotgan oshxonalarning faoliyatini tashkil etish va ularni qayta jihozlash koʻrsatkichlari 2b-ilovaga muvofiq tasdiqlansin.
2. Qoraqalpogʻiston Respublikasi Vazirlar Kengashi, viloyatlar hokimliklari Xalq taʼlimi vazirligi bilan kelishilgan holda mazkur qarorning 2a va 2b-ilovalardagi koʻrsatkichlarga muvofiq 2017 — 2020-yillarda umumiy oʻrta taʼlim muassasalarida oshxonalarning faoliyatini tashkil etish boʻyicha hududiy manzilli dasturlarini ikki oy muddatda ishlab chiqsinlar va belgilangan tartibda tasdiqlasinlar.
3. Oʻzbekiston Respublikasi Sogʻliqni saqlash vazirligining davlat sanitariya-epidemiologiya nazorati markazlari tomonidan umumiy oʻrta va oʻrta maxsus, kasb-hunar taʼlimi muassasalarining oshxonalarida sotilayotgan oziq-ovqat mahsulotlari va taomlar, shuningdek ularda foydalaniladigan texnologik jihozlarning sanitariya qoidalari, normalari va gigiyena normativlariga mosligini, oshxonalar xodimlarining sanitariya-gigiyena tadbirlari va epidemiyaga qarshi tadbirlar bajarilishiga rioya etishini aniqlash yuzasidan Nazorat qiluvchi organlar faoliyatini muvofiqlashtiruvchi respublika kengashi hamda uning hududiy komissiyalari bilan kelishuvlarsiz har chorakda bir marta nazorat ishlarini olib borish huquqini berish toʻgʻrisidagi taklifiga rozilik berilsin.
4. Oʻzbekiston Respublikasi Sogʻliqni saqlash vazirligi bir oy muddatda manfaatdor vazirliklar va idoralar bilan kelishgan holda umumiy oʻrta va oʻrta maxsus, kasb-hunar taʼlimi muassasalarining oshxonalarida sotilayotgan oziq-ovqat mahsulotlari va taomlar, shuningdek ularda foydalaniladigan texnologik jihozlarning sanitariya qoidalari, normalari va gigiyena normativlariga mosligini, oshxonalar xodimlarining sanitariya-gigiyena tadbirlari va epidemiyaga qarshi tadbirlari bajarilishiga rioya etishini nazorat qilish tartibini belgilash toʻgʻrisida Nazorat qiluvchi organlar faoliyatini muvofiqlashtiruvchi respublika kengashiga taklif kiritsin.
5. Umumiy oʻrta va oʻrta maxsus, kasb-hunar taʼlimi muassasalarining oshxonalarini ijaraga berish boʻyicha tanlov komissiyasiga qishloq joylardagi taʼlim muassasalari joylashgan hududning ijtimoiy-iqtisodiy rivojlanish holatidan kelib chiqib, ularning oshxonalarini Xususiylashtirish, monopoliyadan chiqarish va raqobatni rivojlantirish davlat qoʻmitasining hududiy boshqarmalari bilan kelishgan holda ijaraga berishda “nol” stavkasini belgilash vakolati berilsin.
Keyingi tahrirga qarang.
6. Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Sogʻliqni saqlash vazirligi Oʻzbekiston matbuot va axborot agentligi hamda Oʻzbekiston milliy teleradiokompaniyasi bilan birgalikda ommaviy axborot vositalarida, shu jumladan elektron ommaviy axborot vositalarida umumiy oʻrta va oʻrta maxsus, kasb-hunar taʼlimi muassasalarida sogʻlom, ratsional va xavfsiz ovqatlanishning tashkil etilishini takomillashtirish yuzasidan targʻibot-tashviqot ishlarini keng yoritsinlar.
7. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.
8. Manfaatdor vazirliklar va idoralar bir oy muddatda oʻz normativ-huquqiy hujjatlarini ushbu qarorga muvofiqlashtirsinlar.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari A.I. Ikramov va B.Y. Xodiyev zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2016-yil 2-may,
132-son
Vazirlar Mahkamasining 2016-yil 2-maydagi 132-son qaroriga
1-ILOVA
1-ILOVA
Umumiy oʻrta va oʻrta maxsus, kasb-hunar taʼlimi muassasalarida sogʻlom ovqatlanishni tashkil etish tartibi toʻgʻrisida
NIZOM
I. Umumiy qoidalar
1. Mazkur Nizom oʻquvchilarning toʻlaqonli sogʻlom ovqatlanishini tashkil etish, ularni ijtimoiy qoʻllab-quvvatlash, sogʻligʻini mustahkamlash va oʻquv jarayonining samarali tashkil etilishini taʼminlash maqsadida Oʻzbekiston Respublikasi “Taʼlim toʻgʻrisida”gi, “Aholining sanitariya-epidemiologik osoyishtaligi toʻgʻrisida”gi qonunlari hamda Vazirlar Mahkamasining “2015 — 2020-yillar davrida Oʻzbekiston Respublikasi aholisining sogʻlom ovqatlanishini taʼminlash Konsepsiyasini va chora-tadbirlar kompleksini tasdiqlash toʻgʻrisida” 2015-yil 29-avgustdagi 251-son qarorlariga muvofiq umumiy oʻrta va oʻrta maxsus, kasb-hunar taʼlimi muassasalarida (keyingi oʻrinlarda taʼlim muassasalari deb ataladi) sogʻlom ovqatlanishni tashkil etish tartibini belgilaydi.
2. Taʼlim muassasalarida sogʻlom ovqatlanishni tashkil etish ularning oshxona va bufetlarida (keyingi oʻrinlarda oshxonalar deb ataladi)sanitariya qoidalari, normalari va gigiyena normativlariga muvofiq shart-sharoitlar yaratilgan holda amalga oshiriladi.
3. Ushbu Nizom davlat taʼlim muassasalari hududida faoliyat yurituvchi oshxonalarga nisbatan tatbiq etiladi.
II. Taʼlim muassasalarida sogʻlom ovqatlanishni tashkil etishning asosiy maqsadi va vazifalari
4. Taʼlim muassasalari oʻquvchilarining sogʻlom kamol topishini va oʻsishini taʼminlash, taʼlim muassasalari oshxonalarida tarkibida zararli moddalar boʻlgan oziq-ovqat mahsulotlari bilan savdo qilishni, isteʼmol qilinganda oʻquvchilarning salomatligiga salbiy taʼsir koʻrsatadigan taomlarning tayyorlanishi va sotilishining oldini olish sogʻlom ovqatlanishni tashkil etishning asosiy maqsadi hisoblanadi.
5. Quyidagilar taʼlim muassasalarida sogʻlom ovqatlanishni tashkil etishning asosiy vazifalari hisoblanadi:
oʻquvchilarning fiziologik yoshiga muvofiq oziq-ovqat mahsulotlariga boʻlgan talablarini inobatga olgan holda ularning ratsional ovqatlanishini taʼminlash;
oziq-ovqat mahsulotlari va taomlarni oʻquvchilarning sogʻlom oʻsishida muhim ahamiyatga ega boʻlgan zarur moddalar bilan taʼminlash;
oʻquvchilarda tana vaznining meʼyordan ortishining, organizmda yod moddasining tanqisligi va moddalar almashinuvi jarayoni buzilishining oldini olish;
oziq-ovqat mahsulotlari va taomlarning xavfsizligi va sifatini kafolatlash;
oʻquvchilarda ovqatlanish bilan bogʻliq yuqumli kasalliklarning keng tarqalishiga yoʻl qoʻymaslik;
oʻquvchilar oʻrtasida sogʻlom ovqatlanish koʻnikmalarini shakllantirish;
taʼlim muassasalari oshxonalarida sotilishi taqiqlangan oziq-ovqat mahsulotlari va taomlar bilan savdo qilishning oldini olish;
oʻquvchilar uchun sifatli oziq-ovqat mahsulotlari va taomlar tayyorlashga hamda ularning maqbul narxlarda sotilishini taʼminlash;
oziq-ovqat mahsulotlari va taomlarni tayyorlashda hamda oziq-ovqat xom ashyosini saqlashda sanitariya qoidalari, normalari va gigiyena normativlariga qatʼiy rioya etish.
III. Taʼlim muassasalarida sogʻlom ovqatlanishni tashkil etishga qoʻyiladigan asosiy talablar
6. Taʼlim muassasalarida sogʻlom ovqatlanish yuridik shaxs maqomiga ega boʻlgan tadbirkorlik subyektlari, yakka tartibdagi tadbirkorlar (keyingi oʻrinlarda talabgorlar deb ataladi) hamda taʼlim muassasasi tomonidan tashkil etiladi.
7. Oʻquvchilar uchun sogʻlom ovqatlanish taʼlim muassasalarining oshxonalarida, belgilangan sanitariya qoidalari, normalari va gigiyena normativlari hamda ularning xavfsiz ovqatlanishini tashkil etishga doir sanitariya-gigiyena tadbirlari va epidemiyaga qarshi tadbirlari bajarilishiga rioya qilgan holda amalga oshiriladi.
8. Taʼlim muassasalari oshxonalarida Oʻzbekiston Respublikasi Bosh davlat sanitariya vrachi tomonidan tasdiqlanadigan oziq-ovqat xom ashyolari turlaridan oziq-ovqat mahsulotlari va taomlar tayyorlanadi.
9. Taʼlim muassasasi oshxonasi oshpazi:
sifatli oziq-ovqat mahsulotlarining qabul qilinishi, ularning toʻgʻri saqlanishi va meʼyorlar asosida sarflanishi;
oshxonada sanitariya qoidalari, normalari va gigiyena normativlariga qatʼiy rioya etilishi;
Oʻzbekiston Respublikasi Bosh davlat sanitariya vrachi tomonidan tasdiqlangan oziq-ovqat mahsulotlarining tarkibi (retsepturasi)ni belgilovchi namunaviy roʻyxatga asosan taomlar tayyorlanishi uchun masʼul hisoblanadi.
Oldingi tahrirga qarang.
10. Taʼlim muassasalarida oʻquvchilarning sogʻlom ovqatlanishini tashkil etish uchun Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari hamda Toshkent shahri xalq taʼlimi bosh boshqarmasi, oʻrta maxsus, kasb-hunar taʼlimi hududiy boshqarmalari, tuman (shahar) xalq taʼlimi boʻlimlari, taʼlim muassasalari rahbarlari masʼul hisoblanadi.
(10-band Oʻzbekiston Respublikasi Vazirlar Mahkamasining 2019-yil 30-sentabrdagi 822-son qarori tahririda — Qonun hujjatlari maʼlumotlari milliy bazasi, 30.09.2019-y., 09/19/822/3840-son)
IV. Taʼlim muassasalarida sogʻlom ovqatlanishni tashkil etish tartibi
11. Sogʻlom ovqatlanishni tashkil etish:
oʻquvchilar soni 400 nafardan ortiq boʻlgan taʼlim muassasalarida — yuridik shaxs maqomiga ega boʻlgan tadbirkorlik subyektlari tomonidan;
oʻquvchilar soni 400 nafardan kam boʻlgan taʼlim muassasalarida — yuridik shaxslar, yakka tartibdagi tadbirkorlar yoki taʼlim muassasalari tomonidan amalga oshiriladi.
12. Taʼlim muassasalari oshxonalarida oziq-ovqat mahsulotlari va taomlarni tayyorlash oʻquvchilarning yoshlariga muvofiq ravishda tuzilgan haftalik taomnomalar asosida tayyorlanadi.
13. Taʼlim muassasalari oshxonalarida haftalik taomnomalar Oʻzbekiston Respublikasi Bosh davlat sanitariya vrachi tomonidan tasdiqlangan oziq-ovqat mahsulotlarining tarkibi (retsepturasi)ni belgilovchi namunaviy roʻyxatga asosan tuziladi.
14. Taʼlim muassasalari oshxonalari faoliyatini tashkil etayotgan talabgorlar va taʼlim muassasasi oʻz faoliyatini oʻquvchilarning ota-onalari bilan hamkorlikda tashkil etadi.
Ular tomonidan ota-onalar yigʻilishlarida oʻquvchilarning sogʻlom ovqatlanishi uchun tayyorlanayotgan taomlarning sifati va ovqatlanishni tashkil etishda koʻrsatiladigan xizmatlar toʻgʻrisida taqdimotlar va koʻrgazmalar oʻtkaziladi.
15. Taʼlim muassasalari oshxonalari xodimlari oshpazlik sohasi boʻyicha tegishli bilimga ega boʻlishi va oʻz malakasini doimiy ravishda oshirib borishi zarur.
16. Taʼlim muassasalari oshxonalarining faoliyat koʻrsatish samaradorligi oʻquvchilarning ovqatlanishga jalb etilishi darajasiga hamda taʼlim muassasasi maʼmuriyati tomonidan oʻquvchilar va ota-onalar oʻrtasida oʻtkaziladigan soʻrovnomalar natijalariga koʻra aniqlanadi.
V. Tanlovni tashkil etish, oʻtkazish va uning natijalarini rasmiylashtirish
17. Taʼlim muassasalarida sogʻlom ovqatlanishni tashkil etish oshxonani shartnoma asosida ijaraga berish orqali amalga oshiriladigan holatlarda ijarachi talabgorlar oʻrtasida har bir oshxona boʻyicha alohida tanlov oʻtkazish yoʻli bilan aniqlanadi.
Oldingi tahrirga qarang.
18. Taʼlim muassasalarining oshxonalarini ijaraga berish yuzasidan buyurtmanomalari ular tomonidan har yili 1-iyunga qadar tegishli tuman (shahar) xalq taʼlimi boʻlimlari hamda oʻrta maxsus, kasb-hunar taʼlimi hududiy boshqarmalariga beriladi.
(18-band Oʻzbekiston Respublikasi Vazirlar Mahkamasining 2019-yil 30-sentabrdagi 822-son qarori tahririda — Qonun hujjatlari maʼlumotlari milliy bazasi, 30.09.2019-y., 09/19/822/3840-son)
19. Tanlovni tashkil etish, oʻtkazish va gʻoliblarni aniqlash tegishli tuman (shahar) hokimlarining qarori bilan har yili 1-iyunga qadar tasdiqlanadigan umumiy oʻrta va oʻrta maxsus, kasb-hunar taʼlimi muassasalarining oshxonalarini ijara berish boʻyicha tanlov komissiyasi(keyingi oʻrinlarda tanlov komissiyasi deb ataladi) tomonidan amalga oshiriladi.
20. Tanlov komissiyasi quyidagi tarkibda tuziladi:
Oldingi tahrirga qarang.
tanlov komissiyasi raisi — tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari;
(20-bandining ikkinchi xatboshisi Oʻzbekiston Respublikasi Vazirlar Mahkamasining 2017-yil 27-fevraldagi 107-sonli qarori tahririda — OʻR QHT, 2017-y., 9-son, 132-modda)
Oldingi tahrirga qarang.
tanlov komissiyasi aʼzolari — tuman (shahar) hokimligining moliya boʻlimi boshligʻi, tuman (shahar) xalq taʼlimi boʻlimi mudiri yoki oʻrta maxsus, kasb-hunar taʼlimi hududiy boshqarmasi vakili, Sanitariya-epidemiologik osoyishtalik va jamoat salomatligi xizmati boʻlimi boshligʻi, “Davlat mulkini ijaraga berish markazi” davlat unitar korxonasi vakili;
(20-bandning uchinchi xatboshisi Oʻzbekiston Respublikasi Vazirlar Mahkamasining 2021-yil 19-noyabrdagi 694-sonli qarori tahririda — Qonunchilik maʼlumotlari milliy bazasi, 20.11.2021-y., 09/21/694/1075-son)
Oldingi tahrirga qarang.
tanlov komissiyasi kotibi — tuman (shahar) xalq taʼlimi boʻlimining taʼlim muassasalarida ovqatlanishni tashkil etish ishlari uchun masʼul xodimi.
(20-bandning toʻrtinchi xatboshisi Oʻzbekiston Respublikasi Vazirlar Mahkamasining 2019-yil 30-sentabrdagi 822-son qarori tahririda — Qonun hujjatlari maʼlumotlari milliy bazasi, 30.09.2019-y., 09/19/822/3840-son)
Zaruriyatga koʻra tanlov komissiyasi tarkibiga qoʻshimcha mutaxassislar jalb etilishi mumkin.
21. Tanlov komissiyasi tarkibi har bir oʻquv yili uchun alohida tasdiqlanadi va oʻquv yili davomida faoliyat koʻrsatadi.
22. Tanlovni tashkil etish va oʻtkazish quyidagi bosqichlardan iborat boʻladi:
tanlov oʻtkazilishi haqida ommaviy axborot vositalarida hamda mahalliy davlat hokimiyati organlari va taʼlim muassasalarining rasmiy veb-saytlarida eʼlon qilish;
ariza va unga ilova qilinadigan hujjatlarni qabul qilish;
tushgan tanlov takliflarini baholash, tanlov gʻolibini aniqlash va tanlov natijalarini rasmiylashtirish;
tanlov gʻoliblarini eʼlon qilish.
23. Tanlov oʻtkazilishi haqida har yili 10-iyunga qadar ommaviy axborot vositalarida hamda mahalliy davlat hokimiyati organlari va taʼlim muassasalarining rasmiy veb-saytlari orqali eʼlon beriladi.
24. Tanlov oʻtkazilishi haqidagi eʼlonda quyidagi maʼlumotlar boʻlishi kerak:
tanlov komissiyasining manzili, aloqa telefoni va elektron pochta manzili;
oshxonasi tanlovga qoʻyilayotgan taʼlim muassasalarining roʻyxati va manzillari;
tanlovni oʻtkazish sanasi, vaqti, joyi va shartlari;
arizalarni qabul qilishning oxirgi muddati (kun va soat koʻrsatilgan holda);
tanlov hujjatlariga doir maʼlumotlarni olish mumkin boʻlgan manzil.
25. Tanlovda davlat roʻyxatidan oʻtgan, umumiy ovqatlanish boʻyicha kamida olti oy davomida faoliyat yuritayotgan, maxsus moddiy-texnika bazasi (zamonaviy texnologik jihozlar), oziq-ovqat mahsulotlari va taomlar tayyorlash texnologiyasi boʻyicha mutaxassislari mavjud boʻlgan talabgorlar ishtirok etishlari mumkin.
26. Tanlovda ishtirok etish uchun talabgorlar tomonidan tanlov komissiyasiga har yili 10-iyul kuni soat 18.00 ga qadar ariza taqdim etiladi.
Arizaga quyidagi hujjatlar ilova qilinib, talabgorlar tomonidan muhrlangan (agar muhr mavjud boʻlsa) konvertda tanlov komissiyasiga taqdim etiladi:
umumiy ovqatlanishni tashkil etish sohasidagi faoliyati, ish tajribasi toʻgʻrisida maʼlumotnoma;
maxsus moddiy-texnika bazasi va oziq-ovqat mahsulotlarini tayyorlash texnologiyasi boʻyicha malakali mutaxassislar mavjudligi haqida maʼlumotnoma;
boʻsh aylanma mablagʻlari mavjudligi toʻgʻrisida bankning maʼlumotnomasi;
talabgorning taʼlim muassasasi oshxonasining moddiy-texnika bazasini mustahkamlash boʻyicha istiqbol rejasi va takliflari;
talabgor tomonidan tasdiqlangan mavsumiy namunaviy taomnomalar.
27. Quyidagi hollarda tanlov komissiyasi tomonidan arizani qabul qilish rad etiladi:
ariza belgilangan muddatdan kechikib topshirilganda;
arizaga ilova qilinadigan hujjatlar muhrlangan (agar muhr mavjud boʻlsa) va yelimlangan konvertda taqdim etilmaganda.
Arizalarni qabul qilishning boshqa asoslarga koʻra rad etilishiga yoʻl qoʻyilmaydi.
28. Tanlov taʼlim muassasalarining buyurtmanomalari asosida har yili 1-avgustga qadar oʻtkaziladi.
Buyurtmanoma taqdim etmagan taʼlim muassasalarining oshxonalarini ijaraga berish boʻyicha tanlov oʻtkazilmaydi.
29. Tanlov komissiyasiga tanlovda qatnashish uchun birorta ham ariza tushmagan taqdirda, tanlov komissiyasi Xususiylashtirish, monopoliyadan chiqarish va raqobatni rivojlantirish davlat qoʻmitasining hamda Moliya vazirligining hududiy boshqarmalari bilan kelishgan holda sogʻlom ovqatlanishni tashkil etishning oshxonasi ijaraga beriladigan taʼlim muassasasi tomonidan amalga oshirilishi toʻgʻrisida qaror qabul qilishi mumkin.
30. Tanlovda birinchi marta gʻolib deb eʼtirof etilgan talabgorlar bilan ijara shartnomasi shu davrdagi oʻquv yili uchun tuziladi.
Ijara shartnomasi va boshqa majburiyatlarni zarur darajada bajargan talabgorlar bilan tuzilgan ijara shartnomasining muddati tanlov oʻtkazmasdan tanlov komissiyasi qaroriga asosan yana besh yilgacha uzaytirilishi mumkin.
Shartnoma muddatini uzaytirish qonun hujjatlarida belgilangan tartibda rasmiylashtiriladi.
Keyingi tahrirga qarang.
31. Tanlov komissiyasi kotibi tomonidan qabul qilinishi belgilangan tartibda rad etilgan hujjatlar toʻplami rad qilish sabablari yozma ravishda koʻrsatilgan holda talabgorga yoki uning vakiliga qaytariladi.
32. Talabgorlarning arizalari sahifalari raqamlangan hamda ip oʻtkazilib muhrlangan maxsus jurnalda roʻyxatdan oʻtkaziladi.
Talabgorlar tomonidan taqdim etilgan konvertlar tanlov kunigacha ochilmaydi va seyfda saqlanadi.
33. Tanlov hujjatlarining tanlov oʻtgunga qadar saqlanishi va talabgorlarga qaytarilishi uchun tanlov komissiyasi raisi va kotibi masʼul hisoblanadi.
34. Quyidagilar tanlov komissiyasining vazifalari hisoblanadi:
taʼlim muassasalarining buyurtmanomalari asosida oshxonalari ijaraga beriladigan taʼlim muassasalarining roʻyxatini tuzish;
tanlovni oʻtkazish sanasini va tanlov shartlarini belgilash;
tanlov oʻtkazilishi toʻgʻrisidagi xabarni ommaviy axborot vositalarida hamda mahalliy davlat hokimiyati organlari va taʼlim muassasalarining rasmiy veb-saytlarida eʼlon qilish;
talabgorlarga ularning soʻrovlari boʻyicha tanlov hujjatlari roʻyxatini taqdim etish;
talabgorlarning tanlovda qatnashish uchun berilgan arizalarini roʻyxatdan oʻtkazish hamda ular hujjatlarining maxfiyligini va saqlanishini taʼminlash;
talabgorlarga taʼlim muassasasi oshxonasi bilan tanishishi uchun shart-sharoitlar yaratish;
tanlov takliflarini koʻrib chiqish va gʻoliblarni aniqlash.
35. Tanlov komissiyasi quyidagi huquqlarga ega:
oʻz ish reglamentini ishlab chiqish va tasdiqlash;
tanlov hujjatlarini taqdim etish muddatlarini yoki tanlov oʻtkazish sanasini talabgorlarni eʼlon orqali xabardor qilgan holda 10 kundan ortiq boʻlmagan muddatga uzaytirish;
tanlov sanasini belgilash va tanlov gʻolibini aniqlash;
tanlovga ariza faqat bir nafar talabgordan tushganda, hujjatlarni oʻrganib chiqib, ijara shartnomasini mazkur talabgor bilan tuzish toʻgʻrisida ijaraga beruvchiga tavsiya berish;
Xususiylashtirish, monopoliyadan chiqarish va raqobatni rivojlantirish davlat qoʻmitasining hududiy boshqarmalari bilan kelishgan holda taʼlim muassasalari oshxonalarini ijaraga berishda “nol” stavkasini belgilash.
Keyingi tahrirga qarang.
36. Tanlov komissiyasi quyidagilarga majbur:
tanlov oʻtkaziladigan sanada komissiya aʼzolarining toʻliq qatnashishini taʼminlash;
tanlov oʻtkazish jarayonini nazorat qilish;
talablarning yagonaligini va tanlov natijalari boʻyicha qarorlar qabul qilishning xolisonaligini taʼminlash;
ushbu Nizom, boshqa qonun hujjatlari talablari buzilgan, til biriktirish va tanlov oʻtkazish tartib-qoidalarini buzadigan boshqa holatlar aniqlangan taqdirda tanlovni toʻxtatish;
Keyingi tahrirga qarang.
talabgorlarning hujjatlari oshkor etilmasligini, shuningdek talabgorlar uchun teng sharoitlarni taʼminlash.
37. Quyidagilar tanlov komissiyasi kotibining vazifalari hisoblanadi:
talabgorlar tomonidan taqdim etilayotgan arizani va unga ilova qilinayotgan hujjatlarni qabul qilish;
hujjatlarni qabul qilish jurnalini yuritish hamda hujjatlarni saqlash;
hujjatlar belgilangan tartibda taqdim etilmagan hollarda ularni qabul qilishni rad etish;
qabul qilingan hujjatlarni tanlov komissiyasiga taqdim etish;
tanlovni tashkil etish, komissiya yigʻilishlari toʻgʻrisida komissiya aʼzolarini xabardor qilish;
tanlov komissiyasi majlisining bayonini rasmiylashtirish va uning nusxasini belgilangan muddatlarda talabgorlarga, taʼlim muassasasi rahbarlariga hamda “Davlat mulkini ijaraga berish markazi” davlat unitar korxonasiga taqdim etish.
38. Tanlov hujjatlari joylangan konvertlar tanlov komissiyasi tomonidan tanlov oʻtkaziladigan kunda, tanlov aʼzolarining barchasi qatnashgan taqdirda ochiladi hamda oʻrganish natijalariga koʻra tanlov gʻolibi eʼlon qilinadi.
Talabgorlar tanlov hujjatlari joylangan konvertlarni ochishda ishtirok etishlari mumkin.
39. Tanlov komissiyasi tomonidan talabgorning hujjatlari quyidagi mezonlar asosida baholanadi:
ish tajribasi (umumiy ovqatlanish sohasidagi faoliyati);
mutaxassislarining malakasi (oshpazlik yoʻnalishida oʻrta maxsus va kasb-hunar maʼlumoti, oshpazlarning kasb mahorati boʻyicha belgilangan tartibda malaka oshirganligi va sertifikatga egaligi);
faoliyatini tashkil etishning talabgorning oʻz mablagʻlari, shu jumladan kredit resurslari hisobiga moliyalashtirish bilan taʼminlanganligi;
mehnat resurslari va tashkil etiladigan ish oʻrinlari soni;
taʼlim muassasalari oshxonasining moddiy-texnika bazasini mustahkamlash boʻyicha kiritilishi moʻljallangan texnologik jihozlari roʻyxati;
taomnomalarning mavsumiyligi va sogʻlom ovqatlanishni taʼminlashga qaratilganligi.
40. Tanlov komissiyasi tomonidan eng yaxshi tanlov hujjatini taqdim etgan talabgor tanlov gʻolibi deb eʼtirof etiladi.
41. Tanlov gʻolibini aniqlash tanlov komissiyasining ochiq majlisida qaror qabul qilish yoʻli bilan amalga oshiriladi.
Qaror tanlov komissiyasi aʼzolari umumiy sonining oddiy koʻpchilik ovozi bilan qabul qilinadi. Ovozlar teng boʻlib qolgan taqdirda tanlov komissiyasi raisi hal qiluvchi ovozga ega boʻladi.
42. Tanlov natijalari konvertlar ochilgan sanadan boshlab uch kalendar kundan ortiq boʻlmagan muddatda tanlov komissiyasi majlisining bayoni bilan rasmiylashtiriladi.
Komissiya majlisi bayonida:
tanlov komissiyasining tarkibi;
talabgorlar va ularning takliflari toʻgʻrisidagi maʼlumotlar;
taʼlim muassasasi oshxonasi joylashgan joyning manzili;
tanlov gʻolibi;
ovoz berish natijalari va tanlov komissiyasi aʼzolarining qarori;
gʻolibni tanlashga asos boʻlgan shartlar koʻrsatiladi.
Majlis bayoni tanlov komissiyasining barcha aʼzolari tomonidan imzolanadi va tanlov komissiyasi raisi tomonidan tasdiqlanadi.
Tanlov komissiyasi bayoni tanlov komissiyasi kotibi tomonidan yuritiladi.
43. Tanlov komissiyasi kotibi tanlov yakunlari boʻyicha qaror qabul qilingan kundan boshlab uch ish kuni mobaynida tanlov gʻolibini va talabgorlarni tanlov natijalari toʻgʻrisida xabardor qiladi, ularga oʻtkazilgan tanlov natijalari toʻgʻrisidagi tasdiqlangan majlis bayonini yuboradi.
44. Oʻtkazilgan tanlov natijalari toʻgʻrisidagi majlis bayoni rasmiylashtirilgandan soʻng bir ish kuni mobaynida tegishli “Davlat mulkini ijaraga berish markazi” davlat unitar korxonasiga va tegishli taʼlim muassasasiga ijara shartnomasi tuzish uchun taqdim etiladi.
45. Tanlov gʻolibi ijara shartnomasini tuzishdan bosh tortgan yoki uni rad etgan taqdirda, shuningdek ijaraga olinmagan yoki ijara shartnomasi bekor qilingan muassasalar uchun tanlov ushbu Nizom talablari asosida oʻquv yili davomida oʻtkazilishi mumkin.
46. Taʼlim muassasalari oshxonalarining ijara shartnomasi “Davlat mulkini ijaraga berish markazi” davlat unitar korxonasi (ijaraga beruvchi), talabgor (ijaraga oluvchi) va taʼlim muassasasi (balansda saqlovchi) oʻrtasida qonun hujjatlariga muvofiq tuziladi.
Ijara shartnomasini bekor qilish qonun hujjatlarida belgilangan tartibda amalga oshiriladi.
Keyingi tahrirga qarang.
47. Ijaraga oluvchi quyidagi huquqlarga ega:
shartnoma imzolangan vaqtdan boshlab ijaraga berilgan mulkni balansda saqlovchidan talab qilish;
ijaraga olingan bino va inshootning ichki qismida texnik jihatdan jihozlash ishlarini amalga oshirish.
48. Ijaraga oluvchi quyidagilarga majbur:
taʼlim muassasasida oʻquvchilar uchun sogʻlom ovqatlanishni tashkil etish;
sogʻliq uchun zararli boʻlgan oziq-ovqat mahsulotlari va taomlar savdosiga yoʻl qoʻymaslik;
taʼlim muassasasining ijaraga olingan oshxonasidan maqsadli va toʻgʻri foydalanish;
taʼlim muassasasining ijaraga olingan oshxonasini texnik jihozlashdan oldin balansda saqlovchining yozma roziligini olish;
ijaraga olingan mol-mulkni soz holatda saqlash, oʻz hisobidan joriy taʼmirlash ishlarini amalga oshirish va mulkni saqlash xarajatlarini qoplash;
oziq-ovqat xom ashyosi va oziq-ovqat mahsulotlarining sifatli saqlanishini taʼminlash;
taʼlim muassasasining ijaraga olingan oshxonasidan foydalanishda sanitariya qoidalari, normalari va gigiyena normativlariga rioya qilish;
ijara shartnomasi boʻyicha olingan majburiyatlarning bajarilishini taʼminlash;
ijara shartnomasi boʻyicha barcha toʻlovlarni oʻz vaqtida amalga oshirish (agar toʻlov belgilangan boʻlsa);
ijara muddati tugagandan keyin davlat mulkini balansda saqlovchiga belgilangan tartibda topshirish.
Ijaraga oluvchi tomonidan ushbu majburiyatlarning buzilishi qonun hujjatlarida belgilangan tartibda ijara shartnomasini bekor qilish uchun asos hisoblanadi.
Keyingi tahrirga qarang.
49. Taʼlim muassasasi oshxonasida oziq-ovqat mahsulotlari va taomlarni tayyorlash hamda saqlashda sarflanadigan gaz, suv va elektr energiyasi uchun toʻlovlar alohida oʻrnatiladigan hisoblagichlarning koʻrsatkichlari asosida, ijaraga oluvchi hisobidan qoplanadi.
VI. Taʼlim muassasasi tomonidan sogʻlom ovqatlanishni tashkil etish
50. Taʼlim muassasalari oʻzlarining budjetdan tashqari mablagʻlari, qonun hujjatlarida taqiqlanmagan homiylik xayriyalari, ovqatlanish uchun toʻlanadigan toʻlovlar(keyingi oʻrinlarda oshxona mablagʻlari deb ataladi) hisobidan oshxona faoliyatini tashkil etishi mumkin.
Keyingi tahrirga qarang.
51. Taʼlim muassasasi oshxonasida oziq-ovqat mahsulotlari va taomlarni tayyorlashda hamda ularni saqlashda sarflanadigan gaz, suv, elektr energiyasi uchun toʻlovlar alohida oʻrnatilgan hisoblagichlarning koʻrsatkichlariga muvofiq oshxona mablagʻlari hisobidan qoplanadi.
52. Taʼlim muassasasi oshxonasida faoliyat yuritadigan xodimlarga haq toʻlash oshxona mablagʻlari hisobidan amalga oshiriladi.
53. Taʼlim muassasasi rahbari tomonidan oshxona xodimlariga haq toʻlash, oziq-ovqat mahsulotlari va taomlarni tayyorlash uchun sarflanadigan oziq-ovqat xom ashyolari qiymati, kommunal toʻlovlar hamda rentabellikni hisobga olgan holda taomlar kalkulyatsiyasi tasdiqlanadi.
54. Taʼlim muassasasi oshxonasi mablagʻlarining sarflanishi boʻyicha buxgalteriya hisobi va hisoboti taʼlim muassasasining buxgalteriyasi tomonidan qonun hujjatlariga muvofiq amalga oshiriladi.
Keyingi tahrirga qarang.
55. Oziq-ovqat mahsulotlarini oshxona mablagʻlari hisobidan xarid qilish boʻyicha shartnomalar taʼlim muassasasi rahbari tomonidan imzolanadi.
VII. Taʼlim muassasalarida sogʻlom ovqatlanishni tashkil etish monitoringini amalga oshirish
Oldingi tahrirga qarang.
56. Taʼlim muassasalarida sogʻlom ovqatlanishni tashkil etishda Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari, Toshkent shahri xalq taʼlimi bosh boshqarmasi, oʻrta maxsus, kasb-hunar taʼlimi hududiy boshqarmalari, tuman (shahar) xalq taʼlimi boʻlimlari hamda taʼlim muassasalari vakolatlari quyidagilardan iborat:
(56-bandning birinchi xatboshisi Oʻzbekiston Respublikasi Vazirlar Mahkamasining 2019-yil 30-sentabrdagi 822-son qarori tahririda — Qonun hujjatlari maʼlumotlari milliy bazasi, 30.09.2019-y., 09/19/822/3840-son)
taʼlim muassasalarida sogʻlom ovqatlanishni tashkil etish yuzasidan doimiy monitoring olib borish, jumladan oʻquvchilar va ularning ota-onalari oʻrtasida soʻrovnomalar oʻtkazish;
Oldingi tahrirga qarang.
monitoring natijalarini har chorakda Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari, Toshkent shahar xalq taʼlimi bosh boshqarmasi, oʻrta maxsus, kasb-hunar taʼlimi hududiy boshqarmalari, tuman (shahar) xalq taʼlimi boʻlimlari rahbarlari huzuridagi yigʻilishlarda, taʼlim muassasalarining pedagogik kengashlarida muhokama qilib borish;
(56-bandning uchinchi xatboshisi Oʻzbekiston Respublikasi Vazirlar Mahkamasining 2019-yil 30-sentabrdagi 822-son qarori tahririda — Qonun hujjatlari maʼlumotlari milliy bazasi, 30.09.2019-y., 09/19/822/3840-son)
tegishli mahalliy davlat hokimiyati organlariga taʼlim muassasalarida sifatli va xavfsiz ovqatlanishni tashkil etish yuzasidan takliflar kiritish;
taʼlim muassasalari oshxonalarida sanitariya qoidalari, normalari va gigiyena normativlari hamda sanitariya-gigiyena tadbirlari va epidemiyaga qarshi tadbirlar bajarilishiga rioya qilishning buzilishi holatlarini bartaraf etish choralarini koʻrish;
oʻquvchilarning hayoti va sogʻligʻiga salbiy taʼsir koʻrsatuvchi oziq-ovqat mahsulotlari haqida tushuntirish ishlari olib borish.
57. Taʼlim muassasalarida oshxonalarda tayyorlanayotgan oziq-ovqat mahsulotlari va taomlar sifatini oʻrganish boʻyicha komissiyalar (keyingi oʻrinlarda komissiya deb ataladi) tashkil etiladi.
Komissiya tarkibi taʼlim muassasasiga biriktirilgan hamshira, taʼlim muassasasining sogʻlom ovqatlanishni tashkil etish masalalari uchun masʼul xodimi va oʻquvchilar ota-onalarining vakillaridan iborat boʻladi.
Komissiya taʼlim muassasasi oshxonasida tayyorlanayotgan taomlar sifatini doimiy ravishda oʻrganib boradi. Oʻrganish natijalari alohida yuritiladigan maxsus jurnalda qayd etiladi.
Oldingi tahrirga qarang.
58. Sanitariya-epidemiologik osoyishtalik va jamoat salomatligi xizmati va uning hududiy boʻlinmalari tomonidan sotilayotgan oziq-ovqat mahsulotlari va taomlar, taʼlim muassasasi oshxonalaridagi mavjud texnologik jihozlarning sanitariya qoidalari, normalari va gigiyena normativlari hamda sanitariya-gigiyena tadbirlari va epidemiyaga qarshi tadbirlar bajarilishiga rioya qilish, oziq-ovqat mahsulotlari va taomlar sifati yuzasidan nazorat ishlari olib boriladi.
(58-bandning birinchi xatboshisi Oʻzbekiston Respublikasi Vazirlar Mahkamasining 2021-yil 19-noyabrdagi 694-sonli qarori tahririda — Qonunchilik maʼlumotlari milliy bazasi, 20.11.2021-y., 09/21/694/1075-son)
Oldingi tahrirga qarang.
Olib borilgan nazorat ishlari har chorakda Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi hamda oʻrta maxsus, kasb-hunar taʼlimi hududiy boshqarmalari, tuman (shahar) xalq taʼlimi boʻlimlari, shuningdek taʼlim muassasalari bilan birgalikda muhokama qilinadi va tegishli tadbirlar belgilanadi.
(58-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 30-sentabrdagi 822-son qarori tahririda — Qonun hujjatlari maʼlumotlari milliy bazasi, 30.09.2019-y., 09/19/822/3840-son)
VIII. Yakunlovchi qoida
59. Ushbu Nizom talablarining buzilishida aybdor boʻlgan shaxslar qonun hujjatlariga muvofiq javob beradi.
Keyingi tahrirga qarang.
Keyingi tahrirga qarang.
Vazirlar Mahkamasining 2016-yil 2-maydagi 132-son qaroriga
2-ILOVA
2-ILOVA
2016 — 2020-yillarda umumiy oʻrta va oʻrta maxsus, kasb-hunar taʼlimi muassasalarida sogʻlom ovqatlanishni tashkil etishni yanada takomillashtirish, oshxonalarni tashkil etish va ularni jihozlash ishlarini amalga oshirish boʻyicha
CHORA-TADBIRLAR REJASI
|
T/r |
Tadbirlar |
Bajarish muddatlari |
Masʼul bajaruvchilar |
|
I. Umumiy oʻrta va oʻrta maxsus, kasb-hunar taʼlimi muassasalari oshxona va bufetlari faoliyatini tashkil etish | |||
|
1. |
Ovqatlanish tizimi mavjud boʻlmagan umumiy oʻrta taʼlim muassasalarida oshxona va bufetlarni tashkil etish, jihozlash va qayta jihozlash boʻyicha belgilangan koʻrsatkichlarga muvofiq ravishda moliyalashtirish manbalarini koʻrsatgan holda manzilli dasturlarni tasdiqlash. |
2016-yil |
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Xalq taʼlimi vazirligi |
|
2. |
Umumiy oʻrta va oʻrta maxsus, kasb-hunar taʼlimi muassasalarining oshxona va bufetlari uchun namunaviy taomnomalarni (har bir taomning tayyorlash texnologiyasini koʻrsatib oʻtgan holda) tasdiqlash. |
2016-yil avgust |
Sogʻliqni saqlash vazirligi, Oʻzbekiston Oshpazlar uyushmasi, Xalq taʼlimi vazirligi, |
|
3. |
Zamonaviy tajribalar asosida umumiy oʻrta va oʻrta maxsus, kasb-hunar taʼlimi muassasalari oshpazlarini malaka oshirish kurslariga jalb etish choralarini koʻrish. |
2016-yil |
Xalq taʼlimi vazirligi, Oʻzbekiston Oshpazlar uyushmasi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Sogʻliqni saqlash vazirligi, ijarachi korxonalar bilan hamkorlikda |
|
II. Taʼlim muassasalarida sogʻlom ovqatlanishni tashkil etishga doir targʻibot-tashviqot ishlari | |||
|
4. |
Umumiy oʻrta va oʻrta maxsus, kasb-hunar taʼlimi muassasalarida sogʻlom ovqatlanishni tashkil etish yuzasidan ommaviy axborot vositalari orqali keng targʻibot-tashviqot ishlarini olib borish, bunda: oʻquvchilar uchun foydali taomlarni tayyorlash usullariga, ularni isteʼmol qilishning ijobiy taʼsiriga; ovqatlanish rejimiga va ularga amal qilinishiga; tarkibida zararli moddalar mavjud boʻlgan oziq-ovqat mahsulotlari va taomlarni isteʼmol qilishning salbiy oqibatlari masalalariga alohida eʼtibor qaratish. |
Jadval asosida |
Xalq taʼlimi vazirligi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Sogʻliqni saqlash vazirligi, Oʻzbekiston Milliy axborot agentligi, Oʻzbekiston milliy teleradiokompaniyasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
|
5. |
Umumiy oʻrta taʼlim muassasalarining boshlangʻich sinf oʻquvchilari oʻrtasida “Toʻgʻri ovqatlanish darslari” taʼlim dasturini joriy etish va unda quyidagilarni nazarda tutish: oʻquvchilarda salomatlikning qadri va uni mustahkamlash zarurligi toʻgʻrisida tasavvur hosil qilish; oʻquvchilarni sogʻlom hayot tarzi va toʻgʻri ovqatlanish qoidalari bilan tanishtirish; oʻquvchilarning oʻz sogʻligʻiga gʻamxoʻrlik qilishi bilan bogʻliq xulq-atvor shakllarini oʻzlashtirishlari, ularni toʻgʻri ovqatlanishga doir milliy-madaniy anʼanalar bilan tanishtirish asosiy mavzu sifatida kiritilishini taʼminlash. |
2016-yil |
Xalq taʼlimi vazirligi, |
|
6. |
Oʻquvchilar, pedagog xodimlar, ota-onalar tomonidan sogʻlom ovqatlanish qoidalariga amal qilinishi yuzasidan bilim va koʻnikmalarni yanada rivojlantirish boʻyicha davra suhbatlari oʻtkazib borish. |
Doimiy |
Xalq taʼlimi vazirligi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Sogʻliqni saqlash vazirligi |
|
7. |
Umumiy oʻrta va oʻrta maxsus, kasb-hunar taʼlimi muassasalarida sogʻlom ovqatlanishni tashkil etish masalasini “Salomatlik saboqlari”, “Sogʻlom avlod asoslari”, “Sogʻlom oila asoslari” darslari orqali oʻquvchilar ongiga yetkazish choralarini koʻrish. |
Jadval asosida |
Xalq taʼlimi vazirligi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Sogʻliqni saqlash vazirligi |
|
8. |
Umumiy oʻrta va oʻrta maxsus, kasb-hunar taʼlimi muassasalarida sogʻlom ovqatlanishni tashkil etish yuzasidan Qoraqalpogʻiston Respublikasi, viloyatlar va Toshkent shahrida hududiy seminarlar oʻtkazish. |
2016 — 2020-yillar davomida, har yili sentabr — dekabrda |
Sogʻliqni saqlash vazirligi, Xalq taʼlimi vazirligi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi |
Vazirlar Mahkamasining 2016-yil 2-maydagi 132-son qaroriga
2a-ILOVA
2a-ILOVA
2017 — 2020-yillarda ovqatlanish tizimi mavjud boʻlmagan umumiy oʻrta taʼlim muassasalarida oshxonalarni tashkil etish va jihozlash koʻrsatkichlari
|
|
dona | |||||||
|
T/r |
Hududlar |
2017 — 2020-yillarda oshxonalar tashkil etiladigan maktablar soni |
tashkil etiladigan oshxonalarni jihozlash koʻrsatkichlari, shu jumladan: | |||||
|
oʻtirish oʻrinlari (toʻplam) |
muzlatgich |
suv qaynatgich |
elektr plita |
idish yuvish vannalari |
ishlab chiqarish stoli | |||
|
Respublika boʻyicha |
2630 |
13150 |
2630 |
2630 |
2630 |
2630 |
2630 | |
|
1. |
Qoraqalpogʻiston Respublikasi |
254 |
1270 |
254 |
254 |
254 |
254 |
254 |
|
2. |
Andijon |
59 |
295 |
59 |
59 |
59 |
59 |
59 |
|
3. |
Buxoro |
83 |
415 |
83 |
83 |
83 |
83 |
83 |
|
4. |
Jizzax |
212 |
1060 |
212 |
212 |
212 |
212 |
212 |
|
5. |
Qashqadaryo |
445 |
2225 |
445 |
445 |
445 |
445 |
445 |
|
6. |
Navoiy |
127 |
635 |
127 |
127 |
127 |
127 |
127 |
|
7. |
Namangan |
130 |
650 |
130 |
130 |
130 |
130 |
130 |
|
8. |
Samarqand |
590 |
2950 |
590 |
590 |
590 |
590 |
590 |
|
9. |
Sirdaryo |
42 |
210 |
42 |
42 |
42 |
42 |
42 |
|
10. |
Surxondaryo |
210 |
1050 |
210 |
210 |
210 |
210 |
210 |
|
11. |
Toshkent v. |
245 |
1225 |
245 |
245 |
245 |
245 |
245 |
|
12. |
Fargʻona |
209 |
1045 |
209 |
209 |
209 |
209 |
209 |
|
13. |
Xorazm |
24 |
120 |
24 |
24 |
24 |
24 |
24 |
Vazirlar Mahkamasining 2016-yil 2-maydagi 232-son qaroriga
2b-ILOVA
2b-ILOVA
2017 — 2020-yillarda umumiy oʻrta taʼlim muassasalarida ishlamayotgan oshxonalarning faoliyatini tashkil etish va ularni qayta jihozlash koʻrsatkichlari
|
|
|
|
dona | ||||||
|
Viloyatlar |
2017 — 2020-yillarda oshxonalar tashkil etilishi belgilangan maktablar soni |
Tashkil etiladigan oshxonalarni qayta jihozlash koʻrsatkichlari, shu jumladan: | |||||||
|
oʻtirish oʻrinlari (toʻplam) |
muzlatgich |
muzlatgich vitrina |
suv qaynatgich |
elektr plita |
idish yuvish vannalari |
ishlab chiqarish stollari | |||
|
Respublika boʻyicha |
2061 |
4868 |
806 |
1030 |
823 |
1091 |
801 |
1059 | |
|
1. |
Qoraqalpogʻiston Respublikasi |
158 |
371 |
53 |
78 |
65 |
83 |
56 |
85 |
|
2. |
Andijon |
117 |
309 |
42 |
64 |
51 |
68 |
44 |
101 |
|
3. |
Buxoro |
121 |
271 |
40 |
55 |
48 |
60 |
44 |
61 |
|
4. |
Jizzax |
122 |
252 |
38 |
50 |
46 |
55 |
45 |
34 |
|
5. |
Qashqadaryo |
253 |
585 |
87 |
131 |
90 |
131 |
88 |
141 |
|
6. |
Navoiy |
80 |
177 |
21 |
41 |
31 |
38 |
30 |
27 |
|
7. |
Namangan |
154 |
339 |
64 |
77 |
66 |
81 |
62 |
16 |
|
8. |
Samarqand |
274 |
605 |
153 |
143 |
109 |
151 |
153 |
120 |
|
9. |
Sirdaryo |
67 |
139 |
36 |
31 |
28 |
30 |
27 |
16 |
|
10. |
Surxondaryo |
193 |
487 |
76 |
103 |
80 |
101 |
71 |
107 |
|
11. |
Toshkent v. |
197 |
495 |
83 |
96 |
79 |
108 |
73 |
129 |
|
12. |
Fargʻona |
206 |
534 |
64 |
100 |
74 |
106 |
60 |
124 |
|
13. |
Xorazm |
119 |
304 |
49 |
61 |
56 |
79 |
48 |
98 |
Vazirlar Mahkamasining 2016-yil 2-maydagi 132-son qaroriga
3-ILOVA
3-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari
ROʻYXATI
1. Vazirlar Mahkamasining “Taʼlim muassasalarida sogʻlom ovqatlanish shart-sharoitlarini yaxshilash chora-tadbirlari toʻgʻrisida” 2010-yil 20-avgustdagi 184-son qarori (Oʻzbekiston Respublikasi qonun hujjatlari toʻplami, 2010-y., 34-son, 293-modda).
2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” (Vazirlar Mahkamasining “Xalq taʼlimi hududiy organlari tuzilmasini takomillashtirish toʻgʻrisida” 2011-yil 1-martdagi 52-son qarori) 2011-yil 20-iyundagi 184-son qarori (Oʻzbekiston Respublikasi qonun hujjatlari toʻplami, 2011-yil, 25-son, 261-modda)ga ilovaning 4-bandi.
3. Vazirlar Mahkamasining “Vazirlar Mahkamasining “Taʼlim muassasalarida sogʻlom ovqatlanish shart-sharoitlarini yaxshilash boʻyicha chora-tadbirlar toʻgʻrisida” 2010-yil 20-avgustdagi 184-son qaroriga qoʻshimchalar kiritish haqida” 2013-yil 6-noyabrdagi 297-son qarori (Oʻzbekiston Respublikasi qonun hujjatlari toʻplami, 2013-y., 45-son, 591-modda).
(Oʻzbekiston Respublikasi qonun hujjatlari toʻplami, 2016-y., 18-son, 193-modda; 2017-y., 9-son, 132-modda; Qonun hujjatlari maʼlumotlari milliy bazasi, 30.09.2019-y., 09/19/822/3840-son; Qonunchilik maʼlumotlari milliy bazasi, 20.11.2021-y., 09/21/694/1075-son; 05.04.2022-y., 09/22/153/0266-son; 15.05.2024-y., 09/24/282/0347-son; 13.01.2025-y., 09/25/8/0026-son; 30.01.2025-y., 09/25/48/0093-son)
