Hujjat 05.02.2026 00 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “1941 — 1945-yillardagi urush va mehnat fronti faxriylarini ijtimoiy qoʻllab-quvvatlashni yanada kuchaytirish chora-tadbirlari toʻgʻrisida” 2014-yil 13-oktabrdagi PF-4658-son Farmonini amalga oshirish chora-tadbirlari haqida
Oʻzbekiston Respublikasi Prezidentining “1941 — 1945-yillardagi urush va mehnat fronti faxriylarini ijtimoiy qoʻllab-quvvatlashni yanada kuchaytirish chora-tadbirlari toʻgʻrisida” 2014-yil 13-oktabrdagi PF-4658-son Farmoniga muvofiq, tibbiy xizmat koʻrsatish darajasini va sifatini oshirish hamda sanatoriyda sogʻlomlashtirish hisobiga urush va mehnat fronti faxriylarining salomatligini mustahkamlash uchun qulay shart-sharoitlar yaratish maqsadida Vazirlar Mahkamasi qaror qiladi:
1. Quyidagilar:
Oldingi tahrirga qarang.
1941 — 1945-yillardagi urush va mehnat fronti faxriylarini (keyingi oʻrinlarda urush va mehnat fronti faxriylari deb ataladi)Oʻzbekiston Respublikasi Prezidenti huzuridagi Ijtimoiy himoya milliy agentligiga, Oʻzbekiston Kasaba uyushmalari Federatsiyasi Kengashiga hamda davlat va xoʻjalik boshqaruvi organlariga qarashli sanatoriy-sogʻlomlashtirish muassasalarida sogʻlomlashtirish tartibi toʻgʻrisidagi Nizom 1-ilovaga muvofiq;
(1-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
urush va mehnat fronti faxriylarini Oʻzbekiston Respublikasi Prezidenti huzuridagi Ijtimoiy himoya milliy agentligiga, Oʻzbekiston Kasaba uyushmalari Federatsiyasi Kengashiga hamda davlat va xoʻjalik boshqaruvi organlariga qarashli sanatoriy-sogʻlomlashtirish muassasalarida sogʻlomlashtirish sxemasi 2-ilovaga muvofiq tasdiqlansin.
(1-bandning uchinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
2. Oʻzbekiston Respublikasi Mehnat va aholini ijtimoiy muhofaza qilish vazirligi:
Nogironlarni sogʻlomlashtirish va protezlash milliy markazi tuzilmasida xodimlarining soni 4 nafardan iborat boʻlgan Urush va mehnat fronti faxriylarini sanatoriylarda sogʻlomlashtirishni tashkil etish boʻlinmasi tashkil qilsin;
oʻn kun muddatda urush va mehnat fronti faxriylarini sanatoriylarda sogʻlomlashtirishni tashkil etish boʻlinmasi toʻgʻrisida nizomni tasdiqlasin, unda xodimlarga budjetdan tashqari jamgʻarma mablagʻlari hisobiga lavozim maoshining 50 foizigacha miqdorda ustama belgilashni nazarda tutsin.
3. Oʻzbekiston Respublikasi Sogʻliqni saqlash vazirligi 2014-yil 30-dekabrgacha boʻlgan muddatda barcha urush va mehnat fronti faxriylari yashash joyidagi sogʻliqni saqlash muassasalarida dispanserizatsiyadan oʻtkazilishini taʼminlasin, uning natijalariga koʻra har bir urush va mehnat fronti faxriysiga sanatoriyda sogʻlomlashtirishning tavsiya etilgan yoʻnalishini koʻrsatgan holda sanatoriy-kurort kartasi ochsin.
4. Oʻzbekiston Respublikasi Mehnat va aholini ijtimoiy muhofaza qilish vazirligi Sogʻliqni saqlash vazirligi va “Nuroniy” jamgʻarmasi bilan birgalikda:
2015-yil 20-yanvargacha boʻlgan muddatda — urush va mehnat fronti faxriylarini 2015-yilda sanatoriylarda sogʻlomlashtirishga yoʻllanmalar ajratish uchun ularning roʻyxatlari shakllantirish ishlari tashkil etilishini;
2015-yil 1-fevralgacha boʻlgan muddatda — Oʻzbekiston Respublikasi Vazirlar Mahkamasiga 2015-yilda yoʻllanmalarni taqsimlash rejasining, har bir sanatoriyda urush va mehnat fronti faxriylarini sogʻlomlashtirish uchun har bir oyda ajratilgan yoʻllanmalar sonini koʻrsatgan holda ishlab chiqilishini va tasdiqlashga taqdim etilishini;
2015-yil 15-fevralgacha boʻlgan muddatda — Oʻzbekiston Respublikasi Moliya vazirligi tomonidan belgilangan cheklangan sutkalik xarajatlarni hisobga olgan holda, Oʻzbekiston Kasaba uyushmalari Federatsiyasi Kengashining Sanatoriya-kurortlar boshqarmasi, davlat va xoʻjalik boshqaruvi organlari sanatoriylari bilan 2015-yilda urush va mehnat fronti faxriylarini sogʻlomlashtirish yuzasidan shartnomalar tuzilishini;
2015-yil 1-martdan boshlab — urush va mehnat fronti faxriylariga 2015-yil uchun sogʻlomlashtirishga yoʻllanmalar berilishini taʼminlasin.
Oldingi tahrirga qarang.
(5-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 08.02.2022-y., 09/22/62/0111-son)
6. Oʻzbekiston Respublikasi Mehnat va aholini ijtimoiy muhofaza qilish vazirligi manfaatdor vazirliklar va idoralar bilan birgalikda bir oy muddatda oʻzlarining normativ-huquqiy hujjatlarini ushbu qarorga muvofiqlashtirsin
7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2014-yil 24-dekabr,
361-son
Vazirlar Mahkamasining 2014-yil 24-dekabrdagi 361-son qaroriga
1-ILOVA
Oldingi tahrirga qarang.
1941 — 1945-yillardagi urush va mehnat fronti faxriylarini Oʻzbekiston Respublikasi Prezidenti huzuridagi Ijtimoiy himoya milliy agentligiga, Oʻzbekiston Kasaba uyushmalari Federatsiyasi Kengashiga hamda davlat va xoʻjalik boshqaruvi organlariga qarashli sanatoriy-sogʻlomlashtirish muassasalarida sogʻlomlashtirish tartibi toʻgʻrisida
NIZOM
(1-ilovaning nomi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
I. Umumiy qoidalar
1. Ushbu Nizom Oʻzbekiston Respublikasi Prezidentining “1941 — 1945-yillardagi urush va mehnat fronti faxriylarini ijtimoiy qoʻllab-quvvatlashni yanada kuchaytirish chora-tadbirlari toʻgʻrisida” 2014-yil 13-oktabrdagi PF-4658-son Farmoniga muvofiq 1941 — 1945-yillardagi urush va mehnat fronti faxriylarini (keyingi oʻrinlarda urush va mehnat fronti faxriylari deb ataladi) sanatoriy-sogʻlomlashtirish muassasalariga (keyingi oʻrinlarda sanatoriylar deb ataladi) yuborish tartibini, shuningdek ularni sogʻlomlashtirish shart-sharoitlarini, muddatlarini va davomiyligini, yoʻllanmalar qiymatini Oʻzbekiston Respublikasi Davlat budjeti mablagʻlari hisobiga toʻlash tartibini belgilaydi.
Oldingi tahrirga qarang.
2. Urush va mehnat fronti faxriylari oʻzlari uchun maqbul muddatlarda yiliga bir marta Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda Agentlik deb ataladi), Oʻzbekiston Kasaba uyushmalari Federatsiyasi Kengashi hamda davlat va xoʻjalik boshqaruvi organlari sanatoriylarida oʻn kunlik sogʻlomlashtirish kursidan tekin oʻtish huquqiga ega.
(2-bandning birinchi xatboshisi Oʻzbekiston Respublikasi Vazirlar Mahkamasining 2026-yil 30-yanvardagi 40-sonli qarori tahririda — Qonunchilik maʼlumotlari milliy bazasi, 05.02.2026-y., 09/26/40/0112-son)
Oldingi tahrirga qarang.
Urush va mehnat fronti faxriylari sogʻlomlashtiriladigan sanatoriylar roʻyxati Agentlik, Oʻzbekiston Kasaba uyushmalari Federatsiyasi Kengashi va “Nuroniy” jamgʻarmasi tomonidan belgilanadi hamda har yili 1-oktabrgacha boʻlgan muddatda Oʻzbekiston Respublikasining Bosh vaziriga tasdiqlash uchun kiritiladi. Bunda Agentlik tizimidagi sanatoriylar roʻyxati Agentlik direktori tomonidan tasdiqlanadi.
(2-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
3. 1-guruh nogironligi boʻlgan urush va mehnat fronti faxriylari bir nafar kuzatuvchi shaxs uchun qoʻshimcha tekin yoʻllanma olish huquqiga ega.
Urush va mehnat fronti faxriylarining boshqa toifalari ushbu sanatoriyda boʻsh oʻrin mavjud boʻlgan taqdirda kuzatuvchi shaxs uchun toʻlov asosida qoʻshimcha yoʻllanma olish huquqiga ega.
4. Urush va mehnat fronti faxriylarini sanatoriylarda sogʻlomlashtirish Oʻzbekiston Respublikasi Vazirlar Mahkamasi tomonidan tasdiqlanadigan Yoʻllanmalarni taqsimlash rejasiga muvofiq amalga oshiriladi.
5. Oʻzbekiston Kasaba uyushmalari Federatsiyasi Kengashi hamda davlat va xoʻjalik boshqaruvi organlari oʻzlariga qarashli sanatoriylarda, urush va mehnat fronti faxriylarini sogʻlomlashtirish uchun oʻrinlar soni parametrlaridan kelib chiqqan holda, oʻrinlar fondi (kvotasi)ning 15 foizidan kam boʻlmagan miqdorda joy ajratadilar.
II. Urush va mehnat fronti faxriylarini sogʻlomlashtirish yoʻnalishlarini aniqlash
Oldingi tahrirga qarang.
6. Iqtisodiyot va moliya vazirligi huzuridagi budjetdan tashqari Pensiya jamgʻarmasining tuman (shahar) boʻlimlari har yili 1-sentabrgacha boʻlgan muddatda tuman (shahar) tibbiyot birlashmalariga urush va mehnat faxriylari roʻyxatlarini taqdim etadilar.
(6-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
7. Tuman (shahar) tibbiyot birlashmalari har yili urush va mehnat faxriylari roʻyxatlari olingandan keyin oʻn kun muddatda roʻyxatlarni urush va mehnat faxriylari yashaydigan joydagi tibbiyot muassasalariga yetkazadilar.
8. Tibbiyot muassasalari tuman (shahar) tibbiyot birlashmalari tomonidan taqdim etilgan urush va mehnat faxriylari roʻyxatlari boʻyicha har yili 15-oktabrgacha boʻlgan muddatda urush va mehnat faxriylarini majburiy dispanserizatsiyadan oʻtkazadilar, uning natijalariga koʻra sanatoriyda sogʻlomlashtirishning zarur yoʻnalishi aniqlanadi.
9. Urush va mehnat fronti faxriysini dispanserizatsiyadan oʻtkazish natijalari asosida uning tibbiy kartasida sanatoriyda sogʻlomlashtirishning zarur yoʻnalishi va zid koʻrsatmalar (ular mavjud boʻlganda) koʻrsatilgan holda tegishli yozuv qayd etiladi.
10. Tibbiy kartadagi yozuv asosida tibbiyot muassasasi urush va mehnat fronti faxriysiga belgilangan shakldagi sanatoriy-kurort kartasi rasmiylashtiriladi, ushbu karta rasmiylashtirilgan kundan boshlab ikki oy mobaynida amal qiladi va yoʻllanma olish uchun asos hisoblanadi.
Zaruriyat boʻlganda, urush va mehnat fronti faxriysining salomatligi oʻzgargan taqdirda sanatoriy-kurort kartasiga oʻzgartirishlar kiritilishi mumkin.
Oldingi tahrirga qarang.
11. Tibbiyot muassasalari har yili 20-oktabrgacha boʻlgan muddatda dispanserizatsiyadan oʻtgan urush va mehnat fronti faxriylarining roʻyxatini sogʻlomlashtirishning talab qilinadigan yoʻnalishini va tavsiya etilayotgan muddatini koʻrsatgan holda tuzadilar, roʻyxatni tuman (shahar) “Inson” ijtimoiy xizmatlarni koʻrsatish markazlariga (keyingi oʻrinlarda Markazlar deb ataladi) taqdim etadilar.
(11-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
12. Tibbiyot muassasasi rahbari urush va mehnat fronti faxriylarini dispanserizatsiyadan oʻtkazishning belgilangan muddatlari taʼminlanishi uchun, shuningdek tibbiyot va sanatoriy-kurort kartasida sogʻlomlashtirishning zarur yoʻnalishi toʻgʻrisidagi yozuvlarning toʻgʻriligi va ularning faxriyning salomatligi holatiga mos kelishi uchun shaxsan javob beradi.
III. Yoʻllanmalar olish uchun murojaat qilish va ularni olish
Oldingi tahrirga qarang.
Oldingi tahrirga qarang.
13. Sanatoriyga yoʻllanma olish uchun urush va mehnat fronti faxriylari Markazga quyidagi hujjatlarni taqdim etadilar:
(13-bandning birinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
ushbu Nizomga 1-ilovaga muvofiq shakl boʻyicha ariza;
urush faxriysi guvohnomasi yoki 1941 — 1945-yillarda mehnat frontida qatnashganlik toʻgʻrisidagi hujjat nusxasi;
sogʻlomlashtirishning tavsiya etilgan yoʻnalishi va mavjud zid koʻrsatmalar yozilgan sanatoriy-kurort kartasi.
I guruhiga kiruvchi urush va mehnat fronti faxriylari arizasida oʻzlariga hamrohlik qiluvchi shaxsning ismi-sharifi hamda shaxsini tasdiqlovchi hujjat raqami va berilgan muddatini koʻrsatadilar.
Taqdim etilgan hujjatlar ushbu Nizomga 2-ilovaga muvofiq shakl boʻyicha Arizalarni roʻyxatdan oʻtkazish daftarida roʻyxatdan oʻtkaziladi.
(13-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
Oldingi tahrirga qarang.
14. Markazlar zarur boʻlgan yoʻnalish, sanatoriyning nomi va sogʻliqni tiklash uchun oʻzi xohlagan muddat koʻrsatilgan holda ariza bergan shaxslar roʻyxatlarini shakllantiradilar, ularni tuman (shahar) mahalla va nuroniylarni qoʻllab-quvvatlash boʻlimlarida kelishadilar hamda yoʻllanmalar ajratish yuzasidan har yili 15-noyabrgacha boʻlgan muddatda Agentlikka buyurtmanoma taqdim etadilar.
(14-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
15. Yoʻllanmalar tushganda Markaz uch kun muddatda bu haqda urush va mehnat fronti faxriylarini xabardor qiladi va sogʻlomlashtirish uchun yoʻllanmalarni rasmiylashtiradi.
(15-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
16. Tushgan yoʻllanmalarni tegishli sanatoriylarga rasmiylashtirish urush va mehnat fronti faxriysining familiyasi, ismi, otasining ismi, muhr bilan tasdiqlangan yoʻllanmani bergan muassasa nomi koʻrsatilgan holda Markazlar tomonidan amalga oshiriladi.
Markazlar yoʻllanmalarning urush va mehnat fronti faxriylarining yashash joyiga yetkazilishini taʼminlaydilar.
(16-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
17. Yoʻllanma unda koʻrsatilgan muddatda haqiqiy hisoblanadi.
Oldingi tahrirga qarang.
Urush va mehnat fronti faxriysi salomatligining holatiga yoki boshqa asosli sabablarga koʻra yoʻllanmadan belgilangan muddatda foydalanish imkoniyatiga ega boʻlmagan taqdirda, yoʻllanmada koʻrsatilgan sanatoriyga kelish muddatidan kamida 15 kundan kech boʻlmagan muddatda bu haqda, faxriyning istagini hisobga olgan holda, yoʻllanmaning amal qilish muddatini keyingi chorakdan oldin boʻlmagan muddatga koʻchirish toʻgʻrisida Markazga xabar berishi shart. Yoʻllanmada koʻrsatilgan muddatlarni kalendar yil mobaynida ikki martadan ortiq koʻchirishga yoʻl qoʻyilmaydi. Boshqa hollarda ushbu yil uchun yoʻllanma foydalanilgan hisoblanadi.
(17-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
18. Sanatoriyda sogʻlomlashtirishdan ixtiyoriy ravishda voz kechilganda yoʻllanma navbatlilik tartibida boshqa urush va mehnat fronti faxriysiga rasmiylashtirilishi mumkin.
IV. Yoʻllanmalarni taqsimlash va ajratish
Oldingi tahrirga qarang.
19. Har bir sanatoriy boʻyicha urush va mehnat fronti faxriylarini sogʻlomlashtirish uchun oylarga taqsimlagan va ajratilgan oʻrinlar soni koʻrsatilgan holda yoʻllanmalarni taqsimlash rejasi har yili 1-dekabrgacha boʻlgan muddatda Agentlik tomonidan Sogʻliqni saqlash vazirligining Davolash-profilaktik yordamni tashkil etish bosh boshqarmasi, Oʻzbekiston Kasaba uyushmalari Federatsiyasi Kengashining Sanatoriya-kurort boshqarmasi bilan birgalikda ishlab chiqiladi hamda “Nuroniy” jamgʻarmasi raisi, Oʻzbekiston Kasaba uyushmalari Federatsiyasi Kengashi Raisi, Oʻzbekiston Respublikasi Sogʻliqni saqlash vaziri bilan kelishilgandan keyin Oʻzbekiston Respublikasining Bosh vaziri tomonidan tasdiqlash uchun Vazirlar Mahkamasiga yuboriladi, Agentlik tizimidagi sanatoriylar roʻyxati Agentlik direktori tomonidan tasdiqlanishi bundan mustasno.
(19-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
20. Yoʻllanmalarni taqsimlashning tasdiqlangan rejasiga muvofiq Agentlik, idoraviy mansubligidan qatʼi nazar, kelgusi kalendar yil uchun oʻrinlar ajratishning oylar boʻyicha rejasini sanatoriylarga yetkazadi.
(20-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
21. Zarurat boʻlganda, yil mobaynida Yoʻllanmalarni taqsimlash asosli sabablardan (tibbiy koʻrsatkichlar, urush va mehnat fronti faxriylarining rad etishi va shu kabilardan) kelib chiqqan holda oʻzgartirishlar kiritilishi mumkin. Oʻzgartirishlar Agentlik tomonidan “Nuroniy” jamgʻarmasi bilan kelishilgan holda kiritiladi.
Ushbu holatda Agentlik har chorak oxirgi oyining 25-sanasigacha boʻlgan muddatda kelgusi chorak uchun oʻrinlar ajratishning tuzatishlar kiritilgan parametrlarini sanatoriylarga yetkazadi.
(21-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
22. Yoʻllanmalarni taqsimlashning tasdiqlangan yillik rejasiga muvofiq Agentlik har qaysi yilning birinchi oʻn kunligidan kechikmay Oʻzbekiston Kasaba uyushmalari Federatsiyasi Kengashining, davlat va xoʻjalik boshqaruvi organlarining sanatoriylari bilan keyingi yil uchun urush va mehnat fronti faxriylarini sogʻlomlashtirish yuzasidan shartnomalar tuzadi, ularda urush va mehnat fronti faxriylari uchun beriladigan oʻrinlar soni hamda sogʻlomlashtirish qiymati koʻrsatiladi.
(22-bandning birinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Urush va mehnat fronti faxriylarini sogʻlomlashtirish yuzasidan shartnomalar tanlov savdolari oʻtkazilmasdan tuziladi.
23. Yoʻllanmalarni taqsimlash rejasiga va sanatoriylar bilan tuzilgan shartnomalarga muvofiq sanatoriylar urush va mehnat fronti faxriylarini qabul qilishni taʼminlaydilar.
Oldingi tahrirga qarang.
24. Yoʻllanmalarni ajratish Agentlik tomonidan, Markazlar shakllantirgan buyurtmanomalarga muvofiq amalga oshiriladi.
(24-bandning birinchi xatboshisi Oʻzbekiston Respublikasi Vazirlar Mahkamasining 2026-yil 30-yanvardagi 40-sonli qarori tahririda — Qonunchilik maʼlumotlari milliy bazasi, 05.02.2026-y., 09/26/40/0112-son)
Oldingi tahrirga qarang.
Yoʻllanmalar asosan urush va mehnat fronti faxriylari yashaydigan mintaqada joylashgan sanatoriylarga ajratiladi. Ushbu mintaqada talab qilinadigan sogʻlomlashtirish yoʻnalishidagi sanatoriy mavjud boʻlmagan taqdirda yoki boʻsh oʻrinlar mavjud boʻlmaganda yoʻllanmalar respublika mintaqalaridagi eng yaqin joylashgan tegishli sogʻlomlashtirish yoʻnalishidagi sanatoriylarga, ularda oʻrinlar mavjudligidan kelib chiqqan holda ajratilishi mumkin;
(24-bandning ikkinchi xatboshisi Oʻzbekiston Respublikasi Vazirlar Mahkamasining 2015-yil 15-iyundagi 158-sonli qarori tahririda — OʻR QHT, 2015-y., 24-son, 314-modda)
Oldingi tahrirga qarang.
Ajratilgan yoʻllanmalar sanatoriyga yetib kelishning belgilangan sanasigacha bir oydan kech boʻlmagan muddatda bevosita urush va mehnat fronti faxriysiga yoki uning qonuniy vakiliga berish uchun Markazga yuboriladi.
(24-bandning uchinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
Agentlik berilgan yoʻllanmalar reyestrini yuritadi.
(24-bandning toʻrtinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
25. Urush va mehnat fronti faxriysiga ajratilgan yoʻllanma uning sanatoriyda sogʻlomlashtirish vaqtiga doir talablariga muvofiq boʻlmagan taqdirda boshqa sanatoriyga yoʻllanma ajratish yoki sogʻlomlashtirish muddatini koʻchirish masalasi, uning talablarini qondirish imkoniyati mavjudligini hisobga olgan holda, yakka tartibda hal etiladi.
Oldingi tahrirga qarang.
Ushbu masalalarni hal etish uchun hokimlikning, mahalla va nuroniylarni qoʻllab-quvvatlash boʻlimining, tuman (shahar) tibbiyot birlashmasining vakili hamda Markazning boshligʻi ishtirokida Komissiya tuziladi.
(25-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
26. Sanatoriylarning rahbarlari tuzilgan shartnomaga muvofiq oʻrinlarning zarur miqdorda boʻlishini taʼminlash yuzasidan shaxsan javob beradilar.
Oldingi tahrirga qarang.
Sanatoriy urush va mehnat fronti faxriylarini qabul qilishni hamda yoʻllanmada koʻrsatilgan muddatlarda sogʻlomlashtirish uchun oʻrin berishni rad etgan taqdirda urush va mehnat fronti faxriysi yaqin joydagi Markazga darhol murojaat qiladi, boʻlim vakili murojaat qilingan kundan boshlab bir kundan kechikmay rad etishning holatlarini aniqlash va qabul qilish masalasini koʻrish uchun sanatoriyga boradi.
(26-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Quyidagi holatlarda sanatoriy urush va mehnat fronti faxriylarini qabul qilishni hamda yoʻllanmada koʻrsatilgan muddatlarda sogʻlomlashtirish uchun oʻrin berishni rad etishi mumkin:
I guruh nogironligi boʻlgan urush va mehnat fronti faxriylari kuzatuvchi shaxs uchun qoʻshimcha tekin yoʻllanma olmasdan kelganida;
urush va mehnat fronti faxriysini tibbiy kartasida sanatoriyda sogʻlomlashtirishning zarur yoʻnalishi va zid koʻrsatmalar qayd etilmaganida;
tibbiy kartadagi yozuv asosida tibbiyot muassasasi urush va mehnat fronti faxriysiga belgilangan shakldagi sanatoriy-kurort kartasi rasmiylashtirilmaganida;
rasmiylashtirilgan sanatoriy-kurort kartasining amal qilish muddati ikki oydan oʻtib ketganda;
Yoʻllanmada koʻrsatilgan muddatlarni kalendar yil mobaynida ikki martadan ortiq koʻchirilganda;
yoʻllanmada boshqa shaxs koʻrsatilganda;
qabul qilish vaqtida atrofdagilar uchun xavfli boʻlgan qoʻpol va xulqiy buzilishlar, ruhiy kasalliklar, yuqumli teri va soch kasalliklari, oʻtkir yuqumli kasalliklar,
sanatoriyga bitta yoʻllanma bilan ikkita va undan ortiq kishi kelganda;
sanatoriylarga qabul qilish chogʻida yuqori harorat yoki noaniq etiologiyali toshma aniqlanganda;
yoʻllanma varaqasining ustunlari toʻliq toʻldirilmaganda, ularni berishga masʼul boʻlgan shaxsning imzosi va tashkilotning muhri bilan tasdiqlanmaganda.
(26-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
V. Sogʻlomlashtirishga va yoʻllanmalar uchun toʻlovlarga xarajatlarni moliyalashtirish
Oldingi tahrirga qarang.
27. Oʻzbekiston Kasaba uyushmalari Federatsiyasi Kengashi, davlat va xoʻjalik boshqaruvi organlari sanatoriylarida urush va mehnat fronti faxriylarini sogʻlomlashtirishga xarajatlarni moliyalashtirish Agentlik xarajatlarining belgilangan tartibda roʻyxatdan oʻtkazilgan smetasida yoʻllanmalar uchun toʻlovga har yili maqsadli tartibda nazarda tutiladigan budjet mablagʻlari hisobiga amalga oshiriladi.
Agentlik sanatoriylarida urush va mehnat fronti faxriylarini sogʻlomlashtirish ular taʼminoti uchun har yili nazarda tutiladigan budjet mablagʻlari doirasida amalga oshiriladi.
(27-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
28. Sanatoriylarda 10 kunlik sogʻlomlashtirish yoʻllanmalari qiymatini toʻlash uchun kalendar yildagi xarajatlarning cheklangan miqdori har yili 10-noyabrgacha boʻlgan muddatda, Oʻzbekiston Respublikasi Vazirlar Mahkamasi tomonidan ushbu Nizomning 2-bandiga muvofiq tasdiqlanadigan roʻyxatga kiritilgan sanatoriylarda sogʻlomlashtirish uchun yoʻllanmalarning oʻrtacha qiymatidan kelib chiqqan holda, Oʻzbekiston Respublikasi Iqtisodiyot va moliya vazirligi tomonidan belgilanadi.
(28-band Oʻzbekiston Respublikasi Vazirlar Mahkamasining 2026-yil 30-yanvardagi 40-sonli qarori tahririda — Qonunchilik maʼlumotlari milliy bazasi, 05.02.2026-y., 09/26/40/0112-son)
Oldingi tahrirga qarang.
Oldingi tahrirga qarang.
29. Agentlik:
(29-bandning birinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
10-oktabrgacha boʻlgan muddatda — kelgusi yil uchun 10 kunlik sogʻlomlashtirish yoʻllanmalarining qiymati va oʻrinlarning umumiy soni, shu jumladan urush va mehnat fronti faxriylarini sogʻlomlashtirish uchun ajratiladigan yoʻllanmalar qiymati toʻgʻrisida takliflar olish uchun Oʻzbekiston Kasaba uyushmalari Federatsiyasi Kengashining, davlat va xoʻjalik boshqaruvi organlarining sanatoriylariga talabnoma yuboradi;
(29-bandning ikkinchi xatboshisi Oʻzbekiston Respublikasi Vazirlar Mahkamasining 2026-yil 30-yanvardagi 40-sonli qarori tahririda — Qonunchilik maʼlumotlari milliy bazasi, 05.02.2026-y., 09/26/40/0112-son)
Oldingi tahrirga qarang.
1-noyabrgacha boʻlgan muddatda — olingan maʼlumotlarni sanatoriylarda 10 kunlik sogʻlomlashtirish yoʻllanmalari qiymatini toʻlash xarajatlarining cheklangan miqdorini aniqlash uchun Oʻzbekiston Respublikasi Iqtisodiyot va moliya vazirligiga yuboradi;
(29-bandning uchinchi xatboshisi Oʻzbekiston Respublikasi Vazirlar Mahkamasining 2026-yil 30-yanvardagi 40-sonli qarori tahririda — Qonunchilik maʼlumotlari milliy bazasi, 05.02.2026-y., 09/26/40/0112-son)
Oldingi tahrirga qarang.
10 kunlik sogʻlomlashtirish yoʻllanmalarining qiymati toʻgʻrisida sanatoriylardan olingan takliflardan kelib chiqqan holda, ularni toʻlash uchun xarajatlarning tasdiqlangan cheklangan miqdori, shuningdek urush va mehnat fronti faxriylarining kutilayotgan soni hamda kelgusi yil uchun ajratiladigan budjet mablagʻlarining prognoz hajmlari asosida, Oʻzbekiston Kasaba uyushmalari Federatsiyasi Kengashining, davlat va xoʻjalik boshqaruvi organlarining sanatoriylari bilan shartnomalar tuzadi;
(29-bandning toʻrtinchi xatboshisi Oʻzbekiston Respublikasi Vazirlar Mahkamasining 2026-yil 30-yanvardagi 40-sonli qarori tahririda — Qonunchilik maʼlumotlari milliy bazasi, 05.02.2026-y., 09/26/40/0112-son)
Oldingi tahrirga qarang.
moliya yili boshida, qonunchilikda nazarda tutilgan tartibda, ushbu kalendar yil uchun shartnomalar summasining 15 foizi miqdorida oldindan toʻlovni amalga oshiradi.
(29-bandning beshinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
30. Urush va mehnat fronti faxriylari sogʻlomlashtirilgan Oʻzbekiston Kasaba uyushmalari Federatsiyasi Kengashining, davlat va xoʻjalik boshqaruvi organlari sanatoriylari har oyda Agentlikka ular asosida amalda foydalanilgan yoʻllanmalardan (amalda foydalanilgan kunlar sonidan qatʼi nazar) kelib chiqib, toʻlangan avansni hisobga olgan holda uzil-kesil hisob-kitoblar amalga oshiriladigan bajarilgan ishlar dalolatnomalarini va oʻzaro hisob-kitoblarni taqqoslash dalolatnomalarini taqdim etadilar.
(30-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
VI. Sanatoriylarda yashash va sogʻlomlashtirish shartlari
31. Yoʻllanmadan faqat unda koʻrsatilgan shaxs foydalanishi mumkin. Yoʻllanmaning boshqa shaxsga berilishiga yoʻl qoʻyilmaydi.
Oldingi tahrirga qarang.
32. Sanatoriyga kelgan urush va mehnat fronti faxriylarida sogʻliqni saqlash muassasasi tomonidan berilgan sanatoriy-kurort kartasi (tibbiy xulosa) va yoʻllanma boʻlishi kerak.
(32-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
33. Urush va mehnat fronti faxriylari standart tartib raqamlari bilan taʼminlanadilar. Urush va mehnat faxriylarini kuzatib keluvchi shaxslarga, qoidaga koʻra, faxriy joylashgan palatada joy beriladi.
34. Urush va mehnat fronti faxriylari sanatoriyning davolovchi shifokori tayinlagan barcha zarur tibbiy muolajalar bilan birinchi navbatda taʼminlanadilar.
Oldingi tahrirga qarang.
35. Urush va mehnat fronti faxriysining sanatoriyda boʻlishi tugagach muassasa rahbari Agentlikka yoʻllanmaning qaytish (yirtma) talonini joʻnatadi, unda urush va mehnat fronti faxriysining ushbu sanatoriyda haqiqatda boʻlgan davri koʻrsatiladi.
(35-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
36. Ajratiladigan oʻrinlarning talab qilingan miqdorda boʻlishini, sanatoriylarda urush va mehnat fronti faxriylari uchun sogʻlomlashtirishning zarur darajadagi sifatini va qulay shart-sharoitlarni taʼminlash maqsadida Oʻzbekiston Respublikasi Sogʻliqni saqlash vazirligi “Nuroniy” jamgʻarmasi bilan birgalikda har yili kamida bir marta sanatoriylarni ajratilgan oʻrinlari sonining va sifat parametrlarining urush va mehnat fronti faxriylarini sogʻlomlashtirish boʻyicha belgilangan talablarga muvofiqligi yuzasidan tekshiruvni amalga oshiradi, bunda ularning gerontologik xususiyatlarini hisobga oladi va Oʻzbekiston Respublikasi Iqtisodiyot va moliya vazirligiga hamda Agentlikka tegishli xulosani taqdim etadi.
(36-band Oʻzbekiston Respublikasi Vazirlar Mahkamasining 2026-yil 30-yanvardagi 40-sonli qarori tahririda — Qonunchilik maʼlumotlari milliy bazasi, 05.02.2026-y., 09/26/40/0112-son)
VII. Yakunlovchi qoidalar
37. Sanatoriylar tomonidan urush va mehnat fronti faxriylarini sogʻlomlashtirish uchun joylarning Yoʻllanmalarni taqsimlashning tasdiqlangan rejasiga muvofiq ajratilganligi yuzasidan javobgarlik Oʻzbekiston Kasaba uyushmalari Federatsiyasi Kengashi hamda ushbu sanatoriylar oʻzlarining tasarrufida boʻlgan davlat va xoʻjalik boshqaruvi organlari rahbarlariga yuklanadi.
Oldingi tahrirga qarang.
Sanatoriylar rahbarlari Agentlikka taqdim etiladigan maʼlumotlarning ishonchliligi va asoslanganligi, shuningdek koʻrsatiladigan xizmatlar sifati uchun Oʻzbekiston Respublikasining qonunchiligiga muvofiq javob beradilar.
(37-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
38. Yoʻllanmalar Agentlik tomonidan bosmaxona usulida bosilgan, tartib raqamiga ega boʻlgan maxsus blankalarda tayyorlanadi, ular “1941 — 1945-yillardagi urush va mehnat fronti faxriylari uchun yoʻllanma” soʻzlari yozilgan tegishli shtamp bilan tasdiqlanadi hamda ularda qaytarma (yirtma) talon boʻladi.
(38-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
39. Urush va mehnat fronti faxriylariga berilgan va ular tomonidan foydalanilgan yoʻllanmalar hisobi Markazlar tomonidan yuritiladi.
(39-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
40. Markazlar yoʻllanmalarning oʻz vaqtida va maqsadli berilishini, shuningdek ularni berishda navbatlilikka rioya etilishini taʼminlaydilar.
(40-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
41. Ushbu Nizomga rioya etilishini nazorat qilish Agentlik, Iqtisodiyot va moliya vazirligiga, Sogʻliqni saqlash vazirligiga, hamda “Nuroniy” jamgʻarmasiga yuklanadi.
(41-band Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
1941 — 1945-yillardagi urush va mehnat fronti faxriylarini Oʻzbekiston Respublikasi Sogʻliqni saqlash vazirligiga, Oʻzbekiston Kasaba uyushmalari Federatsiyasi Kengashiga hamda davlat va xoʻjalik boshqaruvi organlariga qarashli sanatoriya-sogʻlomlashtirish muassasalarida sogʻlomlashtirish tartibi toʻgʻrisidagi nizomga
1-ILOVA
Oldingi tahrirga qarang.

___________________ tuman (shahar)
“Inson” ijtimoiy xizmatlarni koʻrsatish markazi boshligʻiga

___________________________________
____________________ manzilida yashovchi
________________________________dan
(ariza beruvchining F.I.O.)
___________________________________

ARIZA

Menga ______ yil _____________ oyiga _______________________ sanatoriysiga

(sanatoriy nomi)

yoʻllanma ajratishingizni soʻrayman.
Arizaga quyidagilarni ilova qilaman:
urush faxriysi guvohnomasining/1941 — 1945-yillarda mehnat frontida qatnashganlik toʻgʻrisidagi hujjatning nusxasi;
sogʻlomlashtirishning tavsiya etilgan yoʻnalishi koʻrsatilgan sanatoriy-kurort kartasi;
boshqa hujjatlar: _________________________________________________________
Murojaat qiluvchining imzosi:

___________________
Sana: 20___ yil “___” _______________


Arizani roʻyxatdan oʻtkazuvchi

__________________________________________
(Arizani qabul qilgan shaxsning F.I.O., lavozimi)

Sana: 20__ yil “___” _____________
(1-ilova Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Oldingi tahrirga qarang.
1941 — 1945-yillardagi urush va mehnat fronti faxriylarini Oʻzbekiston Respublikasi Sogʻliqni saqlash vazirligiga, Oʻzbekiston Kasaba uyushmalari Federatsiyasi Kengashiga hamda davlat va xoʻjalik boshqaruvi organlariga qarashli sanatoriy-sogʻlomlashtirish muassasalarida sogʻlomlashtirish tartibi toʻgʻrisidagi nizomga
2-ILOVA
(2-ilovaning belgisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)
Arizalarni roʻyxatdan oʻtkazish
DAFTARI

T/r

F.I.O.

Urush va mehnat fronti faxriysi-ning toifasi

Doimiy yashash joyi

Tibbiy maʼlumot-nomaning tartib raqami va sanasi, shuningdek tibbiy maʼlumotnomani bergan muassasaning nomi

Tibbiy maʼlumotnomada koʻrsatilgan sanatoriyning nomi

Sanatoriyning nomi, tartib raqami, sanasi, yoʻllanmaning muddati

Yoʻllanmani bergan masʼul xodimning imzosi va F.I.O.

Yoʻllanmani olgan urush va mehnat fronti faxriysining imzosi

Sanatoriyga kelish kuni

Sanatoriydan ketish kuni




Oldingi tahrirga qarang.
Vazirlar Mahkamasining 2014-yil 24-dekabrdagi 361-son qaroriga
2-ILOVA
1941 — 1945-yillardagi urush va mehnat fronti faxriylarini Oʻzbekiston Respublikasi Prezidenti huzuridagi Ijtimoiy himoya milliy agentligiga, Oʻzbekiston Kasaba uyushmalari Federatsiyasi Kengashiga hamda davlat va xoʻjalik boshqaruvi organlariga qarashli sanatoriy-sogʻlomlashtirish muassasalarida sogʻlomlashtirishga yoʻnaltirilgan tadbirlarni amalga oshirish
SXEMASI
Oldingi tahrirga qarang.

Bosqichlar

Subyektlar

Tadbirlar

Muddatlar

1-bosqich

Budjetdan tashqari Pensiya jamgʻarmasi,

Sogʻliqni saqlash vazirligi

1. Budjetdan tashqari Pensiya jamgʻarmasining tuman (shahar) boʻlimlari urush va mehnat fronti faxriylari roʻyxatlarini tuman (shahar) tibbiyot birlashmalariga taqdim etadilar.

har yili 1-sentabrgacha

2. Tuman (shahar) tibbiyot birlashmalari urush va mehnat fronti faxriylari roʻyxatlarini faxriylarning turar joylaridagi tibbiyot muassasalariga yetkazadilar.

har yili 10-sentabrgacha

3. Tibbiyot muassasalari urush va mehnat fronti faxriylarini majburiy dispanserizatsiyadan oʻtkazadilar va sanatoriyda sogʻlomlashtirishning talab qilingan yoʻnalishini belgilaydilar.

har yili 15-oktabrgacha

4. Tibbiyot muassasalari koʻrsatmalar boʻyicha sanatoriy-kurort kartasini beradilar.

har yili belgilangan muddatlarda

2-bosqich

“Inson” ijtimoiy xizmatlarni koʻrsatish markazlari

Urush va mehnat fronti faxriylarining istaklarini hisobga olgan holda, har chorakda ariza bergan shaxslar roʻyxatini shakllantiradilar, roʻyxatda sanatoriyning zarur yoʻnalishi, nomi va sogʻlomlashtirishning istalgan muddati koʻrsatiladi, u tuman (shahar) mahalla va nuroniylarni qoʻllab-quvvatlash boʻlimlarida kelishiladi hamda Agentlikka yuboradilar.

har chorakda, chorak oxirgi oyining 15-kunigacha boʻlgan muddatda

3-bosqich

Urush va mehnat fronti faxriylari

1.Urush va mehnat fronti faxriylari sanatoriy-sogʻlomlashtirish muassasasiga yoʻllanma olish uchun belgilangan shakldagi ariza bilan Markazga murojaat qiladilar.

2. Arizada sanatoriy-sogʻlomlashtirish muassasasiga borishning istalgan sanasi (davri) koʻrsatiladi.

yilda 1-marta

4-bosqich

Agentlik

Sogʻliqni saqlash vazirligining va Oʻzbekiston Kasaba uyushmalari Federatsiyasi Kengashining tegishli boshqarmalari bilan birgalikda yoʻllanmalarni taqsimlash rejasini ishlab chiqadi va keyinchalik Vazirlar Mahkamasiga tasdiqlash uchun kiritadi.

25-noyabrgacha

5-bosqich

Agentlik

1. Oʻzbekiston Respublikasining Bosh vaziri tasdiqlashi uchun belgilangan tartibda kelishilgan yoʻllanmalarni taqsimlash rejasini Vazirlar Mahkamasiga kiritadi.

1-dekabrgacha

2. Keyingi kalendarʼ yil uchun yoʻllanmalarni taqsimlash rejasini Oʻzbekiston Kasaba uyushmalari Federatsiyasi Kengashining, davlat va xoʻjalik boshqaruvi organlarining sanatoriylariga yetkazadi.

Tasdiqlangandan keyin

6-bosqich

Iqtisodiyot va moliya vazirligi

1. 10 kunlik sogʻlomlashtirish uchun xarajatlarning cheklangan miqdorini belgilaydi.

10-noyabrgacha

2. Sanatoriy-sogʻlomlashtirish muassasalariga yoʻllanmalar uchun toʻlashga mablagʻlarni nazarda tutadi va Agentlik xarajatlari smetasini tasdiqlaydi.

10-yanvargacha

3. Yoʻllanmalarni taqsimlash rejasiga muvofiq Gʻaznachilikdagi Agentlik hisobvaragʻiga zarur mablagʻlarni oʻtkazadi.

har chorakda

7-bosqich

Agentlik

1. Oʻzbekiston Kasaba uyushmalari Federatsiyasi Kengashining, davlat va xoʻjalik boshqaruvi organlari sanatoriylari bilan shartnomalar tuzadi va shartnomalar summasining 15 foizi miqdorida oldindan toʻlovni amalga oshiradi.

2. Markazlarning buyurtmanomalariga muvofiq yoʻllanmalarni ajratadi.

har yili belgilangan muddatlarda

8-bosqich

Markazlar

1. Yoʻllanmalar tushgan taqdirda, bu haqida urush va mehnat fronti faxriylariga xabar beradi va sogʻlomlashtirishga yoʻllanmalarni rasmiylashtiradilar.

3 kun muddatda

2. Rasmiylashtirilgandan keyin yoʻllanmalarni urush va mehnat fronti faxriysi yashash joyiga yetkazib beradilar.

Sogʻlomlashtirish muddati boshlanishidan 20 kun oldin

9-bosqich

Sanatoriy-sogʻlomlashtirish muassasalari

1. Shartnomaga muvofiq urush va mehnat fronti faxriylarini sogʻlomlashtirish uchun oʻrinlarning zarur miqdorda ajratilishini taʼminlaydilar.

har oyda

2. Urush va mehnat fronti faxriylarini, sanatoriy-sogʻlomlashtirish muassasasi shifokori tayinlangan barcha zarur tibbiy muolajalar bilan birinchi oʻrinda taʼminlaydilar (ular uchun qulay paytda).

yoʻllanmani amal qilish davrida

3. Yoʻllanma muddati tugagach, sanatoriy-sogʻlomlashtirish muassasalari Agentlikka yoʻllanmaning qaytarma (yirtma) talonini yuboradilar.

muassasadan ketgandan keyin 5 kun muddatda

10-bosqich

Agentlik

Taqqoslov oʻtkazadi va sanatoriyga yoʻllanmalar qiymatining toʻliq toʻlovini, oldindan toʻlovni hisobga olgan holda amalga oshiradi (yoʻllanmadan foydalanganlik holati tasdiqlanganda).

har chorakda

(2-ilova Oʻzbekiston Respublikasi Vazirlar Mahkamasining 2026-yil 30-yanvardagi 40-sonli qarori tahririda — Qonunchilik maʼlumotlari milliy bazasi, 05.02.2026-y., 09/26/40/0112-son)
Oldingi tahrirga qarang.
(3-ilova Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 08.02.2022-y., 09/22/62/0111-son)

(Oʻzbekiston Respublikasi qonun hujjatlari toʻplami, 2014-y.,52 (I)-son, 642-modda; 2015-y., 24-son, 314-modda; 2017-y., 15-son, 249-modda; Qonun hujjatlari maʼlumotlari milliy bazasi, 04.10.2018-y., 09/18/789/1993-son; Qonunchilik maʼlumotlari milliy bazasi, 08.02.2022-y., 09/22/62/0111-son; 05.04.2022-y., 09/22/153/0266-son; 10.08.2022-y., 09/22/438/0726-son; 18.12.2023-y., 09/23/665/0942-son; 30.10.2024-y., 09/24/714/0865-son; 05.02.2026-y., 09/26/40/0112-son)