|
Hujjat 14.05.2019 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI HUDUDI ORQALI MAXSUS YUKLAR VA HARBIY TARKIBLARNING TRANZITINI DAVLAT TOMONIDAN TARTIBGA SOLISH VA NAZORAT QILISH TOʻGʻRISIDA
“Maxsus yuklar va harbiy tarkiblarning tranziti toʻgʻrisida”gi Oʻzbekiston Respublikasi Qonuniga muvofiq hamda xavfli yuklar, qurol-yarogʻ, harbiy texnika, harbiy mol-mulk va harbiy tarkiblar xavfsiz tashilishini taʼminlash, shuningdek ularning Oʻzbekiston Respublikasi hududi orqali tranziti ustidan nazorat qilish samaradorligini oshirish maqsadida Vazirlar Mahkamasi qaror qiladi:
1. Belgilab qoʻyilsinki, temir yoʻl, avtomobil va havo transporti bilan Oʻzbekiston hududi orqali amalga oshiriladigan yuk va yoʻlovchilar oqimi tranziti Oʻzbekiston Respublikasida qabul qilingan qonun hujjatlari, idoraviy qoidalar, ustavlar, boshqa normativ-huquqiy hujjatlar bilan umumiy tartibda tartibga solinadi, maxsus yuklar va harbiy tarkiblarni tashish bundan mustasno.
Keyingi tahrirga qarang.
2. Belgilansinki, maxsus yuklar va harbiy tarkiblarning Oʻzbekiston Respublikasi hududi orqali tranziti, uning amalga oshirilishi ustidan nazorat qilish tartibi “Maxsus yuklar va harbiy tarkiblarning tranziti toʻgʻrisida”gi Oʻzbekiston Respublikasi Qonuni, unga muvofiq qabul qilingan normativ-huquqiy hujjatlar, Oʻzbekiston Respublikasining xalqaro bitimlari bilan tartibga solinadi.
3. Belgilab qoʻyilsinki, maxsus ruxsatnomalar boʻyicha Oʻzbekiston Respublikasi hududi orqali tranzit qilinadigan maxsus yuklarga:
1-ilovaga muvofiq xavfli yuklar — yadro materiallari, organik va noorganik zaharli, toksinli, tez alangalanadigan, portlash xavfi boʻlgan moddalar va prekursorlar, boshqa moddalar va ularning chiqindilari;
2-ilovaga muvofiq qurol-yarogʻ, harbiy texnika va harbiy mol-mulk — qurol-yarogʻning har xil turlari, komplekslari va ularning jangovor qoʻllanilishini taʼminlash vositalari; oʻq-dorilar va portlovchi moddalar; qurolli kuchlarni jihozlashga moʻljallangan boshqa texnik vositalar hamda ularni ishlab chiqarish uchun maxsus asbob-uskunalar kiradi.
Oldingi tahrirga qarang.
4. 1-ilovada nazarda tutilgan xavfli yuklar tranzitiga ruxsatnomalar berilishini koʻrib chiqish Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyatiga yuklansin.
(4-bandning birinchi xatboshisi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
Keyingi tahrirga qarang.
Belgilab qoʻyilsinki, xavfli yuklar tranzitiga ruxsatnoma Sogʻliqni saqlash vazirligi, Ichki ishlar vazirligi, Tashqi iqtisodiy aloqalar vazirligi, Favqulodda vaziyatlar vazirligi, Milliy xavfsizlik xizmati, Davlat bojxona qoʻmitasi, Davlat chegaralarini himoya qiluvchi qoʻmita, Davlat tabiatni muhofaza qilish qoʻmitasi, “Sanoatkontexnazorat” agentligi, Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi, Parvozlar xavfsizligini nazorat qilish davlat inspeksiyasi va Oʻzbekiston avtomobil va daryo transporti agentligining, shuningdek boshqa tashkilotlarning asosli xulosalari olingandan keyin, tashiladigan yuklarning turi va xususiyatlari hisobga olingan holda, qatʼiy belgilangan tartibda beriladi.
Keyingi tahrirga qarang.
Xavfli yuklarni tranzit qilishga ruxsatnoma Oʻzbekiston Respublikasining Bosh vaziri tomonidan imzolanadi.
Keyingi tahrirga qarang.
Keyingi tahrirga qarang.
5. Belgilansinki, Oʻzbekiston Respublikasi Mudofaa vazirligi mazkur qarorga 2-ilovada nazarda tutilgan qurol-yarogʻ, harbiy texnika va harbiy mol-mulk, shuningdek harbiy tarkiblarning Oʻzbekiston Respublikasi hududi orqali tranzitiga ruxsatnoma berish boʻyicha vakolatli organ hisoblanadi.
Oldingi tahrirga qarang.
Belgilab qoʻyilsinki, qurol-yarogʻ, harbiy texnika va harbiy mol-mulkning, shuningdek harbiy tarkiblarning tranzitiga ruxsatnoma Ichki ishlar vazirligi, Favqulodda vaziyatlar vazirligi, Tashqi ishlar vazirligi, Tashqi savdo vazirligi, Sogʻliqni saqlash vazirligi, Davlat xavfsizlik xizmati, Davlat bojxona qoʻmitasi, Oʻzbekiston Respublikasi Sanoat xavfsizligi davlat qoʻmitasi, Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi, Parvozlar xavfsizligini nazorat qilish davlat inspeksiyasi va Oʻzbekiston avtomobil transporti agentligining (yuk tashiladigan transport turiga qarab), shuningdek Oʻzbekiston Respublikasi Prezidenti huzuridagi Milliy xavfsizlik Kengashining asosli xulosalari olingandan keyin qatʼiy belgilangan tartibda beriladi.
(5-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 6-martdagi 195-sonli qarori tahririda — Qonun hujjatlari maʼlumotlari milliy bazasi, 07.03.2019-y., 09/19/195/2712-son)
Keyingi tahrirga qarang.
Oldingi tahrirga qarang.
Qurol-yarogʻ, harbiy texnika va harbiy mol-mulk, shuningdek harbiy tarkiblar tranzitiga ruxsatnoma Oʻzbekiston Respublikasi Mudofaa vaziri u boʻlmagan taqdirda — Oʻzbekiston Respublikasi Mudofaa vazirining birinchi oʻrinbosari tomonidan imzolanadi.
(5-bandning uchinchi xatboshisi Oʻzbekiston Respublikasi Vazirlar Mahkamasining 2018-yil 15-dekabrdagi 1022-sonli qarori tahririda — Qonun hujjatlari maʼlumotlari milliy bazasi, 17.12.2018-y., 09/18/1022/2328-son)
6. Oʻzbekiston Respublikasi hududi orqali maxsus yuklar va harbiy tarkiblar tranzitiga maxsus ruxsatnomalar berish va uning amalga oshirilishini nazorat qilish tartibi toʻgʻrisidagi nizom 3-ilovaga muvofiq tasdiqlansin.
Oldingi tahrirga qarang.
(7-band Oʻzbekiston Respublikasi Vazirlar Mahkamasining 22.02.2005-yil 22-fevraldagi 73-son qarori bilan oʻz kuchini yoʻqotgan — Oʻzbekiston Respublikasi Qonun hujjatlari toʻplami,2005-y., 8-9-son, 67-modda)
8. Oʻzbekiston Respublikasi Tashqi iqtisodiy aloqalar vazirligi (E.M. Gʻaniyev) manfaatdor vazirliklar va idoralar bilan birgalikda bir oy muddatda 1 va 2-ilovalarda nazarda tutilgan maxsus yuklar tasnifini tasdiqlasin.
9. Hukumatning 4-ilovaga muvofiq qarorlariga oʻzgartirish va qoʻshimchalar kiritilsin.
10. Adliya vazirligi (A.A. Polvon-zoda), Mudofaa vazirligi (Q.Gʻ. Gʻulomov), Tashqi iqtisodiy aloqalar vazirligi (E.M. Gʻaniyev), Davlat bojxona qoʻmitasi (Oʻ.T. Komilov), Davlat chegaralarini himoya qiluvchi qoʻmita (M.I. Oʻtaganov) tegishli vazirliklar va idoralar bilan birgalikda bir oy muddatda amaldagi normativ hujjatlarga mazkur qarordan kelib chiquvchi oʻzgartirish va qoʻshimchalar toʻgʻrisida taklif kiritsinlar.
11. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov va Oʻzbekiston Respublikasi Prezidenti huzuridagi Milliy xavfsizlik Kengashi Kotibi M.H. Rahmonqulov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2002-yil 21-fevral,
62-son
Oʻzbekiston Respublikasi hududi orqali faqat maxsus ruxsatnomalar boʻlgan taqdirda tranzit qilinadigan xavfli yuklar
ROʻYXATI
1.Uran rudalari konsentratlari
2. Uran geksaftoridi
3. Yangi ishlangan yadro yonilgʻisi va uning komponentlari
4. Ishlatilgan yadro yonilgʻisi
5. Solishtirma aktivligi 70 kBk/kilogrammdan ortiq boʻlgan radioaktiv materiallar
6. Maxsus yuklarni tashish uchun foydalaniladigan boʻsh transport komplektlari
7. №-atsetilantranil kislota
8. Akonit
9. Akonitin
10. Suyultirilgan ammiak
11. Sirka kislotasi angidridi
12. Antronil kislota
13. Atseklidin
14. Atseton
15. Benzol
16. Asos giossiamin
17. Kamforat giossiamini
18. Sulfat giossiamini
19. Gliftor aralashma:
1,3-diftorpropanol—2 (1) 70—75% (1)
1-ftor-3-xlorpropanol—2 (2) 10—20% (2).
20. Dixloretan
21. Izosafrol
22. Ilon zahari
23. Sianid kadmiy
24. Permanganat kaliy
25. Sianid kaliy
26. Sianid kalsiy
27. Karbaxolin
28. Ftoridli vodorod kislotasi
29. Sianid misi
30. Merkaptofos
31. Metanol
32. 3,4-metilendoksifenil—2-propanon
33. Metiletilketon
34. Metilbromid
35. Metilxlorid
36. Margumushsimon angidrid
37. Margumush angidridi
38. Arsenat natriy va uning har xil dozalardagi dorivor shakllari
39. Arsenit natriy
40. Sianid natriy
41. Tetrakarbonil nikel
42. Nitrotluol
43. Novarsenol
44. Piperonal
45. Promeran va uning har xil dozalardagi dorivor shakllari
46. Xlororganik pestitsidlar
47. Tozalangan asalari zahari
48. Diyodid simobi
49. Dixlorid simobi
50. Oksitsianid simobi
51.Salitsilat simobi
52. Sianid simobi
53. Metal simob
54. Safrol
55. Sianid kumushi
56. Ammiak selitra
57. Sulfat kislota
58. Tuzlangan kislota
59. Gidrobromid skopolamini
60. Nitrat strixnini va uning har xil dozalardagi dorivor shakllari
61. Krasavka alkaloidlari toʻplami
62. Toluol
63. Tetraetilsvinets va uning boshqa moddalar ( etil suyuqligi va boshqalar) bilan aralashmalari, etillashtirilgan benzinlardan tashqari
64. Yangi jungar akonit oʻti
65. 4-xlorbenzaldegida nitrat uranili
66. Fenil sirka kislotasi
67. Fenol
68. Sariq fosfor
69. Qizil fosfor
70. Ftor vodorodi
71.Xinkulidil-3-benzilat
72. Xlor
73. Xlorpikrin
74. Bariy sianisti
75. Vodorod sianisti
76. Sianplav
77. Siklon
78. Fosfid sinka
79. Sinxonin
80. Chilibuxi ekstrakti
81. Etilmerkurxlorid
82. Etil efiri
Oʻzbekiston Respublikasi hududi orqali faqat maxsus ruxsatnoma mavjud boʻlgan taqdirda tranzit qilinadigan qurol-yarogʻ, harbiy texnika va harbiy mol-mulk
ROʻYXATI
1. Kosmik apparatlar, uchiruvchi raketalar, ballistik raketalar, tezlikni oshirish bloklari va ularning komponentlari.
2. Samolyotlar, vertolyotlar va harbiy maqsaddagi boshqa uchish apparatlari.
3. Tanklar va qurol-yarogʻli yoki qurol-yarogʻsiz boshqa oʻziyurar zirhli texnika.
4. Harbiy maqsaddagi gʻildirakli va zanjirli avtomobillar va boshqa oʻziyurar mashinalar.
5. Artilleriya, ishga tushirish raketa va bomba qurilmalari, gaubitsalar, granatomyotlar, minomyotlar va jangovar harakatlarni olib borishning shunga oʻxshash vositalari.
6. Oʻqotar qurollar.
7. Oʻq-dorilar: bombalar, raketalar, minalar, granatalar, snaryadlar, patronlar va jangovar harakatlarni olib borishning shunga oʻxshash vositalari.
8. BMT tasnifiga va 1996-yil 5-aprelda Temir yoʻl transporti kengashining XV majlisida tasdiqlangan Temir yoʻllarda xavfli yuklarni tashish qoidalari tasnifiga muvofiq xavfli yuklarning 1-darajasiga kiruvchi portlovchi, pirotexnika moddalari va boshqa buyumlar.
9. Koʻprik qurish mashinalari, muhandislik-qurilish mashinalari, mina toʻsiqlari, taʼmirlash ustaxonalari, pontonlar va qoʻshinlarni muhandislik jihatdan taʼminlashning boshqa vositalari.
10. Qurol-yarogʻlarning har xil turlarini jangovor qoʻllash komplekslari, nishonga olish, ishga tushirish va boshqarish tizimlari.
11. Qurol-yarogʻ va harbiy texnikaga komponentlar, ehtiyot qismlar, butlovchi buyumlar, shu jumladan texnik hujjatlar.
12. Qurol-yarogʻ, harbiy texnika va harbiy mol-mulk ishlab chiqarish va ularni taʼmirlash uchun maxsus ishlab chiqilgan asbob-uskunalar, materiallar, moslamalar va jihozlar.
13. Parashut bilan bogʻliq mol-mulk.
14. Kartografiya mahsulotlariga ishlov berish va tahlil etishning kompleks vositalari.
15. Radioaloqa va radionavigatsiya anjomlari.
16. Harbiy maqsaddagi elektrodvigatellar va ichki yonish dvigatellari.
17. Maxsus idishlar.
18. Qoʻshinlarni tayyorlash uchun oʻquv-imitatsiya vositalari.
19. Qurolli kuchlarning shaxsiy tarkibi hayot faoliyatini taʼminlash tizimi.
20. Ommaviy qirgʻin qurolidan himoyalanishning jamoaviy va yakka tartibdagi vositalari.
21. Ommaviy qirgʻin qurollari qoʻllanilishining oldini olish va uning oqibatlarini davolash vositalari.
22. Qoʻshinlar taʼminotining maxsus asbob-uskunalari.
23. Harbiy kiyim-bosh va uning belgilari.
24. Texnologik asbob-uskunalar, xomashyo va materiallar, shu jumladan maxsus davrda qurol-yarogʻ ishlab chiqarish uchun.
25. Elektronika, elektron tizimlar, harbiy maqsaddagi priborsozlik buyumlari.
26. Maxfiy tusdagi maxsus buyumlar va yuklar.
27. Joʻnatuvchilari va oluvchilari Mudofaa vazirligi, Ichki ishlar vazirligining harbiy qismlari, chegara xizmatlari, xavfsizlik organlari va boshqa harbiylashtirilgan davlat tuzilmalari boʻlgan harbiy yuklar.
Oʻzbekiston Respublikasi hududi orqali maxsus yuklar va harbiy tarkiblar tranzitiga ruxsatnomalar berish va uning amalga oshirilishini nazorat qilish tartibi toʻgʻrisida
NIZOM
I. UMUMIY QOIDALAR
1. Ushbu Nizom Oʻzbekiston Respublikasining “Maxsus yuklar va harbiy tarkiblarning tranziti toʻgʻrisida” 2001-yil 11-maydagi 213-II-son Qonuniga muvofiq Oʻzbekiston Respublikasi hududi orqali maxsus yuklar va harbiy tarkiblar tranzitiga ruxsatnomalar berish, ularning amal qilish muddatini uzaytirish va ularni bekor qilish tartibini, shuningdek tranzit tartibida tashish ustidan davlat nazoratini amalga oshirish tartibini belgilaydi.
2. Maxsus yuklar deyilganda qurol-yarogʻlar, harbiy texnika, harbiy mol-mulk, xavfli yuklar, shuningdek Oʻzbekiston Respublikasi hududida muomalada boʻlishi davlat nazorati ostida boʻlgan ashyolar tushuniladi.
Xavfli yuklar — oʻziga xos xossalari va xususiyatlari tufayli muayyan omillar mavjud boʻlgan taqdirda tashish, yuklash-tushirish ishlari jarayonida tashilayotgan yuklar, texnika vositalari, qurilmalar, bino va inshootlar, boshqa obyektlarning portlashi, yonishi yoki shikastlanishiga, shuningdek odamlar hayoti va sogʻligʻiga, atrof muhitga zarar yetkazilishiga sabab boʻlishi mumkin boʻlgan moddalar, materiallar, buyumlar, chiqindilar.
Qurol-yarogʻ va harbiy texnika — qurolli kuchlarni jihozlashga moʻljallangan turli xil qurollarning va ularni jangovar qoʻllashni taʼminlovchi vositalarning majmualari, shu jumladan eltib qoʻyish vositalari, moʻljalga olish, uchirish, boshqarish tizimlari, shuningdek boshqa maxsus texnika vositalari, oʻq-dorilar va ularning tarkibiy qismlari, ehtiyot qismlar, asbob-uskunalar va ularning butlovchi buyumlari, mashq qurollari, (turli xil qurol-yarogʻ va harbiy texnika maketlari, trenajyorlari va imitatorlari).
Harbiy mol-mulk — qurolli kuchlarning shaxsiy tarkibi hayot faoliyatini taʼminlash tizimlari, maxsus maqsaddagi materiallar va ularni ishlab chiqarish uchun maxsus uskunalar, ommaviy qirgʻin qurolidan umumiy va yakka tartibda himoyalanish vositalari, ommaviy qirgʻin qurolini qoʻllash oqibatlarining oldini olish va davolash vositalari, front orqasida qoʻllaniladigan maxsus uskunalar, harbiy kiyim va unga xos atributlar.
Harbiy tarkib — xorijiy davlatlar harbiy tuzilmalarining shaxsiy tarkibi va harbiy xodimlari, shuningdek ushbu davlatlarda harbiy xizmatga chaqirilgan yoki zaxiraga boʻshatilayotgan shaxslar.
3. Xavfli yuklarning Oʻzbekiston Respublikasi hududi orqali tranziti Oʻzbekiston Respublikasi Vazirlar Mahkamasi tomonidan beriladigan ruxsatnomalar asosida amalga oshiriladi. Xavfli yuklarning tranzitiga ruxsatnomani maxsus vakolatli organlarning xulosalari asosida Oʻzbekiston Respublikasining Bosh vaziri imzolaydi.
Keyingi tahrirga qarang.
Oldingi tahrirga qarang.
4. Oʻzbekiston Respublikasi Mudofaa vazirligi qurol-yarogʻlar, harbiy texnika, harbiy mol-mulklar, portlovchi moddalar va buyumlarga, shuningdek harbiy tarkiblar tranzitiga ruxsatnomalar berish boʻyicha vakolatli organ hisoblanadi. Tranzit ruxsatnomasini maxsus vakolatli organlarning xulosalari asosida Mudofaa vaziri u boʻlmagan taqdirda ― Mudofaa vazirining birinchi oʻrinbosari imzolaydi.
(4-band Oʻzbekiston Respublikasi Vazirlar Mahkamasining 2018-yil 15-dekabrdagi 1022-sonli qarori tahririda — Qonun hujjatlari maʼlumotlari milliy bazasi, 17.12.2018-y., 09/18/1022/2328-son)
Oldingi tahrirga qarang.
5. Ichki ishlar vazirligi, Favqulodda vaziyatlar vazirligi, Sogʻliqni saqlash vazirligi, Tashqi savdo vazirligi, Ekologiya va atrof-muhitni muhofaza qilish davlat qoʻmitasi, Davlat xavfsizlik xizmati, Oʻzbekiston Respublikasi Sanoat xavfsizligi davlat qoʻmitasi xavfli yuklarning tranzitiga xulosalar berish va nazoratni amalga oshirish boʻyicha vakolatli organlar hisoblanadi.
(5-bandning birinchi xatboshisi Oʻzbekiston Respublikasi Vazirlar Mahkamasining 2019-yil 6-martdagi 195-sonli qarori tahririda — Qonun hujjatlari maʼlumotlari milliy bazasi, 07.03.2019-y., 09/19/195/2712-son)
Oldingi tahrirga qarang.
Ichki ishlar vazirligi, Favqulodda vaziyatlar vazirligi, Tashqi ishlar vazirligi, Tashqi savdo vazirligi (harbiy tarkiblar tranzitidan tashqari), Sogʻliqni saqlash vazirligi, Davlat bojxona qoʻmitasi, Davlat xavfsizlik xizmati, Oʻzbekiston Respublikasi Sanoat xavfsizligi davlat qoʻmitasi (portlovchi moddalarning tranzitida), shuningdek Oʻzbekiston Respublikasi Prezidenti huzuridagi Milliy xavfsizlik Kengashi qurol-yarogʻlar, harbiy texnika, harbiy mol-mulklar, portlovchi moddalar va buyumlarni, shuningdek harbiy tarkiblarni tranzit tarzida oʻtkazishda xulosalar berish va nazoratni amalga oshirish boʻyicha vakolatli organlar hisoblanadi.
(5-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 6-martdagi 195-sonli qarori tahririda — Qonun hujjatlari maʼlumotlari milliy bazasi, 07.03.2019-y., 09/19/195/2712-son)
Tashish turlariga koʻra:
temir yoʻl transportida tashishda — “Oʻzdavtemiryoʻlnazorat” inspeksiyasining;
Oldingi tahrirga qarang.
Oʻzbekiston avtomobil transporti agentligi — avtomobil transportida tranzitni amalga oshirishda;
(5-bandning beshinchi xatboshisi Oʻzbekiston Respublikasi Vazirlar Mahkamasining 2018-yil 9-iyundagi 434-sonli qarori tahririda — Qonun hujjatlari maʼlumotlari milliy bazasi, 11.06.2018-y., 09/18/434/1339-son)
havo transportida tashishda — “Davavianazorat” inspeksiyasi va Mudofaa vazirligining xulosalarini olish zarur.
Oldingi tahrirga qarang.
Favqulodda vaziyatlar vazirligi — daryo transportida tranzit amalga oshirilganda.
(5-band Oʻzbekiston Respublikasi Vazirlar Mahkamasining 2018-yil 9-iyundagi 434-sonli qaroriga asosan yettinchi xatboshi bilan toʻldirilgan — Qonun hujjatlari maʼlumotlari milliy bazasi, 11.06.2018-y., 09/18/434/1339-son)
Vazirlar Mahkamasi va Mudofaa vazirligi tranzit yukning xarakteriga koʻra boshqa davlat organlarining xulosalarini talab qilish, shuningdek tranzit yuk yoki harbiy tarkibga, tashuv shartlariga taalluqli qoʻshimcha maʼlumotlarni taqdim etishni arizachidan soʻrashi mumkin.
Keyingi tahrirga qarang.
6. Tranzit ruxsatnomasini olish uning egasini Oʻzbekiston Respublikasi qonun hujjatlarida maxsus yuklar va harbiy tarkiblar tranzitiga qoʻyiladigan talablarni bajarishdan ozod qilmaydi.
Keyingi tahrirga qarang.
7. Quyidagilar:
maxsus yuklarni yoki Oʻzbekiston Respublikasining qonun hujjatlari va xalqaro shartnomalarida belgilangan tartibga muvofiq Oʻzbekiston Respublikasi hududi orqali oʻtayotgan maxsus tarkibni kuzatib borayotgan harbiy qorovullar yoxud qurolli qoʻriqchilarning shtatdagi quroliga;
Keyingi tahrirga qarang.
tashish xavfsizligining tegishli qoidalariga rioya etilgan taqdirda va Oʻzbekiston Respublikasi qonun hujjatlarida belgilangan eng yuqori normalar doirasida boʻlganda, fuqarolarning shaxsiy isteʼmoli uchun moʻljallangan xavfli yuklarning ayrim turlariga maxsus yuklar tranziti uchun alohida ruxsatnomalar talab etilmaydi.
Keyingi tahrirga qarang.
II. TRANZITGA RUXSATNOMALAR BERISH, ULARNING AMALDA BOʻLISH MUDDATINI UZAYTIRISH VA ULARNI BEKOR QILISH
8. Arizachi tranzitga ruxsatnoma olish uchun, tashilayotgan yuklar turiga koʻra Oʻzbekiston Respublikasi Vazirlar Mahkamasi yoki Mudofaa vazirligiga quyidagi hujjatlarni taqdim etadi:
Keyingi tahrirga qarang.
maxsus yuklar yoki harbiy tarkiblar tranzitiga ruxsatnoma berish toʻgʻrisidagi ariza, unda tashishning maqsadi, yukning miqdori, harbiy tarkib soni, Oʻzbekiston Respublikasi hududiga kirib kelish va undan chiqib ketishning rejalashtirilgan muddatlari, punktlari, foydalaniladigan transport turi, yuk yoki harbiy tarkibni joʻnatish va yetkazish punktlari toʻgʻrisidagi maʼlumotlar, yukni tashuvga bergan va yukni oluvchi tashkilotning nomi, shuningdek tranzit qatnashchilari boʻlgan davlatlar hududi boʻylab harakatlanishning moʻljallanayotgan marshruti koʻrsatiladi;
maxsus yuk kelib chiqqan mamlakat sertifikati;
qonunchilikda belgilangan hollarda — ekologiya sertifikati;
yukni yetkazib berish yuzasidan kontrakt (shartnoma), xavfli yuklar tranziti turkumlab amalga oshirilayotganda — tashuvlar jadvali;
yukning Oʻzbekiston Respublikasi tashqi iqtisodiy faoliyat tovar nomenklaturasi, BMT nomenklaturasi boʻyicha xarakteri toʻgʻrisidagi maʼlumotlar, buyumning tasniflovchi shifri, agregat holati, xavfli xossalari va hokazo;
maxsus yuklarni sugʻurta va boshqa kafolatlar bilan sugʻurta polisi, bank kafolati yoxud qonunchilikda belgilangan boshqacha shaklda, shuningdek odamlar hayoti va sogʻligʻiga, Oʻzbekiston Respublikasi atrof muhitiga va xavfsizligiga yetkazilishi mumkin boʻlgan zararni undirishga doir boshqa majburiyatlar bilan tashishning taʼminlanishini tasdiqlovchi hujjat, belgilangan joyga yetkazib berishga yengib boʻlmas kuch taʼsir etgan va yetkazib berish imkoniyati boʻlmagan hollarda.
9. Harbiy mol-mulk, qurol-yarogʻlar, harbiy texnika va harbiy tarkib tranzitida tashish rejasi vakolatli organlar bilan oldindan kelishib olinadi.
Harbiy mol-mulk, qurol-yarogʻlar, harbiy texnika va harbiy tarkib tranzitiga ruxsatnoma olish uchun quyidagilar ham taqdim etiladi:
yuklarni qoʻriqlash va harbiy tarkibni kuzatib borish tartibi toʻgʻrisidagi maʼlumotlar;
joʻnatuvchi va qabul qilib oluvchi tomonlarning yukning Oʻzbekiston Respublikasi uchun nomaqbul shartlarda boshqa manzilga yoʻllanmasligi yoki qayta eksport qilinmasligi toʻgʻrisidagi majburiyatlari.
a) temir yoʻl transportida tranzit qilishda:
avariya kartochkasi;
Oʻzbekiston Respublikasi qonunchiligiga va xalqaro shartnomalariga muvofiq boshqa hujjatlar;
b) avtomobil transportida tranzit qilishda:
ichki ishlar organlari tomonidan kuzatib borish yuzasidan buyurtmanoma;
transport vositalari uchun talab qilinadigan tashishga ruxsat berish toʻgʻrisidagi guvohnoma;
Oʻzbekiston Respublikasi qonunchiligiga va xalqaro shartnomalarga muvofiq boshqa hujjatlar;
v) havo transportida tranzit qilishda, quyidagi maʼlumotlar mavjud boʻlgan hujjatlar:
aviakompaniyaning nomi va aniq manzili;
IKAO kodi va reysning tartib raqami;
havo kemasining turi, roʻyxatdan oʻtkazish tartib raqami, roʻyxatdan oʻtkazilgan mamlakati;
parvoz turi;
tashilayotgan yoʻlovchilar va yuklarning qanchaligi va toifasi;
Oʻzbekiston Respublikasi havo yoʻliga kirib kelish va undan chiqib ketish albatta koʻrsatilgan holda parvozning sanasi, toʻliq marshruti va jadvali;
ijarachi (toʻliq nomi, manzili, telefoni, faksi);
yukni joʻnatuvchi (toʻliq nomi, manzili, telefoni, faksi);
qabul qilib oluvchi tomon yoki agent (toʻliq nomi, manzili, telefoni, faksi);
navigatsiya va aloqa asbob-anjomining turi.
11. Arizachi maxsus yuklarni turkumlab tranzit qilishda, maxsus yuklarning barcha turkumlari uchun zarar hujjatlarni ilova qilgan holda, tranzitga ruxsatnoma berilishi uchun bitta ariza taqdim etishi mumkin.
Keyingi tahrirga qarang.
Maxsus yuklarni turkumlab tranzit qilishga ruxsatnoma yukning har bir turkumi uchun alohida rasmiylashtiriladi.
Oldingi tahrirga qarang.
12. Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati xavfli yuklar tranzitiga ruxsatnoma uchun ariza olinganda yoki Mudofaa vazirligi qurol-yarogʻlar, harbiy texnika, harbiy mol-mulk va harbiy tarkibni tranzit tarzida tashishga ruxsatnoma uchun ariza olinganda zarur hujjatlar olingan kundan boshlab ikki kun mobaynida ularni xulosalar berish va nazoratni amalga oshirish boʻyicha tegishli vakolatli organlarga belgilangan talablarga muvofiq, tranzitni amalga oshirish mumkinligi toʻgʻrisida asosli xulosalar chiqarish uchun joʻnatadi. Ushbu organlarning asosli xulosalari yetti kun muddatda Oʻzbekiston Respublikasi Vazirlar Mahkamasi va Mudofaa vazirligiga taqdim etilishi kerak.
(12-band Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
Keyingi tahrirga qarang.
Oldingi tahrirga qarang.
13. Oʻzbekiston Respublikasi Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati va Mudofaa vazirligi olingan xulosalar asosida oʻn kun muddat mobaynida tranzitga ruxsatnoma berish yoxud ruxsatnoma berishni rad etish toʻgʻrisida qaror qabul qiladi, uni rasmiylashtiradi va arizachiga beradi.
(13-band Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
Keyingi tahrirga qarang.
14. Tranzit ruxsatnomasida:
tashuvchi va oluvchi tashkilotning nomi;
yukning Oʻzbekiston Respublikasi tashqi iqtisodiy faoliyat tovar nomenklaturasi, BMT nomenklaturasi boʻyicha xarakteri toʻgʻrisidagi maʼlumotlar, buyumning tasniflovchi shifri;
yukning miqdori, harbiy tarkibning soni;
Oʻzbekiston Respublikasi hududiga kirib kelish va undan chiqib ketish punktlari;
foydalaniladigan transport turi;
tranzit ruxsatnomasining amalda boʻlish muddatining boshlanishi va tugashi;
tranzitda qatnashuvchi davlatlar hududida harakatlanishning moʻljallanayotgan marshruti;
maxsus yuklar va harbiy tarkibni turkumlab tranzit qilishda tashuvlar jadvali;
tranzitni amalga oshirish shartlari koʻrsatiladi.
Keyingi tahrirga qarang.
Oldingi tahrirga qarang.
Oʻzbekiston Respublikasi Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati yoki Mudofaa vazirligi xulosalar berish va nazoratni amalga oshirish boʻyicha tegishli vakolatli organlarni tranzit yukning xarakteri, transport vositasining turiga koʻra tranzitga ruxsatnoma berish toʻgʻrisida xabardor qiladi.
(14-bandning oʻn birinchi xatboshisi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
Keyingi tahrirga qarang.
Oldingi tahrirga qarang.
15. Tranzitga ruxsatnoma berish yoki ruxsatnoma berishni rad etish, shu jumladan ruxsatnomaning oʻzini berish toʻgʻrisida qaror qabul qilishning umumiy muddati ruxsatnoma berish toʻgʻrisidagi ariza va barcha tegishli hujjatlar olingan kundan boshlab yigirma kundan oshmasligi kerak.
(15-bandning birinchi xatboshisi Oʻzbekiston Respublikasi Vazirlar Mahkamasining 2018-yil 15-dekabrdagi 1022-sonli qarori tahririda — Qonun hujjatlari maʼlumotlari milliy bazasi, 17.12.2018-y., 09/18/1022/2328-son)
Keyingi tahrirga qarang.
Qoʻshimcha hujjatlar, axborotlar taqdim etish yoki arizachi dastlab taqdim etgan maʼlumotlarni oʻzgartirish zarur boʻlgan taqdirda, shuningdek maxsus yuklarni va harbiy tarkiblar tranziti xavfsizligiga tahdid soluvchi holatlar mavjud boʻlganda arizani koʻrib chiqish muddati uzaytirilishi mumkin. Bu holda Oʻzbekiston Respublikasi Vazirlar Mahkamasi va Mudofaa vazirligi arizachini ushbu Nizomda nazarda tutilgan umumiy muddatning uzaytirilgani toʻgʻrisida, uning sabablarini va uzaytirish muddatlarini koʻrsatgan holda yozma ravishda xabardor qiladi.
Keyingi tahrirga qarang.
16. Tranzit ruxsatnomasi berishni rad etish toʻgʻrisidagi qaror “Maxsus yuklar va harbiy tarkiblarning tranziti toʻgʻrisida”gi Oʻzbekiston Respublikasi Qonunining 9-moddasida nazarda tutilgan asoslarda, shuningdek xulosalar berish va nazoratni amalga oshirish boʻyicha vakolatli organlarning xulosalariga binoan chiqariladi.
Oldingi tahrirga qarang.
Tranzit ruxsatnomasi berishni rad etish toʻgʻrisidagi qaror arizachiga bunday qaror qabul qilingandan keyin bir kun muddatda yozma ravishda, rad etish sabablari koʻrsatilgan holda joʻnatiladi.
(16-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 15-dekabrdagi 1022-sonli qarori tahririda — Qonun hujjatlari maʼlumotlari milliy bazasi, 17.12.2018-y., 09/18/1022/2328-son)
Keyingi tahrirga qarang.
Oldingi tahrirga qarang.
17. Tranzit uchun ruxsatnomaning amal qilish muddati u imzolangan sanadan boshlab uch oyni tashkil etadi.
(17-band Oʻzbekiston Respublikasi Vazirlar Mahkamasining 2018-yil 15-dekabrdagi 1022-sonli qarori tahririda — Qonun hujjatlari maʼlumotlari milliy bazasi, 17.12.2018-y., 09/18/1022/2328-son)
Keyingi tahrirga qarang.
18. Tranzit ruxsatnomasining amal qilish muddatini uzaytirish uchun uning egasi Vazirlar Mahkamasiga yoki Mudofaa vazirligiga asoslangan iltimosnoma bilan murojaat qilishga haqlidir.
Keyingi tahrirga qarang.
Oldingi tahrirga qarang.
Amal qilish muddatini uzaytirish toʻgʻrisidagi iltimosnoma u taqdim etilgan kundan eʼtiboran yetti kun muddatda koʻrib chiqiladi. Oʻzbekiston Respublikasi Vazirlar Mahkamasi va Mudofaa vazirligi koʻrsatilgan muddatda xulosa olish uchun xulosalar berish va nazoratni amalga oshirish boʻyicha tegishli vakolatli organlarga murojaat qilishi mumkin, ular murojaat qilingan vaqtdan eʼtiboran ikki ish kuni mobaynida xulosalarni taqdim etishlari shart.
(18-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 15-dekabrdagi 1022-sonli qarori tahririda — Qonun hujjatlari maʼlumotlari milliy bazasi, 17.12.2018-y., 09/18/1022/2328-son)
Keyingi tahrirga qarang.
Oldingi tahrirga qarang.
Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati va Mudofaa vazirligi xulosalar berish va nazoratni amalga oshirish boʻyicha tegishli vakolatli organlarning xulosalariga asosan ruxsatnomaning amal qilish muddatini uzaytirish yoki rad javobini berish yuzasidan qaror qabul qiladi va ikki kun muddatda amal qilish muddatini uzaytirish masalasi toʻgʻrisidagi qarorni tranzit ruxsatnomasining egasiga joʻnatadi.
(18-bandning uchinchi xatboshisi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
Keyingi tahrirga qarang.
“Maxsus yuklar va harbiy tarkiblarning tranziti toʻgʻrisida”gi Oʻzbekiston Respublikasi Qonunining 11-moddasiga muvofiq tranzit ruxsatnomasining amal qilish muddati bir marta, koʻpi bilan oʻttiz kunlik davrga uzaytirilishi mumkin.
19. Berilgan tranzit ruxsatnomasi Vazirlar Mahkamasi va Mudofaa vazirligi tomonidan bekor qilinishi mumkin.
Keyingi tahrirga qarang.
Tranzit ruxsatnomasining bekor qilinishiga quyidagilar asos boʻladi:
tranzit ruxsatnomasi egasining maxsus yuklar va harbiy tarkiblar tranzitini amalga oshirishdan voz kechganligi;
tranzit ruxsatnomasining uni berish toʻgʻrisidagi qarorning qabul qilinishi uchun muhim ahamiyatga ega boʻlgan notoʻliq yoki notoʻgʻri maʼlumotlar asosida berilganligi;
tranzit ruxsatnomasini berish toʻgʻrisidagi arizani koʻrib chiqish vaqtida maʼlum boʻlmagan, lekin uni berishni rad qilishga olib kelishi mumkin boʻlgan holatlarning aniqlanganligi;
qonun hujjatlari bilan belgilangan tranzit tartibining buzilganligi.
Keyingi tahrirga qarang.
Tranzit ruxsatnomasini bekor qilish toʻgʻrisidagi qarorda bekor qilishning asoslari koʻrsatilishi kerak.
Tranzit ruxsatnomasini bekor qilish toʻgʻrisidagi qaror kechiktirmasdan tranzit ruxsatnomasining egasiga yoʻllanadi hamda xulosalar berish va nazoratni amalga oshirish boʻyicha tegishli vakolatli organlarga xabar qilinadi.
20. Maxsus yuklar va harbiy tarkiblar tranzitiga ilgari berilgan tranzit ruxsatnomalariga muvofiq ravishda amalga oshirilayotgan tranzit tashish, tranzit shartlarini buzish hollari aniqlangan taqdirda xulosalar berish va nazoratni amalga oshirish boʻyicha vakolatli organning qarori bilan, ayni bir vaqtda bu toʻgʻrida Oʻzbekiston Respublikasi Vazirlar Mahkamasini va Mudofaa vazirligini xabardor qilgan holda vaqtinchalik toʻxtatib turilishi mumkin.
Keyingi tahrirga qarang.
Oldingi tahrirga qarang.
Bunda tashish vaqtinchalik toʻxtatib turilgan vaqtdan eʼtiboran uch kun mobaynida tranzitni toʻxtatib turish uchun asos boʻlgan sabablar bartaraf etilmagan va u qayta boshlanmagan boʻlsa, ruxsatnoma Oʻzbekiston Respublikasi Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati yoki Mudofaa vazirligining qarori bilan bekor qilinadi.
(20-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
Keyingi tahrirga qarang.
III. OʻZBEKISTON RESPUBLIKASI HUDUDI ORQALI MAXSUS YUKLAR VA HARBIY TARKIBLARNING TRANZITI USTIDAN DAVLAT NAZORATINI AMALGA OSHIRISH TARTIBI
21. Tranzit tashish shartlarining bajarilishini nazorat qilish xulosalar berish va nazoratni amalga oshirish boʻyicha vakolatli organlar tomonidan amalga oshiriladi.
Oldingi tahrirga qarang.
22. Xavfli yuklar tranziti boʻyicha vakolatli organlar faoliyatini muvofiqlashtirish Oʻzbekiston Respublikasi Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati zimmasiga, qurol-yarogʻlar, harbiy texnika, harbiy mol-mulk va harbiy tarkiblar tranziti boʻyicha — Mudofaa vazirligiga yuklanadi.
(22-band Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
Keyingi tahrirga qarang.
Oldingi tahrirga qarang.
Oldingi tahrirga qarang.
23. Davlat xavfsizlik xizmatining chegara qoʻshinlari maxsus yuklarni kuzatib boruvchilarning, shuningdek harbiy tarkib xizmatchilarining Oʻzbekiston Respublikasi hududiga kirishining qonuniyligini tekshiruvdan oʻtkazadi.
(23-bandning birinchi xatboshisi Oʻzbekiston Respublikasi Vazirlar Mahkamasining 2018-yil 29-maydagi 396-sonli qarori tahririda — Qonun hujjatlari maʼlumotlari milliy bazasi, 01.06.2018-y., 09/18/396/1287-son)
Davlat bojxona qoʻmitasi respublika hududiga maxsus yuklar olib kirilishining qonuniyligi va asoslanganligi, ularning amalda olib chiqib ketilishi va belgilangan tartibda bojxona rasmiylashtiruvidan oʻtkazilishi ustidan nazoratni amalga oshiradi.
Keyingi tahrirga qarang.
Oldingi tahrirga qarang.
Koʻrsatib oʻtilgan maqsadlarda Davlat xavfsizlik xizmatining chegara qoʻshinlari va Davlat bojxona qoʻmitasi Mudofaa vazirligi bilan birgalikda tegishli ravishda harbiy tarkib aʼzolarini shaxsan identifikatsiyalash maqsadida tekshiruvdan oʻtkazadi va maxsus yuklar nazoratini amalga oshiradi.
(23-bandning uchinchi xatboshisi Oʻzbekiston Respublikasi Vazirlar Mahkamasining 2018-yil 29-maydagi 396-sonli qarori tahririda — Qonun hujjatlari maʼlumotlari milliy bazasi, 01.06.2018-y., 09/18/396/1287-son)
Keyingi tahrirga qarang.
24. Zaruratga qarab Davlat bojxona qoʻmitasi xulosalar berish va nazoratni amalga oshirish boʻyicha tegishli organga amalda oʻtkazilayotgan yukning tranzit talabnomasida koʻrsatilganiga muvofiqligi toʻgʻrisida xulosa olish uchun murojaat qiladi.
Keyingi tahrirga qarang.
Zarur hollarda bunday xulosani tayyorlashga xulosalar berish va nazoratni amalga oshirish boʻyicha vakolatli organlar hududiy boʻlinmalarining mutaxassislari jalb etilishi mumkin, ular telefonogramma olingan vaqtdan eʼtiboran sakkiz soat ichida bojxona nazorati amalga oshiriladigan joyga yetib kelishlari kerak.
25. Maxsus yuk Oʻzbekiston Respublikasi hududi orqali tranzit ruxsatnomasida belgilab qoʻyilgan yoʻnalishlar boʻyicha oʻtkaziladi.
26. Temir yoʻl transportida tashish vaqtida maxsus yuklarni kuzatib borish va qoʻriqlash belgilangan tartibda Oʻzbekiston Respublikasi vazirliklari, idoralari va tashkilotlarining ixtisoslashtirilgan boʻlinmalari tomonidan tranzit shartlariga muvofiq ravishda va milliy qonun hujjatlari hamda davlatlararo bitimlarga asosan amalga oshiriladi.
Keyingi tahrirga qarang.
27. Avtomobil transportida maxsus yuklarni tashish belgilangan tartibda Ichki ishlar vazirligi boʻlinmalarining kuzatuvi ostida, arizachi tomonidan alohida toʻlanadigan haq evaziga amalga oshiriladi.
28. Maxsus yuklar va harbiy tarkiblarni havo transportida tashish ruxsatnomadagi yoʻnalish, vaqt va boshqa shartlarga muvofiq Mudofaa vazirligi va “Davavianazorat” inspeksiyasining doimiy ravishdagi monitoringi boʻyicha amalga oshiriladi.
Keyingi tahrirga qarang.
29. Qurol-yarogʻlar, harbiy texnika, harbiy mol-mulk va harbiy tarkiblar tranziti vaqtida Mudofaa vazirligining tegishli xizmatlari ularning Oʻzbekiston Respublikasi hududi orqali olib oʻtilishi ustidan doimiy nazoratni amalga oshiradilar.
Harbiy eshelon yoki harbiy transport (qurol-yarogʻlar, harbiy texnika va shaxsiy tarkib) Oʻzbekiston Respublikasi hududi orqali oʻtayotganda Mudofaa vazirligi shu jumladan:
harbiy eshelon yoki transportni kuzatib borayotgan qorovul va navbatchilarning qoʻriqlash xizmatini olib borishlari;
qurol va oʻq-dorilarning butligi va ularni qoʻriqlash tartibi;
qorovul shaxsiy tarkibining postdagi jadvalga muvofiq roʻyxati;
vagonlardagi plomba-tamgʻalarning butligi;
qurol-yarogʻlar va harbiy texnikaning ochiq harakatlanadigan sostav ustida toʻgʻri mahkamlanganligi, ularning hisobga olish maʼlumotlariga muvofiqligi;
texnika va yongʻin xavfsizligi qoidalariga rioya etilishi ustidan nazoratni amalga oshiradi.
30. Favqulodda vaziyatlar vazirligi tashishlar turidan qatʼi nazar, maxsus yuklarni tranzit tashuvlarining xavfsizligi ustidan nazoratni amalga oshiradi.
Oldingi tahrirga qarang.
31. Oʻzbekiston Respublikasi Sogʻliqni saqlash vazirligi, Davlat xavfsizlik xizmati, Ekologiya va atrof-muhitni muhofaza qilish davlat qoʻmitasi, “Oʻzdavtemiryoʻlnazorat” inspeksiyasi, Oʻzbekiston Respublikasi Sanoat xavfsizligi davlat qoʻmitasi hamda Oʻzbekiston avtomobil transporti agentligi oʻz vakolatlariga muvofiq nazoratni amalga oshiradilar.
(31-band Oʻzbekiston Respublikasi Vazirlar Mahkamasining 2019-yil 6-martdagi 195-sonli qarori tahririda — Qonun hujjatlari maʼlumotlari milliy bazasi, 07.03.2019-y., 09/19/195/2712-son)
Keyingi tahrirga qarang.
Oldingi tahrirga qarang.
32. Maxsus yuklar va harbiy tarkiblar tranzitiga doir xulosalar berish va nazoratni amalga oshirish boʻyicha vakolatli organlar Oʻzbekiston Respublikasi Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati va Mudofaa vazirligiga yuklar tranzit olib oʻtilayotgan joy va ularning ahvoli toʻgʻrisida axborot berib boradilar.
(32-band Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
Keyingi tahrirga qarang.
Keyingi tahrirga qarang.
Keyingi tahrirga qarang.
Oʻzbekiston Respublikasi Hukumatining qarorlariga kiritilayotgan oʻzgartirish va qoʻshimchalar
Oldingi tahrirga qarang.
(1-band Oʻzbekiston Respublikasi Vazirlar Mahkamasining 2015-yil 12-noyabrdagi 330-sonli qaroriga asosan oʻz kuchini yoʻqotgan — OʻR QHT, 2015-y., 46-son, 584-modda)
2. Vazirlar Mahkamasining “Ekologik xavfli mahsulotlar va chiqindilarni Oʻzbekiston Respublikasiga olib kirishni va ularni uning hududidan olib chiqishni tartibga solish toʻgʻrisida” 2000-yil 19-apreldagi 151-son qarori bilan tasdiqlangan Oʻzbekiston Respublikasida ishlab chiqariladigan mahsulotlarni ekologik sertifikatsiyadan oʻtkazish va ekologik xavfli mahsulotlar hamda chiqindilarni uning hududiga olib kirish va uning hududidan olib chiqishni boshqarish tartibining muqaddimasi quyidagi mazmundagi xatboshi bilan toʻldirilsin:
“Mazkur Tartibning amal qilishi belgilangan tartibda amalga oshiriladigan maxsus yuklar tranzitiga tatbiq etilmaydi”.
Keyingi tahrirga qarang.
(Oʻzbekiston Respublikasi qonun hujjatlari toʻplami, 2002-y., 3-4-son, 34-modda; 2004-y., 28-son, 321-modda, 30-son, 345-modda; 2005-y., 8-9-son, 67-modda; 2010-y., 51-son, 486 -modda; 2015-y., 46-son, 584-modda; 2017-y., 29-son, 693-modda; Qonun hujjatlari maʼlumotlari milliy bazasi, 15.11.2017-y., 09/17/915/0259-son, 01.06.2018-y., 09/18/400/1289-son, 01.06.2018-y., 09/18/396/1287-son, 11.06.2018-y., 09/18/434/1339-son, 17.12.2018-y., 09/18/1022/2328-son; 07.03.2019-y., 09/19/195/2712-son; 14.05.2019-y., 09/19/397/3123-son; 08.05.2020-y., 09/20/271/0565-son; 17.02.2021-y., 09/21/75/0121-son; Qonunchilik maʼlumotlari milliy bazasi, 18.09.2021-y., 09/21/580/0889-son; 05.04.2022-y., 09/22/153/0266-son; 18.12.2023-y., 09/23/668/0945-son; 26.07.2024-y., 09/24/434/0562-son; 05.05.2025-y., 09/25/289/0406-son)
