Hujjat kuchini yo‘qotgan " " 21.05.2021

Hujjat 12.09.2003 00 sanasi holatiga
Amaldagi versiyaga o‘tish

Oʻzbekiston Respublikasi Vazirlar Mahkamasining

KAPITAL QURILIShDA XOʻJALIK MUNOSABATLARI MEXANIZMINI TAKOMILLAShTIRISh ChORA-TADBIRLARI TOʻGʻRISIDA

LexUZ sharhi

Mazkur qaror Oʻzbekiston Respublikasi Vazirlar Mahkamasining 2021-yil 20-maydagi 321-sonli “Kapital qurilish sohasida buyurtmachi xizmati faoliyatini tubdan isloh qilish chora-tadbirlari toʻgʻrisida”gi qaroriga asosan oʻz kuchini yoʻqotgan.

Oʻzbekiston Respublikasi Prezidentining “Kapital qurilishda iqtisodiy islohotlarni yanada chuqurlashtirishning asosiy yoʻnalishlari toʻgʻrisida” 2003-yil 6-maydagi PF-3240-son Farmonini bajarish yuzasidan hamda kapital qurilishda xoʻjalik munosabatlari mexanizmini takomillashtirish, shartnoma majburiyatlariga rioya etilishi va qurilishning pirovard natijalari uchun investitsiya jarayoni qatnashchilarining javobgarligini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Davlat mulki qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari rahbarlariga Vazirlar Mahkamasining 2002-yil 26-martdagi 97-son, 2002-yil 8-oktabrdagi 347-son va 2003-yil 17-apreldagi 185-son qarorlarini pudrat qurilish tashkilotlarini, ayniqsa past rentabelli va zarar koʻrib ishlayotgan tashkilotlarni xususiylashtirish dasturlarini bajarish yuzasidan ishlarning qoniqarsiz ekanligi koʻrsatib oʻtilsin.

Oʻzbekiston Respublikasi Davlat mulki qoʻmitasi va “Davarxitektqurilish” qoʻmitasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirliklar va idoralar bilan birgalikda Hukumatning yuqorida qayd etilgan qarorlarida koʻrsatib oʻtilgan pudrat qurilish tashkilotlarini 2003-2004-yillarda xususiylashtirishni toʻliq tugallasinlar, ular negizida asosan xususiy va qoʻshma korxonalar tashkil etsinlar.

Past rentabelli va zarar koʻrib ishlayotgan pudrat qurilish tashkilotlarini xususiylashtirishda tegishli investitsiya majburiyatlari mavjud boʻlgan taqdirda obyektlarni qonun hujjatlariga muvofiq tekin berish keng qoʻllanilsin.

Pudrat qurilish tashkilotlarini xususiylashtirish boʻyicha olib borilayotgan ishlarning natijalari toʻgʻrisida yilning har choragida Vazirlar Mahkamasiga axborot berilsin.

2. 2003-2004-yillarda toʻliq xususiylashtiriladigan loyihalashtirish va qidiruv tashkilotlari roʻyxati 1-ilovaga muvofiq maʼqullansin.

Oʻzbekiston Respublikasi Davlat mulki qoʻmitasi, “Davarxitektqurilish” qoʻmitasi, Monopoliyadan chiqarish va raqobatni rivojlantirish davlat qoʻmitasi manfaatdor vazirliklar va idoralar bilan birgalikda 1-ilovada koʻrsatilgan loyiha-qidiruv tashkilotlari toʻliq xususiylashtirilishini hamda loyiha ishlari bozorida raqobat muhiti yaratilishini taʼminlasinlar.

3. Quyidagilar:

Markazlashtirilgan manbalar hisobiga qurilishni tashkil etish, moliyalashtirish va kreditlash tartibi toʻgʻrisidagi Nizom 2-ilovaga muvofiq;

Obyektlarni foydalanishga tayyor holda qurishga doir Namunaviy pudrat shartnomasi 3-ilovaga muvofiq;

Oʻzbekiston Respublikasi Investitsiya dasturini shakllantirish tartibi toʻgʻrisidagi Nizom 4-ilovaga muvofiq tasdiqlansin.

Keyingi tahrirga qarang.

4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, obyektlar qurilishini markazlashtirilgan manbalar hisobiga amalga oshirayotgan vazirliklar va idoralar 2004-yil 1-iyulgacha kapital qurilish boʻyicha budjet buyurtmachilarining faoliyat koʻrsatib turgan hududiy xizmatlarini (boshqarmalar, boʻlimlar, direksiyalarni) tugatsin hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzurida markazlashtirilgan manbalar hisobiga mablagʻ bilan taʼminlanayotgan obyektlar qurilishi uchun yagona buyurtmachi xizmatlarini tashkil etsinlar.

Obyektlarni markazlashtirilgan manbalar hisobiga qurishda yagona buyurtmachi hududiy xizmatining namunaviy tuzilmasi va Yagona buyurtmachi xizmati toʻgʻrisidagi namunaviy nizom 5 va 6-ilovalarga muvofiq maʼqullansin.

Oʻzbekiston Respublikasi Moliya vazirligi 2004-yil 1-yanvardan boshlab yagona buyurtmachi xizmatlarining shtat jadvallari va taʼminotiga xarajatlar smetasi belgilangan tartibda majburiy roʻyxatdan oʻtkazilishini taʼminlasin.

5. Oʻzbekiston Respublikasi Davlat arxitektura va qurilish qoʻmitasi 2003-yil 1-dekabrgacha boʻlgan muddatda loyiha-qidiruv ishlari qiymatini shartnomaviy joriy narxlarda belgilashning yangilangan tartibini ishlab chiqsin va tasdiqlasin, unda obyektlar qurilishining umumiy qiymatidan loyiha-qidiruv ishlari qiymatining cheklangan darajalarini belgilasin.

6. Oʻzbekiston Respublikasi Moliya vazirligi, Davlat soliq qoʻmitasi belgilangan tartibda:

pudrat qurilish tashkilotlarining davlat budjetiga, budjetdan tashqari Pensiya jamgʻarmasiga va Respublika yoʻl jamgʻarmasiga toʻlovlar boʻyicha qarzlari (shu jumladan ilgari kechiktirilgan qarzlari)ning 2003-yil 1-sentabrdagi holatiga koʻra toʻlovlarni ikki yil muddatga kechiktirgan holda, ular boʻyicha budjetga va budjetdan tashqari jamgʻarmalarga joriy toʻlovlarni oʻz vaqtida toʻlash sharti bilan keyingi ikki yil mobaynida ushbu qarzlarni har oylik teng ulushlar bilan bosqichma-bosqich qaytarish yoʻli bilan tarkibini oʻzgartirishni rasmiylashtirsinlar;

pudrat qurilish tashkilotlarining davlat budjetiga, budjetdan tashqari Pensiya jamgʻarmasiga va Respublika yoʻl jamgʻarmasiga muddati oʻtkazib yuborilgan toʻlovlari boʻyicha penya va jarimalarni 2003-yil 1-sentabrdagi holatiga koʻra hisobdan chiqarsinlar.

Belgilansinki, koʻrsatib oʻtilgan chora-tadbirlar natijasida boʻshaydigan mablagʻlar pudrat qurilish tashkilotlarining aylanma mablagʻlarini toʻldirishga yoʻnaltiriladi.

7. 2006-yil 1-yanvargacha boʻlgan davrda pudrat qurilish tashkilotlarining ular tomonidan qurilish texnikasi va asbob-uskunalar sotib olishga yoʻnaltiriladigan mablagʻlari daromad (foyda) soligʻini hisoblab chiqishda soliq solinadigan bazadan chiqarilishi belgilab qoʻyilsin.

Oʻzbekiston Respublikasi Moliya vazirligi va Davlat soliq qoʻmitasi “Davarxitektqurilish” qoʻmitasi bilan birgalikda ikki hafta muddatda pudrat qurilish tashkilotlariga soliq solish boʻyicha koʻrsatib oʻtilgan imtiyozni qoʻllash tartibini ishlab chiqsinlar va tasdiqlasinlar.

8. Oʻzbekiston Respublikasi Moliya vazirligi har yili Davlat budjeti loyihasini shakllantirishda 2004-yildan boshlab pudrat qurilish tashkilotlarining mahalliy boshqaruv organlari balansiga berilgan ijtimoiy soha muassasalari taʼminoti xarajatlarini mablagʻ bilan taʼminlash uchun ularga mablagʻlarni nazarda tutsin.

9. Oʻzbekiston Respublikasi Hukumatining 7-ilovaga muvofiq ayrim qarorlari oʻz kuchini yoʻqotgan deb hisoblansin.

10. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda amaldagi qonun hujjatlariga mazkur qarordan kelib chiquvchi oʻzgartirishlar va qoʻshimchalar toʻgʻrisida bir oy muddatda Vazirlar Mahkamasiga takliflar kiritsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov va Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2003-yil 12-sentabr,

395-son

Vazirlar Mahkamasining
2003-yil 12-sentabrdagi
395-son qaroriga
1-ILOVA

2003-2004-yillarda toʻliq xususiylashtiriladigan loyiha-qidiruv tashkilotlarining

roʻyxati

№	№	Loyiha-qidiruv tashkilotlarining nomi	joylashgan joyi	Davlat aktivlari, shu jumladan sotishga tavsiya qilinayotgan davlat ulushi(%)
1	2	3	4	5
Olmaliq kon-metallurgiya kombinati
1	1	“Oʻzrangmetloyiha AJ	Toshkent shahri	25
“Qizilqumnodirmetalloltin” davlat konserni
2	1	SredazNIPIpromtexnologiya	Toshkent shahri	100
“Oʻzkimyosanoat” kompaniyasi
3	1	“TKB AT Ximatek” AJ	Chirchiq shahri	10
4	2	“OʻzNIIximproyekt” AJ	Toshkent shahri	98
“Maxsusqotishma” respublika tashkiloti
5	1	“Ranglimetelektrloyiha” MChJ	Toshkent shahri	100
“Oʻzeltexsanoat” uyushmasi
6	1	Mikroelektronika ITI	Toshkent shahri	100
“Oʻzbekneftgaz” milliy xolding kompaniyasi
7	1	“OʻzLITIneftgaz”	Toshkent shahri	79
8	2	“Muborakneftgaz” loyihalashtirish guruhi	Muborak shahri	100
9	3	Muborak gazni qayta ishlash zavodining loyihalashtirish guruhi	Muborak shahri	100
10	4	“Urganchtransgaz” shuʼba korxonasining loyihalashtirish byurosi	Urganch shahri	100
11	5	“IGIRNIGM” AJ	Toshkent shahri	90,4
“Oʻzbekenergo” davlat-aksiyadorlik kompaniyasi
12	1	“Issiqlikelektrloyiha” AJ	Toshkent shahri	76
13	2	“Qishloqenergoloyiha” AJ	Toshkent shahri	90
14	3	Gidroproyekt OAJ	Toshkent shahri	25
15	4	“Sredazenergosetproyekt” AJ	Toshkent shahri	25
“Oʻzmevasabzavotuzumsanoat-xolding” xolding kompaniyasi
16	1	“Oʻzmevasabzavotuzumsanoatloyiha AJ	Toshkent shahri	25
Qishloq va suv xoʻjaligi vazirligi
17	1	“Oʻzqishloqloyiha” AJ	Toshkent shahri	25
18	2	“Oʻzdavsuvloyiha” instituti	Toshkent shahri	100
19	3	“Oʻzgipromeliovodxoz” instituti	Toshkent shahri	100
20	4	“Oʻzgiprovodprom” instituti	Toshkent shahri	100
“Oʻzdonmahsulot” davlat-aksiyadorlik korporatsiyasi
21	1	“Donloyiha” AJ	Toshkent shahri	100
Aloqa va axborotlashtirish agentligi
22	1	“Aloqainvest” AJ	Toshkent shahri	30
Sogʻliqni saqlash vazirligi
23	1	“Oʻzdavtibloyiha” instituti	Toshkent shahri	100
Oliy va oʻrta maxsus taʼlim vazirligi
24	1	“Oʻzoʻquvloyiha” instituti	Toshkent shahri	100
Madaniyat ishlari vazirligi
25	1	“Taʼmirshunoslik” AJ	Toshkent shahri	25
26	2	“Oʻzbekmuzeyshunoslik” IIChM	Toshkent shahri	100
Xalq taʼlimi vazirligi
27	1	“Oʻzdavlattaʼlimloyihaqurilish” instituti	Toshkent shahri	100
Matbuot va axborot agentligi
28	1	“Oʻzdavmatbuot” instituti	Toshkent shahri	100
“Davarxitektqurilish” qoʻmitasi
29	1	“OʻzLITTI” AJ	Toshkent shahri	25
30	2	“OʻzshaharsozlikLITI” AJ	Toshkent shahri	25
31	3	“OʻzGIITI” AJ	Toshkent shahri	65
32	4	“Oʻzpoʻlatqurilmaloyiha” AJ	Toshkent shahri	25
33	5	“Oʻzogʻirsanoatloyiha” AJ	Toshkent shahri	25
34	6	“ZPLITI” AJ	Toshkent shahri	90
35	7	“Oʻzmeʼmorqurilishloyiha” AJ	Toshkent shahri	25
36	8	Toshkent shahar arxitektura va qurilish bosh boshqarmasining loyihalash boʻlimi	Toshkent shahri	100
“Oʻzkommunxizmat” agentligi
37	1	“Oʻzbekkommunloyiha” instituti	Toshkent shahri	100
38	2	“Oʻzgazloyiha” loyihalashtirish instituti, shu jumladan filiallar:	Toshkent shahri	100
39	3	“Oʻzgazloyiha” institutining Qoraqalpogʻiston respublika filiali	Nukus shahri	100
40	4	“Oʻzgazloyiha” institutining Andijon viloyat ishlab chiqarish boʻlimi	Andijon shahri	100
41	5	“Oʻzgazloyiha” institutining Buxoro viloyat ishlab chiqarish boʻlimi	Buxoro shahri	100
42	6	“Oʻzgazloyiha” institutining Qashqadaryo viloyat ishlab chiqarish boʻlimi	Qarshi shahri	100
43	7	“Oʻzgazloyiha” institutining Navoiy viloyat ishlab chiqarish boʻlimi	Navoiy shahri	100
44	8	“Oʻzgazloyiha” institutining Namangan viloyat ishlab chiqarish boʻlimi	Namangan shahri	100
45	9	“Oʻzgazloyiha” institutining Samarqand viloyat ishlab-chiqarish boʻlimi	Samarqandshahri	100
46	10	“Oʻzgazloyiha” institutining Sirdaryo viloyat ishlab chiqarish boʻlimi	Guliston shahri	100
47	11	“Oʻzgazloyiha” institutining Surxondaryo viloyat kompleks loyihalashtirish boʻlimi	Termiz shahri	100
48	12	“Oʻzgazloyiha” institutining Fargʻona viloyat ishlab-chiqarish boʻlimi	Qoʻqon shahri	100
49	13	“Oʻzgazloyiha” instit�tining Xiva viloyat ishlab-chiqarish boʻlimi	Urganch shahri	100
50	14	“Taʼmirloyiha” loyihalashtirish institutining zonal filiali, shu jumladan filiallar:	Toshkent shahri	100
51	15	“Taʼmirloyiha” institutining Andijon filiali	Andijon shahri	100
52	16	“Taʼmirloyiha” institutining Jizzax filiali	Jizzax shahri	100
53	17	“Taʼmirloyiha” institutining Qashqadaryo filiali	Qarshi shahri	100
54	18	“Taʼmirloyiha” institutining Qarshi kompleks loyihalashtirish boʻlimi	Qarshi shahri	100
55	19	“Taʼmirloyiha” institutining loyihalashtirish byurosi	Namangan shahri	100
56	20	“Taʼmirloyiha” institutining Samarqand filiali	Samarqand shahri	100
57	21	“Taʼmirloyiha” institutining kompleks loyihalashtirish boʻlimi	Samarqand shahri	100
58	22	“Taʼmirloyiha” institutining zonal filiali	Urganch shahri	100
“Oʻzbekiston temir yoʻllari” davlat-aksiyadorlik kompaniya?i
59	1	“Toshtemiryoʻlloyiha” AJ	Toshkent shahri	25
Oʻzbektransqurilish” davlat uyushmasi
60	1	“Boshtransloyiha” MChJ	Toshkent shahri	100
“Oʻzqurilishmateriallari” aksiyadorlik kompaniyasi
61	1	“ToshqurilishmateriallariLITI” AJ	Toshkent shahri	25
“Oʻzavtoyoʻl” davlat-aksiyadorlik kompaniyasi
62	1	“Yoʻl-loyiha” davlat byurosi	Toshkent shahri	100
63	2	“Akva servis” unitar korxonasi	Toshkent shahri	100
64	3	“Si�atlitaʼlim” Oʻquv-loyiha institutining shuʼba korxonasi	Toshkent shahri	100
65	4	“Oʻzyoʻlloyiha” instituti	Toshkent shahri	100
66	5	“Oʻzavtoyoʻl” kompaniyasining loyihalashtirish ekspeditsiyasi	Qarshi shahri	100
67	6	“Qashqadaryoyoʻlloyiha” ekspeditsiyasining loyihalashtirish guruhi	Qarshi shahri	100
68	7	“Sirdaryoyoʻlloyiha” instituti	Guliston shahri	100
69	8	Yoʻllarni loyihalashtirish ekspeditsiyasi, Guliston shahri	Guliston shahri	100
70	9	“Namanganyoʻlloyiha” instituti	Namangan shahri	100
71	10	Tuman avtomobil yoʻllari boshqarmasining loyihalashtirish guruhi	Nurota shahri	100
72	11	“Andijonyoʻlloyiha” instituti	Andijon shahri	100
“Maishiy xizmat markazi” OAJ
73	1	“Texmaishiyloyiha” OAJ	Toshkent shahri	100
Toshkent shahar hokimligi
74	1	“Toshuyjoyloyiha” AJ	Toshkent shahri	100
75	2	“Toshgiprogor” AJ	Toshkent shahri	18
76	3	“Toshkentboshplanliti” davlat unitar korxonasi	Toshkent shahri	100
77	4	“Toshkent-tadqiqot” instituti	Toshkent shahri	100
Boshqalar
78	1	“Qoraqalpoqarxdizaynloyiha” AJ	Nukus shahri	100
79	2	“Andijonfuqaroloyiha” AJ	Andijon shahri	25
80	3	“Buxoroviloyatloyiha” AJ	Buxoro shahri	50
81	4	“OʻzgiprovodstroyQarshiloyiha” AJ	Qarshi shahri	25
82	5	Navoiy kon-metallurgiya kombinatining loyihalashtirish guruhi	Navoiy shahri	100
83	6	Zarafshon qurilish boshqarmasining loyihalashtirish guruhi	Zarafshon shahri	100
84	7	“Navoiyazot” ishlab chiqarish birlashmasining loyihalashtirish guruhi	Navoiy shahri	100
85	8	Olmaliq kon-metallurgiya kombinati OAJ loyihalashtirish guruhi	Olmaliq shahri	100
86	9	Olmaliq “Ammofos” ishlab chiqarish birlashmasining loyihalashtirish guruhi	Olmaliq shahri	100
87	10	“Elektrkimyosanoat” OAJ loyihalashtirish guruhi	Chirchiq shahri	100
88	11	“Temiryoʻlinshoottaʼmir” OAJ loyihalashtirish guruhi	Fargʻona shahri	100
89	12	Qoraqalpogʻiston Respublikasi Vazirlar Kengashi huzuridagi Yakka tartibda uy-joy �urilishini loyihalashtirish idorasi	Nukus shahri	100
90	13	Andijon viloyati arxitektura va qurilish bosh boshqarmasining loyihalashtirish guruhi	Andijon shahri	100
91	14	Buxoro viloyati Yakka tartibda uy-joy qurilishini loyihalashtirish guruhi	Bux??o shahri	100
92	15	Jizzax viloyati arxitektura va qurilish bosh boshqarmasining loyihalashtirish byurosi	Jizzax shahri	100
93	16	Arxitektura va qurilish boshqarmasi huzuridagi loyihalashtirish guruhi	Jizzax shahri	100
94	17	Toshkent viloyati arxitektura va qurilish bosh boshqarmasi huzuridagi loyihalashtirish guruhi	Toshkent shahri	100
95	18	Parkent tumani “Meʼmor” firmasi	Parkent shahri	100
96	19	Arxitektura va qurilish boshqarmasi huzuridagi loyihalashtirish guruhi	Chirchiq shahri	100
97	20	“Fargʻonafuqaroloyiha” instituti	Fargʻona shahri	100
98	21	“Giprograjdanselstroy” instituti	Termiz shahri	100
99	22	Arxitektura va qurilish boshqarmasi huzuridagi loyihalashtirish guruhi	Termiz shahri	100
100	23	Sirdaryo viloyati arxitektura va qurilish bosh boshqarmasi huzuridagi xoʻjalik hisobidagi ishlab chiqarish-loyihalashtirish boshqarmasi	Guliston shahri	100
101	24	Samarqand viloyati arxitektura va qurilish bosh boshqarmasi huzuridagi “Xits-GUAS” markazi	Samarqand shahri	100
102	25	Namangan viloyati Yakka tartibda uy-joy qurilishi boshqarmasi huzuridagi kichik korxona	Namangan shahri	100
103	26	Kosonsoy tumani arxitektura boʻlimining loyihalashtirish guruhi	Namangan shahri	100
104	27	“Samtibloyiha” loyihalashtirish ustaxonasi	Samarqand shahri	100
105	28	Samarqand viloyati arxitektura va qurilish bosh boshqarmasi huzuridagi loyihalashtirish byurosi	Samarqand shahri	100
106	29	“Oʻzqishloqqurilishloyiha”	Samarqand shahri	100
107	30	Arxitektura va qurilish boshqarmasi huzuridagi loyihalashtirish guruhi	Samarqand shahri	100
108	31	Arxitektura va qurilish boshqarmasi huzuridagi loyihalashtirish guruhi	Qarshi shahri	100
109	32	“Vilxoʻjloyiha” instituti	Qarshi shahri	100
110	33	Arxitektura va qurilish boshqarmasi huzuridagi loyihalashtirish guruhi	Shahrisabz shahri	100
111	34	“Oʻzdavqishloqloyiha” institutining Qarshi filiali	Qarshi shahri	100
112	35	Kitob tumani arxitektura va qurilish boshqarmasining arxitektura-rejalashtirish byurosi	Kitob shahri	100
113	36	Arxitektura va qurilish boshqarmasining loyihalashtirish byurosi	Navoiy shahri	100
114	37	Navoiy viloyati Arxitektura va qurilish boshqarmasining loyihalashtirish byurosi	Navoiy shahri	100
115	38	“Namanganinvestloyiha” instituti	Namangan shahri	100
116	39	“Namanganarxitektqurilish” instituti	Namangan shahri	100
117	40	“Fargʻonaagroloyiha”	Fargʻona shahri	100
118	41	“Meʼmorqurilishloyiha”	Samarqand shahri	100

Keyingi tahrirga qarang.

Vazirlar Mahkamasining
2003-yil 12-sentabrdagi
395-son qaroriga
2-ILOVA

Markazlashtirilgan manbalar hisobiga qurilishni tashkil etish, moliyalashtirish va kreditlash tartibi toʻgʻrisida

NIZOM

I. Umumiy qoidalar

1. Ushbu Nizom obyektlarni, shu jumladan foydalanishga tayyor holda quriladigan, markazlashtirilgan manbalar hisobiga mablagʻ bilan taʼminlanadigan obyektlar qurilishini tashkil etish, moliyalashtirish va kreditlash tartibini belgilaydi.

2. Ushbu Nizomning amal qilishi quyidagi markazlashtirilgan manbalarga joriy etiladi:

budjetdan ajratmalar;

Keyingi tahrirga qarang.

davlat budjeti tarkibida jamlanadigan davlat maqsadli jamgʻarmalari mablagʻlari (budjetdan tashqari Pensiya jamgʻarmasidan tashqari);

Hukumat qarorlarida belgilangan boshqa manbalar.

3. Ushbu Nizom buyurtmachi va pudratchining kelishuviga koʻra investitsiya loyihasini ushbu Nizomning 2-bandida nazarda tutilmagan mablagʻ bilan taʼminlashning boshqa manbalari hisobiga amalga oshirishda qoʻllanilishi mumkin.

4. Kapital qoʻyilmalarni qaytarish asosida budjet ajratmalari hisobidan ajratishda qarz mablagʻlarini qaytarish mexanizmi Oʻzbekiston Respublikasi Moliya vazirligi, mablagʻ bilan taʼminlovchi bank muassasasi va buyurtmachi oʻrtasida tuzilgan shartnoma bilan tartibga solib boriladi.

5. Ushbu Nizomda quyidagi asosiy tushunchalardan foydalanilgan:

mablagʻ bilan taʼminlovchi organ:

budjetdan ajratmalar boʻyicha — Oʻzbekiston Respublikasi Moliya vazirligi, Qoraqalpogʻiston Respublikasi Moliya vazirligi, viloyatlar va Toshkent shahar hokimliklari moliya boshqarmalari;

Keyingi tahrirga qarang.

davlat budjeti tarkibida jamlanadigan davlat maqsadli jamgʻarmalari mablagʻlari boʻyicha (budjetdan tashqari Pensiya jamgʻarmasidan tashqari) — jamgʻarmalarning tegishli tasarrufchilari;

Hukumat qarorlarida belgilangan boshqa manbalar boʻyicha, Oʻzbekiston Respublikasi tomonidan kafolatlangan investitsiya kreditlari bundan mustasno — ushbu manbalarning tasarrufchilari;

qurilishlarning aniq roʻyxati — obyektlar roʻyxatini, shuningdek ulardan foydalanish yoʻnalishlari boʻyicha ishlar va xarajatlar hajmini oʻz ichiga oluvchi har yili buyurtmachilar tomonidan ajratilgan limitlar doirasida tuziladigan moliyaviy hujjat;

qurilishning titul roʻyxati — qurilishning butun davriga kapital qoʻyilmalar hajmini va uni sarflash yoʻnalishlarini koʻrsatgan, uning texnik-iqtisodiy koʻrsatkichlarini aks ettirgan holda har bir obyekt boʻyicha tuziladigan moliyaviy hujjat;

loyihalovchi — loyiha va qidiruv ishlarini bajarish uchun tanlov asosida tanlab olingan tashkilot;

yetkazib beruvchi (ishlab chiqaruvchi) — tanlov asosida tanlab olingan qurilish industriyasi korxonasi, tayyorlovchi zavod yoki moddiy-texnika resurslarini, shu jumladan loyihani amalga oshirishda foydalaniladigan texnologiya va muhandislik asbob-uskunalarini ishlab chiqaruvchi va (yoki) yetkazib beruvchi jismoniy shaxs;

loyiha — tarmoq tuzilmalarini rivojlantirish va joylashtirish sxemasi, shuningdek muhandislik izlanishlari va korxonalar, inshootlarni joylashtirishning variantli ishlanmalari, uning loyiha quvvati va boshqa texnik koʻrsatkichlari asosida tuzilgan mintaqalar boʻyicha ishlab chiqarish kuchlarini rivojlantirish va joylashtirish sxemasi tarkibida bajarilgan zarur hisob-kitoblar bilan birgalikda materiallar turkumi. Kapital qurilish loyihasida quyidagi asosiy masalalar hal etiladi: xomashyo va tayyor mahsulotning transport oqimlari sxemasi, ishlab chiqarish texnologiyasi, ishlab chiqarishning ixtisoslashtirilishi va kooperatsiyasi, iqtisodiyotning turdosh tarmoqlari bilan aloqalar, ishlab chiqarishning hisob-kitobi va uni tashkil etish, ishlab chiqarishni kadrlar bilan taʼminlash, qurilish uchun ajratilgan yer uchastkasidan oqilona foydalanish, binolar va inshootlarning hajmli–rejalashtirish, arxitektura va konstruktiv yechimlari, atrof muhit muhofazasi, izdan chiqqan yerlarni tiklash (rekultivatsiya) va yer qaʼri muhofazasi, quvvatlarni oʻzlashtirish;

ish hujjatlari — alohida binolar va inshootlarga hamda ish turlariga ish chizmalari komplekti. Murakkab obyektlar boʻyicha ish hujjatlarini tuzishda loyiha materiallarini aniqlashtiruvchi qoʻshimcha ishlar amalga oshiriladi. Ularga ish chizmalari umuman binoga va inshootga ishlab chiqiladi. Ish hujjatlarida mehnat sarfi va asosiy qurilish materiallariga xarajatlar oʻzgarishining hisob-kitobi keltirilgan boʻlishi, ixtisoslashtirish tuzilishi, asbob-uskunalar va buyumlarning tegishli turlariga esa – oʻlcham sxemalari tuzilishi, bino va inshootga qurilish ish chizmalarining pasporti tuzilishi kerak. Ish hujjatlarini ishlab chiqish uchun loyihalovchiga yakka tartibda tayyorlanadigan buyurtma qilinadigan asbob-uskunalar va import asbob-uskunalar boʻyicha birlamchi maʼlumotlar beriladi.

II. Shartnomalar tuzish tartibi va shartlari

6. Obyekt qurilishiga shartnoma tanlov savdolari natijalari boʻyicha belgilangan qurilishning butun davriga yangi qurilishga, ishlab turgan korxonalarni kengaytirish, rekonstruksiya qilish va texnika bilan qayta jihozlashga (keyingi oʻrinlarda matnda kapital qurilish deb yuritiladi) tuziladi.

Shartnoma Oʻzbekiston Respublikasining Fuqarolik kodeksi, “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasi Qonuni hamda kapital qurilish sohasidagi boshqa normativ-huquqiy hujjatlar talablariga muvofiq tuziladi.

7. Markazlashtirilgan manbalar hisobiga obyektlar qurilishiga shartnomalar tuzish huquqiga ega boʻlgan tashkilot buyurtmachi hisoblanadi.

8. Markazlashtirilgan manbalar hisobiga obyektlar qurilishiga shartnoma boʻyicha pudratchilar tanlov savdolari shartlariga va tuzilgan shartnomaga muvofiq ishlar bajarilishini taʼminlashga qodir boʻlgan yuridik shaxslar boʻlishlari mumkin.

Zarurat boʻlganda qoʻshma faoliyat toʻgʻrisidagi shartnomaga muvofiq ish koʻruvchi yuridik shaxs maqomiga ega boʻlmagan yuridik shaxslarning birlashmasi qurish shartnomasi boʻyicha pudratchilar boʻlishi mumkin.

9. Buyurtmachi va pudratchi, bosh pudratchi va subpudratchilar, loyiha tashkilotlari va asbob-uskunalar, qurilish materiallari va konstruksiyalarini yetkazib beruvchilar oʻrtasidagi munosabatlar vositachi tashkilotlar va boshqa oraliq boʻgʻinlarning ishtirokisiz faqat shartnoma asosida quriladi.

Bunda ham moddiy-texnika resurslarini oʻzaro bergan holda, ham ular berilmagan holda subpudrat tashkilotlar tomonidan ishlarning bajarilishi bitta obyekt qurilishi doirasida vositachining ishi hamda moddiy-texnika resurslarini tashqariga realizatsiya qilish, deb hisoblanmaydi.

10. Pudrat shartnomasi tanlov savdolari natijalari boʻyicha aniqlangan shartnomaviy joriy narx boʻyicha belgilangan tartibda tanlov savdolari natijalari tasdiqlangandan keyin oʻn kun muddatda tuziladi.

11. Tanlov savdolari shartlariga muvofiq qurilish muddati bir kalendar yil doirasidan tashqariga chiqadigan obyektlar boʻyicha ikkinchi va keyingi yillarga ishlarning qoldiq hajmi qiymati belgilangan tartibda aniqlashtiriladi. Qoldiq qiymatning aniqlashtirilishi asosiy bosh shartnomaga ilova qilinadigan qoʻshimcha bitim bilan rasmiylashtiriladi.

12. Shartnomaga ishlar hajmining koʻpayishi yoki loyihaning oʻzgartirilishi bilan bogʻliq oʻzgartirishlar kiritilishiga yoʻl qoʻyilmaydi, qonun hujjatlarida belgilangan hollar bundan mustasno.

13. Shartnoma bekor qilingan taqdirda barcha xarajatlar va zararlar qonun hujjatlarida yoki shartnomada belgilangan tartibda qoplanadi.

14. Shartnoma tuzishda buyurtmachi va pudratchi alohida shartlar bilan qonun hujjatlariga muvofiq unda boshqa majburiyatlarni ham nazarda tutishga haqlidir.

15. Subpudratchilar va yetkazib beruvchilar (ishlab chiqaruvchilar)ni tanlash bosh pudratchi tomonidan tanlov savdolari natijalari boʻyicha tuzilgan bosh shartnoma boʻyicha majburiyatlar saqlanib qolinishi sharti bilan mustaqil amalga oshiriladi.

16. Obyektlar qurilishiga shartnoma boʻyicha majburiyatlarning bajarilishi qonun hujjatlariga muvofiq kafillik, kafolat shaklida va boshqa shakllarda taʼminlanadi.

17. Obyekt qurilishi shartnomasida aks ettiriladigan oʻzaro hisob-kitob shartlari qonun hujjatlari talablariga muvofiq belgilanadi.

III. Tomonlarning majburiyatlari va javobgarligi

18. Buyurtmachi tomonidan quyidagilar taʼminlanadi:

yer uchastkasini tanlash va ajratish, birlamchi-ruxsat beruvchi hujjatlarni va qurilish hududini tayyorlash, loyihaoldi ishlarini tashkil etish, loyihaning, ish hujjatlarining (obyektni foydalanishga tayyor holda qurish hollaridan tashqari) va tanlov hujjatlarining tasdiqlanadigan qismini kelishish, ekspertizadan oʻtkazish va tasdiqlash;

loyihalovchi va pudratchini (bosh pudratchini) tanlov savdolari orqali tanlash;

ishlarni bajarish va moliyalashtirish jadvallari bilan birgalikda shartnomalar tuzish;

qurilish obyektini davlat arxitektura-qurilish nazorati organlarida roʻyxatdan oʻtkazish;

pudratchiga qurish uchun birlamchi-ruxsat beruvchi hujjatlarni berish;

buziladigan, koʻchiriladigan yoki rekonstruksiya qilinadigan binolarda, shuningdek obyekt qurilishi hududida yashayotgan shaxslarni koʻchirish;

moliyalashtirish, pudratchi tomonidan qabul qilingan shartnoma majburiyatlariga va shartnomada qayd etilgan boshqa funksiyalarga rioya qilinishi ustidan nazorat qilish;

texnik kuzatish va obyekt qurilishi ustidan texnik nazorat qilish;

qurilishi tugallangan obyektni belgilangan tartibda foydalanish uchun qabul qilish;

kafolatli davrda aniqlangan nuqsonlar bartaraf etilishi ustidan nazorat qilish.

Buyurtmachi qonun hujjatlariga va shartnoma shartlariga muvofiq boshqa funksiyalarni ham bajaradi.

19. Pudratchi tomonidan quyidagilar taʼminlanadi:

ish hujjatlarini ishlab chiqish va uning texnologiya qismini buyurtmachi bilan kelishgan holda qurilish jarayonida (obyekt foydalanishga tayyor holda qurilganda) uni ekspert kuzatish;

ish hujjatlarini (obyekt foydalanishga tayyor holda qurilganda) texnologik izchillik va obyekt qurilishining aniq shartlari bilan bogʻliqlikda hajmlar va muddatlarda ishlab chiqarishga berish;

ishlarni bajarish jadvaliga muvofiq hamda belgilangan standartlarga, qurilish normalari va qoidalariga rioya qilgan holda tasdiqlangan loyihada nazarda tutilgan ishlarni bajarish;

shartnomaga muvofiq qurilishni asbob-uskunalar, konstruksiyalar va qurilish materiallari bilan butlash;

loyiha yechimlariga hamda qurilish normalari va qoidalariga rioya qilgan holda qurilish-montaj, maxsus va ishga tushirish-sozlash ishlarini oʻz vaqtida va sifatli bajarish;

obyektning ijroiya hujjatlarini, shu jumladan sertifikatlanishi shart boʻlgan mahsulotga muvofiqlik sertifikatlarini, foydalanilgan qurilish materiallari va asbob-uskunalarga texnik pasportlarni tuzish va buyurtmachiga berish;

tasdiqlangan loyihalarga, boshqa talablarga va shartnoma majburiyatlariga muvofiq obyektni buyurtmachiga topshirish.

Pudratchi qonun hujjatlariga va shartnoma shartlariga muvofiq boshqa funksiyalarni ham bajaradi.

20. Buyurtmachi bilan pudratchi oʻrtasidagi vazifalarni aniq taqsimlash, shuningdek ularning mulkiy javobgarligi darajasi qonun hujjatlariga va tanlov savdosi shartlariga muvofiq aniq bir pudrat shartnomasini tuzishda aniqlashtiriladi.

21. Obyektni foydalanishga qabul qilib olish belgilangan sifat standartlari hisobga olingan holda “Davarxitektqurilish” qoʻmitasi organlarining xulosasi asosida buyurtmachi tomonidan taʼminlanadi.

22. Buyurtmachi qonun hujjatlariga va shartnomaga muvofiq:

ishlarni bajarishga birlamchi–ruxsat beruvchi hujjatlar berilishi kechiktirilganligi;

geodeziya — boʻlish asoslari hamda qurilish hududiga biriktirilgan punktlar va belgilar berilishi kechiktirilganligi;

qurilishi tugallangan obyekt, uning ayrim navbatlari, ishga tushirish kompleksi, binolar, inshootlar, ishlab chiqarishga tayyorlangan mahsulotlar yoki xizmatlar shartnoma shartlariga muvofiq qabul qilib olinishi asossiz ravishda kechiktirilganligi;

shartnomaga muvofiq oʻz vaqtida mablagʻ bilan taʼminlanmaganligi, bajarilgan ishlar tasdiqlanmaganligi va ularga haq toʻlanmaganligi;

shartnomada nazarda tutilgan boshqa majburiyatlar bajarilmaganligi yoki zarur darajada bajarilmaganlgi uchun pudratchi oldida mulkiy javob beradi.

23. Pudratchi qonun hujjatlariga va shartnomaga muvofiq:

ish hujjatlari sifatsiz ishlab chiqilganligi (obyektni foydalanishga tayyor holda qurishda);

qurilish-montaj ishlari sifatsiz bajarilganligi;

obyekt, uning navbati, bosqichi qurilishi oʻz vaqtida tugallanmaganligi;

buyurtmachi bilan tuzilgan shartnomalar boʻyicha montaj tashkilotlari va boshqa ixtisoslashtirilgan tashkilotlar tomonidan amalga oshirilayotgan asbob-uskunalarni montaj qilishga moʻljallangan maydonlarni topshirish muddatlari buzilganligi (agar bu shartnoma va tanlov savdolari shartlarida nazarda tutilgan boʻlsa);

buyurtmachi bilan tuzilgan shartnomaga ilova qilingan alohida shartlarda belgilangan yerlarni rekultivatsiya qilish boʻyicha ishlar muddatlari va hajmlarining buzilganligi;

qurilish jarayonida yoki oraliq qabul qilish jarayonida buyurtmachi, mualliflik nazorati va nazorat organlari tomonidan aniqlangan ishlar va konstruksiyalarda yoʻl qoʻyilgan chala ishlar va nuqsonlarni bartaraf etish kechikkanligi;

shartnomada nazarda tutilgan boshqa majburiyatlar bajarilmaganligi yoki zarur darajada bajarilmaganligi uchun buyurtmachi oldida mulkiy javob beradi.

24. Ish pudratchi tomonidan pudrat shartnomasidan chetga chiqib yoki boshqa nuqsonlari boʻlgan holda bajarilgan hollarda buyurtmachi, agar qonun hujjatlarida yoki shartnomada oʻzgacha hol belgilanmagan boʻlsa, oʻz xohishiga koʻra pudratchidan:

nuqsonlar oqilona muddatda qoplashsiz bartaraf etilishini;

ish uchun belgilangan narx mutanosib miqdorda kamaytirilishini;

agar nuqsonlarni bartaraf etish yuzasidan buyurtmachining huquqi shartnomada nazarda tutilgan boʻlsa, nuqsonlarni bartaraf etish bilan bogʻliq xarajatlar qoplanishini talab qilishga haqlidir.

25. Pudratchi nuqsonlarni bartaraf etish oʻrniga bajarish muddati kechiktirilishi tufayli yetkazilgan zararlarni buyurtmachiga qoplagan holda ishni qaytadan tekin bajarishga haqlidir.

26. Agar pudratchi nuqsonlarni tomonlar tomonidan belgilangan muddatda bartaraf etmasa, buyurtmachi yoki foydalanuvchi tashkilot nuqsonni bartaraf etish ishlari qiymatini undirib olgan va nuqson oʻz vaqtida bartaraf etilmaganligi uchun koʻrilgan zarar qoplangan holda nuqsonni pudratchi hisobidan oʻz kuchlari bilan bartaraf etishga haqlidir.

27. Bajarilgan ishlar va koʻrsatilgan xizmatlar uchun oʻz vaqtida haq toʻlanmagan taqdirda shartnomaga muvofiq aybdor tomon boshqa tomonga qonun hujjatlarida va shartnomada belgilangan tartibda neustoyka toʻlaydi.

28. Shartnoma boʻyicha majburiyatlar bajarilmaganligi uchun mazkur Nizomda nazarda tutilgan sanksiyalardan tashqari ularni buzgan tomon boshqa tomonga u tomonidan qilingan xarajatlarda, mol-mulkning yoʻqolishi yoki shikastlanishida ifodalanadigan amaldagi zararlarni neustoyka (jarima, penya) bilan qoplanmagan summada qoplaydi.

29. Neustoyka (jarima, penya) toʻlanishi, shuningdek majburiyatlar zarur darajada bajarilmaganligi uchun zararlar qoplanishi tomonlarni shartnoma boʻyicha majburiyatlar bajarilishidan ozod etmaydi, qonun hujjatlarida nazarda tutilgan hollar bundan mustasno.

30. Buyurtmachi pudratchining aybi bilan shartnomani bekor qilishga majbur boʻlgan taqdirda, pudratchining kafili (u mavjud boʻlgan taqdirda) buyurtmachi bilan pudratchi oʻrtasida tuzilgan shartnoma shartlariga muvofiq obyekt qurilishini qurilish toʻliq tamom boʻlgungacha davom ettirish majburiyatini oʻz zimmasiga olishi yoxud unga berilgan kafolatdan kelib chiquvchi moliyaviy majburiyatlarni bajarishi mumkin.

Kafil ishni oʻz kuchlari bilan tamomlashi yoki oʻz xohishiga koʻra istalgan pudratchini jalb etgan holda tamomlashi mumkin.

IV. Obyektlarni foydalanishga tayyor holda qurishni tashkil etish

31. Obyektni foydalanishga tayyor holda qurish pudratchining loyihada nazarda tutilgan ishlarning butun hajmini, shu jumladan maxsus va ishga tushirish-sozlash ishlarini bajarish, obyektni texnologiya va muhandislik asbob-uskunalari bilan butlash boʻyicha majburiyatlarini nazarda tutadi hamda tayyor qurilish mahsuloti yaratishning yagona uzluksiz kompleks jarayoni sifatida amalga oshiriladi.

32. Obyektlarni foydalanishga tayyor holda qurishda buyurtmachi va pudratchi qatnashchilar hisoblanadi.

33. Obyektni foydalanishga tayyor holda qurish markazlashtirilgan manbalar hisobiga amalga oshiriladigan yangi qurilishda, ishlab turgan korxonani kengaytirish, rekonstruksiya qilish va texnika bilan jihozlashda majburiy hisoblanadi.

34. Loyihalarni boshqa manbalar hisobiga amalga oshirishda obyektlarni foydalanishga tayyor holda qurish tomonlarning kelishuvi boʻyicha yoki tanlov savdolari shartlariga qarab qoʻllanilishi mumkin.

35. Foydalanishga tayyor holda qurish shartnomasi boʻyicha majburiyatlarni bajarish uchun pudratchi subpudratchi tashkilotlarni jalb etishi mumkin, ularga nisbatan pudratchi bosh pudratchi hisoblanadi.

36. Qurilishni qurilish-montaj ishlarini bajarish uchun zarur boʻlgan materiallar, konstruksiyalar va buyumlar bilan, shuningdek barcha namunaviy asbob-uskunalar va apparatlar, nostandartlashtirilgan, texnologik va energetika asbob-uskunalari bilan, shu jumladan maxsus materiallar bilan taʼminlash pudratchining vazifasi hisoblanadi.

37. Pudratchi shartnomada belgilangan kafolatli davrda obyektdan loyihada nazarda tutilgan parametrlarda foydalanilishi uchun buyurtmachi oldida mulkiy javob beradi.

38. Foydalanishga tayyor holda qurishda obyektni mablagʻ bilan taʼminlash mablagʻ bilan taʼminlash jadvaliga muvofiq buyurtmachining avansi (30 foizgacha), joriy mablagʻ bilan taʼminlash (avans berish hisobga olingan holda 50 foizgacha), pudratchining oʻz mablagʻlari va bankning kreditlari hisobiga amalga oshiriladi.

39. Pudratchi bilan uzil-kesil hisob-kitob qilish buyurtmachi tomonidan qurilish tamom boʻlgandan va obyekt foydalanishga topshirilganidan, shu jumladan kredit olish va ular boʻyicha pudrat qurilish tashkilotlari tomonidan foizlar toʻlash bilan bogʻliq xarajatlar qoplangandan keyin amalga oshiriladi.

Keyingi tahrirga qarang.

40. Obyektlarni foydalanishga tayyor holda qurishda tugallanmagan ishlab chiqarish xarajatlari obyekt foydalanishga topshirilgunga qadar pudratchining balansida boʻladi va uning soliq solinadigan bazasiga kiritilmaydi.

V. Investitsiya loyihasini mablagʻ bilan taʼminlash

41. Investitsiya loyihasini markazlashtirilgan manbalar hisobiga mablagʻ bilan taʼminlash har qaysi obyekt boʻyicha ajratilgan kapital qoʻyilmalar limitlari doirasiga qatʼiy amal qilgan holda, Oʻzbekiston Respublikasi Iqtisodiyot vazirligi va Moliya vazirligi bilan kelishilgan qurilishlarning aniq moʻljalli roʻyxati va qurilishlarning belgilangan tartibda tasdiqlangan titul roʻyxati asosida amalga oshiriladi.

Keyingi tahrirga qarang.

42. Belgilangan tartibda tasdiqlangan qurilishlarning aniq moʻljalli roʻyxati kapital qoʻyilmalarning tasdiqlangan limitiga muvofiq obyektlar qurilishining aniq roʻyxatida nazarda tutilgan qurilish uchun banklarning kreditlarini jalb etishda pudratchi uchun asos boʻlib hisoblanadi.

43. Ajratilgan mablagʻlardan buyurtmachi tomonidan qurilishlarning titul roʻyxatida nazarda tutilmagan maqsadlarda foydalanilishiga yoʻl qoʻyilmaydi.

44. Mablagʻ bilan taʼminlashni ochish uchun buyurtmachi tomonidan xizmat koʻrsatuvchi bankka quyidagilar taqdim etiladi:

Keyingi tahrirga qarang.

qurilishlarning aniq moʻljalli roʻyxati (loyiha-qidiruv ishlarining aniq roʻyxati);

qurilishning titul roʻyxati;

buyurtmachi bilan pudratchi oʻrtasida tuzilgan shartnoma nusxasi;

pudrat tashkilotining qurilish tavakkalchiliklarini sugʻurtalash yuzasidan shartnomasi nusxasi;

qurilish-montaj ishlarini bajarishga “Davarxitektqurilish” qoʻmitasining ruxsati.

Keyingi tahrirga qarang.

45. Buyurtmachi va pudrat tashkiloti oʻrtasida investitsiya loyihasini amalga oshirish yuzasidan tuzilgan shartnomada va unga ilova qilinadigan mablagʻ bilan taʼminlash jadvalida quyidagilar hisobga olinishi zarur:

a) qurilishi yangidan boshlanayotgan tayyor holda foydalanishga topshiriladigan obyektlarni qurishda:

qurilishning dastlabki ikki oyi mobaynida avans toʻlovlari tanlov savdolari natijalari boʻyicha belgilangan ishlar qiymatining 30 foizigacha miqdorda teng ulushlarda ajratilishi;

jam boʻlgan holda avans toʻlovi ham hisoblanadigan avans berishni hisobga olgan holda obyekt qiymatining 50 foizgacha miqdorda joriy moliyalashtirishni amalga oshirish.

Qolgan 50 foizni joriy moliyalashtirish pudratchi tomonidan oʻz aylanma mablagʻlaridan va (yoki) jalb etilgan mablagʻlardan foydalangan holda amalga oshiriladi.

Qolgan 50 foizni pudratchiga yoʻllash buyurtmachi tomonidan obyekt qurilishi tugallangandan keyin tuzilgan shartnomaga muvofiq ikki bosqichda:

obyekt qabul qilish komissiyasi tomonidan qabul qilib olingan kundan boshlab bir oy mobaynida — kamida 45 foiz miqdorida;

shartnomada qayd etilgan kafolat muddati tamom boʻlgach — moliyaviy yil tamom boʻlishidan kechikmay 5 foizgacha miqdorda toʻlanadi;

Keyingi tahrirga qarang.

b) obyektlarni shartnoma asosida qurishda (2002-yilga oʻtuvchi obyektlar, obyektlarni foydalanishga tayyor holda qurish hollaridan tashqari): joriy oyma-oy moliyalashtirish ishlarning amalda bajarilishidan kelib chiqib 5 foiz miqdoridagi qolgan qismini shartnomada qayd etilgan kafolatli muddat tamom boʻlgandan keyin, biroq moliyaviy yil tamom boʻlishidan kechikmay toʻlagan holda obyekt qiymatining kamida 95 foizi miqdorida amalga oshiriladi.

46. Tasdiqlanadigan limitlar doirasida alohida obyektlarni mablagʻ bilan taʼminlash Yirik va strategik jihatdan muhim investitsiya loyihalarini amalga oshirish boʻyicha muvofiqlashtiruvchi kengash tomonidan tasdiqlangan alohida sxemalar boʻyicha amalga oshirilishi mumkin.

Keyingi tahrirga qarang.

47. Tasdiqlangan Investitsiya dasturi boʻyicha kapital qoʻyilmalarni moliyalashtirish limitining (avans toʻlangandan va 50 foizgacha miqdorda joriy moliyalashtirilgandan keyin) qolgan qismi tasdiqlangan limitlar doirasida markazlashtirilgan manbalar hisobiga aniq moʻljalli qurilishlar roʻyxatlarga kiritilgan obyektlarda ishlaydigan pudrat tashkilotlarini kreditlash uchun kredit resurslari hosil qilish manbai sifatida vaqtinchalik asosida, oyma-oy xizmat koʻrsatuvchi banklarga beriladi.

Keyingi tahrirga qarang.

48. Mablagʻ bilan taʼminlovchi organga buyurtmachi tomonidan quyidagilar taqdim etiladi:

qurilishlarning aniq moʻljalli roʻyxati (loyiha-qidiruv ishlarining aniq moʻljalli roʻyxati);

qurilishning titul roʻyxati;

buyurtmachi bilan pudratchi oʻrtasida tuzilgan shartnoma nusxasi;

qurilish tavakkalchiliklarini sugʻurtalash yuzasidan pudrat tashkiloti tomonidan tuzilgan shartnoma nusxasi va tanlov savdolari natijalari toʻgʻrisida buyurtmachining hisoboti;

har qaysi investitsiya loyihasini amalga oshirish uchun ochilgan moliyalashtirishning har bir hisob raqami boʻyicha bank rekvizitlari toʻgʻrisidagi maʼlumotlar.

Keyingi tahrirga qarang.

49. Mablagʻ bilan taʼminlovchi organ buyurtmachi tomonidan taqdim etilgan hujjatlar asosida ushbu Nizomda nazarda tutilgan tartibda investitsiya loyihasini mablagʻ bilan taʼminlashni amalga oshiradi.

50. Xizmat koʻrsatuvchi bank bilan hisob-kitoblarni amalga oshirish uchun buyurtmachiga har qaysi qurilish obyekti boʻyicha “talab qilib olinadigan” alohida ikkilamchi depozit hisob raqamlari (keyingi oʻrinlarda moliyalashtirish hisob raqamlari deb ataladi) ochiladi. Moliyalashtirish hisob raqamlaridan buyurtmachi taʼminoti boʻyicha xarajatlarga mablagʻ toʻlanishiga yoʻl qoʻyilmaydi.

51. Buyurtmachi taʼminotiga xarajatlar har oyda, alohida depozit hisob raqamidan belgilangan tartibda tasdiqlangan va moliyalashtiruvchi organlar tomonidan roʻyxatdan oʻtkazilgan xarajatlar smetasiga muvofiq amalga oshiriladi.

52. Pudrat tashkilotlarining tanlov savdolarida ishtirokini taʼminlash uchun tijorat banklari tomonidan, agar ularning oʻz aylanma mablagʻlari obyekt boʻyicha ishlar qiymatining 20 foizidan kamni tashkil etgan taqdirda, qurilish davomida aylanma mablagʻlarning yetishmayotgan qismini belgilangan miqdorgacha toʻldirish uchun kredit ajratish toʻgʻrisida kafillik berilishi mumkin.

53. Tanlov savdolari pudrat tashkiloti tomonidan yutib chiqilgan taqdirda unga kafolat bergan tijorat banklari ushbu tashkilotlarga qurilishning butun davrida ularni aylanma mablagʻlar bilan taʼminlash maqsadida obyektni ishga tushirish boʻyicha shartnoma majburiyatlarini bajarish uchun obyekt qiymatining 20 foizigacha boʻlgan miqdorda qonun hujjatlarida belgilangan tartibda kredit beradi.

Pudrat tashkilotiga kredit berish uchun bank tomonidan buyurtmachini moliyalashtirish hisob raqamiga xizmat koʻrsatuvchi bankning maʼlumotnomasi asosida qurilishning har bir obyektiga alohida ssuda hisob raqami ochiladi.

54. Kredit va foiz stavkalari miqdorlari, kreditni qaytarish va u boʻyicha foizlar toʻlash muddatlari va tartibi bank bilan pudrat tashkiloti oʻrtasida tuzilgan kredit shartnomasida belgilanadi.

55. Xizmat koʻrsatuvchi bank tomonidan moliyalashtirish hisob raqamidan pul mablagʻlarini oʻtkazish buyurtmachi tomonidan toʻlov topshirigʻi taqdim etilgandan keyingi kun boshlanishidan kechikmay amalga oshiriladi.

56. Xizmat koʻrsatuvchi bank qonun hujjatlariga muvofiq mablagʻlar oʻz vaqtida oʻtkazilishi uchun javob beradi.

57. Buyurtmachi toʻlov topshiriqlari qurilishning titul roʻyxatiga qatʼiy muvofiq boʻlishi uchun javob beradi.

58. Toʻlov topshiriqnomasiga bajarilgan ishlar qiymati toʻgʻrisidagi “maʼlumotnoma — schyot-faktura” ilova qilinadi.

Obyektni foydalanishga tayyor holda qurishda joriy mablagʻ bilan taʼminlash ishlarni bajarish va mablagʻ bilan taʼminlash jadvallariga muvofiq amalga oshiriladi.

59. Avans toʻlovi pudrat tashkilotining xizmat koʻrsatuvchi bankdagi talab qilib olinadigan depozit hisob raqamiga oʻtkaziladi.

60. Moliyalashtirish hisob raqamidan qurilishning titul roʻyxatiga va unda koʻrsatilgan kapital qoʻyilmalardan foydalanish yoʻnalishlariga muvofiq boʻlmagan toʻlovlarni amalga oshirish taqiqlanadi.

61. Joriy mablagʻ bilan taʼminlash mablagʻ bilan taʼminlovchi organ tomonidan amalda bajarilgan qurilish ishlari hajmi hisobga olingan holda har oyda 20-kundan kechikmay amalga oshiriladi.

VI. Oʻzaro hisob-kitob qilish tartibi

62. Investitsiya loyihasini amalga oshirish qatnashchilari oʻrtasidagi hisob-kitoblar ular oʻrtasida tuzilgan shartnomada nazarda tutilgan tartibda amalga oshiriladi.

63. Hisob-kitoblarni amalga oshirish uchun har oyda, hisobot davridan keyingi oyning 5-kunidan kechikmay, buyurtmachilar tomonidan moliya organiga mazkur Nizomga muvofiq tasdiqlovchi hujjatlar bilan birga belgilangan shakl boʻyicha markazlashtirilgan kapital qoʻyilmalardan foydalanilishi toʻgʻrisida hisobotlar taqdim etiladi.

64. Obyektni foydalanishga tayyor holda qurishda buyurtmachi tomonidan moliya organiga mablagʻ bilan taʼminlash jadvaliga muvofiq qiymatining 50 foizi doirasida obyekt qurilishiga avans berish va joriy mablagʻ bilan taʼminlash uchun mablagʻ ajratishga buyurtmanoma taqdim etiladi.

Markazlashtirilgan manbalar hisobiga amalga oshirilayotgan kapital qurilishni mablagʻ bilan taʼminlash va kreditlash sxemasi ilova qilinadi.

Markazlashtirilgan manbalar hisobiga qurilishni
tashkil etish, moliyalashtirish va kreditlash
tartibi toʻgʻrisidagi Nizomga
ILOVA

Markazlashtirilgan manbalar hisobiga amalga oshiriladigan kapital qurilishni moliyalashtirish va kreditlash

SXEMASI

Bosqichlar	Tadbirlar	Muddatlari	Masʼullar
1-bosqich	Tasdiqlangan Investitsiya dasturiga muvofiq buyurtmachilar qurilishlarning aniq va titul roʻyxatlarini, kelgusi yillar loyihalash ishlarining aniq roʻyxatlarini belgilangan tartibda kelishib oladilar va tasdiqlaydilar	10-yanvargacha	Buyurtmachilar, pudratchilar
2-bosqich	Xizmat koʻrsatuvchi bankda moliyalashtirish boshlanadi	yanvar	Buyurtmachilar, xizmat koʻrsatuvchi banklar
3-bosqich	Yilning dastlabki ikki oyida teng ulushlarda ishlar qiymatining 30 foizigacha miqdorda avans ajratiladi	yanvar-fevral	Moliyalashtiruvchi organlar, buyurtmachilar, xizmat koʻrsatuvchi banklar
4-bosqich	Obyekt moliyalashtirish va ishlarni bajarish jadvallariga muvofiq berilgan avans hisobga olingan holda obyekt qiymatining 50 foiziga miqdorda joriy moliyalashtiriladi	moliyalashtirish va ishlarni bajarish jadvallariga muvofiq	Moliyalashtiruvchi organlar, buyurtmachilar, xizmat koʻrsatuvchi banklar
5-bosqich	Pudratchi tomonidan qurilish obyekti qiymatining qolgan 50 foizini moliyalashtirish uchun xizmat koʻrsatuvchi bankda kredit rasmiylashtiriladi	moliyalashtirish va ishlarni bajarish jadvallariga muvofiq	Pudratchilar, xizmat koʻrsatuvchi banklar
6-bosqich	Qurilish obyekti qiymatining 45 foizi miqdorida haq toʻlanadi	obyekt qabul qilingan kundan boshlab bir oy mobaynida	Moliyalashtiruvchi organlar, buyurtmachilar, xizmat koʻrsatuvchi banklar
7-bosqich	Qurilish obyekti qiymatining 5 foizi miqdorida haq toʻlanadi	kafolatli muddat tugagandan keyin	Moliyalashtiruvchi organlar, buyurtmachilar, xizmat koʻrsatuvchi banklar

Keyingi tahrirga qarang.

Vazirlar Mahkamasining
2003-yil 12-sentabrdagi
395-son qaroriga
3-ILOVA

Obyektlarni foydalanishga tayyor holda qurishga doir Namunaviy pudrat shartnomasi

№		200__ yil “ ___ ” __________
Keyingi oʻrinlarda “Buyurtmachi” deb yuritiladigan ___________________________________ _____________________________________________________________________________ (buyurtmachining nomi)
nomidan_______________________________________________________________________ asosida ish koʻruvchi (ustav, nizom, ishonchnoma)
______________________________________________________________________________ bir tomondan va (rahbarning familiyasi, ismi, otasining ismi)
keyingi oʻrinlarda “Pudratchi” deb yuritiladigan _____________________________________ (yuridik shaxsning nomi)
nomidan _____________________________________________________________________ (ustav, nizom, ishonchnoma)
asosida ish koʻruvchi _____________________________________________________________ (rahbarning familiyasi, ismi, otasining ismi) ikkinchi tomondan_____________________________________________________________ (obyektning nomi)
obyektni foydalanishga tayyor holda qurishga doir mazkur pudrat shartnomasini tuzdilar.

I. Tariflar

1. Mazkur shartnomada quyidagi tariflar qoʻllaniladi:

ijro hujjatlari – naturada bajarilgan ishlar yoki ishlarni bajarish uchun masʼul boʻlgan shaxslar tomonidan ularga kiritilgan oʻzgarishlarning ushbu ishchi chizmalarga muvofiqligi toʻgʻrisidagi yozuvlar bilan birgalikda obyekt qurilishiga ishchi chizmalar turkumi, sertifikatlar, texnik pasportlar va oʻrnatilgan asbob-uskunalarning sifatini va ishlarni bajarishda qoʻllanilgan materiallar, konstruksiyalar va detallarning sifatini tasdiqlovchi boshqa hujjatlar, berkitiladigan ishlar tasdiqlanganligi toʻgʻrisidagi dalolatnomalar, ayrim masʼuliyatli konstruksiyalar oraliq davrda qabul qilinishi toʻgʻrisidagi dalolatnomalar, montaj qilingan asbob-uskunalarning yakka tartibdagi sinovi toʻgʻrisidagi dalolatnomalar, ishlarni bajarish daftarlari hamda qurilish normalari va qoidalarida nazarda tutilgan boshqa hujjatlar;

qurilish maydoni – mazkur shartnoma (kontrakt) doirasida barcha ishlarni bajarish davrida dalolatnoma boʻyicha Buyurtmachi tomonidan Pudratchiga berilgan yer uchastkasi. Obyektning qurilish maydoni chegarasi ajratib qoʻyiladi yoki bosh rejaga muvofiq belgilanadigan boshqa belgilar bilan belgilab qoʻyiladi;

vaqtinchalik inshootlar – Pudratchi tomonidan qurilish maydonida oʻrnatiladigan va ishlarni bajarish uchun zarur boʻlgan har qanday tipdagi vaqtinchalik binolar va inshootlar;

berkitiladigan ishlar – sifati va aniqligini keyingi ishlar bajarilgandan keyin aniqlash mumkin boʻlmagan keyinchalik bajariladigan ishlar va konstruksiyalar bilan berkitiladigan ishlar;

shartnoma narxini boʻlib chiqish – ishlarning har bir bosqichi va/yoki turlari qiymatini aniq belgilagan holda shartnoma boʻyicha obyektning umumiy qiymatini bosqichlarga taqsimlash.

II. Shartnoma mavzusi

2. Pudratchi mazkur shartnoma shartlariga _____________________________________________
________________________________________________________________________________
(loyihaning nomi)

loyihada koʻzda tutilgan obyektni foydalanishga tayyor holda qurish boʻyicha qurilish ishlarini bajarish majburiyatini oladi, Buyurtmachi esa Pudratchiga qurilish ishlarini bajarish uchun zarur sharoitlar yaratish, ularni qabul qilish va toʻlovni amalga oshirish majburiyatini oladi.

III. Shartnoma boʻyicha ishlar qiymati

3. Mazkur shartnoma boʻyicha Pudratchi tomonidan bajarilgan, tanlov savdosi (tender) natijasida aniqlangan va tender komissiyasining qarori (200__ yil “___”_______dagi ___-son bayonnoma) bilan tasdiqlangan ishlar qiymati barcha soliqlar, yigʻimlar va ajratmalarni oʻz ichiga olgan holda joriy narxlarda ______________________________________________

_______________________________________________________________ ni tashkil etadi.

^{(summa yozuv bilan)}

4. Ishlar qiymati uzil-kesil hisoblanadi va keyinchalik qayta koʻrib chiqilishi mumkin emas, quyidagi hollar bundan mustasno:

qurilish qiymatini koʻpaytirishga yengib boʻlmaydigan kuch (fors-major) holatlari sabab boʻlganda;

ishlar hajmi Buyurtmachi tomonidan oʻzgartirilganda;

obyektning qurilishi bir yildan ortiqqa oʻzgartirilganda.

5. Qurilish muddati bir yildan ortiq boʻlganda ikkinchi yilga va keyingi yillarga shartnomaviy narxlarni aniqlashtirish qonun hujjatlarida belgilangan tartibda amalga oshiriladi.

6. Tegishli asoslar mavjud boʻlganda, sanab oʻtilgan oʻzgarishlar Buyurtmachi bilan Pudratchi oʻrtasidagi shartnomaga qoʻshimcha bitim bilan rasmiylashtiriladi.

IV. Pudratchining majburiyatlari

7. Mazkur shartnoma boʻyicha Pudratchi mazkur shartnomaning II boʻlimida nazarda tutilgan ishlarni bajarish uchun:

barcha ishlarni mazkur shartnomada hamda unga ____—ilovaga muvofiq ishlarni bajarish jadvalida nazarda tutilgan hajmda va muddatlarda oʻzining kuchlari va/yoki jalb qilingan kuchlar bilan bajarish hamda ishni Buyurtmachiga mazkur shartnoma shartlariga muvofiq topshirish;

_____—ilovaga muvofiq qurilish maydoniga zarur qurilish materiallari, buyumlar, konstruksiyalar, asbob-uskunalar va butlovchi buyumlar, qurilish texnikasini yetkazib berish, ularni qabul qilish, tushirish, omborga joylash va saqlash;

qurilish maydoni hududida vaqtinchalik inshootlar qurish;

Buyurtmachini pudrat shartnomalari tuzilishi davomida subpudratchilar bilan shartnomalar tuzilishi, shartnoma mavzusi, subpudratchining nomi va manzili toʻgʻrisida xabardor qilish;

qurilish maydonida texnika xavfsizligi, ishlarni bajarish vaqtida atrof muhitni, oʻtqazilgan daraxtlarni va yer uchastkasini muhofaza qilish boʻyicha zarur tadbirlar bajarilishini taʼminlash, shuningdek yoritish chiroqlari oʻrnatish;

qurilish tavakkalchiliklarini sugʻurta qilish;

mazkur shartnoma boʻyicha obyektni foydalanishga qabul qilib olish toʻgʻrisidagi dalolatnoma imzolangan kundan boshlab bir oy muddatda qurilish maydonini oʻziga tegishli qurilish mashinalari va asbob-uskunalari, transport vositalari, anjomlar, priborlar, inventarlar, qurilish materiallari, buyumlar, konstruksiyalar hamda vaqtinchalik binolardan boʻshatish;

qurilish maydoni qoʻriqlanishini taʼminlash;

mazkur shartnomada nazarda tutilgan barcha majburiyatlarni toʻliq hajmda bajarish majburiyatini oʻz zimmasiga oladi.

8. Pudratchi mazkur shartnoma boʻyicha barcha ishlarning oʻz kuchlari bilan va subpudratchilar tomonidan zarur tarzda bajarilishi hamda obyektning foydalanishga tayyor holda topshirilishi uchun Buyurtmachi oldida toʻliq mulkiy javob beradi.

V. Buyurtmachining majburiyatlari

9. Mazkur shartnomani bajarish uchun Buyurtmachi:

mazkur shartnoma imzolangan kundan boshlab uch kun muddatda mazkur shartnomaga __- ilovaga muvofiq ishlarni bajarish uchun yaroqli boʻlgan qurilish maydonini obyekt qurilishi va qurilish tugallangungacha boʻlgan davrda dalolatnoma boʻyicha Pudratchiga berish;

ishlar bajarilishi ustidan doimiy arxitektura-qurilish nazoratini va mazkur shartnomada qayd etilgan Pudratchi tomonidan qabul qilingan majburiyatlar va boshqa funksiyalarga rioya etilishini nazorat qilish, Pudratchidan tugallangan ishlarni qabul qilib olishni taʼminlash;

Pudratchining barcha murojaatlarini oʻn kun muddatda koʻrib chiqish va qaror qabul qilish;

moliyalashtirish jadvaliga binoan Pudratchiga ___-ilovaga muvofiq avans berish va joriy moliyalashtirishni amalga oshirish;

mazkur shartnoma imzolangan kundan boshlab 2 oy davomida Pudratchiga ishlarni qabul qilish uchun zarur boʻlgan ijro hujjatlari roʻyxatini taqdim etish;

mazkur shartnomada nazarda tutilgan majburiyatlarni toʻliq hajmda bajarish majburiyatini oladi;

VI. Ishlarni bajarish muddatlari

10. Shartnoma:

milliy valyuta “soʻmda” oʻzaro hisob-kitob qilinganda - tomonlar uni imzolagan paytdan boshlab;

keyinchalik EAVga konvertatsiya qilgan holda milliy valyutada “soʻmda” oʻzaro hisob-kitob qilinganda - shartnoma qonun hujjatlariga muvofiq roʻyxatdan oʻtkazilgandan keyin kuchga kiradi.

11. Pudratchi mazkur shartnomaga ilova qilinadigan moliyalashtirish jadvaliga muvofiq birinchi avans toʻlovi tushgan kundan boshlab ishlarni bajarishga kirishadi.

12. Tanlov savdolari natijasi boʻyicha aniqlangan qurilishning davom etish vaqti ishlar boshlangan kundan eʼtiboran ____ kunni tashkil etadi.

13. Mazkur shartnoma boʻyicha ishlar ishlarni bajarish jadvaliga muvofiq amalga oshiriladi.

VII. Toʻlovlar va hisob-kitoblar

14. Buyurtmachi Pudratchiga shartnoma boʻyicha ishlar umumiy joriy qiymatining 30 foizi miqdorida, ikki oyga teng ulushlarga (oyiga 15 foizdan) boʻlgan holda avans oʻtkazadi, bu _____________soʻmni tashkil etadi.

15. Buyurtmachi tomonidan Pudratchiga avans berish va joriy moliyalashtirish uchun moliyalashtirish va ishlarni bajarish jadvallari asos hisoblanadi ( -ilova).

16. Joriy moliyalashtirish bajarilgan ishlar sifati tekshirilgandan keyin, berilgan avansni hisobga olgan holda, ishlarni bajarish va moliyalashtirish jadvallariga muvofiq obyektning umumiy shartnomaviy joriy qiymatining 50 foizigacha doirasida amalga oshiriladi.

17. Obyektning shartnomaviy joriy qiymatining qolgan 50 foizi uchun Buyurtmachi va Pudratchi oʻrtasidagi uzil-kesil hisob-kitob qurilish tugallangandan keyin va obyekt qabul komissiyasi tomonidan belgilangan tartibda qabul qilingandan keyin ikki bosqichda;

obyekt qabul komissiyasi tomonidan qabul qilingan kundan boshlab bir oy mobaynida - ishlar qiymatining kamida 45 foizi miqdorida;

mazkur shartnomada belgilangan kafolatli muddat tamom boʻlgandan keyin - ishlar qiymatining 5 foizigacha miqdorida, biroq moliya yili tugamasdan amalga oshiriladi.

18. Pudratchi obyekt foydalanishga topshirilgunga qadar mazkur shartnoma boʻyicha obyektga mulk huquqini oʻzida saqlab qoladi. Obyekt Buyurtmachiga topshirilgunga qadar obyektning tasodifiy yoʻq qilinishi va shikastlanishi xavfi Pudratchining zimmasida boʻladi.

19. Buyurtmachi mazkur shartnoma boʻyicha oʻz zimmasiga qabul qilgan majburiyatlarni shartnoma kuchga kirgan kundan boshlab oʻttiz kun mobaynida bajarmagan taqdirda, Pudratchi bu haqda qonun hujjatlarida belgilangan tartibda Buyurtmachini yozma ravishda xabardor qilgan holda, shartnomaga oʻzgartirishlar kiritish yoki shartnomani bir tomonlama tartibda bekor qilish huquqiga egadir. Bunda Buyurtmachi Pudratchi tomonidan bajarilgan ishlar uchun haq toʻlashdan ozod qilinmaydi.

VIII. Ishlarni bajarish

20. Buyurtmachi qurilish maydonida oʻz vakilini – texnik auditorni tayinlaydi, u Buyurtmachining nomidan bajarilayotgan ishlar sifati ustidan texnik nazoratni amalga oshiradi, shuningdek Pudratchi tomonidan foydalaniladigan materiallar va asbob-uskunalarning shartnoma shartlariga va ish hujjatlariga muvofiqligini tekshiradi.

21. Texnik auditor ishlar bajarilishining va shartnomaning butun davri mobaynida ishlarning barcha turlari bilan toʻsiqsiz tanishish huquqiga egadir.

22. Pudratchi texnik auditorni ishlash uchun joy bilan taʼminlaydi. Texnik auditor Pudratchi tomonidan oʻtkaziladigan qurilish maydonida ishlarni amalga oshirish chogʻida paydo boʻluvchi masalalarni hal qilish boʻyicha yigʻilishlarda muntazam ravishda qatnashadi.

23. Pudratchi ishlarni bajarish loyihasiga va mazkur shartnomaning VI boʻlimida koʻrsatilgan muddatlar bilan muvofiqlashtirilgan oʻz rejasi va jadvaliga binoan obyektda ishlarni bajarishni mustaqil ravishda tashkil etadi.

24. Pudratchi obyektda ishlarni olib borish tartibini davlat arxitektura-qurilish nazorati organlari bilan kelishadi va unga rioya etilishi uchun qonun hujjatlarida belgilangan tartibda javob beradi.

25. Qurilish maydonida umumiy tartibni taʼminlash Pudratchining vazifasi hisoblanadi.

26. Buyurtmachi qurilish maydonini berish toʻgʻrisidagi dalolatnoma bilan bir vaqtda Pudratchiga ortiqcha tuproq va qurilish axlatini joylashtirish va yetishmayotgan tuproqni qazib olish uchun joy ajratish toʻgʻrisidagi hujjatlarni beradi.

27. Buyurtmachi qurilish maydonini berish toʻgʻrisidagi dalolatnoma imzolangan kundan boshlab uch kun muddatda qurilish maydonini belgilash boʻyicha ishlarni bajarish va obyektni privyazka qilish uchun Pudratchiga geodeziya nuqtalari, ularning koordinatlari va balandlik belgilarini taqdim etadi.

28. Pudratchi geodeziya nuqtalariga, liniyalar va darajalarga nisbatan obyektning toʻgʻri va zarur tarzda belgilanishi, shuningdek balandlik belgilari, oʻlchamlari va boʻlish oʻqlarining muvofiqligi toʻgʻri joylashganligi uchun javob beradi.

Agar ishlarni bajarish jarayonida amalga oshirilgan boʻlish va geodeziya ishlarida xatolar aniqlansa, Pudratchi Buyurtmachi bilan kelishgan holda tegishli tuzatishlarni oʻz hisobidan kiritadi.

29. Pudratchi geodeziya boʻlish ishlarida oʻrnatiladigan koordinatlar va balandliklar, geodeziya belgilarining joylashishi sxemalari va jadvallarini saqlaydi, ishlarni bajarish davrida va ular tugallangandan keyin ularni dalolatnoma boʻyicha Buyurtmachiga beradi.

30. Qurilish maydonida ishlarni bajarish davrida kommunikatsiyalarni vaqtincha ulashni va ulash nuqtalarida yangidan qurilgan kommunikatsiyalarni ulashni Pudratchi amalga oshiradi.

31. Pudratchi oʻzi tomonidan qurilishda qoʻllaniladigan qurilish materiallari, asbob-uskunalar va butlovchi buyumlar, konstruksiyalar va tizimlar sifati loyiha hujjatlarida koʻrsatilgan spetsifikatsiyalarga, davlat standartlariga, texnik shartlarga muvofiq boʻlishini hamda ularning sifatini tasdiqlovchi tegishli sertifikatlarga, texnik pasportlarga yoki boshqa hujjatlarga ega boʻlishini kafolatlaydi.

Keyingi tahrirga qarang.

32. Alohida masʼuliyatli konstruksiyalar va berkitiladigan ishlar tayyor boʻlishiga qarab ularni qabul qilish boshlanishidan 2 kun oldin Pudratchi Buyurtmachini va “Davarxitektqurilishnazorat” inspeksiyasini yozma ravishda xabardor qiladi.

33. Qabul qilinadigan konstruksiyalar va ishlarning tayyorligi Buyurtmachi va Pudratchi tomonidan masʼul konstruksiyalarni oraliq qabul qilish dalolatnomalari hamda ularning “Davarxitektqurilishnazorat” inspeksiyasi bilan kelishgan shartlarida berkitiladigan ishlar tekshiruvi dalolatnomalari bilan tasdiqlanadi.

34. Pudratchi Buyurtmachining ishlarni bajarish daftariga kiritilgan yozma ruxsatnomasidan keyingina keyingi ishlarni bajarishga kirishadi.

35. Agar berkitiladigan ishlar Buyurtmachining tasdigʻisiz bajarilgan boʻlsa yoki u bu haqda xabardor qilinmagan boʻlsa, yoki kechikib xabardor qilingan boʻlsa, u holda uning talabi boʻyicha Pudratchi Buyurtmachining koʻrsatmasiga muvofiq berkitiladigan ishlarning istalgan qismini oʻz hisobidan ochishga, soʻngra esa uni tiklashga majburdir.

Pudratchi Buyurtmachining manfaatlariga jiddiy taʼsir qilmaydigan ish hujjatlaridan mayda chetga chiqishlarni Buyurtmachining roziligisiz amalga oshirsa, u agar bularning qurilish sifatiga taʼsir etmaganligini isbotlasa javobgar hisoblanmaydi.

36. Agar Buyurtmachi Pudratchi va (yoki) uning subpudratchilari tomonidan ishlarning sifatsiz bajarilganligini aniqlasa, u holda Pudratchi oʻz kuchlari bilan va qurilish qiymatini koʻpaytirmasdan ushbu ishlarni ularning zarur sifatini taʼminlash uchun kelishilgan muddatda qayta bajarishga majburdir, ushbu shartnoma 34-bandining ikkinchi xatboshida koʻrsatilgan hollar bundan mustasno.

Agar Pudratchi sifatsiz bajarilgan ishlarni kelishilgan muddatlarda tuzata olmasa, Pudratchi ularni tuzatishning kechikishi oqibatida yetkazilgan zararlarni Buyurtmachiga toʻlaydi.

37. Pudratchi qurilish maydonini va unga tutash koʻcha polosasini, shu jumladan yoʻl uchastkalari va yoʻlaklarni supurib-sidiradi va ozoda saqlaydi, qurilish davrida maydondan qurilish axlatini Buyurtmachi tomonidan koʻrsatilgan joyga chiqarib tashlaydi.

38. Ishlar boshlangan paytdan boshlab ular tugallangungacha Pudratchi ishlarni bajarish daftarini yuritadi. Daftarda butun ishlarning borishi, Buyurtmachi va Pudratchining oʻzaro munosabatlarida ahamiyatga ega boʻlgan hollar va holatlar (ishlarning boshlanishi va tamom boʻlishi sanasi, materiallar, asbob-uskunalar berilishi, xizmatlar koʻrsatilishi sanasi, ishlarning qabul qilib olinishi, oʻtkazilgan sinovlar, materiallar oʻz vaqtida yetkazib berilmasligi bilan bogʻliq toʻxtab qolishlar, qurilish texnikasining ishdan chiqishi toʻgʻrisidagi maʼlumotlar, shuningdek qurilishni tugallashning uzil-kesil muddatiga taʼsir qilishi mumkin boʻlgan barcha maʼlumotlar) aks ettiriladi.

Agar Buyurtmachi ishlarning borishi va sifatidan yoki Pudratchining qaydlaridan qoniqmasa, u holda ishlarni bajarish daftarida oʻz fikrini bayon qiladi.

Pudratchi daftarda Buyurtmachi tomonidan asosli ravishda koʻrsatilgan kamchiliklarni 3 kun muddatda bartaraf etish chora-tadbirlarini koʻrish majburiyatini oʻz zimmasiga oladi.

IX. Ishlarni qoʻriqlash

39. Pudratchi ishlar boshlanishidan qurilish tugallangungacha va qurilishi tugallangan obyekt Buyurtmachi tomonidan qabul qilib olingunga qadar chetlari toʻsilgan qurilish maydoni hududida materiallar, asbob-uskunalar, qurilish texnikasi va boshqa mol-mulk zarur darajada qoʻriqlanishini taʼminlaydi.

40. Tiklangan binolar va imoratlar, shuningdek materiallar, asbob-uskunalar va boshqa mol-mulk obyekt qabul qilib olinganidan keyin saqlanishi uchun Buyurtmachi javob beradi.

X. Yengib boʻlmaydigan kuch (fors-major) holatlari

41. Agar ushbu shartnoma boʻyicha majburiyatlar qisman yoki toʻliq bajarilmasligi tabiat hodisalari va boshqa yengib boʻlmaydigan kuch holatlari natijasida kelib chiqsa va agar bu holatlar mazkur shartnomaning bajarilishiga bevosita taʼsir etsa, tomonlar bunday qisman yoki toʻliq bajarmaslik uchun javobgarlikdan ozod etiladilar.

Mazkur shartnoma boʻyicha majburiyatlarni bajarish muddati yengib boʻlmaydigan kuch holatlari amal qilgan, shuningdek ushbu holatlar yuzaga keltirgan vaqtga mutanosib ravishda uzaytiriladi.

42. Agar yengib boʻlmaydigan kuch holatlari yoki ularning oqibatlari bir oydan koʻp vaqtga choʻzilsa, u holda Pudratchi va Buyurtmachi ishlarni davom ettirish yoki ularni konservatsiya qilish uchun qanday choralar koʻrilishini muhokama qiladilar.

43. Agar tomonlar ikki oy ichida kelisha olmasalar, u holda tomonlarning har biri shartnoma bekor qilinishini talab qilishga haqlidir.

XI. Qurilishi tugallangan obyektni qabul qilib olish

44. Qurilishi tugallangan obyektni qabul qilib olish shartnomani imzolash sanasida amalda boʻlgan belgilangan tartibga muvofiq mazkur shartnomada nazarda tutilgan barcha majburiyatlar tomonlar tarafidan bajarilgandan keyin, shuningdek qurilishi tugallangan obyektlarni foydalanishga qabul qilib olishning belgilangan qoidalariga binoan amalga oshiriladi.

45. Obyektlar ularning foydalanishga tayyorligi toʻgʻrisida Pudratchining yozma bildirishnomasi Buyurtmachi tomonidan olingan kundan boshlab ___kun mobaynida qabul qilib olinadi.

46. Pudratchi qurilishi tugallangan obyektni qabul qilib olish boshlanishidan 5 kun oldin mazkur shartnomaning V boʻlimiga muvofiq Buyurtmachiga Buyurtmachi tomonidan belgilangan tarkibda ikki nusxada ijro hujjatlarini beradi. Pudratchi Buyurtmachiga ushbu hujjatlar toʻplami amalda bajarilgan ishlarga toʻliq mos kelishini yozma ravishda tasdiqlashi kerak.

47. Qabul qilib olingan paytdan boshlab obyekt Buyurtmachining mulkiga aylanadi.

XII. Kafolatlar

48. Pudratchi:

barcha ishlar toʻliq hajmda va mazkur shartnoma shartlarida belgilangan muddatlarda bajarilishini;

loyiha hujjatlariga hamda qurilish meʼyorlari, qoidalari va texnik shartlariga muvofiq barcha ishlarni bajarish sifatini;

oʻzi tomonidan qurilish uchun qoʻllaniladigan qurilish materiallari, asbob-uskunalar va butlovchi buyumlar, konstruksiya va tizimlar sifatini, ularning loyiha hujjatlarida koʻrsatilgan sertifikatsiyalarga, davlat standartlariga hamda texnik shartlarga muvofiqligini;

Keyingi tahrirga qarang.

ishlarni qabul qilish va obyektdan foydalanishning kafolatli davrida aniqlangan kamchiliklar va nuqsonlarni oʻz vaqtida bartaraf qilishni;

obyektdan foydalanilganda muhandislik tizimlari va uskunalarning foydalanish qoidalariga muvofiqligini kafolatlaydi.

49. Obyekt va unga kiradigan muhandislik tizimlari, asbob-uskunalar, materiallardan foydalanish va ishlarning kafolatli muddati tomonlar qurilishi tugallangan obyektni qabul qilib olish toʻgʻrisidagi dalolatnomani imzolagan kundan boshlab kamida ___ oy etib belgilanadi. Obyekt tomining kafolatli muddati kamida ___ oy etib belgilanadi.

50. Agar obyektdan foydalanishning kafolatli davrida aniqlanib, ular bartaraf etilgunga qadar foydalanishni davom ettirish imkonini bermaydigan nuqsonlar aniqlansa, u holda kafolat muddati nuqsonlarni bartaraf etish davriga uzaytiriladi. Nuqsonlar Pudratchi tomonidan uning oʻz hisobidan bartaraf etiladi.

Mavjud nuqsonlar va ularni bartaraf etish muddatlari Pudratchi va Buyurtmachining ikki tomonlama dalolatnomasida qayd etiladi.

Agar Pudratchi bajarilgan ishlardagi nuqsonlar va chala ishlarni, jumladan uskunalarning kamchiliklarini dalolatnomada koʻrsatilgan muddat ichida bartaraf etmasa, u holda Buyurtmachi mazkur shartnomaning VII boʻlimida nazarda tutilgan kafolat summasini Pudratchidan ushlab qolish huquqiga ega.

51. Pudratchi nuqsonlar va chala ishlar koʻrsatilgan dalolatnomani tuzishdan yoki imzolashdan bosh tortgan taqdirda, ularni tekshirib chiqish “Davarxitektqurilishnazorat” organlari tomonidan amalga oshiriladi, bu tomonlarning ushbu masala boʻyicha xoʻjalik sudiga murojaat qilishini istisno etmaydi.

Keyingi tahrirga qarang.

XIII. Shartnomani bekor qilish

52. Buyurtmachi:

shartnoma kuchga kirgandan keyin qurilishning boshlanishi Buyurtmachiga bogʻliq boʻlmagan sabablarga koʻra Pudratchi tomonidan bir oydan koʻp vaqtga kechiktirilganda;

ishlarni tugatishning mazkur shartnomada belgilangan muddati Pudratchining aybi bilan bir oydan ortiq muddatga koʻpaygan holda, Pudratchi tomonidan ishlarni bajarish jadvaliga rioya etilmaganda;

Pudratchi tomonidan shartnoma shartlari qurilish meʼyorlari va qoidalarida nazarda tutilgan ishlarning sifati pasayishiga olib keladigan darajada buzilganda;

qonun hujjatlariga muvofiq boshqa asoslar boʻyicha shartnomaning bekor qilinishini talab qilish huquqiga ega.

53. Pudratchi:

ishlarning bajarilishi Pudratchiga bogʻliq boʻlmagan sabablarga koʻra Buyurtmachi tomonidan bir oydan ortiq muddatga toʻxtatib qoʻyilganda;

Buyurtmachi tomonidan moliyalashtirish shartlari bajarilmaganda;

qonun hujjatlariga muvofiq boshqa asoslar boʻyicha shartnomaning bekor qilinishini talab qilish huquqiga ega.

54. Shartnoma bekor qilinganda Buyurtmachi va Pudratchining qoʻshma qaroriga koʻra tugallanmagan qurilish bir oy muddatda Buyurtmachiga beriladi, Buyurtmachi bajarilgan ishlar qiymatini Pudratchiga toʻlaydi.

55. Mazkur shartnomani bekor qilishga qaror qilgan tomon mazkur boʻlim qoidasiga muvofiq ikkinchi tomonga yozma bildirishnoma yuboradi.

56. Shartnoma bekor qilingan taqdirda aybdor tomon ikkinchi tomonga yetkazilgan zararni, shu jumladan boy berilgan foydani toʻlaydi.

57. Shartnomaning bir tomonlama bekor qilinishiga yoʻl qoʻyilmaydi, qonun hujjatlarida yoki mazkur shartnomada nazarda tutilgan hollar bundan mustasno.

XIV. Tomonlarning mulkiy javobgarligi

58. Tomonlardan biri shartnoma majburiyatlarini bajarmagan yoki zarur darajada bajarmagan taqdirda aybdor tomon:

ikkinchi tomonga yetkazilgan zararlarni qoplaydi;

Oʻzbekiston Respublikasi Fuqarolik kodeksida, “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasi Qonunida, boshqa qonun hujjatlarida hamda mazkur shartnomada nazarda tutilgan tartibda boshqacha javobgarlikka tortiladi.

59. Mazkur shartnomaga tegishli ilovalarda koʻrsatilgan oʻz majburiyatlariga rioya qilmaganligi, oʻz vaqtida moliyalashtirmaganligi va shartnomada belgilangan boshqa majburiyatlarni buzganligi uchun Buyurtmachi Pudratchiga kechiktirilgan har bir kun uchun majburiyatlarning bajarilmagan qismining ___foizi miqdorida penya toʻlaydi, bunda penyaning umumiy summasi bajarilmagan ishlar yoki koʻrsatilmagan xizmatlar qiymatining ___foizidan oshmasligi lozim.

Penya toʻlanishi Buyurtmachini shartnoma shartlari buzilishi tufayli yetkazilgan zararni qoplashdan ozod qilmaydi.

60. Shartnomaga muvofiq bajarilgan ishlar hajmini tasdiqlashdan asossiz ravishda bosh tortganligi uchun Buyurtmachi Pudratchiga oʻzi tasdiqlashni rad etgan yoki bosh tortgan summaning ___foizi miqdorida jarima toʻlaydi.

61. Pudratchi obyektni oʻz vaqtida ishga tushirish boʻyicha oʻz majburiyatlarini buzganligi uchun Buyurtmachiga muddati oʻtkazib yuborilgan har bir kun uchun majburiyatlarning bajarilmagan qismining ___foizi miqdorida penya toʻlaydi, biroq bunda penyaning umumiy summasi obyekt shartnomaviy joriy qiymatining ___foizidan oshmasligi lozim.

Buyurtmachi tomonidan topilgan nuqsonlar va kamchiliklar oʻz vaqtida bartaraf etilmagani uchun Pudratchi buyurtmachiga muddati oʻtkazib yuborilgan har bir kun uchun sifatsiz bajarilgan ishlar qiymatining ___ foizi miqdorida penya toʻlaydi, bunda penyaning umumiy summasi sifatsiz bajarilgan ishlar qiymatining __ foizidan oshmasligi kerak.

Penya toʻlash Pudratchini ishlarni bajarishning yoki xizmatlar koʻrsatishning kechikishi tufayli yetkazilgan zararlarni qoplashdan ozod qilmaydi.

62. Agar bajarilgan ishlar sifati belgilangan standartlarga, qurilish meʼyorlari va qoidalariga, ish hujjatlariga muvofiq boʻlmasa, u holda Buyurtmachi “Davarxitektqurilishnazorat” inspeksiyasining xulosasi asosida obyektni qabul qilish va uning uchun haq toʻlashdan bosh tortishi, shuningdek Pudratchidan sifati zarur darajada boʻlmagan ishlar qiymatining ___foizi miqdorida jarima undirish huquqiga ega.

63. Shartnoma boʻyicha majburiyatlar bajarilmaganligi uchun mazkur moddada nazarda tutilgan jazolardan tashqari shartnomani buzgan tomon ikkinchi tomonga boshqa tomon tarafidan qilingan xarajatlarda, mol-mulkning yoʻqotilishi yoki shikastlanishida, shu jumladan boy berilgan foydada ifodalanadigan penya bilan qoplanmagan zararlarni qoplaydi.

64. Muddat oʻtkazib yuborilganligi yoki majburiyatlarning boshqacha tarzda zarur darajada bajarilmaganligi uchun penya toʻlash tomonlarni ushbu majburiyatlarni bajarishdan ozod qilmaydi.

XV. Nizolarni hal etish tartibi

65. Shartnomani bajarishda va bekor qilishda shuningdek yetkazilgan zararlarni qoplashda paydo boʻladigan nizoli masalalarni tomonlar hal etolmasa ular qonun hujjatlarida belgilangan tartibda xoʻjalik sudi tomonidan koʻrib chiqiladi.

Keyingi tahrirga qarang.

XVI. Alohida shartlar

66. Mazkur shartnoma imzolangandan keyin, mazkur shartnomaga tegishli boʻlgan tomonlar oʻrtasidagi barcha oldingi yozma va ogʻzaki bitimlar, yozishmalar, tomonlarning oʻzaro kelishuvlari oʻz kuchini yoʻqotadi.

67. Pudratchi qurilish obyektiga yoki uning alohida qismlariga tegishli ish hujjatlarini Buyurtmachining yozma ruxsatisiz, subpudratchilardan tashqari, biron-bir uchinchi tomonga sotish yoki berish huquqiga ega boʻlmaydi.

68. Mazkur shartnomaga barcha oʻzgartirish va qoʻshimchalar, agar ular yozma shaklda rasmiylashtirilgan va tomonlar ularni imzolashgan boʻlsa, haqiqiy hisoblanadi.

69. Buyurtmachi bilan Pudratchi oʻrtasidagi mazkur shartnomadan kelib chiqmaydigan yangi majburiyatlar paydo boʻlishiga olib keladigan har qanday ahdlashuvni tomonlar mazkur shartnomaga qoʻshimchalar yoki oʻzgartirishlar shaklida yozma ravishda tasdiqlashi kerak.

70. Agar Pudratchi shartnoma boʻyicha ishlar yakunlangandan keyin qurilish maydonida oʻziga tegishli mol-mulkni qoldirsa, u holda Buyurtmachi Pudratchi qurilish maydonini ozod qilish sanasigacha bajarilgan ishlar uchun unga haq toʻlashni kechiktirishga haqlidir.

71. Mazkur shartnomada nazarda tutilmagan boshqa barcha hollar uchun amaldagi qonun hujjatlari normalari qoʻllaniladi.

72. Mazkur shartnoma bir xil yuridik kuchga ega boʻlgan ____ nusxada tuzildi.

XVII. Tomonlarning bank rekvizitlari va yuridik manzillari:

Buyurtmachi:	Pudratchi:
M.Oʻ. (imzo)	M.Oʻ. (imzo)
Yuridik xizmat yoki jalb qilingan advokat xulosasi:
Pudrat shartnomasiga ilova qilinadigan hujjatlar roʻyxati:
1. Buyurtmachi va Pudratchining kafilligi.
2. Ishlarni (bosqichlarga boʻlgan holda) moliyalashtirish jadvali.
3. Ishlarni bajarish va asbob-uskunalarni oʻrnatish jadvali.

Keyingi tahrirga qarang.

Vazirlar Mahkamasining
2003-yil 12-sentabrdagi
395-son qaroriga
4-ILOVA

Oʻzbekiston Respublikasi Investitsiya dasturini shakllantirish tartibi toʻgʻrisida

NIZOM

I.Umumiy qoidalar

1. Mazkur Nizom Oʻzbekiston Respublikasi investitsiya dasturini shakllantirish tartibini belgilaydi.

2. Investitsiya dasturi (keyingi oʻrinlarda Dastur deb ataladi) respublika iqtisodiyotini barqaror va tadrijiy rivojlantirishga erishishga, tabiiy, mineral-xomashyo, moliyaviy, moddiy va mehnat resurslaridan oqilona foydalanish yoʻli bilan respublika ayrim tarmoqlari va mintaqalarini tarkibiy oʻzgartirishning asosiy ustuvorliklarini va strategik vazifalarini amalga oshirishga yoʻnaltirilgan bir-biri bilan oʻzaro bogʻlangan chora-tadbirlar kompleksi.

3. Dastur:

respublikani ijtimoiy-iqtisodiy rivojlantirish prognozlarining tarkibiy qismi hisoblanadi va davlat investitsiya siyosatining ustuvor yoʻnalishlarini aks ettiradi;

loyiha-qidiruv ishlaridan boshlab mamlakatni ijtimoiy-iqtisodiy rivojlantirishning umumdavlat dasturlari bajarilishini taʼminlash uchun obyektni foydalanishga topshirishgacha bosqichlarni hisobga olgan holda, investitsiya loyihalarini amalga oshirish muddatlarini va moliyalashtirish manbalarini hisobga olib, har yili Dasturning asosiy koʻrsatkichlari aniqlashtirilgan va aniq roʻyxati yangilangan holda uch yillik davrga shakllantiriladi.

4. Quyidagilar Dasturni shakllantirishning asosiy prinsiplari hisoblanadi:

investitsiya jarayonlarini boshqarish sohasida davlat siyosatini amalga oshirish, shu jumladan zarur hajmlarda, maqbul shartlarda xorijiy investitsiyalarni va kreditlarni jalb etish, shuningdek loyihalarni tanlab olishning amaliy mexanizmini shakllantirish va ularning amalga oshirilishi monitoringini olib borish asosida ulardan samarali foydalanish mexanizmini yaratish;

belgilangan davlat ustuvorliklari asosida eng muhim tarmoqlarni, ishlab chiqarishlarni va faoliyat sohalarini qoʻllab-quvvatlash;

ijtimoiy ahamiyatga ega boʻlgan tarmoqlarni (taʼlim, sogʻliqni saqlash, uy-joy-kommunal xoʻjaligi) aholi turmush darajasi va sifatini oshirishni, isteʼmol talabini faollashtirishni taʼminlovchi hajmlarda birinchi navbatda investitsiyalash;

mineral-xomashyo resurslarini va qishloq xoʻjaligi mahsulotlarini chuqur qayta ishlashni, tayyor mahsulotni tashqi bozorda raqobatbardoshli darajaga yetkazishni taʼminlashga yoʻnaltirilgan ishlab chiqarishlarni jadal rivojlantirishga qaratilgan investitsiya loyihalarini qoʻllab-quvvatlash;

transport infratuzilmasini rivojlantirish va takomillashtirish, shu jumladan trankontinental transport yoʻlaklariga integratsiyalash, logistika komplekslarini shakllantirish;

tarkibiy oʻzgartirishlar vazifalari va amalga oshirilayotgan investitsiya siyosatiga muvofiq mablagʻ qoʻyishning oʻzaro manfaatliligi asosida xorijiy sarmoyalarni jalb qilish, tomonlarning investitsiya majburiyatlari asosida shartnomalar tuzish amaliyotini joriy etish;

investitsiya loyihalarini Dasturning aniq roʻyxatiga oldindan belgilangan mezonlar asosida kiritish;

ilgari boshlangan obyektlarni tugallash uchun markazlashtirilgan investitsiyalarni birinchi navbatda ajratish.

Loyihalarni tanlab olishda ularning samaradorligi, respublika iqtisodiyoti ayrim tarmoqlarini va mintaqalarini rivojlantirish ustuvorliklari, mahsulot sotish koʻrsatkichlari, shu jumladan eksportga yoʻnatirilganlik, butlovchi buyumlar va komponentlar ishlab chiqarishni mahalliylashtirishda qatnashish va shu kabilar asosiy mezonlar hisoblanadi.

5. Dasturda loyihaning baholash qiymati, tugallanmagan qurilish va qurilishni tugallash hamda foydalanishga topshirish uchun yillar boʻyicha joriy narxlarda moliyalashtirishga ehtiyoj, moliyalashtirishning tasdiqlangan manbalari toʻgʻrisidagi maʼlumotlar koʻrsatiladi.

6. Dasturni ishlab chiqishda yirik va oʻta muhim loyihalar alohida, katta boʻlmagan bir tipdagi loyihalar yaxlit kiritilishi mumkin (masalan: maktablar, qishloq vrachlik punktlari qurilishi va boshqalar).

7. Dastur yigʻma jadvallari bilan tahliliy qismdan, aniq dasturdan va ustuvor investitsiya takliflarining yigʻma roʻyxatidan iborat boʻladi.

8. Dasturni ishlab chiqish va amalga oshirish boʻyicha barcha ishlarni Oʻzbekiston Respublikasi Iqtisodiyot vazirligi muvofiqlashtiradi.

9. Dastur Oʻzbekiston Respublikasi Vazirlar Mahkamasining tegishli qarori bilan tasdiqlanadi.

II. Dasturning tahliliy qismi

10. Tahliliy qism respublika iqtisodiyotini rivojlantirishning asosiy makroiqtisodiy koʻrsatkichlari bilan oʻzaro bogʻlangan holdagi kapital qoʻyilmalar hajmlari va moliyalashtirish manbalarini asoslashdan, Dastur samaradorligini baholash, loyihalarni tanlab olish mezonlaridan iborat boʻladi.

11. Tahliliy qism tarkibida investitsiyalarning takror ishlab chiqarish va texnologik tarkibini hisobga olgan holda umuman Dastur, iqtisodiyot sektorlari va tarmoqlari, moliyalashtirish manbalari va hududlar, amalga oshirish yillari boʻyicha kapital qoʻyilmalar tarkibi belgilanadi.

Dasturning yalpi ichki mahsulot oʻsishiga, iqtisodiyotning tarmoq va hududiy oʻzgarishiga, eksport va import tarkibiga, ishlab chiqarish quvvatlarini va ijtimoiy soha obyektlarini ishga tushirish hajmlariga taʼsirining prognozlashtirilayotgan natijalari hisob-kitob qilinadi.

12. Dasturning barcha hisob-kitoblari tadrijiy tarzda, respublikani uch yillik davrda ijtimoiy-iqtisodiy rivojlantirish prognozlari va investitsiya loyihalarining aniq dasturi asosida ishlab chiqiladi.

III. Aniq dasturni shakllantirish

13. Dasturning aniq roʻyxatiga markazlashtirilgan manbalar, Hukumat kafolati ostida beriladigan xorijiy kreditlar va toʻgʻridan toʻgʻri xorijiy investitsiyalar hisobiga amalga oshiriladigan investitsiya loyihalari kiritiladi.

14. Aniq roʻyxat:

iqtisodiyotni, ijtimoiy sohani va mamlakat mudofaa qudratini tarkibiy oʻzgartirishni taʼminlovchi respublika iqtisodiyoti ustuvor yoʻnalishlarini rivojlantirish dasturlarini moliyalashtirishga yoʻnaltiriladigan markazlashtirilgan investitsiyalar limitlaridan;

xorijiy investitsiyalar va Hukumat kafolati ostidagi kreditlarni jalb etgan holda amalga oshiriladigan investitsiya loyihalarining aniq dasturidan;

toʻgʻridan toʻgʻri xorijiy investitsiyalar va kreditlarni jalb etgan holda amalga oshiriladigan investitsiya loyihalarining aniq dasturidan;

ustuvor investitsiya takliflarining yigʻma roʻyxatidan iborat boʻladi.

15. Ijtimoiy soha obyektlarining prognozlashtirilayotgan hajmlari Dasturga yiriklashtirilgan, buyurtmachilar va obyektlar boʻyicha taqsimlamagan holda kiritiladi.

16. Quyidagilar loyihalarni amalga oshirishning birinchi yilida ularni aniq dasturga kiritishning majburiy shartlari hisoblanadi:

belgilangan tartibda tasdiqlangan loyihaning (investitsiya loyihasining texnik-iqtisodiy asoslashlari, texnik-iqtisodiy hisob-kitoblari) mavjud boʻlishi;

moliyalashtirish manbalarining va kreditlarning shartnomada belgilangan muddatda qaytarilishining tasdiqlanishi.

17. Aniq dasturni shakllantirish jarayoni har bir loyiha boʻyicha mufassal axborot tayyorlash, loyihani ustuvorligi boʻyicha tanlab olish va roʻyxatni shakllantirishdan iborat boʻladi.

18. Har bir loyiha (loyihalar guruhi) boʻyicha axborot buyurtmachi tomonidan tayyorlanadi hamda unda quyidagilar boʻladi:

belgilangan shakldagi loyiha pasporti;

loyihani amalga oshirish reja-jadvali;

aniq dasturni shakllantirish sanasida loyihani amalga oshirishning holati toʻgʻrisidagi mufassal axborot.

19. Loyihaning pasporti:

texnik tavsifnomani;

atrof muhitga taʼsirni baholashni;

ishlab chiqarish va ijtimoiy mulohazalarga koʻra samaradorlikni va amalga oshirish imkoniyatlarini baholashni, tashkiliy tadbirlarning koʻlamini;

mahsulotga talab hajmi va xususiyatini;

yechimning muqobil variantlari mavjudligini, shu jumladan faoliyat koʻrsatayotgan korxonalarni rekonstruksiya qilish yoʻli bilan;

asosiy materiallar va ishchi kuchi resurslarining mavjudligini;

investitsiya xarajatlari miqdorlarini oʻz ichiga oladi.

20. Aniq loyiha uni amalga oshirish maqsadga muvofiqligidan, uning iqtisodiy va moliyaviy samaradorligidan, ishlab chiqarish va ijtimoiy mulohazalarga koʻra amalga oshirish imkoniyatlari va maqbulligidan, tarmoqni rivojlantirishning strategik vazifalariga muvofiqligidan kelib chiqqan holda bosqichma-bosqich tanlab olinadi:

birinchi bosqichda — loyiha aniq tarmoq va mintaqani rivojlantirish ustuvorliklaridan kelib chiqqan holda oldindan baholanadi;

ikkinchi bosqichda — loyiha iqtisodiyotning ayrim tarmoqlari va mintaqalarni rivojlantirish ustuvorliklaridan kelib chiqqan holda tanlab olinadi.

21. Aniq dasturga iqtisodiy jihatdan samarasiz loyihalarni, shuningdek ilgari jalb qilingan kreditlar boʻyicha muddati oʻtkazib yuborilgan qarzi boʻlgan korxonalar loyihalarini kiritish taqiqlanadi.

22. Quyidagilar birinchi bosqichda loyihaning ustuvorligini belgilashning mezonlari hisoblanadi:

loyihaning tarmoqni rivojlantirish strategiyasiga muvofiqligi;

moliyaviy va iqtisodiy samaradorlik;

mahalliy xomashyodan va butlovchi buyumlardan foydalanish darajasi;

tayyorlangan mutaxassislarning mavjudligi;

loyihaning amalga oshirishga tayyorlanganligi darajasi;

ishga tushirilgandan keyin foydalanish xarajatlari.

23. Har bir mezonning muhimligi darajasi tarmoqni rivojlantirish strategiyasini hisobga olgan holda Oʻzbekiston Respublikasi Iqtisodiyot vazirligi tomonidan belgilanadi.

24. Ikkinchi bosqichda uch yillik davrda respublika iqtisodiyotidagi tarkibiy oʻzgartirishlar prognoziga muvofiq qoʻshimcha ravishda quyidagi mezonlar hisobga olinadi:

tarmoq (mintaqa)ning istiqboldagi prognoz oʻsish surʼatlari;

eksport salohiyatining prognoz oʻsish surʼatlari;

tarmoqning umuman respublika boʻyicha makroiqtisodiy koʻrsatkichlarga taʼsirining oʻzgarishi;

tarkibiy omillar;

ilgari qoʻyilgan investitsiyalar samaradorligi;

asosiy fondlar ahvoli va quvvatlardan foydalanish darajasi;

loyihaning ijtimoiy ahamiyati.

25. Ikki bosqichda tanlab olish natijalariga koʻra Dasturga kiritiladigan obyektlarning aniq dasturi shakllantiriladi.

26. Dasturni va investitsiya loyihalarini amalga oshirishning birinchi yili koʻrsatkichlari mavjud moliyaviy resurslar va boshqa resurslar bilan oʻzaro bogʻlangan boʻlishi kerak hamda birinchi moliyaviy yilda oʻzgartirilmaydi.

27. Dasturni va investitsiya loyihalarini amalga oshirishning ikkinchi va keyingi yillari koʻrsatkichlari har yili aniqlashtirilishi kerak, bunda boshlanmagan loyihalarning bir qismi yangi loyihalarga almashtirilishi mumkin.

IV. Ustuvor investitsiya takliflarining yigʻma roʻyxatini shakllantirish

28. Yigʻma roʻyxatga vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, mulkchilik shakllaridan qatʼi nazar, korxonalar va tashkilotlarning ustuvor investitsiya takliflari kiritiladi.

V. Qurilishlarning aniq va titul roʻyxatlarini shakllantirish

29. Buyurtmachilar tasdiqlangan Investitsiya dasturi asosida vakolatli banklarda moliyalashtirishni rasmiylashtirish uchun har yili qurilishlarning aniq roʻyxatini va Dasturni amalga oshirishning ikkinchi va uchinchi yillariga kiritilgan obyektlar boʻyicha loyiha-qidiruv ishlarining aniq roʻyxatini aniqlashtiradilar.

Markazlashtirilgan manbalar va davlat korxonalari mablagʻlari hisobiga amalga oshiriladigan qurilishlarning aniq roʻyxatlari Iqtisodiyot vazirligi va Moliya vazirligi bilan kelishgan holda investorlar (buyurtmachilar) tomonidan tasdiqlanadi.

30. Boshqa manbalar hisobiga amalga oshiriladigan qurilishlarning aniq roʻyxatlari investorlar (buyurtmachilar) tomonidan mustaqil ravishda tasdiqlanadi.

31. Kredit resurslarini jalb etgan holda amalga oshirilayotgan investitsiya loyihalarining aniq roʻyxatlari tegishli kredit shartnomasi yoki kreditlovchi bankning yozma roziligi mavjud boʻlganda tasdiqlanadi.

32. Qurilishlarning aniq roʻyxati birinchi yil mobaynida tanlov savdolari yoki Yirik va strategik muhim investitsiya loyihalarini amalga oshirishni muvofiqlashtirish kengashining alohida qarorlari boʻyicha aniqlashtirilishi mumkin.

Keyingi tahrirga qarang.

33. Istisno hollarda, Oʻzbekiston Respublikasi Iqtisodiyot vazirligi va Moliya vazirligi bilan kelishgan holda tanlov savdolari natijalariga koʻra “boshqa xarajatlar” limiti hisobiga asbob-uskunalar xarid qilish limiti aniqlashtirilishiga yoʻl qoʻyiladi.

34. Qurilishning titul roʻyxati tasdiqlangan limitlar doirasida qurilishning butun davriga tuziladi va Investitsiya dasturi tasdiqlangandan keyin 2 oydan kechiktirilmasdan tanlov savdolari natijalariga koʻra shakllantiriladi.

35. Qurilishning titul roʻyxati investor (buyurtmachi) tomonidan pudratchi bilan kelishgan holda tasdiqlanadi.

36. Qurilishning tasdiqlangan titul roʻyxatida kapital qoʻyilmalar limitlari umuman investitsiya loyihasini amalga oshirish uchun nazarda tutiladi, bunda qurilish-montaj ishlari, asbob-uskunalar xarid qilish, loyiha-qidiruv ishlari xarajatlari va boshqa xarajatlar (pudratchi va buyurtmachi xarajatlari alohida koʻrsatiladi) qurilish yillari boʻyicha taqsimlangan holda ajratib koʻrsatiladi.

37. Tanlov savdolari natijalariga koʻra belgilangan qurilish qiymati birinchi moliyaviy yilda xarajatlar qiymati ortishi prognozini hisobga olishi kerak.

38. Birinchi moliyaviy yilda qurilishning titul roʻyxatida loyiha-qidiruv, qurilish-montaj ishlari koʻrsatkichlari aniqlashtirilishiga yoʻl qoʻyilmaydi.

VI. Investitsiya dasturini shakllantirish muddatlari

39. Uch yillik Dasturni shakllantirish jarayoni bir yillik siklga ega boʻladi hamda yangilangan Dasturni har yilning oxirigacha tayyorlashni taʼminlovchi ilovaga muvofiq qatʼiy jadvalga tayanadi.

Investitsiya dasturiga kiritish uchun takliflar tayyorlashda buyurtmachilar quyidagi tartibga amal qilishlari kerak:

Dasturni amalga oshirishning birinchi yiliga kelgusi yillar loyiha-qidiruv ishlarining aniq roʻyxati va moliyalashtirish bilan taʼminlangan (kelgusi yilga oʻtuvchi va yangidan boshlanayotgan) qurilishlarning aniq roʻyxati tuziladi;

Dasturni amalga oshirishning ikkinchi yiliga unga kelgusi yillar loyiha-qidiruv ishlarining aniq roʻyxati va birinchi yildan oʻtuvchi qurilishlarning prognoz roʻyxati va Dasturni amalga oshirishning birinchi yilida loyiha hujjatlari tayyorlangan va tasdiqlangan, birinchi yilda tanlov savdolariga tayyorlanadigan yangidan boshlanadigan obyektlar kiritiladi;

Dasturni amalga oshirishning uchinchi yiliga unga kelgusi yillar loyiha-qidiruv ishlarining aniq roʻyxati va tanlov savdolari natijalariga koʻra belgilangan amalga oshirish muddatlarini hisobga olgan holda qiymati belgilangan tartibda aniqlashtirilgan birinchi va ikkinchi yildan oʻtuvchi qurilishlarning prognoz roʻyxati, loyiha hujjatlari ikkinchi yilda tayyorlanadigan va tasdiqlanadigan yangidan boshlanadigan obyektlar kiritiladi.

VII. Dasturni moliyalashtirish

40. Quyidagilar Dasturni moliyalashtirish manbalari hisoblanadi:

a) markazlashtirilgan investitsiyalar, ular quyidagilarni oʻz ichiga oladi:

davlat budjeti mablagʻlari;

davlat budjetidan tashqari fondlar mablagʻlari;

Hukumat kafolati ostida beriladigan xorijiy kreditlar;

Hukumat qarorlariga koʻra belgilanadigan boshqa manbalar;

b) markazlashtirilmagan investitsiyalar, ular quyidagilarni oʻz ichiga oladi:

mulkchilikning barcha shakllaridagi korxonalar mablagʻlari;

tijorat banklarining, shu jumladan xorijiy tijorat banklarning kreditlari;

jismoniy shaxslar, shu jumladan xorijiy jismoniy shaxslar mablagʻlari;

qonun hujjatlariga zid boʻlmagan boshqa manbalar.

41. Markazlashtirilgan investitsiyalar respublika xalq xoʻjaligini tarkibiy qayta qurishni, respublikaning ishlab chiqarish va noishlab chiqarish salohiyatini saqlab qolish va rivojlantirishni, amalga oshirish moliyalashtirishning boshqa manbalari hisobiga mumkin boʻlmagan ijtimoiy muammolarni va boshqa muammolarni hal etishni taʼminlovchi respublika iqtisodiyotining ustuvor yoʻnalishlarida asosiy fondlarni yaratish va koʻpaytirish uchun foydalaniladi.

42. Markazlashtirilgan investitsiyalar faqat:

respublika iqtisodiyotining ustuvor yoʻnalishlarida davlat maqsadli dasturlarini va davlatlararo bitimlarni amalga oshirishga;

aholining ehtiyojmand qatlamlarini davlat tomonidan ijtimoiy muhofaza qilishni taʼminlash uchun uy-joy qurilishiga;

suv xoʻjaligi qurilishiga;

aholi yashaydigan joylarning muhandislik infratuzilmasini rivojlantirishga;

fan, taʼlim, sogʻliqni saqlash, sport, madaniyat va ijtimoiy infratuzilmaning boshqa tarmoqlari obyektlari qurilishiga;

davlat boshqaruvi organlari, mudofaa va huquqni muhofaza qilish organlarining moddiy-texnika bazasini rivojlantirish va mustahkamlashga;

umumdavlat tabiatni muhofaza qilish tadbirlarini amalga oshirishga va tabiiy ofatlardan himoya qilish inshootlari qurilishiga ajratiladi.

VIII. Dasturning amalga oshirilishi monitoringi

43. Dasturning amalga oshirilishi monitoringi Oʻzbekiston Respublikasi Vazirlar Mahkamasining 2000-yil 4-yanvardagi 1-son qarori bilan tasdiqlangan Oʻzbekiston Respublikasi Investitsiya dasturiga kiritilgan loyihalarning amalga oshrilishi ustidan davlat monitoringi toʻgʻrisidagi Nizomga muvofiq amalga oshiriladi.

44. Dasturining davlat monitoringi:

investitsiya loyihalarini, va birinchi navbatda, markazlashtirilgan investitsiyalardan foydalangan holda roʻyobga chiqarilayotgan investitsiya loyihalarini oʻz vaqtida va samarali amalga oshirilishini taʼminlash;

loyihalarning belgilangan tartibda tasdiqlangan parametrlariga (texnik-iqtisodiy asoslashlar, texnik-iqtisodiy hisob-kitoblar), tanlov savdolari (tenderlar) shartlariga rioya qilish;

amalga oshirilayotgan loyihalar boʻyicha axborot bazasini shakllantirish;

investitsiya loyihalarini amalga oshirishda paydo boʻladigan muammoli masalalarni kuzatib borish;

investitsiya iqlimini takomillashtirish yuzasidan takliflar ishlab chiqish maqsadida amalga oshiriladi.

45. Monitoring har oyda statistika hisoboti va soʻrov yoʻli bilan Iqtisodiyot vazirligi tomonidan amalga oshiriladi.

Keyingi tahrirga qarang.

46. Monitoring natijalari Dasturning amalga oshirilishi toʻgʻrisidagi har choraklik axborotlarni tayyorlashda hamda navbatdagi uch yillik davrga Dasturni shakllantirishda foydalaniladi.

Oʻzbekiston Respublikasi Investitsiya
dasturini shakllantirish tartibi
toʻgʻrisidagi Nizomga
ILOVA

Oʻzbekiston Respublikasi Investitsiya dasturini shakllantirish

SXEMASI

Bosqichlar	Tadbirlar	Muddatlari	Masʼullar
1-bosqich	Iqtisodiyot vazirligi uch yillik davrga Oʻzbekiston Respublikasi Investitsiya dasturiga kiritish uchun takliflarni tayyorlashga oid metodik koʻrsatmalarni tarmoq vazirliklari va idoralari,	aprel	Iqtisodiyot vazirligi
2-bosqich	Buyurmachilar loyihalar boʻyicha dastlabki axborotni tayyorlaydi, ularni uch yillik davrda amalga oshirish uchun tanlab oladilar va takliflarni Iqtisodiyot vazirligiga taqdim etadilar	may—iyun	Buyurtmachilar
3-bosqich	Iqtisodiyot vazirligi taklifl�rni koʻrib chiqadi va oʻrtacha muddatli davrda aniq tarmoqni rivojlantirish ustuvorliklariga muvofiq loyihalarni tanlab oladi	iyun—iyul	Iqtisodiyot vazirligining tarmoq boʻlimlari
4-bosqich	Iqtisodiyot vazirligi Moliya vazirligi, Tashqi iqtisodiy aloqalar agentligi, “Davarxitektqurilish” qoʻmitasi va vakolatli banklar bilan birgalikda Investitsiya dasturiga kiritiladigan loyihalarni uzil-kesil tanlab oladi	avgust—sentyabr	Iqtisodiyot vazirligi, Moliya vazirligi, Tashqi iqtisodiy aloqalar agentligi, “Davarxitektqurilish” qoʻmitasi, vakolatli banklar
5-bosqich	Investitsiya dasturining loyihasi Iqtisodiyot vazirligi huzuridagi Birlashgan hayʼat tomonidan koʻrib chiqiladi va uning qaroriga koʻra ishlab chiqish va Vazirlar Mahkamasining komplekslari bilan kelishish uchun Tashqi iqtisodiy aloqalar va xorijiy investitsiyalar departamentiga taqdim etiladi	sentyabr	�qtisodiyot vazirligi huzuridagi Birlashgan hayʼat, Vazirlar Mahkamasining komplekslari
6-bosqich	Investitsiya dasturining loyihasiga Vazirlar Mahkamasi komplekslarining takliflari hisobga olingan holda tuzatish kiritiladi	sentyabr—oktyabr	Iqtisodiyot vazirligi
7-bosqich	Investitsiya dasturining loyihasi tasdiqlash uchun Vazirlar Mahkamasiga kiritiladi	oktyabr	Vazirlar Mahkamasining Tashqi iqtisodiy aloqalar va xorijiy investitsiyalar departamenti
8-bosqich	Investitsiya dasturini amalga oshirishning birinchi yiliga kiritiladigan yangidan boshlanadigan obyektlar boʻyicha tanlov savdolari oʻtkaziladi	oktyabr—noyabr	“Davarxitektqurilish” qoʻmitasi, buyurtmach�lar
9-bosqich	Tasdiqlangan Investitsiya dasturiga va oʻtkazilgan tanlov savdolariga muvofiq belgilangan tartibda shartnomalar tuziladi, qurilishlarning aniq va titul roʻyxatlari, kelgusi yillar loyihalash ishlarining aniq roʻyxatlari tasdiqlanadi	dekabr	Buyurtmachilar, pudratchilar

Keyingi tahrirga qarang.

Vazirlar Mahkamasining
2003-yil 12-sentabrdagi
395-son qaroriga
5-ILOVA

Obyektlarni markazlashtirilgan manbalar hisobiga qurishda yagona buyurtmachi hududiy xizmatining

namunaviy tuzilmasi

Keyingi tahrirga qarang.

Vazirlar Mahkamasining
2003-yil 12-sentabrdagi
395-son qaroriga
6-ILOVA

Obyektlarni markazlashtirilgan manbalar hisobiga qurishda yagona buyurtmachi xizmati toʻgʻrisida

namunaviy nizom

I. Umumiy qoidalar

1. Obyektlarni markazlashtirilgan manbalar hisobiga qurishda yagona buyurtmachi xizmati (keyingi oʻrinlarda Buyurtmachi xizmati deb ataladi) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasining ayrim vazirliklari va idoralari tomonidan tashkil etiladi.

Buyurtmachi xizmati markazlashtirilgan manbalar hisobiga qurilayotgan obyektlar qurilishini boshqarish va texnik kuzatuv funksiyalarini amalga oshirish maqsadida tashkil etiladi.

Mintaqa hududida yoki vazirliklar va idoralar tarkibida markazlashtirilgan manbalar hisobiga obyektlar qurilishini amalga oshiruvchi parallel ish koʻruvchi buyurtmachi xizmatlari tashkil etilishiga yoʻl qoʻyilmaydi.

2. Buyurtmachi xizmati funksiyalari buyurtmachilarning mintaqalarda faoliyat koʻrsatayotgan budjetdan taʼminlanuvchi xizmatlarini (KQBB, KQB, KQB va boshqalar) yagona organ tarzida birlashtirish negizida yuridik shaxs sifatida tashkil etiladigan injiniring kompaniyalari (keyingi oʻrinlarda Kompaniya deb ataladi) amalga oshiriladi.

3. Kompaniya obyektlarning, pudratchilar bilan tanlov savdolari natijalariga koʻra va qonun hujjatlariga muvofiq tuziladigan shartnomalar asosida boshqa obyektlarning foydalanishga tayyor holda qurilishini taʼminlaydilar.

4. Kompaniya tuzilgan shartnomalarga muvofiq oʻz vakolatiga kiruvchi masalalar boʻyicha investitsiya jarayoni qatnashchilari ishini muvofiqlashtiradi.

5. Kompaniya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisining qarorlariga, Oʻzbekiston Respublikasi Prezidentining farmonlari va farmoyishlariga, Vazirlar Mahkamasi qarorlari va farmoyishlariga, yuqori turuvchi organning qarorlariga hamda mazkur Nizomga amal qiladi.

6. Kompaniya Oʻzbekiston Respublikasi Davlat gerbi tasviri tushirilgan, oʻz nomi davlat tilida yozilgan muhrga, belgilangan namunadagi shtamplar va blankalarga ega boʻladi.

7. Kompaniya toʻgʻrisidagi nizom (uning ustavi) uni tashkil etgan organning qarori bilan tasdiqlanadi.

II. Buyurtmachi xizmatining asosiy vazifalari

8. Quyidagilar Buyurtmachi xizmati (Kompaniya)ning asosiy vazifalari hisoblanadi:

ishlab chiqarish quvvatlarini va ijtimoiy soha obyektlarini moʻljallangan muddatlarda foydalanishga topshirish prognozining bajarilishini taʼminlash;

loyiha yechimlarining samaradorligini taʼminlash, arxitektura va shaharsozlik darajasi talablariga rioya qilish;

kapital qoʻyilmalar samaradorligini oshirish, investitsiya sikli muddatlarini qisqartirish.

III. Buyurtmachi xizmatining asosiy funksiyalari

9. Yuklangan vazifalarga muvofiq Buyurtmachi xizmati (Kompaniya) quyidagi funksiyalarni bajaradi:

a) prognozlashtirish sohasida:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralarning topshirigʻiga koʻra uch yillik davrda respublika Investitsiya dasturiga kiritilgan loyihalarning parametrlarini aniqlashtirish hamda keyinchalik belgilangan tartibda Oʻzbekiston Respublikasi Iqtisodiyot vazirligiga taqdim etish uchun unga yangi loyihalarni kiritish boʻyicha takliflar tayyorlaydi;

Keyingi tahrirga qarang.