|
Hujjat 19.04.2003 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
XUSUSIYLASHTIRILGAN KORXONALARNI KORPORATIV BOSHQARISHNI TAKOMILLASHTIRISH CHORA-TADBIRLARI TOʻGʻRISIDA
Oʻzbekiston Respublikasi Prezidentining “Oʻzbekiston iqtisodiyotida xususiy sektorning ulushi va ahamiyatini tubdan oshirish chora-tadbirlari toʻgʻrisida” 2003-yil 24-yanvardagi PF-3202-son Farmonini bajarish yuzasidan hamda xususiylashtirilgan korxonalarda korporativ boshqarish prinsiplarini yanada joriy etish maqsadida Vazirlar Mahkamasi qaror qiladi:
1. Quyidagilar:
Aksiyadorlik jamiyatining kuzatuvchi kengashi toʻgʻrisidagi Namunaviy nizom 1-ilovaga muvofiq;
Keyingi tahrirga qarang.
Davlatning aksiyadorlik jamiyatlaridagi ishonchli vakili toʻgʻrisidagi Nizom 2-ilovaga muvofiq;
Boshqaruvchi kompaniyalar toʻgʻrisidagi Nizom 3-ilovaga muvofiq;
Keyingi tahrirga qarang.
Aksiyadorlik jamiyati ijro etuvchi organining rahbarini yollash toʻgʻrisidagi Namunaviy mehnat shartnomasi 4-ilovaga muvofiq tasdiqlansin.
Keyingi tahrirga qarang.
Keyingi tahrirga qarang.
2. Vazirlar Mahkamasi Komplekslari Xususiylashtirilgan korxonalarni boshqarishni takomillashtirish masalalari boʻyicha maxsus komissiya, Oʻzbekiston Respublikasi Adliya vazirligi bilan birgalikda 2003-yil 1-iyulgacha boʻlgan muddatda uyushmalar, korporatsiyalar, kompaniyalar, boshqa xoʻjalik birlashmalarining taʼsis hujjatlarini Prezidentning 2003-yil 24-yanvardagi PF-3202-son Farmoni talablariga muvofiqlashtirsinlar, bunda ularning tarkibiga kiruvchi korxonalarning amaliy faoliyatiga asossiz aralashish imkonini beruvchi qoidalar istisno etilishini nazarda tutsinlar.
Zarurat boʻlganda Vazirlar Mahkamasiga Hukumatning alohida xoʻjalik birlashmalari faoliyatini tashkil etish masalalarini tartibga soluvchi qarorlariga oʻzgartirishlar kiritish yuzasidan takliflar taqdim etilsin.
3. Oʻzbekiston Respublikasi Davlat mulki qoʻmitasi:
2003-2004-yillarda aksiyalar (ulushlar, paylar)ning davlat paketlarini tanlov asosida professional boshqaruvchi kompaniyalarga ishonchli boshqaruvga bosqichma-bosqich berish jadvalini bir oy muddatda ishlab chiqsin va tasdiqlasin;
2003-yil 1-iyulgacha mulkida davlat ulushi 26 foizni va undan koʻproqni tashkil etadigan aksiyadorlik jamiyatlarining davlat aktivlarini boshqarish boʻyicha davlatning ishonchli vakillari bilan aksiyadorlik jamiyatlari professional boshqaruvchi kompaniyalarga ishonchli boshqaruvga berilgan muddatgacha amal qiladigan shartnomalar tuzsin;
zarurat boʻlganda aksiyadorlik jamiyatlarining ustav fondidagi 25 foiz va undan kam miqdordagi davlat aktivlarini boshqarish yuzasidan ishonchli boshqaruvchilar bilan tuzilgan shartnomalarni Vazirlar Mahkamasining “2003-2004-yillarda korxonalarni davlat tasarrufidan chiqarish va xususiylashtirish dasturi toʻgʻrisida” 2003-yil 17-apreldagi 185-son qaroriga muvofiq ular birja va birjadan tashqari bozorlarda toʻliq sotilgungacha boʻlgan davrga uzaytirsin.
4. Belgilab qoʻyilsinki:
taftish komissiyasi aʼzolari oʻz faoliyatining ularning ushbu aksiyadorlik jamiyatlaridagi yollash boʻyicha mehnat faoliyati bilan birga qoʻshib olib borilishiga yoʻl qoʻyilmaydi;
aksiyalar (ulushlar, paylar)ning davlat paketlari qiymatini baholash, yakka tartibdagi loyihalar boʻyicha xususiylashtiriladigan korxonalardan tashqari, baholash tashkilotlari tomonidan qonun hujjatlariga muvofiq amalga oshiriladi va ularni sotishda Oʻzbekiston Respublikasi Davlat mulki qoʻmitasi tomonidan boshlangʻich narx sifatida belgilanadi;
Keyingi tahrirga qarang.
aksiyalar (ulushlar)ning davlat paketlarini boshqarish xarajatlari aksiyalar (ulushlar)ning davlat paketlariga hisoblangan dividendlarning bir qismi hisobiga, ular boʻlmagan taqdirda esa — davlat tasarrufidan chiqarish va xususiylashtirishdan tushadigan umumiy mablagʻlar hisobiga amalga oshiriladi.
Keyingi tahrirga qarang.
Oʻzbekiston Respublikasi Davlat mulki qoʻmitasi, Moliya vazirligi Adliya vazirligi bilan birgalikda bir oy muddatda davlat aktivlarini boshqarish xizmatlariga haq toʻlash tartibini ishlab chiqsinlar va tasdiqlasinlar.
5. Belgilansinki, 2003-yil 1-fevraldagi holatiga koʻra ustav fondi Oʻzbekiston Respublikasi Markaziy bankining kursi boʻyicha 50 ming AQSh dollaridan kam miqdorda boʻlgan ilgari tashkil etilgan aksiyadorlik jamiyatlari 2004-yil 1-yanvargacha oʻz ustav fondlarini qayta roʻyxatdan oʻtkazish sanasida koʻrsatib oʻtilgan summadan kam boʻlmagan miqdorga keltirishlari yoxud belgilangan tartibda boshqa tashkiliy-huquqiy shakllarga aylantirilishi shart.
Keyingi tahrirga qarang.
6. Oʻzbekiston Respublikasi Hukumatining 5-ilovaga muvofiq qarorlariga oʻzgartirish va qoʻshimchalar kiritilsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2003-yil 19-aprel,
189-son
Aksiyadorlik jamiyatining Kuzatuvchi kengashi toʻgʻrisida
NAMUNAVIY NIZOM
I. UMUMIY QOIDALAR
1. Mazkur Nizomda aksiyadorlik jamiyatining Kuzatuvchi kengashini (keyingi oʻrinlarda matnda “Kuzatuvchi kengash” deb yuritiladi) tashkil etish va uning faoliyat tartibini, aʼzolarini saylashni, shuningdek ularning huquq va majburiyatlarini belgilab beruvchi namunaviy normalar mavjud.
Keyingi tahrirga qarang.
Muayyan bir aksiyadorlik jamiyatining Kuzatuvchi kengashi toʻgʻrisidagi Nizom mazkur aksiyadorlik jamiyatining umumiy yigʻilishi tomonidan tasdiqlanadi.
2. Kuzatuvchi kengash jamiyat faoliyatiga umumiy rahbarlikni amalga oshiradi, qonun va ustavda faqat aksiyadorlarning umumiy yigʻilishi vakolatiga kiritilgan masalalar bundan mustasnodir.
Ovoz beruvchi aksiyalarga egalik qiluvchi aksiyadorlar soni oʻttiztadan kam boʻlgan jamiyatda jamiyat ustavida Kuzatuvchi kengash funksiyalari Aksiyadorlar umumiy yigʻilishiga yuklanishi mumkin. Ushbu holda jamiyat ustavida Aksiyadorlarning umumiy yigʻilishini oʻtkazish toʻgʻrisidagi masalani hal etish vakolatiga tegishli boʻlgan jamiyatning muayyan shaxsi yoki organi toʻgʻrisidagi koʻrsatma mavjud boʻlishi kerak.
3. Jamiyat Kuzatuvchi kengashining son tarkibi ustavda yoki Aksiyadorlar umumiy yigʻilishining qarori bilan belgilanadi. Oddiy (odatdagi) yoki boshqa ovoz beruvchi aksiyalarga egalik qiluvchi aksiyadorlar soni 500 dan ortiq boʻlgan ochiq aksiyadorlik jamiyati uchun Kuzatuvchi kengashning son tarkibi yettita aʼzodan kam boʻlishi mumkin emas, oddiy (odatdagi) yoki boshqa ovoz beruvchi aksiyalarga egalik qiluvchi aksiyadorlar 1000 dan ortiq boʻlgan jamiyat uchun esa kamida toʻqqizta aʼzodan kam boʻlishi mumkin emas.
II. Kuzatuvchi kengashning vakolatlari
4. Kuzatuvchi kengash vakolatlariga quyidagilar tegishlidir:
jamiyat faoliyatining ustuvor yoʻnalishlarini belgilash;
jamiyat aksiyadorlarining yillik va navbatdan tashqari Umumiy yigʻilishlarini chaqirish, “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Oʻzbekiston Respublikasi Qonuni 72-moddasining oʻn birinchi qismida nazarda tutilgan hollar bundan mustasno;
Aksiyadorlarning umumiy yigʻilishi kun tartibini tayyorlash;
Umumiy yigʻilishda qatnashish huquqiga ega boʻlgan aksiyadorlar roʻyxatini tuzish sanasini belgilash, shuningdek Aksiyadorlarning umumiy yigʻilishini tashkil etish va oʻtkazish bilan bogʻliq boshqa masalalarni hal etish;
Aksiyadorlarning umumiy yigʻilishi koʻrib chiqishi uchun jamiyat ustaviga oʻzgartirish va qoʻshimchalar kiritish yoki yangi tahrirdagi ustavni tasdiqlash va jamiyat auditorini tasdiqlash toʻgʻrisidagi masalalarni kiritish;
agar jamiyat ustaviga muvofiq yoki Aksiyadorlar umumiy yigʻilishining qarori bilan unga bunday huquq berilgan boʻlsa, aksiyalarning nominal qiymatini eʼlon qilingan aksiyalarning soni va turlari doirasida koʻpaytirish yoʻli bilan jamiyatning ustav fondi miqdorini koʻpaytirish;
agar jamiyat ustavida boshqacha hol nazarda tutilmagan boʻlsa, obligatsiyalar va qimmatli qogʻozlarni joylashtirish;
mol-mulkning bozor qiymatini belgilash;
qonunda nazarda tutilgan hollarda jamiyat tomonidan joylashtirilgan aksiyalar, obligatsiyalar va boshqa qimmatli qogʻozlarni sotib olish toʻgʻrisida qaror qabul qilish, agar jamiyat ustavi yoki uning Umumiy yigʻilishi qaroriga muvofiq unga bunday huquq berilgan boʻlsa;
jamiyat ijro etuvchi organini tuzish (saylash, tayinlash, yollash va boshqalar), uning vakolatlarini muddatidan oldin toʻxtatish, agar jamiyat ustavida bu uning vakolatlariga tegishli boʻlsa;
aksiyadorlik jamiyati nomidan ijro etuvchi organ rahbari (Boshqaruv raisi, direktor)ni va kollegial ijro etuvchi organ (Boshqaruv, Direksiya) aʼzolarini bir yil muddatga yollash toʻgʻrisida mehnat shartnomasi tuzish;
yillik biznes-rejalarni tasdiqlash, agar jamiyat ustavida ushbu masalani hal etish uning vakolatiga tegishli boʻlsa yoki Aksiyadorlar umumiy yigʻilishining qarori bilan ushbu masala unga topshirilgan boʻlsa;
Keyingi tahrirga qarang.
ijro etuvchi organga toʻlanadigan taqdirlash puli va kompensatsiyalar miqdorlarini belgilash, agar jamiyat ustavida bu uning vakolatiga tegishli deb topilgan boʻlsa;
jamiyat taftish komissiyasi aʼzolari (taftishchi)ga toʻlanadigan taqdirlash haqi va kompensatsiyalar miqdori boʻyicha tavsiyalar berish va auditor xizmatlariga toʻlovlar miqdorini belgilash;
aksiyalar yuzasidan dividendlar miqdori va ularni toʻlash tartibi boʻyicha tavsiyalar berish;
jamiyatning zaxira va boshqa jamgʻarmalaridan foydalanish;
jamiyatni boshqarish organlari faoliyati tartibini belgilovchi hujjatlarni tasdiqlash;
jamiyat filiallarini tashkil etish va uning vakolatxonalarini ochish;
jamiyatning shoʻba va boʻysunuvchi korxonalarini tashkil etish;
“Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Oʻzbekiston Respublikasi Qonunining VIII boʻlimida nazarda tutilgan hollarda mol-mulkni sotib olish va begonalashtirish bilan bogʻliq yirik bitishuvlarni tuzish;
“Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Oʻzbekiston Respublikasi Qonunining IX boʻlimida nazarda tutilgan hollarda sodir etilishidan manfaatdorlik mavjud boʻlgan bitishuvlarni tuzish;
jamiyat ijro etuvchi organi faoliyatiga tegishli boʻlgan har qanday hujjatlarni toʻsiqsiz olish va Kuzatuvchi kengashga yuklangan majburiyatlarni bajarish uchun ularni ijro etuvchi organdan talab qilib olish. Olingan hujjatlar Kuzatuvchi kengash va uning aʼzolari tomonidan faqat xizmat maqsadlarida foydalaniladi;
yillik biznes-reja bajarilishining borishi toʻgʻrisida jamiyat ijro etuvchi rahbarining hisobotlarini har chorakda eshitish hamda yakka boshchilik qiluvchi ijro etuvchi organ, jamiyat kollegial ijro etuvchi organining rahbari, boshqaruvchi tashkilot yoki boshqaruvchi tomonidan jamiyat yillik biznes-rejasining tasdiqlangan parametrlari qoʻpol ravishda buzilgan yoki ularni bajarish barbod qilingan taqdirda, ular bilan tuzilgan shartnomalarni muddatidan oldin toʻxtatish;
yakka boshchilik qiluvchi ijro etuvchi organ (direktor), jamiyat kollegial ijro etuvchi organining rahbari (boshqaruv, direksiya), boshqaruvchi tashkilot yoki boshqaruvchi tomonidan shartnoma shartlari buzilgan taqdirda ular bilan tuzilgan shartnomalarni bekor qilish, agar ustavga muvofiq unga bunday huquq berilgan boʻlsa;
qonun va jamiyat ustavi bilan Kuzatuvchi kengash vakolatiga kiritilgan boshqa masalalarni hal qilish.
Jamiyatning Kuzatuvchi kengashi vakolatiga kiritilgan masalalar hal etish uchun jamiyatning ijro etuvchi organiga berilishi mumkin emas.
Keyingi tahrirga qarang.
III. Kuzatuvchi kengashni saylash
Keyingi tahrirga qarang.
5. Jamiyatning Kuzatuvchi kengashi raisini saylash qonunda va jamiyat ustavida nazarda tutilgan tartibda Aksiyadorlarning umumiy yigʻilishi tomonidan amalga oshiriladi.
Keyingi tahrirga qarang.
Keyingi tahrirga qarang.
6. Jamiyat Kuzatuvchi kengashi aʼzolari tarkibiga saylangan shaxslar cheklanmagan holda qayta saylanishlari mumkin. Aksiyadorlar umumiy yigʻilishining qarori boʻyicha jamiyat Kuzatuvchi kengashi har qanday aʼzosi (barcha aʼzolari)ning vakolatlari muddatidan oldin toʻxtatilishi mumkin.
Keyingi tahrirga qarang.
7. Ustav fondida davlatning ulushi 25 foizdan ortiq boʻlgan aksiyadorlik jamiyatidagi davlatning ishonchli vakili lavozimiga koʻra aksiyadorlik jamiyati Kuzatuvchi kengashi aʼzosi hisoblanadi, Aksiyadorlarning umumiy yigʻilishi tomonidan saylanishi (qayta saylanishi) mumkin emas.
Keyingi tahrirga qarang.
8. Jamiyat ijro etuvchi organi aʼzolari Kuzatuvchi kengashga saylanishi mumkin emas. Jamiyat Kuzatuvchi kengashi aʼzolarining faoliyatini ularning ushbu jamiyatda mehnat shartnomasi (kontrakt) boʻyicha faoliyati bilan qoʻshib olib borishiga yoʻl qoʻyilmaydi.
Kuzatuvchi kengashga qonunda nazarda tutilgan tartibda ushbu jamiyatning aksiyadorlari hisoblanmagan shaxslar ham saylanishi mumkin.
9. Jamiyat Kuzatuvchi kengashi tarkibiga saylash uchun nomzodlarga qoʻyiladigan talablar ustav yoki Aksiyadorlarning umumiy yigʻilishi qarori bilan belgilanadi.
10. Aksiyador oʻziga tegishli aksiyalar boʻyicha ovozlarni toʻliq bir nomzodga berishga yoki ularni jamiyat Kuzatuvchi kengashi aʼzoligiga bir necha nomzodlar oʻrtasida taqsimlashga haqlidir.
11. Ovozlarning eng koʻp sonini olgan nomzodlar Kuzatuvchi kengash tarkibiga saylangan deb hisoblanadi.
Keyingi tahrirga qarang.
IV. Kuzatuvchi kengash raisi
12. Jamiyat Kuzatuvchi kengashi raisi, agar jamiyat ustavida oʻzgacha hol nazarda tutilmagan boʻlsa, Kuzatuvchi kengash aʼzolari tomonidan uning tarkibidan Kuzatuvchi kengashga saylangan aʼzolar umumiy sonining koʻpchilik ovozi bilan saylanadi.
Keyingi tahrirga qarang.
13. Jamiyatning Kuzatuvchi kengashi oʻz raisini Kuzatuvchi kengash aʼzolari umumiy sonining koʻpchilik ovozi bilan qayta saylashga haqlidir, agar jamiyat ustavida boshqacha hol nazarda tutilmagan boʻlsa.
14. Jamiyatning Kuzatuvchi kengashi raisi, agar jamiyat ustavida oʻzgacha hol nazarda tutilmagan boʻlsa, uning ishini tashkil etadi, Kuzatuvchi kengash majlislarini chaqiradi va unga raislik qiladi, majlislarda protokol yuritilishini tashkil etadi, Aksiyadorlar umumiy yigʻilishini ochadi va unda raislik qiladi.
15. Jamiyat Kuzatuvchi kengashining raisi yoʻq boʻlgan hollarda uning vazifasini Kuzatuvchi kengash aʼzolaridan biri bajaradi.
16. Kuzatuvchi kengash raisi, agar Kuzatuvchi kengashning qarori bilan ushbu vakolatlar boshqa shaxsga yuklanmagan boʻlsa, yakka boshchilik qiluvchi ijro etuvchi organ (direktor), kollegial ijro etuvchi organ (boshqaruv, direksiya) rahbari va aʼzolari, boshqaruvchi tashkilot yoki boshqaruvchi bilan tuzilgan shartnomalarni jamiyat nomidan imzolaydi.
V. Kuzatuvchi kengash majlisi
17. Jamiyat Kuzatuvchi kengashining majlisi Kuzatuvchi kengash raisining oʻz tashabbusi bilan, Kuzatuvchi kengash, taftish komissiyasi aʼzosi yoki auditorning, jamiyatning ijro etuvchi organi, shuningdek jamiyat ustavida belgilangan boshqa shaxslarning talabiga koʻra chaqiriladi.
Jamiyatning ustavida Kuzatuvchi kengash majlisini chaqirish va uni oʻtkazish tartibi belgilanadi. Kuzatuvchi kengash majlisi, qoidaga koʻra, yil choragida kamida bir marta toʻplanadi.
Keyingi tahrirga qarang.
18. Kuzatuvchi kengash yigʻilishini oʻtkazish uchun kvorum jamiyat ustavida belgilanadi, lekin u Kuzatuvchi kengash saylangan aʼzolari umumiy sonining 75 foizidan kam boʻlmasligi kerak.
Keyingi tahrirga qarang.
19. Kuzatuvchi kengash aʼzolari soni ustavda nazarda tutilgan 75 foizdan kam boʻlib qolgan hollarda Kuzatuvchi kengashning yangi tarkibini saylash uchun jamiyat aksiyadorlarning favqulodda (navbatdan tashqari) Umumiy yigʻilishini chaqirishga majburdir. Kuzatuvchi kengashning qolgan aʼzolari faqat aksiyadorlarning ana shunday favqulodda (navbatdan tashqari) Umumiy yigʻilishini chaqirish toʻgʻrisida qaror qabul qilishga haqlidir.
20. Jamiyat Kuzatuvchi kengashi majlisidagi qarorlar, agar “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonunda va jamiyat ustavida oʻzgacha hol nazarda tutilmagan boʻlsa, majlisda qatnashayotganlarning koʻpchilik ovozi bilan qabul qilinadi. Jamiyat Kuzatuvchi kengashi majlisida masalalar boʻyicha qarorlar qabul qilishda Kuzatuvchi kengashning har bir aʼzosi bir ovozga ega boʻladi.
Keyingi tahrirga qarang.
21. Jamiyat Kuzatuvchi kengashi bir aʼzosining ovozni Kuzatuvchi kengashning boshqa aʼzosiga berishiga yoʻl qoʻyilmaydi.
22. Jamiyat Kuzatuvchi kengashi majlislarida protokol yuritiladi. Kuzatuvchi kengash majlisining protokoli yigʻilish oʻtkazilgandan soʻng 10 kundan kechiktirilmay tuziladi.
23. Majlis protokolida:
uni oʻtkazish joyi va vaqti;
majlisda qatnashuvchi shaxslar;
majlis kun tartibi;
ovoz berishga qoʻyilgan masalalar, ular boʻyicha ovoz berish yakuni;
qabul qilingan qarorlar koʻrsatiladi.
24. Jamiyat Kuzatuvchi kengashi majlisi protokoli yigʻilishga raislik qiluvchi tomonidan imzolanadi, u protokolning toʻgʻriligi uchun javob beradi.
Keyingi tahrirga qarang.
VI. Kuzatuvchi kengash aʼzolarining huquq va majburiyatlari
25. Kuzatuvchi kengash aʼzosi quyidagi huquqlarga ega:
Kuzatuvchi kengash majlisida shaxsan qatnashish, yigʻilishda muhokama qilinayotgan masala yuzasidan reglament bilan ajratilgan vaqt doirasida soʻzga chiqish;
Kuzatuvchi kengash qaroriga koʻra muayyan davrda aksiyadorlik jamiyatining faoliyati, uni rivojlantirish rejalari toʻgʻrisida axborot olish;
Kuzatuvchi kengashda ishlaganlik uchun (agar taqdirlash puli toʻlash jamiyat aksiyadorlarining Umumiy yigʻilishi qarorida nazarda tutilgan boʻlsa), taqdirlash puli va (yoki) xarajatlarning kompensatsiyasini olish.
Kuzatuvchi kengash aʼzolari oʻrtasida vazifalarni taqsimlash Kuzatuvchi kengash raisi tomonidan Kuzatuvchi kengashning har bir aʼzosi uchun aniq amalga oshiriladi. Kuzatuvchi kengashning har bir aʼzosi uchun taqdirlash puli miqdori faoliyat samaradorligiga qarab Aksiyadorlar umumiy yigʻilishi tomonidan belgilanadi.
26. Kuzatuvchi kengashning jamiyat bitishuv tuzishidan manfaatdor boʻlgan aʼzosi oʻz manfaatdorligi toʻgʻrisida Kuzatuvchi kengashga bitishuv tuzilishi paytigacha maʼlum qilishi shart, bitishuv toʻgʻrisidagi qaror esa Kuzatuvchi kengash tomonidan, qonunda nazarda tutilgan hollarda, tegishli ravishda Kuzatuvchi kengash aʼzolari yoki bunday manfaatdorligi boʻlmagan aksiyadorlarning koʻpchilik ovozi bilan Aksiyadorlarning umumiy yigʻilishi tomonidan qabul qilinadi.
Keyingi tahrirga qarang.
27. Kuzatuvchi kengash aʼzolari, agar ular, ularning er-xotinlari, ota-onalari, bolalari, aka-ukalari, opa-singillari, shuningdek ularning affilyatsiya qilingan barcha shaxslari:
bunday bitishuvning tomonlari hisoblansalar yoki unda vakil yoki vositachi sifatida qatnashsalar;
bitishuvlarning tomoni hisoblangan yoki unda vakil yoki vositachi sifatida qatnashadigan yuridik shaxsning yigirma yoki undan koʻp aksiyalari (ulushlar, paylari) foiziga ega boʻlsalar:
bitishuv tomoni hisoblangan yoki unda vakil yoki vositachi sifatida qatnashadigan yuridik shaxsning boshqaruv organlarida lavozimni egallab turgan boʻlsalar, shaxsiy manfaatdorlikka ega hisoblanadilar.
28. Kuzatuvchi kengash aʼzolari Kuzatuvchi kengash tomonidan u yoki bu qarorlarni qabul qilishga taʼsir koʻrsatganlik uchun bevosita yoki bilvosita haq olish huquqiga ega emas.
29. Kuzatuvchi kengash aʼzolari aksiyadorlik jamiyati imkoniyatlari (mulkiy va nomulkiy huquqlar, xoʻjalik faoliyati sohasidagi imkoniyatlar, aksiyadorlik jamiyatining faoliyati va rejalari toʻgʻrisidagi axborot)dan shaxsiy boylik orttirish maqsadida foydalanish huquqiga ega emas.
30. Kuzatuvchi kengash aʼzolari oʻzlarining lavozim majburiyatlarini halol, shuningdek aksiyadorlik jamiyati manfaatlari yoʻlida ular eng yaxshi deb hisoblaydigan usul bilan amalga oshirishga majburdirlar.
VII. Kuzatuvchi kengash aʼzolarining javobgarligi
31. Jamiyat Kuzatuvchi kengashining aʼzolari aksiyadorlik jamiyati oldida qonun hujjatlariga va jamiyat ustaviga muvofiq javob beradilar. Bunda ovoz berishda qatnashmagan yoki jamiyatga zarar yetkazuvchi qarorga qarshi ovoz bergan jamiyat Kuzatuvchi kengashi aʼzolari javobgarlikdan ozod qilinadi.
32. Jamiyat yoki jamiyatning joylashtirilgan oddiy aksiyalarining umuman olganda kamida bir foiziga ega boʻlgan aksiyador (aksiyadorlar) jamiyatga yetkazilgan zararlarni qoplash toʻgʻrisida Kuzatuvchi kengash aʼzosiga nisbatan daʼvo bilan sudga murojaat qilishga haqlidir.
Keyingi tahrirga qarang.
Davlatning aksiyadorlik jamiyatlaridagi ishonchli vakillari toʻgʻrisida
Keyingi tahrirga qarang.
NIZOM
I. Umumiy qoidalar
1. Ushbu Nizom davlatning ishonchli vakilining asosiy vazifalari, huquqlari va majburiyatlarini, ular tomonidan hisobot topshirish hamda taqdirlash puli olish tartibi va muddatlarini belgilaydi.
2. Davlatning ishonchli vakillari ulardagi davlat ulushi 25 foizdan ortiq boʻlgan aksiyadorlik jamiyatlarida davlat ulushi professional boshqaruvchi kompaniyalar boshqaruviga berilgan vaqtgacha tayinlanadilar.
Keyingi tahrirga qarang.
3. Davlatning ishonchli vakili Aksiyadorlar umumiy yigʻilishida davlatning ishonchli vakili hisoblanadi, aksiyalarning davlat paketi miqdorida beriladigan huquqlar doirasida faoliyat koʻrsatadi.
Keyingi tahrirga qarang.
II. Davlatning ishonchli vakilini tayinlash
4. Davlatning ishonchli vakillari Oʻzbekiston Respublikasi Bosh vaziri huzuridagi davlatning ishonchli vakillarini tayinlash boʻyicha maxsus Komissiya yoxud uning topshirigʻiga koʻra Davlat mulki qoʻmitasi Hayʼati tomonidan, shu jumladan tanlov asosida ham tayinlanadilar.
Keyingi tahrirga qarang.
5. Davlatning ishonchli vakillari nomzodlari boʻyicha takliflar Oʻzbekiston Respublikasi Vazirlar Mahkamasining tegishli Komplekslari bilan kelishuv boʻyicha Davlat mulki qoʻmitasi tomonidan kiritiladi.
Bunda davlatning ishonchli vakillari nomzodlari yetarli darajada iqtisodiy bilimlarga, rahbarlik ishida ishlash amaliyotiga ega boʻlgan hamda tayinlash paytida va koʻrsatib oʻtilgan funksiyalarni bajarish paytida aksiyadorlik jamiyati tarkibiga kiradigan kompaniyalar, korporatsiyalar, uyushmalar xodimlari boʻlmagan jismoniy shaxslar, shuningdek kompaniyalarning professional boshqaruvchilari orasidan tanlab olinadi.
Keyingi tahrirga qarang.
6. Oʻzbekiston Respublikasi Davlat mulki qoʻmitasi tayinlangan davlatning ishonchli boshqaruvchisi bilan aksiyalarning davlat paketini boshqarish yuzasidan tegishli shartnoma tuzadi.
Davlatning ishonchli vakillari bir yildan koʻp boʻlmagan muddatga, ushbu muddatni Oʻzbekiston Respublikasi Bosh vaziri huzuridagi davlatning ishonchli vakillarini tayinlash boʻyicha maxsus Komissiyaning yoki Oʻzbekiston Respublikasi Davlat mulki qoʻmitasi Hayʼatining tegishli qarori bilan uzaytirish imkoniyati bilan tayinlanadilar.
Keyingi tahrirga qarang.
Keyingi tahrirga qarang.
III. Davlatning ishonchli vakilining vazifalari
7. Davlatning ishonchli vakili vazifalariga quyidagilar kiradi:
aksiyador sifatida davlat manfaatlarini himoya qilish, aksiyadorlik jamiyatidagi mol-mulkning saqlanishini va undan oqilona foydalanilishini taʼminlash;
Keyingi tahrirga qarang.
korxonada iqtisodiy islohotlarni oʻtkazishda, uning moliya-xoʻjalik faoliyatini yaxshilashda, menejment va marketing tizimini takomillashtirishda, shuningdek xususiylashtirishdan keyin qoʻllab-quvvatlashda koʻmaklashish;
ishlab chiqarishni renovatsiya qilish va korxona tomonidan ishlab chiqarilayotgan mahsulotlarni yangilash, raqobatbardoshli mahsulot ishlab chiqarishni taʼminlash maqsadida zamonaviy texnologik asbob-uskunalar va texnologiyalar asosida ishlab chiqarishni rekonstruksiya qilish va texnika bilan qayta jihozlash uchun investitsiyalar jalb etish;
aksiyalarning davlat paketi boʻyicha dividendlardan aksiyadorlik jamiyatini rekonstruksiya qilishda va texnika bilan qayta jihozlashda maqsadli foydalanilishini taʼminlash;
Keyingi tahrirga qarang.
Oʻzbekiston Respublikasi Vazirlar Mahkamasi va Davlat mulki qoʻmitasi tomonidan belgilanadigan boshqa vazifalar.
Keyingi tahrirga qarang.
IV. Davlatning ishonchli vakilining huquqlari va majburiyatlari
8. Davlatning ishonchli vakili quyidagi huquqlarga ega:
jamiyatning ustavi va amaldagi qonun hujjatlarida belgilangan tartibda aksiyalarning davlat paketi miqdoriga muvofiq aksiyador sifatida oʻzining barcha vakolatlaridan foydalanish;
Keyingi tahrirga qarang.
aksiyadorlik jamiyatining faoliyati toʻgʻrisidagi moliyaviy-iqtisodiy, shu jumladan korxonaning tijorat siri hisoblangan axborotlarni olish.
Keyingi tahrirga qarang.
9. Davlatning ishonchli vakili aksiyadorlik jamiyatini boshqarishning ijro etuvchi organlari tomonidan amalga oshiriladigan joriy ishlab chiqarish faoliyatiga aralashish huquqiga ega emas, ularning xatti-harakati qonun hujjatlarining buzilishiga va aksiyadorlik jamiyatiga hamda davlatga zarar yetkazilishiga olib keladigan hollar bundan mustasno.
Keyingi tahrirga qarang.
10. Davlatning ishonchli vakili quyidagilarga majbur:
aksiyalarning davlat paketi bilan beriladigan vakolatlarga muvofiq ushbu Nizomning 7-bandida koʻrsatilgan oʻz vazifalarining bajarilishini taʼminlash;
Oʻzbekiston Respublikasi Davlat mulki qoʻmitasini oʻz faoliyati natijalari va aksiyadorlik jamiyatining moliya-xoʻjalik ahvoli toʻgʻrisida xabardor qilish;
Keyingi tahrirga qarang.
oʻziga yuklangan vakolatlarni amalga oshirish chogʻida unga maʼlum boʻlgan maʼlumotlarni uchinchi shaxslarga oshkor qilmaslik va ulardan davlat manfaatlariga zid boʻlgan maqsadlarda foydalanmaslik;
jamiyatning Kuzatuvchi kengashiga yoki ijro etuvchi organga murojaat qilish yoʻli bilan davlat huquqlari va manfaatlari buzilishini bartaraf etishni talab qilish;
aksiyalarning davlat paketlari boʻyicha hisoblangan dividendlarning oʻz vaqtida budjetga toʻlanishini taʼminlashga yoʻnaltirilgan chora-tadbirlarni koʻrish;
Keyingi tahrirga qarang.
aksiyadorlik jamiyatining budjetga majburiy toʻlovlar, davlat maqsadli jamgʻarmalariga, ish haqi boʻyicha qarzi vujudga kelgan taqdirda, shuningdek korxonaning ishlab chiqarish va moliyaviy ahvoli yomonlashganda jamiyatning Kuzatuvchi kengashi tarkibini va ijro etuvchi organini qayta saylash maqsadida aksiyadorlarning navbatdan tashqari umumiy yigʻilishi chaqirilishini talab qilish.
Keyingi tahrirga qarang.
11. Davlatning ishonchli vakili tegishli ravishda Oʻzbekiston Respublikasi Bosh vaziri huzuridagi davlatning ishonchli vakillarini tayinlash boʻyicha Komissiyaning yoki Oʻzbekiston Respublikasi Davlat mulki qoʻmitasining kelishuvisiz aksiyadorlik jamiyatining boshqaruv organlarida boshqa aksiyadorlarning vakili boʻlishi mumkin emas.
Keyingi tahrirga qarang.
V. Davlatning ishonchli vakili faoliyatini taqdirlash
12. Oʻz funksiyalarini bajarganlik uchun davlatning ishonchli vakili tuzilgan shartnomaga muvofiq pul mukofoti oladi, uning miqdori aksiyadorlik jamiyatining hisobot davridagi faoliyati yakunlariga bogʻliq boʻladi.
Keyingi tahrirga qarang.
13. Aksiyalar (ulushlar)ning davlat paketlarini boshqarish boʻyicha xarajatlar, shu jumladan davlatning ishonchli vakili faoliyatini taqdirlash xarajatlari aksiyalar (ulushlar)ning davlat paketiga hisoblangan dividendlarning bir qismi hisobiga, iqtisodiy nochor korxonalarda esa davlat tasarrufidan chiqarish va xususiylashtirishdan tushadigan umumiy mablagʻlar hisobiga amalga oshiriladi.
Keyingi tahrirga qarang.
14. Davlatning ishonchli vakili faoliyatini qoʻshimcha taqdirlash aksiyadorlik jamiyati tomonidan jamiyatning Kuzatuvchi kengashi aʼzosi (raisi) sifatida amaldagi qonun hujjatlarida va jamiyat ustavida belgilangan tartibda amalga oshirilishi mumkin.
Keyingi tahrirga qarang.
VI. Davlatning ishonchli vakillari faoliyatini nazorat qilish
15. Davlatning ishonchli vakillari faoliyatini nazorat qilish Oʻzbekiston Respublikasi Vazirlar Mahkamasining tegishli Komplekslari va Oʻzbekiston Respublikasi Davlat mulki qoʻmitasi tomonidan:
Keyingi tahrirga qarang.
davlatning ishonchli vakillari tomonidan tasdiqlangan shakllar boʻyicha taqdim etiladigan har choraklik hisobotlarni tahlil qilish asosida;
ularning faoliyatini bevosita korxonada oʻrganish yoʻli bilan;
ular bilan suhbat oʻtkazish yoʻli bilan amalga oshiriladi.
16. Boshqarish shartnomasi muddati tugagach Davlat mulki qoʻmitasi Oʻzbekiston Respublikasi Vazirlar Mahkamasi Komplekslari bilan birgalikda davlatning ishonchli vakillarini attestatsiyadan oʻtkazadi, uning natijasi boʻyicha shartnomani uzaytirish ehtimoli toʻgʻrisida qaror qabul qilinadi.
Keyingi tahrirga qarang.
Davlatning ishonchli vakillarini attestatsiyadan oʻtkazish tartibi Oʻzbekiston Respublikasi Bosh vaziri huzuridagi Komissiya bilan kelishgan holda Davlat mulki qoʻmitasi tomonidan tasdiqlanadi.
Keyingi tahrirga qarang.
VII. Davlatning ishonchli vakillarini almashtirish tartibi
17. Davlatning ishonchli vakillari faoliyatini oʻrganib chiqish va Davlat mulki qoʻmitasi tomonidan oʻtkaziladigan attestatsiya natijalariga koʻra, ushbu Nizomga muvofiq, oʻz majburiyatlarini bajarishni taʼminlamagan davlatning ishonchli vakillari almashtiriladi.
Keyingi tahrirga qarang.
18. Davlatning ishonchli vakilini vazifasidan ozod qilish toʻgʻrisidagi qaror tegishli ravishda Oʻzbekiston Respublikasi Bosh vaziri huzuridagi Komissiya tomonidan (agar davlatning ishonchli vakilini Davlat mulki qoʻmitasi Hayʼati tayinlansa uning tomonidan):
qoʻyilgan vazifalar va qabul qilingan majburiyatlar davlatning ishonchli vakili tomonidan bajarilmaganda;
davlatning ishonchli vakilining oʻzi oʻz majburiyatlarini bundan keyin bajarishi mumkin emasligi toʻgʻrisida ariza bilan murojaat qilganda;
qonun hujjatlarida va shartnomada nazarda tutilgan boshqa asoslarga koʻra qabul qilinadi.
Keyingi tahrirga qarang.
VIII. Davlatning ishonchli vakili hisoboti va javobgarligi
19. Davlatning ishonchli vakili har chorakda, shartnomada belgilangan muddatlarda oʻz faoliyati toʻgʻrisida Davlat mulki qoʻmitasiga va Oʻzbekiston Respublikasi Vazirlar Mahkamasining tegishli Komplekslariga hisobot beradi. Hisobot qogʻozda va magnit manbalarida taqdim etiladi. Belgilangan shakldagi hisobot bilan birga korxonaning moliya-xoʻjalik ahvolini yaxshilash boʻyicha takliflar bilan birgalikda tahliliy axborot taqdim etiladi.
Keyingi tahrirga qarang.
20. Davlatning ishonchli vakili oʻz majburiyatlarining oʻz vaqtida, toʻliq va zarur darajada bajarilishi uchun qonun hujjatlarida belgilangan tartibda javob beradi.
21. Aksiyadorlik jamiyatlaridagi aksiyalarning davlat paketlarini samarali boshqarish boʻyicha davlatning vakillariga yuklangan vazifalar ular tomonidan bajarilmasligi ularning asosiy ish joyidan boʻshatilishigacha boʻlgan intizomiy javobgarlikka olib keladi.
Keyingi tahrirga qarang.
Boshqaruvchi kompaniyalar toʻgʻrisida
Keyingi tahrirga qarang.
NIZOM
I. Umumiy qoidalar
1. Ushbu Nizom boshqaruvchi kompaniyalarga qoʻyiladigan asosiy talablarni va ular tomonidan investitsiya aktivlarini ishonchli boshqarish amalga oshirilishini belgilaydi.
Qimmatli qogʻozlarni va investitsiya hamda xususiylashtirilgan investitsiya fondlari mol-mulkiga kiruvchi qimmatli qogʻozlarga investitsiya qilinadigan mablagʻlarni ishonchli boshqaruvni amalga oshirish tartibi va shartlari, agar qonun hujjatlarida boshqacha tartib belgilanmagan boʻlsa, ushbu Nizom bilan belgilanadi.
Keyingi tahrirga qarang.
2. Investitsiya aktivlarini ishonchli boshqarish Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazida (keyingi oʻrinlarda matnda “qimmatli qogʻozlar bozorini tartibga solish boʻyicha vakolatli davlat organi” deb yuritiladi) kompaniyani boshqarishga litsenziya olgan tijorat tashkilotlari tomonidan qonun hujjatlariga muvofiq amalga oshiriladi.
Keyingi tahrirga qarang.
3. Yuridik va jismoniy shaxslar, davlat hokimiyati va boshqaruv organlaridan tashqari, shuningdek mulkida davlat ulushi boʻlgan korxonalar boshqaruvchi kompaniya muassislari boʻlishi mumkin.
Keyingi tahrirga qarang.
4. Boshqaruvchi kompaniya ustavida investitsiya aktivlarini ishonchli boshqarish uning faoliyatining muqarrar turi ekanligi toʻgʻrisidagi qoida mavjud boʻlishi kerak.
Keyingi tahrirga qarang.
5. Boshqaruvchi kompaniya uning tomonidan boshqariladigan investitsiya aktivlari oʻrtacha yillik qiymatining kamida 5 foizi miqdorida oʻz moddiy aktivlariga ega boʻlishi kerak.
Boshqaruvchi kompaniyaning oʻz moddiy aktivlari miqdori va uning tomonidan boshqariladigan investitsiya aktivlarining sof aktivlari oʻrtacha yillik qiymati Oʻzbekiston Respublikasi Moliya vazirligi bilan kelishuv boʻyicha qimmatli qogʻozlar bozorini tartibga solish boʻyicha vakolatli davlat organi belgilagan tartibda aniqlanadi.
Boshqaruvchi kompaniyalar oʻz moddiy aktivlarining koʻrsatilgan talablarga muvofiqligi qimmatli qogʻozlar bozorini tartibga solish boʻyicha vakolatli davlat organi tomonidan har chorakda boshqaruvchi kompaniyalar tomonidan taqdim etiladigan hisobotlarga muvofiq nazorat qilinadi.
Keyingi tahrirga qarang.
6. Ushbu Nizomga muvofiq quyidagilar (investitsiya aktivlarini) ishonchli boshqarish obyektlari boʻlishi mumkin:
xoʻjalik yurituvchi subyektlarning qimmatli qogʻozlari, shu jumladan ular tomonidan ishonchli boshqaruv toʻgʻrisida shartnoma tuzilgan vaqtda davlat mulki boʻlgan qimmatli qogʻozlar;
xoʻjalik yurituvchi subyektlarning ularni ishonchli boshqarish toʻgʻrisida shartnoma tuzilgan vaqtda davlat mulki boʻlgan ulushlari (paylari);
muassis tomonidan ishonchli boshqaruvchiga boshqarish uchun berilgan qimmatli qogʻozlarga investitsiya qilish uchun moʻljallangan pul mablagʻlari;
ishonchli boshqaruvchi tomonidan shartnoma boʻyicha oʻz majburiyatlarini bajarish natijasida olingan pul mablagʻlari va qimmatli qogʻozlar.
Boshqa har qanday fuqarolik huquqi obyektlari investitsiya aktivlari hisoblanmaydi va ushbu Nizom talablariga muvofiq amalga oshiriladigan ishonchli boshqaruvga berilishi mumkin emas.
7. Ushbu Nizom maqsadlarida quyidagilar ishonchli boshqarish muassisi deb eʼtirof etiladi:
investitsiya aktivlari egasi;
davlat mulki boʻlgan investitsiya aktivlariga nisbatan — vakolatli davlat organi.
Keyingi tahrirga qarang.
Keyingi tahrirga qarang.
II. Ishonchli boshqaruv shartnomalarining umumiy shartlari va xususiyatlari
Keyingi tahrirga qarang.
8. Investitsiya aktivlarini ishonchli boshqarish shartnomasi shartlarini tomonlar Oʻzbekiston Respublikasi Fuqarolik kodeksi talablariga va ushbu Nizom bilan belgilangan xususiyatlarga muvofiq belgilaydilar.
Keyingi tahrirga qarang.
9. Boshqaruvchi kompaniyaning boshqaruv muassisi bilan tuzilgan shartnomasida quyidagilar koʻrsatiladi:
shartnoma tomonlarining nomi;
shartnoma mavzusi;
tomonlarning huquq va majburiyatlari;
ishonchli boshqaruvga beriladigan investitsiya aktivlari roʻyxati;
foyda oluvchi toʻgʻrisidagi koʻrsatma;
ishonchli boshqaruvchi tomonidan hisobotlar taqdim etish muddatlari;
ishonchli boshqaruv toʻxtatilgan taqdirda investitsiya aktivlarini oluvchi shaxs (shaxslar);
investitsiyalar maqsadini, investitsiya siyosati yoʻnalishini, investitsiya faoliyatidagi cheklashlarni tavsiflovchi investitsiya deklaratsiyasi (qimmatli qogʻozlarga investitsiyalash uchun moʻljallangan pul mablagʻlari ishonchli boshqaruvga berilgan hollarda);
boshqaruvchi kompaniya faoliyatini cheklash;
boshqaruvchi kompaniyaga taqdirlash puli toʻlash va uning xarajatlarini qoplash tartibi;
boshqaruv muassisi xarajatlarini qoplash tartibi;
Keyingi tahrirga qarang.
shartnomaning amal qilishini toʻxtatish asoslari va shartlari;
tomonlarning javobgarligi;
qonun hujjatlariga zid boʻlmagan boshqa qoidalar.
Keyingi tahrirga qarang.
10. Qonunda va ishonchli boshqaruv shartnomasida nazarda tutilgan doirada, oʻz boshqaruviga investitsiya aktivlarini qabul qilgan boshqaruvchi kompaniya ularga nisbatan mulkdorning barcha vakolatlarini amalga oshiradi, shu jumladan:
oʻz tasarrufidagi tasdiqlangan investitsiya aktivlari boʻyicha barcha huquqlarni mustaqil ravishda va oʻz nomidan amalga oshiradi (aksiyalar, ulushlar, paylar) boʻyicha dividendlar olish va obligatsiyalar boʻyicha daromad olish huquqi, xoʻjalik jamiyati aksiyadori (qatnashchisi)ning shaxsiy nomulkiy huquqlari, qimmatli qogʻozni qaytarishga toʻlovni talab qilish huquqi va shu kabilar);
oʻz tasarrufida boʻlgan investitsiya aktivlariga nisbatan barcha huquqlarni mustaqil ravishda va oʻz nomidan amalga oshiradi (qimmatli qogʻozlarni oʻzgaga berish, garovga qoʻyish, qimmatli qogʻozlar bilan har qanday bitishuvlarni yoki amaliy xatti-harakatlarni amalga oshirish huquqi).
Keyingi tahrirga qarang.
11. Ishonchli boshqaruvda boʻlgan qimmatli qogʻozlarga investitsiyalash uchun moʻljallangan pul mablagʻlari tarzidagi investitsiya aktivlarini sarflash mutlaqo maqsadli xususiyatga egadir. Ushbu pul mablagʻlaridan boshqaruvchi kompaniya tomonidan faqat qimmatli qogʻozlarni boshqaruv muassisining mulki etib sotib olish uchun foydalanilishi yoxud ular boshqaruv muassisiga yoki boshqa foyda oluvchiga mulkiy foyda sifatida yoʻnaltirilishi mumkin.
Keyingi tahrirga qarang.
12. Qimmatli qogʻozlarni ishonchli boshqarish boʻyicha faoliyat va qimmatli qogʻozlarga investitsiyalash uchun moʻljallangan pul mablagʻlarini ishonchli boshqarish boʻyicha faoliyat boshqaruv muassisi bilan boshqaruvchi kompaniya oʻrtasida tuziladigan ishonchli boshqaruv toʻgʻrisidagi shartnoma asosida amalga oshiriladi.
Keyingi tahrirga qarang.
13. Shartnomani bajarish jarayonida boshqaruvchi kompaniya tomonidan boshqarish muassisi mulkiga sotib olinadigan qimmatli qogʻozlar ular mulkdor yoki boshqaruvchi kompaniyaning boshqa vakolatli egalari tomonidan berilgan vaqtdan boshlab ishonchli boshqaruv obyektlariga aylanadi. Bunda ana shunday qimmatli qogʻozlarni berish toʻgʻrisida qoʻshimcha bitimlarning boshqaruv muassisi bilan boshqaruvchi kompaniya oʻrtasida tuzilishi talab qilinmaydi.
Keyingi tahrirga qarang.
14. Shartnomani bajarish jarayonida boshqaruvchi kompaniya tomonidan boshqaruv muassisi mulkiga olingan pul mablagʻlari ishonchli boshqarish obyektiga qoʻshiladi. Bunda boshqaruv muassisi bilan boshqaruvchi kompaniya oʻrtasida ushbu pul mablagʻlarini berish toʻgʻrisida qoʻshimcha bitimlar tuzish talab qilinmaydi. Ishonchli boshqaruvchining bunday xatti-harakatlarini amalga oshirish natijasida paydo boʻlgan majburiyatlari koʻrsatib oʻtilgan pul mablagʻlari hisobiga bajariladi.
Ishonchli boshqarish shartnomasida boshqaruvchi kompaniya tomonidan boshqaruv muassisi mulkiga olingan barcha pul mablagʻlari boshqaruvchi kompaniya ularni olgandan keyin darhol toʻliq hajmda boshqaruv muassisi mulkiga berilishi nazarda tutilgan taqdirda koʻrsatib oʻtilgan qoida amal qilmaydi.
Keyingi tahrirga qarang.
15. Ishonchli boshqaruv toʻgʻrisidagi shartnomaning qonun hujjatlarida belgilangan majburiy shartlardan tashqari qimmatli qogʻozlarga investitsiyalash uchun moʻljallangan pul mablagʻlarini ishonchli boshqaruvga berishni nazarda tutuvchi shartnomada boshqaruv muassisining pul mablagʻlarini yoʻnaltirish va investitsiyalash usullarini belgilovchi boshqaruvchi kompaniyaning investitsiya deklaratsiyasi mavjud boʻlishi kerak.
Keyingi tahrirga qarang.
16. Boshqaruvchi kompaniyaning investitsiya deklaratsiyasi ishonchli boshqaruv shartnomasining uzviy qismi hisoblanadi. Investitsiya deklaratsiyasi qoidalari boshqaruvchi kompaniya tomonidan shartnomaning boshqa qoidalari bilan bir xil asoslarda zarur darajada bajarish uchun majburiy hisoblanadi.
Shartnomalarni tuzish boshqaruv muassisining investitsiya deklaratsiyasida bayon qilingan qoidalarni, shu jumladan oʻziga tegishli boʻlgan pul mablagʻlari deklaratsiyaga oʻtkazilgan har qanday investitsiya aktivlari – investitsiyalash obyektlarini investitsiyalashga roziligini bildiradi.
Keyingi tahrirga qarang.
17. Boshqaruvchi kompaniyaning investitsiya deklaratsiyasida quyidagilar boʻlishi kerak:
ishonchli boshqaruv maqsadini belgilash (boshqaruv muassisining pul mablagʻlaridan foydalanishning eng yuqori tijorat samaradorligiga erishish yoki boshqa aniq maqsad);
boshqaruv muassisining pul mablagʻlarini investitsiya qilish mumkin boʻlgan investitsiya aktivlari roʻyxati;
shartnoma amal qiladigan butun muddat davomida boshqaruvchi kompaniya amal qilish majbur boʻlgan investitsiya aktivlari tarkibi toʻgʻrisidagi maʼlumotlar (har xil turdagi va emitentdagi qimmatli qogʻozlar nisbati; ishonchli boshqaruvda boʻlgan mazkur boshqaruv muassisining qimmatli qogʻozlari, pul mablagʻlari va investitsiya aktivlarining boshqa turlari oʻrtasidagi nisbat);
mazkur investitsiya deklaratsiyasi qoidalari boshqaruvchi kompaniya uchun amal qiladigan va majburiy hisoblanadigan muddat.
Keyingi tahrirga qarang.
18. Ishonchli boshqaruv toʻgʻrisidagi shartnomaning bir qismi hisoblanadigan investitsiya deklaratsiyasi qoidalarining amal qilish muddati umuman shartnomaning amal qilish muddatiga teng yoki undan kam boʻlishi mumkin.
Ushbu investitsiya deklaratsiyasining amal qilish muddati tugagach ishonchli boshqaruv shartnomasining tomonlari qoʻshimcha bitim bilan unda koʻrsatilgan muddatga yangi investitsiya deklaratsiyasini amalga kiritishadi.
Investitsiya deklaratsiyasining amal qilish muddati tugagach, agar shartnomaning tomonlaridan hech biri uni oʻzgartirish toʻgʻrisida talab qoʻymasa, ushbu deklaratsiya unda koʻrsatilgan muddatga uzaytirilgan hisoblanadi, lekin bu muddat ushbu deklaratsiya uning bir qismi hisoblanadigan shartnomaning amal qilish muddatidan koʻp boʻlishi mumkin emas.
Keyingi tahrirga qarang.
19. Investitsiya deklaratsiyasining amalda boʻlish muddati boʻyicha koʻrsatma, buning uchun asoslar mavjud boʻlganda, koʻrsatilgan muddat tugagungacha unga oʻzgartirish va qoʻshimchalar kiritish uchun toʻsiq boʻlmaydi.
20. Boshqaruv muassisining amaldagi investitsiya deklaratsiyasiga oʻzgartirish va qoʻshimchalar kiritish toʻgʻrisidagi talabi boshqaruvchi kompaniya uchun majburiy hisoblanadi.
Boshqaruvchi kompaniya koʻrsatib oʻtilgan oʻzgartirishlarga rozi boʻlmagan taqdirda ular boshqaruv muassisi tomonidan shartnomaga ilova qilinadigan bir tomonlama dalolatnoma (bayonot) tuzish yoʻli bilan rasmiylashtiriladi, muassisga boshqaruvchi kompaniya tomonidan muassis talablarini bajarishda mumkin boʻlgan salbiy mulkiy oqibatlar boshlanishi xavfi yuklanadi.
Boshqaruvchi kompaniyaning amaldagi deklaratsiyaga oʻzgartirish va qoʻshimchalar kiritish toʻgʻrisidagi talabi shartnoma tomonlarining shartnomaga ilova qilinadigan tegishli qoʻshimcha bitimlar tuzishi yoʻli bilan qondiriladi.
Keyingi tahrirga qarang.
21. Boshqaruvchi kompaniya tomonidan investitsiya deklaratsiyalari tuzish qoidalari qimmatli qogʻozlar bozorini tartibga solish boʻyicha vakolatli davlat organining normativ hujjatlari bilan belgilanadi.
Keyingi tahrirga qarang.
22. Qimmatli qogʻozlarni ishonchli boshqaruvga berish boshqaruvchi kompaniyaning ularga mulkdorlik huquqi belgilanishiga olib kelmaydi.
Keyingi tahrirga qarang.
23. Qimmatli qogʻozlar bilan ishonchli boshqaruv toʻgʻrisidagi zarur tartibda rasmiylashtirilgan yozma shartnomaning mavjudligi qimmatli qogʻozlarni boshqaruvchi kompaniyaga berish uchun yetarli asos hisoblanadi.
Qimmatli qogʻozlar egalari reyestrlarini yurituvchi shaxslar, shuningdek boshqa har qanday manfaatdor shaxslar va organlar ularga qimmatli qogʻozlarni ishonchli boshqaruvga berish uchun asos sifatida boshqa hujjatlarni taqdim etishni talab qilish huquqiga ega emas.
Keyingi tahrirga qarang.
III. Ishonchli boshqaruv shartnomalari boʻyicha operatsiyalarni hisobga olish va hisob raqamlarini yuritish
Keyingi tahrirga qarang.
24. Boshqaruvchi kompaniyaga ushbu Nizomda nazarda tutilgan tartibda va asoslarda berilgan investitsiya aktivlari boshqaruv muassisining boshqa mol-mulkidan, shuningdek boshqaruvchi kompaniyaning mol-mulki va oʻz investitsiya aktivlaridan ajratiladi, ularga boshqaruvchi kompaniyaning majburiyatlari boʻyicha undirishlar qaratilishi mumkin emas va ushbu aktivlar, bankrotlik holati vujudga kelganda tanlov massasiga kiritilmaydi.
Investitsiya aktivlari ishonchli boshqaruvchida alohida balansda aks ettiriladi va u boʻyicha mustaqil hisob yuritiladi. Ishonchli boshqaruv bilan bogʻliq faoliyat boʻyicha hisob-kitoblar uchun alohida bank hisob raqami ochiladi.
Keyingi tahrirga qarang.
25. Boshqaruv muassislarining pul mablagʻlari hisob raqamlarini yuritish uchun boshqaruvchi kompaniyalar tomonidan banklarda “boshqaruv muassisining ishonchli boshqaruvga berilgan pul mablagʻlari” deb yozib qoʻyilgan alohida hisob-raqamlari ochiladi. Alohida hisob raqamlari qonun hujjatlarida belgilangan tartibda ochiladi.
Boshqaruv muassislarining pul mablagʻlari hisob raqamlarini yuritish maqsadlari uchun boshqaruvchi kompaniya tomonidan ochiladigan alohida hisob raqamlari soni cheklanmaydi, qonun hujjatlarida nazarda tutilgan hollar bundan mustasno. Alohida hisob raqamlariga xizmat koʻrsatish shartlari bank va boshqaruvchi kompaniya oʻrtasidagi shartnomada belgilanadi.
Alohida hisob raqamlariga faqat ushbu Nizomga muvofiq boshqaruvchi kompaniya bilan shartnoma tuzgan boshqaruv muassislari mablagʻlari kiritiladi.
Keyingi tahrirga qarang.
26. Boshqaruv muassislarining pul mablagʻlarini ajratish boshqaruvchi kompaniya tomonidan unga berilgan pul mablagʻlarini alohida (ajratilgan) balansda hisobga olish yoʻli bilan amalga oshiriladi, ushbu balans boshqaruvchi kompaniya tomonidan qonun hujjatlarida nazarda tutilgan tartibda har bir boshqaruv muassisi va (yoki) pul mablagʻlari hisob raqamini yuritishni nazarda tutuvchi har bir shartnoma uchun ochiladi va yuritiladi.
Boshqaruvchi kompaniya va jismoniy shaxs hisoblanadigan ishonchli boshqaruv muassisi oʻrtasidagi hisob-kitoblar qonun hujjatlariga muvofiq amalga oshiriladi.
Keyingi tahrirga qarang.
27. Ishonchli boshqaruv muassisi tomonidan pul mablagʻlarini boshqaruvchi kompaniyaga berish naqd boʻlmagan pul mablagʻlarini uning tomonidan ochiladigan alohida hisob raqamiga oʻtkazish yoki naqd mablagʻlarni boshqaruvchi kompaniyaning bankdagi hisob raqamiga oʻtkazish yoʻli bilan amalga oshiriladi.
Keyingi tahrirga qarang.
28. Boshqaruvchi kompaniya mijozning pul mablagʻlari hisob raqamiga pul mablagʻlari oʻtkazilganini ular alohida hisob raqami ochilgan bank tomonidan alohida hisob raqamiga oʻtkazilgandan keyin navbatdagi bank kunidan kechikmay oʻz hisobida aks ettirishi shart.
Keyingi tahrirga qarang.
IV. Boshqaruvchi kompaniya faoliyatini cheklash
Keyingi tahrirga qarang.
29. Boshqaruv muassisi ishonchli boshqaruv toʻgʻrisidagi shartnomani tuzishda boshqaruvchi kompaniya faoliyatiga cheklash qoʻyish huquqiga ega, ushbu cheklashlar boshqaruvchi kompaniyaga quyidagilarni taqiqlaydi:
oʻz mulkidagi, oʻz muassisi mulkidagi qimmatli qogʻozlarni, oʻz boshqaruvida boʻlgan pul mablagʻlari hisobiga sotib olish;
oʻz boshqaruvidagi qimmatli qogʻozlarni oʻz mulkiga, oʻz muassislari mulkiga begonalashtirish, agar qonun hujjatlarida yoki shartnomada boshqacha qoida belgilanmagan boʻlsa;
boshqaruvchi kompaniya ayni bir vaqtda boshqa shaxs tomonida broker (vositachi, ishonchli vakil) sifatida ish koʻradigan bitishuvlar tuzish;
oʻzi va oʻzining muassislari tomonidan chiqarilgan qimmatli qogʻozlarni oʻz boshqaruvida boʻlgan pul mablagʻlari hisobiga sotib olish;
tugatish jarayonida turgan tashkilotlarning qimmatli qogʻozlarini oʻz boshqaruvida boʻlgan pul mablagʻlari hisobiga sotib olish;
oʻzining affilir shaxslari tomonidan chiqarilgan qimmatli qogʻozlarini oʻz boshqaruvida boʻlgan pul mablagʻlari hisobiga sotib olish;
investitsiya aktivlarini oʻz affilir shaxslariga joylashtirish;
oʻz boshqaruvida boʻlgan qimmatli qogʻozlarni ushbu bandning ikkinchi — sakkizinchi xat boshida belgilangan qimmatli qogʻozlarga almashtirish;
oʻz boshqaruvida boʻlgan qimmatli qogʻozlarni toʻlov muddatini 30 kalendar kundan koʻproq muddatga kechiktirishni yoki uni boʻlib-boʻlib toʻlashni nazarda tutuvchi shartnomalar boʻyicha oʻzgaga berish;
oʻz boshqaruvida boʻlgan qimmatli qogʻozlarni oʻz majburiyatlarini (boshqaruvchi tomonidan ishonchli boshqaruv toʻgʻrisidagi tegishli shartnoma bajarilishi munosabati bilan paydo boʻladigan majburiyatlardan tashqari), oʻz muassislari majburiyatlarini, boshqa har qanday uchinchi shaxslarning majburiyatlarini bajarishni taʼminlash uchun garovga berish;
oʻz boshqaruvida boʻlgan qimmatli qogʻozlarni uchinchi shaxsning depozit tasarrufchisi va (yoki) oluvchisi sifatida belgilangan holda saqlashga berish;
oʻz boshqaruvida boʻlgan pul mablagʻlarini uchinchi shaxslar foydasiga omonatga qoʻyish yoxud koʻrsatilgan mablagʻlarni uchinchi shaxs (shaxslar) tasarrufchisi etib belgilangan hisob raqamiga (hisob raqamlariga) oʻtkazish;
oʻz boshqaruvida boʻlgan pul mablagʻlari hisobiga har qanday uchinchi shaxslar ular boʻyicha toʻlovning oluvchilari etib belgilangan sugʻurta shartnomalarini tuzish (sugʻurta polislarini sotib olish).
Qonun yoki shartnomada boshqaruvchi kompaniya faoliyatiga qoʻshimcha cheklashlar belgilanishi mumkin.
Keyingi tahrirga qarang.
30. Boshqaruvchi kompaniya shartnoma boʻyicha oʻz majburiyatlarini bajarish jarayonida boshqaruv muassislari bilan oldindan kelishmasdan boshqaruvchi kompaniya ayni bir vaqtda, ularning mol-mulkini ishonchli boshqarish toʻgʻrisida shartnomalar tuzilgan ikkala tomonning manfaatlarini ifodalaydigan bitishuvlarni sodir etishga haqli emas.
Keyingi tahrirga qarang.
V. Boshqaruvchi kompaniya faoliyatini taqdirlash tartibi
Keyingi tahrirga qarang.
31. Boshqaruvchi kompaniyani boshqaruv muassisiga xizmatlar koʻrsatgani uchun taqdirlash puli asosiy va qoʻshimcha (mukofot) taqdirlash tarzida toʻlanadi.
Boshqaruvchi kompaniyaning asosiy taqdirlash puli bir yil uchun belgilangan summada, choraklar boʻyicha taqsimlagan holda yoki u boshqaradigan aktivlardan olingan daromadga nisbatan foizlar hisobida belgilanadi. Boshqaruvchi kompaniya oladigan asosiy taqdirlash pulining umumiy miqdori va xususiyati shartnomada belgilanadi.
Boshqaruvchi kompaniyaning qoʻshimcha (mukofot) taqdirlash puli shartnomaga muvofiq yil natijalariga koʻra toʻlanadi.
Keyingi tahrirga qarang.
Keyingi tahrirga qarang.
32. Investitsiya aktivlarini ishonchli boshqarishda boshqaruvchi kompaniya tomonidan qilingan barcha xarajatlar miqdori, ularni toʻlash muddatlari va tartibi hamda boshqaruvchi kompaniyani boshqaruv muassisiga koʻrsatilgan xizmatlar uchun taqdirlash puli toʻlash ular oʻrtasida tuziladigan ishonchli boshqaruv shartnomasida belgilanadi.
Aksiyalarning (ulushlarning) davlat paketiga, shuningdek ayrim hollarda davlat tasarrufidan chiqarish va xususiylashtirishdan tushadigan umumiy mablagʻlar hisobiga hisoblagan dividendlar davlat aktivlarini ishonchli boshqarish uchun taqdirlash pulini toʻlash manbalari hisoblanadi. Investitsiya va xususiylashtirilgan investitsiya fondlari aktivlarini ishonchli boshqarishni amalga oshirish bilan bogʻliq boʻlgan taqdirlash xususiyatlari qonun hujjatlariga muvofiq belgilanadi.
Keyingi tahrirga qarang.
VI. Boshqaruvchi kompaniyani qayta tashkil etish va tugatish
Keyingi tahrirga qarang.
33. Boshqaruvchi kompaniyani qayta tashkil etish va tugatish qonun hujjatlarida belgilangan tartibda amalga oshiriladi.
Ixtiyoriy ravishda qayta tashkil etish yoki tugatishda boshqaruvchi kompaniya amalga oshiriladigan oʻzgarishlar toʻgʻrisida boshqaruv muassislarini yozma shaklda, agar shartnomada boshqacha muddat belgilanmagan boʻlsa, qayta tashkil etish yoki tugatish tartibot-qoidasi boshlangungacha uch oydan kechikmay xabardor qilishi shart.
Keyingi tahrirga qarang.
Keyingi tahrirga qarang.
Aksiyadorlik jamiyati ijro etuvchi organi rahbarini yollash toʻgʻrisidagi
namunaviy mehnat shartnomasi
1. “__________________” aksiyadorlik jamiyati nomidan, keyinchalik “Jamiyat” deb yuritiladigan aksiyadorlik jamiyati Ustavi asosida ish koʻruvchi Kuzatuvchi kengash raisi bir tomon boʻlib va keyinchalik “Direktor”*) deb yuritiladigan _______________ ikkinchi tomon boʻlib quyidagilar toʻgʻrisida mazkur mehnat shartnomasini tuzdilar:
*) Ijro etuvchi organ rahbari—Bosh direktor, bosh menejer yoki Jamiyat ustaviga muvofiq rahbar hisoblanadigan mansabdor shaxsning boshqa nomi.
2. Umumiy qoidalar.
|
_______2.1. Direktor ______________________jamiyatning rahbarlik qiluvchi | ||
|
(familiyasi, ismi, otasining ismi) | ||
|
ijro etuvchi organiga _______________________________________lavozimiga | ||
| | (Ustavga muvofiq lavozim nomi) | |
| ishga qabul qilinadi. | | |
2.2. Shartnoma asosiy ish joyi boʻyicha shartnoma hisoblanadi.
2.3. Shartnoma bir yil muddatga tuziladi.
Amalda boʻlish muddati tamom boʻlgandan soʻng mehnat shartnomasi navbatdagi yilga uzaytirilishi yoki yangi bir yil muddatga tuzilishi mumkin. Mehnat shartnomasi yangi muddatga tuzilayotganda uning shartlari mazkur mehnat shartnomasi shartlaridan farq qilishi mumkin.
|
_______2.4.Sinov muddati— ________________________________________oy | ||||
| |
(davom etishi yoki sinovsiz) |
| ||
|
_______2.5. Mazkur mehnat shartnomasi boʻyicha __________________________ | ||
| |
(familiyasi, ismi, otasining ismi) | |
2.6. Direktor oʻz faoliyatida amaldagi qonun hujjatlariga, Jamiyat ustaviga, Aksiyadorlar umumiy yigʻilishi va Jamiyat Kuzatuvchi kengashining qarorlariga amal qiladi. Direktor lavozimi boʻyicha Jamiyat kollegial ijro etuvchi organining (Jamiyatning yakkaboshchilik asosida ish koʻruvchi ijro etuvchi organining) rahbari hisoblanadi.
2.7. Direktor oʻz huquqlarini amalga oshirish va majburiyatlarini bajarishda Jamiyat manfaatlarini koʻzlab ish koʻrishi va Jamiyatga nisbatan oʻz majburiyatlarini halol va oqilona bajarishi kerak.
3. Direktorning majburiyatlari.
Direktor quyidagilarga majbur:
3.1. Oʻz vakolati doirasida Jamiyatning samarali va barqaror ishlashini taʼminlagan holda uning joriy faoliyatiga rahbarlik qilish, faqat Aksiyadorlarning umumiy yigʻilishi va Kuzatuvchi kengash vakolatiga kiritilgan masalalar bundan mustasnodir.
3.2. Aksiyadorlar umumiy yigʻilishi va Jamiyatning Kuzatuvchi kengashi qarorlari bajarilishini tashkil etish;
3.3. Aksiyadorlar yigʻilishiga va Jamiyatning Kuzatuvchi kengashiga yillik biznes-reja bajarilishining borishi toʻgʻrisidagi choraklik hisobotlarni, shuningdek oʻz vakolatiga tegishli boʻlgan ishlarning holati toʻgʻrisidagi axborotlarni belgilangan muddatlarda taqdim etish;
3.4. Jamiyatni rivojlantirish dasturlari va biznes-rejalar ishlab chiqilishiga rahbarlik qilish, ularning bajarilishini tashkil etish va nazorat qilish;
3.5. Jamiyatning shartnoma majburiyatlari bajarilishini taʼminlash;
3.6. Ishlab chiqarishni va ijtimoiy sohani rivojlantirish uchun zarur boʻlgan miqdorda foyda olinishini taʼminlash;
3.7. Jamiyat faoliyatida qonuniylikni taʼminlash;
3.8. Jamiyatda buxgalteriya hisobi va hisoboti tashkil etilishini, uning zarur holatda boʻlishi va ishonchliligini taʼminlash, yillik hisobot va boshqa moliyaviy hisobotlarning tegishli organlarga, shuningdek, aksiyadorlarga, kreditorlarga va boshqa maʼlumotlarni oluvchilarga joʻnatiladigan Jamiyat faoliyati toʻgʻrisidagi maʼlumotlarning oʻz vaqtida taqdim etilishini taʼminlash;
3.9. Jamiyat taftish komissiyasi va Jamiyat auditorining talabiga koʻra Jamiyat moliya-xoʻjalik faoliyati toʻgʻrisidagi hujjatlarni toʻsiqsiz taqdim etish;
3.10. Davlat statistika hisobotlari toʻliqligini va ularning tegishli organlarga oʻz vaqtida taqdim etilishini taʼminlash;
3.11. Ishlab chiqarish birliklari, sexlar va Jamiyatning boshqa tarkibiy boʻlinmalarining samarali hamkorlik qilishini taʼminlash;
3.12. Jamiyatning tijorat siri boʻlgan axborotni saqlash, agar bunday axborotni uchinchi shaxslarga berish uning vazifalari doirasiga kirmasa. Jamiyatning tijorat siri boʻlgan maʼlumotlar roʻyxati Kuzatuvchi kengash tomonidan belgilanadi;
3.13. Xizmat yoki tijorat siri hisoblangan axborotning jamiyat xodimlari tomonidan saqlanishini taʼminlash;
3.14. Jamiyatning kollegial ijro etuvchi organi majlislari oʻtkazilishini tashkil etish, Jamiyat nomidan hujjatlarni va ijro etuvchi organ yigʻilishlari protokollarini imzolash;
3.15. Jamiyatni malakali kadrlar bilan taʼminlash, Jamiyat xodimlarining bilimi, malakasi, tajribasi va qobiliyatlaridan yaxshiroq foydalanish chora-tadbirlarini koʻrish;
3.16. Mehnat va texnologiya intizomi saqlanishini, ijtimoiy kafolatlarga rioya etilishini va Jamiyat xodimlari mehnati muhofaza qilinishini taʼminlash;
3.17. Ish beruvchining vakillari jamoa muzokaralarida qatnashishini taʼminlash. Jamoa shartnomalari va bitimlarini tuzishda ish beruvchi sifatida ish koʻrish. Jamoa shartnomasi boʻyicha majburiyatlarni bajarish;
3.18. Uzoq muddat davom etadigan xizmat safarlarini va taʼtillardan foydalanish vaqtini Kuzatuvchi kengash bilan kelishib olish. Uzoq vaqt boʻlmaydigan shaxsning vazifalarini bajaruvchi shaxs toʻgʻrisida Kuzatuvchi kengashni xabardor qilish;
3.19. ___________________ (boshqa majburiyatlar);
3.20. ___________________ (boshqa majburiyatlar).
4. Jamiyatning majburiyatlari.
Jamiyat quyidagilarga majbur:
4.1. Qonun, jamiyat Ustavi va mazkur mehnat shartnomasida Direktor vakolatiga tegishli deb topilgan faoliyatga aralashmaslik;
4.2. Mazkur mehnat shartnomasi shartlariga qatʼiy amal qilish;
4.3. Direktor oʻz majburiyatlarini samarali bajarishi va huquqlarini amalga oshirishi uchun uni zarur vositalar va materiallar bilan taʼminlash;
4.4. ___________________ (boshqa majburiyatlar);
4.5. ___________________ (boshqa majburiyatlar).
5. Direktorning huquqlari.
Direktor quyidagi huquqlarga ega:
5.1. Qonun, Jamiyat Ustavi va mazkur mehnat shartnomasida uning vakolatiga tegishli deb topilgan Jamiyat joriy faoliyatiga rahbarlik qilishga doir barcha masalalarni mustaqil ravishda hal etish;
5.2. Jamiyat nomidan ishonchnomasiz ish koʻrish, shu jumladan boshqa tashkilotlar va organlar bilan oʻzaro hamkorlikda uning manfaatlarini himoya qilish, bank muassasalarida hisob-kitob raqamlari va boshqa hisob raqamlari ochish, bitishuvlar tuzish, faqat Aksiyadorlar umumiy yigʻilishi va Kuzatuvchi kengash vakolatiga kiritilgan bitishuvlar tuzish bundan mustasno, Jamiyat Ustavida kelishib olingan doirada mol-mulk va pul mablagʻlarini tasarruf etish, shartnoma va kontraktlar tuzish, ishonchnomalar berish va yozishmalar olib borish;
5.3. Jamiyat tuzilmasi va shtat jadvalini tasdiqlash, xodimlar bilan mehnat shartnomalari tuzish hamda ularni bekor qilish;
5.4. Jamoa muzokaralarida va jamoa shartnomalarini tuzishda Jamiyat nomidan ish koʻrish;
5.5. Oʻz vakolatiga kiritilgan masalalar boʻyicha Jamiyatning barcha xodimlari tomonidan bajarilishi majburiy boʻlgan buyruqlar chiqarish va koʻrsatmalar berish;
5.6. Jamiyat xodimlarini ragʻbatlantirish;
5.7. Jamiyat xodimlaridan ichki tartib qoidalari, Jamiyatda amalda boʻlgan boshqa qoidalarning, shuningdek mehnat shartnomasi shartlarining bajarilishini talab qilish. Jamiyat xodimlari tomonidan mehnat intizomi buzilgan hollarda Jamiyat xodimlariga nisbatan intizomiy jazo choralarini qoʻllash;
5.8. Jamiyat xodimi bilan mehnat shartnomasi tuzishda xodim uchun Jamiyatning xizmat va tijorat siri hisoblangan maʼlumotlar hajmi va tarkibini aniqlash;
5.9. ___________________ (boshqa huquqlar);
5.10. ___________________ (boshqa huquqlar).
6. Jamiyatning huquqlari.
Jamiyat quyidagi huquqlarga ega:
6.1. Direktorning amaldagi qonun hujjatlariga, Jamiyat ustaviga, aksiyadorlar yigʻilishlari va Jamiyat Kuzatuvchi kengashi qarorlariga rioya etishini nazorat qilish;
6.2. Direktordan mazkur mehnat shartnomasi boʻyicha majburiyatlarni halol va toʻla hajmda bajarishni talab qilish;
6.3. Direktorni ragʻbatlantirish;
6.4. Direktorga intizomiy jazo berish;
6.5. ___________________ (boshqa huquqlar);
6.6. ___________________ (boshqa huquqlar).
7. Mehnatga haq toʻlash. Taʼtil berish. Direktorning ijtimoiy-maishiy taʼminoti.
Mazkur mehnat shartnomasida nazarda tutilgan majburiyatlarni bajarganlik uchun direktorga:
7.1. Bir oyda _____soʻm miqdorida lavozim maoshi toʻlanadi.
Jamiyat boʻyicha umuman, shu jumladan qonun hujjatlariga muvofiq belgilanadigan eng kam oylik ish haqi oshirilishi munosabati bilan Direktorning lavozim maoshi ish haqi oshishining umumiy koeffitsiyentiga oʻzgaradi.
7.2. Jamiyat Kuzatuvchi kengashi bilan kelishgan holda:
lavozim maoshining ________ foizi miqdorida mukofot;
_______ soʻm miqdorida yoki lavozim maoshining ________ foizi miqdorida ish yakunlari boʻyicha haq toʻlash;
____ soʻm miqdorida yoki lavozim maoshining _____ foizi miqdorida har yilgi taʼtilga moddiy yordam koʻrsatish;
7.3. Jamiyatda amalda boʻlgan qoidalar bilan nazarda tutilgan boshqa toʻlovlar va haqlar;
7.4. Direktorga muddati _________ ish kuni boʻlgan har yilgi haq toʻlanadigan taʼtil belgilanadi;
7.5. Mazkur mehnat shartnomasi amalda boʻlgan davrda Direktor vafot etgan hollarda uning oilasiga lavozim maoshining ________ miqdorida bir yoʻla nafaqa beriladi.
7.6. Mazkur mehnat shartnomasi muddatidan oldin bekor qilinganda Jamiyat Kuzatuvchi kengashi tomonidan Direktorga ishdan boʻshatish nafaqasi toʻlash toʻgʻrisida qaror qabul qilinishi mumkin. Ishdan boʻshatish nafaqasi toʻlash shartlari va uning miqdori Direktorning Jamiyatdagi ish muddati uzunligiga va mazkur mehnat shartnomasi bekor qilinishi sabablariga koʻra Jamiyat Kuzatuvchi kengashi tomonidan belgilanadi.
8. Mehnat shartnomasining boshqa shartlari.
8.1. Direktorning boshqa korxonalar, tashkilotlar va muassasalarda oʻrindoshlik tarzida lavozimni egallashiga faqat Jamiyat Kuzatuvchi kengashining roziligi bilan yoʻl qoʻyiladi, u bunday oʻrindoshlikni bir hafta muddatda koʻrib chiqishi kerak;
8.2. Direktor oʻzining aybli harakatlari (yoki harakatsizligi) bilan jamiyatga yetkazilgan zarar uchun Oʻzbekiston Respublikasi Mehnat kodeksida va boshqa qonun hujjatlarida nazarda tutilgan tartibda javob beradi;
8.3. Mazkur mehnat shartnomasiga oʻzgartirish va qoʻshimchalar mehnat shartnomasi tomonlarining kelishuviga koʻra quyidagi hollarda kiritilishi mumkin:
amaldagi qonun hujjatlariga oʻzgartirishlar kiritilganda;
Jamiyat Ustavi oʻzgarganda;
mazkur mehnat shartnomasi tomonlaridan xohlagan birining tashabbusi bilan.
Oʻzgartirish va qoʻshimchalar mazkur mehnat shartnomasining ajralmas qismi hisoblanadigan yozma holdagi qoʻshimcha kelishuv bilan rasmiylashtiriladi.
8.4. Mazkur mehnat shartnomasiga doir nizolar va anglashilmovchiliklar tomonlarning kelishuviga koʻra, kelishuvga erishilmagan hollarda esa amaldagi qonun hujjatlarida belgilangan tartibda hal etiladi;
8.5. _________________ (boshqa shartlar);
8.6. _________________ (boshqa shartlar).
9. Mehnat shartnomasini toʻxtatish.
9.1. Mazkur mehnat shartnomasi uning muddati tugashi bilan toʻxtatiladi;
9.2. Mazkur mehnat shartnomasi:
9.2.1 Direktor tomonidan:
mazkur mehnat shartnomasi boʻyicha majburiyatlar uning tomonidan toʻliq hajmda bajarilishiga toʻsqinlik qiluvchi kasallik yoki nogironlik hollarida;
mazkur mehnat shartnomasi boʻyicha majburiyatlar Jamiyat tomonidan buzilgan hollarda;
boshqa uzrli sabablarga koʻra muddatidan oldin bekor qilinishi mumkin;
9.2.2 Jamiyat tomonidan:
Oʻzbekiston Respublikasi Mehnat kodeksida nazarda tutilgan asoslarga koʻra;
Aksiyadorlar umumiy yigʻilishi yoki Kuzatuvchi kengash qaroriga koʻra (agar jamiyat ustavida unga bunday huquq berilgan boʻlsa), shu jumladan aksiyadorlarning huquqlari buzilganda, korxonaning moliya-xoʻjalik faoliyati jiddiy ravishda yomonlashganda, mahsulotlarni sotish, ishlarni bajarish, xizmatlar koʻrsatish hajmlari asossiz qisqartirilganda, Jamiyatning iqtisodiy nochorligi (bankrotligi) belgilari mavjudligi yoki uning paydo boʻlish xavfi boʻlganda, davlat budjeti oldida barqaror qarzdorlik paydo boʻlganda muddatidan oldin bekor qilinishi mumkin.
9.3. _______________ (toʻxtatishning boshqa shartlari);
9.4. _______________ (toʻxtatishning boshqa shartlari).
Mazkur shartnoma bir xil yuridik kuchga ega boʻlgan ikki nusxada tuzildi. Birinchi nusxasi Jamiyatda, ikkinchisi Direktorda saqlanadi.
|
Aksiyadorlik jamiyati |
Direktor |
|
“_________________________” |
|
|
_________ yil “____” ________________ |
_________ yil “____” ________________ |
Muhr |
|
Keyingi tahrirga qarang.
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Vazirlar Mahkamasining “Aksiyalar paketlarini joylashtirishni takomillashtirish hamda davlat mulki negizida tashkil etilgan aksiyadorlik jamiyatlarini boshqarishda aksiyadorlar rolini oshirish chora-tadbirlari toʻgʻrisida” 1997-yil 18-avgustdagi 404-son qarorining 3 va 5-bandlari oʻz kuchini yoʻqotgan deb hisoblansin.
2. Oʻzbekiston Respublikasi Vazirlar Mahkamasining “Davlat tasarrufidan chiqarish va xususiylashtirish jarayonida tashkil etilgan aksiyadorlik jamiyatlari ustav jamgʻarmasidagi davlat ulushi toʻgʻrisida” 1998-yil 30-iyundagi 272-son qarorining 1-bandi oʻz kuchini yoʻqotgan deb hisoblansin.
3. Oʻzbekiston Respublikasi Vazirlar Mahkamasining “Aksiyadorlik jamiyatlarini boshqarish tizimini takomillashtirishga doir chora-tadbirlar toʻgʻrisida” 1998-yil 22-avgustdagi 361-son qarorida (Oʻzbekiston Respublikasi QT, 1998-y., 8-son, 31-modda):
b) qarorga 1-ilovada:
1.4-bandning ikkinchi gapi quyidagi tahrirda bayon qilinsin: “Aksiyadorlarning Umumiy hisobot yigʻilishida yakka boshchilik qiluvchi ijro etuvchi organ, kollegial ijro etuvchi organ rahbari bilan tuzilgan shartnomalarni uzaytirish mumkinligi yoki toʻxtatish toʻgʻrisidagi masala, jamiyat faoliyati toʻgʻrisidagi yillik hisobot va qonunda nazarda tutilgan boshqa masalalar majburiy tartibda koʻrib chiqiladi”;
“z” kichik band quyidagi tahrirda bayon qilinsin:
“z) jamiyat ijro etuvchi organini tuzish (saylash, tayinlash, yollash va hokazolar), uning vakolatlarini muddatidan oldin toʻxtatish, agar jamiyat ustavida ushbu masalalarni hal etish Kuzatuvchi kengash vakolatlariga kiritilmagan boʻlsa, yakka boshchilik qiluvchi ijro etuvchi organ, kollegial ijro etuvchi organ rahbari tomonidan jamiyat yillik biznes-rejasining tasdiqlangan parametrlarini bajarishda qoʻpol buzilishlarga yoʻl qoʻyilgan yoki uni bajarish barbod qilingan taqdirda, ular bilan tuzilgan shartnomalar Kuzatuvchi kengash tomonidan muddatidan oldin toʻxtatilgan hollar bundan mustasno”;
“l” kichik bandning “jamiyat” soʻzidan oldin “jamiyatning yillik biznes-rejalarini (ushbu masalani hal etish jamiyat ustavida Kuzatuvchi kengashning vakolatlariga tegishli deb topilgan yoki Aksiyadorlarning umumiy yigʻilishi tomonidan unga topshirilgan hollar bundan mustasno)” soʻzlari qoʻshilsin;
“m” kichik band oʻz kuchini yoʻqotgan deb hisoblansin;
“s” kichik bandning toʻrtinchi xatboshi quyidagi mazmundagi xatboshilar bilan almashtirilsin:
“— bitishuv tarafi hisoblangan yoki unda vakil yoki vositachi sifatida qatnashayotgan yuridik shaxsning boshqaruv organlarida lavozimni egallab turgan boʻlsa.
Bunda tuzilishidan manfaatdorlik mavjud boʻlgan jamiyat bilan bitishuv tuzish toʻgʻrisidagi qaror ovoz beruvchi aksiyalar egalari boʻlgan, bitishuvdan manfaatdor boʻlmagan aksiyadorlarning koʻpchilik ovozi bilan Aksiyadorlar umumiy yigʻilishida quyidagi hollarda: 1) agar bitishuv boʻyicha toʻlov summasi va bitishuv mavzusi boʻlgan mol-mulk qiymati jamiyat aktivlari qiymatining besh foizidan ortiq boʻlsa; 2) agar bitishuv va (yoki) oʻzaro bogʻliq boʻlgan bir necha bitishuv jamiyatning ovoz beruvchi aksiyalarini yoki ilgari joylashtirilgan ovoz beruvchi aksiyalarning besh foizidan ortiq boʻlgan miqdorda ovoz beruvchi aksiyalarga konvertatsiya qilinadigan boshqa qimmatli qogʻozlarini joylashtirish hisoblansa qabul qilinadi”;
“t” kichik banddagi “qonun hujjatlarida” soʻzlari “qonunda” soʻzi bilan almashtirilsin;
oxirgi xatboshi quyidagi tahrirda bayon qilinsin:
“a”, “b”, “v”, “d”, “r” kichik bandlarida nazarda tutilgan masalalar boʻyicha qarorlar Aksiyadorlarning umumiy yigʻilishida ishtirok etuvchi ovoz beruvchi aksiyalar egalari boʻlgan aksiyadorlar toʻrtdan uch qismining koʻpchilik ovozi bilan qabul qilinadi”;
3.5-band quyidagi tahrirda bayon qilinsin:
“Aksiyadorlarning umumiy yigʻilishida aksiyadorlar roʻyxatiga kiritilgan, Umumiy yigʻilishda qatnashish huquqiga ega boʻlgan aksiyadorlar, ularning vakolatli vakillari, jamiyat auditori, jamiyat Kuzatuvchi kengashi va ijro etuvchi organlari aʼzolari, jamiyat taftish komissiyasi aʼzolari hozir boʻlish huquqiga ega boʻladilar (Kuzatuvchi kengashni va jamiyat nazorat organlarini saylash boʻyicha ovoz berish byulleteniga kiritilgan nomzodlarni, shuningdek yakka boshchilik qiluvchi ijro etuvchi organ va jamiyatning kollegial ijro etuvchi organi rahbarini tayinlash boʻyicha koʻrsatib oʻtilgan shaxslarni ham taklif etish tavsiya etiladi)”;
4.2-bandning birinchi xatboshidan “olinganligi albatta tasdiqlanadigan” soʻzlari chiqarib tashlansin;
4.4-bandning birinchi xatboshiga “jamiyat moliya-xoʻjalik faoliyati yillik tekshirish natijalari boʻyicha xulosasi” soʻzlaridan keyin “yakka boshchilik qiluvchi ijro etuvchi organ, kollegial ijro etuvchi organ bilan tuzilgan shartnomalarni uzaytirish mumkinligi yoki toʻxtatish toʻgʻrisida Kuzatuvchi kengashning xulosasi” soʻzlari qoʻshilsin;
4.6-band va 4.7-bandning ikkinchi xatboshidagi “Taftish komissiyasiga” soʻzlaridan keyin “(taftishchiga)” soʻzi qoʻshilsin;
birinchi xatboshiga “Taftish komissiyasiga” soʻzlaridan keyin “(taftishchiga)” soʻzi qoʻshilsin;
quyidagi mazmundagi uchinchi xatboshi qoʻshilsin:
“— aksiyador (aksiyadorlar) mazkur Nizomning 4.6-bandida nazarda tutilgan jamiyatning ovoz beruvchi aksiyalari miqdoriga egalik qilmaydi”;
4.10 va 4.11-bandlardagi “Taftish komissiyasiga” soʻzlaridan keyin “(taftishchiga)” soʻzi qoʻshilsin;
6.5-banddagi “aksiyadorlar umumiy sonining kamida 60 foizi” soʻzlari “jamiyatning tarqatilgan va joylashtirilgan ovoz beruvchi aksiyalarining jami boʻlib kamida 60 foiziga egalik qiluvchi aksiyadorlar (ularning vakillari)” soʻzlari bilan almashtirilsin.
7.2-bandning ikkinchi gapi quyidagi tahrirda bayon qilinsin: “Bunda Aksiyadorlar umumiy yigʻilishi prezidiumi tarkibiga lavozimiga koʻra Kuzatuvchi kengash raisi kiradi”;
7.7-band quyidagi tahrirda bayon qilinsin:
“7.7. Sanoq komissiyasi tarkibi uch kishidan kam boʻlishi mumkin emas. Sanoq komissiyasiga jamiyat Kuzatuvchi kengashi aʼzolari, jamiyat Taftish komissiyasi aʼzolari, kollegial ijro etuvchi organ aʼzolari, yakka boshchilik qiluvchi ijro etuvchi organ, teng ravishda boshqaruvchi tashkilot yoki boshqaruvchi, shuningdek nomzodlar tomonidan ushbu lavozimlarga koʻrsatiladigan shaxslar kirishi mumkin emas.”;
8.7-band oʻz kuchini yoʻqotgan deb hisoblansin;
v) qarorga 2-ilova oʻz kuchini yoʻqotgan deb hisoblansin;
g) qarorga 3-ilovada:
1.1-bandning uchinchi va toʻrtinchi gapi quyidagi tahrirda bayon qilinsin:
“Aksiyadorlar umumiy yigʻilishining qaroriga koʻra ijro etuvchi organ vakolatlari shartnoma boʻyicha, shu jumladan tanlov asosida tijorat tashkilotiga (boshqaruvchi tashkilotga) yoki yakka tartibdagi tadbirkorga (boshqaruvchiga) berilishi mumkin. Agar jamiyat ustavida oʻzgacha hol nazarda tutilmagan boʻlsa, shartnoma shartlari Kuzatuvchi kengash tomonidan belgilanadi”;
2.2-band quyidagi tahrirda bayon qilinsin:
“2.2. Aksiyadorlik jamiyatining Ijro etuvchi organi rahbari va uning shaxsiy tarkibi, agar jamiyat ustavida ushbu masalalarni hal etish jamiyat Kuzatuvchi kengashi vakolatiga tegishli deb topilmagan boʻlsa, jamiyat Aksiyadorlari umumiy yigʻilishi tomonidan saylanadi (tayinlanadi, yollanadi va hokazo). Jamiyat ustaviga muvofiq yoki tegishli ravishda Aksiyadorlar umumiy yigʻilishi yoki jamiyat Kuzatuvchi kengashining qaroriga koʻra yakka boshchilik qiluvchi ijro etuvchi organ, kollegial ijro etuvchi organ rahbari tanlov asosida tayinlanishi mumkin”;
2.3-bandga “oddiy koʻpchilik ovoz bilan” soʻzlaridan keyin “Aksiyadorlarning umumiy yigʻilishi tomonidan yoki” soʻzlari qoʻshilsin;
2.4-bandning birinchi xatboshi quyidagi tahrirda bayon qilinsin:
“Aksiyadorlik jamiyati ijro etuvchi organi aʼzoligiga nomzodlarni koʻrib chiqish va tasdiqlash Aksiyadorlar umumiy yigʻilishi yoki Kuzatuvchi kengash tomonidan yakka tartibda amalga oshiriladi. Ijro etuvchi organ aʼzoligiga nomzod jamiyatga oʻzining jinoiy javobgarlikka tortilganligi faktlari toʻgʻrisida maʼlum qilishi shart”;
2.5-bandga “koʻrib chiqilayotganda” soʻzlaridan keyin “aksiyadorlar umumiy yigʻilishi tomonidan yoki” soʻzlari qoʻshilsin”.
2.6-band quyidagi tahrirda bayon qilinsin:
“2.6. Ijro etuvchi organ tarkibiga taklif qilingan nomzodlar Aksiyadorlar umumiy yigʻilishi yoki Kuzatuvchi kengash tomonidan maʼqullangandan keyin yakka boshchilik qiluvchi ijro etuvchi organ, kollegial ijro etuvchi organning rahbari va har bir aʼzosi bilan tegishli lavozim boʻyicha majburiyatlarni bajarish yuzasidan kontrakt tuziladi. Yakka boshchilik qiluvchi ijro etuvchi organ va kollegial ijro etuvchi organning rahbari bilan kontrakt uni uzaytirish mumkinligi yoki toʻxtatish toʻgʻrisida har yili qaror qabul qilingan holda bir yil muddatga tuziladi. Shartnomani jamiyat nomidan Kuzatuvchi kengash raisi yoki Kuzatuvchi kengash tomonidan vakil qilingan shaxs imzolaydi”;
birinchi xatboshidagi “koʻpchilik ovoz bilan Kuzatuvchi kengash tomonidan” soʻzlari “Aksiyadorlar umumiy yigʻilishi yoki agar jamiyat ustavida unga bunday huquq koʻpchilik ovoz bilan berilgan boʻlsa, Kuzatuvchi kengash tomonidan” soʻzlari bilan almashtirilsin;
quyidagi mazmundagi ikkinchi xatboshi qoʻshilsin:
“Kuzatuvchi kengash yakka boshchilik qiluvchi ijro etuvchi organ, jamiyatning kollegial ijro etuvchi organi rahbari bilan tuzilgan shartnomalarni ular tomonidan qoʻpol buzilishlarga yoʻl qoʻyilganda yoki jamiyat yillik biznes-rejasining tasdiqlangan parametrlari bajarilishi barbod qilinganda muddatidan oldin toʻxtatish huquqiga egadir”;
3.4-band quyidagi mazmundagi xatboshi bilan toʻldirilsin:
“Yakka boshchilik qiluvchi ijro etuvchi organni, jamiyatning kollegial ijro etuvchi organi rahbari va aʼzolarini moddiy ragʻbatlantirish jamiyat faoliyati samaradorligiga qarab amalga oshiriladi”;
4.1-band oʻz kuchini yoʻqotgan deb hisoblansin;
4.4-bandning toʻqqizinchi xatboshi quyidagi mazmundagi gap bilan toʻldirilsin:
“Ijro etuvchi organning rahbari yilning har choragida yillik biznes-rejaning bajarilishi toʻgʻrisida Kuzatuvchi kengashga hisobot beradi”;
d) qarorga 4-ilova oʻz kuchini yoʻqotgan deb hisoblansin.
e) qarorga 5-ilovada:
1.1-band quyidagi mazmundagi xatboshi bilan toʻldirilsin:
“Mazkur Tartibning amal qilishi aksiyadorlik jamiyatlari ustav fondining 25 foizi va undan kamrogʻini tashkil etuvchi aksiyadorlik jamiyatlarining davlatga tegishli aksiyalari paketlarini ular toʻliq sotilgungacha boʻlgan davrda ishonchli boshqaruvga berishga joriy etiladi”;
2.1-band quyidagi tahrirda bayon qilinsin:
“2.1. Ishonchli boshqaruvchini tayinlash va u bilan ishonchli boshqaruv toʻgʻrisida shartnoma tuzishni davlat nomidan Davlat mulki qoʻmitasi oʻzi tashkil etgan tanlov komissiyasining qarori asosida amalga oshiradi.
Ishonchli boshqaruvchi – yuridik shaxs aksiyalarning davlat paketini boshqarish boʻyicha aksiyadorlik jamiyatida oʻzining vakolatli vakilini tayinlaydi”;
2.2-bandning birinchi xatboshidagi “Oʻzbekiston Respublikasi Davlat mulki qoʻmitasi topshirigʻiga koʻra aksiyalarni ishonchli boshqaruvchining “Depo” schyotiga oʻtkazish orqali amalga oshiriladi” soʻzlari “aksiyalarni ishonchli boshqaruvchining Davlat mulki qoʻmitasining “Depo-deponent hisob raqami”dagi subhisob raqamiga oʻtkazish orqali amalga oshiriladi” soʻzlari bilan almashtirilsin;
2.5-bandga “Aksiyalari” soʻzidan keyin “(joylashtirilmagan aksiyalari)” soʻzlari qoʻshilsin;
3.1-bandning oltinchi xatboshi chiqarib tashlansin;
4.3-bandning oʻn birinchi xatboshi quyidagi tahrirda bayon qilinsin:
“ishonchli boshqaruvga olingan aksiyalarni ishonchli boshqaruvchining Davlat mulki qoʻmitasining “Depo-deponent hisob raqami”da alohida subhisob raqamida saqlash”;
Davlatga tegishli aksiyalar paketlarini ishonchli boshqaruvga berish tartibiga ilovada:
3.1-banddan “(Vazirlar Mahkamasi, Davlat mulki qoʻmitasi yoki ular tashkil etgan” soʻzlari chiqarib tashlansin;
IV boʻlimning nomidagi “maqomi, huquqlari” soʻzlari “huquqlari” soʻzi bilan almashtirilsin;
4.1-band oʻz kuchini yoʻqotgan deb hisoblansin.
8.1-banddagi “va Oʻzbekiston Respublikasi Davlat mulki qoʻmitasi, Moliya vazirligi hamda Mehnat va aholini ijtimoiy muhofaza qilish vazirligi tomonidan tasdiqlanadigan Tartib asosida aksiyadorlik jamiyati ustaviga” soʻzlari chiqarib tashlansin;
Keyingi tahrirga qarang.
Keyingi tahrirga qarang.
4. Oʻzbekiston Respublikasi Vazirlar Mahkamasining “Davlat mulkini boshqarishni takomillashtirish chora-tadbirlari toʻgʻrisida” 2000-yil 5-iyuldagi 257-son qarorida (Oʻzbekiston Respublikasi QT, 2000-y., 7-son, 35-modda):
a) qarorning 1-bandi va qarorga 1-ilova oʻz kuchini yoʻqotgan deb hisoblansin;
b) 2-bandning uchinchi xatboshi chiqarib tashlansin;
5. Oʻzbekiston Respublikasi Vazirlar Mahkamasining “2001-2002-yillarda xorijiy investorlarni jalb etgan holda korxonalarni davlat tasarrufidan chiqarish va xususiylashtirish boʻyicha kelgusidagi chora-tadbirlar toʻgʻrisida” 2001-yil 9-martdagi 119-son qarorida (Oʻzbekiston Respublikasi QT, 2001-y., 3-son, 17-modda):
a) 3-bandning birinchi va ikkinchi xatboshi quyidagi tahrirda bayon qilinsin:
“3. Oʻzbekiston Respublikasi norezidentlariga tovar-xom ashyo birjalarining hisob-kitob-kliring palatalari va “Oʻzkoʻrgazmasavdo” aksiyadorlik jamiyati hisob raqamlaridagi, respublikaning vakolatli banklarida ochilgan chet el banklarining “Loro” korrespondentlik hisob raqamlaridagi, birjalarning hisob-kitob-kliring palatalaridagi maxsus hisob raqamlaridagi milliy valyutadagi mablagʻlaridan:
ham birlamchi, ham ikkilamchi bozorlarda mamlakatimiz emitentlarining aksiyalarini sotib olish uchun foydalanishga ruxsat berilsin”;
b) qarorga 5-ilovaning 39 va 40-bandlari oʻz kuchini yoʻqotgan deb hisoblansin.
Keyingi tahrirga qarang.
(Oʻzbekiston Respublikasi qonun hujjatlari toʻplami, 2003-y., 7-8-son, 63-modda; 2004-y., 18-son, 206-modda; 2006-y., 42-son, 417-modda, 45-son, 448-modda; 2007-y., 37-38-son, 386-modda; 2008-y., 40-41-son, 412-modda, 48-son, 476-modda, 52-son, 522-modda; 2009-y., 52-son, 568-modda; 2011-y., 37-son, 381-modda; 2013-y., 33-son, 438-modda; 2015-y., 26-son, 340-modda; 2016-y., 6-son, 56-modda, 17-son, 176-modda; 2017-y., 25-son, 543-modda, 33-son, 863-modda; Qonun hujjatlari maʼlumotlari milliy bazasi, 15.04.2020-y., 09/20/217/0426-son; 07.07.2020-y., 09/20/425/1034-son; Qonunchilik maʼlumotlari milliy bazasi, 05.04.2022-y., 09/22/153/0266-son; 10.06.2022-y., 09/22/323/0508-son; 22.07.2023-y., 09/23/304/0510-son; 15.05.2024-y., 09/24/282/0347-son)
