|
Hujjat 04.02.2003 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Birja faoliyatini litsenziyalash toʻgʻrisida
“Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 5-moddasiga hamda “Birjalar va birja faoliyati toʻgʻrisida”gi Oʻzbekiston Respublikasi Qonuniga muvofiq Vazirlar Mahkamasi qaror qiladi:
1. Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasi birja faoliyatini (valyuta birjalari faoliyati bundan mustasno) tartibga soluvchi vakolatli davlat organi etib belgilansin.
Keyingi tahrirga qarang.
2. Birja faoliyatini litsenziyalash toʻgʻrisidagi Nizom ilovaga muvofiq tasdiqlansin.
Keyingi tahrirga qarang.
3. Oʻzbekiston Respublikasi Davlat mulki qoʻmitasi birja faoliyatini amalga oshirayotgan tashkilotlarni 2003-yil 1-aprelgacha mazkur qaror talablariga muvofiq litsenziyalasin.
Belgilab qoʻyilsinki, 2003-yil 1-aprelgacha tegishli litsenziya olmagan birjalar amaldagi qonun hujjatlariga muvofiq birja faoliyatini amalga oshirish huquqidan mahrum etiladi.
4. Oʻzbekiston Respublikasi Davlat mulki qoʻmitasi ikki hafta muddatda litsenziyalar berish yuzasidan xulosalar tayyorlash boʻyicha ekspert komissiya toʻgʻrisidagi nizomni hamda ekspert komissiyaning shaxsiy tarkibini tasdiqlasin.
5. Oʻzbekiston Respublikasi Davlat mulki qoʻmitasi markaziy apparati tuzilmasida xodimlarning belgilangan soni doirasida xodimlarining cheklangan soni 3 nafardan iborat Birja faoliyatini litsenziyalash va nazorat qilish boʻlimi tashkil etilsin, unga quyidagi funksiyalar yuklansin:
litsenziya talabgorlarining arizalarini qabul qilish, litsenziyalarni rasmiylashtirish va berish, litsenziya bitimlari tuzish;
birja faoliyati monitoringini olib borish;
birjalar tomonidan birja faoliyati sohasidagi qonun hujjatlariga, birja savdolari qoidalariga rioya etilishini nazorat qilish.
Belgilab qoʻyilsinki, Birja faoliyatini litsenziyalash va nazorat qilish boʻlimi faoliyatini mablagʻ bilan taʼminlash birja faoliyatini amalga oshirish huquqini beruvchi litsenziyalar berish (amal qilish muddatini uzaytirish) toʻgʻrisidagi arizalarni koʻrib chiqqanlik uchun undiriladigan yigʻimlar, Davlat mulki qoʻmitasi tomonidan “Birjalar va birja faoliyati toʻgʻrisida”gi Oʻzbekiston Respublikasi Qonuniga muvofiq undiriladigan jarimalarning 15 foizi miqdoridagi mablagʻlar va yetmagan qismi xususiylashtirishdan Oʻzbekiston Respublikasi Davlat mulki qoʻmitasi ixtiyorida qoldiriladigan mablagʻlar hisobiga amalga oshiriladi.
Keyingi tahrirga qarang.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2003-yil 4-fevral,
66-son
Birja faoliyatini litsenziyalash toʻgʻrisida
NIZOM
I. Umumiy qoidalar
1. Ushbu Nizom Oʻzbekiston Respublikasi hududida birja faoliyatini litsenziyalash tartibini belgilaydi.
Ushbu Nizomning amal qilishi valyuta birjalari faoliyatiga tatbiq etilmaydi.
2. Birja faoliyatini litsenziyalash Oʻzbekiston Respublikasi Davlat mulki qoʻmitasi tomonidan amalga oshiriladi (keyingi oʻrinlarda matnda “litsenziyalovchi organ” deb yuritiladi).
Keyingi tahrirga qarang.
3. Litsenziyalar berish toʻgʻrisidagi hujjatlarni koʻrib chiqish, litsenziyalar muddatini uzaytirish, ular boʻyicha xulosalar tayyorlash uchun litsenziyalovchi organda ekspert komissiyasi tashkil etiladi. Ekspert komissiyasi toʻgʻrisidagi Nizom va komissiyaning tarkibi litsenziyalovchi organ tomonidan tasdiqlanadi. Ekspert komissiyasi majlisi bir oyda kamida bir marta oʻtkaziladi.
Keyingi tahrirga qarang.
4. Birja faoliyatini amalga oshirish huquqi uchun namunaviy (oddiy) litsenziyalar beriladi.
5. Birja faoliyatini amalga oshirish uchun beriladigan litsenziyaning amal qilish muddati — 5 yil. Litsenziya talabgorning arizasiga koʻra besh yildan kam muddatga berilishi mumkin.
Keyingi tahrirga qarang.
II. Litsenziya talablari va shartlari
6. Quyidagilar birja faoliyatini amalga oshirishda birja talablari va shartlari hisoblanadi:
a) birja faoliyatini amalga oshirish sohasidagi qonun hujjatlariga rioya qilish;
b) elektron birja savdo tizimi mavjudligi;
Keyingi tahrirga qarang.
v) qonun hujjatlarida nazarda tutilgan ustav fondining eng kam miqdori boʻyicha talablarga muvofiqlik;
g) tuzilgan birja bitishuvlari bajarilishining kafolatlanishi tizimi mavjudligi;
d) qonun hujjatlariga muvofiq axborotning maxfiyligini taʼminlash;
e) birja savdosi qoidalarida:
Oʻzbekiston Respublikasi Davlat mulki qoʻmitasi tomonidan beriladigan birja savdosining professional qatnashchilari shahodatnomasiga ega boʻlgan birja aʼzolari va (yoki) ularning vakillarining birja savdolariga qoʻyilishi (fond birjalaridan tashqari);
investitsiya institutlari sifatida faoliyatni amalga oshirish huquqini beruvchi litsenziyaga ega boʻlgan birja aʼzolarining fond birjasida birja savdolariga qoʻyilishi;
Keyingi tahrirga qarang.
birja tovarlarini muomalaga qoʻyish va muomaladan chiqarish tartibotlari;
birja tovarlariga narxlar kotirovkasi va ular toʻgʻrisidagi axborotni oshkor qilish tartibi;
birjada narxlar bilan manipulyatsiya qilish va maxfiy axborotdan noqonuniy foydalanishning oldi olinishi toʻgʻrisidagi qoidalar mavjudligi;
j) birja byulleteniga kiritilgan birja tovarlari bilan savdo qilishni tashkil etish;
Keyingi tahrirga qarang.
z) filiallar mavjud boʻlgan taqdirda, birjaning barcha aʼzolariga ushbu savdolarda bir vaqtning oʻzida qatnashish imkoniyatini bergan holda, markazlashtirilgan birja savdolari oʻtkazish;
i) birja tovarlariga talab va taklif nisbati asosida ularga kotirovkani amalga oshirish;
k) axborotni qonun hujjatlariga muvofiq oshkor qilish;
l) litsenziyalovchi organning talabiga koʻra birja faoliyatini amalga oshirish bilan bogʻliq axborotni taqdim etish.
Keyingi tahrirga qarang.
III. Litsenziya olish uchun taqdim etiladigan hujjatlar
7. Birja faoliyatini amalga oshirish huquqini beruvchi litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:
a) litsenziya berish toʻgʻrisida ariza, unda quyidagilar koʻrsatiladi:
yuridik shaxsning nomi va tashkiliy-huquqiy shakli, joylashgan joyi (pochta manzili), bank muassasasining nomi va bank muassasasidagi talab qilib olinadigan depozit hisob raqami — yuridik shaxs uchun;
litsenziya talabgori amalga oshirishni moʻljallayotgan litsenziyalanadigan faoliyat turi hamda koʻrsatilgan faoliyat turi amalga oshiriladigan muddat;
Keyingi tahrirga qarang.
b) litsenziya talabgorining davlat roʻyxatidan oʻtkazilganligi toʻgʻrisidagi guvohnomaning notarial tasdiqlangan nusxasi;
Keyingi tahrirga qarang.
v) litsenziya talabgori joylashgan joydagi soliq organi tomonidan tasdiqlangan oxirgi hisobot sanasidagi buxgalteriya balansi nusxasi (yangi tashkil etilgan yuridik shaxslar bundan mustasno);
g) ariza koʻrib chiqilganligi uchun yigʻimning toʻlanganligini tasdiqlovchi bank toʻlov hujjati;
Keyingi tahrirga qarang.
d) birja tovarlari bilan savdo qilish qoidalari nusxasi;
e) Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazining litsenziya talabgori tomonidan qimmatli qogʻozlar bozori toʻgʻrisidagi qonun hujjatlari talablariga rioya etilishi toʻgʻrisidagi xulosasi (fond birjalari va boshqa birjalarning fond boʻlimi uchun).
Keyingi tahrirga qarang.
Litsenziya talabgoridan mazkur bandda nazarda tutilmagan hujjatlarning taqdim etilishini talab qilishga yoʻl qoʻyilmaydi.
Keyingi tahrirga qarang.
8. Hujjatlar litsenziya talabgori tomonidan litsenziyalovchi organga bevosita yoxud ularning olinganligi toʻgʻrisidagi bildirishnoma bilan pochta aloqasi vositasi orqali yetkazib beriladi.
Hujjatlar litsenziyalovchi organning tarkibiy boʻlinmasi (Birja faoliyatini litsenziyalash va nazorat qilish boʻlimi) masʼul shaxsi tomonidan roʻyxat boʻyicha qabul qilinadi, roʻyxatning nusxasi hujjatlar qabul qilib olingan sana toʻgʻrisida belgi qoʻyilgan holda arizachiga yuboriladi (topshiriladi).
Keyingi tahrirga qarang.
9. Ishonchsiz yoki notoʻgʻri maʼlumotlar taqdim etilganligi uchun litsenziya talabgori qonun hujjatlariga muvofiq javob beradi.
IV. Arizalarni koʻrib chiqish va litsenziya berish yoki litsenziya berishni rad etish toʻgʻrisida qaror qabul qilish
10. Birja faoliyatini litsenziyalash mazkur Nizomga ilovaga muvofiq sxemaga binoan amalga oshiriladi.
11. Litsenziya berish yoki litsenziya berishni rad etish toʻgʻrisidagi qaror barcha zarur hujjatlar bilan birgalikda litsenziya talabgorining arizasi olingan kundan boshlab oʻttiz kundan oshmaydigan muddatda qabul qilinadi.
12. Barcha zarur hujjatlar bilan birgalikda litsenziya talabgorining arizasi ular olingan kunda koʻrib chiqish uchun ekspert komissiyaga kiritiladi.
Ekspert komissiya ariza olingan kundan boshlab yigirma kundan oshmaydigan muddatda hujjatlarni koʻrib chiqadi, ular boʻyicha litsenziya berish yoki litsenziya berishni rad etish toʻgʻrisida ekspert xulosasi tayyorlaydi.
13. Litsenziyalovchi organ ekspert komissiya xulosasi asosida litsenziya berish yoki litsenziya berishni rad etish toʻgʻrisida uch kun muddatda qaror qabul qiladi.
14. Litsenziyalovchi organ tomonidan litsenziya olish uchun taqdim etilgan hujjatlar koʻrib chiqilganligi uchun eng kam oylik ish haqining toʻrt baravari miqdorida yigʻim undiriladi, yigʻim litsenziyalovchi hisob raqamiga oʻtkaziladi. Litsenziya talabgori berilgan arizadan voz kechgan taqdirda toʻlangan yigʻim summasi qaytarilmaydi.
Keyingi tahrirga qarang.
15. Litsenziyalovchi organ tegishli qaror qabul qilingandan keyin uch kun mobaynida litsenziya talabgorini qabul qilingan qaror toʻgʻrisida xabardor qiladi.
Litsenziya berish yuzasidan qaror qabul qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari, davlat bojini toʻlash muddatlari koʻrsatilgan holda yozma shaklda joʻnatiladi (taqdim etiladi).
16. Litsenziya bitimi litsenziyalovchi organ va litsenziatning oʻzaro huquq va majburiyatlarini belgilovchi hujjat hisoblanadi.
Litsenziya bitimida quyidagilar boʻlishi kerak:
bitimni imzolagan shaxslarning familiyasi, ismi, otasining ismi, lavozimi;
tomonlarning rekvizitlari;
amalga oshirilishiga litsenziya berilayotgan faoliyat turining nomi;
litsenziatga qoʻyiladigan litsenziya talablari va shartlari;
litsenziyaning amal qilish muddati;
Keyingi tahrirga qarang.
litsenziya bitimi talablari va shartlari buzilganligi uchun tomonlarning javobgarligi;
litsenziat tomonidan litsenziya bitimi talablari va shartlari bajarilishining litsenziyalovchi organ tomonidan nazorat qilinishi tartibi;
Mazkur Nizomga muvofiq boshqa maʼlumotlar.
Litsenziya bitimi ikki nusxada tuziladi, bir nusxasi litsenziyalovchi organda qoladi, ikkinchisi esa litsenziya bilan birgalikda litsenziatga beriladi.
17. Litsenziyalar maxsus blankalarda rasmiylashtiriladi. Litsenziya blankasi namunasi Vazirlar Mahkamasining 2000-yil 20-dekabrdagi 488-son qaroriga muvofiq litsenziyalovchi organ tomonidan tasdiqlanadi.
Litsenziyalar blankalari qatʼiy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziya blankalari litsenziyalovchi organ buyurtmasi boʻyicha bosmaxona usulida “Davlat belgisi” davlat-ishlab chiqarish birlashmasida tayyorlanadi. Birja faoliyatini litsenziyalash va nazorat qilish boʻlimi rahbari litsenziya blankalarini hisobga olish, saqlash va ulardan maqsadli foydalanilishi uchun javob beradi.
Keyingi tahrirga qarang.
18. Litsenziya litsenziya talabgori tomonidan davlat boji toʻlanganligini tasdiqlovchi hujjat taqdim etilgandan va u litsenziya bitimini imzolagandan keyin uch kun muddatda rasmiylashtiriladi va beriladi.
19. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji toʻlanganligini tasdiqlovchi hujjatni taqdim etmasa yoxud litsenziya bitimini imzolamasa, litsenziyalovchi organ litsenziyani bekor qilish toʻgʻrisida qaror qabul qilishga haqlidir.
20. Litsenziya berish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 17-moddasida belgilangan asoslar boʻyicha rad etilishi mumkin.
Litsenziya talabgori litsenziyalovchi organning litsenziya berishni rad etish toʻgʻrisidagi qarori, shuningdek litsenziyalovchi organ mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
21. Litsenziya berish rad etilishi toʻgʻrisida qaror qabul qilingan taqdirda, rad etish toʻgʻrisidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda yozma shaklda yuboriladi (topshiriladi).
Keyingi tahrirga qarang.
22. Litsenziya talabgori tomonidan litsenziya berish rad etilishiga asos boʻlgan sabablar bartaraf etilgan taqdirda, litsenziyalovchi organ tomonidan hujjatlarni takroran koʻrib chiqish litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda amalga oshiriladi.
Bunda takroran taqdim etilgan hujjatlar ular qabul qilingan kunda koʻrib chiqish uchun ekspert komissiyaga kiritiladi.
Ekspert komissiya yetti kundan ortiq boʻlmagan muddatda taqdim etilgan hujjatlarni takroran koʻrib chiqadi va ular yuzasidan litsenziya berish yoki litsenziya berishni rad etish toʻgʻrisida ekspert xulosasi tayyorlaydi.
Litsenziyalovchi organ ekspert komissiyasi xulosasi asosida uch kun muddatda litsenziya berish yoki litsenziya berishni rad etish toʻgʻrisida qaror qabul qiladi.
23. Litsenziya talabgorlarining arizalari takroran koʻrib chiqilganligi uchun yigʻim undirilmaydi. Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
Keyingi tahrirga qarang.
V. Litsenziyalarni qayta rasmiylashtirish, ularning amal qilish muddatini uzaytirish, dublikat berish
Keyingi tahrirga qarang.
24. Litsenziat qayta tashkil etilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyxatdan oʻtkazilgandan keyin bir hafta muddatda litsenziyalovchi organga koʻrsatib oʻtilgan maʼlumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish toʻgʻrisida ariza berishi shart.
Keyingi tahrirga qarang.
25. Litsenziat litsenziya qayta rasmiylashtirilgunga qadar unda koʻrsatilgan faoliyatni ilgari berilgan litsenziya asosida amalga oshiradi.
26. Litsenziyalovchi organ litsenziyani qayta rasmiylashtirishda litsenziyalar reyestriga tegishli oʻzgartirishlar kiritadi. Litsenziyani qayta rasmiylashtirish litsenziyalovchi organ tomonidan tegishli hujjatlar ilova qilingan holda litsenziyalarni qayta rasmiylashtirish toʻgʻrisida ariza olingan kundan boshlab besh kun mobaynida amalga oshiriladi.
Litsenziyalarni qayta rasmiylashtirishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim litsenziyalovchi organ hisob raqamiga oʻtkaziladi.
Keyingi tahrirga qarang.
27. Litsenziyaning amal qilish muddatini uzaytirish litsenziatning arizasiga koʻra amalga oshiriladi. Litsenziyaning amal qilish muddatini uzaytirish toʻgʻrisidagi ariza litsenziyalovchi organga litsenziyaning amal qilish muddati tugagunga qadar ikki oydan kechikmay berilishi kerak. Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.
Keyingi tahrirga qarang.
28. Amal qilish muddati oʻtmagan yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra dublikat berilishi mumkin.
Keyingi tahrirga qarang.
Litsenziya dublikatlari berishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi.
Keyingi tahrirga qarang.
VI. Litsenziya talablari va shartlariga rioya etilishini nazorat qilish
29. Litsenziat tomonidan litsenziya shartlari va talablariga rioya etilishini nazorat qilish litsenziyalovchi organ tomonidan qonun hujjatlarida belgilangan tartibda amalga oshiriladi.
30. Litsenziya talablari va shartlariga rioya etilishini nazorat qilishda litsenziyalovchi organ oʻz vakolatlari doirasida quyidagi huquqlarga ega boʻladi:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi hollar mavjud boʻlgan taqdirda litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur axborotni soʻrash va olish;
tekshirishlar natijalari asosida, litsenziya talablari va shartlarining litsenziat tomonidan aniq buzilishlarini koʻrsatgan holda dalolatnomalar (maʼlumotnomalar) tuzish;
litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
litsenziyaning amal qilishini toʻxtatib turish va toʻxtatish yoxud uni bekor qilish toʻgʻrisida qaror qabul qilish.
Keyingi tahrirga qarang.
31. Litsenziya talablari va shartlariga rioya etilishini tekshirishda litsenziyalovchi organning tekshiruvchi xodimlari tomonidan ikki nusxada dalolatnoma tuziladi, ularning bittasi litsenziatga beriladi, ikkinchi nusxasi litsenziyalovchi organda qoladi.
VII. Litsenziyaning amal qilishini toʻxtatib turish, toʻxtatish, litsenziyani bekor qilish
32. Litsenziyaning amal qilishini toʻxtatib turish va toʻxtatish, litsenziyani bekor qilish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining tegishli ravishda 22—24-moddalarida nazarda tutilgan hollarda va tartibda litsenziyalovchi organ tomonidan amalga oshiriladi.
Keyingi tahrirga qarang.
33. Litsenziyalovchi organning litsenziyaning amal qilishini toʻxtatib turish va toʻxtatish, litsenziyani bekor qilish toʻgʻrisidagi qarori yuzasidan sudga shikoyat qilinishi mumkin. Litsenziyalovchi organning qarori sud tomonidan asossiz deb eʼtirof etilgan taqdirda litsenziyalovchi organ litsenziat oldida uning koʻrgan zarari miqdorida javob beradi.
VIII. Litsenziyalar reyestri
34. Litsenziyalovchi organ litsenziyalar reyestrini yuritadi. Litsenziyalar reyestrida quyidagilar koʻrsatilishi kerak:
yuridik shaxsning nomi, uning tashkiliy-huquqiy shakli, pochta manzili, telefoni;
muassislarning ustav sarmoyasidagi ulushlari toʻgʻrisidagi maʼlumotlar;
litsenziyaning berilgan sanasi va tartib raqami;
litsenziyaning amal qilish muddati;
Keyingi tahrirga qarang.
litsenziyalarni qayta rasmiylashtirish, ularning amal qilishini toʻxtatib turish va amal qilishini tiklashning asoslari va sanasi;
litsenziyalarning amal qilishini toʻxtatish asoslari va sanasi;
litsenziyalarni bekor qilish asoslari va sanasi;
dublikat berish asoslari va sanasi.
35. Litsenziyalar reyestridagi mavjud maʼlumotlar manfaatdor shaxslarning ular bilan tanishishi uchun ochiq hisoblanadi va ularning yozma soʻroviga muvofiq reyestrdan koʻchirma tarzida berilishi mumkin.
Keyingi tahrirga qarang.
36. Litsenziyalar reyestridan bir litsenziatga nisbatan maʼlumot berilganligi uchun eng kam oylik ish haqining yarmi miqdorida toʻlov undiriladi.
Litsenziyalar reyestridan maʼlumotlar davlat hokimiyati va boshqaruv organlariga tekin beriladi.
Keyingi tahrirga qarang.
37. Reyestrdan maʼlumot berilganligi uchun toʻlov litsenziyalovchi organning maxsus hisob raqamiga oʻtkaziladi.
Keyingi tahrirga qarang.
38. Reyestrdan maʼlumot berish muddati tegishli ariza berilgan sanadan boshlab uch kundan ortiq boʻlmasligi kerak (maʼlumot berilganligi uchun toʻlov toʻlanganligini tasdiqlovchi hujjat taqdim etilgan taqdirda).
Keyingi tahrirga qarang.
IX. Litsenziya berilganligi uchun davlat boji toʻlash
39. Birja faoliyatini amalga oshirishga litsenziya berilganligi va uning amal qilish muddati uzaytirilganligi uchun eng kam oylik ish haqining toʻrt baravari miqdorida davlat boji undiriladi.
Keyingi tahrirga qarang.
40. Davlat boji respublika budjetiga oʻtkaziladi.
Keyingi tahrirga qarang.
Birja faoliyatini litsenziyalash
sxemasi
Keyingi tahrirga qarang.
Keyingi tahrirga qarang.
(Oʻzbekiston Respublikasi qonun hujjatlari toʻplami, 2003-y., 3-son, 25-modda; 2004-y., 32-son, 364-modda; 2005-y., 32-33-son, 251-modda; 2006-y., 20-21-son, 181-modda, 46-47-son, 458-modda; 2008-y., 40-41-son, 412-modda; OʻR QHT, 2012-y., 6-son, 57-modda, 44-son, 507-modda; 2013-y., 37-son, 485-modda; 2014-y., 31-son, 380-modda; 2015-y., 1-son, 9-modda; 2016-y., 17-son, 176-modda; 2017-y., 33-son, 863-modda; Qonun hujjatlari maʼlumotlari milliy bazasi, 30.10.2018-y., 09/18/884/2128-son; 29.12.2019-y., 09/19/1046/4242-son; 15.04.2020-y., 09/20/217/0426-son; 16.06.2020-y., 09/20/384/0770-son; Qonunchilik maʼlumotlari milliy bazasi, 22.02.2022-y., 09/22/80/0154-son)
