Hujjat kuchini yo‘qotgan " " 22.02.2021
Oʻzbekiston SSJ Prezidenti huzuridagi Vazirlar Mahkamasining VA OʻZBEKISTON SSJ KASABA UYuShMALARI FEDERATSIYASI KENGAShINING
qarori
Jumhuriyat vazirliklari va idoralari, korxonalari va muassasalarining ish rejimini oʻzgartirish toʻgʻrisida
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Jumhuriyatda dekret vaqti bekor qilinib, mintaqa vaqti joriy etilganligi munosabati bilan, aholining, mehnat jamoalarining istaklarini hisobga olib, Vazirlar Mahkamasi va Oʻzbekiston SSJ Kasaba uyushmalari Federatsiyasi Kengashi qaror qiladilar:
1. Jumhuriyat vazirliklari, idoralari, tashkilotlari va muassasalari apparati xodimlari uchun 1991-yil 8-apreldan eʼtiboran ishni ertalab soat 9 da boshlash grafigi belgilansin.
2. Ishlab chiqarish va mehnatkashlar manfaatlarini hisobga olib, Oʻzbekiston SSJ Kasaba uyushmalari Federatsiyasi Kengashi bilan kelishilgan holda korxonalar uchun ish boshlashning qulay grafigini joriy qilish tavsiya etilsin.
3. Qoraqalpogʻiston MSSJ Vazirlar Kengashi, viloyat ijroiya qoʻmitalari, Toshkent shahar ijroiya qoʻmitasi, vazirliklar va idoralar bir hafta muddat ichida transport, aloqa xizmati, maishiy xizmat koʻrsatish sohasi, umumiy ovqatlanish korxonalarida ish boshlash grafigini mintaqa vaqtiga muvofiqlashtirsinlar.
Vazirlar Mahkamasining Raisi I. KARIMOV
Oʻzbekiston SSJ Kasaba uyushmalari Federatsiyasi Kengashining Raisi B. ALLAMURODOV
Toshkent sh.,
1991-yil 3-aprel,
86-son