Hujjat kuchini yo‘qotgan " " 22.02.2021
Oʻzbekiston SSJ Prezidenti huzuridagi Vazirlar Mahkamasining
qarori
Kelin-kuyovlarga mebel, gilam va gilam poyondozlarni sotishning imtiyozli tartibi toʻgʻrisida
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Jumhuriyat aholisining milliy xususiyatlari va anʼanalari munosabati bilan kelin va kuyovlarni chakana narxlar keskin oshgan sharoitda ijtimoiy himoya qilish maqsadida Vazirlar Mahkamasi qaror qiladi:
Oʻzbekiston SSJ Prezidenti huzuridagi Vazirlar Mahkamasining 1990-yil 27-noyabrdagi 370-son qarori 4-punktining birinchi abzatsi qisman oʻzgartirilib, 1991-yil 3-apreldan boshlab kelin va kuyovlarga bitta gilam yoki gilam poyondoz, mamlakatimizda ishlab chiqarilgan bitta mebel yigʻmasi yoki mamlakatimizda ishlab chiqarilgan yigʻmaga va garnituraga kirmaydigan boshqa mebel buyumlarni shartnoma (erkin) narxlarning, boshqariladigan yoki belgilab qoʻyilgan narxlarning 75 foizini, lekin har bir oilaga koʻpi bilan 1500 soʻm chegirib sotish joriy etilsin.
Vazirlar Mahkamasining Raisi I. KARIMOV
Toshkent sh.,
1991-yil 2-aprel,
82-son