Jumhuriyat yengil sanoat birlashmalari va korxonalarining mustaqilligini kengaytirish, bozor munosabatlari sharoitida ularning ishi hamda “O‘zbekiston SSRdagi korxonalar to‘g‘risida”gi O‘zbekiston SSR Qonunining amal qilish samaradorligini oshirish maqsadida, shuningdek, muassis tashkilotlarning takliflari hisobga olinib:

1. Jumhuriyat Yengil sanoat vazirligi negizida O‘zbekiston Davlat yengil sanoat mollari ishlab chiqarish uyushmasi tuzilib, uning tarkibiga quyidagilar kiritilsin:

to‘qimachilik mahsulotlari ishlab chiqaradigan “O‘zbekto‘qimachi” O‘zbekiston davlat konserni;

tikuvchilik va trikotaj buyumlari ishlab chiqaradigan “O‘zbekkiyim” O‘zbekiston davlat konserni;

charm-poyabzal sanoati mollarini ishlab chiqaradigan “O‘zbekpoyabzal” O‘zbekiston davlat konserni;

chinni buyumlar ishlab chiqaradigan “O‘zbekiston chinnisi” O‘zbekiston davlat konserni;

yuqorida sanab o‘tilgan konsernlar tuzilmasiga kirmagan va umumtarmoq vazifalarini bajaradigan birlashmalar, korxonalar va tashkilotlar.

2. O‘zbekiston SSR Prezidenti huzuridagi Vazirlar Kabineti (o‘rtoq O‘.K. Ismoilov) Ushbu Farmonni amalga oshirishga doir tashkiliy choralarni ko‘zda tutuvchi tegishli qarorni tayyorlasin.