Oʻzbekiston Respublikasining “Raqobat toʻgʻrisida” va “Tadbirkorlik faoliyati sohasidagi ruxsat berish tartib-taomillari toʻgʻrisida”gi qonunlariga muvofiq:

1. Quyidagilarga:

Oʻzbekiston Respublikasi Prezidentining 2007-yil 27-apreldagi PQ-630-sonli qarori bilan tasdiqlangan Tadbirkorlik subyektlarini ixtiyoriy tugatish va ularning faoliyatini toʻxtatish tartibi toʻgʻrisidagi Nizomga 1-ilovaga muvofiq oʻzgartishlar:

Oʻzbekiston Respublikasi Prezidentining 2006-yil 24-maydagi PQ-357-sonli qarori bilan tasdiqlangan Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi Nizomga 2-ilovaga muvofiq qoʻshimchalar kiritilsin.

2. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

1. 31-bandning ikkinchi xatboshi va 34-bandning sakkizinchi xatboshidagi “maʼlumotnoma” soʻzi “xulosa” soʻzi bilan almashtirilsin.

2. 32-banddagi “maʼlumotnomasi” soʻzi “xulosasi” soʻzi bilan almashtirilsin.

3. 54-bandning uchinchi xatboshidagi “maʼlumotnomasi” va “Maʼlumotnoma” soʻzlari tegishli ravishda “xulosasi” va “Xulosa” soʻzlari bilan almashtirilsin.

4. 1-ilovaning (Moliya-xoʻjalik faoliyatini amalga oshirayotgan korxonalarni ixtiyoriy tugatish Sxemasi) toʻqqizinchi bosqichi “Mexanizm” ustuni, oʻninchi bosqichi “Muddatlar” ustuni va oʻn birinchi bosqichi “Mexanizm” ustunining toʻqqizinchi xatboshidagi “maʼlumotnoma” soʻzlari “xulosa” soʻzi bilan almashtirilsin.

5. 3-ilovaning (Tadbirkorlik subyektlari — jismoniy shaxslar faoliyatini ixtiyoriy toʻxtatish Sxemasi) birinchi bosqichi “Mexanizm” va “Muddatlar” ustunlarida, ikkinchi bosqichning “Mexanizm” ustunidagi birinchi xatboshida hamda uchinchi bosqichning “Mexanizm” ustunidagi “maʼlumotnoma” soʻzlari “xulosa” soʻzi bilan almashtirilsin.

1. 11-bandning “g” kichik bandi quyidagi mazmundagi xatboshi bilan toʻldirilsin:

“raqobat toʻgʻrisidagi qonun hujjatlari bilan belgilangan hollarda, xoʻjalik yurituvchi subyektlar birlashmalarini tashkil etishga, xoʻjalik yurituvchi subyektlarning qoʻshilishi va birlashishiga dastlabki rozilikni berish toʻgʻrisida monopoliyaga qarshi organning qarori”.

2. 33-band:

a) quyidagi mazmundagi oʻninchi xatboshi bilan toʻldirilsin:

“raqobat toʻgʻrisidagi qonun hujjatlarida nazarda tutilgan hollarda, ustav fondida (ustav kapitalida) aksiyalarni (ulushlarni) sotib olish boʻyicha bitimlarni amalga oshirishga, shuningdek, xoʻjalik yurituvchi subyektlar birlashmalarini tashkil etishga, xoʻjalik yurituvchi subyektlarning qoʻshilishi va birlashishiga dastlabki rozilikni berish toʻgʻrisida monopoliyaga qarshi organning qarori”;

b) oʻninchi — oʻn uchinchi xatboshilar tegishli ravishda oʻn birinchi — oʻn toʻrtinchi xatboshilar deb hisoblansin.