Hujjat kuchini yo‘qotgan " " 19.03.2020

Hujjat 12.08.2013 00 sanasi holatiga
Amaldagi versiyaga o‘tish

Oʻzbekiston Respublikasi Vazirlar Mahkamasining

qarori

Davlat ehtiyojlari uchun paxta xomashyosini yetkazib berish boʻyicha shartnoma majburiyatlarini bajargan fermer xoʻjaliklariga kontraktatsiya shartnomasidan ortiqcha topshirilgan paxta xomashyosini qayta ishlashdan olingan paxta shroti (kunjarasi) va paxta chigiti sheluxasini sotish tartibi toʻgʻrisidagi nizomni tasdiqlash haqida

LexUZ sharhi

Mazkur qaror Oʻzbekiston Respublikasi Vazirlar Mahkamasining 2020-yil 18-martdagi 170-sonli “Tovar xomashyo birjalari faoliyatiga ilgʻor axborot texnologiyalarini keng joriy etish va elektron tijorat faoliyatini izchil rivojlantirish boʻyicha qoʻshimcha chora-tadbirlar toʻgʻrisida”gi qaroriga asosan oʻz kuchini yoʻqotgan.

Oʻzbekiston Respublikasi Prezidentining “Oʻzbekistonda fermerlik faoliyatini tashkil qilishni yanada takomillashtirish va uni rivojlantirish chora-tadbirlari toʻgʻrisida” 2012-yil 22-oktabrdagi PF–4478-son Farmonini bajarish yuzasidan hamda paxta xomashyosi hosildorligini va yetishtirish hajmlarini koʻpaytirishdan fermer xoʻjaliklarining manfaatdorligini oshirish maqsadida Vazirlar Mahkamasi qaror qiladi:

1. 2013-yil hosilidan boshlab Oʻzbekiston respublika tovar xomashyo birjasining ochiq birja savdolarida yem-xashak sotish boʻyicha tuman va viloyat birlashmalari tomonidan xarid qilingan paxta shroti (kunjara) va paxta chigiti sheluxasi ular tomonidan birinchi navbatda davlat ehtiyojlari uchun shartnoma hajmlaridan ortiq paxta xomashyosi yetkazib berishni taʼminlagan fermer xoʻjaliklariga sotilishi tartibi belgilansin.

2. Oʻzbekiston Respublikasi Iqtisodiyot vazirligi tegishli moddiy balanslarni ishlab chiqishda 2013-yil hosilidan boshlab davlat ehtiyojlari uchun shartnoma hajmlaridan ortiq paxta xomashyosi yetkazib berishni taʼminlagan fermer xoʻjaliklariga moʻljallangan paxta shroti (kunjara) va paxta chigiti sheluxasini birja savdolari orqali sotish hajmlarini alohida satrda nazarda tutsin.

3. Davlat ehtiyojlari uchun paxta xomashyosini yetkazib berish boʻyicha shartnoma majburiyatlarini bajargan fermer xoʻjaliklariga kontraktatsiya shartnomasidan ortiqcha topshirilgan paxta xomashyosini qayta ishlashdan olingan paxta shroti (kunjara) va paxta chigiti sheluxasini sotish tartibi toʻgʻrisidagi Nizom ilovaga muvofiq tasdiqlansin.

4. Qoraqalpogʻiston Respublikasi Vazirlar Kengashi Raisiga, viloyatlar va tumanlar hokimlariga, Oziq-ovqat sanoati korxonalari uyushmasi va “Oʻzpaxtasanoat” uyushmasi rahbarlariga ushbu qarorda belgilangan tartibga rioya etilishi uchun shaxsiy javobgarlik yuklansin.

Keyingi tahrirga qarang.

5. Vazirliklar va idoralar bir oy muddatda idoraviy normativ-huquqiy hujjatlarini ushbu qarorga muvofiqlashtirsinlar.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2013-yil 5-avgust,

218-son

Vazirlar Mahkamasining 2013-yil 5-avgustdagi 218-son qaroriga
ILOVA

Davlat ehtiyojlari uchun paxta xomashyosini yetkazib berish boʻyicha shartnoma majburiyatlarini bajargan fermer xoʻjaliklariga kontraktatsiya shartnomasidan ortiqcha topshirilgan paxta xomashyosini qayta ishlashdan olingan paxta shroti (kunjara) va paxta chigiti sheluxasini sotish tartibi toʻgʻrisida

NIZOM

I. Umumiy qoidalar

1. Ushbu Nizom davlat ehtiyojlari uchun shartnoma hajmlaridan ortiq paxta xomashyosini yetkazib bergan fermer xoʻjaliklariga paxta shroti (kunjara) va paxta chigiti sheluxasini sotish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

tuman va viloyat birlashmalari — paxta shroti (kunjara) va paxta chigiti sheluxasini birja savdolaridan xarid qiluvchi va keyinchalik ularni fermer xoʻjaliklariga sotuvchi ixtisoslashtirilgan tashkilotlar;

ixtisoslashtirilgan shoxobchalar — tuman va viloyat birlashmalari tarkibidagi yem-xashak, shu jumladan omixta yem, shrot (kunjara) va sheluxani sotuvchi ixtisoslashtirilgan punktlar;

fermer xoʻjaliklari — davlat ehtiyojlari uchun paxta xomashyosini kontraktatsiya shartnomalarida nazarda tutilgan hajmlardan ortiqcha topshirgan paxtachilik fermer xoʻjaliklari.

3. Keyinchalik fermer xoʻjaliklariga sotish uchun paxta shroti (kunjara) va paxta chigiti sheluxasini tuman va viloyat birlashmalariga sotish ochiq birja savdolari orqali amalga oshiriladi.

4. Tuman va viloyat birlashmalari ixtisoslashtirilgan shoxobchalar orqali ushbu Nizomga muvofiq sotib olingan paxta shroti (kunjara) va paxta chigiti sheluxasi fermer xoʻjaliklariga sotilishini taʼminlaydi.

5. Fermer xoʻjaliklari ushbu Nizomga muvofiq oʻzlariga moʻljallangan paxta shroti (kunjara) va paxta chigiti sheluxasini umuman Qoraqalpogʻiston Respublikasi, viloyatlar va tumanlar boʻyicha shartnoma majburiyatlari bajarilishidan qatʼi nazar sotib oladi.

6. Paxta shroti (kunjara) va paxta chigiti sheluxasini fermer xoʻjaliklariga sotish ushbu Nizomga 1-ilovaga muvofiq sxema boʻyicha amalga oshiriladi.

II. Paxta shroti (kunjara) va paxta chigiti sheluxasi hajmlarini shakllantirish tartibi

7. Paxtani qayta ishlash korxonalari har yili 5-dekabrga qadar fermer xoʻjaliklari bilan birgalikda davlat ehtiyojlari uchun kontraktatsiya shartnomalarida belgilangan hajmlardan ortiqcha yetkazib berilgan paxta xomashyosi hajmlari toʻgʻrisida solishtirma dalolatnomani tuzadilar.

8. Tuzilgan solishtirma dalolatnomalar asosida paxtani qayta ishlash tashkiloti tuman qishloq va suv xoʻjaligi boʻlimi hamda tuman fermyerlar Kengashi bilan birgalikda ushbu Nizomga 2-ilovaga muvofiq shakl boʻyicha fermer xoʻjaliklari tomonidan davlat ehtiyojlari uchun yetkazib berilgan paxta xomashyosi, shartnoma hajmlaridan ortiqcha paxta xomashyosi, shuningdek shartnoma hajmlaridan ortiqcha paxta xomashyosidan olingan texnik chigitlar hajmlari aks etgan fermer xoʻjaliklari reyestrini shakllantiradi va uni joriy yilning 10-dekabriga qadar tuman hokimligiga taqdim etadi.

Keyingi tahrirga qarang.

Texnik chigit chiqishi meʼyori qayta ishlangan paxta xomashyosi hajmining 50 foizi miqdorida belgilanadi.

9. Tuman hokimliklari fermer xoʻjaliklari reyestri qabul qilib olingan kundan boshlab ikki ish kuni mobaynida mazkur reyestrni tasdiqlaydi va uni (hujjatning elektron versiyasi bilan birga) Qoraqalpogʻiston Respublikasi Vazirlar Kengashiga va viloyatlar hokimliklariga yuboradi.

10. Qoraqalpogʻiston Respublikasi Vazirlar Kengashi, viloyatlar hokimliklari hududiy “Paxtasanoat” birlashmasi, viloyat qishloq va suv xoʻjaligi boshqarmasi hamda hududiy Fermyerlar kengashi bilan birgalikda tuman hokimliklari tomonidan taqdim etilgan fermer xoʻjaliklari reyestrini umumlashtiradi va tasdiqlaydi hamda uni (hujjatning elektron versiyasi bilan birga) joriy yilning 15-dekabriga qadar “Oʻzpaxtasanoat” uyushmasiga ushbu Nizomga 3-ilovaga muvofiq shakl boʻyicha yuboradi.

Keyingi tahrirga qarang.

11. “Oʻzpaxtasanoat” uyushmasi fermer xoʻjaliklari reyestri olingan kundan boshlab besh ish kuni mobaynida ushbu reyestrni umumlashtiradi va yigʻma reyestrni Oziq-ovqat sanoati korxonalari uyushmasiga (hujjatning elektron versiyasi bilan birgalikda) yuboradi.

Keyingi tahrirga qarang.

12. Oziq-ovqat sanoati korxonalari uyushmasi “Oʻzpaxtasanoat” uyushmasi tomonidan taqdim etilgan fermer xoʻjaliklari reyestrlari asosida fermer xoʻjaliklariga sotish uchun ularga moʻljallangan paxta shroti (kunjara) va paxta chigiti sheluxasi hajmlarini ushbu Nizomga 4-ilovaga muvofiq shakl boʻyicha aniqlaydi.

Keyingi tahrirga qarang.

Paxta shroti (kunjara) va paxta chigiti sheluxasi meʼyori ushbu Nizomning 8-bandiga muvofiq aniqlangan texnik chigit hajmiga nisbatan tegishli ravishda 44,8 va 31,7 foiz miqdorida belgilanadi.

13. Oziq-ovqat sanoati korxonalari uyushmasi joriy yilning 25-dekabriga qadar:

Keyingi tahrirga qarang.

paxta shroti (kunjara) va paxta chigiti sheluxasi hajmlari, shuningdek yogʻ-moy tashkilotlari joylashuvi aks etgan tasdiqlangan fermer xoʻjaliklari reyestrini Qoraqalpogʻiston Respublikasi Vazirlar Kengashiga va viloyatlar hokimliklariga;

paxta shroti (kunjara) va paxta chigiti sheluxasi hajmlarining respublika mintaqalari boʻyicha hisob-kitoblarini kelgusi yil uchun paxta shroti (kunjara) va paxta chigiti sheluxasini ishlab chiqarish va foydalanish balanslarini shakllantirishda hisobga olish uchun Oʻzbekiston Respublikasi Iqtisodiyot vazirligiga yuboradi.

III. Paxta shroti (kunjara) va paxta chigiti sheluxasini fermer xoʻjaliklariga sotish tartibi

14. Qoraqalpogʻiston Respublikasi Vazirlar Kengashi, viloyatlar hokimliklari Oziq-ovqat sanoati korxonalari uyushmasi tomonidan taqdim etilgan fermer xoʻjaliklari reyestrini uch ish kuni mobaynida viloyat va tuman birlashmalariga, shuningdek tuman hokimliklariga yuboradi.

Keyingi tahrirga qarang.

15. Tuman birlashmalari reyestr asosida oʻn ish kuni mobaynida fermer xoʻjaliklari bilan paxta shroti (kunjara) va paxta chigiti sheluxasini sotish boʻyicha shartnomalar tuzadilar.

Shartnomalarni oʻz vaqtida tuzishni tashkil etish va ularning bajarilishi boʻyicha javobgarlik tuman qishloq va suv xoʻjaligi boʻlimlariga hamda tuman birlashmalariga yuklanadi.

Keyingi tahrirga qarang.

16. Tuman va viloyat birlashmalari Qoraqalpogʻiston Respublikasi Vazirlar Kengashi, viloyatlar hokimliklari tomonidan taqdim etilgan fermer xoʻjaliklari reyestri asosida paxta shroti (kunjarasi) va paxta chigiti sheluxasini ixtisoslashtirilgan shoxobchalar orqali naqd pulga yoki pul oʻtkazish yoʻli orqali fermer xoʻjaliklariga sotadi.

Ushbu Nizomga muvofiq ixtisoslashtirilgan shoxobchalarning fermer xoʻjaliklariga paxta shroti (kunjara) va paxta chigiti sheluxasini sotish xarajatlari bilan bogʻliq ustamasi birja narxining 7 foizidan oshmasligi kerak.

17. Ixtisoslashtirilgan shoxobchalarning rahbarlari sotilgan paxta shroti (kunjara) va paxta chigiti sheluxasi hajmlarini maxsus daftarlarda roʻyxatga oladi hamda Qoraqalpogʻiston Respublikasi Vazirlar Kengashi va viloyatlar hokimliklari tomonidan taqdim etilgan fermer xoʻjaliklari reyestri asosida ularni fermer xoʻjaliklariga sotish boʻyicha moddiy javobgar shaxslar hisoblanadi.

IV. Ushbu Nizom bajarilishi monitoringini amalga oshirish tartibi

18. Tuman birlashmalari rahbarlari fermer xoʻjaliklari boʻyicha sotilgan paxta shroti (kunjara) va paxta chigiti sheluxasi hajmlari toʻgʻrisidagi maʼlumotni har oyning 1 va 16-kunida viloyat birlashmalariga, shuningdek tuman qishloq va suv xoʻjaligi boʻlimiga hamda tuman Fermyerlar kengashiga taqdim etadilar.

Keyingi tahrirga qarang.

19. Viloyat birlashmalari tuman birlashmalari boʻyicha sotilgan paxta shroti (kunjara) va paxta chigiti sheluxasi hajmlari toʻgʻrisidagi maʼlumotni har oyning 5-kunigacha Oʻzbekiston Respublikasi Qishloq va suv xoʻjaligi vazirligiga, Oʻzbekiston Fermyerlari kengashiga va Oziq-ovqat sanoati korxonalari uyushmasiga, shuningdek Qoraqalpogʻiston Respublikasi Vazirlar Kengashiga, viloyatlar hokimliklariga taqdim etadi.

Keyingi tahrirga qarang.

V. Yakunlovchi qoidalar

20. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

21. Ushbu Nizomda nazarda tutilmagan masalalar boʻyicha yuzaga keladigan barcha nizolar va kelishmovchiliklar qonun hujjatlarida belgilangan tartibda hal etiladi.

Davlat ehtiyojlari uchun paxta xomashyosini yetkazib berish boʻyicha shartnoma majburiyatlarini bajargan fermer xoʻjaliklariga kontraktatsiya shartnomasidan ortiqcha topshirilgan paxta xomashyosini qayta ishlashdan olingan paxta shroti (kunjara) va paxta chigiti sheluxasini sotish tartibi toʻgʻrisidagi nizomga
1-ILOVA

Davlat ehtiyojlari uchun paxta xomashyosini kontraktatsiya shartnomasidan ortiqcha topshirgan fermer xoʻjaliklariga paxta shroti (kunjara) va paxta chigiti sheluxasini sotish

SXEMASI

Keyingi tahrirga qarang.

Davlat ehtiyojlari uchun paxta xomashyosini yetkazib berish boʻyicha shartnoma majburiyatlarini bajargan fermer xoʻjaliklariga kontraktatsiya shartnomasidan ortiqcha topshirilgan paxta xomashyosini qayta ishlashdan olingan paxta shroti (kunjara) va paxta chigiti sheluxasini sotish tartibi toʻgʻrisidagi nizomga
2-ILOVA

‎‎‎“TASDIQLAYMAN”		‎
‎‎_____________ tumani hokimi		‎
_______________ ‎	________________________
(imzo, muhr) ‎ ‎	‎‎(F.I.O.) ‎ ‎
‎‎‎‎20____ y. “____” _______________		‎
‎	‎	‎

‎‎_____________ viloyati (Qoraqalpogʻiston Respublikasi) _____________ tumani boʻyicha davlat ehtiyojlari uchun kontraktatsiya shartnomasidan ortiqcha paxta xomashyosi yetkazib bergan fermer xoʻjaliklari ‎REESTRI
‎	‎	‎	‎	‎	‎
‎	‎	‎	‎	‎	tonna‎
‎‏T/r ‎	Fermer xoʻjaliklari nomi‎‏ ‎	‎‎Paxta xomashyosini yetkazib berish		Kontraktatsiya shartnomasidan ortiqcha yetkazib berilgan paxta xomashyosi hajmi 4-ustun — 3-ustun) ‎‏	Shartnomadan ortiqcha yetkazib berilgan paxta xomashyosidan olingan texnik chigit hajmlari (5-ustun x 50/100) ‎‏
‎‏T/r ‎	Fermer xoʻjaliklari nomi‎‏ ‎	reja boʻyicha‎	amalda‎
1‎	2‎	3‎	4‎	5‎	6‎
‎	‎	‎	‎	‎	‎
‎	‎	‎	‎	‎	‎
‎	‎	‎	‎	‎	‎
‎	‎	‎	‎	‎	‎

___________________
Paxtani qayta ishlash tashkiloti direktori ‎

‎

_____________ tumani
‎qishloq va suv xoʻjaligi boʻlimi boshligʻi

‎

_____________ tumani
‎Fermyerlar kengashi raisi ‎‎

‎

________ ‎

_____________ ‎‎

________

_____________

_________‎

_____________‎

‎‎(imzo, muhr)

(F.I.O.)‎

(imzo, muhr)‎‎

(F.I.O.)‎‎

(imzo, muhr) ‎‎‎

(F.I.O.)‎‎

20____ y. “____” ______________

20____ y. “____” _____________

Keyingi tahrirga qarang.

Davlat ehtiyojlari uchun paxta xomashyosini yetkazib berish boʻyicha shartnoma majburiyatlarini bajargan fermer xoʻjaliklariga kontraktatsiya shartnomasidan ortiqcha topshirilgan paxta xomashyosini qayta ishlashdan olingan paxta shroti (kunjara) va paxta chigiti sheluxasini sotish tartibi toʻgʻrisidagi nizomga
3-ILOVA

‎‎‎“TASDIQLAYMAN”		‎
‎‎_____________viloyati hokimi		‎
_______________ ‎	________________________
(imzo, muhr) ‎ ‎	‎‎(F.I.O.) ‎ ‎
‎‎‎‎20____ y. “____” _______________		‎
‎	‎	‎

_____________ viloyati (Qoraqalpogʻiston Respublikasi) boʻyicha davlat ehtiyojlari uchun kontraktatsiya shartnomasidan ortiqcha paxta xomashyosi yetkazib bergan fermer xoʻjaliklari ‎REESTRI
‎	‎	‎	‎	‎	‎
‎	‎	‎	‎	‎	tonna‎
‎‏T/r ‎	Tuman va fermer xoʻjaliklari nomi	‎‎Paxta xomashyosini ‎yetkazib berish		Kontraktatsiya shartnomasidan ortiqcha yetkazib berilgan paxta xomashyosi hajmi (4-ustun – 3-ustun)	Shartnomadan ortiqcha yetkazib berilgan paxta xomashyosidan olingan texnik chigit hajmlari (5-ustun x 50/100)
‎‏T/r ‎	Tuman va fermer xoʻjaliklari nomi	reja boʻyicha‎	amalda‎
1‎	2‎	3‎	4‎	5‎	6‎
‎‎____________ tumani		‎	‎	‎	‎
1.‎	___________ f/x ‎	‎	‎	‎	‎
2.‎	‎	‎	‎	‎	‎
	‎Tuman boʻyicha jami	X‎	X‎	‎	‎
‎‎____________ tumani		‎	‎	‎	‎
1.‎	___________ f/x ‎	‎	‎	‎	‎
2.‎	‎	‎	‎	‎	‎
‎	Tuman boʻyicha jami‎	‎X	‎X	‎	‎
‎	Viloyat boʻyicha jami‎	X‎	X‎	‎	‎

“Paxtasanoat” hududiy birlashmasi rahbari

‎

___________________ viloyati
‎qishloq va suv xoʻjaligi boshqarmasi boshligʻi (Qoraqalpogʻiston Respublikasi Qishloq va suv xoʻjaligi vaziri)

‎

___________________ viloyati
‎Fermyerlar kengashi raisi

‎

________ ‎

_____________ ‎‎

________

_____________

_________‎

_____________‎

‎‎(imzo, muhr)

(F.I.O.)‎

(imzo, muhr)‎‎

(F.I.O.)‎‎

(imzo, muhr) ‎‎‎

(F.I.O.)‎‎

20____ y. “____” ______________

20____ y. “____” _____________

Keyingi tahrirga qarang.

Davlat ehtiyojlari uchun paxta xomashyosini yetkazib berish boʻyicha shartnoma majburiyatlarini bajargan fermer xoʻjaliklariga kontraktatsiya shartnomasidan ortiqcha topshirilgan paxta xomashyosini qayta ishlashdan olingan paxta shroti (kunjara) va paxta chigiti sheluxasini sotish tartibi toʻgʻrisidagi nizomga
4-ILOVA

‎‎‎“TASDIQLAYMAN”		‎
Oziq-ovqat sanoati korxonalari ‎uyushmasi raisi		‎
_______________ ‎	________________________
(imzo, muhr) ‎ ‎	‎‎(F.I.O.) ‎ ‎
‎‎‎‎20____ y. “____” _______________		‎
‎	‎	‎

‎____________ viloyati (Qoraqalpogʻiston Respublikasi) fermer xoʻjaliklariga sotish uchun moʻljallangan paxta shroti (kunjara) va paxta chigiti sheluxasi ‎ HAJMLARI
‎	‎	‎	‎	‎
T/r‎	Tuman va fermer xoʻjaliklari nomi‎	Paxta shroti (kunjara) ‎ hajmlari, tn.‎ ‎‎ (2-ilovaning ‎6-ustuni x 44,8/100)‎	Paxta chigiti sheluxasi ‎hajmlari, tn. ‎ (2-ilovaning 6-ustuni‎ x 31,7/100) ‎	Biriktirilgan ‎yogʻ-moy tashkilotlarining ‎ nomi ‎
1‎	2‎	3‎	4‎	5‎
‎‎____________________ tumani		‎	‎	‎
1.‎	________________________f/x‎	‎	‎	‎
2.‎	‎	‎	‎	‎
‎	Tuman boʻyicha jami‎	‎	‎	‎
‎‎____________________ tumani		‎	‎	‎
1.‎	________________________f/x‎	‎	‎	‎
2.‎		‎	‎	‎
‎	Tuman boʻyicha jami‎ ‎	‎	‎	‎
‎	Viloyat boʻyicha jami‎	‎	‎	‎

Keyingi tahrirga qarang.

(Oʻzbekiston Respublikasi qonun hujjatlari toʻplami, 2013-y., 32-son, 429-modda; 2015-y., 52-son, 647-modda; Qonun hujjatlari maʼlumotlari milliy bazasi, 27.12.2017-y., 09/17/1021/0465-son, 16.02.2018-y., 09/18/121/0711-son, 10.12.2018-y., 09/18/995/2287-son, 22.04.2019-y., 09/19/341/2992-son)